يحسين إجيتك محترگ . مجمر دليلي من العشگ . بعيوني شايل كربله . ومعزب بصدري السحگ
حسين .. يا اباعبدالله
----------////---------
ساجيني حزنك وانصلب شفه إعله بيبان العطش
يرسملي طولك عالترب بحوافر الخيل انفرش
اشلون ابحصيره تنجمع ماكو إعله گد طولك نعش
هم لمو من الداستـك لو ضاعن ابليل إهدعش
مابارحت حزنك يوم . ولا لاگت إعليه اهدوم
كل عمري خلص كربله . غربت بنات امدللـه
حسين .. يا اباعبدالله
--------------////-------------
كل خطوه تگضي من الدرب يتسامر بعيني الدمع
تسولفلي عنك بالسحگ راح ابسنابكهم ضلع
بعيونك مكابر عطش يالمنذبح ذبحة شمع
من ثوبي وياك استحي عريان اشوفك منصرع
يحسين ياحزن الله . مسلوب ثوبك غفله
من ثوبك المسلوب أمس . يبدي الستر يابو الشمس
حسين .. يا اباعبدالله
------------////------------
وازه السمه من عالرمح راسك يبن حيدر صعد
ابشيبته توضه العرش ولقبـلة اعيونك سجد
بس انته يحسين وچـذب يشمخ نخل عالگاع ابد
من عينك الحد عينك و مامش وره عيونك بعد
راسك بـالرمـاح ايبات . يسگي ابضواه النجمات .
بس انته بعيوني العشگ . والباقي غربة إعله الصدگ
حسين .. يا اباعبدالله
------------////-----------
من غربة اظنونك بدت كل المواسم والسفر
ليل وحزن يشرب حزن والغربة لچمات وسهر
اشما يمحل ابروحي العشگ يـزگيتي من عندك مطر
وأذكر عطش گلبك واحن والتم رذاذ إعله النحر
ماي إعله گلبك ياريت . اتبـده كون اتبديت
بلكي الله تبري من الضمه . وعيونك اتلم السمه
حسين .. يا اباعبدالله
-------------////------------
يمتد علينه افيايك ونلتم حـدر فـي العشگ
بعيوني يعرض طولك مطشر حدر خيل السحگ
ياخذني يحسين الهضم وأهجر صحبتي وأحترگ
كلما شفت ماي السبيـل إعله الدرب حيل اختنگ
عطشان وبلايه افيـاي . عمت عيني وآنه اشرب مـاي
امنومني بفاياي الخيم . ومنوم ابگلبك سهم
حسين .. يا اباعبدالله
----------///-------------
*الشاعر : حسن الترابي*

*قصدتُ حَرمَك..*
*وأتيتُ إلى مشهدِك..*
.....................
بقراءة (وارث) اشگدّ آنا أتأمل
"أتيتُ" شلون اقول وعنّك آنا ابعيد!

لگيت بليلة الجمعة إلي تفصّل
جواب العاشق اليحمل ألِف تأكيد

لأنْ في ليلة الجمعة القلب يرحل
لمعشوقه ولا يتوگّف ابتقييد

مثل طير بجناحه كربله يوصَل
وعلى الگبة ترف روحه مثل مـ يريد

وبين الحرمين احضوره يتسجّل
"أتيتُ" بعينه تتجلّى كثُر مـ يعيد

واظن هذا اليخلّي الجمعة تتمثّل
من الأعياد لنّه حسين ووصله عيد
...
::علي غريب::
٤ يونيو ٢٠٢٠

سجليني يزهراء.. سجليني يزهراء
……
خادم ابنج يالزجيه والحسن
انه حبيته وتحملت المحن
غير حب حسين ماعندي وطن
هوه نور بظلمتي يدليني
دليني يزهراء… سجليني يزهراء
… ..
من انام بكبر يدري بحالتي
ماوكف فديوم مجره دمعتي
ادري يحضر بالمصاب ودفنتي
بالتراب ابجفه ايواريني
حظريني يزهراء… سجليني يزهراء
….
مالي غير حسيني بيام العذاب
من يدفنوني وانامن عالتراب
من يجي منكر شسولف بالجواب
بلكت حسين اليجي يحاجيني
فهميني يزهراء.. سجليني يزهرا
…..
خلصت ايامي كل هاي السنين
انه مطوع فدائي للحسين
اخدم بموكب عزاء الاربعين
واحظر بكل تعزيه تدريني
واسيني يزهراء.. سجليني يزهراء
……
انه بحلامي حياتي من المسك
واهس وخاطر مصاب اتونسك
انه اعيشن من اشمن مجلسك
من تطب الزهره بيه تلكيني
نظريني يزهراء.. سجليني يزهراء
…..
اختنك يوميه لو ما شم هوه
بيه حرك اخيام والطفل نجوه
:) كوم غطي المجلس وطفي الضوه
هاي زينب وكفت تعزيني
الحكيني يزهراء… سجليني يزهراء
….
اني من غيرك اعيش بلا حياة
عندي بالمجلس كثيره الذكريات
هنانه نلطم جنه وهنانه نبات
وانه خادم ابنج اتسميني
سميني يزهراء.. سجليني يزهراء
….
انه يحسين ارد اسولفلك امر
عاشك الزنجيل ولدك عالصدر
شلون كلبه اطاه ويرفسك شمر
هاي ضربه بالكلب تاذيني
سعفيني يزهراء.. سجليني يزهراء
…… .
الشاعر علي الحاج الصبيحاوي


https://tttttt.me/joinchat/AAAAAEXfC0VL7opH-RrSfQ

اتعجَّب طبيب الجَاي مِن لِزم اِيدي
وشاف ابحرُوف حسين ينبض وَريدي

حلّلي دمّي وﮔال حـِيرتي اطوِيله
ماشِفت آنه ابيوم من هالفـَصيله !

أربـَع احروف الـﮔيت بالدم يسِيرُون
ناتِجهه (حَاء) و(سين) (يَاء) وحَرف (نون)

گتله ٱبَد لا لَـتحير واقرَه الروَايه
عن صَادق اهل البيت بيها الكِفايه :

طِينَتنه چف رَحمن اِلها استَخارَت
ومن فَضل هذا الطين شِيعتنه صارت

والهذا بالتَحليل عِندَك وِضَح زين
نُوع الفصِيله اهنا (بي زائِد حسين)

ﮔال الطبيب احسين بالطف يـِﮔولون
ﮔتلـه آنه يادكتور عَكس اليظنّـون

مادَوّر اعلى حسين بين الأمَاكن
لـَنه ابدلِيلي اوياي وبدمّي سَاكن

وي دَگة الشريان تِنبض احرُوفه
ولو ماكو إسمه الموت بعيُوني اشُوفه



............... لقمان لعيبي البدران ……………

https://telegram.me/lukmanalbadran

وفاة السيده فاطمه بنت اسد عليها السلام

*بدار الوصي حيدر علي نصبوا عزيه*

للـهـاشـمـيـه الـطـاهـره نـصـبـوا عزاهم
وارض المـديـنـه تزلزلت كـلـهـا ابچاهم
والمصطفى خـيـر الـورى ينحب معاهم
*وايـنــادي امـي فـارقـتـنـا الهاشميه*

اتـشـيعت ام الوصي فـي ضحوة انهار
واطـلـعت كــل الهاشميه اصـغـار واكبار
شالوا نـعـشـهـا بـالـجـلالـه ام لـطـهار
*لارض البقيع اولادهـا حضروا سويه*

حصـلـت ام الـمـرتـضـى تـشـيـع وتهليل
والناس من خلف النعش ادموعها تسيل
ويلي عـلـى اللي يدفنوهـا ابظلمة الليل
*والقبر مخفي مـانـعـرف ليها الزچيه*

ام الـوصـي مـعـروف يـاشـيـعـه قبـرها
لا حتى في ارض البقيـع اخفـوا اثـرها
وام الـحـسـن للحين مانـعـرف خـبـرها
*في وين سوى هالقبر حامي الحميه*

ام الـوصـي ويلي قـضـت مـاحـد لفاها
مــاحـد سـطـر خـدهـا ولا طيح ضناها
لاسـوط جـاهـا عالمتن وجـروا حـمـاها
*مثل البـتـولـه فـاطـمـه الـدره العليه*

ام الـوصـي مــاشـاهـدت تسعر النيران
في بابـهـا وبـالـدارهـا تـهـجـم العدوان
ولاحـد رفس ليها بـطـن غـادر وخوان
*لاطاحت ابنزف الـدما فـوق الوطيه*

..................................
الخادم عبدالاله علي المهناء

*نخوه نخوه ياسكينه بالحسين*

نـخـوه بللي مـن قفا نـحـره انذبح
كم موالي صـدره باهـمـومـه طفح
واللي يندبج يالكـريـمـه اشقد ربح
*ابماتمچ خـدام نـرفـع هاليدين*

ابجاه نـحـر حسـيـن هللي منقطع
والـمـثـلـث هللي مـن ظـهـره طلع
راسـه فـوق ارمـاح يـاويلي ارتفع
*بالحبال ايتامه كـلـهـا امربطين*

اسـالـچ بـلـلـي وقــع مــنّ الـمـهـر
والـشـمـر بنـعـال دايـس لـه صـدر
زيـنـب اتـشـوفـه وتصـفـق بالعشر
*وتلطم الهامه وتجر صوت الونين*

ياسكينه ابجاه صدره اللي انطحن
عـالـثـرى خــلـوه مـرمـي ابـلا كفن
مـهـجـة الـهـادي عـزيــز ام الحسن
*فوق حـر القاع محزور الوتين*

ياليتيمه عـدنـا مـرضـه ومشكلات
كـم فـرد مـيـت قـبـل يـوم الممات
وانتي بـنـت حسين يابـاب النجاة
*حاشا ماتردين بـنـت الاكرمين*

اطـلـبـچ وابـچـاه زيـنـب بـت علي
عـمـتـچ هااللـي تـقـول اتـدلـلـي
ابجاه ضييعـتـهـا هـمـومـي تنجلي
*ابجاه زينب بت امير المومنين*

اطلبچ مـن حـيـن راحـت عالهـزل
بلا محامي اتصيح و الـدمـعـه تهل
بت عـلـي واشلون مربوطه ابحبل
*والاهل فـوق الـثـرى مطّرحين*

من تـحـن زينب تفت جوف القلب
إلـهـا امـلاك الـسـمـا كـم تـنـتـحـب
غـيـرة الله اشـلـون زيـنـب تنسلب
*فرجه لبن زيـاد ويـزيـد اللعين*

ياسـكـيـنـه اطـلـبـچ حـين ادخلت
مـجـلـس الـعـدوان ويلي تـوقفـت
راس اخوهـا اسنانه يمها اتكسرت
*من عصاة الطاغي نسل الظالمين*

..................................
الخادم عبدالاله علي المهناء

*نخوه يالمذبوح ظـامي بـكـربـلا*

نخوه يالمحروم مـن شـرب الـعـذب
ياللي امـصابـك يذوّب كــل قـلـب
خــادمـك ينـخـاك ودمـوعـه تـصـب
*بــابـك الـمـعروف مـايـرد سائله*

نـخـوه يــالـمـفــرود مــابـيـن الـعـدا
شــاهــد احـبــابــه رمـيـه امـوسـده
كـم شـبـاب الشـالـه بــيــده ومـدده
*حـيـّر الاملاك صبره والملا

نــخــوه بــالـعـبـاس شــيـّال الـعـلـم
بـقـطـعـة اكــفـوفـه وراســه والسهم
اللي يـنــخــاكــم امـامـي مـا نـحـرم
*لو يمــد كـفـه ا بـطـلـب اتدلله*

نـخـوه يـالـمـذبّـوح مرمـي عـالـثـرى
والـشمـر بــا الـسـيـف نــحـره هـبـره
جــالــك الـمــهــمــوم حـالــه وانـظـره
*يــدق صــدره والـمـدامـع سايله*

نـخـوه بـالـراحـت عـلـى ظـهـر الهزل
بـلا والي اتـصـيــح ودمـعه تـهـل
يـالاخــو خــلــوك عــاري عــالــرمـل
*حادي الاضعان شمر وحرمله*

جــالـك الـمـعـلـول هـالـلـيلـه يـنـوح
مدمـع الوجنات مـولايه سفوح
والمحب عن سادته في وين يروح
*انتو اعلاجه وفرج كـل معضله*
.
كـم قـلـب مـحـروق جـالـك منفجع
لايـــذ ا بـســدك يـــاســـور الله الـمـنــع
نـظـره مـن عـنـدك تعدل كـل وضع
*ابجاه زينب بت علي عقد الولا*

..................................
الخادم عبدالاله علي المهناء

*طبت المجلس بت علي وي النساوين*
*متحيره بـيـن العدا وينك يابو حسين*

طـبـت الـمـجـلـس والاعـادي ينـظروهـا
تسمع عـدوهـا يشمـت الـزهـره وابـوهـا
وبالخيزارنه صار يـضـرب راس اخـوهـا
*كسّر ثنايا حسين بـيـده ابن الملاعين*

ثـــار الابــو واجـدادي يـازيـنـب اخـذتـه
وراس الولي المهيوب للـشـامـات جبتـه
حسج يازينب مـا نـسـمـع وانا سمعتـه
*في وين عنچ كافلج سبع الميادين*

والله عـجـيـبـه مـخـدرة بـيـت الـنـبـوه
اشسوى الدهر يامدلله ابـيـكـم اشسوى
بنت النبي وحيـدر علي ابمجلس عدوه
*من غير والي ياعلي بنت السلاطين*

مـن بعد عـزهـا تـوقـف ابمجلس اعادي
بـعد الـخـدر والـصـون مربوطه الايـادي
ويـنـك يـابـو الـشـدات ياغوث المنـادي
*امدللتكم واقـفــه وسـط الـدواويـن*

قــام النـذل وسطة المجلس صـار يفتر
يسأل عن النسوان قصده بـنـت حيدر
خيچ ذبـحــتــه والـجـسـد مـنـه تـعـفـر
*والراس جبته لمجلسي وانتي تشوفين*

بـيـده لـزم راس السبط واصـبح ايلوحـه
شاهدت راسه عيلته وتنزف اجروحه
واما ابـو البـاقـر يـونّ بـتـروح روحـه
*ينظر خـواتـه مـحـيـره ابن الميامين*

..................................
الخادم عبدالاله علي المهناء

يا صاحب الزمان

#سوالف_شوگ

دورت السمه والگاع ماصح
مثلک و جرحک
الکشی البیک مشتاگین من
چف ایدک الملحک

مشتاگین ای یحسین و
المشتاگ ماله إعلاج
لا ونسه ومتاهه وناس
التسلیک
فک الصدرک الکله إسهام
بلکی اهناک الگه مکان
تعبانین یامولای وانته أدریٰ
ابهویٰ التعبان
یعطش ینلچم یشتاگ لو یحچوله
علعطشان
عشگک مال ناس إتدور إجروح
وینذبحون لعیونک یمذبوح

وحشه الیل مدری اشلون یخلص وانه ما أقره
احس الیله یامولای جایه البیتنه الزهره

الگه ابروحی جرحی ایصیح
یا عطشان
یاعریان
یامتعوب یامسلوب
ویلمضیع إظعونه إغروب

للعشاگ یامولای هیه الدمعه مریوده
والمگضیهه یبچی إعلیک مایعرف للبروده

موش النه الفرح
یحسین موش النه
وماطول المسافه اویاک تبعدنه

وچدنه الحزن
والدمعه وماتنمل
وقرینه ابطور ذیچ الوگفت التل

تعبنه التعب مریود
الگلبه إمعلگ ابخیمه
وین الله الیحب إحسین
مثله ایموت بلهیمه


#عبد_الرباب
#احمد_الصخراوی

باقی75یوم
https://telegram.me/ninve

عالأرض صارت - باسم الكربلائي (مجالس محرم1441هـ)

*المصيبة : بين سيِّدَي الشهداء (عليهما السَّلام)*
ــ
🔸«عن ثابت بن أبي صفيّة، قال: نظر سيّد العابدين عليّ بن الحسين عليه السّلام إلى عبيد اللّه بن عبّاس بن عليّ بن أبي طالب، فاستعبر، ثمّ قال: ما من يوم أشدّ على رسول اللّه صلّى اللّه عليه و اله من يوم أحد، قتل فيه عمّه حمزة بن عبد المطّلب أسد اللّه، و أسد رسوله، و بعده يوم مؤتة قتل فيه ابن عمّه جعفر بن أبي طالب، ثمّ قال عليه السّلام: و لا يوم كيوم الحسين عليه السّلام ازدلف عليه‏ ثلاثون ألف رجل، يزعمون أنّهم من هذه الأمّة، كلّ يتقرّب إلى اللّه عزّ و جلّ بدمه، و هو باللّه يذكّرهم، فلا يتّعظون حتّى قتلوه بغيا، و ظلما، و عدوانا»(١)

🔹*أقول*:هذا الحال بين حمزة والحسين عليهما السِّلام – ولا يوم كيوم الحسين- !،أما إذا أردْت المقارنة -ولا مقارنة- بين إختَيْ الشهيدين،صفيَّة و زينب علهما السلام، «فهذه هي زينب بنت أمير المؤمنين. وهي أمّ المصائب، وكيف تماثلها امرأة ذات مصيبة، فإنّ صفيّة [عمّة النّبيّ صلّى اللّه عليه واله‏] لمّا مرّت على مصرع أخيها و رأت النّبيّ عند رأسه، و أمير المؤمنين عليه السّلام عند رجليه قوى حزمها، واستقرّ فؤادها، و أمّا زينب فإنّها لمّا مرّت على مصرع أخيها و وقفت عليه، وليس معها من حماتها و كفاتها و كهولها وشبّانها من يعزّيها، سقطت لحينها على جسد أخيها ...»(٢).


🔻*(نصاري):*
يويلي من وگع حمزه اعلى ذاريه
بعْباته النبي اتعنى يغطّيه(٣)
خايف لا تجي أخته او تصد ليه
او تشاهد حالته او چبده التخذّم..

صفيّه ابهالوضع يمها النبي چان
يواسيها او يخفّف عنها الاحزان
او زينب لو بچت بالسوط و الزان
أعاديها تجي و اعليها تلتم..

هذ ابسوط طگها او ذاك يا حيف
گصد ليها او وكزها ابغامد السِّيف
ضغاين بلگلوب اْو رايده الحيف
و إجوْا من زينب ايْطلبون هالدَّم..

عدهم ثار ظل مِنْ بدر و احْنين
اْو دمهم ما بُرَد من ذبح لحسين
أخذوا زينب لذيچ الدّواوين
عگب ما حرگوْا اِعليها المُخيَّم..
__
🔻*(أبوذية)*:
اليطلب ثار عُتبه اْو ثار شيباه
أخذ حگّه من المخضوب شيباه
لچن ليش المخيّم نار شيباه ؟!
شنو ذنب السِده امْن الفاطميّة..
ـــــ

(١) أمالي الشيخ الصّدوق٤٦٢

(٢) أسرار الشهادة للدبرندي٤٦٠

(٣)*«فألقى رسول الله صلى الله عليه وآله على حمزة بردة كانت عليه فكانت إذا مدها على رأسه بدت رجلاه وإذا مدها على رجليه بدا رأسه، فمدها على رأسه والقى على رجليه الحشيش وقال لولا أني احذر نساء بني عبد المطلب لتركته للعادية والسباع حتى يحشر يوم القيامة من بطون السباع والطير»* تفسير علي بن إبراهيم القمي١/١٢٣

https://tttttt.me/mirza_adel_ashkanani

‏مقطع صوتي من المنشد الحاج جواد علامة🎤📚

🎼فلاش شعر وجداني🎹

استشهاد الإمام علي(ع)

🎧 آداء وتسجيل وهندسة صوتية
الخطيب والرادود الحاج جواد علامة العاملي

كلمات الشاعر علي عسيلي العاملي

اللهم ارزقنا شفاعة أمير المؤمنين (ع)

استشهاد الامام الصادق ع

الهدى الناس ... الصادق بجفينه رايه
الهدى الناس ... جاء من اقصى الهدايه
شمس ... للبرية
شمس ... حيدرية
ما تموت ... ما تموت
.....
١
امن اعتله الباطل على الحق وتسيد
طلع الصادق على هيئة محمد
صوته للحق يعتلي
لا علي الا علي
الحق ظهر وياه وباب الباطل انسد

الجنه يا ناس ... اشر بجفه السخيه
الجنه يا ناس ... عن طريق الغاضريه
نفس ... الجنه هيه
شمس ... حيدريه
ما تموت ... ما تموت
.....
٢
الناظره يكله بندم يبن الاكابر
انه جاي اتعلم وما جاي اناظر
بالشجاعه وبالفكر
بني هاشم تنتصر
جوهر الله وغيرهم بس بالمظاهر

صادق الال ... وين هاي الناس عنك
صادق الال ... الما يعرفك ما يثمنك
درس ... للحميه
شمس ... حيدريه
.....
٣
انطانه نعمه الصادق بيوم الخبرنه
رحم الله الذي يحيي امرنه
وبصريح الجلمتين
صيروا خدام الحسين
عظم الله اجر خادمنه واجرنه

الصادق يكول ... المنبر يأسس مدارس
الصادق يكول ... انه احب هاي المجالس
غرس ... للقضيه
شمس ... حيدريه
.....
٤
ما يغيرونه الصدق فعله وكلامه
اسودت ايامه وبقت خظره العمامه
همه شائوا والله شاء
الجعفر الصادق بقاء
ومنهو يكدر يطفي نور امن الامامه

اليشبه حسين ... الكون موجود لوجوده
اليشبه حسين ... توكف الدنيه اعلموده
نفس ... فاطميه
شمس ... حيدريه
.....
ه
سمموا خير البشر وشلون ينسم
جعفر الصادق المثله ترابه ينشم
وبالرغم من الممات
عانق بقتله الحياة
جرحه ضل ينزف علم ما ينزف الدم

علمه ينزار ... حروفه من كدما عظيمه
علمه ينزار ... بيه عطر جفه الكريمه
اسس ... جعفريه
شمس ... حيدريه
.....
٦
بهدم كبره شحصل العاذل سؤالي
عدنه غالي الصادق وضل عدنه غالي
عالترب بس النعش
نوره واصل للعرش
كبره ناصي ابن النبي بس راسه عالي

بكبره والله ... الكبه تتمنه الزيارة
بكبره والله ... يرتفع شأن المنارة
تحس ... بيه عليه
شمس ... حيدريه
.....

#ميثاق_الحمداني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

(( ذكـــريــــات ))
ذكريات ضلت من اخواني
ذكريات هيجتهه احزاني
ذكريات...ذكريات

*@@@@********
والله عشت ايام حلوه ابعز دلالي .
اويبچي حالي بذاك وكتي لهذا حالي .
ها يدنيه بغيرهم محد صفالي .
امشي واتعذر يدنيه من خيالي .
ذكريات وينهم خواني ..
ذكريات هيجتهه احزاني ..
ذكريات....ذكريات
****@@@@********
صعبه لو گلت الغريبة يالغريبه.
اوذاك عزي ها يروحي آمنين اجيبه.
وينكم حيهم يخوتي اشهل مصيبه .
آمنين اجيب الگال يختي يالحبيبه .
ذكريات يحچي بيهه الساني ..
ذكريات هيجتهه احزاني ..
ذكريات..ذكريات
**@@@@@*********
انه أذكر بين اخوتي چنت اميره .
نظر عيني ما يصدگ من اديره .
شلون زينبهم وحيده اوتمشي أسيره.
بالبحبل مچتوفه اديه والله حيره .
ذكريات روحي هسه اتعاني ..
ذكريات هيجتهه احزاني ..
ذكريات.. ذكريات
*****@@@@*********
لو غفت عيني اومنامي چنت اذكره .
حسين من ضي الشمس خلالي ستره .
هسه لون اعبايتي من عدهه حمره .
ياگلب زينب بعدهم فاض صبره .
ذكريات والشمر يبراني ..
ذكريات هيجتهه احزاني ..
ذكريات...ذكريات
*********************
من بعد ذاك الكفل صرت الكفيلة .
شلون يرضى عالهزل تمشي العقيله.
أذكر اودمع المواجع گمت اسيله .
اوشوفت الراحو يزينب مستحيله .
ذكريات والبعد اذاني ..
ذكريات هيجتهه احزاني
ذكريات. .ذكريات
********************
ذكريات اوهيجت عندي الخواطر .
شلون اعوف حسين وحده اوعنه اسافر.
شلون اعوف الداست بصدره الحوافر .
ريت من بعد الاهل تعمه النواضر.
ذكريات اخوتي عنواني ..
ذكريات هيجتهه احزاني ..
ذكريات...ذكريات

للشاعر
#ابو عبدالله الشمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء