استشهاد الامام الصادق ع

جرحك مثل كلبك سمه ... قصة حياتك مؤلمه
هالليله مدري بيا كتر ... نصبت عزائك فاطمه
....
بين الضلع والفاجعه ... يالصادق احتار الدمع
تبجي عليك ام الحسن ... لو تبجي من كسر الضلع

تعلم بيها
وتنظر ليها
تبجي اعليك
وتبجي اعليها
تبجيلك وهذا الدمع ... يجري اعله خد المنصفع
وبرغم ضلع المنكسر ... نصبت عزائك فاطمه
....
لمصابك بفيض الدمع ... عميه العيون الما تصب
السم يكطع جبدتك ... ويكطع لفاطم كلب
الياذي العتره
ياذي الزهره
شكد بجاها
السحكوا صدره
بفكدك تنادي و تنتحب ... مسموم ابني بيا ذنب
من الجرح حد الفجر ... نصبت عزائك فاطمه
....
..
لرض البقيع اتعنتك ... لو بالكبر ضلت تهم
ندري الضلوعه تنكسر ... من المشي يضل ينلجم
بالطف تنحب
لو يم زينب
كلب الزهره
هواي تعذب
يم يا ضريح بهالدمع ... للصادق توج الشمع
هالليله يمكن بالكبر ... نصبت عزائك فاطمه
.....
حجاب النظر لو ينكشف ... ما يبقه للينظر حجي
امن نشوف دمعة فاطمه ... والله نموت امن البجي
تدمي الناظر
لبن الباقر
شحال الزهره
بيوم العاشر
بشهر المحرم من تون ... يخيم على الزهره الحزن
وبليلة الحادي خدر ... نصبت عزائك فاطمه
.......
جرحك يضل بلا شفه ... ولمصابك يضل الاثر
للزهره ما ينشف جفن ... الا بظهور المنتظر
يمتى القائم
نسمع قادم
ويمسح بيده
دمعة فاطم
يمته يرد وجه الصبح ... ويداوي بجفوفه الجرح
شهالغيبه يا راعي الأمر ... نصبت عزائك فاطمه

#ميثاق_الحمداني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

استشهاد الامام الصادق ع


ذكروني ... ذكروني
النار اعله داري محزمه ... يا فاطمه يا فاطمه
ذكروني
......
يوم امن الالام احترك ... بابي وعلتني الحسره
واتذكرت ذاك الجذع ... لمن وكع عالزهره
اهنا صحت يا فاطمه ... يا من دموعج حمره
ضلعج يمولاتي انكسر ... وانكسر ظهر العتره
يالزجيه ... يالزجيه
قصة مصابج مؤلمه ... يا فاطمه يا فاطمه
ذكروني
.....
حركوا علي داري وعِله ... عندي الحراير ونها
صبرا صحت بس فاطمه ... شافت الاكبر منها
محتاره غاد ام الحسن ... وجروحها يلجمنها
تلزم ضعلها امن الالم ... لو تلحك المحسنها
حايط وباب ... حايط وباب
وابينهن دمع ودمه ... يا فاطمه يا فاطمه
ذكروني
.....
يالزهره مو بس الضلع ... مرت ابفكري ايامه
بجتني زينب عمتي ... وصحت ولطمت الهامه
وي دارج احتركت خيم ... بطف كربله والامه
طاح الحسين وزينبه ... حركوا عليها خيامه
اه زينب ... اه يزينب
بالطف تون امن الضمه ... يا فاطمه يا فاطمه
ذكروني
.....
لحرك الخيام بكربله ... نيران تسعر بيه
يالزهره حيدر حاضرج ... وزينب بقت بس هيه
تانتكم بذاك الظهر ... وتصيح الحكوا اعليه
ضلت تتناني وايست ... حدما مشت مسبيه
يسروها ... يسروها
وتندب يحماي الحمه ... يا فاطمه يا فاطمه
ذكروني
....

ما بين بابج والخيم ... النيران كلبي تهظمه
دمعي العليكم ينهمل ... عن شامتي ماظمه
ياذيج كالولي الضلع ... اسم الله اعله ضلعج يمه
اسم الله اعله زينب باليسر ... من تثعر بكل ضلمه
بهالمصايب ... بهالمصايب
صارت حياتي مضلمه ... يا فاطمه يا فاطمه
ذكروني

#ميثاق_الحمداني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

استشهاد الامام الصادق ع

اقترب للخالق ... بالإمام الصادق
.....
الصادق بعمره ينادي اتبعوا نور العتره
يرضي رب الكون كلمن فعله يرضي الزهره
اليتبع الصادق ونوره الجنه ليه منتظره
الحمد لله الخلقني جعفري اعله الفطره

من بقايه ترابه ... وعايش اعله ثوابه
...
عاهدت صادق العتره بعهد بينه وبيني
احيوا امرنه يكول هو وانه كتله بعيني
الكمر لو صار بيساري والشمس بيميني
ما يغيرون بمساري حسين يبقه حسيني

الراد يحفظ دينه ... ما يعوف احسينه
.....
باجر بيوم القيامه كل نفس مسؤوله
بالحشر يشفع الصادق للثجيله حموله
روحي كون بهالشفاعه بالحشر مشمولة
شكدها لو كلي امامي خدمتك مقبوله

الجنه باجر داره ... الما يرد خطاره
.....
بالعلم منهو اليفكر يوصل المفهومه
الما روت من منهجيته هالبشر محرومه
بالمشارق والمغارب علمه خط ارسومه
الشمس ممكن تغيب وما تغيب اعلومه

بحر علم حروفه ... جم بحر بجروفه
.....
عالبشر جعفر الصادق جازي فضله وجاري
ربنه كال العتره نوري وموضع الاسراري
اختصارا وافتخارا للذي ما داري
الما يحب جعفر الصادق ما يحبه الباري

بحبه رافع هامه ... وخادم الخدامه

#ميثاق_الحمداني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*المصيبة : بين سيِّدَي الشهداء (عليهما السَّلام)*
ــ
🔸«عن ثابت بن أبي صفيّة، قال: نظر سيّد العابدين عليّ بن الحسين عليه السّلام إلى عبيد اللّه بن عبّاس بن عليّ بن أبي طالب، فاستعبر، ثمّ قال: ما من يوم أشدّ على رسول اللّه صلّى اللّه عليه و اله من يوم أحد، قتل فيه عمّه حمزة بن عبد المطّلب أسد اللّه، و أسد رسوله، و بعده يوم مؤتة قتل فيه ابن عمّه جعفر بن أبي طالب، ثمّ قال عليه السّلام: و لا يوم كيوم الحسين عليه السّلام ازدلف عليه‏ ثلاثون ألف رجل، يزعمون أنّهم من هذه الأمّة، كلّ يتقرّب إلى اللّه عزّ و جلّ بدمه، و هو باللّه يذكّرهم، فلا يتّعظون حتّى قتلوه بغيا، و ظلما، و عدوانا»(١)

🔹*أقول*:هذا الحال بين حمزة والحسين عليهما السِّلام – ولا يوم كيوم الحسين- !،أما إذا أردْت المقارنة -ولا مقارنة- بين إختَيْ الشهيدين،صفيَّة و زينب علهما السلام، «فهذه هي زينب بنت أمير المؤمنين. وهي أمّ المصائب، وكيف تماثلها امرأة ذات مصيبة، فإنّ صفيّة [عمّة النّبيّ صلّى اللّه عليه واله‏] لمّا مرّت على مصرع أخيها و رأت النّبيّ عند رأسه، و أمير المؤمنين عليه السّلام عند رجليه قوى حزمها، واستقرّ فؤادها، و أمّا زينب فإنّها لمّا مرّت على مصرع أخيها و وقفت عليه، وليس معها من حماتها و كفاتها و كهولها وشبّانها من يعزّيها، سقطت لحينها على جسد أخيها ...»(٢).


🔻*(نصاري):*
يويلي من وگع حمزه اعلى ذاريه
بعْباته النبي اتعنى يغطّيه(٣)
خايف لا تجي أخته او تصد ليه
او تشاهد حالته او چبده التخذّم..

صفيّه ابهالوضع يمها النبي چان
يواسيها او يخفّف عنها الاحزان
او زينب لو بچت بالسوط و الزان
أعاديها تجي و اعليها تلتم..

هذ ابسوط طگها او ذاك يا حيف
گصد ليها او وكزها ابغامد السِّيف
ضغاين بلگلوب اْو رايده الحيف
و إجوْا من زينب ايْطلبون هالدَّم..

عدهم ثار ظل مِنْ بدر و احْنين
اْو دمهم ما بُرَد من ذبح لحسين
أخذوا زينب لذيچ الدّواوين
عگب ما حرگوْا اِعليها المُخيَّم..
__
🔻*(أبوذية)*:
اليطلب ثار عُتبه اْو ثار شيباه
أخذ حگّه من المخضوب شيباه
لچن ليش المخيّم نار شيباه ؟!
شنو ذنب السِده امْن الفاطميّة..
ـــــ

(١) أمالي الشيخ الصّدوق٤٦٢

(٢) أسرار الشهادة للدبرندي٤٦٠

(٣)*«فألقى رسول الله صلى الله عليه وآله على حمزة بردة كانت عليه فكانت إذا مدها على رأسه بدت رجلاه وإذا مدها على رجليه بدا رأسه، فمدها على رأسه والقى على رجليه الحشيش وقال لولا أني احذر نساء بني عبد المطلب لتركته للعادية والسباع حتى يحشر يوم القيامة من بطون السباع والطير»* تفسير علي بن إبراهيم القمي١/١٢٣

https://tttttt.me/mirza_adel_ashkanani

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★والله اني لأحب ريحكم وأرواحكم وانكم لعلى دين الله★وما الكبائر؟ قال: هي في كتاب الله على سبع، قلنا: فعدها علينا جعلنا الله فداك★*

عن ميسر عن أبي جعفر عليه السلام قال: كنت أنا وعلقمة الحضرمي وأبو حسان العجلي وعبد الله بن عجلان ننتظر أبا جعفر عليه السلام، فخرج علينا فقال: مرحبا واهلا، والله اني لأحب ريحكم وأرواحكم وانكم لعلى دين الله، فقال علقمة: فمن كان على دين الله تشهد أنه من أهل الجنة؟ قال: فمكث هنيهة قال: نوروا أنفسكم فإن لم تكونوا اقترفتم الكبائر فانا أشهد، قلنا: وما الكبائر؟ قال: هي في كتاب الله على سبع، قلنا: فعدها علينا جعلنا الله فداك قال: الشرك بالله العظيم، وأكل مال اليتيم، وأكل الربوا بعد البينة، وعقوق الوالدين، والفرار من الزحف وقتل المؤمن، وقذف المحصنة قلنا: ما منا أحد أصاب من هذه شيئا قال: فأنتم إذا.

*√ تفسير العياشي للمحدث الجليل أبي النظر محمد بن مسعود بن عياش السلمي السمرقندي المعروف بالعياشي رضوان الله عليه الجزء۱ صفحة۲۳۷√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

*حال الزائر المشتاق للزيارة*
وزن البحر الطويل / يقرا بعدة الحان
مشتاگ الگلب يا حسين لو بيدي اجي يمّك
وبمصابك يبو اليمه أواسي فاطمة أمك
تگلي يا هلا ومرحب
من الگاع وتجي تلمّك
تطيح بابه تتعفّر
وتسمع ونّتك تنحب
〰️〰️〰️〰️
يالزاير تعال وشوف صحن حسين وطفوفه
لا ناعي ولا لاطم ولا موكب يجي يِطُوْفَه
بس تگصدله الزهره
بونّه وعبره مذروفه
تزور المرقد الخالي
واملاك السما تندب
〰️〰️〰️〰️
*اسمع ايها الموالي الزهراء ع تدعو لشيعتها ان يعيد الله عليهم زيارة الحسين ع*😭 تگله
الزهره تقسم بعباس
وترفع بالدعا الكفين
يا رب اكشف البلوى
ولِم شمل الغريب حسين
ويّ زوّاره واحبابه
وعليهم تمّم ٱلاربعين
ارزقهم عاشر محرم
خدم لحسين بالموكب
〰️〰️〰️〰️
لعاشور الحزن وفّق كل ناعي وكل خادم
خلهم لينه يتعنوا وكلمن عالصدر لاطم
يعزوني بمصاب حسين ويعزوا حضرة القائم
وفّقهم يجو هالعام لخاطر دمعة من زينب
خادمة آل محمد✍🏻

إجَتْ أمِّ الْبِنينِ تْنوحْ دِخِيلَكْ لا تِفارِگْنه

يَسِرِّ لْمَحَّدِ يْعُرْفه عَلي يا مِحْوَرِ الْأفْلاكْ
إسْمَكْ بِالْعَرِشْ مَكْتوبْ غِدَه تَسْبيحَةِ الْأمْلاكْ
يَروحِ الْمُصْطفى الْمُخْتارْ ما أَحْمِلْ أَلَمْ فَرْگاكْ
عَلِيكِ بْفاطِمه الزَّهْره فُكْ عِينَكْ يا والينه

أشوفَكْ نايِمِ گْبالي راسَكْ صابِته الطَّبْره
وَحَگْ عِشْرَتْنه يا مَوْلايْ دِليلي مِسْتِعِرْ حَسْره
مِنو يْباري بَعَدْ عِيناكْ يِتيمِ وْأرْمَله وْفُقْره
مُو وَكْتِ السَّفَرْ خَلِّيكْ حَبيبي لا تِيَتِّمْنه

طَلَبْ عِنْدي تِسامِحْني تَراني قَصَّرِتْ وَيَّاكْ
عَهَدْ يا سَلْوِتي بْدِنْيايْ على طُولِ الزَّمَنْ أنْعاكْ
وَاخَلّي صُورِتَكْ بِالْعِينْ وَامُوتَنْ بَسْ عَلى ذِكْراكْ
وَاتاني ساعَةِ الْمَلْگه يِمَنْ فَگْدكْ يِعَذِّبْنه

الشاعر حسن خنافر العاملي

أقول لصاحب العصر والزمان (عج):

عزيزٌ عليها أن تطيب المشاعرُ
وأن يتهنّى في غيابك ناظرُ

عزيزٌ على جفني إذا ضمه الدجى
ينامُ،ومنك الجفنُ كالنجم ساهرُ

وأيُّ عتابٍ مذ دعتك مدامعي؟!
وأدمى الصدى ثغري وبُحّت حناجرُ

وأرسلت أحوالي بمرقال شوقها
على متن أشعاري،فجفت محابرُ

فلا طللٌ أبكي عليه ولا هوى
ولكن فؤاد ٌ قال:إنيّ حائرُ

فكم وطنٍ أضحى غريبا ببينه
وكم أسيرٍ في وصالك آسرُ؟

مصابٌ له الأعلون تهمي بغيثها
ولكن محبٌّ في هواك يُكابرُ

لفرط دنوّ الأرض جورا بأهلها
فمخلُصها يُنفى ويُرفع كافرُ

وإنّ الشفاه الظاميات شواهدٌ
ويشهد صدر هشّمته الحوافرُ

وكفّان طاحت فوق رمضاء نينوى
وصعدةُ مجدٍ مذ علتها المناحرُ

لذاك شددتُ الصوت ملئ حناجري
وأيّ سكوتٍ!!! إن عيوني تجاهرُ

ويبدي الجوى منّي دعاءٌ لندبةٍ
وعهدٌ لعمر المؤمنين يشاطرُ

وإن كان بيني منك يكسرُ خاطرا
فوالله منّي ترتجيك الخواطرُ

فخذها حرام أن يكسّر جنحُها
خصوصا لأن القلب منيّ طائرُ

يسافرُ في معناك يرجو عنايةً
ومن ذا يعاني لو إليك يسافرُ

أيا وطنا أحنى عليّ بعطفه
إذا جار دهرٌ أو تعاند آخرُ

يصلي عليك الشوقُ أمنا ولوعة
فأمنٌ لجسمٍ عانقته المخاطرُ

ولوعةُ من وصالا كان وليدها
ولكن لفرط الليل فيها،،لعاقرُ

فهذا قصيدي يرتجيك مناديا
أغثني إذا ما تحتويني الحفائرُ

وأخرج فؤادي من ظلام لحوده
فغائبُ قد أضحى وإنكّ ظاهرُ

تمت بحمد الله وعونه : 31/3/2020

ّ

ابوذيات

آنه البالصبر ضَاوي تره سْماي
واخت عباس سمُّوني تره سماي
من چبد السمه ابجِربه ترس ماي
وسگاه للكون مخلوط بحَميه
*
حِلَفت ادرُوب يسرِي مَنعَه بيها
لأن عِندي الجَلادَه مَنعَه بيها
صِدگ جَمـْر ايتطَايَر مِن عبيها
الفوَاطم لَـچَـن ذلت آل اميّه
*
يجَاري المَاي بالله مُر عَله حسين
ولَوَن ابطِيب تگصِد مُر عَله حسين
الدهَر ياحَيف أصبَح مُر عَله حسين
ومِثل طَعم العَسَل وَي آل اميَّه
*
أمُر اعلَه اِخوِتي صَرعَه شَمر ها
ورُوحي الدَهر عَن جسمِي شمرها
ضِـرَبني الظالم وﮔِـتله شمر ها
شِفت عباس مَاهو وعِلت بيه
*
وَحگ طُولي الگبل فد يوم مَنشاف
اوّحگ دَمعي العَلى الوَجنات مَنشاف
صِرت من العَذاب اخيَال مَنشاف
استَدلّوا بالونين اهلي عَليه
*
الصبر عصَّاة زينب ماسكتها
مشَت وايد الجلاله ماسكتها
حچه وهدّد يزيد وماسكتها
وعليه گلبَت الدنيه الهاشميه
*
عطشان ونَفس روحي هُوه الماي
وأحِس جاني ابَّرد يسحر هوه الماي
شُمرته وشفته من ايدي هوه الماي
وگلت ماضوگه دون ابن الزچيه
*
مثل صفين صارت كربلاها
ابزود الما جِزع من كرب الها
اچفوفه بيوم طاحت كر بلاها
وبالخزرات طيح خمسميه
*
حسين الفِـدَه ابدَمـَّـه يامَا دِينـه
الدَهر مِن عِنده خلّص ياما دينـه
إجَـت عَايلـته تصَـرَخ يامـدينه
ﮔومي استَـقبلي اَيتام الزﭼيه
-----------------------------------
لقمان لعيبي البدران
https://telegram.me/lukmanalbadran

*[ بعد تقصيري ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري
ذاكر: سيد مهدي البكاء

https://youtu.be/EmrDIbvO-dY

مجالس ليالي شهر شوال لسنة 1441 هـ - 2020 م
ليالي ذكرى هدم قبور أئمة البقيع صلوات الله عليهم
خيمة أحزان الهواشم
هيئة الحسن المجتبى عليه السلام - العراق - الديوانية

مونتاج: احسان القره غولي
مكساج: سجاد الهيفي
النشر الشبكي: علاء بركات العاملي
تنفيذ: الرتاج ميديا للانتاج الحسيني

في رثاء الامام جعفر الصادق عليه السلام

جعفر الصادق نور بارينه
لدرب العدل والخير يهدينه
الشيعي الحقيقي يتبع اخلاقه
بفعله وكلامه يكون مصداقه
..............

الصادق.. سابق.. كل البشر بعلومه وفضاله
وصفي.. يكفي.. لا والله نقطه ابحر افعاله
علمه.. وفهمه.. من اللذي جبريل اوحاله
جده .. وبعده.. جعفر الصادق سادس ارجاله

أسس مدارس جعفر بفكره
وسّع علوم المصطفى بأمره
واللي يوفي وياه بميثاقه
بفعله وكلامه يكون مصداقه
..................

طاهر .. صابر.. سادس امام الخالق اختاره
مهدي.. يهدي .. بكل العلوم تفوق افكاره
باعث.. وارث .. منّ الامام الباقر انواره
زاهد .. عابد .. چم عالم المتخرج بداره

جعفر الصادق شاعت علومه
يشبه مُحمّد جده برسومه
والرايـــد يوقعـــــــله بوراقه
بفعله وكلامه يكون مصداقه
..................

گلبه .. لربّه .. ماكو بتقات الصادق وصدقه
المرصد .. يشهد.. هوه بزمانه الاعلم واتقه
الدرسو .. عجزو .. يم رتبته محّد گدر يرقه
حقّق .. وثّق .. كل العلوم السامية بدقّه

خافوا بني العباس من اسمه
يهدم حكمهم لو بقه بعلمه
الرايد يفوز ويفهم آفاقه
بفعله وكلامه يكون مصداقه
..................

تعدّه .. بحقده .. المنصور اذّه الصادق وسمه
تألّم .. بالسّم .. چبده انمرد وتوزع ابدمه
لگبره .. بعبره .. ياويلي شالوا بالنعش جسمه
موسى .. بنفسه .. واره الامام وظل يون يمه

مسموم مات وفارگ احبابه
واجب علينا نذكر مصابه
والگال روحي لشوفه مشتاقه
بفعله وكلامه يكون مصداقه
..................

تشيّع .. تودّع .. جعفر الصادق من ختم عمره
ابنه .. يدفنه .. مو مثل جده حسين عالغبره
دامي .. ضامي .. بلا دفن ويلي ومنگطع نحره
عاري .. بذاري .. بالخيل ياويلي انهشم صدره

هذا الحبيب الغالية انفاسه
شمر الخنا شال برمح راسه
اليرضي الحُسين يكون انفاقه
بفعله وكلامه يكون مصداقه

#سيد زيد الفحام

__________________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

وحشة...ليلة الفاكد خليله
وحشة...يا جفن لاتشتكيله
ضالم ومضلوم والضلم ميدوم
يا جفن لاتشتكيله
............................................
ياجفن كف مدمعك لا تجرح احساسه
اليحب من طبعه يعتب لو فكد ناســـه
الليلة شمس العتره بالسم غابت انفاسه
الليلة معراج البلاغة ايشيع احساســـه
وحده...الصادق ولا من يحضره
وحده...والصبر ناح اعله صبره
بالغدر مسموم والضلم ميدوم
يا جفن لاتشتكيله
..........................
صادق العترة الكضت ايام عمـــره
نوح واعتاب وجرح الله اليصبــــره
جان من صبره الصبر يخجل يعذره
خلص عمره وما كدر يوصل الكدره
ويلي...كطُعوا بالسم جبدتـــه
ويلي...ما تحضر اهله دفنته
امن الاهل محروم والضلم ميدوم
يا جفن لاتشتكيله
...................................
انهدم ركن الأمامة ودَمعتة بخـــــــده
ينعه جرح الغاضريه وما برد بعـــده
مثل جده حسين بالطف من بقه وحده
الصادق بلايا مناصر كولشي ماعنـده
دمعة...من دم يسيل الغربته
دمعة...يواسي العقيلة عمتة
عالخيام ايحوم والضلم ميدوم
يا جفن لاتشتكيله
..........................................
عالم الصادق ولا وصلوا مكانه
من أمام الحد أمام أصله وكيانـه
نشر علم آل النبي بعزة وأمانــه
مرجع وثابت يضل لاهل الديانه
ثورة...ثورة فكر لاهل الفكر
ثورة...بكل فتوه لازم ينذكر
منهجه مرسوم والضلم ميدوم
يا جفن لاتشتكيله
.................................
بالبقيع الصادق وما واحد ايــــــزوره
والتحرسه اولاد أميه واهله محضوره
شيعتة كل عام تنوي وترد مــــكسوره
يا ألهي المهدي يمته اتعجل اضهوره
يمته...نوصل ونبني مرقده
يمته...نمشي وعهدنه انجدده
ننتضر يا يوم والضلم ميدوم
يا جفن لاتشتكيه
..........................................
خادم خدمة الحسين
الشاعر
#محمد الموالي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أنا على دين النبي
.....

آني قبل الكعبه كعبه بداخلي
آني حمزه وبالحرب اشبه علي
آنه من طگيت خد الجاهلي

يعني حُسيني مذهبي
أنا على دين النبي

....
أبعصرة الزهراء لو حاضر چنت
چان من حيدر أمامي أستاذنت
وچـا فنيت الكــون كله وزلزلت

أَنه عدو للناصبي
أنا على دين النبي
.....
آمنت بالله ماعابد صنم
گبل يوم الطف افكر بالخيم
آنه گبل احسين ضربوني إبسهم

يشهد التل الزيني
أنا على دين النبي
.....
آنه لو موجود في هذا العصر
للامام المهدي چا صرت الخضر
الجية المحبوب أتاني وأَنتضر

ياربي حقق مطلبي
أنا على دين النبي
.....
آنه بالغابه بالغابه يسموني السبع
ابصـــدري شايل يامحمد مو درع
ربعي آل البيت ماعندي ربع

فداهم أمي وأبي
أنا على دين النب
....
آنه سويت الرسول الله الحشد
گاطع اجذور النواصب مو ورد
مايهم خل تاكل إبچبدي هند

بالجنه نصبو موكبي
أنا على دين النبي


محمد الجماسي

هلال عاشوراء ( ١ محرم )

هلَّ سيفٌ أم هِـلالٌ --- دامياً بين النجـوم
هلَّ فأنهلَّت جِراحي --- نَزفُها يُجري الهموم
آهُ يا عاشورُ هلاّ --- فيكَ حُزني قد تجلاّ
●•••••●•••••●•••••●●•••••●
أفِق يا جُـرحَ آلامي و لَوِنْ جَفـنَ أحـزاني
أرى دمي مع دَمعي نَزيفٌ يَروي أشجاني
أرى سيفاً عـلا شُهباً و سَـلَّ الهَـمَُ وجداني
هِـلالٌ هذا أم حَـدٌ فرا بالقَهـرِ شـريـانـي

قـد أفاقت ذكرياتـي --- بالنـِياحِ و الحَنين
وأنبرى نَصلُ الشُجونِ --- يَفري روحي بالأنين
سَيفُ ظُلمٍ فينا سَلاّ --- فيك حزني قد تجلاّ
●•••••●•••••●•••••●●•••••●
ألا يا ناذرَ الضَيـمِ كفى مـا نـالَ آمـاقـي
فحَيفُ الدَمعِ أضناني وشَبَّ الرُزءُ أعماقي
ألا و الوَيلُ يَلويـني يَجِـدُّ بسَـيلِ أحداقـي
أراكَ سَمَـوتَ بالنَوحِ و لاحَت آهُ أشـداقـي

أيُّـهـا الـمُقـبلُ فـينـا --- بـشـعـارٍ للـبَـلاء
كُلُّ يومٍ فهو عاشِر --- كُلُّ أرضٍ كربلاء
كيفَ ننسى نحنُ كلا --- فيك حزني قد تجلا
●•••••●•••••●•••••●●•••••●
تـُرى ماذا تُحـيـينـي بنَـدبٍ أم بلـوعـاتِ
بعيني أرمقُ الـدُنـيا إذا صِـرتَ لـهـا آتـي
أرى الأكدارَ قد صارت ليالٍ و الأسى عاتي
بـبحرِ البُؤسِ ترميني أُعـاني مـوجَ آهـاتي

فيكَ طُفانُ الرزايا --- يَجري من تِلكَ الدِماء
وعلى نعشِ المنايا --- أبحَـرت روحُ الإبـاء
يا لخطبٍ فينا حلاّ --- فيك حزني قد تجلا
●•••••●•••••●•••••●●•••••●
ألا يا سامـِرَ اللَـيلِ بنعي الآلِ و الرَكـبِ
سَهِـرتُ على ترانـيمٍ لنَجـمٍ أنَّ مـن خَطبِ
فبُحتُ إليكَ بالشكوى و نارٌ في جوى القَلبِ
و ليلُ الصَبرِقد أصدى لنا و أنهارَ من عتبِ

لَيلُ أوصابي بَهيمٌ --- لـيـسَ يـَتلـوهُ صبـاح
و لِيَ النَجمُ أنيسٌ --- يُصدي أوجاع الجِراح
من عِتابي لن يَملاّ --- فيك حزني قد تجلا
●•••••●•••••●•••••●●•••••●
أرى طَيفَ الإبا نوراً تَجـلاّ في ثَنايـاكَ
أرى الإصرارَ إيثاراً يُطِلُّ على مُحياكَ
ارى الإقدامَ عُنواناً يُشيعُ هُدىً بلُقيـاكَ
أرى الإسلامُ حَياكَ سلاماً حينَ ذِكراكَ

فيكَ مَجدٌ أردى بَغياً --- صارَ للحَقِّ مُعين
و سنـاهُ شَـعَّ نوراً --- و هُـدىً للثـائرين
عَرشُ سُفيانَ إضمحلا --- فيك حزني قد تجلا
●•••••●•••••●•••••●●•••••●
حُسينٌ فـيكً نَحيـاهُ و عـاشوراءَ نَحياهـا
دِماءُ الطُهرِ قد أحيَت ضميراً صاغَ معناها
فـكُـلُّ دُمـوعِ ولـهانٍ و دَمٍّ سـالَ يَتلاهـا
فدتها روحُ مَظلومٍ و روحي تَروحُ فَدواها

كُلُّ شِريانٍ و نبضٍ --- فينا قد صاحَ حُسين
واغـريبـاً واذبـيحـاً --- راحَ عُطشاناً حزين
فَلَهُ الأبابُ ثكلا --- فيك حزني قد تجلا
●•••••●•••••●•••••●●•••••●
الشاعر : أبو شهيد الأحسائي
---------------------------
*لا يجوز و محاسب شرعاً حذف او تغيير التوقيع*
https://telegram.me/joinchat/CgjqLUETxaGx5Fdb-1LpBA
---------------------------

((هلال محرم الحرام))

بالسما الناعي أذَّن أوجاعي
بَيَّن هلال الألم و سيف الرزيَّه
جمره بأضلاعي صرخة الداعي
آه يَحسين و مُصابه شهالأسِيَّه
دمعي ظل هامي و الگلب دامي
ينبض أحزان و غصص لإبن الزچيَّه
و العُلا حَزَّن كل نَجم و أعلن
يعلن امحرَّم من سواد البَلِيَّه
هَلَّت أشجانه حسين عنوانه
و النوايح تعتلي صبح و مسيِّه
كم قلم شاعر وي نَفَس ثائر
ع المنابر تلتهج كلها سويَّه
و فاطمه الراعي لمأتمه و داعي
●•••••●•••••●•••••●●•••••●
أنوىٰ عالمَسرىٰ و الگلب جمره
يم گبر أُمه سچب دمعة وداعه
و للنبي جده يشتكي عنده
أُمته و دينه الذي ينادي بضياعه
و هَوَمَت عينه بتالي ونينه
وشاهد الهادي لفىٰ يَمَّه الساعه
و صاح إله ضمني و بالگبر خذني
هالدهر يا جدي سدد أوجاعه
و النبي ضَمّه و صاح إله يكلمه
يا حبيبي للصبر إنته و الطاعه
و العلي خَصَّك و للهُدىٰ نَصَّك
و بالعُلا لك منزله و أعظم شفاعه
إنهض بأمره و ادعي للنُصره
●•••••●•••••●•••••●●•••••●
يل حِمَل أهله يلبي للمِلَّه
رَيضو بأظعان الحزن عِدكم عليله
ترتجي بيكم هَلْ إجَت ليكم
اخذوها ويّاكم ترىٰ صارت نحيله
بالمشي تِعثَر يا أبو الأكبر
و تنتخي بعمها البطل و ساعه العقيله
لا تخلوني وياكم اخذوني
إلمن أبگىٰ بالوطن ما لَيَّه حيله
و لو غصب أبگىٰ وحدي بالحرگه
سفرتك بويه عسىٰ ماهي طويله
و خويه عبدالله يالأبو خَلَّه
خلني بوجوده أحس ظل عندي عيله
وياه أتسَلّىٰ و أبرىٰ من عِلَّه
●•••••●•••••●•••••●●•••••●
حَطَّت أظعانه بكربلا اوطانه
و نصبو اخيام الإبا بهاي الوطيَّه
و حوله انصاره ترفع شعاره
إلنا هيهات و نذل لعلوج أُميَّه
إحنا انصارك و ثارنا ثارك
و حَگنا بالحومه نِجن بوجه المنيَّه
عابس إحنا و جون و خلهم ايعرفون
ما نهاب الموزمه و جيش الدعيَّه
والله نفنيهم وما نخليهم
نخلّي گاع المرجله حمره و دميَّه
و لو ألف مرَّه كل فرد نحره
يحزَّه سيف الطاغيه نرجع سَويَّه
إنته مولانه و عهدك ويانه
●•••••●•••••●•••••●●•••••●
أظلم العاشر و النجم غاير
و الشمس ضَيها خِبا بغيم المصيبه
ودّع اعياله بعبره هَمّاله
وصّىٰ بأطفاله و هَلَه إخته الحبيبه
و أنوىٰ عالحومه قاصد ليومه
وي رضيعه شايله يطفي لهيبه
الله يا فجعه و نايبه البشعه
بالمثلث حرمله لطفله يجيبه
هالحجر صكَّه بهامته و شَگَّه
و شيبته متخضِّبه ادمومه صبيبه
و السهم صابه و چبده لهّابه
و ما طلع إلا و شِلَع چبده بنحيبه
عالتُرب عافر و داسه چم حافر
●•••••●•••••●•••••●●•••••●
عالصدر جاثم ويلي هالظالم
و ينحر بسيفه وسف نحر المُحامي
و زينب بحسره تنادي متفطره
يا شمر تذبح بعد خويه أمامي
تشوفه محتاسه ع الرمح راسه
ما شرب گطره وسف مذبوح ظامي
و الخيم وَجَّت و الحرم ضَجَّت
فَزَّت و خِدر إنسلب واليها دامي
و زينب لعباس بعالي الأنفاس
تنادي ياخويه إنتهض و اطفي ضرامي
لعدى سبيونا ترضىٰ يا خونا
من نِمِت عالمشرعه ضاعت أحلامي
هالسَفَر هاضم و للظهر قاصم
●•••••●•••••●•••••●●•••••●
الشاعر : أبوشهيد الأحسائي
السبت ١٤٣٦/١٢/٢٦هـ
---------------------------
*لا يجوز و محاسب شرعاً حذف او تغيير التوقيع*
https://telegram.me/joinchat/CgjqLUETxaGx5Fdb-1LpBA
---------------------------