ҚР Сыртқы істер министрлігі мен ҚМГ инвестиция тарту мәселелерін талқылады

🗣Қазақстан Республикасы Сыртқы істер министрі Ермек Көшербаев пен «ҚазМұнайГаз» ҰК АҚ Басқарма төрағасы Асхат Хасеновтің кездесуі өтті.

🟦Кездесу барысында Қазақстанның көмірсутек экспортының бағыттарын дамыту, отандық энергетика саласына шетелдік инвестициялар мен озық технологияларды тарту, сондай-ақ жобаларды халықаралық компаниялардың қатысуымен іске асыру мәселелері бойынша еліміздің сыртқы саяси ведомствосы мен ҚМГ арасындағы өзара іс-қимылды нығайту мәселелері талқыланды.

🟦А.Хасенов ҚР Сыртқы істер министрлігіне ұлттық мұнай-газ компаниясының мүддесін шетелде ілгерілетуге жан-жақты қолдау көрсетіп жатқаны үшін алғыс білдірді.

📱 ҚазМұнайГаз

ҚМГ басшысы Маңғыстау облысындағы еншілес кәсіпорындармен өндіріс мәселелеріне қатысты жиын өткізді

🗣«ҚазМұнайГаз» ҰК АҚ Басқарма төрағасы Асхат Хасенов Маңғыстау облысына жұмыс сапары барысында кен орындарды игеру тиімділігін арттыру бағытында қабылданып жатқан шаралар бойынша еншілес кәсіпорындар басшыларының есептерін тыңдады.

◾️2025 жылдың қорытындысы бойынша жедел деректерге сәйкес «Өзенмұнайгаз» АҚ (ӨМГ), «Маңғыстаумұнайгаз» АҚ (ММГ) және «Қаражанбасмұнай» АҚ-да (ҚБМ) мұнай өндіру көлемі 13,3 млн тоннаны құрады (оның ішінде: ӨМГ — 5,1 млн тонна, ММГ — 6,1 млн тонна, ҚБМ — 2,1 млн тонна).

⚙️ ӨМГ ұңғымалардың жөндеусіз жұмыс істеу кезеңін ұлғайту мақсатында жерүсті инфрақұрылымы мен жерасты жабдықтарын жаңғырту бойынша жүйелі жұмыстар жүргізуде. Сонымен қатар ӨМГ-ға мұнай өндіру көлемін ұлғайту үшін суландыруды басқару мен жаңа технологияларды енгізу міндеті қойылды, себебі Өзен және Қарамандыбас кен орындары ескі және игерудің соңғы сатысында тұр.

🔎 ММГ Жетібай тобының спутниктік кен орындарын игеру тиімділігін арттыру тұжырымдамасын ұсынды. Биыл жекелеген кен орындардың геологиялық құрылымын нақтылау үшін дәлдігі жоғары 3D сейсмикалық барлау жұмыстарын жүргізу қарастырылған.

📌ҚБМ Қаражанбас кен орнының жағалау аймағын игеру жоспарлары, жүргізілген сейсмикалық барлау жұмыстарының нәтижелерін баяндады. Бұл іс-шаралар қорларды толықтыруға, мұнай өндіру көлемін ұлғайтуға бағытталған.

💻Жиында «Сапарларды басқару», өндірістік қауіпсіздіктің «TUMAR» және электронды наряд-рұқсаттар жүйесін қоса алғанда, ҚМГ еншілес кәсіпорындарында жасанды интеллектіні қолданып цифрлық шешімдерді енгізуге қатысты мәселелер жеке қаралды. Бұған қоса жұмыс істеп тұрған кен орындарының цифрлық көшірмесі жасалады деп жоспарланып отыр.

🏭«Қазақ газ өңдеу зауыты» ЖШС 2025 жылы 856,4 млн м³ шикі газды өңдеп, нәтижесінде 711,2 млн м³ тауарлық газ, 204 мың тонна сұйытылған мұнай газын және 55,4 мың тонна пентан-гексан фракциясын өндірді.

🟦Сондай-ақ жиын барысында Жаңаөзенде салынып жатқан жаңа газ өңдеу зауыты құрылысының қазіргі жай-күйі талқыланды. Жоба Мемлекет басшысының тікелей тапсырмасы бойынша іске асырылуда және жылына 900 млн текше метрге дейін табиғи мен ілеспе газды өңдеуге қауқарлы заманауи өндірістік кешен құруды көздейді.

📱 ҚазМұнайГаз

Балалар үшін жаңа мүмкіндіктер: ҚазМұнайГаз Жаңаөзенде Оқушылар сарайын салып берді

📍Жаңаөзен қаласында заманауи үлгідегі Оқушылар сарайы ашылды. Қала үшін маңызы бар жоба Маңғыстау облысын әлеуметтік-экономикалық дамытудың кешенді жоспары аясында жүзеге асырылды.

🗣Салтанатты ашылу рәсіміне Маңғыстау облысының әкімі Нұрдәулет Қилыбай, «ҚазМұнайГаз» ҰК АҚ Басқарма төрағасы Асхат Хасенов, «Самұрық-Қазына» АҚ Стратегия және активтерді басқару жөніндегі тең басқарушы директоры Бахытжан Таубаев, Жаңаөзен қалалық мәслихатының депутаттары, педагогикалық еңбек ардагерлері және қала тұрғындары қатысты.

📚Болашақ сарайы балалар мен жасөспірімдерге шығармашылық, ғылым және спорт саласында жаңа мүмкіндіктер ашады. Ғимаратта робот техникасы, бағдарлама жасақтау, 2D/3D модельдеу, шет тілдері, киім дизайны және қолөнер, шахмат, вокал, сондай-ақ классикалық және халық аспаптарын үйрену кабинеттері жабдықталған.

🟦Бұған қоса, жаңартылатын энергия көздері, қолданбалы және жаратылыстану ғылымдарына баулитын зертханалар, бейнелеу өнері студиясы, хореографияны, актерлік шеберлікті, журналистиканы меңгеруге арналған телестудиясы мен ағаш шеберханалары жұмыс жасайтын болады.

🟦Орталық жоғары технологиялық құралдармен, компьютерлік техникалармен және қажетті заттармен жарақтандырылған.

🟦Кешен аумағын абаттандыруға ерекше назар аударылды: амфитеатр, субұрқақ, футбол алаңы, сондай-ақ арт нысандары бар аллея салынды.

✔️Ғимараттың жалпы ауданы 3000 шаршы метрден асады. Оқушылар сарайы бір күнде 1500-ге дейін баланы қабылдай алады. Нысан ҚМГ-ның еншілес компаниялары — «Өзенмұнайгаз» АҚ мен «Ak Su KMG» ЖШС қолдауымен салынды.

— Болашақ сарайы балалардың жан-жақты дамуына, дарыны мен қабілетін шыңдауға және сапалы білім алуына мүмкіндік береді. 2025 жылдың соңында Жаңаөзен және оған жақын орналасқан елді мекендерді ауыз сумен қамтамасыз ету үшін қуаты 50 мың текше метрді құрайтын «Кендірлі» теңіз суын тұщыту зауыты іске қосылды. Бұл жобалар Мемлекет басшысының тікелей тапсырмасы бойынша жүзеге асырылды. ҚМГ әлеуметтік жауапты компания ретінде өз кәсіпорындары орналасқан өңірлерде білім беретін, мәдени, медицина және спорт нысандарының бой көтеруіне үнемі мән беріп келеді. Бұл бастамалар арқылы ұлттық компания тұрғындардың өмір сүру сапасын көтеруге өз үлесін қосып келеді. Алдағы уақытта бұл бағыттағы жұмыс жалғасын табатын болады, — деді ҚМГ басшысы А.Хасенов.

🚍Сонымен қатар Оқушылар сарайының салтанатты ашылуы барысында балаларды тасуға арналған жаңа шағын автобустың кілті табысталды.

📱 ҚазМұнайГаз