📱 ҚазМұнайГаз

ҚМГ мен CITIC бірлескен жобаларды іске асыру барысын талқылады

«ҚазМұнайГаз» ҰК АҚ Басқарма төрағасы Асхат Хасенов қытайлық «CITIC Environment» компаниясының бас директоры Лэй Сунмен кездесті.

🗣Тараптар бірлескен жобаларды іске асыру барысын, оның ішінде «Қаражанбасмұнай» АҚ ілеспе қабат суын тұщыту зауытының (ҚСТЗ) жұмысын талқылады. ҚСТЗ-ның жобалық қуаты 17 мың текше метрді құрайды. Бұл өз кезегінде Астрахань-Маңғышлақ магистральды су құбыры арқылы келетін судың едәуір көлемін өңір халқының қажеттіліктеріне бағыттауға мүмкіндік берді. А.Хасенов зауыттың қажетті өнімділік параметрлеріне тезірек қол жеткізудің маңыздылығын атап өтті.

📌ҚМГ басшысы ұлттық компанияның мұнай-газ саласындағы жобалар бойынша қытайлық әріптестерімен ұзақ жылғы табысты ынтымақтастығын атап өтіп, CITIC Group-пен өзара тиімді байланыстарды жалғастыруға сенім білдірді.

⚡️Айта кетейік, қазіргі уақытта CITIC Group компаниясының басқа еншілес ұйымы CITIC Construction бас мердігер ретінде Ақтау битум зауытының («CASPI BITUM» БК» ЖШС) жылдық қуатын 1,5 млн тоннаға дейін арттыру жобасын іске асыруда. Бұл кәсіпорынның жол битумын шығаруды жылына 500 мың тоннадан 750 мың тоннаға дейін ұлғайтуға мүмкіндік береді. Жоба іске асырылғанда ішкі нарық отандық өндірістің жоғары сапалы жол битумымен толық қамтамасыз етіледі.

📱 ҚазМұнайГаз

ҚазМұнайГаздың еншілес компаниясы — KMG EP-Catering Жаңаөзенде үш жыл жұмыс істемеген бассейнді жөндеуден өткізді

🏊‍♀️Р.Өтесінов атындағы дене шынықтыру-сауықтыру кешенінде жалпы аумағы 347 шаршы метрді құрайтын, күніне 80 келушіні қабылдай алатын балалар бассейні жөнделді. Ол 2022 жылдан бері жұмыс істемей тұрған. Сондай-ақ мүмкіндігі шектеулі жандарға арналған бассейн де жөнделді.

Жөндеу жұмыстары 2024 жылдың қарашасынан 2025 жылдың ақпанына дейін жүргізілді. Осы уақытта мынадай жұмыстар атқарылды:
➡️бассейн алабы әрлендірілді;
➡️техникалық бөлме жаңартылды;
➡️полихлорвинил пленкасы ауыстырылды;
➡️су тазартатын жаңа сүзгілер орнатылды.

Ұзақ уақыттан кейін бассейн қайта ашылып, енді балалар мен мүмкіндігі шектеулі жандар оның игілігін көріп, су спортымен айналысуға мүмкіндік алды. Айта кетсек, спорт кешенінде ересектерге арналған бассейн де бар.

✔️ҚазМұнайГаз әлеуметтік жауапты компания ретінде өз қызметін жүргізетін өңірлерде маңызды жобаларды белсенді жүзеге асырып келеді. ҚМГ 2024 жылдың желтоқсанында Орал тұрғындары үшін «Jaiyq Arena» жаңа спорт кешенін салып берді.

Басқа да әлеуметтік жобалар туралы мына жерден оқуға болады.

📱 ҚазМұнайГаз

40 жыл үздіксіз даму: Шымкент мұнай өңдеу зауытының тарихы

Қырық жыл бұрын, 1985 жылы 28 қаңтарда алғашқы Шымкент бензині өндірілді. Дәл сол жылдың 17 ақпанында кәсіпорынның басты оқиғасы — зауытты пайдалануға қабылдау туралы Мемлекеттік комиссияның актісіне қол қойылды.

📆 Жалпы кәсіпорынның тарихы 1972 жылы ЛК-6У (Ленинград кешені) қондырғысының құрылысынан басталады. 1981 жылы зауыттың жылу электр орталығы пайдалануға берілді. 1983 жылы сәуір айына қарай мұнай құю кешені салынып, Омбы — Павлодар — Шымкент мұнай құбыры арқылы зауытқа алғашқы мұнай келіп түсті. Сол жылы өңделген алғашқы мұнай жөнелтіліп, зауыт маңызды қызметтері пайдалануға берілді. Қазан айында тазарту құрылыстары іске қосылып, қараша айында метрологиялық қызмет құрылды. 1984 жылдың желтоқсанында ЛК-6У қондырғысының ЭЛОУ-АТ секциясы кезең-кезеңімен іске қосылып, тіке айдалған бірінші бензинін алды.
1986 жылдың көктемінен бастап зауыт жылына 6 млн тоннаны құрайтын толық қуатына шықты.

⚙️Тәуелсіз Қазақстанда Шымкент мұнай өңдеу зауытында біраз өзгерістер болды. Ауқымды жаңғырту жобасы кезінде (2 кезең) 11 технологиялық қондырғы мен жалпы зауыттық шаруашылықтың 29 нысаны пайдалануға берілді, қосымша 500-ге жуық жаңа жұмыс орны ашылды.

⚡️Бұрын зауыт К2 класты жанармай өндіретін болса, бүгінде ол К4 және К5 класты бензин мен дизель отынын
(Еуро-4 және Еуро-5 аналогтары) шығаруға қауқарлы. Тәулігіне 15 мың тоннаға жуық жанар-жағармай өндірілсе, соның 6 мың тоннадан астамы — жоғары сапалы бензин.

📊2024 жылы зауыт 5,74 млн тоннадан астам мұнай өңдеп, жеңіл мұнай өнімдерінің өндірісі деңгейін 78,8%-ға, ал өңдеу тереңдігін 85,8%-ға жеткізді. Бұл көрсеткіштер зауыттың операциялық тиімділігінің үнемі өсіп отыратынын көрсетеді. Бүгінгі таңда зауытта 2 мыңға жуық адам еңбек етеді. Кәсіпорын өз дамуын жалғастырып келеді. 2030 жылға қарай өндірістік қуатын 12 млн тоннаға дейін кеңейту жоспарда.

📌Шымкент мұнай өңдеу зауытының (қазіргі «ПҚОП» ЖШС, «ҚазМұнайГаз» ҰК АҚ еншілес кәсіпорны) тарихы
мен жетістіктері туралы толығырақ ҚМГ сайтындағы Білім қорынан оқи аласыз.

ҚМГ: Өткен күнде белгі бар!
#ҚазақМұнайыныңТарихы

📱 ҚазМұнайГаз