#دلگویه_مازنی_در_فراق_جوان
#در_فراق_جوان_دلگویه_مازنی
#در_فراق_برادرزاده



خوامِه بَکِشم ازدل آه وناله
اَجَل بِشکِنِّیه مِه پَر و بالّه
بنال ای دل بنال با آه و زاری
بَــمرده مــِه بــرارِ یــادگاری
بنال ای سینه صدآه و واویلا
بنال از داغ مِه جانِ بِرار زا
نخوامه دیگه این دنیا بَمونِّم
چتی از داغ بِــرار زا بَـخونِّم?
برار زا میوه ی باغ عموعه
برار زا شِه عموی چِشِ سُوعه
اَجَل دیگه چِشِ سُو ره بَورده
مسلمانون مِه«.....»جان بَمِرده
مسلمانون جوونِ داغ چه سخته
جوونِ مهربونِ داغ چه سخته
«........جان»الهی عمو تِه فدا
مِره بَکوشته بُغض دَر نِنِه صدا
که ره بَوِّم که مِه دل پاره بَیّه
تِه که بُوردی عمو بیچاره بَیّه
برارزا جان پِرس که دارنی مهمون
تِه سراغه گیرنّه تِه رَفِقون
عمو خواسّه تِه شادی ره بَوینه
تِه تَن رَختِ دامادی ره بَوینه
اَجَل نِشته تِه روز خِش بَوینی
از بــاغ شـادمـانی گُـل بَچینی
تِوِسّه کوچه سر حِجله بَزومی
بَمیرم که تِه قبر سر بِمومی
گمـون نـکردمه جـان بــرار زا
به جای شادی تِسّه بَیرم عزا
لالا لالا باخِس مِه باغِ بِلبِل
«.....جان»چَنّه زودبُوردی زیرگِل
لالا لالا بـــاخِـس عـزیـزِ عمــو
تِه که بُوردی دیگه بُورده چِشِ سُو
الهی ای عزیز ای گل پرپر
بَهوویی همنشین با علی اکبر
داغ جوون اگه اینجوری بِیّه
خدا دُونّه حسین چی بَکِشیّه
بنال«مداح»بنال از سوز سینه
هیچ کسی داغ شه جوون نَوینه

شعر:علی اکبراسفندیار«مداح»

🖤🖤🖤🖤🖤🖤