#اشعار_گیلکی

زبان حال فرزند برای وفات مادر

بوشو یی نازنین می مهربان مار
جه تی دوری ایسم تا صوب بیدار
فلک می مهربان مارة فاگیفته
می یار مهربان وای پر بیگیفته
دمن آرام نارم هی بی قرارم
می جانه مار ره چشم انتظارم
دارم ناجه کی میمارة بیدینم
جه غم سوختاندرم مار جان غمینم
تو سختی یه زمانه جا بساختی
دانم خیلی بیدیی رنج و سختی
بوشویی دا خانه بی صفایه
می دیل دایم تی حال و تی هوایه
بوشویی مار مرا تنها بنایی
امان از درد دوری وجودایی

@khatm14

#اشعار_گیلکی

زبان حال فرزند برای وفات پدر
***
امی صفایه خانه پر بگیفته
فلک می مهربان پئرا فاگیفته
هفت روزه من خبر از پنر نارمه
اونه داغه می جان و دیل دارمه
می جان پئر کی از بس مهربان بو
واگفتن کی امی آقلب و جان بو
هفت روزه دوره بوسته ناخبر اون
دوسته ناخبر بارسفر اون
هفت روزه گریه و زاری بوکودم
شب وروزان مره ارسو فوکودم
هفت روزہ میچومان دایم برایه
می پر جان میدیله درده دوایه
هفت روزه دیل میشین ماتم بیگیفته
جه دوری می و جودا غم بیگیفته
هف روزه همنشین با من بؤبؤ غم
می تنها مهربانا من دارم کم
اونیکی زندگی گفتیم می پوشته
پرا گیفته بوشومرا بوکوشته
بوشوخفته مییان خاک ودرگیل
اونه یادا دارم دایم بمی دیل

#اشعار_گیلکی

زبان حال فرزند برای وفات پدر
***
چهل روزه میدیل غمگینه غمگین
تی داغ میدیل سر سنگینه سنگین
چهل روزه میدیل دایم داره غم
جه تي هجران دره میدیلا ماتم
چهل روزه چراغ خانه خاموش
تی واستی من به بوستم پئر سیاپوش
چهل روزه نیدم می مهربانا
می آفتاب قشنگه آسمانا
چهل روزه نوای غم داره دیل
تی مهرو مهربانه کم داره دیل
چهل روزه نامویی تؤبخانه
چی بوکوده می امرا أ زمانه
چهل روزه میدیل تنگه تی واستی
چره تی چومانا پئر جان دوستی
چهل روزه می چوم دایم برایه
می دیل با غورصه و غم آشنایه
چهل روزه نارم می مهربانا
د نشتابم اونه خورمه گبانا
چهل روزه تره گریانه میدیل
نیه دیل خانه به ویرانه میدیل

#اشعار_گیلکی

زبان حال فرزند برای وفات مادر

اونیکی می غما خوردی می تاج سر بو
افتخار کودیم کی میمار همیشه می ور بو
من سلام گفتیم اونه جواب مره دونیا بو
اونه خوبی روز وشب هرجادیی پیدا بو
بوشو افسوس غم دارم
شب و روز ماتم دارم (۲)
می دیلا أتش بیگیفته چهل روزه
جه اونه دوری میدیل وا بسوزه
شب و روز اشک فوکونم مارتی واسی
انقده گریه کونم تا کی بمی داد فارسی
بوشو افسوس غم دارم
شب و روز ماتم دارم (۲)
انقده رایا نیگاه کونم تی واستی جان مار
بی وفایی بوکوده می امرا مار ا روزگار
تی وفا ره بمیرم تی صفا ره بمیرم
تی نماز خوانی دوعا ره بمیرم
بوشو افسوس غم دارم
شب و روز ماتم دارم (۲)

#اشعار_گیلکی

#زبان حال فرزند برای وفات مادر

داغ میمار بزه آتش می جانا
ایبچه بشتاو جان مار می گبانا
بوشویی مار دره غم می دیلا پور
به بوستی ناخبر چی واستی تودور
ایسم تی انتظار شاید واگردی
مرا باور نایه مار جان بمردی
امی خانه د بی تو بی صفایه
می چشمان جان مار دایم برایه
بوشویی پر بزیی ناخبر تو
دوستی زود چره بار سفرتو؟
بزیی آتش مار می قلب و جانا
گوماکودم خودا می مهربانا
شبان مار جان مړه لالایی گفتی
پریشان بی مړه تا صوب نوخفتی
تی مهر و مهربانی می چراغه
بزه آتش می جانا مارتی داغه
تی سجادا کشم ای جان مار بو
گمه می مهربان میجان مار کو
بیبا مارجان بخوان باز تی نمازا
بوشویی توچره آساله تازا؟
اگه تو خفته یی در خاک و در گیل
ایسه تی جا همش در گوشه یه دیل

#اشعار_گیلکی

#مادر
در وصف مادر

کودی کار جان مار روزان بجارسر
ایلهی جان مار قربان تی سر
توما تی سرنایی کاره دیبی تو
تره گفتیم ماری خسته نیبی تو
ما رمضان روزه امرا کارکودی تؤ
خودا امرا چی خب دیدار کودی تو
همش کار بو همش رنج بو همش غم
اکارورنج وغم بو مارتی

#اشعار_گیلکی
#مادر
در وصف مادر

مهربان مار تو بهاری دانمه
تی واسی شعر بهاری خوانمه
تو بهاری گولا پرواز دهی
باغان مین گولاناناز دهی
تؤ ئيتا فرشته یه آسمانی
جه تو پرواز گیره مهربانی
تا تویی گول ناره ارزش می ویجا
نها دو نیایه محبت تی ویجا
گول گه من تی خاکه پایم نبمه
تا تویی خاکه تی رایم نیمه
گول دانه کی تو داری پیله مقام
جان مار برتی مقام امی سلام

#اشعار_گیلکی

#زبان حال فرزند برای وفات مادر

شبه میدیل بیگیفته من دارم غم
پوره میدیل بیدین میماره ماتم
می ماره واستی هی بی تابه میدیل
شبانا تا سحر بی خوابه میدیل
گوما کودم بیدین می همنشينا
فرشته یه آسمان و زمینا
اونیکی می مره بو غورصه ناشتیم
می ماره مثل گول می و رجا داشتیم
ولی قهر بوکوده میگول ئيتا روز
مره آتش بزه آداغ جانسوز
هنوزه کی هنوزه غم بگیفتم
ماری جان من تره ماتم بگیفتم
اگه گردم تره هر جایه خانا
نیافتم من هنوز می مهربانا
جودایی خیلی سخته خیلی سخته
می دیل آتش بگیفت أتش بوسوخته

#اشعار_گیلکی

زبان حال فرزند برای وفات پدر
**
هفت شبه دیل میشین آرام ناره
دیل میشین روزو شبانا غم داره
هفت شبه گریه می همدم به بوسته
زندگی میشین پور از غم به بوسته
هفت شبه خانه صفایا نیدینم
جان پئرمی آشنایا نیدینم
هفت شبه در انتظارم انتظار
دیل نگیره ایبچه آرام و قرار
هفت شبه چراغ خانه خاموشه
امی جان ودیل تره سیاپوشه
جان پر جان ته انتظاره دیل
روزو شب تی وا ستی بی قراره دیل


#شب هفتم گیلکی#

#اشعار_گیلکی

زبان حال فرزند برای وفات پدر
***
چهل روزه نوای غم داره دیل
ترا پئر جان خوورجا کم داره دیل
چهل روزه چراغ خانه خاموش
بؤبؤ میدیل وجان پئر جان سیاپوش
چهل روزه می چوم دایم برایه
چهل روزه می گول از من جودایه
بوشو می مهربان وای پر بیگیفته
می دیل دونياغما ازسربیگیفته
می پٹرجان مهربان بو مهربان بو
جه خوبی دونیایه می قلب و جان بو
بوشو می روشنی یه خب خانه
چی بوکوده میامرا أزمانه
بوشویی من غم جاهم نیشینم
تی ره گردم ترا شاید بیدینم
بوشویی من تره بی تابم پئر جان
شبان تی دوری جا بی خوابم پئر جان
بوشویی می توانا تو ببردی
مره باور نایه پئر جان بمردی
چهل روزه دارم پئر جان تی داغا
فلک خاموشاکوده می چراغا
چهل روزه ناره خانه صفایی
امان از درد دوری وجودایی
چهل روزه تی عکسا بو کشم من
جه تی دوری کویا واستی بشم من
چهل روزه مرا تنها بنایی
مرا تنها در آدونیا بنایی
گول خوشبوی خانه دورا بوستی
چره بار سفرا زود دوستی

#اشعار_گیلکی

زبان حال فرزند برای وفات پدر
***
ای گول باغ صداقت جان پئر
بوشویی چقد تو راحت جان پئر
تی داغا نتانم باور بو کونم
تی واسی روز و شب ارسو فوکونم
جان پئر آرام می زندگی بی
تو پیله چراغ تی زندگی بی
بوشویی خانه چراغ خاموشا بو
جه تی داغ دیل میشینه نا خوشا بو
بیباکی رایانامن فاندرمه
بخودا بابا توان د نارمه
تی واسی عزا بگیفتم جان پئر
لیباس سیاه فاگیفتم جان پئر
امرا تنها بنایی بوشویی
چی ره باباتو بوشویی نامویی؟
جان پیر میدیل تړه تنگا بوسته
امی زندگی دبی رنگ بوسته