🏴#فراق_جوان

🏴#جوان

🏴#ترکی


✍شاعر:علی عبدی



▪️▪️▪️▪️▪️▪️▪️▪️▪️▪️



ای جوان بالام لایلای
مهربان بالام لایلای
گل کیمی بو دنیاده
تز صولان بالام لایلای

ای گوزل گُلوم لایلای
نازلی بلبلوم لایلای
حسرتی قالان دائم
دلده سویگلوم لایلای

گوزلریم بالا آغلار
اَشکیمی یوزه باغلار
عکسیوه باخوب حسرت
غم اورگیمی داغلار

سن ئولن زمان اوغلوم
قلبیم اولدی قان اوغلوم
باشیم اوسته دولاندی
بیردن آسمان اوغلوم

سن نه تز منی آتدون
گون کیمی اوغول باتدون
خوشلادین او دنیانی
قبریده گئدوب یاتدون

قبرین اوستونه گللم
من یانیندا دینجللم
گوز یاشیمالا بو قبرین
داشینون توزون سیللم

🖤🖤🖤🖤🖤🖤🖤