جيش الاحتلال عمل اكتر من 10 مستوطنات في غلاف غزة في مساحة 40 كيلو متر واقنع المستوطنين انها اصبحت آمنة بعد بناء جدار خرساني يمتد الى تحت الارض اعشرات الامتار (على اساس ان المقاومة ح تعتمد على الانفاق في اي هجوم) وبرضو عشرات الامتار فوق الارض عشان م يتسللوا ليهم اها في قرابة ال50 الف من المحتلين جو سكنوا في المستوطنات دي على اساس انهم تحت حماية الجيش الذي لايقهر 🤣🤣 بالمقارنة ضعف الامكانيات الواضح عند المقاومة نتيجة الحصار المفروض عليها من الكل (بما فيهم بعض الانظمة العربية للاسف) اها رفاقنا في المقاومة م استكانوا لضعف الامكانيات وقالوا الموضوع دا مستحيل واحسن نقبل بسياسة الامر الواقع ونخلى المحتليين في ارضنا ف خططوا لعملية لم تخطر على بال احد (صمموا طائرات شراعية بسيطة بتتكون من مظلة ومقعد لنفرين وقادرة انها ترتفع من الارض مسافة 15 متر لتجاوز الجدار العازل بين ارض عزة وارض فلسطين المحتلة) وعشان الخطة تنجح اول حاجة سخنوهم بي 5 الف صاروخ خلى القبة الحديدية في خبر كان وبعدها الشفاتة ديل طاروا وتلبوا ليهم جوة معسكراتهم وجابوا جرافات شالو السور برة ودخلت المواتر والبكاسي وكانت النتيجة لاول مرة منذ عقود مقتل 300 محتل واسر اكثر من مئة وجرح واصابة قرابة الالف وهروب جماعى من المستوطنات الى عمق الاراضي المحتلة ... وطبعا نتنياهو طلع قلبو خفيف وضنبو رقيق واعلن الاستنفار في اول ساعتين واستدعى الاحتياطي وبدا في قصف المناطق السكنية داخل قطاع غزة وكل شركات الطيران وقفت رحلاتها لدولة الاحتلال ... يمكن زول يجي يقول لي (ياخ الناس ديل كدا يتضرروا منهم المواطنين لانو جيش الاحتلال مابفرز وحايضرب الكل) رد حايكون (هو متين الكيان دا وقف من قصف المناطق السكنية وقتل الاطفال ..؟! ياخ الناس ديل لو عندهم انتخابات بقتحموا غزة او الضفة ويتنافسوا منو فيهم ح يقتل اكبر عدد من الشعب الفلسطيني عشان تكون دماءهم هي حبر الانتخاب لديهم ... بعدين ديل محتلييين عارف شنو محتل) .. الخلاصة انو العشرة مستوطنات دي مافي محتل عندو عقل ح يقبل يسكن فيها وجيش الاحتلال ح يعدي كم سنة لي قدام يفكر في استراتيجية تمنع الطائرات الشراعية ولحدي الوقت دا المقاومة حاتلقى طريقة جديدة تلف بيها راسهم تاني وحاتبدل الاسرى بعشرات الالاف من الاسرى الفلسطنيين داخل سجون الاحتلال ... المعركة هنا بين شعب بدافع عن ارضه وبين محتلين اجانب اتملوا من كافة انحاء الارض واستولوا على ارض الشعب الفلسطيني وفقا لوعد وزير الخارجية البريطاني بلفور في 2 نوفمبر 1917 (وهو عطاء من لايملك لمن لايستحق) وعلى اساسه اتشكلت عصابات الهاغانا واعلنت دولة الكيان بتاريخ 15 مارس 1948 ولحدي الان م ضاقوا راحة ولا حايضوقوا ...

#عاشت_المقاومة🇵🇸✌️🏻
#طوفان_الأقصى🇵🇸❤️