من طبعو لما يركز في حاجه بكون فاقد الاحساس بالحولو ما بسمع زول ولا كأنو قاعد اصلا"؛
ومن طبعها كل شوية تجي تشاغلو وتعمل حركات مشاغبه شديد وبتنبسط بي شغبها عشان بتقدر تكون على طبيعتها معاهو . .

متعود كلما تجي تشاغلو يصر ليها ويحمر ليها ومن جواهو مبسوط وبضحك وببتسم لما يلقاها عملت تعابير وشها زعلانه😕 ومشت منو. .


رغم انبساطها بي تشغيلتها ليو كان في شئ جواها بناقض فيها وبقول ليها انتي مزعجه وبتتساخفي عليهو وشوية شوية بقت تقلل من تشغيلتها ليو وتبعد . .

هو رغم فرحتو بي تشغيلتها عمرو ما قال ليها انو بفرح بيها وانها بتخليو يرجع شافع ويضحك من جوة وينسى كل همومو ، عمرو ما حكى ليها انو بنتظرها وبنتظر حركاتها عشان تعدل مزاجو ويقدر يواصل وعمرو ما كلمها انو صمودو وقوتو بستمدها من ضحكتها وتعابيرها الطفولية . .


بين سكوتو وصراعها الداخلي ضاع الرابط بينهم
هو فكر انها زهجت منو ولقت زول ملأ حياتها
وهي فكرت انو بنزعج منها وما بفرق معاهو وجودو . .
وبين فكرو وفكرها راحت كل حاجه . .


#ماريوو
كتيير من المشاعر والكلام بموتوا بي سبب سكوتنا
مع انو نحن عارفين وباين انو كل واحد فينا منتظر بس كلمة عشان تخلي يواصل الطريق ،
في حاله انتظار نحن لي الامل البخلينا نقيف ونحارب عشان نوصل البينا لي بر الامان ،
بس دا كلو برووح بي سبب اننا خايفين من ردة الفعل وبنسكت وبنخسر ناس تاني ما بتعوضوا،

#سوبر_ماريوو
ليت المشاعر ترى . .
ليعرف كل ذي حق حقه


رفعت الجلسة
#Haleemoo