🗣 ԱԺ շենքի դիմաց բողոքի ակցիա է: Մասնակիցների խոսքով՝ իրենք ակցիա են անում «հաջակցություն քաղբանտարկյալների, ինչպես նաև Բաքվում գտնվող հայ գերիների»:

📌 Նշենք, որ այսօր նախատեսված է Եվրոպայի խորհրդի մարդու իրավունքների հանձնակատար Մայքլ Օ՚Ֆլահերթի այցը խորհրդարան:

🇺🇦 Ռուսական լայնածավալ ներխուժման մեկնարկից ի վեր 55 հազար ուկրաինացի զինվոր է զոհվել, 350 հազարը վիրավոր է, անհետ կորածների թիվը հասնում է տասնյակ հազարների:

🗣 Այս մասին հայտարարել է Ուկրաինայի նախագահ Վլադիմիր Զելենսկին՝ նշելով, որ քաղաքացիական բնակչության շրջանում զոհերի ճշգրիտ թիվը մնում է անհայտ, քանի որ Կիևը մուտք չունի օկուպացված տարածքներ։ |factor.am|

🏬 Երևանում «Ռոսիա» տոնավաճառի աշխատակիցները բողոքի ակցիա են անում տոնավաճառի դիմաց:

🗣 Նրանք նշում են, որ իրենց հանում են տաղավարներից վերանորոգման պատրվակով, սակայն դրա ավարտից հետո այն տալու են մի քանի «բրենդի» և իրենց հանեն, ու ստորագրահավաք են անում՝ պահանջելով վերանորոգումից հետո տաղավարները կրկին իրենց տալ:

💬 Աշխատակիցներից մեկը լրագրողների հետ զրույցում ասաց, որ 1 տարի ժամանակ են պահանջում, որ ներկրված ապրանքի հարցը լուծեն:

📌 Որոշ աշխատակիցներ այս պահին ղեկավարության հետ քննարկման են տոնավաճառի ներսում:

🏘 Սպաների համար հիփոթեքային վարկավորմամբ բնակարանի ապահովման նոր ծրագիր է հաստատվել:

💰 2022թ. հուլիսի 1-ից հետո ռազմաուսումնական հաստատություն ընդունված և ՀՀ ՊՆ համակարգում կամ ՀՀ ԱԱԾ սահմանապահ զորքերում սպայական պաշտոնների նշանակ­ված սպաներին տրամադրվելու են միատեսակ հավաստագրեր, որոնց միջոցով նրանք կընտրեն բնակելի տուն Երևանում և արդեն նաև մարզերում առաջնային կամ երկրորդային շուկայից՝ ստանալով 75-80 քմ. մակերեսով անշարժ գույքի համար մինչև 35 մլն դրամ աջակցություն:

‼️ Վարկը, կանխավճարը, մայր գումարը և տոկոսները ամբողջությամբ մարվելու են պետական բյուջեի հաշվին, իսկ զինծառայողը պարտավորվում է ծառայել նվազագույնը 20 տարի, այդ թվում՝ սովորելու տարիները:

🔗 Կարդալ ավելին

🇦🇿👩‍⚖️ Արցախի նախկին նախագահ Արայիկ Հարությունյանը դատապարտվեց ցմահ ազատազրկման Բաքվի դատարանում քննվող շինծու դատական գործի շրջանակում:

📌 Ըստ ադրբեջանկան կողմի՝ Հարությունյանը մեղադրվում է Ադրբեջանի Քր. օրենսգրքի 100, 116, 117, 120, 214, 214-1, 214-3, 218, 279 և այլ հոդվածներով։ Մասնավորապես՝ «Ադրբեջանի օրենսդրությամբ չնախատեսված զինված ստորաբաժանումների կազմավորման և գործունեության կազմակերպման, այդ ստորաբաժանումներին զենքով և զինամթերքով ապահովելու» մեջ, ինչպես նաև «մաքսանենգության և ահաբեկչության ֆինանսավորման մեջ», Ադրբեջանի Գյանջա քաղաքի և Բարդայի շրջանի բնակելի տարածքները և քաղաքացիական օբյեկտները թիրախավորելու մեջ։

‼️ Բաքվում հայ ռազմաքաղաքական ղեկավարության դատական նիստերը լուսաբանում են միայն ադրբեջանական լրատվամիջոցները։ Նիստերի ժամանակ տեղի ունեցողի, հայ բանտարկյալների ցուցմունքների իսկությունը հավաստի եւ ոչ ադրբեջանական աղբյուրներում ստուգելու հնարավորություն առկա չէ։

🇦🇿👩‍⚖️ ՊԲ նախկին հրամանատար Լևոն Մնացականյանը ևս դատապարտվեց ցմահ ազատազրկման Բաքվի դատարանում քննվող շինծու դատական գործի շրջանակում:

🔸 Լևոն Մնացականյանը մեղադրվում է խոշտանգման մեջ, «իբր նա մի խումբ անձանց հետ 2002թ․ Ֆիզուլիում գերեվարել է ադրբեջանցիների ու խոշտանգել նրանց»։ Նա Բաքու է տարվել 2023թ. սեպտեմբերի 29-ին Լաչինի ապօրինի անցակետից։

‼️ Բաքվում հայ ռազմաքաղաքական ղեկավարության դատական նիստերը լուսաբանում են միայն ադրբեջանական լրատվամիջոցները։ Նիստերի ժամանակ տեղի ունեցողի, հայ բանտարկյալների ցուցմունքների իսկությունը հավաստի եւ ոչ ադրբեջանական աղբյուրներում ստուգելու հնարավորություն առկա չէ։

🇦🇿👩‍⚖️ Արցախի ՊԲ հրամանատարի նախկին տեղակալ Դավիթ Մանուկյանը դատապարտվեց ցմահ ազատազրկման Բաքվի դատարանում քննվող շինծու դատական գործի շրջանակում:

📌 Մանուկյանը, ըստ ադրբեջանական կողմի, մեղադրվում է «կազմակերպված խմբի կողմից ահաբեկչություն կատարելու, հրազենի, դրա մասերի, զինամթերքի, պայթուցիկ նյութերի և սարքերի անօրինական ձեռքբերման և պահման, օրենսդրությանը չենթարկվող զինված խմբավորումների ստեղծման և Ադրբեջանի պետական սահմանը ապօրինի հատելու մեջ»։

🔸 Ադբրեջանցի ուժայինները Մանուկյանին գերեվարել և Բաքու էին տեղափոխել 2023թ. սեպտեմբերի 27-ին:

🇦🇿👩‍⚖️ Արցախի ԱԺ նախկին նախագահ Դավիթ Իշխանյանը և ԱԳ նախկին նախարար Դավիթ Բաբայանը ևս դատապարտվեցին ցմահ ազատազրկման Բաքվի դատարանում քննվող շինծու դատական գործի շրջանակում:

🇦🇿👩‍⚖️ Արցախի նախկին նախագահ Արկադի Ղուկասյանը դատապարտվեց 20 տարի ազատազրկման Բաքվի դատարանում քննվող շինծու դատական գործի շրջանակում:

📌 Նա ցմահ ազատազրկման չի դատապարտվել, քանի որ նրա 65 տարեկանը լրացել է (ըստ Ադրբեջանի Քր. օրենսգրքի պահանջների):

🇦🇿👩‍⚖️ Արցախի նախկին նախագահ Բակո Սահակյանը ևս դատապարտվեց 20 տարի ազատազրկման Բաքվի դատարանում քննվող շինծու դատական գործի շրջանակում:

📌 Նա ցմահ ազատազրկման չի դատապարտվել, քանի որ նրա 65 տարեկանը լրացել է (ըստ Ադրբեջանի Քր. օրենսգրքի պահանջների):

⚖️ Ոստիկանի կողմից քաղաքացուն բռնության ենթարկելու դեպքի առթիվ քրեական վարույթ է նախաձեռնվել:

🗣 Այս մասին Factor.am-ի հարցմանն ի պատասխան հայտնել են ՄԻՊ գրասենյակից։

📌 3 oր է՝ Քննչական կոմիտեն չի հաստատում՝ վարույթ կա, թե ոչ։ |factor.am|

🇦🇲🇷🇺 Ալեն Սիմոնյանը Մոսկվայում հանդիպել է ՌԴ ԱԳ նախարար Սերգեյ Լավրովի հետ։

📣 Լավրովը նշել է, որ Մոսկվան մնում է Երևանի հիմնական առևտրային գործընկերը և պատրաստ է ընդլայնել համագործակցությունը։ ՌԴ ԱԳ նախարարն ասել է, որ ԵԱՏՄ-ին անդամակցությունը անհամատեղելի է ԵՄ-ին անդամակցության հետ։

🗣 «Մեզ համար մի փոքր տարօրինակ է պարբերաբար լսել հայտարարություններ հյուսիսից Հայաստանի դեմ նախապատրաստվող առասպելական հարձակումների, ՀԱՊԿ կողմից գոյության սպառնալիքի մասին», - ինչպես հայտնում է TASS-ը, հանդիպմանն ասել է Լավրովը։

⚖️ Գերեվարված Մադաթ Բաբայանը 19 տարվա ազատազրկման է դատապարտվել Բաքվի դատարանում քննվող շինծու դատական գործի շրջանակում:

⚖️ Բաքվում շինծու դատական գործերով անցնող Մելիքսեթ Փաշայանը դատապարտվել է 19 տարվա, Գարիկ Մարտիրոսյանը՝ 18 տարվա, Դավիթ Ալավերդյանն ու Լևոն Բալայանը՝ 16 տարվա, Վասիլ Բեգլարյանը, Գուրգեն Ստեփանյանն ու Էրիկ Ղազարյանը՝ 15 տարվա ազատազրկման։

📣 ԱԺ հանձնաժողովը մերժել է «Հայաստան» խմբակցութան նախագիծը ՀՀ–ում քաղբանտարկյալների վերաբերյալ։

🗣 «Հայաստանում կան քաղբանտարկյալներ. նրանք համապատասխանում են ԵԽԽՎ–ի 2012 թվականի 1900–րդ բանաձևով նախատեսված չափանիշներին: Սա լուրջ խնդիր է մեր պետության համար»,- ասաց նախագծի հիմնական զեկուցող, «Հայաստան» խմբակցության պատգամավոր Էլինար Վարդանյանը:

📌 Վարդանյանը շեշտել է, որ Հայաստանում մարդիկ զրկվել են ազատությունից կամ հետապնդվում են ոչ թե հանցանքի, այլ իրենց գաղափարների, խոսքի և դիրքորոշման համար։ Նա անդրադարձավ նաև Հայ առաքելական եկեղեցու սպասավորների, ինչպես նաև բարձրաստիճան հոգևորականների կալանավորմանն ու նրանց դեմ հարուցված քրեական գործերին։

🗣 Ալեն Սիմոնյանը Լավրովի հետ զրույցում հայտարարել է՝ չենք համարում, որ պետք է ԵԱՏՄ-ից դուրս գանք․ «Մտածում ենք, որ կարող ենք միասին գտնել լուծում, որը ձեռնտու կլինի երկու կողմերին»։

📌 Ինչպես հայտնում են ԱԺ-ից, զրուցակիցները քննարկել են օտարերկրյա քաղաքացիների վերաբերյալ ՌԴ օրենսդրության մեջ կատարված միգրացիոն կանոնների փոփոխություններին, մասնավորապես՝ դրանց հետեւանքով դեպի Ռուսաստան բեռնափոխադրում իրականացնող հայ վարորդների համար առաջացած խնդիրներին եւ դրանք կարգավորելու ուղղությամբ իրականացվող քայլերին:

🔸 Անդրադարձ է կատարվել նաեւ տարածաշրջանային զարգացումներին վերաբերող այլ հարցերի:

📣 Բաքվում այսօր ազատազրկման դատապարտված Մադաթ Բաբայանի որդին ահազանգում է հոր առողջական լուրջ խնդիրների մասին. արդեն մեկ տարի է՝ 74-ամյա Բաբայանը կոկորդի հատվածում խեղդող ցավեր ունի, տղան կասկածում է, որ հոր մոտ քաղցկեղ է զարգացել, բայց տեղյակ չէ, թե արդյոք նրան բժիշկ այցելել կամ զննել է:

🗣 «Երեկ էր զանգել, իր առողջական վիճակը շատ վատ էր, չէր կարողանում խոսել: Ասում է՝ կոկորդս ինչ -որ բան կա, խանգարում է, շունչս կտրվում է, չեմ կարողանում խոսել: Մի տարի է, որ դա առաջացել է իր մոտ: Ուռուցքի նման մի բան է», - պատմեց որդին:

⚖️ Բաքուն 74-ամյա հայ տղամարդուն մեղադրում է այսպես կոչված՝ «Խոջալուի ցեղասպանությանը» մասնակցելու մեջ: Ադրբեջանական լրատվամիջոցները պնդում են, թե Մադաթ Բաբայանն ընդունել է մեղքը: Մինչդեռ նրա որդին՝ Արմենը, վստահ է, որ հորը պարզապես ստիպել են ասել այդ ամենը։ |azatutyun.am|

⛪️ Մայր Աթոռ Սուրբ Էջմիածինը վերահաստատել է իր հանձնառությունը շարունակելու ջանքեր գործադրել Բաքվում պահվող հայորդիների ազատ արձակման և Հայրենիք վերադարձի համար։

🗣️ «Խորը ցավով տեղեկացանք Բաքվում ապօրինաբար պահվող Արցախի ռազմաքաղաքական ղեկավարների նկատմամբ կայացրած ակնհայտ շինծու դատավճիռների մասին։

🔸 [….] Սուրբ Էջմիածինն իր զորակցությունն է հայտնում պատանդառված գործիչներին, ռազմագերիներին և նրանց ընտանիքներին»,- ասվում է Մայր աթոռի տարածած հայտարարության մեջ։

🇺🇦🇺🇸🇷🇺 Աբու Դաբիում ավարտվել է փետրվարի 4-5-ն անցկացված ԱՄՆ-Ուկրաինա-Ռուսաստան եռակողմ բանակցությունների երկրորդ փուլը:

🔸 Բանակցությունների հիմնական արդյունքը, թերևս, կողմերի միջև ռազմագերիների փոխանակումն է՝ 157-ը 157-ի դիմաց սկզբունքով: Բացի այդ՝ Ռուսաստան է վերադարձվել 3 քաղաքացիական անձ Կուրսկի մարզից: Նման փոխանակումներ չէին իրականացվել հինգ ամիս:

📌 Կողմերը դրական են գնահատել բանակցությունները: Ու չնայած ընթացող բանակցություններին՝ փոխադարձ հարվածները շարունակվում են: |1lurer.am|

🇺🇸 ԱՄՆ փոխնախագահ Ջեյ Դի Վենսը հաջորդ երկուշաբթի՝ փետրվարի 9-ին, կայցելի Հայաստան, իսկ այս ամսվա վերջին՝ Ադրբեջան, հայտնում է Euronews-ը։

🔸 Հրապարակման մեջ ասված է, որ «սա վկայում է Վաշինգտոնի կողմից Հարավային Կովկասի նկատմամբ նոր ուշադրության կենտրոնացման մասին, քանի որ այն ձգտում է իրականացնել անցյալ տարի համաձայնեցված խաղաղության շրջանակը»։ |factor.am|

🇦🇿 Չնայած հայտարարված պարտավորություններին՝ Ադրբեջանը ոչ մի էական քայլ չի ձեռնարկել 2023-ի սեպտեմբերին Լեռնային Ղարաբաղից փախած հայերի անվտանգ և արժանապատիվ վերադարձի իրավունքն ապահովելու, ինչպես նաև նրանց գույքային իրավունքները վերականգնելու ուղղությամբ։ Այս մասին ասված է Human Rights Watch իրավապաշտպան կազմակերպության զեկույցում։

📌 Նշվում է նաև, որ շարունակելով անտեսել միջազգային վերահսկողությունը՝ Ադրբեջանը կասեցրել է միջազգային կազմակերպությունների գործունեությունը և միջազգային լրատվամիջոցների հավատարմագրումը:

🔸 Զեկուցում ասված է, որ Ադրբեջանում մարդու իրավունքների վիճակը շարունակում է վատթարանալ, քանի որ կառավարությունն ուժեղացրել է բռնաճնշումներն անկախ լրատվամիջոցների, քաղաքական ընդդիմախոսների և քաղաքացիական հասարակության նկատմամբ։ |news.am|