📣 ԱԺ հանձնաժողովը մերժել է «Հայաստան» խմբակցութան նախագիծը ՀՀ–ում քաղբանտարկյալների վերաբերյալ։

🗣 «Հայաստանում կան քաղբանտարկյալներ. նրանք համապատասխանում են ԵԽԽՎ–ի 2012 թվականի 1900–րդ բանաձևով նախատեսված չափանիշներին: Սա լուրջ խնդիր է մեր պետության համար»,- ասաց նախագծի հիմնական զեկուցող, «Հայաստան» խմբակցության պատգամավոր Էլինար Վարդանյանը:

📌 Վարդանյանը շեշտել է, որ Հայաստանում մարդիկ զրկվել են ազատությունից կամ հետապնդվում են ոչ թե հանցանքի, այլ իրենց գաղափարների, խոսքի և դիրքորոշման համար։ Նա անդրադարձավ նաև Հայ առաքելական եկեղեցու սպասավորների, ինչպես նաև բարձրաստիճան հոգևորականների կալանավորմանն ու նրանց դեմ հարուցված քրեական գործերին։

🗣 Ալեն Սիմոնյանը Լավրովի հետ զրույցում հայտարարել է՝ չենք համարում, որ պետք է ԵԱՏՄ-ից դուրս գանք․ «Մտածում ենք, որ կարող ենք միասին գտնել լուծում, որը ձեռնտու կլինի երկու կողմերին»։

📌 Ինչպես հայտնում են ԱԺ-ից, զրուցակիցները քննարկել են օտարերկրյա քաղաքացիների վերաբերյալ ՌԴ օրենսդրության մեջ կատարված միգրացիոն կանոնների փոփոխություններին, մասնավորապես՝ դրանց հետեւանքով դեպի Ռուսաստան բեռնափոխադրում իրականացնող հայ վարորդների համար առաջացած խնդիրներին եւ դրանք կարգավորելու ուղղությամբ իրականացվող քայլերին:

🔸 Անդրադարձ է կատարվել նաեւ տարածաշրջանային զարգացումներին վերաբերող այլ հարցերի:

📣 Բաքվում այսօր ազատազրկման դատապարտված Մադաթ Բաբայանի որդին ահազանգում է հոր առողջական լուրջ խնդիրների մասին. արդեն մեկ տարի է՝ 74-ամյա Բաբայանը կոկորդի հատվածում խեղդող ցավեր ունի, տղան կասկածում է, որ հոր մոտ քաղցկեղ է զարգացել, բայց տեղյակ չէ, թե արդյոք նրան բժիշկ այցելել կամ զննել է:

🗣 «Երեկ էր զանգել, իր առողջական վիճակը շատ վատ էր, չէր կարողանում խոսել: Ասում է՝ կոկորդս ինչ -որ բան կա, խանգարում է, շունչս կտրվում է, չեմ կարողանում խոսել: Մի տարի է, որ դա առաջացել է իր մոտ: Ուռուցքի նման մի բան է», - պատմեց որդին:

⚖️ Բաքուն 74-ամյա հայ տղամարդուն մեղադրում է այսպես կոչված՝ «Խոջալուի ցեղասպանությանը» մասնակցելու մեջ: Ադրբեջանական լրատվամիջոցները պնդում են, թե Մադաթ Բաբայանն ընդունել է մեղքը: Մինչդեռ նրա որդին՝ Արմենը, վստահ է, որ հորը պարզապես ստիպել են ասել այդ ամենը։ |azatutyun.am|

⛪️ Մայր Աթոռ Սուրբ Էջմիածինը վերահաստատել է իր հանձնառությունը շարունակելու ջանքեր գործադրել Բաքվում պահվող հայորդիների ազատ արձակման և Հայրենիք վերադարձի համար։

🗣️ «Խորը ցավով տեղեկացանք Բաքվում ապօրինաբար պահվող Արցախի ռազմաքաղաքական ղեկավարների նկատմամբ կայացրած ակնհայտ շինծու դատավճիռների մասին։

🔸 [….] Սուրբ Էջմիածինն իր զորակցությունն է հայտնում պատանդառված գործիչներին, ռազմագերիներին և նրանց ընտանիքներին»,- ասվում է Մայր աթոռի տարածած հայտարարության մեջ։

🇺🇦🇺🇸🇷🇺 Աբու Դաբիում ավարտվել է փետրվարի 4-5-ն անցկացված ԱՄՆ-Ուկրաինա-Ռուսաստան եռակողմ բանակցությունների երկրորդ փուլը:

🔸 Բանակցությունների հիմնական արդյունքը, թերևս, կողմերի միջև ռազմագերիների փոխանակումն է՝ 157-ը 157-ի դիմաց սկզբունքով: Բացի այդ՝ Ռուսաստան է վերադարձվել 3 քաղաքացիական անձ Կուրսկի մարզից: Նման փոխանակումներ չէին իրականացվել հինգ ամիս:

📌 Կողմերը դրական են գնահատել բանակցությունները: Ու չնայած ընթացող բանակցություններին՝ փոխադարձ հարվածները շարունակվում են: |1lurer.am|

🇺🇸 ԱՄՆ փոխնախագահ Ջեյ Դի Վենսը հաջորդ երկուշաբթի՝ փետրվարի 9-ին, կայցելի Հայաստան, իսկ այս ամսվա վերջին՝ Ադրբեջան, հայտնում է Euronews-ը։

🔸 Հրապարակման մեջ ասված է, որ «սա վկայում է Վաշինգտոնի կողմից Հարավային Կովկասի նկատմամբ նոր ուշադրության կենտրոնացման մասին, քանի որ այն ձգտում է իրականացնել անցյալ տարի համաձայնեցված խաղաղության շրջանակը»։ |factor.am|

🇦🇿 Չնայած հայտարարված պարտավորություններին՝ Ադրբեջանը ոչ մի էական քայլ չի ձեռնարկել 2023-ի սեպտեմբերին Լեռնային Ղարաբաղից փախած հայերի անվտանգ և արժանապատիվ վերադարձի իրավունքն ապահովելու, ինչպես նաև նրանց գույքային իրավունքները վերականգնելու ուղղությամբ։ Այս մասին ասված է Human Rights Watch իրավապաշտպան կազմակերպության զեկույցում։

📌 Նշվում է նաև, որ շարունակելով անտեսել միջազգային վերահսկողությունը՝ Ադրբեջանը կասեցրել է միջազգային կազմակերպությունների գործունեությունը և միջազգային լրատվամիջոցների հավատարմագրումը:

🔸 Զեկուցում ասված է, որ Ադրբեջանում մարդու իրավունքների վիճակը շարունակում է վատթարանալ, քանի որ կառավարությունն ուժեղացրել է բռնաճնշումներն անկախ լրատվամիջոցների, քաղաքական ընդդիմախոսների և քաղաքացիական հասարակության նկատմամբ։ |news.am|

🇦🇲🚛🇷🇺 Ալեն Սիմոնյանը և ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն քննարկել են դեպի Ռուսաստան բեռնափոխադրում իրականացնող հայ վարորդների համար առաջացած խնդիրներն ու դրանք կարգավորելու ուղղությամբ իրականացվող քայլերը:

📌 Զրուցակիցները քննարկել են երկկողմ օրակարգին վերաբերող հարցերի լայն շրջանակ ինչպես քաղաքական ու տնտեսական, այնպես էլ կրթական և մշակութային՝ շեշտը դնելով, մասնավորապես, միջխորհրդարանական համագործակցության զարգացման վրա:

🔸 Քննարկել են նաև Հայաստանի և Ադրբեջանի միջև հաստատված խաղաղության գործընթացին վերաբերող, ինչպես նաև տարածաշրջանային հետաքրքրություն ներկայացնող այլ հարցեր։

[ՀՀ ԱԺ]

Օրվա կարեւորը՝ #միվոյսով

❗️ՀՅԴ-ն, անդրադառնալով Բաքվում պահվող Արցախի ղեկավարների վերաբերյալ շինծու գործով դատավճիռներին, հայտարարել է, որ «առանց նրանց ազատ արձակման, Հայաստանի, Արցախի ու Ադրբեջանի միջեւ խաղաղության հաստատման մասին խոսելը ծաղրանք է»։

🗣 «Ի սկբանե ակնհայտ էր, որ Բաքվի այս «դատավարության» նպատակն է թիրախավորել ու վարկաբեկել Արցախի ու Հայաստանի Հանրապետությունները, արցախահայության ինքնորոշման պայքարը եւ այդ պայքարի առաջնորդներին։

🔸 Հատկանշական է, որ Հայաստանի ու հայերի դեմ կայացված «դատավճիռների» նախօրեին Նիկոլ Փաշինյանն ու Իլհամ Ալիևը Աբու Դաբիում խաղաղության մրցանակ են ստանում։ Ահա թե ինչպիսին է եւ ինչի մասին «խաղաղության գործընթացը»։

🔗 Կարդալ ավելին

⚖️ Կարգալույծ քահանաները Կաթողիկոսի տնօրինությունն անվավեր ճանաչելու պահանջով դիմել են դատարան:

🌫 Արամայիս Թախմազյանը (Տ. Թադե քահանա Թախմազյան) և Ստեփան Ասատրյանը (Տ. Արամ քահանա Ասատրյան) հայցադիմումներ են ներկայացրել դատարան ընդդեմ Հայաստանյայց առաքելական սուրբ եկեղեցու։ Նրանք պահանջում են անվավեր ճանաչել Ամենայն Հայոց Կաթողիկոսի տնօրինությունները և իրենց վերականգնել հոգևոր հովվի պաշտոնում։

⛪️ Թախմազյանը եղել է Թալինի տարածաշրջանի հոգևոր հովիվը, իսկ Ասատրյանը՝ Հովհաննավանքի: |hetq.am|

🚧 Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

🚛 Վարդենյաց լեռնանցքը դժվարանցանելի է կցորդով բեռնատարների համար, Սյունիք-Տաթև ավտոճանապարհը և Սարավան-«Զանգեր» հատվածը՝ փակ են:

⛸ Գեղարքունիքի մարզի ավտոճանապարհներին տեղ-տեղ առկա է մերկասառույց։

[ՀՀ ՆԳՆ փրկարար ծառայություն]

‼️ «Ավելի բարձր եմ գոռալու». իրանցի ակտիվիստ կնոջը ԱԱԾ են տարել, ժամերով հարցաքննել, «սպառնացել արտաքսել, ծաղրել»

🔸 Ամիսներ առաջ Հայաստան տեղափոխված իրանցի Ռեյհանե Մաջիդիի՝ Երևանում վարձակալած բնակարանի դուռը իրավապահները ուժով փորձել են բացել. «Առավոտյան ժամը 10-ին ԱԱԾ աշխատակիցները եկան իմ տուն [...] Երեք հոգի՝ քաղաքացիական հագուստով, առանց որևէ պաշտոնական փաստաթղթի կամ հիմնավորման, ստիպեցին ինձ իրենց հետ բաժին գնալ։ Այնտեղ ինձ պահեցին չորս ժամ։ [...] Մեկ շաբաթ ժամանակ տվեցին, որ իրերս հավաքեմ»:

🔸 Երբ կինն ասել է, թե Իրանում իրեն կախաղան կհանեն, ԱԱԾ աշխատակիցները, նրա խոսքով, սկսել են ծաղրել՝ որպես այլընտրանք առաջարկելով Ադրբեջանը. «Ես ասացի, որ Ադրբեջանն այս երկրի (Հայաստանի) հետ խնդիրներ ունի, և ես չեմ ուզում նման տեղ գնալ, ես ուզում եմ մնալ Հայաստանում։ Գիտեմ, որ այս ճնշումը գալիս է Իրանից, բայց բողոքի ցույցի դուրս գալն իմ իրավունքն է, եթե սա ժողովրդավարական երկիր է»։ |azatutyun.am|

‼️ Պապիկյանը նշում է՝ նոր կարգավորումով բանակում հոգևոր ծառայողները ավելի բարձր աշխատավարձ կստանան

💬 Անդրադառնալով տեղեկությանը, որ կարգալույծ քահանաներին առաջարկվում է 700 հազար դրամով գնդերեց աշխատել բանակում, պաշտպանության նախարար Սուրեն Պապիկյանը ասաց. «Նախարարի հրապարակված հրամանը բացահայտում է, որ այո, մենք կարող ենք պայմանագիր կնքել Հայ առաքելական եկեղեցու հոգևոր կրթություն ունեցող սպասավորների հետ, որ նրանք ծառայեն և կատարեն իրենց առաքելությունը»:

💰 Աշխատավարձի վերաբերյալ Պապիկյանը միայն նշեց, որ լրագրողը բարձր թիվ է ասում՝ միաժամանակ ընգծելով, որ գնդերեցների աշխատավարձը այսուհետ նախկինից բարձր է լինելու:

🔗 Կարդալ ավելին

🏬 «Ռոսիա» տոնավաճառի աշխատակիցները ևս 4-5 ամիս կաշխատեն իրենց տաղավարներում։

💬 «Հայտնել են, որ 4-5 ամիս հետո տոնավաճառը վերանորոգվելու է, որից հետո մոլերի ձևաչափով է լինելու։ Բայց խոստացել են, որ մեզ նույնպես կտրամադրեն տաղավարներ այդ տարածքում»,- ասել է աշխատակիցը։ |arm.sputniknews.ru|

💬 Որևէ գործով չեմ անցել և չեմ անցնում. Հայկ Սարգսյանը անուղղակի կերպով հերքեց Փաշինյանի հայտարարությունը

🔸 Պատգամավորը հրաժարվեց որևէ գնահատական տալ Փաշինյանի հայտարարությանը, ապա լրագրողներին ասաց, որ ՔՊ կուսակցությունում համենայն դեպս իր ներկայությամբ որևէ մեկը իրեն չի մեղադրել կոռուպցիոն որևէ սխեմայի, կամ գործարքի, կամ երևույթի մեջ:

🔸 Սարգսյանը գործընկերներին կոչ արեց հրապարակել բոլոր մեղադրանքները, եթե դրանք եղել են ոչ իր ներկայությամբ:

📌 Փաշինյանն ավելի վաղ կարծիք էր հայտնել, որ Սարգսյանի շահերից չի բխում իրեն արված նկատողության մանրամասները հանրայնացնելը:

🇮🇷🇺🇸 Օմանում մեկնարկել են Թեհրանի և Վաշինգտոնի միջև անուղղակի բանակցություններն Իրանի միջուկային ծրագրի շուրջ։

📌 Իրանական պատվիրակությունը գլխավորում է երկրի ԱԳ նախարար Աբբաս Արաղչին, ամերիկյանը՝ ԱՄՆ նախագահի հատուկ բանագնաց Սթիվ Ուիթքոֆը։ Օմանը հանդես է գալիս որպես միջնորդ։

ℹ️ Մասկատում IRIB-ի թղթակիցը հաղորդում է, որ այսօրվա բանակցությունները կկենտրոնանան միջուկային խնդրի և Իրանի նկատմամբ պատժամիջոցների մեղմման վրա։ |1lurer.am|

👮‍♂️ Քաղաքացու նկատմամբ բռնություն կիրառած ոստիկանի նկատմամբ որպես խափանման միջոց կիրառվել է երկամսյա տնային կալանքը։

🗣 Այս մասին news.am-ին հայտնել են Քննչական կոմիտեից։

Դուք՝ մեզ, մենք՝ ձեզ. մաքսատուրքից ազատված գործարարների նվիրատվությունները ՔՊ-ին և «Իմ քայլը» հիմնադրամին

‼️110 մլն դրամ․ մոտավորապես այսքան գումարի նվիրատվություն են կատարել ՔՊ-ին և «Իմ քայլը» հիմնադրամին կառավարության կողմից մաքսային արտոնություն ստացած ընկերությունների սեփականատերերը կամ նրանց փոխկապակցված անձինք։

💰 «Ինֆոքոմն» ուսումնասիրել է նախորդ երեք տարիների ընթացքում կառավարության կողմից ընկերություններին շնորհած մաքսային արտոնությունները և պարզել, թե արտոնություն ստացածներից քանիսն է նվիրատվություն կատարել կառավարող «Քաղաքացիական պայմանագիր» կուսակցությանը և Աննա Հակոբյանի ղեկավարած «Իմ քայլը» հիմնադրամին։

🔗 Կարդալ ավելին

❗️ Դատարանը Միքայել արքեպիսկոպոս Աջապահյանի խափանման միջոցը փոխեց տնային կալանքի։

⚖️ Աջապահյանի կալանքը վերացվեց: Վերաքննիչ դատարանը բավարարեց պաշտպանների՝ տնային կալանքի վերաբերյալ միջնորդությունը։

📌 Հիշեցնենք, որ ավելի վաղ Աջապահյանի պաշտպանները հայտարարել էին, որ դիմել են ՄԻԵԴ․ «Գանգատում նշվել է Միքայել սրբազանի անօրինական կալանավորման (հոդված 5), արտահայտվելու ազատության խախտման (հոդված 10), ինչպես նաև ազատությունից զրկելու և քրեական հետապնդումը քաղաքական նպատակներով իրականացնելու (հոդված 18) վերաբերյալ փաստեր և փաստարկներ»,- հայտնում են պաշտպանները։