‼️ Կեսգիշերին՝ ժամը 00:50-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տուն: Տուժածներ չկան:

❌ Ադրբեջանի ՊՆ հաղորդագրությունը, թե իբր մարտի 30-ի ժամը 22:30-ից մինչև մարտի 31-ը՝ ժամը 04:35-ը, ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը։

[ՀՀ ՊՆ]

🇦🇲🇦🇿 ՀՀ ՊՆ-ն ադրբեջանական կողմին կոչ է անում հետաքննել Խնածախ բնակավայրի բնակելի տան գնդակոծման փաստը և հանդես գալ հրապարակային պարզաբանումներով։

🇺🇸🇺🇦 ԱՄՆ նախագահ Դոնալդ Թրամփը մեղադրել է Ուկրաինայի նախագահ Վլադիմիր Զելենսկիին հանքային գործարքից դուրս գալու մտադրություն ունենալու մեջ։

🗣 «Նա փորձում է դուրս գալ հազվագյուտ մետաղների գործարքից, և եթե դա անի, ապա կունենա խնդիրներ, մեծ, մեծ խնդիրներ»,- ասել է Թրամփը լրագրողների հետ զրույցում: |armradio.am|

💬 Մեզ համար մարդը բարձրագույն արժեք է, մեր սկզբունքներում տեղ չունեն սպառնալիքը, պարտադրանքը, խաբեությունը, ցինիզմն ու սուտը:

🗣 Սիրելի՛ գյումրեցիներ, պարտավորված ենք ձեր վստահության համար, որն ի ցույց եք դրել՝ ապահովելով կրկնակի քվեներ՝ ի համեմատություն շեմը հաղթահարած 2-րդ ուժի: Մեզ տրված քվեները չենք փոշիացնելու, այն ծառայելու է Գյումրուն ու բոլոր գյումրեցիներին: Շարունակելու ենք Գյումրու զարգացման և շենացման մեր բոլոր ծրագրերը:

[Գյումրու քաղաքապետի ՔՊ թեկնածու Սարիկ Մինասյան]

‼️ Հայաստանյան կողմը պաշտոնապես տեղեկացրել է ՀԱՊԿ քարտուղարությանը, որ ձեռնպահ կմնա «ՀԱՊԿ 2024թ. բյուջեի մասին» ՀԱՊԿ ՀԱԽ որոշման ստորագրումից և դրանով նախատեսված կազմակերպության գործունեության ֆինանսավորմանը մասնակցելուց:

💬 Այս մասին հայտնել ՀՀ ԱԳՆից՝ ի պատասխան «Sputnik Արմենիա»-ի հարցման, թե Հայաստանը նախատեսո՞ւմ է տարեկան անդամավճարները վճարել ՀԱՊԿ բյուջե:

📌 Գերատեսչությունից նշել են նաև, որ ՀԱՊԿ ներքին ընթացակարգերի համաձայն՝ կազմակերպության ամենամյա բյուջեի վերաբերյալ տեղեկատվությունը չի կրում հանրային բնույթ։

💬 Գյումրու համայնքապետի ՀԿԿ թեկնածու Վարդան Ղուկասյանը հայտնում է, որ սպասում են երրորդ ընդդմիադիր ուժի՝ «Մեր քաղաքը» կուսակցությունների դաշինքի հայտարարությանը:

🗣 Ղուկասյանը նշում է, որ պատրաստ են ընդդիմադիր ուժերի հետ քննարկումների ծրագրային առումներով:

📌 Նշենք, որ «Մեր քաղաքը» կուսակցությունների դաշինքը, որը քվեարկությամբ երրորդ ուժն է, դեռևս ոչ մի հայտարարություն չի տարածել հետագա քայլերի վերաբերյալ: Ընդդիմադիր 3 ուժերի մանդատների քանակն այս պահին չի բավարարում համայնքապետ ընտրելու համար:

🗣 Ընդդիմության միավորվելու պարագայում պատրաստ ենք տալ այն պաշտոնը, որ պետք է, բացի փոխքաղաքապետի պաշտոնից․ Գյումրու համայնքապետի ՀԿԿ թեկնածու Վարդան Ղուկասյան

❓ Լրագրողների հարցին ի պատասխան, թե ինչու չեն զիջի փոխքաղաքապետի պաշտոնը, Ղուկասյանն ասաց․ «Պատկերացրեք որ եթե ինձ ձերբակալեն, ինքըստինքյան փոխքաղաքապետը պարտավորությունները վերցնում է իր վրա, և ինքը դառնում է քաղաքապետ։ Թե չէ մենք խնդիր չունենք աշխատելու հետ»։

🇦🇲🇩🇪 Գերմանիայի նախագահ Ֆրանկ-Վալտեր Շտայնմայերը մարտի 30-ին ժամանել է Հայաստան, հանդիպել ՀՀ նախագահ Վահագն Խաչատուրյանի հետ։

📌 Շտայնմայերը կայցելի նաև Ադրբեջան, նա տարածաշրջանում կլինի մինչև ապրիլի 2-ը։ Սա Գերմանիայի նախագահի առաջին այցն է Երևան և Բաքու։

🗣 Խաչատուրյանի հետ ասուլիսին Շտայնմայերը հայտարարել է, որ Ադրբեջանի հետ խաղաղության հաստատման գործընթացում Հայաստանը վերջին շաբաթների ընթացքում շատ կառուցողական մոտեցում է դրսևորել, իսկ երկու երկրների միջև համաձայնեցված խաղաղության համաձայնագրի ստորագրմանն այլևս ոչինչ չի  խանգարում։ Գերմանիայի նախագահի խոսքով՝ կարևոր է, որպեսզի Հայաստանն ու Ադրբեջանը հակամարտության լուծման համար կատարեն վեջին քայլերը, որոնք ուղղված են խաղաղության հաստատմանը։

🗳 Գյումրիում անցողիկ շեմը հաղթահարած «Մայր Հայաստան» դաշինքի թեկնածու Կարեն Սիմոնյանը հայտարարեց՝ Մարտուն Գրիգորյանի հետ միջնորդավորված է խոսել, դեռ չունի հստակ տեղեկություն, սպասում է նրա հայտարարություններին:

🔸 Սիմոնյանի խոսքով՝ իրենք այն ուժն են, որը աջակցելու է միավորմանը և իր կոչերով հանդես է գալու, որ «բաց չթողնեն պատմական շանսը»․ «Մեր մանդատները միմիայն ծառայելու են գյումրեցուն և մեկ նպատակ են հետապնդելու, որ իշխանազրկենք ՔՊ-ին: Որևիցե այլ կուլիսային բազարներ, պաշտոնակռիվ, պաշտոնների բաշխում չենք ակնկալում, եթե առաջարկվի էլ մեզ քաղաքապետարանում որևիցե պաշտոն, մենք հրաժարվելու ենք»։

🔸 «Մենք չենք ուզում որևիցե ուժի հետ կիսել քաղաքական պատասխանատվությունը: Մենք ուղղակի մանդատներով քվեարկություն ենք տալիս, որ ՔՊ-ն չունենա իշխանություն Գյումրի քաղաքում։ Մնացածը արդեն կախված է մյուս քաղաքական ուժերից և իրենց ժամանակն է, որ կարողանան հայտարարություն անել և պարզ դառնա ի վերջո ուր ենք հասնելու»:

📌 Նշենք, որ Մարտուն Գրիգորյանի գլխավորած «Մեր քաղաքը» կուսակցությունների դաշինքը, որը քվեարկությամբ երրորդ ուժն է, դեռևս ոչ մի հայտարարություն չի տարածել հետագա քայլերի վերաբերյալ:

🗣 Վերահաստատում եմ ասածս` ՔՊ-ն Գյումրիում քաղաքապետ չի ունենալու` դա հաստատ է․ Մարտուն Գրիգորյան

📌 Այս մասին Գյումրիում անցողիկ շեմը հաղթահարած «Մեր քաղաքը» կուսակցությունների դաշինքը գլխավորող Գրիգորյանը գրել է Ֆեյսբուքյան էջում։

🇦🇲🇩🇪 Գերմանիայի նախագահ Ֆրանկ-Վալտեր Շտայնմայերը Փաշինյանի հետ հանդիպմանը շեշտել է Գերմանիայի աջակցությունը ՀՀ Կառավարության խաղաղության օրակարգին:

🗣 Զրուցակիցներն ընդգծել են երկկողմ հարաբերությունների հետևողական զարգացման ու խորացման մեծ ներուժն իրացնելու անհրաժեշտությունը, ինչին կարող է նպաստել նաև մարդկային շփումների ակտիվացումը: Այս համատեքստում, վարչապետ Փաշինյանը կարևորել է ԵՄ-ի հետ վիզաների ազատականացման ուղղությամբ երկխոսությունը:

[ՀՀ կառավարություն]

❗️Պաշտպանության հանձնաժողովի մեր փորձագիտական խումբը շատ մանրակրկիտ, ամեն ասած բառ պարզաբանել և ուղարկվել են էն հասցեներով, որտեղ հիմա գերատեսչությունների ղեկավարներն են։ Այս մասին հայտնել է ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։

🗣 «Տեղեկանքի հիման վրա հիմա մենք կազմակերպել ենք երկրորդ քննարկումը։ Էլի կազմվելու է տեղեկանք, որտեղ ամեն ասած բառը և ամեն մի արտահայտությունը ֆիքսվում է, որովհետև դրա հետևում կա արված կամ չարված գործ։ Արվածը պիտի դրվի մի կողմ, դա պետք ա բավարարի ծնողներին։ Եվ ունենք 171, թե 172 տեղեկանքի մեջ անցած ուղղի։ Դա ինչ ա նշանակում․ քննչական մարմինները կատարել են աշխատանք, որտեղ «ա» կետից «բ» կետը խզվել է կապը, քննչական գործողությունների միջոցով կարող ենք իմանալ՝ որտեղից սկսել փնտրել ողջ կամ մահացած մեր զինվորներին», - հավելել է Անդրանիկ Քոչարյանը։

🔸 Նա նաև նշեց, որ համախոհ է անհետ կորածների ծնողների այն դիտարկմանը իրեն, որ չպետք է կրկնել՝ «մեր երեխաները մահացած են» արտահայտությունը, հավելելով, որ «քանի դեռ ծնողը կասկածներ ունի, բնականաբար մենք պարտավոր ենք փնտրել ողջերի մեջ»։

📌 Նշենք, որ այսօր անհետ կորած զինծառայողների հարազատների և պատգամավորների միջև վեճ է տեղի ունեցել ազգային ժողովում։ Բղավոցները լսվել էին միջանցքում, որտեղ հավաքված էին լրագրողները:

🇩🇪🇦🇿 Ադրբեջանում Գերմանիայի դեսպան Ռալֆ Հարլեմանը կանչվել է Ադրբեջանի ԱԳՆ։ Նրան խիստ բողոքի նոտա են հայտնել Գերմանիայի նախագահի կողմից Instagram սոցիալական ցանցում Արցախի դրոշի հրապարակման առնչությամբ:

📌 Նշենք, որ տարածաշրջանային այցով Երևանում գտնվող Գերմանիայի նախագահ Ֆրանկ-Վալտեր Շտայնմայերն իր սոցիալական ցանցերում լուսանկար էր հրապարակել Արցախի դրոշով և անդրադարձել արցախահայության թեմային։|tert.am|

❗️Ավելի քան 5 ժամ տևած փակ հանդիպումից հետո անհետ կորած զինծառայողների հարազատները դժգոհ հեռացել են խորհրդարանից, որտեղ հանդիպում էին բարձրաստիճան պաշտոնյաների հետ։ Նրանք լրագրողներին հայտնել են, որ ոչ մի հարցի պատասխան չեն ստացել։

🗣 «4,5 տարի մեր ոչ մի հարցի պատասխան չենք ստանում, փնթի աշխատանք են կատարում, ուղղակի ջուր էին ծեծում»,- հայտարարել է մայրերից մեկը: |news.am|

❗️Ադրբեջանի ՊՆ հաղորդագրությունը, թե իբր մարտի 31-ին՝ ժամը 11։10-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։

[ՀՀ ՊՆ]

❗️Ադրբեջանի ՊՆ հաղորդագրությունը, թե իբր մարտի 31-ի ժամը 17։00-ից մինչև ապրիլի 1-ի ժամը 04։45-ն ընկած ժամանակահատվածում ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը։

[ՀՀ ՊՆ]

‼️ Երեկ՝ մարտի 31-ի առավոտյան ժամը 07:30-ին, Ֆիրդուսի 50 հասցեում բնակվող Թերեզա Սարուխանյանը և Անահիտ Փխրիկյանը արթնացել են իրենց տունը քանդելու ձայներից։ Նրանց այդ մասին նախապես չէին ծանուցել: Ոստիկանությունը կանանց 20 րոպե ժամանակ է տվել տունը դատարկելու և դուրս գալու համար։

👮 Փաստաբան Դավիթ Ասատրյանը բնակիչների ահազանգով գնացել է դեպքի վայր։ Նրա խոսքով ոստիկանությունը մերժել է փաստաթղթեր ներկայացնելու համար ժամանակ տրամադրելու իր միջնորդությունը։ Դրանք կվկայեին այդ տանը բնակվելու նրանց իրավունքի մասին:

🗣 Նրանց ասել են, որ իրենք խախտում են հասարակական անվտանգությունը։ Փաստաբանի համար անհասկանալի է, թե ինչպես կարող են բնակիչներն իրենց տներում ապրելով՝ խախտել հասարակական անվտանգությունը, ու դա ինչպես էր դրսևորվում։ |hetq.am|

🔗 Կարդալ ավելին

‼️ ԱԺ ՔՊ պատգամավոր Վիլեն Գաբրիելյանը վայր է դնում պատգամավորական մանդատը:

💬 «Անցած կիրակի Գյումրիում իմ մասնակցությամբ այսպես ասած միջադեպերը համարում եմ ոչ վայել ՀՀ ԱԺ պատգամավորի վարքին: ԱԺ պատգամավորն իր առաքելությունում պարտավոր է չդրսևորել անհարկի վարքագիծ: Ըստ այդմ՝ բոլորիցդ հրապարակային հայցում եմ ներողություն:

📌 Միաժամանակ հայտնում եմ, որ այս պահից սկսած՝ ինքնաառաջադրվում եմ որպես ՔՊԿ առաջիկա վարչության ընտրություններում վարչության անդամի թեկնածու, քանզի ինձ համար միանշանակ է, որ մեր կուսակցությունը ունի լրջագույն առողջացման և կերպարանափոխման կարիք»,- գրել է նա:

Ըստ վկայի՝ երթը շարունակելու հրամանի պահին ԱԹՍ-ն ոչ տեսանելի է եղել, ոչ լսելի

⚖️ 44-օրյա պատերազմի ժամանակ ժամկետային զինծառայող Երվանդ Իսկանդարյանի պնդմամբ՝ այն պահին, երբ փոխգնդապետ Անդրանիկ Վերանյանը իրենց երթը շարունակելու հրաման է տվել, հակառակորդի անօդաչու թռչող սարք երկնքում ոչ տեսանելի է եղել, ոչ լսելի։ Այս ցուցմունքը ամբողջովին հակասում է Վերանյանին առաջադրված պաշտոնական մեղադրանքին, ըստ որի՝ նա պատսպարված անձնակազմին մեքենաները նստելու եւ երթը շարունակելու հրաման է տվել ԱԹՍ-ի ձայնի լսելի լինելու պայմաններում։
📍 Դեպքը տեղի է ունեցել 2020 թ․ հոկտեմբերի 9-ին Ջրականի շրջանի Իշխանաձոր գյուղի խաչմերուկում։ Շարժվելուց րոպեներ անց ԱԹՍ-ն հարվածել է․ 18 զինծառայող զոհվել է, 3 անձ՝ վիրավորվել։

🗣 «Վերանյանը ինձ հարցրեց՝ օդը մաքուր է, ես ասացի՝ ինչքանով որ տեսնում եմ, մաքուր է։ Եթե մաքուր չլիներ, իմ անվտանգությունից թանկ բան չկա ինձ համար, անձամբ կիջնեի մեքենայից»,- պատմեց կան։