🇦🇲🇹🇷 Հայաստանի արտգործնախարարությունը X-ի էջում դատապարտել է Թուրքիայում կատարված ահաբեկչությունը:

📢 «Անկարայում այսօր տեղի ունեցած հարձակումը ցույց տվեց, որ ահաբեկչությունն ու անմեղ մարդկանց վնասելն արդարացում չունեն։ Հայաստանը, ինչպես բազմիցս ասվել է, դեմ է ահաբեկչության ցանկացած ձևին ու բռնության նմանատիպ գործողություններին»,- գրված է հայտարարության մեջ։

🇹🇷 Թուրքիայի ՆԳ նախարար Ալի Երլիքայան հայտնել է, որ Անկարայում տեղի ունեցած ահաբեկչության հետևանքով զոհվել է մինչև 5, վիրավորվել՝ 22 մարդ։

🔸 Վերջինիս տվյալներով՝ ահաբեկչությունը, հավանական է, իրագործել են Թուրքիայում արգելված «Քրդստանի աշխատավորական կուսակցության» անդամները։ |1lurer.am|

🇺🇸🗣 Քամալա Հարիսը ոչինչ չարեց, երբ 120 000 հայ քրիստոնյաներ սարսափելի կերպով հալածվեցին և բռնի տեղահանվեցին Արցախից: Քրիստոնյաները ամբողջ աշխարհում անվտանգ չեն լինի, եթե Քամալա Հարիսը լինի ԱՄՆ նախագահը:

🔸 Երբ ես լինեմ նախագահ, ես կպաշտպանեմ հալածված քրիստոնյաներին, կաշխատեմ դադարեցնել բռնությունն ու էթնիկ զտումը, և մենք խաղաղություն կհաստատենք Հայաստանի և Ադրբեջանի միջև։

[ԱՄՆ նախագահի թեկնածու Դոնալդ Թրամփ]

🇦🇲✈️ Նիկոլ Փաշինյանն աշխատանքային մեկօրյա այցով մեկնել է Ռուսաստանի Դաշնություն՝ «ԲՐԻԿՍ+» գագաթնաժողովին մասնակցելու:

🤝 Կազանի միջազգային օդանավակայանում վարչապետին դիմավորել է Թաթարստանի Հանրապետության ղեկավար Ռուստամ Միննիխանովը:

🇦🇲🇮🇷 «ԲՐԻԿՍ+» գագաթնաժողովի շրջանակում կայացել է Նիկոլ Փաշինյանի և Իրանի նախագահ Մասուդ Փեզեշքիանի հանդիպումը:

🔸 Փաշինյանն ու Փեզեշքիանը քննարկել են տարածաշրջանային հարցեր:

📍 Զրուցակիցները կարևորել են խաղաղության և կայունության ապահովման ուղղությամբ հետևողական քայլերի իրականացումը: Հայաստանի և Իրանի ղեկավարները համոզմունք են հայտնել, որ երկկողմ ամուր և խորը հարաբերությունները կնպաստեն տարածաշրջանային փոխգործակցության զարգացմանը:

👮✅ ԱԺ-ն ընդունեց «Ոստիկանության գվարդիայի մասին» և կից մի շարք օրենքներում նոր կարգավորումներ նախատեսող օրենսդրական փաթեթը։ Նախագծին կողմ է քվեարկել 65 պատգամավոր, դեմ՝ 28։ 

⏳ Ոստիկանության գվարդիայի ձեւավորման համար օրենքն ուժի մեջ մտնելու ժամկետ է սահմանվել 2025թ. նոյեմբերի մեկը: Մինչ այդ օրենսդրական որոշ կարգավորումներ ուժի մեջ կմտնեն ենթաօրենսդրական դաշտը նոր կարգավորումներին ներդաշնակեցնելու համար: |armenpress.am|

✅ Կառավարությունը հարկային աջակցության նոր մեխանիզմներ է ներդնում բարձր տեխնոլոգիական արդյունաբերության ոլորտում գործող ընկերությունների համար։ Փոփոխությունները 7 տարվա համար են։

📍 Կառավարությունն առաջարկում է տեղեկատվական տեխնոլոգիաների ոլորտի ընկերությունների համար նվազեցնել շրջանառության հարկը՝ 5 տոկոսից դարձնելով 2 տոկոս։

📍 Մյուս ուղղությունն այն է, որ մինչև 30 հոգանոց սկսնակ ընկերությունները նոր աշխատակից ներգրավելիս կարող են եկամտահարկի 100% փոխհատուցում ստանալ, 30-ից ավել աշխատակիցներ ունեցող ընկերությունների դեպքում՝ 50%։

📍 Եկամտահարկի 50% փոխհատուցում է տրամադրվելու նաև ՏՏ այն ընկերություններին, որոնք աշխատանքային միգրանտներ կներգրավեն իրենց ընկերություններում։

🇦🇲🇦🇿 Նիկոլ Փաշինյանն ու Իլհամ Ալիևը զրույց են ունեցել «ԲՐԻԿՍ+» գագաթնաժողովի ընդհանուր քննարկման ընթացքում։

❗️ Կազանում տեղի է ունենում վարչապետ Փաշինյանի հանդիպումն Իլհամ Ալիեւի հետ։

[ՀՀ կառավարություն]

🇪🇺 Եվրախորհրդարանն Ադրբեջանին կոչ է արել ազատ արձակել հայ գերիներին և ապահովել ԼՂ հայության անվտանգ վերադարձը

🗣 ԵԽ-ն վերահաստատում է նաև իր պահանջը՝ ադրբեջանական զորքը պետք է դուրս գա Հայաստանի ամբողջ ինքնիշխան տարածքից եւ կոչ է անում Ադրբեջանին հարգել Հայաստանի տարածքային ամբողջականությունը։  

🔸 «Ադրբեջանի կողմից մարդու իրավունքների շարունակական խախտումները անհամատեղելի են COP 29-ի անցկացման հետ։ ԵՄ առաջնորդներին, մասնավորապես Եվրոպական հանձնաժողովի նախագահ Ուրսուլա ֆոն դեր Լեյենին կոչ է արվում COP 29-ը որպես հնարավորություն օգտագործել՝ հիշեցնելու Ադրբեջանին իր միջազգային պարտավորությունների մասին և բովանդակալից կերպով անդրադառնալու այդ երկրում մարդու իրավունքների վիճակին», - նշված է բանաձեւում։ |armenpress.am|

🇦🇲🇹🇷 Հայաստանի ու Թուրքիայի համապատասխան գերատեսչությունների ներկայացուցիչները շուտով կհանդիպեն՝ Գյումրի-Կարս երկաթգծի վերագործարկման համար անհրաժեշտ պայմանները գնահատելու համար։

📌 Այս մասին հայտնել է Երևան-Անկարա կագրավորման հարցով Հայաստանի հատուկ ներկայացուցիչ, ԱԺ փոխնախագահ Ռուբեն Ռուբինյանը՝ միևնույն ժամանակ նշելով, որ հանդիպման օրը դեռ հստակ չէ:|azatutyun.am|

🇦🇲🗣 ՀՀ-ն ի վիճակի է ապահովել և լիարժեքորեն ապահովելու է իր տարածքով ապրանքների, ռեսուրսների, տրանսպորտային միջոցների և մարդկանց անցման անվտանգությունը. Փաշինյանի ելույթը «ԲՐԻԿՍ+»-ին

❗️ «Բոլոր հայտարարությունները, թե իբր Հայաստանը համաձայնել է իր ինքնիշխան տարածքում հաղորդակցությունների անվտանգության ապահովման գործում երրորդ երկրի մասնակցությանը, կամ որ դա նախատեսված է որևէ փաստաթղթով, իրականությանը չեն համապատասխանում»։

🗣 ՀՀ խորհրդարանը երեկ վավերացրել է ՀՀ-Ադրբեջան սահմանազատման պետական հանձնաժողովների համատեղ գործունեության մասին կանոնակարգը»։

🔸 Երկու երկրներում նշված փաստաթղթի ուժի մեջ մտնելուց հետո մենք կկարողանանք ակտիվացնել սահմանազատման գործընթացը՝ 1991 թվականի Ալմա-Աթայի հռչակագրի հիմնարար սկզբունքների հիման վրա։

🔸 Կցանկանայի հատկապես ընդգծել (ի դեպ), որ այս իրավական փաստաթղթի վերաբերյալ ՀՀ Սահմանադրական դատարանի որոշումը վերջնականապես փարատեց բոլոր մտահոգությունները և վերացրեց բոլոր փաստարկները՝ իբր ՀՀ Սահմանադրության մեջ հարևան երկրների հանդեպ ենթադրյալ տարածքային պահանջների առկայության վերաբերյալ՝ արձանագրելով, որ նման մեկնաբանություններն անհիմն են և ոչ օրինական։

[Փաշինյանը՝ «ԲՐԻԿՍ+»-ի իր ելույթում]

🇷🇺 ՌԴ նախագահ Վլադիմիր Պուտինը Փաշինյանի ելույթից հետո դիմելով նրան ասել է, որ Հայաստանի և Ադրբեջանի միջև սահմանազատման և սահմանագծման գործընթացը դեպի խաղաղության պայմանագիր տանող ճիշտ ճանապարհն է։

🗣 «Այն, որ Ձեզ հաջողվեց այսօրվա մեր աշխատանքի ընթացքում մտքեր փոխանակել Ադրբեջանի նախագահի հետ, արդեն դրական է մեր միջոցառման համար։

🔸 Լոգիստիկան տարածաշրջանում համագործակցության կարևոր ուղղություն է։ Ավելի կարևոր է, որ դուք դրական եք վերաբերվում Ադրբեջանի և տարածաշրջանի այլ երկրների հետ փոխգործակցությանը»,- հայտարարել է Պուտինը։

🇬🇪 Վրաստանի՝ եվրոպական ուղի վերադառնալուց է կախված նաև մեր հարևան Հայաստանի լինել-չլինելը, ինչպես նաև Կովկասում խաղաղության ճակատագիրը:

📌 Այս մասին ֆեյսբուքյան իր էջում գրել է Վրաստանի նախկին նախագահ Միխեիլ Սաակաշվիլին՝ Վրաստանում սպասվող խորհրդարանական ընտրություններին ընդառաջ դիմելով հայ ընտրողներին։

🗣 «Իմ թանկագին հայ հայրենակիցներ, մեր ընդհանուր հայրենիքի՝ Վրաստանի ճակատագիրն է որոշվում։ Մի վախեցեք անցողիկ կառավարությունից, գնացեք ընտրության և ընտրեք ընդդիմությանը», - նշվում է Սաակաշվիլիի հայերեն գրառման մեջ:

🗳 Խորհրդարանական ընտրությունները Վրաստանում տեղի կունենան հոկտեմբերի 26-ին։

❗️ Փաշինյանն ու Ալիևը քննարկել են երկկողմ խաղաղության օրակարգի առաջմղմանը վերաբերող հարցեր՝ ներառյալ խաղաղության պայմանագիրը, սահմանների սահմանազատումը, սահմանագծումը և փոխադարձ հետաքրքրություն ներկայացնող այլ հարցեր։

📌 Արտգործնախարարներին հանձնարարվել է շարունակել «Խաղաղության և միջպետական հարաբերությունների հաստատման մասին» համաձայնագրի շուրջ երկկողմ բանակցությունները՝ հնարավորինս սեղմ ժամկետում այն վերջնականացնելու և կնքելու նպատակով։

[ՀՀ կառավարությունը՝ BRICS-ի շրջանակներում Փաշինյան-Ալիեւ հանդիպման մասին]

🇺🇸 Պետդեպը չի բացահայտում ԱՄՆ նախագահի առաջարկները Երևանին և Բաքվին. «Ազատություն»

📌 ԱՄՆ Պետդեպարտամենտը՝ պատասխանելով «Ազատության» գրավոր հարցմանը, թե հայկական և ադրբեջանական կողմերին հղած նամակներում ի՞նչ է առաջարկել և ի՞նչ փոխզիջումների մասին է գրել ԱՄՆ նախագահը, նշել է․

🗣 «Կողմերը նշանակալի առաջընթաց են արձանագրել խաղաղության համաձայնագրի վերջնականացման ուղղությամբ: ԱՄՆ-ը հանձնառու է սատարել այդ գործընթացը կողմերի համար օգտակար ցանկացած ձևով», - փոխանցել է Պետդեպարտամենտի խոսնակը՝ ամփոփելով, որ այս պահին հավելելու ոչինչ չունեն:

ՀՀ անձնագրերի եւ նույնականացման քարտերի թողարկումն ու սպասարկումը կիրականացնի արտասահմանյան ընկերություն

❗️ ՀՀ կառավարությունը, ի դեմս ՆԳՆ-ի, պատրաստվում է կնքել պետություն-մասնավոր գործընկերության պայմանագիր՝ ՀՀ անձնագրերի եւ նույնականացման քարտերի թողարկման, ենթակառուցվածքների նախատեսման եւ մի շարք ծառայությունների մատուցման նպատակով։ Մրցույթի արդյունքում որակավորվել է 3 հայտատու՝ գերմանական 2 եւ ֆրանսիական 2 ընկերությունների կոնսորցիում եւ գերմանական 1 առանձին ընկերություն։ Այժմ՝ մինչ 2025 թ․ հունվարի 8-ը, նրանք պետք է ներկայացնեն իրենց առաջարկները։
📄 ՆԳՆ-ն սա հիմնավորում է կենսաչափական անձնագրերի եւ նույնականացման քարտերի գործածության՝ ավելի քան 10 տարվա ընթացքում քաղաքացիների վատ փորձառությամբ, անձը հաստատող եւ ճամփորդական ժամանակակից եւ անվտանգ փաստաթղթերի օգտագործման ցածր մակարդակով, ոչ արդյունավետ այլ գործընթացներով։
🗣 Սպասվող փոփոխության, դրա անվտանգային ռիսկերի շուրջ «Ինֆոքոմը» զրուցել է ՀՀ ՆԳՆ միգրացիայի եւ քաղաքացիության ծառայության պետի տեղակալ Նելլի Դավթյանի հետ։
📎 Կարդալ ավելին

Օրվա կարեւորը՝ #միվոյսով

🇦🇿🇪🇺 Ադրբեջանի խորհրդարանը քննարկել է և մերժել հոկտեմբերի 24-ին Եվրախորհրդարանում ընդունված բանաձևը՝ «Ադրբեջանում իրավիճակի, մարդու իրավունքների և միջազգային իրավունքի խախտումների և Հայաստանի հետ հարաբերությունների» վերաբերյալ:

📢 Մեկնաբանության մեջ նշվում է, որ բանաձևը կողմնակալ և միակողմանի է և խեղաթյուրում է իրականությունը։ Միաժամանակ նրանք վրդովված են, որ, Հայաստանի նկատմամբ Եվրախորհրդարանում, իրենց բնորոշմամբ, ցուցաբերում են առանձնահատուկ հոգատարություն, խրախուսվում է Հայաստանի սպառազինումը: |1lurer.am|