Իմ թեստը դրական է, ընդ որում ուզում եմ ասել, որ որևէ ախտանշան չեմ ունեցել, պարզապես, քանի որ առաջնագիծ մեկնելու պլաններ կային՝  որոշեցի թեստավորվել։ Ակնհայտ է, որ ընտանիքիս անդամները վարակվել են ինձնից, այս պահին ախտանիշներ չունենք։ [Նիկոլ Փաշինյան]
Կարդալ ավելին

❗️Մահվան դեպքերի վերաբերյալ հայտնում ենք, որ պացիենտները եղել են 81 (տղամարդ), 63 (տղամարդ), 65 (տղամարդ), 73 (կին), 82 (կին), 67 (տղամարդ), 81 (տղամարդ), 69 (կին) տարեկան: Բացի վերջինից, մնացած բոլորն ունեցել են ուղեկցող քրոնիկական հիվանդություններ: [ԱՆ]

#Թարմացում ❗️🔈 Թարմացվել է 01.06.2020թ․ ժամը 11։00-ին
Հաստատված դեպքերի ընդհանուր քանակը - 9402 (+210)
Առողջացածներ - 3402 (+16)
Փաստացի բուժվողներ -5896
Ընդհանուր թեստեր - 58668
Մահվան ելքեր - 139 (+8)
Մահվան ելքեր այլ պատճառով –55 [ԱՆ]

Կառավարության կողմից ներկայացված օրենքի նախագծով առաջարկվում է ստեղծել պարեկային ծառայություն, որը կփոխարինի այժմ գործող պարեկապահակային ծառայությանը և ճանապարհային ոստիկանությանը: Նախագծերի փաթեթն ընդունվեց 111 կողմ ձայնով։ Նոր պարեկային ծառայությունն ունենալու է նոր համազգեստ, զենքի հատուկ միջոցների, տրանսպորտային միջոցների:
ԱԺ-ն առաջին ընթերցմամբ ընդունեց պարեկային ծառայություն ստեղծելու մասին նախագիծը

Խորհրդարանը երկրորդ ընթերցմամբ և ամբողջությամբ ընդունեց «Դեղերի մասին» օրենքում փոփոխություն կատարելու նախագիծը, որով առաջարկվում է ֆիզիկական անձանց հնարավորություն ընձեռել փոստային ծառայության միջոցով դեղորայք ստանալ արտերկրից: Նախագիծն ընդունվեց միաձայն` 114 ձայնով: |hetq.am|

🦠 Արցախի Հանրապետությունում կորոնավիրուս է հաստատվել ևս 3 քաղաքացու մոտ: Նրանք արտերկրից ժամանած ԱՀ քաղաքացիներ են, ովքեր ժամանելուն պես մեկուսացվել էին համապատասխան վայրերում: Արցախում կորոնավիրուսով հիվանդացել է ընդհանուր առմամբ 43 քաղաքացի, որից 26-ն արդեն առողջացել են, 17-ի առողջական վիճակը գնահատվում է բավարար: Մեկուսացված է 102 քաղաքացի: [Արցախ/տեղեկատվական շտաբ]

Աժ-ն առաջին ընթերցմամբ ընդունեց Սահմանադրության փոփոխությունների հանրաքվեն չեղարկելու մասին օրենքի նախագիծը։ Նախագծի միջոցով հնարավորություն կտրվի արտակարգ դրության ավարտից հետո չեղյալ համարել Սահմանադրական բարեփոխումների հանրաքվեն։ «Լուսավոր Հայաստան» խմբակցությունը չմասնակցեց քվեարկությանը, իսկ «Բարգավաճ Հայաստան» խմբակցությունը դեմ քվեարկեց։ Նախագծերի փաթեթն ընդունվեց 83 կողմ, 16 դեմ ձայներով:
Կարդալ ավելին

ԱԺ-ն երկրորդ ընթերցմամբ և ամբողջությամբ ընդունեց «Կերի մասին» ՀՀ օրենքում փոփոխություններ կատարելու մասին օրենքի նախագիծը, որով առաջարկվում է կանոնակարգել անասնաբուծության մեջ հակաբիոտիկների օգտագործումը, մասնավորապես, բացառել հակաբիոտիկների՝ որպես կերային հավելում օգտագործելը: |armenpress.am|

Հարգելի լրատվամիջոցներ, կայքի (https://ncdc.am/coronavirus/confirmed-cases-by-days/) վերևի հատվածը րոպեների տարբերությամբ ուշ է թարմացվել և լրատվամիջոցներում տարածվում է 120 նոր դեպք: Իրականում բոլոր աղյուսակներում նշված է եղել 210 դեպք, միայն վերևի հատվածը թարմացել է մի փոքր ուշ: Հաստատվել է կորոնավիրուսային հիվանդության ընդհանուր 9492 դեպք։ [ԱՆ խոսնակ Ալինա Նիկողոսյան]

Օրերս Ալիևը հերթական ռազմատենչ հայտարարությամբ է հանդես եկել, ինչին հաջորդել է այսօր Ադրբեջանի պաշտպանության նախարար Զաքիր Հասանովի սպառնալից հայտարարությունը, որտեղ նախարարը, ըստ էության, հայտարարել է, որ 2016 թվականին ապրիլյան քառօրյան սանձազերծվել է Ադրբեջանի կողմից։ Ցանկանում եմ ընդգծել, որ ինչպես 90-ականներին, 2016-ին, այնպես էլ ցանկացած պահի Ադրբեջանի սանձազերծած ագրեսիայի պատասխանը լինելու է ավելի քան համարժեք և ուժգին։ [Լիլիթ Մակունց ]
Կարդալ ավելին

Կառավարությունում կորոնավիրուսի հաստատված այլ դեպքեր չկան։ Այս մասին ասաց վարչապետ Նիկոլ Փաշինյանի մամուլի խոսնակ Մանե Գեւորգյանը։ Կառավարության անդամների համատարած թեստավորում չի անցկացվել, քանի որ բոլոր նրանք, ովքեր անմիջական շփում են ունեցել վարչապետի հետ, պահպանել են անվտանգության բոլոր կանոնները՝ սոցիալական հեռավորություն, դիմակների եւ ձեռնոցների կրում։ Մանե Գեւորգյանի փոխանցմամբ՝ քանի որ չկան ախտանիշներ այս պահին համատարած թեստավորման անհրաժեշտություն չկա։ |news.am|

ՔԿ-ի հատկապես կարևոր գործերի քննության գլխավոր վարչությունում՝ Քաջարանի բնակչին առևանգելու և այլ դեպքերի առթիվ հարուցված քրեական գործով կալանավորվել է 3 անձ: 5 անձի մեղադրանք է առաջադրվել։ [ՔԿ]

Նախորդ քառօրյային վարչապետը եղել է Ազգային ժողովում և աշխատակազմը,  Առողջապահության նախարարությունը պետք է ասեն, թե արյդո՞ք խնդիր է առաջացել։ Մենք բոլորս դիմակով ենք եղել, և ես կարծում եմ, որ պետք է խնդիր առաջացած չլինի։ Եթե նախարարությունը գտնի, որ անրաժեշտություն կա, որ բոլոր պատգամավորները թեստ հանձնեն, ապա կհանձնենք։ [Լիլիթ Մակունց]
Այս համավարակն է ստիպել մեզ մտածել ՝ ԱԺ նիստերը հեռավար անցկացնելու  հետ կապված օրենսդրական նախաձեռնությունների շուրջ․ Լիլիթ Մակունց

ԱԺ-ն երկրորդ ընթերցմամբ և ամբողջությամբ ընդունեց «Իմ քայլը» խմբակցության պատգամավոր Բաբկեն Թունյանի կողմից ներկայացված օրենքի նախագիծը, որով թույլ է տրվում, որ տնտեսավարողը սեփական հայեցողությամբ որոշի ներմուծվող կամ ձեռք բերվող (կառուցվող, մշակվող) հիմնական միջոցների ամորտիզացիոն ժամկետը, կամ, այլ կերպ ասած, առաջարկվում է արագացված ամորտիզացիայի գործիք: |armenpress.am| Կարդալ ավելին

Եթե որոշակի փուլում «Թվիթեր»-ը համարի, որ ԱՄՆ-ում ստեղծվել են անբարենպաստ հանգամանքներ, որոնք թույլ չեն տալիս կազմակերպությանն իրականացնել իր գործունեությունը՝ համաձայն իր արժեքների, և շարունակել ընդլայնվել, Եվրոպան ու, մասնավորպաես, Ֆրանսիան ուրախ կլինեն ընդունել կազմակերպությանը։ [Ֆրանսիայի թվանշային տեխնոլոգիաների նախարար] |bloomberg.com|

ԱԺ-ն երկրորդ ընթերցմամբ և ամբողջությամբ ընդունեց «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագիծը։ Ակնկալվում է, որ կարգավորումը կվերացնի շրջիկ առևտրի իրականացման և ծառայությունների մատուցման պարագայում ՀԴՄ-ի կիրառման խոչընդոտը, կխթանի առցանց առևտուրը և նոր բիզնեսի տեսակների աճը: |armenpress.am|

ԱՀ նախահ Արայիկ Հարությունյանը նոր նշանակումներ է արել․

✅ Լևոն Գրիգորյանը նշանակվել է էկոնոմիկայի և արտադրական ենթակառուցվածքների նախարար։
✅ Վահրամ Բաղդասարյանը նշանակվել է ֆինանսների նախարար։
✅ Դավիթ Պողոսյանը նշանակվել է պետական եկամուտների կոմիտեի նախագահ։
✅ Հայկ Բախշիյանը նշանակվել է Արցախի Հանրապետության Մարտակերտի շրջանի վարչակազմի ղեկավար:

Հունիսի 2-ից 96 ժամով կդադարեցվի Հայաստան բնական գազի մատակարարումը՝ Հյուսիսային Կովկաս-Անդրկովկաս մայրուղային գազատարի և Կարմիր կամուրջ- Բերդ մայրուղային գազատարի վրա նորոգման աշխատանքներ իրականացնելու նպատակով: Նշված ժամանակահատվածում հանրապետության սպառողների գազամատակարարումը կիրականացվի առանց սահմանափակումների: [«Գազպրոմ Արմենիա»]

Բնական գազի՝ համաշխարհային շուկայում նախորդ տարվանից թափ հավաքած գնանկումը շարունակվում է նաև այս տարի։ Եվրոպային մատակարարվող ռուսական բնական գազի գինն արդեն ցածր է 60 դոլարից, մինչդեռ Հայաստանը շարունակում է նույն գազը գնել 165 դոլարով։ «Գազպրոմ Արմենիա» ընկերությունը սակագների վերանայման հարցով դիմել է ՀԾԿՀ և առաջարկում է սպառողների համար սահմանել նոր սակագներ։
Գազի գնի շուրջ ձեռք բերված պայմանավորվածությունների պատմությունն ու պայմանագրից հրաժարվելու հետևանքները |fip.am|

⛅️ Հունիսի 1-ի ցերեկը, 4-5-ը սպասվում է առանց տեղումների եղանակ:
⛈ Հունիսի 2-ին, 3-ին, 6-ին առանձին շրջաններում կեսօրից հետո սպասվում է կարճատև անձրև և ամպրոպ։
☀️ Օդի ջերմաստիճանը հունիսի 1-3-ը կբարձրանա 2-4 աստիճանով: [ԱԻՆ]

2019-ին առանձնացել է մի քանի ոլորտում սխեմատիկ բնույթ կրող կոռուպցիոն հանցագործությունների բացահայտման ուղղությամբ տարված աշխատանքով: Նախաքննական տարբեր մարմինների վարույթում քննվում են մեր երկրի համար նախադեպը չունեցող ծավալների հանցագործությունների վերաբերյալ քրեական գործեր, որոնցով քննության առարկա են առանց չափազանցության 10 և ավելի տարիների ընթացքում կազմակերպված հստակ սխեմատիկ գործելակերպով տասնյակ տնտեսավարող սուբյեկտների ֆորմալ ներգրավմամբ շղթայական, պետական հովանավորչությամբ իրականացված տնտեսական գործունեություն: [Գլխավոր դատախազը՝ «ՀՀ դատախազության 2019 թ․ գործունեության մասին» հաղորդումը ներկայացնելիս] |armenpress.am|