#لعبة_القدر_الحلقة_العاشرة :-
بقلم : تهاني محي الدين

في الجانب الاخر

رامي : حاشوفها من بعيد لو لقيتها سمحة بجي عليها و لو لقيتها شينة بقفل التلفون طوالي و للخلف دور 😂

حامد : طيب شكرا ليك 😔
رامي : انت بتسأل مالك !! ، اوعى تقول لي ركبت الماسورة دي 😂
حامد : لا سأي بسال
رامي : ايوااا
حامد : طيب انا حارجع البيت لاني مرهق من السفر
رامي : اي امشي و تعال بكرة ان شاء الله

حامد طلع من المكتب و مشى على البيت و شايل هم طول السكة انو حيتصرف مع جميلة كيف

اما جميلة وصلت البيت فرحانة ❤

خديجة : ما شاء الله وشك منور يا بتي 😊
جميلة : انا مبسوطة والله يا امي 😍😍
خديجة : ان شاء الله دائما يا بتي ، فرحيني معاك ،، لقيتي شغل و لا شنو !!
جميلة : لقيت شغل و كمان شكلك حتفرحي بي قريب 🙈🙈🙈🙈
خديجة : 😍😍😍😍 انتي جادة يا بتي شغل و عريس كمان

جميلة : اي يا امي 🙈

جميلة حكت لي امها بي حامد و انو بحبها و عايز يتزوجها ،، كمان حتشتغل معاهو في المكتب حقو 😍

خديجة : 😍 ياما انت كريم يا رب ، صبرتي و نلتي

جميلة : 😅 ،، كمان هو زول مهذب والله و كويس جدا ،، حتى شكلي ما بهمو ،، حباني قبل يشوفني 🙈

خديجة : انتي عشان قلبك ابيض بس ، ربنا عوض صبرك خير 😭
جميلة : مالي بتبكي هسي يا امي 😧
خديجة : دي دموع الفرحة يا بتي
جميلة : الله يخليك لي يا امي ☺

جميلة دخلت غرفتها و اتصلت على حامد

حامد كان قاعد في غرفتو و لما شاف اتصال جميلة اتردد يرد او لا ،، ما كان عارف يقول ليها شنو ،، بعد مسافة رد عليها

حامد : الووو
جميلة :السلام عليكم حامد 😊
حامد : و عليكم السلام جميلة
جميلة : اها طمني ان شاء الله المشكلة اتحلت الفي الشغل 😊
حامد : حاجة بسيطة و اتحلت الحمد لله
جميلة : الحمد لله
حامد : وصلتي كيف انتي
جميلة فرحت لي اهتمام حامد : الحمد لله بخير 😊
حامد : الحمد لله
جميلة : اها حأنزل الشغل بتين!؟
حامد : بكرة تعالي و وصف ليها المكتب حقو
جميلة : ان شاء الله من بدري بكون هناك
حامد : ان شاء الله
جميلة : مالك بقيت ردك كدة على حسب السؤال 😂😂
حامد :'😂😂😂 لا لا مافي حاجة
جميلة : عايزة اقول ليك حاجة 🙈
حامد : اتفضلي
جميلة : انا كنت مبسوطة جدا اني شفتك اليوم ،، حتى حكيت لي امي عنك 🙈🙈🙈🙈🙈
حامد : ليييه حكيتي ليها 😡
جميلة : 😧 مالك زعلت كدة
حامد : لا ما زعلت ، بس اتفاجأت
جميلة : انت مش عايزني و انا عايزاك ،،، لازم احكي ليها عنك
حامد : ما كنتي توريها هسي ،، خليها لمن نبقى على العرس
جميلة : انا خبيت عنها علاقتنا في الاول لكن ما قدرت اخبي اكتر لانو امي صحبتي و انا ما قاعدة اخبئ عليها حاجة ،، كمان نحن مفروض نتخطب و لما تجهز للزواج نتزوج 🙈
حامد : خطووووبة من هسي😳
جميلة : اي خطوبة
حامد : لكن انا ما جاهز للخطوبة
جميلة : الخطوبة ما بتكلفك حاجة ، بس نعمل تعارف بين الاسرتين عشان علاقتنا تكون في النور
حامد : انا قلت ليك ما جاهز 😡 ، الكلام دا عربي مش

جميلة : حامد حبيبي انا ما عايزة منك حاجة و لا حتى دبلة ،، بس العايزاهو اهلنا يعرفو و ما ضروري كل الناس تعرف بس اسرتك و اسرتي

حامد : ياااخ انتي مالك شفقانة كدة اووووف ،، كمان نحن عرفنا بعض لينا شهرين بس ،، خلينا نعرف بعض كويس حتى نتخطب لانو دا زواج و عمر بحالو

جميلة : شفقانة 😳😳😳😳
الكلام دا لي انا !!!!

حامد : اي شفقانة والله

جميلة : دا ما كان كلامك زمان يا حامد ، لانك كنت مستعجل للزواج اكتر مني ، وريني في شنو !!!؟ 😠

حامد :مافي اي حاجة ،، بس ما تستعجلي و خلينا شوووية ،، العرس ملحوووق

جميلة : انا ما عجبتك مش !!! 😔

حامد : هسي انا قلت كدة 😡

جميلة : طيب مالك !! ،، حاسة نفسي كأني بتكلم مع حامد واحد تاني ، ما انت حامد البعرفو 😔😔😔

حامد : اوووووووف منك ، ياخي بطلي نقة ،، شنو حامد تاني و كلامك الما جايب حقو دا 😠

جميلة بقت تبكي : لييه بتتكلم معاي بالطريقة دي 😭 ،انا عملت شنو !!!

حامد اتاثر لمن سمعها بتبكي : خلاص ما تبكي يا جميلة 😥 ، بس ارجووك ما تضغطي علي ،، انا لمن اجهز بوريك و بجي براي من غير تطلبي مني ، قشي دموعك دي عليك الله 😰

جميلة : حاااااضر و تقش دموعها

حامد : امشي غسلي وشك

جميلة : كويس
حامد : بحبك يا جميلة
جميلة : 😍😍 انا كمان بحبك ( بصووت باكي )

قفلو الخط و جميلة قشن دموعها و مشت غسلت وشها ،، اتبسطت عشان سمعت كلمة بحبك من حامد
اما حامد زعلان من نفسو جدا لانو عارف نفسو غلط في جميلة وانو عايز سبب عشان يخليها 😥 و قال ليها بحبك عشان يسكتها بس

جميلة دخلت الفيس ،،، لقت حامد متصل و رسلت ليهو و انتظرت كتييير و هو ما عايز يفتح الرسالة حقتها و قالت في نفسها : يمكن خلى النت فاتح و ما متصل الان

حامد شاف رسالة جميلة لكن ابى يفتحها عشان ما يتونس معاها كتييير و لهفتو الزمان راحت 😔

جميلة بتتصفح في النت ، لقت حامد علق على منشور و قالت : معقولة ما شاف رسالتي 😔 و

#لعبة_القدر الحلقة 11 :-
بقلم : تهاني محي الدين

في الجانب الاخر

دخل ابو مآب حسن و مآب المعرض ،، بقو يتفرجو في العربات ،، بعد خمسة دقايق جاءهم صاحب المعرض و طلع صاحب المعرض احمد 😍

احمد : اتفضلو يا جماعة 😊
حسن : يزيد فضلك يا ولدي 😊
احمد : ان شاء الله لقيتو طلبكم عندنا
حسن : و الله كل موديلاتكم جميلة ، الواحد ما عارف يختار شنو و لا شنو ☺
احمد : تسلم من ذوقك
حسن : اها اخترتي شنو يا بتي
مآب : بصوت منخفض اخترت العربية دي و أشرت ليهو على عربية 🚗
حسن : حلوة و مناسبة للبنات ☺
حسن مشى يجرب العربية و مآب فضلت واقفة

أحمد لفتت نظرو مآب و عجبو ادبها ،، إحتشامها و طريقة كلامها المهذبة ،، كمان عيونها لفتت انتباهو 😍 كان حاسي انو العيون دي ما غريبة عليهو لكن هو ما عارف انو دي مآب حب حياتو لانو هي اتنقبت و بقى يعاين ليها 👀

مآب لاحظت لنظراتو ليها و خجلت لكن احمد ما كان قادر يشيل عينو من عليها لانو حاسي انو في حاجة بتجزبو ليها 😍 ،،مآب اتضايقت جدا من نظراتو ليها

مآب : لو سمحت ما تعاين لي كدة ، اعتبرني اختك و اخجل من
نظراتك لي كدة 😠

احمد اتعجب من كلامها 😧 فضل ساكت و شال نظرو منها ،، كان مستغرب انو في زي البنت دي لانو اثرت عليهو ،، هو كان قائل انو بس مآب الحباها هي بس البتقدر تأثر عليهو

حسن بعد جرب العربية قرر انو يشتريها لانو عجبتو و كمان حيشتري لمآب العربية العجبتها

احمد نادى الموظف المعاهو و شال من حسن و مآب البطاقات ،، جهز العقد بتاع العربية ،، حسن و ماب وقعو و دفعو القروش و شالو مفاتيح العربات و طلعو ساقو عرباتهم
لكن مآب نست البطاقة حقتها و جابها الموظف لي احمد و هو طلع يلحقهم لكن لقاهم مشو

طوالي دخل البطاقة في جيبو و قفل المحل و مشى البيت ،، كان بفكر في الحصل اليوم 🤔 ،، بعد وصل البيت ،، دخل غرفتو و طلع ملابسو ،، اتذكر البطاقة الفي جيبو و طلعها و شافها

لقى فيها صورة مآب حبيبتو 😳 و اتفاجأة جدا و قرا الاسم عشان يتاكد ،، لقاهو مآب حسن علي و قلبو دق دق دق ❤❤❤ فرح جدا

احمد : الحمد لله ، اشكرك يارب ، لانك لميتني في مآب مرة تانية ،، ان شاء الله المرة دي ما حتضييع من يدي 😍😍 و سبحان الله كنت حاسي اني بعرف الزولة دي ❤😍😍😍 ، سبحان الله سبحان الله

احمد مشى لابوهو
احمد : 😍 ابووي انا مبسووط جدا
محمد : 😳 لي خمسة سنة ما شفت وشك منور زي الليلة ، فرحني يا ولدي خير ان شاء الله 😍

احمد : مش قلت ليك انا حاسي انو ربنا حيجمعني تاني بي مآب 😍

محمد : مااااب 😧 ،، قصدك شنو !! ،، انت لميت فيها تاني !؟

احمد : اي يا ابوي 😍😍😍😍

محمد : كيف دا يا ولدي ، احكي لي

احمد حكا لابوهو كل الحصل

محمد : سبحان الله ، والله الدنيا دي صغيييرة خلاص و لحكمة ربنا انو جو معرضك انت
احمد : انا ثقتي كانت كبيرة في ربنا و الحمد لله انو لمييت فيها ،،، ان شاء الله تكون ما اتخطبت او اتزوجت

محمد : ان شاء الله يارب 😊

احمد : انا بكرة حامشي ليهم في بيتهم و حاتصل على ابوها لان رقمو موجود في العقد

محمد : خير يا ولدي ،، ابقى طمني

احمد : ان شاء الله

احمد نام مبسووط جدا 😍😍 كان عايز الصباح يجي بسرعة عشان يشيل بيانات اهل مآب و يمشي ليهم

في الصباح بدري مشى على المعرض حقو و طلع العقد ،، شال رقم حسن و قال ينتظر للساعة 9و يتصل عليهو عشان ما يقلق بيهو بالاتصال في الزمن دا لان الساعة كانت 7 ص

احمد كل دقيقة يعاين للساعة ، كان الوقت بمر بطئ جدا بالنسبة ليهو 😂 و لمن جات الساعة تسعة ، احمد اتصل على حسن و كانت دقات قلبو سابقاهو ❤

احمد : الو السلام عليكم ❤
حسن : و عليكم السلام
احمد : عمي حسن كيفك
حسن : الحمد لله بخيير ، مين معاي !
احمد : انا احمد صاحب معرض السيارات الامس
حسن : ايواااا ، مرحبتين يا ولدي
احمد : بصراحة يا عمي ،، انا بنتك عجبتني جدا ، عجبني ادبها و عايزها على سنة الله ورسوله و عايز اشرفكم في البيت 😊

حسن : الله يخليك يا ولدي ،، ان شاء الله الفيهو الخير ربنا يقدمو

احمد : طيب انا عايز اجيكم المساء براي ، اعرفكم بنفسي و اديكم معلومات عني و العروس تشوفني ،، بجيب اهلي بعد توروني رايكم
حسن : ان شاء الله تشرفنا

احمد اخد العنوان من حسن و مبسوط عشان حيشوف مآب و حتكون ليهو 😍

حسن كلم مآب انو صاحب المعرض قال عايزها لكن كان رد مآب انو
......

..
يتبع

#لعبة_القدر الحلقة 12 :-
بقلم : تهاني محي الدين

في الجانب الاخر جميلة و حامد

جميلة نامت و الدموع في عيونها و هي منتظرة حامد يرد على رسالتها

اصبح الصباح ،، جميلة صحت من النوم ،، لقت انو حامد ما رد ليها و قالت في نفسها الغائب عذرو معاهو ،، قامت صلت و ساعدت امها في شغل البيت و لبست عشان تمشي المكتب حق حامد

و بعد جهزت اتصلت على حامد لكن لقت انو تلفونو مقفول ،، طلعت مشت على حسب الوصف الوصفو ليها حامد و وصلت المكتب بعد تعب 😥

دخلت المكتب و لقت واحدة شغالة

#لعبة_القدر الحلقة 13 :-
بقلم : تهاني محي الدين

رامي : يعني دي ما حبيبتك او البنت الاتعرفت عليها من النت و لقيتها شينة !!

حامد : انا ما اتعرفت على اي بت من النت و لا عندي حبيبة 😡

رامي : طيب ابرد و ما تزعل روحك ، بطق ليك عرق 😂

حامد : اووووف ، امشي شوف شغلك يا رامي

رامي : مشيت خلاص 😂😂

رامي مشى مكتبو و قال في نفسو : احلق شنبي دا ، لو ما كان اتعرف عليها من الفيس و لقاها شينة لانو المرة الفاتت لمن سالني حسيت انو اتكوك و البت دي شينة شديد و بتكون ياها ، بس هو شكلو خجلان من انو يقول هي حبيبتو 😂

حامد اتضايق من كلام رامي و قال في نفسو : لييه انا نكرت جميلة و نكرت انو في بينا علاقة ، هل فعلا حبي ليها انتهى و كان حب مزيف ، شكلي اتسرعت لمن حبيت واحدة قبل اشوفها و لازم انا اطفش منها لكن بطريقة دبلوماسية لانها زولة شاطرة بتنفعني في الشغل و كمان ما عايز اجرح مشاعرها لانها طيبة بالجد لكن طبيتها ما كفاية عشان ارتبط بيها و اتزوجها ، انا اسف يا جميلة 😔

جميلة كانت شغالة مع سماح و كل مرة تعاين على مكتب حامد على امل انو يطلع و تشوفو

حامد ما كان عايز يطلع من المكتب عشان ما يلاقي جميلة و كان بفكر في طريقة عشان يسيب جميلة بيها

سماح : ارتاحي حبة يا جميلة ، من قبيل ماسكة الخرطات
جميلة : متحمسة للشغل لاني عاطلة طولت هههههه
سماح : ما شاء الله عليك بالجد ، ربنا يحفظك
جميلة : اميين و جمعا يارب
سماح : يلا نفطر ، لانو جابو الفطور من قبيل
جميلة : كويس

سماح و جميلة مشو غسلو يدهم و رامي و حامد فطرو مع بعض و حامد طول الفطور كان سرحان و باكل لقمة و بعد مسافة طويلة ياكل التانية

رامي : مالك يا حامد ما بتاكل
حامد : اااا ، قلت شنو !!!
رامي : لا انت ما معاي عديل 😂 ، الشال بالك يتهنا بيهو ، قلت ليك لييه ما قاعد تاكل 😁
حامد : قاعد اكل و شال لقمة اكلها
رامي : يعني انا ما بعرف اكلك 😒 ، كنا انا و انت بنتسابق في الاكل ، جايي تقول لي انو دا اكلك كدة
حامد : ما تركز كتير و خلينا نتسابق هههههههه
رامي : اي كدة ههههه

في الجانب الاخر

سماح : انا مبسوطة عشان حتشغلي معاي لاني كنت براي هنا ، البت الوحيدة في المكتب 😁
جميلة : انا الاسعد والله بيك

بعد جميلة و سماح فطرو طلبو الشاي
سماح :خالتو جيبي الشاي لينا كلنا هنا
جميلة : المهندسين حيشربو معانا !!؟
سماح : اي متعودين نشرب مع بعض طوالي
جميلة اتبسطت : تمام
سماح : ما قلتي لي بتعرفي حامد من وين !!
جميلة : بعرفو ... ، و تلفونها دق عن اذنك يا سماح دي امي
سماح : اتفضلي ردي
جميلة : الووو يا امي
خديجة : الشغل كيف يا بتي و المكان كيف
جميلة : الشغل تمام و الحتة جميلة ،، حتى اتعرفت لي على مهندسة ظريفة اسمها سماح 😊😊😊
خديجة : كويس والله ، خلي بالك من نفسك و ما تنسي تفطري
جميلة : فطرت الحمد لله ، انتي كمان ما تنسي تاخدي حبوبك في مواعيدها
خديجة : حاضر يا بتي

في الاثناء دي

رامي : يلا نشرب الشاي برا مع سماح و جميلة الما جميلة 😁
حامد : انت مالك ياااخ يا رامي .. مصر تضايقني 😡
رامي : هسي انا قلت حاجة غلط 😒
حامد : طلع جميلة دي من راسك ،، ما عندك دخل بيها شينة او سمحة
رامي : طيب معليش ، خلاص يلا نطلع نشرب الشاي مع سماح زي كل يوم و مع جميلة كمان 😁
حامد : انا ما عايز شاي ، انت بس اطلع و خليني براي 😠
رامي : براااحتك ، لكن انا ما عارف لييه طول ما اجيب سيرة البت دي بتتعصب كدة ، المهم انا طالع ليهم ، سلام

حامد في نفسو : لييه انا بزعل لمن رامي يقول عليها شينة ، دي الحقيقة انها شينة 😔، لكن لييه بزعل هل انا بحبها بالجد ،،، اااااااخ يا راسي ، يارب ساعدني اقرر صاح لاني ما عارف انا عايزها او لا 😔😔 ، راسي عايز ينفجر من التفكير

رامي جاء لسماح و جميلة عشان يشرب الشاي معاهم ،، شربو الشاي و طلع عندهم شغل في الموقع سوا هو و جميلة ،، اتفقو بكرة من الصباح يمشو الموقع قبل يجو المكتب ،، شال رقم جميلة و سجلو عشان يقدرو يتلاقو

جميلة رسلت لحامد في الواتس
جميلة : شنو يا هندسة مطنش كدة 😂😂😂 ، ما عرفتك والله في الشغل من الجدية 😁😁😁😁
حامد كان ماسك التلفون و جاهو اشعار الرسالة في الواتس و فتح الرسالة و شاف كلامها و ابتسم
و قال في نفسو مجنونة جميلة دي هههههه و رد ليها
حامد : انتي جنك دا ما بتخليهو 😂
جميلة فرحت لمن ضحك ليها : اي ما بخليهو ، اطلع من جحرك دا ياخي 😁
حامد رجع اتذكر انو عايز يبعد عنها : عندي شغل ، انتي بعد تخلصي امشي البيت طوالي ما تنتظريني
جميلة : يعني ما حأشوفك قبل امشي 😔
حامد : بنتكلم بعدين في التلفون
جميلة : طيب كويس

خلص الدوام ،، جميلة و سماح طلعو ،، بعدهم بمسافة رامي جاء لحامد عشان يطلعو

رامي : يلا نمشي يا حامد
حامد : لا امشي انت ، انا عندي شغل لسه عايز اعملو
رامي : لكن ما شايف اي شغل قدامك
حامد : يااخ خليني براي و اقطع وشك 😒
رامي : خلاص يا عم انا ماشي 😏

جاء المساء ،، جمي

#لعبة_القدر الحلقة 14 :-
بقلم : تهاني محي الدين

حامد جاتو فكرة يطفش جميلة بيها و ابتسم بخبث 👹

جميلة وصلت البيت ،،سلمت على امها و مشت ساعدتها في شغل البيت و استحمت ،، صلت و دخلت غرفتها بقت تقرا سورة البقرة ،، هي متعودة تقراها كل يوم و ختت تلفونها في الشاحن ، حامد كان بتصل عليها و هي ما كانت بترد لان التلفون صامت ، بعد انتهت من القراية مشت جابت تلفونها من الشاحن ،، لقت ستة مكالمات من حامد ، فرحت شديييييد و قالت دا دليل على حبو ليها انو اتصل كم مرة 😍 و اكييد غيابو كان غصب عنو

طوالي رجعت ليهو و هو رفض المكالمة و رجع ليها و جميلة ردت

جميلة : ما شاء الله ضكران والله ، هييييع 😁
حامد ابتسم جواهو من كلامها لكن بين ليها انو زعلان : جميلة 😔 ، اسمعيني كويس عايزك في موضوع مهم
جميلة قلبها دق و قالت يمكن عايز يفاتحها في موضوع الخطوبة 🙈
جميلة : اتفضل سامعاك ❤
حامد : اول حاجة ما عايزك تفهميني غلط و ما عايزك تزعلي مني ،، عايزك تفكري معاي في حل للموضوع دا
جميلة : 😧 بسم الله في شنو !! ، قلقتني يا حامد ، اتكلم
حامد : انا كلمت امي بيك و فاتحتها في موضوع خطوبتنا
جميلة : 😍😍 انت جادي !!! ، ياخ وقعت قلبي قلت يمكن في مصيبة

حامد : اسمعيني للاخر ،، ما تقاطعيني يا جميلة ارجوووك

جميلة حست انو في حاجة ما كويسة 😔 : اها واصل سامعاك

حامد عمل فيها صوتو حزين 😔 : انا بعد كلمت امي بيك و بي موضوع الخطوبة ، قالت لي ما عافية ليك لو عرست غريبة و لازم تعرس من بنات خالتك او من الاهل 😔
جميلة اتصدمت 😳 و ما عرفت تقول شنو ،، دموعها بقت تنزل ، حاولت تستجمع قواها و قالت : رضا امك اهم حاجة يا حامد و حاجة فيها عدم رضا الوالدين ما بتتم 😔
حامد : انا حاولت اقنعها و الاسبوع الفات دا كلو بحاول اقنع فيها على امل انو توافق ،، كنت ما بتكلم معاكي عشان ما اقلقك و حاولت احلو لكن لقيت انو مافي اي امل من انو تقتنع و اتبسم ابتسامة خبيثة 😈
جميلة : يا حليلك والله 😥 ، و انا اقول انت متغير من ناحيتي لييه ، اتاريك عايش الالم دا كلو جواك 😔😔😔😔😔
حامد : انا بحبك يا جميلة لكن كمان امي ضاغطة علي و بقيت في حالة صعبة 😈
جميلة : الزواج دا قسمة و نصيب و شكلو ما لينا نصيب مع بعض ، انا عارفة انك بتحبني لكن كمان دي امك و رضاها مهم 😢
حامد : ما تزعلي مني يا جميلة ، ارجوووك سامحيني
جميلة : ازعل منك لشنو ! ، انت ما سبتني بمزاجك ، الظروف بس كانت اقوى مننا 😢
حامد : الله يسعدك يا جميلة ، ان شاء الله ربنا يرزقك بالاحسن مني

جميلة خلاص قربت تنهار و تبكي لكن كانت ماسكة نفسها و دموعها و قالت ليهو : اميين و يرزقك كمان ، عن اذنك امي بتناديني
حامد : اتفضلي

حامد ابتسم ابتسامة خبث و فرحان جدا عشان قدر يتخلص من جميلة ، كمان طلع ضحية قدامها 😈👹

جميلة قفلت الخط و بقت تبكي و تبكي 😭😭😭😭 بمرارة و تقول : انا شكلي عمري ما مكتوب لي السعادة ، حبي ضاع مني ، خلاص بعد لقيت الفرح في غمضة عين يروووح 😭، استغفر الله العظيم و اتوب اليه

جميلة بقت تستغفر و تبكي طول الليل و دعت ربنا يساعدها و يطلعها من الازمة دي و يقويها تستحمل بعاد حامد ،، انو خلاص ما حيبقى من نصيبها ،، شغالة تعاين في صورتو و تبكي ،، قامت صلت ركعتين و بقت تدعي : 😭😭 يارب قويني ، انا عارفة انو اكيييد لخير لي ، يارب اجرني في مصيبتي و اخلفني خيرا منها 😭 ، يا الله يا الله

اما حامد كان مبسووط و فرحان انو ساب جميلة لكن قال ما يعملها ظاهرة ، قام ختى في الواتساب حالة حزينة عشان يحسس جميلة انو متاثر و نزل منشورات في الفيس حزينة

جميلة ما قدرت تنوم و ما قادرة تقاوم شوقها لحامد ،، و لا تتقبل انو خلاص البينهم انتهى ،، فتحت الواتس ، لقت صورة حزينة خاتيها و حالة حزينة كاتب فيها

ستبقي لي حلما لن أكف عن طلبه حتى يتحقق .. ليت ﺗﻠﻚ ﺍﻷﺣﻼﻡ ﺍلمرسومة ﻓﻲ مخيلاتنا .. ﺗﺘﺤﻘﻖ !

جميلة بقت تبكي وقالت في نفسها : معليش يا حامد غصب عننا نبعد ، انا عارفاك متاثر يمكن اكتر مني ، الله يصبرنا 😔😔 و ان شاء الله حلمك يتحقق في يوم و نكون من نصيب بعض 😥
بعداك نامت و هي بتبكي ،، ما كان عندها غير البكاء يخفف عنها

قامت من النوم ، عيونها ورامة شديد من كترة البكاء و كان جمعة و اجازة ، مشت الحمام استحمت و اتوضت ،، جات صلت و بعد الصلاة دعت انو ربنا يصبرها و قالت في نفسها : انا لازم ابقى قوية عشان حامد يقدر يقوى و لازم اتقبل الحصل و ارضى بنصيبي ،، اكييد لخير لينا الاتنين لكن كمان دموعها غلبوها و نزلو 😭

جات خديجة عليها شايلة الشاي و جميلة قشت دموعها بسرعة

خديجة : صباح الخير جميلة
جميلة : صباح النور امي
خديجة : 😳 في شنو يا بتي ، مالها عيونك ورامة كدة
جميلة : شكلو عضتني حشرة فيهم
خديجة : حشرة في الاتنين ، في شنو يا جميلة و كمان عيونك حمر ، انتي كنتي بتبكي !!؟
جميلة : لا لا يا امي ما كنت ببكي و دموعها نزلو 😭😭😭😭
خديجة : 😳 في شنو يا بتي قل

. #لعبة_القدر الحلقة 15
بقلم : تهاني محي الدين

نعود لاحمد ومآب نشوف قصتهم انتهت على شنو ( طولنا منهم 😁 )

حسن : يا بتي صاحب المعرض المشينا اشترينا منو العربات قال عايزك
مآب : انا ما موافقة يا ابوي
حسن : 😳😳 لييه ما موافقة
مآب : ما ارتحت ليهو يا ابوي و كمان هو كان بعاين لي نظرات ما عجبتي
حسن : يا بتي كدي قولي بسم الله ،، اعرفيهو اول ، ما ترفضي ساي و استخيييري
مآب : نظراتو ما عجبتني و انا ما مرتاحة ، ارجووك ما تضغط علي ، كلمو اني ما موافقة
حسن : حيرتيني يا بتي ، انا نفسي اشووفك عروس و اشوف اولادك قبل اموت 😔
مآب : حتشوف يا ابوي ان شاء الله لكن من الشخص البرتاح ليهو ،، انا عشانك حاستخير لكن ما اظن حأغير رايي

حسن زعل عشان مآب رفضت العريس ، اتصل على احمد و كلمو انو مآب رفضت

احمد : 😳😳 رفضتني
حسن : اي والله
احمد : عمي حسن اديني فرصة و انا بقنعها ان شاء الله
حسن : طيب يا ولدي
احمد : طيب انا حأجيكم المساء ان شاء الله لكن ما تكلم مآب اني جايي عشان ما ترفض تقابلني
حسن : خير في انتظارك يا ولدي

احمد مشى اشتري باسطة و جاء لبيت مآب ، قابل حسن ، حكى ليهو عنو و عن اسرتو و طلب منو ينادي مآب عشان يتكلم معاها

حسن : يا مآب تعالي عايزك في موضوع ،، تعالي سلمي على الضيف دا
مآب : كويس يا ابوي و قالت ضيف منو يا ربي ، لبست عبايتها و نقابها و جات لابوها

لقتو قاعد مع احمد ، اتضايقت و سلمت

مآب : السلام عليكم
احمد : و عليكم السلام
مآب : اظن انو ابوي وراك ردي 😒
احمد : اي عارف انك رفضتيني
مآب : طيب جايي لشنو !!!
حسن : يا بتي انا ما عارف مالك رافضة كدة ، اقعدي ورينا وجهة نظرك و اسمعي منو
مآب : طيب يا ابوي
احمد : يا مآب متذكرة قبل خمسة سنة لمن كنتي بتقري في الجامعة هنا و كان في واحد متواصل معاك اسمو احمد .

مآب دقات قلبها زادت 💗 : احمد 😳😳 و انت بتعرف احمد من وين !!!

احمد : متذكرة لمن قلتي ليهو انا بحبك لكن حاسيبك لاني ما بقدر اعمل حاجة ورا ابوي و ما دايرة اكسر ثقتو

مآب : انت عرفت الكلام دا من وين !!! 😳😳 ، اوعى تكون

احمد قاطعها : اي انا احمد ذاتو
مآب : انت جادي 😳
احمد : والله انا احمد زميلك ، شوفي الزمن لف و لف و خلاني اشوفك تاني و جمعني بيك
مآب في سرها بقت تقول الحمد لله و كانت مبسووطة جدا 😍و قالت :سبحان الله بالجد الدنيا صغيرة ، ما كنت متوقعة الاقيك او يجمعنا القدر تاني

احمد : دي لعبة القدر يا مآب يجمع و يفرق

مآب : سبحان الله
حسن : 😧دا شنو دا انتو بتعرفو بعض !!!
مآب بخجل : اي يا ابوي 🙈

احمد قص لحسن كل الحكاية
حسن : سبحان الله
و اتكيف من بنتو عشان ما خانت ثقتو فيها

احمد : اها لسه مصرة على رفضك لي 😉

مآب خجلت و سكتت : 🙈🙈🙈🙈🙈☺☺

حسن : 😂 السكوت علامة الرضا و قال لمأب ارفعي النقاب عشان احمد يشوفك
مآب رفعت النقاب
احمد : ما شاء الله تبارك الله ربنا يحفظك
مآب خجلت : 🙈🙈☺

احمد طلع من عندهم مبسووط جدا و كذلك مآب ، حسن مشى سال عن احمد و عيلتو و لقاهم ناس كويسين جدا و احمد بعد اسبوع جاب اهلو و جو للخطوبة و قلبو الخطوبة عقد و العرس بعدو بشهرين ❤❤

مآب و احمد بقو متواصليين مع بعض

احمد : بالجد انا اسعد انسان في الدنيا لاني لقيتك تاني و ربنا جمعني بيك لانو حبي ليك كان صادق ❤❤
مآب : اي والله ، انا كمان ما نسيتك يا احمد ،، كان قلبي واجعني عليك ،، كمان سبحان الله ما اتزوجت لا انت لا انا و بقينا من نصيب بعض
احمد : انا بحبببك يا مآب ❤😍😍

مآب : و انا كمان 🙈🙈🙈🙈

احمد و مآب اتاكدو انو القسمة و النصيب اقوى و انو الحاجة المن قسمتك ما بتفوتك حتى لو حسيت انها ضاعت منك 😍 ، بالجد ما اصابك ما كان ليخطئك و ما اخطاءك ما كان ليصيبك و اتزوجو و عاشو في سعادة و ولدو اولاد و بنات ☺
❤❤❤❤

مآب : و دي كانت قصتي انا و احمد يا بنات
اماني : 😍 قصتكم حلوة والله
حنان : بالجد قصة تفرح و القدر لعب دور فيها 😍 وربنا جمعكم
جميلة : ربنا يسعدك والله ، تستاهلي كل خير انتي 😊
مآب : تسلمووو كتييير حبيباتي و الحمدلله احمد طلع نعم الزوج و لهسي ما شفتو منو شي كعب و الحمدلله و ربنا يديم سعادتنا
البنات :امييييين ياارب
مآب : اها واصلي يا جميلة و تمي لينا قصتك الحصل فيها شنو !
جميلة : طيب حأتم ليكم القصة

طبعا انا ما وريتكم 😁 انو جميلة و مآب و اماني و حنان ساكنين في نفس الحي و بقو صحبات و اتعرفو على بعض ، مآب و جميلة بقو يحكو ليهم قصتهم ، اما اماني و حنان ما عندهم قصة 😅 ،، نحن كمان سمعنا قصة مآب و بنتمنى ليها السعادة هي و احمد😍 و عايزين نتم قصة جميلة ، و لنا لقاء في الحلقة الجاية 😉

يتبع

#لعبة_القدر الحلقة 16 :-
بقلم : تهاني محي الدين

حامد مشى العرس ، شاف بت جميلة جدا ، عجبتو جدا و طلعت وزيرة العروس و صحبتها

حامد : مبروووك يا عريس
اسعد : الله يبارك فيك يا ابو حمد
حامد : المزة دي منو 😍 و اشر

#لعبة_القدر الحلقة ال17 :-
بقلم : تهاني محي الدين

جميلة : طيب سماح دي مش غريبة !! ، و حتى كمان سماح قالت لي انو عندك اخ متزوج غريبة و انو امك زولة كويسة جدا و بتحبها و بتعاملها كويس !؟
حامد : بقى يتمتم ، اااااا 😧 ، سماح منو !!
جميلة : 😡كيف سماح منو !! ، سماح الشغالة معانا دي ، مش هي مرة خالك !!
حامد : ايوااا ، اي زوجة خالي ، لكن انا امي رفضت بالجد و قالت لي الا تتزوج واحدة غريبة ، و سماح دي ما عايشة معانا في البيت عشان تعرف الحاصل شنو !
جميلة : و اخوك مش معرس غريبة اشمعنى وافقت ليهو هو و رفضت ليك انت !!
حامد : امممممم 🤔 ، عشان اخوي عرس غريبة ، و امي لقتها زولة كعبة ، خافت الحاجة دي تتكرر عشان كدة رفضت اني اتزوج غريبة

جميلة : لكن سماح قالت لي امك بتحبها !
حامد : سماح لانو ما عايشة معانا ، و امي بتعامل مرة اخوي كويس بالرغم من انها زولة كعبة
جميلة : ايوااااا
حامد : يعني انتي ما مصدقاني يا جميلة و لا شنو 😒 ، قايلاني عايز سبب عشان اسيبك يعني ، ليه تظلميني كدة 😔
جميلة : انا ما قلت كدة، بس حبيت اتاكد
حامد : جميلة انا بحبك لكن الظروف هي البعدتنا عن بعض ،ما انا والله

جميلة : ما دام حلفت مصدقاك و كلمة واحدة حاقولها ليك ربنا يديك على قدر نيتك معاي يا حامد

حامد : بتدعي علي يا جميلة 😳
جميلة : انا ما دعيت عليك ، بس قلت ليك ربنا يديك على قدر نيتك معاي، ربنا عالم الفي نوايانا كان شنو و عالم بنيتي تجاهك و عالم بنيتك تجاهي ،، عشان كدة انا قلت ليك ربنا يديك على قدر نيتك معاي و انت مش واثق انك ما ظلمتني !؟ ، فما تخاف لان ربنا ما بظلم زول

حامد اتوتر و بقى يعرق 😰 : خلاص كويس يا جميلة

جميلة : عن اذنك ماشة اشوف شغلي
حامد : اتفضلي

جميلة طلعت من المكتب و ضحكت ضحكة استهتار كدة 😏 و قالت في نفسها : قلبي ما مطمن من ناحيتك يا حامد ، بقيت حاسة انك كنت بتلعب بي ،، انا خليتك لله و متاكدة ربنا حينصفني في يوم اذا كنت بتغش علي و بقيت تطلع من نفسي يا حامد لاني حاسة بالخذلان 😔

حامد اتوتر و خاف من كلام جميلة لانو ظلمها لكن الشيطان بقى يوسوس ليهو و يقول ليه ما تشتغل بيها كتير و انت ما غلطان لان الزواج ما بالغصب

رامي جاء لجميلة و سماح يشرب معاهم الشاي

رامي : سلامات يا بنات
سماح : و عليكم السلام
رامي : يا جميلة ، صممتي الموقع
جميلة كانت سرحانة و ما سامعة رامي
رامي طقطق ليها اصابعو و قال : سرحانة وين انتي 😂
جميلة : اااااا 😦 ، قلت شنو !!
حامد : 😂 الشاغل بالك يتهنى بيهو ، لي ساعة بتكلم معاك هههه
جميلة : 😂 ههههه معليش
رامي : و لا يهمك يا ستي
جميلة : اها قلت شنو 😁
رامي : صممتي خريطة الموقع
جميلة : شغالة فيها
رامي : كويس ، بعد تخلصي كلميني عشان نمشي نبدا
جميلة : كويس ان شاء الله

بقو يتونسو التلاتة مع بعض و يضحكو لكن جميلة كانت ضحكتها ما من جوا قلبها ، رامي حس بكدة انو جميلة دي وراها حزن جواها بالرغم من انها بتضحك معاهم لكن كان حزنها غالب فرحتها

انتهى اليوم و جميلة شالت شنطتها و طالعة لاقاها رامي برا

رامي : بتركبي شنو انتي
جميلة : بركب العربي من هنا
رامي : انا كمان ماشي العربي
جميلة : طيب
رامي : مالك يا جميلة فيك شنو !!
جميلة : 😂 مالي
رامي : حاسي بيك متغيرة ما جميلة حقتنا هههه
جميلة : انت من متين بتعرفني كويس ههههه ، كلها لي عشرة ايام معاكم 😁
رامي : الزول بلاحظ لانو في تغيير من اول ايام و كأنو جواك كتييير كاتماهو
جميلة : لا مافي حاجة ، كويسة انا الحمد لله 😊
رامي : الحمد لله ، اعتبريني اخوك الكبير و لو عندك اي مشكلة وريني 😊
جميلة : تسلم جدا رامي

جات الحافلة و ركبو ، كانو بتونسو طول الطريق و بعد وصلو العربي وداها محل مواصلاتها و مشى ركب لي مواصلاتهم

مر اسبوعين و جميلة بقى تعاملها مع حامد رسمي جدا بس في حدود الشغل ، لانها حاسة انو باعها و كان بلعب بيها لكن كانت ما متاكدة و برضو ما عايزة تظلمو ، احيانا كان بتحن ليهو و تفتح صورتو و تعاين ليها و تدمع 😥

حامد بهناك منتظر اسعد متين يجي من شهر العسل عشان يوصلو لمرام ،، ما شغال بجميلة شغلة و نساها تماما و طلعها من راسو ، اسعد جاء من شهر العسل و حامد اتصل عليه

حامد : حمد لله على السلامة يا عريس
اسعد : الله يسلمك يا ابو حمد
حامد : شنو هو ، دا كلو شهر عسل 😁
اسعد : اصلا هو اسمو شهر عسل و انا قعدت اسبوعين بس 😒
حامد : 😂 يا زول ربنا يهنيك و عقبالي يارب ، اها المزة ديك حتظبطني معاها بتين
اسعد : مزة منو !!
حامد : 😡 هيي اوعى تعمل لي فيها ناسي ، المزة القلت ليك عجبتني و انت قلت لي هي صحبة مرتك
اسعد : ايواااا مرام
حامد : مرااام 😍 ، اسمها ذاتو حلو 😁
اسعد : شكلك وقعت و لا حد سمى عليك
حامد : وقعت ساي هههههه
اسعد : طيب انا حاحدد ليكم معياد في بيتنا و ما حاوريها ، اخليها تجينا زيارة و انت و حنكك 😁
حامد : طيب اتفقنا
اسعد : انا حاكلم سمر تعزمها و اوريك

اسعد كلم زوجتو و سمر اتصلت على مرام عشان تجيها في البيت يوم الجمعة ، اسعد اتصل على حامد و كلمو

جاء يوم الجمعة و حامد وصل بيت سعد و دق الباب و سمر قالت لمرام افتحي الباب لانها عارفة حامد الفي الباب ، مشت فتحت الباب و لقت حامد قدامها و اتلاقو العينين 👀 ❤ 👁

يتبع

#لعبة_القدر الحلقة 18 :-
بقلم : تهاني محي الدين

مرام مشت فتحت الباب و لقت حامد في وشها ، الاتنين ارتبكو لما شافو بعض

حامد : السلام عليكم
مرام : و عليكم السلام
حامد : اسعد موجود
مرام : نزل الدكان ، اتفضل
حامد : تسلمي و يدخل

جات سمر سلمت عليهو
سمر : سلامات حامد ☺
حامد : كيفك يا عروستنا
سمر : الحمد لله بخيير ، انت كيفك
حامد : بخيير الحمد لله ، دي اختك و لا شنو
سمر : لا دي صحبتي ، اسمها مرام ، يا مرام دا حامد صاحب اسعد و مهندس
مرام : اتشرفنا 😊
حامد : اتشرفنا كتيير

خلوهو في الصالون و مشو المطبخ

مرام : دا منو الولد الكسار دا 😍
سمر : قلت ليك دا صاحب اسعد و مهندس 😁😁😁
مرام : انا شفتو يوم العرس كان بعاين لي كتير 😁
سمر : مصيبة انتي خهههههه ، عارفاك بتكوني وقعتيهو
مرام : دا كلامك 😂 ، بقيت امشي و اجي جنبو ، اعمل روحي ما شايفاهو عشان اجهجهو 😂
سمر : ههههه اهو مشيك جاء بفائدة لانك عجبتيهو 😁
مرام : و انتي عرفتي كيف 😍
سمر : هو كلم اسعد من يوم العرس
مرام : انتي جادة 😍
سمر : اي والله
مرام : كنت عارفة اني حأطلع لي بعريس اليوم داك لكن ما كنت قايلة بالسرعة دي
سمر : انا ذاتي ما عرفتك يوم العرس ، كمان الايام دي قايمة فيك سماحة من وين جبتيها يا بت 😁😂
مرام : انتي كنتي مركزة يعني ههههه
سمر : اي ما شاء الله كنتي تسوي كدة 👋🏻👋🏻 و هسي كمان ، بقيتي مزة يا مرام ، الخلطة رهييبة البتجيبها دي و كمان سمنتي
مرام : اشتغلت ليك طحنية بس لعرسك التقول انا العروس و كمان مشيت لامجد كريمات جبت ليك خلطة كاربة للجسم و الوش ، ظبطتني ليك
سمر : متاكدة ديل من الطحنية بس 😁
مرام بقت تتمتم و قالت ليها: اي طحنية
سمر : خطيييرة الطحنية هههههه
مرام : الضيف دا ما حتشربوهو حاجة و لا شنو 😁
سمر : يا حنينة 😂 ، هاكي العصير و الموية ديل وديهم ليهو

مرام شالت العصير و قدمتو لحامد ،،، هو شغال يعاين ليها بس و هي تتبسم و تتخجل 😊🙈

في الاثناء دي اسعد جاء ، سلم على حامد و قعد معاهو ، مرام طوالي دخلت جوا

اسعد : شايفك تعاين للمزة 😁
حامد : بسم الله ما شاء الله
اسعد : اها نقوول مبروووك ههههه
حامد : اي طوالي ، بعد اطلع كلمها طوالي ووريني رايها
اسعد : كويس ان شاء الله

جابو الغداء ، اتغدو مع بعض الاربعة ، اتونسو و ضحكو ، حامد كل مرة بسترق النظرات لمرام ، بعداك استاذن منهم و مشى البيت

و سمر كلمت مرام بانو حامد قال عايزها رسمي و مرام وافقت ، اسعد اتصل على حامد وراهو و حامد فرح جدا 😍 و شال منو رقم مرام عشان يبدو يجهزو للتعارف و الخطوبة

و اتصل على مرام كم مرة و اتعرفو على بعض اكتر و الحواجز البينهم اتكسرت ،، في يوم اتصل عليها

حامد : سلام يا القمرة 😍
مرام : و عليكم السلام حامد
حامد : سبحان الخلقك ما شاء الله ، وقعتيني فيك بنظرة و بقيت ما شايف غيرك
مرام : ما تخجلني يا حامد 🙈 ، من ذووقك
حامد : انا حاعقد طوالي ، رايك شنو و العرس بعد شهر من العقد
مرام اتوترت و بقت تمتم : لا ما عايزة عقد ،، خلينا نتخطب ، العرس بعد شهر في مكانو
حامد : ما بقدر اصبر والله ، مستحيل اشوف الجمال دا و اقاوم
مرام : كلها شهر بطل الشفقة 😁
حامد : امري لله ، الله يصبرني ، كلمي اهلك انو الجمعة الجاية جاينهم في البيت معاي اهلي
مرام : حاضر 😍😍
حامد : كمان لازم نتلاقى عشان نمشي نقيس الدبل ❤
مرام : كويس ان شاء الله ، نمشي بكرة نقسيها و نخلي الصايغ يظبطها لينا لحدي الخميس
حامد : حاشوفك بكرة يعني 🙈🙈🙈 ، خليها هسي عليك الله
مرام : هسي مشغولة و الله ، بكرة مناسب ، كلها ساعات يجي بكرة دا 🙈
حامد : يا يوم بكرة ما تسرع ، تخفف لينا نار وجدي 😍

اتونسو مسافة و بعداك ودعو بعض

حامد مشى كلم ناس بيتهم بالخطوبة ، انو الخطوبة الجمعة الجاية ، اخواتو مشو جهزو ليهو حاجات الخطوبة و هو مبسوط بالخطوبة و فرحان بمرام و جمالها الفاتن 😍

تاني يوم اتلاقو هو و مرام و قاسو الدبل ، مبسوطين الاتنين كانو جدا ، حامد طوالي بقى متواصل مع مرام بالتلفون و اتعلق بيها جدا ، حتى لمن يجي المكتب طول الوقت بتونس بالتلفون و مبسوط

جميلة كانت بتشوفو بتكلم من بعيد و مبسوط ، و مستغربة انو قدر يطلع بالسرعة دي من الحزن كيف !! ، و حاسة انو فراقهم ما فارق معاهو 😔 ، مرات تقول هو بكون حزين لكن ما عايز يبين ليها حاجة ، فكانت عايشة في حزن بالرغم من وجود الناس حوالينها و ما حاسة بفرحة ، حاسة انو عمرها كلو حتكون وحيدة 😔

جات الشغل يوم الخميس
جميلة : سماح كيفك
سماح : الحمد لله ، كيف انتي
جميلة : الحمد لله عال العال

الاتنين كانو شغالا

#لعبة_القدر الحلقة 19 :-
بقلم : تهاني محي الدين

جميلة : منو العايز يخطب 😦
سماح : حامد خطوبتو بكرة ان شاء الله
جميلة : 😳😳 انتي جادة
سماح : اي جادة ، عايز يخطب واحدة غريبة ، من معارفو
جميلة : غريبة 😳

جميلة حست انو الدنيا دي بتلف ، بقت ما قادرة تتكلم و دموعها بقت تنزل بس 😭

سماح : 😳 في شنو يا جميلة مالك بتبكي ؟

جميلة ساكتة و ما قادرة ترد

سماح : يا بت قلقتيني عليك ، وريني في شنو !!!

جميلة بقت تبكي بصوت عالي و سماح ما قادرة توقفها و ما عارفة صحبتها مالها ، هي ذاتها دموعها نزلت لمن لقت حالة جميلة كدة 😭

سماح : جميلة عليك الله وريني مالك ، ما تقلقيني عليك كدة 😭

جميلة : انا حبي غير ناضج ،، انا حبيت زول كان بلعب بي ، سابني عشان يعرس غيري ،، عملت ليهو شنو انا عشان يلعب بمشاعري كدة 😭😭😭

سماح : انتي بتتكلمي عن منو 😦
جميلة : حامد يا سماح 😭
سماح : 😳😳 حاااااامد ، لا حول و لا قوة الا بالله ، احكي لي الحصل شنو !!
جميلة ما قادرة تتكلم من كترة البكاء ، سماح مشت جابت ليها موية

سماح : اشربي الموية دي ، و استغفري ، غسلي وشك دا ، يا خالتو جيبي لينا عصيرين ليمون لو سمحتي

جميلة شربت الموية ،، غسلت وشها ، سماح قعدت جنبها و حضنتها : احكي لي يا حبيبتي 😥

جميلة حكت ليها الحصل كلو من اول يوم اتعرفت بيهو على حامد لحدي ما قال ليها انو امو رافضة

سماح : 😧 لا حول و لا قوة الا بالله ، دا كلو يطلع من حامد
جميلة : انا كنت فاكراهو مظلوم زيي و انو زعلان عشان ما حنكون لبعض ،، اتاريهو بكذب علي 😭 عشان يسيبني ،، كمان خطب سرعة و لا راعى لمشاعري ،،انا لازم اسيب الشغل دا 😭
سماح : 😳 اووووعي تسيبي الشغل دا ،، المكتب دا ما حقو براهو معاهو رامي ، اووعي تسيبي الشغل عشانو ،، عشان ما يحس انك ضعيفة ، خليك قاعدة و كوني قوية و باركي ليهو كمان بكل ابتسامة و خليهو لربنا بس ، ربنا يمهل و لا يهمل و لو ظلمك ربنا بنصفك ان شاء ، مش هو ود اخت راجلي لكن بالجد سقط من نظري بعد العملو فيكي 😡

جميلة : 😭😭😭 ما بقدر يا سماح ،، اشوفو كل يوم و لابس دبلة واحدة تانية غيري ،، كمان طول ما هو قدامي ما حاقدر انساهو و لا انسى خزلانو لي 😭 ، خايفة اكرهوا و احقد عليهو، و انا ما طبعي كدة ، لاني ما حاقدر اسامحوو 😭

سماح : 😭 ما تبكي يا جميلة ، كلوو لخييير ، عليك الله ما تمشي تخلي المكتب

جميلة : انا محتاجة اجازة كم يوووم ،، عايزة اقعد مع نفسي حبة 😔

سماح : اي اخدي اجازة ، انا حاكلم ليك رامي يديك ليها

جميلة : انا ماشة البيت 😞

سماح : اشربي العصير اول ، هدا خالتو جابتو ، ما تطلعي بالحالة دي عشان ما تقلقي امك ،، انا حامشي معاكي
جميلة : مافي داعي انا كويسة 😔

جميلة شربت العصير ، مشت غسلت وشها تاني ، و سماح أجرت ليها امجاد للبيت و وصفت ليهو البيت لان جميلة وصفتو ليها قبل كدة ، بعداك رجعت المكتب و زعلانة على حال جميلة شديد و قالت : ما كنت قايلاك كدة يا حامد ، حسبي الله و نعم الوكيل فيك 😔

جميلة ركبت في الامجاد ورا ، و دموعها ما عايزين يقيفو ، سواق الامجاد حن على حالتها ، شغل ليها نكات عشان يضحكها ، و هي في عالم تاني بس بتبكي 😔😔 و لا سامعة النكات

وصلت بيتهم ووقفت الامجاد و نزلت

سواق الامجاد : الله يخفف عليك يا بتي و يرزقك فرحة تنسيك كل حزنك 😊

جميلة عاينت ليهو و عيونها مليانة دموووع و قالت ليهو : اميييين

لمن وصلت باب بيتهم ، طلعت ليها موية من شنطتها ، غسلت وشها و مسحتو بالمندييل

جات داخلة البيت بإبتسامة وراها حزن كبييييير ، ابتسمت عشان امها ما تحس بحاجة و تقلق عليها

خديجة : مالك جيتي بدري الليلة !؟
جميلة : عيانة حبة يا امي
خديجة : 😦 فيك شنوو يا بتي ! ، يلا نمشي الدكتور
جميلة : انا كويسة يا امي ، بس شوووية ارهاق ،، محتاجة انوووم بس 😔
خديجة : طيب ادخلي جوا استحمي و غيري هدوومك و انا حأعمل ليك عصير
جميلة : حاضر يا امي

جميلة دخلت غرفتها و دموعها ما عايزين يقيفو ، امها جابت ليها العصير

خديجة : مالك بتبكي يا جميلة 😧
جميلة : من الصداع يا امي
خديجة جات قعدت في السرير و ختت راس جميلة في رجليها ومسحت راسها بيدها و بقت تحصنها
خديجة : اتحصني يا بتي دائما و ابلعي البندوول دا وحاولي نومي
جميلة : حاضر يا امي
بلعت الحبوب و رقدت عملت نفسها نائمة

جميلة دخلت في حالة نفسية سئية جدا ، حتى الاكل ما عندها نفس تاكلو 😔

حامد نهاية اليوم هو و رامي جو المكتب

حامد و رامي : السلام عليكم
سماح : و عليكم السلام 😒
رامي : مالك براكي ،، وين جميلة ؟
سماح : انت يا رامي ما غريب و انا حأتكلم قدامك 😠
رامي : في شنو اتكلمي 😳 ، مالها جميلة ؟
سماح : انت يا حامد ،، هل كان في بينك و بين جميلة علاقة !؟

حامد اتوتر جدا 😰 و بقى يتمتم و رامي عاين ليهو باستغراب 😳

سماح : افتكر السؤال واضح ، جاوب لو سمحت

حامد : .....

يتبع

#لعبة_القدر الحلقة 20 :-
بقلم : تها

#لعبة_القدر الحلقة 21 :-
بقلم : تهاني محي الدين

جميلة جات داخلة البرندة لقتهم رامي و سماح

جميلة : رامي 😥😥
رامي : ازيك يا جميلة
سماح : مشتاقين يا جميلة 😊

جميلة سلمت عليهم

رامي : مالك يا كسلانة ما بتاكلي 😒
جميلة : اتفضلو ،، منو القال ليكم ما باكل
سماح : بقيتي كيف هسي
جميلة : الحمد لله احسن
رامي : امك قالت لينا انك من امس ما اكلتي حاجة ،، لييه كدة يا جميلة 😒
سماح : انا واجهت حامد بكل حاجة و حامد للاسف ما متاثر 😔 ، و ما تزعلي اكيد لخير ليك ، رامي عرف القصة لاني واجهتو جنبو

جميلة انفقعت من البكاء 😭 و سماح بقت تهدي فيها
جميلة : الحمد لله على كل حال ، دا اول حب في حياتي و انا صدقتو عشان كدة الصدمة كانت كبيرة علي 😭
رامي : ما تزعلي يا جميلة ،، انتي ربنا بحبك( و عسى ان تكرهوا شئيا و هو خير لكم ) يمكن الحصل دا لخير ليك 😔
سماح : كلام رامي صاح ، خليك قووية و ما تنزلي فيهو دمعة لانو ما بستاهلك و غشاك عشان يزوغ منك 😡
جميلة : ان شاء الله حاحاول اقوى
رامي : نحن معاكي و ما حنخليكي 😊 ، يوم الاحد انزلي الشغل عادي و اتعاملي مع حامد عادي جدا و باركي ليهو كمان عشان ما يحس انو كسرك
جميلة : حاحاول 😔
رامي : هسي انا جعان شديد والله ، نادي خالتو تجيب الاكل عشان ناكل كلنا مع بعض 😊
جميلة : و الله ما عندي نفس ،، اكلو انتو 😔
رامي : لو ما اكلتي معانا ، انا والله ما اكل نهائي و ذنبي ببقى في رقبتك 😒
جميلة : ارجوووك يا رامي ما تقول كدة ، انت ذنبك شنو ما تاكل بسببي 😔😔
رامي : ذنبي انك بتهميني 🙊
سماح : انا كمان لو ما اكلتي ما حأكل نهائي زي رامي
جميلة : خلاص حأكل معاكم
رامي : 😍 يا خالتو جيبي الاكل قبل البت دي تغير رايها 😂
جميلة : هههههه مجنون
رامي : ايي اضحكي ، خلي الشمس تدخل 😍
جميلة : تسلمووو كتير والله
سماح : نحن اصحابك و انتي زي اختي و اكتر كمان ☺

خديجة جابت ليهم الاكل و اكلو مع جميلة و ضحكوها 😍
جميلة شوية شوية نفسها اتفتحت للاكل و اكلت كويس

خديجة : ما عرفتيني على اسمائهم
جميلة: دا رامي و دي سماح 😊
خديجة : ما شاء الله ربنا يحفظكم ، وين حامد ما جاء معاكم !؟

جميلة مسكت دموعوها قدام امها 😥

رامي : ااااا ااااا حامد مشغول والله ما قدر يجي ، لكن بلغنا سلامو ليكم 😊
خديجة : الله يسلمو ، واصلو اكل مالكم وقفتو ، و لا اكلي ما عجبكم 😒
رامي : هههههه لا لا ، بالعكس اكلك طاعم يا خالتو 😊
سماح : اي والله ، ما شاء الله نفسك رهيب في الاكل 😍
خديجة : تسلموو يا اولادي ، كويس انكم قدرتو تخلوها تأكل ☺
سماح : اصلا نحن بنفتح النفس ، مش يا جميلة هههههه
جميلة : صاح والله ☺

اكلو و قامو غسلو يديهم و خديجةمشت عشان تاخد حبوبها

رامي : افتحي تلفونك يا جميلة 😒
جميلة : حاضر حافتحو
سماح : نحن حنمشي بعدا 😊
جميلة : اقعدو معاي حبة بليييز
رامي : انا ماشي عشان الحق الصلاة حقت الجمعة ، حأتصل عليك اوعي تقفلي تلفونك
جميلة : طيب تمام ، دعواتك لي 🙊
رامي : حااااضر ان شاء الله
سماح : اكلي عليك الله يا جميلة ، و ما تقلقي امك عليك
جميلة : حاضر ، تسلمووو ما قصرتو 😊

جميلة ودعتهم للباب

خديجة : اقعدو قيلو معانا يا اولادي
رامي : كان بي ودنا لكن المرة الجاية ان شاء الله
خديجة : شرفتونا كتير والله

رامي و سماح طلعو و متاثرين بحالة جميلة
سماح : يا حليلها جميلة 😔
رامي : متاثرة شديد ، شكلها حبتو جدا 😔 ، بالجد حامد زعلني شديد في العملو في البت دي
سماح : حيندم متاكدة
رامي : المشكلة في جميلة هسي لانها شكلها ما قادرة تتخطى المشكلة دي 😔
سماح : اي والله ، لان الصدمة كانت كبيرة عليها
رامي : ان شاء الله نحاول نطلعها من الازمة دي
سماح : كلامك صاح

رامي وصل سماح بيتهم و مشى بيتهم يتجهز للصلاة

في الجانب الاخر جميلة اتبسطت بجيتهم ليها و كمان خديجة اتبسطت منهم لانو قدرو يخلو بتها تاكل و قدرو يضحكوها ، جميلة حاولت تكيف نفسها على عدم وجود حامد في حياتها و قالت اكيييد لخييير ليها و بس قالت حسبي الله و نعم الوكيل

جاء المساء و كانت الخطوبة ، جو اهل حامد و اهل مرام استقبلوهم استقبال كبير ، لبسو الدبل و حامد و مرام كانو فرحانين شديد بالخطوبة دي
حامد : انا كلمت اهلي يحددو الزواج طوالي 😍
مرام : 🙈🙈🙈🙈🙈 ليه الاستعجال
حامد : عشان ما بقدر على بعدك ☺
مرام اتبسمت و ما ردت ليهو

اهلهم حددو الزواج بعد شهر طوالي من الخطوبة و الزغاريد ملت البيت

رامي ما مشى الخطوبة و قال يتصل على جميلة عشان ما تفكر كتير في الخطوبة و نفسياتها تتعب
جميلة كانت بتحضر في مسلسل و جات لقطة فيها البطل جاء للبطلة و قدم ليها خاتم الخطوبة 💍و هنا جميلة دموعها بقت تنزل عشرة عشرة 😭😭 لانها اتذكرت حامد و اتذكرت انو هسي بكون مع خطيبتو و بلبسها الدبلة 😔

و تلفونها ضرب لقتو رامي و قشت دموعها و ردت

جميلة : الو رامي
رامي : مساء الخير جميلة 😊
جميلة : مساء النور
رامي : زهجان ، قلت اتصل

عليكي تضحكيني حبة 😁
جميلة : هههههههه كويس
رامي : كدة الزهج راح بضحكتك دي 😂
جميلة : هههههه كويس انو زهجك راح
رامي : امك زولة ظريفة والله ، و بتحبك جدا
جميلة : الله يخليها لي ، هي كمان حبتكم جدا و شكرتكم لي
رامي : كويس والله ، سمعتي النكتة دي
جميلة : نكتة شنو
رامي : نكتة موضة العرس ،،
النكتة بتقول (
ام العريس :جينا نخطب بنتكم
ام العروس:شفتوها وين يا اختي 😳
أم العريس :شفنا يدها في الواتساب
رجلينها في الانستغرام ونص وشها في الفيس بوك ...والنص
الثاني في تويتر وجمعنا الصور وعجبتنا😂😂😂🐸 )
جميلة : 😂😂😂😂😂 حلوة شديد

فجاءة اتذكرت حامد لانها اتعرفت عليه بالفيس 😔
جميلة : انا اتعرفت على حامد بالفيس لكن ما عجبو شكلي عشان كدة سابني 😔 ، يعني انا عشان ما جميلة ما بتزوج

رامي حس انو النكتة جرحتها 😔

رامي : دا كلام شنو يا جميلة 😠، احمدي ربنا على النعمة الانتي فيها ،، كل حواسك كاملة و غيرك ما لاقي الحاجة دي
جميلة :: كلامك صاح ، الحمد لله الذي عافني من ابتلاء به كثير من الخلق ، الحمدلله على الخلقة الكاملة
رامي : ما اسمعك تاني تقولي على نفسك شينة 😡
جميلة : حاضر 😊

رامي فضل يتكلم مع جميلة كتير و يقول ليها في النكات و يضحك فيها و جميلة قدرت تنسى حزنها و نامت كويس 😍

رامي راقد في غرفتو و بقى يقول في نفسو : انا الغيرني شنو ، كنت زول مستهتر و حتى كنت بتريق على شكل جميلة !!! ، لكن هسي بقيت ما شايفها شينة نهائي ،،، لييه بقيت مهتمي بيها و لييه زعلها مؤثر فيني ،، يمكن عشان هي طيبة و لا انا 😳

يتبع
توقعاتكم و اراءكم

#لعبة_القدر الحلقة 22:-
بقلم : تهاني محي الدين

رامي بقى يقول في نفسو : انا مالي مهتمي بجميلة ، يمكن عشان هي طيبة و لا انا 😳 ، يا ربي اكون حبيتها بالجد و انا ما عارف 😳،، لا لا ما اظن دا حب بكون زمالة بس ، ياخ ما عارف بس انا ما عايزها تزعل 😔

مر يوم السبت و جميلة لسه ما قادرة تاكل كويس لانها من تجي تاكل تتذكر حامد و نفسها تقفل من الاكل ، رامي اتصل عليها يطمن بقت كيف

جميلة : الو رامي ☺
رامي : كيفك اليوم ، ان شاء الله احسن ☺
جميلة : الحمدلله بخير
رامي : اكلتي!
جميلة : ما قادرة اكل ، ما عندي نفس والله 😒
رامي : يمكن عيانة لازم تمشي المستشفى
جميلة : لالا مافي داعي 😥
رامي : اجهزي انا جاييك هسي
جميلة : لا لا يا رامي ، ما تعب روحك ، شوية ارهاق و بتحسن ان شاء الله لو نمت 😔
رامي : ما داير كلام كتير ، قلت ليك اجهزي انا جاييك 😒
جميلة : خلاص كويس ☺

رامي بعد ساعة وصل بيت ناس جميلة و اتصل عليها و انتظرها برا الباب ، جميلة و خديجة طلعو ليهو
خديجة : ازيك يا ولدي
رامي : تمام الحمدلله خالتو ، كيفك يا جميلة
جميلة : الحمدلله
خديجة : كتر خيرك قدرت تقنعها ، انا بحنس فيها لي يومين ما عايزة تمشي
رامي : مالك متعبة نفسك يا خالتو ،، ارجعي انا بمشي معاها
خديجة : انا ماشة سماية ، بحاول اخلص بدري و الحقكم
جميلة : كويس
رامي : طيب نحن حنوصلك في سكتنا

رامي اجر امجاد و وصل خديجة بيت السماية و بعدها ودى جميلة اقرب مستشفى و اتونسو طول السكة

وصلو المستشفى وقابلت الدكتور و عمل ليها الفحوصات ، خديجة اتصلت عليهم و جميلة ورتها انو لسه النتيجة ما طلعت ، قالت لامها تمشي البيت و هي بتلحقها اول ما تخلص ،،، طلعت النتيجة نضيفة و دخلو للدكتور

الدكتور : ما عندك اي حاجة يا بتي
جميلة : الحمدلله ، مش قلت ليك يا حامد 🙊
رامي : انا رامي يا جميلة 😒
جميلة : معليش 😔
رامي : لكن يا دكتور هي ما بتاكل و ما عندها نفس ليها كم يووم
الدكتور : المشكلة نفسية بس شكلو ، انا حاكتب ليها فايتمينات تفتح نفسها للاكل
رامي : ههههه اي عندها نفسيات
جميلة : ههههه كويس يا حقار
الدكتور : ربنا يخفف عنك يارب

مشو الصيدلية و جابو الادوية و بعدها عزمها على الغداء و ضحكها و قدرت تاكل و بلعت حبوبها

جميلة : شكرا ليك يا رامي
رامي : على شنو
جميلة : على وقفتك معاي 😊
رامي : ما تشكريني ، انا ما بستحمل اشوفك زعلانة 🙊
جميلة : بالجد وقفتك معاي ساعدتني اتخطى الموقف دا ، كتر خيرك انت و سماح 😊
رامي : العفووو ، انتي حاجة مهمة بالنسبة لينا ،، و عشان تثبتي لي اني قدرت اطلعك من الازمة دي ، لازم بكرة تجي الشغل
جميلة : اجي 😥
رامي : اي لازم تجي عشان تقدري تقوي اكتر 😊
جميلة : حاضر
رامي : خليك قووية قدام حامد و ما تضعفي
جميلة : حاحاول ان شاء الله

بعدها وصلها البيت و جميلة شكرتو و دخلت بيتهم و طمنت امها عليها ، رامي مشى بيتهم و في المساء اتصل على جميلة ذكرها بمواعيد الحبوب و اتطمن عليها ، و جميلة انبسطت لوقفتو معاها

في الجانب الاخر حامد مع مرام ، مشو اشترو الشيلة و مرام طلباتها كتيرة شديد و حامد عشان جمالها جاب ليها اي حاجة عايزاها في الشيلة و الشيلة كلفتو كتير جدا ، غير الدهب الكلفو براهو 50 مليون 😳

مرام : انا عايزة العرس في صالة الاحلام ، لازم نحجز م

#لعبة_القدر الحلقة 23:-
بقلم : تهاني محي الدين

حامد : انا عامل عزومة للشباب ضروري تجي 😊
رامي : كويس يا حامد ، انا حاجي عشان خاطر العيش و الملح الكان بينا ، مع انو لسه مقتنع انك غلطان في حق جميلة
حامد :دا العشم برضو يا اخوي 😊
رامي :مبرووك ☺ ، ما معروف يمكن لخير ليك و لي جميلة انو تبعدو عن بعض
حامد : موضوع جميلة انتهى خلاص ،، بترجاك ما تفتحو لي تاني ، بكرة القعدة بعد المغرب ما تنسى
رامي : كويس ما حافتحو تاني ،، ان شاء الله حاكون معاك

جميلة في الشغل مع سماح و رامي و شوية شوية قدرت تطلع من حالة الحزن الكانت فيها و ايقنت انو الحصل دا لخير ليها اكيد 😊

جاء يوم المرطبات ، اصحاب حامد جوهو و الاهل و كمان رامي ،، اتبسطو و اتونسو كلهم مع بعض و جمعو ليهو مبلغ كويس

بعد الناس مشو ، حامد طوالي اتصل على مرام

حامد : الووو مرام حبيبتي 😍
مرام : اهلين حامد ،، جبت القروش !؟
حامد : سلمي علي اول 😒
مرام : مش قلت ليك اهلين
حامد : ما علينا 😒 ،،، اصحابي جمعو لي مبلغ كويس و دا اعتبريهو سد المال
مرام : كم يعني 😍
حامد : 50 مليون 😍
مرام : 😳 نعم نعم نعم ، 50 مليون دي ما بتعمل اي حاجة يا حامد ، انا عايزة على الاقل مهر 200 مليون 😒
حامد : اجييب من وين يا مرام 😡 كيف تقولي 50 مليون دي ما كتيرة ، انا جبت ليك اي حاجة في الشيلة ، دهب بي 50 مليون و شيلة الهدوم ستة ستة و الريحة براها 40 مليون و شيلة الاكل جبت ليك حاجات بي 20 مليون ، يعني ال 50 مليون دي كويسة شديد
مرام : هووووي يا حامد ، انت عايز تحسب لي كمان ،، مش عايز القمر ادفع 😒
حامد : 😡😡 مرام انتي زودتيها خالص
مرام : حتعمل شنو يعني وريني 😡
حامد : الله يلعنك يا ابليس ،، اوووف ، انا حاقفل و كلامي مع الرجال بس تاني و ما حازيد اي قرش تاني 😒😡
مرام : انت عايز الناس تاكل وشي و لا شنو 😠
حامد : انتي قايلاني صراف الي و لا قصدك شنو بالطلبات الكتيرة دي 😡 ، ناسية انو عندي وليمة كمان لي اهلي ، دي حأضطر ادين ليها عشان اعملها ، خلي عندك دم ياخ ، قايلاني بلقى القروش دي واقعة 😠
مرام : ما بهمني كتير ، الصالة ما تنساها كمان و الفنان
حامد : يا زولة الصالة دي تاجريها انتي لو عايزاها ، انا ما عندي دخل تاني
مرام : بي ال 50 مليون دي !؟
حامد : لو كنتي خففتي حاجات الشيلة ، كانت القروش كفت لكن انتي ما بتشبعي بس عايزة و لا بهمك انا اجيب القروش من وين و كيف 😡
مرام نزلت دموع التماسيح : 😭😭😭😭😭😭 انت ليه بتتكلم معاي كدة ، انت بتستخسر علي الفرحة ، يعني انا اقل من صحباتي العرسو ،، انت مش مهندس و عندك 😔
حامد : خلاص ما تبكي ، معليش 😔
مرام : انا عندي حل ، نحن نعمل عزومتنا الاتنين مع بعض في الصالة عشاء
حامد : انا اهلي كتار و اكل الكوكتيل دا ما بنفع معاهم و في ناس كبار ما بقدرو على السهر ،، لازم العقد يكون مع صلاة الجمعة
مرام : طيب يا حبيبي ، بس زيد لي القروش دي حبة و انا بشوف صالة مناسبة و بعزم فيها اهلي للعرس و انت اهلك ما دام عزومتهم غداء ، اوعى القاهم في الصالة 😒
حامد : لو عملنا حفلة ، اكييد حيجو و لو جزء منهم
مرام : طيب جيب قروش اكلهم كمان و زيد القروش دي 😒😒
حامد : كويس بتصرف
مرام : ما تنسى حساب الكوفير و الفستان و الفنان ، عايزة فنان معروف 😍
حامد : كويس يا ستي بتصرف قلنا 😠

حامد مشى اتدين قروش كتيرة قريب لي 100 مليون من ناس مختلفة عشان يتم باقي حاجات العرس و دا غير خيلانو رسلو ليهو قريب 100 مليون من برا السودان

مشى حجز ليهو صالة بي 20 مليون بدون عشاء ،، و شاف ليهو فنان معروف بي 20 مليون و ادى مرام 10 مليون للمكياج و ايجار الفستان و الحنة و كمان معاها صحباتا و دفعتو حقت مكياجهم ،، اتفق مع ناس يجهزو العشاء و اداهم 80 مليون و ختى لعزومتو حقت الغداء لاهلو 40 مليون و قال ال30 الفضلت لشهر العسل دا لو بقى فيها عسل 😒

مر الشهر بسرعة و مرام كل مرة تطلب قروش زيادة لحاجات هايفة و حامد شامي الوضع 😡 ،، لكن جاب اي حاجة عايزاها عشان العرس يتم

في الجانب الاخر جميلة تقريبا نست حامد و حتى لمن كان بجي الشغل بقت ما شغالة بيهو كتير و قلبها قووى من ناحيتو ،، بقى ما فارق معاها و بتتعامل معاهو بكل برود و كأنو ما كان في بينهم علاقة في يووم

و هي بقت اقوووى بفضل سماح و رامي لانهم ما خلوها ابدا ،، رامي طوالي بقى متواصل مع جميلة و اتعود عليها و هي كمان اتعودت عليهو شديد 😍 بقى لازم يوميا تتكلم معاهو بعد ترجع من الشغل بالتلفون و يتونسو و ينومو مبسوطين 😍😍، كان احساس حلوو ليهم لكن مافي زول عارف المشاعر البينهم دي شنو ، المهم كانت مشاعر جميلة اقوووى من الحب و الصداقة ❤

و جاء يوم عرس حامد ، مشو عقدو في الجامع و بعداك عمل عزومتو في البيت غداء و مرام ما خلت حاجة ما عملتها من الاووت دور و غيرو ،، شغالة تشيل من حامد كل مرة قروش و فلست بيهو و مشو اتصورو ،، اتجهو للصالة ،، جميلة اتظبطت و رامي جا

ها في البيت و ساقها معاهو للعرس و ساقت معاها بت اختها الصغيرة ، وصلو الصالة و دخلو جوا

لاقو سماح وقعدو في تربيزة مع بعض و منتظرين العرسان يجوو ، جابو ليهم العشاء وجميلة اول ما بدت تاكل العرسان جو داخلين

بدون تشعر ما قدرت تاكل و دموعها نزلت 😭،، طوالي قشت دموعها بسرعة و طلعت برا الصالة

رامي طلع وراها و لقاها برا بتبكي 😭

رامي : جميلة
جميلة : ....

يتبع

#لعبة_القدر الحلقة 24 :-
بقلم : تهاني محي الدين

رامي طلع ورا جميلة لقاها بتبكي
رامي : جميلة
جميلة قشت دموعها : مالك طلعت من جوا 😔
رامي : انا لمن شفتك طلعتي ، قلت اشوفك طلعتي لشنو !
جميلة : عايزة اشم هوا بس ، حاسة نفسي مخنوقة 😔
رامي عرفها طلعت عشان شافت حامد و عروستو مع بعض

رامي : انا كمان مخنوق ، احسن هنا جو طبيعي ☺
جميلة : اي

فضلو ساكتين و اي زول بعاين قدامو ، رامي كان بفكر في جميلة و انو كيف يقدر يطلع حامد من جواها للابد لانو ما بستحمل زعلها
و جميلة كانت بتفكر في حامد و دموعها بنزلو غصب عنها و هي مغطية نص وشها بالطرحة عشان رامي ما يلاحظ ليها

رامي : تصدقي يا جميلة ، انتي الليلة طالعة احلى واحدة في الحفلة 😍
جميلة : ههههه بطل مجاملة
رامي : والله ما بجاملك ، لكن انا شايفك احلى واحدة 🙈
جميلة : ههههه ما بتشوف لو كدة
رامي : ادييك عيوني تشوفي نفسك بيها 😒
جميلة خجلت : خلاص شكرا
رامي : انا عارف انك طلعتي عشان شفتي حامد مع غيرك و عارف انك لسه بتحبيهو بعد العملو فيكي
جميلة : و الله ما بحبو و حبو انتهى زمان ، لكن اتضايقت لمن شفتو كدة لاني اتذكرت وعدو لي بس و كيف كان بغشني ،، زعلانة على نفسي عشان صدقتو في يوم
رامي :😍 بالجد بقيتي ما بتحبيهو
جميلة : اي والله ، هو خزلني و ما بستاهل حبي ،، احسن حاجة عملها انو خلاني اتعرف عليك و على سماح 😊
رامي : بالجد 😍
جميلة : اي والله
رامي : خلاص يلا ندخل جوا ، نمشي نبارك ليهو ، لازم تكسري اي حاجز تجاهو
جميلة : كويس

دخلو جوا و اتجهو على الكوشة و جميلة جاتها شجاعة فجاءة و ما ضعفت و مشت عليهم مع رامي

حامد شافها و خاف انو جميلة تكون جاية عشان تعمل ليهو مشكلة مع مرام 😰 و قلبو بقى في يدو من الخوف

جميلة وصلتهم و سلمت على العروسة و قالت ليها : الف مبرووك ربنا يسعدك ، بالجد حامد سيد الرجال و اكيد حيسعدك و يكون احسن زوج ليك لانو رااااجل قدر كلمتو ،، و عاينت لحامد نظرة سخرية و هي لسه ماسكة يد مرام و قالت : ما شاء الله اختيارك موفق يا حامد و عروستك قمر 14 يا زين ما اخترت

و حامد كان عرقان و العرق صابي من وشو مع انو الجو كان بارد 😂 وابتسم ابتسامة خوف و قال في نفسو : الله يستر ، متين العارض دي ترجع مكانها

جميلة فكت يد مرام و مدت يدها لحامد

جميلة : مبروووك يا عريس ، ان شاء الله تتهنى معاها 😊
حامد بلع ريقو : الله يبارك فيك يا جميلة و عقبالك
جميلة : اميين

رامي سلم عليهم و بارك ليهم و رجعو هو و جميلة لتربيزتهم عشان يتعشوو بمزااااج 😂

مرام : دي منو يا حامد
حامد : اااااا اااااا ،، دي زميلتي في الشغل
مرام : ايواااا ، بس حسيت انو في حاجة غريبة بينكم لانها مسكت يدي مسافة
حامد : غريبة زي شنو
مرام : هل كان في علاقة بينك و بينها
حامد : معقولة يا مرام ، انتي ما شفتي وشها و لا شنو ، تقطع الخميرة من العجين ، معقول اعاين لواحدة زي دي
مرام ضحكت : تصدق كلامك صاح ، المهم ما علينا بيها خلينا في عرسنا و قوم نرقص

حامد في نفسو : الحمدلله جميلة ما عملت لي مشكلة ، انا عارف انو في فرق بين جميلة و مرام ،، ما عارف انا اخترت صااح و لا لا لكن حاواصل للاخر المرة دي و ان شاء الله مرام تكون تستاهل ،،، لكن مرام طماعة حبة لانها حتى المؤخر عملتو بقروش كتيرة 😔 ،، هسي انا مالي شايل هم ،، مرام جميلة جدا و حتسعدني اكييد و مستحيل اطلقها في يوم 😍

حامد و مرام قامو و مشو يرقصو

في الجانب الاخر

جميلة : شكرا يا رامي 😊
رامي : على شنوو !
جميلة : على انك قدرت تخليني اقوووى 😊
رامي : الله يخليييك لي يارب 🙈
جميلة : قلت شنو ما سمعتك كويس
رامي : الله يخليك 😁
جميلة : ايوااا ،، امييين يارب و يخليك كمان
سماح : احسن حاجة انك باركتي ليهو ، كدة حيفهم انك ما ضعيفة
جميلة : تسلموو لي ، يا جماعة انا خلاص طالعة عشان البيت بعيد
رامي : انا كمان طالع الا اوصلكم

لمن قامو شافو حامد و مرام برقصو مبسوطين ، و طلعو طوالي و سماح مشت قعدت مع اهلها في تربيزتهم ،، رامي وصل جميلة و بت اختها للبيت و رجع بيتهم

و اتصل عليها و اتونسو كتيييير و بعداك نامو 😍

في الجانب الاخر

الحفلة شغالة و حاااامد مبسوووط جدا و عملو الجرتق للعرسان و ودعو اهلهم و مشو بعدها للفندق لانهم كانو مسافرين مصر تاني يووم طوالي

طول السكة حامد كان بتونس مع مرام و ماسك يده ومبسوووط شديد و عايز بتين يصلو الفندق 😍

حامد : الفندق دا مالو بعيد كدة 😍
مرام : بعيييد شنو ، كلها عشرة دقاي

#لعبة_القدر الحلقة 25 :-
بقلم : تهاني محي الدين

حامد لمن شاف مرام طالعة من الحمام اتصدم 😳😳 لانو لقاها تقليد و كانت غشاهو بي مقوماتها العندها 😳

حامد : دا شنو دا يا مرام 😳
مرام بقت تتمتم : اااااااا اسمعني يا حامد ، خليني اشرح ليك
حامد : اسمعك شنو و تشرحي شنو ، كنتي غشاني يعني 😡 و انا دفعت دم قلبي و اتدينت عشان اصل ليك و اجي القاك فالصوو 😠

طوالي حامد دخل الحمام لقى الحاجات الاصطناعية الكانت مركباها و غشاها بيهو 😳

حامد : ديل شنووو ديل 😠
مرام : انا كنت لازم اعمل كدة عشان اتزوج لانو ما كان في زول بعبرني لاني كان ما عندي حاجة زي البنات و قمت مشيت اشتريت ديل من السوق و فعلا انت وقعت فيني لمن شفتني 😔
حامد : لا حول و لا قوة الا بالله ، خسارة القرووش الخسرتها فيك ، طممتي بطني من العرس ، انتي كنتي قايلة الكذبة حتستمر ،، لييه تعملي كدة 😠
مرام : عاين ما تكورك فيني ، انا خلاص بقيت مرتك و ما تنسى مؤخر الصداق الختيتو في العقد ، مية مليون جنيه ، انا كنت عارفة انك حتعرف و عشان كدة دفعتك دم قلبك في العرس و عملت المؤخر كتير عشان ما تقدر تطلقني
حامد : حسبي الله و نعم الوكيل فيك ، اتاريك حيية ، اها الشعر كمان تقليد و لا اصلي
مرام : بارووكة جذور ، زي الطبيعي واحد ، شايف ما بتتفك 😁

و بقت تجر فيها 😂

حامد : حسبي الله و نعم الوكيل ، حسبي الله و نعم الوكيل فيك يا مرام
مرام : انا عايزة انووم ، عشان بكرة ورانا سفر يا ريت ما تزعجني
حامد : نووومي كويس و انا ما مسافر😡 ، حالغي الحجز ، لانو كان لشهر العسل لكن انتي ما خليتي فيها اي عسل يا فالصوو 😡
مرام : خلاص طلقني لو ما عاجبك ،، و ادفع مؤخر الصداق 😒

حامد طلع برا الفندق

مرام : حتجي راجع براك لانو ما عندك غيري 😈

حامد بقى يفكر و قال : انا جريت ورا الجمال و سبت جميلة عشان شينة لكن كانت طبيعية و ما غاشة زول ووقعت في واحدة شيطانة دفعتني القدامي و الوراي و في النهاية طلعت فالصو 😔 و كمان مؤخر الصداق كتيير و انا علي ديووون ، سامحيني يا جميلة 😔 ، كنتي بسيطة و راضية بالبسيط و ربنا اخد ليك حقك مني ، انا هسي اعمل شنوو مع المخادعة الفي الفندق دي ، اطلقها !! لكن لو طلقتها اجيب المؤخر من وين و انا علي ديون 😥 و لو قعدت معاها حاكون كارهها لاني حتذكر خداعها لي كل مرة 😔

حامد قعد ساعة يفكر و في النهاية قرر انو يرضى بنصيبو بس 😔 و قال انا جريت ورا الجمال و دا بقى جزااااي عشان ظلمت جميلة ،، انا حاحاول اشوف الحاجات الكويسة في مرام التخليني اواصل معاها

قام رجع الفندق

مرام : جيت ، حمد لله على السلامة ، في زول بسيب عروستو يوم عرسها يخس عليك 😥
حامد : لييه كدة يا مرام ، لييه تغشيني 😔
مرام : ارضى بالامر الواقع ، انا خلاص بقيت زوجتك يا حمووودي و يعني انت عرستني عشان شكلي بس 😥
حامد : انسي خلاص ،، قوومي نصلي عشان ربنا يبارك لينا ،و ربنا يعوضني و بعدها ننوم لان ورانا سفر بكرة

قامو اتوضو و صلو و بعداك نامو

مرام في نفسها : طوالي ناام ، يعني انا ما زوجتو و لا شنو 😡 ، عامل لي فيها مصدوم يعني 😒 ، اصبر لي بادبك

اصبح الصباح و مشو على المطار بدري ، ركبو الطيارة و حامد خالص ما فتح خشمو مع مرام ، وصلو مصر ، حامد قرر يديها حقوقها الزوجية لان دا بقى واقعو و لازم يتقبلو

جاء تاني يوم من وجود حامد و مرام في مصر و طول اليوم حامد مقضيهو فسح مع مرام لانو ما بحب يقعد معاها كتير في الشقة لكن كمان اداها حقها الشرعي

مرت الايام و انتهت ايام شهر شهر العسل و رجعو السودان و استقبلوهم اهلهم استقبال حلووو
و مشو بيتهم في بيت ناس حامد لانو كان باني شقة فوق بيتهم

في الجانب الاخر

جميلة و رامي طوالي متواصلين مع بعض و يومهم بقى ما بكمل الا لما يتواصلو و في يوم
جميلة مشت شغلها و هناك هي رامي بتبادلو النظرات ساااي 😍 و بتبسمووو

سماح : هوووي نحن هنا هههههه 😂
جميلة : ها ! قلتي حاجة
سماح : 😂 ما معاي خالص ،، شايفاك بتعايني لرامي سااي و هو كمان من يجي ماري جنبنا ما بشيل عيونو من عليكي 😁
جميلة : هوووي يا سماح بتلمحي لشنو 😒
سماح : حاسة انو رامي عندو ليكي حاجة و انتي كمان 😍
جميلة : 😳 دا كلام شنو دا يا سماح ،، رامي دا مجرد صديق بس
سماح : ما صديق بس ، الحب ظاهر في عيونكم ، يمكن انتي ما شايفاهو و لا هو لكن تصرفاتكم فاضحاكم 😍
جميلة : لا لا يا سماح مافي حاجة من الكلام البتقوليهو دا 😒
سماح : اقعدي بينك و بين نفسك و حتعرفي ،، او اقوول ليك حاجة ، بكرة ما تجي و اقفلي تلفونك و شوفي حتشتاقي ليهو و لا لا 😁
جميلة : لكن هو كمان ما قال لي حاجة يا سماح
سماح : هو زيك ما عارف مشاعرو و الحاجة الحتعمليها بكرة دي حتاكد ليك و تاكد ليهو انو انتو بتحبو بعض ، انتي ما شفتي خوفو عليكي كيف الايام الفاتت و اهتمامو بيكي ما طبيعي ، ظاهر انو عن حب 😍

جميلة : كويس ، انا بكرة ما حأجي و حأقفل التلفون ، عشان اعرف كلامك صاح و لا غلط ، ل

#لعبة_القدر الحلقة 26 :-
بقلم : تهاني محي الدين

رامي بقى مقلق و مشى لسماح

رامي : سماح ، عايز اسالك من جميلة ، مالها ما جات لحدي هسي
سماح : ما عارفة ، اتصل عليها شوفها مالها
رامي : تلفونها مقفول
سماح : خلاص بتكون جاية في السكة
رامي : لكن اول مرة تتاخر كدة ، خايف يكون حاصل عليها حاجة لا سمح الله 😔
سماح : ان شاء الله خير
رامي : ما عندك رقم امها
سماح : ما عندي ، لكن انت مالك مهتمي كدة و مقلق كدة 😁
رامي : انا 😳 ، لا لا مافي حاجة ، بس هي زميلتنا و من واجبي اطمن عليها
سماح : ايواااااا ، زميلتك بس ، مع اني قبل كدة غبت و زول فقدني مافي 😒، شنو التفرقة العنصرية دي 😁
رامي : 😂 ما تشغليها لي 😁

جميلة في البيت كمان فاقدة رامي و حاسة كانو في حاجة ناقصاها 😔
و رامي ما قادر يشتغل كويس و تاني جاء لسماح

رامي : سماح انا طالع ماشي ناس جميلة
سماح : لشنو !!
رامي : ما قادر اشتغل 😔، خائف عليها والله ، لازم اطمن
سماح : انتظر لنهاية اليوم لو ما فتحت تلفونها ،، امشي اغشاهم
رامي : و الله ما بقدر اقعد لحدي نهاية اليوم لو ما اطمنت عليها
سماح : انت بتحب جميلة يا رامي 😍
رامي : انا 😳
سماح : اي انت و ظاهر من خوفك عليها 😁
رامي : يعني الشعور الحاسيهو دا حب 🤔 ،، بالجد جميلة بقت حاجة ثابتة في يومي ،، يومي ما بقدر اتمو الا بيها ،، دا لو حب انا بحبها شدييد كمان و بعشقها عديل 😍
سماح : اي دا حب 😍
رامي : انا هسي مقلق عليها ،، خايف تكون حصلت ليها حاجة ،، عايني بعد نص ساعة لو ما فتحت تلفونها ،، انا حامشي بيتهم اطمن عليها و اعترف ليها بحبي فيس تو فيس 😍
سماح : كويس 😍

جميلة في البيت ما قدرت تصبر اتاكدت من مشاعرها تجاه رامي لانها كانت فاقداهو شديد 😍و فتحت تلفونها و قالت : لو هو فقدني كمان و اتصل ،، حيكون ببادلني نفس الشعور 😍 ، ان شاء الله ما اتخزل المرة دي كمان 😔

جميلة شريحتها ما بتجيب الارقام الاتصلت و هي مقفولة و ما عرفت رامي اتصل او لا 😔،،، و ما قدرت تصبر ،، قررت تتصل عليهو ،، شالت التلفون و ضربت الرقم

رامي كانت قاعد في المكتب ،، شال التلفون عايز يتصل لجميلة ، فجاءة تلفونو دق و كان المتصل

رامي : حااامد !!

في نفس الوقت جميلة اتصلت لقت الرقم مشغول و قالت : قال بحبني قال ،، رقمو مشغول و لا شغال بي شغلة 😏 ، احسن ما تحلمي يا جميلة تاني عشان ما تنصدمي 😔 ، و انا عارفة نفسي شينة و بكون رامي معتبرني اختو ، لكن ما اظن يكون بحبني ، و انا شكلي ما مكتوب لي الفرحة 😭😭😭

قام رامي رد لحامد

رامي : الوووو حامد
حامد : اهلييين رامي
رامي : كيفك يا عريس ، حمد لله على السلامة ، جيت بتين !؟
حامد : جينا امس
رامي : كيفك و كيف العروس ،، ان شاء الله انبسطتو
حامد بحزن : 😔 الحمدلله
رامي : ربنا يسعدكم ، حتنزل متين !!
حامد : من بكرة ان شاء الله
رامي : بكرة طوالي 😳،، كنت قايلك حتقول لي بعد شهر تاني 😁
حامد : اشتقت للشغل بس و لي ونستك 😁
رامي : طيب ،، تنور الشغل

في الاثناء دي كانت جميلة مغيوظة و تاني اتصلت على رامي و لقت تلفونو المرة دي في الانتظار : 😡😡 هو بتكلم مع منو من قبيل

رامي شاف مكالمة داخلة ليهو و لقاها من جميلة ،، قلبوووو دق ❤ و قال لحامد

رامي : خلاص منتظرنك بكرة ، يلا سلام عليكم و قفل الخطفي وشو قبل يسمع رد حامد 😂😂

حامد : الو الو الو ، يا ربي مالو قفل سرعة كدة ، ما مشكلة حانزل بكرة ان شاء الل

رامي لمن فصل الخط ،، لقى مكالمة جميلة انتهت وطوالي اتصل عليها بلهفة المحبين ❤

جميلة : الووو 😏
رامي : جميييلة و ين انتي من الصباح ، قلقتيني عليك ياااخ ، الحمد لله انك بخير 😍
جميلة : يااااخي 😒، بدليل انك سالت مش 😏 ، ما شاء الله تلفونك مشغول و ما شغال بي جيت او لا 😒😒
رامي : والله من الصباح بتصل في تلفونك مقفول و هسي طلعتو قلت اتصل عليك دخلت علي مكالمة من حامد
جميلة : حااامد !! ، هو متين جاء !؟
رامي : جاء امس قال و قال حينزل الشغل بكرة
جميلة : ايوااا
رامي : مالك ما جيتي يا جميلة و لييه كنتي قافلة تلفونك 😒 ،، قلقتيني عليك
جميلة فرحت جدا بكلامو 😍 و قالت : قلت اريح حبة و اشتغل في البيت ،، لكن انت بالجد قلقت علي 🙈 ؟
رامي : اي قلقت عليك والله كنت حاجيك لو ما فتحتي تلفونك 🙈
جميلة : كنت ما افتحو ، اشوفك حتجي و لا كلام ساي 😁
رامي : كنتي توريني انك ما جاية ، غياظة دي 😒
جميلة : هههههه المرة الجاية
رامي : بكرة تعالي ،، عايزك في موضوع 😍
جميلة : موضوع شنو 😁
رامي : لمن تجي حتعرفي 😁
جميلة : هههههه كويس ، يلا عن اذنك هسي
رامي : ياااخ ما بدري ،، و الله مشتاق ليك 😍، حاسس كاني لي سنة ما اتكلمت معاكي
جميلة : 🙈 خلاص تمام

فضلو يتونسو مع بعض قريب نص ساعة ،، بعدها شال منها رقم تلفون امها عشان تاني لو لقى تلفونها مقفول يتصل في تلفون خديجة ، و قفلو الخط و هم مبسوطين

رامي واصل شغلو بمزاج و كمان جميلة 😍😍

اما حامد
حامد

#لعبة_القدر الحلقة ال27 :-
بقلم : تهاني محي الدين

مرام قالت في نفسها :: كويس يا حامد لو ما ادبتك انت و امك ، ما يبقى اسمي مرام 😠

مرام قامت لبست و نزلو تحت للغداء

لقو ام حامد في المطبخ (اسمها حواء ) و معاها سوسن زوجة اخ حامد

حامد : نحن جينا يا امي
حواء و سوسن عاينو ليهم
حواء : اتفضلو جلسو ، ثواني و الاكل يكون جاهز
مرام : 😏 تحاكي ام حامد ، ثواني و الاكل يكون جاهز ، يعني حتكون عاملة شنو يعني 😏
حامد : احسن تحترمي نفسك يا مرام عشان ما اغلط عليك
مرام : اووووف 😒

سوسن : يا خالتو ما ملاحظة حاجة غريبة في مرام
حواء :مالها يا بتي ، ما لاحظت حاجة
سوسن : شكلها متغير ، امس لمن جات كانت صحتها سمحة ، مالها هسي ملط
حواء : يا بتي انا ما قاعدة الاحظ للحاجات دي و انتي ذاتك ما تركزي كتير معاها
سوسن : طيب يا خالتو
سوسن قالت في نفسها : شكلها من نوع البنات البلبسو حاجات صناعية ، مسكين يا حامد ، بس ان شاءالله تكون طيبة و دا بغطي على الحاجات الناقصة فيها و كمان شكلو حامد عاجباهو كدة ، احسن ما ادخل على قول خالتي

حواء جات مارقة ،، شايلة الاكل ،، ختتو في الصفرة و معاها سوسن

سوسن : اتفضلو يا عرسان الاكل جاهز ☺
حامد : يزيد فضلك يا سوسن

مرام و حامد قامو ، مشو الصفرة و قعدو كلهم مع بعض

حواء : اتفضلو بسم الله
مرام بقرف كدة : دا شنو الاكل دا 😖
حامد : 😡😡 اسكتي يا مرام
حواء : 😳 مالو يا بتي الاكل
مرام : جااايط شديد و بلدي جدا 😏 ، وين الفطائر و المعجنات !!
حواء : انتو عرسان ،، قلت اعمل ليكم اكل فيهو طاقة و مفيد 😔 ، ما كنت عارفة انو ما حيعجبك 😔
حامد : لا يا امي ما تقولي كدة ، بالعكس الاكل شكلو حلو و معمول بحب ، تسلم يدك و يبوس يدها 😊
مرام : اتكلم عن نفسك يا حامد ، انا الاكل ما عجبني و ما عايزة اكل 😒

سوسن مصدومة من كلام مرام 😳 لانها زوجة اخ حامد و عمرها ما قالت لام حامد كدة

سوسن : قولي بسم الله و ضوقي الاكل اول ،، انتي ما اكلتي عشان تحكمي انو كعب او لا ، كمان قدري انو نحن من الصباح واقفين في المطبخ على حيلنا عشان نعمل ليك الاكل 😒

مرام : انا اكل ما ارتحت ليهو ما باكلو 😒 و لو سمحت يا حامد جيب لي دليفري بيتزا او كرسبي
و قامت على حيلها

حامد : اقعدي يا مرااام قلت ليك 😡 و مسك يدها

مرام : ما بقعد هو الاكل بالغصب 😒
حواء و العبرة خانقاها : معليش يا بتي ، قومي خلاص و حنجيب ليك الاكل العايزاهو 😥 ، خليها يا حامد

حامد فك يدها ،، مرام طوالي مشت و قالت : اوووووف ، قال اكل عرسان قال 😏

حامد : معليش يا امي ما تزعلي 😔 ، امسحيها في وشي

حواء : ما زعلانة يا ولدي ، يمكن ليها حق و انا غلطانة ، انا اكلات جيلكم دي ما بعرفها و الغلط غلطي 😔
سوسن : ما غلطك و لا حاجة ، مع احترامي ليك يا حامد لكن زوجتك دي ما عندها ادب 😠

حامد قاام طوالي و مشى لمرام فووق ، لقى مراام فتحت اللابتوب و مشغلة اغاني و قاعدة ترقص 💃�

حامد : دا شنو العملتيهو تحت دا 😠

مرام ما شغالة بيهو و لسه مواصلة في رقيصها 💃💃�

حامد مشى قفل اللابتوب و وقفها : انا مش بتكلم معاكي 😠
مرام : مالك في شنو 😡 ، اكل و ما عجبني ،، انا حرة في اكلي يااااخ 😠
حامد : لكن تجرحي امي كدة ،، كان ممكن تعتذري بطريقة ظريفة لكن بدون تجرحيها
مراام : انا اسلوبي كدة بس ، و امك دي شكلها قاصدة تنكد علي و ممثلة فيها انها مسكينة و هي عقربة 😠

حامد طاااااخ اداها كف 👋🏻 : اوعي تتكلمي عن امي كدة 😡😡 ، هسي شيلي هدووومك و ارجعي بيت اهلك ، ما بتلزميني تااااني ، انا مرة ما بتحترم امي ما بتقعد معاي ثانية 😡😡 ، ما فيك خييير ، انا قلت اخليك بعد لقيتك تقليد لكن تاني راجعت نفسي قلت يمكن تكوني انسانة لكن لقيتك حية 😠
مرام : تضربني انا كف 😭😭
حامد : دي اقل حاجة تستاهليها ، هسي امشي من قدامي قبل ارتكب جريمة 😠
مرام : كويس يا حاامد ، تمد يدك علي انا ، لو ما ندمتك ، طلقني 😭 و ما تنسى المؤخر
حامد اتذكر المؤخر و سكت
مرام : مالك سكته ، هسي مش كنت بتلعلع و عامل لي فيها ضكر و راجل ،،من جبت ليك سيرة الطلاق رخيت

حامد : انا راجل غصب عنك و طلاق ما بطلقك ، بخليك زي البيت الواقف كدة ، لا متزوجة لا مطلقة 😠، اطلعي برا بهدومك اللابساها دي و مافي حاجة حتشيلها من البيت لا شيلة لا دهب ، برا برا برا برا 😡😡 و مسكها من يدها

حواء و سوسن كانو تحت ، سمعو صوت حاامد بكورك و نزل بالسلم ماسك يد مرام و بقول ليها برااا ما داير اشوف وشك تاني 😡

حواء : 😧 يا ولدي استهدى بالله و العن الشيطان
حامد : ما بتقعد معاي و لا ثانية ، انا غلطان الاتزوجت واحدة زيها ، لا عندها احترام لا لي كبيييير لا لي صغييير 😠
حواء : انا ما زعلانة منها يا ولدي ، عشان خاطري خليها قاعدة
مرام : بطلي مسكنة ، عاملة فيها بتدافعي لي مش ، تلقاك كنتي عاملة لي عمل في الاكل ، مرة مخرفة 😏
حامد : دي البتدافعي ليها يا امي 😡
سوسن : لا حول و لا قو

#لعبة_القدر الحلقة 28 :-
بقلم : تهاني محي الدين

اصبح الصباح حامد قااام لبس احلى لبسة ليهو عشان يقابل جميلة ، كمان رامي اتشيك و طلع على المكتب 😍

اما جميلة قامت بدري ، لبست فستان مورد بي جكت بيجي و طرحة حمراء 😍 ، عملت مكياج خفيف لانها كانت حاسة انو رامي عايز يعترف ليها بحبو 😍

حامد وصل الشغل بدري ، دخل مكتبو و منتظر جميلة تجي 😍 و هو قاعد في المكتب سمع حركة برا ، قام طلع لقى رامي

حامد : اوووو رامي 😍
رامي : حامد يا عريس ، ما شاء الله منور الليلة ، اخر عطور و شياكة 😁
حامد : انت كمان والله منور اليوم 😁
رامي : انا مبسوط جدا اليوم 😍
حامد : انا كمان والله مبسوط
رامي : و مين سمعك، لازم تنبسط مش عريس 😁

حامد : عريس شنو ، هو بقى فيها عرس 😒
رامي : 😧 ليييه مالك في شنو !!
حامد : انا خليت مرام و طردتها من البيت
رامي : لشنو دا كلو 😳
حامد : ما عندها احترام لي امي و المرة الما بتحترم امي ما بتلزمني
رامي : لا حول و لا قوة الا بالله ، ما تتسرع يا حامد في الانفصال منها ، انت كنت بتحبها و عاجباك لانها جميلة جدا
حامد : ههههه جميلة قال ، ما عارف اقول ليك شنو ، بس دا حق جميلة ربنا اخدو مني و بتمنى تسامحني 😥
رامي :'😧 ما فهمتك ، كمان كيف مبسووط اليووم و انت حاصل معاك دا كلو 🤔
حامد : لاني عايز اعتذر لجميلة و ارجع ليها لاني ظلمتها ، بالجد انا بحبها لاني ما لقيت زيها في ادبها و احترامها 😍

الخبر جاء لرامي زي الصاعقة و بقى مصدووم 😳😳 و ما قادر يتكلم

حامد : عايزك تساعدني في الموضوع دا لانك اقرب زول لي جميلة و متاكد حتسمع منك و تقتنع ترجع لي 😍
ومسك يدين رامي و قال : ارجوووك يا رامي اقيف معاي ، انا عارف انها ما حتسمع مني لو اتكلمت معاها ، عايزك تساعدني ،، رامي انت سامعني !!

رامي بي ابتسامة باهتة : طيب

حامد حضنو و قال ليه : انت افضل صاحب لي 😍 ، الله يخليك لي يا رامي

رامي دموعو نزلت و هو حاضن حامد : كويس يا صحبي حاساعدك 😭

قش دموعو سرعة عشان حامد ما يشوفها و طلع مشى مكتبو 😔

حامد حاسي انو جميلة حتسامحو و قعد مبسووط 😍

اما رامي في مكتبو : لييه البحصل دا 😭 ، البت الوحيدة الحبيتها من كل قلبي ، صحبي كلمني عشان يرجعها و جميلة عشان كانت بتحب حامد ، اكيد حترجع ليهو ، ما اظن انو هي عندها حاجة لي 😔 ،، اااااخ يا قلبي ، شكلو مكتوب ليك العذاب طول العمر 😔 ، حامد حسى بغلطو تجاهها و حيسعدها اكيييد و هي يمكن تسامحو لانها كانت بتحبو و نزلت منو دمعة الم 😥

سماح جات داخلة المكتب ، لقت المكتب صاني

قامت ختت شنطتها ، لقت مكتب رامي فاتح و دخلت عليه

سماح : سلام يا هندسة ، هلا هلا اليوم ما شاء الله قاشر و متشيك عشان الحبيب 😁😍

رامي : يا فرحة ما تمت 😔
سماح : لييه في شنو و الحصل شنو 😧

في الاثناء دي جميلة جات داخلة المكتب ، مشت على مكتب رامي و سمعتو و سماح بتكلمو ، هم ما شايفين جميلة لان سماح واقفة و مغطية رامي و ما بقدر يشوف الفي الباب

رامي : حامد جاء
سماح : وين ما شفتو
رامي : في مكتبو قاعد
سماح : ليه بتقول يا فرحة ما تمت و حامد علاقتو شنو بموضوعك انت و جميلة !! ، مش خلاص موضوعهم انتهى !
رامي : انا جيت مبسووط من البيت ، عشان اعبر لجميلة عن حبي و اعوضها اي حزن

جميلة سمعت الكلام و قلبها عايز يطير من الفرحة 😍😍

سماح : مش دا الاتفقنا عليه امس و دا احلى حاجة انو تعبر ليها عن حبك و تفرحو ببعض
رامي : لكن الما كنت متوقعو ، انو حامد يسيب زوجتو و يندم على ظلمو لجميلة ، و طلب مني اني اكلم جميلة انو تسامحو ، لانو ندمان و عايز يتزوجها 😔
سماح : 😳😳 دا كلام شنو دا ، انت جادي في كلامك دا

جميلة كمان اتصدمت 😳

رامي : اي جادي 😔
سماح : و انت قلت ليهو شنو !!
رامي : قلت ليهو طيب
سماح بغضب : 😠ليييه تتخلى عن حبك بسهولة !
رامي : افهميني يا سماح 😔 جميلة كانت بتحب حاامد و يمكن ما حبتني و لا يوم ، يمكن شعورها تجاهي ما حب ، و حامد حس بغلطو و هي حتسامحو لانها بتحبو 😔 ، انا ما عايز اكون عقبة في حياتهم 😔
سماح : لا حول و لا قوة الا بالله ،، انا ما عارفة اقول شنو !!

جميلة طوالي طلعت من المكتب و هي بتبكي 😭 و قفلت تلفونها

رامي : انا بحبها شدييد ، انا حاخلي المكتب لاني ما حاقدر اشوفها مع حامد و حأسافر برا السودان 😔

سماح : كلم جميلة و خليها هي تختار ، ما تحكم بدلها ، انا متاكدة انو جميلة بتحبك كمان 😊

رامي : ما الحب الا للحبيب الاول ، و حامد اول حب ليها ، يمكن ما حبتني اصلا 😔

سماح : هي بتحبك اكييد ، انت حبك ليها كان صادق و نقي ، انتو كمان اخدتو وقت و عرفتو طباع بعض

رامي : انا ما عايزها تجاملني ، انا حاكلمها بخصوص حامد

سماح : و الله صدعت انا ، لييه كدة ، يا ريت لو كنت كلمتها امس بالتلفون 😔
رامي : الحمدلله اني ما كلمتها لانها كانت حتواصل معاي عشان ما تجرحني و كانت حترفض حامد لانها انسانة رقيقة ، كان ممكن تضحي عشاني
سماح : و

#لعبة_القدر الحلقة 29 :-
بقلم : تهاني محي الدين

رامي و هو طالع جاهو تلفون

رامي : قلتي شنو 😳
المتصل : قلت ليك الانسة جميلة ، عملت حادث ، هي الان في المستشفى ،، نحن لقينا رقمك اخر زول متصل عليها عشان كدة اتصلنا عليك
رامي : لا حول و لا قوة الا بالله ، الله يستر ، طيب اديني العنوان

رامي اخد العنوان من موظفة الاستقبال

حامد : في شنو يا رامي 😧
رامي : جميلة عملت حادث
حامد : حادث 😳 ،، ربنا يجيب العواقب سليمة ، انا سايق يلا سرعة
سماح : انا كمان ماشة معاكم ، ربنا يستر

طلعو التلاتة على المستشفى

نرجع للحصل

جميلة بعد سمعت كلام رامي و سماح ، طلعت من المكتب و قفلت تلفونها ، بقت ماشة في الشارع سرحانة : انا حبيت رامي لانو وقف معاي و عايزاهو لكن كمان انا كنت بحب حامد و هو عايز يرجع لي ، هل انا لسه بحب حامد ؟ ، لييه اتاثرت لمن سمعت انو عايز يرجع لي ، انا كنت قايلة نفسي نسيتو و كرهتو 😔، طيب شعوري تجاه رامي دا شنو 😔

بقت ماشة بتتذكر في كلام رامي و ما مركزة في الشارع ، فجاءة جات عربية 🚙 و صدمتها 😰

جو الناس و سيد العربية و دوها اقرب مستشفى

كانت حالتها خطرة 😰 و دخلوها غرفة العمليات طوالي

رامي و حامد و سماح وصلو المستشفى ، سالو الاستقبال و وروهم محل جميلة

جو جنب غرفة العمليات ،، لقو الزول الضربها واقف و اسمو خضر و معاهو شرطي بتم في اجراءات البلاغ ، خضر كلمهم بالحصل انو جميلة كانت سرحانة و دخلت فجاءة الظلط 😔 و هو ما قدر يوقف العربية و ضربها

الممرضة طلعت قالت : عايزين دم للمريضة لانها نزفت كتير و الزمرة حقتها نادرة و في المستشفى مافي
رامي : زمرتها نوعها شنو !!
الممرضة : Ab-
رامي : زمرتها نفس زمرة دمي و انا مستعد اتبرع حالا

ساقو رامي ، اخدو منو الدم ، شغال يدعي ليها طول الوقت ، شالو الدم ودهو غرفة العمليات

حامد : انا خايف على جميلة
سماح : ان شاء الله حتبقى كويسة ، ما تشيل هم
حامد : انا عايز اعوضها الظلم الظلمتو ليها 😔 ، خايف ربنا ياخدها مني
رامي سامع كلام حامد و ما قادر يتكلم و من جواه بتقطع 😔😔

بعد ساعة طلع الدكتور
حامد : جميلة كيف 😰
الدكتور : نحن عملنا العلينا و الباقي على ربنا
رامي : قصدك شنو يا دكتور
الدكتور : الحادث كان خطير و عندها اصابة كبيرة في الراس
سماح : لا حول و لا قوة الا بالله
الدكتور : حنختها تحت المراقبة 24 ساعة في العناية المكثفة ، بعداك بنشوف الحالة اذا استقرت او لا

طلعو جميلة من غرفة العمليات
رامي لمن شافها مخدرة ما قدر يمسك دموعو و مسك خضر من رقبتو : انت السبب في الحصل لي جميلة ، انا ما بخليك 😡

حامد : يا رامي فكو ، قول بسم الله ، جميلة ان شاء الله حتبقى كويسة

حامد فك خضر من رامي و رامي طلع طوالي من المستشفى و الدموع في عيونو 😥😥

سماح جواها : يا حليلك يا رامي ، عارفة قدر شنو انت بتحبها ، ربنا يقومها بالسلامة

حامد : معليش يا خضر ، ما تزعل من رامي
خضر : انا اسف والله ، بس عايزكم تعرفو اني والله ما كنت قاصد و جميلة وقفت قدامي فجاءة
حامد : مصدقنك والله ، ما عارف رامي عمل كدة لشنو

سماح من جواها : عشان بحبها يا حامد و خايف يفقدها 😥

دخلو جميلة العناية المكثفة و سماح و حامد و خضر متاثرين جدا

سماح : انا حاتصل على امها اوريها
حامد : نسينا امها عديل

سماح اتصلت على خديجة
خديجة : الووو
سماح : السلام عليكم يا خالتو
خديجة : و عليكم السلام يا بتي
سماح : انا سماح صحبة جميلة
خديجة : وين جميلة !!!
سماح : عايزة اقول ليك انو جميلة اااااه
خديجة : مالها جميلة 😰😰
، في شنو !!!
سماح : جميلة عملت حادث يا خالتو 😥😢
خديجة : قلتي شنو 😳😳😳😳
سماح : عملو ليها عملية و هسي في العناية المكثفة

هنا التلفون وقع من خديجة ، واتصدمت بالكلام دا و وقعت مغمي عليها ، شافتها بت بتها ( نهال 15 سنة ) و جرت عليها و حاولت تصحيها و شغالة تكورك حبوبة حبوبة ، جرت جابت موية و رشتها في وشها ، حتى خديحة فاقت و بقت تبكي و قالت : كان قلبي حاسس 😭

في الجانب الاخر
سماح : الو الو الو و الخط فصل لمن خديجة وقعت

سماح في نفسها : انا غلطت لمن وريتها و لا شنوو😔😔😔 ، يا ربي حصل ليها شنوو ، احسن اتصل تاني

خديجة بقت تبكي بصوت عال ، نهال ما عارفة الحاصل و نهال طوالي كانت بتجي بتقعد مع حبوبتها و بيتهم لصق لي بيت ناس جميلة

نهال : حبوبة مالك بتبكي
خديجة : بتي ضاعت مني ،، جميلة ضاعت مني

هنا التلفون تاني رن و نهال ردت

سماح : الو يا خالتو ، انتي كويسة 😰
نهال : انا نهال بت بتها ، في شنو
سماح : اول حاجة خالتو كويسة
نهال :ما كويسة ، اغمى عليها و من فاقت بتقول بتي ضاعت
و ريني في شنو
سماح : لا حول و لا قوة الا بالله ، حصل لحبوبتك كدة عشان خالتك جميلة في المستشفى ، عملت حادث
نهال : لا حول و لا قوة الا بالله ، هي كيف هسي
سماح : في العناية المركزة للاسف
نهال : 😭 طيب وصفي لي المستش

#لعبة_القدر الحلقة 30 و الاخيرة :-
بقلم : تهاني محي الدين

حامد و رامي و سماح كانو جنبها و جميلة بقت تهضرب بالكلام

جميلة : رامي رامي رامي ،، ما تخليني يا رامي ، انا بحبك يا رامي
حامد : 😳😳 رامي !!!
رامي : انا جنبك يا جميلة ما تخافي و دموعو بقت تنزل 😭

حامد طلع برا و نزلت منو دمعة 😥
سماح طلعت بوراهو
سماح : كلو لخير يا حامد
حامد : جميلة بتحب رامي يا سماح 😔
سماح : لان رامي وقف معاها و ما اتخلى عنها لمن سبتها ، هي حبتو و هو كمان بحبها ، كلو لخير يا حامد
حامد : لكن انا كلمت رامي و قال حيكلمها لي ، ليه ما وراني انو بحبها !
سماح : هو انصدم و ما عرف يعمل شنو ، انت صحبو و هي حبيبتو البحبها و كان قايل جميلة لسه بتحبك عشان كدة كان حيضحي بحبو عشان سعادتها
حامد : انا الغلطان و استاهل ، انا الضيعتها من يدي بسبب السطحية حقتي 😔 ، رامي انسان كويس و متاكد انو حيسعدها 😔

سماح اتاثرت جدا لانو موقف حساس

حامد قش دموعو ودخل لرامي جوا و راسم ابتسامة على شفتيهو ، مع انو من جواهو بتقطع

حامد : انسى الكلام القلتو ليك بخصوص جميلة ، انت و جميلة بتحبو بعض جدا و لايقين على بعض 😊
رامي : انت جادي يا حامد 😍 ، الكلام دا من قلبك
حامد : اي جادي و من قلبي كمان ، الف مبروك يا صحبي ☺
رامي : الله يبارك فيك و يرزقك الزوجة التسعدك
حامد : اميييين بس ما اظن اني ارتبط قريب ، عن اذنك

حامد طلع من المستشفى و مشى للاستقبال عشان يدفع القروش ، لقى خضر دفع الحساب

جميلة فاقت و اول زول شافتو رامي

جميلة بصوت تعبان : رامي
رامي : 😍 حمدلله على السلامة ، دا كلو نووم يا كسولة ☺
جميلة : انا سمعت كل حاجة بينك و بين سماح ، عايزة اقول ليك

رامي قاطعها : عارف عارف 😁
جميلة : عارف شنو 😧
رامي : انك بتحبيني و بتموتي فيني 😁😁
جميلة بخجل : 🙈🙈🙈 ، عرفت كيف !
رامي : من هضربتك 😁
جميلة : انا هضربتة ،، انت جادي 🙈
رامي : اي هضربتي و قلتي انك بتحبيني 😍
جميلة 🙈🙈🙈 خجلت زيادة
رامي : انا والله بحببك شديد ، الحمدلله انك كويسة 😍 ، هسي ما تتكلمي كتير عشان ما تتعبي
جميلة : حاااضر

جات خديجة و اخوات جميلة ،، خديجة جرت لجميلة و هي بتبكي ، الحمدلله اتطمنت عليك
جميلة :انا كويسة يا امي ما تبكي عليك الله
خديجة قشت دموعها و شكرت ربنا

كمان عفوا عن خضر و شكروه لانو دفع الحساب

سماح كلمت جميلة انو رامي اتبرع ليها بي دمو و غمزت ليها 😉

جميلة قلبها دق و اتبسطت جدا 😍

رامي جاء جنبها و قال ليها بصوت منخفض : دمي بقى يجري في عروقك يا قلبي 😍😍
جميلة : بحبببك يا رامي
رامي : كتير و لا حبة 😁
جميلة : حبة 😁😁
رامي : هسي بقول ليك رجعي لي دمي 😒
جميلة : خلاص بحبك كتير 😍
رامي : ايوااا كدة 😍

جميلة قعدت في المستشفى اسبوع ، كان رامي كل يوم بزورها و بقعد بالساعات معاها و حامد كان بطمن عليها من سماح

اخر يوم حامد جاها في المستشفى

حامد : حمد لله على السلامة يا جميلة و كفارة
جميلة : كفر الله سئياتك
حامد : عايزك تسامحيني يا جميلة ، ارجوووك

و دموعو نزلت 😥
جميلة : مسامحاك يا حامد ، اي زول بغلط و ربنا بسامح فمن نحن حتى لا نسامح 😊
حامد : بت اصول والله ،، خلي بالك من رامي لانو بحبك شديد و حيسعدك 😊
جميلة : ان شاء الله ، تسلم و عقبالك
حامد : امييين ، ما اظن انو اتزوج تاني
جميلة : ما تقول كدة ، ان شاء الله حتلقى البتعوضك و تسعدك 😊
و كمان حاول ادي مرام فرصة لان ماف زل معصوم من الغلط
حامد ::مرام ما بتنفع معاي و غلطها ما بقدر اسامحها فيهو
جميلة : ما عارفة اقول شنو ، كلو لخير و ربنا يسعدك
حامد : تسلمي ، عن اذنك
جميلة : اتفضل
جميلة حزنت على حامد و الحصل ليهو و اتمنت ليه السعادة من قلبها و حمدت ربنا على وجود رامي في حياتها و انو ربنا عوض حزنها بسعادة كبيرة 😍

بعد ستة شهور

مرام طلعت حامل و اتعلمت الدرس و بقت انسانة كويسة ، بس برضو حامد ما قدر يسامحها و طلقها بعد اتنازلت عن المؤخر و قدر من الحاجات الفي البيت يسدد جزء من ديونو و بقى شغال يسدد فيها لحدي خلصت و كان بصرف على مرام طول فترة الحمل و بمشي معاها المقابلة و حصل ولف بينهم و قلبو رق ليها ، حس بالجد انها اتغيرت و بقت افضل و تصلح تكون ام

مرام اعتذرت لام حامد و حامد رحعها لعصمتو قبل عدتها تخلص 😍 لان عدة الحامل لحدي تضع حملها و الحمدلله جابت ليهو بنوتة زي القمر و سموها جميلة 😍

جميلة اتزوجت رامي و في يوم الزواج كانو الناس بقولو لرامي ، انو ليه اتزوج البت الشينة دي مع انو البنات السمحات كتار ، كان ردو لكل الناس ، اديكم عيوني تشوفوها بيها 😍😍 لانها في نظري اجمل امراة في العالم 😍
كانو اسعد زوجين و بمشو و بجو المكتب مع بعض 😍😍 و مبسوطين جدا ، اكيد حياتهم ما كانت بتخلو من المشاكل البسيطة بس كانو بحلوها بينهم 😍

❤❤❤❤

جميلة : و دي كانت قصتي يا بنات من طق طق لي سلام و عليكم 😁
مآب : سبحان الله ، بالجد قصتك فيه

زي ما بنات الناس ما #لعبة😏💔
أولاد الناس ما #بنك_فيصل 🐸😢
أقريها لمن ترجعي لي لونك الطبيعي #يافاسخه_يامعتته🌚😏🐸

#جنترا

في #لعبة الشطرنج ♜♖

#هناك ملگ ♚

#لا توجــد ملكة #أتعرفون لماذا ؟؟ 😳😱❤️🐸🙊

لأن #المرأة لا #تصلح أن تكون #لعبة 😌🙊🐸😱❤️👏👌

#رفعت_الجلسة 😍👏😱🐸🙊😋

اي #بنت بدها تشكرني #تجي الخاص👇😂👏