#مشاركه
لولا عبدالله:
ممكن اشارك

Zòòl Hanéèn:
اكيد اتفضلي

لولا عبدالله:
انا من كسلا
يلا انا مولوده وعايشه في كسلا

كسلا دي عشقي الثاني بعد امي وابوي ياااخ والله #الحب_كله
كسلا ارض الحبايب وارض المحنه يمكن اغلب الناس بيشوفوها ما حلوه بس هي حلوه #بناسها وطيبه قلبهم
#بجبالها #بخضرتها #بجناينها
بتحس انوو كل شارع فيها بيحكي عن قصه ، بتحس بدفء بيوتها ، انا شخصيا لما اطلع برا منها والله بشتاااااق ليها وبشتااق لي كل شي فيهاا .. وزي ما بيقولو الي بيشرب من توتيل تاني بجي راجع 😍❤
#كسلا_الحب_والله

Zòòl Hanéèn:
كسلا الجمال يعني الكاره يعني القاش يعني توتيل والجنايان😍😍اجمل ايام كانت في كسلا

#الحب
هو ان ترى المزز من كل مكان😘😍

لكن قلبك ما يدق الا للعولاقة حقتك دييك 😈😂

#طفله

👩: يا عبدو انا لوشفتك مع بت

تانية بقتلك

👨: تقتلينى انا؟ 🐸😼😼

👩: اى انت 😒

👨: بي يك 🐸🎲

ولا بي #ستة🐸🎲

عندما يجتمع #الحب مع فقع المراره😂💔
#عبدووش

اثبتت الدراسات العلميه
#ان قلــ❤️ ــب

#المرأة_السودانية👱‍♀👩

زي #قشة_الكبريت يشتعل بالحب❤️🔥

#مرة_واحدة😍 فقط

وأن قلب❤️ #الرجل_السوداني 👳‍♀👳

زي #الولاعة متى ما أراد

#الحب ولع😂💔🔪🔥🔥
صبــاح الحب❤️🌹

#زول_ميــــــــامي

👧: حاول اكل حبيبي
👦: م قادر والله حبيبتي😢
👧: طيب وقت تبقي كويس طمني عليك 😊
(قول واحـد ســمح)
...
...
👧: يعني قاعد من الصباح كدا..😒😒✊🏼
👦: اقول ليك كنت عيان ي مرض😒💔
👧: اسمع ي ود اقسم بأيات الله لو ما قمت اكلت هسي اهفـك بي كف👋 يلف راسك مرتين 😪😒😑😑👋
👦: خلااص م تجوطي.. مااش😒🚶🏼🚶🏼
..(قول اتنين)

يلا رقم واحد دي #رسميات سااي😊..
اما رقم اتنين ديَلُ وصلو قمت #الحب.. 😍❤😂.. يعني العلاقةة الما فيها #شتايم #وهررش والطرف الاخرر يجبرك ع حااجه.. اعرف انو علاقتكم #سطحيه وحتنتهي بي #اتفه_سبب😪😊
..
ذي ناس #اهفك بي كف ديك 😒😂😂👆.. صح بتحس الطرف التاني انو بتحكم فيك #وبهرشك🔪 لكن لو ركزت ف غضبو بتلقاهو نتيجةة من #خوف وريده ليَ ابعد #حدود..
..
هو ف احلي من تلقي #زول يهرشك لي حاجة من مصلحتك 😍🌺..
#حبو بعض😍.. #واهرشو بعض😍😂.. #وسامحو بعض😍.. فالحياه م بتتكرر مرتين 😉😊.. وم تنهي #كل_شي عشان #شئ.. 😒😉❤
..
وابقو عشـره ع #البحبكم 😍💔👋
.
.
#أهـرشوو_بعض..😍💔😂😂✊🏼✊🏼

#حبو_بعض... 😍😍😍😘

#والدنيا_حلوه😉
#زول_ميــــــــامي

3ʐôôʍ:
- سؤال صحاني من النوم🐸✋

هسسي طريق #الحب ده💋💅

#تراااااب ولا #اسفلت ❌✋ .
#عظووم

الوو 👦: انتي الليت منو ؟!
👧: انا الليلتك ، وانت الليل منو ؟!
👦 : انا الليلك ❤

#الحب فى ديار الشايقيه😂😍
ونحن محتاجين مترجم 😂😂😂

#عظووم

ما كل حياتنا تكون عن #الاكل_والاكل_والاكل 💔
خلونا نحكي عن #الحب 😍😍 شويه ✋

مين يحب #الشاورما 👌❤😻

معني كلمه #بحبك 💖
#ب '''''' #بنقو 🚭
#ح '''''' #حشيش 🌿
#ب '''''' #برشام 💊
#ك '''''' #كوكاين 🍂
علشان تعرفوا إن #الحب_جميل_كيف 💔🐸🚬
#ⓣⓔⓚⓝⓞ

المشاركه12♥️🔐
دعني اخبرك بما افعله عندما اشتاقك
*ابحث عن كل #ذكرى أستوطنت ذاكرتي ،، أجعلها محور تفكيري ولا يهمني كم من الوقت أهدم ،،..،، تتدافع كل تفصيله كي أدقق فيها
....أذكر جيدآ #اول موعد بيننا وماذا كنت انت ترتدي وكل كلمه خرجت منك ودقت ع مسمعي كجرس رفيع يفرض ذاته ويتربع الأذن... يومها أسرتني #بنظرتك التي تحكي عن براءة قلبك... عن #صوت ضحكتك التي لم أسمع مثلها بعد...
كان #موعد قصير لدرجة أنني شعرت به يمر كثانيه...
لم نفترق يومها لان اللقاء سيعاد.... اذكر حينها انني اغرمت بك لدرجة اربكتني اربكتني جدا ....لم أعتاد ع وجود شخص يحب كياني لهذه الدرجه... شعرت أنك أحتويتني فلا مجال للهرب منك
أجلس بين الاصدقاء والمعارف لكن بالي معك انت تحديدا... شعور جمييييل لاتكاد الكلمات ان توصفه... فقبل بضعة سنين كنت لم اعرفك والان أعرفك اكثر من نفسي حتى نفسي من نفسي تتعجب... الان أجلس أفكر فيك وما الذي جرى بيننا ولم جعلنا تلك المسافه الشاهقه!!! ؟!!
أدرك تماما أن خوفنا ع بعض وتفكيرنا في بعض يفوووق حجم البعد الذي توسد علاقتنا
#لهذه اللحظه اول اسم يأتي ع بالنا في وقت الحزن والفرح اسم بعضنا لبعض... أصبحت أعشق حدوث المفاجأت في حياتي لكي تكون سبب في تواصلي معك
أصبحت أصبحت أدمن كاااافة وسائل التواصل الاجتماعي توقعآ مني بخبر يخصك او حتى إرسال رساله تخبرني بها اشتياقك لي
#في يوم كنت اتصفح حسابي ورايت رسالتك مع انها تحتوي بعض الكلمات لكن اثرها أستوطن قلبي
#الحب الحقيقي لايعني التحدث بالساعات ولا المقابلات والوعود اليوميه وكلمات الهيام المؤقته.... #الحب خوف ع الطرف الاخر حتى من نفسك... الحب احساس جميييل لمن يختار الشخص المناسب...
#سند
#دافع
#طموح
#مستقبل
#وخلييييكم بعااافيه👌😊

اوعى تسألوا بت عشرينية عن #الحب


توجهوا لحكيمات #الأربعينيات😘

من نهاية كدا #خالة😂💔🔪🐸🚬⛽️🔥
═══.❥ @htrshaat ❥.══

#الُحب_عند_الدكاترة
Hi darling ,
I miss you like an ischemic heart miss its blood supply .
I love you as TB loves the apex of the lung .
I care for you like way IV Taxim and Metrogyl care for postoperative patient.
I have implanted you in my SA node.
Please don t be the etiology of my heart failure.
Miss you like ventilation.
Take care of my vitals
- Your love ❤️

-
بعتذر على الغياب 😔🙏💋

بس كنت بجهز هدية لي #الحب😍🙊
واغلفها لي يوم 14-2 🙈❤️
واتذكرت اني سنجل فرجعت ليكم 🙆‍♀🌚💔

ماف واحد غير رايو وحيجيب لي هديه لسه 😂😂😭😭❤️

طيب اصلا هو حرام 😒👍

||` عزيزي القارىء ؛ هذا النص عميق جداً وغير متوافق مع أفكار بعض الناس ، فإن لم تتعمق معي حتى الغرق ، لا أنصحك بالقراءة #لانو_أفكارك_حتجوط .

طبعاً أي زول لو سألتو ما هو الحب ؟ حيعدد ليك حاجات كتيرة من ضمنها #الإهتمام وأنا شايف انو ده غلط ، أنا شايف انو الحب والإهتمام ما بتفقو والحب ما بحتاج الإهتمام .
قبل ما نخش في الموضوع ح أقول تعريف الحب والإهتمام في نظري شنو ..
- الحب : هو رقيق ومسكين جداً وغيور وطبعو طفولي جدا وما بتحمل أي ضغوطات خارجية وممكن نضحي بأي شي عشانو .
- الإهتمام : هو رغبة مؤقته في أمورنا الحياتية الممكن نتخلى عنها عشان حاجة أهم وممكن نرجع لإهتماماتنا تاني بعد إستقرار أوضاع الحاجة الأهم دي .
من هنا حاول تتعمق معاي ؛ أي علاقة جديدة بين اثنين بتبدا بالإعجاب ومرات بالحب من أول نظرة ، كلاً من الطرفين في البداية حيدي الطرف التاني أحسن ما عندو ويظهر في أحسن صورة وجرعة عالية جداً من الإهتمام زي الجرعة الزايدة في التخدير ممكن تخرب أي شي ويبقى صعب الزول يرجع طبيعي .
عارفين ليه الإهتمام بخرب الحب ! لأنو مع الزمن ح ينتهي وح يسيطر الملل والضجر ويبدا كلاً من الطرفين بإتهام الطرف التاني انو بقى ما بحب وانو بقى بارد المشاعر وتبدأ المشاكل في الظهور ؛ انت ليه بقيت ما مهتم بي ؟ انت ليه ما جبت لي هدية في عيد الحب ؟ انت ليه الأيام دي فاتح لي وما بتضرب لي وطول اليوم بقيت مشغول ؟ انت لو مهتم كان عرفت الليلة أنا مالي ! .. إجابة الأسئلة دي كلها انو بكل بساطة أحد الطرفين رجع يمارس حياتو الطبيعية بمشاغلها ومشاكلها لكن #الحب موجود بس الإهتمام زال مفعول تخديرو المزيف .
طيب .. الحاجات الحلوة البين الطرفين من هدايا او لو يوم وقفتو مع بعض في حاجة او وقت همكم تلقو زولكم أول زول واقف جمبك الحاجات دي شنو ؟! دي أسمها #واجبات_الحب ما اهتمام ، واجبات الحب قدام بعض هي البتنعش العلاقة بيناتكم وبتقويها ما الاهتمام ! النفس البشرية دي متغيرة ما دايماً بتفضل على حالها ، الإنسان عندو حاجات كتيرة في حياتو لازم يعملها عشان يعيش ما بقدر يهتم بحاجة واحدة طول الوقت لكن حياتو ح تبقى حلوة وجميلة لو فيها حبيب ، بالرغم من مشاغل الحياة المنعت الإهتمام الحب بكون موجود ، ما تشغلو تفكيركم بالأهتمام وعدمو ، حبو بعض وخافو على بعض واحرصو على واجبات الحب بيناتكم ، اللي هي ؛ الإحترام ، التقدير ، الثقة ، الصبر ، وأهم حاجة الخوف من ربنا في بعضكم .

- أمثلة توضيحية عميقة(حلوة عميقة دي مش ) :
الإهتمام بكون في الحاجات الممكن تتخلى عنها #عشان_الحب ، مثلاً ؛ انت مهتم بدراستك واثناء قرايتك أمك تعبت من واجبات الحب طوالي ح تخلي قرايتك وح تقوم تودي أمك المستشفى .. لو لاحظت انك ما بتضرب لأمك يومياً ولا بتقول ليها كلام حلو يومياً لكن بتحبها برغم عدم الإهتمام لأنو ببساطة الحب ما إهتمام الحب واجب ، نفس الشي مع حبيبتك ما لازم تكون مهتم لكن لازم تلتزم بواجب الحب اتجاها .
مثال تاني ما عميق شديد :
انت مهتم بالكورة وكان في مباراة مهمة ومسخنة ومتابعها ، حبيبتك حصل ليها حاجة أو مشكلة من واجبات الحب تتخلى عن الكورة وتشوف حبك وتقيف جمبها لحدي ما تتطمن عليها ..

- في النهاية يا جماعة بقول ليكم خليكم عميقين في حبكم خلو السطحية وما تتمسكو في سفاسف الأمور والحاجات البسيطة الما ليها داعي ، لأنو زي ما قلت الحب طبعو الرقة وأي ضغوطات خارجية بتنتهي منو ..

#الحب_واجب_ما_اهتمام
Dr.7up

ما تقول بحبها وانت يومك بيعدي وانت ما بتعرف عنها حاجه غير انها كويسة 💔
ما تقول بحبها وانت لما رسايلها تصلك بترد بعد 3 او 4 ساعات ☺💔
ما تقول بحبها وانت ما بتكون معاها في الاوقات اللي هي محتاجه ليك فيها 💔
ما تقول بحبها وانت بتفقدها وبتفتشها في وقت فراغك بس وما بتسأل منها في عز زحمتك ومشغولياتك ✋
#الحب_احتواء

والله يا جماعة #الحُب اتعمل عشان تعيشو انتو الاثنين مع بعض ، م عشان #تفرجو الناس عليه !🌚💦

#قافله_معاي 😒

#تعالو دقيقة


#كلام_واقعي_للعقول_الراقية ✋

كذب غير مقنع بس نحنا بنحاول نعملها مقنعة💔
بقت العلاقه الخاليه من #القبلات و #الاحضان م اسمها علاقه💔!!
وبعد مايصل الحب للذروه يقول ليك: مابعرسها دي بت كعبه💔...لي؟؟عشان سلمتك روحها؟!
لالاعشان البتفرط في #روحها لواحد بتفرط لغيرو والعملت كدا معاي ح تعملو مع غيري...
أصلاً الفكره انو لو الشي #اتكسر ما #بتصلح💔
طيب لو انتي فاكره انو فلان دا #بحبك ❤عشان كدا مالازم تحرميه من نفسك !!!يبقى انتي زاتك مابتلزميه..لانو لو #بحبك ح يخاف عليك من نفسو مابسعى يقرب ليك عشان انتي ما #للمتعه!!!
ولو انتي شايفه انو #الحب ❤ و #المشاعر بتستاهل انو تغضبي #ربنا عشانها وتخسري ثقه اهلك اللي تعبو في #تربيتك 💔 تبقي #جااهله والله!!
#وانت ياالما خليت بت وخربتها عارف عقاب كدا شنو!!؟؟
#لايشتم_رائحه_الجنه🌸..خليك من #كما_تدين_تُدان!!
حتجي وتقول لي تاااني هي فرطت في نفسها براها انا احافظ عليها. لي؟؟!!
#انت_راجل..خليك من إنو عندك اخوات أو لا💔
#الزاني_يُزنى_ولو_علي_جدار_بيته...
#لو_بتقولو_حب❤✋
الحب❤👉 عفه ...ولو بتقولو بقوي العلاقات !!ربنا سبحانه وتعالى ما ببارك في علاقه فيها معصيه✋...وكوني متأكده لشي واااحد(انك مصيرك تتزوجي واحد بشبهك)
الزاني لاينكح إلا زانيه اومشركه..والزانيه لاينكحها الا زاني او مشرك👌..

دي مافلسفه مني ولا جراءه
بس جد لاحظته انو اي علاقه مربوطه بالنقطه دي✋...ولو عايز تحب من غيرها يبقى انت معقد..💔!!
بس #معقد احسن من #عاصي و #منحل...
وعاين يا اخوي لو بتحب وحده تعال ليها بالباب البتحب يجو بيهو لاخواتك
#الحب_ابداااا_م_حرام❤✋
#انتو_البتعملو_الحرام_تحت_مسمى_الحب💔🤚

#وقع_ليكم


#BrOo 😍💕

الحب احساس اني #اشوف_نفسي في زول تاني بتمنى لي الخير اكتر من نفسي اتآلم واغير عليو من كل الناس حتى اهلو وبحمد ربي على انو اداني ليهو ولمن يجبو سيرتو قلبي #يدق_بسرعة لما اتزكرو بنسى #كل_همومي و ابتسم ابتسامة حلوة وغربية لمن الناس الحولي بيستغربو زول بريدو ما عارفة لي بس بكون عارفة الريد دا وبشوف عيوبو و م بلاحظ ليها و بتغاضى عنها وبيعجبني الجزء الحلو فيو اكتر وبفتخر بيو كانو نعمة #من_ربنا وبحس انو في دافع قوي بخليني احب الدنيا و م اعاين للسيء فيها وبيخليني متوترة لمن اشوفو وقلبي زي #دلوكة_الحنة بتشتغل م بعرف اوقفو عشان هو قاعد قريب ويخليني اسال كل دقيقتين في الساعة عن احوالو و الحاصل عليو شنو #الحب اني افرح و م اكون عارفة لي #الحب اني اكون سعيدة في معظم اوقاتي الحب اني اشكي لي نفسي في زول تاني زول بيفهمني ويحترمني و يقدرني و يغير علي من الهواء الطاير و لمن م اسمع صوت البحبو او اشوف صورتو احس انو في #حاجة_غلط حاصلة الحب اني اعشق انسان عشان م عارفة لي بس بحبو و خلاص الحب انو اهتم بي نفسي عشان في ناس حتمرض لو حصل لي حاجة #الحب من اسمى معاني في الحياة و م كل الناس لقتو و البيلاقى عبارة عن #محظوظ و البيضيعو عبارة عن #منحوس الحب #كلام_كتير حلو بتقال وقت ضيقك بفرح م عشان الكلام زاتو بس عشان الزول القالو 😍❤️وكمان #الحب_معرض للخطر دايما وفي اي لحظه وفي اي وقت وبرضو كمان قابل #للإنتعاش في كسر من الثانيه عشان في عوامل كتيره بتأثر في مقدار #الحب ذي مثلا اثناء #الخلافات ممكن تنخفض نسبة الحب وتبقى تحت الصفر وبعد الخلاف ممكن #عادي_تفوت الحد لدرجة اننا ما نلقى ليها نسبة مئوية توصف #احساسنا بنحس ذي كأننا ياداب اتعرفنا من مده بسيطه بنكون #عايشين نفس احساسنا الأول ونفس لهفتنا الأولى ونفس #دقة_القلب الما بتغبانا حقت الشوق ديك 😍🌸

#الدنيا_بالحب_ساهله_جدا


#BrOo 😍💕

قبل أن يأتي #الحب حاولوا أن تحظوا #بالصداقة اكسبوا #الكتف قبل القلب #القلب يتقلب لكن يبقى #الكتف ثابت
#Dr.7up
🖤✨

• #الحب . . أن يبدو عليك النوم ولا تنام
#Dr.7up
🖤✨