#اشتياق_اللقاء
#لمولاتي_زينب_عليها_السلام


زاد اشتياقي لحضرتج
بير وعليه نازل نبي ، ،
رزقيني من في كبتچ
يل ما ألچ في بالسبي

دربچ مو صعب = العشگ بالگلب = واناجيچ
للشام الحلم = واحطلي اسم = عبد ليچ

غربه = خلصت حياتي ويمچ ما بتت
ابچي = يا ليتني مولاتي قد متت ، ،
دمعه = كبري انحفرلي ولسه ما زرت

-- عفوكي عفوكي مولاتي
-- تقصيري ليس له عنوان
_____________________________
انصلي جماعه ابحضرتج
چا يمته مو زاد الالم ، ،
ليمته اشوف اللافته ،
البيهه اسمچ ويمه السهم

ما شاء القدر = شيظل بالنظر = بچي اعليچ
امحلفچ بالكمر = اريد السفر = والاگيچ ، ،

ادري = يدنالي موتي ومازورج ابد
انا = ذنبي الجبير العن بابچ بعد
زينب = يهزني اشتياقي هزات المهد

-- عفوكي عفوكي مولاتي
-- تقصيري ليس له عنوان
_____________________________
مجلس عزاء وچف دمع
وهاي السوالف تنذكر ،
رزقيني يم بابچ رزق
امدنگ وأقرالچ شعر

عمري بلا نفع = اذا مو دمع = بچي اكضي
صوره من الصحن = تعادل وطن = عشت بي

ويلي = لو گلبي يوگف وانا ما زرت
انحب = لكعدت عتابچ ماني اتوفقت
واكتب = جرحي اعله دفتر حزني اتعذبت

-- عفوكي عفوكي مولاتي
-- تقصيري ليس له عنوان
_____________________________
برجليه ياخذني الدرب
يم الحسين اشكي الوجع
من كد دعااا الملگه الصعب
چف ايدي بالثاني انطبع

اشهدُ بالحزن = صفار الغصن = بچانه
سلمولي شكثر = اعله ام الخدر = امانه

ابچي = ام المصايب ما يمهه طحت
وضيمي = بيعت ضريحچ بالغربه انبعت
ادري = لو ما اخوتچ من شوگي متت ، ،

-- عفوكي عفوكي مولاتي
-- تقصيري ليس له عنوان
_____________________________
بماي السبيل البالصحن
مشتاكه روحي ترتوي
والمحترگ گلبه صدك
بطاري الخرايب ينچوي

انحچي يا وكت = خذاني وطحت = واريدچ
من ضيمي ذبت = يريت ومتت = شهيدچ

ميت = بأسم الحبيبه استشهدت عشگ
ادري = گبة عشكها أم عشگ الصدگ ، ،
اقره = حزن المواجع من ذاك السحگ

-- عفوكي عفوكي مولاتي
-- تقصيري ليس له عنوان
_____________________________

- علي مهدي المالكي ، ،

-