#نزله
#لمولاتي_ام_البنين_وولدها_العباس


-- يا أميرة الوفه ادخيلچ ،
_________________________________
غانمه ومشكوره كلش على هل الخلفه
والنعم يم البنين وزوودج انعرفه ، ،
جايبتلج خوش واحد هاشمي بوصفه
مثل خطاف الارواح الكابله يخطفه ، ،

- حالف يذبح الشاطي
- من شارب علي صاير
- نعم الله على ارباتچ
- عباسچ گمر شااااطر ،

-- يا أميرة الوفه ادخيلچ ،
_________________________________
سوه خوش ازلمه حضنچ طينه مملوحه ،
وطلع من شباچ كلبچ كاشخ بروحه
من ظهر حيدر وبطنج ياهو ليلوحه ، ،
شال سيفه وهيسينه الغيمه مذبوحه

- شال ايده ورعد صوته
- ومن حلكه الحچي ايعور
- من مال الزلم مالت ،
- عباسچ ضوه ايشوور ،

-- يا أميرة الوفه ادخيلچ ،
_________________________________
برغد يا ام البنين ونامي مرتاحه ، ،
ولد عندچ بالمعارك يذبح اجناحه
هيچ يالبدويه ابنچ عالي مروااحه ، ،
كتبوا الطف وابو فاضل طاااب مساحه ،

- يمسحهه ويرد يكتب
- كض راس السطر بيده ،
- حي الله الربه بچفچ
- اليتونس على الصيدة ،

-- يا أميرة الوفه ادخيلچ ،
_________________________________
والخصايل الابدويه بروحه موجوده ، ،
هواي ماخذ ع البراري الشاهد ازنوده ،
النخوه يم عباس منچ هاي مريوووده ،
الگابل العباس يصرخ ساعة السووده

- شجاباني وطحت يمه
- هيج الكابله يدردم ، ،
- من حلگ السبع جايب
- حگه اوليدچ ايشيم ، ،

-- يا أميرة الوفه ادخيلچ ،
_________________________________
ما امكمط كاض روحه بمهده لعيونچ ،
امه سهرانه اعله موده وساكت لعونچ
شنهي رضعتيي الجيش واحجي يردونج
اذا ابنج هيج نشمي جا انتي شلوونج ،

- دخيل الله على رباتج
- من حظنج كمر طالع ،
- شحطيتي اعله ماعونج
- وهيج ابنج بدر ساطع

-- يا أميرة الوفه ادخيلچ ،
_________________________________

- #الخادم
- علي مهدي المالكي ،