#قصيدة_للامام_الحسين

اول قصيدة بحق الامام الحسين عليه السلام جديد 2025 والحمد لله



لو ما وجودة بدنيتي چا كثرت ذنوبي
ولو ما حسين وخدمتة ما اندل دروبي
دلتني دربي منين خدمت حبيبي حسين
======================
تايه بدربي وما اعرفت يا صوب اسير بدربي
ما اعرف الصح والخطأ وبالدنيا زايد تعبي
درب النجا درب العدل ما اشوفة من گد ذنبي
وبمجلسك يا ابو علي تعلمت اطيعن ربي

گمت اعرف لوين اتجه ونفتحت عيوني
بحسين دايم ملتزم خلهم يلوموني
بيها ارد اكحل العين خدمت حبيبي حسين
======================
شفتك رمز شفتك قيم تعلقت بيك هواية
شفتك بحـر جود وكرم راية نصر وهداية
منك خذت اعظم درس لازم اشيل الراية
من كلشي لله اتقدمة من شحت الوفاية

يالقدمت مال و ولد لجل الله محبوبك
ويالعلمتني التضحية من أسلك دروبك
اسلك طريق الزين خدمت حبيبي حسين
======================
شفت المجالس مدرسة تعلمني احبن ديني
ومثل المجالس ما شفت تهديني و ادليني
واعرفت مصباح الهُدى حسين الذي يهديني
باوسع سفينة تمسكت من الخطر تنجيني

تعبرني امواج الخطر من اصعدت بيها
للجنـــة حتـــماً تتجه هناك ويرســـيها
وبيها انضل امأمنين خدمت حبيبي حسين
======================
خادم صرتلك سيدي وارتفع قدري وشاني
بالدنيا هيچ اتكرمت شحال العطا الرباني
اشكر الباري لنعمتة حب الحسين اطاني
اسجد الف سجدة شكر خادم الة خلاني

الف الحمد لله وشكر خادم يسموني
وباچر ذنوبي تنغفر وبحبة خيعوني
تبقى برگبتي دين خدمت حبيبي حسين
======================
عنك فلا يوم ابتعد من الله اسال دومي
واذكر مصيبت كربلة كون بصحوتي ونومي
بدمعة تطيح ابمجلسك تنفرج كل همومي
حزنك ابگلبي سيدي مو بس سواد هدومي

وي دمي مسراه الحزن لليابسة اشفافة
حبه ابوسط گلبي انزرع من يوم ما شافة
ما شفت منها اثنين خدمة حبيبي حسين
==================
أسالكم الدعاء رائد الاسدي

#قصيدة_للامام_الحسين عليه السلام 1447 هـ



كربلة طباها والزلم بچاها
=====================
انة ابن فارس بدرها وابن داحي ابوابها
وانة ابن فاتح حصنها اواگف اعله اعتابها
حسين انة وزودي حيدر ذو الفقار الطابها
سيفي بتار بيميني والحرب ما هابها
ترتجف خلاها والزلم بچاها
=====================
برز للحومة بيمينة لامتة والراية
بالعدد انة مقاتل وانتو جيش هواية
باچر التاريخ يكتب ياهو دكَ الثاية
انة من سادات هاشم بالوعد وفاية
رايتة علاها والزلم بچاها
==========================
حسين بالميدان وحدة والجيوش احتارت
خيل ورماح وبواتر كل كتر بي دارت
ثبت بالمركز يقــــاتل هاي ابد ما صارت
يگلب الجيش ابحملتة وال مية انهارت
كالغنم سواها والزلم بچاها
=========================
بالحرب سيف الله نازل ياهو يدنالة
ما يهاب ولا يبالي شما اجت خيالة
هاشمي وتدرون فعلة يصير گبل اقوالة
بالحرب گوم ال مية تخاف من اخيالة
بالرعب صاباها والزلم بچاها
===================
فگد عباس واخوتة وفگد كل انصارة
ظنوا وحيد وسهولة ايسلبون ديارة
صال بالعسكر وهمة اطشروا طشارة
كفر وارجاس ونواصب ماكو الكم چارة
الرگب گصاها والزلم بچاها
====================
ابكربلة سطر ملاحم منها ناخذ عبرة.
بطل والسيف بيمينة من يصلة ويجرة
مثل لمح البصر طبهم حيراهم امرة
اليوم گاع الغاضرية من دماهم حمرة
الارض رواها والزلم بچاها
===================
أسالكم الدعاء رائد الاسدي

#قصيدة_للقاسم_ 1447 هـ



نام وتهنة وفيت اعهودك
بوية قاسم يا ذخيرة عودك
===================
غمض عيونك يوفاي الوعود
بالنفس يالقاسم ودمك تجود
ما خفت من العساكر والجنود
ما ردت واحد يصل لحدودك
======================
شفتك اعله الگاع سابح بالدمة
هامتك من السيوف امهشمة
هاشم اعله الموت كلها معلمة
والشهادة حصلتها بزودك
======================
عمك انة حسين شلتك عالصدر
عني من تمشون ما يسوة العمر
الله يطيني على مصابك صبر
دمعي گام يطيح فوكَ خدودك
=======================
بعدك زغيرون مو مالت حرب
بالسيوف شلون متحمل ضرب
دمك اعله الگاع يالغالي يصب
تنصر الدين اطلعت مگصودك
=======================
محلل وموهوب يا شبل الحسن
يالچنت وفاي ساعات المحن
لمن اعليك السيوف اتخالفن
وترف ما يحمل ضربهن عودك
======================
امك اعله الباب وگفت تانتك
وتنتضر مني اجيبن جثتك
راسي شلتة اليوم يبني نادتك
تمسح ابدمك تشم اجعودك
=====================
أسالكم الدعاء رائد الاسدي

#قصيدة_للامام_الحسين 1447 هـ


ابو اليمة على الغبرة   يطيح وينگطع نحرة
بعد ما غمض عيونة    بحقد گاموا يسحگونة
الحوافر داست ابصدرة
==================
مثل حسين ومصابة ابد ما صار
ذبحوا كل اخوتة وذبحوا الانصار
گلبة من العطش بالحومة صاير نار
وبعيالة العطش واطفالة كلش ضار

لجل ديني غدو فدوة   الولد وانصاري والاخوة
وروحي افديها للنصرة
ابو اليمة على الغبرة
====================
غريب ابكربلة لا ناصر ولا امعين
اويلي والعدة دارت عليه صوبين
على اصحابة ينادي وبس يدير العين
ينادي ولا مجيب الجاوباه حسين

يسيل ابكربلة دمهم   ولا واحد فزع منهم
يعينة الله اشعظم صبرة
ابو اليمة على الغبرة
======================
حمل للمعركة واتوجه اعله الگوم
حاطتة العساكر بالسيوف اتحوم
ما بيهم رحم جيش ال امية اليوم
سحگوا جثتة وما ظلت الها رسوم

غريب ومحد ايعينة    تصد عينة على ابنينة
وصد اعله الخيم نظرة
ابو اليمة على الغبرة
==============+======
تطشرة الخيل روحة وترجع اتلمة
وعليه دارت عساكرها وغدت لمة
حمل الف وتسعميت جرح جسمة
وهوة ابن النبي والطاهرة امة

هذا ابن النبي يا ناس   عجيب ابكل حقد ينداس
انطبكَ فوكَ الصدر ظهرة
ابو اليمة على الغبرة
===================
حزوا رگبتة وراسة ابرمح شالوه
گطرة ماي ما قبلوا ابد يسگوه
ردوا من بعد هذا الجرة سلبوه
وفزعوا للمخيم عالحرم حرگوه

تصد عينة على اعيالة   تدور اعليها خيالة
يجر حسرة ابأثر حسرة
ابو اليمة على الغبرة
===================
راسة اعله الرمح ويشاهد العدوان
شاف اشلون ضلت حايرة النسوان
دموعة اتسيل من فوكَ الرمح نهران
شاهد زينب ابين العدة ونيران

يصب اعله الحرم دمعة    صارت عالخيم فزعة
بقى متحير ابأمرة
ابو اليمة على الغبرة
===================
أسالكم الدعاء رائد الاسدي

#قصيدة_للسيدة_العليلة 1447 هـ


موش تنساني ينور عيوني
المرض زاد وتغيير لوني

=================
كلكم اتروحون عني يا هلي
وانة اضل بالدار گلبي يصتلي
خوية يالاكبر اخيتك رد الي
گال ابوي اتردلي متخلوني
==================
الاخو عد الاخت عزوة وسند
تنتچي بالظيج ما تهتم ابد
وانة چنت وياك روحين بجسد
شوفني ابيا حال وانضر لوني
===================
خوية اذكرك ذيچ ايام العمر
حلوة عشناها بثوانيها التمر
عني من تروح ما عندي صبر
فدوة اروحلك تحمل اضعوني
===================
يا بعد طولي يبو طول الحلو
عني لا تبطيش وارجع يالاخو
ادري بيك الزود يالاكبر كفو
خوية هم تگدر تعيش بدوني
===================
انة عشت وياك عمري مدللة
شلون ترضاها اضل امعلعلة
تريد عني تروح وي القافلة
وضلت ابالي تدور ضنوني
=================
ابكل كتر بالبيت تاركلك اثر
دمعي من مبچاي بخدودي حفر
ابنوح اخلص الليل ويطول السهر
وانه ما احمل جفة تدروني
==================

أسالكم الدعاء رائد الاسدي

#قصيدة_لمسلم_ابن_عقيل 1447 هـ


مسلم اعله حسين دار عيونة
الاخو ابوكت الشدد ينخونة
==================
حسين يا خوية اوديلك سلام
يبن عمي وگال هذا اخر كلام
وي اخيك كون حاضر يا امام
شحدهم أصحاب الغدر يدنونة
======================
شحدهم أصحاب الغدر يمة تصل
كون يمة حسين ما صار الحصل
من نسل واحد بطل نفس البطل
العسكر اشما يكثر ايبيدونة
======================
العسكر اشما يكثر اتبيدة الزلم
يطشرة الحسين ويرد مسلم يلم
كون واصلة ابو اليمة الشهم
چا سلم مسلم واصبح عونة
======================
چا سلم مسلم وما طب للقصر
لا اجتة الگوم لا راح ابيسر
وچان بالكوفة رفع رايت نصر
الاخو وي اخوتة ايهابونة
=====================
الاخو وي اخوتة اتهابة الرجال
بي تشد حزام اخيك للقتال
حسين وي مسلم لونهم بالنزال
الهوة اعله العالوا ايسدونة
=====================
الهوة اعله العالوا اتحرم بعد
حسين يصبح للاخو تچوة وسند
شما تزود صفوفهم عدة وعدد
سيف يم سيف وسوة ايلاگونة
=======================
أسالكم الدعاء رائد الاسدي.

#قصيدة_للامام_العباس


خوية يا عباس سبع الگنطرة
من طحت بيمن تلگيت الثرة
=====================
عمت عيني عليك عباس الگمر
راح اضل بجفاك محني الضهر
خوية فوكَ الگاع ومگطع وذر
والچفوف اعله التراب امبترة
=====================
من گفاك سهام صدرك طالعة
من طحت يا حال يم المشرعة
چفوق اديك اثنينهن متگطعة
وجثتك بدماك خوية امعفرة
=====================
من شفتها اثنين صارت هامتك
خفت لا عالراس صارت طيحتك
شلون فوكَ الگاع طاحت جثتك
وهامتك من العمود امطشرة
======================
اليريد ايطيح بابيديه يستعين
ايحطهن اعله الگاع تچاية الادين
شلون لا يسرة البگتلك لا يمين
ضلت اعله الحال روحي محيرة
======================
كون يمك من طحت اصبح سند
ابين ادية اطيح من صابك عمد
انكسر گلبي لمن شفت الجسد
سهام متروس اعله طولة امسطرة
====================+
من طحت للگاع وبعينك سهم
خوية شفت ابهالمصيبة يا الم
بحالتك عباس بس الله علم
شنهي صبر الچان بيك ومقدرة
======================
أسالكم الدعاء رائد الاسدي

#قصيدة_للخدمة 1447 هـ

الف الحمد لله وشكر
من ربي مد بية العمر
وانة لمحرم انتظر احييها ذكراك
=================
احمد الله واشكرة اعله النعمة هاية
وادعي خادم كون اضل حد النهاية
خدمت حسين الفرج من الخطاية
لله تتقــــرب اذا تصـــفى النواية
حمدي يربي وشكري الك
جدمي الدروب الحق سلك
وي الحسين اتوسلك تحشرني اهناك
===================
انتضر يوصل محرم گوة صابر
خاف اموت وبالمآتم ماني حاضر
نعمة من الله رزقني لجلة شاعر
اسمي يتردد يضل فوكَ المنابر
من الله اطاها النعم
قسمها كلها اعله الخدم
خلاني اكتب بالقلم والناعي ينعاك
====================
ربي وفق كل مـــحب يخدم امامة
هذا ابو الموكب تحضر للخدامة
والشباب اتحضروا كلهم شهامة
خدمة حسين الشرف بيها الكرامة
خدامك ابطول الزمن
اتشوفك يبو اليمة وطن
زغم المصاعب والفتن وفاية وياك
=====================
نخدم حسين ومصابة ونوفي عهدة
شيعتة وخدامة كلنا انظــل نودة
يلطم الرادود لجلك وفــــة وعدة
وگفت الخدام كلها وگفة وحدة
للخدمة كلها امحزمة
وكلها لمصابك لاطمة
هالنعمة يارب دايمة الشيعي ناجاك
=====================
ربي عيدة ابكل سنة ياربي عيدة
ونبقى خدامة وشرف نصبح عبيدة
حسين ابو اليمة فدانة بدم وريدة
شما نقدم ما نوفي اصبع ايدة
وفقنا ربي لخدمتة
ونعلي دايم رايتة
مجنن گلوب الحبتة.. من حگها تهواك
======================
أسالكم الدعاء رائد الاسدي

#قصيدة_للامام_الحسين

قصيدة بحق الامام الحسين عليه السلام جديد 1447 هـ



لو ما وجودة بدنيتي چا كثرت ذنوبي
ولو ما حسين وخدمتة ما اندل دروبي
دلتني دربي منين خدمت حبيبي حسين
======================
تايه بدربي وما اعرفت يا صوب اسير بدربي
ما اعرف الصح والخطأ وبالدنيا زايد تعبي
درب النجا درب العدل ما اشوفة من گد ذنبي
وبمجلسك يا ابو علي تعلمت اطيعن ربي

گمت اعرف لوين اتجه ونفتحت عيوني
بحسين دايم ملتزم خلهم يلوموني
بيها ارد اكحل العين خدمت حبيبي حسين
======================
شفتك رمز شفتك قيم تعلقت بيك هواية
شفتك بحـر جود وكرم راية نصر وهداية
منك خذت اعظم درس لازم اشيل الراية
من كلشي لله اتقدمة من شحت الوفاية

يالقدمت مال و ولد لجل الله محبوبك
ويالعلمتني التضحية من أسلك دروبك
اسلك طريق الزين خدمت حبيبي حسين
======================
شفت المجالس مدرسة تعلمني احبن ديني
ومثل المجالس ما شفت تهديني و ادليني
واعرفت مصباح الهُدى حسين الذي يهديني
باوسع سفينة تمسكت من الخطر تنجيني

تعبرني امواج الخطر من اصعدت بيها
للجنـــة حتـــماً تتجه هناك ويرســـيها
وبيها انضل امأمنين خدمت حبيبي حسين
======================
خادم صرتلك سيدي وارتفع قدري وشاني
بالدنيا هيچ اتكرمت شحال العطا الرباني
اشكر الباري لنعمتة حب الحسين اطاني
اسجد الف سجدة شكر خادم الة خلاني

الف الحمد لله وشكر خادم يسموني
وباچر ذنوبي تنغفر وبحبة خيعوني
تبقى برگبتي دين خدمت حبيبي حسين
======================
عنك فلا يوم ابتعد من الله اسال دومي
واذكر مصيبت كربلة كون بصحوتي ونومي
بدمعة تطيح ابمجلسك تنفرج كل همومي
حزنك ابگلبي سيدي مو بس سواد هدومي

وي دمي مسراه الحزن لليابسة اشفافة
حبه ابوسط گلبي انزرع من يوم ما شافة
ما شفت منها اثنين خدمة حبيبي حسين
==================
أسالكم الدعاء رائد الاسدي

#قصيدة_للامام_الجواد_ع

صاحب ولاية و معصــــوم
و لزينبّك تجـــري ادمــــوم
عايش نحر فوگ الرمح
و ابكربـــلائك منــــذبح
غريب   وآ جواداه
ـــــــــــــــــــــــــــــــــــــــــــــــــــ
دمعك على خدودك غَفل يتلامع ابليــل الهضم
فرض الصبح يدخل بعد ما ينتهي فرض اللطم
نيّة صلاة احزانك و حرگ  الخيم  نَفس الطعم
تكبيرة احرامك جَرح سوط و نِزَل حَدر العظم

ابدمعة عيــــــونك تسبيـــح
يا عمة كل ركــــعة تصيـــح
تسبل جرح فوگ الجرح
و ابكربـــلائك منـــــذبح
غريب وآ جواداه
ـــــــــــــــــــــــــــــــــــــــــــــــــــ
نار  العطش من  تلتهب  تفتح  جرح ما  ينـدمل
عينك  تصب  العلگـــمي لو  تسمع ابشهگة طفل
رمح النحر  بيـك  أنزّرَع  و ابصدرك مخضّر نبل
ماي الگلب سال وترَس جربة حلم راعي الفضل

تتعـــــــثَّر ابطــــاري ثنين
خنصر قَطــــــيع و چفين
دمعك و لا بَطَّل يسح
و ابكــــربلائك منذبح
غريب.    وآ جواده
ـــــــــــــــــــــــــــــــــــــــــــــــــــ
جمر الخيم تستشعره و تمشي على اطراف الجدِم
كل لحظة دخان و  حرگ طارف عِبي ابگلبك  تشِم
صورة هضم چف و علم  دمع الجفـــــن بي ينرسِم
و الــــف و تسعــمية جـــرح يلتمّن ابيقـضة و حلِم

مثــل الخيــم  نــــــار تفــــــور
يومك جــــــرح مــــن عاشــور
جسمك ذبل فوگ السطح
و ابكربــــــلائك منـــــذبح
غريب وآ.   جواداه
ـــــــــــــــــــــــــــــــــــــــــــــــــــ
لكعبة  خلودك قافلة بانفاسك اتمـاشي الظـــعَن
حزنك چوه  لب الگلب جمراته  ما يــوم انطفن
عايش غريب و دمعتك للعايلة تـــــــرسم وطن
دمعة اعله دمعة تنچفي حَد ما دمـوعك وشلن

مجمـــورة ليلية اتبــــات
روحـــك عله العلـــويات
بالونة جرحك ينفتح
و ابكربــلائك منذبح
غريب.   وآ. جواداه
ـــــــــــــــــــــــــــــــــــــــــــــــــــ
من الهضم  طولك وگع جثــــة ابميادين القهر
تتأمّل ابطف  كربلة و  تتمنّى گطعـــولك  نحر
شما تنظر ابوجه السمة و ابعينك ايلوح الگمر
صوب الشريعة ترتمي و ادموعك ايفيضن نهر

ابجنح العطش بالاحســاس
توصـــــــل مقـــام العــباس
و اعله الجرح ينصب ملح
رايد تواســي المنـــــــذبح
غريب  وآ  جواده
ـــــــــــــــــــــــــــــــــــــــــــــــــــ
الحمدلله
#علي_حسين_الكناني

#قصيدة_وهب_النصراني
وهب النصراني يخاطب الإمام الحسين ع

مْنْ نظرة وحدة گلبي ظل بسمك يدگ
نَصـراني گالـــــوا و اعْتنّق دين العشگ
أمنت بيـــــك او أعلـنت أيماني
و انْجيلي لَجْلَك عفته يا قراني
و دين العشگ //و دين العشگ
ــــــــــــــــــــــــــــــــــــ
أَشهدُ أنَّـــــــك شـــريعة مُنـــــــزلة
و بسمك انصاغت حروف البسملة
حسين // يعني بســـم الحُب بديت اسلامي
و أَشهـــدُ أَنَّــــك فـــلا مثـلك بشر
من جمــــالك هـــايم أنشَــقَّ الْقَمَر
حسين // عيسى صــرت اتخَـــيَّلك گـــدامي

قبــل لا أعــــرف حُكُم للــــــواجبات
بيك اريـــد اتـوضّه يــا نبــــع الفرات
و ارد اصومك و افطر اباقي الحياة

انته الفُروع ابلاية شك و انته الأصل
و انته العبـــادة و الـــــــدعاء المنقبل
وارث محــمد لا محــــمد ثاني
و انْجيلي لَجْلَك عفته يا قراني
و دين العشگ// و دين العشگ
ــــــــــــــــــــــــــــــــــــــ
خَذْت عَقلي ابرؤيتك ليلة أمس
مَطْلَعَك دُرّي و تفاصيـلك شمس
عجيب // مَنظَــــــرَك لَمّن وگفت اگبالي
ابوجْنِتَك مكتــوبة آيات الأمَل
و الكواكب طأطأن يَمَّك خَجَل
صليب // عالرمح مـــرفوع تتــــراوالي

إلمسيح أتنحّه و التَكّليف اجاك
تنصـلب و الكُلفة يسبون الوَرْاك
و انه تكليفي لگيته أشتم هواك
 
جيت الفدائك لابـــس اثياب العرس  
حبيتك و طبع اليحب يهـدي النفِس
قُربة لجـــــلالك قَدَّمت قُرباني
و انْجيلي لَجْلَك عفته يا قراني
و دين العشگ // و دين العشگ
ــــــــــــــــــــــــــــــــــــ
برُقعة انصارك لگيت اسمي انكتَب
و لدمـــائك لازم يصـــب دم وَهَب
غرام // قطرة قطــرة يسيــــلَّك شـــرياني
من تراتيلك سِمَعْت أجــمل نَغَم
عاشگ و معشوگ راسمنه القَلَم
حرام // شلون اعوفك و انته حُبّ ربّاني

واقعي و ما تخطــر أبالي الضنون
مثــل عابس ارد أشــدّ رتبة جنون
شَايِلَّك بعيوني مدري انته العيون

ليش (الكتابي) بعـــده اسمي ينكتِب
و آنه الحُسيني و افتخر بيك انتسب
غَيَّرت وضعي و غَيَّرت عنواني
و انْجيلي لَجْلَك عفته يا قراني
و دين العشگ //و دين العشگ
ــــــــــــــــــــــــــــــــــــ
رحمة الله و عَطْفه بيكم منزرِع
و منّك الجنّة يابــــو الأكبر فَرِع
و أكيد // ربّنه خالقــها الحواري ابنورك
دم شموخك يعرج لسابع سمة
و يستـــقيم الدين يابن فاطمة
بعـــيد // ما گـــدر مَبعوث ياخـذ دورك

يكفي حيـدر والــدك يابني الامير
و لأمك الزهـرة البداية و المصير
و انه بالتوراة قاري اسمـك شَبِيْر

فايض عَلَيَّ خير و رزق ما ينحسب
و منَّك فضل لو ثوبي قبلك ينسلب
و الاعوجية تعبــــث ابجُثماني
و انْجيلي لَجْلَك عفته يا قراني
و دين العشك //و دين العشگ
ــــــــــــــــــــــــــــــــــــ
يا خَضَـار الجنّة و انفاس الهوه
و الأشد قُدسية من وادي طوْه
غريب // تالي وحدك يا كليم اجـروحي
كون الف مرة اموت و انعدل
و لا يجيسنّك رمــاح و لا نَبّل
خضيب // للعَدَم يا ريت راحت روحي

اعتذر من حضرتك و اطلب سماح
جسمي لو يحــوي أقل منك جراح
حاسب أوگفلك درع فــوگ الرماح

عن الشفاه الذابــلات أشگُف حجر
و ابنحري اتَچّيلَك أذا رمحـك عِثَر
لاعظم شهادة بين اديك امتاني
و انْجيلي لَجْـلَك عفته يا قراني
و دين العشگ // و دين العشگ
ــــــــــــــــــــــــــــــــــــ
الحمدلله
#علي_حسين_الكناني

#قصيدة_للامام_العباس

لتگلهه مات  تموت اختنه
عدل  گفاك  الگوم  اجتنه
خليني   فوگ  الگاع  ممدود
رد اعله زينب  گلهه  موجود
لتگلهه مات تموت  اختنه

***

ياهو الوصل    يم راسي ويصيح
حسيته يمي    يگوم     ويطيح ؟
شلون    ابقى  نايم  هذا الحسين
يا عين    ذبي    السهم    يا  عين

ياهو     اليجيب    أچفوف   أديه
مولاي    ذب       روحه       عليه
أوگفله     اريد     امدنگ   الراس
ما     بيه    حيل      شلون   بيه


يا تاج راسي الوحدك    ظليت  مولاي
فدوه انه الك يابو علي والدنيا والماي
ظلن   خيام   بذمتك   والتانت  هواي


محتاره    منتظره    العقيله
گدامهه     اهموم    الثجيله
يصعب خبر  كافلهه   ميعود
رد اعله زينب  گلهه  موجود
لتگلهه مات  تموت  اختنه

***


مولاي     كاسر    ظهري     فرگاك
محتاج   لحظه    اتشابگ    وياك
چفيني  فدوه    وعيني   سهلات
بس   بالي  خويه  ويه  الغريبات

زينب    بعدهه    اباب    الخيام  ؟ 
بس  لا  درت  بمصاب   الاسهام
خايف  عليهه  تموت   يحسين
موت   الكفيل   ايودي     للشام


لتگلهه      طايح     علنهر   چفه   ابعيد
زينب   تريد    اخوان  مو  ماي    اتريد
يا خويه خلصت وانتهت صرت  أوحيد


بظهرك  خيام   گبالك الموت
تحشم المات ويرجع الصوت
ما ظل مناصر  من    الجنود
رد اعله زينب  گلهه  موجود
لتگلهه مات  تموت  اختنه

*

لتخلي   راسي   بحظنك   احتار
هسه  انته  يمي  شلون  لو  صار
وكت     الوداع    وتهجم   اعداك 
لو    طحت  ياهو  اليفزع    وياك


يترس    لحيتك   دم     والتراب
من  عمت  عيني  بولية   اجناب
تباوع     عليه    وانه     مطروح
ويفزعلك   من  الخيمه  الحجاب

خليني  خويه اعله الرمل  شامت ذاك
متانيك    رايد      تنكسر      يتعناك
رد  اعله  زينب   تنتظر   خويه هناك


امسح دموعك واعتنيهه
گللهه    بالجنه    يجيهه
يرجع  يشيل الرايه   والجود
رد اعله  زينب  گلهه  موجود
لتگلهه مات  تموت  اختنه 

***

ظلتلي    يم    سكينه     چلمات
اوموعد  عطش ودموع  خيمات
وحيرة   رقيه   وصرخة  اطفال
بس    بالنهاية    سياط   وحبال

يچفوفي   ليش    اطيحن   بساع
هاي    الخيام      تريد         فزاع
زينب   بقت   محتاره     يحسين
شيشيل  جسمي  المرمي   علگاع

گلبي اعله زينب خويه محتاجه اتشوف
جود  وعلم  مرفوع  واملاگه    اچفوف
بس هسه خلصت بالخيم  طب الخوف


حسيت     بالدمعات    والآه
وجروحي صاحن  وآحسيناه
يا حزن   بعد   الموت  ويزود
رد اعله  زينب  گلهه  موجود
لتگلهه  مات  تموت  اختنه

**

وصل   سلام  وشوگ   لام  عون
وگللهه    ذبحو    شوف   العيون
يم    النهر       متبدي    مذبوح
وذكراچ    حتى  بطلعت   الروح

بارد     الماي     وحار       ملگاچ
گلهه   انكسر حيل  اعله   فرگاچ
طب  للشريعه   وسكت     الماي
بس    چان  يم    الخيم    وياچ

صح مات گلهه  وطوله   فوگ  التربان
بس ما   تگضه   الگاع   لو  شم  دخان
عباس  يرجع   غيمه  شنهي     النيران


لو شامت  يمر بخيمكم
لو  بالگبر  ترجع زلمكم
لو  هالتراب  امخرب  الخدود
رد  اعله  زينب  گلهه  موجود
لتگلهه  مات  تموت  اختنه


كلمات الخادم /   رعد الفريجي
محرم الحرام

#قصيدة_للقاسم_ابن_الحسن عليهم السلام
خطاب #رمله_مع_القاسم ع

(#الوصيه)


.                      يـبـنـي شــوصــيــك    
                       وغــيـرة عـلـي بـيـك

           ولـلـحـسـن سمعآ وطاعه انكتب عالسيف

                           *---------------*---------------*

    الرُبه ويـاه السيف يبني عـالـوفـه ٱشـيـتـوصـه ؟
    وشفتـك مـن حـسـيـن تطلب لـلـمـنـازل رخـصـه
    نـسـوا چـنـهـم حـيـل ابوك وهاي عـنـدك فـرصـه
    الجمل قُصه وضربه ضربه بسيفك احچي القصه

                         يـل غِـيـرتـك جيش    
                        وحـيـل الكفر طيش

           وبـوقـارك حـيـل ثاني چـن شمس صيف

                           *---------------*---------------*

    الفارس يحب صوت سيفه ابـطـلـعـتـه من اگرابه
    ومثل ابـوك انته وحـسـامـك چن عـلـي ومحرابه
    ابـيـمـنـتـك سيـفك لمِعته الـجـيـش كـلـه ٱيـهـابـه
    عـسـكـر ابــن ازيــاد عــيــن وسـيـفـك الـسـبابــه

                        إلِّـتْـشـوفـه ســويـه    
                        جيش الـعـده اعميه

          الكيف كيفك وانته ابـوهـه والحرب كيف

                           *---------------*---------------*

    چان صـلـح الحـسـن بـاب وطف حُـسـينـك داره
    الـبـاب دِگّــه بــدمك انته وطب ديـــار انـــصــاره
    حارب اجيوش الـسـقـيـفـه وعـالـكـفـر شن غـاره
    والـكِـسَـر ضـلـع الـزچـيـه بـگـلـبـه حـط بـسـمـاره

                        ومــن تــذكــر الـدار    
                        مـثـلـه اشـتـعـل نـار

          ومن حـقـد نار الـسـقـيـفـه تـاخـذ الحيف

                           *---------------*---------------*

    فجع گلب حـسـين الاكـبـر و أرد اواسي حسيني
    عيني انته وهوه ظـامـي وفدوه اله مـي عـيـنـي
    هــاي اخـر نــظــره الـي مــا بـيـنـك ومــا بـيـنـي
    وانـتـظـر مـوعـد واشـوفـك عـالـرمــح خـلـيـنـي

                       نــحــرك عـالــرمــاح    
                       لــو شـفــتــه أرتــاح

          ولو سـبـي مَر ٱعـلـه أمـك مُر ولو طـيـف

                           *---------------*---------------*

    حـسـيـن عـطـر الـخـوّه شـمّـك يبني بيك اتـگوّه
    ولو وگع شـوفَـك ابـشـوفـه اتـفـز جـروح الـخوّه
    بـجـرح الاكـبـر گـلـبـه ذاب وتدري بـيـه اشـسـوّه
    وخـلـي گـلـب الـظـامـي يـبـرد بـالــوفـه ويـتروّه

                       خلي امـك اتـشـوف    
                       زودك بــالٱطــفــوف

          ضيفك الموت واشوف اشـتـكـرم الضيف

                           *---------------*---------------*

    يـــزغـــر الـطـف وصــمـــودك يـجّـسّـام الـيكـبـر
    وعــالارض لـــو ســال دمـــك دم ابــوك اتـخـثـر
    الـجَـمـل رمحه مـو عـجـيـبـه لو بـجـسـمـك يعثر
    ولـو ســهــم صـوّب دليـلـك نـعـش ابــوك اتـذكـر

                    يــولـيــدي الاحــقــاد    
                    مــن عــهــد الاجــداد

          وحيدره صوت الحقيقه اليـكـرهـه الزيف

                           *---------------*---------------*

 
الشاعر سعد هادي الشمري

#قصيدة_للامام_الحسين عليه السلام منهاج محرم 1447 هـ 2025 م نزال



كربلة طباها والزلم بچاها
=====================
انة ابن فارس بدرها وابن داحي ابوابها
وانة ابن فاتح حصنها اواگف اعله اعتابها
حسين انة وزودي حيدر ذو الفقار الطابها
سيفي بتار بيميني والحرب ما هابها
ترتجف خلاها والزلم بچاها
=====================
برز للحومة بيمينة لامتة والراية
بالعدد انة مقاتل وانتو جيش هواية
باچر التاريخ يكتب ياهو دكَ الثاية
انة من سادات هاشم بالوعد وفاية
رايتة علاها والزلم بچاها
==========================
حسين بالميدان وحدة والجيوش احتارت
خيل ورماح وبواتر كل كتر بي دارت
ثبت بالمركز يقــــاتل هاي ابد ما صارت
يگلب الجيش ابحملتة وال مية انهارت
كالغنم سواها والزلم بچاها
=========================
بالحرب سيف الله نازل ياهو يدنالة
ما يهاب ولا يبالي شما اجت خيالة
هاشمي وتدرون فعلة يصير گبل اقوالة
بالحرب گوم ال مية تخاف من اخيالة
بالرعب صاباها والزلم بچاها
===================
فگد عباس واخوتة وفگد كل انصارة
ظنوا وحيد وسهولة ايسلبون ديارة
صال بالعسكر وهمة اطشروا طشارة
كفر وارجاس ونواصب ماكو الكم چارة
الرگب گصاها والزلم بچاها
====================
ابكربلة سطر ملاحم منها ناخذ عبرة.
بطل والسيف بيمينة من يصلة ويجرة
مثل لمح البصر طبهم حيراهم امرة
اليوم گاع الغاضرية من دماهم حمرة
الارض رواها والزلم بچاها
===================
أسالكم الدعاء رائد الاسدي

#قصيدة_عبدالله_الرضيع عليه السلام


وسعلي الكبر وي ابني خليني
انة ام الولد فــــــــركاه تاذيني
====================
فراگك يالولد نار وتشب بية
ميت ما شربت شوية امية
وياه بگبر هيلوا الثرة علية
حطني باللحد بتــرابة غطيني
====================
امدد والوجه متغيرة الوانة
شفافة من العطش ياويلي ذبلانة
روحي اعله الولد من ونها خلصانة
ما اكدر اشوفـــــة مـيت بعيني
=====================
من دم الدمع يوليدي اصبنة
ما ابطل عليك الحسرة والونة
عن عيني يغيب وما اشوفنة
عبدالله عزيزي افـراكــة يعميني
===================
هدومك يا عزيزي بحظني اخليها
ومن دمعي ييمة ابماي ارويها
ولو هب الهوة بالشيلة اغطيها
خافنك جعت در صــدري تدريني
====================
الوليلك واهزن بالمهد خالي
فراگك ما حسبتة ولا طرة ابالي
نايم بالمهد گمت ايتراوالي
يايمة يغالي فــــــــدوة ناغيني
===================
شگد حلوة الليالي وانت ويانة
لعيونك ييمة روحي لهفانة
اهز مهدك تنام وانة سهرانة
جنت اسهر ليالي وانـت بحظيني
====================
ادور عليك وانشد يالولد يمة
وحگك دنيتي لمن رحت ضلمة
رد جواب الية يالولد چلمة
انة الوالدة يايــــــمة حاچيني
====================
طير من الجنان وبالمهد بعدك
اشمعزك يالولد وانة اشتم بوردك
ترد رويحتي يمة من اشم خدك
زغيرون وترف بعدك يظي عيني
====================
عمت عيني من السهم جالك
وانت بحظن ابوك شچانت احوالك
تمنيت السهم صاباني ابدالك
سهم الصوبك بحشــــاي راميني
===================
اسالكم الدعاء رائد الاسدي

#قصيدة_عبدالله_الرضيع محاورة بين الرباب والمهد بعد رجوع السبايا


يمة حن كَلبي عليك ودوريتك
شفت بس المهد خالي ومالكَيتك
يا مهد راح الولد شنهي حالك يامهد
--------------------------------------------------
يبني يا شمــــعت حياتي يا اعز من الـــــهوة
يمة كل احـــلامي چانت تكبر ونبـــــقى سوة
چنت كل شي انتة يغالي روحي وبعيني ظوة
جرحك بكَلــــــــبي ييمة ما يفــــــيدة كل دوة
بالحلم يابعد روحي مرني مرة بلچن ايهود دليلي وجرحي يبرة
من الحزن كَلبي انمرد شنهي حالك يا مهد
----------------------------------------------------
يامهد عــبدالله انشدك انتة هم مثـلي تحن
وتكَظي ليلك بالنياحة وتجري دمعات وتون
يا مهد بــطل فرحتك وارتدي ثــوب الحزن
منه راح الي نــــودة فرهدا منـــــــه الزمن
افز مرعوبة واجي لمهدك وغطيك وشكثر يمة الوليلك وناغيك
بفكري عايش للابد شنهي حالك يا مهد
-----------------------------------------------------
چنت افرح من اشوفة نايم بحظـــني بأمان
حتى اغار اعليه مـنچ واشعر بشــوكَ وحنان
يارباب وانة مثــــــلچ كَلبي صـــــاباه الزمان
هذا بس افراشة خالي وموحش اعلية المچان
من يحن كَلبي على افراشة انوحن فدوة يا عبدالله حاچيني اصيحن
هذا حالي من انفكَد شنهي حالك يا مهد
----------------------------------------------------
يمة صوتك مانســيتة كَمت اسمعة بكل وكت
چني اسمــعنك تناغي ركض يا يــــــمة كَمت
شفت بس المهد خالي بكَلبي يا يمة انصــــبت
يامهد چا ابـــني وينة شبيك بس دمعك يكت
اكَعدي يم عبدالله نتسامر سوية انة هم مثلچ عزيز ابنچ علية
راح ما يرجع بعد شنهي حالك يا مهد
-------------------------------------------------------
چان من ايفز اشــــبگة وافرح انة ابفـزتة
ومن يناغي الدنيا تظحك والله حلوة ظحكتة
يا رباب ومن مشـــــيتوا يا كبرها فركَــتة
چنت احســــــــبلة ليالي بشوكَ اتاني جيتة
لية رديتي وحيدة وماهو وياچ يا رباب وراح اون دوم اعلى مبچاچ
والله حزني مالة حد شنهي حالك يا مهد
----------------------------------------------------
بالحزن صــرنة سوية وبالبواچي وبالدمع
راح عــبدالله من ادينا وبعد ماظـن ننجمع
سلوتي صارت بواچي والحزن اصبح طبع
يامهد اســــــمع ونينك ومن اسمعة انفــجع
واحد ايذكر الثاني بالمصيبة العزيز الراح من عدنة شيجيبة
يا حزن منة اشد شنهي حالك يا مهد
--------------------------------------------------
أسألكم الدعاء
رائــــــد الاســــــدي

#قصيدة_عبدالله_الرضيع


احاه يالولد نارك سرية
ما ابطل دمع صبح ومسية
-----------------------------------------
يسباح الكَلب يا شوف العيون
يعبدالله الدليل اعليك محزون
يفت الروح يفراكَ الزغـيرون
انـدهك ما تـرد جـواب لية
------------------------------------------------
نحرك يوجعك يا يمة لو لاه
احا يالولد يا حــــسرة رباه
مثل عمر الورد ماعرف دنياه
تفرهد يا خلكَ من بين ادية
------------------------------------------------
ركَبتك موش مالت ذبح يبني
بساع بساع يـمة رحت عني
من راح الـــولد ياروح ونــي
يعـبدالله شعـمل فركَاك بية
------------------------------------------------
خالي يظل مچانك من اصد ليه
اهزن بالمهد يـبني واناغــــيه
وحشة البيت شالت زهرتة البيه
تمنــيت اندفـن يمـك سـوية
------------------------------------------------
السهم چتال وانتة طوير جنة
يبنــــي وداع منك ما شبـعنة
خذاك البين يمة بـساع منة
يبني منين اجتني الغاظرية
------------------------------------------------
زغير وما سمعتة يكَول چلمة
بساعة ذبحـتة ياريـت يمة
من ذبحوا ركَبتك صحت يمة
لـو مالحكَت تنــده عـلية
================
أسالكم الدعاء رائد الاسدي

#قصيدة دفن الاجساد


يلله افزعولة بعراضة   وخل نكَوم لدفنــتة
موش من شيمة عربنا    الميت اتظل جثتة
---------------------------------------------------
اليوم ثالث صاير الها هالجثث فوكَ التراب
لا غسل لاچفن ظلت  اه من هذا المصاب
اموذرة بسيف المنية كهول واطفال وشباب
اطيب من الطيب صارت ياهو نشتم ريحتة
--------------------------------------------------
هذا ابن بت الرسول   ونايم بحر الشمس
لاهدم عدة ويسترة    سلباه منة الرجس
جثة مسحوكة بحوافر    بيها اثار الرفس
مرضرض مكسرة ضلوعة   ال مية خلتة
--------------------------------------------------
ﷲ واكبر يا جماعة  هالطفل شنهي الجناه
بالسهم مصيوب نحــرة  كَلبة مارف الرماه
مكَمط ومكَطوع راسة والرمل صـاير غطاه
يا بني سد شوفوا حالة  العطش فت چبدتة
--------------------------------------------------
اه يا حال الشـباب   عليه كثروه النياح
ماسلم ياوسفة جسمة مكَطع ابيض الصفاح
ماكتر سـالم نشيلة  شلنا واحد ثاني طاح
چا ابوه شلون حـــالة   من نظرها حالتة
--------------------------------------------------
هذا عريس الشباب  ولابس احمر شالسبب
من نزف نحرة اوريدة ثوبة بالدم انخضب
ماكو يا ظلام رحمة وين نخوتها العرب
سيوف ورماح وعساكر ليش صارت زفتة
---------------------------------------------------
ياحرب دارت رحاها وطحنت انصار الحسين
هالجثث ابطال كلها وعالتـراب اموسدين
نيف وسبعين واحد    كالاضاحي مذبحين
وكَفوا لحد المنيــة    للحسـين ونصرتة
---------------------------------------------------
ذاك من بعيد واحد  طايح اعلى المشرعة
حاضن الجربة اعله صدرة والچفوف مكَطعة
سهام صدرة الصوبنة   من كَفاه شو طالعة
ما تلكَة الـكَاع بيدة     وعلة صدرة طيحتة


أسالكم الدعاء رائد الاسدي

#قصيدة_للمشاية


يا مولاي اجاك الكون كلة
وبگلب اليبغضك هاي علة
من كل صوب لجلك تعني الناس
وساعات الملاگة وياك تحلة

لجل حسين تتعنة الملايين
تسوة هواي عدنا زيارة حسين
من گد ما تحب حسين الگلوب
حب حسين خلاها مجانين

ما ننساك رب الكون يشهد
وبكل عام هالموعد تجدد
يحسين يحسين يحسين يحسين
====================
حبك عن عقيدة وعدنا واجب
وكل گلب بغرام حسين ذايب
الحبك من صدكَ والمخلص وياك
بسمك يرتفع باعلى المراتب

خدام شكثر بالخدمة ذابت
طول اعمارها وما يوم غابت
ما تركوا عزة المظلوم هيهات
لحد ما روسهم مولاي شابت

طول اعمارهم خدام يبقون
گطعولك عهد وياك يوفون
يحسين يحسين يحسين يحسين
====================
نطي ارواحنا لجلة قليلة
ولو اخر الدنيا هم نجيلة
مشاية وخدم نفديلة الارواح
غير حسين ما عدنا وسيلة

مشاية اعتنتلك شايلة اعلام
ومنصوبة المواكب كلها خدام
صاحوا ياهلا بزوار الحسين
كل زاير يجيك انحطة عالهام

وي الدم جرة يحسين حبك
نطي ارواحنا ونريد قربك
يحسين يحسين يحسين يحسين
====================
اسالكم الدعاء رائد الاسدي

#قصيدة_لأمام_السجاد
لسان حال الامام السجاد ع

ابــــــدرب السبي ماتت أدية
و كل همي چان احمي رقية
امن اربع جهات احجار تشگف يَمنَّاي
و اسياط فوگي و سلسلة تخط جَوَّاي
و انه عليل و انه عليل
ــــــــــــــــــــــــــــــــــــــــــــــــ
عليَّه شگد صعب
اعاين تنـــــضرب
خواتي
و ابوي اعله الرمح
يصيح ابكل جــرح
بناتي

فوگ الرماح ادموم ينـزف لينه
و قران يقـره راس ابـونه اعلينه
وجه يديره و مرة يغـمض عينه
كلما يطگ السوط متن اسكينه

من الضرب ما ظلــــت إيدين
و اعلينه شَيَّب رمش الحسين
أسمع ونينه شمــــــــا يمر من فوگاي
و اسياط فوگي و سلسلة تخط جَوَّاي
و انه عليل و انه عليل
ــــــــــــــــــــــــــــــــــــــــ
مشينه بالســــــــبي
نبية ابصف نـــــــبي
سباية
و مشت روس الأهل
تبــــــــث روح الأمل
حماية

عيون الرؤوس اعله الضعن مشبوحه
و بس راس واحد ينظر امـن اجروحه
عينه ابسهم لاجل الخــــدر مليـوحة
و امبينه زينب عمـــتي چانـت روحه

فوگ العقيلة امحدب الراس
و يهتز اذا نــــــادت يعبــاس
و ينذبح كلـــما ينفتح طـــاري الماي
و اسياط فوگي و سلسلة تخط جَوَّاي
و انه عليل و انه عليل
ـــــــــــــــــــــــــــــــــــــــ
ابجرح ما يندمل
عله ظهور الهزل
حدينه
بنات ام الحــسن
صفن آ يالــــزمن
رهينة

من كربله للشـــام بعــــــــد الكوفه
وحدة اعله وحدة بالحــبل مچتوفه
يا هيّه زينب غدت مــــــــا معروفه
نعرفـــــــها من ناگتها لن مخسوفه

و منها علامـــــة بعــد تنشاف
محروگة شيلتها امن الاطراف
عگب الكفـــــلها تغيرت عمتي اهواي
و اسياط فوگي و سلسلة تخط جَوَّاي
ــــــــــــــــــــــــــــــــــــــــ
عله طول الدرْب
ثكالة تنتــــــحْب
مصيبة
دمه ينـــزفن نَزِف
و جمرهن يختلف
لهيبه

يم راس الاكبر ليله تگـضي الليلة
تشكيله ساعة و ساعة دم تبچيله
و عبدلله أمّــــه امچتفة اتـناغيله
و اتهزه رمـــحه لمّـــــــن اتلوليله

و تگله ( گلب امك )يمدلول
ابسن الرمـــح وَيَّاك مشيول
عطشان بعــــدك ليش يا ضي عيناي
و اسياط فوگي و سلسلة تخط جَوَّاي
ــــــــــــــــــــــــــــــــــــــــ
وَلَد چنـــه الشمع
خلص مثل الدمع
شبابه
چوت خده الشمس
يويلي و العــــــــرس
مصابه

رمله ابرمح جاسمها تشـــبر طوله
و تنـــــادي مــن دم المتن حنوله
گلـــوله امـــك حـَـــــــدِبت گلوله
و راحت تموت ابحسرت الهلهوله

رافگني راسـك درب الاحزان
عود انه يُمة محضرة نيشان
و ثوب العرس يوليــــدي لساته اوياي
و اسياط فوگي و سلسلة تخط جَوَّاي
و انه عليل. و انه عليل
ــــــــــــــــــــــــــــــــــــــــ
الحمدلله
#علي_حسين_الكناني