عطر الزجيه ابيتج نجوم وكمر ذريتج
يالماكو من حنيتج يا ام البنين
**************
ماتنام الليل ادري العدهه غايب
يظل يلجمهه الجرح كلما تعاتب
وانتي ياام البنين ام العجايب
باجر ادموعج تره تخظر مواكب

بصمت شرف خليتي وبااربعه ظحيتي
سجدت وفه صليتي ياام البنين
**************



الزمن كلش هاظمج ياام البنين
حسره ظلت بالكلب مازرتي الحسين
الباب من يندك صدك كوه تكومين
ما يرد احسين بسج لا تسهرين

عفته بهذيج الحومه ظلوع الصدر مهشومه
يايمه مابي كومه ياام البنين
**************
يمه شبكيني انه بعازت حنانج
بحركت اخيامي بقه خالي مكانج
بكربله خاناني دهري ورجع خانج
حسين ميت بس رجع عاش بلسانج

معذوره والله العاذر ماجيتي يوم العاشر
يوجع يكسر الخاطر ياام البنين
**************
ليش طاري الماي يجرح بيج الاحساس
ادري تنحرجين يمه من حجي الناس
وي اخيه احسين ماقصر العباس
وكف في الراس اخيه وهوه بس راس

وشرايج ابهل المنظر وداعت علي ماقصر
بعين الوفه ظل يكبر ياام البنين
**************
من الحزن يايمه خل يرتاح بالج
لخاطري يم عباس ارحمي شويه حالج
كافي عن احسين يتكرر سؤالج
حته حنيت ظهرج امبينه بخيالج

واصل الشيب اجفونج وذبلانه دوم اعيونج
والحزن غير لونج ياام البنين
**************
من دخلت اللبيت طاري اسمج انجاب
يالفواطم صحت كومن فجن الباب
كومن اتلكن شرجتنه بالمصاب
نجوم طاحت من سماهه والكمر غاب

يحسين صحتي كبالي وعباس تارس بالي
كل وحده فكدت غالي ياام البنين
**************
الخادم
#علاء الزيدي

مقبوله مجالسكم يحبابي ابشركم
اذا اسمع اكو مجلس حسيني
اتشرف اجي انه وبنيني
*******************
متعبني يفكد احسين اجرن كوه بجدامي
كل مجلس اطبن ليه الكه الزهره كدامي
عساكم ماتعبتو اصيح حياكم يخدامي
بتألفكم رفعتو الراس لسيد حاظر وعامي

بحظوري للحسينيه اشوف الزهره محنيه
اريد امن البجي اعميهه عيني
اتشرف اجي انه وبنيني



الحظر للمأتم احترمه بعد بعيوني ظل يكبر
اسجله بايس ايد احسين كلمن بايس المنبر
الكال اعله اللطم ممنوع اتحدا إذا يكدر
بيهه امصرح القرآن الشعائر يعني خط أحمر

الشعائر لا تعوفوهه مصدر قوه خلوهه
هيه قبلتي وثابت يقيني
اتشرف اجي انه وبنيني
***********************
حرس وياكم امخليهه بنيني الاربعه حراس
من يوصل مجالسكم وعليهه خطت العباس
وجربت ابني اجيبنهه اترسهه دمع واحساس
اعرفكم أهل غيره تميزتو اعله كل الناس

ابو فاظل إجه ويانه // ماهمنه ذرعانه
يكول اعله النهر ظلن اديني
اتشرف اجي انه وبنيني
احسبكم بديه احساب اذا الكه نقص ازعل
عله هالنعمه محسودين المجالس والله ماتنمل
طريق الخدمه يختاره بس الزلمه المعدل
معروفه الخدم تنهان بس خادمنه ماينذل

الخادم عدنه انقدره بكلشي نوكف ابظهره
اول بااول اخباره تجيني
اتشرف اجي انه وبنيني
************************
النخاني بحاجه مارده اكله احسبهه مكظيه
هديه اربع ولد انطي لطلب من عندي ذريه
بس عندي شرط واحد عله ابني يقره لطميه
حبيبي مسلب وعريان بلحيته الشيبه مدميه

بحبيبي من تحلفوني اردكم زحمه تدروني
اعله ابني الغالي مابطل ونيني
اتشرف اجي انه وبنيني
************************


نهايت كل مجالسكم نسولف انه والزهره
الابس اسود اعله حسين بصراحه يستحق نظره
يعجبنه ونحبه هواي اليخدم دومه عالفطره
كبل لايمسح ادموعه انه وفاطمه نشكره

الله يمسح اذنوبه الصار احسيني محبوبه
اكوده الجنته اهناك ابيميني
اتشرف اجي انه وبنيني
*********************
الخادم
#علاء الزيدي

الفاتحه لام الوفه اقراهه
بدمعتك انخاهه بالشدد تلكاهه
**************************
اعتنو يهل الحوائج دكو باب اسرارهه
هاي بدويه وكريمه ما ترد خطارهه
ترست الدنيه سوالف وصلت النه اخبارهه
والنجوم شكد تحبهه الكمر دنك زارهه

خلي يكصدهه اليحس بحيره
وانعرف معناهه بالشدد



بمتحان الغيره جابت ميه فوك الميه
بظهرابوهه وهيه جانت تحب علي وشيعيه
انته يالرايد تحظرك الهه صفي النيه
وحق عباس وجفوفه حاجتك مكظيه

هاي ام عباس وام الغيره
الله كلشي انطاهه بالشدد تلكاهه
***************************
الرايد يفرح كلبهه خل يشيل الرايه
وليلة الجمعه أعلمك الهه سوي اقرايه
جلمت حسين بحلكهه هيه احلى حجايه
جان ابو اليمه وخدمته عدهه كل الغايه

تعلمت من عدهه خدمه الوادم
هالخدم محلاهه بالشدد تلكاهه
الراد ذريه ونخاهه تبارك بذريته
ولبس اسود عليهه نور تترس بيته
ياكلبهه الكله رحمه ماكو من حنيته
العنده امنيه يعالم يقدملهه امنيته

مجربه بوكفاتهه المشهوده
ابد لاتنساهه بالشدد تلكاهه
****************************
قدمت اربع كواكب للحسين بدافع
هاي ام عباس هايه بيهه من ماسامع
عالشريعه الكمر كالو مستحي ماطالع
لازم انكطع ادينه الهه يوم السابع

كربله الهسه تسولف بيهه
بالكمر تتباهه بالشدد تلكاهه


كبرج المهدوم عدنه روظه من الجنه
باجر يصير التجمع بكربله ونتعنه
للبقيع برايه وحده واليظدنه فنه
هذا ماجابته امه الموت خل يتمنه

بموكب المهدي نجي مشايه
ورايتج علاهه بالشدد تلكاهه
************************
الخادم
#علاء الزيدي

نزله

بچفوفي مات الحبل
واكسرت ظهر الهزل
شارة علي وابنيته
........................
اخيط بالحچي اخياط*
وحتى ابگعدتي ازماط*
اغربل والگط الگاط*
زينب هيبة امي**
اسجل الشام بسمي**
الاخزره امن الرعب شاط*
علي اعله اظهورهم خاط*

الشام طابو الي
كاتبهه بسمي علي
شارت علي وبنيته
.......................
الشام احتازني وجيت*
اوزع ستر ضليت*
روس هواي طشيت*
گمر بچفوف يمطر**
شارة خده تسطر**
عباتي ستر كل بيت*
بخت حسين رديت*

كاسرته اكبر خشم
خورست حچي الزلم
شارة علي وابنيته
...................
ادري الناس صلفه*
ولكن انه عفّه*
نظرهم بيدي الفه*
حچيت وكلهه سكتت**
ريج الناس جفت**
هذول ابلايه عرفه*
ورطو وانه كلفه*

وصلو اليزيد الخبر
هالجتكم اخت الگمر
شارة علي وابنيته
.........................
مالح كل حچينه*
الله كشخ بينه*
الستر الشام جينه*
وافزعنه عليهه**
نسه اتملكنه بيهه**
نغطيهه ابعبينه*
قضيتكم بيدينه*

اشموس جبنه وضوه
كل رمح بيهه انجوه
شارة علي وابنيته
...........................
اجينه مو نساوين*
عدنه هنا قوانين*
كلهه ابكيف الحسين*
اول شي اذلكم**
وانتو ابنص قصركم**
نطينه اشگد قرابين*
لله واحنه راضين*

حتمآ أميره أنّصب
هنا عالشوارب غصب
شارة علي وابنيته
.........................
انتو بهاي وبهاي*
سمعو اشجايبه وياي*
اخبط بيكم راي*
كل عام الزياره**
تسويهه الغياره**
العالم كله مشاي*
بثوابه ايوزع الماي*

وانتم زوال ونهي
دولتنه هم تبتدي
شارة علي وابنيته




#علاء المياحي
الفاتحه لروح والدي

حسين انته المعشوگ
جرحك ليّه ايلوگ
لضعونك تسوه الآه
لمن طبوهن سوگ

يضامي ويجريلي نهر
نخيته وفازعلي نحر

مغطيني ابعباته
وبالهيمه بناته

بجروحك كشخنه..وترتيل المدامع
حزنك نكهه للروح..ياهو المنّه شابع

عطشته ويتبده هلا
وجودي من عنده واله

افزع يم امانك
يحسين وحنانك
....................
بيك التذّ وارتاح
يالماشي اعله ارماح
يا نسمة كل مخنوگ
للطايح صرت اجناح

حبيبي يچويني برد
خلقني لخيامه عبد

رافگته ابخيالي
تاخرت واجالي

مو شرط الا اشوفه..عشگه بيهّ احسه
هوه الما يحس بيك..انسانيته ينسه

اعيشه بكل نسمه تهب
جماله بعروگي يشب

يحسين وحياتك
عاش اليهوى ذاتك
.....................
ملگه الحب مالح
حضنك ليّه فاتح
بكلشي اعيوني تلگاك
بظاهر والجوارح

بيقضتي واحلامي خيم
خساره الحب ما بيه الم

عشگ ابلا مراره
اعتبره خساره

وانته بكل عطش ذاك..تغرف للضمه ماي
ويم ليل اليحبوك..تبزغ رايح وجاي

لگيتك من الله مَلك
صحيفت كل عمري الك

يطويني لهيبي
وافزعلك حبيبي
.........................
عشگك جازي الهواي
شيكّفيله مشاي
وانته بكل درب ليك
تكسر يمنه بفياي

َاجينه وانجدي وطن
لگينه امتانينه ضعن

رغم اهوايه نازف
جرحك بيه مظايف

ويم شباچك انريد..تنشف من نجي الروح
ويوگف كل نفس كون..جمره الجرحك انروح

شحلاته اليم عشگه شهگ
بجنونه معبوده لحگ

يلگه هناك عابس
للحب فك مدارس
.........................
اقبل كلشي بينه
ممشانه وبچينه
حتى وانته مذبوح
روحيتك حنينه

يتامه واجروحك ابو
بردنه بس انته دفو

الوهجك تربي العيون
فاز الاسمه مجنون

يدلينه الدمع ليك..شيلگه العنك ايتيه
كلمن يعطش ايضوگ...حب صافي انته ترويه

انخلقنه يالضامي دمع
اليموت امن اللوعه سبع

وابلهفة مجانين
ندخل جنتك حسين



#علاء المياحي
الفاتحه لروح والدي

بويه ماريدن اظل مثل اليتيمه
وياك أخذني ما اريد هناك خيمه
بويه وغلاتك// اغفه بعباتك
=============================
الشذره تدري بدون محبس _ يصير مالهه ثمن
وانه شذرت خدر ظاعت _ وي رحيلك بالظعن
الطفله لو ما حظن ابوهه _ تبقه يعني بلا وطن
ارد انام بصف خيمكم _ وي خواتي الي مشن

حظرت روحي آمن امس ماراح اتعبك
والله احبك ياحبيبي والله احبك
امشي برظاتك // اغفه بعباتك
=============================
تعلمت عبدالله اكمطه _ واهز كاروكه وينام
بحظني بالشميسه اكعده _ ويجي يمنه شكد حمام
تدري بس ضحكت رظيعك _ تقره عالعله السلام
من امشي لاتحسب احسابي _ ما انامن بالخيام

اعله ريحيت هدمك اغفه مستراحه
ولا اخلصهه وحيده وبس نياحه
مدلل بناتك // اغفه بعباتك
=============================
الليل مو هين عليه _ وحشه ودموع ونحيب
بهودج الخدر وحقك _ انه بس اصعد اطيب
بويه تدري المغربيه _ تفزز احساس الغريب
يا حبيب الله وحبيبي _ يكتل افراك الحبيب

انه بس اصعد اطيب لهودج ام عون
لو رحت وياك تاخذ شوف العيون
اطلب رجاتك // اغفه بعباتك
=============================
عالاقل الزملي شمعه _ الليل يحتاج لضوه
اكنس اخيام الهواشم _ لو وصلتو النينوه
يابختنه انطيني ابيرغ _ وبعد ماريد الهوه
وهاي اكبر فرحه ليه _ وياك من امشي سوه

انته يمي وانه الك كل ساع اشتاك
بويه أخذني وياك واكسر خشم الفراك
بهيبت حلاتك // اغفه بعباتك
=============================
واكفه اكبالك واباوع _ وبحجابي تحجبت
فدوه بس أشر تعالي _ دير وجهك واللتفت
عدله كدامك بعدني _ بداخلي بويه متت
كربله شتريد مني _ كلشي منك ماشفت

هوايه مامرتاحه الهه كربله هاي
شما اشوفن بويه عنكم تكطع الماي
تعطش خواتك // اغفه بعباتك
=============================
الراي رايك وانته اعلم _ وشلت من كلبي الزعل
مااروح وياك ارضه _ راح اتانيك باامل
بويه لليل وغربتي _ رايده تسويلي حل
ابقه اعتب لون طيفك _ عله اعيوني ماسال

بويه اوعدك راح اتاني بعتبت البيت
والصراحه ويه الظعن امشي تمنيت
ذكرني بصلاتك // اغفه بعباتك
=============================
تمت __ #علاء الزيدي

(شور ليلة العاشر)

بالشمس لمعت ركبته// وبالسهم نيشاني صبته
حسين حيرته بزمانه// غسل اوليده بدمعته
////////////////////////////////
هذا اسمي _ اسمي ذباح البرائه
زغير شفته _ تارس الطف كبريائه
حسين من الخيمه جابه _ يضحك ابحظنه لجحته
اجه يطلب ماي وانه _ بسهم المثلث ذبحته
ظل يرافس ظل يفرفح _ ثنين اديه طلعهه شفته
بهذا سهمي ما خطيته _ وللسمه وصلت شهكته

هذا سهمي مو لعمره// باوعتله جازي نحره
انه كل قوتي رميته // ويطلع مكابل عرفته
////////////////////////////////
شفته ساكت _ بس اسمعه جاي يصرخ
بدمه الاحمر _ والده وجهه تلطخ
حسين ظل شابك رضيعه _ انه متقصد احيره
راد يوكع راس ابنه _ من السهم حاول يجره
عله ردنه دمه ينزف _ بين اديه ظما لصدره
سهم حصله الرضيعه _ وماي ما حصله كطره

ظم رضيعه جوه هدمه// بكلبي يعرف ماكو رحمه
كتله ايس ماي ماكو // بنبله عبدالله فطمته
////////////////////////////////
جنه نايم _ ظل يفز كل ساع فزه
هوه ظامي _ النبله لجمتهه تبزه
حسين محتار شيسوي _ يكوم يوكع يمشي يعثر
تيه اخيامه اشوفه _ و ابمكانه كام يفتر
وبعطش ريجه يلولي _ نام يبني وصعبه تكدر
وللسمه دمه يشمره _ بسرعه صار الغيم احمر

والسهم كلما يحركه // بالخيام اتموت ظحكه
واهس الكاروك ينهز // جم كلب بيدي لجمته
////////////////////////////////
بسيفه يحفر _ كبر لبنه وهاي سهله
حسين صافن_ ماي ماعنده يغسله
غسله بدمه ودمعته _ بحسرته ماخذله صفنه
والسهم لازم يشلعه _ حته عبدالله يجفنه
بهيده هال اتراب كبره _ يلجمه خايف من يدفنه
كلوبنه التنكط قساوه _ رقت وكلنه انكشفنه

فضه جنهه الركبه تلمع// وبالحقيقه المنظر ابشع
طفل ست اشور عمره // اعترف انه ظلمته
////////////////////////////////
كماطه ذاكه _ بقه مشمور ابمكانه
هذا ذنبي _ علعلت عبدالله انه
بيده عوجيه اشوفه _ وتكسر الخاطر مشيته
منهو هذا ماعرفته _ مشيبه ارموشه ولحيته
من الخيم مجبل علينه _ جاينه حسين لمنيته
نفس سهم ابنه المثلث _ بكلبه جبته وماخطيته

صبغ شيبه حسين بالدم// دار وجهه اعله المخيم
كض سهم كلبه وتشهد // وعله وجهه طاح شفته
//////////////////////////////////
تمت _ #علاء الزيدي

بالحسن دققت النظر // مظلوم حته بالصور
لازم اذكره بهالشهر // باايام عاشور
////////////////////////////////
من زغري اسال والدي _ اضل روحه مقهوره
بس الحسن ليش شعجب _ مانكدر انزوره
وابيتنه شكدر دورت _ شو ما اله صور
شفت البقيع اتفاجئت _ اولايه مهجوره
هذا سؤالي من الزغر // جاوبني ابوي ومنكسر
مولاك ماعنده كبر // مانكدر انزور
////////////////////////////////
المفروض موظوع الحسن _ يتناقش اندرسه
مفصل عليه ثوب الكرم _ مو كلمن يلبسه
مهد ابجبده الكربله _ قدم لخو نفسه
القاسم فرحته ينذبح _ مو يفرح ابعرسه
الكاشخ مضيفه بالهله// جبده بدايت كربله
وده ابنه وي القافله // ودعهه مغدور
////////////////////////////////
بعاشور خصصنه اله _ بسم الحسن ليله
ابيرغ احسين اعله الظهر _ كلمن يشد حيله
مظلوم مولانه صدك _ خلونه نبجيله
ونلم مدامعنه بحزن _ بالحسره نبديله
ونكله ياعالي الذكر // حكك علينه ونعتذر
خاطرنه لجلك منكسر// وخاطرك مكسور
////////////////////////////////
نشال النعش فوك الجتف _ وكلهم يعرفونه
بصف جده هيج بلا سبب _ رفضو يدفنونه
وفوك المصيبه ياخلك _ بسهام يرمونه
كض روحه عباس وسكت _ والزعل بعيونه
استقبلو نعشه بالحجر // وعباس بالكوه صبر
الشايل اخيه اعله الظهر // مايحجي مجبور
////////////////////////////////
الفاتح شليله للحسن _ وبصافي النيه
شكد ناس كبله جهبته _ وانطاهه ذريه
المجلسه جاي ابحاجتك _ احسبهه مكظيه
يفرح اذا تذكر عطش _ احسينه بميه
شمحله الهله بحلك الحسن// وما عنده كبه ولا صحن
انخاه يكظي الما كظن // للعله دكتور
////////////////////////////////
بصورت بقيعه باوعت _ لقطت حزن واظح
وشكد حمام اعله الكبر _ ظل راجع ورايح
حسيت ظملنه عتب _ بس العتب جارح
يهل المجالس كل وكت _ ادعو لبو صالح
دعوتكم اتسر خاطري // للحجه ابن العسكري
اليدعي اسجله ابدفتري // بوجهه حله للنور
////////////////////////////////
تمت ____ #علاء الزيدي

((فتحت عزه ))

ياربي رجع فاطمه// ياربي رجع فاطمه
◇◇◇◇◇◇◇◇◇◇◇◇◇◇
ياربي اقبل _ دعوت يتيمه
رجعهه النه _ وخليهه خيمه
شالو نعشهه _ هاي الهظيمه
دمع البجيته _ يكفيله غيمه
مرفوعه اديه للسمه // ياربي رجع فاطمه
◇◇◇◇◇◇◇◇◇◇◇◇◇◇
لو تبقه امي _ واشتم عطرهه
لو انه همه _ اغفه بكبرهه
امي المكابر _ مو يم عمرهه
يارب دعيتك _ شافي كسرهه
زينب عله امهه معلمه // ياربي رجع فاطمه
◇◇◇◇◇◇◇◇◇◇◇◇◇◇
يضيعني رايح _ فراك الزجيه
بفاطم احلفك _ رجعهه اليه
بااخر ثواني _ لزمت اديه
تكلي المكابر _ ما منهه جيه
دمعي نزل لمي دمه // ياربي رجع فاطمه
◇◇◇◇◇◇◇◇◇◇◇◇◇◇
كسرت ظلعهه _ كسرت دليلي
من ترجع امي _ يرجعلي حيلي
فص عيني احسه _ طاح بشليلي
ياربي ماكو _ غيرك كفيلي
ترويني هيه من الظمه // ياربي رجع فاطمه
◇◇◇◇◇◇◇◇◇◇◇◇◇◇
رجعهه ساعه _ لبتهه التحبهه
امي حنينه _ فده الكلبهه
ياربي العن _ كلمن ظربهه
خلاهه تمشي _ اتيه دربهه
بداعت علي حامي الحمه // ياربي رجع فاطمه
◇◇◇◇◇◇◇◇◇◇◇◇◇◇
تمت _ #علاء الزيدي

يا صادق الزهراء



هل قبرُكَ المهدوم...ام اعمارهم
هل كَبدُكَ المسموم...ام افكارهم
هل ضنوا في التهديمِ للقبرِ
النورُ يتبع ظُلمةَ القصرِ
هذا محال......هذا محال
.........................
يالچنت ليليه تشع..واتطش عله العالم ضوه*
واتقسم ارزاق البشر..والعايز اتچمله هوه*
مخنوگ بس انته نفس..مجروح بس انته الدوى*
مكتوب صادق بالعرش..من طحت عرش الله انچوى*

يا سادس الاقمار...للربِ هوى
كم جرحُ للكرار...بالسُم انكوى
هل ان في التأويلِ والذكرِ
النورُ يتبع ظُلمة القصرِ
هذا محال.........هذا محال
..........................
بتأويل عالمهم چنت..واحد امن الناس ومتت*
بس انته الله امرتبك..قرآن ما مات وعشت*
الما رافگ ادروبك صدگ..يتصور انته اتهدمت*
العاش بجروحك يحس..بهروش گلبه اتربعت*

شواهدُ الاحبابِ..ضنوا هُدمت
احلامَهم سُحاب..قُلنا بُعثِرت
قالوا جزافآ هو ذا النصرِ
النورُ يتبع ظُلمة القصرِ
هذا محال........هذا محال
.......................
مصداق قول الله تضل..واسمك عله الدنيه يشع*
يالصادق وعشگك كبر..ما حرّكو منّه صبع*
كل گلب بانيلك گبر..يوميه عشگك يتّسع*
هوه انته مال الله واله..وقرآنه حتمآ ينسمع*

فأسمُك الرِقراق..بالنُطق عسل
يا مُلهِم العُشاق..ترويهِ المقل
شتانَ بين الحقِ والكفرِ
النورُ يتبع ظُلمة القصرِ
هذا محال........هذا محال
........................
تكبر مسافات الهوى..وتبقى انته تفسير الشغف*
يا ماي يجري ابكل وكت..الما يفهمك ريجه نشف*
صح اهوه جرحك بينه ضل..يوجعنه مولاي ونزف*
من نهرك انضل نرتوي..ما اضن عله اليهوونه جف*

يا كوثرَ الزهراءِ..لازلتَ ندي
يا رحمة السماءِ..فيكم نهتدي
قد كذّب العادوكَ للحشرِ
النورُ يتبع ظُلمة القصرِ
هذا محال......هذا محال
........................
لابد يجي يوم ونزف..بشرى ظهور المنتظر*
والحظرتك كلهه تجي..واقصورهم تصبح خبر*
حتمآ ضريحك يرتفع..مذهب الزهراء انتصر*
ما يخلف الله هالوعد..الذهب بمچان الحجر*

سيأتي نصرُ الله..حتمآ واكيد
ويعتلي ذُكراه..اللهُ يريد
ويخسأ الطاغوتَ والجورِ
النورُ يتبع ظُلمة القصر
هذا محال......هذا محال


#علاء المياحي
الفاتحه لروح والدي

(((( نزله للقاسم ))))
يبن الحسن .. دخيلك
يبن الحسن .. دخيلك
//////////////////////////////
لاكاهم مثل ملكه الحواجب
وبين ارموشه حسبالك كواكب
كلف والحومه راواهه العجايب
تحت جدمه سحك روس وشوارب
ظل بالركب .. دليلك
يبن الحسن .. دخيلك
//////////////////////////////
واحد بقه لوحد ضل ينادي
ابن الساده ابد مو بشر عادي
عمره اربعطعش لاجن قيادي
وكل اهله تره خطهم جهادي
من ابتسم .. خليلك
يبن الحسن .. دخيلك
//////////////////////////////
عنودي بالحرب محد يكسره
نبه بالعركه ابد ماينطي ظهره
مثل جده علي ال لاحه يشطره
امتحن بالغيره اخذ عشره اعله عشره
مدنك رجع .. جبيلك
يبن الحسن.. دخيلك
//////////////////////////////
صاحو جاي يحصد لو يقاتل
وارثهه الشجاعه من ابو فاضل
صاح اكبالهم هل من منازل
جم قائد بقه من خوفه خاتل
شايل زعل .. كفيلك
يبن الحسن.. دخيلك
//////////////////////////////
حلم عرسه لغاه وما يريده
صياد ويحب وين البعيده
يدور عالشمر رايد يصيده
طوه الحومه طوي والرايه بيده
لا ماتعب .. يحيلك
يبن الحسن.. دخيلك
//////////////////////////////
لبو اليمه التفت اده التحيه
لعيونك صدك تسوه المنيه
من دم ركبتي حنيت اديه
اريد حسين بس ترضه عليه
الكه جذب .. مثيلك
يبن الحسن.. دخيلك
//////////////////////////////
تمت ____ #علاء #الزيدي

الشام يا نار الشام

من صاحو التمو اجت ..زينب عله النوگ*
احتاريت وين انطي الوجه.. تدري شني السوگ*
يضحكون من يمشي طفل.. مشيت المحروگ*
باگو حلال الله واحس.. ابحسرة المبيوگ*

وادخلنه للسوگ الصبح*
ضحكاتهم مثل الرمح*
واگبالي يچفون الماي*
يرشون بجروحي ملح*

الشام يا نار الشام
........................
وابماي حار اتسابگو.. من فوگ السطوح*
يا شوغة الماي اشكثر.. لو لاح الجروح*
واشبعنه بالسب والشتم.. ما قبلو انروح*
واحجارهم ينزل مطر.. لو نبچي وانوح*

زلمه يگلهم من علي*
انطوني مسبيه الي*
من حچيه حسيت ابنار*
بيش انتخي وذبحو هلي*

الشام يا نار الشام
..........................
يا كسرتي ابذاك الصبح.. گالو اجت هاي*
حرگولي گلبي بالقهر.. من شمرو الماي*
وگفونه بس يچوي الدرب.. وايتامي حفاي*
صار الوكت يفتر عكس.. يا ابو علي وياي*

جمار واتحرگه الشمس*
اعله اجروحنه نصبو عرس*
چان الحچي مثل السيف*
تذبحنه كل چلمه احس*

الشام يا نار الشام
..........................
ايام بيدينه الحبل.. واتسيل الدموم*
يضل ياكل ابچف الطفل.. يوم اقوى من يوم*
يجرونه لو مره گعد.. ما يگدر ايگوم*
شيوگفه واجروحه اشكثر.. يا خويه ملچوم*

جورينه شبعوه بالعطش*
والسوط بمتونه انتعش*
عليهم احومن بالليل*
ما نمت من يوم اهدعش*

الشام يا نار الشام
..........................
بمزمار واطبول الفرح.. تلگونه شمات*
الشام تارسنه وجع.. وشابعنه لچمات*
ايجيبون راسك عالرمح.. اگبال الزغيرات*
يحچولهن عن العطش.. وتبچي الاميرات*

بنياتك الشبعن جمر*
مشوهن ابدرب العثر*
وامن التعب ياهي اتطيح*
يولونهه ابسوط وسطر*

الشام يا نار الشام


#علاء #المياحي
الفاتحه لروح والدي