قصيدة ( حُسن الخاتمة )
لمولاتي السيدة الجليلة خديجة الكبرى عليها السلام



حُسَن الخاتمه ... وماي ابكل ضمه
لو لـحظه يمـر ... ذكـر ام فـاطـمـه

كهف الحقيقه ... للحق طريـقه
هـيه الوثـيقـه ... للعدل
ألعنده ضيجه ... يذكر خديجه
يلگه النتـيجه ... للعدل

الـتـاريـخ گـطره يـم بـحرها
خـدر الله مــعـنـاتـه خـدرها
أحزام النـبي چانـت عمـرها
وچان النبي احزام الظهرها

بـدروب النـصـر ... تـزرع بـالـعـمـر
مرسـوم بـفـخـر ... ذكـر ام فاطمه
__1__

أم الـــــزچــيــــه ... نبـض الـقضيه
الـقديـســه هـيـه ... والشرف
شرد احچي عنها ... كل عـفه منهـا
طــالـع غـصـنــهـا ... والشرف

بيـهـا الرسـالـه الأحـمـديـه
وشذرات بيها مـن الزچيـه
ونفحات طيبه بكل قضيه
ســيرتـها كـلـهـا فـاطـمـيـه

من عـدها الــهـوه ... يتنـفس هـوه
وتسـبيح الـضـوه ... ذكر ام فاطمه
__2__

أم الــغـيـــارى ... بقلب الصداره
للحـق شـعـاره ... دون شك
للعـفه مـگـصد ... وراحـة محمد
والظهره مسند ... دون شك

أتْحـمّـلـت حـچيّ الـنـسـاويـن
وحمِلت الشجره الطيبه للدين
أم الـزچـــيـــه والــمــوالـــيــن
والما عرفهـا اشـكـثر مسـكيـن

حـــــلّالـت شِـــدد ... ماتخـلف وعـد
أيحل كل معضـله ... ذكـر أم فاطمه
__3__

كـعــبـة مـوده ... البــاطل تـردّه
والحـق تــودّه ... كل زمن
حبل الله هيه ... أم الــزچــيــه
والــرافــضـيه ... كل زمن

بذلت نفسها لدين الاحساس
تشهگ محـمد ويـه الأنـفاس
شجرة وفه والظـالم الـفـاس
ماتنحني بكل غـصن عـباس

اقـمــار الــثــمــر ... وحسـين الـنهر
ويـعيش الصدگ ... ذكـر ام فاطمه
__4__

ديـن الله هـامـه ... قـام بــســلامـه
بـيـهـا وحـسامه ... حيدره
الـمنكـر تـهـدمـه ... متروسه حشمه
بـكـلـمتها حكـمه ... حيدره

أم الحجاب وسيـف الأسـلام
وجه الـحـقيـقـه ودم الأقـلام
لو ما خديجة وراعي الايتـام
چـا ديـن فـوگ الارض ماقـام

عـامـود الـعـدل ... وأسـرار العـقل
مفتاح الشـمس ... ذكر أم فاطـمه
__5__

للحق سفيره ... رسمت مسيره
كلش چبـيره ... للخدم
گـلـلـهــا طـه ... نـور بـسـماهــا
باجر عطـاها ... للخدم

زرعـت عمـرهـا والـزرع نـور
وموسم حصاد الزرع عاشور
لـلـديـن قـارورة دمـه تــفـور
ماتــبــرد الْحد نفخة الـصـور

آيات الـصــبر ... مـوعوده ابنصر
ترتيل الخدم ... ذكـر أم فـاطـمه
__6__



#رزقهم_سلام_الله_عليهم
#احمد_رزاق_الاعرجي

( الكسر والطبره )



نـزل لـحـسـين الـوحـي يـرويـلـه
الكسر والـطـبـره التـقـو هـالليـلـه
شـوگـهم عـالـفـطـره
علـي ولاگـه الـزهـره

نزل جبرائيل يبچي
جايب أخبار السمه
طاح يم حسين چنه
ماي من فوگ ارتمه
گله ياجبريل سولف
عن علي حامي الحمه
گله عفته برحمته الله
والتقـه وي فاطمه

والـحـديـث انــدار مـابـينـاتـهـم
الـ اهـوايه السولفـن نـظـراتـهـم
وآنـه شـفـت بـعَـبـرَه
علـي ولاگـه الـزهـره
__1__

من علي شاف الزچيه
گلها شخبار الظلع
بشّريني شلونه وضعج
ماكو احزان ودمع؟
هاي جنّه وبابها انتي
وباب ماكو من جذع
گلبي هسه اطمأن كلش
ماكو باب ويندفع


علي گلها عـيوني ألـج مشـتاگـه
الحـمـدُ للّـه عـلـى هـيـج مـلاگـه
جنـّه صارت خضـره
علـي ولاگـه الـزهـره
__2__

فاطمه شافت الطبره
وسألته عن الألم
وتنظر بعينه ويگلها
مو مهم" أنتي الأهم "
وين محسن ارد احظنه
بهيده أشبع منه شم
وخل يگلي بابا حيدر
حيل مشتاگلها هم

وفجأه لن محسن أجه شمحلاتـه
يـمـشــي والــعـبـاس تـارس ذاتـه
هناكه وجـه الگـمـره
علـي ولاگـه الـزهـره
__3__

يگول جبرائيل انظر
حيدره جرحه اختفـه
من تلاگه بالزچيه
وأبن عمه المصطفى
حلوه من گعدو سويه
والملائك طايفه
الزهره ماهادل متنها
والظلع كسره شفه

فاطـمه بشـوفت علـي فـرحـانـه
تــگـلـه يـاريــت الـوِلِــد ويـــانـه
والـحـچـي بـالنـظـره
علـي ولاگـه الـزهـره
__4__

يگله ياجبريل سولف
بعد خبرني اشجره
جاوبه وكلاله موقف
ماجنت متصوره
واحسيناه كلها صاحت
چنه يوم الآخره
هناك مجلس سوت امك
والـلي يقره حيدره

اسم الله يبني حسين من الحافر
كل مـصـايـبـنه الچبـيـره الـعاشـر
وصاح هيْـنه الطبره
علـي ولاگـه الـزهـره
__5__

يگله اسمع يبچي حيدر
من سمع من النبي
تحترك باجر الخيمه
والتضل بس العبي
والمصيبه الكبرى توگف
عله التل الزينبي
وتنظر العباس طايح
زينب وتمشي سبي

وتنـظر حـسـين ورمـل بـجروحـه
والف مره حـسـين طـلعـت روحه
والــمــدامـع حــمـره
علـي ولاگـه الـزهـره
__6__


#رزقهم_سلام_الله_عليهم
#احمد_رزاق_الاعرجي

بسمِ اللهِ الرحمنِ الرحيم
منهاج محرم الحرام
1445 هـ
قصيدة لمولاي صاحب الزمان روحي فداه


أجه شهر النـيـاح
مـحرم والـجـراح
يبو صالح مصاب
الحبيبك عالرماح
.......................................................................

بمحرم يجري دمعك
واديك اتلاگي ظلعك
تون منـهو اليسمـعك

غـريـب ودمـعتك دم
جــراحـاتـك مـخــيّم
الـجـمـر بـيـها تـحـزّم

بمحرم تحضر بيا مجلس وتنحب
اشيصير بحالتك من تنذكر زينب
گلبك مو شعر راسك حزن شييب

جروحك وشكثر
ينـفـحات العـمـر
دمه دمـعك يـهل
حبيبك عالرمـاح
__1__

حـيلك فـاگـد الحـيل
بصدرك حافر الـخيل
وخرابه وشام والليل

مـنـو مـثلـك يغـايـب
شباب بحزنه شايـب
وحيد ابلايه صاحب

تجـي ابــّـاب الحـسينات بالحـسره
ونحرگ يختـنگ للـمـنگـطـع نـحره
وصدرك يوجعك للمنسحگ صدره

حِمل گلبك عـزاء
يـسلـطـان البـكاء
وجروحك كربلاء
الحبيبك عالرماح
__2__

يمتـعوب بـحيـاتـك
تـلـچمـك ذكـريـاتـك
ومذبوحه امـنياتـك

حزن شالت عيـونك
ولا سـامـع شـلـونـك
يـالـــهـادل مـتـونـك

جريح وجرحـك بـروحـك ولايـنراف
الحزن داير عليك بحيله گام وطاف
يـالـچـنـّك هـوه مـوجـود ماتنـشـاف


عشت عمرك غريب
تون لـجل السـلـيب
ونـيــنـك مــايـهـيـد
الحـبـيبك عـالرمـاح
__3__

ألـم تــنزف جـروحــك
اعله كيفك وي روحك
الحـزن نـار ويـلـوحـك

بمـحرم حـانـي ظـهـرك
يـــسـر الــبــــاري ســرّك
الدمع جمره اعله صدرك

تـطــلـع مـن حسـيـنيه الـحســينـية
وحـيلك ذايب ودمـعـك لبـو ارقــيه
وتــدوِّر ويــــن اكـو للـحـره تـعـزيّـه

الـيذبحـك يا كــلام
السبي تل لو خِـيام؟
تطيح ابكل غـروب
الحـبيـبك عالرمـاح
__4__

خــيـالك مـن يسـافــر
للطـف تبـقــى حـايـــر
وتنـــظـر عـالـمـنــاحـر

رمــاح وبـيــهـــا دارت
ودمه كل شيبه صارت
عــليـهـا الدنيا جــارت

مـصيبة زينـب الهــدّت جـبـال الـكون
سبيه صـار اسمـهـا مـن بعــد أم عـون
ودمعك من دمه صابغ رمش الاعيون

هـظيــمه يـا أمـير
دمه دموعك تديـر
الجفن يهمل دمـاء
الحبـيـبك عالرماح
__5__

#رزقهم_سلام_الله_عليهم
#احمد_رزاق_الاعرجي

أنـصــار الـحـسـيـن "عليهم السلام "
[ صحبة موت ]


بـالـطـف نـقـره آيات شـكـبـرها
للصـحـبة مـواقـف ظـل ذكـرها
الصاحب راحِته ابتعبه
صحبة موت هالصحبة
شـكـبـرهـا

الصداقه الصادقه صدقاً لأخو الـحـره
واحــدهـم وضـع فـوگ الـدرع نحـره
تغلب كل شجاعه الـكـثـره مـن نـقـره
وهــنــانـه الـشـجاعـة تغـلـب الـكـثره

والـحـر ينْــشِـد بـسـوح الـمـنـايـة
النهاية اويه الحسين اجمل بداية
وألقى عليـهم الخـطـبة
صحبة موت هالصحبة

__1__

الصداقة مو حچي افعال شفناها
اوحگّـه حـسين بالأنصـار يـتـباها
واحـــدهـم كلـف للــشـدّة لاواهــا
وانـجــوم الـظـهر اعـداءة راواهـا

ماهمّهم عطش وحسين موجود
نظـراتـه يشـوفـوهـا الـــف جود
الصاحب نظرِته عـذبـة
صحبة موت هالصحبة

__2__

حبيب ينادي ويهل دمعة العـين
يالرايد تـصاحب صـاحـب ثـنين
صاحب ابو فاضل وي الاحسين
تفوز بكلشي والله بدنيا وبديـن

وجــون يـريـد يـبـــرز للـمــعـارة
ونافـع منــتـظر دورة ابـحــرارة
الواحد صعب عالصعبة
صحبة موت عالصحبة
__3__

واحدهم تشوف الغيره بعـيـونه
المثل حسين لتصدّگ يـعوفـونه
هـــو الـمـاي گـبـله مـايـشـربـونه
مو باسمه الهوه الصدگ يسمونه

سور اعله الخيم صارو بالارواح
اليتعب بيهم اكـثر هـذا مـرتـاح
واحدهـم نُـبـض گـلـبـه
صحبة موت هالصحبة
__4__

أجو لحسين رادو رخصه من عنده
حـــومـتـهـم يـطـبـوهـا بـأقـل مـدة
گالولـه الـمـعسـكـر يـخـلـص ابـهـدة
واحدهم جـمـر غـيـره حـمـل زنـدة

شدوها الحزم وسيـوفــهم نـار
وكــل خـزراتـهـم تـوأم الـفـقـار
واحـــدهـم رِسـم دربـة
صحبة موت هالصحبة
__5__

دماهـم قدِّمـوها الديـن ابو الـيـمّـه
طاحو بس على العلّة وعلـى القمّـة
واحدهم شـهادة چـان كـل حـلْـمـه
أصحاب الحسين شمحله هالچلْمة

ضحّـو بالنـفـوس وبـالمنـاحر
البيهم طـاح للجــنّـة مُسـافـر
هــــذا الــرايـد الـقُـربـة
صحبة موت هالصحبة
__6__


#رزقهم_سلام_الله_عليهم
#احمد_رزاق_الاعرجي

بجروحك الطف والدمعه تحدي
بالشـمـس نـايـم جـدك يـمـهـدي
ادمـوعك أسيـره
جروحك چـبيره
بالشـمـس نـايـم جـدك يـمـهـدي

يبو صـالح دمـوعـك دم لـبو الـيـمـه
يـومــيـه تــون للـــســلّـِـبـو هـِـدمــه
ثلـث تـيام عاري بـالـشـمـس جسمه
ومـثل المـاي حـيـلـك طـاح شـيلمه

يالمهدي جرحك عاش اعـله بالك
وبـهـالـمـصـايــب كـاسـر خـيـالك
بـــدنـيـا زغـيـره
جروحك چبيره
__1__

الحُسين وغربته وآلامـه بعيونك
الله يساعد النـاس اليـشـوفونـك
وحيد وغايب وذبلان كـل لونـك
ابـد مولاي لا ماسـامـع شـلـونـك

طـاري الـحوافـر كـلش يهضمك
والــغاضـريـه اهـوايـه تلـچـمـك
خيـل وحـصـيره
جروحك چبـيره
__2__

الله يعين گلبـك سـيـدي المكـسور
أنعادت فاجعة طف جدك المنحور
صُـفـه گلبـك يبو صالح گـلب تنور
الألم بعيونك أولايه ورسم عاشور

عمـرك حـزيـن وشـايـل مُـصـايـب
يمـتـى ظـهـورك بالـحـگ تِـطـالـب
والـحـيره حـيـره
جروحك چـبيـره
__3__

جرحـك يبدي من الـباب للخـيمـه
الحد الماي يوصل ينچـفي غيمـه
بعينك تعرض الخيمات واهظيمه
زينـب تـركـض واطـفال بالهـيمـه

ونار الخـيم مـن تـِذكـرها تنـحب
واكـبـر مصـيبـه أيشتموها زينب
وابـــلا عــشـيـره
جروحك چــبيره
__4__

من تـذكـر ابـو الـسـجاد بالـعـاشـر
من الخيل كل جـسـمه وذر صايـر
اهنانه أتطيح : يشلع گلبك الحافر
وتگعد وحدك ودم تـهـمـل النـاظـر

كلـشي بحيـاتـك يرسـم مـصـيـبه
مــن الـغـريـبـه الــحـد الــغــريـبه
وجـهـك تــديـره
جروحك چبـيره
__5__

يـالـعايـش مـعانـات الـســبي وهـزّل
وعايش كل جرح بي ريحه من التل
يوميه الفـجـر مـن تسـمـع الــمـقــتل
تهـيـم بـعـالـم الـطـف والدمع ينحـل

خيل وعـسـاكــر والـشـاطـي جرحك
ويـومـيـه طـاري الْــهِـزّل يــذِبـحــك
يا ابـو البـصـيـره
جروحك چـبـيره
__6__


#رزقهم_سلام_الله_عليهم
#احمد_رزاق_الاعرجي

راح انروح عنكم
مانحـضر دفنـكم
رميه اجـسادكم يابـعـد الاعـيون
روس اعله الرماح ويانـه ترحون
راح انروح عنكم


آنـه زيــنـب آنـه
يا أصــل هـوانه
ياخواني جـابو الـنوگ الهزيلـه
غربة يا عـزوتي
هظمة يا اخوتي
حرمله ينادي اصعدي يالعقيله

الخيم حرگوها والاطفال ضربوها
ورقـيـتـنا التـراچي مـنـها سلـبوها
شماته شماته

ويذبح سوط أميّة
عــذّبـهـا الــرقـــيّه
مــاي اگــبــالـهــا گـامـو يــبـدون
روس اعله الرماح ويانه ترحون
راح انروح عـنكم
__1__

العليل اشوفـه
بالحبل چفوفه
مجرحيـها والأشـد سـوط اعله متـنه
والحرم هظيمة
ابـيـنـهن يـتيمه
اتنادي ياعمه وعلي من الضرب متنه

گـبـل چـان الكـفــيل بــرايـته فـوگــاي
ومن اعطش اشوف ابچفه طاسة ماي
اخويه اخويه

وهسه كافلي مات
ياوسـفه وحرامات
والناس الـغرب بيـنه يـشـمتـون
روس اعله الرماح ويانه ترحون
راح انروح عـنـكم
__2__

رايحـة بمـسـيره
وعايفه الـعشيره
مـذبـحـيـها عــالتـرب ومـسلـّـبـيـها
والـهـزل شـفـتـها
للـسـبي اعـرفتها
وين ابو فاضل منو ايرچـبني بيها

صـحت يحسـين ترضه يا أبن أمي
النـاگة اصعدهـا والعـباس مـو يمي
هظيمة هظيمة

ومچتـوفات اديّه
بـحـبـال الـمـنـيـّه
وبـچعـب الرمـح بـينـه يدفعـون
روس اعله الرماح ويانه ترحون
راح انروح عنكم
__3__

عـــالـهـزل صـعـدنه
ونحـسب بـعـددنـه
خاف طفله طايحه من نوگ الألام
الحادي يمشي بينه
والــــدمــع جـرينـه
صحنا يعزاز الگلب روحتنه للـشام

الحادي بينه مر عالـشاطي والعبـاس
ابلايه چفوفه شفناه لا صدر لا راس
كفيلي كفيلي

بعيونه السـهم ضـال
شما تنظرله الاطـفال
يـبـچـون ويبـو فـاضـل ينـادون
روس اعله الرماح ويانه ترحون
راح انـروح عــنـكـم
__4__

عـالتـرب نـظـرتـه
أعرفته آنه اخيته
حسين حته الثوب منه امسلبينه
عاري شفته عاري
بــصـحرة البـراري
وفوگ الأسهام بحوافر طاحنيـنه

شسـولف من نظـرتـه چثـه مـدميه
صحت ياعين ريـتچ كـون مـعمـيه
يويلي يويلي

اهلـنا مذبـحــيها
چثثها مطشريها
وبـحافر الخيل اعليـها يمـشـون
روس اعله الرماح ويانه ترحون
راح انروح عنكم
__5__

يخوتي بدمـعتي
وبالنفس عثـرتي
الحادي يضرب ناگتي وتميل بيه
النوگ تمشي بينه
وروسـكـم حنيـنة
عالضعن عباس راسه فـيّ علـينه

مـذبوحـين بس تبـقــون خيـمـتــنا
يخـوتي بدونـكـم ماتـسوه دنيـتـنا
وعمرنه وعمرنه

ودعناها الاجساد
رحنه ارماد برماد
فوك ارماحكم روس وتـفـيـيـون
روس اعله الرماح ويـانه ترحون
راح انروح عنكم
__6__


#رزقهم_سلام_الله_عليهم
#احمد_رزاق_الاعرجي

لمولاي الامام السجاد عليه السلام

ها ياموت ... أنـظـرلك محني ودم تهمل عينـك
ها ياموت ... دورتـك بـالـطـف ماشفتك ويــنك
أقبض روحي وشوف شـبيها
ارماد الخـيـمة تلـگـه علـيـهـا

السجاد أنه وآلامي
من الـنـهر لخـيامـي
كـل ذكـره يـاعــزرائــيـل ... تـوجعـني حيـل ايامـي

مـن اطــلـعـت بـالهـيمـة
وشفت الحسين بضيمة
عـمّه صحـت سيـفي ويـن ... وجبرتني ارد للخـيمة

روحي أطلعت والحسرات ... تـنهـش بگـلبي وعـيـني
بعيـوني يـنـشـافـن شيـب ... كل حسره لجل حسيني

وحده يصيح ... هـل مـن ناصـر يـنـصـر ديـن الـعـتـره
وحده يصيح ... وعينه الصوب الشاطي يدير بحسره
والــروح التفـگد غـالـيـها
ارماد الخيمـة تلگه عليها
__1__

من طـاح أبـويه شفـته
روحي اطلعت بالسكته
اتـمنـيــتـك بـذاك الـيـوم .... والمـوت يحـله بوگته

ياموت حيلي اتطـشر
من شفت طايح بالبـر
والــد رقـيـــه اعــالـگـاع ... بخـيالي گـمـت اتـعثّـر

شـمـا رايـد اوصـلّه الـخـيل ... توصل اله شو قـبلـي
ومن تسحك بصدر حـسين ... تطـلع الآخ من اهـلي

ماكو خيام ... كـلـهـن حـرگـوهــن شـفـت الـسـلّابـه
ماكو خيام ... راحـو لــحـســـين وبـاگـوهـا اثـيـابـه
وضل چثته الذاري امغطيها
ارمـاد الـخـيمـة تلـگه عـليها
__2__

إلـنـوگ مـن جـابـوهـا
وگــبـــالـنــا خـلّــوهــا
و سكينه أجـوها الـشمات ...گمـاط وخـرز راوهـا

وارمـاحهـم شالـوهـا
وگـدامـنـه رفـعـوهـا
ومن عدها دم طاح وشيـب ... من گامو ايهزّوها

وعبد الله اخوي ازغيرون ... والـرمـح عـذّب راسـه
ماشفت جسمه بيا صـوب ... يـمـكن الـحافر داسـه

ماضل حيل ... وصارت مـثـلي هـم معلوله انـفاسي
ماضل حيل ... والضل بـس الـشيب اليمشي براسي
وجروح الطف صعبه احچيها
ارمـاد الخــيـمة تلـگـه علـيهـا
__3__

بضعن السبايا نـشاهد
فــوگ الـرِمـاح الـوالـد
واخواني واهلي ابلا روح ... واعزاز واحـد واحـد

كل روسهـم مدميـه
اتشابــه إذان ارقيه
وعـيون عـمــي الـعـباس ... تـوجـعنـي كـل شـوية

اخـذتـنه عالـشـاطي النـوگ ... ويـاريت ما اخذتـنه
كل صـوب شـفـنه العبـاس ... يـاموت واهـنا مِـتنه

والچفين ... شـفـنـاهـن مـبـتـوره وسـايـح دمـهـن
والچفين ... وجود الغيره شـفـنـاه طـايـح يـمـهـن
وشفنه الرايه ابلا راعيـها
ارماد الخـيمـة تلگه عليها
__4__

بدرب السبي ولوعـاته
واحــبــال والـشـمّـاتـه
راس الاحـسـيـن الــمـذبـوح ... يـنـظـر عـلى بنـيـاته

للــكـوفـه مـن طبـينـه
والــنـاس تنـظـر ليـنـه
والعـطـش يــآكل بـالـروح ... ومحد رضـه أيـروّيــنـه

جــارت عـلــيـنــه الايـام ... يــامـوت والــهـم ديــره
وبناس طحـنه مـو نـاس ... مـابـيــهــا ذرة غـــيــره

كلها تصيح ... وشـامـت يـم راس الـعـبـاس اتـدنّــه
كلها تصيح ... يـنـظـر ويـگـــلّـه چـفـــوفـك مـاهِـنّـه
ومو انته ضعـونك حاديها
ارمـاد الخـيـمة تلگه عليها
__5__

للــشـام من دخلـونـه
بـحـجـارهـم لاگـونـه
وبماي حـار اعـله الـروس ... مـن السـطح شـمرونه

الجـامعه شخلت بيـه
تلـچـمـني كل شـويـه
أشما التفت الگه السوط ... أيـطـگ بـمـتن علـويـه

حبل الله مـچتـوف احـبال ... للقــصـر مـن طـبيـنه
واحد حـچـه بقـصـر يـزيـد ... يشتري يريد سكينه

هاي الموت ... خل نسـولفـها وكـلمن يحچيها بخته
هاي الموت ... ياهـو اليرضـاها لنفـسه ايـبـيع اخته
روحي انذبحت شيداويها
ارماد الـخيمة تـلگه عـليها
__6__

سوالف هظيمة وتـذبح
ياموت دمعـي اليـشرح
الشــام ذبحـتنـي الـشـام ... من ذكـرياتي اشأمسح

بذاك القصر وجروحـه
وعالي الرمح شيلوحه
وانظـر الـراس الـعـبـاس ... تـرجـع وتـطلـع روحـه

بـديـوانـهـم زيـــنـب نــار ... وخـطبت عليهم خُطبه
والراد سكنه من الخـوف ... روحه اطـلعت وي گلبه

نطلب ثار ... زينـب گـالت والــشامـت ضـل يـسـمـع
نطلب ثار ... ويـجـيـبـه الـمـهـدي الـنه الثـار امـربـع
ثورة حـگ هـاي نسـمـيها
ارماد الـخيمة تلگه عليها
__7__

#رزقهم_سلام_الله_عليهم
#احمد_رزاق_الاعرجي

قصيدة [ أمــام الـدمـع ] ....
لمولاي السجاد عليه السلام


عـمـرك ضِـمـه يـالرايح وجـاي
نعـشك سِـمـه يمْـزاعـل الـمـاي

يا أمـام الـدمـع لا اهـل لاربـع
____

الـواحـد امّـن ايِموت لازم يمه خـوّانه
حـتى بالتـشّيـيـع كلـها اتشـيل جثّمانه
مـو اخـوتـه مـفـارگـيـنه ويــمه دفّـانه
يـالـمّـعـزب يـالـمّـبـچـي أدلال ديــوانه

يــا بـو الـهلا يــالـعاشـرتــهــا
بـس كــربــلا أكـثـر گــلـتهـــا

يالدموعك شـمـع لا اهـل لاربــع
_1__

ياعـلي السجاد شـيبـك حتى بعيونك
شگد ثكيل الناس ماگدرو يشــيلـونك
بيك ريحة حرگ خيمة وفاگد شلونك
من اثر ذيـچ السياط امـشيـبّه متونك

بثـوبـك حـرگ من طف الاحساس
ياابـو الـصدگ يــبـن أخــو العباس

وحـدك بـهالـوضـع لا اهـل لاربـع
_2__

اتسولف الناس بسـجودك والبـچي ابحرگه
شـگـد يـسـألـونـك علــيمـن گلـبـك اتحرگـه
مـادرو بـيـك المــصـايـب نـــار مــحـتـرگـه
الشاف اخوته ابلايه رووس يفارگ الشبگه

حتــى الهــوه يــخنگ رئـاتــه
الشوفه حـوه حــالـة خـواتــه

ووالـده منصرع لا اهـل لاربـع
__3_

نــوح يتــعـجب لـون يـسمـعها سـالفتك
تبچي عمــرك للحـسـين وعــلى قافـلتك
انــت قــران الجـراح ودمـع فـاتــحـتـك
يالحــزين الدنــيا ظلـمه وحيل فاگدتك

ســجـّـادتــك تـســأل تنـاديك
يـالــتـربـتـك گـامـت تصـلّيك

تدعي ماتـنفجع لا اهـل لاربـع
__4_

لــو قــريــت الـمقــتل بحــسرات ترتيـلـه
تــوصـل الـحد الچــفوف وتـذكر الشـيلـه
حيلـك بگطـعت الخنـصر منـگـطع حيـلـه
لـو گــعـد يـمـك بـشر عـن شنهو تحجيله

بـدمـعك نحر يــرسـم يـتـيمه
اليكسـر ظـهر مـاعدهـا خيمه

وونــتـك تنسمع لا اهـل لاربـع
__5_

فـاگـد شـچم يـوسـف ويـاثوب تنـتظـره
البيـر هنــيـاله اذا ضــم يـوسـف الـزهـره
أعتــذر خـايـف أجرحك تـدري بالحسـره
يـوسـفـك ذيـچ الـحـوافـر كـسـّرة صدره

كلـشي شـفـت ويـْعيـنك الله
وشــگــد ردت تستشهد وياه

وينكسرلك ضلع لا اهل لاربع
_6__


#رزقهم_سلام_الله_عليهم
#احمد_رزاق_الاعرجي

موشح لمولاي الامام علي السجاد عليه السلام


زين الاعباد الجروح الشالها
بگلبه من كربله ومن افعالها

گضه عمره بالحزن والنايبات
عيونه للدمعات دوم امشرعات
يبچي للرفعوه راسه اعله القناة
وروحه من الطف ثگيله احمالها

منين مايندار عماته يشوف
ايركضن بحر الهجير البالطفوف
وابو سكينه جسمه حاضنته السيوف
وبقه عاري بكربله اعله ارمالها

الشاف اهله امذبحين اعله الرماح
حگه من يخلي ايده اعله الصفاح
وحگه من يبچي دمه ومايستراح
الفاكد عيونه الدمع يحلالها

اشما الزاد ايقدموه يگعد ينوح
الزاد يتبلل بدمعات الجروح
كربله شخلت اله شلّت الروح
كربله ذبحت الروح آمالها

الشاف خيمات اهله نيران ولهيب
وشاف كل غالي عله الغبره سليب
اشيبقى بي غير المآسي والنحيب
روحه سالفت السبي چتالها


#رزقهم_سلام_الله_عليهم
#احمد_رزاق_الاعرجي

يوم الظهور العالمي


يـوم الـظـهـور العـالـمـي ... منـتـظرينه منتـظرينه
نـور الـغـلام الـهــاشـمـي ... منتـظرينه منتـظرينه
وبيده ايأسس كوكب كوكب
ويخـلّـي الأنـسـب بالأنـسـب
مـنـتـظـريـنـة

بلحـظة ظـهور المنـتـظر ... أيعم الامان اعله البشـر
وتتكـحّـل ابواب البـصر ... بالمهدي
والـصيحه باجر بالسـمه ... تشفي الجروح الـفاطمة
وتشفي نحر ذابح ضمه ... بالمهدي

باجر ابو صالح ... من يظهر ينادي
ياثار ابو ارقيه
والحگ ابد ميضيع ... مادام طلاّبه
بالكرة الارضيه
من يظهر القائم ... هالارض تتسمى
الكرة الشيعية

اتلوگ السـياده بـس اله ... فـدوه لعينه فـدوه لعينه
وبصوته يخطب عالمله ... فـدوه لعينه فـدوه لعينه
كلشي اعليه لا لا مايـصـعـب
ويخـلّـي الأنـسـب بالأنـسـب
مـنـتـظـريـنـة
1

كل الـكواكـب من يهـل ... أياسسها بـچفوفه العدل
والفرگة يذبحها بشـمل ... من يظهر
أيأسس مـدارس للعِلِـم ... أتـخرّج شبــاب المتـلزم
وما يبقى شي ماينفهم ... من يظهر

والغايب امن ايرد .. يلگـاها مـفـتوحه
ابوابها السهله
مشـتاگـه لعـيونه .. راعيـها من يرجـع
يا مرحبا اتگله
والناس لو عمـيه .. هم تعرف المهدي
من عطره تندله

يـلـفـينـا هـوّه ورايـِتـه ... محتاجينه محتاجينه
عـجّـل الـهـي بطـلعِـته ... محتاجينه محتاجينه
نـنـتـظـره سـنـيـن ومانتـعـب
ويخـلّـي الأنـسـب بالأنـسـب
مـنـتـظـريـنـة
2

مـحـلـه الـبـهـيّـه طلـعِـته ... لله مـبـاشــر دعــوتــه
أباذن الله يحيي وقدرته ... مـهـديـنـه
ينصـب عـزا ابـن الحـسن ... ويرفع چفوفه بالعلن
ويـدعي ويـرد مـلا وطـن ... مـهـديـنـه

من يدعي ابو صالح ... يحيي القبل ماتـو
والعـاشـو بـذكره
ويــرد شـعـر عــبـود ... وي كاظم المنظور
ايكتبون عالفطرة
والمهدي يبچي دموم ... من گلي يالميمون
حمزه يِرد يـقـره

كل خـادم ايـرد والـدمع ... عايش بينه عايش بينه
وياسين صوته المنفجع ... عايش بينه عايش بينه
بعشگ المهدي الواحد شيّيب
ويـخـلّـي الأنـسـب بالأنـسـب
مـنـتـظـريـنـة
3

خــدام ابـو صـالـح كـثـــر ... بإيـديهم احتـضنو جمر
وبيهم جروح الطف خضر ... بالخدمة
بكل مجلس المهدي بوفـه ... يحضر حـنين وعـاطفه
يـعـرفـنـه حـق الـمـعــرفـه ... بالخدمة

سلام يـامـهـدي ... نـحچـيهـا وبحرگه
ماغيـره قـائـدنــه
انحبـنه ويحبنه ... والـشـوگ ذابـحـنه
مجلسـنا شاهدنــه
مثل الهوه بينه ... نـخـتنــگ مـن دونه
تـشهد قصـايـدنــه

مرجعنـا دنـيا وآخـره ... الحب مهدينا الحب مهدينا
والّي نسـى خـ نذكّره ... الحب مهدينا الحب مهدينا
لـلـه الــمـهـدي درب امـرتـب
ويخـلّـي الأنـسـب بالأنـسـب
مـنـتـظـريـنـة
4

باجر يجي وينصب خيم ... ويم الخـيـم ينصـب عـلم
وشاطي يصيروله الخدم ... من يعطش
راعـي الـسـيادة لـو ظهر ... يصبح ترف حتى الحـجر
حـنّـيـه يـنطي الـكل نـهر ... من يعطش

ونشوف ابن مريم ... قـائـد الــقـواتــه
والفرحه بـعيونه
كـما صُبـح عابـس ... مجـنون بحـسينه
وعاشگ يسمّونه
عيسى ابن مريـم ... عاشگ تره المهدي
والمهدي مجنونه

باجـر يـشـگ ثـوبــه الـلـطم ... ويماشينه ويماشينه
ويسحگ على راس الخصم ... ويماشينه ويماشينه
وتـسبـيح الـمـهـدي يـازينـب
ويخـلّـي الأنـسـب بالأنـسـب
مـنـتـظـريـنـة
5

#رِزْقهُم_سَلامُ_اللّه_عليْهِم
#احمد_رزاق_الاعرجي

كل خطوة ياهلا ... يازاير كربله ... وصوت الخادم عله ... حياكم

يـاهـلا وميـة هـلا بـزوار الحـسيـن
گلوبنه گبل الدرب مفتوحه والعين
يـاهـلا ومـية هلا نحچـيهـا مرتيـن
والمواكب تنـتظر نصبـَو صـواوين

كل موكب ينتظر ... وبـفـارِغ الصبر ... والخادم مستمر ... حياكم
1

أبو فـاضل ينتـظر مشـتاگه عـينه
والحسن مـشـاي أجه مـن المدينه
حسين ناده منـفتـح باب السـفينه
الراد يصعد ياهـلا بروحه الحنينه

والشايل رايته ... يامحله مشيته
تلگه احساس خطوته ... حياكم
2

يلا حـي اعلـه الـعزا صـوت المـواكب
درب ابو سكينه ذهب والـ بي كواكب
الخدم كلها محزمه شاب اويه شـايب
وأجـت حـتـى قـافِـلـة ام الـمـصـايب

وكل موكب بي صده ... موعدنه أبتده
واصواتهم للنـده ... حياكم
3

حسين للعالم جمـيعـاً جرحـه نــازف
حسين مو للشيعه بل كـل الـطوايف
ياهلا بكل الأجه اتصـيح المـضـايـف
اوبالخـدامـه هاي يامحـله السـوالـف

عاشگها خدمتي ... مسميها أمّيمتي
وتسولف دمعتي ... حياكم
4

بهالدرب يمشي أبو صـالح يـشاهد
وأحنه غير المهدي لاماعـدنـه قائد
مسجل أسماء الزغار وأنت صـاعد
والْــيـَوزع مـاي والـلـطــام واحــد

والأسمه بدفتره ... هنيالـه آجره
ويشرب من كوثره ... حياكم
5

چلمـة الگـواكـم الله تنــتـظـركـم
والخدم شدت عزمها وي عطركم
عام كامل ننـتـظـر رفـّت علـمـكم
فدوه كلنـه نـروح زوار لأسمـكـم

خدمتكم مو تعب ... واليخدمكم ذهب
والخادم أنكتب ... حياكم
6


#رزقهم_سلام_الله_عليهم
#احمد_رزاق_الاعرجي

أجت لخوتها ... بعد سفـرتـها ... مشي بحسره
أجت مشايه ... وبديها الرايه ... تــرف خضره

الحره تمشي وصاح كلشي ياحلمنه
والمـواكب گالــتـلهـا أكعـدي يـمـنــه
بالـمـدامـع والــمـواجـع والـمــحـنـه
زينب انتي امنه وأنتي هـم وطـنّـه

تشوّف الخدمه ... چبيره ونعمه ... عـله الـفطـره
أجـت مـشـايـه ... وبـديها الرايه ... تــرف خضره
1

اجـت زيـنــب للـمـعـتـب بـأربـعـيـنه
تصيح وين حسين آنه أخته الحـنيه
تـگـول مـن الـشـام مـشــايـه أجـيـنه
وللـمواكـب بالـدرب مرفـوعـه ادينـه

وتطيّب الخاطر ... تفـضّـل زايـر ... عله الـسُــفره
أجـت مــشـايـه ... وبديها الرايه ... تــرف خضره
2

ماي شافت يمه طـاحـت والمـصيبـه
خذت طاسة ماي بــأيـديـها الـغريبـه
تريد تروي حسين وتغـسل له شـيـبه
بــيوم ماصـار العـطـش قصـه رهيـبه

تــون وتـنـــادي ... يـروح الهادي ... أنـه الـــحـره
أجـت مــشـايـه ... وبديها الرايه ... تــرف خضره
3

خطوه خطوه تمشي گـوه بالمسـيره
وشافـت بهـذا الـدرب طـفلـه زغـيره
تـصـيـح ياگــواكـم الله بـهـالـشعيـره
والدموع اعله الوجـن صـارت أسيره

هـلا وحـيــاكـم ... يمن مـلگـاكم ... وفـه الــزهـره
أجـت مــشـايـه ... وبديها الرايه ... تــرف خضره
4

هيه تمشي تـشوف كلشـي صار خدمه
والـمواكب كـلـهـا صـاحـت هـاي نعـمـه
المايـخدمك يـاحـسيـن عـيونـه تـعـمـه
شـافــت الـعــباس واگـف گــال كـلـمـه

هـلا بـالـجـايـنه ... أختنه وراينه ... بـدمـع كسـره
أجـت مــشـايـه ... وبديها الرايـه ... تــرف خضره
5

#رزقهم_سلام_الله_عليهم
#احمد_رزاق_الاعرجي

يـخـدام العـقيـله
الى الله الوسـيله
شـعـائـرنــه ... شـعـائـرنــه
الـخِدامه علينه خيمة
نـهـر والـدنـيـا هـيــمة
شـعـائـرنــه ... شـعـائـرنــه

اليعيش بهالخدامه ... يعيش بـكل كرامة
والـملائك بالـقيامة ... بـي تفاخـر بـي تفاخر
فـخـر عـز ومـهـابه ... الخِدم أهل النجابه
دمْعِـته التهدل نِگابه ... بي تفاخر بي تفاخر

مجـالسنـه مـدارسـنه وتـخرّج اجـيال
وطن عبد الرضا وحمزه وعلي التلال

وخدم عدنه شكثرها
فــنـت الـهــا عــمـرها
شـعـائـرنــه ... شـعـائـرنــه
خـدامـتـهـم عـظـيـمـة
نـهــر والـدنـيـا هـيـمـة
شـعـائـرنــه ... شـعـائـرنــه
1

الحـسيني بگلبـه مـأتم ... بـمـجالـسـنه ايـتحـزّم
يحترك حـرگ المـخـيم ... كـل عـزيه كـل عـزيه
اليدگ ايده اعله صدره ... وحمل بچفوفه جمره
اتسـجل بدفـتر الزهـره ... كـل عـزيه كـل عـزيه

الرفع چفه وذرف دمعه بعزاء حسين
ربح دنيا ووربح دينه ونجى بداريـن

الخُلص نيته بعزاءه
الدمع يـصبح رداءه
شـعـائـرنــه ... شـعـائـرنــه
ولا ضـيـم اليـضـيـمه
نـهـر والـدنـيـا هـيـمة
شـعـائـرنــه ... شـعـائـرنــه

2

لــطُـمـنـا والــمـواجـع ... وألـمـنـا والـمدامع
للحسـين ابلا مـنـازع ... يدري بينه يدري بينه
نبض عاش ابگـلـبـنـه ... نحبه وهم يحـبنه
الحسين اصبح دربنه ... يدري بينه يدري بينه

منو مـثله خـيم عنـده وخـذتـها النـار
ورغم ذبحه شرق صبحه ابو الاحرار

بدماءه ضحه النـه
ورسم بالدم وطنّه
شـعـائـرنــه ... شـعـائـرنــه
ابـو الروح الـكـريـمه
نـهـر والدنيا هـيـمـة
شـعـائـرنــه ... شـعـائـرنــه
3

تـضــل صرخـة ضـمايـر ... الا هل من مناصر
لبيك من فـوگ المــنـابر ... صوت صحنه صوت صحنه
نـضـل نـخـدم عُـــمُـرنـه ... بـزغــرنـا وبكـبرنـه
انموت بس يبقى ذكرنه ... صوت صحنه صوت صحنه

ذخـر والـلـه تضـل الـنـه المـجالس هاي
مثل ضامي ومشه بهيمة ويلاگي الماي

متاع النـه بحشرنه
خِـدامــتـنـا سـتـرنه
شـعـائـرنــه ... شـعـائـرنــه
الـعـزا لـمّــن نـقـيــمـه
نـهـر والـدنـيا هـيـمـة
شـعـائـرنــه ... شـعـائـرنــه
4

ضـوه ومـاي ومـحـنه ... المـجالس احـله جـنّه
والطلب حاجة وتمنّى ... يـلـگـه والله يلگه والله
اليجي وشـايل ذنوبـه ... ودموعه امغرگة ثوبه
ورايـد ايحـصـلّـه توبه ... يـلـگـه والله يلگه والله

الدمع يشرح دمع يمسح ذنوب الناس
اذ الدمـعـه لابو اليـمه وعــلـى العباس

عقـيدتنا القـويـه
تضـل النـه هوية
شـعـائـرنــه ... شـعـائـرنــه
الـعـزاء الله يديـمـه
نـهـر والـدنـيا هـيمة
شـعـائـرنــه ... شـعـائـرنــه
5

الحـياه والبـيـها كـلــها ... بـلطـمنا خـل نگلها
هالمجالس احنه اهلها ... احنه اهلها احنه اهلها
تـِـدور الــدنـيـا بـيـــنـه ... ودمـعنـا مفـصلينه
ويضل ثابت كل حچينه ... احنه اهلها احنه اهلها

ضوه بظلمة لابو اليمه علگنه ارواح
التعب يسوه لابو النخوه عطر قداح

لابو سكينه نعاهد
يضل عليـنه قـائد
شـعـائـرنــه ... شـعـائـرنــه
اليضدها شكد جريمه
نــهـر والـدنـيا هـيـمة
شـعـائـرنــه ... شـعـائـرنــه

6

#رزقهم_سلام_الله_عليهم
#احمد_رزاق_الاعرجي

استشهاد النبي محمد صلوات الله عليه


( وحشه المدينه )


وحـشـه المديـنه ... بـعدك حـزيـنه
فــراگـك يـغـالـي ... شمسوي بيـنه
والـــجــرح مـايـبـره
أبـنيـتك آنـه الزهـره
بعدك حزينه

يبـو الزهره أنـه الزهـره صـفه حـيلـي دمـع بالـمـاي
والحـسرات مـن بـعـدك يـبو القـاسـم علـيه اهــواي
هـجرك بويـه اخـذ روحـي الحـزن شـد رايته ويّـاي
بيـتك أظـلـم ومـوحـش مـن عفـتـه يـلِـب احـشـاي

الـيفـارگ والـده صـعـبه
الهوه اليتـنفسه أيتـعـبه
ويشيّب من وگت گلـبه

جـرحـك يغالي ... حـزن الـليالـي
مـن فارگـتـنـي ... دمـعي حلالـي
صاحـبـتـني الـعـبـره
أبـنيـتك آنـه الزهـره
بعدك حزينه
__1_

عفتـني وكلشي صار أظـلم عليه وروحي محـترگـه
وحــقــك بـــويـه تــدريـنـي ولا اتـحــمّـل الـــفـرگـه
اعـيـوني وكلـشـي بـيـه بغـيبـتك مـشـتاگ لـلملـگـه
الـيــفـارگـلـه أبـو مـثــلـك مــن يــمـوت مــن حـگـه

رحت يابـويه شـبسـرعـه
احس مـخنوگه بالوسعـه
اليـفـارگ ينـكـسر ظـلعـه

بـعـدك غـريبـه ... يا أبو الحـبيبه
بُـعـدك عــلـيـه ... أكبـر مـصــيبه
دمـعـي ينـزل جمـره
أبـنيـتك آنـه الزهـره
بعدك حزينه
2

آنــه فــــاطــمـه أبـنـيـــتـك وهــوايــه جـراحــاتــي
يــا أول جـــرح عـــرّف خــــدي ويّـــه دمـــعــاتـــي
دفــنـوك ودفـنـت ويـاك يا بـو الزهـره ضـحـكــاتـي
واخـلافـك الـســابـع جــار تــكـسـر بــويـه ونــاتــي

قـانـون الـدمـع فــگـدك
النده مخـلوق من خدك
الحيل يموت من بعـدك

يـا أبو المـحنه ... وخـيمة أهلـنه
رحـت وأجتنه ... ونـه اعلـه ونه
كلشي خـلّـص عمـره
أبـنيـتك آنـه الزهـره
بعدك حزينه
3

يـابـويـه الـحـزن بــعـدك لــزمـنـي لـزمـة الــغـرگـان
اشـمـا انـدار الــگـالـك ذكـرى ذكـرى عـالــحــيـطـان
الحِجرتك بويه من ادخـل اشـوفـنّه الحسـن ذبـلان
وحسـيـنك يـنوح عـلـيك وحـيلـه والـگـلـب تـعـبـان

واحـــد گـابــل الـثـانــي
وأسـمع كـون اموت آني
حچـيـهم بويـه چـوّانـي

انـظر عـليهـم ... ألگه بـحـچيهم
أسمـك يبويه ... ودمعه اباديهم
الـ بويه صارت عثره
أبـنيـتك آنـه الزهـره
بعدك حزينه
4

أول مـــرّه هــاي أنــظـــر حــيـدر دمــعــتـه بــخـده
گـعـد مكـسور أبو الحسنين وبـحـضانـه جمـع ولـده
وشـهـگ مـن الـبـواچـي عـليـك حگه غيرك شعنـده
اليـمـوت اويـاك هـنـيالـه اليـعيش اخلافـك الـشـده

سبِحتـك بويه تنـتظـرك
تشم اچفـوفك وعطـرك
من عمـري فـدا العـمرك

كـون الــمـنـيـّه ... تـوصـل الـيّـه
وتآخذني يمك ... يا ابو الزچـيّه
صبري خلّص صبـره
أبـنيـتك آنـه الزهـره
بعدك حزينه
5

يــبـويــه الـيـفـگـد الـوالـــد مــا يــتـنـفـس ابـراحـه
الـهـوه الـيـشــتـمـه نـار يـصـير والـدمـعـات ذبـاحـه
الـيـفـارگـلـه أبـو مــثـلـك كـون ايـمـوت بـصـيـاحـه
وكــل مـغـرب يضل مـعـلول مـن الذكـرى وجراحـه

الهجـر يذبح توالي الليل
والمـغرب يبـوگ الحـيـل
والدمـعـات دم اتـسـيــل

بـعــدك يــتـيــمـه ... والـدنــيـا هـيـمـه
وكل وگتي جمره ... وكل حيلي خيمه
والألـــم دگ صــدره
أبـنيـتك آنـه الزهـره
بعدك حزينه
_6___



#رزقهم_سلام_الله_عليهم
#احمد_رزاق_الاعرجي

(ثاني شهيده)

الحضر سلمان بدفنته هالأجاها
طايـحه اعله الباب تعبانه لگاها
گعد بـدمـوعـه كـتـب
ليش متغيره شعجب
هالاجاها

بآخـر الأنـفاس حـيدر مـن وصلـها
شافها اعـله البـاب مـا ميـت أملـها
تريد بس حسين سالم يوصل الها

شفافـها امفطّره
ونارهـا امـوجره ... لآخـر أنــفـاس
والـدمع من يهـل
يلوع مثل الطفل ... وشيّب الراس

علي غمض عينها وگال الصمـيده
هاي بعـد ام الحسن ثاني شهـيده
الحيل من عدها انسلب
ليـش متـغـيره شعـجب
هالاجاها
_1___

بيده شـالاها عـلي روحـه وحـنيـنه
گـام غــسـلهـا بـدمع عـينـه وونـينه
المثل حيدر ماكو غيـر الله اليعيـنه

القالع الباب أمـس
اليوم يدفن شمس ... جوه الأتراب
مــاتــت ام الـكـمـر
من القهر عالـنـحـر ...  يـشهد الباب

علي شاف چفوفها فوك الحياطـين
شكد حنينه وتنتظر يلفيها الحسين
كلشي يـعـرفها نحـب
ليش متغيره شعجب
هالأجاها
_2___

علي يحفر بالگـبر ودمـوعـه تـجـري
يگول ياروحي الج بس الله اصـبري
هاي ثالث مره احس ينكـسر ظـهري

مـره بـالـمــؤتـمـن
ومره أم الحـســن ... گلبي شيّيب
الـنوب أم البــنيـن
صوتها شكد حنين ... چـنه زيـنب

حيره كل واحد يريد اعزازه يدفـن
من حنينه ومن ونينـه النـاي يصفن
والتـعب ينـزف تعـب
ليش متغيره شعجب
هالأجاها
_3___

شال نعش أم البنين ومـحني ظهـره
گـام يعـثر بـالهـوه ودمـعـاتـه حـمـره
گبـر لأم عـباس حـافـر مـدري گـبـره

الـبـيـده ردِ الضـوه
حيلـه طـاح وْهـوه ... يـم گـبــرهــا
بروحه يدفـن علـي
بوجهه دمعه يْهـلي ... وشم عطرها

دافــن أم الـ طيّــح چـفـوفـه لأخـيه
أم أبـو فاضـل دفـن حـامي الحـمـيه
ذهب يدفـن بالذهـب
ليش متغيره شعجب
هالأجاها
_4___

دموعه رشها اعله الگبر وبعينه حسره
لو تطيـح اعـله الجبل يهـوه وتــفـسره
گام يقره الـفاتـحـه وأيـده اعله ظـهره

من بـده البـسمـلـه
كــلـشـي يـتــأمـلـه ... ودمـعـه هـامـل
والـصـبـر منـكـسـر
بـكـسـر مايـنـجـبـر ... وطــولـه مـايـل

الـدنيـا كـلـهــا تـحـولـت شـو مـغربيـه
وحـــيـدر يــگـول الألــم دايـر عــلـيـه
والـسبـب رايـد سبـب
ليش متغيره اشعجب
هالأجاها
_5___

بـعـد مـا خـلـص دفـن صـلى ركـعـتين
لـيـلة الـوحـشـه عـلـى روح ام الابنـين
وبقنوته عله وجـهه طـاح ابـو حـسيـن

حـگـه مـن يـنتـحـب
بـيــده دافـن مُـحـب ... روحــه ذابــت
عـيـنـه تـهـمـل حـزن
وبـــدمــوعــه يـــون ... روحـه شـابـت

آخـر حــچـايـه حـچـاهـا " الله يـــدري"
وثـانـي كـلـمه گـال يـاروحـي أصـبـري
ونار بـأحساسه ولهب
ليش متغيره شعجب
هالأجاها
_6___

#رزقهم_سلام_الله_عليهم
#احمد_رزاق_الاعرجي

نشيد [شمـس الاباء ]
بمناسبة ولادة الصديقه فاطمه الزهراء ع
ا__ا

يـخيمة مـحنه ومـجالسـها جنه
أهـلـنـه ووطـنـه فـقـط فاطـمـه
تـلـمـنا بعـزيـه البـتـول الزچـــيه
ولادتـهـا هــيـه عــطــر بالسـمـه

تعـالى الضياءْ في عِنانِ السـماء
بـمـولـدِ فـاطِـمـه خــيـرُ النِـسـاء
شـعــاعٌُ يـشـعُ علـى الخـافِقـين
لـزهــراءِ أحمـدُ شــمـسُ الأبــاء

فـداگِ أْبــي ثُـمْ أُمـي الـحـيـاه
أيــاْ رِكـن أسـلامُـنا في الصلاه
سـلامٌُ عـلـيكِ مــن الـودجــيـن
أيــاْ مــن رضــاكِ رِضـاً لــلألــه

تبـسـم وجـهُ الـسماءِ الـحزيـن
بِـقُـل هـيْ فـاطِـمه نـورٌُ مُبـين
بِـأُمُ أبــيهـا هُـدى الـصالـحـين
صِـراط الذيـن مـن المؤمنـين

أيــا سِــر طـه وسِـر الـوجــود
أيا موطِنُ الحُبِ لا مِن حدود
فــأنتـي الامـاني مدارُ السنين
فـأنـتي الهـواءُ ليـومِ الـخِـلود

رفــعـنه اديــنـا لامـام الــزمـان
نگــله الـعــجل فـاگـدين الامان
منو علينه مثلك يخاف وحنين
يــآخـر عــلي گـاعـد بـيـا مـكان

يـامـهـدي ادركــنا



#رزقهم_سلام_الله_عليهم
#احمد_رزاق_الاعرجي

قصيده للامام علي الهادي ع

[ يـاروح ]



ياروح يـالـذكـريـاتـچ كـربــله
ياروح ضامي الحسين اتأمله
ياروح ذبحو حروف البسمله ياروح

ياروحـي الـمـن ظلـتج وحســين داسو صــدره
هو الفگـد مـثلـه بــعـد چـا شنـهي ظـل بـعـمـره
المفروض نحري ينگطع ياروحي فدوه لنـحــره
الهـادي آنـه وعيشـتي بطـف ذكـريــات الـعـبـره


ودموع تـنزل لبـو اليـمـه بألـم
ودموع تطفي جهـنم والخيـم
ودموع ماحست برمشة سهم ياروح
_1_

ماشـفت خـيمـه تحـترگ وعيـالي تركــض بـالــبـر
ومـاداسـت الخيل الصدر وبالهيمه جسمي اتطشر
مــاشــفت أطـفـالـي بـحـبل الـعـثر مـنـهـم يـنـجر
ولا أخـت عندي ولاحرم ركضن حفي بذاك الحــر

ويلاه شحجي وشسولف قصتي
ويلاه زيـنــب تـــراهــا عــمــتــي
ويلاه تـرسـم مـصايـب دمـعــتي ياروح
__2__

يــومـيـه شـوغــات الــگــلـب بـالمـغربيـه يطـلـعـن
ودمـوعي تركـض عـالوجه لـو بالحـسـين يسـمـعن
والـنـبـض يلـچـم خـاطـري والـذكـريــات ايوجعن
وشـگـد مـواقـف كـربـلـه بـحـشاي احس أيگطعن

وجروح بيـه عشـيره لـخاطــره
وجروح تـفزز نــيـام الـمـگــبـره
وجروح لوالد رقـيه وخـنـصـره ياروح
_3_

لمـن يجـي فـرض الظـهـر اذكـر الـطـف والهـيـمه
مـن افـرش مـصـلايـتي أذكر أحـترگت خــيــمـه
ومن تلزم ايدي سبحتي تركض اشوف أيـتـيـمه
والـنار تـاكـل بـالـعـبـي وبـالسبعه ماكـو غـيــمـه

وأزغار ركضو حفايه أعله الجمر
وازغار سياط وشماته بكـل كـتر
وأزغار صـارو مثـل دعـوة فـجر ياروح
_4_

بالـسجـن وأبـچـي ودمعـتـي بچـت عيون السـجـان
يــسـمـع أگـولــن كــربـلــه يالـخـذتـي كـل الـشـبـان
الـمايبـچـي لحـسين بـألـم هـذا اعتـقد مو انــســان
الـسـبعــه بـچـت مـن دم ألــه هــو نـقــاط الــقــرآن

ياحيف ظـل عـاري محد غسله
ياحيف راعي السـوالـف والهـله
ياحيف طـاح الفـرج للمـعـضـله ياروح
_5_

مـن أشـرب الماي أخـتنگ عـباس أذِكره وأنـحـب
عالشـاطي متبدي نهر مستحي يرد مـن زيـــنــب
خـطـار بعـيونـه السـهـم بس من چفوف اتـسـلـب
عبـاس للـخـوه وطــن وصـار الـوفـه بي يُـضــرب

تاريخ يشهـد لابو فاضل كفو
تاريخ سـجّل أيـا نعـم الاخـو
تاريخ بعـز البرد حـچـيه دفو ياروح
__6____


#رزقهم_سلام_الله_عليهم
#احمد_رزاق_الاعرجي

قصيدة : فاتحة زينب
لأستشهاد مولاتي زينب العقيله ( عليها السلام )


ستُـقـام الــفـاتـحـه فـي كـربـلاء
عله زينـب أخـت سيـد الشُـهـداء
وبـالعـزاء الواگـفـه كـلـهـا انـبيـاء ... في كربلاء

سـافـر بـروحـي خيـالي وفـاتحـة زيـنب شـفـتـهـا
انـبــيـاءْ الــلّــه بـيـــهـا وبـالـقــصــيـده صــوّرتـهـا
بـكـربـلاء اكـبر عـزيـه الزينـب الحـره احـضـرتـهـا

مـن آدم حـد محـمـد ... ومـحنـيـيّن الـظّـلـوع
والدمعه تحفر الخـد ... ويـلاه يـصرخ يسّـوع

والنـبي ابـراهـيم روحـه تدوي نـار
على مصاب الحره متروس انكسار
وبالمدامع موسى مثل الشمعه صار ... في كربلاء
__1__

انـــبــيـاء الــلّـه نــزْلــو لــلأرض بــاذن الـجـلالـــه
نـصـبـو الـفاتـحـه الـعُـظـمى بـأمر من الله تـعـالـى
بـكـربـلـه بـين الـحسـين وبـيـن راعيـهـا الـكفـالــه

أيـوب وصـبـره قـاسـه ... گـطره بهذا المـصاب
شفته وچن اعله راسه ... بچفّه أيـهيل التـراب

الميته "زينب" حگّه يلطم عالـعِيُون
والـمـلائـك لـجـل زيـنـب يـنْـحـبـون
وانـبـــيـاء الـلّـه لُـهـم يـســتـقـبِـلُـون ... في كربلاء
__2__

فـاتـحة زينب الـكـبـرى الـمُـده حـد يـوم الـقـيـامـه
بفاتحتها حـسيـن واگـف والحـزن شـيّـب اعـظامـه
ابلا نـحر وابــلايـه خنـصر منكـسـر كـسـرة يـتامـه

وصـاحـت كل المـلائـك ... مـابـيــن الـحـرمـيـن
مـحـد ضــل عــالأرائـك ... من أجلـك ياحسيـن

وآسيا وساره وخديجه حاضرات
والزچـية أتـسـولف الـنهر الفـرات
الحياه زينب وموش انته الحياة ... في كربلاء
__3__

الــمـاي مــن ايـوزّعــونـه بـفــاتـحـة زيـنـب انـاظـر
لأبو فاضل چـن اشوفـه مستـحي ومكـسور خاطـر
والـگـه نـهـر النـيـل چـفّـه بـالعــطـش لـمّــن أسـافـر

والحسره بروحه عاشت ... مثل حسين الشهيد
مشتاگ وروحه صـاحت ... زيـنب حـبل الوريد

فاتحة زينب أخيْـتـه الحـره هاي
چان يمُّه يگلـها وعيوني وضواي
والعطش تـارس عيونه وهو ماي ... في كربلاء
__4__

الْنـبـي طـه أيـتـوچــه عـله مـتـون الـوصـي حيـدر
والـدمـع مـنـهـم تـجــاره ثنـينـهم مدمـعـهـم احـمـر
والنـبي يـونس ويـوسف شـيبـهم بـالـدمـعـه يكـثـر

واسحاق وحيله طايح ... وادمـوعـه دم تـسيل
وداوود بروحه صايح ... بكل خطوه ظل يميل

وسُـلـيمان اعله زينـب ظـل يـنـوح
وسورةَ الحَمدُ قَره مدري الـجـروح
وراد يوگع وانتچه اعله النبي نوُح ... في كربلاء
__5__

نوح بدمـوعـه السـفـيـنه تـمـشـي لـو مـوجـوده يـمّـه
عـلـى زينـب روحـه شـاغت ومـو دمـع يهْـمل ابـدمّـه
ويبچي يعـقوب اعلـه زينـب لـحـد مـا عـيـناه تـعـمـه

وادريس المحني ظهره ... وبكـل شـيـبه احـمرار
يبچي وخانگته حسره ... وشب محجر عينه نار

وزكريـا ويحـيى صاحـو بالأنـيـن
اعظـم اللّه أجرك بزينب ياحُسين
والرسـل والانـبـيـاء والـصـالحـين ... في كربلاء
__6__


#رزقهم_سلام_الله_عليهم
#احمد_رزاق_الاعرجي

ولادة سيدي ومولاي الحسين عليه السلام ...


يحسين ابمولدك ... صار الحب ينشهگ
ألحب بيك انعرف ... يا قديس العشگ
ياقرآن الدين الاوحد يا اتـرف انســان
يالصدگي بكل تفسير انت آلاء الرحمن
تــــــرف

يا صورة ومرسومة بـــرقة وفـرح
ابميلادك كل حـــزن الدنيا انــذبح
وكل مهموم بجيتك صدره انشرح

جبــريل بمـــيلادك صـــار ... يـم مــهـدك گـاعد
ويگول الله يحفظك كون ... من شر كل حاسد

يالغالي ابميلادك .. فرحت انس وجان
يافرحه للـــبـاري .. الثــالث من شعبان

ياريحان الســــمه .. ويانـعنـاع الارض
من الله امحــبِّتك .. جاعلها الله فرض
عيونك لا مو مثل العالم احلى من المرجان
يالصــدگي بـكل تفســير انــت آلاء الرحمن
تــــــــرف
1

ياتسـبيحة مريـم يــــــوم الشدد
ياچف عيسى الفوگاه صاير مدد
اليفگد مثلك شنو بخلافك وجـد

يارحمة ونازل للنــــاس ... ياسورة غافر
نظراتك تحيي الأموات ... إبــإذن القادر

نظــراتك محلاهـا .. ياعــين القدوس
يالأسمك وحروفه .. دستور القاموس

يا انجيل الحــياة ... يامصحف فاطمة
يا خير بكل زمـان ... ياحُــسن الخاتِمة
من نلفظ اسمك بي راحـــة ياگلب القران
يالصدگي بكل تفــــسير انت آلاء الرحمن
تــــــرف
2

ياسلـطان انت اعله العالم فخر
من تعطـــش ربك يهــديلك نهر
يا سر الله و ياتســبــيح الــكمر

بگماطــــك تقــره القرآن ... ياسبط الزهره
صوتك يا محلاه والفجر ... ولــيالٍ عشره

من تقره انت بصوتك .. آيــــات من الخير
غصن الشــجره ابابك .. ينترس من الطير

كون ارواح البشر ... لعــيونك تنفــرش
يالأسمك بالـعرش ... صاير زينة ونقش
هاي الدنيا سفينة وانتـــه يحسين الرُّبان
يالصدگي بكل تفــــسير انت آلاء الرحمن
تـــــرف
3

يالشايل دين الله بنحرك شمس
يالعــلمت العالم بالحــــب درس
ويالعلمت اصياح الدنيا الهـمس

كل اعوج يعدل يحسين ... يــمك بالمُجمل
ظهر المنجل يامـــــولاي ... بچفوفك يعدل

يا شـمس الحريّــــــة .. الما غابت لحظات
خدك حيل اترف مـن .. جــــنح الفرّاشات

يا سالوفـة غزل ... بيك الله مفتخر
ياموطن للصدگ ... ياتسهــيل الامـر
ياواضح بعيون الودام يـا بـاب الايـمان
يالصدگي بكل تفسـير انت آلاء الرحمن
تــــــرف
4

يا ابو الساده يا ابو الحب والقيم
يالــضويت العـــــــالم كلّه بــخيم
لو ما انت كـل هــالــــــدنيا عــدم

منك يبدي كل الخـــير ... يل مالك مقياس
گد ما الله يحبّك حيل ... ســوّالــك عـباس

ياواحد ياقـــــائد .. ياســر الاســـرار
ياقوة خــــــلّاقك .. ياسـبط المختار

يا اكبر باخره ... اليركب بيــها نـجه
يادكتور العلل ... كل مرض اتعالجه
اكبر من المستشفى اسمك يمدلّي العميان
يالصدگي بكل تفســـــير انت آلاء الرحمن
ترف
5


#رزقهم_سلام_الله_عليهم
#احمد_رزاق_الاعرجي

انولد هاليوم محبوبي
ورد طشـيت بـدوربي
لـبو صالح امامي

اليـوم فرحـتنه چـبيـره بهـالولاده
أنولـد مـحـبـوبـنه راعـي السـياده
بس لبو صالح تجي حلوه القياده
ارزقـنـا يـاربـي نظـرته والشـهـاده

العمر مايسوه من دونه
حـلاة الـيـنـظـر عـيونه
الگلب يعرف كلامي
لبو صالح امامي

الـدنـيـا مـو حـلـوه اذا مــاهـوه بـيهـا
مثل ديـره ومـلح مابـي كـل حـچـيـها
حجة الله المـهـدي باجـر مـن يـجيها
الگاع تصبح خضره من يسحك عليها

العدل مرسوم بچفوفه
ســر الزهـره بـحـروفـه
العشگ يحله وهيامي
لـبـــو صـالـح امـامـي

آنـه حـبـيـته ولـگـيـته عـلـة الـكــون
السمع عنه ومايدوره براسـه هـارون
عندي هو الأهم عندي خـل يـلومـون
وخل يسموني بقضيتي صار مجنون

حبيب واغله ماعندي
بس المهدي والمـهدي
وأهل بيته غرامي
لبو صالـح امـامـي

الدنيا هاي ابلايه خدمة تصير ظلمه
ناسـهـا مـثـل الـطـفـل ومـضـيّع أمـّه
المهدي ياعالم علينه مـن الله رحـمه
والـخِدامـه نعـمه تسـوه مِيـت نعمـه

اليوم انـعـلّي رايــتـنه
وهاي الفرحه فرحتنه
ونسـجـّل اسامي
لبو صالح امامي

ننـتـظـر مـحـبوبـنه ونـگـلـه يـمـتـه
تـطـلـع وكـل الفـسـاد يـطيـح وكـته
احنه من دونك ظـلام وانـت شـفته
مثل سبحه بغير خيط نضيع سكته

حبيب وما نحب غيـره
وحق عباس ابو الغيره
سلام الحب سلامي
لـبــو صـالح امـامـي


#رزقهم_سلام_الله_عليهم
#احمد_رزاق_الاعرجي