((#البقيع_مطلبنا))


وتجاسرت إيــد الكفر
الحرگت مخيم هدمت
ملعــونه أمـــــةّ عائشه
من أفتت ومــن قررت

الحسن بيبانه متحدهن أراضين
وسيعه الدار بس ماكـو حياطين
لذلك مــــــن بعيد ويكرم الضيف
وبــابه بكربله يــــم باب الحسين

بقيع الغرقد ..
نطالب بيها .. وشرط نحّيّها .. وگبب نبنيها
ذراري أحمد ..
گبب منهوبه..بضلم مغصوبه..بشنو مطلوبه

#البقيع_مطلبنا ...

"""""""""""""""""""""""""""""""""""''''''''''''

زين العبــاد الهاشمي
مــاضلت الگبته أثــر
هوه النهر مايه يجف
وبعصــــته ميةّ نـــهر

هوه أبن الكرامه وسَن الاحــكام
امس كض السمه بعصاته بالشام
هدمو بيته بس بحـروفه البيوت
شاعر والقوافي شـــرع الاسـلام

صمود ورفعه ..
صبر عنوانه .. وحكم ميزانه .. أمام اخوانه
حليف الدمعه ..
جمر دمعاته .. بچه العماته .. وركض خَياته

#البقيع_مطلبنا ...

"""""""""""""""""""""""""""""""""""''''''''''''

والباقر بجفـــن العشگ
نبعثله دمعه الخـــاطره
باچر على خشوم العده
ننصب عزائــــه ومنبره

فيض المعرفه وننصب عزائات
وأبنه الصادق بگبته الحمامات
ونسمع يـــاهلا بـــزوار الحيود
وبعد نسمع تعـال بموكبي بات

ألك منوانه ..
بعشگ مشايه ..وهيام قرايه ..وغرام الرايه
يعالي بشانه ..
وكرم خاچيته..وعظم علميته ..نزوره أبيته

#البقيع_مطلبنا ...

"""""""""""""""""""""""""""""""""""''''''''''''

منبــــع وفــــاء الكــل وفه
والحضره وشكبره الصحن
ام البنــــين وبـــالبخــــــت
نطبگ صحنها ويـه الحسن

سور أشعلــــوه والگــبه ومناره
وعــــلى بيبانـچ انخط الــزياره
وياعطر الضريح وصوت الآذان
ومضيفچ ماطفت مـولاتي ناره

ينخوةّ كافل ..
يهــــل نشميه .. والعـــزوبيه .. وكرم بدويه
گلبها الفاضل ..
يشمعةّ جاسم..ويـ أم الخادم ..تعزب الوادم

#البقيع_مطلبنا ...


عبد زينب
محمد الابراهيمي