مرجع الحب والحنين .. السيدة ام البنين
قولتاً في الحب قالت .. لا حبيب الا الحسين
لا حبيب الا الحسين
***

امرأة من نور .. من در منثور ..
تراب التسحك فوكه يخضر جنات وحور


كان يا ماكن نعرف مره قدسية
مره مخلوقه من تربه حسينيه
تشوف حسين جانت تخجل هواي
تكله احلامي ترضا عله الكلابيه


منها ونكف الكلام .. ويبتدي منها الختام
‏قولتا في الحب قالت..
‏
**
ام العباس . بالحب مقياس
بالحب جانت هيه بجفه وبجفه النااااس


حسين حسين جانت هاي دعوتها
تفر السبحه بسمه وتجري دمعتها
من تبدي الصبح موش( بصباح الخير )
(صباح حسين) جانت هجي كلمتها

ماتنام الا ينام .. تحبه جانت والسلام

قولتا في الحب قالت

*

كانت ك الماء .. ارض ٌ وسماء
بعين تخلي حسين فراشه والأخرى غطاء


مره ما نوصف كَدرها بكلشي كَلنه
فاطمه تعلم المحنه عله المحنه
من اول مره شافت وجه الحسين
‏كَلها احسن بيج جنج من اهلنه


سيدي نحن العبيد .. وانت بس كول شتريد

قولتا في الحب قالت

***



سيدي مولاي .. معروفه بهاي

ماصاحت لحسين بأسمه سيدة الماي

الجليله العالمه الدريه والتفهم
من جوه اديها الوفه يتعلم
من يعطيش حسين وصاح عطشان
تتبده على رجله وتنكَلب زمزم


تعطش ويمك أكون .. والله بيدك ماي أكون

قولتا في الحب قالت

**

شاء ان يرووووح ... وتضل للنوح
‏ع الباب أتاني ايرد الها وممليه اجروح

مشه وصاحت ورا يالرايح مودع
اريدك ليه سالم سيدي ترجع
وي ديرت وجه قافلت الحسين
تموت وروحها من القلق تطلع

صاحت بس صوت .. ترجع لو مووووت
قولتا في الحب قالت


الحمد لله

#خالد #عبد #السادة #البديري

قصيدة مولاتي أم البنين صلوات ربي عليها




الي بالطف عمر ضاع
عشت كل مدتة ابساع
بدة وخلص على اوداع .. على اوداع
***
عمر خلصت اسنينه ابأول ايامه
غابت واقعيتة وحضرت احلامة
روح الكون تمشي ابوقعت اجدامة
الورا يابس صفة واخضر الكدامة

وين عايفني شريدة ابداري
هواي جاي اتأذة من افكاري
كول ماتت من تجيك اخباري

وجودي مرتبط بيك
دخيلك وين الاكيك
يلنك من تطب كاع … على اوداع
***
عمر ما عشته كد ما عايشة غيابة
الهوا يعرف لهفتي من يرد بابه
على الحايط اعلگ عمتة وثيابة
واتخيلة اكبالي وروحي تنتابه

اكبالي احسه واكف ايحاچيني
اني ما موجود وتخدميني
واني اكلة كلبي ما ينطيني

اذا بس عطرك ايكون
اخدمة ابهاي العيون
الخدمتك كلشي ينصاع … على اوداع
**
يجي المغرب ويرجع كلمن الدارة
واهنا يبدي كلبي ينغلي ابنارة
وين حسين چا ما خلصت اسفارة
منو اليندل مكانه ويعرف اخبارة

اطلع اسئل عن اخبار ايمامي
وما ارد حد ما تورم اجدامي
وابقى لاخر يوم من ايامي

اظل انشد على حسين
لحد ما تغمض العين
الحجي اليدخل بالسماع … على اوداع
*
العمر سافر بأهله الكربلة گاصد
وي امة الزجية اهناك متواعد
لم ولده واخوته والدمع شاهد
ابهاي الكاع منكم ما يظل واحد

ابكربلاء راحت عشيرة الهاشم
حته طفل البلمهد ما سالم
هاي جانت فاجعه والقادم

بعد كل هاي الجروح
اختهم للسبي تروح
اجتمعت كل السباع .. على اوداع
*
العمر ضيعته بالطف هوا وسنينه
ضامي وماي يشرب ما مخلينه
لا بي حيل يوكف لا اخو ايعينه
ويشوف النار ملتهبه بصواوينه

جنت وي امك وماني ابعيدة
تلث ليالي ساكنه بالبيدة
ابنج وابني يزهرة انريدة

عزيز امك يمذبوح
اون وياهه بجروح
نمت واجروحك اوساع … على اوداع
**

#الشاعر #مصطفى #البديري