.

هذا العتاب ... للي نسوني
عندي أحباب ...شو ضيعوني
.
.
آنه وردة فاطمه
خوله آنه وچبدي من اللوعه مصدوع

آنه گلبي يألمه
أسمي لمّن  ما يذكره  ناعي  الدموع

آنه  هم  اميتمه
خدي بي چف الشمر  لساته مطبوع

جرحي ضايع بلسمه
مثل ضيعة دم أبوي بسحگ الضّلوع
.
.
شنهي الاسباب .. ما تذكروني
عندي أحباب ... شو ضيعوني
.
ـــــــــــــــ ❁ ❁ ❁ ـــــــــــــــــ
.
مختصر كل قصتي
من البدايه للي عن حالي ينشدون

آنه بالطف علتي
بعيني اشوفن والدي ابثوبه يسلبون

الهظيمه عمتي
چفها بگماط الرضيع انظر يشدون

وآنه حانت غربتي
انرفس هم وانسبي وبهلي يسبون
.
.
ذوله اغراب ... ما يرحموني
عندي أحباب... شو ضيعوني
.
ـــــــــــــــ ❁ ❁ ❁ ـــــــــــــــــ
.
عن عليلة كربله
هم سمعتوا هم عرفتوا عنها اخبار

عن عليله امسنسله
تسحگ الشوك وجدمها امچوى بالنار

راح احل المسأله
فاطمه أختي العليله العدنه بالدار

آنه جيت الهالفله
سالمه لكن هدمني ذبح الابرار
.
گلبي ما طاب.... من ودعوني
عندي أحباب ... شو ضيعوني

ـــــــــــــــ ❁ ❁ ❁ ـــــــــــــــــ
.
الهظم ما ينشرح
شرد اگولن وانه اعرف صلفه دنياي

كل يتيمه التنطرح
ابمتنها  تنظرب چي تطلب الماي

ساعه بالسوط انجرح
سكنه انظر لو رقيه التمسح ادماي

ساعه دفعه بالرمح
من اطيحن كل خواتي ايطيحن وياي
.
.
أول امصاب ... لمّن ولوني
عندي أحباب .. شو ضيعوني

ـــــــــــــــ ❁ ❁ ❁ ـــــــــــــــــ
.
بذيچه شمس اللاهبه
نمشي نسحگ عالحجر والشوك والطين

بينه عمّتي امعذبه
تشگف بچفها غدت سوط الملاعين

والدي من نندبه
ياحبيب الزهره عنه چارحت وين

من نشوفك يا أبه
نشتكيلك بالجره من زمرت البين
.
.
الأمل خاب ... من سلبوني
عندي أحباب .. شو ضيعوني

.ـــــــــــــــ ❁ ❁ ❁ ـــــــــــــــــ

أمنية كل العمر
ينذكر أسمي بمجالسكم يالاحباب

حتلو كلمه بسطر
حتى تسمع قصّتي دمعات المصاب  

صابره وابقى انتظر
شمسي تطلع من بعد كل ذاك الغياب

ارد اشوف الينقهر
هم تسيل ادموعه لمن ذكري ينجاب
.
.
خله الغياب ... جمره  بعيوني
عندي أحباب ... شو ضيعوني
.
.
انتهت نسألكم الدعاء
.
حسن الموالي الفاطمي
.

عشگ الولاء........يافاطمه
 نحيي العزاء........يافاطمه
*******
 للرسول   واله
صوته ظل يتعاله
...........خادمج يتفاخر
والله الف هنياله
............
والدموع ابعينه
بالعزه.......تلگينه
 .......... هذا بشر الناعي
لو نعه عله حسينه
.......
سجلت وياكم
سادتي بحماكم
..........چنهه فاطم گالت
والله ما انساكم

هذا البكاء.........يافاطمه
نحيي العزاء.........يافاطمه
*******
گلبي  يمكم  ناده
 يعتني عله مراده
...........صدري بيكم يشفه
حرزي من الساده
............
هايم   امخليته 
بالعشگ تربيته
..........كل حرف تسبيحه
فاطمه لطميته
...............
والطم  يحلالي
ظل يعيش بالي
.......بالمجالس  ذخري
والدمع للغالي
......
يعلى النداء..........يافاطمه
نحيي العزاء.........يافاطمه
*******
يا حلات الخدمه
شفنه اكبر نعمه
.............بيها سر العاشگ
رحمة الله بأسمه
..........
صدري لو دگيته
ما احس وفيته
.........وآنه صرت الخادم
عالخلگ حبيته
...............
خدمتي ونوماسي
بيها عشگ انفاسي
..........بالمجالس تدري
الله  رافع   راسي
..........
عمري فداء............يافاطمه
 نحيي العزاء...........يافاطمه
*******
فاز  من   والاها
يخسر   العاداها
.......... فاطمه تسبيحي
كل فرض اقراها
...........
والله يابت طه
خدمتج محلاها
.........والسفينه ننشاهد
فاطمه مرساها
........
تنجه بس الشيعه
بصمت اعله البيعه
............نهتف انواليها
حيدري توقيعه

عشك السماء ........يافاطمه
نحيي العزاء............يافاطمه
*******
اي  وحگ العاشر
ما نسيت الحافر
.......يمشي فوك اظلوعي
يا ملاذ الحاير
...........
هيه رفعت راسي
 اشعر ابحساسي
............والجنون ابديهه
بالعشگ عباسي
............
عدنه جون وعابس
 بالمجالس   فارس
...........بالخدامه انشاهد
كلها گام اتنافس

من كربلاء...........يافاطمه
نحيي العزاء..........يافاطمه
*******
تمت بعون الله تعالى
الشاعر..... يوسف الفتلاوي

يحسيــن أتسودن حكي
ماطاح أسمك من حلكي
حبيتـك راي -- تارس دنـياي
--------------------------------------------------
1= أول ما أفتح عـيوني -- الصبحيه أنته توافيني
لطفك يسألني شلونك -- ولو بردان يغــــطيني
وكت المغرب تفكدني -- شلون أحوالك تـنشدني
ياصاحب ماكو مـنك -- صاحب زين وماهـــدني
---------
أهلي أيملوني وأنته
لازم كلبي وماعـفته
ياعشكك ماي -- تارس دنــياي







2= من أوكع بالعوز تكلي - بجـيوبك مـال أمخلي
تارس أيدي بـوكفاتك - محد غـيرك واكـفـلي
ياصاحب كلبي وكلـبي - بس أنـــته بنصه وربي
تستاهـــل والله وأكثر - دمعات عيوني وتـعـبي
-------
سبحه وفرتـني جفوفك
بيك أمجلب ما عـوفك
أسمك مـولاي -- تارس دنياي
****
3= من غـيرك ياجامعنه -- نصير حجايه بلا معنه
والحلوه بكلــبك طـيب -- من نسولف يسمـعنه
من نلـتم أنه وربــعي -- نتوسل ب لله وندعي
يارب وفقــنه نـخدمه -- ونلطم الحسين ونـنعي
------
بينه الخدمتكم واهس
نوكفلك وكفت عـابس
ياهاي وهاي -- تارس دنياي




4= لو حسيت الحب بارد -- تـلكاني الحضنك شارد
أترس روحي بشباجك -- عـوذه من عيون الحاسد
أحضن شباجـــك فاير -- أرجع من عـــندك صاير
توني وكاروكي ترابك -- لا حــــــزنان ولا حاير
------
بصحنك أنساهم أهلي
ومنك أرجع متعـــلي
شكرا مولاي -- تارس دنياي
******
5= الله يابـــــــو الحنـيه -- عـمرك مــاكاطع بيه
أنخاك أبوين الصعـبه -- أرجـع منــك مكضيه
يحسين وحات عيونك -- ميت محسـوب بدونك
الحلوه بحبك سواني -- يابو الاكبر مجنونك
-------
مولاي من أيدك الأيدك
كل ذره بجسمي تـريدك -- دايم يفياي -- تارس دنياي

6= مالاكي جروحك لكوه - ولا حاضي بحبك حضوه
من فضلك كثر خـيرك - خليت الخــــــادم يسوه
أسمك خضر باللسـاني - والله مرتــــــــب سواني
فدواتك يبن الــــزهره - الوالد وأمــــــي وخـواني
-------
يادين وحب وسجده
ياماي وعطر الورده
يالرايح جاي -- تارس دنياي
***
عبد الجليل المالكي

واويلاه على علي واويلاه
 واويلاه على علي 
@@@
نور الله ومعدن حكمته اوجه او وليه
زين العباده المنتجب خير البريه


وارث ضحايا كربله باعظم رزيه 
من منحر حسين الولي لدمعة رقيه 
…
مات بآه ما تنجلي 
واويلاه على علي
@@@
گلب الضاگ من الدهر أفجع مصيبه 
ابن ويعاين والده شيبه خضيبه 
وشايف اخوته مجزره فوگ التريبه 
وتالي حريمه عالهزل تمشي سليبه 
…
عالرمضات عاف الولي 
 واويلاه على علي
@@@
الوحده بگه وكلها گضت شبان عدنان 
عيونه اطفحت دم ودمع عالچان ماچان 
فتت دليله كربله واحزانه ألوان 
حتى گضه بسم الدعي من آل مروان 
…
بيه افاد هم ممتلي 
واويلاه على علي
@@@
الگلبه گبل سم الغدر بالآه مفطور
حي ولچن من غصته كالمات منحور  
بعد الحسين وكربله هم جاله الدور 
عاش الظليمه للاجل من گد اذى الجور 
…
دمه بآه بس يغتلي 
واويلاه على علي
@@@
هالمنخنگ عاش العمر من خدره لنفاس 
وكل ليله يحلم عمته فرجه الى الناس 
ابنعشه انرسم سهم ونهر وچفوف والراس
وآكفانه صارت مشرعه وتنادي عباس 
…
بأذنه صوت وا كافلي 
واويلاه على علي
@@@
هالجرحه من طف كربله ماله ضماده 
اصبح شعيرة هادفه ابكثرة حداده 
اسسله ثوره من دمع واعلن جهاده 
ومن دمعته اصبح ترى زين العباده
…
تحيي حسين دمعة علي 
 واويلاه على علي
@@@
اول اسير بجامعه سواله مأتم 
اوضح نهج بي ينتصر عالسيف كل دم
لهذا السبب چبده ابغدر تالي تسمم 
وابهالسبب من الظلم گبره مهدم 
…
صوت حسين بي يعتلي 
واويلاه على علي
@@@
علي احمد الحمود 
١٠-٧-٢٠٢٥
شهادة السجاد ع 
زبن العابدين 

مقطوعة شعريه (انتظرتك ) الى الامام الحجة ابن الحسن عليهما السلام


انتظرتك والدموع تسيــل     
دمعه تهل بأثــر دمعه

وعلى دربك أتاني أتعــود    
وانطـر جيتــك الجمعه

شعلنــا أعمارنــا وذابـت     
مثــل ما ذابت الشمعه

سمعنه والحچي الممصوخ   
يجــرح لمّـن نسمعــه

گضينا أعمــارنا أنتانيــك    
يــا يـوم وتصح رجعه

عمر نحسبله بس أغياب    
بدونــك سيدي شنفعه

عمر مثــل الــورد ذبلان     
واليذبــل سهــل شلعه

عمــر واحنـه بمجالسكم     
ننوح وكل وكـت ننعـه

يا آخــر دعـــاء يصـيــر    
عجــل سيــدي الطلعـه

يا آخــر أمــل بالــروح     
امل من رافـــع السبعـه

أحلفـك بيمن أتــرجــاك     
بل الــي هشمـوا ظلعـه

برضيع حسين بالعباس    
بسبي الحره الصعب جرعه

تعجل بالفــرج مـولاي    
وحگك سيـدي أترجعــه



الشاعر
موسى البديري

يخيل اشمالجن عوفنه الحسين
.................
مايحمل اخيي سحگت الحافر
المثلث بصدره من الضهر عابر
هاي انه العقيله الاكسر الخاطر

اه ياغربته اونه ابنياته يسمعنه
اذا راح الاخو انطي الوجه وين
......................
ماظل عين والي وياهو افزعنه
نگض حيله وبعد ما ينسمع ونه
خلنه عزيز الزهره خلنه

اخر مره اشوفنه بظيمي ارد اخبرنه
اكله اعداك حرگوهه الصواوين
......................
ارحمني يخيل و بعدن اشويه
تعبني الركاض وحيل مابيه
هضيمه الجيش كله ينظر عليه

اخت عباس ياوسفه وادري طلعتي كلفه
وتيهت الدرب ما اندل امنين
٠٠٠٠ ٠٠ ٠٠٠٠
مامرتاح اخيي وتنزف اجروحه
عينه عله الخيم وعليه مشبوحه
مذبوحه يريت اوياه مذبوحه

ياغربه الأعيشنها
الهيمه من اطرانها

بعباتي مجلبه كل النساوين
.....................
هذا بن لوصي والمصطفئ جده
توه خلص الذباح من عنده
راسه عله الرمح مامنرفع بعده

وركضيتن تسحگنه واصيحن لاتلجمنه
وي حسين شلجن ثار لو دين
...........................
انگطع راسه يويلي وگطعو الخنصر
انه ام الصبر بس ما گدرت اصبر
اشوف بصدر اخوي الحافر يكسر

هذا مدلل الزهره الحافر نايم بصدره
الخيل ويالزلم ملتمه صوبين
....................
خادم اهل البيت ع \\\\\\\فلاح طالب الماجدي

ودعتك الله خوية يحسين
ــــــــــــــــــ 
ودعتك ونار الهجر حراگة
موهين امشي بلا اخوا عالناگة
هذا القلب مل الحزن بفراگة
يم الزجية بالحشر نتلاگة

ودعتك الله واحنا ماشين
ــــــــــــــــــ 
راح امشي خوية والدموع بعيني
بس خوية عنك قلبي ما ينطيني
يالمنذبح فوگ الرمل حاجيني
بلكت تبرد قلبي وتواسيني

ودعتك الله وي المطاعين
ــــــــــــــــــ
راح احسب بهذا السفر لأيامي
بلكت اموت وتگضي كل ألامي
عفتك جسد يبن أُمي نحرك دامي
راسك انُظرة اعله الرمح گدامي


ودعتك الله وانتَ نصفين
ــــــــــــــــــ 
يا حيرة ما مرت مثل هالحيره
من دِيره يسبوني يخوية لديره
وبينه التعب ما ينشرِح تفسيره
هاي الرزية يا حُسين جبيرة

ودعتك الله يا ضوه العين
ــــــــــــــــــ
راح الدلال اعله الترب بالهيمه
كلشي حترگ ياخوية وي الخيمه
بس الله يعلم قلبي همه وظيمه
من روحتك يالغالي يابو الشيمه


ودعتك الله وراحت سنين
ــــــــــــــــــ 
باجر يضربونه بحقد يالوالي
خوية من أكابِر والدمع جتالي
من الألم گيد الحبل شل حالي
باجر اشاگُف من تلوذ أطفالي

ودعتك الله بدمع إلِونين
ــــــــــــــــــ
هالليلة وحشة وزينبْك حزنانة
مثل الشمع حيلي انتهىٰ وذبلانة
تعبانة خوية وبلكي اموت هنانة
مهمومة مهضومة واظل حيرانة 

ودعتك الله  وميتة كل حيّن
 ــــــــــــــــــ
شيْطيب الخاطر يبعد الخاطر
حزن القلب جنة انطحن بالحافِر
آهْ يا جرح آهْ يا مصيبة عاشر
باجِر يخوية عنك احنا نهاجر


ودعتك الله وما ألي معين
ــــــــــــــــــ 
 
الشاعر زين العابدين الشمري

تمت بفضل ساداتي ال محمد
عليهم السلام

يوسف الحسين

شنهي البعد ما ينطفي
عالغبرة طايح يوسفي

ياليلى ما يرجع علي — ماي وتبده
———————
علي اية من الجمال — عفه واخلاق
وكمال — چنت اشوفن بيه كل عمقي
وخصالي
لوحة من عالم قدس — شوفته تسر النفس — نسمة حلوه لامست طيف
بخيالي

بزغرك انته يا علي باحضاني تغفه
جنت ا غطيك بعباتي وابقه وكفه
خاف باجر بس نحر يوليدي تصفه
مو دمه جرحك نزف عمري تنزفه

ماي وعذب ليل وشمس
بغيرك فلا كلشي احس

عمري بعد عمرك عدم — مو عمر اعده
ياليلى ما يرجع علي — ماي وتبده
———————
شاب وانته اتصوره — فاق يوسف
منظرة — صورة من طه علي
شكله وبيانه
الخيل هشمة مبسمه — بكل كتر
ينزف دمة — مثل خشبة مشرگه
صاير لسانه

خدوده يا ليلى الرمل حار وحركهن
بصدره جم حافر فرس باين اثرهن
عيونه من كثر الضرب طيحوا جفنهن
اوصاله ظلت عالارض ياهو اليلمهن

عالدنيا من بعده العفه
كل ذاك طوله واختفه

ابنج على وجه الترب — مفروش خده
ياليلى ما يرجع علي — ماي وتبده
———————
عيونه يليلى سوربت — وشفافه
شوفي تفطرت — ليلى ذبحوا كوثرج
حزوا وتينه
ليلى بستان الورد — لخيمتج عينه
تصد — خاف امه تنفجع يخفي
ونينه

كومي يا ليلى لعلي چنّه تحير
السيف هشم هامته ومخه تطشر كومي شيلي عمامته وجسمه التوذر
حلم عمرج ما يرد بالطف تفسر

مكطوع ياليلى النحر
ينزف ضوه وينزف قهر

ينزف ترافة كوثرج — چن طه جده
ياليلى ما يرجع علي — ماي وتبده
———————
ريت بعده ما عشت — مثل يومة
ماشفت — الموت لو يرضه صرت
انه بديلة
دمه حنّه لحيتي — ظلمة صارت
دنيتي — ليلى يا ليلى العطش
فتت دليلة

صدري عالغبرة طبگ لمن حملته
بهيده شلته ومن كمت لولح ركبته
موته يا ليلى زهر كاس وشربته
يطيح من عنده كتر كلما حضنته

لو سيف لو طعنه برمح
واجروحه مفتوحة فتح

لا حيل عندي ولا ظهر — ما بيه اكعده
ياليلى ما يرجع علي — ماي وتبده
———————
انته مو يوسف حسين — وين اروح
وامشي وين — انته حيلي وانته فيي
البيه الوذن
عانگ حسين وبچة — ماتت سكته
وما حچه — فكلي عينك تدري من
غيرك اموتن

وين حيلي يا علي مشلول چنّي
ما كسر كلبك ابوك تشوفه محني
جنت اشيلك ياعلي دوم اعله متني
وهسه هيج بغربتي تخليني يبني

راح الربه وذاك التعب
عمري تطشر وانهب

يعين الابو اليدفن ولد — ويوسده لحده
ياليلى ما يرجع علي — ماي وتبده



ابو علي
عبد الحسن القريشي

غـطـيني بضـلامك بلله ياليل
انا اخت الذبيح الداسته الخيل
بلا خوان وخيام
بخرابه زينب تنام
غطيني بضلامك بلله يا ليل


غطني ياليل بضلامك مابقه بس انته الي
سـكـت عـيـون الشماته انا حرمه بلا ولي
لـو ردت ياليل تسأل خاف ماتعرف هلي
الايـذه بسدك الليله هاي زينب بت علي
عيله وحرم وطفال
حرمه وحالي ياحال
حـگها الـروح تنضام
بخرابه زينب تنام
غطيني بضلامك بلله ياليل


غـربه كـل الـدنيه صـارت والاهل كلهم مشو
شكثر ياليل انته فاگد نجم من حضنك هوو
گـبال عـينك مـاشفتهم بالـسيـوف اتگطعو
شبگت المشتاگ اخوتي ويالمنايه تشابگو
كلهم مشو والصار
خطار الخيم نار
امشي مدنگه الهام
بخرابه زينب تنام
غطيني بضلامك بلله ياليل


اصـفن ابـوجه اليتامه وموت احسن صفنتي
كـلـهم ايلـوذون بـيه واخـفي عنـهـم دمعتي
عـالـرمح مـرفوع راسـه الچان رافع هامتي
وجهي كلما درته عيني تنظر الروس اخوتي
حالي صار ياحال
چفي معاشر احبال
ودارت بيه الايام
بخرابه زينب تنام
غطيني بضلامك بلله ياليل


سـگف مـابيها الـخـرابه ويـستر اعيال النبي
شلون تغمض عين زينب والي يحرس اجنبي
يـابـنـاتـي وياخـواتـي اللـيـله بلله وبـالعبي
اكـبر مـن جـروحـي كلهن ياهلي جرح السبي
اي كلشي انتهى وراح
من چف كافلي طاح
شماته هواي بشام
بخرابه زينب تنام
غطيني بضلامك بلله ياليل


شنهي النتظره بحياتي والبقه عندي شنو
هـاي تسأل عـن ابـنها وذيچ تسأل عن ابو
وفـاگـدات اعـزاز كـلـهن واليـصبرهن منو
وانا حـز اضـلوعي اگلهن اه يافـگد الاخو
كلهم ماكو الاحنان
ومشي بلايه خوان
ذاك الجمع مـادام
بخرابه زينب تنام
غطيني بضلامك بلله ياليل


حيلي خلص دمعه دمعه وماتخلص حسرتي
كـربـلـه والـشـام كـلـهـا ماتـوصـف حـيرتي
ارقـيه گالتلي التـراچي عمه جرحي ونتي
لـونشدني حـسيـن اكـلـه ضامتهن عمتي
من ينشد عالاسباب
يشهد دم الاحجاب
وزيد اعليه الالام
بخرابه زينب تنام
غطيني بضلامك بلله ياليل


هـاني ناصـر السـعيـدي

للسبي
.
.
.

اميره ابضعنكم    بضعنهم اســيره
چبـــيره عـــليه    يبــدر العشــيره
ياخويه اعله بختك
تقـبل زينــب اختك
اســـيره
-------
مـــا اعاتــب لا وحـقـــك يالكـــفـــيل
بس حچي خوه وحچي الخوه ثگيل
زينــب التحلم تشــاهدهـــا الــنســاء
ابلايه محـمــل راكـــبه فــوگ الهزيل

بنواظـــرهــم .. يجـــرحـوني
الزلم صــعـبه .. يشـــوفــوني
وحچي الوادم .. على الحرمه
يبـــو فــاضـل .. تـــره زحـمه
 
يگــيدون شرفكم    وسبيناچ يصيحون
ويردون يشتمون    وبالحـجار يــرامون
نهــر غيـره عرفتك
تقـبل زينـب اختك
اسيره
__

كلشي طاح بطيحة اچفـوفك يحيد
وسيق اهــلك يــابو فاضـل كالعـبيد
ايدي عگب السبحه وايـدك والحنان
صفدوها وداعتــك خـــويه بـحديد

ســـلاســـلهم .. كلت ايدي
امن اون گالو .. بعـد زيدي
ولـمن اسكـت .. يعــذبوني
واذا ابـچــــي .. يظـربوني
 
تروع الحچيهم     دليلــي وتشلع
تگطع يگولــون     كفيلچ ميرجع
سكت كلشي ابسكتك
تــقبل زينــــب اختك
اسيره

-------

غافي صح راسك لچن مامستراح
عالرماح وتسمـع الســب والصياح
انظر الوجهك واحس ابمستــحاك
اتفز اذا سوط الشمر بمتوني طاح

الكسر گــلبي .. وجرح ناســك
الشمر هــوس .. برمــح راسك
وتـرس اذنـي .. حچه الشامت
سبيـنه اختك .. واشــو ساكت
 
عليه ثـگـــيله .. يگولون سبيه
الرزيه يخلون .. هالحبال بديه
نبع للغــيره گصتك
تقبــل زينب اختك
اسيره

-------

الدرب خويه الخالي بيه يستعجلون
ومن نطــب ابديــره عـــمداً يوگفون
مــو قصــدهم يســتراحون الطــغات
حـتى طول اخـتك يشـوفنـه العيون

ابـــــأزقتـــهــم .. يفـــروني
امن امر يمهـم .. يظــربوني
صرخ واحـد .. وحقد شايل
شعجب عافچ .. ابـو فاضل
 
جوابي بدموعي    يترجم مصابي
عذابــي التبـــده    تجاوز حـسابي
أقسمت ابنخوتك
تقبل زينب اختك
اسيره

------

البيه هنه اهواي خـويه ياحــماي
الغربه اول تالــي گدامـــي اوراي
والله لو ادري يخــويه باليـــصير
چان ماخليتــك انته تجـيب ماي

صبح فرجه ..الخدر وسفه
وعليك ادري .. يـخي كلفه
ولا اعتـــب .. وفيــت انته
ابــو غــيره .. الخدر صنته
 
بدلالي منو ايعيل    لون ضال يغالي
سؤالي شـــسوي    ومـــنو الي بقالي
بالـخـــوه سئــلك
تقبل زينب اختك
اسيره
------
حيدر تركي الكربلائي
 
 
 

لا أنت ولا مثلك بعد عشره
يكدر زينب ايذلهه بكَـطع نحره
بيه زود  ...  ١٢ ولي
انه زينب ..  شرف علي
=======================
1
انه بنت القلع خيبر وأنت ابن من يا شمر
اشما تريد اتسوي سوي حتماً أنا الانتصر
باجر التاريخ يكتب عن بطولاتي اشكثر
مره ذلت جيش اميه هيجي باجر ينذكر
 
مثل الجبل وكَـفت شامخه الهيبه
والعاداهه خلّص عمره بالخيبه
وكلشي باجر .. يصير الي
انه زينب ..  شرف علي
///////////
 
 
2
//////
خاف حاسبني وحيده وما بقالي من يهد
ابرفعت إيدي السمه توكَـع عل الأرض رأسك تهد
بية لا تندكَـ احذرك يالجبت عمرك عبد
انه زينب بت محمد قادره الجيشك ارد
 
بنت الرد شمس ما يصعب اعليهه
ترد جيشك بجفهه الما تلاويهه
أنته تنطم ... وانه اعتلي
انه زينب .. شرف علي
 
 
 
 
//////
 
٣
//////
 
ثورتي الوفد الحسيني التحجي بيهه كربله
راح اركعك مثل ما كبلك ركعلي حرمله
سيفي خدري الما تلوحه اشما تطوّل السنسله
اسمك يعيش المذله واسمي عل قاده عله
 
ما توصل مقامي اشما عله شانك
من عزمي شفت قله وكثر هانك
بية تفخر .. تضل هلي
انه زينب .. شرف علي
 
 
 
//////////
٤
//////
انه تربات الكفلني الما يثني بسطرته
العل نهر خله جثثكم تحجي كلهه بصولته
المنه صار الزلمه بيكم شارد ابلا خوذته
انه اخت عباس انه الرجفاك بخزرته
 
انه اخت العظيم الأخذ منكم شط
الخله ازلامكم من الركض تفحط
ابو فاضل .. ضل كافلي
انه زينب .. شرف علي
 
 
٥
///////
احجايه مني اسمعهه زين وخلهه بذنك شاهده
ما تخاف امن الضباع اللبوه اخذهه قاعده
آنه مفخرة الهواشم على الكل متّسيده
ما يهزني الجيش هذا وانه اضل القائده
 
صح طركَـ العبايه بس أعادل كم
فارس من فقاره الجيش ما يسلم
اسمع اسمع .. يا عاذلي
انه زينب .. شرف علي
==========================
✍️🏻 كلمات موسى الخادم ٢٠٢٥

حسين حسين حسين
--------------------------

شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني

ناس وخيل ،، ماظل حيل ،، باچر ياخذ انفاسي
بلوه حسين ،، نركض وين ،، فوگ الرمله عباسي

حسين حسين حسين
-----------------------

ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه

تلهب نار ،، تبچي زغار ،، وانته بلا نفس خويه
اصد مذبوح ،، وانته الروح ،، واصيحن يا علي بويه

حسين حسين حسين

،،،،،،،،،،،،،،،،،،،،،،

اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني

شامت گال ،، ماكو ارجال ،، ظلو برحمة چفوفي
يا زهراء ،، يمه احاه ،، اندبچ يم حسن شوفي


حسين حسين حسين
----------------------------------

وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره

ساحگ نور ،، دمعي ايفور ،، من شفت الولي ونحره
آخ شلون ،، عميه عيون ،، وسفه وطشرو صدره

حسين حسين حسين

،،،،،،،،،،،،،،،،،،


اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم

ها عباس ،، هاي الناس ،، درب الشام ما يرحم
كون تشوف ،، كون چفوف ،، ما تحصل بعد نحلم

حسين حسين حسين


للخادم  / رعـــد الفريــــجي

شلون گضّيتها عَشْرَه الثانيه
حسين ما فارگ خيالچ ثانيه
ما كِمَل دَفْـن الحِنين
الله خالق له أربعين
ــــــــــــــــــــ
حسين حتّه بدفنه ضَلْ ما مستراح
يخْلَص من الخيـل يصعـد عالرماح
صـار ميّمونه الرمـح وبضعْنَـه راح
رافگاچ وخِلَـص سبييّچ يالله طـاح

يمشي بس أوداجه تگْطُر عافيه
إبرمحه ويسـولف سوالف دافيه
يدري باچر راجْعِين
الله خالق له أربعين
ــــــــــــــــــــ
گلُب والــد چـان ويْحـس بالزغـار
شما طفل ضاع انتبه له وراسـه دار
وچــان بالـ آيـات يختـار إختــيار
وعينه چانت عالشمر تمطر شَرار

حسين گلبه چبير گلب الوالد
وياچ طول الدرب واگـف گاعد
حسين أمان الخائفين
الله خالق له أربعين
ــــــــــــــــــــ
چانت حچايـاته تطلـع بالصمـيم
(أَمْ حَسِبْـتُم أَنَّ أَصْحَـابَ الْرَقِـيْمْ)
رغم ما بالضعن چان إشچـم لئيم !!
وانتو مچتوفين بس ضعنچ عظيم

النـاس إلـ تسمّي سبـي وهمـانه
جيش طبّيتوا اعله بن مرجانه
موش كيفه ابن اللعين
الله خـالق له أربعين
ــــــــــــــــــــ
خوش وگفات ويه ضعنچ عنده چان
وصار عنـده وياچ بصمه بكل مكان
حسين چـان أبطُـوله واگف للزمان
ينلچـم كلسـاع بس ينيـطچ أمــان

رغم دُوْرَت راسه تآذي أوداجه
چان يندار إعله گـدّ الحاجـه
عدل .. ميّت.. ما يِلِين
الله خالق له أربعـين
ــــــــــــــــــــ
وأبو فاضل دخـل قبلچ يـم يَزيد
إلـ وَحْدچ اتدخلين ميْعوفچ أكيـد
برمحه بس أوداعتچ لو عنده إيـد
چان خلّه الشام عِدْ جِدمچ عبـيد

الرمح شايل راسه بس بي خُوفه
چــان يتمَنَّــه بعـدها إچفوفه
برمحه گلّچ تنتچين
الله خالق له أربعين
ــــــــــــــــــــ

مهدي التقي

قصيدة ( اول مره ) وكأني بزينب تندب ابا الفضل العباس عليه السلام في أيام السبي ودخول الشام


يا ابو فاضل            يــا ابو فاضل  
هاي أول مــره ضعنــي بلايـا كـــافل 

*  

خويه يا غيرة هلـي    
يا ذخر حيدر علي   
حيل صعبـه كافلي    امـشـي  أسيــره 

انــه تـربات الستر      
وانــه قبله للخـدر 
يحدي بضعوني الشمر     كـلفه  وچبيــره 

خويـه أول مــره ضعنـي يمشي بـس بــلا ضـوه
كــل شــي مـن بعـدك تغيــر حتى بالــريه الهوه
ياعطش گلبي أعلى طولك خويه ضامي وماروه
هــاي أول مـــره خـويه نمشــي لكـن مو سوه
يــا حســـافه                   يـــا حســــافه
ضعني يمشي والعدو يبره المحامل 


*   


خويه يا نبـض الگلـب      
بلا گمر وحشه الدرب
منين مـا اصدن غــرب      تبره لضعنه

لحالتي صعـب الشرح      
منين مــا اديرن ذبــح       
گبالي راسك عالــرمح     يا ابو المحنه

كلفه يــا عباس خويــه لضعني يبــره الأجنبي
مــن جبتني بعزه للطف ضعني بي هيبــة نبي
وسفه عــدوانك تنــادي للسبي گومي اركبــي
والله يــا عبــاس كلفــه  بــت محمــد تنســبي  
خويــه صعبه            خويـــه صعبه
يهوى عالشاطي الوفــه وي المراجل

** 

خويـه أظن هذا حلم      
ضعني خالي من الزلم
بــس عليل  وتنشــتم      بنت الوديعه

ريـت وافاني الأجل     
التفت ماكـو الأهـل       
صحت والمدمع نزل      آه يالشريعه

ضعني يــا عبــاس يطلع وانته مــا تبـره الضعـن
صعبه يــا ابو الغيــره خــدّر للغــرب مــن ينسبن
خـــويه عالنوگ الهزيله بعــد عينك هــل المشـن
أعيوني المضعيات طولك خويه حگهن لــو عمن
دمعــــي يجــــري         دمعـــي يجـــــري
خويه يا عباس دمع الحره سايل  

*

ركبتنــي    بنـــاگتي       
وتبره لضعوني إخوتي
هسـه حيــره حيرتــي      امـشي سبيه

خويـه محتاره أبحـرم     
مـن هـــوه ذاك العــلم
راسي ريته الي أنهشم      بالغـــاضـريه

ضعني يمشي بلايا كافل خويه ما اصدگها هاي
حلم هــذا لــو حقيقه الســوط مطبــوع ابگفـاي
يــا عطش روحي لحنانك والله مـا يرويها مـاي
هيبه گبــل الناگه تمشـي هسـه اعــوفنك وراي
عالشـــريعـــــه              عالشــريعــــه  
طايحه الغيره يخويه وحملي مـــايــــل

**

خويه ضنوت حيدره      
انــه أروح أمـيســره
وبـالحــرم متـحيـره      وادخل دواوين

جرحي ما يشفه ابد     
يا محن انظــر بعــد
مــن بلد امشي لبلد      يا عملت البين

خويه عيـــد الشام وسفــه أوجـوهــم مستبشـره
وامشــي بالسوگ وشمــاته كلهه ضعنـي تنظره
دخلــت الديــوان زحمــه وتــدري انـــه أمخدره
ومن ضرب ثغــر الامامه صحت سبـع الگنطره
خــويه وينــك             خــويه وينــــك
وسفه خصمك يـــا كفيلــي بينه عايــل
 
ـــــــــــــــــــــــــــــــــــــــــــــــــــــــــ

الشاعر
موسى البديري

لاتخافن شيلن الراس
عباس راح وانه عباس
بالمواقف اني
ابوفاضل ثاني...
لاتخافن
....
يالرضه الباري رضاجن
الضلمه ماتوصل ضواجن
يشرد الشيطان لو شاف المصلي

آنه وياجن حمايه
لاتخافن يالسبايه
سطرة العباس اسطره الماخشعلي

زينب آنه وبيه غيره
وزعلتي اتشرد عشيره
تعبت سوط الضربني وماكدرلي

وين ماصرتن اميرات
وانه حارس عالعبايات
انحسب بايماني
ابوفاضل ثاني
لاتخافن
....
هيه حسبت جم خرابه
انروح وانرد بمهابه
قسم بالزهراء ماواحد يذلنه

والله لوصحتن يعمه
انكلب بالشام زلمه
واحنه ساده ويكتل العايل زعلنه

شارة العباس بينه
الله حافظهن عبينه
ويوكع بمحذور كلمن يوصلنه

حته لو ماعدجن اكبار
آنه يمجن اسمي فقار
والدي سماني
ابوفاضل ثاني
لاتخافن
...

ارد اوصيحن وصايه
بالدرب امشن ورايه
وآنه خلي السوط يتكسر عليه

وبالخرايب كعده نامن
استر الچن واحترامن
الراس ابوالسجاد والعباس أخيه

صوتجن مااريده يطلع
وعينجن ماريد تدمع
من تشوفن عالنحر ماتت رقيه

ومن تطبن للدواووين
طبن ابهيئة قرائيين
طبن العدواني
ابوفاضل ثاني
لاتخافن
...
والصلاه صلنهه كعده
وحده كون اتوصي وحده
يعذر المجبور بارينه ويسامح

ماريد ام الولدهه
اتباوع ودمعه اعله خدهه
من تردن للوطن سون فواتح

والمؤرخ خل بامانه
من يجي ويكتب ورانه
مااريد ايكول جان احجاب طايح

خلي يكول الكل اجيال
خدري اثكل من الاجبال
ودائما عنواني
ابوفاضل ثاني
لاتخافن
...
لاتخافن وانه زينب
السياط ابمتني تتعب
وانه مااطخ راس يدرون بثباتي

إله اسوي الشام هيمه
بخطبتي اهناكه العظيمه
ومن صفات الزهره ماخوذه صفاتي

بالضعن آنه الرئيسه
المهدي يشهدلي اوي عيسه
تهتز الأكوان من انكت عباتي


جلمتي ابوكت الزعل سيف
اطلعلهم حته بالطيف
الرادني يلكاني
ابوفاضل ثاني
لاتخافن

محمد الجماسي

#اللهم_عجل_لوليك_الفرج

((سورة اصحاب الكهف))


سُورَة أصـحـاب الـكـهـف راسـك تــلاهــه
ياحبيبي        
يــا حــســيــن

عـجّـبـيـت الــكــون والـعَـلـيـه وسـمـاهـه         
يــا حــبــيــبــي يــا حــســيــن

*          *          *

لـراسـك الـدامـي اخـتـلـف حـكـم الـسـمـه       
يــنــزف آيــات وســور مــو بــس دمـــه
عــجّــبـيــت أهــل الـكـهـف بـالـمـلـحـمـه        الــمــايــشــوفــك نـور بـعـيـونـه الـعـمــه

صـرخـتـك لـلـمـوت مـا يـخـمـد صـداهـه         
يــا حــبــيــبــي يــا حــســيــن

*          *          *

انــتــه بـــاء الـتـبـتـدي ابــكــل بـسـمـلـــه       
حــتــى عـالـراس الــرمـح راســك عـلــه
وانــذهــل يــحــســيـن عــقــل الـحـامـلــه       
مــن ســمــع يــقــره الــذِكــر ويــرتــلــه

يـا حـسـيـن الـســنــه دم نـحـرك حـيـاهــه         
يــا حــبــيــبــي يــا حــســيــن

*          *          *

داســـوا الــقـــرآن وي جــســمــك تــــره       
مــا دروا صــدرك صــدر ســيــد الــوره
اصــطــفــاه ربــنــه ابــقــدرتــه وطـهـره       
يــاهــو مــثــلــك آيـــه رَتـــل مــنــحــره

شــمــعــة الــثــوار انــتــه ومــقــتــداهــه         
يــا حــبــيــبــي يــا حــســيــن

*          *          *

جــســمــك شـلـون الاعــادي اتــســلــبـــه       
وانــتــه خـامـس نـور لاصـحـاب الـعـبـه
الـدنــيــا كــلـهــه ابـمـنـحـرك مـتـعـجّـبـه       
الـبـاري خـصه  وفـضّـلـه ابـهـالـمـنـقـبـه

مــن وريــدك كــربــلـه اتــروت ثــراهــه         
يــا حــبــيــبــي يــا حــســيــن

*          *          *

مــعــجـزة يــاســيــن انــتــه الـخـــالــــده       
هــامــت ابــحــبــك حــبــيــبــي الأفــئـده
عـمـري واعـمــار الـخــلـق لأسـمـك فـده       
حــزنــي مــن يـوم اعـرفـت يـومـك بــده

مـن يـهـل عـاشـور عـيـنـي يـهـل غـذاهـه         
يــا حــبــيــبــي يــا حــســيــن

*          *          *

كــالــوا إيــغــالــي عَـلَـي مـن حُـبـي إلـك       
مــــا دروا لـــولاك مــــا دار الــفـــلــــك
يــا أمــيــر ويــا مَــلــك مــثــلــك مـِـلـــك       
ربــنــه كـلـشـي انـطـاك والـعـافـك هـلـك

خـــدمـتـك جــن وإنــس بـيـهـه ايـتـبـاهــه         
يــا حــبــيــبــي يــا حــســيــن

*          *          ***

خـــادم الـحـسـيـن
✍الشاعر رعد الجريخي✍

بويه الغالي.. مذبوحه وتشكي المذبوح
رمحك عالي..واجفوفي اكصار ومالوح
يابوشفاف الذبلانات..ورم ضهري أمن الطكات
بويه الغالي
ــــــــــــــــــــــــــــــــــــــ
يبواليمه رقيه اني
زغيره وذبلت اغصاني
حر الهيمه سواني
زرع وامفارك الماي

تعبانه من طول الدرب.. والحادي ماعنده كلب
ابجي ولاهمه البجي..شلع امتوني أمن الضرب

يبن الزهره.. انزل مشتاقتلك حيل
آخر مره..شفتك بيهه ابنص الخيل

وآنه بعمر الفراشات ..ورم ضهري أمن الطكات
ــــــــــــــــــــــــــــــــــــــ
اباوع ماتباوعلي
اريدك بويه تنزلي
تطلع الشوك الابرجلي
وتمسح دمع الاعيون

محتاجه بويه الشبگتك.. وياك أخذني ابسفرتك
بعيونك آنه جاي احس.. عطشانه تطلع نظرتك

أمن اهد العاشر.. گالولي وماشارب ماي
ليش الحافر.. بايگ كل فرحه بدنياي
ياهنياله اوياك المات..ورم ضهري أمن الطكات
ــــــــــــــــــــــــــــــــــــــ
اخاف أمن الهوه ايجرحك
لو شيالك ايطيحك
للهامه وصل رمحك
جا شمسوي يحسين

مو گتلي راح انضل سوه..موچنه فراشه وضوه
صعدني يمك عالرمح.. يالشوفة اعيونك دوه

گلبي الهايم.. منك بس حنيه ايريد
مثل الصايم.. من ايتاني اهلال العيد
للجيه احسبلك لحظات..ورم ضهري أمن الطكات
ــــــــــــــــــــــــــــــــــــــ
اعله حظنك راسي عودته
حظنك هسه فارگته
ليل اليمر مانمته
بدونك كارهه النوم

يم الرمح مرات اجي.. بيديه اشبگه وانتجي
اغفه واشوفك بالحلم..بويه ويفززني البجي


يمك ابچي.. وماكتلي اشمالچ تبجين
شو ماتحچي.. شو ساكت صوتك يحسين
ساكت چاوين الچلمات..ورم ضهري أمن الطكات
ــــــــــــــــــــــــــــــــــــــ
اخيرا شفتك بنومي
تشم بريحة اهدومي
گلتلي للقصر  كومي
وهزي ابصوتج الشام

سمعوني بويه اهل القصر.. ابچي واريدك بس تمر
جابولي راسك منگطع..وأمن الطشت هب العطر

الله يساعد..عيسى اشلون إبلا اب جان
اگبالي الحاقد..يضرب ثغرك يالعطشان
وآنه اشكيلك بالدمعات..ورم ضهري أمن الطكات
ــــــــــــــــــــــــــــــــــــــ
يميت والطشت نعشك
اشحلاة الشيب الابرمشك
ملك وابداخلي عرشك
ملك وامسلب التاج

ايغارون منك يالابو..ايغارون منك جي حلو
عصفور ماجارح كبل.. بويه الجرح خدك منو

خل نتشابك.. وانحط انفاس اعله انفاس
مانتفارك.. مثل الرايه وجف عباس
خلص حيلي أمن العثرات..ورم ضهري أمن الطكات
بويه الغالي

محمد الجماسي

#اللهم_عجل_لوليك_الفرج

ما ينشم هوه الشام - الشام الشام
جــنه رماح وسهام - أسهام أسهام
أول مادخلـــنه - بهالديره أختـــنكنه
----------------------------------------------------------
1= ديره ولا عـرف بـيها - بس شمات أهالـــيها - وتـلكونه بحجار
كلمن كض حجر بـيده - يضربله طفـــل عيده - للــشيطان أنصار --
غـــير المحترك جـــدمه يضمدونه
شويه من الوجع خاطر يريحونه
مو من السطوح حــجار يرمونه
**
نسمع دكة طــــبول - طـبول طــبول
والمجتوف شيكول - شيكول شيكول
ردناكم يـــــــهلنه - بهالديره أخــتكنه






2= دخلنه بسوكهم نبجي - ويضربونه من نحجي - عدهم ضيمنه عـيد
حرمه لا ذت بحـرمه - من عـــــيونهم زحمه - غــير الستر شنريد
كـلمن فات بــيده لازم حـــــجاره
يشمرها عليــــنه ودمـنه يتجاره
ضعن وبكل محله شاعت أخــباره
*
منين نجيب عباس - عباس عباس
عــــنه يمنع الناس - الناس الناس
لمن طاح ضعنه - بهالـــديره أختـنكنه










3= كلمن فايت يباوع - صرنه جالطفل ضايع - عـــنه أهله بعيدين
المايــدري يكلوله - عن قصتـــنه يحجوله - هاي أعيال الحسين
هذا الـضعـــن ورجاله ذبحانهم
والقـصر الخليفه بنوك جــبناهم
مثل سبي العبيد أحنه سبيانهم
****
جبنه راس الحسين - الحسين الحسين
باوع عالرمح زين - أي زين أي زين
جاوين الكفلنه - بهالديره أختــــنكنه










4= مكسوره خواطـــرنه - كدام الـــــخلك صرنه - علايم مـــن الهموم
حادي الضعن وكفــنه - بسوك الناس تكشفنه - وحيل الحرم مهدوم
كــبال عـــيونه خلاهـــن رماحه
بيهن روس أهلنه الماهي مرتاحه
راس حسين كالساعه حجر لا حه
*
صحنه خويه يحسين - يحسين يحسين
أندارت صوبنه العين - العين العين
بالنار أحــتركنه - بهالديره أختنكنه










5= دخلنه القصر والوادم - وين الطاغي والضالم - ماعـــدهم حميه
من الخــــــجل دنكنه - وأحنه الحبل شــبكنه - روانه المـــــنيه
صاحو وين أخوتج صحت عباس
لو موجــود ما أخله ألك راس
ولا خلاني أطيح بـــولية الناس
*
جابو راس الحسين - ويلاه ويلاه
شفته وصبت العــين - ويلاه ويلاه
نادينه أنهضمنه - بهالديره أختـــنكنه
الشام - الشام
****
عبد الجليل المالكي

 قصة الراهب وراس الامام الحسين ع
.
.
.

الراس العالرمح يالعسكر منــين
شفت بوجــهه سـيماء الـنبـــين
كالو يالمســيحي هذا الحســين
ذبحناه    وسلبناه    وظعن اهله سبيناه

***

 
راهب والمسيحيه ابـنص شــــرياني تتــــدفق
تعاليــمي الالهيه اليـــســوع بخــلقــه اتـــــخلق
اريد اتــــطرق الـــحاله ولو محــتار شـتـــطرق
ليش شسوه راعي الراس ونحره بخنجر اتمزق
 
برمح مصلوب     بحجر مصيوب
ولحيته من النزف حمره
الوجهــه ذبلان     احس عطــشان
امـــبينه اشــفافه متفطره
 
اشفـافه اليابســات تحـــير العقول
يقرأ (أم حسبت)  تسحكه الخيول
سألت الشمر اشــر صـــوبه ويگول
سحگناه        وسلبناه         وظعن اهله سبيناه

***
 
بسم رب المسيحيه وبسم كل مـرسل ونوره
اكلمــكم ولو انـــتو عصـــابة قتل مأجـــوره
عن ديني الذي اتبــعه انـــقل الكم الصـــوره
حافــر دابة عيسى نـقدسه ونگصـــد انزوره
 
شنــو مــن امـه         بلا رحمـه
بذبح ابن النبي تفخر
العجب واعجب         سبي زينب
ليش بيا ذنب تــُأسر
 
الحادي بمــتن زيــنب لمــن يعيل
يامريم يطيح امن أيـدي الانجيل
سألت وجاوبو عن حامي الدخيل
غدرناه         وسلبناه          وظعن اهله سبيناه

***
 
سؤال اسألكم بذمــه النــسوه الـــهذا واليــهن
اذا عدكم عـداوه وياه وذبـحتو هنه شــعليهن
جدهــن مو نبي لو لا شعجب ياناس سابيــهن
شعجب عالنوگ يتلون وحبل مشدود بيديـهن
 
أيا عذراء        تره الحوراء
وخوات حسين مسبيات
بلا خوان         ولا ولــــيان
 وتــحدي بيهـن الشمات
 
صديت وشفت رجلين الازغـار
مچويات چي هذا الرمل حــار
سألت وگالي الــــحداي بالنــار
چويناه          وسلبناه            وظعن اهله سبيناه

***
 
اخذت الراس مـن عدهم ودخلت الدير بس حاير
غسلته وچان اكو بخده جرح من سحگت الـحافر
گـتله شيوجع يحســـين وهــاي بحـــالك شـصاير
يگلي الشام يوجـــعني زينـــب مـن تطــــب باچر
 
حچي المـــــذبوح       يـأذي الـروح
خصـــوصاً لوحچه اباخته
اعله طاري ام عون       جرن لعـيون
بچـه بس البـــجي ســكته
 
الحچي بيناتنه بس صوت الدموع
مابي حيل يحچـي الراس مكطوع
خلف الباب واحد گــــالي موضوع
حسيناه          سلبناه            وظعن اهله سبيناه

***
 
خلصت ليلة القــداس خلـــــصت لكــــن ابألام
وبعدها المعجزه الصارت واجب ادخل الإسلام
الدير يصير من باجر حـسينيه وعليــــها اعلام
الراهب چان بيــها اســـمه خادم صـــار للخدام
 
مجــرد يوم      وصــرت ملچـــوم
بصفات حسين ورسومه
الينوح سنين      دمه اعله حسين
ياهـــو اليگـــــدر يـــلومه
 
تره عيسى ابن مريم والله ياناس
يستــــسلم لونه شــــاف هالـراس
رغم كل هالحچي نادو الـــحراس
جرحناه            وسلبناه           وضعن اهله سبيناه
***
حيدر تركي الكربلائي


 

جابولها بطشت الذهب راسه
سابح بدمه وكاطع انفاسه
اتلكته بكلمة يا هله
يالفــاركتني بكربله
....1....
من سمعو بواجيها ... المسلوبة تراجيها
جابو الها راس حسين
صاحت يا هله بجيتك .... ليك اشتاكت ابنيتك
كل هالمدى غايب وين

ماجنك شهر غايب علي جن غايب ادهور
بوية اوداعت اعيونك عليك اكليبي مفطور
صارت من بعد عينك كل ايامي عاشور
لا تسالني عل الاحوال بعدك فاكدة النور

راحت اعيوني امن البجي راحت
والضحكه وياك بعجل راحت
وياك جنت امدلله
....2.....

فزت من حلم دافي .... ركضت وبجدم حافي
ياعمه تصيح الصوت
ابوي احسين اريدنه .... شوفي ما شبع منه
ااحضننه كبل ما موت

ياعمة السفر شو طال يمتى ايعاود الغالي
ماظل كل صبر عندي وتاليته الصبر تالي
ماعندي امنيات اهواي هو كلشي بامالي
احضننه كبل ما موت اشوفه كاعد اكبالي

ماعوداني اعله الهجر وينه
شهر انكضه ما لامسه ايمينه
زعلان مني ارد اسأله



....2....

وصل للظالم ابجاها .... كاللهم منو اوياها
كالو طفله ابوها اتريد
كلهم ودو راسه الها ... كالو خاف يكتلها
خلها اتموت كال يزيد

من شافت رقية الراس صاحت ياهله بجيتك
ليش ابلاية جسمك جاي وين اتنيم ابنيتك
يا عشك الله سابح ليش بدماك انه شايفتك
اخر شوفه الي وياك طول ابطول شابكتك

متغيره ليش ارسومك الحلوه
ابحالك يبوية الظالم اشسوه
ليش الشفايف ذابله
يالــفاركتني بكربله


....3....

نامت عالطشت تبجي.... جنها الماي ما تحجي
شبكت راس ابوها بنوح
ما حركت شي بيها ... زينب ركضت اعليها
لكتها امفاركتها الروح

ناداها علي السجاد عـــمه الطفله ارفــعيها
جف الموت اخذها ابساع ماتت من بواجيها
الله ايعظم اجرج كون ابدمع العين غسليها
وبراية كــمر هـــاشم كفيلج عـــمه غطيها

جانت اعز ما يملك حسيني
عمه ابدفنها فدوة عينيني
ونكتب وصيتها اله
يلفاركتني ابكربله
.......
تمت
......
موسى الخادم