حيدر نَفَسي و اصل ديني
و انواره سبب لِتكويني

روح الله علي و نفخ بيه
و بچفوفه اظن عجن طیني

انفاسي علي روحي علي و شمعة وجودي
نور الله علي و اَللّه حیالي ابنوره عودي

سبحان الهي الّي خلق حيدر ابنوره
تسبيحي علي ، ذكري علي و جنة سجودي

بس علي معشوقي
حبه دم اعروقي

ما اريد الجنه
هوَّ جنة شوقي

علي مولا علي مولا

*

ما عندي امير أبد مالي
بس عندي علي هو الوالي

عشقي الازلي علي مولا
و حروفه سفینة آمالي

اربابي علي و صوبه امد چف التماسي
و اليهوه علي اعتبره هلي و محسوب ناسي

رضعتني عشگ حیدره امي من گلبهه
عفيه ابوالدي المن حب علي شيّد لي ساسي

عندي حيدر كعبه
اشگد غني مَن حبّه

و الّي یعشگ حیدر
یعني یهواه ربّه

علي مولا علي مولا

*

الما عنده علي شقي و مغبون
والعنده علي غنيِّ الكون

الجنه علي و علي الايمان
و الغايه علي و علي المأمون

بچفوفه علي الدنیه و الاکوان و الاملاک
و بقبضته علم الجره عالناس و الافلاک

یوم الحشر اعلى الجسر الناس حياره
و العنده علي ما يستهم لن حيدر هناك

يعتنيه عنّايه
ايجيبه تحت الرايه

حاشه يترك حيدر
شيعته الوفّايه

علي مولا علي مولا

*

ظل گلبي يطب علي حيدر
كل نبضه علي علي تجهر

كل عمري فده العلي لا بل
فدوه لِشِسع نِعِل قنبر

تتوضه شموس العالم ابلمعة جماله
چن طاها علي. لَلّه اقترب فاز ابكماله

تشهد لعلي و آله شراسيف ضلوعي
صلى المستعان اعلى علي و طاها و آله

لن علي چن طاها
الله بیه اتباها

بالعلم و الایمان
فد نفس معناها

مولا علي مولا علي

*

خادم خدمة الحسين عليه السلام
ناصرآلبوعبید

احلی چلمه بذانی. علی علی 
عاصمة   آذانی.       علی علی 

علی شوقی و علی ذوقی 
علی اصبح معشوقی 

علی دنیه و علی مُنیه 
علی للایمان بُنیه 

علی معشوگ السمه. علی سلوةفاطمه 

حیدر ایمان الزهره  حیدر نخوةکل حره
حیدر اطهر کل قطره حیدر للظالم سطره 

«حتی الموت ایکع من سیفه2»

                                             *****
علی طاها بروحه. علی علی 
عَرِشْ اَلله ولوحه علی علی 

علی طاها  بی تباهه 
و بس اله الرایه نطاهه 

علی عیده الحرب بیده 
والخصم یخنگ وریده 

علی للکافرخصم    علی الْحق، ماینهضم 

حیدر حگ حیدر آیه   حیدرللمؤمن غایه
حیدر ائمن تچایه   وتحله بچفینه الرایه 

«وکل رایةْحگ امعلّیهه »2
                                           *****

یا هو چف الباری. علی علی
مْنِ الخطایا عاری.  علی علی

علی منوه. علی سلوه 
وعلی للاسلام قدوه 

علی شاره و باشاره 
کل حرب یخمد شراره 

علی لا ماینهزم.  علی خلاّس الزلم 

حیدر جبریل ایهابه  یوگف یسجد یم بابه 
یتمسک دوم اترابه   خلفه ایصلی بمحرابه 

«والحیدر یفرش جنحانه2»
                                             *****
علی نور الهادی  علی علی 
علی نبْضْ افّادی علی علی 

علی غافر   علی طاهر
علی الاول علی الآخر

علی قادر علی صابر
علی باطن علی ظاهر

علی عبدالله العلی،   علی اعلی کل ولی 

حیدر یاسین ابنفسه  والله الرحمن امقدسه
حیدر نافع کل درسه کل طاغی بسیفه مخرسه 

«حیدر سیف الله بچفینه2»
                                             *****
علی راعی الجنه. علی علی 
رحمةالله  منه.   علی علی

علی الاعظم علی الاعلم 
علی بین الناس احکم

علی الاعلی  علی مولی 
عگب احمد طاها اَوْلی 

علی هارون النبی.  رغم کل من ناصبی 

حیدر نور الکل طافی حیدر والد کل حافی 
حیدر یشفی ویعافی. حیدر للمومن کافی 

«حیدر یشفع شیعةطاها 2»
                                           *****
خادم خدمة الحسین ع 
ناصر آلبوعبید

في حق مولای الامام علی ع
❣❣❣
ابهوه حیدر بعدني اتنفسّ ومرتاح
هَوه غیره امنشمه تختنگ ریتي

نشنشت وکبرت وشفت حیدر صیت
چلّبت ابعباته وما نگص صیتي

ما گولن اعرف الدین عرض وطول
ولا للصره اخلي ادگدگ اللحیتي

عربي وما اخون ابملح یاری ابعوز
ولا بیعن ضمیری وتختلف نیتي

ولا چذب المرآیه واختلف بلرای
اگولن هذه گدهه وهذه الحبیتی

واحطن حد اله الیمزگ حچی التاریخ
الیظن یگدر یحجب شمسی واُمنیتي

عله طاری الشجاعه انلعب بل میزان
أیا چلمة صدگ چا وین ولیتی

الما دگتله کفه ابحرب مال الکبار
فشله وعیب اگولن بیض اللحیتی

علی الدنیه ابکبرهه اتصیح زلمة زین
امنطمن بختی سگفی ایطیر من بیتي

علی اشما زرته وارجع صوب بیتي الکوخ
من عطر الظریح اتفوح مزویتی

علي الثعبان والجن منه تاکل عیش
علی کعبة وجودی الحسن تربیتي

علی اشگد ما ارتاح الاسمه من انخا
حیّه وتنگلب علگاع عوچیتی

علی الحُبّه شرط سچین مو غربیل
علی ابأسمه اتفاخر تظل عربیتي

علی حلفة اهلنه احیاة ابوالحسنین
علی یمه صحت؛ واعکرت چفیتي

مابیعن علی ولا خون ملح الگاع
ولا دلال اصیر وانطي قومیتي
❣❣❣
مسعود الحاتمي

(مؤمن قریش)

قصیده في حق سیدی ومولای ابوطالب س
❣❣❣
وصفک یابوطالب راید احظوظ
لنک عم نبی وخیال منبر

غیرک یاهو ماخذ بت اسد عود؟
وصارت ام اسد!؟ غیرانته هزبر

عکس تربة المرقد؛؛ انته محراب
مو یاهو الاجه ویدناك یگدر

شفنه النار تالی اتخلف ارماد
ونارك خلفت لدین حیدر

وصَفتَک شِلِب یلطینتک خیر
لتاریخ بذرك جاب عنبر

المضیف ایرید ثگلک صار میزان
الخفیف ایگوم لو انته اتسّدَر

قضیه ادوخ افکار الموازین
والتاریخ بیهه اهوای قصر

خال المومنین امعاویه ایکون!!؟
الشمر خال!؟،امن الخوله انتعذر

*بعد بیتي العمومه المثلک اتصیر*
حمال الحطب منهه ایتکتر

یبو طالب الضدک ذیچ الایام
اکید اتگلی بل مرات یخسر

تره الحاقد عليك ایموت معذور
لئن شایل ابظهرك سیف عسکر

شلت حیدر علی واملوحة الهاك
عله ابنك بقه نوح ایتحسّر

الشمس ردهه واکید ایردله طوفان
او یکع السیل بیده القلع خیبر

❣️❣️❣️
یهیل و وادمك ما ترغب الهیل
ما حبوك الهه اتصیر قبله

چبیر و بلسمه اببختك یحلفون
بس الحبتك مولای قِلّه

یل بمزویتك امغطی المساکین
وابفیّك تنام ایتام ثکله

سهله الشده عندك تنگضي ابساع
بس حگ الله عندك موش سهله

یل ابگلب التحبك روض بستان
وابعین الخصم مولای نبله

یل مسیّ الوادم بل هله و خیر
مسیتّهم تمر اعلیك هَدله

تصح وادم اُمیّه اتعیش ویاك
وبعض وادم تعیش ابدور دهله

اکو بیهم تطم السالفه ابیر
وبیهم لا تدور اِعلیك زله

اغربل والصدگ طاح امنلعیون
وطلع علاّس حتی اخیال ضِلّه

قریش اعلیك مشرك صاحت؛اتگول
ابوطالب عدل ما چان عدله

ولا مؤمن قریش اتلّقب وفاز
ولا جرح الاسلام ابیوم شلِّه

ولا ربّه محمد سیّد الکون
من فارگ ابو والقیم هِلّه

بس النیته بیضه اتکرهه الگلوب
عمده اتخلیّ بی یا ناس خلِّه

ویا خلِّه وخللهم تارسه الگاع
وأنته البیهم الحطیت عِلّه

من خلفّت حیدر نزعوا اگلوب
وشبعهم علی للیوم ذله

غم تاریخهم ما ینصف الرای
صبخه اعگولهم وافکار فشله

عله المثل ابوطالب کون ینزار
وظریحه ینبني وبل عین یحله
🔗🔗🔗🔗
مسعود الحاتمي

في ولادة الامام أميرالمؤمنين عليه السلام

* * * * * *
 
ياأباالحسن
ياأباالحسن  
يامصحف الولايه
ياأباالحسن
ياأباالحسن  
يامنهــج الهدايــه
 
* * * * * *
 
نورك ألآهـي راده   من بيتــه أنبثاقـــه
ونشق جداره لجلك   ولسه بقى أنشقاقه
وبلغ رسولــه أحمد   حيدر كفــر فراقه
بسمك أنعلن                
بسمك أنعلن
ولينه بالبدايـه
ياأباالحسن
ياأباالحسن  
يامصحف الولايه

* * * * * *
 
الكعبه أبتسم ثغرهـا   لن بيها شع ضيائك
الهادي أبتشــر فؤاده   متلهـــف ألقائـــــك
أنوار الخليقه صفنت   مذهوله من بهائــك
لا لا ولــن                          
لا لا ولــن
مثلك يحيدر آيــه
ياأباالحسن
ياأباالحسن  
يامصحف الولايه

* * * * * *
 
كل مشرك بمجيئك   لونه نخطف يحيدر
يحس الاجل دنالــه   والهالسبب تكـــــدر
من الرعب تغيــــــر   وجـه الطغى وتجبر
أهل الوثن                    
أهل الوثن
أتعنتهم المنايه
ياأباالحسن
ياأباالحسن  
يامصحف الولايه

* * * * * *
 
من كل ملك أجالك   بيك أنبهـــر وأجالك
بيك أنفتن يحيـــدر   ذاب بحسن خصالك
من حكه مانلومـــه   لن هايـــــم بجمالك
في كل زمن                    
في كل زمن
حب ما إله نهايه
ياأباالحسن
ياأباالحسن  
يامصحف الولايه

* * * * * *
 
حب شيعتك تحبك   حب حير الخليقـــه
من تنظره خيالــي   بس جسدوه حقيقه
حبك عليه تسابــق   مهما صعب طريقه
ضدها الفتن
ضدها الفتن
يتحده البلايه
 ياأباالحسن
ياأباالحسن  
يامصحف الولايه

* * * * * *                           
سلام المشعل

ياهو صله الوحشه يا زينب عليچ
ياهو غمض عينــچ وسبل اديـــچ
حسين مگطوع النحر أبـــلايا چفين الگمـــر
**
يالعقيله منين ابدي آنه ابمصابــچ هالمسيه
يالعقيله وگبل يومــچ هــذا ضگتيها المنيــه
من مصاب الباب شفتي أول ممــاتچ
يالعقيله وبس محن خلصت حيــاتـچ
چم منيـه بيها مذبوحــه امنيــاتـــچ
شگد رخيصه الدمعه يالماكو بغلاتچ
يالحياتــچ لـــوعــه وهمــــوم ونحيـــب
مـــن زغـــر دمعـــة يتم حــــدّ المشيب
حسره وهموم وقهر أبـــلايا چفين الگمـــر
*
چم منيه شفتي من ساعة كسر ضلع الزچيه
چم منيه آه يــا حـــره بمصــاب الغاضـــريه
چــم منيه شــاف يـــا زينب دليلـچ
سهم گلب حسين وي طيحت كفيلچ
آه مــن ذيـــچ المنيه وحشــه ليلچ
لـــو رقيـــه النادت أبحسره دخيلچ
يــــا منيــه المـــرتــچ گـبــل الممــات
مــن نظرتي الحـــرم وسفـه امسلبات
أندار شوفـــچ للنهـــر أبـــلايا چفين الگمـــر
*
آه يزينب ادري اليموت الأهل تحضــر وفاته
آه يزينب وأنتــي دهــرچ عَــوّد أبكل ذكرياته
لا غمض عينچ اخــو آه يالغــريبه
ولا گمــر هاشــم يگلـــچ يالحبيـبه
گبل موتــچ بلله مــرت يــا مصيبه
حسين من طاح وبقت جثته سليبه
چـــانت امنيتـــچ يحضـــرون الابات
وعينـــچ أتصد الهم بحيــن المـمــات
ظلت ابالــچ صـــوّر أبـــلايا چفين الگمـــر

*

دمعه تجري ادري عمرچ صار من اجل الحبايب
دمعه تجري وأنتي تدرين الدمـــع ميردله غايب
بــالمنيــه ومــرت ابالـــچ مــنـاحــر
بالمنيه وشفتي اخــوچ حسين حاير
بالمنيــه امنيتــچ اتشـــوفينه حاضر
بالمنيــه مــاتــت ويــاچ المشـاعـــر
چانــت امنيتــچ لــوّن كلهــم يجـــون
وبــالمدامــع والنحيــب ايشيعـــون
لكن اشسوه القدر أبـــلايا چفين الگمـــر
*
امنياتچ چانت ابطف كربلـه أتصير النهــايه
امنياتچ من ضريح الگمر فوگچ تعله رايه
وما تمرلــچ ابـد لا يالحــره حيــره
ويم گمــر عــدنان گبــرچ يالاميره
وبعد مـا واحد يگول أنتـي أسيـره
لان وسفه الشام ظل ميت ضميره

تبقى زينــب صـــوت بالعــالم يصيــح
والها مبني بكــل گلب ثائـــر ضريــح
حتى لو صاح الدهر أبـــلايا چفين الگمـــر

*
الشاعر
موسى البديري

لزينب الناگه انحنت وراس الحسين التفت
حرك إشفافه الحنين وكال يختي
بياوكت زينب على الهزل صعدتي
..................................
راس الأخو فوگ الرمح باوعلج يازيب شافج
من الشمر جاب الهزل وگباله تصعديهن رادج
عالرمح راسه بس اتشوف عينه
يضرب بسوطه الشمر وتشاكفينه
صبن ادموعه ونزف دم من جبينه
وگال ابو فاضل يزينب هسه وينه
ينظر بجفج حبل وصاعده بنوگ الهزل
يختي جم ضيم العگب عباس شفتي
بياوكت زينب على الهزل صعدتي
.....................................
يخت الكمر والله وكت كالالج وتصب عيونه
فوك الذبح وكسر الضلع كدامج راسي يهزونه
يختي كلساعه الشمر كلبج يجرحه
يشيل راسي من الرمح يمج يطيحه
وفوگ ضيم العاشر وكل ذاكه صبحه
شفتي عبد الله جبير اعليه رمحه
وصحتي من كد الجرح راسه مو مالت رمح
وانا وي صوتج كمت اجري بدمعتي
بياوكت زينب على الهزل صعدتي
........................................
كوه اعرفت لمن شفت محنيه الظهر انتي إبمشيج
من الحرگ هذا الكبر لو هذا التل غير شكلج
بحرگت اخيمنه شفتي اشكد اذيه
يختي واشكد الجمر چوه برقيه
انظر النار كمت وازحف بديه
كاسره الخيل يخيتي اضلوع بيه
يختي والأكثر الم حافر يدوس السهم
جسمي حكج ماعرفتي من وصلتي
بياوكت زينب على الهزل صعدتي
......................................
يم الخدر يمدللت عباس وكل هاي اخوانچ
ويلوگ إلج هودج ذهب موش بهاي النوگ امجانچ
بياوكت خويه البشر طولج تنظره
وبين الأرجال يمشونج يحره
والشمر كل ساعه دلالج يفطره
لازم السوط ويجي بوجهج يشهره
ينادي يابنت النبي حضري روحج للسبي
روس أخوتج عالرمح وانتي بأسرتي
بياوكت زينب على الهزل صعدتي
......................................
درب السبي ماينحمل يالكافي اعليج انتي آلامج
راس برمح طفله بحبل راح يمشوهن كدامج
الله ليعينج يزينب يالحبيبه
طبت الشام تراويج المصيبه
فوگج اطبول تدگ وانتي غريبه
وبيها عباس تصيحي منين اجيبه
خويه وإتفوت الحرم بين ديره إبلا رحم
وانتي وايتامي بشوارعها انضربتي
بياوكت زينب على الهزل صعدتي
.........................................
بخربه النزل عكب التعب وبلا صوت اتصير البچيه
لمن يجي راسي إبطشت ياذيكم وإتموت إرقيه
ابنيتي رايح تعذبها الخرابه
زركه لمتون تنام اعله الترابه
والدي اتصيح علي طول غيابه
ارد اكله اشكثر متعذبه بابه
وارد اكله من الحرگ جفني ماظل ينطبگ
وزين مافوكاها ياخويه انتي متي
بياوكت زينب على الهزل صعدتي
.........................................

#الشاعر الحسيني
علي رحيم الزيرجاوي

شوط كربلائي

أزور السيدة الحوراء زياره من گلب والسان
بزيارتها الجرح يكتب حزنها اعله الزمن سلطان



توضيت بنهر جاري اوتعطرت بشذى العنبر
قبل لا انوي الزياره اعلى خدي المدمع اطشر
الزياره الما ترد الروح مِثل اليبرد امن الحر !

ازور الطاهره بواهس
من طب للحرب عابس
انافس كلمن اينافس

الحَمد لله اعله نعمتها بزيارتها الاجر طوفان



مِنَ اتوجه لمرقدها اشوفن بس مصيبتها
أرتل سورة الغربه واهيم بدرب غربتها
انوح او ألطم اجروحي إذا لاحتلي قبتها

وسف هيبتنه تتغرب
وعليها ابن الخنه يگرب
يريت انسب ولا تنسب

ويريت اتگطعت روحي ولا زينب تشوف أحزان



سلام الله اعلى اهل زينب وسلام الله اعلى طاريها
منْ شيعي يدگ عالراس إذا يسمع نواعيها
وسلام الله اعلى كل انسان عقد مجلس يواسيها

وسلام الله على الخدام
شما مرت عَلينه اعوام
قَبرها ايظل شَمس بالشام

يشع نوره اعلى دنيانه نوره من العلي الرحمان



اطوف او أقره بالمقتل مِنْ ظلت بلا خيمه
وكت ام الخدر ياناس تمشي ابوحشة الهيمه
سلام الله اعلى خاطرها الفلا شايف مثل ضيمه

ضيم الما تحمله اجبال
بعد احسين والكفال
صارت خيمه للاطفال

وسلام الله اعلى كل خطوه مشتها الخاطر العطشان



كل ما اقبل الشباك اشوفن طفها كدامي
اشوفنها بسمه احساسي تبوس المنحر الدامي
اذوب امن الحزن واحتار وارد ألتم جرح ضامي

المصايب كلها عاشتها
امن المولد لغربتها
مصيبة امها واخوتها

ومصيبة والد المذهب عليها ينزف الوجدان



قبل لا اختم ادعيلك الله يعجل بثارك
تدري باليصير اوصار يمته اتسله فقارك
يمهدي العالم ايندبك تعال واحنه خطارك

تعال وفرح الزهره
واجبر خاطر العتره
الگسر بس انت الجبره

يمهدي ابصوتك المملوح اشتهينه نسمع الاذان

**

سليم الغزالي

كعديه على طور ياليل طول ساعاتك لذكرى وفاة السيده زينب ع
ياموت عجّل شمتاني ..
مادام فاركت أخواني ..
والعيشه بلا خوان ..
دمعه ولوعه وأحزان ..
......................
من الزغر جانو أخواني همه روحي وأعز ناسي ..
ويه الأخو محد هضمني ولا زجر يجرح أحساسي ..
وأيدي ماشافت حبال وأبد مادنكت راسي ..
جان العمر كلش حلوو ..منا أخو ومنا أخوو ..
وصارولي من راح الأبوو ..خيمه وتفيي على راسي..
مايوم سالن دمعاتي ..
ولاعين شافت خطواتي ..
هيبه و فخر النسوان ..
دمعه ولوعه وأحزان ..
..........................
تعيش مهيوبه وعزيزه الأخت بوجود أخوهه ..
هم يسد سدة الوالد لأخته لو ميت أبوهه ..
يفدي جفينه وعيونه لو نواصب حاربوهه ..
بوجوده أبد ماتنضرب .. ولاتنسبي لديرة غرب
وميخلي دمعتهه تصب .. وعالهزل ماركبوهه..
مايوم واحد يدنالي ..
بوجود عباس الغالي ..
اليرهب كل العدوان ..
دمعه ولوعه وأحزان ..
..............................
كربله شيبت راسي والخدر راحت أيامه ..
بالمخيم نار شبت حركت أحلام اليتامه ..
آنه زينبكم وأنادي وين صرتو يالنشامه ..
من طاح شيال العلم ..وياه كل حيلي أنهدم ..
حلم الطفوله أصبح وهم .. وأنكسر جنح الحمامه ..
عباس طاحن جفينه ..
عطشان والنبله بعينه ..
بلا ماي ميرد خجلان..
دمعه ولوعه وأحزان ..
..................................
وأنه أطفي النار بيدي تبجي الأيتام وتنادي ..
وين ابو الأكبر يعمّه وين ريحانة الهادي ..
ووين أبو فاضل كفيلج كاسر خشوم الأعادي ..
شنهو السبب وتأخروو .. بحرك المخيم مادروو
عالغبره أخوتي أتطشروو .. وأحنه ضعنه بالبوادي ..
ناديت أخذوني وياكم ..
ماعيش لحظه بلياكم ..
مابين نار ودخان ..
دمعه ولوعه وأحزان ..
...............................
من كثر حزني على أخوتي شكد تمنيت المنيه ..
أشلون يتشتت شملنه والعمر عشناه سويه ..
أآه ياليلة العاشر وآآه من الغاضريه ..
حسين مكطوع النحر .. وعباس طايح عالنهر
للشام وبدرب الخطر .. مشت زينبكم سبيه ..
يحسين ليش تخليني ..
للموت ماتنشف عيني ..
عالخد حفرن نهران ..
دمعه ولوعه وأحزان ..
.....................................
هاي أحس آخر مسيه ويمي ملك الموت حاضر ..
يكلي يازينب أجيتج من الطفوف وآنه ناطر ..
شفتي بأرض الغاضريه خيل ودموم ومناحر ..
محد حضر من أخوّتج .. بالشام صارت موتتج
أمّده الدنيه الخلتج .. بلايه أخو وسط المكابر ..
بديار غربه يدفنونج ..
ونيشان باقي على متونج ..
منسياط زمرة سفيان ..
دمعه ولوعه وأحزان ..
...................................
حيدر مطر العبادي

آيـزيـنـب = شـفـتـي أهـوال الـمـصـيـبـه
آيـزيـنـب = أبـمـوتـتچ رحتي غـريـبــــه
لـلشــام مـسـبيـه مشـيـتي= وبـيـهـه مقـهـوره گظـيتـي
آ يــزيـنـب = آيـزيـنـب
&&&&&
يـالعـقـــيلـه = مـن الــزغـــر عـشـتـي المصــايــب
شگد ثگيله = بـعـدچ أتـعـيـشـيـن بـحضان الحبايب
بيـاوسيـلـه = گمـتـي تـختـاريـن كـلـفـات النـوايـب
والـعـليـلـه = أمـچ أبـكسـر الضلع بـيـد النـواصـب
آ يـزيـنـب = وانـتي الـوصـفـچ حيــدر أميــره
آ يـزينــب = تألـي وتروحين لـطـاغـي أسـيره
لـشـام رحتيـهه أعتـنـيتـي= وبـيـهـه مقـهـوره گظـيتـي
آ يــزيـنـب = آيـزيـنـب
&&&&&
جمره تسعـر= والگـلـب مـوجـوع نـيـرانـه تـــلـهـــب
يـاهـو يگـدر= هـيـچي يتـحمـل مصاب الصاب زينب
والـله منظـر= طـفلـه مـايـعـرف طبعـهه شلون تـلعب
الجرح يكبر= تـعـيــشــه لـيـلـيـه ومنــه تـثـغــــــــــب
آ يـزيـنـــب = شلـون لحظـات وگظـيـتـي أبـمـوتـــتـچ
آ يـزيــنــب = حنـت گـلــوب المــلـك لــمصـيـبـتـــــچ
الشــام جـرحــه مـانسـيـتي= وبـيـهـه مقـهـوره گظـيتـي
آ يــزيـنـب = آيـزيـنـب
&&&&&






يــاصــبرهـه= والجـبـل خـر أوسـجـد قـبّـل جـدمهـه
يـاأمـرهـــــه= حـيـر أعقـول البشـرراجـح فهمهـــــه
هـذا سرهــه= مـنعـرف مجـهـول يـاسـرهه وعلمهه
يـاأسمهـــــه= من الـلـه رب الكـون هالنازل اسمهه
آ يـزيـــنـب = صـبـرچ المحـد گـدروالـله يجيـبـه
آ يـزيـنـــب = انـت لـلـزهـره يمظلومه حـبيـبــــه
لـشـام ماأظنـچ نســيتي = وبـيـهـه مقـهـوره گظـيتـي
آ يــزيـنـب = آيـزيـنـب
&&&&&
الـهـه راحـت= بـلسـبـي شـافقـت ألـم شـافـت مآسـي
بيـهـه مـاتـت= مـن بـعـد غـربـه وبعـد ظـلت تقاسي
يمهه حنــــت= مـن رقيـه هـنـاك مـوتــتــهه تـواسي
شكثر عنــت= هـمهـه هـد أجبـال جبـاره ورواســي
آ يـزيـنــب = هظمـچ ايبـچـي أبـالم جرف النواظر
آ يـزيـنــب = حـزنـچ ألگلـبـچ وفـه وهـو يعـاشـــر
لـشـام تبنيـهه أجيـتي = وبـيـهـه مقـهـوره گظـيتـي
آ يــزيـنـب = آيـزيـنـب
&&&&&
عيـون تـدمـع= مـن وره التـابـوةت شـفناهـه تســيـل
نـور يسطـــع= للســمـه وانـوار مـن عـنـده تهــــيـل
شلـون يرجـع= والشمـر يـم الگـبـر واگف يـعيــــــل
هـذا مصـرع= بـديـره غـربـه والـگلـب ذايب عليـل
آ يـزينــب = المـوت حـق وهـالاجــه بـعـد السـبي
آ يـزينـــب = وانـتي بـت الجـود بت اشرف نبـــي
لـشــام بدمـوعچ شـريتي= وبـيـهـه مقـهـوره گظـيتـي
آ يــزيـنـب= آيـزيـنـب
&&&&&
نسـالكـم الدعـاء خادم الحسين ع
الحاج ابو اياد البيجاوي

مـن زغـري أعـرف = يايمه بالطـف
شـلتـي الوصيه = يالهاشميه
يايمه بالطف = يالهاشميه
&&&&&&
زينـب الشالـت أمـانـه = مـن زغـرهه من الزچيه
اربع سنين أو عـمرهه = گـلي تحـمـل يــاوصيـــه
يـمـه بـاچر ياعقيلـــــه = يـمـچ أتحط الـرزيــــــــه
يـمه يالطف أبـجمعـهه = تـنـجمع كـل آل أمـيـــــه
وأنـتي الحبيبـه = وحـدچ غـريبـه
آخ أشــأذيـــــه = يالهاشميه
يايمه بالطف = يالهاشميه
&&&&&&
حضرت الزهـره المنيه = وانتي يمهـه تشوف عينچ
حفرت آثار المــدامــــع = يــاهـــو يـمـچ واليعينـــچ
يمه گومـي يالحنينـــــه = أنتي بيـچ اينور بيتـــــــچ
يمـه گــتـلچ آ يزينـــب = كمـلـــي يمـه وياي زينچ
عندي أمانه = يـاروحي آنـه
وأنتي الابيه = يالهاشميه
يايمه بالطف = يالهاشميه
&&&&&&
يمه لـوشفــتي عزيــزي= بكربله أو مامش عضيده
قبلي صدره وشمي نحره= هـذا أمـري وآني أريــــده
صدره يايمه أيـتـهشـــــم= صـواب ضلعي هم يعيده
وعالنحر سيف الظـلالــه= ودمه ينـزف مـن وريــده
من كسري كسره = ياهـو اليجـبره
بعـده سبيـــه = يالهاشميه
يايمه بالطف = يالهاشميه
&&&&&&
يـمـه يـايـمـه يــزينـــب = عنـدي يمـچ هـالامـانــه
يمـه من يحضر كـفـيلچ = يحضر أبعهـده أو أوانــه
منـي بلغيـلـه ســلامــي = وگـلبـي يهـديلـه حـنـانه
هـو أبـن أمـه الوفيـــــه = وحـبي يلهـج بي لسانــه
كبـش الكتيبـه = أبـن الحبيبــه
لامـه الحنينـه = يالهاشميه
يايمه بالطف = يالهاشميه
&&&&&&
مـن بعـد أمـچ يـزينـب= أنـي شلـتي هـالرسالـــه
بـكـربلـه وشفتي مظـالم = مـن عرب كلهـه نـذالـه
وأبـرغـم كـل الـرزايـــا= وگفـتچ چـانـت بســـاله
انذلـت أرگـاب أبـكلامچ= أوذلـت أيزيد أو رجاله
أنتي الاصيلـه = وانتي الكفيله
يـافـاطميـــــه = يالهاشميه
يايمه بالطف = يالهاشميه
&&&&&&
اربع سنين أو عـمرهه = گـلبي يـحمـل يــاوصيـــه
يـمـه بـاچر ياعقيلـــــه = يـمـچ أتحط الـرزيــــــــه
يـمه يالطف أبيجمعـهه = تـنـجمع كـل آل أمـيـــــه
وأنـتي الحبيبـه = وحـدچ غـريبـه
آخ أشــأذيـــــه = يالهاشميه
يايمه بالطف = يالهاشميه
&&&&&&
خادم خدام الحسين عليه السلام
الحاج ابو إياد البيجاوي

گعــديـــه( على طور شلون ليله) حمزه الزغير
هـاي زيـنـب وضحـت دعـوة أخـوهـه = والقضـيـه أتـبـيـنـت لمـن ســـبـوهــــه
وگفـت ويـه حسـيــن ولحـد المـمــــات= هـــاي أخـــت عبـاس أم التـضـحيـات
لبـوه مـن حيـدرخـذت كـل الــدروس
&&&&&&
شـرد أسـولـف عنـهـه واحـچي= تـعـجـز الاقــلام تـــكتـــب
دره مكــنـونـه مــن ابـوهــــــه= مــن الجـواهـرهــي أرتـب
مـن الـزغـر شــالـت مــآســـي= ولاشـكـت لايوم تـعـتـــــب
مـن هـي طـفلـه أتحمـلــت = بالـظيـم هــي أتشــملــت
رغـم الهظـم هـي عِلـــــت = كـل طــغـات الدهرترهـب
شـلـون حـره أتحملـت كل المصايب= وشافـت من الزغر سود الـنـوايــب
مـن أبـوهه أتـعـلمـت هـاي القـضيـه= زيـنـب الحـره العقيلـه الهـاشـميــــه
لبـوه مـن حيـدر خـذت كـل الـدروس
&&&&&&
جـدهـه چـان أول مصـيبـــه = حطـت أبـيــت الـرســالـه
ومن بـعـد تتوالـه المصايب = راحــه مـاشـافـت محـالـه
وشـبـوا النـار أبـحقـدهــــــم = ودفعـوا البــاب الــنـذالــه
ابـسمـار صـابـوه الضلـــــع = الـخـدود حـافـرهه الدمع
چـم مـره منـهـم يـنـصـــدع = والـگلـب مـن دم بـچـاله
يـامصـيـبـه تفوتـهه وتسحگ عليهه= زايـد أعلـه حسـين من الله بچيـهه
تـعـايـن الظلام حرگوهه الخـيـــــام = لاأمــل ويـعـود يمهم هـالســـــلام
لبـوه مـن حيـدر خـذت كـل الـدروس
&&&&&&
عـاشـت ويـه الحسـن زينــب = بـالـدمـع وتـشـوف هـظمــه
أصحـاب عنـده تعيش يمــــه = وبـالخـفـاء اتبيـع دمـــــــــه
گلـوب ضـده وسـود چـانــت = وبـالحسـد مـوجـوده يـمـــه
وانـوب سـمــوه الچبــــــد = لحسـيـن بعيـونـه يـصــد
يـاخـويـه مو زينب تــــرد = ومـايـريـد أتشــوف سـَمـه
والطشـت أخفيـه مـاريـدن تشوفـه = حـالـي صعـبـه وترتعب وتعيش خـوفه
هـاي زينـب تـشعربكل اللي صـار = وخـوف خـويـه يصيرمن عنده انهيـــار
لبـوه مـن حيـدر خـذت كـل الـدروس
ابكـربـلاء اهـوال شـافـــت = وشـافـت أرمــاح وسـيـوف
وبالخيـام النـار تـلـهـــــــب = ويـمهـم الـزمـره تـطـــوف
وعالنـهـر شـافت أخوهـــه = أمگـطـعه منـّـه الچـفـــوف
وبـعيـنـهه تشوف الشمــر = متعـلي صـاعـد عـالصـدر
وحسـيـن شـافت يـنحــــر = عيـون زيـنـب هـالتـشوف
صـاحـت بصوت أنخمـدمن الرزيه = هـذا ابـو اليمـه بقه فوگ الوطيـــــه
شـلـون اشوفه ياالهي بهالهجيـــــــر= وآنـي مـسـبـيـه اعـوفـه يـاضمـيـــر
لبـوه مـن حيـدر خـذت كـل الـدروس
&&&&&&
مـن مشـت لـلـشـام زيـنـب = رايـه شـالـت بأ سـم أخـوهـه
تصـوروا همـه ابسـبيـهـــم = هـي وعـيـالــه ســبـوهـــــــه
هـاي أخـت عباس وگفـت = وگـفـه مـاظـنـهم نـســوهــــه
ذلــت يــزيـد وزمــرتـــه = لـلـگــاع يــنـزل خـلــتــــه
ويــه أبــــن أخـوهه ذلتــه = وگـفـه مـن حيــدر أبــوهــه
سجـل التأريـخ ليهـه احسن كرامـه = كـل نسـاء الكـون شـالتـهه عـلامـه
والـزلـم ظـلــت تعــدهه المكرمات = مـن أبـوالبـاقـرخـطـب والصالحات
لبـوه مـن حيـدر خـذت كـل الـدروس
&&&&&&
ومـاهـدت ظـلـت تـقـــاوم = وتــنــدب حسـيـن بـعمـرهــه
منـهه ضـاگـت هـالمدينــه = ومـا نـفــع عـدهـم زجـرهـــه
الـزمـره گـامـوا طلعوهـه = أتـحـيـروا همـه أبـأمــرهـــه
لــلشــام ردوهـه واجـــت = مـاطـولـت بيـهه أوگظـــــت
قبـلـة مـزار أتـحـولــــــت = مــرتـفـع لـيـفـوگ سـرهـــه
والشـبـاب الــيـوم وأتـدافـع عليــه = تــنـزف دمـاهـه أبـكـرامـه وتـعتـنـيـهه
بالضريح أتشم عطرهه ومايروح = بـكــل شـفـاه البـاسـتـه هــو يــفــــــوح
لبـوه مـن حيـدر خـذت كـل الـدروس
&&&&&&
نسألكم الدعاء
الحاج ابو اياد البيجاوي

لو يرد بيه زمان
وبوفاتج حاضر اني
برايتي ودمعة حناني
يزينب يزينب
++++++++++++
الناعي اتصوره لو جاني ينعه
ماتت زينبك عباس اسمعه
اگوم وعالوجه اخذلي وگعه
مفرع حافي اركض كلي دمعه

بركضي اعثرحيلي مختل
يشبه اصعودچ عله التل
حاير وفگدچ دهاني

يزينب يزينب
+++++++++++
بصوت الماله غيرچ رحتي عنّه
اعله نعشج راح اون شلون ونه
دمــع عباس زينب ماكو منّه
بي طعم الوفه وريحة محنّه

دمعت الكافل چبــيره
ابگد جرح ذيچ المسيره
امخيمچ جمره چواني

يزينب يزينب
+++++++++
الميته وناس غربه ايشيعوها
عليها اثار من چلمه الحچوها
عن اجنازة اخته وين اخوها
بعيده اطفوفهم يمكن نسوها

كون ارد ابعمري ليله
نعشچ اعله متوني اشيله
فكري يم گبرچ خذاني

يزينب يزينب
++++++++++++
اعليچ امن النهر چانت نظرتي
انتظارچ كسّر ابگلبي حسرتي
ابگد دعواچ وشگد انتظرتي
اعله نعشچ رايد انحبها عبرتي

غالي دمعي وما ابالي
بس الج مايبقى غالي
كلشي بغيابچ يعاني

يزينب يزينب
++++++++++
حزينه واضــح بوجهچ عذابچ
اعــرف وين يتجسد مصابچ
لا باقــي ولد يورث ثيابــچ
عدمن ضل حرز زينب حجابچ

البي عطر اختي الاميره
وفوگه اثر لوعة اسيره
وبي امل حرمه تتاني
يزينب يزينب
+++++++++++

ثائر الربيعي

هاي الجنازة منين يا شام ؟
حاچيني تشبه ذيچ الخيام !!

***************

بس گلي هاي شلون ومنين ؟
تابوت فوگه خيام الحسين
هذا العلم ؟ اي ذني چفين
ها هاي زينب چا علي وين ؟

شو بس دموع بعين الايتام
حاچيني تشبه ذيچ الخيام

*****************

يا شام ماتت والنعش فات
مو مره وحده وياك مرات
تذكر ؟ نسيت ؟ شكثر لچمات
يا شدة الراحن اسيرات

طبت قصركم چنهه الاعدام
حاچيني تشبه ذيچ الخيام

******************

اعلن حداد اودنگ الراس
هاي الجنازة لأخت عباس
مات الورد واستشهد الياس
يا ناس ماتت وسفه يا ناس

گلب الحسين لأخته محتام
حاچيني تشبه ذيچ الخيام

******************


هذا النعش محتاج الاحباب
عطلو الجنازه ابعتبة الباب
عباس ارجع طال الغياب
وسدهه بيدك هيل التراب

فوگ الگبر خل چفك ونام
حاچيني تشبة ذيچ الخيام

******************

چا وين اهلهه اوين الاخوان ؟
دمع الغريب ايطيح بردان
هاي الجنازة تريد ذرعان
كون الكفيل ايصير دفان

يحضرهه اخوهه بهاي الايام
حاچيني تشبه ذيچ الخيام

************

زينب جرح من أمها للموت
مو دنيا عاشت چنهه تابوت
فگدت اهل واخوان وبيوت
كثر البواچي أيموت الصوت

ميته ودمعهه يسولف آلآم
حاچيني تشبه ذيچ الخيام


كلمات خادم زينب
رعد الفريجي
24/2/2021 الاربعاء

عباس هذا وحيدر يسمونـــــــه

**********************

گالو عــلــــــــي رد اردود
عباس من شــــــال الجود
من الخوف ما تلكى جـنود

راواهم اسلوب الحرب وفنونه
عباس هذا وحيدر يسمـــــونه

*******

ما حددو ياهو الصــــال
عباس هذا الخـــــــــيال
لو رعب لو هاي جـبال

هجمت عليهم رادو يمـــيزونه
عباس هذا وحيدر يســـــمونه

*****

مثل الشمس شايل سيف
مثل الحلم مثل الـــــطيف
يا برد يا حر الصـــــيف

ابن الرسول الطاهر يعرفونه
عباس هذا وحيدر يســمونه

********

ما ظل بعد عــدهم راي
لو همه لو جود المـاي
عباس ما يرضى بهاي

گص الركاب شحدهم يمنعونه
عباس هذا وحيدر يسمــــونه

******

گدامه ما يصمد جــــيش
مات البرز لا ميــــعيش
گص الرگب تعرف بيش ؟

بالصوت طيح روسهم يدرونه
عباس هذا وحيدر يسمـــــونه

******

عده الحرب مثل العيد
علكفر صــولاته اتزيد
صاحو دخيلك مــنريد

من الموت خافو كلهم وينخونه
عباس هذا وحيدر يسمــــــــونه

*******

يابو الفضل يا عبــــــــاس
جيش العدى بخوف انداس
محـد رفع منـــــــــهم راس

شافو خيالك رادو يفهمونه
عباس هذا وحيدر يسمونه

كلمات خادم الحسين
رعد الفــــــــريجي

ياهو صله الوحشه يا زينب عليچ
ياهو غمض عينــچ وسبل اديـــچ
حسين مگطوع النحر أبـــلايا چفين الگمـــر
**
يالعقيله منين ابدي آنه ابمصابــچ هالمسيه
يالعقيله وگبل يومــچ هــذا ضگتيها المنيــه
من مصاب الباب شفتي أول ممــاتچ
يالعقيله وبس محن خلصت حيــاتـچ
چم منيـه بيها مذبوحــه امنيــاتـــچ
شگد رخيصه الدمعه يالماكو بغلاتچ
يالحياتــچ لـــوعــه وهمــــوم ونحيـــب
مـــن زغـــر دمعـــة يتم حــــدّ المشيب
حسره وهموم وقهر أبـــلايا چفين الگمـــر
*
چم منيه شفتي من ساعة كسر ضلع الزچيه
چم منيه آه يــا حـــره بمصــاب الغاضـــريه
چــم منيه شــاف يـــا زينب دليلـچ
سهم گلب حسين وي طيحت كفيلچ
آه مــن ذيـــچ المنيه وحشــه ليلچ
لـــو رقيـــه النادت أبحسره دخيلچ
يــــا منيــه المـــرتــچ گـبــل الممــات
مــن نظرتي الحـــرم وسفـه امسلبات
أندار شوفـــچ للنهـــر أبـــلايا چفين الگمـــر
*
آه يزينب ادري اليموت الأهل تحضــر وفاته
آه يزينب وأنتــي دهــرچ عَــوّد أبكل ذكرياته
لا غمض عينچ اخــو آه يالغــريبه
ولا گمــر هاشــم يگلـــچ يالحبيـبه
گبل موتــچ بلله مــرت يــا مصيبه
حسين من طاح وبقت جثته سليبه
چـــانت امنيتـــچ يحضـــرون الابات
وعينـــچ أتصد الهم بحيــن المـمــات
ظلت ابالــچ صـــوّر أبـــلايا چفين الگمـــر

*

دمعه تجري ادري عمرچ صار من اجل الحبايب
دمعه تجري وأنتي تدرين الدمـــع ميردله غايب
بــالمنيــه ومــرت ابالـــچ مــنـاحــر
بالمنيه وشفتي اخــوچ حسين حاير
بالمنيــه امنيتــچ اتشـــوفينه حاضر
بالمنيــه مــاتــت ويــاچ المشـاعـــر
چانــت امنيتــچ لــوّن كلهــم يجـــون
وبــالمدامــع والنحيــب ايشيعـــون
لكن اشسوه القدر أبـــلايا چفين الگمـــر
*
امنياتچ چانت ابطف كربلـه أتصير النهــايه
امنياتچ من ضريح الگمر فوگچ تعله رايه
وما تمرلــچ ابـد لا يالحــره حيــره
ويم گمــر عــدنان گبــرچ يالاميره
وبعد مـا واحد يگول أنتـي أسيـره
لان وسفه الشام ظل ميت ضميره

تبقى زينــب صـــوت بالعــالم يصيــح
والها مبني بكــل گلب ثائـــر ضريــح
حتى لو صاح الدهر أبـــلايا چفين الگمـــر

*
الشاعر
موسى البديري

#نزله... لمولاتي زينب عليها السلام

خدامچ يازينب
خدامچ يازينب
..................

احنه خدامج يبت حامي الحميه
والله ما ننساچ ياروح الزچيه
عكب احزان الليالي الفاطميه
تحزّمينه لليالي الزينبيه

خدامچ يازينب
خدامچ يازينب
..................

بسمچ نقيم المجالس والمواكب
رغم انف المارضه وانف النواصب
شيعتچ مولاتي ما نخشه العواقب
فدوه فدوه ارواحنه يمّ المصايب

خدامچ يازينب
خدامچ يازينب
..................

كل گلب بجروحچ الماتشفه مجروح
شلون شفتي حسين عالتربان مطروح
شلون عندچ حيل ظل والحيل مذبوح
حگه يامولاتي زينب گلبچ ينوح

خدامچ يازينب
خدامچ يازينب
..................

واهمين الصاحو بأسمچ اسيره
انتي ما ذلّيتي لا عشتي اميره
نقسم بحامي الظعن بدر العشيره
احنه خدامچ نظل طول المسيره

خدامچ يازينب
خدامچ يازينب
..................

انتي يامولاتي نور الله وحجابه
ياشبيهة حيدر بعلمه وخطابه
من تحدّيتي يزيد بكل صلابه
مو اسيره مگبّعَه بعزّه ومهابه

خدامچ يازينب
خدامچ يازينب
..................

گلتي كد كيدك يبن هند اللعينه
احنا الله ويانه ما تگدر علينه
صح لسانچ والله يانبعة نبينه
ماتو وانتي بقيتي يالحزينه

خدامچ يازينب
خدامچ يازينب

#سيد_زيد_الفحام
________________________________

السلام على ام المصائب زينب عليها السلام

ياريته لا طال العمر. بفراگ اخوتي
تابوت صارت دنيتي وتمنّه موتي
اتهنّه هيهات
اگضيها دمعات وتمنّه موتي
..................

گضت ايام اخوتي وظلّت ايامي
عشتها بدمعتي وجروحي وآلامي
ذبحو كل اخوتي واهلي گدامي
وخويه حسين شفته موذر ودامي

مذبوح شفته عله الثره ذيج المسيه
ودّوس صدره بلا رحم خيل ال اميه
ايامي مأسات
اگضيها دمعات وتمنّه موتي
..................

كتنّي فراگ اخوتي وجمرة الفرگه
بدخّان المخيّم روحي مختنگه
احسب لحظه لحظه لساعة الملگه
كل يوميّه اموت واحية بالحرِگه

آنه العشت بين اخوتي عيش الاميره
ما حسّبت من كربله. اطلع اسيره
طول المسافات
اگضيها دمعات وتمنّه موتي
..................

تطيب جروحي كلها إلّا جرح الشام
سل روحي وهضمني بطيلة الايام
صرت للناس فرجه والعيون سهام
تنظرني بشماته عيونها الظلام

تمنّيت اموت ولا اطب ديرة شماته
ولااسمع حسين انچتل جابوا خواته
اصعب الشدات
اگضيها دمعات وتمنّه موتي
..................

اذكر من دخلت الشام اذّوني
تمنّيت المنية ولا يشوفوني
مچتوفه بحبل عالناگه چتفوني
تلگّوني بشتم وحجار يرموني

بالسوگ من طب الظعن مچتوفه اديه
اسمـع يصيحون بحقـد. شتمو السبيه
ذيچ المعانات
اگضيها دمعات وتمنّه موتي
..................

عكب ذيج المصايب جيت ياموتي
بعد مهنو اليجيني يشيل تابوتي
اصيح بغربتي ومحّد سمع صوتي
شخلّتلي المصايب هدمت بيوتي

زينب عكب ذاك الشمل. امست غريبه
ياهو اليشيـل جنازتي هاي المصيبه
بالغربه حسرات
اگضيها دمعات وتمنّه موتي
..................

لا عباس يمي ولا ابواليمّه
نعشي بلا اخوتي ينرفع زحمه
عليّة جروحي والآلام ملتمّه
زينب آنه ملچومه بالف لچمه

هالليله ميته ومُنيتي كلكم تجوني
تحفرون يخواني الگبر. وتشيّعــوني
ليلة مُنـاجــــاة
اگضيها دمعات وتمنّه موتي

#سيد_زيد_الفحام
_________________________________

مصاب ام المصائب زينب عليها السلام

گبل لا تصعد لسابع سمه بروحي
يملك الموت بالطف مرني بجروحي
.............

يملك الموت مرني بكربله الليله
ازور حسين اريد واگعد احچيله
عن ضيم السبي ومأساتي اشكيله
انوح بكتره بلكت يستمع نوحي
.............

يملك الموت روحي لروحه مشتاگه
ما متعوده عيشن ساعه بفراگه
احسب لحظه لحظه يمته نتلاگه
چنت مثل الجبل ونهدمن سفوحي
............

يملك الموت عنّه هواي بعدوني
اخذني وخل يشاهد حالتي ولوني
بعد ماشوف ومصابه العمه عيوني
كلشي بزينب لصوب الاخو يوحي
...............

آنه ام الخدر زينب نحل جسمي
من كثر البواچي ومحنتي وهضمي
صار ام المصايب والحزن اسمي
وسفه بلا اخوتي ينحمل لوحي
...............

اخذني لكربله لحسين ابواليمّه
مشتاگه اشكثر ابچي وأون يمّه
آخر شوفه شفته مخضّب بدمّه
اموت بكربله وبچي عله مذبوحي
................

يملك الموت گلّي شأخّرك عنّي
رتّك ساعة السلبو خدِر منّي
اموتن گبل اخوتي ولا يشوفنّي
نظرات الشماته العذّبن روحي
.................

ابعدني الدهر عن اخوتي الطيبين
عن عباس اخويه وعن حبيبي حسين
اخذ روحي يموتي وغمض العينين
ويدمعات المصايب عالوجن فوحي
..................

يزوّار الحبيب حسين واسوني
بضريح حسين اوصيكم تذكروني
روح بكربله كل جمعه تلگوني
وبالشام انبنت للآخره اصروحي

#سيد_زيد_الفحام
_______________________________

#نعي..... لمصاب ام المصائب زينب عليها السلام

زينب من وطنها هجّروها
للشام ياوسفه ابعدوها
ظلّام امية الـ عذّبوها
بيد المصايب سلّموها


سلّت يويلي من حزنها
بدموعها اتجرّح جفنها
كثرن مصايبها وعمنها
ماتت الف موته اظنها


جاها الأجل مو بالمدينه
بالشام موتتهه الحزينه
دفنوها بالغربه الامينه
تمنّت يودّوها الحنينه
لحسين ولحامي الظعينه

#سيد_زيد_الفحام