دمعك تارس العين عالزهره يبو حسين
كوه تجر الانفاس حزنك شيب الراس
.............

مهضوم .. ياحيدر بعد ماضنهه تنشف دمعتك
ملجوم .. وبگلبك يبو الحسنين صارت كسرتك

كسر الكلب ماينجبر
وعلغالي شيفيد الصبر
راحت ام بيتك ياعلي
بلا فاطمه تكضي العمر

شتتحمل يمولاي هاي ام الحسن هاي
خمدت منهه الانفاس حزنك شيب الراس
.............

شتشوف .. وبعينك الدنيه الليله صارت مضلمه
ويلاه .. طفو شمعت سنينك يحماي الحمه

ما انصف وياك الزمن
هليله ودعت الوطن
حيلك يبو الحيل انهدم
والتمن اعليك المحن

ضلت زينب تنوح وماتتحمل اجروح
امهه واغله هالناس حزنك شيب الراس
..............

بالعين .. للزهره صور عد زينب بوسط الجفن
مكتوب .. بكل صوره استعدي للهضم يم الحزن

ياعلي زينب والدمع
قصت النار اويه الشمع
من هل عمر لاخر نفس
گلب العقيله منفجع

الراحت امه يايوم منه تروح الهموم
تشعر هذا الاحساس حزنك شيب الراس
...............

اولاد .. عندك ياعلي بلا ام صفو هذا المسه
يردون .. شوفت فاطمه وكعدتهه ابد ماتنسه

راح الحنان ومايرد
وذابل على فراكه الورد
لاموسهل والله وصعب
اصبح عليكم هل بُعد

لمن دفعو الباب راحت اغله الاحباب
مصابك صعبه ينقاس حزنك شيب الراس
............

بوداع .. فاطم ياعلي حزنك يضل طول العمر
مايوم .. تنسه ام الحسن والضلع ذاك المنعصر

ذكره تضل ذكرت الم
جن ضلعك الليله انهشم
يابو الصبر حته الصبر
كل ركن من عنده انهدم

بحيره وحسره ضليت وي فاطم تمنيت
تذبل ذبلت الياس حزنك شيب الراس


#محمد هادي العقابي

كل عام اليمرني وآنـته جرحي
واسولف بيك عالوادم
كل عام اليجيني وانه اخدمك
كبرت وانه الك خادم

الماعنده دمـــــــــع وياك
بس اتغربـــــــــله ينساك
كون الحب شرط بالعين
اشلعهه واگـــــــلك هاك

دارت سنه وچـــــــــم ليل آتغير
وبينه العشگ ضــــل ثابت اكثر
حبــــــــك هضمناه واشگد غزر
بياراحـه اعيش وجسـمك بالبر


دنياي العشتهه وكـــــل حياتي
اضل مديون لخيامك
محرم يخلص ويبــدي محرم
وانه ابواهــس ايامك

مشغول بجرح عــــــاشور
عايش عيـــشت المكسور
عالحرگت خيــــــامه النار
لو مات اليحـــــب معذور

يابو رقية امنـــــــــــــين ابديلك
كل السوالف مـــــــــــــا تكفيلك
ازرعني دمعه ابليــــــل ابچيلك
حيلي وخدمتي فدوه الحــيلك


اجدد عشگي الك واعـــلن ولائي
اذا شاء الله خــــــلاني
حدر في الخدامـه ابقى انتمائي
عهد من گلبي والساني

محله العشره كون اتدوم
بين اليخدم ومخـــــدوم
ليش ابهــــــمك انه ارتاح
اريد اترس دليلي اهموم

اعمه الگلـــــــب ومصابك دربه
واشفه بعزائك مثــــــــل التربه
شفت اليحب محــبوبه ايذوبه
وانته الخذت كل گلبــي وحبه


حزن روحي انكتب وانه الهويته
اشعلي بالناس من تفرح
الفرح مالايگ اعلــــــــــيه لگيته
مصيبة كربـــــــله تجرح

طفك مــــن عرفته احزان
تله وخيــــــــمة والدخان
لحد يعترض عـــــــالنوح
شفرح وانـــــته عالتربان

عفت البشر مـــــــن يوم الشفتك
رايد زلـــــــــــــم تبچي بفاتحتك
منهه وعرفت الصــــــــاير بختك
ويلي اعله زينب مـــــــن عافّتك


#شاكر الصيمري

محبوبي يامهدي محبوبي يامهدي
0000000
كل حب اشوفنه جذب بس انت الحبك صدك
حبيتك من اول نفس يامعنى الحب والعشك

حبيـــــــتك خليــــــــــتك صوره ابالي
ارخيصه هــــــــــل وادم وانت الغالي
محبوبي ومــــــــــن حكي تغزل بيك
مجنونك وعشـــــكك ثـــــــق يحلالي

هايم بيك أضل طول العمر
هايم وبس الك الطم صدر
هايم الجيتك باقي انتضر

محبوبي يامهدي محبوبي يامهدي
0000000
ماريد كلشي بهل عمر لا مال اريد ولا ضنه
رايد اشوفك لو حلم وفقني اخدمك كل سنه

امنيتي بهل ديــــــــــنه اتلاكه وياك
كل جمعه يم حسين ادريك اهناك
دورتك وتنــــــشد ودموعي اتصيح
دليني ابــــــــــيا ديــــــره وانه تعناك

وينك روحي تنــــــــــشد هايمه
وينك بـــــــــيا الأرض ويبا سمه
وينك كــــــــلي يابــــــن فاطمه

محبوبي يامهدي محبوبي يامهدي
0000000
ياسر وجـــودي بياه وكت لعيونك اعيوني تصد
تدري اليحب يبن الحسن مايهوه لو لحضه البعد

انت اول ابــــــــــنادم روحي تحبك
وضمــــــــــيتك ابكلبي ضمني ابكلبك
تعبني ابحــــــــــبك ارد اتعبلك حيل
بس انــــــــــت يالغالي راحه ابتعبك

انت كلـــــــشي بنـــــــسبه لي
انت عشــــــــــك روحي الولي
انت راحــــــــتي وشبيت علي

محبوبي يامهدي محبوبي يامهدي
0000000
تدريني ماحب البعد جا ليش كل هاذه الجفه
يعكوب مثلي ماحزن ولا دمعه مثلي يذرفه

افراكَك تعبــــــــني ارحــــــــم حالي
شيب خلـــــكي وراسي وحته خيالي
سالفتي بيك انـــــــت ياوجه حسين
محد غيرك انــــــــــت الشاده بالي

تدري روحي غـــــــيرك ماتحب
تدري بسمكر يــــــــــدك الكلب
تدري افراكَك أصعب من صعب

محبوبي يامهدي محبوبي يامهدي
00000000
يالهيبتك هيبة علي وريحتك ريحت فاطمه
كالولي شامه ابوجنتك جن كمر وبخد السمه

ليليه لعـــــــيونك ياخـــــــذني الشوك
زحمه من اعشك غيرك وانت المعشوك
اجويني ابجــــــمره من خيمات حسين
مثلك رايد كلــــــــــبي اتخلي محروك


كلبي جــــــــــوه برمــــــاد الخيم
كلبي للسبي خــــــــــل يبجي دم
كلبي ادعي ينــــــــــصاب ابسهم

محبوبي يامهدي محبوبي يامهدي
0000000
#حسين عبد الزهرة الدراجي

#جديد الليالي الفاطمية.
ختمة عزاء .. .
.
أويلاه. يا فاطمه
.
هم رحتي شفتي كربله .. بيها الشباب امچتله
بعيالچ ايحيط الخطر .. وسط المخيم زلزله
وسط المخيم زلزله
.
شفتي بلحسين اشجره
خده افترش ارض الفلا
ياويلي طر چبده الظمى
وبگلبه نبيلة حرمله
گاعد على صدره الشمر
يالزهره منهو اينزله
سل سيفه باشر بالذبح
كامت تشوفه العايله
نحره 12 طبره انطبر ..
محبوبچ اليوم انوله
يافاطمه دمه جره. ..
ما ظل ولا ناصر. اله
ياويلي گطعوا منحره ..
صاروا سبايه كل هله
گطعوا چفوفه وخنصره ..
شدو رقيه ابسنسله
راسه ارتفع فوك الرمح ..
زينب مشت بالقافلة
زينب مشت بالقافلة
أويلاه يا فاطمه
.
.
هم رحتي صوب المشرعه. شفتي الچفوف امگطعه
ضحى الكفيل ابمهجته .. لجل الخدر. والمقنعه
لجل الخدر والمقنعة
.
يالزهره زينب عالنهر
شافت يويلي مصرعه
بالدمعه تنظر جربته
بعينه السهم ما طلعه
نادت يخويه يا شهم
صوت الشمر هم تسمعه
أينادي طلعوا بت علي
چفك بعد شيرجعه
ظلت رقيه ابلا ابو
ظلها الشمر ظل يتبعه
سلب تراچيها النذل
وبخدها طبعة أصبعه
متني من السياط انذبح
كل طگه دم أمرصعه
لكن ولا طاح اللوا
بچفوفي خويه ارفعه
بچفوفي خويه ارفعه
.
.
حگي اذا درت النظر .. عن حالچ بيوم الخطر
يافاطمة ابو الحسن .. بچفوفه شالچ للگبر
بچفوفه شالچ للگبر
.
يا فاطمه عندچ ضلع
واحد تهشم وانكسر
بالعصره گطعولچ نفس
من مهجتچ غاب النظر
شوفي الحسين ابكربله
فوگ الترب صدره انحفر
حافر اذا مس الضلع
يترك على الگاع الأثر
10 الخيول الداسته
طلعت ضلوعه من الظهر
اطشر ابنچ بالفلا
لازم تدورين النحر
بين الخيم والمشرعه
عالتله لو درب السفر
يالزهره دوري خنصره
بيا حفره شوفيه استقر
وحدچ تلمينه صعب
متوذر احسينچ وذر
متوذر احسينج وذرچ
.
.
نزلت دموعي أمحيره .. موقف اريد اتصوره
عبدالله ليش الياسبب .. يالزهره گطعوا منحره
يالزهره گطعوا منحره
.
ليش العطش اصبح ذنب
وتصيبه نبله اتعفره
عبد الله يتروه ابدمه
من العصابه الكافره
مايشعر ابحر السهم
يشعر ببوه الينظره
أحا ينبلة حرمله
گلب الحسين اتمرمره
عبدالله كلش منقهر
والعله شنهي ياترى
كاروكه بالنار احترگ
وهدومه كلها امبعثره
بالذبحه الگماط انفتح
بي شدوا ايد الطاهره
عبدالله من نام ابگبر
هدموا عليه المگبره
راسه ارتفع فوگ الرمح
ياويلي امه اتناطره
بالخيمه امه اتناطره
.
.
خليني أحظر عبرتي .. شعرت رقيه بلوعتي
گالت يناعي استمع .. راح اروي كامل قصتي
راح اروي كامل قصتي
.
آنه الي چنت امدلله ..
وبحظن ابويه نومتي
گلبي ولا مره احترگ
ولا مره سالت دمعتي
من ليلة الحادي عشر
كملت ملامح غربتي
اظلم غده ابعيني الصبح
محترگه انظر خيمتي
بچفي الشمر شد الحبل
ياشيعه زادت لوعتي
ايعتني كل ساع واطحت
واركض والوذ ابعمّتي
آنه الشفت راس ابطشت
ظليت اونله ابونتي
نمت وشفت چن ابحلم
قبلني ابويه بوجنتي
اخذني وياه ورحت
وسط الخرابه دفنتي
اويلاه. يافاطمه
……………………… .........
لاتنسوني ووالدي من فضل دعائكم المبارك
.
حسن الموالي الفاطمي
.
2018/8/16ـ
القصيدة محرمة على منشدي الـ DJ

شوط كربلائي ...




باب الله اليدگه چان يصعد مرتبه ورفعه
اتعجب اشلون افلان عليّه اتجاسر اِيدفعه





ابد لا مو طبيعي الباب أمام الرابع انحسبه
نَجاره علي الكرار يعني خشبه من خشبه
باب البيت اهل البيت شگد متقرب الربه
يكفي شرف جبرائيل
يستاذنه بالتنزيل
طلسم بي الف تأويل
باب الي يفتحه چان يصعد گبل للسبعه




حكاية باب خلوها وسبب بالكسره والعصره
واني اعرف ابحامي الجار حاشة يخلي بي عثره
زين منين هالبسمار منو الدگه شكبر عمره
علي مايقبل بهايه
علي ميخلي سلايه
يعني الخطه مسوايه
لازم نعرف البسمار منو الدگاه يا جَمعه



اريد اعرف شنو الاسرار واتحقق من الموضوع
حقيقة اشكبر هالبسمار شنو ويخترق هاي اچذوع ؟
يعني عبث صار انگول اي مستهدفين اضلوع
لزمت الخيط لا ما حير
خطه وبيها راس چبير
قصدهم اية التطهير
لانه مو شريف انگول ولازم يكسر البضعه





اجتماع اثلاثه مرتدين شلون اصمم البسمار
أندگه اشوكت يفلان گله وي هجوم الدار
گله انت اشغلهم واني مهيء الهم نار
گله انت اعصرها
واني بيدي اسطرها
احنه ثلاثة نكسرها
نطيحها على كل حال لازم تهمل الدمعه





گله لون سالتني جاوبها بدفع وَأن
گله لون اذتني گله سقط المحسن
گله وشنهو داحي الباب گله تشوفه روحه أتن
لا ما يلحگ الكرار
واحنه اثلاثة روؤس كبار
انوچهله الف انذار
بوصيه حيدره مچتف لا سيفه ولا درعه





عرفت الجاني عالزهراء صحابه ودين ماعدكم
عرب يتغيرون بساع عرب مشكولة ذمتكم
عمرها اثمنطعش چا ليش چا مو هاي بضعتكم
لاذمه ولا ظل دين
ابنحره اتلاحگلها حسين
انتم وين و الله وين
بنت اشرف نساء الكون عليها التمت الفزعه



#للشاعر محمد الظالمي

الئ،القاسم ابن الامام موسئ،ابن جعفر ع



/////////


يامصيبه الخلتك تجفي المنام
وتاكل بروحك مثل نار الخيام
صدر ابو اليمه الشهيد
لو چفوف ودم وريد
خاف عمتك سيدي وجور اللئام



/////////////



سيدي القاسم اسئلك كون تسمحلي بسؤال
ليش تختار السقايه وتترك حمول الثگال
تريد تگعد عالشريعه وتغرف بماي الزلال
تذكر العباس بيها من يوزع للعيال

هم تشوف اطفال تتراوالك
لو يتامه امچلبه بذيالك
يجوز كعبه من بعيد
لو چفوف ودم وريد



////////


سيدي دموعك عزيز تبچي ليل الله اشكثر
تسمع صياح الرقيه لو نعاوي ام الخدر
لو صهيل وصوت عالي من الشمر
ليش احسنك تعالي من تعاين للبدر

بيش نوره يذكرك يعيوني
بالكفيل الگال لا تشيلوني
للمخيم من جديد
لوچفوف ودم وريد



///////////


سيدي ضهرك حنيته ولازم اصفاحك اشوف
تذكر حسين ومحنته بساعه الشاف الچفوف
مگطعه بصوب الشريعه الچانت تگطع السيوف
سيدي بس بصلاتك تنسه الام الطفوف

تريدها الوجه الجليل ادموعك
وتحتسب لله بحنين اضلوعك
من ترتل بالمجيد
لو چفوف ودم وريد





/////////


سيدي عيونك دمعها ليش يتگاطر دمه
تذكر مصاب اليتامه مصاب حماي الحمه
بس احسنك تنادي كل مسه يا فاطمه
بصوت يوصل للمدينه ويخترق حتئ،السمه

يال ثار امي البتول
يامصاب ال الرسول
الفسر الصم والحديد
لو جفوف ودم وريد




/////////


سيدي ضلوعك شجاها وليش محنيه الضلوع
وليش عالليحيه الكريمه اسيل ساعات الدموع
مو جريح انته ولكن ليش احسنك تلوع
تحب تگعد بالضلام وتطفي بليل الشموع

يمكن اتحب الخرابه احجيها
وتسمع اصوات اليتامه البيها
من تعاتب بالعميد
لو چفوف ودم وريد



/////////////



قليل. البضاعه
كثير الاضاعه
فاضل الغريباوي

(تگول مولاتي زينب ع)

جانت عدنه أم .. تسولف محنة
جانت عدنه أم ..  شوفتها جنة

راحت وصار البيت من ضلها خالي
ومن بعدها الحيطان تبچي عالحالي

جانت عدنه أم .. جانت عدنه أم
____ ____ ____
جانت من تسولف امي كلشي يگعد ينصتلها
حته شجرة باب بيتي والطيور الجوه ضلها
أمي يا محلى حچيها ام سوالف ما نملها
أمي كل نجمة بسمانه لمن تطلع تركعلها

جانت عدنه ام .. كلشي يحبها
كومة من الضوه .. خالقها ربها

الگمر ونجوم الليل منها تلالي
ومن بعدها الحيطان تبچي عالحالي
جانت عدنه أم .. جانت عدنه أم
____ ____ ____
وبشغف جانت تحبنه وتهوى لمتنه عليها
ذاك الملاگه وحضنها چنه من نركض نجيها
تمسح ايديها عالراسي وچم عطر اشتمه بيها
امي هيا الجنة يعني ريحة الجنة بأديها

مو جنة عدن .. لا احله منها
جنة حيدره .. امي اسمها

زهرة واندفنت ليش بالترب تالي
ومن بعدها الحيطان تبچي عالحالي
جانت عدنه ام .. جانت عدنه ام
_ _
العفه من عدها عرفنه امي هيا العفه كلها
امي من گد ماعفيفه من الأعمة تضم نفسها
خالق ألها حجاب ربنه وفگرته هم ترجعلها
چي عباة الزهرة سودة خالق الكعبة لجلها

امي بالستر .. محد لحگها
لآذت بالستر .. وذاك دفعها

من سألت المسمار كلشي بچالي
ومن بعدها الحيطان تبچي عالحالي
جانت عدنه ام .. جانت عدنه ام
__ ____ ____
اول مصيبه شفتها وسببتلي بگلبي جمرة
ابين باب وحايط امي واللعين يزيد عصره
ضلوع امي كسروها وعالخدها شفنه سطره
وثالث اخواني لگيته طايح وخلفلي حسرة

راحت بالهضم .. ادريها راحت
بحرگه ياعلي .. اسمعها صاحت

رحتي بس راح وياچ يا يمه بالي
ومن بعدها الحيطان تبچي عالحالي
جانت عدنه ام .. جانت عدنه ام
____ ____ ____
ذكريات هنا بقتلي وياها من قبل المنيه
هنانه اتذكر گعدنه هنانه سولفنه سويه
اذكر حجايه حچتلي بگلبي ضلت هالوصيه
ديري بالچ يمه گالت من تچيچ الغاضريه

يمه لكربله .. حضري دموعچ
بالحافر تره .. يسحگون اخوتچ

وعالرماح تشوفين روس الغوالي
ومن بعدها الحيطان تبچي عالحالي
جانت عدنه ام .. جانت عدنه ام
____ ____ ____


حسين علي التقي

يازهراء

ليش ليش عله العتبه دم جره
ليش ليش سقط محسن ياتره
ليش ليش انكسر ظلع الطاهره
~~~~
نار شبت
عله باب اهل النبوة و احرگوها
نار شبت
وفاطمة خلف الستار تنادي ابوها

بوية وينك مادريت شصار بيه
علي هدت ناس ما بيهم حميه
عن عذابي بويه شحچلك شگلك
الأمس عود اصحابك تمادو عليه

نار نار شبو عله بابي
نار نار سولفت عذابي
نار نار موجرة بمصابي
ليش ليش
~~~~
بصوت صاحت
علي يافضة ألحكي و سنديني
بصوت صاحت
فوگ كسرة ضلعي مسطورة عالعيني

يا ظلامة الماجرة منها ظلامة
سطرة ايد العبد بعيوني علامة
وعلي بأمر الله انجبر مايسل سيفه
جان ذاك اليوم مامر بسلامة

صار صار كلشي بأمر الباري
صار صار وچتفو كراري
صار صار وقنفذ يطب داري
ليش ليش
~~~~
اايا يضلعي
هشمه البسمار والحايط يسنده
اايا يضلعي
الهوى من يمر عليه يلجمني بعده

ليش يبسمار صرت لضلعي علة
لمحسن بيوم الحشر بالله شتگلة
ردت اشوفه گاعد بحضني يناغي
ومثل عبدالله صرتله بنحره نبلة

ااخ ااخ ابني رايح مني
ااخ ااخ حسرتي تهضمني
ااخ ااخ و بابي زيد حزني
ليش ليش
~~~~
سمعاني
حچي ليه ابد كلش ما يولام
سمعاني
الشاف روحة بالخلافة عود فاهم

فاطمة گلوله بالباب الزچيه
الگال كلمة وأن معروف الهوية
من حچاها جان مايعرف محمد ??
بالحقد والبغض معروفة القضية

صاح صاح احرقو من فيها
صاح صاح مايهمني البيها
صاح صاح واتضح تاليها
ليش ليش
~~~~
وين رحتي
زينب تحاجيني يايمه هضيمه
وين رحتي
انه من بعدچ اضل بلايه خيمه

يمه لو رحتي تجيني الغاضريه
و أيد النمدت عليج  ترد عليه
باجر من ايطيح كافل ضعني يمه
بين وادم غربة راح امشي سبيه

راح راح يمشي ضعني بهيمه
راح راح تنچتف يتيمه
راح راح عگب راعي الشيمه
ليش ليش


حسين علي التقي

#نزال_١٤٤٢هـ

فاطـمي فاطـمي للابـد
فاطمي فاطمي عالعهد
************

بالمجالس ـ ابقه عابس ـ وفختــــر خادم عشت
أقرء وخدم ـ ونعه ولطم ـ بالســـواد اتوشـحت
راسي عالي- الهل ليالي- والله كل عمري انذرت

امحـــزم ابهاي المجالس للأبد
ما اعوفنها وحـــق واحـد احد
هالشعائر عندي ألذ إمن الشهد
ألها نذرتني الحنينه امن المهد

ملتــزم ملتـــزم بالوعد
فاطمي فاطمي عالعهد
************
يالزجـــيه ـ كلشي بيه ـ ملكچ وعبـدچ صرت
من البدايه ـ وللنهايه ـ ابهل وضيفه اتشرفت
اخدملكم ــ وكتبــلكم ــ صيــت ابـد مادورت

همي بس ترضـين عني ابدنيتي
يالسبب صرتي برفعتي وهيبتي
يالزچــــــــيه انتي ادره ابغايتي
ما ادور شــي مقابل خدمـــــتي

خدمتچ خدمتچ چن شهد
فاطمـي فاطمـي عالعـــهد
************
حبچ آيه ـ وبي هدايه ـ يخـتلف عن كل عشگ
مو حكايه ـ اولاروايه ـ يحمل اخلاص وصدگ
يالوفيـــه ـ ابهل عـــزيه ـ هامه اطبـرلچ وشگ

ســــجلي يم حســــين يمج لهفتي
ولطمتي وعزمي وحسرتي وعبرتي
اركض اعله المجلس آني ودمـعتي
وركضت اطويريج صـارت ركضتي

والگلب والگلب ما برد
فاطمي فاطمي عالعهد
*************

هذا دوري ـ ابكل شـــعوري ـ لازم اتهدل وون
يالكسـيره ـ يالنـــــذيره ـ عسعس اليل ابحزن
انتي دمنه ـ وانتي امنه ـ وانتي للخادم وطن

انتي رايـه ارتفعت ابچـف الخــدم
رابــــح اليهـــواچ واللـه وما نـــدم
ابلا مجالس هالخـــدم تصبح عدم
نزحفلها ازحوف موش اعله الجدم

هالقسم هالقسم والصمد
فاطـمي فاطـمي عالعـهد
***************

مانعوفچ ـ يالنشوفچ ـ بالسمه اهلال وشمس
من وفائچ - من ابائچ - شيعتج تاخذ درس
فاطميه - هاشميه - حبج اغلى امن النفس

احـــنه مـــن دونچ نضل ابلا هوه
انتي فضـــلچ عالجرح مثل الدوه
انتي آيات الحــــــــمد والقل هوه
ابلا وجودج كلشي يبقه ابلا ضوه

والعشگ والعشگ ماله حد
فاطـــمي فاطـــمي عالعهد
***************

     الخادم
كامل السعيدي

إخفي گبري .. مثل ونّاتي الخفيَّه
إخفي گبري .. او خلّه شاهد عالرزيَّه
إخفي گبري .. يا من اتأدِّي الوصيَّه
إخفي گبري
ـــــــــــــــــــــــــــــــــــــ
يا علي بالليل نعشي من تشيله
و ابيمينك لمّن اترابي تِهيله
رشْ عله گبري دمع عينك اْو سِيله
بلكت ايبرِّد عله گلبي او غليله
و أرد أوَصِّيك ابأمر يا بو العقيله
گبري غيرك ما أريد أحّد يجيله

غيرك إنته .. منهو ليْنفِّذ وصيتي ؟
غيرك إنته .. لا يجهّزني ابمِنيتي
غيرك إنته .. لحَّد ايصلي عليَّه
إخفي گبري
ــــــــــــــــــــــــــــــــــــــــــــــــــــــــــ
گبري عَمدًا كون يتخفَّه يبو احسين
حتّه اخلّي الوادم ابْمَفرَق طريقيْـن
حتّه أقيم الحُجه عاللّي عنده وجهين
خلها كلها اتگول: گبْر أم الحسَن وين !؟
الزهره لو مو غاضبه او مكسوره ضلعين
ليش لليوم الگبر مخفي عن العين !؟

بِت محمَّد .. ليش ما نندَل گبرها
بِت محمَّد .. هذا كاشف عن قَهَرها
بِت محمَّد .. اشوصَّت ابوكت المنيَّه ؟
إخفي گبري
ـــــــــــــــــــــــــــــــــــــــــــــــــــــــــــــــــ
آنه بين الوادم المجهوله گدري
كون أكمّلها او يظل مجهول گبري
خاف واحد مَــيْـــتِـــفاعَل ويَّه كسري !
خاف يتساهَل مَعَ الكسرولي صدري
ابلا جناحين الصگر ما ايطير ندري
و التولّي كون ويَّاه التَبرِّي

گبري يحچي .. للذي أمري يهمَّه
گبري يحچي .. للذي باقيله ذِمَّه
گبري يحچي .. عن تفاصيل القضيَّه
إخفي گبري
ـــــــــــــــــــــــــــــــــــــــــــــــــــــــ
أبچي سكته امْن اگطعوْا شجرة ونيني
و اگطعوا أغصاني من شجرة بنيني
مثل ونّاتي الخفيَّه او دمع عيني
مثل ما برّه المدينه امطلّعيني
خلني مخفيّة گبر لحّد يجيني
او هذا سرِّ اللي يظل بينك او بيني

المهدي تالي .. يظهَر اْو يظِهر مكاني
المهدي تالي .. يجي او حاشه ابني نساني
المهدي تالي .. فَـدَكِ ايرجَّعها ليَّه
إخفي گبري
ـــــــــــــــــــــــــــــــــــــــــــــــــــــــــ
آنه ادري من يظل الگبر مستور
يصعب اعله الشيعه ما تگدر تجي اتزور
نوبه بالرَّوضه الشريفه اتحوم و اتدُور
او نوبه تشبح للبقيع ابِّين لگبور
و الحقيقه هذا سر عند الله مذخور
ابكل گلب شيعي يحبني گبري محفور !

هيّه فتره .. او گبري تالي يصير كعبه
هيّه فتره .. او تنبني من الذهب قُبّه
هيّه فتره .. او مرقدي اتشوفون ضَيَّه
إخفي گبري
ـــــــــــــــــــــــــــــــــــــــــــــــــــــــــــــــ
ميرزا عادل أشكناني
الكويت
12 / 2020

آه 0 يالقاسم يبن موسى النجيب
شلون عشت أيام مهموم وغريب
&&&&&&&
هـالشمــايـل كلــهـه تشبــه والــــــدك
وچــان مــن زغــرك يويلي أيعاهــدك
ياصبــر عنــدك چبيــــــر أيعـــاضـدك
وفــوگ جـرحـك سرك تظمه العجيب
&&&&&&&
شلــون مـوقـف هـزك وكلش خطيــــر
بحلفــت الحــره وحـگ يـوم الغـديـــر
وصـاحـب البيعـه الاســــد ذاكه الامير
شلــون موقـف هـــزك وكلش رهيــــب
&&&&&&&
آه0 يـــالـقـاســم تهـــــزك كــربلـــــه
وذاكه يــوم انسبــت بيـــه العــايلـه
شلـون تنســـه اشسـوه بيهم حرمله
نحــر طفل حسـين والگلبــه يصيـب
&&&&&&&
رادوا أيعـرفـون منــك يــــا أصــــــل
حــيرتهــم يــاأبـــن مـوســى النفـــل
هــذا يــاهـوبالحــرب دگ الــرجـــــل
چنهـه ضـربـات الفحـل لامـاتخيـــب
&&&&&&&
آه0 يـالقـاسـم وصــــل بيــك العمـــر
وحط رحـالـه المـوت وانخــط الامــر
ولازم بهـالحــال للنــاس أتخبـــــــــر
ســـرك المضمــوم وي عمرك يغيــــب
&&&&&&&
آنه أبـن موسـى الگظـه سم بالسجن
واسمي القـاسم غريــب من الوطــن
ومــن بنـي العبــاس شفناهه المحـن
وهـالجروح هـواي وابـــداً ماتطيــب
&&&&&&&
ياچبيــر الگــوم لا مــــا قصــّــــرت
هاي بتـي وياك أخـذهـه لــو رحـت
ولمدينــة جـدي يــاعمـي أوصلــت
هــي تعــرف بيتنـه وأرض الحبيب
&&&&&&
آه0 يالقاســم علـى مصـــابــك تــــون
يـاغريــب الـدار ذيـــچ أمـــــك تحـــن
راح منهـــه العمــر وسنينـــه گظــــن
خلَّصـّــن مــابيـــن هجــران ونحيـــب
&&&&&&&
آه0 يـامولاي أحلفــــــك بــالرضــــه
يــاغريــب الــــدار راضـي بالقضــــه
مــدري هــذا شلـون كل عمري گظـه
مـن زغــرسنـي أنـــه لحــد المشيب
&&&&&&&
يــاحليــف الجــود يــارمــز الابــــــاء
آنــه أحلفــك بالگظـه فــي كربـــــــلاء
تـوگــف أنـــت هنـــاك فـي يوم البـلاء
واتحضرنــه سيـــدي بيــوم المريــــب
&&&&&&&


الشاعر ابو اياد البيجاوي

كربلائي 3 دگات لوفاة القاسم بن الإمام الكاظم عليهما السلام

للقاسم اتعنيت. من هم زماني
بالحسرة واللوعات. لمن لفاني

اعليك بغربتك يوم. عفت المدينه
وفارگت چم محبوب هماله عينه
أنظر غربتي وهاي روحي الحزينه
اشتدت على دنياي. دهري رماني

روحي حزينة حال. تنحب اگبالك
چن والدك. ماخاب من اعتنالك
امجرب ومارديت. كلمن. شكالك
من حيدر الكرار. صوره ومعاني

اعليك ابدموع العين. وبلوعة الحال
وبوحشتك. وفراگ. مايگضي چتال
نظرتك روحي تريد. وي راحة البال
كاس الوكت مولاي. بالمر. سگاني

ابديرة غرب ظليت. ومفارگ احباب
اخفيت النسب ظنوك. من هاي الأعراب
مادروا حد الموت. من خير الانساب
ربك يغير الحال. گلبك يتاني

بنتك يتيمه اتلوع. يوم التعنت
الصوب المدينة هناك. مهظومه وصلت
عمرك تود ايطول. واشگد تمنت
حسرة وحزن وفراگ ضلت تعاني

جرح البعد چتال. مافاد الظماد
بدار الغرب مدفون. أه يبن الجواد
گبرك دوه المعلول. والرايد مراد
وجدك النزلت بيه. سبع المثاني

الشاعر حسن لعيبي الحريشاوي

قبل شويه جانت تحجي وياي
كالتلي يجرحج رايح الماي
التفتت للحسين وبجت//ابشفتهه كلمه وماحجت
***********************

الكلمه كامت من تعبهه كوه تحجيهه
ولومشت علكاع خطوه ابحسره تمشيهه
رغم ما موجوعه يمنه الونه تخفيهه
ومن اطبلها اعله غفله تنحب الكيهه
ث
دريت وياي عدهه امي موظوع
تكلي الطف تره يرادله دموع
وعالمتن امي اشرت//ابشفته كلمه وماحجت
***********************

بس جسد عالكاع طاحت ولاكترصاحي
ونهه يوجع من اسمعه ا يفزز اجراحي
دوم اكلهه يمه فدوه نامي وارتاحي
ومن اكومن من حركتي الزم اصفاحي

شلون اعيوني كالت تغفه وتنام
وراج الحيره زينب نار الخيام
وامي دمعهه ماسكت//بشفته كلمه وماحجت
***********************
مبينه من دورت وجهه ابحسره حاجتني
زينب الحضني تعالي وحيل ضمتني
وصلت الطاري الخيام وحيل شبكتني
لحد مانامت الزهره يلله الله هدتني

من تحجي احس ابحيلي ينهار
تكلي شوايت الله بضلعي بسمار
اعيوني احسنها انعمت//ابشفته كلمه وماحجت

***********************
يمه ضلي وياي فدوه لا تتركيني
بين كل هاي المصايب لاتخليني
خواني لوراحو ييمه ياهو يحميني
وعله اخواني حنينه هوايه تدريني

وحيده شما تعيش المالها ا خوان
من تمشي غريبه ابين عدوان
جم حسره يمي اتحسرت//ابشفته كلمه وماحجت
***********************
يمه زينب كلبي شيب هوه وحساسه
من شفت جبريل يبجي وبل نحر باسه
كال هذا حسين ابنج ينكطع راسه
والعجيبه يموت ضامي وناس موناسه

سهم الماي يذبح ازغر اوليد
حسين بدم رضيعه يترس الايد
لزمت ظلعهه ونحنت //ابشفته كلمه وماحجت
***********************

الشايفه طيحت خيمنه ابيش اصبرها
امي من تنسه جرحهه والله اعذرها
اسنيني من هاذه السمعته الحزن كصرها
يعني انساها امنياتي وكله اطشرها


كالتي اركضي ولمي الضلاع
لوشفتي جسمه يترس الكاع
تسولف دمع وتكتمت
ابشفته كلمه وماحجت

تمت سلام البهادلي

يام الحسن يانظر عيني
نخوة نخيتچ لا تخيبيني
@@@
شيعي وضل عندچ امدلل
جيتچ على بابچ واسئل
عسري الى يسري يتبدل
وگت الشدد ما تتركيني
@@@
ابحبچ ترى نشئتي ابصغري
وابخدمتچ شرفت عمري
ابكسر الضلع خاطري جبري
وامن العلل انتي داويني
@@@
يالمشرقه الدنيه بياتچ
اقسم على الباري بحياتچ
ماريد انا الا مرضاتچ
يامعتقد ثابت ابديني
@@@
يام الهدى الطاهره الحوره
ادخيلچ اذا اتوسدت حفره
يمشفعه بالملى حشره
ابموتتي بالله لحگيني
@@@
انا الذي منفجع گلبه
على الظهر والمتن ضربه
وكسر الضلع عالگلب صعبه
مصابچ شعل حزني وونيني
@@@
بجاه الذي طاح بالحومه
ونحره انگطع صدره مهشومه
وفوگ الرمح تطفح ادمومه
زاير إله ابطفه وفگيني
@@@
يام الحسن كربله حلمي
بنص الگلب تنبض ابدمي
خلي حبيب يسجله اسمي
بجاه النبي طه سجليني
@@@
علي احمد الحمود
٦-١-٢٠٢١
نخوة
الزهراء ع

وداع الأم لبنتها

زينب زينب آنه امج ودعيني
زينب زينب فدوه لعينج عيني.
زينب زينب للطف ضمّي دموعج
زينب زينب بالعاشر ذكريني
............

زينب بهداي گلبج لا يتفسّر
طفله وتبچين شفتيني بهالمنظر
بالباب انصاب ظلع امج وتكسّر
والمحسن طاح يمي ودمه تنثّر
خوف تموتين گلبج ما يتحمّل
بالطف ينصاب گلبج اكثر وكثر

انتي بدنياي روحي ونور سنيني
اشبع توديع بس منج خليني
زينب زينب للطف ضمّي دموعج
زينب زينب بالعاشر ذكريني
............

شفتيني شلون دفعوني وعصروني
طگ ضلعي وطاح ابني ومارحموني
وجه المختار وجهي وبي سطروني
طحت عله الگاع بالسوط يضربوني
باجر بالسوط بالطف يضربونج
الأذّوچ هناك يازينب اذّوني

من گبل الموت يازينب شبگيني
آخر لحظات شمّيني وّدعيني
زينب زينب للطف ضمّي دموعج
زينب زينب بالعاشر ذكريني
............

النار البلباب يبنيتي الشفتيها
بخيام حسين هم راح تشوفيها
تحرگ ايتام وچفوفچ تچويها
ما يبقه وياچ واحد وي يطفّيها
عباس يطيح وحسين يذبحونه
عالشاطي هناك چفّينه مگطعيها

يم نحر حسين يازينب ندبيني
موجوده هناك بالمذبح تلگيني
زينب زينب للطف ضمّي دموعج
زينب زينب بالعاشر ذكريني
............

لو شفتي اليوم بس ضلعي يكسرونه
هناك تشوفين چم راس يگطعونه
تشوفين حسين بسيوف ايگطعونه
صدره المصيوب بالخيل يسحگونه
ضلوع ابني حسين تتكسّر بالحافر
بحرّ التربان يبنيتي يعوفونه

صدره المرضوض منّ دم يبچّيني
اكثر بهواي من ضلعي يأذيني
زينب زينب للطف ضمّي دموعج
زينب زينب بالعاشر ذكريني
............

اعرف بالجاي يايُمّه وبي اعلم
زينب آنه ومن صبرچ اتعلّم
لكن تـدريـــن بغيـابچ اتـألّم
تعوفيني شلون طفله وراح اتيتّم
متعوده عليج يايُمّه تعرفيني
بمصابج ذاب گلبي وحيلي تهدّم

بصبرج هاليوم يازينب عينيني
مو هينه وياي دمعج من يبچيني
زينب زينب للطف ضمّي دموعج
زينب زينب بالعاشر ذكريني

#سيد_زيد_الفحام
_________________________

يالمهدي أمك ذبلت بساع من تمشي كامت تلزم الكاع
وتخلي جفها عله الضلع ومن الألم يجري الدمع
************
يا ابو صالح آنه أمك الما رحم بيها الدهر
الباب من دفعوه عليه ضلعي يايمه انكسر
وهشم البسمار صدري وابني بحشاي انعصر
لا تكلي شبيها عينج خدي يالمهدي انسطر
آه يمه جابوني دفع
آه وانه مكسورة ضلع
آه وتالي عالعين انصفع وصحت بويه

محتاره بين احجابي والنار وبصدري نابت يمه بسمار
والونه كامت تنسمع ومن الألم يجري الدمع
**********
الباب جان شثكَله يمه تخيل عليه انطبك
حيل عالحايط عصرني وجفي بالباب احترك
بعيني شفت الموت يمه وكلبي جم شهكه شهك
ومحسن اوليدي رفسني اضن يالمهدي اختنك
آه بنحره بسمار انغرس
آه ابني احس بي من رفس
آه وانه اجر گوه النفس وصدري مصيوب

گلبي عليه لو تدري محروك برجله رفسني وگلي مخنوك
تاليتي بوليدي انفجع ومن الألم يجري الدمع
***********
صحت الحكيني يفضه أبني مات اخذيه تعاي
ردت اشيله وطاح مني راح حيلي وي ضناي
كمت والظالم دفعني ولزمت بيدي كَفاي
وعله عيني رد سطرني بصوطه ظل يركض وراي

آه اركضت منه وعثرت
آه وعالوجه يمه طحت
آه بعيني ما اشوفن كمت من سطرته

ظليت اونن وابجي عالراح وخطوه امشي يمه وخطوه ارتاح
بيا ذنب يايمه انصفع ومن الألم يجري الدمع
***********
كابلتني تبجي زينب وجرحي يلجم بيه كام
ياهو إلها لو عفتها بحضني متعوده تنام
بنيتي ما تدري بوكتها إلها صوط وحبل ضام
وناكَه هزله وسبي وغربه وأيد تحركها الخيام
آه الشده من تصعد هزل
آه تمشي والمدمع يهل
آه تروح اديها من الحبل بنتي زينب

من الصوط زركَه اتصير المتون وعالشاطي راح اديرالعيون
وعليها يلتم الفزع ومن الألم يجري الدمع
********
حسين شفته بعيد كاعد وضايك بصدره النفس
خل اشبكَنك صحتله أبني اضن بفراگي حس
يمه من شميت نحره شفت بيه رمح انغرس
ومن بست صدره وشبكَته شفت أثر حافر فرس
آه الشمر يلزم شيبته
آه ويحز بيده رگبته
آه وسحك جابو جثته وهشمو ضلوع

بالطف عزيزي ينسحك حيل وصدره يجلب بحافر الخيل
ومن أيده أصبع ينكطع ومن الألم يجري الدمع
************
الحسن شافاني الوجن وحيل أون من الألم
الصدري ضميته بحناني وضلعي يالمهدي انلجم
ظل يشم بيه ويكلي بلايه أم الدنيه هم
وكلي يمه شبيه ضلعج كتله بالباب انهشم
آه راح ليه وكلمه
آه وشاف آثار الدمه
آه وصاح يمه فاطمه هذا دمج

من جلمة اليمه انحرم ليش والفاكَد أمه المن يعيش
وياها ماضن يجتمع ومن الألم يجري الدمع
**************
تمت
ميثم العمري

غريبه وبت غريب اسم الطفلتين
بنت القاسم اهنه وبنت الاحسين
غريبه ويم غريبه
يحچنها المصيبه
+++++++++++
بنات آل النبي واهل الكرامات
اميرات الخلگ صارن غريبات
بت الضامي گلبه وكله طعنات
والضامي اعله شوفة اهله من مات

بين السلبوها وخدها مسطور
وبين الطفله ضل خاطرها مكسور
سوالفهن عجيبه
يحجنها المصيبه
++++++++++
ابوي القاسم آنه العايش اسنين
غريب وينجرح من كلمة امنين
من يوم اعله ابويه فتحت عين
امير وشغله ساقي بالدواويين

لا ام لا ابـو لا يمـه خوان
اشگد يبچي عليكم والدي چان
دمع عينه ونحيبه
يحچنها المصيبه
++++++++
رقيه آنه الابوها توه مذبوح
ويضربوها اذا تبجيله وتنوح
مو بس اذني خدي كله مجروح
يسطرني اعله خدي اليجي ويروح

يبت القاسم الماشافت احبال
عليه اسياطهم ماخلت احوال
دمعات السليبه
يحچنها المصيبه
+++++++
عذابچ يارقيه اسمعته ذكـراه
مثلچ اسمي فاطم عودي سماه
يسولفلي اعله جدي امن اگعد وياه
وموتچ بالحزن انتي اعله فرگاه

اگله منين هاي وياهو ابوها
عمتي البالخـرابـه شيعـوها
تراجيها الحبيبه
تحجيها المصيبه
++++++++++
منـو المثلي بعمرها شافت آلام
من ساعة ركضتي بحرگ الاخيام
اشلون احضن ابوي ومملي بسهام
احط عيني اعله خنصر چفه وتنام

يحچيها ابونين ايگطع الحيل
بعدي عني خاف اتسحگج الخيل
وشيباته الخضيبه
تحجيها المصيبه
+++++++++++
يبنت المات جسمه ساتره اثياب
صح مات بغربته بحسرة احباب
لكن ما بقـى عاري اعـله لتراب
ولا راسه اعله رمحه بديرة اجناب

امغسل والدچ وكت الدفن چان
لا نام بحصيره ابـلايه اچـفـان
اوصاله التريبه
يحچنها المصيبه

ثائر الربيعي

فی حق فاطمه الزهراء علیه السلام


مُنیت عمری سیدتی... یاروح الکوثر
ابماتم ظلعچ سیدتی ...کل عمری اتعطر
یم الحسن یافاطمه


ضامیه بیه السنین ابلایه دمعات المجالس
صحرا روحی ابلاحنین وهاجرت منهه النوارس
عمری یخلص عندی مُنیه وثوب السود کونی لابس
وبلیالی الفاطمیه مُنیتی اتسمه عابس


ابمجلس حزنچ سیدتی...مولاتی اتنوّر
ابماتم ظلعچ سیدتی ....کل عمری اتعطر
یم الحسن یافاطمه


شجره وبلایه ثمر روحی هیه ابلاخدمتچ
چنی لیل بلاگمر فدوا انفاسی الدمعتچ
ختمی بیه الخدمه هایه خلی تروینی نظرتچ
عایش ابآمالی شمعه من عهد یوم العرفتچ


ابلطمت صدری سیدتی ....ابکل لطمه اتطهر
ابماتم ظلعچ سیدتی....کل عمری اتعطر
یم الحسن یافاطمه


بیه عاشور الیالی تسری دمعاتی سبیه
ای وحگ ظلعچ جروحی چنهه جرح الغاضریه
کل سنه ابهای الیالی ابهل لیالی الفاطمیه
عمری یمتد ابخدمتچ واخدمچ صبح ومسیه

یگصر عمری سیدتی...لولحظه اتاخر
ابماتم ظلعچ سیدتی...کل عمری اتعطر
یم الحسن


حلمی عابس بلمجالس امنل الزغر بس هاذه حلمی
عمری نذرته الخدمتچ امنل مهد نذرته امی
بیه تجری المنیه هایه بکل کیانی ویه دمی
ابمجلسچ تخلص حیاتی وخادمچ بس یبقا اسمی


ابهای الخدمه سیدتی ...بیهه اسمی یکبر
ابماتم ظلعچ سیدتی ....کل عمری اتعطر
یم الحسن یافاطمه


یرتفع شانی ابخدمتچ وفتخر من یعله صیتی
خادمچ مولاتی ابقاصافَیه ابهل خدمه نیتی
علی گبر لمن افوتن کاتب ابدمی وصیتی
خادم الزهرا الزچیه افتخرهاذی هویتی

ابساعة موتي سيدتي...بلخادم افخر
ابماتم ظلعچ سیدتی...کل عمری اتعطر



الشاعرعلی جباری الطرفی

نخوه لـ القاسم ابن الأمام الكاظم
عليهما السلام توافق ذكرى وفاته
۲۲ جمادى الأول ١٨٩ هـ

*نخوه يالقاسم سليل الطاهرين*
============

نـخـوه يـا القاسـم انـادي ابدمعتـي
وانت عــارف بـالهضيمه ابـدنـيـتـي
سـيـدي و طــالـــت عـلـيـه شـدتـي
*وانت بـاب الله إليـنا والمُـعـيـن*
============

بسمك اتـوسـل وارفـع هالـچـفـوف
كلـنـا يالقاسم تـرى عـنـدك ضيـوف
دخيل يا مولاي نـطلب يالـعـطـوف
*انت باب الحاجه بسمك قاصدين*
============

انـت بــاب الـبـاري لــيـنـا والـفـرج
نـخـوه يا مـولاي نـطلب بالحـجـج
بــالنـبـي والآل تـشـفـى هـالـمـهـج
*للسجين ادخـيـل بالله سـائـلـيـن*
============

ابجاه ابوك اللي بقى فوق الجسر
مــرمــي ياويلي وحـالـه مـايـسـر
اعليه تتشمت عليـه اهـل الـكـفـر
*مـن بعـد سجنه وسمّه الظالمين*
============

انا خــادم لـيــكـم انـا اثـنـعـشـري
خـاطـري مـكـسـور والله خاطـري
اشتـكـي ضيمي وشـابـح نـاظـري
*والوسيله انتو من ارفع هاليدين*
============

انـتـو لـلـشـيـعـه مــلاذ ومُـعـتـقـد
هـالـولا يـبـقـى لـكـم طــول الأبـد
نـطلب امـن الله ومنـكم هـالـمـدد
*بالعجل مـهـديـنـا يطلع رايدين*
============

تمت بحمد لله ومنه
في 1440/5/21 هــ

*لخادم اهل البيت عليهم السلام*
*المُلا محمد سامي المرعي* الأحسائي

الليله دار الضيفت وحي السمه
تبجي بمصاب الوديعـــه فاطمه
تنشغ الدار وتكــــــول
شنفعي من بعد البتول
**********************
هاي دار العزبت وحي الجلالــه
هاي دار المصطفى وبيته وعياله
هاي دار الشيدت مجد الرسالــه
هاي دار الناغمت اطهر سلاله
جوهره قدسيه من عدها أرحلت
وبضعيف الصوت جنها أتسائلت
وخاطبت أهل العقــول
شنفعي من بعد البتول
**********************
الدار ماتحمل أفراك السكن بيها
أختنكت بعبرتها من سبلت أديها
حين ماتت فاطمـــه ناحت عليها
أنكسر كلب الكون وأنطر البجيها
حكها هاي الليله لونحبت نحيب
لاتلومـــه الينشــغ بفكد الحبيب
تصيــح حزني مايزول
شنفعي من بعد البتول
**********************
الدار شافت حيرة أطفال الزجيه
أشد من حيرتها حاروا هالمسيـه
زغار ظلوا كل أخو شابك أخيـــه
وطفله أختهم تشبه ألأمها الرضيه
أمصاب فكد الام أبد ماله مثيل
مايعوض الام بشر لامستحيـل
يصرخ الدمع الهطــول
شنفعي من بعد البتول
**********************
بفضل آل المصطفى بيت الولايه
نزلت الآيات آيــــــه تسبگ آيـــــــه
لجن تبقى أهل الضغاين عدها غايه
وصبت أعلى العتره أشكال البلايـه
اليوم دار العتره مجروحه وتصيــح
شذنبه محسن عالأرض يوكع جريح
وشذنب بنت الرسـول
شنفعي من بعد البتول
**********************
ساعد الله كلب حيدر أبو الحمله
أبهالمصاب المابشر غيره يحمله
عمله فجعت مهجته وشلون عمله
حكه أبو الحسنين لودمعه يهملــه
ظلمه دار المرتضى حيدر علي
دموم من جدرانها اليوم تهلي
وتندب أشهذا الافــول
شنفعي من بعد البتول
**********************
آه من طبع المفارك طبعه يجــرح
بس المفارك يعرفه وبيه يشــــرح
وصعبه لحظات الموادع ذبح تذبح
ألف معنى ترسم بكل دمعــه تسفح
شحال لو واحد أحن من الحنــــون
ومن كلب صافي يحب حب بجنون
أشما كلت حزنه يطول
شنفعي من بعد البتول
**********************
                                  سلام المشعل