القاسم بن الامام الكاظم (ع)

غريبه روحه والمسافات تلچم جروحه
ابمشهد وبغداد وبقم اغله احبابه
ــــــــــــــــــــــــــــــــــــــ
القاسم وموسى اتشابهو ذاكه نبي وهذا ولي
موسى النبي من اهل العزم وهذا امن اهل الله وعلي
هاجر غصب من ديرته ونار الغرب بي تصطلي
كلما ينصيه الوكت الله يوفقه ويعتلي

عن اصله سألوه ودنگ الراس ظل يبچي شافوه
ساكت ودمعات عينه اترجم اجوابه
ابمشهد وبغداد وبقـم اغله احبابه
ــــــــــــــــــــــــــــــــــــــ
ابدمعه أعله بغداد التفت ياوالـدي صاح اعتذر
ظلينه كل ورده بغصن أنه ابغرب وانته بجسر
هارون قاتل فرحتي وامشيعك ابحر الظهر
بهاي المناجات ويحن وبكلبه عالراحو كسر

يتيمه بنته ابحضنه چانت تمسح دمعته
لاتسافر ابقه يمي اتگله يـابابه
ابمشهد وبغداد وبقم اغله احبابه
ــــــــــــــــــــــــــــــــــــــ
هذا الذي گال الرضه بحقه حديث المنزله
المايستطيع ازيارتي القاسم يحققهه اله
خوّان ليش اتفارگو والفرگه اجت مستعجله
واثنينهم بآخـر نفس صاحو سوه ياكربله

يچوي دمعهم شمس السموات ومحّد سمعهم
والبُعد گالولي فتره وتنتهي اسبـابه
ابمشهد وبغداد وبقم اغله احبابه
ــــــــــــــــــــــــــــــــــــــ
وابقم أخـذ منه الوكت معصومه أخته العالـمه
ازيارتهه عد أهـل الوعي اتعادل زيارة فاطمه
أخته العزيزه الغاليه ظلّت عليـهم هايمه
ماتت وراهم بالارض وامن الكرم صارت سمه

معصومه هايه بالروايات اجمل روايه
القاسم ويتمنه تحضر ساعة اغيابه
ابمشهد وبغداد وبقـــم اغله احبابه
ــــــــــــــــــــــــــــــــــــــ
ساقي العــطاشه صنعته عشرة أعـوام ابهالسقي
چانت امنيته وسلوته ابواحد امن أهله يلتقي
عنه الروايـات اخبرت عابد وقديـس وتقي
بس هي دنيه ابلا وفه اتوكع الترف بيد الشقي

ظالم زمانه وي ابن الاطهار خان الامانه
ماتسولفله الصراحه الدنيه جذابه
ابمشهد وبغداد وبقــم اغله احبابه
ــــــــــــــــــــــــــــــــــــــ
ابديرة الحلّه مرقده والحلّه بي مستانسه
لو ماكـو بالدنيه هوه روح الضريـحه اتنفسه
الكاظم يحبّه والرضه ايعشگه وعلي وايقدسه
لو مارحت لزيارته شارك يشيعي ابمجلسه

احضر عزائه ومد الادين تحضه ابعطائه
حنّه اتمنه اصيــرن واشتم ابابه
ابمشهد وبغداد وبقم اغله احبابه

محمد الجماسي

عن عيني لو ردتي تروحين
وين انطي وجهي يم الحسين
تدرين الچ اشتاگ
ما بيه حيل فراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت

هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح

عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
ما بيه حيل فراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت

دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ

گومي اعله طولچ يالحبيبه
بعدچ علي ايطول نحيبه
عايش بديره اشواگ
ما بيه حيل فراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع

باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع

توه العمر بادي وبعدنه
ردنه سوه انكبر ولدنه
بروحي جمر حراگ
ما بيه حيل فراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين

يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه

يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون

يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه

شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
...
خادم الحسين ( عليه السلام)
كرار حسين الكربلائي
( ابو كميل

اموت من القهر من تودعيني
دمعتي والسهر ايعاشرن عيني

مُر الفراگ .. وابقه اشتاگ
من تودعيني
...
اذا رحتي يروحي اعيشن وي جروحي للممات
البُعد يهدملي حيلي وتعذبلي دليلي الذكريات

علي آنه يزهرة عمري وايامي
اذا متي يكوثر راح اظل ضامي

على باب الصبر يگضن سنيني
بلا معنه العمر من تعوفيني
گلبي مجروح .. وابقه للنوح
من تودعيني
...
ابد ما شفتي راحه ويظل بيت المناحه بس الي
يبعضي وصرتي كلي بعد منهو اليگلي
يا علي

كلمة يا علي لمن تگوليها
طعم العافيه لروحي احس بيها

علامات الكُبر بانت بروحي
اودعچ للگبر اكبر جروحي
بدنيه الالام .. تموت الاحلام
من تودعيني
...
وداعچ يالزچيه مثل يوم المنيه بس نحيب
اذا ما تبقي يمي بغيابچ يصبح اسمي يا غريب

غريب الفارگ احبابه يسمونه
ومن كثر البواچي تذبل عيونه

يظل حامي الحمه دموعه يجريها
وداعاً فاطمه صعبه احچيها
يام الحسين .. تعمه چم عين
منو تودعيني
...
يخيمتنه الچبيره .. الچ وحشه چبيره بهالوداع
شگولن والله حسبي .. اذا عفتيني احسبي
عمري ضاع

مدي اچفوفي ولدمعاتي امسحيها
من بعدچ تره ما اگدر اخفيها

عذابات اشكثر شايف بعمري
مثل هذا الكسر ما حنه ظهري
ظهري مكسور .. وابچي مجبور
من تودعيني
...
الوجود بعيني اظلم .. صدگ عشرتنه تنطم بالتراب
وصدگ يرضه دليلچ .. يسلمني رحيلچ للعذاب

آنه والحسن وحسين نتيتم
وزينب من تعوفيها تظل للهم

دليلي منهظم على زين اون
تره الما عدها أم تموت من الحزن
ارعه الايتام .. وجفني مينام
من تودعيني
...
خادم الحسين ( عليه السلام)
كرار حسين الكربلائي
( ابو كميل)

يبن قيس الهلالي إروي قصة عذابي
واِذكُر بنَص كتابك نار وصلت حجابي
أثر چف اعله وجهي وأثر چف اعله بابي
يبن قيس الهلالي
...
احچي يبن قيس شجره وخليك شاهد عالصار
وللناس سولف قصتي وخل تسمع ازغار كبار
اِرويلهم هذا الخبر بجنة عدن شفت النار
ولا چني بت اشرف نبي حرگو عَلَي باب الدار

مُسند ايضل حديثك لمن يكتبه دمعي
بيا ذنب ابني طايح وانكسر مني ضلعي
شما تعيش بزمانك سولف اعله الجرالي..
يبن قيس الهلالي
...
مشكوله ذمة كل قلم ما كتب عن جرح الباب
بس دَفِع بابي اعله الضلع ينرادله الف كتاب
گِلِلهم بكلمة وإن من گالها ابن الحطاب
وما بين قوسين الخبر يا صدر بسمار انصاب

نار بابي شفتها من الثره للثريه
والجذوع بجمرها تره انطبگت عليه
بعد غيبة محمد فاطمه وهذا حالي
...
إروي يبن قيس وبعد بالصُحبه ماكو مروه
گيّدو حيدر واطلعِت اَمشي وراهم گوه
خلّو آبن عمي صيّحت (إكتبها لهل النخوه)
ساعتها ظل سوط العبد فوگ المتن يتلوه

بحقده واحد اجاني بچعب رمحه ضربني
گتله بَضعة محمد گلي مات ويسبني
للگبر هالمصايب ما تفارگ خيالي
يبن قيس الهلالي
...
وخله بكتابك للزمن امر الوصيه تذكره
اعله فلان گتله يا علي ما ريد نعشي يحضره
وثوبي وكت غُسلي يظل ليشوف ضلعي وكسره
وباليل شيعي اجنازتي واخفي ضريح الزهره

گبل ساعة وداعي گتله بآخر وصيه
كل مسه آتعنه گبري إقره ياسين اليه
وعلي لمن سمعني عمت عيني بچالي
يبن قيس الهلالي
...
واِذكُر يبن قيس بخبر گبري وجرح سالفته
بليل اجه يمي علي لفراگي يبچي بسكته
غُمضت اعيونه من التعب لحظات بس گعدته
گتله علي زينب بچت ورد محني ظهره لبنته

گلبي ظل اعله زينب وادري موجود ابوها
ضلعي يلچمني باچر عالهزل لو سبوها
بكربله آسمع نداها من تگلي تعالي
يبن قيس الهلالي
...
خادم الحسين ( عليه السلام)
كرار حسين الكربلائي
( ابو كميل)

اكبر جرح لمن تودعيني
وفوگ النعش تتطشر اسنيني
يحبيبه مو طبعچ تبچيني
يمه
...
ها يملح اسنيني كلها وخيمة ايام العمر
يا صُباح الخير وانتي الخير كله الينذكر
الليل ما يكشف ظلامه لمن يموت الفجر
چفچ اليدعيلي اشوفه بي اثر لسعة جمر

چنتي بصلاة الليل تدعيلي
ومن أعثر اسم الله تگليلي
لو رحتي بعدچ ينهدم حيلي
يُمه
...
ها يضحكة عيني بعدچ دمعي يغفه بالجفن
البيت عطشان اعله صوتچ ليش تارسته حزن
الولد من اتموت امه ينكسر جنحه ويحن
عله امتونج جنت اغفه وهسه سوط اعله المتن

تونين لمن المس متونچ
يعيوني وانظر سطره بعيونچ
وي دمعي تطلع كلمة اشلونج
يمه
...
باچر من وليدي يكبر راح اسولفله اشجره
كان يا ماكان چان ابيتنه اعظم مره
جدتك يوليدي عاشت والضلوع مكسره
ظلت تون من كسرها لحد يوم المگبره

كلما اصد للباب يهظمني
ويا شوفة البسمار تلچمني
يا دنيه بعد اعيونچ اتلمني
يُمه
...
والله مشتاگ ارد احضنچ وريحة الجنه أشم
وما احضنج بيدي خايف كسر ضلعچ ينلچم
رايحه تموتين يُمه ونلتقي بس بالحلم
كل جرح يلتم ولا يلتم ابد جرح اليتم

يمه اليتيم يعيش بالغربه
شما يذكر امه ينكسر گلبه
والله الحياة بلايه ام صعبه
يمه
...
وحشه راح تظل حياتي وبرحيلچ انهظم
الخيل ما تكسرلي عظمي فرگتچ كسر العظم
حسين يم حسين بعدچ يگضي عمر بلايه اُم
اسنيني راح اكضيها بعدج بس بچي ونوح ولطم

دمعاتي تحچيلچ يوالدتي
غير البواچي شعندي لو رحتي
بس المناحه تصير سالفتي
يمه
...
خادم الحسين ( عليه السلام)
كرار حسين الكربلائي
( ابو كميل)






نزل جبرائيل يمنه وتمطر عيونه دمع
صار يومين الزچيه صوتها ما ينسمع
گتله يا جبريل امي كسرو منها الضلع
بابنه جذوع ودماها لسه باقي اعله الجذع

دموع الوحي نزلت عله دموعي
ولوحشتچ راح اعلگ شموعي
كسرچ يريته يصير بضلوعي
يُمه

خادم الحسین (علیه السلام)
کرارحسین الکربلائي
ابو كميل

هالليله روحي ودعت روحي روحي
بعد امي اسكن مملكة نوحي نوحي
بالوحشه اعيش بدنيه الاهات
باچر يتيم حسينچ يبات
..
انكسر ضلع الزهره لو ساق العرش
ذابله من الضيم چفها يرتعش
وشفت ابوي بحسرته محضر نعش
تموت والدتي وعمرها ثمنطعش

صحت يمه فاطمه .. ريت بعيوني العمه
عايشه سنينج دمع .. والضلوع مهشمه

لو رحتي بعدچ ينهدم حيلي حيلي
وايمر عَلَي نوح وقهر ليلي ليلي
آ يم الاطباع الحنينات
باچر يتيم حسينچ يبات
..
عيوني لو رحتي يذبلها السهر
من يگلي اسم الله لو جدمي عثر
يمه فگد الوالده كسرة ظهر
خمس اصابع باقيه بخدچ اثر

آه بضلوعچ كسر والكسر ما ينجبر
عگب عينچ فاطمه والله ما ريد العمر

يا يُمه شنهو اليوجعچ گولي گولي
گومي اعله طولج يا بعد طولي طولي
شايل بگلبي ديره حسرات
باچر يتيم حسينچ يبات
..
عفيه دنيه شكثر راوتنه هظم
واعله باب الحگ جسر چف الظلم
حسين لو رحتي يظل بلايه ام
سنيني تخلص بس بواچي وبس لطم

السوط ورملچ متن .. واثر لطمه اعله الجفن
وتالي ما تالي الضلع ساحن ضلوعج سحن

بفراگچ يموت الهوه بريتي بريتي
ايظل بيتي اظلم يا بعد بيتي بيتي
تاخذني وترد بيه حسبات
باچر يتيم حسينچ يبات
..
يلومني من اجري دمعي المادره
امي خيمة عاطفه مو اي مره
بروحي اشري العافيه لو تنشره
ضلوعي گبلچ ريتها متكسره

العايش جروح اليتم .. بهذا حچيي ينلچم
لمن تموت السمه .. ينكسر ظهر النجم

من بابچ انلاح بجمر گلبي گلبي
وكل مغربيه ينعصر گلبي گلبي
هاليوم توديع ومناحات
باچر يتيم حسينچ يبات
..
بابچ بعيني رسملي كربله
الحايط الحافر على صدري اعتله
شفت بسمارچ سهم من حرمله
سوطج يورم متون العايله

الجمر يم بابچ رسم نار تحرگ بالخيم
الگيد اجفوف الوصي ايگطع چفوف العلم

وزينب عمت عيني عله زينب زينب
تطلع سبي من كربله وتنحب زينب
يحبيبه نوحي اعله السبيات
باچر يتيم حسينچ يبات
..
خادم الحسين ( عليه السلامْ)
كرار حسين الكربلائي
( ابو كميل)

خل ينكسر ضلعي الف مره
كل دمعه باچر تنكتب ثوره
باقي ندائي يعتلي .. انا على دينِ علي
...
دمعتي ثوره ويخضر بالضماير ياسها
والله ما يبرد عزمها الحب علي بنفاسها
جدم شيطان السقيفه لعتبتي من داسها
گتله ما توگع الزهره وعلي تاج براسها

عن الولايه واجب تدافع
وغصباً عليكم علي مو رابع
گلبي بولائه ممتلي .. انا على دينِ علي
...
يالشعلت ابابي نارك ما تغيّر ديني
بروحي حب حامي الحميه النار ما تچويني
بعيني حيدر جبل عالي رغم سطرة عيني
ما ابدل حرف منه لو ذهب تنطيني

لحيدر من المهدِ الى اللحدِ
بعشرة اصابع وقعت عهدي
هاك استمع يالجاهلي .. انا على دينِ علي
...
خاشع البسمار صله نافلاته بصدري
انحني ظنيتوا وانه الله رافع قدري
انه ما ينكسر طولي علي لازم ظهري
سلمت بچفوفه امري الما دره خل يدري

حيدر اميري والنعم منه
والنار وياه تنحسب جنه
ويبقه حبيبي الاولي .. انا على دينِ علي
...
علي من اخذو يبايع چنهم اخذو روحي
ذبحو المحسن وظنو ألتهي بجروحي
عندي شوفة وجه حيدر اغله من مذبوحي
وابد ما خليته يسمع ونتي ولا نوحي

فدوه الجنين وفدوه كل غالي
ما دام حيدر واگف اگبالي
افديه بروحي وبهلي .. انا على دينِ علي
...
انذلت ارباب السقيفه وشوكه جنت بعينهم
ما شفت بيهم صحابي بگشر باعو دينهم
اخطب ومكسور ضلعي والعن بشيخينهم
والفدك باگوها مني صلفه چانت عينهم

لآخر نفس حيدر ولا عفته
حب الولايه بروحي شايلته
بحزني الابد ما ينجلي .. انا على دينِ علي
...
خادم الحسين ( عليه السلام)
كرار حسين الكربلائي
( أبو كميل)

القاسم من اجاه شيخ العشيرة..
اختار الماي مثلك يبو الغيره…

كال اشتغل سكاي
مثل الوكع عالماي
وصار بكربله افياي… ...ابو الغيره
//////////


مشه القاسم غريب ابديره وحده

وحنانه فاض من عنده وتبده

سمع صوت إويِحلف بعلي جده

اجه الشيخ العشيره وبات عنده

والوحيد اوبالغرب
والوحيد ابلا محب
نار دلاله تشب

ضل سهران ابد مانام ليله..
بلكت طارش امن اهله يجيله

يضل كل عمره شجاي
مثل الوكع عالماي
وصار ابكربله افياي. ..ابو الغيره

///////////

ضافه الشيخ عنده ثلث تيام

وحس كلش ترف بس حيف ينضام

قره بوجه جرح شم حرك الخيام

وبعينه دمع بيه ريحة الشام

والدمع يحجي بجرح
والدمع صور رمح
شال راس المنذبح

تسولف دمعة القاسم مصيبه..
وعاشت كربله بروحه الغريبه

يِكول اشكبر بلواي
مثل الوكع عالماي
وصار بكربله افياي.… ابو الغيره

///////////

اليِدَور عله القاسم وين يلكيه

كاعد عالنهر ودموعه تجويه

بس إلفارك اهله يعرف البيه

طاري المشرعه ايلجمه ويإذيه

يالنهر اخ النهر
يالنهر يمك كمر
جفه عالماي انبتر

بقه عالمشرعه جفوفه كطيعه..
ابلا والي بقت اخته الوديعه


يِنِشده الراح والجاي
مثل الوكع عالماي
وصار ابكربله افياي… ابو الغيره

/////////////

يحس بالنار بس البيده جمره

شينيم القاسم وبالضلع كسره

يون عين امه ويلي بيها سطره

يحس بفاطمه وعيونه حمره

والكسر ضل يالمه
والكسر بيه يلجمه
والجرح من فاطمه

يضل عايش جرح كل عمره ماطاب… وبدت كل المصايب من وره الباب

يكول اجروحنه غطاي
مثل الوكع عالماي
ويصير بكربله فياي… ..ابو الغيره…

////////////

شاب القاسم وكلبه المشيب

غريب وكاعد وصافن يحسب

كلب الضيف يقراه المعزب

امبين انت طيب وابن طيب

كل للشيخ لاتنشد عن اهلي
يجي يوم واكاك منهم اصلي

تكوم تنوح وياي
مثل الوكع عالماي
وصار بكربله افياي… ابو الغيره…

//////////

نام القاسم وخلوه ابلحده

وصارت عنده ويلي ابنيه وحده

سالوه عن هله وِتعَرف رده

كصدت للمدينه وبيت جده

وعله الباب امن اوكفت
وعله الباب اتعرفت
ناحت ويمهم بجت


وصلت بته لاعتاب المدينه
وكفت دكت الباب الحزينه…

وصاحت بابنه هاي
مثل الوكع عالماي
وصار بكربله افياي
……… ابو الغيره

/////////////



نسالكم الدعاء
احمد الطيب الحلي


23 جمادي الاخر 1442
الجمعه
8/1/2021

ردت الزهره الزجيه..
ونفضت تراب المنيه…
وي الاهل كعدت سويه…
تلكتها… .وشبكتها اول وحده زينب

//////////

العنده ام إبأمره صار الكون كله

وامه هيه الواسطه من تدعي لله…

اذا رفعت جفها ماتحجي وتكله..

الله يفتح جيسه للام ويحله


من كرم رب البريه
عنها ما يمنع عطيه
لو دعت كل مغربيه

طلبتها وشبكتها اول وحده زينب..

///////////


اندفنت الزهره الزجيه وكبر طمها

حلم زينب نايمه ولن راجعه امها

حست الدنيه ملكها وامها يمها

ومن تضمها الضلع صاحي ومالجمها

بَرِدَت نار العقيله
وشافت امها مو عليله
الملكه والشبكه طويله

وشمتها… وشبكتها اول وحده زينب

////////////

يمه من رحتي تكلها وحشه بيتج

والحمد لله رجعتيلي ولكيتج

شكثر من رحتي ييمه دوريتج

اببابج المحروكه كل ليله تنيتج

اكعد ومكسوره خاطر
والكلب يايمه شاجر
إليَمته اتحمل واكابر

ابونتها. ..وشبكتها اول وحده زينب

/////////

انوب فاطم سُولفت يبنيتي اسمعي

حسين ضلعه ينكسر وي هذا ضلعي

زينب امج يالحبيبه كومي وَدعي

لاتخليني اضل يجويني دمعي

لاتكولي يمه ردي
كِعدي من حلمج إكعدي
ورحلت الالام تبدي

بدَمعتها وشبكتها… .اول وحده زينب

/////////////

فزت منل حلم صاحت يالحبيبه

وكالت اليوم اسمي صار ام المصيبه..

سطرة امي تصير زينب ياغريبه

ونار باب امي ابخيمنه يضل لهيبه

حلم عمري انتِ يَمي
بشوفتج ينزاح همي
كتلج الله وياج يَمّي

حِظنتها.. وشبكتها… .اول وحده زينب

////////////


نسالكم الدعاء
احمد الطيب الحلي
الجمعه 23 جمادي الاولى2442
8/1/2021

ليش أنته موفـضه مي جايـــب أتوضه
يابــــني أمك ماتحرك أيدينها
كون بيدك عالوضوء تعينها
--------------------------------------------
1= حسين المحليك عندي هواي أحب حنيتك
تـنزل وجنك حمامه بغـصني لـو ناديتك
يافرض كلبي وصلاته بمي عشك وضيتك
فدوه سامحني شأسوي عذرني لو بجيتك
---------------------------------------
من فدوه الدموعك لا تــنطوي ضلوعك
ضلوعي بالدم صلت موضينها
كون بيدك عالوضوء تعينها








2= ياهلا أبلسم جروحي ونور ليل سنيني
ينجبر ويطيب كسري بشوفتك يحسيني
جايب المــاي أبادينك ورايد تــــوضيني
وأنه ضلعي يمه صاير بالنفـــس ياذيني
-------------------------------------------
أنفاسي مختــــنكه وجفــــيني محتركه
حمره من السطره أمـك عينها
كون بيدك عالوضوء تعينها
*******************************************
3= من أكـبر يابــني أيدي خلها فوك متونك
وبالركوع حسين عـني لا تغيب عيونك
أسندني يل ما تلكه وادم باجر يسندونك
مثل ذبحت ضلعي ويلــي باجر يذبحونك
------------------------------------------
بضلعي 12 كسره وبــيك 12 طبره
الزهره دخان وضمه مشبعينها
كـون بيدك عالــوضوء تعينها



4= ضلعي ما ماخوذ رايه زعل ضل بالثامه
ونكـسر كوه وتـشضه مثل كسر الجامه
يابني ثبت راسي بـيدك أمسح أعله الهامه
وبالقنوت أسندلي صدري لو صرت كدامه
---------------------------------------
ساعدني من أركع من صوابي أتوجع
يالحنين وأمــــك معذبينها
كون بيدك عالوضوء تعينها
**************************************
5= شيل راسك لا تهبطه فدوه ضلعي الراسك
كلم أمك خل تخضر أسكيها ماي حساسك
أتكرب وخليني أبـــوسك وين جدك باسك
أتنفس وأمك تـــــنادي طيب الله أنفاسك
-----------------------------------------
دنيانه من ضعنه صارت بــلا معنى
بلا جريمه فـــاطمه معادينها
كون بيدك عالوضوء تعينها
*************************************************
الخادم عبد الجليل المالكي

كعدت حبايب يمها كعــــدنه
تذكرنه أبـونه والهادي جدنه
أتحدثنه سويه
أحنه والزجيه
نادينه المــنيه تسافــــــــــر
**************************************
1= طيب الله ضلاعـــك -- يم ســــوالف دافيه
أرفعنه أدينه الربنه -- الأمــنه رد العافيه
كلمـــــــــينه أنادي -- يم عـــيون الغافيه
الدنيه يمـنه بـدونك -- شمعه يـعني وطافيه
نبوس جفها نبوس خدها صحنه ضلي ويانه
نريد أمـــنه بحب تلمنه عالـي صار أبجانه
----------------------------------------------
فاطم نحبها حب بجنون
أمنه الحنينه نور العـيون
دمعتنه جريه
أحنه والزجيه
نادينه المنـــيه تسافـــــــــــر



2= طمنيني بكـــلــمه -- حسين من ناداها
ياحبيبت عـــمري -- بحق حبيـبج طه
ليه فتحي عــــيونك -- بردت وغـطاها
الجلسه من دمعاته -- فاتحه ســـــواها
لنها صاحت ياحبيـــبي اليله حــان وداعي
خل أشـــمك خل أضمك يبني بين ضلاعي
--------------------------------------------
نشف دموعك حان الرحيل
بالطف أنضرك دمك يســـيل
أذتــنه الرزيه
أحنه والزجيه
نادينه المنيه تسافــــــــــر









3= سيدتنا وأمنه -- وأية الله العــضمه
الله خالق كونه -- لأجل عــــينك يمه
فاطمه الأنسـيه -- أنت أساس العصمه
هالزمن لو غبتي -- ميت الله يــرحمه
ياهــــــوانه وياضـــــوانه وين نمشي أبدونك
كلشي يطفه يموت كلشي بس تــــنام عيونك
*******************************
ساعة غيابك موت الحياة
أنتي العقـيده أنتي الصلاة
هاي أخر مسيه
أحنه والزجـــيه
نادينه المنـــــيه تسافر









4= هاذي يـــمك زينب -- تبجي بس كلـميها
يالحنيـــنه بغـيرك -- عدمــــن أتـخليها
لسه أختنه زغيره -- ورده وتـــيتميها
من تشم أثـــيابك -- تموت خاف أعليها
هالعــــــقيله تضل يتيمه والسبي مناطرها
أه يــــــزينب من غـــيابك ينجرح خـــاطرها
******************************
يسبوها باجر فوك الهزيله
كافلها واكـــع من تشــتكيله
نار الغاضريه
أحنه والزجيه
نادينه المــنيه تسافــــــــــر









5= من يدفــنك حـيدر -- يعـني يدفــن روحه
والتمـوت أم بيته -- ما يــبطل نـــوحه
خـاف أبونه الـــغالي -- تـنهي عمره جروحه
مــــو سهل توديعك -- جروح بس مفتوحه
مو قـــليله يالجلــــــــــــيله والله مــــوت غيابك
شنعتــــذرله وش نكــــــــــله والـــوحي يــدك بابك
-------------------------------------------------
باجر يزهره زينب يتيمه
وأحنه ننادي يا للضلـــيمه
مدفونه العليه
أحنه والزجيه
نادينه المنيه تسافــــــــــــر
*****************************************
الخادم عبد الجليل المالكي

غـسلها - ثم هـــمس - بأذنها - فــــاطمه أنا علي
-----------------------------------------------
1= صبح ناكوط حب حيدر كطـــره تـشيع بكطره
صار أشويه من الضيم مـــاضل حيـــدر بكبره
بحيث العــمره بس سنتين بي مايعــثر يعــبره
وابسط نسمه مـــن تهب كامت تدفع بصدره
-------------------------------------------
كـــفــــنها -- ثم همس - بأذنها -- فاطمه أنا علي
***************************************
2= أسمحيلي يحب روحي دمعتي حدرج أفرشها
حمامه عيوني يالزهره وأتجيب الدفـو العشها
وأخر شمه أشمج زيــــن خاطر ريتي أنعشها
وأذ ردتيني أموت وياج كلمـتج ما أناقشها
---------------------------------------------
خاطبها - ثم همس - بأذنها - فاطمه أنا علي






3= أذا أدفـنج وأدير العـــين عـنج كلبي شيديـره
علي كل العلي بس موت راح الما ألك غــيره
يديرة روحي وبفركاج ضايع مـــا أللي ديره
أرد بيا وجه للبيت وزينب فــاطمه زغيره
-----------------------------------------
كلمها -- ثم همس - بأذنها -- فاطمه أنا علي
************************************
4= يفاطم راح أوصي الكاع ضلوعج خاف توجعها
وحـــياتج لـــمن تـونين أبيتي اللونه أسمعها
غراض الزفه صح أشـواي لكن راجع أجمعها
وبخرهن بخور دموع بدمعتي الـــشيله أنكعها
-----------------------------------------------
ودعها - ثم همس - بأذنها - فاطمه أنا علي
********************************
5= أنه وعـــيالج بفـــركاج جــنه وجـــوه دفانه
أستعجل من خذاج الموت وأحنه نريدج ويانه
أبوداعج مـــــن يجـينه ضيف مو بالبيت يلكانه
كبرج بيتـنه ونريد أنـــــام بشبكة أحضانه
----------------------------------------------
أمــــــنها -- ثم همس - بأذنها -- فاطمه أنا علي
*** الخادم عبد الجليل المالكي ******

من كربله... لارض المدينه والجرح
َمرسال اجه... مبعوث وبراس الرمح
والمحتوى... تعزيه من وجه الصبح

بسم الضلع بسم النحر
مرسال من سيد البشر
لامي الحزينه المُتعبه
الصارت خيال ابلا سفر

من الحسين ابنَ علي الحضرت جناب الوالِده
اما بعد وشضل بعد يا يمه دم صار الندى
الخيِّر وگع يم الحسن اوگفت الناس الگاعِده



.
.
.
.

مو من ورق.... المرسال قطعه من العلم
ذاك الوگع ....... عالشط وما رد للخيم
بي منرسم...... ضعن وسبي وماي وحرم

بي ثكلى واطفال وزلم
بي منذبح أجمل حلم
بدم خنصر حسين انكتب
بجف الگمر صار الختم

طول الرساله مختنگ شداها الحسين بألم
ساعي البريد الها الرمح وثوب الرمح جمر الخيم
شَقَ الرمح درب السبي وفوگه الرساله كلها دم
.
.
.
.

ضاع الشَمل .... من رحتي طشرنه الزمن
مات الحسن...... ومات الابو برض المحن
واني بغُرب.......و بالهيمه ضل مسبي الضعن

بينه انگطع خيط الفجر
گضينه بس ليل العمر
والروس سبحه يم حسن
من ابن ملجم للشمر

كلشي انذبح حتى الهوى حتى الگلب الا العطش
من يوم دفنج للنحر واني احلم ابليل اهدعش
ذاك الفرشتيله ورد طوله على الرمله انفرش





الماله عِرف....... بالدنيا گلبه ينشلع
يمه العَطَش.... بسمار ياكل بالضلع
لسه وعلي...... امغوش اعيوني الدمع

ولسه الضلع صوته يرن
بنص كلبي مو وسط الاذن
يا يمه شكتبلج بعد
قل الحجي اگبال الحزن

بعمق الرساله ارسم الج ضحكة طفل يم النهر
ومن ارجع انظر للرسم  يايمه اشوفنه نحر
اني نحر ابني نحر زينب نحر منِ القهر
.
.
.
.
بالخاتمه.........راسم الباب ابلايه دم
بصفها حلم..... محسن اخوه شايل علم
وحيدر و ابو.... فاضل وگف يحمي الحَرَم

وبجفه اجه وشال الوجع
من شلَع بسمار الجِذع
ابلايه وصيه هالرسم
وكل المَلك الهم فزع

وبجف اخيته مو حبل راسم ورد مروي بنده
وكلشي يسبح مبتسم والحادي أبدًا ما حِده
خيط الفرح واضح صفه وخيط الحزن لا ما بِده


الشاعر عبدالله الشويلي

سُليم ايگله يا سلمان ضلع فاطم منو رضه
ويسأله ليا سبب صارت تصيح الزهرة يا فضه
"""""""
يسولفله لسُليم الصار بحسرته ولوعته سلمان
يگله اعله الزچية الَطب دخل غفلة بلا ستئذان
وحرگ باب الوديعة بنار وبقت تتنفس الدخان
وعليهه الباب مطبوگه
وتصد بانفاس مخنوگه
تشوف الدار محروگه
حوالي بالثلثمية عليهه هجموا ابلحظه
""""""""
على الباب اعتنه الظالم بصلافة من يحاچيهه
حيدر لازم وغصباً إليه البيعة ينطيهه
يبايع لو تره احرگ عليچ الدار والبيهه
الزچية اتحاول اتمنعه
ودفعهه وطاحت البضعه
وصفعهه اعله الوجه صفعه
الوديعة تنضرب عالخد حلم ما تدري لو يقضه
""""""""
اسألت ليش الزچية اتصيح يفضه هاك اخذ ردي
تنادي فضه لحگيني الزمي ايدي ولي سَندي
سگط محسن عمت عيني وراح اوليدي من عندي
يفضه نادت ابدمعه
اظن ابني من الدفعه
مثل امه انكسر ضلعه
گبل ما ينولد محسن تره گلبه وگف نبضه
""""""""""
يسولف من دخل چانت الزچية ما عليهه اخمار
وتنادي فاطمة بالدار ويگلهه إي وإن بالدار
دفعهه الما يخاف الله ونبت وسط الصدر بسمار
وتنادي يا علي ابهمهه
شوف اضلوعي هَشَمهه
بسياطه امتوني ألمهه
علي بس لا تسل سيفك لابويه عهدك اتحفظه
""""""""
يبن قيس الحچي اهوايه ومصايب فاطمة كثره
عصرهه الظالم بقوته وبقت تشهگ من العصره
واُمر عبده اللعين وگال اريدك تضرب الزهره
العبد يا وسفه والخادم
رفع ايده على فاطم
بمتنهه يضرب الظالم
متن بنت النبي المختار بسياط العبد تتلضه
""""""""""
يسولف عن محن فاطم ويهل سلمان بدموعه
الرجس يشتمهه ويگلهه عليچ الدمعة ممنوعه
ويگلهه بالچ اتونين يزهرة بونه مسموعه
منعهه امن البچي هوَ
وتجر هيه النفس گوه
وتگله مالك امروه
يرب تدعي الحِرگ بيتي عساهه ببخته وبحضه
""""""""""
واخبرك يا سُليم اكثر على الگلته خبر زيده
بعد ما ضربوا الزهرة بحبل چتفوا علي ايده
تگلهم خلوا بن عمي وافتحوا ايده من گيده
عليكم لو دعيت انه
ينزل الله حُسبانه
ويزلزل بيكم اكوانه
تره أدعي واذا أدعي السمه تغضب إلي وترضه

انيس الخفاجي الكربلائي

الایام الفاطمیه
ــــــــــــــــــــــــــــــــــــــ
دمعتی ابعینی یا یمه تلالی
ودهری بس حزن بعدچ تلالی
مو تل من حزن صارن تلالی
کسر ضلعچ ییمه العم علیه
ــــــــــــــــــــــــــــــــــ

حلاوت ریجی یمه اعلیچ مرت
ولیالی الحلوه مثل الحلم مرت
ابسدری نابت البسمار مرت
وگبلچ کون وافتنی المنیه
ــــــــــــــــــــــــــــــــــــــ
ییمه من البچی و النوح یاریت
مو بس دمع عینی ادموم یاریت
ایا ریت الیالی اتعود یاریت
وترد ایامنه الچانت زهیه
ـــــــــــــــــــــــــــــــــــ
دهری بس علیه اهموم یا صب
وعجیب اصواب بدلال یا صب
گبر امی اسئلک وین یا صب
یبویه اعتاب عندی ویه الزچیه
ـــــــــــــــــــــــــــــــــ

شملنه الشت ابوصالح یجمعه
ینهض یاخذ ابحگنه یجمعه
اتانی یا شهر یظهر یا جمعه
گبر امی یگلی ابیا نویه
ـــــــــــــــــــــــــــــــ

السیده الزهرا
انه ابطور الحزن انعی و الاحن
محد رق علی گلبه و لاحن
یبویه حشمت ما صح ولاحن
الرجس یابه حرگ بابی علیه
ـــــــــــــــــــــــــــــــ
الدنیه ابعینی یل مختار ماییت
انکسر ضلعی و علیه النار ماییت
یبویه من نخیتک لیش ما ییت
واخلافک تشوف اشصار بیه
ـــــــــــــــــــــــــــــــــــــــــ
باب البی انس لاذت وجنبی
نیران الحقد بویه وجنبی
طاح و کسر اضلوعی وجنبی
نخیتک لیش ما ردیت لیه
ـــــــــــــــــــــــــــــــ

لسان حال شیعی
وینه الیحضر الشده علی وین
یجی و ایشاهد ابیته عل وین
العرش هم لای هلیله علی وین
الحسن و حسین لمصاب الزچیه
ــــــــــــــــــــــــــــــــــــــ

وینه الچان للکلفات منعت
الزهرا ما سمعها اشلون منعت
عجب یصبر یشوف اهناک منعت
الرجس بیده و حرگ باب الزچیه
ـــــــــــــــــــــــــــــ

دم یا عین مو بس دمع هملای
احس ابگد جبل حمرین هملای
الفگد بت الرسول العرش هملای
انهدم یوم انکسر ضلع الزچیه
ــــــــــــــــــــــــــــــــــــــ

الچ ماتم ابلب احشای ینصاب
یل زهرا و الچ برکان ینصاب
گلبی ابدال ضلعچ کون ینصاب
وفدوه اتروح الچ کل البریه
ــــــــــــــــــــــــــــــــــــــ
کلمات جاسم ابومهدی السلامی

الایام الفاطمیه
ــــــــــــــــــــــــــــــــــــــ
دمعتی ابعینی یا یمه تلالی
ودهری بس حزن بعدچ تلالی
مو تل من حزن صارن تلالی
کسر ضلعچ ییمه العم علیه
ــــــــــــــــــــــــــــــــــ

حلاوت ریجی یمه اعلیچ مرت
ولیالی الحلوه مثل الحلم مرت
ابسدری نابت البسمار مرت
وگبلچ کون وافتنی المنیه
ــــــــــــــــــــــــــــــــــــــ
ییمه من البچی و النوح یاریت
مو بس دمع عینی ادموم یاریت
ایا ریت الیالی اتعود یاریت
وترد ایامنه الچانت زهیه
ـــــــــــــــــــــــــــــــــــ
دهری بس علیه اهموم یا صب
وعجیب اصواب بدلال یا صب
گبر امی اسئلک وین یا صب
یبویه اعتاب عندی ویه الزچیه
ـــــــــــــــــــــــــــــــــ

شملنه الشت ابوصالح یجمعه
ینهض یاخذ ابحگنه یجمعه
اتانی یا شهر یظهر یا جمعه
گبر امی یگلی ابیا نویه
ـــــــــــــــــــــــــــــــ

السیده الزهرا
انه ابطور الحزن انعی و الاحن
محد رق علی گلبه و لاحن
یبویه حشمت ما صح ولاحن
الرجس یابه حرگ بابی علیه
ـــــــــــــــــــــــــــــــ
الدنیه ابعینی یل مختار ماییت
انکسر ضلعی و علیه النار ماییت
یبویه من نخیتک لیش ما ییت
واخلافک تشوف اشصار بیه
ـــــــــــــــــــــــــــــــــــــــــ
باب البی انس لاذت وجنبی
نیران الحقد بویه وجنبی
طاح و کسر اضلوعی وجنبی
نخیتک لیش ما ردیت لیه
ـــــــــــــــــــــــــــــــ

لسان حال شیعی
وینه الیحضر الشده علی وین
یجی و ایشاهد ابیته عل وین
العرش هم لای هلیله علی وین
الحسن و حسین لمصاب الزچیه
ــــــــــــــــــــــــــــــــــــــ

وینه الچان للکلفات منعت
الزهرا ما سمعها اشلون منعت
عجب یصبر یشوف اهناک منعت
الرجس بیده و حرگ باب الزچیه
ـــــــــــــــــــــــــــــ

دم یا عین مو بس دمع هملای
احس ابگد جبل حمرین هملای
الفگد بت الرسول العرش هملای
انهدم یوم انکسر ضلع الزچیه
ــــــــــــــــــــــــــــــــــــــ

الچ ماتم ابلب احشای ینصاب
یل زهرا و الچ برکان ینصاب
گلبی ابدال ضلعچ کون ینصاب
وفدوه اتروح الچ کل البریه
ــــــــــــــــــــــــــــــــــــــ
کلمات جاسم ابومهدی السلامی

يمشن أبين السبايه اثنيهن
دموع تبجي الروس من اونينهن
طفله ماموجود بين الروس ابوهه
وطفله كل الروس تبجي من سبوهه
..........
عن حميده وعن رقيه اشافن بأول عمر
يمشن أبين السبايه ورود مجويه بجمر
يمشن يعثرن يگومن حايره ام الخدر
هذا حال امدللاتك ياحسين ويه الشمر
انت عينك ياحسين اتشوفهن
يجري دمعك ادري ويه ادموعهن
ويه كل طفله تون من عذبوهه
طفله كل الروس تبجي من سبوهه
.........
ويه كل طفله دموعك خطوه خطوه بالضمه
اسم الله يابنيتي حميده يارقيه سالمه
انه يبنياتي ابوجن عالرمح وابجي ابدمه
عيني طول الدرب ليجن تنظر ومتألمه
بعيني كالوردات ملفوفه ابعبي
انتن زغيرات مو مالت سبي
كون ماشفت الجره وعيني طفوهه
طفله كل الروس تبجي من سبوهه
........
الروس تحجيلي ابدمعهه وأنه فسرت الدمع
جنها تسألني وتگلي هذا ونمن ينسمع
يختلف ون الزغيره كلشي بيها ينفجع
بنتك الونت رقيه لو حميده بهالجمع
تبين الطفله إذا تبجي وتون
كلشي بيها يصير نبراته حزن
تبين التفگد ابوهه لو اخوهه
طفله كل الروس تبجي من سبوهه
.......
جاوبت وهمومي بيه اعرف المتعذبه
ميزت ون العطاشه وحته مي ماشاربه
ونه من عدهن رقيه من شفتهه امتربه
اونت الفاگد حميده ويه السبايه مسلبه
الگاع تجوي يعثرن بممشاهن
يمهن ومااگدر اتلگاهن
وحده وحده بالسياط يعذبوهه
وطفله كل الروس تبجي من سبوهه
........
صفاء حسين الكربلائي

بجمرة نوحي .. ادفن روحي ..وفدوه سنيني .. للمظلومه
المن اشكي .. بحيره وشحجي ...ودمعة عيني .. للمظلومه
ـــــــــــــــــ
انه الما منحني ظهري ..ولا مرّه بجت عيني
لاجنّي ابفكَد فاطم ...ذبلت ابجمرة اونيني
بين اجذب حسره .. واندب يالزهره ...مااحمل فركَاج وظلمه ادياري ابلا نورج
ماانسه العشره .. دهري اجرع مرّه ..ناصبلج ماتم يالبضعه وابجي العاشورج
مظلم ليلي .. واندب ويلي ... فاكَد حيلي ... للمظلومه
المن اشكي .. بحيره وشحجي ...ودمعة عيني .. للمظلومه
ـــــــــــــــــ
الفاكَد مهجته وروحه ... يريد الموت كل لحضه
وفاطم هدّمت حيلي ... بوضعي حيّرت فضه
بدمعات عيوني .. وبنزف جفوني ...غسّلت الزهره واذّاني من شفت ابنظره
ميته وتتألم ... وضل يطفح هل دم .. من ضلع المكسور وكَلبي اتمرمر عالزهره
ايدي بخدي ... وانه شعندي ... ذايب جبدي ... للمظلومه
المن اشكي .. بحيره وشحجي ...ودمعة عيني .. للمظلومه
ـــــــــــــــــ
درت للحايط ابوجهي ... صعب اتحمل الشفته
جسد فاطم بالمغيسل ...ينزف يا وسف عفته
ابجي واتحسر ...اصبر مااكدر ... واسماء اتعنّت نشدتني ومن شافت حالي
ردّيت اعليها .. وكلمه امن احجيها ...تطلع كَوه وفوكَ اخدودي هالمدمع هالي
الصاحت ضلعي ... يهمل دمعي ... اتغير وضعي ... للمظلومه
المن اشكي .. بحيره وشحجي ...ودمعة عيني .. للمظلومه
ــــــــــــــــــ
بضلام وشيّعت فاطم ... اشيع اسنيني وياها
راحت وردة احلامي ... الألي مشبوحه عيناها
متفطره اشفافي ... مشيعها وحافي ... واتمنه وياها ايخلوني ومارد لدياري
ماتسوه الدنيه .. وما انطر جيّه ..شلون اندفنها شلون ارجع والمدمع جاري
احفر حفره ..وكَلبي وكسره ...وتلهب جمره ... للمظلومه
المن اشكي .. بحيره وشحجي ...ودمعة عيني .. للمظلومه
ــــــــــــــ
دفنت الزهره والحيره ... شلون ارجع واشوف حسين
يتلكَاني ينشدني ... على امه ودمعته بالعين
وزينبهه بحيره ... محنتهه جبيره ...متعلمه اتشوف امها وتكَعد كل ليل وياهه
ماتصبر ادري .. زينب يا عمري ...بغرفة امها اتخلص الليله حتما الكَاهه
الما مر بيّه ... صار اعليّه .. اسهر ليليه ... عالمظلومه
المن اشكي .. بحيره وشحجي ...ودمعة عيني .. للمظلومه
ــــــــــ
الشاعر محمد حسن ضيغم

فاطمه يافاطمه يافاطمه
أنصب أعليها العزاء      
نادي وأرفع هالنداء  
فاطمه يافاطمه يافاطمه
* * * * * * *
أبدي حزنك يالموالي وخلها تتجاره الدموع
وخل دليلك من ونينك ينشغ اليوم ويلـــــوع
طفوا هاي الليله شمعه بيها تتباها الشمـــوع
أستشهدت أم الايمه ومشت مهشومه الظلوع
نايبه ويلآه من هالنايبــــــه    
ماتت الزهره شهيده امعذبه
مرمروها الادعياء      
نادي وأرفع هالنداء  
فاطمه يافاطمه يافاطمه
* * * * * * *
الزهره خلف الباب لاذت طاهره تريد الستر
وعلى الحايط لن عصرها الطاغي ترباة الغدر
أتجاسر أعليها وسطرها اليحمل أحقاد الكفر
أنشلت أيمينه عساها ولاسطر خد الطهــــر
والحقد بعد النبي بان وبده
يتموا ولد الوصي أهل الرده
أستشهدت خير النساء    
نادي وأرفع هالنداء  
فاطمه يافاطمه يافاطمه
* * * * * * *
طاحت الزهره الزجيه والظلوع مرضرضه
حين أول هجمه صارت على دار المرتضه
وكعوا منها طفلها وضجت أملاك الفضــه
فاطمه الصوب ظلعها بالنبي أصوابه مضه
أشكبر فعلة ذاك أول ناصبي
الصال وأتجاسر على آل النبي
وقتل نسل الانبيـــاء      
نادي وأرفع هالنداء  
فاطمه يافاطمه يافاطمه
* * * * * * *
أنحب أنحب يالموالي وعزي أبوالزهره البتول
اليوم بمصيبة بضعته شارك أحزان الرســول
صوّر بذهنك ظلعها وكسره والدم الهطـول
وأللي ظلمت بت نبينه باجر الربها شتكول
يوم يعرض غدر أصحاب الغدر
وشعذرهم للنبي يوم الحشــــر
بمحكمة يوم الجزاء      
نادي وأرفع هالنداء  
فاطمه يافاطمه يافاطمه
* * * * * * *
أحظر أبمأتم الزهره بكلب ملجوم وحزيـــن
وعزي أبوالحسنين حيدر ذاك أميرالمؤمنين
أشما تون ياشيعي لتظن راح يشفيك الونين
لمن يظهر أبوصالح ياخذ بثار الجنيـــــــــن
بسيفه ينهي كل فتن أهل الفتن
وكبر يبني الفاطمه أم الحســن
وكبه توصل للسماء      
نادي وأرفع هالنداء  
فاطمه يافاطمه يافاطمه
* * * * * * *
                                  ســلام المشــعل

هاي الوصیه. منّ الزچیه

لبني مهدي اشكي ناري
اكتبتهه و دمعي جاري

*

بسم الإله ِالمنفرد رب العلم و القدره
ابهاي الوصيه ابتدي اشكي همومي ابعبره
يبني يمهدي المنتظر هاي أمك آنه الزهره
و بكل سطر مسطور ألم كسر الضلع و السطره

یالمهدی یبني ذوّبنی ونّي

بکل شطر بان انکساري
اكتبتهه و دمعي جاري

*

ما اگدر اکتب و القلم یالمهدی یمشی بکیفه
چف الله یکتب محنتی و وضعی صعب تعریفه
خصمی عگب عین النبي ، اِبوجهی یشهر سیفه
ابلیس وجهه المنطفي و بچفوفه اشتم جیفه

وبعصرة الباب عاب الضلع عاب

يبني شبّوا باب داري
اكتبتهه و دمعي جاري

*

باب الوحي صح احترق لكن لِذِت خلف الباب
ما رِدْتَ اشوف الأجنبي ايصدلي وانا بلا جلباب
ظل یعصر الباب ابحقد خصمي و ضلع صدري انعاب
حين الصحت آ یا ابي ردّ و لطمني بصواب

محمرّه عيني و اسقط جنيني

قصده يذبح اقتداري
اكتبتهه و دمعي جاري

*

سقطوا جنيني بيا ذنب شنهو الجرى من عندي
وبیا ذنب یاالمنتظر ضربوا دموعي ابخدّي
وعداً یمهدي بكل صلاة ادعي اعلى كل من ضِدّي
اليوم القيامه انتدب بسمك حبيبي المهدي

دوم ابچي و انخاك. وبدموعي الگاك

و انتخيك ابأنتظاري
اكتبتهه و دمعي جاري

*

يتعثّر ابخدي الدمع دم لونه دمعي المنثور
وبدم دموعي شاهدت يالمهدي مذبَح عاشور
راس الحسين اعلى الرمح يا ويلي و دمومه اتفور
يم نعشه زينب جالسه و تنحب يخي يالمنحور

بكل دمعة العين. مذبوح الحسين

يصرخ ابكل لحظه ثاري
اكتبتهه و دمعي جاري

*

خادم خدمة الحسين عليه السلام
ناصرآلبوعبید