ميمر
يا فاطمه شسوه الباب بضلوعج وكسرهن

———————————————-
يافاطمه بنت الرسول ال اعلم
منهو الدفع بابج وضلعج هشم
اشصار اعله حالج الله بس اليعلم
يعلم شنو الصار ودار من الضلوع انطبكن
—————————-/////————-
يازهرهً   انتي العالمهًً المتعلمت
بنت. الرسول  وأم  ابوه اتسمت
معقوله جابولج  حطب وحتركت
بابج اليوكف جبريل يدخل لمايستاذن
———————————————
شنو الي صار بمحسنج مايعقل
طفل وز غير وعصره مايتحمل
ولمن اجه قنفذ ضغط لمن مل
والباب مصنوعه جذوع لجذوع  بيه غزرن
———————————————
حيدر بقه متحير ومايكدر
يفزلعلج بائمر الرسول تحير
ولو خالف وصيته ابد مايعذر
ذكر محمد وصاه كله الجذوع اي وجن
———-/—////————————
يازهره شيب راسي هاذه الموقف 
بل باب عصروج وجنينج يرجف
حيدر علي بكيد الوصيه تجتف 
ولولا الوصيه الكرار جان الرؤس اطشرن

لخادم الزهراء ضرغام منعم الكربلائي

مقدمة مجلس


يصبح العافيه وياعشگ عمر صباي
ياكتر المحنه ويادفو دموعي
كل شيبي وهضمتي لضلعج المكسور
فدوه الآه منج فاطمه ضلوعي
حتى الصوت شيب من كثر الونين
ليل نهار صار الباب موضوعي

كل هضم دَهري وعذابي
باقي حزني وباقي بابي
شرد اسولفلج يفاطم
راح وي ضلعج شبابي
.................................................

كل خاطر صفنتي بچلمة الياحيف
وكل سنين عمري لشهگتج فدوه
شيفيد العمر يافاطمه بلياج
عمر وبلا وجودج كلشي مايسوه
لفت ليه المصايب من خذاج الباب
صار الحزن بعدج للگلب سلوه

ياكثرهن نايباتي
بالحزن خلصت حياتي
دمعه دمعه سنيني راحت
ابجي وانه بنص صلاتي
................................................

نار اباب بيتي وآنه ابو الحسنين
ونار الآخره بچلمه آنه اطفيها
وكوثر جنة الله مگبعه بدخان
ماي الله وتطفي النار بيديها
صوت من العرش مبحوح حاجه الكاع
هوت فوكج الزهره بهيده حضنيها

صوت ابوها الي اجاها
ماحمل يسمع بچاها
شافها عالگاع طاحت
ومات بالطيحه ضناها
....................................................

ام الرحمه كلها ومارحمها البين
شلون بحال زينب يوم شافتها
يمه اسم الله صاحت من هوت للگاع
وسفه زغار أيديها وماتلگتها
حضنتها وبجت لمن جوتها النار
شافته الجمر واصل لشيلتها

مو حمل هاي البليه
طفله ماتحمل اذيه
والعمر دمعات خمسه
ياهضم عمة رقيه
......................................................

يوم الباب بي جانت ولادة سوط
وبي اول شهيد بترب يتعفر
وبي خد انسطر ويلاه راحت عين
يعين الله الحسن شاهد على المنظر
شاف أمه هوت ويلّي انسطر قرآن
وظلت عالترب آياته تتطشر

ياصبر حيدر يحمله
عالترب محنيه قِبله
ياهو يحمل حرگ داره
والغرب تسطرله أهله



علي طعمه البطاط

مشتاكه الج ييمه.    داري بغيابج ظلمه
من اشتاك الج اركض واشم حجابج.
  بس  حمره  من. الدم بعده  ثيابج
             انه زينب.    انه زينب
______
فاطمه من اذكر احضانج والله روحي طك تره
يمه  عمرج  بعده  ورده  شلون  نمتي  بمكبره
وانتي  بل قرآن  صوره   وصار  اسمج  كوثره
يعني  قرآن انتي يمه  وصعبه   يدفن  بل ثره 

انتي جزء من قرآن.  صعبه يدفنج دفان
حيدر ييمه  كسر  ظهره  مصابج
بس حمره من الدم بعده ثيابج
انه زينب.          انه زينب

_________
يمه   ياجلمه   محنه   وجنتي  أعز  من  الهوه
انتي   نور  من   الجليل   مطعم  بماي   وضوه
انتي أسرار  الله  يمه  وبيج  سر ال  قل  هوه
وبيج جانت  رحمه  الله  وبيج  يتشافه  الدوه

ظلمه ييمه ال اكوان   وموحشه كل الوديان
والدنيا وكفت  كله  يم اعتابج
بس حمره من الدم بعده ثيابج
انه زينب. انه زينب

_______
يمه  يل  حضنج  ترافه  يغار  من  عنده الكطن
والحرير   يبات  يمج  من  يحس  روحه خشن
  والي   جاتله   عشيره   باب   بيتج   يطمئن
انتي جنج  كعبه  يمه  شلون  كعبه  وتندفن

وسوالفج جنه أذان.   تسبيح لل الله و قربان

باب السموات  السبع  يم  بابج
بس حمره من الدم بعده ثيابج
_______________

فاطمه  بابج  اشوفه  بكل  صباح  وكل  مسه
وعصرت المحسن  ييمه  ال ابد  لا  ما  تنسه
من صكط بل عتبه اخوي النار كطعتله  نفسه
الباب   خضر  شيب  بيه  ماحمت  خير  النسه

العتبه مقهوره عليج.  مدفعت نار التجيج
والفجر موحش صار بعد غيابج
بس حمره من الدم بعده ثيابج
___________
شفت  باب  الدار  يمه  يسولف  وي  اعتابنه
يكله   احنه  ماحمينه  ام  الحسن  بخشابنه
جاوبته  صعبه   كلش  هل  قضيه   شجابنه
كومنه   خل  ندعي  ربنه  يهودنه  مصابنه

والباب حاجه البسمار.   ويكله مو بيدي الصار
النار   خجلانه  اجت   بترابج 
بس حمره من الدم بعده ثيابج

ضرغام منعم الكربلائي

قصيدة بحق الزهراء على طور (شيعوا نعش الطاهرة المظلومة)


يلله ياشـــــــيعة بحــــزن شــــيعوها
الهادي واهل البيت هالحظروها
_____________
فوكَ نعش الطاهرة الهادي ارتمة
مـــــفرع الراس ويصــــيح فاطمة
وللنعش وكَفت خديجة لاطمة
لفاطمة الزهرة الدموع اجروها
______________
يلله كثروا النوح واجروه الدمع
حـــــــــيدر الكــــرار حاظر منفـــجع
ايصــــيح وايلاه ياكســـر الضـــلع
الزهرة من شم الهوة حرموها
_____________
الحسن عالراس يلطم والصدر
آه يا يمه صـــــرخ بـــــيها شكـــــثر
حافي الرجلـــين مذهول الفكر
امهم بغفلة وغدر فكَدوها
_____________
يعــــــثر ابمــمشاه ويكَوم ويطيح
هذا حال حــسين يا يمه يصيح
وزينــــــــــب تناديها دلالي جريح
وصاح ابو فاضل سوة حاطوها
______________
يلله ياشـيعة علي لبسوا الـسواد
والمنادي ايصيح ويصير الحداد
خل نعـــــــزي بفاطـــــمة زين العباد
وي ملائكة السما شيلوها
______________
الامام الباقــــــر اعله امه حـــــــزن
تقدم التابوت ويصـــــيح بشجن
هاي روح الهادي ملفوفة بچفن
العين حمرة والضلع كسروها
_______________
دم على الوجنات تجري دمعتة
جعـــفر الصادق ينـــوح لجــــــدتة
وي المعـــــزين يلــــطم هامـــــــــتة
صدورهم من اللطم ادموها
______________
تعـــــنه من بغـــــداد مكــــسور الكَلب
شايل التابـــــوت وعــــيونه تصــــــب
يندب الكاظم على الماتت غصب
انشلت چفوف الذي عصروها
______________
الرضا ابنعش امه يشتم ريحتة
شاهد الهادي ونزعها اعمامـــــتة
واجت معصومة تنادي تبعـــــتة
ويالنعش طلعوا ولا عافوها
_____________
اقروا الها الفاتحة صوت ارتفع
الجواد ايصـــــــــيح وبكَلبه وَجَع
وصل حزنه لفاطمة حد الجزع
بزهرة سنين العمر كتلوها
______________
فوكَ متن ابنه علي الهادي اتنچة
نوب فــــوكَ الهام عشــــــرة شابچة
ونوب لازم صفحتة اعليها وبچة
ساعد الله كَلوبهم واسوها
_______________
عاف سامرا واجه محمل الم
الامام العــــسكري وناح ولطم
السيدة نرجس اجت وي الحرم
الفاتحة وسط الكَلب نصبوها
_______________
يحظر التشييع ودموعة مطر
يمـــــشي ويانه الامام المنتظر
اطلــب الها الثار امك تنــــــتظر
كَبة امكم ياوكت تبنوها
_______________
أسالكم الدعاء رائد الاسدي

بالله ليش اتعيش غربه.. وللعرف والمو عرف بالشدة واگف*
يا ضماد الكل جرحنه..وقانع ابجرحك يضل يالمهدي نازف*
يا ختام الكل رساله..ايزعل الله ابكل وكت هجر المصاحف*
الهجرك اتعود طبعنه..وانته حنيّت نبي واعلينه خايف*

يالشايل بمتونك سمه*
ومدفونه بخلگك فاطمه*
بجروحك يتخوصر ألم*
المدفوعه امّه منو يفهمه*

يا صاحب الزمان دخيلك
يا صاحب الزمان دخيلك
..........................
انته جوهر چلمة الله..وكل دمع يتگاوه بعيون اليتامه*
ابنص فراغ الوحده عشنه..وانته يمنه اتطش هلا بلون العمامه*
تهنه وانته اتدلي بينه..بخدك الاسمر شلت كل همنه شامه*
انته ذاك المنطي صدرة..لليريد اينيشن ويرمي سهامه*

يالربك هيچ امنصبك*
من روحه ومن علي امرتبك*
يا اوضح من شمس الظهر*
نبچيلك بس ريح بشبك*

يا صاحب الزمان دخيلك
يا صاحب الزمان دخيلك
...........................
يا ابو نيّه الحيل بيضه..البرگعت وجه الشمس من گد ضواها*
يا توالي الضامي نحره..ونعمة الخلصت سحگ والطف چفافها*
انته مال ملاگه يچوي..برودة احنه ولا سفر هجرك چواها*
كلشي بينه ايصيح وينك..وانته شمسك واضحه ومحد لگاها*

مو غايب بس احنه الغرب*
يوميه (بوينك) ننصلب*
لعيونك كاتلنه العطش*
يا ماي ودورناه شرب*

يا صاحب الزمان دخيلك
يا صاحب الزمان دخيلك
..............................
ريح هاي الدنيه چنهه..مطشرتنه وچفك ايحاول يلمنه*
العشگ يحتاج حرگه..وكون عطّاب الخيم تارس نَفسنه*
وكون من اتفوت جمعه..وما تجينه ايگوم يخبط كل عمرنه*
والله لو نصفى ونندهك..چان بأول دعوه تحظر انته يمنه*

لو مره نصفى بالعمر*
چا شفنه الرايات الخظر*
يالشابع من عدنه لچم*
ما بينه اليجبرلك كسر*

يا صاحب الزمان دخيلك
يا صاحب الزمان دخيلك
.................................
الرحمه نعرفها طبعكم..والقساوة اطباعنه وموت الظماير*
لسه احنه انصيح وينك..ثاري احنه التايهين وانته حاظر*
ولا محطه اوگفنه بيهه..ولا سألنه ارواحنه ابگلبك اشصاير*
ولا چوانه الزعل منك..والقطار اللذه گمنه انگص تذاكر*

ضيعنه الاول والمضى*
بلا خيرك عالمنه گضى*
سامحنه يا رب اللطف*
نتمنه امن اعيونك رضا*

يا صاحب الزمان دخيلك
يا صاحب الزمان دخيلك



علاء المياحي
الفاتحه لروح والدي

قناة حيدر تركي الكربلائي:
الفاطميه
.
.
.

عـاشــوراء .. الــزهـــراء
قــد اقــبل
يابو صالح

_____

ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه

متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره

يــوما أت .. لــلاهــات
قــد اقــبل
يابو صالح

_____

حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات

اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك

حزن الآل .. في الأصال
قد اقبل
يابو صالح

_____

شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها

انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح

_____

تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب

لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح

______

اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي

ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك

صوت عزاء .. صوت بكاء
قد اقبل
يابو صالح

_____

سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب

يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح

_____
تمت والحمد لله
حيدر تركي الكربلائي

[ موشح لأستشهاد الزهراء ع ]

شـما اعايـن بابـي انــظر بيهـا
الزهره والمحسن وگع بأيديها

بعد ام الحسن ماظل شي جميل
والهوه بريتي احس قرر يــشـيل
حـالتـي يرثـى لـها مـثل العـلـيـل
وبــعـد مـاأعــرف الروح شـبيـها

_________1__________________

راحــت الچـانت هواي ودنيـتي
وگـمت بردانـي أنشــف دمـعـتي
راحت أم بيتي الزچيه وبسمتي
والعـيون الـدمـع ضـل حـاديـهـا

_________2__________________

اقلعت خيبر بيدي وبعز الشـباب
باب خيبر بزره عدها ابلا حساب
ومادريت الباب من خـلفة الـباب
ولـوّن ادري الــبـاب مـااخـلــيـها

_________3__________________

ام ابوها وام ألي چانـت واخـت
هيه ماتت مدري آني الي مــتت
ياحسافه وهـيج بعـّدنـه الوگـت
وآني بيـدي أذن الوگـت لاويـهـا

_________4__________________

نامـت عـيـون الـگـبـل لا ما تـنام
الليل كـلـه أتسـبّح لربـها الـسـلام
اعليه چانت مـاي وفياي الخـيام
وهسه عيني الدمع ظــل عامـيها

_________5__________________

الشوگ يذبح مثل سيف اعله النحور
وحيلي خـلص مثـل عـودان البـخـور
آنــه ادورن مــدري گـاع الــلـه تــدور
صــــار سـافـــلـهــــا الارض عــالـيـهـا

_________6__________________

#رزقهم_سلام_الله_عليهم
#احمد_رزاق_الاعرجي

السلام على الظلع الكسير
ا__________________ا


بزرت الـشيطان دفعـو بابها
مادرو الله المفصل حجابها

اتحالفو جوه السقيفه اهل الحقد
چـبيرهـم شاور ابليس وگله اعـد
گـله نـحـرگ بـاب حـيدر والـحمد
وهـلهـل ابـليس وركـض لاعـتابها


راحــو لـدار الـزچـيه ابـلا خـجـل
عيونهم مرسومه بيها شچم هبل
واحــد لـواحـد يـگــلـه بـالـعـجـل
لا يـجـي سـيد العـجم واعــرابها


بـيـت فـاطـم كـهف ربـك أسـسه
مـن سنـة قـبل الخلايق مـدرسه
ياهـو يـگرب ذو الـجلاله حارسه
عند ذي العرش السقيفه حسابها


اشتـبهـو وگالو المحسن مات لا
شـبه الـهم روحه صـعدت للسما
مـثل عـيسى يـرجع بطف كربلا
ابـو فـاضـل أسـمه مـن طـلابـها


جـيوش امـلاك السـمه متحزمه
تـريد اشاره من عـلي لو فاطمه
حـتى تخسف هالكره والانـظمه
لخـاطر الزهـره وعـلي واحبابها


الـفجر والـنور حـتى الـعـاديـات
والكهف والحمد حتى الذاريات
چانـن لـــفـاطـمـه اولاد وبـنـات
أم نـبـوه والـكـتـاب كــتــابــهـا



ا____________________ا
الشاعر احمد رزاق الاعرجي

جديد الليالي الفاطمية

ها يحيدر ٭٭ وينك انت ألحگ عليه
ها يحيدر ٭٭ بت نبي وشبعت أذيه
ترضى يا فارس مضر٭صدري بالباب انعصر
ها يحيدر ٭٭٭٭٭٭٭٭ ها يحيدر
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
هجمو عالدار بامــــــــــر مـن الخليفة
دفعو الباب بحقد اهــــــــــل السقيفة
البيت بي بس انـــه و نحيله وضعيفة
الأمس بالخندگ شرد يشهرلي ســيفة
٭ـــــــــــــــــــــــــــــــــــــــــــــــــــــ٭
لم حطبها ٭٭ حـرگ بيت الله وحبيبه
لم حطبها ٭٭ اصحاب مو هاي مصيبه
لعنة الله عله الحضر ٭ صدري بالباب انعصر
ها يحيدر ٭٭٭٭٭٭٭٭ ها يحيدر
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
هجمو عله الدار كــــالو احركوها
وأن فـاطـم بيها بالعين اسطروها
ابــد لترحــــمون بيها و روعـوها
حدود الله اتجاوزوها وما رعوها
٭ـــــــــــــــــــــــــــــــــــــــــــ٭
بويه بعدك ٭٭ بداري بالگاع ورميه
بويه بعدك ٭٭ كون موتتنه سـويه
لا هنه بعدك عمر ٭٭ صدري بالباب انعصر
ها يحيدر ٭٭٭٭٭٭٭٭ ها يحيدر
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
دفعو الباب وجنيني طـاح مني
ما كفاه الدفعة فوكاها رفسني؟؟؟
اه يالبسمار البـصدري ذبــحني
أصار بيه آيابويه مـــن عفتني
٭ـــــــــــــــــــــــــــــــــــ٭
جروح بيه ٭٭ الله بس اليدري بيها
جروح بيه ٭٭ اه وانا أم ابــــيــــها
ربي يا ربي الصبر ٭ صدري بالباب انعصر
ها يحيدر ٭ ٭ ٭ ٭ ٭ ٭ ها يحيدر
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭

حـرگـو الـدار بحـقدهم ذول الاصحاب
صحت يا فضه أسنديني وين ابو تراب
ياعـــــلي ألحك علـيه ضـلعي منصاب
جرحي العظم فقد ابوي ولسه ماطاب
٭ـــــــــــــــــــــــــــــــــــــــــــــــــــ ٭
عمري بعته ٭٭ لاجل دين الله ونبيه
عمري بعته ٭٭ ضد جموع الجاهليه
زمره شيمتها الغدر ٭ صدري بالباب انعصر
ها يحيدر ٭٭٭٭٭٭٭٭ ها يحيدر
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
ألتزم حيدر علي بـــــذيج الوصية
چـان راواهم عجب حامي الحمية
وداعت الله ايامي خلصت بالاذية
گلبي حـــس الليلة تـلفيني المنية
٭ـــــــــــــــــــــــــــــــــــــــــــــــ ٭
وداعت الله ٭٭ ارفع أيدي بهالمسيه
وداعت الله ٭٭ اشكي لله هـــالرزيه
بيدك أحفرلي الگبر ٭ صدري بالباب انعصر
ها يحيدر ٭٭٭٭٭٭٭٭ ها يحيدر
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
الخادم غازي الساعدي

لون تعمه عليها عيوني ما أندم
على الزهراء انه المفروض ابچي بدم.

ــــــــــــــــــــــــــــــــــــــــــــــــــــــــ١

ماتت والظلع مكسور ياحسره.
هاي الأمة ابد مارحمت الزهرة
من صوط المتن والباب والعصره.

ونار الدار والبسمار مايرحم

ـــــــــــــــــــــــــــــــــــــــــــــــــــــــ٢

طاح المحسن وطاح الگلب وياه.
أسم الله يالولد تسمع علي ناداه.
المحسن اسمه جده المصطفى سماه.

بگماط المنية الطير يتحزم

ــــــــــــــــــــــــــــــــــــــــــــــــ٣

طاحت عالارض فاطم ظلعهه انصاب.
المصيبة مصوبه ويوگع عليهه الباب
صاحت فضه ماصاحت يداحي الباب

خافت عالوصي من يدري يتألم.

ــــــــــــــــــــــــــــــــــــــــــــــــــ٤


على فراش المرض نامت تصيح بصوت
يابوحسين گرب مني أحس الموت.
وصيتي ياعلي من تحمل التابوت.

تشيعني بظلام الليل يبن العم.

ـــــــــــــــــــــــــــــــــــــــــــــــــــــ٥

ماتت فاطمة وضل الحسن ينعه.
ودمعات العقيلة تسيل كالشمعة.
وصاح حسين يمه ومن لزم ظلعه.

گبل يوم الطفوف ضلوعه تتهشم.

ــــــــــــــــــــــــــــــــــــــــــــــــــــــــــــــ٦

ليش العين زرگه وخدهه بي صطره
وماطاب الظلع ماصح دوه الجبره
والبسمار ينزف والألم جمره.

على الزهراء كل جو الحزن غيم.


ــــــــــــــــــــــــــــــــــــــــــــــــــــــــــــ


حيدرموسى الرميثي.

ماراضيه اعليك..يالدافع الباب
ماراضيه اعليك.. يم الله الحساب
ماراضيه..ماراضيه
*********************
لاتعتذرلي ولاتجي..مااقبل اعتذارك
خطاري كل اهل السمه..وبليس الك خطارك
تاخذ حشم من العرب..لورجل داست دارك
بس انه تحرك باب الي..وتهجم عليه انصارك

شمسويه يفلان..وتكسرلي ضلعي
شمسويه يفلان..ويطيح دمعي
ماراضيه..ماراضيه
*********************
لوماوصية والدي..حيدر ابد ماكلفه
جامايضل الكم ذكر..بس الوصيه تجتفه
انه الاصل بنت الاصل..وانه الشرف والعفه
شمسويه لفلان ويجي..وبخدي يطبع جفه

كل اثر بيه..انته الرسمته
كل اثر بيه.. مامبري ذمته
ماراضيه..ماراضيه
*********************
نتلاگه يم رب العرش..اواحدنه ياخذحگه
ويم ربي واعليك اشتكي..واعله المتون الزرگه
ليش انه من دون الخلگ..منضلوعي امشي مدنگه
ام انه من حقي انشبگ..لطفالي مامش شبگه

حارمني انته..امن احضان ولدي
حارمني انته... يبوسون خدي
ماراضيه... ماراضيه
*********************
شمعه وابيت المستحه..امنيته الهوه لو شمه
من بيتي ماطالع نفس..ولاجار سامع جلمه
مستغربه بهذا الوضع..شعدهه الخلگ ملتمه
عالدار يتهدد شخص..والدار مابي زلمه

تلث ميه واكسور..اذكر عددهم
تلث ميه واكسور.. محد يردهم
ماراضيه..ماراضيه
*********************
يالمني غاصبهه فدك..بثمرتهه ماتتهنه
وماتحس بالدنيه طعم..وماتشم ريح الجنه
هالكون مخلوق الاجل..حيدر وبزر المنه
مو انته من تالي تجي..اتسن شريعه وسنه

انثبت الدين..منيصب دمانه
انثبت الدين.. وانتم ورانه
ماراضيه..ماراضيه
*********************
انته الي كاسرلي ضلع..وانته الي صاطر عيني
وبسبتك خنگة نفس..تمرني ويزيد ونيني
يفلان واليقهر بعد .. تذبح وراي احسيني
ونتشابه بكسر الظلع..ومن منحره يحاجيني

ايصيح عطشان..لحكيني يمه
ايصيح عطشان..ومحد يرحمه
ماراضيه.. ماراضيه
*********************
محمد خضير الزيدي

(( كربلائي 3 دگات )) لاستشهاد الزهراء سلام الله عليها

كون الابوها ايموت تفگدّها ربعه
مو للطمع يمشون وبخدها دمعه

*********
كون الابوها يموت يلفون الاصحاب
موللطمع يرحون محد يدگ باب
لانفع بيهم لوم لافاد العتاب
عتاب الزچيه انعاف محد يسمعه

**
فوگ الحزن والنوح غصبوا ورثها
وبكلمه مثل السيف ظالم يغثها
عهود النبي المختار عمدا نكثها
بعين الزچيه ابهاي ضاگت الوسعه

***
تدعي أتميل الگاع رادتها بيهم
ناداها حامي الجار صبرچ عليهم
يوم الحشر يلگون عملاّت اديهم
والحارباچ اهناك محد ينفعه

****
توّه الغدر عرفوه لومنبت اطباع
وي طه مختلفين ساعات الوداع
واحد هجّر سوّاه من كثر الاطماع
والثاني لم اصوات للحكم يسعه

*
غاب النبي وماغاب عنها حزنها
لحد ما اجوا يشكون من كثر ونها
والغايه شامت راد يحظر دفنها
وصت گبّرها ابليل حيدر يضيّعه

*********
للگبر حيدر راح مايحمل اغياب
سلّم وظل مهموم من بعد العتاب
رد الجواب عليه سكتّني التراب
رّد ياعلي للدار مابّيه رجعه

الشاعر حسن لعيبي الحريشاوي

بنارالعده - الطف ابتده - يافاطمة
يوم الظلع – يبدي الدمع – يافاطمة
,,,,,,,,,,,,,,,,,,,,,,,,,,,,,,,,,,1
من السقيفة ابتده الطف وغاضريتة
مثل عبدالله النبي ذبحو وصيته
وشعلوا النار الأعادي اباب بيته
كسرو اضلوع الزجية يشوف ريته

يبجي الحسن – وي الزمن - يافاطمة
الهم يرتفع – يبدي الدمع – يافاطمة
,,,,,,,,,,,,,,,,,,,,,,,,,,,,,,,2
صطرت العين السهم اه يالزجية
صوب العباس وي زينب سوية
كسر ضلعج بالطفوف اكبر رزية
ضلع ضل يلجم ضلع بالغاضرية

بضلعه ترض – فوك الارض- يافاطمة
من نستمع – يبدي الدمع – يافاطمة
,,,,,,,,,,,,,,,,,,,,,,,,,,,3
هذا اول طف بده المحسن يصيبة
محسن الأول شهيد بهالمصيبة
يعني من يومج بيدت زينب غريبة
من زغرهه بكت ماعدهه حبيبة

زينب بجت - وتيتمت - يافاطمة
هذا الوضع – يبدي الدمع – يافاطمة
,,,,,,,,,,,,,,,,,,,,,,,,,,,,4
تشب نار الباب يافاطم اليمة
يبجي الحسين وبكت زينب يتيمة
الفرق بين الباب وخيام الهضيمة
النارماخلت لزينب حتى خيمة

طفج كبر – يكطع نحر- يافاطمة
باب ودفع– يبدي الدمع – يافاطمة
,,,,,,,,,,,,,,,,,,,,,,,,5
كبر بسمارج تّحوّل رمح عالي
فوگة راس حسين مرفوع ويلالي
ليلة مصابج اشد كل الليالي
ليلة الحادي عشرلهلج تعالي

وبلاخيم – تبجي الحرم - يافاطمة
يبجي الشرع– يبدي الدمع – يافاطمة
.....................................................

#الخادم حيدرموسى الرميثي

أعظـم رزيــه ضـلـع الزچيــه
&&&&
أم الحسـن أم الخـدر مـن تنضـرب بـالـدار وسط الضلع يابوالحسن نابت الك بسمـار
وانـت الاسـد يـاحيـدره والحـامـي والكرار أدري الـوصيه المنعتك ماتاخذ انت الثـار
عنـدك وصيــه ضـلـع الزچيــه
&&&&
آه ياضلع ينزف ألم في كل سنه وكل عام طال أوبقه طول الدهر هذا الجرح مـالام
تـبـچـي المواجع تحتــضـروتعـاشـرالالام ضـلـع العمرليـه أنحنـه وي نوحت الايام
شـاف الاذيــه ضـلـع الزچيــه
&&&&
ياهـو الدره بجرحچ نزف ياحره مومضموم مثل الگبرمخفـي الجرح بس الگلب مالوم
بگلب اليحب عايش يظل يازهره يبقه يحوم ويـه الدمع يلهب جمر يمـه ويزيد همـــوم
والبيـه بيـه ضـلـع الزچيــه
&&&&
حسين انتحب يم الجسد يبچي الحسن وياه يايمـه ترحـيـن وبعـديــاهـو الـذي نـلگـاه
يايمـه مـن بعـدچ ألـم من فرگتچ عشنــــاه آه يالحنينـه والحنيـن بيـا وجـه ننــســــاه
الـونـه شجـيـه ضـلـع الزچيــه
&&&&
هـأي العقيلـه أتيتمـت آه يـافخر الاجـــواد يـعـأيـن علي للفـاگـده منـّه الحزن هالزاد
يخفف عليهه من الالم وبحضنه ظمهه راد شصـبرتگـول ويه البعـد كل الصبرمافاد
صبري أذيه ضـلـع الزچيــه
&&&&
حـأيـر علي يافاطمه أو حـارت الاكـوان شاف الضلع بيه الكسرهاجت عليه لحزان
بعد النبي بيچ انفجع ويفـارگ الخــــلان هيچي مصيبه مـاجرت ياحره عالانســـان
روحه سبيـــه ضـلـع الزچيــه
&&&&

خادم الحسين ع
الحاج ابو اياد البيجاوي

گعـديــــه
مكســور ضـلـع الاســـــلام = ومقـهــور حيـدر مـــانـــــام
حــيـران منــــه مــفــجــوع= مـهـظــوم وتســيـل أدمــوع
&&&&&&
يـاضـلـع آه شـــمــصيـــــبــه = صـوبـتــنـه بـــسهـم قــاتــــل
بــدار أبــونـه الحـزن چلچـل = يمـنـه طـاري الموت نــــازل
أصـعــب مـن الحرب عـنـده = وســيـفـه تـدري مـن يقـاتـــل
ماخـاف فــارس لارجــــــف = مـن سـيـفـه دمـهـم هـالــنزف
مچـتـوف يـاكـل الاســـــــف = هـالـوصـيـه بـگـلبـه شــــايل
مجـبـور عالصـار أگـبـالـــه = محـتـار حـيــدربـالـحـالـــــه
الـفـقــار يسحب مـمنـــــوع = مـهـظــوم وتســيـل أدمــوع
&&&&&&
مـايـخـاف الـكـون حــيـــدر = خــافـــت الشـجـعـان منــّــه
لـــكــــن الاذاه نـــــدري = الزهره وگعـت گـرب عنــّـه
صـاحـت وهـايـه هظـيـمــه = مـاگــدر يـمهـه يـتـــدنــــــه
ويـومـن حچـت مـانـدبتـــه = لانـظــرتــه ولاحــاچــتــــــه
تــدريـهـه صـعبـه وصيتـه = وتــدري حـيـدريـخفي ونـّـه
وتـخـاف حـيــدر لـو گـــام = مـيـــدوم بـعــده الاســـــلام
وچـنـــدوب يـبقـه موجـوع = مـهـظــوم وتســيـل أدمــوع
&&&&&&
بــدفـعـة البـاب الخـبـيــثـه = الـلاذت أبــســـده الـزچـيــه
حــرمـة الــدار أنـتــهكـــه = اشـگد حـمل گـلبـه أذيــــــه
الـلـه يـدري من عصرهـه = السـبـعـه طاحت عـالوطيـه
بـالباب مُـحسن من وگـــع = وبسمـار بالـضلـع انطبـــع
صـاحت يـصاحبهه الوجع = الـحـگــي يـافـضـه عـليــه
الـلـه مـــن الاشــــــــرار = يــدرون الـمــن هــالــــدار
بـكــل دار ســيفـه مطبوع = مـهـظــوم وتســيـل أدمــوع
&&&&&&
عـانــت الـزهـره بـعمـرهـه = مــن الصـحـابـه الـعـذبـوهــه
شمابچــت صـاحـوا علـيهـه = مـن بـچـيـهـه يـمـنـعــــوهـــه
بـحـجـة يـدوخـون منـهــــه = مـن المــديــنــه طلعـوهــــــه
ميصـيـر كـل صبح وعصـر = تـبـچـي الـزچــيـه وتـنـقهــــر
فتـــوات مـن أهـل الغـــــدر = بــزغــر سـنـهـه شـيـبـوهــه
واحتـــار حيـــدربـالحــــال = راووه يــاشــيـعـه أهــــــوال
ولاصـــوت الـهـم مسمـوع = مـهـظــوم وتســيـل أدمــوع
&&&&&&
او وصـلــت الـزهـره المنـيه = وفـضـه يـمـهـه او گلتـلـهـه
راح ادخـل وبـغــتـرفــــــتي = اقــــره انــي وفـهــمـتــهـــه
ولـو سـكن صـوتي فهمتـــي = الـدنـيــه روحـي ودعـتـهـه
تـخـبـريـن بـس حيـدرعـلــي = يحضـر ابـو الحـمـلـه الــي
مـاعـنـدي من بـعـده ولـــــي = كـلـــشي هــي عـلـمـتــهــه
الحسـنيــن لا لاتـخـبـريهــــم = مشغـول كل فـكري أعليهم
الحـوراء تـسـمـع وتـلـــــوع = مـهـظــوم وتســيـل أدمــوع
&&&&&&
أودعــت سـكتـه الـزچـيــــه = وسـاعـه والحســـنيـن ردوا
شـوگ عــدهــم حيل هزهـم = ويــن أمنــه فضـه نـــــادوا
قـدمـت ألـهـم غـــداهــــــــم = بـغيـر أمـهــم همـه رفضوا
مـانـاكــل او أم الحــســــــن = وعـيـون مـن عـدهـم بـچن
ودمـوعـهـم تـنـزل مـــــزن = يم جسدهـه بصوت صاحوا
ويـــاچ يــايـمـه أخـذينــــــه = لـعيــنـاچ والـلـه اشتـاگينـه
تـرحيــن خــدچ مصـفـــوع = مـهـظــوم وتســيـل أدمــوع
&&&&&&
نسألكم الدعـاء
خادم الحسين ع
الحاج ابو اياد البيجاوي

منچ اريــد الـــــدوه مولاتــي يازهـــــراء
عگلي ودليلي التوه انتي الدوه لكـــل داء
يم الحسن وحسيــن ياشجرة الطيبـــــــين
مولاتي يازهـــراء
**
هاظمنـي هـذا العمــــر يرمـي علي بسهـــــام
وياليلي عـاف الفجــــر وزادت بجسمــــي آلام
بــين المـرض والعسـر وأمعـــــــارك الايـــــام
للحيــل يعصُــــرعصُــر لاجفــني رد أونـــــــام
وينــــچ ينـورالعـــــين ياشجــرة الطيبـــــــين
مولاتــي يازهــــــــراء
**
إنتي الضـــوه لدنيتــي يابلــسم المجـــــــروح
مولاتــي من علتــــــي متوســــــد ومطـــروح
مهمــوم من ساعتـــي مثــل الجمـل مذبــــوح
مايرهـــــم لحالتـــــــي غيرچ يبعـد الـــــــروح
وبجاهـــــچ وتدعــــين ياشجــرة الطيبـــــــين
مولاتــي يازهــــــــراء
**
بـــاب الحوايج يظــــل أسمــــچ نطالـب بيــــه
ياكفــو خـير العمــــــل ياحاضـــره وماضيــــه
يالبيچ نـوره اكتمـــــل وعيالـــــــچ اتضويـــه
بيكـم تروح العـــــــلـل رب العــرش يشفيـــــه
وبمرضي صار سنيـن ياشجــرة الطيبـــــــين
مولاتــي يازهــــــــراء
**
يالزهــره أم الحســــــن وأم النـــــزف دمـــــه
بجــاه الكفيـل الرهــــن نفســـــه لبو اليمـــــه
وزنـــوده التگطعـــــن وبعينـــه ظل سهمـــه
تنهـين هـذا الشجــــــن يامنبـــع الرحمــــــــه
ردتــچ تنظريـــــــــــن ياشجــرة الطيبــــــين
مولاتــي يازهــــــــراء
**
بجاه العظيمــه الوفــت وانطـــت أعـزالنــاس
لاشكــت يــوم وحچـت ولاحركـــت أحســاس
لجـل الانـواراصـــبرت مــن رضعـت العباس
ضحـت هـواي ورجــت لحســين ماينجـــــاس
وأنــــتي التعرفيـــــــن ياشجــرة الطيبــــــين
مولاتــي يازهــــــــراء
**
وبجــاه كـــل مكرمـــه مــن زينــب الحـوراء
يالشــالــت الملحمـــــه ومـن گطعت البيـــداء
تگظيلــي هالمظلمــــه تخلصــيني من هالداء
ياحـــره يالـعالمــــــــه ياأحســــــن الاسمـــاء
بـــيــدچ تشافــــــــين ياشجــرة الطيبـــــــين
مولاتــي يازهــــــــراء
**
خادم الحسين ع
الحاج ابو اياد البيجاوي

بهدوة الليل مر خيالج
جايب وياه كل حنانج

طيفج اجاني ييمه يحمل اماني ييمه
________________
اول امنيه اتهمني
ريت الدنيا تاخذني
اعيش ابمكبره اقبل
ولا بيت الخذج مني

وحشة البيت جنها مئتم
والهوه البي كوه ينشم

شلون بزماني ييمه يحمل اماني ييمه
_________________
ياحلم الصعب ذكره
يا سجادة الفقره
كون الباب مدفوعه
عليه وبيه جم سطره

والدمه يسيل مني ريته
ومحسن ايعيش ابقضيته

ويمج يعاني ييمه يحمل اماني ييمه
___________________
ياحضن السمه الدافي
يا كوثر علي الصافي
تعيش الورده من عطرج
ويمج جم نجم غافي

يغفه التراب جوه جدمج
والهوه يعيش من يشمج

يموت بثواني ييمه يحمل اماني ييمه
____________________
بحلم يا يمه يوميه
اشوفج وانتي محنيه
انوح الكسرة ضلوعج
تكليلي انتي مسبيه

همج ايصير كله يمي
وانه اريدن ريحة امي

فراكج عماني ييمه يحمل اماني ييمه
_____________________
افراكج بالكلب شايط
البيت اصراخ ومعايط
من يوم النزف دمج
لهسه مصخم الحايط

يكزبر الحيل من اصده
ويكتل الباب من اسده

الموت اشتهاني ييمه يحمل اماني
______________________
#سيد_محسن_الجابري

الراد يكصد فاطمه وينعاها
يحضر ابكل مجلس ويلكاها
_________________________
تحضر ام حسين بالمجلس تون
وهم تجي وياها العقيله ام الحزن
توكف اعله الباب وادك عالمتن
تنعه وي كل النعه وياها
_________________________
فاز كلمن ينعه ويون عالضلع
وعالمصاب الضامي بالهم ينفجع
عالبشر يتعله صيته وينرفع
يعله راسه البدمع ينعاها
_________________________

توزع الدمعات بالمجلس نذر
توسم الدكات بكل لطمة صدر
تفتخر يحباب بيكم تفتخر
وين متدير النظر تلكاها
_________________________
طبت الزهراء للمجلس واجت
ويه ذيج ام البنين اتكابلت
عالضلع والسطره ابدآ ما بجت
نحر الحسين بدمه بجاها
__________________________
ناحت وهالناعي بدموعه نعه
تكابلت وياها ام الاربعه
تقره ايات الحزن والفاجعه
والمشت مسبيه تقره وياها
___________________________
هالمجالس نعمه من رب البشر
بيها جاه ورفعه ودروس وعبر
كلمن ايدك ايده وياه انتصر
وشرف هالخدمه بكبر معناها
___________________________
شرف معناها وفخر خادم تصير
واللي يدخلها بدمعته لا يحير
الزغير ايصير بالخدمه جبير
ينرفع صيته وتعضم جاها
____________________________
#سيد_محسن_الجابري

ذكرياتج هية هية..وعمري خلص فاطمية
اجروحي خضرة وماتطيب
وليلي يخلص بس نحيب
وعمري خلص فاطمية
################################
ذكرياتج..روح تاخذ من تمر
ذكرياتج..تاكل اباقي العمر
ذكرياتج..عيشتني اعلة الجمر
من يچن ليلي..اكعد اشكلي..ابروحي شمسوي..البعد
فاطمت روحي..صارت اجروحي..ونامت احلامي..ابلحد
الليل يخلص بس سوالف
ابذكرياتج والمواقف
تاخذ ابالي وتجيب
وليلي خلص بس نحيب
وعمري خلص فاطمية
#################################
انتي روحي .. المني راحت من وكت
انتي روحي..الفاركتهة وشيبت
انتي روحي.. اوعجبة بعدج ماتت
شلي بسنيني..الكبرج اخذيني.. فرحتي وصارت ..حزن
المكبرة البيهة..فاطمة اشريهة.. يمج امنيتي..اندفن
الدنية كلهة ابعيني ضلمة
وبيتي موحش راحت امة
خالي بيتي من الحبيب
وليلي يخلص بس نحيب
وعمري خلص فاطمية
#################################
جرحي يدّي .. الشال مني ابعازتة
جرحي يدّي ..كلبي فارك زهرتة
جرحي يدّي.. والجرح دم دمعتة
زهرت العازة ..انشالت اجنازة..واخذت ايامي..ومشت
وايتراوالي..صوتج ابالي..حيدر العشرة..انتهت
تونة وياج ابتدينة
مو وكتهة اتفاركينة
والله مو وكتة المغيب
وليلي يخلص بس نحيب
وعمري خلص فاطمية
#################################
شرد اكلج..لوردت للبيت اطب
شرد اكلج.. حالتي اتفطر الكلب
شرد اكلج .. ادموع زينب من تصب
عود اواسيهة ..من بواجيهة.. والكة ماخذني..الدمع
توكع ادموعي ..وتنحني اضلوعي..والضلع يشبك ..ضلع
من اصدلهة الكة روحي
غاركة بروجة جروحي
اوموجسد روحي التشيب
وليلي يخلص بس نحيب
وعمري خلص فاطمية
#################################
هالنواضر..اعليج ماشفن وسن
هالنواضر..باقي دمعة وينطفن
هالنواضر ..جنتي يام الحسن
ياضوة اعيوني ..المنه حرموني..وروحتج روحت..نظر
انتي حورية..وجرحج البية..مايشلونة..البشر
كولي شيعوض حنانج
وياهو لنكعدة ابمكانج
ابكلبي مايطفة اللهيب
وليلي يخلص بس نحيب
وعمري خلص فاطمية
#################################
ذوالفقار الزيدي

بيت الرسالة وقصة احزانة
زهرت محمد ليش ذبلانة
فوك الدفع فوك العصر
فوك الالم فوك الكسر
ماكعد محسن بين خوانة
#################################
راحت فاطمة وكل الحجي اتبدل
وسوالفهم الترفة اتسولفت مقتل
والمحسن بدر بس مالحك يكمل
راح وماسمع كلمة يالمدلل
للدنية اجه وموت اغمض اعيونة
واخوانة مالحكو يشوفونة
للدنية اجه مفارك عمر
فوك الالم فوك الكسر
ماكعد محسن بين خوانة
#################################
ذكرة اتمر عليهم والدموع اتهد
حبتر يدفع وجف الزجية ايصد
يدفع والنواية ايكسر ويمرد
ويطيح منه وين اليوكع وميرد
ماعندة غيرة وينلزم بيهة
يدفع عمد رايد يأذيهة
وخلف كسر ماينجبر
فوك الالم فوك الكسر
ماكعد محسن بين خوانة
#################################
الباب اجذوع وام حسين ريحانة
الورد من ينعصر تتكسر اغصانة
العتب عالبيت جي ماهدهة جدرانة
وام البيت تتوجه اعلة حيطانة
ومابين بابة وحايطةونارة
البيت جان الموت خطارة
والبيت مايملك عذر
فوك الالم فوك الكسر
ماكعد محسن بين خوانة
#################################
تخيل حيدرة وبالزهرة يتذكر
وسبحة عمرة خرزة بخرزة تتطشر
من يذكر هذاك الملكة والمعشر
وبطبكة جفن كل حلمة يتكسر
واتخيل الضيغم علي بحالة
لابس سواد وشابك اطفالة
واهموم دلالة اشكثر
فوك الالم فوك الكسر
ماكعد محسن بين خوانة
#################################
يتنفس الموت اومو هوة ابريتة
لبجفة يغمض اعيون عافيتة
العلة اجتافة حمل تابوتهة ام بيتة
كعدت مكبرة ودمعات تاليتة
وشاتل علي ابنص اللحد زهرة
وخاطر الخاطر حيدرة يكسرة
وي فاطمة امضيع الصبر
فوك الالم فوك الكسر
ماكعد محسن بين خوانة
#################################
ذوالفقار الزيدي