اللهم صلي على محمد وال محمد
***
يامحمد 00 يامحمد انت من الله ممجد
***
يامحمد يزهي نـــــورك يامحمد00 يامحمد
گبـــل ادم بــــــده دورك = =
رابح الداخل ابســــورك = =
انت رحمه0 انت سرمد = =
*****
مولدك اجمل هديــــــــه يامحمد00 يامحمد
شمسه ضــوت عالبريه = =
محبتك عدنه سجيــــــه = =
انت بلسم0 انت مشهد = =
*****
كسرت ايوان كســـــره يامحمد00 يامحمد
ماي بالوديان اجــــــره = =
حبك ايمان اومســــــره = =
انت طه-0 انت احمــــد = =
*****
احله جمله يبقه اسمك يامحمد00 يامحمد
نوره القران صــــدرك = =
طوگ الاكوان فكــــرك = =
انت واحد0 انت اوحد = =
*****
اوحد بحب الجليــــــل يامحمد00 يامحمد
اسمك ايداوي العليــل = =
من نســل اكرم خليــل = =
بيك وفه 0 بيك اوجد =
*****
لجلك الدنيه بناهــــــــه يامحمد00 يامحمد
والسمه وارضه دحاهه = =
والشمس طشت ضواهه = =
انت منقذ0 انت من جد = =
*******
انت رحمه وانت جنــــه يامحمد00 يامحمد
كل فجاج الدنيه هنــــــه = =
وكل گلب بيك يتغنـــــــه = =
انت خير0 وبعــد ازيد = =
********
نهني مولانه الكريــــــم يامحمد00 يامحمد
ابنك المهدي العظيــــــم = =
اشفعلنه يارحيـــــــــــــم = =
انت خيمه0 انت مسند = =
********

نسألكم الدعاء
خادم الحسين عليه السلام
الحاج ابو البيجاوي

هاليله أنواره أشرقت هادينه هاليله بالفرحه بفخر نادينه
صلوات على النبي صلوات على النبي

****

أنـــوار طــــه أشرقت هاليلـــه صلوات على النبي
وأملاك ربنه بالسمـه تصليلــه صلوات على النبي
كل أنبياء الباري ظـــل تدعيله صلوات على النبي
مهده بگلب كــل مؤمن يلوليله صلوات على النبي
كل أحنه وي صوت العرش نادينه
صلوات على النبي صلوات على النبي

****

نورك الباري كوناه مــــن نـوره صلوات على النبي
من قبل ما أنشئ سما ومعموره صلوات على النبي
بكل آيه نورك صار وبكل سوره صلوات على النبي
نورك يصـــل للمنتظر وظهوره صلوات على النبي
من نورك أنواره تشع مهدينه
صلوات على النبي صلوات على النبي

*
آيات ظهرت وي ظهـــور أخبارك صلوات على النبي
سر أنته والله ويا عجيب أسرارك صلوات على النبي
نار المجوس أنخمدت لأنـــــوارك صلوات على النبي
والروم عرشه أنهار بيك أتبـارك صلوات على النبي
آيات كثره بمولدك تهدينه
صلوات على النبي صلوات على النبي

*







بهاي الولاده اليـــــــوم كلنه أنـادي صلوات على النبي
فرحانه شيعــــة حيـدره يالهــــادي صلوات على النبي
نادوا هلي بهل الفرحه ويه أولادي صلوات على النبي
ومن گبل صلوا عالنبي أجـــــدادي صلوات على النبي.
لجل الصلاه أحنه بمهج ضحينه
صلوات على النبي صلوات على النبي

*

نشبگ أيادينــه وننـــادي بلهفـــــه صلوات على النبي
للموت أسمك يــا نبينــه نهتفـــــه صلوات على النبي
هاي الصلاه من عدهه ما نتكفـــه صلوات على النبي
مهموم گلبي وهيه صارت وصفه صلوات على النبي
ذكر الصلاه بلسم ترى يداوينه
صلوات على النبي صلوات على النبي

****
الشاعر
موسى البديري

الى الامام المهدي عجل الله فرجه الشريف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وين متكون،، يابو صالح مني الك شوگ وسلام
وين متكون،،، من غريب بدنيا ظلمه بلا أمام
وين متكون ،،،، وين متكون

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،



شلون حالك،، نسأل احنه ونعرف متعبينك
يا عملنه ،، ويا وضعنه الخله تدمع عينك
بغربه انته ،، واحنه غربه وهم نگلك وينك
اي نذكرك ، لو دعينه وبالفعل ناسينك

هاي الذنوب ،، تخلي هاي گلوبنه تعيش بضياع
هاي الذنوب ،، مثل اخر دمعه لو صار الوداع
ننتهي ونخسر رضاك
واحنه نهتف اي معاك
وين متكون ،، وين متكون


،،،،،،،،،،،،،،،،،،،،،،،،،


يا هوى الهاب ،، وين اراضيك ومكانك ما درينه
يمك احباب ،، لو وحيد ودمعتك تنزل حزينه
عندك انصار ،، والعجل صوت ويجرحك لو حچينه
تظهر وخاف ،، تلتفت والكوفه ما تحمي المدينه

طفك يعود ،، ضدك يرفعون رايات وسيوف
طفك يعود ،، ويبقى چم واحد حقيقي من ألالوف

والكلام شگد سهل
لو نگلك علفعل
وين متكون ،، وين متكون



،،،،،،،،،،،،،،،،،،،،،،،،،،،،،،،،،


والحچي يطول ،، بس الافعال اصبحت كلش قليله
غيبه بهتان ،، والذنوب هواي چفتهه ثجيله
وانته مجروح ،، من تشوف الناس ظالم تشتكيله
گلبك ينوح ،، وانته آخر رحمه بالدنيه اوسيله

وين ماشين ،، يا ظلام اعمارنه وغطاهه ليل
وين ماشين ،، باقي بس المهدي يا عالم كفيل

لا نخسره بچم ذنب
ويه انفسنه الحرب

وين متكون ،،، وين متكون


،،،،،،،،،،،،،،،،،،،،،،،،،،،،،،،،،،،،،،،
ضاع الانسان ،، وماكو چلمه من الصدگ والله عجيبه
اليحچي بالدين،، هسه يحچي بحصته من دمنه ونصيبه
تغير الحال ،،حتى ديرتنا اصبحت ظلمه وغريبه
نضحك دموع ،، چنهه هاي الدنيه موتتهه قريبه


بينه وهواس ،، ها ربحنه وها خسرنه بهالحياة
بينه وهواس ،، والعمر ياخذنه نوصل للممات

چنهه صوره من الحلم
انته يا اكبر مهم
وين متكون ،، وين متكون


،،،،،،،،،،،،،،،،،،،،،،،،،،،،،،،،،،،


نور العيون ،، انته يا آخر امل ما عدنه ثاني
الله يرعاك ،، وتظهرلنا ويرفع الرايه اليماني
بالسمه الصوت ،، ها هو المنصور صاحب للزماني
تاخذ الثار ،، للضلع للطبره في وقت الاذاني


ونحر الحسين ،، الخله گلبك للابد ينزف جراح
ونحر الحسين ،، وچف كفيل اعله النهر للخوه طاح

وزينب وجرح الخدر
الك متروك الامر
وين متكون ،،، وين متكون


#كلمات خادم الحسين / رعد الفريجي

#مولد_الرسول

حبيب الله محمد حبيب الله محمد
__________________________

بمولودك وردت احتفل = ويمي اجو لمت خدم
علكنه زينتنه دمع = وفقاً لقانون الخيم ، ،

- الفرح ما لايگ و حزنك لاك لينه
- ياالرسول ومدري شنهي الصار بينه
- نحتفل نيتنه بس رأساً بجينه

محفل.. امن الحزن صاير فاتحه
محفل ...وكلوبنه البي رايحه ،
_________________________
شوگك مثل ممشه العمر = كل ما يمر يوم وكبر
وطبعن على متوني وادي = كد ما حضنت انا الصور

- شكو خادم زارك يسولفلي عنك ، ،
- ويا محمد ابجي اذا ذكرولي صحنك
- الدنيا غلطه وبيهه بس اليسوه حزنك

گبتك = ناشغت وانا احجيهه
گبتك = ويرجف أكليبي عليهه
_________________________
بشباجك وعطره حجو = وظليت أنه افرك بدي
اسوالفهم وشوگ ودمع = يا سيدي التمن علي

- يا حبيب الزهره اكتبلي الزياره
- وكون اكحل عيني من مرود خضاره
- انا حاير وانت ملجأ للحياره

عطرك=گالوا جواز العاشر
عطرك=ايدلي الوجع بالحافر
_________________________
جا يمته ازورك يالنبي = گالولي حزنك بي دفو
ويمته اجي جيت ندم = واطلب على اعتابك عفو

- اكعد اكبالك واسولف ع العلاوي
-ومثل گبّتك شعَري كون يصير ضاوي
- على طفكم عازل اهواية نعاوي

واندب = واقره شعر للمهدي
واندب = ودموعي تترس خدي ،
_________________________

- #مصطفى صادق اللامي ،

مولد بحق النبي محمد صلى الله عليه واله وسلم....... بعد كل شطر يجاوب الجمهور (الهادي محمد)


منكم ارد اسمع جواب بصوت عالي رددوا
الهادي محمد
--------------------------------------------------
ياهو من نور الجلالة انخلق وباسمه فخر
ياهو اسمة بالعرش نور اعله ساقة وانحفر
ياهو لجلة الكون صار ونورة بالكون انتشر
نورة من نور الجليل بالبشر مالة مثيل
ياهو عصر الجاهلية زالة وي كلمن كفر
=\=\=\=\=\=\=\=\=\=\=\=\=\=\=
ياهو من اجلة بسمانة انفطر نصين الكَمر
ياهو معجزتة الجبيرة نزل قران بسور
ياهو للايتام بيت وحصن من اكبر خطر
رحمة من رب السمة للخليقة قدمة
ياهو للباري حبيبة وحبة جُنة من سقر
=0=0=0=0=0=0=0=0=0=0=
ياهو اسرة للجليل وللسمة السبعة عبر
ياهو والد فاطمة البظعة الشفيعة للبشر
ياهو اول من دخل بالكسة المعروف الخبر
من امير المؤمنين الحسن اولادة وحسين
ياهو خاتم الانبياء وابو المهدي المنتظر
======================
ياهو لوصارالحساب ابأيدة للمذنب سِتَر
ياهو بالمحشر شفيع وامتة تجوز الخطر
ياهو يوكف عالصراط ابيدة ياخذنة وأُمر
هناك هوة النة شفيع اليعرفة مايظيع
ياهو من هول القيامة تحت ظلة نستتر
=======================
#أسالكم الدعاء رائد الاسدي

بِسمَك الرادود أنشَد
يا حبيبي يا محمد ..

مولدك إعجاز كوني طفت بي نار المجوس
رغم أنف الجاهليّه غيّرِت كل الطقوس
بالتواضع و التسامح قَدّمِت اعظم دروس
صِغِت من ميزان عدلك أسس تهذيب النفوس
عادَلِت ابيض و اسود
يا حبيبي يا محمد ..

مدرسة نور النبوّه بِدَت من اول مقال
لا فرق بالبشر عندك بين ابو ذر و بلال
بيك تنقاس العقيده و هاي ما بيها جدال
عَيّنِت بعدك خليفه علي صگار الرجال
بس رفضها الخان و ارتَد
يا حبيبي يا محمد ..

شلون يالهادي مصيبه ظهرت بمَر السنين
صار ابو سفيان مؤمن صار للسلطه قرين
عائشه لحيدر تعادي صارت ام المؤمنين
عالوصي العصيان يجمع قاسطين و مارقين
و الخبر عدنه مؤكّد
يا حبيبي يا محمد ..

يشهد بآيات مجدك بالنشوء الاوّلي
شافعي مالكي بيها حنفي و الحنبلي
ليش ضد حيدر انگلبت رد عقلها الجاهلي
و هُمّه يدرون بحشرها تفوز بس شيعة علي
و الحقد لسنين ممتد
يا حبيبي يا محمد ..

لغة الاحقاد ظلّت توحي بالوجه القبيح
تبغض العتره بحقدها و فجّرت حتى الضريح
باچر الموعود خَلفه نشاهد يصلّي المسيح
تصفيات احساب تبدي و العوالم تستريح
و العداله اردود تولد
يا حبيبي يا محمد ..

#حسين الحسيني

((هوسات))
(لمناسبة المولد النبوي الشريف)

محمد يا ابو العرفان والجود.
الليلة الكون لا موشخص مولود.
خاتم للنبوة اوماتحده احدود.
( هالكون امنور من نورة)
------------------------------------
كلهه استبشرت من هل بدر عدنان.
ابو الزهرة محمد سيد الأكوان.
بالمولود فرحانه الأنس والجان.
(اونفرح للهادي بهل الليله)
---------------------------------------
فاطم بالحفل هالليله موجوده.
اوحيدر ابن عمه اوزوده من زوده.
بيهم ننتخي والراية معگوده.
( وليوم الدين انواليهم)
-------------------------------------
مولانه الگمر عباس خوته ميه بالميه.
اوتحلة الهوسه والمهوال من ينجاب
طاريه.
باب الحاجه ابوفاضل اليندبه بخالص
النيه.
(يگضيهه بس حلفه بزينب)

بقلم الشاعر
#ابوعبدالله الشمري

(لمناسبة المولد النبوي الشريف)

هالليلة شعت من ضوه هاديهه
استبشرت كل الخلائق بيهه
@@@@@@@@@@@

العرش صار المهد للمصطفى .
اوحلت اعله الكون أجمل عاطفه .
والله محتارين بيش انوصفه .
نور باري وهاالارض ضاويهه .
@@@@@@@@@@@@

الليلة مولود البدر في طلعته .
اوسجدت الأملاك لمن شافته .
يانبينه اومتوصف صورته .
ربنا أحسن هيبه اله منطيهه .
@@@@@@@@@@

الليله مولود النبي أبوجدانه .
هذا دين الله انولد وايمانه .
رحمة للناس أبعثه رحمانه .
حتا كل هاي البشر يهديهه .
@@@@@@@@@@@

شلون مانفرح لوالد فاطمه .
اوهوه فرحانه اله أرض أوسمـه .
شي قليل شما نريد انقدمه .
هاي خدمه بالعمر نشريهه .
@@@@@@@@@@@@
نبي اوحبه بالدليل انشيله .
نضره من عنده نريد الليلة .
حاشه ميرد طلبته اليحچيله .
كون كلمن حاجته ينطيهه .

#للشاعر
ابوعبدالله الشمري

#لمولد النبي الاكرم صلى الله عليه واله وسلم

———————-

صلاوات صلاوات ،، صلِ ياربِ على بو الزهرا
صلِ ياربِ على بو الزهرا
@@
الف صلى الله وسلم ع النبي خير البشر ،، لا اله الا الله
صلِ ع الشعّت انواره سيدي ابسابع عشر ،، لا اله الا الله
سجدت ابخده الشمس وابجبهته حل الگمر ،، لا اله الا الله
منولد كله عطايا يجري من چفه نهر ،، لا اله الا الله

على الكون على الكون ،، شعّت ابلانوار گُبْته الخضره
@@@@

الله يا محله جماله بالوصف كله عذب ،، لا اله الا الله
كلشي بالكون العيونه بلا إراده ينجذب ،، لا اله الا الله
لا تلومون اليحبه حگه لو ذاب اليحب ،، لا اله الا الله
وانه من عشقي المحمد منسلب عقلي سلب ،، لا اله الا الله
بالرواح بالرواح ،، ساكنه ابلرواح ذيچ الحضره

@@@@
الآمنه كلنه نهني ابمولد الهادي البشير ،، لا اله الا الله
ابمحفله نبعث تهاني وننثر اورود وعبير ،، لا اله الا الله
امنيه لو جِنح عدنه فوگ گُبْته لو نطير ،، لا اله الا الله
چه الحمام الليله يمّه للحرم شوگ الچبير ،، لا اله الا الله

بالعيون بالعيون ،، شابحه الطيبه ابشوگ النظره

@@@
مو عجب لملاك تفرح من بزغ نوره العظيم ،، لا اله الا الله
مو عجب عيسى يهني ابمولده موسى الكليم ،، لا اله الا الله
كل نبي ومرسل يتاني مقدم الگلب الرحيم ،، لا اله الا الله
من يلم جنحه الخلايگ رغم ما هوّه يتيم ،، لا اله الا الله

في گلبه في گلبه ،، هاللي ما يعشگ محمد حسره
@@@@
البيت هالليله تبارك مكه صارت صومعه ،، لا اله الا الله
تهبط الاملاك تشتم رحمة الله الواسعه ،، لا اله الا الله
ابليس عض ايد الندامه بالقهر هل مدمعه ،، لا اله الا الله
وكل صنم خر وتهاوه وذر ماشي يجمعه ،، لا اله الا الله

والدنيه والدنيه ،، ابمولد الهادي ابفرح مبتشره

—————————-
ثامر بوجبارة
١٥-٠٣-١٤٤١هـ
١٣-١١-٢٠١٩م

حبيبي يامحمد ،، رسول الله المؤيد 
رسول الله المؤيد ،، حبيبي يامحمد
@@@
يالمؤته الوسيله 
موهوب الفضيله 
سِدنه النلتجي له 



والفوز المؤكد
حبيبي يامحمد
@@@@
حبيّته ابجنوني 
لا لا تعذلوني 
ضميته ابعيوني 

بين اضلوعي ورّد
حبيبي يامحمد 
@@@@
سر الله اوحبيبه 
بو النفس النجيبه 
هالساكن في طيبه 

ع العالم تسيّد 
حبيبي يامحمد
@@@
سِيدي اومابداله 
محمود ابخصاله 
ساحرني ابجماله 

في گلبي تخلّد
حبيبي يامحمد
@@@@
المظلل بالغمامه 
المشفّع بالقيامه
صلاة الله اوسلامه

ع الهادي المسدد
حبيبي يامحمد 

@@@
يابو الزهره جينه 
للمولد حيينه
بالفرحه اعتنينه

بالحب المجرّد
حبيبي يامحمد
@@@ 
لو مر بيه طيفك  
جيتك وآنه ضيفك 
روحي اوعله كيفك 

خذها وربي يشهد 
حبيبي يامحمد
@@@@
يالشمس المضيّه 
بالله حن عليّه 
شوگي مو بديّه 

بدموعي تجسد 
حبيبي يامحمد
----------------------
ثامر بوجبارة الاحسائي


‏ من جهاز الـ iPhone الخاص بي

لمولد النبي صلى الله عليه وآله وسلم
--------

بك آمنت ورب البيت يشهد
ياحبيبي ياحبيبي يا محمد
@@@

شسولف بالله عن حسنك
وحسنك سيدي جذّاب

يمن نظره من اعيونك
يطه تأسر الالباب

جمالك كامل امكمل
باحروف الوصف خلّاب

يمن صلى عليك الله
يابو السادة الاطياب

ولك الطير على الأغصان غرّد
ياحبيبي يا حبيبي يامحمد
@@@@
يمن مكه تغنت بيه
بس شمّت شذا عطره

نورك كسّر الاصنام
وايوانه انهدم كسره


يا انشودة الشادي
وللشاعر نبض شعره

بس من ينذكر اسمك
نولي بالصلاه شطره

ولك الآيات في القرآن تشهد
ياحبيبي يا حبيبي يامحمد
@@@@
اسباب الخلگ انته
وانته علّة الايجاد

لولا نورك الباري
لا ما تعبده العُباد

( كُن ) لجلك خلقها الله
وعطفه ع الخلايگ ساد

ويصيلي عليك الكون
ربك يامحمد راد

وإذا بالكون في الازمان ردد
ياحبيبي يا حبيبي يامحمد
@@@@
سبحان الذي سواك
يا أفضل بشر يانور

اسمك تعرفه الاديان
في كل الكتب مذكور

بالالواح وبالانجيل
توراة وصحف وزبور

كل الينكرك چذاب
ابكل شي يحچي مامعذور

وبك الاسلام يا طه تسيّد
ياحبيبي يا حبيبي يامحمد
@@@@

واحنه شيعة الكرار
نرفع بالصلاة اصوات

( اللهم صلِ على ) 
محمد واله السادات

من غير آلك الاطهار
لا ماتنقبل صلوات


ماهمنه حچي العذال
من والوا هبل واللات

صل يا ربي على الهادي الممجد
ياحبيبي يا حبيبي يامحمد
@@@@

شوگي الگُبْتَك الخضره
والطيبة حبيبي اكبير

اتمنى يبو ابراهيم
اوصلك وألگه الخير

باجناح العشگ مولاي
اقصد حضرتك كالطير

كلمن يوفد المثواك
يرفع صوته بالتكبير

ولك الأفراح يا مولاي تعقد
ياحبيبي يا حبيبي يامحمد

----------------------
ثامر بوجبارة الاحسائي

ولادة الرسول الاعظم ص

يا رسول الله مدد
يا محمد يامحمد
"""""""
صلِ يا ربي على محمد
احله كلمة الشيعي بيهه ردد
وعلى آل النبي .. هُمه جوهر مذهبي
بالشدايد والعُسُر .. بيهم اخذ مطلبي
يالعايش بفؤادي
بسمك اظل انادي
يا رسول الله مدد
يا محمد يامحمد
""""""""
يا محمد انته بس شفيعي
اني منكم وانتمائي شيعي
انتمي لحامي الحمه .. وللحبيبة فاطمه
منكم وألكُم عشت .. حبكم اجمل خاتمه
والله وحگ غلاتك
متهمني بس رضاتك
يا رسول الله مدد
يا محمد يامحمد
""""""""
ماكو رابط يشبه ارتباطي
طه انته قبلتي وصراطي
احچي خل بالمختصر .. انت يا سيد البشر
حبك اعظم مكرمة .. يعني جنة ومُستقَر
حُبك إذن ضمانه
للـحَبَك ابأمانه
يا رسول الله مدد
يا محمد يامحمد
""""""""
انته اخر مرسل الله جابك
لكن اول بالعشگ جنابك
اول احباب الگلب .. بالمودة والقرب
بروحي يا طه إلك .. مو رسم باني نصب
سمعاً إلك وطاعه
يا سيد الشفاعه
يا رسول الله مدد
يا محمد يامحمد
""""""""
ارد احلفك تلتفت عليه
بلكي نظرة بداعت الزچيه
شيعي من شيعة علي .. رايدك تنظر إلي
اني خادمكم اظل .. وانتو حبي الازلي
بچفوفك الشريفه
اتوقع الصحيفه
يا رسول الله مدد
يا محمد يامحمد
""""""""
حبك اعتبره من المعاجز
ردت اوصفه لكن انه عاجز
امحبتك يالمصطفه .. النجا لاهل الوفه
للي واله عترتك .. وللعقول العارفه
يا معجزة زمانك
انطينه من حنانك
يا رسول الله مدد
يا محمد يامحمد

انيس الخفاجي الكربلائي

اللهم صل على محمد وال احمد
......................................1
محمد محله اسمه – بلفضنه احلى كلمة
اذا رايد تكلمه – عليه صلي واسئله

حبيب الله محمد – رسول الله المؤيد
نضل بحبه نشهد – الآذان بأسمه يحله

الورد من عندة يطلب – عطر وانفاسه تكتب
يضل بحروفه يحسب – حبيبي اصبح يكله

اكتمل هالورد عطره – لئن شمه وينظره
بجمال الورد اقره – لطه يضل يقبله


اللهم صل على محمد وال احمد



......................................2
النجوم بهيدة نزلت – الصبح كاروكة هزت
السماء انوار فرشت – وعليه طشت نجمنه

الشمس ليهه صعدنه – والف شمعة شعلنه
بولادة طه كلنه – نسينه كل المنه

الكمر فوكه مشينه – احتفلنه بحب نبينه
يحس الكمر بينه – بضواه اصبح يلمنه

برج قيصر تهدم – بحر ساوة تبسم
الحجر بسمه تكلم – الفرح وحده رسمنه

اللهم صل على محمد وال احمد





......................................3
جبل حراء صله – نظر نوره التجله
الشمس الله تكله – وعليه بشوك صلت

سحر كلشي بجماله – هدى الناس بكماله
عليه كتبت مقاله – الجنه ويمه سجدت

يشع وجهه اناره – انطفت من كسرى ناره
محمد بالبشاره – البحار بلهفة فرحت

الملائك كلهه يمه – اجت عطره تشمه
يريد الكل يخدمة – بخدمته الناس فازت

اللهم صل على محمد وال احمد





......................................4
لكينه بشاطىء الروح – سوالف من عهد نوح
عطر المصطفى يفوح – لو بسمه حجينه

المهدي خل نهنيه – مولد طه نحيه
دوم انضل نواليه – بحبه احنه ارتقينة

مولد صادق الدين – جعفر يالمحبين
ماننساه وباقين – بالمولد اجينه

لهل البيت خدام – نبقى بطول الاعوام
نرفع دوم الاعلام – نصعد بالسفينة

اللهم صل على محمد وال احمد
......................................
حيدر موسى الرميثي

في مدح الامام جعفر بن محمد الصادق ع

من الوافر:
خَلِيلِيْ أدني من كَفِّي الخِضّابَا
فَشعَرِي مِن عَفَاءِ الرَّسمِ شَابَا

وَأوقد لِي على الكُثبان نارًا
فَضَوءُ البَدرِ فِي عَينَيَّ غَابا

تُعَاتِبُنِي لِأنِّي نُحتُ رَسمًا
أمَا تَخشَى من الله العِتَابَا

وَتَزعَمُ أنَّ حُزنِي مِن حَبِيبٍ
مَضَى عَنِّي فَأرسِلَ لِي غُرَابَا

وَأنِّي صِرتُ أشكُو مِنهُ سُهدًا
وَأنِّي أرتَجِي منهُ الإيابَا

وَأنِّي سَاكِنٌ قَفرَ الصَّحَارِي
وَأنِّي أنظُرُ الطُّرُقَ ارتِقَابَا

فهَل مِثلِي يُفَتِّشُ عَن أنَاسٍ
بَلَيلٍ غَادِرٍ زَمُوا الرِّكَابَا

وَهَل مِثلِي يَنُوحُ على طُلُولٍ
وَيُرسِلُ دَمعَهُ فِيها انسِكَابَا

وَهل مِثلي إذَا بَزَغت نُجُومُ
تَخَيلَ "هِندَ" أو ذَكَرَ "الرَّبَابَا"

هُوَينَكَ مَاأردتُ الَّهوَ لَكن
مَذَاقُ الشَّعرِ بالأطلَالِ طَابَا

نَعَم قَد شابَ رَأسي عِندَ رَسمٍ
إذَا زُرت البَقيعَ أرَاه عابَا

وَمَاعَيبٌ بِهِ لَكن مَزَارٌ
قِبَابُ ضَرِيحِهِ صَارَت تُرَابَا

مَزَارٌ طَاوَل العُليَا عُلُوًّا
دَنَى حَتَّى تَدَلَّى ثُمَّ قَاب

كَسِدرَةِ مُنتَهًى رَسَخَت بِأرضٍ
يَرَاهَا القَلبُ إن خَرَقَ الحِجَابَا

إذَا مَرَّت بِه الأملَاكُ صَلَّت
وَإن دُعِيَ الإلَهُ بِه استَجَابَا

حَوى نَسلَ النَّبِيِّ وَأيُّ شَأنٍ
حَواهُ إذا حَوى لله بَابَا

فَخُذ عَنِّي مَقَالِي وَامتِدَاحِي
لِبَحرٍ وَافِرٍ فَاضَ انصِبَابَا

لِصَادِق آلِ أحمَد صِغتُ قَولِي
وَإنِّي فُيهِ أحتَمِلُ الصِّعَابَا

إمَامٌ أرهَقَ الألبَابَ عِلمًا
فَسَار العِلمُ مِن فَمِهِ وَجَابَا

رَمَى شَمسَ المَعَارِف فِي قُلوبٍ
لِيَجلُو عن بَصَائرِهَا الضَّبَابَا

وَفَسَّرَ مِن كِتَابِ الله آيًا
فَصَارَ الحَرفُ مِن فَمَهَ كِتَابَا

وَحَدَّثَ عَن رَسُول الله حتَّى
كَأنَّ مُحَمَّدًا في النَّاسِ آبَا

يُنَاظِرُ كُلَّ كُفرٍ وَابتِدَاعٍ
فَيدمَغُهُ وَيُعجِزُهُ خِطَابَا

وَمَامِن سَائلٍ يَأتِيهِ إلَّا
وَيُعطِيهِ الأدِلَّةَ والجَوَابَا

وَقَالَ "أبُوحَنِيفَة" فِيهِ قَولًا
لَيفهَمُهُ الجَهُولُ وَلَو تَغَابَا

إمَامٌ مِن مُحَيَّاهُ البَرَايَا
غَدَت تَرجُوا وَتَستَسقي السَّحَابَا

جَمِيلُ الوَجهِ إن لَقَاهُ يَومًا
وَقُورُ العَقلِ يَفتَقِدُ الصَّوَابَا

صِفَاتُ مُحَمَّدٍ فِيهِ تَبَدَّت
إذَا العَاصي رَآهُ هَوَى وَتَابَا

وَإن لَاقَاهُ طَاغِيَةٌ تَوَلَّى
فَحَقٌ لابنِ حَيدَر أن يُهَابَا

وَإنْ رَأت النُّجُومُ لَهُ ضِيَاءً
تَغُضُّ الطَّرف أو تُدنِي الرِّقَابَا

إمَامٌ فِي البرَايَا فَاض جُودًا
كَبَحرٍ مَاؤُهُ مَلَأ القِرَابَ

لَهُ كَفٌ إذا أعطت أعفَّت
وَمَامِن طَالِبٍ نَادَاهُ خَابَا

عَشِقتُ وَلَاءه وَفَخِرتُ أنِّي
إلَيهِ يُرَدُّ مَذهَبِيَ انتِسَابَا

أسَمَّى جَعفَرِيًا ذَاكَ فَضلّ
يُسخِّرُهُ الإلهُ لِمَن أنَابَا

فَثِق بالله أنِّي لَستُ مِمَّن
يَخَافُ المَوتَ أو يَخشَى الحِسَابَا

فَقَد قَلَّدتُ آخِرَتِي إمَامًا
زُلَالُ الحَوضِ مِن كَفَّيهِ سَابَا

إمَامٌ فِي مَحبَّتِهِ أُنَاجِي
وَأرجُو الله عَفوَا أو ثَوَابَا

حُرُوفُ وَلَائِهِ نُقِشَت بِقَلبِي
وَقَلبِي مِن هَوَاه بَلى وَذَابَا

فَسالَت وَاستَفَاضَت فِي لِسَانِي
مَدِيحًا سَردُهُ فَاقَ العُبَابَا

وَإنِّي حِينَ أمدحُهُ لَأغدُو
كَمَن فَي البَحرِ يَمتَدِحُ الحبَابَا
———————————-
📍القطيف-القديح
١٤٤١/٢/٢٢📅
✍🏻عبدالحسن بن سعيد الصفار

في مدح رسول الله محمد ص

من الكامل:
أعيَاكَ رَبعٌ قد بَدَت بِفِنَائه
دِمنٌ وَبان العَصفُ فِي أرجَائهِ

لَمَّا تَحَمَّلَ أهلُهُ وَتَرَحَّلُوا
ضَلَّ الغُرَابُ يَحُومُ فِي أنحَائهِ

يَقفُ مَسِيرَ رِحَالِهم أمَلًا بِأن
يَلقى لَهُم أثرًا عَلى صَحرَائهِ

ويَهِيمُ يَطلُبُ خَطوَهُم لَكنَّهم
بِمَسِيرِهِم عَمَدُوا عَلى إخفَائهِ

فَيكُونُ كَالعُطشَانِ لم يَلقى سِوَا
سُرُبًا تَزِيدُ النَّارَ في أحشَائِهِ

يَنعى رَحِيلَهم بِصوتِ نعِيبِهِ
وَيَهِيجُ فِيكَ الحُزنُ من أصدَائهِ

وَتَضَلُّ تَنظُرُ حَالَ رَسمٍ قَد عَفَا
تبكِي عَليهِ بِصبحِهِ وَمَسَائهِ

تَبكِي عَلى طَلَلٍ دَهَاكَ خَوَاؤُهُ
وَتَنَامُ طُولَ الليلِ فِي بَيدَائهِ

تَبكِي عَلى مَن كَان يَسكُنُهُ وَهَل
يُبكَى لِجَافٍ بَعد طُولِ جَفَائهِ

هَوٍّ عَلَيكَ وخُذ مَقَالَةَ عَاشِقٍ
صَبٍ يَحَارُ بِدَائه وَدَوَائِه

فالدَّاءُ عشقي للنَّبي مُحَمَّدٍ
وازدَادَ لَمَّا حرتُ في إبدَائهِ

وَدَوَاءُ دَائي وَصلُهُ وَلِقَاؤهُ
أنَّى وَعَصرِي حَال دُونَ لِقَائهِ

أمتَاحُ بَحر الشَّوقِ فِيهِ وَإنَّنِي
أسلُو إذَا حُدِّثتُ عَن أنبَائهِ

أسلُو إذَا شَعَّ الضِّيَاءُ مُنَوِّرًا
وَأرَاهُ فِي إشعَاعِهِ وَصَفَائِهِ

فالنَّجمُ وَالأقمَارُ بَعضُ سَنَائهِ
وَالشَّمسُ تُشرِقُ مِن سَنَا عَليَائهِ

بَدرٌ تَلَألَأَ فِي الزَّمَانِ وَإنَّمَا
سُبُلُ النَّجَاةِ تَبَيَّنَت بِضِيَائِهِ

سَبَبُ الوُجُودِ وَخير مَن وَطَأ الثَّرى
وَجهُ البَسيطَةِ يَنطَوي بِرِدَائهِ

فسأل حَصَاة سَبَّحت فِي كَفِّه
وَاسأل تُرابًا دَاسَهُ بِحِذَائهِ

وَاسأل نَوَاةً خَالَطَت أرياقَهُ
فَغَدَت رِيَاضًا ذاكَ مِن إفضَائه

وَاسأل عُيُونًا أبصَرتْهُ فَأعشِيَت
لَمَّا أضاء النُّور مِن غَرًّائهِ

واسأل غَمامَتَهُ وَعِمَّةَ رَأسِهِ
وَاسأل عَبَاءتَهُ وَغَار حِرَائه

هَل يَرتَقِي بَشرٌ لِمَدحِ مُحَمَّدٍ
أم أنَّنَا نَقوى عَلى إيفَائهِ

فَإذا أنِستَ بِذكرِهِ وَمَدِيحِه
وَأردتَ أن تَحضى ببعضِ عَطَائهِ

صَلِّ عَليهِ وَآلِهِ مُتَقَرِّبًا
يُجزِيكَ رَبِّي مِن عَظيمِ سَخَائهِ

فَهوَ النَّجَاةُ الى الخَلَائقِ كُلِّهَا
رُسُلُ الإله تَضرَّعت برَجَائهِ

وهوَ الذِي وَارَى لآدَمَ سَوءةً
مِن بعدِ مَا جُوزِي عَلى أخطَائهِ

وهوَ اللذي أنجَى السَّفينَةَ إذ أتَى
طُوفَانُ نُوحٍ واستَفَاضَ بِمَائِهِ

وَهوَ الذي أنجَى الخَليلَ مِنَ الَّظَى
وَأبَاهُ إسمَاعيلَ حِينَ بَلائهِ

وَهوَ الذِي أنجَى لِيَعقُوبَ ابنَهُ
وَأقرَّ عَينَهُ بَعدَ طُولِ بُكَائهِ

وَهوَ الذي رَدَّ الكَلِيمَ لِأمِّهِ
وَحمَاهُ يَومَ الوَكزِ من إيذَائهِ

وَهو الذي أيُّوبُ لَاذَ بِجَاهِهِ
لَمَّا اشتَكَى لِإلههِ مِن دَائه

وَهوَ الذي ذَا لنَّون فِي ظُلُمَاتِهِ
نَادَاهُ أن يُنجِيهِ من بَأسَائِهِ

وَهوَ الذي رَفَعَ المَسيحَ الى السَّمَا
حَاشَاهُ أن أقوَى عَلى إحصَائهِ

فَهوَ الكَمَال وَكُلُّ شَيءٍ دُونَهُ
تِبيَانُ هذا فِي حَديث كِسَائهِ

وَهو القَوِيُّ عَلى التَّصرُّف فالسَّمَا
قَد شُقَّ فِيهَا البَدرُ مِن إيمَائهِ

وَهوَ الذِي أسرَى بِهِ المَولَى وَهَل
عُمِيت عُيُونُ النَّاسِ عَن إسرَائهِ

وَهوَ الذِي وَطَأَ البِسَاطَ بِنَعلِهِ
لَمَا الإله علا بِه لِسَمَائهِ

وَهوَ الذي حَار العِبادُ بِخُلقِه
وَجَمَالِه وَجَلالِهِ وَبَهَائهِ

أتَظُنُّ أنِّي عِندَ ذِكرِ مُحمَّد
أنسَى عَليًا وَاقِفًا بِإزَائِهِ

أم أنَّنِي أنسَى الأخوَّةَ بَينَهُم
لَمَّا النَّبِيُّ أسرَّهُ لِإخَائهِ

أم أنَّنِي أنسَى بِلَيلَةِ هِجرَةٍ
بَطَلًا حَمَى المُختَارَ مِن أعدَائهِ

أم أنَّنِي أنسَاه يَومَ تَجَيَّشَت
أحزَابُ مَكَّةَ فاعتَلى بِلِوَائه

أم أنَّنِي أنسَى النَّبِيَّ مُنَادِيًا
يَدعُو العِباد لِحُبِّهِ وَوَلَائهِ

نِعَمُ الإله تَجَمَّعَت بِكِلَيهِمَا
والشكرُ للمَولى على آلَائِه

وَخِتَامُ قَولِي حَمدُهُ وَثَنَاؤُهُ
إن كَانَ مِثلِي بَالِغٌ لِثَنَائهِ



✍🏻عبدالحسن بن سعيد الصفار

—

ما أروع اللقاء في رُبىٰ جبل عامل، عندما تكون ثمرته باقات شِعرٍ في مدح سيد الخلق وخاتم الأنبياء (صلَّى اللهُ عليهِ وآلِه) بمناسبة المولد الشريف :

🌸🌸🌸

الســاعـةُ اقــتـربـت و قـــد تـــمَّ القـمــرْ
و تجـمَّـعـت زُمَـــرُ النـجومِ عـلــى الأثَــرْ
و علـى شـفــاه الـوردِ همـسٌ : ما الخبرْ
سرعانَ ما انكشفَ الدجى وزها الوجودْ ..

🌷🌷🌷

انـزاح الظـلام او لاح بـدر الـمُصطفى
عـبْـد او من المعبُـود مـاخِـذ چـم صِفه
لـو نـوره مـا چـــان ابصُلُــب آدم صِفه
مـا چـان ربَّـك يـامـر إبلـيـس ابسجُـود ..

🌸🌸🌸

مـا كــــان يأمُـره ليسجـدَ والـمَـلَـكْ
إلا لِــمَـــن لـــولاه مـــا دار الفَــلَـكْ
والحُسْـنُ قال لحُسنِهِ : مـا أجملَـكْ
سلطانُ أوصـافِ الجمال بلا حدودْ ..

🌷🌷🌷

و لهالسبـب حگنه ابجَمــاله نِـنفِتـِن
او يا عاقل اللي اگباله يگدر ما يجِن !؟
سبحان من صاغ الرسول ابهالحِسِـن
وبْـ{قل أعوذ} اِيـعَـوْذه مِن عين الحسُود ..

🌸🌸🌸

عَمِيتْ قلوبٌ لــم تذُبْ بجَمـــــالِهِ
ولقد كســـــاهُ اللهُ ثــــوبَ جلالِهِ
قل للمتيَّـــــمِ بالنبـــــيِّ وآلِــــــهِ
ترِدُ الجِنانَ غداً ويا نِعم الورودْ .

🌷🌷🌷

تدخل جنان الباري و اعظم مفخره
بيدك شفـاعه امـوقّـعه مـن حيدره
يـــــا من توالي العتره دنيا او آخره
بشـــراك يمهم تسكن ابيوم الخلود ..

==================

الشعر الفصيح :
الشيخ أحمد الدر العاملي
الشعر الشعبي :
ميرزا عادل أشكناني

*مولد الرسول ص*

عيد يامحمد
عيد يامحمد
فرحانه الطيور يوم ميلاده
وتقدم زهور يوم ميلاده
******

أبعثله سلام * بجناح الحمام * وبشوق وغرام
محبوبي صحت

إفرح يالمحب * وبشوق أنتحب * أحلى من العذب
وبحبه همت
بدموع الفرح والكل صدح بيك يتمجد
هالكون ابتسم زال الغمم بطلعة محمد
شوق يامحمد
شوق يامحمد

**********
فرحانه السماء -- وكل الأنبياء -- هاك إسمع نداء
عشاق الحسين

شوق وأمنيات -- نبعثلك صلاة -- وبدربك نجاة
جنة وآمنين

ياغلى محب وسط الگلب نقشك رسمته
جنيت بعشگ اشرف خلگ بدمي كتبته
حور يامحمد
حور يامحمد

*********
صلي على النبي - خل يفرح علي - هالليله الولي - نور الله طلع
رحمة عالبشر - كل ضيه زهر - والكون ابتشر - بنواره سطع
ايوانه انهدم .يومه علم كسرئ وتعجب
وبيت الله نملى املاك السما والكون اطرب


نور. يامحمد
نور. يامحمد

**************


هاي الرافضه ---تهني المرتضى ---رغمه المغرضه
متهاب العناد
نجي شيعته ---- واحفظ عترته ---- طالت غيبته
يارب العباد
يا محيي السنن گلبي امتحن يدعوا الظهورك
خجلانه الشمس وظيها نطمس لو بزغ نورك



دين يامحمد

دين يامحمد
***********


كلمات أبو أحمد الصالحي

🌹ولادة الرسول الاكرم محمد (ص)🌹

ابهاي الولاده
شملتنه السعاده

ميلاد النبي الليله(٢) ميلاد النبي(١)

🌹🍀🌹🍀🌹🍀🌹🍀🌹
..
‌
يا اول عشگ انااسمعت بی
نبینه یا محمد ابا الزهراء

الك ابعث تحياتي وسلامي
ادزنهه ابعطر توصل الحضره

گلبی حبه راده
شملتنه السعاده

میلاد‌ النبی الیله‌ میلاد‌ النبی

🌹🍀🌹🍀🌹🍀🌹🍀🌹
..

ربیت ابحبک انا الله یشهد
اقدملک‌ الف‌ میة صلوات

اباالزهرانبینه اشمحله اسمک
ابليلة مولدك صارت كرامات

مغمومه الحساده‌
شملتنه‌ السعاده‌

میلاد‌ النبی‌ اللیله‌ میلاد‌ النبی

🌹🍀🌹🍀🌹🍀🌹🍀🌹
...

صلاتی‌ اعلیک‌ لیلیه‌ ونهاری‌
واعطر‌ فمی‌ بسمک‌ یا محمد‌

عطشان‌ الزيارتك یغالی‌
الهی‌ ابها الامر‌ اعلیه‌ اشهد‌

قررت‌ ابشهاده
شملتنه‌ السعاده‌

میلاد‌ النبی‌ اللیله‌ میلاد‌ النبی‌

🌹🍀🌹🍀🌹🍀🌹🍀🌹
....

یروحی طیری‌ هسه‌ بهالمسیه‌
وصلتی للمدينه ازهار طشي

افرحيله ابفرح ابهالعشيه
عيدي ابمولده‌ واشموع‌ علگی‌

و ابهاي القياده
شملتنه السعاده

میلاد‌ النبی الیله میلاد النبی

🌹🍀🌹🍀🌹🍀🌹🍀🌹

*للشاعر . هاشم الرشیدی ..*


🎊🎊 ♦ 🎊🎊

..

اهازيج ولائيه لولادة النبي محمد صلى الله عليه واله وسلم

وبمولد رسول الله
كل الناس فرحانه

----------1----------

انته تاج فوق الراس
وزعنه الورد والياس
نهني حيدره وعباس
وكلها تفرح ويانه

----------2----------

جينه نحي محفلكم
تلوك الهوسه بس الكم
مرادي اطلبه منكم
الليله العين سهرانه

----------3----------

فرحانه الانس والجان
بمولد النبي العدنان
بينه مايضل حزنان
هذا بعلمه علانه
----------4----------

نفرح احنه لهل البيت
وزعوا الورد والجكليت
وهلهوله من ام البيت
اليوم الزهره ترعانه

----------5----------
نور من السمه جنك
نريد مرادنه منك
ونظره نريد من عندك
يابو القاسم يامولانه

----------6----------

بيت الدعاء
الاهي بجاه ابو القاسم
عجل فرج القائم
وزيحون كل ظالم
ولاهل البيت عوانه

----------7----------

وتحمي اليوم موطنه
وتحفظ الشباب النه
ويشفي كل مريض منه
ودحرون عدوانه

-----تمت بعون الله -----
بقلم خادمة الزهراء منى البصراويه
14/11/2019

شعت الانـــــــــــــوار مولد المخــــــــــــــــتار

اليوم ميلاد الرسول اجمل فرح
هذااشرف نور عالامه اتضـــح
برج كسرى طاح متهدم صبـــح
وضحت الاســــــــــرار مولد المختـــــــــــــار

ارض ساوه اليوم فاضت بالحيات
ودجله امواجه تسلم عالفـــرات
والنخل ساجد بده يقيم الـصلات
غنت الاطـــــــــــوار مولد المخـــــــــــــــتار

بشرت ارض المدينه كــــــربله
والقدس بيده يزف القافلـــــــه
همنه زال وهالفرح بينه اعتله
توردالازهار مولدالمخـــــــــــــــــــــــــــــتار

عرش بلقيس النزل برض الحجاز
وسافرت ارض المدينه بلاجــــواز
وحازت الكوفه وسام الامـــــــتياز
تضحك الاقمار مولد المخــــــــــــــــــــــــتار




صلت اعليه السماء الســـــــابعه
وزار جبريل الزياره الجــــــامعه
تاجلت لجل الرسول الـــــــواقعه

نزلت الاسفار مولد المخـــــــــــــــــــــــــتار
فاض ماي الكوثر بكاع الجـــــنا ن
وانكتب اسم الرسول ابكل مكــــان
انولد لدم ونطوه بساع الزمــــا ن

نشرت الاخبار مولد المخــــــــــــــــــــــتار‘‘‘‘
................................
حيدر موسى الرميثي