حسين بعـد اعيـــوني يلغالي
خويه مستحيه احچي البالي
محمل ابنيتك رجـــع خـــالي
خويه يحسين
ــــــــــــــــــــــــــــــــــــــــــــــ
رديت بس ابـــلا كمـــر وابـــلايه فيي الـــرايه
واصوابي مو بس كربله من الشام جبت اهوايه
ينكتل كل خطوه ابدرب اليمشي موش ابــرايه
والذابـــح اعـــزاز الگلـب يتمشه ظـــل وياييه

حسين ياخويه احترگ گلبي
چي مشه ذبـــاحـــك ابدربي
انه مـــن هـــذه الهظم تعبي
خويه يحسين
ــــــــــــــــــــــــــــــــــــــــــــــ
يحسين من بلد البلـــد مگيـــوده انه اوعلويه
وادريك تعرف بالجـــره ومجبوره احچي البيه
خجـــلانه خجلت كافلي من طـــاح مارد ليه
ومستحيه اجيتك چي الك ماجبت بيدي ارقيه

ايشمه مشتاگ اعرف اترابك
لچـــن ماتت هيه بخظـــابك
گلبي ذاب الشايل امصـــابك
خويه يحسين
ــــــــــــــــــــــــــــــــــــــــــــــ
اهــواي الســـوالف بالگلب من ابدي بيهن احتار
وامداور احـــزام اخوتي وما فكـــرت يوم احتار
ومن ذبحـــو دور الحـزم دارت عله اخيامي النار
والماجت اوياي انچوت وعالچويه اديتها ازغار

اگبـال عيني شفت چويتها
مـن بعـــيـــد وتنخه عمتها
النار هاي اجفوفي حركتها
خويه يحسين
ــــــــــــــــــــــــــــــــــــــــــــــ
ماكو وكـــت يكفي البچي وابعاشـــر ابچي عليك
جاي ابچي هسه ابلوعتي وتسمعني ياخوي ادريك
عباس كاســـرلك ظهـــر وظهري انكسر بالطف ليك
وأذتك ركظت زينبك وأذاني چـــم حــافــر بيك

زينب انه وبت علي صيتي
وين ابات ومحتـــرگ بيتي
ابلا مچـان ايصيـــر تاليتي
خويه يحسين
ــــــــــــــــــــــــــــــــــــــــــــــ
شرد احچي واهواي الجره وهاظمني موقف نسوان
العدهن عشيره اخذوهن وتنسبي الماعدها اخوان
ايگولون كلفه بالعرب نسوان تدخل ديوان
وطبينه واحنه اشرف ظعن والشافنه ياهو الچان

آه يحسين والـــف وسفه
انذال شافت مشيت العفه
جـــرح گلبي ما يكف نزفه
خويه يحسين
ــــــــــــــــــــــــــــــــــــــــــــــ
من اجروحي هذه اثگل جرح والحد الگبر مايلتام
من شفت وي طبت الظعن فرحــانه نسوان الشام
وهـــدوم عيـــد اطفالهــم لبست اگـــبـــال الايتام
والشامت ايگصر العمر ونظراته ع الحرمه اسهام

خويه گلبي تدري بجــروحه
من النظر كل حرمه مذبوحه
من تشوف اعيون مشبوحه
خويه يحسين


علي الحميداوي الكربلائي

حياكم الله ... خدام الحسين
كواكم الله ... زوار الحسين
انه امشي وياكم
ادعي الله يرعاكم
خدام الحسين ....زوار الحسين
......
فاطمه الزهره الزجية انه امكم
امشي وي ممشاكم واتبع جدمكم
اابدفتري زوار متسجل اسمكم
وانتو يالخدام بعيوني شلتكم

والشاهد الله ... انه اشفعلكم
مو صعبه سهله ... كلحنطه المكم
للجنه وياكم
......
كل وكت دعواتي الكم يالحبايب
الله يكثر خيركم يهل المواكب
الله يبعد عنكم الشر والمصايب
ويفرج الهم عنكم ابطلعت الغايب

دعواتي الكم ... صبح ومسيه
يحفظ اهلكم ... رب البرية
يل حلوه ملكاكم
ادعي الله يرعاكم
.....
ها عساكم ما تعبتو يالغياره
الخطوه تنعد ابألف هاي الزياره
الف حجه والف عمرة بنتظاره
الزار كبر حسين هاي الكم بشاره

زوار الحسين ... حجاج اسمكم
ها يالمحبين ... الله يحبكم
يغفر خطاياكم
ادعي الله يرعاكم
.......
ابشاره ابشركم يخدامي الميامين
ابدال كل درهم تنفقونه للحسين
باجر ابجنه عدن اوفيكم الدين
وبجواري ايصير مسكنكم يطيبين

خدام الحسين ... موعدنه باجر
الكم يطيبن ... جنه اكابر
بجواري سكناكم
ادعي الله يرعاكم
......
زاير حسين الملائك يخدمونه
على طول الدرب همة ايدللونه
ابهله وياميت هله يستقبلونه
وابجر تسبيحهم يتقاسمونه

كلمن يزوره ... ماشي اعله رجله
ياخذله صوره ... جبريل اكله
ما انسه ذكراكم
......
وانتو يلخدام خدمتكم عظيمه
انبياء الله رادتها ابعزيمه
خلو خدمتكم على الفطره السليمه
مو شرط بهواي الاشويه الها قيمه

المايه تكفي .... مو شرط الهواي
الماي تكفي .... اتشربها مشاي
مشكوره مسعاكم

......
الحمدالله رب العالمين
اللهم صل على محمد وال محمد
موسى الخادم ....

شور للمشايه:


بأجواء الدرب..تلتم الخدم
لكل عاشگ اصد..بچفوفه علم
يمشي للحبيب..لو يفديله دم
جاي امن العدم..لأرباب الخيم

لو ينگطع عنّه الهوه ويمتنع عنّ الماي
وينطي إِدِيهْ واجدامه واعيونه...يجي مشّاي

ينطي والله كلشي..والمهم بس يمشي
ولو ينام بلحده..تمشي دمعه بخدّه
...........................
اليخدم مستعد..وي ربعه وهله
يتلگّه اليجون..بصرخاته اعتله
زوّار الحُسين..بجيّتكم هله
ويفرش روحه اله..لگاصد كربله

اينادي هله وميّة هله لو شخص متعنّيه
من مَحجَر اعيونه ايشيل اعيونه و ايخلّيه

يدعي ربه ايناطر..يطب بيته الزاير
يسحگ اعله متونه..ويغفه بين اعيونه
...........................
يگصد للحُسين..الشايب والطفل
ويگصدله زحف..الما عنده رِجل
يمشون بشَغف..ومَيهِمهُم حِمل
واينادي اليِمل..ادخيلك بو الفضل

والاعمه يندلّه طريقه وبالگلب بي حَس
و بفضل ابو فاضل قره لطميّه كل اخرس

غيمه سوده تزحف..امنل بحر لارض الطف
وبالتعب مرتاحين..بالگمر متحزمين
...........................
بكل خطوه اليحب..ينصبله عزاء
مأتم كل شبر..لحد طف كربلاء
ما يتعب ابد..و ايتاني اللقاء
بمملكة البُكاء..وي ربّ الوفاء

من كل كتر يتعنّه زاير والنهايه الطف
الجن والملائك والبشر لحسين توگف صف

والخدم تتبسّم..وبدربهم تلتم
وهوّسو بالرايه..هله بالمشايه
...........................
ما رادو ابد..اي جاه و علُو
رادو يعتنون..للماله اخو
و ايحشّم يضل..بأولاده الابو
للباقي غريب..يتعنّه منو

حيهم صحت وين المواسي اليمشي مشايه
(من كُلِّ فَجٍ) فزعو الخدّام بالرايه

من نخيت التمو..وبالكفيل اتحزمو
وبالطريق الوادم..خادم ايشد خادم


(اجواء الدرب)
محمد اياد السعد

امن الغربه والمحن .. جيتك مع الضعن
بعد اليسر يابويه والذله
اطفال وعايله .. وصلّنه كربله
بعد اليسر يابويه والذله
@@@
انا باقي من بقيه من بنين المرتضى
وانا أبنك يابولكبر والخليفه للمضى
انا من شافك يبويه نحر جثه مرضرضه

وانا من شال ابسبايه والگلب مني ألتضه
...
انا الذي انأسر .. وي عمْتي والنحر
بيدي رفعت العمه عالهزله
واگطعنه هالفله .. وصلّنه كربله
بعد اليسر يابويه والذله
@@@
جيتك اشرح هالمصايب بعد عاشور الذبح
ابگد جروحك كل مسيه في يسرنه ننجرح
الليال ساترهن حريمي عسا لا طرح الصبح
بين لجناب العواذل كل جرح يشبع ملح
...
نياحتهم اسمعه .. وتمنعي الجامعه
وماذيني گيد المارحم ثگله
مو سهله المسأله .. وصلّنه كربله
بعد اليسر يابويه والذله
@@@
بالركب شفت الأعادي شامته تنظر هلي
ولو بچت طفله اعله بوها بالعصايه تنولي
والسياط الماجفتنه بس نصيحن ياعلي
يگول ذاك هذي ليّه وگال هذا هاي إلي
...
قسمونه بالضعن .. للضيم وللمحن
مجموعه كل واحد إله خله
وبمصيبه نازله .. وصلّنه كربله
بعد اليسر يابويه والذله
@@@
الكوفه والشام ابشماته علينه كلها عيدت
وبالحچي الماچان نسمع هاليتامه اتعودت
ومن نجيهم ياخوارج بالحواري رددت

ولو تمر الروس حسره بالحجاره اتسددت
...
ويطيح امن الحجر .. من رمحه كل نحر
يعني على العله وگعت علّه
وابضرب الجاهله .. وصلّنه كربله
بعد اليسر يابويه والذله
@@@
الأميره عمتي زينب ربّت العفه او ستر
بعد عباس ومصابه صار حاديها الشمر
الماتطب اسواگ وسفه بكل محله تنشهر
يگولوا بنت إلي چتلكم شوفوا طاحت بالأسر
...
عليها الشمر امر .. اخزُوها بالنظر
والله اشد من الذبح فعله
ومن شام المهزله .. وصلّنه كربله
بعد اليسر يابويه والذله
@@@
ابدواوين العواذل بويه دلالي تعب
وشفت طاغيهم فرحته بالخمر لمن شرب
يزيد بالشطرنج راسك خله رقعتها ولعب
وبالطشت خاض بعصاته وثغرك الطاهر ضرب

...
هاللي سبه هلي .. سبنه وشتم علي

وصوته على عمتي اذا يعله
مو كافي المقتله .. وصلّنه كربله
بعد اليسر يابويه والذله
@@@
علي احمد الحمود
٥-١٠-٢٠٢٠
الأربعين

رجعتلك زينب بالراية
رجعتلك زينب بالراية
@@@
اجت زينب يخو زينب ضعنها استقبله
كفيل العايله
الوفى ابدمك اجت يمك تگلك ياهلا
رجعنه الكربله
ترف رايه على الثايه العزيزه امدلله
بسباها امذلله
حضرت چفك مع جودك بمدامع هامله
وتنوحك بالفلا
...
يالضعن اوخيتك حمايه
رجعتلك زينب بالراية
@@@
شتسولفلك يبوفاضل بعد ضيم اليسر
گلبها منكسر
ترى الشافت من اسباها يهدم كل صبر
ويوسد بالگبر
على الهزل مشت عنك ضعنها من جبر
ابخولّه والزجر
اذا تنحب رفع صوطه وضرب ام الخدر
بفتح باعه الشمر
...
تولتها سياط السبّايه
رجعتلك زينب بالراية
@@@
تناديلك تنخيلك يشيال العلم
د صد متني انخذم
فلا تجفي اذا نادت ترى الحيل انهدم
ولعب بيها الألم
من الناگه وگعت تركض نذر ليك او قسم
او وراها هالحرم
د گوم انهض على حيلك ولا يردك سهم
ابنظر راس انهشم

...
مكسوره جاتك مشايه
رجعتلك زينب بالراية
@@@
تسولفلك يبوالغيره يخوها بوالفضل
ودمعها ماتمل
عفتها وعجّزت تالي ومتنها منهدل
بگلبها أشكد حمل
اذا تقبل يخو زينب على هاي الفعل
يشدوها ابحبل
بچفوف امگيده وتمشي لداووين العذل
غصب جرها النذل
...
يذلوها المسبيه هوايه
رجعتلك زينب بالراية
@@@
على كيفك اذا تنهض ولا تفتگ جرح
يراس المنذبح
تخاف اختك على جثتك دماءك تنسفح
يمرفوع ابرمح
ومثل خدك ترى خدها الشمس تلفح لفح
اذا يطلع صبح
تگلك ما إلي ابجودك اذا شوفك يصح
ترس جرحي ابملح
...
ماريدن جودك لو مايه
رجعتلك زينب بالراية
@@@
علي احمد الحمود
٥-١٠-٢٠٢٠
الأربعين

حانت ايام الزياره           ياحسين ياحسين
المامشى ابدربك خساره   ياحسين ياحسين 

يالي زاير كربلاء نسألك لينه الدعاء
هالسنه مرت خساره من نزل هذا البلا
نسأل الله من حبيبه حسين ظامي كربلا
بجاه زينب والحرم يرتفع هذا الوباء
والمحب هذا شعاره.  

من عشق درب المحب ما يمل من دربه
حسين يارمز العطاء آنا اموت ابحبه
حتى طفلي عاشق وعلى نهجه اتربه
حسين والله غالي منحفر في قلبه
حسين داري داره

حسين عندي غالي والقلب به حروفه
منرسم بيه أسمه وعيني ماتمل شوفه
من يعوف الغالي يحق لي من أعوفه
الله لا يحرمنا نعتني ونطوفه
فاز كل من زاره

والله ما عفنى المشي هالسنه بالحسره
كل رجانه ننكتب نخدم ابن الزهره
نواسي بيها زينب وكلمن يدق صدره
وكل مواكب من نطب بالحزن والعبره
ضيفوا خطاره

والله لو بيدي زحف اعتني مشايه
حسين يارمز الفدا انت أعظم أيه
وشحلاته هالمشي وآنا احمل رايه
نعتني القبره زحف حسين هو الغايه
سيدي أصل الحضاره

الكربلاء زينب اجت والحرم موجوعه
بالسبي بنت النبي بكربلا مفجوعه
صاحت ابكافل ضعنها ونتي مسموعه
لكن ادري يا الاخو روحك المنزوعه
منهو ياخذ ثاره

هوت فوق القبر والدمع تهل
زينب تنادي اخوها بو الفضل
والله تعبانات من ركب الهزل
دون اخوي موحش اعلينه النزل
والسبي وكداره

تمت نظم ناصر الاحمد
١٤٤٢/٢/١٩

مـادريت بكربله اشصار وجره
بالخيام النار ظلت موجـره
&&&&&&&&
مادريـت النــار وجــــت بالخيـــــام =
ونـار چتــل حسين من ذوله اللئــــام
مادريــت بزينــب تنـادي العمــــــام
هاي اخوتي شلـون نومـه اعله الثره
&&&&&&&&
مادريـت الگـوم داروا علحســـــين
وهــــو فوگ الثــره ماعنده معيـــن
سلبــوا هدومـه اگطعوا منه الوتيـن
والسيــوف اتحنـت أبــدم منحــــره
&&&&&&&&
مادريـت أعلــه النهـر طاح الچفيل أنكســرظهـرحسين مـن راح الخليل
چــان سلـوه وذخر للعيله ودليــــل
چــان بحــر أعلــوم مــوجـه زاخره
&&&&&&&&
مـادريــت بـزينـب وياهــم تعـــــد
حـايــره بيـاعيــن ولعــدمــن تصــد
كلهـه أطفــال ونسـه وبس ترتعــد
وظلــــت بهـالحــال هــي حـايــــره
&&&&&&&&
مـادريـت بزينـب تنـادي العليــــل
تگلـه ياعمــه حضــر وكت الرحيل
وتنظــر النسـوان مـالهــه معيــــل
هــاي تبچـي وذيـچ تنـدب حيدره
&&&&&&&&
مادريــت بكسنـه تنشــد ماتنــــــام =
ويــن عمـي البطـل عبـاس الهمـــام
ردنـه ترجـع عمي وانعيش بسـلام =
مــادرت عبـــاس أديــه أمـبتـــــره
&&&&&&&&
مـادريـت شلــون بارانــه الشمــــر
واحنـه فوگ الهزل بس شتم وزجر
عگــب عيــن حسين شلي بهالعمـر
مـــااريــدن دنيـه سـوده وغــــادره
&&&&&&&&
مادريــت مصيبتـي تدمي الحجر
وآنـه أحاچـي شيعتـي تشوف العِبَر
لاتعـوف حسين لاتنسـه أتحضـــــر
يــم ابـو السجـاد أبــن خيـرالـــوره
&&&&&&&&
شيعـه وبكـل يــوم نحيـي هالمصاب
ويـم ضريـح حســين نحضر مانهاب
والوجــوه اتخضــبت مـن التــــراب
گلـــوب حلــوه وبالولايــه عـامـــره
خادم خدام الحسين ع
الحاج ابو البيجاوي

خل تخفت نارك بالباب.....ولا تحرك الخيمه

وضلوعي اطك وتنعاب....ولا زينب بهيمه

وكون انه انفجع....ويطك الضلع ...وال ون ينسمع
ولا زينب بهيمه
__________________

البنت تِطلع عله امها....لجن مو حته همها ....يصير

ورث نار اليشبها....الخيمها إيظم حطبها.....ويغير

ابابي الكسر ضلوعي ....وجرت من دم دموعي...
وبيده طفن شموعي

نفس ناره اليوج بيها خيامنه
هو اليطَفي شمع جسًامنه
و اه من لوعة يسرنه وشامنه

تبدي من الباب الالام ....وعصرت الزهره
ولو زينب راحت للشام ....من وره العصره

الهم ماينجرع....ويطك الضلع ..وال ون ينسمع
ولا زينب بهيمه
---------------------------------------------
الضلع ياذي بكسرته....تضل تسعر جمرته...وتهيج

الضعن يوم التيسر.... الجرح من طولي اكبر....غميج

ضلوعي تون عليها...لمن تفكد وليها...
وحبل شامت بديها

زينب امدلله وهيه ام الخدر
صعبه لو ركبت هزيله وباليسر
مثل يوم حسين ابدا مايمر

ومايوم اليشبه هل يوم ...من الكفه المنحر
ويون هل غبره ومالوم.....والكلب يسعر
وبين الجمع ...ويطك الضلع...والون ينسمع
ولا زينب بهيمه
--------------------------------------------

الضلع فدوه الخيمها...لان مايبقه يمها ....الكفيل ..

تضل محتاره زينب ...ومثل خيمتها يلهب ...الدليل..

جرحها وي عمرها .....لجن اكبر صبرها...
المصايب من تمرها...

وتحت ظهر حسين خلت ايدها...
وتصبر وماتجزع الله يريدها...
كطعوه والشمر راد يكيدها...

وحست جم ضلع المكسور....والطبره عل طبره...
من الكفه شو منحور.....ونايم عله الغبره...

ودم يجري الدمع ....وبطك الضلع...وال ون ينسمع
ولا زينب بهيمه
___________________
بدت منه المصايب.....انفتح باب النوايب...الضلوع

وراه طبرة عَلينه...وجبد يعله ونينه.....ودموع

الحسن جبده ايتفطر.......وضعن زينب تحظر
لان بالطف تيسر

الضلع باب يصير لو مر اي مصاب...
من يضل حسين عاري اعله التراب...
تصيح زينب خويه مامنه جواب...

ياخويه وبخيامي النار ....من يطفيها...
وبعيله الدلال احتار....منهو يلفيها

مابين الفزع ....وبطك الضلع ....والون ينسمع

ولا زينب بهيمه
------------'-'''''''''

ِِِخادم الحسين

احمد الطيب الحلي

ياصاحبي اكتب نبي
لا تكتب الزينب سبي
يزعل عليك العباس لو بالشعـر تسبيها
ــــــــــــــــــــــــــــــــــــــ
الماشاف واحد بالخلگ صوره الهه
اسرافيل چـــن لو ينّفخ صور الهه
زينب ابقـــرآن الشرف صوره الهه

چفهه قوي وما يلتوي
اخت الگمر تضوي ضوي
من تشرق ابنور الله عين الشمـر تعميها
ــــــــــــــــــــــــــــــــــــــ
لتگول زينب دنگـت هاملهه
وعايفهه اخوهه وبالغرب هاملهه
زينب هيـام الله وعلي هاملهه

واكتب حچي ابنغمة بچي
وبحـــــــايط الخدمه انتچي
واتبع مسير السبقوك والفطره چلّب بيها
ــــــــــــــــــــــــــــــــــــــ
من عيسه زينبنه خذت ماهيّه
شُبّه لهم فـــوگ الهزل ماهيّه
تختفي وايصيــح الشمر ماهيّه

يم فـاطمه لو بالسمه
بعيونهم خلّت عــــــمه
ذاكه ابن مريم بس هاي بت فاطمه انسميها
ــــــــــــــــــــــــــــــــــــــ
كد كيدك اتگله القتل عادلهم
واخواني محد بالفخـر عادلهم
يوسف اخوته من مصر عاد الهم

واني انتظر راعي الامـر
ايخلصني من هذا القصر
يبن الدعي وهاي الشام بس مرقدي ايظل بيها
ــــــــــــــــــــــــــــــــــــــ
اتضيع الاخت لوفارگت واليهه
والضيم چان بكـــربله واليهه
ياللي تـوالي المرتضه واليهه

زينب جبل هزت دول
بت فــاطمه وخير العمل
بس للاسف بالنيران شبعت حرگ رجليها
ــــــــــــــــــــــــــــــــــــــ
من ديره راحت عالنياگ ادّيره
والـماي بارد عالتراب ادّيره
عالـمغتسل للطف وجهه ادّيره

هذا الجرح يذبح ذبـح
ميته ويفــززهه الرمح
يم الحسين وعباس ياهو اليسافر بيها


#العبدالحسيني_محمدالجماسي
اللهم عجل لوليك الفرج

# للامام السجاد عليه السلام - جديد
----------------------

( السلام عليك أيّها الأوّاه )
( السلام عليك ) احسين ماتنساه
ابوسط گلبك شايله
آه ياطف كربله
@@@@@

ينتهي ماي الفرات ادموعك الما تنتهي
ياكل ابخدك حزنها اشما يريد ويشتهي
ولوغفت عينك سهو تسجد على الخد البهي
ابشرعة احزان المدامع حكمه لو يوگف نهي

حزنك ابلايه نهايه ياحليف النوح
وانته من شاف ابعيونه احسينه المذبوح

والغوالي امجدله
آه ياطف كربله

@@@@

الماتم الاول دمعتك من حچه احسين انصبوا
شيعتي اعليه المآتم بالعزه وليّه انحبوا
وللعطاشه للماجلس من يهل گال : اشربوا
منبر اقرايه خطابك من نعيت اعله الابو

دمعة اعيونك امامي بيها نتوضه
نحضر وبلچت علينه فاطمه ترضه

والمدامع هامله
آه ياطف كربله
@@@@
ابصدرك الطف يعني يوجع ضلعك ابجر النفس
والوكت شِمْر ويجي لك يوچب اعليك ورِفَس
يستحي الزاد اعله حزنك من تهل دمعك يبس
كل شي بالكون اعله آهك من توّن صم وخرس

عمرك القدسي گضيته تترسه اهمومه
الياكتر عينك تصد له اتشاهد الحومه

احسين بالك شاغله
آه ياطف كربله
@@@@
اشلون ايعيل ابن المذلّه اعله العزيز الهاشمي
يذبح احسين وعضيده امگطع اعله العلگمي
عجبه مهر امه الزچيه الماي بس يگظي ظمي
وهوّه بن بنت النبوه اعله الأرض ماله سمي

تذبح اعيون الشماته بالگلب حرگه
امضى منّ السيف جرحه بالعمر يبگه

من خولّه وحرمله
آه ياطف كربله
@@@@
يابوحمزه من گلت له ابگلبك الگظه الجرح :
القتل عادتنه لكن تنسبي عمتي يصح ؟
هالامر قاسي عليّه وصعبه لمن ينشرح
لمّه بالديوان طبت طب وسط گلبي رمح

بالخرايب گعدونه والگلب شاجر
شلون بالله تريد انسى امصيبة العاشر

ياگلب يتحمله
آه ياطف كربله

-------------------
ثامر بوجبارة الأحسائي
٢٢-٠١-١٤٤٢هـ
١١-٠٩-٢٠٢٠م

شفتهه ابعینی بس ما صدگتهه
یخویه خیمتی من گابلتهه

حرگهه المعتدی و النوب اجانه
رکضنه والشمر یرکض ورانه
_______
آنه زینب یا گمر..یل طحت یم النهر..ارد اروحن للسفر..والدرب قاتل
وصّل اچفوفک الی.یابعد روحی و هلی..تره بلطف تنولی..الماعدهه کافل
اشلون عصریه حزن..الخیمتی ضلیت احن..گابلتهه و گمت اون..وین ابوفاضل
خویه یا راعی الشیم..خدری العالی انهدم..شفت دخان الخیم..لا وین واصل

گمت من روحی انشد عن مصیری
الی هاذ الخدر لو خدر غیری

یبوفاضل عگب طیحه لوانه
رکضنه و الشمر یرکض ورانه
_______
انتم اعیونی الثنین...حسین عین و انت عین...من رحت راح الحسین.. ضلو یهدون
شی تهد ابلاسبب..شی بغض الهل نسب..شی عله اتراچی ذهب...یردون ایسلبون
ازغیره چانت کربله..گمنه نرکض بلفله..امسابگ اجروح و بله..و اسیاط و امتون
حایره و گلبی انهضم..ما لگینه البی رحم...هیمه و احنه بس حرم..و اشگدهه العیون


مصایب دوهننی من شفتهه
انشده بالی و رقیه ضیعتهه

ابحزن و امصایب امدلهم سمانه
رکضنه و الشمر یرکص ورانه
_______
گابلتهه ابحیرتی..و آنه احچی ابدمعتی..اشلون ضلت خیمتی..تتناثر ارماد
یعنی معقوله و صدگ..خدر زینب یحترگ..کون ایطیح و ینسحگ..رادته الاوغاد.
احچی و ادموعی اتهلی..عگب ما راحو هلی..ای یزینب بت علی..خوانچ ابعاد
های تالیت العمر..ایسفرچ گوه و جبر..صارت ایام الهجر..اردود تنعاد

الم و اجروح و انواع المصایب
شفت بس ما شفت نوم الخرایب

طلعنه و روسکم طلعت معانه
رکضنه و الشمر یرکض ورانه
_______
حسرتی حسره عمر..بیّن اعلیه الکبر..غیر دمعی و الصبر ..ماضل علیه
گوه اشتم الهوه..خویه یاراعی اللوه..مو گلت نرجع سوه..من الغاضریه
نفرض اترد یا عضید..من ترکّبنی ترید..اشلون یل ما عندک اید..اتکض ایدیه
احچی و ادموعی تصب..گطع چفینک صعب.‌..المهم عندک گلب..ما گطع بیه

اسیره ابلا اهل و ابلا عشیره
ابحبل ضلو یجرون الاسیره

الدهر جرنه و غدر بینه و خذانه
رکضنه و الشمر یرکض ورانه
_______

حرت بیهه اشرضعتک..فاطمه من جابتک..فدوه اروح الغیرتک..یا راعی الباس
امک ام المعرفه..الخلتک تنضح وفه..ام و ابنهه اتکلفه...یبقه بلا راس
ادری خویه لو چنت...چان ابد ما قصّرت...چان بجروحک گمت..لخیامی عباس
و انت یا راعی الچفوف...چان غرّگت الطفوف....اتطفی النار وتشوف....اچفیلی الناس

چفوفک گطّعوهه حته تحتار
لا تگدر بیدیک اتطفی النار

الخصم من طاحن اچفوفک لفانه
رکضنه و الشمر یرکض ورانه
_________
انته گتلی اندللچ... وخیمتچ تبقه الچ...الّه میت کافلچ....وتوصلهه الاشرار
.خویه ما انسه اشگلت ....وابضلع امی احلفت...ومثل ما گتلی متت ...وخدر اختک انهار
عگب عینک یا وفی..اشلون موقف موقفی...النار ردنه تنطفی..بس گمنه نحتار
نار تتلاهب ورای...حیره و احنه ابلایه رای...اشلون اذا ماعدنه مای..انطفی النار

فزعنه اعله الخیم و الحسره بینه
نطفی نار الخیام ابعبینه

ذکرت الدار و دخان الخیانه
رکضنه و الشمر یرکض ورانه

....حسين الساعي

وینه لیساعد مره مفجوعه
امدوهنه من الهظم و اللوعه
_
وین اهل الغیره و اهل المرجله
اکو حرمه امیسّره ابطف کربله
اتدوّر اعله اخوانهه ابطول الفله
من تون ونّاتهه مسموعه
________
الجثّه ما تنعرف لو ما راسهه
اشحال لو ثگل الحوافر داسهه
وین تلگه احسینهه و عباسهه
امذبّحین و روسهم مرفوعه
______
اکو اعضید من الملامح ینعرف
اکو تعرف طبعه من چفّه الترف
اکو سالفته اویه غیره تختلف
لو ترید اتعرفه شوف اضلوعه
_______
لو لگیتی و شفتی جثّه امعفره
گولی کل اضلوعهه متکسره
های جثت حسین ضلت عل ثره
عله افراگ اخته تهل ادموعه.
_______
جثه عطشانه و یروّیهه الدمع
کامله بس ناگصه راس و صبع
فوگ سحگتهه و کسر ذاک الضلع
تره حته اثیابهه مخلوعه
_
هسه روحی و دوّری بلملحمه
یا صدر بی ریحة امچ فاطمه
هوّه صدر حسین ابن حامی الحمه
اعلیه آثار الخسف مطبوعه
______
ان چان یا زینب تریدین الگمر
لو لگیتی حسین مرّی اعله النهر
اهناک عندچ سالفه تکسر ظهر
اکو جثّه اچفوفهه مگطوعه
____
جثة العباس ابن حامي الدخيل
جربه تلگین و علم یم الچفیل
عین صوب الخیم و المدمع یسیل
و ذیچ عینه بلسهم مشلوعه

.....حسین الساعي

#شور(من زغري)
للموفق كرار زاير البخاتي
لحن (رحمة محمد) محمد باقر الخاقاني
______________________________


من زغري واحضر عزائه
رايد رحمته وعطائه
يشملني ريته بدعائه
حسين
ضايع هداني لخدمته
شوفني حبه ورحمته
كلشي خسرته وربحته
حسين

هوه اليطب مجلس الك يعشك اسم كربله
ويبقه يفكر بس الك وينسه يفكر اله

دمعي لضعنك يسيل..عليك الويل يا ويل
وحيد تسحكك الخيل...بجسمك ما بقه حيل
_______
فزز حياتي وكياني
تايه بدونه لكاني
بسمه اطهر لساني
حسين
دربي بخدمته بديته
سر المدامع لكيته
سواني لمن قريته
حسين

ضايع جنت عن دنيتي وسواني ذكر الحسين
وكون بلطمتي عله الصدر تشفعلي ام البنين

عليك من كتب احتار ...وحيد وماكو الانصار
تكوم وكوه تندار ...تشوف بخيمتك ناار
__________
دمعي اهله لمصابه
شمحله كعدتي علبابه
مكحل عيوني بترابه
حسين
انطاني نعمه بخدمته
عل فطره لمن رسمته
منعوني منه وذكرته
حسين

لخاطرنه ضحه بمنحره وخذو بناته وهله
بحجت مرض اهل الجهل منعوني اقره اله

العده يم خيمته تحوم..تمنى يكدر يكوم
عليه التمن اليوم..قليل بحقه مضلوم
__________
سر انكساري عل صدره
مجلس عزائه من حضره
وي المسبح اذكره
حسين
راداني هوه ودعاني
بل مجلس انه مكاني
نعمه لطريقه هداني
حسين

من الحسين اتعلمت مضلوم حته انتصر
شفنه الضلم لاكن بعد نتعلم احنه الصبر

صبح ضعنك بلا حيد..وحيد مكطع اليد
الوجع بكلبك يزيد..كفيل لضعنك تريد

#كرار زاير البخاتي

على غياب الرسول أنفجعـت الزهّـره
تصيـح أوياك أخذني وتجري بالعبّـره
ــــــــــــــــــــــــــــــــــــــــــــــــــــــــ
تصيـح أوياك أخـذني يا ضـوه عـيني
ولـجــور الـمـصـايــب لا تـخلـيـنــي
غيـابـك جمّـره كل ساعـه تچـوّينـي
يبويـه من الحزن گلبي خلص صبّـره
ـــــــــــــــــــــــــــــــــــــــــــــــــــــــ
يبويـه أتمـرّمـرت من حانت الفـرّگـه
وصفت روحي بألم تشهگ ألف شهّگه
بغيابك دمعي يجري بلوعه وبحرّگـه
وجـرحي بـغيـبـتـك يا بويـه مـا يبّـره
ــــــــــــــــــــــــــــــــــــــــــــــــــــــــ
بنـوّ بيت الحزن من دمعتي التجّـري
وغفـت ونّـة مصابك يالنبي بصـدّري
ويّـاك أنّـدفـن حـدر الـتــرب خـدري
يـبرالي الحـزن والّلـوعـه والـحسّـره
ــــــــــــــــــــــــــــــــــــــــــــــــــــــــ
يـسلـّوة عـمري يالشايلـني بعيـونـك
دفـنــو روحـي من رادو يـدفّـنـونـك
ما يسـّـوه الـعمـر يا بويـه من دونـك
شفت من الدهر ظيم و غصص مـرّه
ــــــــــــــــــــــــــــــــــــــــــــــــــــــــ
گلبي أبـغيبـتك ذايـب على أمصابـك
شفت ظيـم و قهـر يا بـويـه بـغّيابـك
على الزهـره يبويـه عالـت أصّحابـك
نار من الـهظـم وبروحـي مـسّتـعـره
ــــــــــــــــــــــــــــــــــــــــــــــــــــــــ
بـغيـابـك يالـنبـي خـدري يسلبـونـه
بـمسمـار الـحـقـد ضلّـعي يكسّرونـه
والـمحسن على الـغـبـره يـطيحونـه
يفت گلبك لون أحّچي على السطّـره
ــــــــــــــــــــــــــــــــــــــــــــــــــــــــ
من بعـدك يظل دمعي يصب من دم
وأعيـش بجمّـرة أحزان الكدر والهـم
لا أُم الـتنـشّــف دمـعـتــي أولا عَــم
كـســر البالگـلـب يا بويـه شـيجبــره
ــــــــــــــــــــــــــــــــــــــــــــــــــــــــ
الـشـاعــر
ســيـــد عـــلاء الـحــيّــــدري

دهـري هـضـمّـنـي
مـنّــك حـرمّــنــــي
طــول الـعـمــر أنـعــــاك
يـا بــويـــه مــا أنـســــاك
ــــــــــــــــــــــــــــــــــــــــــــــــــــــــ
يـبـو الـقـاسـم يـبـويــه ســاعــة الـفـرّگـــه
چـوت گلـبـي وشـهـگ بـالـونّـ چـم شـهـّگـه
الـدهـر عـگـبـك وهـگ بــيــّه فـرد وهّـگــه
علـي جـور الـمصـايـب صـبهـن أبـحـرّگـــه

يـصـــرخ دلـيـلـــي
نـهـاري ويـه لـيـلـي
يـتـمـنّـه مـــات أويـــــاك
يـا بــويـــه مــا أنــســــاك
ــــــــــــــــــــــــــــــــــــــــــــــــــــــــ
تـصــب مـن دم ألـك دمـعـاتــي يـمحمّــد
يـريـت أويــاك أمـــوت بـلحـدك أتـوسّــد
جـفـن عـيـنـي عـليـك مـن الـدمـع أرّمــد
الـدهـر من غـيبتـك ظـيم وهـظـم شـيـّـد

دمـعـاتـي تـسّـعــر
يـا بــويـــه مــگّـــدر
أصـبـــر عـلـى بــلــــواك
يـا بـويـــه مــا أنـســــاك
ــــــــــــــــــــــــــــــــــــــــــــــــــــــــ
دولاب الـدهـــر فـرّنــي وشـعــل جـمّــــره
رحـت يـالـهـادي بـغـيـابــك أجــر حـسّــره
من أصحـابـك شفـت ظيـم وغصص مـرّه
أنـغصـب حگـّي بـعـد عـينـك يبو الـزهّـره

غـصـبــو يـيـابــــه
حـگّـي الـصـحـابـه
يــــوم الـگـبــر ضــمــّاك
يـا بــويـــه مــا أنـســــاك
ـــــــــــــــــــــــــــــــــــــــــــــــــــــــــ
غـبـت وأهـل الـسـقيفــه أدري يـضلّمـونـي
وأنـه الـزهـره الـزچـيّـه الـبـضّعـه يدرونـي
بــيـن الــبـاب والــحــايــــط يـعـصّــرونـي
لـو تـرّضـــه عـلـى عـيــونــي يـسـطـّرونـي

سـگـطـو جـنـيـنـي
كـونــك تـجـيــنــي
يـالـهـــادي أتـــرجّـــــاك
يـا بــويـــه مــا أنـســــاك
ــــــــــــــــــــــــــــــــــــــــــــــــــــــــ
نـصـبـت بـغـيـبتـك بـيـت الـحـزن والـهـــم
ونـعيـت لـفـگّـدك بـضلعــي الـذي أتـهـشّــم
جــروح البلـگـلـب يـاالـهـادي تـجـري الـدم
هـيـهـات الـشـمـل بـعـد الـجـفـــه يـلّـتــــم

هـجـرك سـِلانــي
بـويـه وعـمـانــي
مـا يـنـحـمــل فــرّگــــاك
يـا بــويـــه مــا أنـســــاك
ــــــــــــــــــــــــــــــــــــــــــــــــــــــــ
الـشـاعـر
سـيـد عــلاء الــحــيـّــدري

نـــزّلــــه
ـــــــــــــ

يـالـهـــادي لـــفـگـــدك يـالــهــادي
بــهــم وحـسـّــره الــزهــره تـنــادي
ــــــــــــــــــــــــــــــــــــــــــــــــــــــــ
مـالـومـــــه لــفــگـــدك مـالـومــــه
وشــاعـب گـلـبـي غـيــابـك يـومـــه
راح أبــقـــه أخــلافــك مـهـضـومــه
وجـمـرة هــجــــرك حــــدر أفّـــادي
ــــــــــــــــــــــــــــــــــــــــــــــــــــــــ
جـمــرة هـجـرك حـدر ضـلـوعــــي
بـمـصـابـك دم تــجـري دمــوعـــي
يــطـفـن ريـت أويــاك أشـمـوعـــي
أويــاك أتــوسّـــــد هـــذا أمــــرادي
ــــــــــــــــــــــــــــــــــــــــــــــــــــــــ
أويــاك أتــوسّـــــد ويـدفـّـنــونــــي
وبــلـحّــدك بـــويــــه أيــــوارونـــي
ولا شــفــت أمـصــابـك بـعـّيــونــي
وأسّـــكــن ويّــــاك بــهــالـــــــوادي
ــــــــــــــــــــــــــــــــــــــــــــــــــــــــ
ويّـــاك أســكــن حــــدر الــغــبّــــره
وجــروحــي لــفـگــدك مـا تــبـّـــره
ألـمـن عــايـــف بــويــه الــزهـــــره
ومـنـهــو أخــلافـك لـيـهـه الـحـادي
ـــــــــــــــــــــــــــــــــــــــــــــــــــــــــــــــــــــــ
خـلافـك مـنـهــو الّلـي أيـبـاريـنــي
ومـن هـمّـي وضـيـمـي أيـسـلّينـي
مـا تــغـمـــض لـفـراگـــك عـيـنـــي
وگـلبـي جــمّـــره خـلافــك غـــادي
ـــــــــــــــــــــــــــــــــــــــــــــــــــــــ
وي نــعــشــك شــالـو كـل خـــدري
ودمــعــاتـي لـفـگـدك دم تـجـــري
أخــنـــگ بـالـعـبـــرات بــصـــــدري
مـن مُــــرْ وظــيــــم الــهـــــم زادي
ـــــــــــــــــــــــــــــــــــــــــــــــــــــــ
الــشـاعــر
ســيــد عـــلاء الـحـيـّـدري

قصيدة بحق النبي صلى الله عليه وآله وسلم الزهراء عليها السلام تنعى والدها المستهل على لحن (جسام يا ضنوتي) والنص لحن حديث جديد صفر ١٤٤٢ هـ


وياك كون بكَبر.. بوية.. بوية ويدفنوني
يالخذت فرحتي ما ردت دنيتي
بوية بوية ويدفنوني
===================
انحب وعاتب بالدهر ياخذ اعزاز شمالة
الفاركَ ابية يا خلكَ يصير الحزن چتالة
مايوجد ابكل البشر والدي وماكو امثالة
ابن واخو أم وابو كلهن احس بفعالة
اتمنى أدير العمر.. لجلك.. لجلك يخلوني
خل تجي موتتي ما ردت دنيتي
بوية بوية ويدفنوني
=======================
گمت أشعر بهظم اليتم من فارگاني الوالد
محد يــحس فگد الابو بس اليتيم الفاگد
تضلم الدنــيا بغيبـــتة الوالد وگلـــبك مارد
بعدك يبو القاسم شفت ظيم وظلمني الحاقد
يابوية لمن رحت... بعدك... بعدك يظلموني
رخصت دمعتي ما ردت دنيتي
بوية بوية ويدفنوني
=========≠================
ما اصدكَ اتغيب واظل بالگوة اعيش وحسرة
بعـــد الابو لـــمن رحل صعبة الحـــياة ومرة
أظلم احس نور الصبح گلبي الفگد شيصبرة
يابوية وين انطي الوجه انة العزيــزة الزهرة
بس دمعتي والالم ... عگبك... عگبك يسلوني
عاشرت حسرتي ما ردت دنيتي
بوية بوية ويدفنوني
============================
شلون ادخل لبيتك بعد وطولك تغيب رسومة
حدر الترايب مــــندفن ما ادري شنهي علومة
كون ابگبر واحد ســوة مدفـــونة ريت بيومة
ليش اليـــون لجل الابو اعله الونة كلها تلومة
ما ابطل من البچي... وادري... وادري يلوموني
دوم الك ونتي ما ردت دنيتي
بوية بوية ويدفنوني
==========================
نعمة شـــكبرها يالابو اشكــر الباري عليها
أغلى واعز من النفس من تفگد تحس بيها
فراكَ الابو علة بگلب وماكو دوة يداويها
جمرة وتوجر لو مشة وما تگدر اتـــطفيها
بالنار احسه انچوة... گلبي... گلبي وتسمعوني
ما طفت جمرتي... ما ردت دنيتي
بوية بوية ويدفنوني
====================

أسالكم الدعاء رائد الاسدي

قصيدة بحق النبي محمد(ص) على لحن (كَلي يالميمون) ولها الحان اخرى


يارسول الكون تسمع اونيني
بــــتك الزهـــراء لا تـــــــخليـــني
***************
الابو لو راح يفجع عيالة تصبح حزينه
الچنت وياه امدلله ابجالة غمضت عينه
ما انام الليل غايب هلالة انه الحنيـــــنه
يالغيابك آه وحسرة تاذيني
يا نضر عيني
____________
شما عمرنا ايصير نبقه احبابه ينبع محنه
عمــــــرة ما مرتاح فدوة لترابه يتعب لجلنه
چلـــمه مـــحلاهه لوصحت يابه الكَاها جنه
بيك كَلبي انصاب وخلصت سنيني
يا نضر عيني
________________
من يطــب للدار والدي ايسرني ينشد علية
ياحسافة الموت بالابو اغدرني راح من ادية
آه يا فـــــــــــــركَاك بوية مرمـــرني شفت الاذية
وياك اريد الموت هم يواريني
يا نضر عيني
_______________
ياعظم فكَدة محد ايعرفة بس اليفكَدة
وحشة غيابة نار ماتطــــــفة كَلبي شيهودة
ماكَطعت النوح انحب بلهفة اذاني بعُدة
بالدليل النار بوية تچويني
يا نضر عيني
_____________
بالكَبر ياحـــــــيف نايــــم الغالي حـــــدر الترايب
من خذاك الموت غير احوالي شفت المصايب
نفتركَ وتـــــروح ماتجي أبالي مجبورة اعاتب
دمعتي من تروح بوية تعميني
يا نضر عيني
_____________
يا الاهي ادعوك عجل بمــــــوتي واخذ الامانة
ابچي ليل انهار ماسكت صوتي خالي مچانة
اليشـــيعك كون شال تابـــــــــوتي اواحد عزانة
للابو اشتاكَيت ربي تدريني
يا نضر عيني
___________


أسالكم الدعاء رائد الاسدي

الامه حزنانه بفكد هـاديـهـا
طه ابو العتــره النبي وآليها  
* * *
اليوم دين الله أرتفع منـه نحيب
وأمــة الأسلام ألمـها الـمـغـيــب
مغيب سيد الكون هاديها الحبيب
صعـب مـو هيــن غيابــه عليها
* * *
ضجت اركان الديانه بغيبتـــه
ومحزنـــه اليوم برحيله أمتــه
فاجعــه وفجعت يويلي عترتــه
مصابـه صاب العتـره اثر بيه * * *
حين سافر وارتحل ويه الاجل
دمع من المرتضى عالخد نزل
ومدمع الزهراء عالهادي همل
بحسره وبآه وهضم تجــريها
* * *
خيم أعله الكون هاليوم الحـزن
يكفكف الدمعات كل مسلم يون
بعـده يتحسـر ينـوح وممتـحـن
وحشه أرض الله بفكد منجيهــا
* * *
وحشه ارض الله وحزينه ومظلمه
وكل ملائكة السمه مـتــألـمـــه
بفگد أبو الزهره الزجيه فاطمه
غاب بدر الـدنـيـــه المضــويها
* * *
أثـــر غيابــــه بعترتــه امن انفكد
بعــده توضــح حقد كلمـن حـقـــد
وياحسافه أستوحدوا راعي الشدد
بحادثــه تجرحنـــه مـن نــرويـها
* * *
حادثــه تجرحنه ويطول الحديث
حادثــه محيوكه والمكصد خبيث
بكل وسيله كون يبعدون الوريث
وماجن أصحابــه النبي موصيها
* * *
                سلام المشعل

وكأني بالسيدة زينب ع وهي تخاطب جدها رسول الله ص بعد عودتها من السبي


بليلة مصابك استمع نحيبك
وادري يجدي تنحب لحبيبك

وشكد شفت عنك صور
محني وتون يم النحر
يجدي .... يجدي
؟************
انه زينب صرت دمعه بين جفين ونحر
الغاضريه عليه جدي صبت هموم وقهر
بليلة مصابك اشوفك وانته مكسور الظهر
يامحمد كمت انادي من هلي ما ضل نفر

تنعى الحسين وتهمل بترابه
عايف مصابك ملتهي بمصابه

وهنانه دلالي انفطر
محني وتون يم النحر
يجدي
؟************
ذكره مرتني يجدي بيها شمسك غربت
قصه الباب وكسرنه من رحت هيه ابتدت
ليله شفت امي بحزنها يمك هوايه بجت
او والدي بدمعات عينه لنحر الحسين التفت

وهسه افهمتها والدي نظرته
معناهه باجر موتك بذبحته

والعصره والراس انطبر
محني وتون يم النحر
يجدي
؟*************
شفتك بشوغة مصابك تبجي دم يم النهر
جيت اكلك راح ابنك وين اروح من الخطر
يامحمد عالشريعه بالعمد شُقَ القمر
مثل كسر اصدور اخوتي كلبي ياجدي انكسر

صح غمضت عيني انه بذبحته
بس صوت تكسير الصدر سمعته

هنا صدري حسيته انكسر
محني وتون يم النحر
يجدي
؟**********
شفتك ابلايه العمامه وعينك اتصد للرمح
مدري اشكيلك يجدي مدري اضمنه الجرح
شفتك من الكاع تحمل شي لجن ما متضح
ركزت زين ولكيته خنصر ايد المنذبح

شفتك تشيل الخنصر وتقبله
من تمتمت مدري شجنت تكله

تحجي ودمع عينك بحر
محني وتون يم النحر
؟********
تحسب بجسمه الجروح وكل جرح صابك سهم
مثل حيلي يمه حيلك كله ياجدي انهدم
ونار البصدرك احسها جنها نار البلخيم
وحالتك جن حالة ابنك من وكع راعي العلم

مترب اشوفك والدمه بلحيتك
حاضن اخوي بلا نحر لكيتك

ومن دمه ضل بيدك اثر
محني وتون يم النحر
يجدي

#منتظر الجنابي