قناة أنصار سيد الشهداء
641 subscribers
2 photos
3 files
130 links
Download Telegram
نعي لسان حال زينب عليها السلام عند رجوعها يوم الاربعين.

يلحباب. اجيت امن السبي ليكم يلحباب
بلتراب يخوتي مگبعه بهمي وبلتراب
ولاطاب. عكبكم جرح البگلبي ولاطاب
ولعتاب يحگلي النايحه عليكم ولعتاب
بلحساب. ابد ما چان يخواني بلحساب
الاجناب اروح ميسره ما بين الاجناب


ضوه العين. زينب آنه جيتك يا ضوه العين
الگبر وين صحت بدموع يبن امي الگبر وين
تره حسين يصيح الگلب يازينب تره حسين
تنشدين. اندفن بترابه چا المن تنشدين
تعرفين ذاك الگبر من عطره تعرفين
تونّين. بهيده عله الگبر لمن تونّين
تموتين اخاف امن البچي وهمچ تموتين


صحت آه. الك مشاتگه يحسين وصحت آه
لگينـــاه. جسمك ماكو بس گبرك لگيناه
حچيناه. يخويه الضيم يم گبرك حچيناه
حملناه. يخويه العبئ من بعدك حملناه
سمعناه. الشماته والشتم بعدك سمعناه
جمعناه. الظعن يحسين يم گبرك جمعناه


النهر ذاك. صحت ياگلبي نتعنّه النهر ذاك
الوفه هناك اندفن يم النهر كلّه الوفه هناك
صحت هاك. يعباس انظر لحالي صحت هاك
تره اعداك سبوني وسلّبو خدري تره اعداك
الي وياك. عتب ومناشده ودمعه الي وياك
بيمنـاك. جبتني امن الوطن خويه بيمناك
ندبنـاك. يخويه بساعة الرحنه ندبنــاك

سيد زيد الفحام

_____________________________________
جينه يخويه انشوفك… يابا الفضل
اكعد تلكه ضيوفك… ياابا الفضل
……………
بالحنين.. والانين… بالدمع والحرگه
تكله جيت .واعتنيت ..بعد سبي وفركه
گلبي حار.. عمري صار ..بس دمع بس شهكه
كافي نوم ..ليه كوم ..ضعني گوم تلكه

فدوه رحت لجفوفك ..بابا الفصل
اكعد تلكه ضيوفك… ياابا الفضل
……………
ياكفيل .. بالعويل .. جيت بالهم اعثر
بالحنين .. والانين .. واندبك يمشكر
يبن ابوي .. ها يخوي .. ياجفيل الخدر
صوتي صاح ..حيلي طاح..والكلب متفطر

شلون روحي تعوفك… ياابا الفضل
اكعد تلكه ضيوفك ..ياابا الفضل
……….…..
شڰد صحت ..والطمت .. آه صحت بدمعه
وانسبيت ..هسه جيت ..صوتي خويه تسمعه
من المصاب ...ﮔلبي ذاب.. اشكي همي وانعى
بلاعتاب .. الجواب .. گلبي هظمي يكطعه

ماينوصف معروفك ..ياابا الفضل
اكعد تلكه ضيوفك… ياابا الفضل
………………
شلون اروح.. مالي روح .. يالنمت عالغبره
گلبي هام ..حزني دام… حيلي راح وصبره
مادريت .. بيه جيت ... كلبي ناره موجره
ماتجيب ..يالحبيب .. شوف حالي ونظره

محتاجه اشوف اطيوفك… يااباالفضل
اكعد تلكه ضيوفك… ياابا الفضل
………………
من اصيح ..خويه اطيح ..والهظم سابيني
جيت اشوف.. بالطفوف .. وينه ﮔرة عيني
الكمر وين .. والحسين .. واخوتي وبنيني
ناري نار ..بانتظار… بلكت اتحاچيني

روحي تريد تطوفك ..يابا الفضل
اگعد تلگه ضيوفك… يابا الفضل
…………… ..
جيت ازور… كمت ادور… محد اتلگاني
للچفيل… جيت اميل… والهظم عنواني
تذكر ت ..من كلت… فدوه الج ذرعاني
يالوفيت .. ماجفيت ..موقفك بجاني

والسهم ودر شوفك ..يابا الفضل
اگعد تلگه ضيوفك… يابا الفضل
…………….
بلاجفوف ...والضيوف … شلون تستقبلها
بكربله ... العايله… تصيح باسمك كلها
عالنهر ..ياكمر… تصيح ياكافلها
بشيمتك ..رايتك… جم زند سايلها

صفت روايه صفوفك ..يابا الفضل
اگعد تلگه ضيوفك… يابا الفضل
…………….
ونسالكم الدعاء ام هدى الخزاعي
وصية السجاد لعماته في الاربعين



بهـيده ياعمـاتي نـوحن لايسمعون
خـاف اهلـنه من مقابرهم يگعدون
مـو دمعچن بـي ملح
خاف ينـزل عالجرح
ومايـگدرون
__________________
لاتـعتبــن لاتـنوحــن تــره ميـحمــلون اذيـــه
الغيور اتجرحه كلمه وهمه اهل غيره وحميه
انـه بيــديه ادفنـتهم كون يحچن هــسه اديه
قطـعه قـطعه جمعتهم مــن تــراب الغاظريه

لاتذكـرلهم مصاب البـيچن الصار
من شردتـن وبعبـيچن واَجه النار
والجــره لاينــفضح
خاف ينزل عالجرح
ومايگدرون
__________________
من تروحن لبو فاضل والله احس بيها چبيره
لاتـذكرن يمـه زينـب عالهــزل راحـت اسـيره
مـن گصد للـماي چانت عايـشه ابظلــه اميره
لو سمع مـسبيه اجَــته خاف تتحـرك الغيره

غـيرة العباس كلـها تدري عـنها
صعبه يسـمع بالشمر لوع متنها
هــالخــبر لايتــضح
خاف ينزل عالجرح
ومايگدرون
__________________
مــن تروحن يــم ابــويه الرفــق يا عــماتي بيه
جرح مايحتمل جسمه اجروحه الف وتسع ميه
سَــكـتن الاطفال كلها خـاف يـسأل عــن رقــيه
صــعبه اگــله بالخــرابه بــويــه وافــتها المنيه

گـلبه مايحتـمل انــزيد ابعـذابه
كون مايسمع ابد طاري الخرابه
ادري طاريــها رمـــح
وخاف ينزل عالجرح
ومايگدرون
__________________
يالله يالــيله ويــرمـــله كــلمن اتـــروح الــولـــيها
ام جاسم الجسام تمشي وام علي تمشي العاليها
اليــم گــبر والــيها تگـعد بالـعـبايه اتــظم اديــها
لايشـوفـــون الچــفـوف الـبالحبال امـجـرحــيها

لاتذكــرن بالله يمهم طاري الحبال
اهمومچـن ماتحتملها حتى الجبال
الـبالگلــب لاينــفتــح
وخاف ينزل عالجرح
ومايگدرون
__________________
سكـنه لو راحت لبوها البچي سكته عَلمـَنها
ولاتــون امن الــسياط العالمتـون ايآلـمــنها
الربـاب ام الرضـيع شـلون لــوراحـت لبــنها
خـوفي لاتشـتاگ امـه وعالـگبر يـنزل لبـنها

يالـربـاب ابـصوت عالــي لاتــنوحين
من يفز عبد الله يلچم صدر الحسين
الابو صـدره منجـرح
وخاف ينزل عالجرح
ومايگدرون
__________________
ابچن اشگد ماتريدن بس حذاري الصوت يطلع
ومـن يهـل دمع النواظـر عالترب ليطـيح مدمع
حتى ليَحس ابو فاضل احـنه جينه هوه يسمع
يالله زورن گبــر ابويه للمــدينه انــريد نــرجع

صعبــه ياعمـاتي نــرجع للمــديـــنه
اشراح اگول حسين لو گالولي وينه
من اجـاوب منــذبح
وخاف ينزل عالجرح
ومايگدرون
__________________
تمت والحمد لله في ٢٥ / ١١ /٢٠١٥
حيدر تركي الكربلائي
(( ))
بسمه تعالى
؛؛؛؛؛؛؛؛؛؛؛؛؛؛؛؛؛؛؛؛
((بحر طويل))
رساله الى زوار الحسين عليه السلام
بسبب ظروف الوباء
—————
يالكاصد تزور حسين
اطلب منك وصيه
اخذ حسراتي البكلبي
والظيم السده عليه
؛؛؛؛؛؛؛؛؛؛؛؛؛؛؛؛؛؛((١))؛؛؛؛؛؛؛؛؛؛؛؛؛؛؛؛؛؛؛؛؛
يالكاصد لبو السجاد
هاك ادموعي اخذها وياك
وخذ روحي يابعد الروح
وخليها تطوف هناك
بين حسين والعباس
يالزاير انه ترجاك
واكف على التل وشوف
رد ظعن العقيليه
؛؛؛؛؛؛؛؛؛؛؛؛؛؛؛؛؛؛((٢))؛؛؛؛؛؛؛؛؛؛؛؛؛؛؛؛؛؛؛؛؛
يالكاصد تزور حسين
نار البعد تجويني
يالرحت وعفتني هنا
ماغمض جفن عيني
على فركه شصبرني
ويفز جرحي ويبجيني
عالراحت ظلم لشام
وردت ويلي مسبيه
؛؛؛؛؛؛؛؛؛؛؛؛؛؛؛؛؛؛((٣))؛؛؛؛؛؛؛؛؛؛؛؛؛؛؛؛؛؛؛؛؛
يالكاصد العند حسين
منهو الي يصبرني
ابقى بحسره وبلوعه
تدري من تفارجني
عليه تزيد لوعاتي
وظيم الدهر شيبني
لو زاير كصد لحسين
خويه وش يحل بيه
؛؛؛؛؛؛؛؛؛؛؛؛؛؛؛؛؛؛((٤))؛؛؛؛؛؛؛؛؛؛؛؛؛؛؛؛؛؛؛؛؛
يزاير كبرابو السجاد
واتذكر وداع اخته
يوم العاشر بعاشور
حسين شلون شافته
مذوح وعلى التربان
اخيها حسين عافته
غصب ياوسفه مشوها
فوك الهزل مسبيه
؛؛؛؛؛؛؛؛؛؛؛؛؛؛؛؛((تمت))؛؛؛؛؛؛؛؛؛؛؛؛؛؛؛
بقلم خـــادم الحسين عليه السلام
ملا عبدالهادي البقشي
دعواتكم لي في التوفيق والنجاح والسداد في خدمة ال محمد عليهم السلام
#شهادة الامام_الرضا_عليه السلام
---------------------

جينا المشهد واندگ بابك
يابن موسى كلنا احبابك
//////////
جينا البابك نجري الدمعه
ندري صوت الناعي اتسمعه
بيدك تجبر گلبي وصدعه
هيهات اتخيب طلابك 
///////////--
تدرينه انحبكم تدرينه
الجنة طوس احنا تعنينه 
جيناك او بابك دگينه
جينا نبچي وننعه صوابك
:////////// 
معروف ابعطفك مولانه
تروي الارواح العطشانه
حامل وزري جيتك انه
عبدك ساجد يم اعتابك 
/////////////
ياركن التوحيد ونبعه
يالبيدك ميزان السبعه
اولاكم ربي من طبعه 
اسباب الباري ابأسبابك 
////////
ملينه افراگك ملينه
نار الفرگه هم تچوينه
رافگنه الهم وامخاوينه
مطلبنه نشتم اترابك
/////
بس نوصل گبرك نشتمه
بضلوع الاحزان انضمه
كلمن عنده ابگلبه همه
دمعي ابشباكك يتشابك 
//////////
ياضامن للشيعي الجنه
ابحاجاته جاكم يتعنه
هيهات اتخيب له الظنه
مقضيه الحاجات اجوابك
////
يالشمسك ابداً ماغابت 
بالمشرق والمغرب طابت 
والامه الجحدتكم خابت
محرومه من شَمْت اطيابك
////////
امصابك هز گلوب الشيعه
نعشك فوق الروح انشيعه
بايعناكم هاي البيعه
شيعة وانصلي ابمحرابك
////
الطاغي السمك تبت ايده
نار التحرگ چفه وجيده
والامه التعلن تأيده
ملعونه الفرحت بمصابك 
 

------------------------
ثامر بوجبارة الاحسائي 




لشهادة الامام الرضا عليه السلام
كتبت لاحد الرواديد العمانيين
----------------------
بالوْدَاع ،، لمشهد وجهت وجهـــي ابسلامي
بالوْدَاع ،، انادي ابصوت حزني وا إمامي

ازوره ابهالمسيه
واهل دمع الرزيه
واهل دمع الرزيه
بالوْدَاع
@@@
ازوره ابهالمسيه ابدمع لحزان
وأقراها الزياره ابصوت لشجان
سلامٌ يا أنيس الانس والجان
تمنيت الزياره في خُراسان

بالدْموع ،، بعيده ادروبي لاچن گلبي يمه
بالدْموع ،، يليت الليله عد شباچه اضمه

گبل حين المنيه
واهل دمع الرزيه
واهل دمع الرزيه
بالوْدَاع

@@@
اسولف للرضا عندي رساله
يقيني اليسأله ميرد سؤاله
يمن عطفك شمل حتى الغزاله
اريد ازيارتك يبن الرساله

ازورك ،، واكحل عيني بانوار المناره
ازورك ،، اعد عمري بلا گربك خساره

زياره اكتبها ليّه
واهل دمع الرزيه
واهل دمع الرزيه
بالوْدَاع

@@@
يمسموم الگظه وابعاد گومه
ابحقد من بني العباس المشومه
اذا الشيعي بچه ابحزنه وهمومه
واذا هل الدمع دم لاتلومه

يمسموم ،، عليگ الدنيه ناحت ويه لملاك
يمسموم ،، نصب عرش الله ماتم حزنه ينعاك

الك تنصب عزيه
واهل دمع الرزيه
واهل دمع الرزيه
بالوْدَاع

@@@
ظلام الدنيه باغيابه اوكأيبه
وضج الكون لمصابه ابنحيبه
اعتنت له فاطمه امه النجيبه
اذا نسمع نعيها موعجيبه

هالمصاب ،، هدم هسه ركن منّ الشريعه
هالمصاب ،، كسر ثامن ضلع من الوديعه


لجل ضلع الزچيه
واهل دمع الرزيه
واهل دمع الرزيه
بالوْدَاع

@@@
اجت فاطم تگله امك اني
اجيتك رغم كسري اللي اذاني
ابمصايبكم يأولادي اعاني
بچه القرآن والسبع المثاني

الرضا راح ،، جواد اليمه من اول سنينه
الرضا راح ،، انكتب ليه اليتم الله يعينه

يون ونّه خفيه
واهل دمع الرزيه
واهل دمع الرزيه
بالوْدَاع

-----------------------
ثامر بوجبارة الاحسائي
حسين يمة امتانية..ثانية اعلة الثانية
متانية اختك ورد اشوف شلونهة
الشيب كالو لاح رمش عيونهة
ومن يسرهة امعانية
#################################
جيت يايمة اعلة كبرك ونتجي اعلة الخاصرة
اليوم مصباح اربعينك جيّت اختك ناطرة
المنكسر خاطر عزيزة ايريد يجبر خاطرة
ارد انومهة اعلة حجري هواي صار مساهرة
عيون اخيتك طافية.. ابليل ابد ماغافية
ماتنام ابليلهة ايخلونهة
الشيب كالو لاح رمش عيونهة
ومن يسرهة امعانية
#################################
راح مانعرف شكلهة الشيب ماكل راسهة
مايلة العصابة والون يطلع من انفاسهة
شاخ عاكول الدنيّة وكتل شتلت ياسهة
والجرح موش الجلدهة وصل حتى احساسهة
من چثير اجروحهة ..اتريد تطلع روحهة
كتر سالم مايصح بمتونهة
الشيب كالو لاح رمش عيونهة
ومن يسرهة معانية
#################################
راح الاجيهة ابنواعي ونكعد ابسد الكبر
انه اصيحن اه يبني وهية ياراعي الخدر
يمة حتى امن البواچي اهناك حارمهة الشمر
اهناك مالاطمت عليكم جفهة صاير للستر
ضامتهة اجفوفهة..للستر من خوفهة
وبس تون لمصابك ايضربونهة
الشيب كالو لاح رمش اعيونهة
ومن يسرهة امعانية
#################################
اشلون اضمنهة اعلة صدري واجمع الكلب ابكلب
اضلوعي متكسرات يمة وهية شبعانة ضرب
السوط ورم حتى جفهة اشتمسح الدمع اليصب
ينلجم يايمة طبعة الجرح كل ما ينرطُب
يمة احس لجماتهة..من تمش دمعاتهة
تنلجم من تمش دمع اجفونهة
الشيب كالو لاح رمش عيونهة
ومن يسرهة امعانية
#################################
باب كبرك فكة يمة وكوم عاين حالهة
ابكثر ماصارت نحيله ماتشوف اخيالهة
عاين اثار الحريجة الباقية اعلة ذيالهة
اشصاير ابذيج الاميرة الينركع لجلالهة
شوف مدرست الخدر..بيهة شمسوي اليسر
البت علي المتخدرة ايسمونهة
الشيب كالو لا رمش عيونهة
ومن يسرهة معانية
#################################
#ذوالفقار الزيدي
حسين انته المعشوگ
جرحك ليّه ايلوگ
لضعونك تسوه الآه
لمن طبوهن سوگ

يضامي ويجريلي نهر
نخيته وفازعلي نحر

مغطيني ابعباته
وبالهيمه بناته

بجروحك كشخنه..وترتيل المدامع
حزنك نكهه للروح..ياهو المنّه شابع

عطشته ويتبده هلا
وجودي من عنده واله

افزع يم امانك
يحسين وحنانك
....................
بيك التذّ وارتاح
يالماشي اعله ارماح
يا نسمة كل مخنوگ
للطايح صرت اجناح

حبيبي يچويني برد
خلقني لخيامه عبد

رافگته ابخيالي
تاخرت واجالي

مو شرط الا اشوفه..عشگه بيهّ احسه
هوه الما يحس بيك..انسانيته ينسه

اعيشه بكل نسمه تهب
جماله بعروگي يشب

يحسين وحياتك
عاش اليهوى ذاتك
.....................
ملگه الحب مالح
حضنك ليّه فاتح
بكلشي اعيوني تلگاك
بظاهر والجوارح

بيقضتي واحلامي خيم
خساره الحب ما بيه الم

عشگ ابلا مراره
اعتبره خساره

وانته بكل عطش ذاك..تغرف للضمه ماي
ويم ليل اليحبوك..تبزغ رايح وجاي

لگيتك من الله مَلك
صحيفت كل عمري الك

يطويني لهيبي
وافزعلك حبيبي
.........................
عشگك جازي الهواي
شيكّفيله مشاي
وانته بكل درب ليك
تكسر يمنه بفياي

َاجينه وانجدي وطن
لگينه امتانينه ضعن

رغم اهوايه نازف
جرحك بيه مظايف

ويم شباچك انريد..تنشف من نجي الروح
ويوگف كل نفس كون..جمره الجرحك انروح

شحلاته اليم عشگه شهگ
بجنونه معبوده لحگ

يلگه هناك عابس
للحب فك مدارس
.........................
اقبل كلشي بينه
ممشانه وبچينه
حتى وانته مذبوح
روحيتك حنينه

يتامه واجروحك ابو
بردنه بس انته دفو

الوهجك تربي العيون
فاز الاسمه مجنون

يدلينه الدمع ليك..شيلگه العنك ايتيه
كلمن يعطش ايضوگ...حب صافي انته ترويه

انخلقنه يالضامي دمع
اليموت امن اللوعه سبع

وابلهفة مجانين
ندخل جنتك حسين



#علاء المياحي
الفاتحه لروح والدي
#ثگيل

يملاّج الخدم وابيدك الدفتر
جاهي شما تكبرة بعيني خل يزغر

ادور اعليك ما دور على الشهرة
طالب فَيْ رضاتك طامع بنظرة
ارزقني الجزع و الحركَة والعبرة
وبمعرفة حقك كَلبي خل يِزهَر


اعوذ من الحسد و من الانانية
خل روحي بارزاقك دوم مرضية
خل عيني عليك وعينك اعلية
وهمّي بس رضاك بروحي خل يكبر


وفقني أسّر قلب امك الزهرة
ومبخوت اليدوم بخدمتك عمرة
يل بالحال دومك سيدي ادرة
يكفي انته تعرفني وعندك مأشر




جم مَنكور عد غيرك وعندك خِلّ
ابن آدم خوش خَلني و للجروح يشِّل
اجتبيني من خواصك يالمهَيَم الكِل
التزمني بروح امك فاطمة الكوثر


رِتِبْةِ الخدمة ويني او وينهه آنه
عبد خدام خدامك يمولانه
عليك بداعة ابينتك الحيرانه
الزم جفي دوم ولا تهدني اعثر


ادك بابك مجدي وكلشي ما عندي
كل العندي من خيرك المتبدي
عليك اقسم بابنك سيدي المهدي
يَكون اكضي العمر خدام للمنبر


حظ مابيهه روحي وبس خلل بيهه
أدبهه يمولا وانته ربّيهه
بجف ايدك اصقلهه وانته سويهه
يه ذخري بدنيتي و الموت و المحشر


العبد الحسيني
#رعدالياسري
بلخرابه
بلا گرابه
وين چانت هاي الي. يدنيه
ولاغفت عيني.... كلشي ياذيني
يدنيه
.......... ١............
اتذكرت لمت هلي والخوه والدلال
هسه انه نمت على الترب ومربطه بحبال
النوم مامر بلخرابه علينه
چي غريب علينه تحرس عينه
ماغفينه
شگد بجينه
ابيش گلبي يبتلي.. يدنيه
ولاغفت عيني..... كلشي ياذيني
يدنيه
.......... ٢...........
احبال العده بطول الدرب شدوهه بلرگاب
بنيات اخوي بياذنب نامن على التراب
وحده چويات الخيم بعيونهه
وحده ظلت تشتكي من امتونهه
عطشوهن
عذبوهن
وانا اصيحن كافلي. يدنيه
يدنيه
........... ٣...........
من صعدت التل والرگض حيلي انه كله راح
وچفوفي من گد التعب انساهه علصفاح
اخ منج دنيتي الخوانه
انا وين او وين ابن مرجانه
طولي شافه
ياحسافه
ايصيح اچتفوا بت علي.. يدنيه
ولاغفت عيني.... كلشي ياذيتي
يدنيه
........... ٤..........
ماظلي صاحي ولاعظم من ناكتي التميل
بلكوفه ظربونه بحجر وتصوب العليل
كلهه شمات وتأشر عليه
وين اخوتچ زينب المسبيه
شفته موتي
بروس اخوتي
گبالي هوس عاذلي... يدنيه
ولاغفت عيني... كلشي ياذيني
يدنيه
.......... ٥.........
من الخرابه انه تعبت وگفه انه بيهه ابات
اتفگد اطفالي اظل لاطفل ظامي مات
النوم كله ماتنام اعيوني
لاتفز وحده وتصيح امتوني
ياغربتي
وياحسرتي
عني راحوا كل هلي.. يدنيه
ولاغفت عيني... كلشي ياذيني
يدنيه
.........................
#الشاعر بشار السامي
|| زوار حسين تعنينه ||

رفعنه الرايه يالغالي /اجينه لحضرتك./نريد زيارتك
ترسنه الدنيا مشايه / يبواليمه الك / خدم وانت الملك
نواسي الرجعت بهمها/ غريبه معذّبه / سبيه مترّبه

|| خدام لزينب سمونه ||
..............

الزيارة الاربعينية / عشگناها عشگ/ نحبك من صدگ
المواكب بالدرب كلها/ توزّع نعمتك/ وترفرف رايتك
حُسين وهالاسم يروي/ اذا مرنه ضمه/ يمهجة فاطمه

|| نتعب والزهره تقوّينه ||
.................

اجينه عله العهد نمشي/تحدينه الخطر/كتبنه عله النحر
مجنانينك يبواليمّه /عوابس بالعشگ/ابد ما نفترگ
ضريحك نبقه زواره/ ولانرجع ابــد / عهد هذا عهد

|| زوارك جينه تلگانه ||
..................

نجي انزورك يبوالعتره/يسلطان الارض/ونغيض اليعترض
مثل موج البحر جينه/وعدنه بكربله/تسير القافله
نواسي امك الزهره/تجي ويانه مشي/يماشيها علي

|| والزهره وحيدر ويّانه ||
...................

عله عناد اليبغضونه/نجيك بكل سنه/ونواسي المحزِنه
مشي وخلهم يشوفونه/ ملايين العدد/الك من كل بلد
نصيح بصحنك وندعي/إلهي بالحجج/تعجلنه الفرج

|| والمهدي الغايب ندعيله ||

#سيد_زيد_الفحام
_______________________________
"للمشاية"
اللهم ارزقهم زيارة الحسين وشفاعته



بالنيابه     زرنا عنكم
انتو منه   واحنا منكم
كلنه خدام حسين


خل يطمئن الما اجه العشاگ ترست كربله
الما وصل هاي السنه خطْواتنا مهديه اله
امچانه ما فارغ ابد فِزعت بداله قافله
والما سمع منه الهلا يطلبنه الف ميت هله


كلشي عدنه  وكلشي الكم
انتم احنه    واحنه انتم
كلنه خدام حسين
.
.
.
.

الموكبه انسد السنه لا يهتم ولا ينجرح
الموكب الما منفتح نَصبنه كدامه صرح
وتشتغل بي أهل العزم من الصبح حد الصبح
ما عدنه شيء احنه ابد هالخير من المنذبح


الجرح يحلا  لو خِدمنه
حسين يمشي   وي دمنه
كلنه خدام حسين
.
.
.
.
ننتمي احنه لكربله وهذا النسب اشرف نسب
جَمعتكم بدرب المشي تسوه العمر تسوه التعب
الجاي لينه لو أُمر نفرش اله  السفره ذهب
ذوله احنه تربات الحسن ما ينطفي عدنه الحطَب

ابخدِمته       اليجي لينه
والله يشبع   من حجينه
كلنه خدام حسين
.
.
.
.
المتروس حنيه وشَغف ما فرغت ابدًا گبته
أفواج من اهل السمه تنزل تطوف بحضرته
وأهل الأرض يمه بقت محبوبها وما عافته
بأمر الإله المقتدر مرفوعه تبقى رايته

الرايه تبقى    وهذا واضح
شالها النه    ابو صالح
كلنه خدام حسين
.
.
.
.

بيناتنا ماكو فرق انتم خَدَم واحنه خَدَم
بسم الحسين الملتقى وبجفوفنه يرف العلم
كل احنه نهوى نينوى وبگلوبنه جمر الخيم
غيره نترسنه لخدمته والغيره من راعي الشيم

بهل الرساله   كلنه واحد
وبگلبنه   حسين گاعد
كلنه خدام حسين



#الشاعر عبدالله الشويلي
(نزال للعباس ع)

لوما جفوف العباس .. كاع الله بلطف مالت


متوازنه ترد الكاع بجفوفه
حجايات زينب بلراس ملفوفه
كلما يصيح العباس
من خزرته وجوه الناس... مخطوفه

عطشانه عيني تشوفج
بلخيمه افتحي اجفوفج

راح اكلب الكاع اهواي
ويتسرسح اعليج الماي.. يازينب


/////

لمن سمع بل صيوان يردونه
فزن صور داحي الباب بعيونه
كلتله زينب بهداي
راح ورجع شايل ماي ... بمتونه

ضهضب وصعدت ناره
عطشان دم بتاره

كاللها اخوج العباس
خله الزلم راس براس .. يازينب


/////

لوحه الجثث فوك الكاع مرسومه
رجفها سيف العباس بلحومه
والكاع صاحت ياويل
الخياله شردت والخيل مهزومه


بلروس يركض سيفه
يختار كام بكيفه

يرجع ميتأخر چان
عباس شايل جنحان .. يازينب


////////////

ونعم منك عباس سويتها
بذرعانك المكطوعات وافيتها
زينب دهر راح تعيش
تضل فاكسه عيون الجيش خليتها



عباس صاير غيمه
من النهر للخيمه

فرحانه چي فعلك زين
زلمه وشلت راس حسين .. بطفوفه


#علي مخيلف
درب المشي گالو تعب گلنه الزحف للطف وجب
لبيك يا حسين .. لبيك يا حسين
****
يالتضد حسين كافي لا تنافس
هذا حچيك كله ماصخ ماله واهس
انته ما متربي ابدن بالمجالس
هل درب محد يفهمه اله عابس

تفهمنه لو ماكو فهم درب العشگ يطلب زلم
لبيك يا حسين .. لبيك يا حسين
****
ما يخوف حچيك الگاصد حبيبه
لو يزيد اتطلعه من گبره وتجيبه
انگله فايز انته لو جثه السليبه
ان چان ناسي انذكره بالحره الغريبه

خطبتها زينب بالقصر ما تخرس اليوم الحشر
لبيك يا حسين .. لبيك يا حسين
****
الكربله لو مره بس راسك تديره
كل سنه ام الخدر ترجع اسيره
احنه ونته انموت والدنيه زغيره
ينتهي كلشي وتظل هاي المسيره

زينب تجي ويه الضعن تعلگ شمع نص الصحن
لبيك يا حسين .. لبيك يا حسين
****
قصتك هذي تراها مو جديده
الماثلك هم نوگف بوجه ونبيده
حسين ما يوگف بعد ينزف وريده
هايه ثوره والله يتخير عبيده

جربنه وحنه اهل الفخر نگلبها عباس ونهر
لبيك يا حسين .. لبيك يا حسين
****
الراسه حطه براس ابو السجاد وينه
هوه ذل او احنه كلنه اتسيدينه
الخدمه تاج ولاگت التيجان لينه
گمنه من لهفتنه يتسارع مشينه

كل المواكب بل هلا تتلگة زاير كربله
لبيك يا حسين .. لبيك يا حسين
****
هذا درب حسين والله ما نعوفه
لا وحگ الطاحن اعله الشط چفوفه
عوض السبعين ربك ما تشوفه
اي ملاين الله حطانه بصفوفه

نقسملك بنحر النزف كل اربعين انسوي طف
لبيك يا حسين .. لبيك يا حسين
****

#الشاعر اياد الديراوي
ويلاه يا زينب

سولفلي يا حامي الضعن
اچفوفك اذا يتگطعن
منهو اليصير النه وطن
بلا رايه نتغرّب

عباس يا غيرة علي
باچر ابات بلا ولي
محّد يگلي ادللي
عگبك يالمعتّب

تقبل يحرّاس الخدر
بالسوط يضربني الشمر
اركض ويلحگني زجر
والوجه يترّب

مو جيش .. جود معذّبك
والعمد واصل حاجبك
عباس عباس اندبك
وعالرمل تتگلب

باچر اجيك اعله النهر
ظلمه وادوّر عن گمر
يم النهر طايح بحر
والشافك تعجب

بالنار محروگه العبي
وعالرمله طايح چم نبي
جابوا الهزله للسبي
عرجه وعليها اركب

احمد هادي الشمري
المهدي جايك مشاي للحضره
واحنه نشتم مولاي من عطره
*
بصدره هسه مخلي إيده
يقره هسه بياقصيده
وعينه غرگانه بدمع
يصيح يالمنگطع منحر
والخوافر يابو الاكبر
الك كسرت چم ضلع
راسم بدمعه العقيله
تصيح والمدمع تسيله
وطفله بالطف تنصفع
تندب ومدمعهه يجري
السوط ياعباس تدري
سوه بمتوني طبع

يبچي من دم وضلوع متكسره
واحنه نشتم مولاي من عطره
*
يمشي ودموعه اعلى خده
بحرگه من يبچي اعلى جده
راسم لطفك صور
راسم بدمعه مناحر
خيل وارماح وحوافر
سيف نايم بالنحر
وطفله ذابت بالبواچي
منهه مبيوگه تراچي
وعمهه طايح عالنهر
وراسم بعينه السبايه
بغربه تمشي ابلا حمايه
وزينب الشبعت قهر

یبچي هسه بدمعات وبحسره
واحنه نشتم مولاي من عطره
****
گمت ادوره بهالمواكب
هسه ياموكب يغايب
گاعد وتبچي وتون
شلون يگضي المهدي ليله
ينعه والمدمع يسيله
ينوح مايطبگ جفن
حالته بهاليوم صعبه
يساعد الله المهدي گلبه
بروحه منحر مندفن
بيا لحن مهدينه ينعه
ينحب وإيده اعلى ضلعه
شلون لو ليله يجن

هسه الاملاك اوياه متوزره
واحنه نشتم مولاي من عطره
*
شايل بچفينه رايه
وينعه لمصاب السبايه
وحيل يلطم عالصدر
يذكر النام بخضابه
والسبيه البالخرابه
وينچوي بدمعه الجمر
من يشوف اگباله طفله
يبچي والمدمع يهله
عالسليبه التنسطر
لو يشاهد.طفل يرضع
روحه منه بلوعه تطلع
يبچي ودموعه حمر

يبچي والدمعه تسيل وبعبره
واحنه نشتم مولاي من عطره
*
يبچي وبآهاته ينعي
بدمعه للزوار يدعي
ربي احفظ كل محب
العاصي والماعنده طاعه
مني ميحصل شفاعه
شمر باچر ينكتب
الهتك عرض الناس اگله
يعني بالطف سابي طفله
وذبح جدي ينحسب
جدي نايم عالترايب
والذنوب شگد عجايب
من ذنبكم ينسلب

الغيبه ياخذ لو مات ماحضره
واحنه نشتم مولاي من عطره
*

#الشاعر ابو ابراهيم البغدادي
( لطم يوم الأربعين )


هاي الوگفت يم گبرك
زينب بت حامي الجار
البالأيتام مكلفها
خايف لا ما تعرفها
زينب بت حامي الجار

_____
1

هاي العقيله بكربله اتدير العين
بعد السبي رجعت وكبرانه سنين
أول انسانه تموت بالطف موتين
بالعاشر ويوم أربعينك يحسين

كبرانه بگد جروحك
بيها الما صاير صار
وبگد دمعات اطفالك
خلت حسره بدلالك
زينب بت حامي الجار

_____
2

عافتك چثه عالتراب بيا حال
وجابت وياها الگبرك هموم ثگال
متغيره زينب مو حچايه وتنگال
ثكله وسبيه وشايله حمول جبال

رجعت زينب مو زينب
گد ما شافت اخطار
بعد العز امچتفيها
والدنيا اشسوة بيها
زينب بت حامي الجار

_____
3

اشتحچيلك بدرب اليسر والآلام
شافت مصايب كبرتها أعوام
كبرت بگد ما دورت عالايتام
وصاير عمرها بكثر شمات الشام


وشكم طفله مضيعتها
تعبت بنت الكرار
غير السوط الدماها
ذبّاحك يمشي وياها
زينب بت حامي الجار

_____
4

رجعتلك وسوط الشمر دماها
والاشد من ضرب العده آذاها
رجعت وما جابت رقيه وياها
برض الغرب هذا الزمن خلاها

شتحچيلك فوگ المنحر
يابو اليمه من سرار
تحچيلك عالضربوها
وراسك ينظر سلبوها
زينب بت حامي الجار

_____
5

من دونك ترد للوطن بس شلون
لا حيل ضل عدها ولا عدها عيون
لو طبت لأرض المدينه بلا عون
تموت بكثر ناس العليك اينشدون

ماظن تصبر لو شافت
موحش يحسين الدار
خالي إتعاين محرابك
ما تگدر تنسه مصابك
زينب بت حامي الجار

_____

#الشاعر_مصطفى_الشافعي
تانيه هواي ونربيلك نتصـور ياعمـي بحيلك
ردنه نشوفك ياعبــاس
وين چفوفـك ياعبــاس
نتصور ياعمـي بحيلــك
&&&&&&&
يومن رحت يابا الفضــل للمـاي وانـت أتعنيـــت
طش الفرح بينه انتشــــر وحتـى العامود البلبيـت
عبــاس راعـي المرجلـه بعمـي العـزيزاتنخيــت
ونيران بگلـوب الحــرم وتتنطـر منـك لوجيـت
آه0 يالغالي وترجع لينه والطولـك أحنـّه متانينه
تريد اتطوفك ياعبــاس
وين چفوفـك ياعبــاس
نتصور ياعمـي بحيلــك
&&&&&&&
متانيــن يــادرة علـــــي ترجــع تعـاين الاطفـال
وعيـون تتـربـه وتصــد أوتنخـاك كــل الاعيـال
بلچن يجي شخصك يرد غيابـك يابوفاضل طال
من كربلـه شفنـه الهظـم وشفنـه الالـم والاهوال
درجع ياعمـي وروينــه لوماتگـدر بس حاچينه
شلون نعوفك ياعبــاس
وين چفوفـك ياعبــاس
نتصور ياعمـي بحيلــك
&&&&&&&
عبــدالله يـــاعمـي يـــون رگيـه تهــــز بچيتهـه
چبدي انفطر من العطش وكــل الحــرم رادتهـه
ماينگطع صـوت الحزن حتـى العــده سمعتهــه
حـر وظمه وظيم وقهــر وشمس الظهرحرگتهه
من چفـك رادت تسگيهه ياهوالغيـرك ويداريهه
مـن معروفك ياعبــاس
وين چفوفـك ياعبــاس
نتصور ياعمـي بحيلــك
&&&&&&&
گلنه شوكـت عمي يجــي چــن الشريعـه أبعيــــده
من نستمع صوت وهگل صحنـه أجانـه نـريــــده
عبـاس ضنـوة حيــــدره كل ضامـي أصبح عيده
يطفـي ضمـاه ويرتــوي ويسگـي الساگي أبـأيـده
راعي الجود وراعي الرايه لابــدل أمـــره ولارايــه
ترعـه ضيوفك ياعبــاس
وين چفوفـك ياعبــاس
نتصور ياعمـي بحيلــك
&&&&&&&
تصوبنه من شفنه الجـره يومـن طلــع ليه حسين
خطوات ابونـه أمعثــــره بنظراتـه محتاره العين
صــــوب الشريعـه نيتــه كـل گلـب يهتف لاوين
يــابويـه ألمـن تـلتـفــــت والمن گصدت بهالحين
عفت عيـالك لجل الماي چـا گلـي المن عنـــاي
تصيح بخوفك ياعبــاس
وين چفوفـك ياعبــاس
نتصور ياعمـي بحيلــك
&&&&&&&
ثـاري الولي لمـن طلــع گاصـد لخــوه ايشوفــه
صوته وصل سابع سمه روح ورجـل مخطوفـه
بلچن يصل گبل الوكـت عبــاس ميـــت خـوفــه
شاف البطل فوگ الثره وشلون گلـــي أيعـوفـه
خلافك ياروحي وعمري مكسـور خويه ظهـري
يـم جروفك ياعبــاس
وين چفوفـك ياعبــاس
نتصور ياعمـي بحيلــك
خادم خدام الحسين عليه السلام
الحاج ابو إياد البيجاوي
يحسين الكم من ردينــه نتوقع نلگـــاك
ونگعـد يمـك آه يبن أمي ونسولف وياك
على الفرگـه وعلى الملگـــه
ونسولف وياك
&&&&&&&
ويـه الظعـن مـن عـــودت يمـك يبـن داحي البـــاب
وراسك يباري برحلتـــــي يرويحتي وگلبي انعــاب
رحت بخطـر جيت بوجـل يبـن أمي شنهي الاسباب
وهنـاك بتــك مـن گظـــت وذاب الچبــد منــي ذاب
طفله وراحت حضنت راسك وتـون هـي اعليــك
شمت عطـرك راحت يمـــك من سمعت طاريك
أشهگـت شهگــه وعلى الملگـــه
ونسولف وياك
&&&&&&&
درب الشام وبينه شعمل شفنه هموم وشفنه اهوال
بيـن الشتـم بيــن الزجـر وشـدوا أدينـه بحبال
أحتاريت خويه بو علـي بيــــن الحرم والاطفال
عطش وجوع وظلم الدهـر أشكيلـك خويه ياحال
حالـة أبنـــك زيــن الوادم ومرضه الاثـر بيـــه
لوحالــة رملـه وسكينــــه وطفل وطفله اتيـــــه
الـف حرگــه وعلى الملگـــه
ونسولف وياك
&&&&&&&
زاد الهظـم بينــه وطغــه وشفنه الحَروظيم وجور
ناس التجـرح نـاس تعاين ومابين الاقطـار اندور
گلوب عيـالك ذبلت خويه عطشانـه وبالنـار اتفور
راسـك يبره الظعني ودامي ورغم الدم انشوفه ينور
تتنــدر هالنـاس اعلينــــه واحنـه نحشم بيـك
وتعاين شنهو انت البينــه وادري صعب اعليك
الگلــب حگـــه وعلى الملگـــه
ونسولف وياك
&&&&&&&
خويـه ويمـك من اوصلت وصدت عليك عيوني
ناديـت وبصـوت الالــــــم هـاجـن عليـه ظنوني
وينــك يـــا سبـاح الگلـــب ذبلــن عليك جفوني
ريــت اللحــــد يبن النبــي بدالـك الـي ايوسدونـ
رديت الكـــم ويه ظعونـي وهالراسك ويـاي
چنــت اتصــور وتـانونـي تگومون الملگاي
أشفــت شلگـه وعلى الملگـــه
ونسولف وياك
&&&&&&&
لاگيـت جابـر عالگبـــــر گتلــه ياعمي اشجابـــك
رغــم البصـر رغم الكبر جـابوك عمـي احبابـــك
وحســين هــاي مصيبتـه شـوفه شعظيم مصابــك
حنيــت أنـــت العتبتـــــه وعتبي يــفــوگ اعتابك
وهـذ العابـد ابــن الزاهـد تــدري زين النـاس
رغـم العلــه وهـو يشاهد محبــوس الانفــاس
شكبـر خلگـه وعلى الملگـــه
ونسولف وياك
&&&&&&&
ناس التجـرح نـاس تعاين ومابين الاقطـار اندور
گلوب عيـالك ذبلت خويه عطشانه وبالنـار اتفور
راسك يبره الظعني ودامي ورغم الدم انشوفه ينور
تتنــدر هالنـاس اعلينــــه واحنـه نحشم بيـك
وتعاين شنهو انت البينــه وادري صعب اعليك
الگلــب حگـــه وعلى الملگـــه
ونسولف وياك
&&&&&&&&
خويـه ويمـك من اوصلـت وصدت عليك عيـونـي
ناديـت وبصـوت الالــــــم هــاجـن عليـه ظنونـي
وينــك يـــا سبـاح الگلـــب ذبلن عليـــك جفوني
ريــت اللحــــد يبن النبــي بدالك الي ايوسدونـي
رديت الكـــم ويه ظعونـي وهالراسك ويـاي
چنــت اتصــور وتـانونـي تگومون الملگاي
أشفــت شلگـه وعلى الملگـــه
ونسولف وياك
&&&&&&&
لاگيـت جابـر عالگبـــــر گتلــه ياعمي اشجابـــك
رغــم البصـر رغم الكبر جـابوك عمـي احبابـــك
وحســين هــاي مصيبتـه شـوفه شعظيم مصابــك
حنيــت أنـــت العتبتـــــه وعتبي يــفــوگ اعتابك
وهـذ العابـد ابــن الزاهـد تــدري زين النـاس
رغـم العلــه وهـو يشاهد محبــوس الانفــاس
شكبـر خلگـه وعلى الملگـــه
ونسولف وياك
&&&&&&&
نسالكم الدعاء
خادم خدام الحسين عليه السلام
الحاج ابو إياد البيجاوي
قصيده توجيهيه
هل أتى حيـنٌ مــن الدهر عليـك
لــم تكن مـوجـود حتـى والديـك
&&&&&&&ى
هــل تـرى حيــن مــن الدهــر مضى
كيــف كـان كيـف فيــك قــد قضــى
هـل علمـت أن فـي الحشـرِلظــــــــى
إن عصـــيتَ اللـه تبقى تصطليــــك
&&&&&&&
هـــل علــمـت أن يــومــا قـــادمـــا
قـــد تكــــون أنــــت فيــه عـــالمــا
إن فعلـــتَ الخيــــرتبقــى غـانمـــــا
أوفعلـــت الشـــر تبلــى منكبيـــــك
&&&&&&&
أول الخيــر يكــون فــي الصــــــلاة
خيــرُ سفــرٍ لــــك مـن بعد الحيــاة
هــي وصـــلٌ هــي جســـرٌ للنجـــاة
فــي ظــلام القبـــر حتمــا تلتقيــــك
&&&&&&&
ثانـي خيرٌ يأتي فعلاً فـي الصيـــام
والزكـــاة والنجـــاة فـــــي القيـــام
فـي دجــى الليـل تصلــي في الظلام
والترحــــم والتوسل لمثاب والديك
&&&&&&&
هـــل مـددت العــون يومـاً للفقيــر
أم أعنــــت ســائـلاً أم مستجـــــير
أم بـــذلـت الـزاد فــي يوم هجيــر
أو عفــفــت أو غضضت ناظريك
&&&&&&&
أم سعيــت في قضـاء الواجبـات
أم فرشــت الـدرب انـت للممــات
كن خلوقاً كن حميداً في الصفات
كــن سمـوحــاً لاتعـادي ظالميــك
&&&&&&&
كـــل هـــذا بــل واكثر إن أتيـــــت
ليــس يكفــي أو تكـون قد وفيــت
سوف تلقى في الصراط إن جزيت
عـائــقــاً يبــقـى يوازي مالديــــك
&&&&&&&
حـب حيـدر والولايــه فــي الجـواز
هـــذا شـــيءٌ ليس فيــه أنحيـــاز
خــالـق الكـــون يــريــد الارتكــــاز
والجــواز ختــم حيـــدر في يديك
&&&&&&&
إن نــكــرت أو نســيت حيـــــــدرا
فـــي ظــلام القبـر يــأتـي منكــرا
وعمــــود النــار يحمــي ناكــــــرا
ولــُجـــاجـاً واحتبـاساً يــعتـريــك
&&&&&&&
سورة الانســان فيهــا المنجيـات
فـي عليٍ تــأتـــي كـل الصالحات
فاض َ جـوداً والبطــونِ جائعـات
قمـــة الاخــــلاق رامَ أن يُريــــك
&&&&&&&&
أطعم المسكــين ثُـم أتبـع باليتيــم
ثــم أبنــا للسبيــل جـــاء يستديــم
رغــــم أن ليس في البيت أديـــــم
أنظــر الايمــان واعطــي مالديك
&&&&&&&
لايريـد شكـراً لايقابـــل بالجــــزاء
هـــذا بيــتٌ فيــه طبــــعٌ للرجــاء
تصمــت الاكـوان تـاتي بأنحـــــاء
آل بيـــتٍ لايــدانيهـــــم شـريــــك
&&&&&&&&
فـاطـمُ الزهـراء نور الخافقيـــــــن
والشبـولُ هــــذا حسـنٌ وحســـين
زينـب الحــوراء طـودث الخالدين
قـدمــوا القربــان ذبحـــاً يفتديــك
&&&&&&&&
خادم خدام الحسين عليه السلام
الحاج ابو إياد البيجاوي