للأمام الحسن المجتبى عليه السلام

اصيح ودمعي سچاب. يموت اليفگد احباب
حبيبي يالحسن ليش. تگطع چبدك وذاب
...............

اليفگد احباب الگلب يتمنّه موته
لا نياحه تفيده لا ينفع سكوته
شلون لو گلبه انفجع بكبر اخوته
يبقه شبه الميت ومبحوح صوته

بچيت عيون ودموع. عله المسموم ويلوع
اشوفه يعالج الروح. تغيّر لونه ونصاب
......................

من دخلت عله الحسن ياحاله شفته
يجرح بچبده الألم وينوح سكته
لونه متغيّر يويلي وماعرفته
صحت وا ويلاه يبن امي وشبگته

يخويه الصار ويّاك. دخيلك احنا بحماك
يبعد اختك يمظلوم. وحيد بعازت اصحاب
..................

يختي يازينب تره چبدي تگطّع
وين امشي لياكتر گليلي اطلع ؟
والله من كثر الألم مااگدر اهجع
جعده سمّتني وحس جسمي تصدّع

الچنت اعطف عليها عسه انشلّت اديها
سگتني سم عدوّي علية سدّت الباب
..................

يعينك الله عله الألم يبن الزچيه
هذا چبدك بالطشت ينزف بديه
يعني گربت يالحسن ليك المنيه
تغيب عني يالچنت خيمه عليه

يريت ابدالك انموت. وتظل رحمه عله لبيوت
يشمس الدنيا والكون. هضيمه يضمّك تراب
.....................

اقسه من جرحي ومصابي دمعتچ هاي
نشّفي دمعاتچ يزينب صبري ويّاي
باجر تشوفين موقف اصعب هواي
عالرمل مطروح اخوچ ويطلب الماي

عله حسينچ تنوحين. يذبحونه وتشوفين
تدوس بجثّته الخيل ويجيج الشمر سلّاب
.........................

شلون اشوفك بالنعش ميت يغالي
يالچنت مثل البدر تضوي الليالي
يالحسن يالصورتك دوم عله بالي
شلون محرابك اشوفه بعيني خالي

اخذني لگبرك اَرتاح. بعد ما احمل جراح
يضدني دهري غدّار. يويلي شضاملي مصاب

#سيد_زيد_الفحام
2020
_________________________________

للامام الحسن المجتبى عليه السلام

حاربتنه. انت واهم يازمن
ما هنتنه احنا خدام الحسن
نبقه ويّاه. ما نسيناه
................

لا خضوع /لا خنوع/ احنا اصحاب المبادئ والرساله
عدنا نور / للأمور / انفرزن ابين الهدايه والضلاله
احنا بعـــالم الاصـلاب. بايعنه النبي وآله
ومن آل النبي معروف منهاج الحسن شاله

كل مجدنه للحسن يبقه الفضل
معتقدنه. يازمن بي يكتمل
من تبعناه. ما نسيناه
...................

كل امام / ما يُلام / ألسّبب بالناس ما تعرف مقامه
يازمان / هذا چان / حال ناس الحسن ما سمعت كلامه
راد يقاتل الظلّام حتى يحرر الأمه
غدرت بالحسن كلها وظلو چم فرد يمه

من غدرهم گلبه چم مره انلچم
اعله منهم عايش جروح وألم
الله علّاه. ما نسيناه
.................

هسه غير / احنا خير / عدنا صح ذنوب بس هيهات نغدر
شما يكون/ ما نخون / للحسن خدام لو عالموت نعبر
اسمع يازمن وفهم خدامه ونظل خدام
قائدنه الحسن يبقه انطيعه ونرفض الظلّام

ما نعوفه. لا وحگ رب السمه
اي نشوفه. بالعلم حامي الحمه
ما تركناه. ما نسيناه
...................

مايموت/يبقه صوت/ضد عروش الباطل وحكم السلاطين
هالعظيم / من قديم / مهّد بفكره وذكائه لثورة حسين
اساس الثوره من ايده الحسن وحسين كمّلهه
لو عايش بدال حسين الحسن لاشك يواصلهه

آل اميه. عالحسن شنّو حرب
للمنيّــه عايش بوحده وغرب
وجهه لله. ما نسيناه
.......................

حاربــوه/ سمّمــوه / بيد جعده الطاغيه چبده تگطع
سمّه حار / يغلي نار / گطع اعضاء الحسن بالدم توزّع
يلوج امن الألم مسموم. حفيد المصطفه وابنه
مثل هالليله ابومحمد غمض للاخره جفنه

مشيّعينه ويلي بدموع الصبر
مفارگينه وهالو تراب الگبر
احنا ننعاه. ما نسيناه

سيد زيد الفحام
___________________________________

للأمام الحسن المجتبى عليه السلام
مقدمه

يا نور عيني يالحسن جرحك يأذيني
..................

علمتني آنه اخوك حسين وانت حزام ظهري
رافگتني يالحسن ويّاك عايش طول عمري
لو عفتني ينكسر ظهري واموت بهاي تدري
سلّمتني. للدهر من بعدك ومخنوك صدري

ما يرحم بحالي الزمن. ياشمعة سنيني
يا نور عيني يالحسن جرحك يأذيني
............

ريته بيه سَمّك ولا ينجرح چبدك يغالي
حن عليه. يالحسن بعدك تظل ظلمه الليالي
چم اذيه. تحمّلت طول العمر يبن الغوالي
ال اميه. سمّموك بلا ذنب يالحسن تالي

شبسرعه ايامك گضن. تمشي وتخلّيني
يا نور عيني يالحسن جرحك يأذيني
..............

بالسلامه. اندعيلك يالحسن والله المشافي
عاليتامه. انت خيمه ومنهو بعدك يوافي
ابتسامه بوجهك وحزنك علينه هواي خافي
للقيامه. يا اخو المثلك حنين وگلبه صافي

وعيوني لعيونك بچن ياهو اليواسيني
يا نور عيني يالحسن جرحك يأذيني
...............


اشتكيلي يالحسن حاچيني خويه حسين اني
يا خليلي من ألم سمّـك اشوفنّـك تعـاني
هدم حيلي. چبدك المسموم عذبني وچواني
آ يويلي. لو عفتني منين اجيبن حسن ثاني

يالشوفتك جنّة عدن فكدك يبچّيني
يا نور عيني يالحسن جرحك يأذيني
...............

يا ولينـــه الله يلعن جعده مسمومه وتسمّك
دم بچينه. چبدك تگطع وذر والسم يألمك
رد علينه. ليش ماتحچي وتغيّر لون جسمك
اتحيّرينه. يالحسن نبچي ونون الليله يمك

عيونك يبومحمد غفن. افتحهن بعيني
يا نور عيني يالحسن جرحك يأذيني
...............

يومك اصعب من مصابي حسين لا تبچي عليه
ابچي ونحب. لليصير عليك يوم الغاضريه
ما تسلّب جسمي لكن جسمك يضل عالوطيه
آ يزينب. تنوخذ للشام من بعدك سبيه

ايامك التفجـع اجـن بسما تواريني
يا نور عيني يالحسن جرحك يأذيني

سيد زيد الفحام
_______________________________

يــلحسن زيــنب غريـبه
رجعــت بحاله عجيـــبه
كوم واتــلكاهاه                 
بس دمع ويـاهه

*****************


گبل لا تــــــنوي السفر مرت علـيك
شمت تراب الكبر وتحاجي بيـــــك
خويه كلبي وياك مدلي جفوف اديــك
صح بعيد السفر بس روحــي التجيــك


للحزن وداهه
بس دمع ويـاهه


،،،،،،،،،،،،،،،

خويه زيــــــنب الله حامي ضعونــج
حسين هذا  وكافلج يــــــــــــحمونج
دمع الموادع مو  يـــــــــذبل اعيـونج
 روحي بسلامه ولا تــــــحير ضنونج


راحت ويا حماهه             
بس دمع ويـاهه
،،،،،،،،،،،،،

گلبي وياكم يبت حيدر واتاني
بگبري واحسب بالدمع لا بالثواني
يهلي يلماشين واني بلحدي أني
آه من ارض الدمى ودورت زماني

اختي لا شنساهه
بس دمع وياهه

،،،،،،،،،،،،،،،،،،،،،،،،

ردت ودرب اليــــــــسر ثكّلّ مشيهه
شراح تحجيــلك تعال اسمع حجيهه
استمع كلماتـــها ولوعة بجيــــــــهه
راح تــــعرف بالطفوف اصار بيهه

 بلا ولي خلاهه             
بس دمع ويـاهه


،،،،،،،،،،،،،،،،،،،،،،،



رجعت ومحتاره تحجي بيا مصيبه
فكد اهلها ورحـــلة الموت العجيبه
يا حبيـــــــــب بكربلا الفارك حبيبه
حسين يا دنيــــــا بعد ياهو اليجيبه

علحرم وصاهه                 
بس دمع وياهه

،،،،،،،،،،،،،،،،،،،،،

خويه متغيره وعمت عيني عليچ
هذا مو صوتچ دگولي الصار بيچ
بگبري واتمنيت اوصلچ واجيچ
شنهي هذا الحرگ لايح چف أديچ

والسبي الاذاهه
بس دمع وياهه


بقلم / رعـــد الفريــــجي

بيدك يا عباس  الرايه        
بيدك يا عباس الرايه
انهض واتــــــلكى المشايه
بيدك يا عبــــــــاس الرايه

،،،،،،،،،،،،،،،،،


جيـــناك انهض يا واليـنه   
بيدك يا عبـاس الرايه

يلبسمك كلنا اتســـمــــينه   
بيدك يا عبــاس الرايه

  موحقنا بحبـــكم جنـــــينه 
بيدك يا عبــاس الرايه

  بيكم اولنـــــا وتاليـــــــنه    
بيدك يا عبــــاس الرايه


انت لكلب العاشق غايه     
انهض واتــلكى المشايه

،،،،،،،،،،،،،






جيـــــناكم كـوم تلكـــانه   
بيدك يا عبــــاس الرايه

يل بلمحشر مـــا تنسانـه   
بيدك يا عبــــاس الرايه   

 جينا وجبنا الكون ويــانه   
بيدك يا عبــــاس الرايه   

 اسمع صرختنا  وشكوانه   
بيدك يا عبــــاس الرايه   


لمشهدكم نزحف عنايه    
انهض واتلكى المشايه

،،،،،،،،،،،،،،،،،،،،،،



انته الما يخلص معروفه    
بيدك يا عباس الرايه

بالطف وكفاتك موصوفه    
بيدك يا عباس الرايه

ياهو الضحى بهاي جفوفه  
بيدك يا عباس  الرايه

 ياهو الماي بذل يـطوفه   
بيدك يا عباس الرايه


جيناكم واحنا الوفايه     
انهض واتلكى المشايه

،،،،،،،،،،،،،،،،،،،،،



كل خطوه بحبكم محسوبه   
بيدك يا عباس الرايه

عند الله وحيدر مكتــــوبه   
بيدك يا عباس الرايـه

جبناها ارواح ومصلـــوبه   
بيدك يا عباس الرايه

عاشك ما فارك محبـوبه    
بيدك يا عباس الرايه


يا نهر الما ينشف مايه     
انهض وتلكى المشــايه

،،،،،،،،،،،،،،،،،،


كلها جنود وزامط بيهه    
بيــدك يا عباس الرايه

للمذهب فزعت تدريهه    
بيدك يا عباس الرايــه

ماعاش الحاول يمحيهه     
بيدك يا عباس الرايــه

قائدهه حسين اواليــهه     
بيــدك يا عباس الرايه


 بالروح لزينب حمايه        
انهض واتلكى المشايه


كلمات الشاعر
رعــــد الفريـــــــجي

ماتت ابشوگ او ألم
وناحن اعليها الحرم
@@@
مالت ابطشت الذبح
ميل ليل اعله الصبح
شايله ابگدها جرح
اصغيره والگلب انجسم
@@@
الگلب شوگ استعر
رد ابوها امن السفر
بالطشت راس ونحر
ومن تلگاته ابتسم
@@@
والحچي بين الجفون
بويه يانور العيون
يا ابو الصدر الحنون
افراگك اعليه عظم
@@@
ضمته وظلت تنوح
وجهك امترس جروح
ومابعد هالروح روح
يزيد لجداده انتقم
@@@

اتغسله ابعبره او ونين
من دمه اصواب الجبين
وصارخت اي وا حسين
ابحلگك اشسوه السهم
@@@
بعدك اشحال البنات
عالهزل وسط الفلات
بالشفاه الذابلات
وعزنه بالذله وهم
@@@
هالأميره بت أمير
صغيره بالثگل الكبير
امن السلاسل والمسير

ما جرح بيها ألتأم
@@@
بعالم الونّه تفوت
ناحت ألحد السكوت
وعالطشت حسره تموت
سورها العالي انهدم
@@@
علي احمد الحمود
٢٢-٩-٢٠٢٠
شهادة رقية ع

استشهاد الامام الحسن ع


صايم وتفطرت بآه ... ثبت الاجر ان شاء الله
اللهم لك قد صمت ... وعلى سمٍّ افطرت
١
همي اشتكي لرب السمه
بفطوري ما راح الضمه
وابتلت اعروكي بدمه

الهي ... بعد ما انوي عالصوم ... على الموت انوي هاليوم ... الهي
وداعا ... صحت والدمعه بالعين ... بعد ما شوف الحسين ... وداعا
ناوي امن افطر يا هالناس ... مو ماي بوجه العباس
لكني للموت نظرت ... وعلى سم افطرت
.......
٢
كل ضالم الحقي ضلم
لو عالنعش سهمه هجم
يوصل لعد كلبي السهم
يمنعون ... يصير النعشي مرقد ... واشم ريحة محمد ... يمنعون
يهالناس ... بحياتي امنيتي بس هاي ... انه مشتاكله هواي ... يهالناس

كبري العن جدي يبعدوه ... باجر عالكاع يهدموه
يا نعشي حزنا اُقبرت ... وعلى سم افطرت

.......
٣
من سمموني تعذبت
يحسيني ظم جبدي صحت
لا زينب تشوف الطشت
يزينب ... اعله جبدي لا تنظرين ... اخافن لا تموتين ... يزينب
يزينب ... امن اظم جبدي صحت ليج ... منو يظم كربله اعليج ... يزينب

سبحان امغير الأحوال ... زينب تتجتف بحبال
لمصاب الحوراء صبرت ... وعلى سم افطرت
......
٤
يم الكمر جنتي وطن
ليه ولحد لف الجفن
اشكرج يا ام الحسن
وفيه ... مثل امي انتي صرتي ... عليه اشكد تعبتي ... وفيه
يأمي ... ابد ما بيج تقصير ... جزاج الله كل خير ... يأمي
باريتي بأختي الحوراء ... باجر اجرج عالزهراء
وبسعيك لله شكرت ... وعلى سم افطرت
......
٥
لا تبجي يحسين انجرح
خايف عليك امن الذبح
لو راسك يشيله الرمح
ولا يوم ... كيومك يابو الأحرار ... سيوف وحافر ونار ... ولا يوم
حرامات ... صدك توكع رميه ... ويضربون برقيه ... حرامات
باجر خايف منه هواي ... تدور لعبد الله اعله الماي
كبدي عطشاً قد فطرت ... وعلى سم افطرت
.....
٦
يابو الوفه اتقرب الي
زينب تكلك كافلي
يا اشبه الناس بعلي

يعباس ... بركبتك هاشميه ... وقريبه الغاضريه ... يعباس
يخويه ... كول بفكدك الناس ... ولوا زينب يعباس ... يخويه
لو طحت تطيح الزهره ... وحسينك يلزم ظهره
بمصاب الله اُخبرت ... وعلى سم افطرت

#ميثاق_الحمداني

ياابن الكرم وابن الاطايب
بشخصك اشوف شكد عجايب
سبط النبي الأكبر.   وارث علي حيدر
____________
الحسن وصفك حَسِن كلك       حِسِن كلك شسولف بيك
يجلمة الله يا جلمات.             تكفيني من اريد احجيك
لسانك يحجي للرحمان.          لساني القاصر شيوفيك
يشرح اسم الكريم الله.           مترد كلمن يناجيك

اسم الكريم انتَ التشرحه
والعوز ليل وانتَ صبحه
يالماترد مضطر.      وارث علي حيدر
_____________
يا اول سبط للدين               يا وارث نبي الرحمه
ينعمة فاطمة وحيدر.           و واجب نشكر النعمه
يواحد انتَ ويه حسين.       واسمك باقي ويه اسمه
يرابع خمسه سر الكون.         بيكم صارت الحكمه

سبط النبي وسبط الهواشم
وارث علي ونعمَ المعالم
وصفك كتب سطر.     وارث علي حيدر
______________
يحافظ كل وحي الرحمان.         تحب الباري ويحبك
يالمشرع مشي الزوار.               لأن بالحج مشي دربك
كريم وما ترد محتاج.               عطائك ترضي بي ربك
للنبضة كلب يهديك.                 ترده وتهدي اله كلبك

يالعمرك شكد بي مناقب
بيك الامان من ابو طالب
وبوصفك اتحير.      وارث علي حيدر
_____________
يحافظ دين رب الكون.                معز الشيعه يامولاي
الحرب جانت شمس عالناس.        بس صلحك صبح الفياي
هيأت النصر لحسين.                    فعلك حكمه نعمَ الراي
حضرت البشر للطف.                    بعطش الافكار فكرك ماي

انتَ المعز للشيعه كلهه
تدري الحرب ماجان اجلهه
وماحاربت تؤجر    وارث علي حيدر
_____________
يشجرة خير من ربك.               وهاي الناس ما تكَطف
نهر رحمه وتمد بالخير.              كون اليفهمك يغرف
قاست ضاهرك هالناس.             بس بالباطن شتعرف
مقامك تأمر اعله الكون.           بس الدنيا ما تنصف

دنيا الترد خير بغدرههه
مايسوه بعدك شي قدرهه
وانتَ تضل تُذكَر.     وارث علي حيدر
________________
ياوسفه الغدر مولاي.              مارد كلبك وجبدك
رغم كل الألم بحشاك.             بس شنهي الاهم عندك
توصي حسين عن الدين.         خاطر يستمر بعدك
وعينك غمضت واعداك.          خافوا من قبر جدك

مارادوا يدفنوك عنده
حسبالهم هذا الله وعده
فعل الله وتقدَر.       وارث علي حيدر
__________________
حسين علي الياسري

قصيدة للامام الحسن عليه السلام

شكتب عنك ماوفيك
كل العدنه وميكفيك
يالوح الله البي مكتوب
اسمك تسبيحة يعقوب
______________
يم وجهك تغيب الشمس والنور يبزغ كله
كل المضايف تنحني من العگل للدله
يم هيبتك يطفه الگمر والنجمه ماتندله
وجبريل يمك يفتخر هو بخدمتك يعله
تخلص روحي وماانهيك
اوصل نصك يله ابديك
دين الله بطولك مهيوب
اسمك تسبيحة يعقوب
________________
جيناتك انته من النبي من حيدره ومن فاطم
شجرتكم من الله عشك يدخلها بس الهايم
ياورده وحسينك عطر رمضان بيكم صايم
خمستكم بنفس النفس يدخلكم ومتفاهم
يجري بدمكم بس احساس
حبكم عابر كل الناس
دعوات ام ابكل غروب
اسمك تسبيحة يعقوب
________________
يم جدمك يدنك الجبل جف العدو ميلوحه
كل سفرة مابيها طعم بس سفرتك مملوحه
من طينه خالق جم نبي والعلم تارس روحه
حار بخصالك كل زمن كل خصله هي
اطروحه
شكتب عنك ياعنوان
بحروفي وفاتح ديوان
اليمشي بخطك مامتعوب
اسمك تسبيحة يعقوب
_________________
فكرك مثل عطر الوفه بالخير فارض قدره
سطرها حكمه بكل وعي لحسين أسس نصره
ماميته لچن تنولد يوم الطفوف الثوره
درب الحسين ومنهجك خيط برسالة ابره
بيان النصرك منطي
بالطف حسينك يلقي
محبوب يكمل محبوب
اسمك تسبيحة يعقوب
__________________
تبجي السمه وتذرف دمع ركن الصلاة اتهدم
قران ربك منفجع تفسيره كله اتسمم
والكعبه كلها تفطرت جدرانها انصبغت دم
كل اليتامه تودعك وكلوبها انترست هم
ميته النعمه ومايدرون
بُعد افراكه يشيب اعيون
والشوف اخلافك مسلوب
اسمك تسبيحة يعقوب
__________________
كلشي انفجع من ارحلت والدمعة هدت حيلي
كل الارض من حسرتي تخنكني متكفيلي
والوسعه ضاكت والجرح مايلتم ويشكيلي
وديلي ناعي من السمه يفجعني من ينعيلي
اهلي انساهم ماناسيك
نبضات بگلبي مخليك
مجلس لمصابك منصوب
اسمك تسبيحة يعقوب


خادم رقية عليها السلام
الشاعر مهند الدريساوي

صعب فكدك يبو محمد ...بدونك موحشه ادياري
اودعنّك وونن حيل ... والمدمع يضل جاري
ـــــــــــــ
بس هلليله خويه وياي .. وباجر ترتحل عنّي
اودعنّك يماي العين ... واعرفنّك تودعني
تعرف بالدهر بعد .... ياخويه يلوّعني
ومظلم يصبح اخلافك ...باجر يا اخو انهاري
ـــــــــــــ
هسه اكَبالي تتلوع ... وجبدك تنزف ادمومه
وزينب خويه تدريهه ... هسه عليك مالومه
منك باجر الحره .... تصبح ويلي محرومه
تنون سكته واخبرنك .... مايسمعهه ابد جاري
ــــــــــــــــ
هذا الطشت ياخويه ... بي جبدك اشوفنّه
اخوي انت وابد مكدر ... اخوي بحالي اعوفنه
الاخو يصعب صدك والله ... اخيّه لو رحل عنّه
يل نورك مثل نوري ....ومثل اسرارك اسراري
ــــــــــــــــــــ
الحسن ناده يخويه حسين ....مصابي يهون جدّامك
باجر بالطشت خويه ... راسك تنظره ايتامك
أنه ماحركوا ادياري .... وانت الجمره بخيامك
وناري مو لجل وضعي .... علمصابك تشب ناري
ـــــــــــــــ
باجر صدرك يرضّوه ... واتدوس الخيول اعليه
وزينب حالك او وضعك ... بعيون المصيبه اتصد ليه
جسمك عالترب خويه ... زينب تمشي وتخلّيه
سبيه تروح للكوفه ...ويحرس ضعنك الباري
ـــــــــــــــــ
الشاعر محمد حسن ضيغم

سيدي انواليكم ... نعادي اليعاديكم
يالحسن مولانه
مانذل لعدانه
ـــــــــــــــــــــ
انت يا سيد شباب اهل الجنان
انت عنوان الكرم كلك حنان
سيد يوم الحشر حبك ضمان
وجفّك الممدود ينطي بكل زمان
واليمد اجفوفه ... والله لا متعوفه
المحب صاح السانه
مانذل لعدانه
ـــــــــــــــــــــ
احنه الك شيعه ونضل رغم العده
فخر لو لجلك نرخص الافئده
وحك من ضل بالطفوف ابوحّده
هل عهد وياك احنه انجدده
مصيبتك نحييهه ... وفاطمه انواسيهه
منهجك غذّانه
مانذل لعدانه
ـــــــــــــــــــــ
احنه الك وفّايه يبن الطاهره
فاز من ولالك دنيه وآخره
مصاب جبدك سيدي نتذكّره
ونلعن بجعده واهلهه الغادره
سمّتك ملعونه ... نهجك يعوفونه
بيتك الربّانه
مانذل لعدانه
ـــــــــــــــــــــ
يل مضيفك ما يسد بابه ابد
وياك نبقه وعاهديناك بعهد
واجب اعلينه نوفّيه الوعد
ينادي بسمك كل طفل حين انولد
يالحسن واليتك ... من المهد حبيتك
وهتف وبوجدانه
مانذل لعدانه
ـــــــــــــــــــــ
يالحسن سمّوك وانت ابن النبي
رغمن اعليهم امامي ومذهبي
ابقه العن دوم كلمن ناصبي
ويبقى ثارك يا امامي مطلبي

ابقه اريدن ثارك ... بينه تسعر نارك
هل عشكَ خلانه
مانذل لعدانه
ـــــــــــــــــــــ
الشاعر محمد حسن ضيغم

حزينه يالحسن يبني حزينه
دليلي مابطل ساعه ونينه
آنه الزهره اهل عبره يضي عيني
------
الحسن يبني اجيت بدمعة عيوني
اصيحن يالحسن بالمحنه فجعوني
لأن مسموم يوليدي انطف لوني
العده بمصيبتك انحب يخلوني
اجيت واندب بصوتي يروحي .... جروحي ماشفت لجلك جروحي
الگلب صبره واهل عبره يضي عيني
--------
صدك مسموم يوليدي صرت انته
ونينك بالحسن يوليدي ضل سكته
صدك دارك حزين عليك من عفته
صدك جسام من اصباه يتّمته
يون جاسم عليك بكل مسيه ... ينادي والدي دارك خليه
الدمع يجره واهل عبره يصي عيني
----
الحسن من رادوا يدفنوك يم جدك
العده بسهام سل ترمي وصفت ضدك
فلا كفّه العده حين التسم چبدك
صعب عل شيعه من ترحل صعب بُعدك
حسافه ترحل اوليدي حسافه ... يعنوان المناقب والضيافه
المحن كثره واهل عبره يضي عيني
-------
يبو محمد اخوك حسين هل دمعه
يون وبالمناحه مهجتي تسمعه
عرف من عمره طفّت دنيته شمعه
رحل عنّه اخوه وما بعد رجعه
شفت حاله والم صار بدليلي ... يصيح الراح ما انطر يجيلي
فلا نطره واهل عبره يضي عيني
------
وشفت زينب تدگ عالراس وتنادي
الحسن بعدك مصابك ضل علي سادي
يخوي وما يبطّل حسرته افوادي
يريت الزهره يمي وجدي الهادي
ويريت المرتضى يشوفك يخويه ... اونن واندب الحگني يبويه
انه الحره اهل عبره يضي عيني
---------
الشاعر محمد حسن ضيغم

ليلة اوداع ….. ومابگت روح

انته مسموم…. وانه مذبوح

★★★★★★★★★★


يالحسن خلني اعله بالك لو مشيت

مايلمنــــي ابغيبــــتك يالغالي بيــت

اسمع الزهـــــــــرة بچت لمن بچيت

ولو رحت يالحــسن گول انه انوليت


السفر لو طال…. تنزف جروح

انته مسموم… . وانه مذبوح

★★★★★★★★★★


ياحُسين اتحمل اجروح ومصاب

هذا امر الله ونزل بالطف كتاب

عفت جاسم يمك ابعمر الشباب

حته ماتشعر يخويه ابهل غياب


وردة 🌹 جسام…. وريحته اتفوح

انته مسموم….. وانه مذبوح

★★★★★★★★★★

ياالحسن ادري عفت جاسم معاي

انته اخوي ورتدك التوگف وراي

حته بيدك يالحسن تحمي ابگفاي

اسهام تشرب دمي وانه ابلايـــه ماي


حزام ظهري…. انته لتروح

انته مسموم…… وانه مذبوح

★★★★★★★★★★


هـــــذا عــباس الوفي ابيوم الطفوف

بس تأشرله وعلي ايذب الچفوف

ياخــذ الجيش ويذبه اعله الجروف

ويسحل الشط للخيم ولكل يشوف



واخو زينب…… .. رايته اتلوح

انته مسموم…… وانه مذبوح

★★★★★★★★★★


يالحسن ادري الگمر بالطف يفوت

الجيش يونس يصبح وعباسي حوت

الگمر يحچي والزلم تعلن سكوت

لاچن اليـترك اخوه معناها موت


دمعي طوفان…. وماحصل نوح

انته مسموم……….. وانه مذبوح

★★★★★★★★★★


كلشي بالطف هين الدم والرگاب

لچن ماريد الهوه ايمس الحجاب

هاي ليلة وزينب وهاي الرباب

وتغفه سكنه يم رقيه اعله التراب


ابحرگ الاخيام…… فاطمة اتنوح

انته مسموم….. وانه مذبوح

★★★★★★★★★★




ـــــــــــــــــــــــــــــــــــــــــــــــ
ماجد حبيب الخيكاني
2020/9/16ونسألكم الدعاء


نزله👆

رئيسية إستشهاد سبط رسول الله و سيد شباب أهل الجنة الإمام الحسن المجتبى عليه السلام


نِصرَخ وَداعاً يَالحَسَن بِالدَّمعَه وِ الآه
ما خابْ مِن يِبچي وْ يِوِن و اِيْنادي وِيلاه
يَاهْلِ الاَرُض و اَهلِ السِّمَه
وِينَه الْيِواسي فاطِمَه
و اِيْنادي وِيلاه
________
دَمعَةِ الضِّيفْ . فُوگْ خَدَّه
مات اِمام اِلْبابْ بِيتَه ما يِسِدَّه
يا اَلِف حِيفْ . و اِشْيِرِدَّه
اليُوم اَبومْحَمَّد گِضَه وْ مَسمومْ چَبدَه

انْفِتَح بابِ المَضيف وْ طِلعَت اِجنازَه
وَداعاً يَالحَسَن تِتصارَخ اَعزازَه ...

عَالرّاسْ هاشِم شالِتَه چِيْ تاجْ عَالرّاس
و اِحسِين يِمشي خَلفَه وِ اللّي اِيْسِندَه عَبّاس
صار اِبمَضيفَه مَأتَمَه
وِينَه الْيِواسي فاطِمَه
و اِيْنادي وِيلاه
________
تِبچي كِل عِين . اشْگَد حِزينَه
چَنْها شَالَوا بِالنَّعَش كِلّ المِدينَه
نادَه الِحْسِين . ابْكِل وِنينَه
يَالهِواشِم خَلْ نِشَيْعَه يَم نَبينَه

اَوَصْف اِحْسِين اِلَك بِدموعَه و اِجروحَه
جِسِم چَنَّه وْ يِشَيِّع بِالنَّعَش روحَه !

ابْتَشييعَه مِن حَگها اِذا مَتمَيِّز العِين
هذا الحَسَن شايِل نَعَش لُو هذا الِحْسِين !
ياهُو العَدِل ما نِعلَمَه ؟
وِينَه الْيِواسي فاطِمَه
و اِيْنادي وِيلاه
________
شالِتَه اليُوم . هَالشَّبيبَه
اوْ وِصلَو اِلگَبرِ النِّبي اَمّا المُصيبَه !
لَن اِجَت گُوم . وِ العَجيبَه
مانِعَت دَفن الحَبيب اِبْصَف حَبيبَه

و اِجَت اُمِّ الجَمَل مِتحَشِّدَه اتْنادي :
الحَسَن ما يِندِفِن يَم رَوضَةِ الهادي

اوْ مَروانْ آمَر زُمرِتَه ايْرامونَه بِسْهام
كِل هايْ صارَت يا وِسافَه اگْبال جَسّام
فُوگِ اللّي دَهرَه يَتَّمَه
وِينَه الْيِواسي فاطِمَه
و اِيْنادي وِيلاه
________
شافِ الِحْسِين . ابْهالرِّزيَّه
اتْراكِمَت سَبعينْ سَهم اِبجِسم اَخَيَّه
دَمعَة العِين . اتْظَل جِريَّه
لِلصَّبُر مِنّ الحَسَن عِندَه وِصيَّه

گَعَد يَمَّه وْ شِلَع كِل نَبلَه بِچفوفَه
وِ الاَصعَب جاسِم اِبْهذا الدِّمَه ايْشوفَه

شالَه وْ طِلَع صُوب البَقيع اِبدَمعِ الِعْيون
تالي الحَسَن صار اِبجُروحَه اهْناكْ مَدفون
اوْ بَاچفانَه آثار الدِّمَه
وِينَه الْيِواسي فاطِمَه
و اِيْنادي وِيلاه
________
راحْ و اِرتاح . اوْ چانْ يَمَّه
احْسِينْ و اِخوانَه الِّذي اِيْدِفنونْ جِسمَه
ماكو ذَبّاح . ايْسيلْ دَمَّه
و اِثنَعَش طَبرَه يِطُبرَه اگْبالْ اُمَّه

اَبَد ما صَحْ مَثيل اِحْسِين و اَحوالَه
عُگُب ذَبحَه تِدوسَه عَشرَه خَيّالَه

لا يُوم يِشبَه يُوم اَبوالاَكبَر بِالاَيّام
راسِ الغَريب اِعلَه الرُّمُح و اِتشوفَه الاَيتام
ذَبح وْ سَبي وْ نار وْ ظِمَه ...
وِينَه الْيِواسي فاطِمَه
و اِيْنادي وِيلاه
________
تمت بعون الله و له الحمد.
1442 هـ / طهران
الشاعر مجتبى الورسي

مجنونك انه يالحسن مجنونك
انته حياتي وما اعيش بدونك
**************
مرسالي اكتبه بدمعتي السجابه
وكل يوم اصيح اه يالحسن ومصابه
كبرك حبيبي امنيتي اشم اترابه
بشوگي صحت هنيال اليزورونك
*************
كل عاشگ اتحزم شفت بحزامك
خدامك احنه ونفتخر خدامك
يالحسن لازم نحيي صحنه ايامك
وعيونك اهل الغيره ما ينسونك
***********
يعمه البصر لو ما اشوف اهلالك
وهليله شتحب يا قصيده اقرالك
يالحسن روحي اتريد تتعنالك
امن اشتم هواك اسرح بطيف اضنونك
*********
صدري وقف خليته للطميه
ايحقله اللطم مكتوب بالجنسيه
اتمنه اموتن وسط الحسينيه
وحرگ حبيبي گلب اليكرهونك
***********
عز الله هانت والفرج اقسم جاي
ويالحسن باجر راح اجيلك مشاي
اهناك بثوابك راح اوزع الماي
اشلون النواصب سيدي ايهدمونك
*****
من فدوه اروحن لسمك ولحروفك
گبل الهله اترحب گمت بضيوفك
والله اختنگ مولاي لو ما شوفك
واهل الوصف ماكدر ايوصفونك
***********
باجر المهدي من الغياب ايعود
وياخذ بثارك بيده راح الموعود
وكل احنه نطوعله يالغالي اجنود
ويالحسن راح انصارك اينادونك
*********
تمت
تحسين الخفاجي

بيكم يالحسن ما خابت اضنوني
ولو مسني المرض انتم تشافوني
***************
اجيتك من بعد فتره وتهل عيناي
دخيلك لا تكلي كاطع انت وياي
فركنه الزمن والغربه يا مولاي
وكل يوم البقيعك شابحه عيوني
************
اجيتك يالحنين ودمعتك بخدي
ويمك واكف انه وكفت امجدي
تعبني زماني وكلشي ما عندي
طحت طيحه وريدنكم تعينوني
************
الما عنده ولد هليله اجه يمك
ومنك راد بزره وحلفك بمك
شرط متحلف ايسمي ابنه مثل اسمك
يصيح بجاهكم عد الله ارزقوني
**********
نخيتك يالحسن والروح ملهفوفه
والينخاك اعرفك تترس اجفوفه
لو صح بيدي كبرك والله ما عوفه
احضننه وكلهم يمه خلوني
****
ترد روحي امن اشمن يمك النسمات
الحمام ايأمن بكاعك لمن ايبات
انته سفرة الله وباب للحاجات
وعن حبك ابد لا ما يغيروني
***********
تمت
تحسين الخفاجي

بهجرك يالخذت روحي مليت الغياب
اشبك عالصور وابجي واكعد عله الباب
جرح الغربه مو تدري // اكبر حته من عمري
***************
يا ناس مو شرط اليموت اله بكبر
مرات اكو واحد يموت امن الهجر
مشتاكلك وبروحي جم يمته تجر
كمت اشبك اعله صورك وابجي اشكثر

الكبرك من بعيد اكتب مرسال الاهات
عكبك يالحسن تدري كاضيها صفنات
وهواي الحجي بصدري // اكبر حته من عمري
*********
راسي انترس شيب وصحت ضاج الخلك
وما حسبت هاكد حبيبي نفترك
بكد رحمة الله محضر الكبرك شبك
من اذكر اسمك يالحسن كلبي يدك

عيني اعله الدرب ضلت واطحن بالجروح
تدري بونت الغالي تاخذ تره الروح
لا ما ينحمل صبري // اكبر حته من عمري
****************



ضليت انادي يا اهل هذا الزمن
ليش انتم امقصرين هيجي ويالحسن
تدرونه ما عنده ضريح ولا صحن
حته القصايد عالحسن يتحسرن

الليله للحسن هايه ولازم توافون
الزهره تلطم اوياكم لمن تلطمون
بخدودي الدمع يجري // اكبر حته من عمري
**********
لازم صحت يوم الحسن ما ينسه
اتوفق اشكد من اطب المجلسه
جفي الحسن كل ما اطلبه يترسه
وهالمجلس المهدي يعالم أسسه

اشمحله سيدي الخدمه وماكو احله منها
اهلي بكل وكت جانو يحجولي عنها
وناري اعله الحسن تسري // اكبر حته من عمري
*******************







امن ابعيد ازوره وتجري عالخد دمعتي
ادري الحسن حن اشكثر لزيارتي
كتله الهوه ايسلم عليك بريتي
وجلمت الوينك خضرت يم صفنتي


كلبي للبقيع ايحن كل ما يجي الليل
طول حزني وفراكك ما خله ابد حيل
عذبني اشكثر دهري // اكبر حته من عمري
**************
مشتاكلك شوك النده الحضن الورد
ليش امن اذكرك يكتل اجروحي البرد
انه الحبيب التانه محبوبه يرد
تدريني اموتن يالحسن من تبتعد

نضره اتعاتب بنضره بدروب الاحباب
كون اكعد صحت يمك واشتم بالتراب
نوحي ونتي وسهري // اكبر حته من عمري
**************
تمت
تحسين الخفاجي

شيبي كثر وبفرگاك. ضهري كسرته
اشيسوه العمر. راح الذخر
يا خويه ضهري كسرته
****
جلمت الخويه بحلكك اشمحلاها
ولو ماتت الخويه اموت اوياها
بس الحنين اليفتهم معناها
عيونك عمت عين الوكت بجاها

وسط الكلب تسري اعليك. يالحسن ناري
نحت اشكثر. راح الذخر
******
خليني اشبگك وشبع اوداع وياك
ينساني الله انجان ياخويه انساك
طاحن عيوني وحسرتي بگد فركاك
ولو ضيعيتك كاعد بروحي الكاك

افراگ الاخو ايهد الحيل. يالفاركتني
ماضل صبر. راح الذخر
**********
لمتنه جانت يالاخو اشگد حلوه
والدنيه من ترحل بعد ما تسوه
كبرت اسنيني وامشي عكبك كوه
خوتنه جانت خوه بس مو خوه

يم صورتك عيني ادير. واشتهي البجيه
ردتك تمر. راح الذخر
*****
عني رحت خويه وتحدب ضهري
واشكد بجيت اعله الصور لو تدري
يالحسن جرحك خويه صار بكبري
وي عمرك اشكد ردته يخلص عمري

حته الهوه بدونك صار. يخنكها ريتي
وحسرات اجر. راح الذخر
******




يا احله ذكره العاشت بروحي اسنين
مثل اخو حاجيني اجيبلي امنين
لحضه اوداعك كبرت حيل حسين
جنت امن اغمض انته اشوفك بالعين

لو شفتك اتردلي الروح. يا اغله الاحباب
كافي انتظر. راح الذخر
*******
يا واهسي ويا منبع الحنيه
مو عادتك هاكثر تكطع بيه
انته عزيز وغالي حيل اعليه
ومن هالعذاب ارتاح ردت اشويه

خويه العمر راح اوياك. شلي بحياتي
طال الهجر. راح الذخر
*********
تمت
تحسين الخفاجي

بالسم خويه اتكطع جبدك يارجواي
وشيصبر زينب من بعدك يا رجواي
دمعي يجري وناري تسري وانته تدري يارجواي
****************
عكبك يالحسن ماريدن ايامي
انته احلامي خويه وراحت احلامي
ما عينن كمت بوداعك اجدامي
شفت زينب تنوح وتبجي كدامي

ما اكدر خويه انضر طشتك يارجواي
وتسولف بدموعك شفتك يا رجواي
حيلي اخذته خويه وانته احنيته ضهري
************
زينب خويه كمت اسمع بواجيها
مشت لهدومك وكامت تشم بيها
فك عينك يخويه وكوم حاجيها
زينب للمصايب لا تخليها

راحت وياك الحنينه يارجواي
وزينب تنتضرك يوميه يارجواي
عاين اختك يالفركتك بيها عمري
******************





روحي يالحسن ما تحمل الونه
ودمعي اعليك كل لحضه اهلنه
انه وياك ما مره تفاركنه
مثل الماي والشجره كبل جنه

امن اتغمض عيونك يالغالي يا رجواي
حال الميت يصبح حالي يا رجواي
بروحي تنبض وراح افوض لله امري
************
ضلت يالحسن بعيوني الك ذكره
وانه وياك عالحلوه وعله المره
حلوه ايامنه وما تنسي العشره
واليفكد اخيه ينكسر ضهره

حيرني افراكك يعضيدي يا رجواي
ضليت اعليك اصفك بيدي يا رجواي
اهلالي غايب وكلبي ذايب وينه بدري
****************









غيابك يالحسن تارك جرح بيه
واخوك اعليك ما بطل بواجيه
شمعة عمري هاي الليله مطفيه
هموم الدنيه كلها التمت اعليه

رادت حكها اليوم الخوه يا رجواي
ودنياي بدونك ما تسوه يا رجواي
صد مكانك يالحنانك مالي صدري
****************
خويه ابدال ما نعشك يشيعونه
كامو يالحسن بسهام يرمونه
عكبك جم يتيم الهلت عيونه
وليش حسين من عندك يحرمونه

مسموم وكلهم يدرونك يا رجواي
بسهام اشلون ايرامونك يا رجواي
فاركتني وعذبتني طفي جمري
**************
تمت
تحسين الخفاجي

يالرحت وعفتني ارجع شيبتني خويه يالحسن
*********
فاركتني وحيرتني ونعصر كلبي عصر
مدري اشيعك مدري اشيع روحي عكبك للكبر

يالحسن يا خويه ماضل حيل بيه
جم اخو ضهره انكسر من راح اخيه
خويه كون الصار بيك ايصير بيه
اشمحله ذيج الكعده من نكعد سويه

كاسر ضهري فركاك راحت روحي وياك ودمعاتي جرن
****************
اخ خويه يا حنانك اشلون انسه عشرتك
ودعتني وانته تدري بكلبي حافر صورتك

خويه ارحم حالتي ونوحي ونيني
انه ادري لو عفتني ما تجيني
نامت الوادم وانه سهرانه عيني
اتغار حته النوك ضلت من حنيني

لمن فاركتني جم لجمه الجمتني وجروحي ابتدن
*********************



انته خويه احزام ضهري صعبه اضل ابلا اخو
اشلون عشره اتعاشرينه ايعوض امجانك منو

للابد ما نفترك جنه احنه الاثنين
اشلون تمشي للكبر وتعوف الحسين
ردت بيدك خويه تمسح دمعة العين
اخو امنين اتجيب مثلك زينب امنين

زينب شبعت انياح وتكلي الحسن راح وعيوني انعمن
***************
بيه تسعر نار هجرك ليش تكسر خاطري
انته روحي وانته عمري وانته شمعة ناضري

خويه شخبار الحسن زينب تكلي
وانه ناري بالكلب يبن امي تغلي
يالحسن مخنوكه زينب تدري مثلي
اهواي بفراكك تغير خويه شكلي

الدار بلايه خوان تكثر بيها الاحزان ايغربها الزمن
**************





يالتكطع خويه جبدك والسم بدمك سره
اشلون كلي بعيني انضرك روحي ما تحمل تره

اشلون خويه الطشت عين زينب اغطي
خويه كلي يا جرح عكبك اداوي
ليش المفارك اخو ضهره يأذي
زينب اتحير شكَلها لو درت بي

بفراكك يمسموم تجري دموعي كل يوم وسلتني المحن
****************
تمت
تحسين الخفاجي