من ودّعتني...
لسان حال السیدة رقیة س
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من ودّعتني...عدمن عفتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یابویه وینک عنّي لا تبعد ینور العین
آنه رقیه الضیّعتني حایره أویه البین
مشتاقه أشم صدرک وأشبگنّک یبویه احسین
صدرک بعد لا مو صدر وأمنین أجیبه أمنین

یل دلّلتــني ...عدمن عفتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لیش الیموت ألها أبو محّد یداریها
یابویه ضربوني و دمعتي ابحسره أجریها
کلمن یگول انتي یتیمه و چتفو أیدیها
لیش الیتیمه ابهالزمن محّد یراعیها

یآذیني متني ...عدمن عفتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أذکر حنانک یالعفتني و ضحکتک بالبیت
کل ما أصیحن یاحبیبي الصیحتي لبیت
فگدک کسر ظهري یبویه أبلا أبو ضلیت
تمسحلي راسي اشگد احبن بویه واتمنیت

یل یتّمتني...عدمن عفتني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دلّیني راسک وینه خل أنسل شعر راسک
یا ریحة أهلي البیک أشمها تطري بنفاسک
وجهک یبویه أمن الدمه ما حرّک أحساسک
آنه رقیه ألي چنت عندک أعز ناسک

من فارگتني ...عدمن عفتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یابویه لیل أبلا أبو میوالم الایتام
التفگد حضن دافي بعد ذاک الحضن متنام
أبصدرک أثر حافر أشوفه اعله الجرح مرتام
ترضاها ما شبگک یبویه و تشبگک لسهام

ها یل جبتني ...عدمن عفتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من عمري یالغالي اعله عمرک بس تعال أرجاک
لو ترجع أبعیني اشوفک لو اموت اویاک
الما عدها والي تنسبي هضموني بویه أعداک
حتیٰ التراچي سلّبوها من بعد عیناک

الدنیا سبتني ...عدمن عفتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جابولي راسک بالطشت بس ما عرفتک لیش
وجهک تغیّر یا وسف شمسوّي بیک الجیش
حاچیني یا راس الأبو بیش المنایه بیش
جیت أشتری ابروحي مماتي ولحظه لا ماعیش

ما قبّلتني ...عدمن عفتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره
محرم1439

قصیده：بنت الطف
🌱🌱🌱🌱🌱🌱🌱

انتی اکبر لو دموع اعیونچ
هذه دمچ لو ورد بمتونچ
لیش لون الورده یشبه لونچ
یارقیه
🌱🌱🌱🌱🌱🌱🌱
یلی گلبچ صلّه من کبّر لهیبه
چن قرابت دم الچ ویه المصیبه
ماکو گد ایدچ حبل وانتی غریبه
صرتی ورده امن الدمه لاچن خضیبه

اکبر من اعیونچ دمعتچ من تهل
عمرچ ثلث وردات مشدوده ابحبل
ذبلت سنینچ من رکبتی اعله الهزل
جرحچ عتیج امن الزمن مایندمل

انتی وادموعچ خوات ایتامه
نایم ابگلبچ تعب ایامه
یبچی حتی السوط الچ بالآمه
یارقیه
🌱🌱🌱🌱🌱🌱🌱

عینچ اتسلب دمعها اویه الضمایه
زینب اعیونچ مشت ویه السبایه
یاشبیهة زینب ابنفس البلایه
انتی هم عندچ اخو شاف المنایه

یالکافلچ عمره ابسهم ضامی انختم
عبدالله اکبر طوله لو طول السهم
حین الشبگ نحر الحسین امن الألم
شال ایده گلچ تحترگ بیچ الخیم

تل بنیتی امن الدموع اگبالچ
حتی ینظر راس اخوچ احوالچ
ضل یجر ابروحه لیش اخیالچ
یارقیه
🌱🌱🌱🌱🌱🌱🌱
من تهزین الگلب توگع عتابه
یبست ابحلگچ بعد چلمت یبابه
عینچ اتفطر جفنها من غیابه
و ذانچ السطروها ماتسمع جوابه

چم مره رحتی للنهر من الرعب
چم مره صحتی یابوفضل بدرب
چم مره طحتی عالوجه من الضرب
چم مره نحتی وخالفچ نبض الگلب

لیش ابوفاضل سکت من شافچ
یعنی ماهزّته ذیچ اوصافچ
چان راویتی دموم اچتافچ
یارقیه
🌱🌱🌱🌱🌱🌱🌱
لیلچ الخلص ملامه اویه النوایب
وزّع اسنینچ ثلاثه اعله المصایب
اکثر امن اجروحچ ایتام الخرایب
خدچ الناعم فرشتیه عالترایب

سولفتی عمرچ قصه لطفال الزمن
هیچ الی تفگد والد اتعیش ابمحن
حلمچ حقیقه وما دنه العینچ وسن
من غمضت عینچ دموعچ خلصن

انتی روح احسین اجت لتنوحچ
صاحت اسم الله اعله طول اجروحچ
الله وده احسین یاخذ روحچ
یارقیه
🌱🌱🌱🌱🌱🌱🌱
ڪلمات خادم رقیه ع
عبدالامیرالناصری

ذكرى استشهاد الامام الحسن المجتبى عليه السلام


يالحسن ليلة رحيلك فاجعه
يا إمام وچبدك السم گطّعه

مظلوم يبن الولي...
مسموم هيبة علي ...
……………………………………………………………..………
چبدك ابسم جعده يا حيف إنمرد
وجمر حزنك بينه ما لحظه برد
هذا أمر الله ورضيت بهالوعد
والنفس للباري حتماً راجِعه
مظلوم يبن الولي...
مسموم هيبة علي ...
……………………………………………………………..………

يا سبط طه النبي الهادي الرسول
يا كريم اهل المجد بيك اشنگول
ابحقك امقصرين يا إبن البتول
إقبل وسامح عيون الدامِعه
مظلوم يبن الولي...
مسموم هيبة علي ...
……………………………………………………………..………

بالغدر يا حيف جازوك اللئام
يا إمام ووالدك أول إمام
يا فخر شيعة علي اعليك السلام
من صميم إگلوبنه المتلوّعه
مظلوم يبن الولي...
مسموم هيبة علي ...
……………………………………………………………..………
ضاگ بعيون اليحبوك الفَضَه
شلون بالسم عمرك الغالي انگظه
سم بقينه اسنين بس نتمضمضه
وننحب اعليك ونظل نتجرّعه
مظلوم يبن الولي...
مسموم هيبة علي ...
……………………………………………………………..………
الدين چان شصار لو ما حكمتك
چان ضاع وسال دم من شيعتك
للأبد مرفوعه تبقه رايتك
وانته نعمه ورحمة الله الواسِعه
مظلوم يبن الولي...
مسموم هيبة علي ...
……………………………………………………………..………
واهم الظن يوم عاشر ما إجيت
بهيئة إبنك حاضر وثابت بقيت
يا جبل هيهات ، ما لحظه إنحنيت
رغم كل ريح الأعادي الخادعه
مظلوم يبن الولي...
مسموم هيبة علي ...
……………………………………………………………..………
يگظن الصعبات والأصعب گظن
والشعار الرافعينه بكل زمن
توصل المشايه يمك يالحسن
والبقيعك هالمواكب راجِعه
مظلوم يبن الولي...
مسموم هيبة علي ...
……………………………………………………………..………

خادم الحسين عليه السلام
عمار هليل الواسطي

أرشيف

ذكرى استشهاد سيدي ومولاي الإمام الحسن المجتبى عليه وسلم

شهادة الإمام الحسن المجتبى عليه السلام


للمجتبى.. أكتب عهد من دمعتي
للمجتبى.. همّي وعذابي وحسرتي
للمجتبى ..مشتاقه ظلت مهجتي
يالغالي ... يالغالي
………………………………………………………
يبن المرتضه حيدر
قلبي الحزنك تفطر
وبقلبي الجرح يكبر
ينزف ليلة إمصابك ....
بين الآه والفجعه
تطفه للأمل شمعه
مسموم وبقت فجعه
بيهه اتنوح أحبابك
دم الدمع..حبر الرساله والعهد
دم الدمع..يجري اعله خدي للأبد
دم الدمع.. والباري لدموعي شهد
يالغالي ... يالغالي
………………………………………………………
أحزن دوم أتألم
مثلك هم جرعت السَّم
بمصابك غزاني هم
يحزن قلبي ليليه ......
جعده الغدرت وخانت
أبد للعهد ما صانت
هاي الفجعه ما هانت
بالتاريخ مَرويّه
يبن الولي..غدرتك جعده وسمّتك
يبن الولي..خانت العشره وطيبتك
يبن الولي..فجعت قلوب الشيعتك
يالغالي ... يالغالي
………………………………………………………
كريم أهل العلى طبعك
يطفه بالأجل شمعك
دمع حسين لو دمعك ؟
يصبّر زينب الليله
عنكم راح تتغرب
زينب ليش تتعذب
وما أدراكَ ما زينب
محّد بعد تشكيله
بمصيبتك..ماظل بعد بيهه صبر
بمصيبتك..بعدك تراهه تنقهر
بمصيبتك..وعاشر محرم ينتظر
يالغالي ... يالغالي
………………………………………………………
زينب من بعد همّك
شافت بالطشت دمّك
مسبيّه وحق أُمّك
بعاشور ونواعيّه
يبقه حسين عالغبره
شمر الّي يحز نحره
ياخذ زينب الحرّه
تره للشام مسبيّه
نفس الطشت.. بي شاهدت راس الأخو
نفس الطشت..ماتت رقيه عالأبو
نفس الطشت..والينصر الحره منو
يالغالي ... يالغالي
………………………………………………………
رقيه هاي موتتهه
قهرت قلب عمتهه
شافت هضم حسرتهه
تصيح البعد ياذيني
على راس السبط طاحت
دم ادموعهه وناحت
وبحسره وشجن صاحت
بويه لا تخليني
حاضر چنت..بالطف يمولاي الحسن
حاضر چنت ..بشموع جسام الطفن
حاضر چنت..تساعد رقيه عالزمن
يالغالي ... يالغالي
………………………………………………………
ليلة مصرعك صعبه
وبهذا الزمن غربه
روح العاشق وقلبه
يمّك جاورت قبرك
غربه والبقيع أدره
بالآهات والحسره
شاهد عالحقد عصره
نواصب ما رعت قدرك
قبرك تراب ..ماكو مناره ولا قبب
قبرك تراب..واقع على الشيعه انكتب
قبرك تراب..حقد النواصب السبب
يالغالي ... يالغالي
………………………………………………………
خادم أهل البيت عليهم السلام
عمار هليل الواسطي

أرشيف

ذكرى استشهاد سيدي ومولاي الإمام الحسن المجتبى عليه السلام


يالحسن توفي بوعودك
هذا طبعك هذا جودك
شفنه بالقاسم وجودك
يوم عاشر بالطفوف
……………………………………………………………………
يا سبط طه النبي وهيبة وصيّه
يا كريم وهالكرم عندك سجيّه
حاضر بروحك بيوم الغاضريه
وحاضر بإبنك چنت يبن الزچيه

كربله بيهه انته حاضر
ابقاسمك وبيوم عاشر
يا كريم أهل المفاخر
شاهدت كل الظروف
……………………………………………………………………
شاء ربك إبنك العرّيس يفزع
يلي چبدك يالحسن بالسم تگطّع
دمه دمك لو نوه للحومه يطلع
سال دمع حسين لن للذكره يرجع

شافك انته بهيئة إبنك
سال دمعه وذكر ونّك
اشيكتب التاريخ عنّك
يعجز شيكتب حروف
……………………………………………………………………
يا عزم حيدر أبوك القلع خيبر
بعده يوم النهروان وبيك يفخر
فارس وسيفك غضب لو چهب عسكر
ردت من قاسم يكررهه وتكرر

بكربله القاسم تصدّر
غضب سيفه اللهُ أكبر
جندل احيود اعله عسكر
عمّه يتباهه ويشوف
……………………………………………………………………
من وصيتك هالأمر شفناه حاسم
ذاخر الطف كربله إبنك القاسم
يا حلم چنت بخيالك منّه راسم
استشهد وحقق مناك بثغر باسم

صاح من الغاضريه
بويه نفذت الوصيه
روحي للظامي هديه
قدمتهه للسيوف
……………………………………………………………………
إمقصرين هواي يا فخر الصميده
نعترفلك هاي من فتره بعيده
ذكرك وواجب علينا شما نعيده
والعفو منك يبن حيدر نريده

امقصرين وما ذكرنه
مجدك وانته فخرنه
نرتجي تقبل عذرنه
وانته أبو الگلب العطوف
……………………………………………………………………
غالي يا سبط الرساله وتبقه غالي
وبسماء الفخر بدرك دوم عالي
امصيبتك من تنذكر هاي الليالي
هذا أقل واجب يبن حيدر الوالي

جانت أنفاسك حزينه
من مشيت اويا الضعينه
الكربله من المدينه
روحك اعليهم تطوف
……………………………………………………………………

خادم الحسين عليه السلام
عمار هليل الواسطي
أرشيف

سوطك هذا مال اكبار. الطگه اعله المتن تطبع
ماكو اسياط مال ازغار وطگني لحد ماتشبع
ــــــــــــــــــ ــــــــــــــــــ
ماعندك گلب وايلين طفله ابلا ابو ولا ام
شوف الخد جبير ازغير. فرّق لو ردت تلطم
ماكافي ذبحتو حسين. وتدري بذبحته تهظم
المهضومه ويتيمه السوط من ايطگها تتلوع
ــــــــــــــــــــ ــــــــــــــــــــ
لو بتك عليها اتصيح من اتگول عطشانه
جا عطشانه بت مذبوح تطگني بسوط ليش انه
كل حيلك تشيل السوط ليش وانه ذبلانه
ماخلّه اعله عمتي امتون سوطك ليّه لايرجع
ــــــــــــــــــــ ــــــــــــــــــــ
ماتكفيك طكه اثنين بسك طاحت امتوني
طفله ارحمني گتلك عود. تسطرني عله اعيوني
شفت اذني تصب دم ليش فوك الدم تطگوني
بدل السوط جيب ازغير ناره بمتني خل تلسع
ــــــــــــــــــــ ــــــــــــــــــــ
ابوي وعمي لوعدلين واگلهم هذا طگاني
جا ضيّعو ذكرك دوم ومحد بعد حاجاني
يجيني حتى لو مذبوح ابوي وحاشه ينساني
واذا عمي دره بمتني. ياخذ طگتي امربّع
ــــــــــــــــــــ ــــــــــــــــــــ
بت حسين ماطخ راس بس ياشمر موكافي
انت وماتحمله السوط شوفه اشسوه بجتافي
اركض وانت تركض گول يجويها الجمر حافي
ماظل متن مامجروح من سوطك حرام إگطع
ــــــــــــــــــــ ــــــــــــــــــــ
طگني اشماردت بس كون. يم حسين وديني
مو يم عمّتي اتطگني تطفي النار؟ تحميني؟
يم حسين گطْع السوط فوگي واگطع اونيني
ماعيشن بلايه حسين اذبحنه بفرد مصرع
ــــــــــــــــــــ ــــــــــــــــــــ

علي محسن الزيادي

كان معها اثناء مسيرها وهي سبية
اخذت تبحث عنه ولم تجده الا في
ذلك الطشت فقالت له أبَ


ليش ما كتلي تعالي يا رقيه
آنه يمج عالرماح السمهريه
حكي اذا اعتب عليك
فوكي بس ما ادري بيك
ليش ما كتلي تعالي يا رقيه
●●●●●●●●●●●●●●●●

إليضيّع حاجه يقره ... الفاتحه لأم البنين

وآنه اقراهه إعله روحي... إبنية امضيعه الحسين
جنت احس وياي تمشي... بويه بس ما أدري وين
تالي بس راسك لكيته... ابلايه حضنك والإدين


ليش ما صحت ابحنينك آنه يمج
ولوكلت ماعندي ايد شلون اضمج
جا كلت وآنه اجيك
فوكي بس ما ادري بيك
ليش ما كتلي تعالي يا رقيه
●●●●●●●●●●●●●●●●●●●

فاجئتني بطشت نايم... وتارس عيونك ذبول

عاش من شافك يغالي... تدري ما اكدر اكول

إنطيني اشبكك يا حبيبي... وخلي المشابك يطول
إشماله وجهك بي علامه... جنه اثر حافر خيول


ليش جم ليش اعله بالي وانت تدري
يلله يا راس الأحبه هاك ثغري
وشمني يل مالك شريك
فوكي بس ما ادري بيك
ليش ما كتلي تعالي يا رقيه
●●●●●●●●●●●●●●●●●

آنه زعلانه إمن اكلك... زعل الاحباب الكصير

حكي متعوده اعله حضنك.. إلبي انام وأستجير
هسه حضنك ما لكيته... والأميره ابلا أمير

والسياط اهوايه تاذي... حكي جا متني اشيصير


شوف اديه وشوف زندي وشوف متني
هنه يحجن عالسياط الورمتني
ليش يا راس المليك
فوكي بس ما أدري بيك
ليش ما كتلي تعالي يا رقيه
●●●●●●●●●●●●●●●●●●●

بالطشت راسك واكولن ..هذا مو راس الحبيب

هذا يشبه راس ابونه... راسك اذكر مو خضيب

آنه اذكر يا حبيبي ... لحيتَك ما بيهه شيب

ومن بجت عينك عرفتك.. امبينه دمعات الغريب


ياهو يتمني إعله زغري ب الله كلي
حسره بعيوني البريئه لا تخلي
وكلي راحن وين اديك
فوكي بس ما ادري بيك
ليش ما كتلي تعالي يا رقيه
●●●●●●●●●●●●●●●●●

هسه ليش اعرفت عمتي.. لمن ابجي اتريد انام

جانت اتكلي إمن اريدك ... راجع بخير وسلام

أرد اموتن فوك راسك .... وادري يذبح هالكلام

وآنه خوفي بيه تشتم ... ريحة ارماد الخيام


اوياك اخذني ارد اعيش الدنيا خنكه
انه شجره وتدري اموتن وركه وركه
إبكطعة انفاسي اشتريك
فوكي بس ما ادري بيك
ليش ما كتلي تعالي يا رقيه
●●●●●●●●●●●●●●●●●

أدري راجعلي ثواني ... وادري لو بيدك تضل

وراح باجر تبجي عينك... من تفاركنه الدول

هيه جم شوغه واجيلك... ويلفي يحسين الأجل

وهم تفاركنه المنيه.. ب الله ياموت العجل


هيه حسبة آه يحسين ومصابه
انت تغفه بكربله وآنه ابخرابه
ابدم تراجيي اعتنيك
فوكي بس ما ادري بيك
ليش ما كتلي تعالي يا رقيه
●●●●●●●●●●●●●●●●●

ش/ علي الإبراهيمي

للأمام الحسن عليها السلام

ندبتك يالحسن وادموعي متوزره
لتردني عليك الطاهره الزهره
____________________
اجيتك والكلب يحجيلك المضموم
وبرسومي الحزن متفصل ومرسوم
حياتي جنها ليل وماكو يمها انجوم
وكون اتصير اليه يالحسن كمره
_____________________
نخيتك چي كريم وتارس المكعاد
وتوزع من سفرتك عالخلك امراد
الفقره تسولف ابأسمك ويصبح زاد
وتاكل من مضيفك كلها عالفطره
_____________________
يديوان الهواشم بيك شرد اكتب
يقاموس الكرم من الكشر للب
اشوفك مره شيخ ومره المعزب
وتتلثم شرط من تنطي للفقره
_____________________
تتلثم شرط چي حيدر املثم
يوزع ابليل ينطي وبالخلك مهتم
صله الله عليكم والنبي السلم
وفاز النال من حبكم ولو نظره
____________________
ولو نظره ردت وانطيك حسراتي
وعلى باب المجالس تلكه دمعاتي
بسمك يالحسن مكضيه حاجاتي
ابجاه ابنيتك المن الضرب حمره
___________________
ابجاه ابنيتك المثلك تفرح الناس
شريفه وهم كريمه وما تهبط الراس
ابوها الحسن عمها حسين والعباس
وكل اللي كصدها ياخذ ابأجره
__________________
كل اللي كصدها ويتعب ابجيه
كرامات ابصحنها ايشوف يوميه
وقبل لا يحجي هيه اتكله مكضيه
وكل كسر ابدليلك هيه الجبره
__________________
سيد محسن الجابري

گــوم يـاعمــه أخــذني الكـربـله
حـزام هاي الناس متحـزمـه ألـه
ردنــــه يعــمه اليــوم ردنــه على المظلــوم
&&&&&
يلـلـه يـاسـجــاد رد بينــه ألهلـــــــي
بگليبـي شبت نـار وعيـونــي أتـهلـي
اردأشـوف حسـين وولــيده عـلــــي
وجـاسـم وعبـاس عــزي أو كـافلـي
ردنــــه يعــمه اليــوم ردنــه على المظلــوم
&&&&&
گلبـي طفـر لـهنـاك يــاعمــه يريـد
بلكي يجيب اخبار عنهم من بعيد
مــاأصبـر أو أرتــاح عمــه ماأهيـد
خافـن يعمـه النوب يمـنـعنه يزيـد
ردنــــه يعــمه اليــوم ردنــه على المظلــوم
&&&&&
جمرة تـــوج بالروح ماتــبـرد أبـــد
گلبي اشجـلآده البيه مـايسأل بعد
والله يعمه أعليه كل حيلي انضهد
چبدي على العباس من عندي انـمرد
ردنــــه يعــمه اليــوم ردنــه على المظلــوم
&&&&&
شحچـي يعمـه أيـزيــد بيـه هالحنين
وكلمـا أشـوف الـروس يشتد الانــين
من بعـد عين حسين مهموم وحزين
ضـاعت حياتي هناك ويــاهه السنين
ردنــــه يعــمه اليــوم ردنــه على المظلــوم
&&&&&
أشبعـده يعمه أنوب أصبـح هالدرب
وبعـد الاهـل واللـه يـاعمـه صعــب
خـافـن يعمـه النـاس گبلـي تــقـترب
مشـأيـه كلهـه تــريــد تطلـع تنتحـب
ردنــــه يعــمه اليــوم ردنــه على المظلــوم
&&&&&
عاين جمـوع الناس تزحفله زحـف
تـوصـل تريد حسـين والرايه تـرف
يـــم الگبر هاليـــوم آلاف التصـف
زحمـه علي ماكون موجوده تعــرف
ردنــــه يعــمه اليــوم ردنــه على المظلــوم
&&&&&
يصبح مزار الناس گبـــره وگبتـه
وبـعيـنـچ أتـشـوفـيــن كلهه اتعنته
هــذا العـلم منشـور عالي بيمنتـــه
تبقه لقيـام الــديــن تـزهي رايتــه
ردنــــه يعــمه اليــوم ردنــه على المظلــوم
&&&&&
شما جمعت الظـلام تمحـي هالاثر
يصعد يظل ليفوگ عالي ويه الگمر
مـاهمـنه هــالاقـزام لاهمنـه القـدر
ويـاخـذ الثـارهــنـا بيـده المنتظـر
ردنــــه يعــمه اليــوم ردنــه على المظلــوم
&&&&&
خادم الحسين ع
الحاج ابو ايادالبيجاوي

ياهو كال انسه الحسن
بروحي بانيله صحن
والبقيع وداعة امه من يمر طاريهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

انقسم كلبي اثنين ياضي عيني
نص الك والثاني لجل حسيني

الدمع لجلك وللنايم عله الغبره
قطره لأجل ابوسكينه والك قطره

الحمد لله والشكر
حتى دمعاتي التدر
بالتساوي يبو محمد الكم اذرف بيهه
الفاتحه لأم البنين وللحسن أهديهه
بروحي بانيله صحن
●●●●●●●●●●●●●●●

شكد احب حروف اسمك
ودوم الهج بيهه
ولون عندي إبنين عشره
مجتبى مسميهه

يبن كوثر علي فاطمنه العفيفه
اتمنه كل ابنيه اسميهه شريفه

هذا واقع شعر
صارن عيوني حمر
ياغريب إمن البواجي اعليك يمبجيهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

ما نسيت آلام جبدك
والطشت واحزانه
الله لا ينطيهه أميه
والجمل وفلانه

همه الي إمنعوا دفنك
يم طه وكثر ونك
ونعشك جم سهم صابه
وجبدك دامي بخضابه

ابدال تشييع او ورد
اسهامهم كامت تهد
عالنعش وعيون اخيك الكافل اتصدليهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

آنه سويت الك حضره
يا طبيب جروحي
كبرك تراب وحجاره
وكبر ثاني بروحي


شكثر صعبه .. مسه الغربه
يمر عالمحد بكربه...بقربه..


بس حمامات الغرب
اتسوي مجلس عالترب
تصفك جناح الهضيمه اعليك يا واليهه
الفاتحه ﻷم البنين وللحسن اهديهه
بروحي بانيله صحن
●●●●●●●●●●●●●●●

التمس نظرة حنانك
ها يشيخ الساده
العبد وين ايروح كلي
غير بس لسياده

حلفتك بزينبكم ورقيه
وصي الكبر لا ينطبك عليه
ويوم الحشر اريدك
إتدخلني جنتي بيدك
كلهم بجه ادموم ولطم عليه


الجَنة الخِدام اريد
ينحشر ويه العبيد
ما نساني ولا نسيته وهالربح تاليهه
الفاتحه ﻷم البنين وللحسن اهديهه
بروحي بانيله صحن
●●●●●●●●●●●●●●●
علي الابراهيمي

لا تدفنون .. ماي العيون
جيبو بنتي إمن اليسر
خل تنام اعله الصدر
ويه عبدالله
●●●●●●●●●●●●●●

عني راحت والمدامع
علكمي ويسيل
مادرت فوكاهه راسي
بالرمح يميل
تمشي وتطش بالبواجي
لجلي مي سبيل
وعالهزل شمت حناني
الما اله بديل


وكامت اتنوح .. آ يمذبوح
اليتموهه امن الزغر
خل تنام اعله الصدر
ويه عبدالله
●●●●●●●●●●●●●●●

حسين ناده وصاح نحره
يلي شايلين
جيبو وياكم رقيه
يوم الاربعين
ويه عبدالله اريدن
تشبج الادين
هيه تحجي عن متنهه
وهوه عالوتين


ومن ينامون .. ما يكعدون
منهه اريد اشتم عطر
خل تنام اعله الصدر
ويه عبدالله
●●●●●●●●●●●●●●●

ودعت وياهه احله
واغله ذكريات
ومن بعد حضني وحناني
عالرمل تبات
من رقيه ومن ضماهه
شيب الفرات
تجوي رجليهه الصحاري
وهنه حافيات


فوك التراب .. نوم الاحباب
والرمل مثل الجمر
خل تنام اعله الصدر
ويه عبدالله
●●●●●●●●●●●●●●●

كلبي يمهه وروحي ظلت
عالضعن تحوم
اشما يضربوهه ابمتنهه
توكع وتكوم
اتصيح آه اتمد اديهه
وتمسح الدموم
وبحضنهه امن البواجي
طاحن النجوم


راسي وياج ... والله يرعاج
ام المتونج الحمر
خل تنام اعله الصدر
ويه عبدالله
●●●●●●●●●●●●●●●

أملك بصدري مساحه
بيهه تستراح
خل تنام بنص ظلوعي
ضحكة الصباح
رايد اشبكهه واشمهه
وتنتهي الجراح
وانسه سهمي الصاب كلبي
وخنصري الي راح

وكل الأوجاع .. تنسي ابساع
من تجيني ام الخدر
خل تنام اعله الصدر
ويه عبدالله
●●●●●●●●●●●●●●●

لا تكلولي رقيه
إويانه ما تعود
إمعلكه بعيني ورمشهه
وردة الورود
هالمصاب اشسوه بيهه
جاوز الحدود
وبوجهه إمن المدامع
ما بقت خدود


الشبعت انياح .. يمي ترتاح
الشافت انجوم الظهر
خل تنام اعله الصدر
ويه عبدالله
●●●●●●●●●●●●●●●●

ش/ علي الإبراهيمي

لسان حال حبيب وهو يُستقبل زوار ابي عبدالله عليه السلام

يــا هلّـــه وميـة هلّه بــزوار الحسـين
يــا هلّـــه وميـة هلّه بخـــدام الحسين

****
نــادى چنه بصــوت يا أهــلاً يزاير
يا الله حيــاكم ينــادي ابـن مظــاهر
والله مــا ننسه البقو فوگ السواتر
بدمهـــم الإعـــلام رفــت عالمنـايـر
دمهم أصبــح أيـه للنصــر المبيــن
يا هله وميـة هلّه بخـــدام الحسين

*

طبــع المعّـزب يــرحـب باليجـونــه
وأِلهم لطــول الدرب تشبـح عُيونـه
صــار عـام إنتاني جيّت الفـارگونـه
يـا هــله وميّـة هـــلـه بالناصـرونه
والله يا محــلاها جيِّتْ هل الملايين
يا هله وميـة هلّه بخـــدام الحسين

*
الله كــرمني أظــل خـــادم لأمــامــي
وبيــدي زواره أخّطنـها الاســامــي
يرتوي الزاير لون طَبْ يمه ضـامي
هو ديني وسر يقيني وسر غـرامي
بيــدي اكتبهــا اسأمــي الــزائــرين
يا هلّه وميـة هلّه بخـــدام الحسين
*

بكل فخر من اكتب أسماء المواكب
وكلها بالخدمه تنول أعلى المراتب
دمعي يهمل لو شفت خادمنه غايب
علكو صــوره اله وتحـت التــرايب
والله بالــخدمــه أسّجــل حاضــرين
يا هلّـه ومية هــلّه بخّدام الحسين

*


اكتب أسماء الحَشـدْ وأهـــل الحميـه
تعنــو وگصـدو مشـــي للغاضــريـه
ادري رفعــــوا عالســواتـر بنـدقيــه
وضحوا أرواح أبفخر لأبـن الـزچيه
راح أسجلهـــم مشــــو بــالأربعــين
يا هلّـه ومية هــلّه بخّدام الحسين

*

كـّونْ نرجــع هسه وتعـــود البواسل
عابس وجون او وهب ذاك المناضل
وي الحشد عالســاتـــر بهمه نقــاتل
ونعتني مشــايه وي هـــاي الجحافل
وبالضـــريــح أتلبــي كــل الثائــرين
يا هلّـه ومية هــلّه بخّدام الحسين

*
الشاعر
موسى البديري

رفت رايات المشايه
رفت رايات المشايه

،،،،،،،،،،،،،،،،،،،،،،،،،،،،،،،،،،،،

يمشيلك گلبي ودمعاتي
وجروحي وحرگة وناتي
مكتوبه وتقرأ براياتي
زينب ما عوفچ مولاتي

يا چلمه وحليتي الرايه
رفت رايات المشايه

،،،،،،،،،،،

والموت بدربك چن راحه
والمؤمن عباس سلاحه
گاع الله وتحتاج افلاحه
من نمشي تخضر چم واحه

يا جود وما يخلص مايه
رفت رايات المشايه

،،،،،،،،،،،،،،

يحسين نزورك مولانه
نهتف عباس اتلگانه
هاي الدنيا اتزور ويانه
نمشيلك غير انته حمانه

يليمك دگينه الثايه
رفت رايات المشايه


،،،،،،،،،،،،،،،،،،،،،،،،

يا دكتور ونشفى بأيده
رغم الهسه يسيل وريده
هاي الوادم كلهه تريده
يمك والله وماهي بعيده


يا غايه النه واعظم غايه
رفت رايات المشايه


،،،،،،،،،،،،،،،،،،،،،،،،،،،،،،،


خدام وعلموعد جينه
وحسين أولنه وتالينه
كافل زينب ما ناسينه
تاج وعلراس مخلينه

من كل بيت وكل ولايه
رفت رايات المشايه

،،،،،،،،،،،،،،،،،،،،،،،،،،،،،


يمك رايد يصبح موتي
وامشيلك وانه بتابوتي
ما يسكت هم يهتف صوتي
يجنازه الكفالچ فوتي

طبيت الدار الحمايه
رفت رايات المشايه


كلمات خادم الحسين
رعد الفريجي
1442 للهجرة
الاثنين 21 / 9/ 2020

قصيدة : المشايه

🏴🏴🏴🏴🏴🏴🏴🏴🏴

من بيتي طالع معتنيك إبغايه
ضيعني بدروبك جدم مشايه
مشايه مشايه
@@@@@

ازحف زحف وأجيلك
دگة نبض وأشيلك
وأحسك حياتي

ابچي إلك عيوني
حبك سبب جنوني
يمالكها ذاتي

اعرض إلك جروحي
الچم وإخذها روحي
الى حد مماتي

دمعي شرح بياني
افصح نطق لساني
بيقيني وصلاتي

شايل الك عمري بعمود الرايه
ضيعني بدروبك جدم مشايه
مشايه مشايه
@@@@@@

يابو الايمه نذري
بس عمري عندي عمري
افرشه اعله بابك

وجهت وجهي صوبك
كل خطوتي إبدروبك
اخاطب جنابك

يا اولي وأخيري
بحبك طهر ضميري
وسامي بمصابك

شاريني إبخدمتك
اقبلني ابعتبتك
اضيع ابترابك

لو ذره بترابك تعدني إهوايه
ضيعني بدروبك جدم مشايه
مشايه مشايه
@@@@@@

مو شايف ابنظرتي
بس لامس ابخدمتي
وأگول بيقيني

عاشگ عرف حبيبه
گالوا عشگ مصيبه
يعاشگ حسيني

يحچي عمر لهيبي
من ناري الحبيبي
كلامي ابحنيني

هذا الدرب مشيته
مو بالمشي گضيته
طويته بونيني

السان الدمع كل دمعه الف حچايه
ضيعني بدروبك جدم مشايه
مشايه مشايه

@@@@@@

صار اللطم هويتي
بي سولفت قضيتي
ينعم القضيه

المشيك سنه هايم
طول السنه صايم
صيام ابرزيه

اذكر درب مشنه
كل الدرب بچنه
سكينه ورقيه

إهنا اسروا خواتك
وإهنا اجن بناتك
سبيه وسبيه

لمن رجع ظعنك منو حدايه
ضيعني بدروبك جدم مشايه
مشايه مشايه

@@@@@

هذا المشي عقيده
والطلعه مو جديده
بدايه ونهايه

درب السبي ايتكلم
كل منطقه بمحرم
حچته السبايه

وصلت لنا المسيره
محله المشه بضميره
ويدوس المنايه

وينادي بالمواكب
واجب مشينه واجب
وإيصيح ابدرايه

شمسوي حبك ياحسين إسوايه
ضيعني بدروبك جدم مشايه
مشايه مشايه

@@@@@@

متعجبه العجايب
حب يبدي من مصايب
وتلاقي بنوايح

وصوت اللطم ينادي
خل يسمع اليعادي
وتأذن صوايح

ايوحدنه هذا دربك
ويلم شملنه گربك
نفوت ونسامح

إبهذا الدرب سلامه
تبگه رسم ختامه
دموم المذابح

إبجاه التوذر يم المسنايه
ضيعني بدروبك جدم مشايه
مشايه مشايه

🏴🏴🏴🏴🏴🏴🏴🏴
#راضي_الفيصلي

هاي احنه بمحاري الطف يحادينه
إذا ما تشم عطر إتراب~~ نادينه
@@

حط إهنا يحادي وأبتعد عنه
وعين ال موش منا لا تصد النه
خل باچي الدرب مشايه نتعنه
ونندل بعد مو حاجه تدلينه
@@

حط ارچابهن ومن الهزل نزلن
ومن تعب السفر مثل الورد ذبلن
شگد هم وهضم من اليسر حملن
وصاحت بيهن ام الخدر ردينه
@@

لمتهن ونادت آنه ال أجدمچن
إهنا يلي الدهر وياي دولبچن
تبعن اثر جدمي وبالمشي لبچن
مشايه نطب أگبور اهالينه
@@

مشت زينب وأخذن اثر ممشاها
وكل ما هي حنت حنن اوياها
بچت والكل غده يبچي عله ابچاها
تگلهن حلت الساعه البواچينه
@@

وين الفاگده خل تلحگ اجدامي
وتلچمني ابنعاها وتوجر آلآمي
منعت إبچاي من الكوفي والشامي
خوفي إمن الشماته تشتمت بينه
@@

إجيت ابچي إعله خوتي واسبل إدموعي
ومن حني اخلي ال بالگبر يوعي
وگللهم شسوى السوط بضلوعي
وأحچي إمن اليسر كل الجرى اعلينه
@@

صيحن ي الحرم لو صحت خويه حسين
إنشدني رحت وين وإجيت منين
هاي اهيه الأمانه بس بگالك دين
بالشامات جيتك عايفه ارهينه

🏴🏴🏴🏴🏴🏴🏴🏴🏴🏴🏴

#عزیز_الفيصلي

يبن امي الغالي فجعونــه
من سمو چبــدك سمونــه
**
ياابو محمــد انـــت الطيبه
وبـيرغ انت وبيـك الهيبه
ضوّت بيكــم مكـه وطيبـه
حبكــم بلســم ويشربونـه
**
ماسمــو چبدك يالغالـــــي
سمــو چبد الهادي الوالي
ياضــي عيوني ودلالــــي
وبَّسّّمك رادوا يسبونـــــه
**
يسبونـه رادوا بغيابــــــــك
واحنــه يالغالــي احبابــك
شوف حســين احتار ابابك
بسَّمــك أذوه واذونـــــــه
**
زينب آنـــه أوأمي البضعه
مانشفت من عيني الدمعه
گلبـي بفرگاكــم لتفجعـــــه
ومـــن كثــر ابچانـه ملّونه
**
تدري حسين وتدري بگلبه
هو يحــبك وانت تحبــــــه
ياخويـه خوتكـم صحبــــه
هالخـوه اعليهه ايحسدونه
*
ليبش اتفجعه خويه بچبدك
ريتـه بگلبي صاير سمــــك
ولاشوف حسين يطخ يمـك
راســه ويچــي ويلومونــه
*
عاين عباس ولوعاتـــــــه
بگليبه ظلن چلماتــــــــــه
يبن أمي طاحـن دمعاتـــه
حرگــن وجناتـه وعيونــه
**
يبن امي وتشوف اعيالـــك
كلهه تنحـب خويه اگبالـك
آنـه ادري أتأذه دلالــــــــك
وروحك ياخويه مسحونه
**
ياخويــه دمك من شفتـه
لگليبـي واللــه هشمتــــه
الله ايعينــك واتحملتـــه
بأحقــــاد الدنيه ويرمونه

نسالكم الدعاء
خادم الحسين ع
الحاج ابو البيجاوي

يعمري الراح ويچبدي الطاح اخوي حسين عذبني
يگلبي الصاح عليه وناح يمي والظهر محني
اخوي حسين عذبني
****
شفت لوعـات هدّتــني شفـت آلام ماتُذكـــّــر
عشت آهات للزهـــــره وضلع منهه بقه مكسّر
وبچاهه ايزيد عالهادي سلهه والگلـب منطـــر
وشفت لحظات موتتهه شبگتنه وجمر يسعــر
تكظهه الآه گظت ويـــلاه منظر والله هدّمني
يزيد ونيـن عليّ وحسين يمـي والظهرمحني
اخوي حسين عذبني
****
يشاركني بجميع الهـم واعوفــه شلون ماادري
اشوفه محنّي اگبالـي يشيـل هموم كل دهـري
گطـّع مهجتي وچبدي هِـدَم حيلي وگظه صبري
ودموعـه فلاچلــــت على خدوده بقت تجــري
يدير الراس علـى العباس ويعاينلي ويخازرني
تصب العين علي كل حين يمي والظهر محنـي
اخوي حسين عذبني
***
يگلي ياشريچ الـروح ياخويه الدهـر غــــــدار
عساني لاعشت بعدك ولاشفت الجره والصـار
شفت چبدك يبو محمد شفته والدليل احتـــــار
ريت الصوبك صابـــه وبچبـده يريته انـــــدار
يبو الطيبــات ألـم وآهـات نعيش وغير مانجني
اشوفه شلون وأنه المحزون يمي والظهر محني
اخوي حسين عذبني
***
نظــــر چبــــدي اذبنـــه يشهگ دمعتــه ايذبهــه
گتلـه يابعـــد عينـــــأي ونيران الگلــــب شبهــه
تبچــي ياابو السجـــاد وانــت عازتـــي تسدهه
چـا باچـر دگلي شلون طــف بكربلــه ادهــــــه
تشوف الخيل تحومك بليل من عدهه كثر ونـي
وتظـل اعيال تشوف اهوال يمي والظهرمحني
اخوي حسين عذبني
***
بعــد چبدي يبو محمـد فـديتــك عمري والاولاد
ياخويـه أنـه خلافــــك واللــه مــــاحلالــــي زاد
اخوي ومحزمـي أنـت وانــت اتضيف الوفــــاد
كريم البيت ياخويــه من بعدك هوت الاوتـــاد
اتلگــه الضيف تشيل السيف احبك حيل تعرفني
اسف يالزيـن ينور العيـــن يمي والظهرمحني
اخوي حسين عذبني
***
يخويــه حسين مانسـه ولاتنســه جمـيع النــاس
تحط راسي وسط حضنك ويمي حاضرالعبـّـــاس
ويواسنك على مصابـي تشيل جنازتي اعله الراس
لكــن كربلــه تشهـــــد چتلــك والصــدر ينـــداس
أو محد ليك يشوف شبيك يخويه اشلون علمني
تظـل لاراس ولاالعبـّـــاس يمي والظهرمحنــــي
اخوي حسين عذبني
***
نسألكم الدعاء
خادم الحسين ع
الحاج ابو البيجاوي

بني هاشم للحسن احزانها والنعش دارت عليه شبانها
,,,
بيوم حسره ويوم لوعه ويوم وهم
بني هاشم للحزن رفعت علم
راح شمعة بيتها ومجلي الالم
راح مسموم بغدر سفيانها
,,,
گلب ابو السجاد ذايب بالقهر
حين شاهد بالنعش شالو فخر
صاح يا خويه انكسر مني الضهر
يالعفتني الدنيتي واشجانها
,,,
يالعفتني وروحي لجلك لاهفه
چني شلت اليو نعش المصطفى
خويه من بعدك على الدنيا العفى
روحي مركب والالم ربانها
,,,


راح عمري وياك يا نور العيون
ما يهون عليه يومك ما يهون
لون جدي ووالدي وامي يجون
تنعى امي عليك يا سلوانها
,,,
هناك صوت من العقيله ام الخدر
على مصابك يالحسن ماضل صبر
چم گلب بعد يهيم وينفطر
والمصايب تدري شنهي الوانها
,,,
حين شالوا نعشه ينعون بحزن
والدمع من دم جره وچوه الجفن
عد گبر جده النبي ما يندفن
صاحت البدعه وضحك مروانها
,,,
صاح مفتيها وضحك ابن الحرام
ناده نعش الحسن صيبوه بسهام
ذول ما عدهم شريعه والتزام
باعو الدين بذهب شيطانه
,,,,
والهواشم بالعجل سلت سيوف
ما تريد الهضم ما يعنيها خوف
صاح ابو السجاد اصبرو للطفوف
يوم عاشر يرتفع عنوانها
........
ابو ولي الفاطمي

قصيد ميمر مجنس + كربلائي الى الامام الحسن عليه السلام

گبر الحسن يهل الفتن باجر نعليله الصحن
وتتعتنه كل الزوار بلهفه وتطب للحضره

*
يمته الــزمن ينصف كــريم العتـره
ويبنـي منايـــر بالبقيــع وحضـــره
بصحن الحسن يمته المواكب تقره
يا ضنوتي تهل دمعتي بصوت النويني وحسرتي
لو يمه اذكريني أبصوت حمزه ونجــر العبـــره

*

يمته الــزمن ينصــح آوياهم مــره (مره واحده)
أيـــامــه وي عتــرة محمــد مـــره (من المراره)
بگبــر الحسن يمتــه بحنين أنمّره (نزوره)
أنشوف الذهب فوگ الگبب وبصحنه ينزاح التعب
ونهتف يا باب الله اليوم چف اليضد أنبتره

*
بسابــع صفــر يمتــه ألك نتـعنـه
ويمته نطب باب الصحن والجنه
تدري المحب يــا سيدي شيتمنه
من كربله الكل راجله وتهتف مواكبنا هلّه
زوار أبو محمد هاي بيها البشر مفتخره

*

يمّتـه زيــارة حضــرتـك نعـدألها (نحسب لها)
ومثــل أربعين حسين هم أنعدالها (العده والعدد)
ومشايه للحضره أبشغف نعـدُالها (نعدو نمشي)
أبسابع صفر كل البشر تگصدلك بلوعه وقهر
ومأتم تنصبه الأحباب وتواسي بيك الزهره

*

يمتــه المواكــب يمــك اتدگ ثـايــه
وبّسم الحســن تستقبــل المشــايــه
بوسط الصحن يا سيدي ترف رايه
رايـــة فخـــر مــن الگمر ظلت ترف طول الدهر
هل الرايه تبقى بكل زواد ابن الحسن تنتظره

*

رايــة محمد عالصحـن مــا تهوه (لا تسقط)
الضد الحسن روحي ابد ما تهوه (لا تحب)
گالو إمامــك من زمن مات اهوه (هوه مات)
بعزة نفس ما يندرس ما تگدر اتظم الشمس
شمس الله كبره يظل دوم والما يشــوف أينظـره

*


يمـته الصحـن للعالم يفــك بــابــه
ورغــم الحقـد تگصدله كل أحبابه
لا مــا يــرد كــل التجيـه طــلابـــه
المّد يمنته وهل دمعته يگضيها لابد حاجته
باب الله ابن الــزهراء واليعتنيه أيســره

**
أباب الحسن آنـه افتخر لـو جدي (امد يدي)
تحچي هَزَل گلي اليضد لـو جِدي (كلام حقيقي)
عــن والـدي اذكر خبر لـو جدي (جدي)
الضد الحسن سر لو علن مو طاهرات الرضعن
هذا اليضد أهل البيت هالخبــر عــنْ العتره
*
الشاعر
موسى البديري
5 صفر 1442

نزله للامام الحسن المجتبى عليه السلام

نرفع اصوات الولاء. للحسن هذا العزاء
...............

احنا صح تقصير عدنا والله بمصاب الحسن
لكن تعاهدنه نبقه بخدمته طول الزمن
نحضر بليلة مصابه عيونّه لجله بچن
نلطم ونكسر صدرنه ما نوافي المؤتمَن

صرخه دوّت بالسماء. للحسن هذا العزاء
..................

هذا ريحانة مُحمّد هذا مهجة فاطمه
عالحسن مو ماي نبچي كون نبچيله دمه
يالله ياخدام يالله رفعوا هاي المَضلَمَه
ألحسن مظلوم لازم نحيي يومه ومأتَمَه

بالنياحه والبكاء. للحسن هذا العزاء
..................

احنا مطلوبين نلطم للحسن صبح ومسه
من كراماته علينه هالهوى النـتـنـفّـسَه
منهجه وفكره وعطائه للاجيال أنـدرّسَـه
والدليل القاسم ابنه النه اعظم مدرسه

بكربله ضحّه بوفاء. للحسن هذا العزاء
.................

يالله يالشيعي الموالي للحسن ادّي الفرُض
ألطم وغيض المعادي خل يشوف اليعترُض
عالحسن ناحت سمانه شاركت حزن الارُض
والله ما نترك عزائه حد ظهور المنتفُض

لمن يشيل اللواء. للحسن هذا العزاء
...................

عشره عاشوراء عدنا ما يقل سابع صفَر
ألحسن وحسين واحد والله خدمتهم فخر
لا تقصرون بعزاهم يالتخدمون الحذر
ألحسن يحضر عزاكم والحُسين عله الأثر

نستمع من كربلاء للحسن هذا العزاء
.....................

يشفه چبد الحسن يشفه من تذكرون الغريب
هوه هم يحضر معانه. بالمدامع والنحيب
يصيح مامثله مصابك خويه يحيسن الحبيب
راسك عله الرمح عالي والجسم دامي سليب

يا مُعزّ الاولياء. للحسن هذا العزاء

#سيد_زيد_الفحام
_________________________________