قصيدة (( صلاة السبي ))


شلون اصلي وعالرمح راس الفاتحه
شلون اصلي والاذان اجفوفه منه طايحه

حايره اتوضه بدموع
لو اتيمم بالضلوع

وهيه حيره * شلون اصلي


*************************


شلون اصلي حايره وحيلي انهدم
الفرض حان وصار كدامي العلم
بلايه روح ونابت بعينه سهم
جنه صاح الاذن الدين انثلم

لمن انداس صدر ابن خير البشر
لمن انداس بسيف مغدور الكمر

ومن اعظم بالسجود
كبال عيني يلالي جود

وهيه حيره شلون اصلي


*************************


شلون اسمي بلوه مايطلعلي صوت
امنيتي احجي لاكن احجي من سكوت
حبال بيدي ارفعهه صعبه للقنوت
لمن ادعي كون يارب هسه اموت

شلي بيها روحي من ذبحولي اخوتي
شلي بيها وبذن غربه انسمع صوتي

ياقل هوه الله احد
القبله مضروبه بعمد

وهيه حيره شلون اصلي


****************************


شلون اكبر ايدي ورمتهه السياط
امتوني زركه والوجع بكليبي شاط
من خذونه اسره بل طك والياط
برفعت ايدي جن رمح بضلوعي حاط

من ارفع ايدي راس اخوي من الرمح
من ارفع ايدي ايكول اعذري المنذبح

معذور كتله يالوفي
وعيوني غركن بالبجي

وهيه حيره شلون اصلي


******************************


شلون انوي النيه خنصر ونكطع
بجف اخيي لنسلب لمن وكع
الشذره ايه بيهه ما واحد سمع
من قراهه فطرس جناحه رجع

والهضيمه حسين متكطع وصل
والهضيمه عالرمح راسه انحمل

من شفته فاضت دمعتي
وبانت ملامح غربتي

وهيه حيره شلون اصلي


****************************


شلون اركع ضهري مكسور الكلب
حملي مال او نوقفي كلش صعب
حيل ماضل حيل تعبني الدرب
بس اشاكف لليتامه من الضرب

طكه اصدهه ومنهه تتوجع اديه
طكه اصدهه والثانيه اتطيح برقيه


ومن تصيح امن الالم
بيه جن مايبقه دم


وهيه حيره شلون اصلي


******************************


كلمات
الشيخ حيدر الكعبي

شوط كربلائي للامام الحسن عليه السلام





مسموم الحسن مسموم=وبگـبره انـدفن مظلــوم
*
يبن امي ويبن عــودي=نهر من الكرم والجــود
يبو محمد صدگ ترجـع=ولــدارك تـــــرد اردود
خطارك يبو الشيمــه= كــل ساعــه عليه اتعـود
لچن جدامي اشوفنه=نعشك بيدي اضمنه = گظيت بآه وبونه
جدامي الطشـت وچبـود=من بطنك تــذب ادموم
*
ياخويه تجـي الوفــاد=ولعــد ضيفــك تقــدملــه
زادك والشــرب تنطيـه=وتكـــرمــه ويـرد لهلـــــه
چنت هيبه يبعد الروح=واحلــه من الگمـر واحله
تسامح والعفو عندك=من جدك خذت واهلك = جودك للخلگ نحرك
وجازوك بظلم خويـــه=وبت اشعث علـيك اتحوم
*
ياخويه بعد شحچــــي=مهيوبــه چـنت بحمــــاك
احبن طلعت رسـومـك=وياعمــــري الگظيته وياك
واخوي حسين والعباس=كلنــه ننــظــر لعينــــاك
وصوابك يبو محمد = سمك للچبد مرعد = عسه چبدي بداله اشتد
وتنهض ماتشوف الموت=وعسه عمري گظيته اليوم
*
يبو محمد عفاهه الروح=من بيعدك يبو الشيمـه
مثل نسمة وتمر تفـــوح=ريحك من تمر هيــــــبه
ضاگت دنيتي بليـــاك=بجالك ماشفــت غيمـــــــه
نصبولك شرك للموت=من بيتك سمعنه الصوت= ينعه ايحضر التابوت
ولن جعده اوضعت سمك=واخلافك جنيت هموم

عشت ياخويه دنياتــك=مظلوم اوشفـــت آلام
مـن گومـك يبعد اختـك=وكلهـه تندعي الاسلام
گبلك غــدروابحـــــــيدر=لاتفــرح يبو الايتـــام
گوم وبايعوا چذبه = عليك تشاودا غربه = وكلهه ترتجي الرتبه
لچن بعدك ينور العــين=يشربون الندم واللـــــوم

يبو محمد بعد موتـــك =نعشك بالسهم صابــــوا
ماقبلوا تنـــام ويـــــاه= جــدك بالغــدر عابـــــوا
عباس البطل اغضـب = يگظيهم لون عافــــوا
بس حسين ياخويه = يگلهم كلهه مرويه = وهاي الدنيه مگظيه
وهناك العتــاب ايصر =والظالم يـــرد محتـــوم
***
نسالكم الدعاء
خادم الحسين ع
الحاج ابو البيجاوي

گعـديــه
الـشــام 0 الـشــام0 الـشــام شـگـد شـفـنـه بـيـچ الام
يـمـچ زيـنـب مســبـيــــه ومـدفـونـه بـيـچ أرقيــه
شـگـد شـفـنـه بـيــچ آلام
&&&&&&
آه0 يـاشـــأام المـظــــالــم شـفـنـه يـمـچ بــس أذيــه
أنـتـي وي نـاسـچ شمـاتـه اتـــشـمـتوا بـآل الزچيـــه
چـم وضـيـع هنـاك شفنـــه ايــأشــر الـزيـنب سـبـيـه
وهنـاك شفنـه المـظلمـــــه مأشـفـنـه أبــداَ مـرحمـــه
مـن الـگـلـوب الظـالمـــــه بــيـچ يــاشـــام الـبـليــــه
أنسـاچ0 أنسـاچ0 أنســـاچ يـاشــام شــلـون أنساچ
مــاكــو يـمـچ حــريـــــــه ومـدفـونـه بـيـچ أرقيــه
شـگـد شـفـنـه بـيــچ آلام
&&&&&&
نـاس شـفـنـه بـلا ديــانــه بـالشــتـايـم گـابـلونــه
آنـي وي عمـتي وخـواتي بـالـخـوارچ يـنـعـتـونـــه
مـادروا بـيـت الرسـالـــه كـلهـم أبـداَ مـارعــونـــه
والطيب نشروا والـفـرح والگلب من عدنه انجرح
بيـت النـبي هيچي صبح يـم عـدونـه يـگـفــونــــه
الـلـه0 الـلـه 0 الـلــه الشــاهـــد هـو الـلـه
مـاعـدهـم رحمه شويــه ومـدفـونـه بـيـچ أرقيــه
شـگـد شـفـنـه بـيــچ آلام
&&&&&&
گـعــدونـه بـدار ذلــــــه بلاسـگف چـانـت خـرابه
أتــنــدر الشامـت علينـه ويـشـتـم أيـكـثـر سـبـابــه
كـلـهه أطـفـال وارامــل أبــد مـاظـلـت مـهـابـــــه
يـاشــام ربـيتـي العـلــل الصـار يمـچ والـنــــــزل
تدرينـه من خيرالعمــل من النبي أحنـه گـرابــــه
أوياچ0 أويـاچ0 أويـاچ طـلبـاتـي صعبـه ويــــاچ
روعـتـي شـچم أبـنيـــه ومـدفـونـه بـيـچ أرقيــه
شـگـد شـفـنـه بـيــچ آلام
&&&&&&
والمصيبه الكبره يمـــچ راحـــت بـگـاعـچ رقـيـه
تـحـلـم بشـوفـة أبــوهـه أتــدور هيــه بـالـثـنيـــــه
بالبـچـي گظت عـمرهه ومــاهـدت أبـداَخطيــــــه
والـراس لمـن شافــتـه گـامـت عليـه وحضـنـتـه
يــابـويـه شهگت نادتـه يمــه سـبـگتـهه الـمـنـيه
تموت 0تموت0 تموت يمـه مسـبيــه أتمــــــوت
زينـب ظلـت محنيــــه ومـدفـونـه بـيـچ أرقيــه
شـگـد شـفـنـه بـيــچ آلام
&&&&&&
وبـرغــم هـاي المـآسـي أحنـه وصـلـنـه الـرسـالــه
بــيـچ ذلـيــنـه الاعـادي عمـتـي وآنه بـكل بسـاله
والامور هناك وضحت أحنــه مـيـزان الـعـدالــــه
وبـيــچ ذليـنـه الـنــــذل وارفـعنـه رايات العــــدل
أحنــه أبــد لامــانــــذل احنـــه ذليـنـه رجـالــــــه
الثـار0 الثـار0 الثــــار للمـهدي عفنـه الثــــــــار
يــاخـذ ثــار الـذريــــه ومـدفـونـه بـيـچ أرقيــه
شـگـد شـفـنـه بـيــچ آلام
نسألكـم الـدعــاء خادم الحسين ع
الشاعر ابو اياد البيجاوي

قصيدة ( يمته نزوره ) الى الامام الحسن عليه السلام

يمته نـــزوره وعالگبــر ننظـر منايـر يمته المواكــب تهتف أتفضل يزايــر
وكلها اتعناه تجمعنه ذكراه يمته المواكــب تهتف أتفضل يــزايـر

*
يمته نگصــد للحسن احنـه بمواكــب
للزيـاره أهنــاك غصبن عالنواصـب
نعلـي رايـــة يا علـي والكـل تـــراقب
بحضرته التيجـان تخضع والمـراتب

كلها تزوره وبالصحن تهمل دمعها عاشوره أبسابع صفـر كلهـــا فجعها
بالهم ندبناه تجمعنه ذكراه يمته المــواكب تهتف اتفضل يــزاير

*
كون سابـــع صفــر نبــديها المـــآسـي
يبدل إعــــلام الصحن مـوكــب رئأسي
وتعلن ليومـــه حـداد أهـــل الكـراسي
وللزچيه بالحسـن نگصــد نـــواسـي

يمته أنّتعَنه وبالگبر ننصب عزيه يمته نواسي الطاهره الزهره الزچيه
نتعنه ننعاه تجمعنه ذكراه يمته المــواكب تهتف أتفضل يــزايــر

*
من ضريـــح الحسن نحييها الشعــائــر
نلطم أصـــدور ونهـــل دمـــع النواظـر
بليلة القاسم شبـــاب الشيعــه حاضـــر
والنويني اليقــــره عالبــــث المبـــاشر
جسام ياضنوتي رايح رايح من أعيوني
ما رحمني الدهر وأنـــت نـــور البصـــر
رايح رايح من أعيوني

أبصوت المواجع نستمع احنه لمصابه ونعلگ شمع ونهل دمع جمرة شبابه
وأّنادي ويلاه تجمعنه ذكراه يمته المــواكب تهتـف أتفضل يــزاير

*

أهناك مـن صحن الحسن نور الهدايه
نـــرفـــع آذان التشـــهـد بالـــولايــه
وتمســـع إذانـــي بفخــر كــل البرايا
علــي مـــن الله أبكتابــه أعظــم أيـــه

عالمبــاشــر يُنقــل أذان المنــاره وتنّقـــلْ للعالـــــم أهنــــاك الــزيـــاره
تشاهدها عيناه تجمعنه ذكراه يمته المــواكب تهتف أتفضل يــزايــر

*

كــــون مشـايـــه انتعنـــه أبـــربعينه
مـــن ضريـــح حسين نگصــد المدينه
والمـــواكب كلها منتشـــره وحــزينه
تنادي اهلـن بيك يــــا زايــــر ولينــه

أتفضل يزايـــر للحسن هاليله يمنه يسجلنه في سجله الحسن ليكم خِدمنهَ
بعزه خدمناه تجمعنه ذكراه يمته المــواكـــب تهتف أتفضل يــزاير

*
الشاعر
موسى البديري

جينه انواسي بالمذبوح يالزهره تلكينه
.......
نواسي منحره.....والدم الجره
الليله صرخت العشاك فوك الجمرمشينه
........
وفايه وعلي....لحسين الولي
نتفاخر الج خدام نعم الخدم تلكينه
.......
حضرت شيعتج....تسمع ونتج
هليله الج خدام يم الحسن تدرينه
.........
نسحك عالخطر...بجدام القدر
بلكي بدمنه للمذبوح قطرة الدمه وفينه
........
نوفيلج عهد....نبقه للابد
وفايه والج للموت يم الحسن تدرينه
.....
حضرت شيعته ...كلهه ابخدمته
وداعت نحر ابو السجادحيل اللطم شدينه
.........
طاحت عالطم....هليله الزلم
بلكي ابدفتر الخدام يالزهره تسجلينه
..........

يالزهره المحن...ركبت عالوطن
يصرخ ينحب من الموت يالزهره تسمعينه
.......
علي الحاج الصبيحاوي

اجت زيبنب سبيه ها يعباس
اوصلت هل المسيه هايعباس
.............
على كبرك كعدنه ... على جفوفك نشدنه
اياعزنه وسندنه .... اجت زينب سبيه
ها يعباس
.....................
عليك ابحركه صاحت .... هوت عالكبر طاحت
الك رضعان ناحت .....يهل بيك الحميه
ها يعباس
....................
صحت ياكمر هاشم ... شووف انته الفواطم
تمنيت انته سالم ....منوا اليجسر عليه
ها يعباس
................
بحبلهم جتفوني .... يخويه ويظربوني
الشمر ورم امتوني ..... وانه اشكف بديه
ها يعباس
.............
غريبه ويه اليتامه ....شفت منك علامه
على شاطي الندامه ...بقت رايه رميه
ها يعباس
...................
الك مشبوحه عيني .... وانه انطر تجيني
منوا يصبر ونيني ..من اطب الغاظريه
ها يعباس
......................
علي الحاج الصبيحاوي

ماتطيح الرايه.. الله وصه بهايه
من ابوفاضل الزينب وصلت المشايه
……
رايتك منصوره.. يبو چف مبتوره..راية اسلام
ترتفع بالعالي.. ياعزيز الغالي.. مرت اعوام
چفك العلاها.. الزينبك وداها.. بين السهام
زينب الجابتها.. للمشي ضمتها.. الهاي الايام

من نسوي قرايه.. ماتطيح الرايه
من ابو فاضل الزينب وصلت المشايه
……
هل اجت زوارك.. تعتنيك الدارك..يبن السباع
بربعين احسينك.تشوف رايه بعينك. مثل الشراع
رايتك تلگيها.. چن كفيل البيها..بيوم الوداع
بالسمه مرفوعه..رايه مامفجوعه.وطاحت بگاع

فوگ المسنايه.. ماتطيح الرايه
من ابو فاضل الزينب وصلت المشايه
…… ..
بالكفيل وزوده..بكل شبر موجوده..راية حسين
من يرفرف بيها.حقها خل ينطيها. وحگ الثنين
والذي حاملها. اخته مازعلها.. طول السنين
زينب اتحاچيكم..ابرايته اتوصيكم.. وانتوا ماشين

عدنه يمكم غايه.. ماتطيح الرايه
من ابوفاضل الزينب وصلت المشايه
… ..
بالدرب محفوظه..تنچفي مرفوضه. راية احرار
تگطعن چفينه.والسهم نص عينه.. وعبرت النار
والعمود بهامه.حسين فك احزامه.ولوعت الصار
لچن ماعافها. عالصدر خلاها.. الصاحب الثار

المهدي عنده ادرايه.. ماتطيح الرايه
من ابو فاضل الزينب وصلت المشايه
…… .
بالمشي حاموها. ها يهالجبتوها. ترفع الراس
حركوها ابهمه. هايه راية امه. ومجمع الناس
خل ترف وتنادي. هايه راية حادي. اسمه عباس
للفخر عنوانه. قائد السفانه. وسفه تنداس

باقي عندي حچايه.. ماتطيح الرايه
من ابو فاضل الزينب وصلت المشايه
……
علي الحاج الصبيحاوي

في وفاة السيدة رقية (ع)

بويه وينك شوف زركه امتوني !
اوكلي ليش امعصِّبات اعيوني ؟!

دمعي شوفه .. اوجَرحي روفه .. يغله منّ انفاسي

& & & & &

آنه يا بو اليمه بنتك .. إنته وينك رِد عليَّه

شوف متني أصبح ازركـ .. اوشوف دمعاتي الجِرِيَّه

اشلون خليت الأعادي .. اتكيِّدِ اِبْلِحْبالِ اِيدَيَّه ؟!!

اوليش صاحوا لي يبويه .. مو رقيه انتي سِبِيَّه ؟!!

ليش مو إنته تِجِي اِتْحاميني ؟!
امدلّلـه وامخدّره تدريني

دمعي شوفه .. اوجَرحي روفه .. يغله منّ انفاسي

& & & & &

بويه ليش اَزلام اميه .. طفله آنه اويشتموني ؟!

اوليش منَّ ابجي ونوحن .. عالوَجِه هُم يسطروني ؟!

ابلا ذَنِب بويه اوجِنايه .. كلي ليش ايعذّبوني ؟!

اومن حَنَانك يا حبيبي .. ليش اميه يحرموني ؟!

يالأبو سالت دمه امن آذاني
امن التراجي سلّبت عدواني

دمعي شوفه .. اوجَرحي روفه .. يغله منّ انفاسي

&&&&&

شوك بَجْدامي يبويه .. لمَّن اَمشي يدخل اكثر

والأيادي سوده صارت .. لن رماد اخيمنه أثّر

شبَّت النار ابعباتي .. اوبالكلب هم نار تسعر

ليش ما طفّيت ناري ؟! .. اوليش ما فَزْ ليَّه حيدر ؟!

اجفوفي محتركات منِّ العاشر
اومثل صدرك منكسر لي الخاطر

دمعي شوفه .. اوجَرحي روفه .. يغله منّ انفاسي

& & & & &

من وِصَلنه الشام اَخِبْرك .. غَفّت امن اَحزاني عيني

بالحِلِم شفتك يبويه .. اتضُمني واتبوسن جبيني

اومن صحيت انظُر شمالي .. صرت وَنْظُر هَم يميني

بس يوسفه ما لكيتك .. اوزاد يا بويه وِنيني

لحظه لن راسك وسف جابولي
هذا ابوج البطشت كالولي

دمعي شوفه .. اوجَرحي روفه .. يغله منّ انفاسي

&&&&&

شِفته راسك بويه لاجن .. ما شفت حِضْنك يغالي

جِنْت اَريد اتضُمْني كوَّه .. وَأذْكُر ابحِضْنك دَلالي

من إجيت ابلايه جسمك .. موتي يا بويه إجالي

اوحته ما أنظُر دموعك .. موتي عد راسك حِلالي

آنه خلّيت اعله راسك راسي
اوقرّرِت ألفُظ أخير اَنفاسي

دمعي شوفه .. اوجَرحي روفه .. يغله منّ انفاسي

& & & & &

عالأبو هالناس كالت .. درع مرَّه اومرَّه خيمه

اوآنه بويه ابإيد حاقد .. عافني اوياهي هظيمه

الحياةِ ابغير والد .. يا بشر ما إلها قيمه

اوعالأرُض ما يوجد اَصعب .. من أحاسيس اليتيمه

صعب إحساس اليِتِم يا عالم
الهذا شفت الموت اِلِي اهواي اَرحم

دمعي شوفه .. اوجَرحي روفه .. يغله منّ انفاسي

&&&&&

خادم رقية (ع) : إبراهيم الدريس

شهادة السيده رقيه
.واسئلكم الدعاء
.
.



من زمان .. ما گـتلك يابويه شلونك
من زمان .. ومابستك مابين عيونك
فارگتك من يوم العاشر
اســئل ويگلولي مسافر
من زمان

*

ان چان ماتعرفني ياهــي ورايد اتناشد عليه
انـه شــريـــان البـــگــلبك انــه يابــويه رقــيه
چان ثلث اسنين عمري ومن عفتني صار ميه
تغيرت مـــن يــوم حطو حــبل يابــويه بأديه

بالطريق .. تمنيتك حاضر يالغالي
بالطريق .. حــاديهــم لــوع دلالي
ايگلي طشرنا بالحافر
اسئل ويگلولي مسافر
من زمان

*

بويه من جابـولي راسـك قــررت ابدي الزياره
دنگـت ردت انه ابوسه حتى گلبي يطفى ناره
شفت وجهك يابس اعليه دمه بالعاشر تجاره
دورت لنــهـــا جبهـــتــك شاجــيه بالحـجاره

ياحرام .. متــغير منــظر سجداتك
ياحرام .. وبالدم مصبوغه وجناتك
مروتك بويه بيك شصاير
اســئل ويگــلولي مــسافر
من زمان

*

رايده اشكيـــلك يبويه عالضرب والسوط والجر
وعالشماته وعالاذيه وعالشمس والعـطش والحر
بالدرب ابتلي بلــوه وداعــتك لو جـــدمي يعــثر
اتگطع السوط اعله متني چي گلت ياجد يحيدر

من بچيت .. دمعــاتـچ گالــو مــمنوعه
من بچيت .. يابنت المهشومه اضلوعه
الوادم ليش اعليه اتشامر
اســئل ويگــلولي امسافر
من زمان

*

صارلي اچم يوم بويه ابفي حنانك ليشم ماحس
يالچنت من فيض عطــفك دنيــتي حــنيه تارس
بويه اخــر مره شفــتك چــان ثــغرك حيل يابس
مــن وراها مابــقــالي اوداعــتك بالــماي واهــس

من ضميت .. الدنيه خلافك صارت صحره
من ضميت .. ودلالي اصــبح عــگبك جمره
شگد هل لخلافك هالناظر
اسئــل ويگــلولي مـسافر
من زمان

*

انـه يومــيه اتانــي گاعــده ابــاب الخـرابه
مثــل المتيــه يبــويـه لاعــمــام اولا كــرابه
من عكب ذاك دلالك گـمت انام اعله الترابه
عمري يم راسك يـبويه ينتهي بلكت عذابه

شكد تنيت .. يم راسك تخلص ايامي
شكد تنيت .. وداعت دلالك يالضامي
مابيه من ابـقى الــباچر
اسئل ويگلولي امسافر
من زمان
*
حيدر تركي الكربلائي

في ذكرى وفاة السيدة رقية (ع)

لا تِطُلْبي شوفتي
الشوفه هذي موتتي

واعله راسي أرد أخِبرِج يا رقيه
تنتهي أحلامِج ابونه خِفيه

& & & & &

يا ترافَةْ كلب ما حصَّل أمان
اوما شِبع منِّ الدِّفَه اومنِّ الحنان
اوياج قاسي جان يا بنتي الزمان
ما ترك للفرحه بكليبِج مكان

اشلون قاسي هالزمن ؟!
ابرُمحه لكليبِج طعن

اوجَرّعِج من زُغرِج ألوان الأذيه
تنتهي أحلامِج ابونه خِفيه

& & & & &

يا جَرِح أكبر منِ احدود الوُجود
يا دَمِع بيْه ظلت اتهيم الخُدود
أسمعِج من كلتي : (بويه كله جود)
(ما هي عاداته القساوه والصُّدود)

أسمع ابإذني البجي
اويجرح احساسي الحجي

والله جَرْحِج يا رقيه مو بيدَيه
تنتهي أحلامِج ابونه خِفيه

&&&&&

وَنِّتِج يا بنتي احدِّ امن الحُسام
وبدليلي ادموعِج اتحَوْلن سِهام
على راسي موتِتِج أبلغ كلام
يا (سلام الباري) أبعث لِج سلام

آه منِّ امصيبِتِج
جمره بيّه حسرتِج

اوتُبكه تحرِكـ خيمَةَ انفاسي عليه
تنتهي أحلامِج ابونه خِفيه

& & & & &

شفت بعيوني العِدَه من سلّبوج
يا رقيه وابحبِل من كيِّدوج
والأشد لمَّن شفتهم يضربوج
اهنا متت واتعذّبِت يا روح أبوج

سوط شفْت اعله المَتِن
واعله حَنِّج صرْت اَحِن

ابعيني شفتِج حافيه تمشي اوسِبيه
تنتهي أحلامِج ابونه خِفيه

& & & & &

امن الطفوف اوآنه بجروحِج ألِم
خاف واحد من جُروحِج ينلِجِم
بس يوسفه حين شفتيني ابحِلِم
عندي صار ابآخِر انفاسِج عِلِم

اولمّن انجاب الطشِت
(يا رقيه آه) صِحِت

جابَوا ابطشتي إلِج راسي اومِنِيه
تنتهي أحلامِج ابونه خِفيه

& & & & &

نامي يا بنتي اودَعوفيها الجِراح
اوخلّي روحِج من بجيها تِسْتَراح
الليل ظَل يبجي عليج اويه الصباح
اوبالجِنان المُلتقى اوماكو نِياح

بالجِنان المُلتَكَه
لِلَرواح العاشِكَه

اهناكه تنتَظرِج تره أمي الزجيه
تنتهي أحلامِج ابونه خِفيه

& & & & &

خادم الحسين (ع) : إبراهيم الدريس

في ذكرى وفاة السيدة رقية (ع)

مشتاكه حيل أنظره .. او يشبكني بجفوفه

او عن حالي أرد أخبره .. إيديَّه مجتوفه

بويه و أريد اتشاهده اعيوني
و ابعينه ينظر إذني و امتوني

او عن حالي أرد أخبره .. إيديَّه مجتوفه

&&&&&

من ظُهُر عاشور أحِسَّن كلبي دامي
ظامي بويه او للأبو هم شوكي ظامي
آني أعرف عالي عد بويه مقامي
اشلون يقبل بالحجر يضربني شامي

متعجِّبه امن الذي .. يمسحهِن ادموعي

بالسوط يرضه الشمر .. يكسرهِن اضلوعي

ما جنت أحسبه ايخيِّب اظنوني
و ابعينه ينظر إذني و امتوني

او عن حالي أرد أخبره .. إيديَّه مجتوفه

&&&&&

صارْ ليْ أيام او ليالي ما شُبَكْته
او حجيه لمعدَّل بعد هم ما سِمَعْته
يا بشر آنه أريد أنشِد ابَّخْته
بنته آنه و الاَّ آنه موش بنته

لو بنته آنه اشعَجَب .. يمشي او يخليني

او يرضاها بعده زَجُر .. يسطُرنيِ ابعيني

كِلُّوا لَبُويه منخطُف لوني
و ابعينه ينظر إذني و امتوني

او عن حالي أرد أخبره .. إيديَّه مجتوفه

&&&&&

عمْتي كل لحظه أكِلْها وينه (بابا) ؟
عمَّه زينب بويه شو طوَّل غِيابه
بالحلم شاهدته مسلوبه ثِيابه
او كمت أنفُض بيدي عن وجهه تُرابه

من حلمي آنه اكعَدِت .. مرعوبه مختنكه

و اكبالي راسه شِفِت .. و اشفافه لن زركه

عالملكه هذا والله خَيْعُوني
و ابعينه ينظر إذني و امتوني

او عن حالي أرد أخبره .. إيديَّه مجتوفه

&&&&&

عمري خلَّصته يبويه دمعه دمعه
و اعله راسك منحرك طفَّاني شمعه
ياللي كلبك ينجرح من أبجي طبعه
ابرِجلي نايم شوك يا بويه اشيِطَلْعه

من شفتك ابلا جسم .. ظل ينزف إحساسي

و ابطشتك آنه الفَظِت .. بويه آخر أنفاسي

ابراس الأبو هالعِده لِجْموني
و ابعينه ينظر إذني و امتوني

او عن حالي أرد أخبره .. إيديَّه مجتوفه

&&&&&

وين حضنك هذا بس راسك بِدَيَّه
الدلَّلِتْها بويه ضربتها أميه
الغاضريه امنين جَتْنِي الغاضريه
يَتِّمَتْني او سِحْكَت الغالي عليَّه

يا روحي صحت ابدمع .. للفارَكِج روحي

ألف او تسعميه هم .. مثل الأبو اجروحي

ابحبل الهظُم كِلِّيله جَرُّوني
و ابعينه ينظر إذني و امتوني

او عن حالي أرد أخبره .. إيديَّه مجتوفه

&&&&&

يا رقيه يا عسى نوم العوافي
الموت يم احسين للمجروح شافي
حضنِج انتي بارد او راسه اهوه دافي
الهذا نامي و الجرح خلِّيْهْ غافي

كِلِّيله يا بو الحجي .. لمعدَّل الدافي

الموت ابجوارك عَذِب .. يا والدي صافي

لا تدفنوني ابراسه خَلُّوني
و ابعينه ينظر إذني و امتوني

او عن حالي أرد أخبره .. إيديَّه مجتوفه

&&&&&

خادم رقية (ع) : إبراهيم الدريس

في ذكرى وفاة السيدة رقية (ع)

وَنَّتْها .. صِنْعَتِ الحُريه
دَمْعَتْها .. أول احسينيه

&&&&&

ونَّةِ الطفله رقيه ما هي وَنَّه
ابخاصِرَةْ عرْش الضلاله هيه طَعْنه
هذا مدمَعْها اِنْحِيَه الإسلام مِنَّه
او هذا مرقدها يشيعه والله جَنَّه

تُرْبَتْها .. تبكه شمْس الدنْيَه
دَمْعَتْها .. أول احسينيه

&&&&&

كِسْرَت اخشوم اشكثر من عدها خطوه
او بالدمِع جَرَّت أُميه هيه كوَّه
الكون و الدنيه الـ رقيه اتروح فدوه
وَنْها سوط الـ هسه ابيزيد اِيتِلَوَّه

صَرْخَتْها .. بالمسامع حَيَّه
دَمْعَتْها .. أول احسينيه

&&&&&

طِفْلَةِ المظلوم هالليله اِسْمَعِتْها
الشمِس كالت من ضِوايه عَزَّبِتْها
دوَّرِتْها بالأرُض بس ما شِفِتْها
ثاري هيه بالسِّمه و اِمْحَجِّبَتْها

عِفَّتْها .. شَرَف كلِّ اِبْنَيَّه
دَمْعَتْها .. أول احسينيه

&&&&&

من رقيه أخْذَتِ الدنيه الكرامه
او من جَرِحْها هالصبُر ماخِذ وِسامه
لليِحِبْها تشفَع ابيوم القيامه
و اليِضِدَّنْها غداً يشبَع نَدامه

اِمْحَبَّتْها .. مَنْجَى باجر هيه
دَمْعَتْها .. أول احسينيه

&&&&&

اِزْغِيْرَه صح هيه رقيه يا موالين
بس جبير ايصير كلمَن يعشَكـ احسين
كِل مِسَه الأملاك تنزِل بالملايين
اِتْزُوْرْها او تلطُم عليها ابمدمع العين

لُوعَتْها .. مو حِزِن ثَوْرِيه
دَمْعَتْها .. أول احسينيه

&&&&&

يالتِلِطْمون الصدر هاي المسيه
ترى بِنْتِ احسين حاشه مو سِبِيه
هيه اَميره او بالدمِع سِحْكت أُمَيه
او زَلْزِلَت وَنَّاتْها اَرْضِ الغاضريه

اِبْهيبَتْها .. تِمشي مو مَسْبِيه
دَمْعَتْها .. أول احسينيه

&&&&&

خادم رقية (ع) : إبراهيم الدريس

قصيدة ( ليل الخرابه ) الى السيده رقيه عليها السلام


ليلـي چــن ليــل اهـــدعـــش
خـــوف وإحـــزان وعطــش
بالخرابــه بالخرابـــه
*
خويــه يــرعب والله يا ليل الخرابـــه
عليّ رد ليل اهــدعش والله وعــذابه
منين أبديـلك واســـولفلك مصـــابــه
حــرم خويــه ولا أهل عندي وگرابه
غريبه أتذكــرت ليــل اهــدعش
غريبه خـــوف وآلام وعطــش
غريبه الحزن من صبري نهش
بالخــــرابــه بالخـــــرابـــه

*
بالخرابــه الليـــل نگضيـــه بـــرزيــه
چنــه ليل اهدعش بـأرض الغاضريه
خويــه شحچيلك مصــاب الصار بيّـه
بالخرابــه مـــن بچــت بنتــك رقيـــه
يخويه بيش اصبــر الفاگـــده
يخويه وهيـه شوفــك رايــده
يخويه يصعــب البينــه ســدّه
بالخــــرابــه بالخـــــرابـــه

**

آه يـــا ذيــچ الخرابــه ويـــا ألمـها
خويه شحچيلك مصايبها وهضمها
يــوم گعـــدتلي رقيــه مــن حلمـها
شلون أصبرها وتريدك انتـه يمـها
تنّادي وين أبــوي اشـأخــره
تنّادي بحالي أريد آنه اخبّره
تنّادي والعـــــدو بيــها دِره
بالخــــرابــه بالخـــــرابـــه

*

خويه جابوا راسك ونظرت عالراس
نادت بصوت الحزن يالكلك إحسـاس
بويه غايب ليش انته وعمـي عباس
خويه شبگت راسك وما ظلت أنفاس
حنينه وتـــانتــك بيـــها تِمّـــر
حنينه بسوطــه لوعها الشمر
حنينه وخلص من عدها العمر
بالخـــرابــــه بالخــــرابـــــه
*

آه يا ليل الخــرابـــه الـــزاد حزنـي
مـــن هنّد سألـــت تريد إخبار مني
عنــك أتنــاشد يخــويه انـوب عني
حگي يــا أبو الأكبـر من يزيد وني
دموعي خويــه تشرح قصتي
دموعي جمر يحـرگ مهجتي
دموعي هيه صـــارت سلوتّي
بالخــــرابــه بالخـــــرابـــه

الشاعر
موسى البديري
3 صفر 1442

طشت مملي جروح
ابعطر ألله يفوح
ابحضن طفله و تنوح

حسين يا بابا 2

*

طشت شايل شمس بين الخرابا
نحر من دم رسول الله خضابه
ابحضن طفله و تون و اتنادي بابا
تقبّل خدّه بدمومه و ترابه

دمعها من القهر
على الخد انحدر
و طاح اعلى النحر

حسين يا بابا 2

*

تگلّه بابا هاي آنه رقیه
اشکثر عنّیت یا بابا عليّه
احب تحضنّي وين اشبگ ایدیّه
منو الذابح وریدک یالشفیّه

تقبله اعلی الجبین
تون بویه حسین
الصدر دلّیني وين

حسين يا بابا 2

*

يبويه گلّي عمي الغالي وينه
اريدنّه يجي ايردنه المدينه
احب يسقيني من جوده بأيدينه
أخذني بويه يم زهره الحنينه

سئمت آنه الحيات
اخذني اوياك ابات
عسل طعم الممات

حسين يا بابا 2

*

تقبّل نحره چن جمرةْ حديده
تحنّي چف ایدیها ابدم وریده
غدت تنعي و تون باحزن قصيده
و نامت عالنحر ماتت شهيده

يتيمه و سافرت
الى ألله هاجرت
تون من غادرت

حسين يا بابا 2

*

خادم خدمة الحسين عليه السلام
ناصرالبوعبيد

جيت بعتابچ دخيل
بالحسين او بالكفيل
يارقية يارقية .. يارقية يارقيه
@@@
وردة انتي وروح دلال الحسين
وجاهچ ابألله مثل إم البنين
ياغريبه وليچ بالشيعه حنين
حاجه عدنه ويمچ احنه معتنين
...
نقسم ابروح القتيل
بالحسين او بالكفيل
يارقية يارقية .. يارقية يارقيه
@@@
قدرچ المعروف من طف كربله
من ركبتي عالمصيبه امهزّله
وراس ابوچ ابرمح عالي شايله
صرتي انتي للحوايج كافله
...
بأمرچ اتزيحي الثجيل
بالحسين او بالكفيل
يارقية يارقية .. يارقية يارقيه
@@@
شانچ العالي رعاية بوعلي
يعني بيدچ همنه كله ينجلي
ترى مهجتنه بكربنه تغتلي
والله گلچ يارقية ادللي
...
اكشفي همّ الدليل
بالحسين او بالكفيل
يارقية يارقية .. يارقية يارقيه
@@@
اشكثر تجرح حوايجنه المهج
والدعا مثل الجمر لمن عرج
بيچ نسأل يابنت خير الحجج
وننتظر منچ تكتبين الفرج
...
ساخن ايصب العويل
بالحسين او بالكفيل
يارقية يارقية .. يارقية يارقيه
@@@
ندري عمرچ من مصابچ مكتمل
تلاثة اسنين وعلى لحده نزل
لاچن المعروف بابچ منقفل
ياصغيره وقدرچ ابگد الجبل
...
وجاهچ بقدرچ جليل
بالحسين او بالكفيل
يارقية يارقية .. يارقية يارقيه
@@@
ياللي نمتي بالخرابه المظلمه
وشفتي طشت ونحر بيه امخذمه
لله نسئل بيچ وانصد للسمه
ابجاهچ وجاه العقيله وفاطمه
...
راس مذبوح وقتيل
بالحسين او بالكفيل
يارقية يارقية .. يارقية يارقيه
@@@
ماتعوفين الإجاچ بحاجته
ويحلف اعليچ بأبوچ مروته
فتت گلبه حوايج دنيته
ماتردينه يخيب ابطلبته
...
لو فقير ولو عليل
بالحسين او بالكفيل
يارقية يارقية .. يارقية يارقيه
@@@
علي احمد الحمود
٢١-٩-٢٠٢٠
نخوة
رقية

اونها وتهمل العين
رقية بنت لحسين
حنونه واتموت بأبوها
وعزها ابخرابه انصبوها
رقية .. رقية
@@@
وويلي .. غفت شافت ابوها في حلمها
وويلي .. حضنها وابدفو ردد اسمها
وويلي .. بحنانه غافيه وتشرح هضمها
وويلي .. تمنت تصحه وتلاگيه يمها
...
صحت من عالم النوم
وجرحها ابشوگ ملچوم
يتيمه ابطشتها ارعبوها
وعزها ابخرابه انصبوها
رقية .. رقية
@@@
اشذنبها .. حنونه والعمر توه ابصغرها
اشذنبها .. بعد بوها مصايبها اشكبرها
اشذنبها .. على طشته تلم راسه بصدرها
اشذنبها .. وتگله يابعد بنتك عمرها
...
يبوها شهالسفر طال
وعفتها بيد لنذال
اشتموها ضربوها وسبوها
وعزها ابخرابه انصبوها
رقية .. رقية
@@@
تلمه .. وتبوسه بخده واتقبل جبينه
تلمه .. وتگله بويه رجعنه المدينه
تلمه .. ابراءة طفله واتغمضله عينه
تلمه .. وتسايل ليش مخضوبه وتينه

...
تگله مجرحه لشفاة
اظنها ابطگ لعصاة
جروحك جروحي احسبوها
وعزها ابخرابه انصبوها
رقية .. رقية
@@@
سلاسل .. ربطها يخنگ ابچفها ورجلها
سلاسل .. حديد ومو ذهب لفوا حجلها
سلاسل .. ابنعومتها شعمل تالي ثگلها
سلاسل .. ابچفوفك انهض اتگلك وفلها
...
عجيبه شلون لغلول
ثگلها ايگطع لرجول
العزيزه بحبلها سحبوها
وعزها ابخرابه انصبوها
رقية .. رقية
@@@
شكلها .. اليشوفن بنتك بحاله تحير
شكلها .. تعرفها لو بعد عنك تغير
شكلها .. تلوّن من سبوها يابولكبر

شكلها .. دخان خيام والأزرگ ولحمر
...
سواد ادخان لخيام
وزراگ الصوط والام
وحمار ابوتين اخضبوها
وعزها ابخرابه انصبوها
رقية .. رقية
@@@
حسيناه .. تناديلك يبويه رد عليه
حسيناه .. دگلي شعملة براسك أميه
حسيناه .. بكثر ونها غمى عليها السبيه
حسيناه .. وعلى طشتك توافيها المنيه
...
حلم ابثلاثة اسنين
تدور عالأبو وين
شهيده بگبرها اكتبوها
وعزها ابخرابه انصبوها
رقية .. رقية
@@@
رقية .. فصل صارت من فصول المصيبه
رقية .. چتيله ابمنحر الشيبه الخضيبه
رقيه .. مثل زينب گضت تالي غريبه
رقيه .. ومثلها مخدره وصارت سليبه
...
بدمشق اهناك مدفون
لأبوها قرة اعيون
وفيّه يشيعه اطلبوها
وعزها ابخرابه انصبوها
رقية .. رقية
@@@
علي احمد الحمود
٢١-٩-٢٠٢٠
شهادة رقية ع
كتبت للرادود السيد جعفر المكي

عمه السفر لاوين
شعر د- كاظم جاسب المعقلي
&&&&&&&&&&&
عمه السفر لاوين يمته ايرد عليه
مو طال السفر ماظل صبر تصرخ رقيه
-----------------------------
عمه امشوبحه العين تنظر درب الحسين ماهــادن بنــــــاته
مدري ارتحل لاويـن عمه وبعـّده البيـــن تبچي امدلـــلاتـــه
عـمه وبيــّه تدريــن آنا افرشله كل حين ســــــجادة صلاته
ياعمه وتشوفين عاف اهله مطاعين لا ماترضى ذاته
ياعمه اشبده ومن بعـّده اعلى الغاضريه
موطال السفر ماظل صبر تصرخ رقيه
---------------------------
عمه وصبري محدود چبدي ابصده ممرود محترگه بحنيني
باب الرجعه مسدود وايام العمر ســود ســوّدهـن ونيني
ملـّـيت امن الوعود يمته الغايب ايعـود ياعـمه ويجيني
بلكي يشــوف الزنود ودمعي الشـگ الخدود والهم يعتليني
ويصد ويرى اشــصار او جره
اشسوّت اميه
موطال السفر ماظل صــــــــبر
تصرخ رقيه
----------------------------
من فتـّحت العــيون رسمه ابظل الجفـون مافارگــني لحظه
ماظن غيـّره الكون راح اويه اليروحـون ويجافيني يرضى
عمه افراكه ميهون يكلف عاليحبـون بيه كلبي ايتشظه
كون ايرد علي كون عينه اتشوف الشجون حزني الأجله افرضه
يا يوم اليرد بيه أنفرد
وأحجي الاذيه
موطال السفر ماظل صــــــــبر
تصرخ رقيه
---------------------------
عمه حسين اله اخبار يدري ابعيلته اشصار لو محد حچالـــه
يدري ابشــعــلة النار بصواوين الابرار وبحالتنه حالـــه
يدري ابحال الزغــار من صبّحو طشـار بيد اهل الضلاله
يدري اللي جرا وصار وبعملات الاشرار من گادو عيالــه
مو تحتاج اله ابهــــــذا البله
العيله السبيه
موطال السفر ماظل صــــــــبر
تصرخ رقيه
----------------------------
عمه اقســم بالچفوف والطاحو بالطفـوف خبريني بصراحـــه
اهجس بالكلب خوف چن لحسيني ماشوف لارجعه الرواحـــه
يمكن لاگه الحتــوف واصبح طعم السيوف والموت وصفاحــه
سرّچ هذا مكشوف امر الذبحه معروف مخضوب بجراحه
مو سر ونفضح عودي انذبح
جيبوه اليه
موطال السفر ماظل صــــــــبر
تصرخ رقيه

---------------------------
عمه بيا وضع راح ....مايدري العمد طاح
والخدّر سبوهن
والدم عالارض ساح ...واحمر صار الاسلاح
واخيمّه احرگوهن
يدري اتسيل الجْراح والروس اعلى الارماح
للشام ارفعوهن
يسمع صرخة الصاح...والنايح اذا ناح
ودموع الچفوهن
لو يدري انتهض ... چان انتفض
وكت الرزيه
موطال السفر ماظل صــــــــبر
تصرخ رقيه

************
✍الشاعر الدكتور كاظم المعقلي

رئيسية استشهاد السيدة الجليلة رقية بنت الحسين عليهما السلام


يابويَه يَحسِين . ميَّة هَلَه ابْجَيِّتَك
يابويَه يَحسِين . خَبِّرني عَن نِيِّتَك
يابويَه يَحسِين . ما تاخِذ اِبْنَيِّتَك ؟
_________
بِالمَدامِع . هَالمِسيَّه
عِيني گَرَّت بيكْ عُگبِ الغاضِريَّه
وِ انتَه راجِع . يَم رُقيَّه
اشْلُون اَصَدِّگ بويَه بَس راسَك بِدَيَّه

اَشِم ريحَة تَراب وْ دَمْ نَحَر بيدي
هَلَه ابعِطرِ الاُبُوَّه وْ فَرحِتي وْ عيدي

يابويَه يَحسِين . بيدي اَمِش دَمعِتَك
يابويَه يَحسِين . وَ اسأَل عُگُب رَجعِتَك
يابويَه يَحسِين . ما تاخِذ اِبْنَيِّتَك ؟
_____
يَالعِفِتني . و اِنتَه تِدري
لُو رِحِت يَعني خِلَص يابويَه عُمري
ما شِفِتني . النّار تِسري
اوْ بِينْ خِيمَه وْ خِيمَه اَفِرّ وْ دَمعي يِجري

يَبويَه اشگَد رِكَضت وْ دَوَّرِت عَنَّك
لَچَن بَس بِالحَوافِر چان اَثَر مِنَّك

يابويَه يَحسِين . يَالوَذِّرَو جِثِّتَك
يابويَه يَحسِين . نادِيتَك اِمرُوِّتَك
يابويَه يَحسِين . ما تاخِذ اِبْنَيِّتَك ؟
_________
وِينْ صَدرَك . لِيشْ غايِب
مِن عُگُب صَدرَك غُفيت اِعلَه التَّرايب
خَلّ اَخِبرَك . خَلّ اَعاتِب
صار تالي مَنزِلي سوگ وْ خَرايِب

بَناتِ الشّٰامْ حِيل اِتشَمِّتَن بيَّه
اَبو ما عِندِچ وْ فُوگاها مَسبيَّه !

يابويَه يَحسِين . مو آنَه رَيحانِتَك ؟
يابويَه يَحسِين . يَالْطَوَّلِت غِيبِتَك
يابويَه يَحسِين . ما تاخِذ اِبْنَيِّتَك ؟
_________
هٰذا حالي . ابْهالمُصيبَه
آنَه مَسبيَّه وْ بِلا والي وْ غَريبَه
بَس سُؤالي . وِ العَجيبَه
لِيشْ اِنتَه شِيبِتَك بِالدَّم خَضيبَه ؟

اَشوف اِثنِينْ بويَه ابْنَحرَك اِبنَظرَه
اَشوفَن دَمعَة اُمَّك و اِثنَعِش طَبرَه

يابويَه يَحسِين . ياهُو الگِطَع رُگبِتَك
يابويَه يَحسِين . و اُمَّك تِصِد ذَبحِتَك
يابويَه يَحسِين . ما تاخِذ اِبْنَيِّتَك ؟
_________
راحْ صُوتي . مِن اَكَلمَك
و اِنحِنَه ضِلعي مِثِل ضِلعِين اُمَّك
حانْ مُوتي . خِذني يَمَّك
حَتّىٰ بِالجَنَّه اَشُبگَك وَيَّه جِسمَك

اشْحَلاةِ المُوتْ و آنَه اعْيوني بِعيونَك
رُقيَّه ما تِريد اِتعيشْ مِن دونَك ...

يابويَه يَحسِين . ما تِنحِمِل فَرگِتَك
يابويَه يَحسِين . آخِر حَچي طِفلِتَك
يابويَه يَحسِين . ما تاخِذ اِبْنَيِّتَك ؟
_____
تمت بعون الله و له الحمد
1442 هـ / همدان
الشاعر مجتبى الورسي

الشاعرعبدالامیرالناصری دخیل الحسین:
زینب المشایه...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یعباس..جیتک یخویه الکربله مشایه
یعباس..جیت أرد أزورک وأبچفوفي الرایه

یاکافلي..دمعي أیهلي..مشتاگه اطوف اعلیک
زینب أنه..ظهري انحنه..خلیني ابوس أیدیک
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من عفتني ابغربتي وعالشاطي شفتک
ما نسیت الخوه بس تنهضلي ردتک
أشگد صحت یا خویه وینک آنه اختک
خویه چتّالک سباني و تالي عفتک

عفتک بلا چفین
نابت سهم بالعین

یعباس..وجهک تغیّر من کثر نزیفه
یعباس..والدنیا صارت مظلمه ومخیفه

گلبي انگطع..صوتي أنسمع..أختک واجیت أنخیک
زینب أنه..ظهري انحنه..خلیني ابوس أیدیک
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا تگلي اشلون عفتیني و رحلتي
خویه غصباً صارت اعلیه سفرتي
روحي ضلت یمک و تهمل دمعتي
هسه جیت آخذها روحي ابهایه جیتي

عفـتک جسد مطروح
وآنه أنسبي أبلا روح

یعباس..روحي اترکتها عالنهر تصیحک
یعباس..لیهسه روحي عایشه أبضریحک

أتوسلک..خلها ألک..هاي النفس تفدیک
زینب أنه..ظهري انحنه..خلیني ابوس أیدیک
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عفتک أبلایه یمنه بس عینک علیه
مستحي أمن اختک تشاهدها سبیه
خویه ضلت رایتک ما بین أیدیه
هسه جبت الرایه لک للغاضریه

یاخویه مد یمناک
أخذ العلم ویاک

یعباس..لتگلّي چفک عالنهر نسیته
یعباس..ما ضل دمع بعیوني ما بچیته

دمعي همل..وین الکفل..جیت أبدمع أرویک
زینب أنه..ظهري انحنه..خلیني ابوس أیدیک
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
گمت أدوّر چن چفوفک خطوه خطوه
من خذوني بالیسر مچتوفه گوّه
هسه آنه ابحضرتک بس عندي نخوه
خویه أریدن من چفوفک ماي أروه

دلّیني ویــن الماي
اشرب وطفّي أضماي

یعباس..فدوه تروح اختک الک یخویه
یعباس..ما قصّرت ویّایه یبن أبویه

کلک عزم..غیره وشهم..تسمعني لو حاچیک
زینب أنه..ظهري انحنه..خلیني ابوس أیدیک
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جیت اطوفک عالگبر وأقریٰ الزیاره
خویه اشوفن یمنتک صارت مناره
خویه گبرک ملجأ اگلوب الحیاره
محترگ گلبي و أجیتک تطفي ناره

یا کافلي عباس
مخنوگه بالأنفاس

یعباس..یاهیبتي و یاکافل العقیله
یعباس..ما عندي غیرک واحد أشتکیله

انته السند..انته الضُمد..حیلي أشدّه بیک
زینب أنه..ظهري انحنه..خلیني ابوس أیدیک
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
محرم 1439

صوت طفله...
السیدة رقیة س
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سولفلي یا راس رمح لتعذّب العین
آنه رقیه وأنشدک عن والدي احسین

صارتلي ایام انتظر..آنه أبنحیبي
مشتاگه اریدن یارمح..شوفة حبیبي
ـــــــــــــــــــــــــــــــــــــــــــــــــــــــــــــــــــــــــــــــــ
یل خذت مني العزیز أبکل صفاته
یا رمح رجّعلي لو بس ذکریاته
لهفتي لحسین گد لهفة غلاته
گلّي هم ینشد أبویه عن بناته

یعرفني بعده والدي لو لا نساني
مشتاگه اشوفنّه واگله أبنیتک آني

بس شوفته التگدر ترد..ساعة مغیبي
مشتاگه اریدن یارمح..شوفة حبیبي
ـــــــــــــــــــــــــــــــــــــــــــــــــــــــــــــــــــــــــــــــــ
یا رمح جیت أمشي ویاک أبعذابي
انته بس تدرکنی لن تعرف مصابي
یبست امن الدم عله امتونی ثیابي
أشگد بعد أمشي ولا أسمـع جوابي

انته الي شایف والدي من عندي اکثر
گلّه رقیـه حافیـه تبـعتـنه بالبـر

رجلیه تعبـت یا رمح..والدم خضیبي
مشتاگه اریدن یارمح..شوفة حبیبي
ـــــــــــــــــــــــــــــــــــــــــــــــــــــــــــــــــــــــــــــــــ
چني مو طفله و بعدها أحلامي عندي
أمنین ما أمشي تجي ضربه اعله خدي
یا رمح أید التطگني ما هي گدّي
حتی ٰ لو أبچي أضلن أبچي وحدي

ماعندي والي الیستمع منّي بچیتي
گد ما أطیحن ضیّعت مني مشیتي

ضلیت أشکن بالدمع..یطفي لهیبي
مشتاگه اریدن یارمح..شوفة حبیبي
ـــــــــــــــــــــــــــــــــــــــــــــــــــــــــــــــــــــــــــــــــ
أیدي ترفه و بس چنت إلزم بدیه
أید ابویه الهسه شنو عنت علیه
یا رمح حتیٰ الحبل یعرف رقیه
لازم اچفوفي و یجر بیه سبیه

لبنیـه من الله تحب واید ابوها
بس آنه ابوي أبنیته جدّامه سبوها

اتمنه لو عندي أبو ..یصبح مجـیبي
مشتاگه اریدن یا رمح..شوفة حبیبي
ـــــــــــــــــــــــــــــــــــــــــــــــــــــــــــــــــــــــــــــــــ
ما تنام الطفله لو ما حضن دافي
وآنه جفن اعیوني ناسي اشلون غافي
یا رمح أمشي وراک أبجدم حافي
لحظه بس نزّلي راس احسین کافي

خلیني احطه راسي اعله راسه وأغفه یمّه
کل ما أفز من نومتي اگعد و شمّه

چلمة احبن والدي ..تذبحلي ریبي
مشتاگه اریدن یارمح..شوفة حبیبي
ـــــــــــــــــــــــــــــــــــــــــــــــــــــــــــــــــــــــــــــــــ
عالصدر متعوده لو أنامن أشبگه
هسه من فارگت صدره ابصدري خنگه
الله لا ینطي الحوافر من تسحگه
نامت أبصدره و أثرها ابگلبي فرگه

صارت وسادة راسي تربان الخرایب
وي کل جرح صارتلي ذکره امن المصایب

ماعندي لهمومي عمر..غازیني شیبي
مشتاگه اریدن یارمح..شوفة حبیبي
ـــــــــــــــــــــــــــــــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره
صفر 1439