عـمـه يزيـنب شــوفي .. اشسوه الحبل بچفوفي
الحادي ليعت حيل بيه
ازغــيره گليــله رقـــيه
عمه يزينب
-------------------
خاف اطيح .. والعــيون اهــواي ياعـــمه عـليه
خاف اطيح .. وبالحبال امگيدات اچفوف اديه

زغيره وبالسبي شفت المعانات
چــبير الحبل وايــديه زغيرات
الشــمر گلــيله ليــجر بالـسبيات
مـو كافـي تره شـبعني طيحات

الحادي وحق دمعاتي .. متـونــس ابطيـحاتي
انــه صــح عمــه سبيه
ازغــيره گليــله رقـــيه
عمه يزينب
-------------------
راح اموت .. عمه من گد السياط العلى امتوني
راح اموت .. وين اهلي امــتانيتــهم مايجوني

اتمــنيته ابــويه احـــســــين مـــوجود
ويشوف امتون بنته امن الظرب سود
الـحــادي مــن سمعــني يگـــلي ميعود
ضــحك وعلــيه راد ايضــحك الجنود

ابهـالعمر عمه شلي .. مذبــوح ابوچ ايگلي
الحادي راوانــي المنيه
ازغــيره گليــله رقـــيه
عمه يزينب
-------------------
چنه نار .. الحبل فوگ اچفوفي احسه گام يلهب
چنه نار .. اتلاحگيــني الخــاطر الله عــمــه زينب

شوكت نوصل تره اطويله المسافه
وطــريق الــشام اظــلم انــه اخافه
يــهالوادم مــنو الـــعــباس شـــافه
يجي ايخــلصني مــن هاي الكلافه

عمي اذا أجاني .. احچيله عن اذاني
ولو اجــه اشــري عليه
ازغــيره گليــله رقـــيه
عمه يزينب
-------------------
مثل ابوي .. من اطيح النوگ تسحگ على صدري
مثل ابوي .. عمــه كــلش زيــن انــه بروحي ادري

شوكت بحــسين احــلم ها يعمه
اريده ايشوف گلبي اشكبره همه
اريد اوياه اسولـــف واغــفه يمه
ابويه الرحمه وانه احتاج رحمه

مشتاگه اشم انفاسه .. مشتاگه ابوسه ابراسه
ويدري ماتحمل اذيه
ازغــيره گليــله رقـــيه
عمه يزينب
-------------------
ياحرام .. الحادي ماخلاله ديره مادخلها
ياحرام .. المثل حالي ها يعمه ياهو الها

هــذا الحــادي قــاسي وچـنه ذباح
گلــيلــــه نــريـــد اشــويــه نــرتـاح
مايــســمع بــواچــينــه والـصـــياح
ماضل حيل عدنه امن المشي طاح

عالروس خل انادي .. اذانه حيل الحادي
احچي ودموعي جريه
ازغــيره گليــله رقـــيه
عمه يزينب
-------------------
حيدر تركي الكربلائي

شهادة رقيه
.
.
.

محـتاجه نظــره .. نــظـرة أبــوه
بويه امن الفراگ .. خدي تچــَوه
طفيني ابحنانــك
دليـنـي ابمـكانــك
محتاجه الأمانــك
رقــيــه

_____

شـبگة اذراعــاتك .. اتردلي روحي الرايحه
يالتـرافة صــدرك .. علـى صـدري طــافحه
الدنيه كلش ماصخه.. يبو احچايه المالحه
انتـــه لــو مابــيهــا .. اعليــها أقره الفاتحه

اجروح هجرك چيه اكبار الشيب طالع بيهن
چفـك انــته ابلايه خنــصر ياهو اليـداويهن

هاك اخذ اديــه .. بس كونك اتعود
اعذرني تـراهن .. مـن الحـبل سود
عــذبنـي زمــانك
دليـنـي ابمـكانك
محتاجه الأمانك
رقيه

_____

سبو حتى احلامي .. البيــنك ومـابيـني
الـسوط مــن اتحلم .. يالابــو ايوعــيني
ثلث ظـل ابــروحي .. استشهدن ثلثيني
وانظـر التــابــوتــي .. گــاعد ايــتانـيني

الموت احسه والله نعـمه لـَمن ايظربوني
اسياطهم تـوجع يـبويه وغـرزت بمتوني

كمت اسمع النوگ .. تبـــچي علــيه
لــمـــن يگــولـــون .. عــذبـو رقــيه
صرت احچي بلسانك
دلـيـــنـي ابمـكـــانــك
محــتاجــه الأمــانـك
رقيه

_____

سكتتي من خـلصت .. اتـبدن احچـاياتي
وچــانت اول كــلـمه .. ويــنك ابمــأساتي
بــويه كلــمــة بــويـه .. انحبست ابلـهـاتي
بقــت بــس ادموعي .. الفرگست وجناتي

كشخت ابوجهي الدموع وتستلذ بجروحي
الـروح ضـلت خيط بيـه اتريد تطلع روحي

من گد الاشوگ .. ابـدلالي حرگه
ويم راسك ارتاح .. لمــن اشـبگه
واهمس يم اذانك
دليـنـي ابمـكـانــك
محتاجه الأمـانــك
رقيه

_____

چنت ورده ابجالك .. هـواي مهـتم بــيه
الـ من نده بوساتك .. شــاربــه الحـــنيه
امن اذني گطعو ورگه .. وچـَتـفو أيـديه
الكبــرتهـا ابــفـــَيك .. عالهــزل مسبـــيه

بويه وجهي الچـان يـزهـر صار اسـمر لونه
مدري من الشمس مدري ابكثر ميسطرونه

بخدودي طبعات .. متروسه آلام
ابگد الشماته .. الموجوده بالشام
التتشفه ابسنانك
دليـنـي ابمـكـانك
محتاجه الأمـانك
رقيه

_____

مـن تــرد احچــيلك .. عالجــرالــي حــالفه
هواي هنه وشحچي .. بـويه عـن ياســالفه
على متني الازرگ .. على اچفـوفي الـنازفه
على خيل افراگك .. الصدري هيه الخاسفه

چــنها نار اخيام بـيه وچـنه يــوم الــعاشر
ماتجي اتطــفيني بـويه مالي يـمك خاطر

الطشت الذهب ليش .. مايوصل الصوت
مـــو انـــه ملـــيـــت .. مشــتاگه للمــوت
شو ما آن اوانك
دليـنـي ابمـكانك
محتاجه الأمانك
رقيه
_____
حيدر تركي الكربلائي

شهادة السيده رقـــيه ع
.
.
.

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه

_______

عــمـه هاي انـي رقــيـه طـفــلـته المـسبــيه
رايحـه البـاب الـخـرابه بلـكي لـن بـي جـيه
انـه اول وحـده اريـد ايـحـط اديـه بـيـديه
ارد اگـله اشلون صحتك شـو بطيت اعـليه

مـن السـفر كلمن يجـي ياعـمه تعبان
بالماي اريد استقبله ادريــبه عطشان
وخاف ازيد انه ابعذابه
ارد اراويـه هــالـخـرابه
انه رقيه

_______

عمه كل ماعنه اسئلچ انتي گلتي امسافر
مـن غـيابه الـيوم يـرجع لـو يظـل البـاچر
والله آخـر مـره شفـته چـان يـوم الـعاشر
شلون يبعد يدري بعده اكسـر انه الخاطر

ابحظنه غفيت انه اشكثر من چان موجود
اتـراب الـخرابـه ردت اگــله چـوه الخــدود
نومي صار اعله الترابه
ارد اراويــه هالــخرابه
انه رقيه

_______

لـو اجــه بـاچـر ابـويـه عمـه شــو حلــيها
ويـن يگـعد والـخرابه افـراش لا مـابــيها
راح افـرشـلـــه عـبـاتـي ولازم اتغـسـليها
حتـى اثـر سـوط السباني مايظل اعليها

لا مـا اريـده ينفـجـع مـن بعـد الغـياب
ماراح اراويه اذنــي اغطيها بالحجاب
وخوفي ازيد انه ابمصابه
ارد اراويـــه هـــالخـــرابه
انه رقيه

_______

مـن يــرد والـدي عـمه عـنــه لتــبعـدوني
رايـده ويــاه احچــي ابـراحتي خــلـوني
امـن الالم مانمـت انـي يوجعـني امتوني
انشالله الليـله يعمه تغـفــه زيـن اعـيوني

بلكت الليله من يجيني اتهيد الآلام
لـَمـن علـى راسه رقيه تـغـفه وتـنام
ومن انـادي بابا بابا
ارد اراويه هالخرابه
انه رقيه

_______

انچـان مـايـرجـع اريـده حتـى لــو بـطيـوفي
لـچــن ياعمــه يــزينــب حــل الــيــه شـــوفي
من دخلنه الكوفه عمـه عتـني حيــل الكـوفي
اچفوفي طبع الحبل بيهن وين اظم اچفوفي

ياعمه بس لاينـتـبه مـن الـزم الراس
لو شاف اديه ينجرح ادريبه حساس
واجب انه احسب حسابه
ارد اراويــــه هــالــخــرابه
انه رقيه
_______
حيدر تركي الكربلائي

هاك حسين كل العندي ماعندي
لـو تقبلها اثـوبلـك بـعـد ولـدي
بس ماعندي مولاي
غير التمره والماي
++++++++
مرّه العيشه وانت بحالتي ادره
بس عندي ابتسامه كل سنه مره
زايـر من يمرني ويـاخذ التمره
احس بروحي اغنه الناس والزهره

منك اعتذر تدري اعله گد حالي
هذا افراشه بيتي افرشته للغالي
كل ما امتلك هاي
غير التمره والماي
لو تقبلها اثوبلك بعد ولدي
+++++++++++
بعين امي دمع يگطر عـزوبـيه
مهظومة الطـبخ دمعتها صفريه
گالت عاد اخـدر الـچاي بيـديـه
چاي ابو علي شكد بيهه روحيه

اليگعد عالدرب ويثوب ادموعه
تلگه بكلبه صارت حسرة من طوعه
المسلم رادت اهواي
غير التمره والماي
++++++++++
چان اول سنه بس هيچي حالتنه
مادارت سـنه والزهـره رزقتنه
چم طابق ترى اتحولت صريفتنه
واكتبـنه عبـاره ابـاب ديرتـنه

نزعل منكم ابجيبه اليمد ايده
خير العدنه منكم والمن انريده
بيش انعدلت اوياي
غير التمره والماي
+++++++++
العالـم لو يجيلك كـله مـشايـه
ما تـثكل علـينه اوداعت الرايـه
جاري المنه ابد ماطالعه حچايه
عالمشاي اجاني اتعارك اويايـه

فهمني شجالك گتله وشصاير
گال انت الزمت واني ولا زاير
عاد انطيني مشاي
غيره التمره والماي
+++++++++++
من شرّف مداس الزاير ابيتي
صاحو خادم اعليه ارتفع صيتي
لو ارجـع طفل ياسـيدي امنيتي
بـِرمـاد المواگـد تبدي تربيتي

خاطر خادم ازغيـير يـسموني
هنيالي عليك وبيك خيعـوني
شيحققلي منواي
غير التمره والماي
+++++++++++
مو بس كربـله كـل البـلد دارك
يم باب الحدود اطوف زوارك
يبچي امن الهظيمه شلون خطارك
شيل اسم الوباء بداعت انصارك

تعرف بالعشگ من يچوي راعيه
مـن آخر بـلد تسمـع نـواعيه
انت الدمعه شراي
غير التمره والماي

ثائر الربيعي

( كعده للسيده رقيه ع )

اليوم رحلت للسمه
ورده ذبلها الضمه
بمتن كله دمايه
ماتت أصغر آيه
ورده ذبلها الضمه

____
1

الطفل رحمه من السماء ولو جرت دمعة عيونه
تسرع الوادم اتسكته ايلعبوا ويأنسونه
والرقيه لمن تبجي راس ابوها يقدمونه
موقف صعب نتخيله
راس الحسين إتّقبِله
مَن فعل هذا تسأله
وليش وجهك يضربونه

ابجبهته باقي الدمه
وخيزران إبـ مبسمه
مفطرات اشفافه
وترك طفله خلافه
ورده ذبلها الضمه

____
2

الطفله متعلقه ببوها وبيمن اتوصف غلاته
للسبط جانت رقيه دون عن باقي بناته
لمّن ايصيح الأذان اتجيب سجادة صلاته
اشتحمل رقيه يا ألم
وسجادته بحرگ الخيم
احترگت وبيها شكم سهم
والبقن بس ذكرياته


صفت بعد الملحمه
رماد مثل امخيمه
انسلب روح الهادي
وبرقيه شسادي
ورده ذبلها الضمه

____
3

ابد ما تنسه الحسين وعالفراگ شلون تگدر
بقت يجرحها الأذان وتنفجع بـ الله اكبر
تحلم وتنظر حسين بشيبه وبصدره المكسر
مذهوله من طف الضمه
اشبه الناس بفاطمه
منّ الإذن تنزف دمه
تمشي وبخطوتها تعثر

تشكي لله قائمه
من الأيادي المجرمه
بكربله سلبوها
من الأبو حرموها
ورده ذبلها الضمه

____
4

هاي بنت حسين هاي بكثر ما ازرگ متنها
حتى اليغسلن الميت رفضن وما غسلنها
ايخافن الطفله مريضه والعقيله يسألنها
وشتحچي زينب يا أمر
عن طفله وبهذا العمر
ما تحمل سياط اليسر
والحبال اليچتفنها

بقت زينب لاطمه
من اميه الظالمه
بت محمد طه
والزمن خلاها
ورده ذبلها الضمه

____
5

وصوت من غربت الشام ايصيح طفله تريد ابوها
لا تخلوها وحيده وياكم لكربله إخذوها
ومثل عبدالله الرضيع بحضن ابوها ادفنوها
بالشام وافاها الاجل
وترفف عله المغتسل
ما تحمل فراگ الاهل
تريدكم لا تعوفوها

وشكثر متألمه
تروح تشكي الفاطمه
وحيدره تشكيله
تگله حال العيله
ورده ذبلها الضمه

____
6.       المصيبه

توجهت من السماء اليوم فاطمة الزجيه
بيدها جابت مياه من الأنهار الكوثريه
بيدها لزمت ضلعها وجايه اتغسل رقيه
حظرت الزهره بيا وضع
مكسور من عدها ضلع
وبخدها للسطره طبع
نست كل الجره عليها وتبجي لمصاب السبوها


الشاعر مصطفى الشافعي

( استشهاد السيده رقيه ع )

يساقي العطاشى قريبه وفاتي
يغسلني مايك صفت امنياتي
يبو فاضل أريدك
تغسل امتوني بيدك
يعمي
___
1
رقيه اني يعمي والكَلب ضامي
احس الموت اجاني وخلصن ايامي
يبو فاضل عليه حركَو اخيامي
اذاني ايسيل دمها والجفن دامي

عطشنه اتركه تنادي حرمنه
نريد ابكَربتك تطفي خيمنه
إذا يسلم وريدك
تغسل امتوني بيدك
يعمي
___
2
جفوفك يابو فاضل يامه دارتنه
من أرض المدينة ابعطف جابتنه
وهسه عله النهر مكَطوعه هيبتنه
الشمس حركَت وجهنه نريد رايتنه

قويه الحراره يعمي ابسبينه
ابعلمنه نريدك تضلل علينه
وانه ابحاجة مديدك
تغسل امتوني بيدك
يعمي
___
3
انت العندك ابكد الفرات احساس
تدري شكم طفل تحت الخيول انداس
ويضربونه ابحقد لو ناده يا عباس
بلا رحمة وعطف صارت گلوب الناس

يحامي الهواشم أخبرك تره اني
خذوها التراجي يعمي منذاني
شوكت ترجع نريدك
تغسل امتوني بيدك
يعمي
___
4
راسك عالرمح ويباوع علينه
ويطيح عله الأرض لو شمر ياذينه
حتى بالاسر باقي وتحامينه
تشوف ادموعنه وتسمع بواجينه

عيونك طفوها لجنك تراقب
تشوف العقيله صفت بالخرايب
عليهم صب وعيدك
وتغسل امتوني بيدك
يعمي
___
5
كَرب موتي يعمي وكبرت الحسره
اريد الغسلي مايك تكَصد اتحضره
انهض لا تضل مطروح عالغبره
كبري ازغير وما اتعبك ابحفره

طلبتي الاخيره إذا بيها تدري
بمايك أريدن ترشه عله كبري
الزمن ماظن يعيدك
تغسل امتوني بيدك
يعمي
___

مصطفى الشافعي

تريدك رقيه فزت من الحلم
واني ادري خويه راسك بلا جسم
لو شافتك بس راس
ما يبقى بيها انفاس
رقيه رقيه
_____________

خويه فزت بنتك ارقيه الحنينه
عنك تناشد يعمه الغالي وينه
شلون اكلها بالطشت راسه يجينه
والدمع بين مصايبنه العلينه

بين مصابك هالدمع عالوجن
بين دمعنه بفكدك شكد حزن
بينه الحزن عباس
ما يبقى بيها انفاس
رقيه. رقيه
—————————
سولفتلي الحلم عنك اسمعي عمه
شاهدت بس راس ابويه بلايه جسمه
بالرمح راسه اشوفه ويجري دمه
ردت اشبكه وجسمه ماكو شلون اضمه

من ردت اضمه راسه فوك الرمح
ومن عيني شافت عينه بيهه جرح
تسولف جرح الاحساس
ما يبقى بيها انفاس
رقيه. رقيه
————————-
عمه كالت بالحلم شفت المصيبه
شفت دين الله انكطع منحر حبيبه
وشفتج تركضين مشدوهه وغريبه
وشفت نار اعلى الخيم تسعر لهيبه

وبايد اخوي انشدت السنسله
ورغم المرض ماشي بسبي شيحمله
ياعمه ماينقاس
ما يبقى بيها انفاس
رقيه. رقيه
—————————

عمه فسريلي الحلم والمعنه منه
شنهي تفسير بحلم طايح علمنه
شرد افسرلهه يخويه وشاحجي عنه
ياحلم هاي الحقيقه وكلشي شفنه

وشلون اكللهه الحلم بالصدك
واقع صدك وحسين شايع سحك
ونكطع عود الياس
ما يبقى بيها انفاس
رقيه. رقيه
———————-

انه ما فسرت لكن هي شافت
راسك بطشت العده وفوكاه طاحت
بالدمع حضنت الراس وفوكه ناحت
وسكتت وهي اعله راسك خويه ماتت

ماتت على راسك يخويه بالم
وچن الحلم واقع ولا بي وهم
ظلمونه هاي الناس
ما يبقى بيها انفاس
—————————-

قيصر الجبوري

(( يا اغلا من الحب حسين))




توكلنا اعله حبك من مشينه
وحبك والعشگ حداي بينه
مشايه وسوالف مال خدام
وهاي الرايه متفارگ أدينه

شذر بدروبك نصير
ونطش ارواحنه نذور
حبيناك يحسين
وصار الكون عاشور

وتبخرنه بعزائك من لطمنه
خاف الدنيه تحسدنه اعله حبنه
وشمينه هواك بنسمةّ الشوگ
يبو السجاد انته كل اهلنه

مشايه وعشگ خدمه
*******
خضار عماتك اجمل مناره
يقاسمليّ أجي الگلبك زياره
رغم طول المسافه ونار الاشواگ
وحبك يچوي گلبي ويچوي ناره

گبل جرحي انته وياي
گبل لا امشي مشاي
من چنت أغفى بالليل
وگالو ماشرب ماي

وفزيت ولگيتك تحدي بيه
مرعوب وأصيحن يا سبيه
ويفز بيه الخجل ساعات الغروب
لان مرات أبرد للعزيه

مشايه وعشگ خدمه
******
وتعده الحب حدوده وگمت أحاچيك
أحسك انته يمي وألمس إيديك
وأسولفلك على الحافر والتراب
وأگلك كون كلهن بيه مو بيك

يريت بنحري ألف سيف
ولا يم نحرك يكون
خواتي إيطبن الشام
ولا مولاتي أم عون

يريت بأهلي كل البيك صاير
ولا يمّ طولك أتمر الحوافر
كلام الله تغزل بيك آيات
والشمس وضحاها ويوم عاشر

مشايه وعشگ خدمه
******
وسولفتك على أسامي الزغيرات
ضعت وأيامي من حبك غريبات
صرت الوّحَدي نغمه وتراتيل
وأنعاك وأموتن بيك موتات

أموتن چلمه چلمه
أذا مر بيه أسمك
الهوى مو قصدي أشمه
أنه كل قصدي أشمك

شما حبك كبر يكبر ضياعي
وأصير ابلا عزائك مالي داعي
لو ما مجلسك والحب مشه وياي
چا هسه آنه متشگگ شراعي

مشايه وعشگ خدمه
**********
أذا مو أنته بيه ياهو يسوه
اذا مو انته حتى الجنه بلوه
عقوبه الجنه اذا مو انته موجود
وأگلهم لحد إيطب ماهيّ حلوه

يسالفتي آنه ممنون
صرت ويه اليحبون
وصرت ابچيلك جروح
وأون ويه اليونون

صرت أتحسس أتعَدلّ أموري
وتشتاگ الدمعتي والحضوري
گبل لا گول يالتفزعلي بالهاك
وتغطيني بعباتك ياسروري

مشايه وعشگ خدمه



عبد زينب
محمد الابراهيمي

وحشه الدرب يااحبابنه
والله فگدناگم
خطوات نمشــي الكربله
بس مانسيناكم
-----------
مشـتاگه ايام العشگ لاحباب الحسين
اوكـل المواكـــب تنتظـر جيت الملايين
يا هـلا بزايــــر كــــربله نفرشــلك العين
ايــــراني تركـي قطــــري لبناني بحرين
هذا العراق وشيمته
وگلوبنه وياكم
خطوات نمشي الكربله
بس مانسيناكم
------------
سـعودي عماني كويتي افريقـي وهنود
افغاني حبكم بالگلب وبكل ســـنه يزود
منعتنه كارونا السـنه بس باچــــــر نعود
حسين المحبه والعشگ والرايه والجود
باجر نرد لزيارته
ياهلا وحياكم
خطوات نمشي الكربله
بس مانسيناكم
--------
اوربا وامريــكا وبشـــــر من كل الاقطار
تقصــد للحسين بمشي متهاب الاخطار
خطــــار ابو اليمه وهـــلا بيـــــكم يزوار
الدار انتم والاهــل بس احنــــه خطـــار
وعيونه الكم غطه
بالروح سكناكم
خطوات نمشي الكربله
بس مانسيناكم
----------
شفنه المكم والحزن من خلف الحدود
وآهات وي دمع العشـگ تنزل عالخدود
ازمـــه وتعـــدي وتنتهي ونعـاود اردود
ويجمعنه درب ازيارته والمهدي موجود
ترتفع باجر رايته
رغما عله اعداكم
خطوات نمشي الكربله
بس مانسيناكم
---------
كل المواقــف تنتهي وتبـــقى الزيـارات
ورايتنـــه بالحـــب تعتلي مثل المنارات
هــذا العراق وكل هله يكلگم ســــلامات
انتم اهلنه وما تحـــد حبنه المســـافات
وبيوتنه تزهي بفرح
مشتهيه ملگاگم
خطوات نمشي الكربله
بس مانسيناكم
----------
بــ✍ أبوسلام حسن آل مهدي

اجيتك عاكد النيه دخيلك يا ابو رقيه
~~~~~~
خطواتي وفزعتي .. ادموعي وحركتي
أتقبل خدمتي .. يامولاي
كل خطوه اتوسلك .. خليني كلي الك .. عطشان المنبرك .. وانته الماي

ارويني من عندك ولو مقدار كطره
اتروه بيها لخدمتك حته اكدر اقره

واحاجيك واللألم بيه دخيلك يا ابو رقيه
~~~~~~~~~
اجروحي ندبتك.. متعني الحضرتك .. محتاج النظرتك ..يابو الخير
جايبلك مشرعه .. وجفوف امكطعه ..
ليهملك مدمعه .. لا ميحير

يكتلني مولاي العطش من اذكر الماي
خليني ازورك كل سنه واتروه مولاي

يالهواي رايد اشويه. دخيلك يا ابو رقيه
~~~~~~~
من أوصل للكبر .. اتخيل جن بدر ..
اعيونه عالخدر .. يم ام عون
يواسيها بدمعته .. يرويها بجربته.. يحيها برايه .. ويه اليمشون

اخت الكمر ويانه احس هم أجت تنحب
متعنيه للحضره تون وتبجي زينب

اجتك وعايفه ابنيه دخيلك ياابو رقيه
~~~~~~~~~~
الكبرك أوصله .. يَا ايه وبسمله .. يالفاتح كربله .. جن ديوان
ياكعبه ويافرض .. يالحزنك ما يفض ..اليخطك بالنبض.. صار إنسان

يمدلل الخادم الك رأفع اديه
طالب رضاك ونضره من امي الزجيه

يالحسين ياهوه الريه .. دخيلك ياابو
رقيه
~~~~~~~~~~
يادمعه وياعشك .. يالحبك من صدك .. يانسمة وتنشهك .. ويه الروح

ياروحي ودنيتي .. يالتفهم غايتي .. كل وني ودمعتي .. للمذبوح

مشايه جيناك بعزم وبهمه نسعه
نقره الزياره بحضرتك وبدمعه ننعه

ولايوم نكطع الجيه دخيلك يا ابو رقيه

#سيد_محسن_الجابري

لمشاية اربعين الامام الحسين
جديد قصيدة (تِلَكوهه)
●●●●●●●●●●●●●●●●●

تِلكوهه ... تِلكوهه ...
يوم الأربعين بصحنه تل كوهه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تعتني ام الحزن وكت الزياره
تترك الشام وتجي بنفس المراره
جنهه مسبيه و ترد اخت الغياره
تزور واليهه ودمع منهه يتجاره

واسوهه ... واسوهه ...
يوم الأربعين بصحنه تل كوهه


○○○○○○○○○○○○○○○


كل سنه اول سنه تزوره تحسهه
تلكه جابر ينتظر وافهم درسهه
انته جابرهه صرت وانته نِفسهه
مو غريبه لو ترد صرنه حرسهه

حاموهه ...حاموهه ...
يوم الأربعين بصحنه تل كوهه

○○○○○○○○○○○○○○○


ما نذكرهه بحزنهه وذيج الأيام
مانخلي النار تعله وننصب خيام
نسبل الماي وشرط اتوزعه الأيتام
ولا تذكروهه بمصايب ديره الشام

رحموهه ... رحموهه ...
يوم الأربعين بصحنه تل كوهه


○○○○○○○○○○○○○○○

شيل رايات الحزن واتعنه مشاي
صيح يازينب اضل للموت وفاي
بيك شديت الظهر واتحزم وياي
خلي نكصد كربله زينب اجت هاي

جازوهه ... جازوهه ...
يوم الأربعين بصحنه تل كوهه

○○○○○○○○○○○○○○○

اركض اتلكه الأجت وندب يمظلوم
محنيه مكسورة ظهر من ثكل الهموم
المهدي جايبهه واجه وكليبه ملجوم
وامفرع الراس ويدك لحسينه هاليوم

عينوهه ... عينوهه ...
يوم الأربعين بصحنه تل كوهه



▪︎¤▪︎¤▪︎¤▪︎¤▪︎¤▪︎¤▪︎¤▪︎¤▪︎¤▪︎

الشاعر : حيدر العمار الخزعلي


¤▪︎¤▪︎¤▪︎¤▪︎¤▪︎¤▪︎¤▪︎¤▪︎¤▪︎¤

اليوم حماي الحمه. ينضر النه بعينه
اليوم نمشي الاربعين المرقد حسين
لوتعب منه الجدم. فاطمه تمشينه
اليوم نمشي الاربعين المرقد حسين



//////////////////

اليوم هذا الكون يمشي وتنزل املاك السمه
تلطم اعله الرؤس كلها تواسي حماي الحمه
تگله ياحيدر علينه شلون حاله فاطمه
من تعاين للحسين ايسيل من نحره الدمه

حضرت بوادي الطفوف فاطمه المضلومه
تخضب الشيب الشريف وتهمل العين
راسه بعنان الرمح سلبوها اهدومه
تخضب الشيب الشريف وتهمل العين


//////////////


ركضت الزهره الزچيه تحشم بوادي الطفوف
تعتني الصوب الشريعه تشوف مگطوع الچفوف
تگله يابدر الهواشم يا شبل ضرف الضروف
من غبت عن الضعينه دارت اعليه السيوف


من سمع ونها الكفيل نبط عرج الهاشمي
ينضر بعينه الحسامه وماكو چفين
گلها يمي المعذره من طحت عل علگمي
ينضر بعينه الحسامه وماكو چفين


////////////////


ردت الزهره الزچيه تحشم انصار الشهيد
تگله يا حر الرياحي گوم مو انته العميد
يا حبيب ابن مضاهر تترك حسينك وحيد
راسه فوگ الزان يرفع عياله تسبيها العبيد

گوم نادت يا برير باري انته العيله
تصرخ الزهره الزچيه وماكو امعين
مو دمع لاضن بچت من دموم اتسيله
تصرخ الزهره الزچيه الزهره وماكو معين




////////////


هذا امر الله التگدر من علي هذا الكلام
يبقه ابني حسين وحده لا عشيره ولا عمام
چثت ابو اليمه سليبه ذروه صارتله السهام
والخدر اصبح رهينه تبري بي گوم اللام

راح عزها والخدر راح وي حسينه
من اجت گوم الاعادي تطلب بدين
الراس بعنان الرمح يعاين الها بعينه
من اجت گوم الاعادي تطلب بدين


////////////


اليوم شيعتكم حزينه تذكر الصار وجره
تلطم اعله الرؤس اجتكم ما تهمها المخطره
والله لو ينزف دمانه بحور ويغطي الثره
ما نوافي حسين كلنه قطره من دم منحره

حسين كعبتنه ونطوف ما يهمنا شما سده
ما تهمنه الدنيا كلها نوصل حسين
نزحف زحوف ونطوف رغم انف اهل الرده
ما تهمنه الدنيا كلها نوصل حسين



//////////////


قليل البضاعه
كثير الاضاعه

فاضل الغريباوي

شبیهة فاطمه ابکل المعانی
الزچیه ودعت حضن الأمانی
رقیه فارگت سبع المثانی
****************
راید انقل هالصور و احچی القضیه
اجبال ما تحملها من های الرزیه
لیش بالباب انکسر ظلع الزچیه
شافت انواع المصایب و الأذیه

رقیه ابکربله شافت عجایب
ابوها طایح ابحضن الترایب
الیفارگ کل هله المن یتانی؟
رقیه فارگت سبع المثانی
******************
الزهره صاحت شلی یابویه ابحیاتی
ابروحتك اتمنه یالغالی مماتی
ابکربله اتنادی رقیه یا نجاتی
حسین بعدك تدری حرگوها عباتی

الشمر بعدك اجه ورم لی متنی
یریتك حاضر ابعینك شفتنی
یبو الاکبر بعد عینك ولانی
رقیه فارگت سبع المثانی
******************
فاطمه من الألم ینزف ضلعها
امن القهر والــ آه بس یجری دمعها
لاچن ارقیه العدو ابچفه صفعها
اتصیح اریدن والدی و محد سمعها

تجر بالونه بس محترگه الأثیاب
رقیه شاهدت کل گطع الرگاب
نحیله و الحزن غیر معانی
رقیه فارگت سبع المثانی
****************
فاطمه البسمار صوبها ابصدرها
چان حیدر حاضر ایخفف کسرها
ابکربله ارقیه فلا واحد حظرها
داست عله الشوك و الظالم سطرها

مآسی کربله اشخلت بالگلوب
و ابوالأکبر وسف عالوجه مگلوب
تصیح الحره ما واحد لفانی
رقیه فارگت سبع المثانی
************************
الکسرو اضلوعه فلا یحصله چاره
یگضی عمره بالدمع و بروحه ناره
مشت بنت حسین ویه اهل الحیاره
من عله ظهر الأبل تقره الزیاره

الزجر یحدی الضعن ویشَتم احسین
رقیه تسمَعّه و دمعتها بالعین
اشعجب گالت ابویه مالگانی
رقیه فارگت سبع المثانی
************************
انتثر قرط الزهره من دفعوها عالباب
صارت اتوجه عتبها ابدمع المصاب
ارقیه کل ما تبجی توگع فوگ التراب
انجرن ابقوه التراچی ابگطع الرگاب

یسیل الدم بقه و جرو اذنها
السیاط الورمن ویلی متنها

تنادی بویه ما یرحم زمانی
رقیه فارگت سبع المثانی
*********************
الزهره غسلها علی و الباری یشهد
من دفنها چن دفن ریحة محمد
عالتراب الورده خدها شو توسد
ارقیه ماتت عالطشت محمرة الخد

علی السجاد صاح ابــ نبرة الـ آه
یعمه ماتت الطفله اویلاه
یریت الموت یاخذنی ابمکانی
رقیه فارگت سبع المثانی
**********************
لخادم الحسین علی فلاح الواسطی
2صفر
1442

آنا ضيف الله و ضيفچ يا رقيه
يا يتيمه مسحي بكفچ عليه
يا رقيه يا رقيه
يا رقيه بجاه شيال العلم
تدري قلبي شكثر مولاتي الم
بجاه ابو فاضل و عينه و السهم
دمعتي بخدي يا مولاتي جريه

آنا عند بابچ وتدري بحاجتي
يا العظيمه ما تردي طلبتي
داخلين عليچ فكي حيرتي
يا رقيه يا الصغيره يا السبيه

يا رقيه ننتظر رفع البلاء
بالذي بذبوح في طف كربلاء
و ظل ثلاثة أيام محد غسله
وداست عليه بالحوافر آل اميه

يا رقيه صدق اذاچ الشمر!
صدق رحتي يا العزيزه بالاسر
في صغر سنچ و نمتي بالقبر
من فعل أهل الشقاء وابن
الدعيه

في الخرابه ضيم شفتي و المصاب
بنت ابو السجاد نامت بالتراب
نادت العمه و ما شافت جواب
صدق طفله و حامت عليها المنيه

يا رقيه بجاه ابو الشيب الخضيب
كل مريض اليوم من علته يطيب
بالحسين إلي غدا بالطف غريب
يا رقيه حني الليله عليه

تزلزلت أرض و سماء لمصابها
قضت لاكن ما نست احبابها
ما تريد تعيش مع سلاّبها
تريد ابوها بالقبر و امها الزجيه


ناصر الأحمد /٢/٢ /١٤٤٢

يبومحمد يمظلــوم = يبو محمد يمسمــوم
عليّ صعبه فرگـاك = يمـن روحي فدايــاك
وبگليبي تزيد اهمــوم

يبو محمد الك چانـــت=مضايـف للعرب وضيوف
تتعاگــب على فضلــك=والمبســــم يلــم آلـــــوف
يريت المصطفى يحضر=وبعينـه عـــزانه يشــوف
وامي الفاضلـه الزهره= وابوي المرتضى معروف
من بطنك يبعد الروح=تنــزف والدمــه مسفـوح
وگـع چبدك = اشبقه عندك
وبگليبي تزيد اهموم

يبن أمي نـــزل چبـدك=ماشفتـه أنــه بعينــــــــي
لن حســـين والعبـاس=خافـــــوا ماتحاچينــــــي
ولو شفت الطشت يمك=أمــوت بساع تدرينــــي
لچـن حسيت يبن أمـي= گليبــي چنّـه ياذينــــي
شفت صورة جسد دامي=وذبلــت سلوة ايامــي
حرت بأمـري = وصحت مــدري
وبگليبي تزيد اهموم

ذكرت وگامت الافكار=تــدور وتمشي جـــدامـي
من زغرك يحبونــــك=ابــوي اوأمـي وأعمامــي
مسموم الحسن گالـوا=وحسين اليظل دامــــي
ظلت بالگلـب نـيران=وأفــز بنومـي واحلامــي
ولن ساعة صفرحلت=وبــت الاشعث علي حطت
سگت سِمّه = ونـزف دمـه
وبگليبي تزيد اهموم

وصتني الزچيه أمــك =يزينــب والدمـع يهمـــل
باچـر لو حسن ينعـــه =روحـه وچبدتــه تنــــزل
يخت حسين لتقصرين=لـــورادالعمـــريذبــــــــل
وصـيتي ليچ يازينـــب=مااريــد الدمــع يبطـــل
تنصبــيـن العـزه لجلـه =وتحشمين العرب واهله
تشوفه الناس ابـو النومـاس
وبگليبي تزيد اهموم
****
ياروح اتحمــل خويـه =كـل هذا الهظم والنــوح
على المسموم ابومحمد=وچبده داميّ ومطـروح
ومن حسين يوم الطف=على التربان ظل مذبوح
ومسبـــــــيه ارد اردود=والسجـاد متنـــه اجروح
واطفـال وحـرم ويـــأي=عطشانـه وتريــد المـأي
عشت دنياي الم بلـــــواي
وبگليبي تزيد اهمـوم

نسألكم الدعاء
خادم الحسين ع
الحاج ابو اياد البيجاوي

نزله

زائرينك ... بأربعينك ... يا اباعبدالله
.........
نعتني و دمع الألم...دَربك الـــغالي رسَم
رافعه كل الخــدم...باسم ابو فاضل علم

نمشي نمشي ... نفدي كلشي..يااباعبدالله
.................
كلمن ايحبك خـِلَد...بحـبك انــوثق عهد
نعتني من كل بَلَـد...صحنه يالغالي مدد

الكل يطوفك...ما نعوفك...يااباعبدالله
...............
من طريقك ما أَمِل...بيــك يَلــتم الــــشمِل
شرف خادم انقِبل...وتكتب أسمي بالسجل

تسجله فاطِم...أسـمي خادم... يااباعبدالله
..................
أرد أَطَيّب خاطرَك...بدمعي دوم اتذكرك
ســــيدي ما أكبَرَك...نحري فدوه لمنحرك

دمعي نوحي...أنته روحي... يااباعبدالله
................
بالدموع الجــــاريه...والدمــــاء الغاليه
صرخه تبقى عالـيه...كربـــــلائك باقيه

يظل ولائي ... كربلائي ... يااباعبدالله
...............
بالمشي صوتي هِتَف...حته لو دمـــي نزَف
گلبي عهده ما خِلَف...خدمتك اعظم شرف

اتمَلكتني...شَرَفتني... يااباعبدالله
.................
طول دربي اترقـَبَك... كون هذه ايناسِبَـك
أشتغل في موكبك... أسمي خـادم زينــبك

أفخر بهاي ... وزعت ماي ... يااباعبدالله
...................
باربعينك أنــــتظُر...دمعـتي شبه الجمُر
بالظعن يم الگبُـــر...تعتنـــــي أُم الخدُر

واصرخ ابأه...واحسيناه... يااباعبدالله

الشاعر حاتم صبري الكاظمي

قـــصــــیـــدة رثـــــاء :::


حوار السیده زینب مع رأس الامام الحسین
و تشرح حال السیده رقیه علیها السلام ؛؛

یل عَـالـرمح غــــافی
أمــشي ابجدم حـــافي

احسين استمع شكواي........يارجـــــواي

( یل عالرمح غافی )

۞۞۞ ۞۞۞

خویه ابدیلک مصـیبه وبیه چم نشـغـةطـفـل
امصـیبة ابنـیتک رقـیه التبچی من جَرح الحبل
تنـظرک علـرمح انـتـه و هـِیه صـعدت عَلـهِـزل
شُوغت المخنوگ بیهه وتشکی من سوط النذل

يا خـــــويه أذوهـــــا
باحـــــبال شــدوهــــا

واشـــــرح الك بلـــواي........ يارجـــــواي

( عالـــــعين سِطروهـــــا )

۞۞۞ ۞۞۞

تـرچـیـة بـنـتک خـذوها و ذانـهـه صَـبـت دِمـه
و عَلحسچ مَشوا رقیه و ضاجت الونهه السمه
علوجه چم لطمـه عدهه ابحـین أذاها الضـمـه
وتبچی من تسمع یخویه الخیل صدرک هَشمه

سلَـــــبَوا ترچـــــیه
من بِنـــــتک أرقـــــيه

اطــفال و ســبايه اوياي.......يارجـــــواي

( اَحمـــــيهه لِبنـــــيه )

۞۞۞ ۞۞۞

علرمح بعیونک انته السبی أبنیتک تصطبی
نوب بلاحـبال تلـتف نوب ایطگـها الاجـنبی
تنـظر الراسک وتـشکی بابا عـذبـنی السـبی
ودهه یمی اتلـوذ حـتی اتامن ابکـتر الـعـبی

صــــاحتلک الحَـــــگلی
مِن رُمحــــَک أنـــــزِّللی

اتلوذ ابعـــباتی اهـــوای........يارجـــــواي

( و اِتحَشـــِمَک مـــــثلی )

۞۞۞ ۞۞۞

بنـتک ازغـیره ولاچن جـبل صـارت من حـزن
حاضنه اتراب الخرابه من عگب ذاک الحضن
اشکثر ما بلضرب کـَثّر عدهه صار ازرگ متن
اید ذباحک ثجـیله اشگد ضربها اعلی الجفـن

یِضـــــرُب یـــأذيـــــهه
و اشـــگف احــامــــیهه

ویه الشـــمر ممـــشای.........يارجـــــواي

( بس یِزمـــــَخ اعلـــــیهه )

۞۞۞ ۞۞۞

بطشت من وصل راسک بسمک الغالی انـتخت
حِضنت الراس ابأدیهه اتناشق ابحرگه و بچت
تمـسح الـدم و الـتـراب الـنـایم ابوجـهک لگـت
بلخـرابه اوداع عدهه و عـینـهه ابکـترک غـفت

اعلـــــیک أنتخت صـــــاحت
ابگـــــد الألـــــم ناحـــــت

اتنــــوح و بچــت ویای ....... يارجـــــواي

( شُبگـــَــتک و مــــاتت )

۞۞۞ ۞۞۞

تمـــت بعـــون الله تعـــالی ....
کلمات خادم الامام الحسین ع ؛؛
سـید محـمد المـوســوی
(المحمره )

#من_البحر_الئ_النحر

ياحـسين الكربــله عنـــــايه
من البحر حد النحـر مشايه
تعنت اليوم اطوف
الك زوار ازحـــوف
من البحر حد النحر مشايه
ـــــــــــــــــــــــــــــــــــــــــــ
اليـــوم زوارك اجيـنه   لكربــله هـاذه اليـوم
نمشي وبدربـك ننــادي  ياحـسين المـظلـوم
نبجي ونواسي العقيله   لفارگت طعم النوم
كل موالي تشـوف گلبه   هسه تلكاه ملجوم

مو دمع من انــــزور
لازم انقـدم انحـــور
لنصرتك نرفعها هاي الرايه
ــــــــــــــــــــــــ ❃ ❃ ❃ ــــــــــــــــــــــ
عفنه الديار اعتنينه   ودارنه تصير احـذاك
يابـو عـبد الله أبـونه  انـتـه ونــريـد ويــاك
حاشه ماتنسانه انته   واحنه هم ما ننساك
ما نريد الدنيه هايه  بس نريد احنه ارضاك

لمـوتي شـاخـذ ويـــــاي
بس رضــــــاتك مــولاي
يالي حبــك فطرتي مو غــايه
ــــــــــــــــــــــــ ❃ ❃ ❃ ــــــــــــــــــــــ
ندعي من الله محرم  كون مو بس شهرين
بالكـي نـوافيـك ذره  والمـشي ريـته سنين
نمشي مانتعب ابدربك بالمشي وامكيفــين
بيش نوفيها دمائك ياحـسين امقصـــــرين

كــون نكطــعله جفـــوف
عالضريح مـــن انطــوف
مثل الشمرهن عالنهر يم مايه
ــــــــــــــــــــــــ ❃ ❃ ❃ ــــــــــــــــــــــ
هالمشي عدنه سنينه  معودين احنه اعليه
المايجي يمشي بطريجك بعد شله برجليه
المايحب حـسين هــاذه لاتـضـن انماشــيه
هالـعمـر لـو ماحسينك هالـعمـر شلك بيــه

الما أجه يـزور حسين
يقـضـي لازم بـعـديـن
هالزيــــاره واجبه مسـمايه
ــــــــــــــــــــــــ ❃ ❃ ❃ ــــــــــــــــــــــ
الخـــادم: محمد رحيم المشعلاوي

****
زينب امن الشام ردت من عگب ذيــــݘ الرزيه
ردت ابكل اليتــــامه وبالغـــــرب دفــــنت رقيه
****
بين درب الغــــاضــريه المؤلــــمه ودرب المدينه
علي ناده عــــمه زينب ويــن نگصد يالـــــحزينه
صاحت الكربله عمـــــه ســــــــيريالسجادبيــــنه
ساربيهه الگبراخوهه حسيــــن ابن حامي الحميه

جابراتلــــگه العليل ونارحــزنه ابــــگلب تلــهب
يهمل ادمـــــوعه ويسـأله عالحسين وعله زينــب
گاله اهنانه يــــجابر والـــدي ابــدمـــه تخــضب
اهنانه ياجابرولتنه وليــــه جيـــــــــمان آل امــــيه
*

اهنانه طاح حسين ابويه وداست الخيل اعله جسمه
كون موجود وتشوفه امن النــحرمــــــن سال دمه
مالي حيل افزع واعينه اولابگه ناصروحـــشمه
بس حـــــــرم ويتــــام ظلت وآنه بس علتي خفيه

ايگله جابرريت بالطف حاضروعنــــكم أحــامي
أفدي زينب والحــــرايربالدمـــه وأفـــدي إمامـي
وياعلي عالرمح ريته اعتله گبــــل حسين هامي
وريت رضوجسمي گبل حسين ابن هادي البريه
*
ايگله ياجـــابر وزيــــدك عالـــنهربــــدرالهواشم
طاح ونگطعة اݘفوفه وفجع من طاح الفواطــــم
وشبه طه انصاب هامه ومثله صابــو هام جاسم
الجره اعلينه يجابرزلزل اركـــــــــــان الوطيه
*

ضامي عبدالله الرضيع انذبح بالنبــــله يجابر
كون شفت امه الرباب وحالهه اليكسرالخاطر
إلهه رد النحردامي وچمل امصاب المناحر
انحورانصارابواليمــــــه والنحورالهاشميه
*
جابرايگل للعليل اشلون صـــارحسين وضعه
بگبره من زرته احسه گلبه شاجريجري دمعه
باللحد مدفون لاچن چنه ينــــحب وآنه اسمعه
وحيـــن شميت التراب اعرفته ضـــامي للمنيه
*
إي يجابرمات ضامـــــي وشايل احزان ابدليله
وجيت ازوره وعالمصايب راح للوالي اشتكيله
وعن رقيه أرد اخــــبره ودمعي يم گبره أسيله
اشگدعزيزه تدري عنده طفلته المـــــاتت رقيه
*

عله راس حسين ماتت والگلب نيـرانه تسعر
آه من صاحت يبويـــه لــيش دم راسك تعفر
ليش بويه يتموني ومنهو حـــز منك المنحر
منهوليّه اوياك خذني ضاگت الوسعه عليه
**
تمت بعون الله وتوفيقه والحمدلله رب العالمين وصلى الله على محمدٍوآله الطاهرين
حيدركريم جارالله الكربلائي

تهتف ....الوفايه
هذا صوت الرايه
........عاشك انه احسيني
معتني مشايه
***************
يالله شد الرايه....وعتني مكصودك
سبح بنفاسك......بالمشي مشهودك
معجزات تشاهد....هذا وافر جودك
كلشي لجل الزهره قدمت مجهودك

بيها تلكه انفاسك
عابس ابحساسك
........والموالي ينادي
شيعتك عنايه
***************
اعمه شفنه بدربك...ما يشوف بعينه
بروحه لمن كاصد..بالمشي الله يعينه
كال اشوف بكلبي....والبصيره بدينه
الوفي بيمانه...كلشي ينطي احسينه

بالمشي اتباها
فاطمه الكاها
......تمشي والله ويانه
لو نسوي اقرايه
***************
فاطمه اتلكينه...شوفي هاي احبابج
ماتعوف احسينج.نجري دم بمصابج
فدوه لو شمينه........ذره من اترابج
دم شفت بعيونج....مانشف بهدابج

بالمسيره انواصل
هيه بس تستاهل
........انتي كلشي بروحي
روحي يمج هايه
**************
وزعتلك روحي..كلشي لجل انطينه
اشرت دمعاتي.......الكربله اتودينه
بوصلت. احلامي......بدربك ادلينه
والعذر تقصيري......والله ماوفينه

كاتب ابحساسي
حيدري عباسي
.......فاطمي دمعاتي
وانه منطي احچايه
****************
كل مسيره انواصل ...بربعينك جينه
اتوزع الزوارك.....ماي شفنه سكينه
يم حسن خطارج.....فاطمه تلكينه
والكمر شد واهس....والعزم منطينه

ياعلي نادينه
ماتهم رجلينه
......كل تعب مابيها
هيه هاي الغايه
***************
تمت بعون الله
خادمكم..... يوسف الفتلاوي