عمري وراحتي وروحي.. رقية
ذخري وفرحتي ونوحي.. رقية

ذابحني عشگها
مجنون بإسمها

١/ مالِكة گلبي وحياتي مْن الأزل
كل وجودي وعيشي منها والأمل
يالتناشد بيّه حبّها شو عمل
جننت عقلي رقية يالتسل

غرامي وحبي كل عشگي.. رقية
هيامي وگلبيِ وشوگي.. رقية

تارسني فضلها..
مجنون بإسمها

٢/ حْروف اسمها كاتب بوسط الگلب
ويسهل مْن اذكر رقية كل صعب
ذكر اسمها يمحي عني كل ذنب
ولفظه بلساني احلى من ماي العذب

احلى مْن العسل چلمة.. رقية
واغلى مْن النعم نعمة.. رقية

شاملني لطفها
مجنون بإسمها

٣/ أعشگ اطفال البسمها امسميات
هيچ بالفطرة يجون امدللات
باچر امن الباري يرزقني بنات
كون اسمّيهن رقية ولو مئات...

انذرهن وگف خدمة.. رقية
واترسهن هوه و رحمة.. رقية

والِدْهن عبدها..
مجنون بإسمها

٤/ سيّدة روحي أميرة نينوى
وبلسم اجروحيِ وْدائي والدوا
الروح والريّة رقية والهوى
وشمس گلبي التارسه دروبي ضوه

يضيعن باچر اليكفر.. رقية
ويموتن كافر الينكر.. رقية

هنياله العرفها
مجنون بإسمها

٥/ ريت چنت بكربلا الها نعال
يوم ركضت حافية اربات الدلال
ريت جسمي ابدالها انجرّ بحبال
وْلا يشوف الأجنبي منها خيال

دعائي قنوت بمصيبة.. رقية
بولائي اموت من غربة.. رقية

روحي فدوة الها
مجنون بإسمها

*حيدر الدر العاملي*

في ذكرى ميلاد السيدة رقية (ع)

قُل للذي باتَ والآهاتُ تخنُقُهُ
وجُرحُهُ صارَ مثلَ البيتِ يَؤوِيْهِ

أَدِرْ فُؤادَكَ نحوَ الشامِ إنَّ بِها
بنتَ الحسین فَهَمُّ القلبِ تَشْفِيْهِ

&&&&&

مُذْ جِئْتِ والأطيارُ في فَرَحٍ
وبَعَثْتِ في أرواحِنا العِشْقا

ولكونِنا أهْدَيتِ سَوْسَنَهُ
وَمَلأْتِهِ بِبَياضِكِ الأَنْقى

مَنْ جُنَّ في معناكِ سَيِّدَتي
(مُتَمَسِّكٌ بالعُرْوَةِ الوُثْقى)

وَلأَنَّ عُمرَكِ رُغْمَ قِلَّتِهِ
رَسَمَ الإبا والصبْرَ والشَّوْقا

بِحُروفِ إسمِكِ ضَجَّ مُنْذَهِلاً
وغدا يُنادي .. الغَرْبَ والشَّرْقا

&&&&&

أبوذيتين :

شَبيهه الـ فاطمه او للفَجُر .. مُرَّات (مرآةْ)
قِصَص راواها دَهْر الشوم .. مُرَّات
مَرَّه اتكول طفله او زِلْمه .. مَرَّات

ابدَمِعْها كسِّرت خشْم آل اميه

&&&&&

اليِحِب بنْت السبط واضِح .. رُقِيَّه
و اسِمْها للعِلَل والله .. رُقِيَّه (رُقْيَه)
التَّرافه الـ بالوَرِد منها .. رُقَيَّه

او من ضَيْها الشمِس صارت مُضِيَّه

&&&&&

هوستين :

هاي ارقيه بنْت احسين
صلى الخالق اعليها

وِ اجَت لملاك للزهراء
ابوِلادَتْها تِهنِّيها

الشيعه الـ خاطر المظلوم
الصلاه كامت تِعَلّيها

الـ هاي العِلْوِيَّه .. كل هاي الدنْيَه
صارت تِرجِيَّه .. ابدال اللي سِلْبُوها

&&&&&

رقيه هيه بابُ الله
الـ مِنه يُؤتى بارينه

او قرآن الشرف و النور
الـ فقط بس هوه يِحْيِينه

ابيوم الـ بيْه يصير احساب
او حَشُر حاشه تخلّينه

هاي الوفَّايه .. الـ مِن تحجي احجايه
ألله ايكِل هايه .. احجايَتْها تِتْنَفَّذ

&&&&&

خادم رقية (ع) : إبراهيم الدريس

لـسـیدتـے ومـولاتے امــیـرة الــطـف (رقــیه بنت الــحــسین ع)
🌸🌸🌸🌸🌸🌸🌸🌸🌸
 اسمها من الزچیه.  بنت الحسین
رقیه الفاطمیه.       بنت الحسین

ابدماوصفوها      حبیب گلب ابوها
رقیه الفاطمیه. بنت الحسین
   🌸🌸🌸🌸🌸🌸🌸
نزلت بشاره من السمه های المسیه
تحمل هدیه من العرش لأبن الزچیه
الله خلق من طینته الحره الأبیه
هالطفله وحسین ابتشر صارت رقیه

جمال الله وخصاله.   بنت الحسین
اجت بنت الرساله.     بنت الحسین

ابدماوصفوها.      حبیبت گلب ابوها

رقیه الفاطمیه.  بنت الحسین
🌸🌸🌸🌸🌸🌸🌸🌸
نور الزچیه فاطمه بلعز تعبّد
هلیله من صارت رقیه رد تجسد
ینظر علیها ابن الزچیه وشوفه یمتد
شاهدها تشبه فاطمه بضعة محمد

إبسحرشوگه یضمها.  بنت الحسین
رقیه تشبه امها.      بنت الحسین

ابدماوصفوها.    حبیبت گلب ابوها

رقیه الفاطمیه بنت الحسین
🌸🌸🌸🌸🌸🌸🌸🌸
ربنه جعل هاذه الاسم من محتواها
کلمن اسمها فاطمه ربنه اصطفاها
فرحتها لحسین ابکبر دنیه وعطاها
ضوّت دیاجیر الظلم من شع ضواها

ضِوت بیهه الوسیعه.    بنت الحسین
مثل امها الودیعه.         بنت الحسین

ابدما وصفوها    حبیبت گلب ابوها

رقیه الفاطمیه بنت الحسین
🌸🌸🌸🌸🌸🌸🌸🌸🌸
واگف یهز بیده المهد والعین بلعین
تنظر ابوها وتبتسم واتنادی یحسین
هالطفله تصنع ملحمه في مر السنین
خدّام اله تنجعل کل السلاطین

وانه الخادم رقیه.    بنت الحسین
فضلها بین ادیه.      بنت الحسین

ابدماوصفوها.  حبیبت گلب ابوها

رقیه الفاطمیه بنت الحسین ع
🌸🌸🌸🌸🌸🌸🌸🌸🌸🌸

لخـادم رقیه عبـدالامیرالنـاصرے

مولد
لذكرى ولادة
طفلة الأمام الحسين
السيده رقيه عليها السلام
(لحن من التراث )
..................
ذرية الزهره
هاليله مبتشره
صارت رقيه لحسين .. صارت رقيه
.....................
ب17شعبان
شاء العلي الرحمن
يولد حسن فتان .. لبن الزجيه
أحلى هديه لحسين .. صارت رقيه
...................
يا ليلة الميلاد
ليلة سعد وعياد
لحسين أبو السجاد .. جد البقيه
روح أو هويه لحسين .. صارت رقيه
..................
سبط النبي المختار
ضنوة علي الكرار
وياها أله تذكار .. بالغاضريه
مبدأ قضيه لحسين .. صارت رقيه
.................
كعبه أو عليها أدور
أملاك من الحور
أبشعبان و بعاشور .. للحب سجيه
أبهاي المسيه لحسين .. صارت رقيه
...................
نفحة خلق فواح
لال النبي يا صاح
آية نذير أفراح .. بالعز أبيه
حجه أعله أميه لحسين .. صارت رقيه
.................
قبل الشمس متغيب
طشو الفرح والطيب
بلكي الشفاعه أنصيب .. نعم العطيه
يهل التقيه لحسين .. صارت رقيه
...................
خادم أهل البيت
الشاعر : أسماعيل الجوراني
الجمعه : 10/4/2020
16/شعبان/1441ه

ميلاد السيدة رقية ع
🌸❄️❄️🌸🌸❄️❄️🌸🌸❄️🌸
الليلة رقية هلت ابنوارها
واحنا ضيوف الليلة من خطارها
محلا رقية ياهلا
احلى ابنية ياهلا
محلا رقية هالقمر محلاها
🌸❄️❄️🌸🌸❄️❄️🌸🌸❄️
حلوة سجاية حلوة طلتها القمر
نورت دار العائلة والكل حضر
ايباركوا لحسين وعباس القمر
محلا ضواها هالبنت ابليلةسمر
محلا رقية ياهلا
احلا ابنية ياهلا
محلا رقية هالقمر محلاها
🌸❄️❄️🌸🌸❄️❄️🌸🌸❄️
هذي رقية الغالية عند الاهل
فرحانة عمتها وعباس البطل
عند الولادة الاحبة والشمل
كلهم يهنوا فاطمة وخير العمل
محلا. رقية ياهلا
احلا ابنية ياهلا
محلا رقية هالقمر محلاها
🌸❄️❄️🌸🌸❄️❄️🌸❄️🌸
احروف اسمك اربعة مثل الورد
نجمة سمانا ونشم عطرك من بعد
محلا البنية ومن على خدها السعد
ياناس عودوها عن اعيون الحسد
محلا رقية ياهلا
احلا ابنية ياهلا
محلا رقية هالقمر محلاها
🌸🌸❄️❄️🌸🌸❄️❄️🌸🌸❄️
شمعة اماني حسين تنحط بالقلب
تحمل معاني الزين وهذا مو عجب
نسلة طهارة عالي من بيت النسب
ابكل الوصافة والحسن بيها انضرب
محلا رقية ياهلا
احلا ابنية ياهلا
محلا رقية هالقمر حيوها
🌸🌸❄️❄️🌸🌸❄️❄️🌸🌸
امكحلة العيون وهي فلقة قمر
بالله عوذوها عن اعيون البشر
محلاها هالطفلة رقية كالبدر
نسمة عطرها الله يامحلا العطر
محلا رقية ياهلا
احلا ابنية ياهلا
محلا رقية هالقمر حيوها
🌸🌸❄️❄️🌸🌸❄️❄️🌸🌸
ريحة ورد من ريحتش تروي القلب
بسم الله شيلوهابعد بنت الحسب
مهدية من نور الجلاله منكتب
محبوبة لحسين الولي ومنه قرب
محلا رقية ياهلا
احلا ابنية ياهلا
محلا رقية هالقمر محلاها
🌸🌸❄️❄️🌸🌸❄️❄️🌸🌸
وصفچ عذب صافي يحير للخيال
حزتي المحبة والعطف ويالدلال
هام القلب ابمحبتچ لحسين قال
الله يمحلا الطلعتچ چنچ ا هلال
محلا رقية ياهلا
احلا ابنية ياهلا
محلا رقية هالقمر محلاها
🌸🌸❄️❄️🌸🌸❄️❄️🌸🌸
انشم عبيرك يالورد واحلى الورود
في الشبه چنك فاطمة كلهم شهود
سبحان من صور الى ثغرك وجود
ساكنة ابقلب حسين وبحبك يزود
محلا رقية هلا
احلا ابنية هلا
محلا رقية هالقمر محلاها
🌸🌸❄️❄️🌸🌸❄️❄️🌸🌸❄️
لخادمة اهل البيت ع
ام محمد الحبيب

رده لسیده رقیه
🌺🌺🌺🌺

انولدت رقیه اللیله...وزاد الحنین
وصارت ستر للشیله...بنت الحسین

اخت عبدا...الرضيع/
الحاجه یمهه ما تضيع/

(بس حلفهه ابعم الساده)
🌺🌺🌺🌺
زینب گلبهه اتبختر...ابجیت العفیفه
فاطمه وبسن ازغر...امنُمهه الشریفه

بیهه عفه امخدره...
اربات شیخ المفخره...

( ورباهه حسین اعله اضراعه)
🌺🌺🌺🌺
عباس مد روحه ورد...وگلبه ابعشگ رف
وهودجهه شاله اعله الزند...واتعنه لطف

اقسم ابچفیت ابوی
اعگال راسی بت اخوی

(وافرش خیمتهه ابمزویتی)
🌺🌺🌺🌺
ازغيره لاکن یاناس...شوفو رقیه
بشام صارت عباس...وخلست امیه

بيهه شاره امنل الفحل...
لو نبط عرج زعل...

(دواس اللیل ایظم روحه)
🌺🌺🌺🌺🌺
هم یوصل ابدمع الولاء...
نفدیهه دمنه
لشام نگصد للوفاء...
مشایه کلنه

نعتنی ابگلب النظیف
انطوف مرقدهه الشریف

(ویم عتبتهه انسوی اقرآیه)
🌺🌺🌺🌺
یا مولاتی رقیه/مسعودالحاتمی

هوسات جنوبيه 🌸🍃

من بزغ نورچ رقيه ، استحت كل النجوم
نور أفضالچ تلالي و ما تغطيها الغيوم
والكواكب تروي خيرچ ، ترتجي امن الله يدوم

نرفع ايدينه ...، ها
حِني اعلينه ...، ها
ردنه اتكرمينه ...، ها

(وقعي حاجاتي هالليله)



وين خدام الرقيه وينكم حضروا ابعجل
هالمسه لازم نهني المصطفى وخير العمل
بالهلاهل خل نهوس ويه كلمن احتفل

و الهلهل وينه ...، ها
يرفع ايدينه ...، ها
فرح والينه ...، ها

(هوس و اختمها ابهلهوله)


من نظر عباس لأنوار الرقيه بالمهد
صاح أخليها ابعيوني حتى لتضرها الشدد
دام أنه موجود ما يقدر يأذيها أحد

خادم تدريني ...، ها
أحفظها ابعيني ...، ها
أفديها اسنيني ...، ها

(عمها و أخدمها بعيوني)

=========
📝 #الشاعرة_الملاية_زينب_المؤيد

جلوة في مولد السيده رقيه ع

الف مرحب وحيا الله هالجيه
ليلة مولدج الليلة مضويه
------------
كل الشيعه فرحانه بها الليلة
مسروره بحفاوة جملة العيله
نهني بمولدج طه والجليله
نبارك حق بني هاشم بسويه
-------------
الف مرحبا وحياالله هالجيه
ليله مولدج ليلة مضويه
--------------
كل النجوم زادت في ضواها
حتى الشمس فاضت
وبعطاها
أما القمر زايد عن سواها
بنوار رقيه الهاشميه
-------------
الف مرحبا وحياالله هالجيه
ليلة مولدج ليله مضويه
------------
قلب المحب يهواكم يالسيده
وذكرى مولدج الليلة نعيده
حبكم يجري في دمي مديده
وكل آمالي تتحقق ابها المسيه
----------------
الف مرحبا وحيا الله هالجيه
ليله مولدج ليلة مضويه
---------------
انتي سر الله بوجود العالم
وانتي طفلة المظلوم و فاطم
وانتي بنت الحسين وفخر العوالم
اما هالشمايل شمايل هامشيه وحياالله هالجيه


--------------
الف مرحبا وحيا الله هالجيه
ليلة مولدج لليله مضويه
------------
ربي يعودنا عليج
يابنت الحسين

محلا حضرتج بالدنيا تضوين
وانتي الأصل والمنبع والزين
ميلادج الليلة على الدنيا زهيه
---------------
الف مرحبا وحي الله هالجيه
ليلة مولدج ليله مضويه
-------------------
تمت بقلم ام ابراهيم بوزيد ✍🏻✍🏻✍🏻✍🏻✍🏻

مولد السيدة رقية

    عليها السلام

🍃🍃🍃🍃🍃🍃🍃

نوّرت وأسفرت شمامة حسين.


ياهلا وكل الهلا ريحة الطيبين.


محلاها.... حيّاها

  ريحة الطيبين

........................

ياهلا وكل الهلا بالهاشمية .


شمعة البيت الحسيني الفاطمية.


ياهلا ابريحة رسول الله رقية.


الشافعه يوم الحشرللجعفريه.


تعطينا .... وترضينا

  ريحة الطيبين

..........................

أسفرت أنوارها بنت الرساله.


مثل نجم اسهيل محلاهااتلالا.


وجهها مثل البتوله في جماله.


صاغها منها العلي جلَّ جلاله.


دنيانا .... نشوانه

بريحة الطيبين

...........................

يارقية مرحبا ابهاي الولاده .


يالـمليتي الكون أفراح وسعاده.


تاج راسي إنتِ وبجيدي قِلاده.


هذا قلبي بيدچ إعطي له مراده.


يتمنّى .... ويتعنّى

الريحة الطيبين

..........................

أسفر الكون ابرقية وشعّة انوار.


وبيت أبواليمَّه علت فرحت استبشار.


الله يرزقنا وعليها انعود زوّار.


ويوم محشرنا تنجينا من النّار.


ويّاكم .... بحماكم

  ريحة الطيبين

.............................

يارقية يالشفيعه بالقيٰمه .


بيچ متعلقين ياروح الإمامه.


اعلى الصراط انريدها عبرة

سلامه .


إنتِ باب الله ولِچ عنده كرامه.


جينا لچ .... بذيالچ

    ريحة الطيبين

٠٠٠٠٠٠٠٠٠٠٠٠٠٠٠

  🖌لخادمة أهل البيت

      أم جمال خواهر

هوسات للطفله رقيه عليها السلام
===========

مبروك بولاده طفلة حسين

ضوت بلمدينه بين بدرين

زينب شاهدتها وهلت العين

شمحلاها .. بت المظلوم

........................

محلاها الاميره بين البدور

وجها كلقمر بلدار وينور

فرحت بيها امها وهلهلت الحور

فرحانه .. والدنيه وياها

.......................

فرحان الحسين بجيت ارقيه

يقبله وينادي حلوه البنيه

وجها كلقمر وخدود ورديه

المزيونه .. محلاها الطفله
.......................

هلهوله يشيعه اليوم سمعونه

بت حسين هاي الفرح ياعونه

تنطينه الحوايج وهي الممنونه

هلوله .. لصيار ارقيه

===========
خادمه ال اابيت الحجيه ام علي بصره

مولد للسيده رقيه عليها السلام////////
المولدج كل الخدر فرحانه
تهلهل وعلگت شمع ويانه

يا رقيقه شلون نسمات الصبح
من يشمج عودج ايطيب الجرح
يا اصيله امئصله وكلج ملح
للشرف مقياس يا عنوانه
*
انتي ورده اشلون اهديلج ورد
والفخر والزود يمج يستعد
انه متئكد يطخ راسه المجد
يمج وعلباب اظن نيشانه
*
فدوه لعيونج نروح بلا ثمن
انه وسنيني المظن والي يجن
يا رقيه انصيح لو جار الزمن
فنه ذيج الساع يتحدانه
*
انه وامي وصحبتي وكل الخلگ
نحلم ابابج نشد احنه العلگ
والله بالاهات واحدنه اختنگ
اي وحگ الكطعو ذرعانه
*
احلم ابابج ادنگ هامتي
وبدموع العين اخذ حاجتي
وداعت العباس تعرف قصتي
اكثر امن امي العلي تعبانه

راح اروح المرقد ايسر خاطرج
باليسر والظيم هوه الشاطرج
يم شريفه اندار اعرف ناظرج
راح اگلهه اسلم اولهانه
**
ارد احلفنج يمين ايهز جبل
بداعت الراحت سبيه بلا اهل
اليظد اعراقنه ايصيبه شلل
ينگلب حكمه وخسف بنيانه

الشاعر فاضل الغريباوي

واعدتوني عاهدتوني
بالطف ماتنسون حسين

----------1----------
بالطف نوخ ناكة زينب
جف عباس وجف جبريل
واعرفكم مو اخوة يوسف
ولاعدكم خوة قابيل
غربان ونازل يتقدم
لومطرت بالطف سجيل
واجبكم يصطف للمذبح
اسماعيل بصف اسماعيل
جرح الينزف ........يكتب موقف
وانتم للمصرع ماشين

----------2----------

من جنتو زغار يوصيكم
حامي الجار بهذا اليوم
كل واحد هز مهده وكله
لرض الطف نحرك مفطوم
جان بهل الصوت يناديكم
ياخوان حسين المظلوم
كلشي يزول بهاي الدنيا
بس وجه المعبود يدوم
انتو الغيره ........،واهل الغيره
يعرفكم توفون الدين

----------3----------

صوت حسين العايش بيكم
لازم تمشون ببممشاه
كلمه وللتاريخ حجوها
ماتسوه الدنيا بلياه
دمكم بالميدان ينادي
للعالم نشرح معناه
روح الهادي وقلب الزهره
ننسه الدنيا وماننساه
تجري الدمعه ..........تطفي الشمعه
ياصحاب النخوه الطيبين

----------4----------

نخوة حيدر يهل الشيمه
غذتكم غيره واحساس
ياولاي ونذرتكم روحي
يم خيمة زينب حراس
تنخاكم ياليوث الحومه
تعرف بيكم رفعت راس
برض الطف لو عطشت زينب
يرويها بجوده العباس
مايتعذر ........دم المنحر
لحسين ومشبوحه العين

----------5----------



افدي حسين بكل ما املك
ومقصره بحق العطشان
ياريت بداله يذبحوني
سالم ترجع للاوطان
اوصيكم من هاي الساعه
تفدونه بدم الشريان
والطف باجر هيه تميز
بين الرابح والخسران
دمكم قبله ..........لا للذله
يصرخ بوجوه الطاغين

تمت بعون الله
للشاعر الموفق علي الخفاجي

لمّن خفت صوتي
محّد حضر موتي
وشيّعلي تابوتي .. واويلاه
بعازة كافل ...
يغمضلي عيوني
يمسحلي جفوني ..وندب كَلبي
بغربتي .. ماشفت .. اخوتي ...ياحسرة كربلاء
ــــــــــــــــــ
بعيوني مرسومه
خيمه وسبي وحومه
والسلبوا اهدومه ... واويلاه
نار اخيامي ...
تتلاهب بروحي
بكبر السمه جروحي ..... علبو فاضل
يا نهر .. ماكو اثر ... للكَمر ... ياحسرة كربلاء
ــــــــــــــــــ
صرت اصفكَ بأيدي
انطر يجي اعضيدي
ويكَلّي شتريدي ... واويلاه
كَلبي الضامي
يتروّه لو شافه
واسمي على اشفافه ... وندب زينب
ما اهم ... للاجل ... والالم ... ياحسرة كربلاء
ــــــــــــــــــ
معقوله بالغربه
جفني الدمع صبّه
اتشيّعني الغربه ... واويلاه
وزينب آنه
غربه وبلا اخواني
يشيعولي جثماني ... ويدفنوني
بالجفن ...اذكرك ... يا ضعن ... ياحسرة كربلاء
ــــــــــــــــــــــــ
وبآخر انفاسي
تمنّيته عباسي
يمسح على راسي ... واويلاه
اعرف حاله
متكَطّعه جفوفه
وطفّه السهم شوفه ... انهشم راسه
والسبي ... مارحم ... بالعبي ... ياحسرة كربلاء
ـــــــــــــــ
الشاعر محمد حسن ضيغم

كل يقيني ... جي عشت محرم
ما تمسني ... بالحشر جهنم
بحسين .. تنطفي جمرتي وعذابي
بحسين .. بالحشر ما اهم حسابي
ــــــــــــــــــــ
عندي ثابت معتقد ...بمجلس حسين الامل
الدمعه من تجري اعله زينب تنجلي اذنوب العلي
وعندي لطمه ال عل صدر ... تنحسب اشرف عمل
والله بجفوفي اليلطمن صك يسلموني بدي
لو عمت عيني عليه ... ادري بالدمع النزل
ترجع عيوني بعزائه اتفتّش ومليانه ضي
من هجير اشكَد محن ... وكَلبي جم لوعه حمل
ياحسين وهل مجالس بالحشر تصبحلي في
بالقيامه ... لو صحت يزينب
بالقيامه ... وكَفتي ماتصعب
وهناك ... بس عسل يصبح شرابي
بحسين .. بالحشر مااهم حسابي
ــــــــــــــــــــ
عايش بخير الحسين ... وخيره مثله ما يصح
وادري تحسدني الملائك من اروح المأتمه
شكبر فضل الله علي ...بكَلبي لو شايل جرح
شنهي آنه وبالمجالس يمّي تحضر فاطمه
ثوب الاسود جنتي ... لابسه اعله المنذبح
ومن اطبّر لجله اواسي منحره وذاك الدمه
ومن انادي ياحسين ... باب ربك ينفتح
شمحله لو بسم الحسين اودمعي احصل الخاتمه
بكَبري اصيحن ... ياحبيبي وينك
بكَبري اصيحن ...منتظر حنينك
والنور ... من تجي يضوي بترابي
بحسين .. بالحشر مااهم حسابي
ــــــــــــــــــــ



مو صعب تخمد صقر .. نار نمرود وطفت
نار برداً وسلاما ً من كَرب منهه النبي
وآنه خادم للحسين ... بيه روحي اتشرّفت
والمجالس بيتي صارت وآنه حزني زينبي
ما يمس جسمي اللهب ... دموعي جنه اتوصّفت
النار حتماً برد تصبح حين اونن عل عبي
تبجي املاك السمه ... عل عيال الماغفت
وتبجي حتى النار احسهه من انوح اعله السبي
تطفى ناري .... وتبجي للمصيبه
تطفى ناري ... الخاطر الغريبه
جي سود عالسبط لابس ثيابي
بحسين .. بالحشر مااهم حسابي
ــــــــــــــــــــ
حسينه رب العباد ... كلشي سوّه الخاطره
لان قدّم كلشي لجله الله فوّض كلش اله
بيده مفتاح القلوب ... يحط مناحة عاشره
وهي اكبر نعمه لمّا نعيش محنة كربله
نسجد بليل ونهار ... الباري حتما نشكره
لان لجل حسين واهله الدمعه ضلّت هامله
الماعرف معنى العزاء ... خسر دنيه واخره
الليل اسود عالحسين وعالسبي ومحنة هله
يا الاهي .... ارزقني نظره منّه
يا الاهي ... من ابو المحنّه
خلّيه عالسبي يشتد مصابي
بحسين .. بالحشر مااهم حسابي
ــــــــــــــــــــ
اه يا جرح الخدر ... آ يتل الزينبي
الشيّب حسين وتألّم حين زينب ندبته
خيمه تلهب بالجمر ... وتاكل بطرف العبي
من دنت يمّه العقيله حيل سمعت ونّته
تكَله ماضل كل دلال ... انسلبت اعيال النبي
وحكَ ابو اليمّه تحرّك من سمع هم عيلته
مكَطع ويصعب يكَوم ... ويدري زينب تنسبي
يوكَف ايطيح ومحاله تنتهض كل جثته
خويه زينب ... نادى يالعقيله
خويه زينب ... تركبي الهزيله
وال آه بالكَلب تعكس جوابي
بحسين .. بالحشر مااهم حسابي
ــــــــــــــــــــ
الشاعر محمد حسن ضيغم

«اهات زينب»
«هجري»
بويه رايح ماترد مالي حيل افراگك
الموت عگبك ياعلـــــي اتمنيته

ياعلي وياك اخذني العمرمـاريده بعد
جارت الدنيه عليه امصابك الچبدي مرد
من بعد عينك يبويه گلبي بالدنيه زهد
ياعلي ارحم ابحالي من الهظم حيلـي رگد
غفله عن عيني رحت گربت ايامك
عمري دونك ياعلي افديتـــــــه


انتـه يازهرة حياتي المنها اشم عطرالوفه
نالتك چف الخيانه واحس نورالله انطفــه
احس دين الله تهدم والعدل نهجه اختفه
انظرالمحراب مظلم شمس عمري مكسفـه
منهويحمـي الشيعتك ياعلي اويحمينه
اليتم من عگبك علي حسيتـــــه


ياعلي موانته خيمه الأمة الهادي الرسول
جنت اشوفن بيك انه عطف والطاف البتول
صعبه لوشوگك يحيدر عني يالوالي يزول
ياعلي من عگب عينك خايفه عمري يطول
اشلون لوطــال العمر بالحزن ماريده
اعليك دمعي من دمه اجريته

**
للنجف وياك اخذني بويه باچرلورحت
بالحد ضمني يحيدر ابگه بعدك ماردت
موحشه دارك عليه اوباليتامه اتحيرت
بالحنين اوبالمدامع علي يابويه اندبت
اعلينـــــه بانت خلـتك علي ياوالينه
مثل امي الحزن انصب بيته

*
بيت انصب للمناحه واندبك طول العمر
لمن اعميـها النواظر ياعلي موتـــي انتظر
امصابك ابدا مانسيته ابچبدي ناره تستعر
گلبي ابسيف المصيبه مثل راسك منطبر
اوبعد محنت كربلـه والمصاب البيها
احسين بيها ابلادفن خليتــه

*
تمّت
الشاعرفالح العامري

«جرح الإمام علي ع»
«نعي»
صـابوراس حيدرفجرهاليـــــوم
علي خلص يويلـي العمر مظلوم

*
ماتمم صلاته داحــــــــي البا ب
وابسيفه المرادي الهامتـه صاب
من دمـــه علي خضب المحراب
ابمحرابـه وگـع والراس مهشوم

****
صـاب اگلوبنــــه سيف المرادي
حين الصاب نفس النبي الهادي
طلعنــه نلطم اوبسمك ننــــادي
بعدك يالولــي هالعمــــــرليدوم

*
شلنــــه بالعمـــــــــربعدك يكرّار
الك يابا الحسن منذوره الأعمـار
بس تبگه عدل ياحامـــي الجـار
اوعن گلب اليتامه اتزيل الهموم

*
گصدنه مسجد الكوفــه ابمناحـه
ليل الگدرهاظمنـــه ابصباحــــــه
تظل وسط الگلب تنزف جراحــه
كل شيعـــي المصابك گلبه مالوم

****
يبوالأيتام ياعزنـــــــــــه اوفخرنه
يمن ابخيــرك الوافركبـــــــــرنــــه
ريتـــــه اوياك لويخلص عمرنـــــه
ولاشفنـــه الشيبك خضبــه ادموم


شيبك من دمــه هــامتك خضبوه
دين الله ابمصـابك هذا صـــــابوه
يادين الــذي منـك يطلبــــــــــــوه
ماخلوك حتـــــى اتمم الصــــــــوم

*
زينب من بعد ياعلـــــي اتصد ليك
هاي ام الخدرواگفـــــــــــــه اتانيك
زينب من امس متوجلــــــه اعليك
زينب من زغرها الگلب ملچــــــوم

*
تمّت

الشاعرفالح العامري

قصيده للامام علي ع
تقول زينب ع في مصاب اميرالمؤمنين
▪▪▪▪▪▪▪▪▪▪▪▪▪▪▪▪▪▪▪▪▪▪▪▪
صـحـت ويـنـك ...وگـام صـوتـي يـنـسـمـع
صـحـت ويـنـك... عـالـوجـن ســال الـدمــع
تـنـشـطـر هـامـت عـلـي
هـمـوم گـلـبـي يـنـمـلـي

صـحـت ويـنـك ... ...صـحـت ويـنـك

➖➖➖➖➖➖➖➖➖➖➖➖➖
1
بـويـه اذتـنـي الـلـيـالـي مـن عـفــتـنـي
بـأول ســنـيـنـي يـبـويــه فـارگــتـنـي
دنـيـتـي تـمـطـر مـصـايـب غـرگـتـنـي
ورده ويـامــي مـنـاجـل گــطــعــتـنـي

مــاتـجـيـنـي .. بـعــدك يـمــوت الــورد
مــاتـجـيـنـي .. گـمـت اصـيـح ومـاتـرد

يـنـشـطـر راسـك حـرام
بـعــدك الـدنـيـه ظــلام
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖➖
2
اربــع ســنـيـن وبــدت قــصــتـي الالـيـمــه
مـن افـگـدت جـدي ويـه امـي يـاهـضـيـمـه
طــابــعــه ابـالــي صــور ذيـج الـجــريــمـه
وگـمـت اتـخـيـل شـمـر يحـرگـلــي خـيـمـه

بـعـد امـي مــن اجــت ام الـبـنـيـن
بـعـد امـي عـوضـتـنـي بـالـحـنـيـن

وانـجــبـت اربــع شــبـاب
لـخـدري فـدوهـا الـرگـاب
صـحـت ويـنـك ... صحـت ويـنـك

➖➖➖➖➖➖➖➖➖➖➖
3
ضـربـتـك بـالـراس كـسـرت ظـهـر الاسـلام
طـيـحـتـك اعـظــم جـريـمـه هــاجـت آلام
يـذبـح الـســيـف الـبـراءه بـعــيـن الايـتـام
مـخـضــبـه بـدمـه لـحــيـتـه عـالارض نـام

دمـك يـسـيـل ...شـيـبـتـك صـارت خـضـاب
دمـك يـسـيـل ...يـاعـظــم هــذا الـمــصــاب

تـرحـل الـلـيـلـه وتـروح
يـنـمـلـي گـلـبـي جـروح
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖
4
يـلـي بـگـلـوب الـيـتـامـه انـشـال اسـمـك
لأن طــلـگــت الـحــيـاة وهـــمــه هــمــك
صـعـبـه ايـتـامـك تـشـوف يـسـيـل دمـك
ريـحـه امـي بـيـك بـويـه خــل اشـــمــك

اسـمـعـنـي بـويـه هـواي بگـلـيـبـي حـجـي
اسـمـعـنـي بـويـه سـالـفـه عـنـدي وبـجــي

الـمــالـــه اب ولالـــه ام
تـذبـحـه اسهـام الـيـتـم
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖➖
5
والدمـع يجـري ويسـولـف قـصـةاحـباب
مـااصــدك راح حـيـدر والـضــوه غــاب
عـاتـبـت واسـمـع عـتـابـي آه يـمـحـراب
رايـده تـقـدم اعـتـذار وتـشـرح اسـباب

لـيـش سـاكـت .. مـاتـسـولـف قـصـتـك
لـيـش سـاكـت ..شـلـون تـقـبـل غـيرتك

حـيـدر بـمـحـرابـه طـاح
ونـسـمـع الـلـيـلـه النياح
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖➖
6
وسـفـه يالمـحـراب انتـه تـشـوف زيـنـب
مـگـابـلـه بـهـمـهـا ابـوهـا ويـمـه تـنـحـب
وانته شـاهـد عالمصـيبه مـن النـذل طـب
مــاگـــدرت انـتـه تـرده وشــفــتـه گــرب

ابـن مـلـجـم مــن طــبـر خــيـر الـعــمـل
ابـن مـلـجـم وانـتـه شــاهــد عـالـحصل

شـلـون خـلـيـت الاجـيـر
يـذبـح احـلام الـفـقــيـر
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖
➖
تمت بعون الله تعالى

(القصيده مشتركه)
من كلمات خدام اهل البيت
عـقـيـل حـسـيـن الـگـرعـاوي ✒ 6/4/2
عـبـاس فـاضــل الـشــمـــري ✒5/3/1

«وداع الوالي»
«شبگها»
ياعلي انودعك بـــاچرانشيعك
آياوالينـــــــــه من يحامينــــه

*
ياعلي يصعب عله الشيعـه وداعك
بعد عينك عيشه مـــارايده اتباعك
ريت ياخذها الأجل گبلك اشيـاعك
اولاتمد هاذه المســــه للموت باعك
اعليك حان الأجل علي خيرالعمل
من يبارينـــــــه من يحامينــــه

****
يصعب اوداعك يحماي الحميـــه
اوياك ردنه انعيش والموته سويه
اولايجينه العيد بهدوم الرزيـــــه
بيك ايـام العمرچانت زهيــــــــــه
مـــانريد العمـر باليتـــــم والعسر
انخلص اسنينه من يحامينــــه

***
استونــه ياكرارابوالزهره فگدنـــــــه
بعده لســه الدمع يتجاره اعله خدنه
وبحزن ام الحسن لسه بعدنــــــــــــه
نبگــــــه بالأحزان من الله وعدنــــــه
حيل مـاظل بعد طحنه احنه ابشدد
انته تدرينــــه من يحامينــــه

***
اعلينه يصعب ياعلـــــي والله مصابك
انشوفك انته اتلوج من شدت اصوابك
گوم شوف ايتامك اتنوح اعله بابك
انريد نسمع ياعلـــي اخرجوابك
علي النــه ترد ذاب منـه الچبد
عالجره بينــــه من يحامينــــه

*
اليله نحچي اوياك بالسان المصايب
جينه يمك كل محب دلالــــه ذايب
جينه احنـه انودعك والدمع ساچب
راح بعدك ياعلــــي انشوف النوايب
ايشيب منها الطفل والعقل ينذهل
من تخلينــــــه من يحامينــــه

****
علي انتــــه هيبت الأمه اوفخرنــه
اشلون عنه اتروح يالأنتـه ضخرنـه
بعدعينك ياعلــــــــي انحيرابأمرنـه
بالنوايب والهظم نگضــــــي عمرنـه
ايجوربينه الدهر عگب فارس مظر
اعداك تولينــــه من يحامينــــه

*
تمّت
الشاعرفالح العامري

«وداع المرتضى»
«تجليبه»
يابا الحسن الله اوياك طول العمرماننساك
ياوالينـه غالي اعلينـه
طول العمرماننســـــاك

*
ماننسه مصابك ابد ماننســـــــــاه
كل صبح اومسيه ياعلــي ابذكراه
نگول اهناه ابونـــه گعد صله اهناه
وياك الأجل يـــاباالحسن ردنــــــاه
صعبه يحيدرصعبه اعلينه افراگ الأحبـه
دم ابچينــــه غالي اعلينـــه
طول العمرماننساك
****
حگ اعليك نعميـها النواظرنــــــــــه
بس انته الچنت بالدنيه تفگدنـــــــه
نذرت اسنين عمرك لجل تسعدنـــــه
مثلك ياعلـي مظلوم ماشفنــــــــــــه
ماتشكي چنت اهمومك تهدي للأمه اعلومك
ياهادينـــــــــه غالي اعلينـــه
طول العمرماننســـــاك

**
الأمــــــــــــه جازتك هاليوم بالغدره
ابمحــراب العباده دمك اتفجــــــــره
بيك اليـوم فجعـــوگلب ابـــــوالزهره
والشيعـه ابمناحـــــــه اعليك والعتره
اعلينـه صعب توديعك واعظـم واشد تشيعك
الكل نادينـــــــه غالي اعلينـــه
طول العمرماننســـــاك

***
اشلون انشيعك صعبه يبوالحسنين
عسه گبلك نموت اولاتشوف العين
نوسدك بالترب وحنه نظل طيبين
ياعزنه اوضخرنه انتــــه بالدارين
هذا السفرمووكتـه گلب الموالي افجعته
لاموحينــــــه غالي اعلينـــه
طول العمرماننسـاك

*
يمن عنه رحت هم ترجع انشوفك
ياراعي الحميـه اوطيب معروفك
عله ساچي گلبنه انكتبت احروفك
ياكعبة عشگنــــه الواجب انطوفك
هاذه الشرف يكفينه بسمك علـي لبينه
يامنجينـــــــه غالي اعلينـــه
طول العمرماننســـــاك

****
موهين علينــه ياعلـــــــي امصابك
عفتها بالمناحه اونايبـــــــه احبابك
تون ون الثكالـــــــــــه گاعده ابابك
يصدع اگلوبنــــــه ياحيدره اغيابك
اوداعك صعب ياحيـدر عالفرگه لامانكدر
تعلم بينــــــــه غالي اعلينـــه
طول العمرماننســـــاك

****
بس هاذه المسـه ياحيدراويانـــــــه
عساها تنگضــــــــي وياك دنيانـــــه
اوريته اهلال هاذه العيد لاجانــــــه
هاذه العيد حيدرخالي امچانـــــــــه
ياريته لايلفي العيد يومــه الحزن بيه ايزيد
الوالد وينـــــه غالي اعلينـــه
طول العمرماننســـــاك

*
تمّت

الشاعرفالح العامري

#شهادة_أمير_المؤمنين
#(٢١)_شهر_رمضان
#إئذن لي ... يا أمير المؤمنين*
*كما أذنت للأصبغ ابن نباتة *

*اللحن: كُتبت بلحن القصيدة المعروفة للخطيب الحُسيني عبدالحي قمبر ( أنخاچ نخوة فاطمة بضلع والعين )*


--------------

*انخـاك نخــوه يا علي ... يا بو الشهامه*
*خذني يتيم ابحضرتك ... ويا اليتامـــى*

--------
(١)
انخـــاك نخــوه قاصـــدك ... بدموع عيني
و ابحيرتي أصفق يساري ... ويّ يمينــي
مثل " لـ صبغ " جيت الك ... ابكل يقيني
*و اللي ينخــــى حــيدره ... يحصّل مرامه*

------
(٢)
انخـــــاك نخـــــوه منكســـر ... جيت اعلى بابك
واحسبني "لـ صبغ " ياعلي ... و لذت بجـنابك
هذا اهــوَا قلبــي المنكســـر ... ذاب المصـــابك
*و احس راسـي المنجـــرح ... مطـــبور هامه*

------
(٣)
واقف على بابك يحــيدر ... يـ اغلـــى ناسـي
و كنّي "الاصبغ " انتظر ... او محني رآسي
قاســي يـ حيدر هالزمـن ... والله قاســــــــي
*والراس شــايب والألــم ... صــوب سهامه*

------------
(٤)
إئذن لي أدخل مأتمك ... يا داحي الباب
نفسي العزيزة تفتخر ... تصبح لك اتراب
ميهمني لو قالوا عليه ... أفعالي تنعـــاب
*الأهم ترضى يا علي ... بهاذي الخدامه*

-----------
(٥)
يابالحسن جيتك أنا ... والگلب مجروح
الأصبغ انطى لك لبن ... وانطي لك الروح
ابعيني انظــر سيدي ... الحلم مذبــوح
*او عيني اتصب الدمع ... مثل الغمامـــه*

--------
(٦)
يـ منجــي العـــــذره يمن ... مترد سايل
كلـــي أمــــل يا ســـيدي ... تحل المشاكل
غارق ابهمــــي وعالــمتن ...اذنوبي شايل
*وهذا اهوا ظهري منحني .. ابكثرة آثامه*

----------
(٧)
اقسم عليك ابطبرتك ... يا بو الاطايب
ياللي ردّيت الشمس ... لا تردني خايب
احضرني باچر حفرتي ... الـ تحت الترايب
*و اجعلني يمك يوم ... ما اتفيد الندامه*

----------
(٨)
ابجرحك آنا انتخي ... يـ مشيد الدين
واقسم عليك بفاطمة ... أم المياميين
واقسم بعد بالمجتبى ... وبذبحة احسين
*اقضي حوائج كل محب ... بيك التزامه*

فائزي - رباعي

عبد مُحمد وآل مٌحمد / #مُفضل_حبيب

١٣- رمضان المبارك -١٤٣٩