على الفطـرة هـويتك
يالــــبـــيـــه لگـــيتك
زرعتك بيدي بالروح
أومن عمري سگيتك

يمحبوبي يمحبوبي

هويتك من گمت اعـرف معاني الشوگ
وشلت بيه المحبـتك ثـــق محنت نوگ
العشگ مايحلى اذا مابي گلب محروگ
باب الـــعيــن صـــــار سنـين مامطبوگ

دخيل الله من احسك جاي لعيوني
يتبدة اعله گلـــبــي الماي وضنوني

مــن زغــري عشگتك

على الفطـرة هـويتك
يالــــبـــيـــه لگـــيتك


يومية اصـــــــــــير انه شــــــمع بلليل
اشجم سجة صرت بس مالفاني الريل
وايام العــشــــتهـن جــــزن مـن الحيل
بس گلبي شـكبر خلگه وجروح ايشيل


بدمع عيني من اسولف راح خلوني
عشت مـتــعوب مـامرتاح جرحوني


لــــو أنـــــدل أجيتك

على الفطـرة هـويتك
يالــــبـــيــــه لگـــيتك


صـــار سنين تــگـــضــي ليل ون الروح
وشلت بيــها حبيبي هـواي دنـيا جروح
أبـــدي اليل بالــــدمـــعـات ثــق والنوح
وعــمـري بلا حـزن وهـمـوم مـامسموح

مـــاتدري الـدمـع لو صار بجفوني
اذا ونيت اهـل الحب يحــسدوني

أولا لــحــضه نسيتك

على الفطـرة هـويتك
يالــــبـــيـــه لگـــيتك

أتمــنـيـــت اشــوفــــنك گـبل ماموت
ومن دونك صرت عـند للوكت تابوت
شحلاتك بلحلم لوصـدگ مني تفوت
واشوفنك واصيح انه بعلات الصوت


سئلت الناس عنـك لــو يــدلـــوني
وعيش وياك ونسه انه اليعذبوني

دلـيــنـي اعله بــيتك

على الفطـرة هـويتك
يالــــبـــيـــه لگـــيتك

يلمهدي أرد اشــوفــــك مر عليه بطيف
انامن طول عمــري أوكون انته الضيف
لئــــن بگـلبــي نار اجـــــوي حر الصيف
وانا تــمـنـيـت تـصـبح شــوفتك بلكيف

لحضنك طول عمري وخل يلوموني
واضــل وياك مــااســـمـــح يفرقوني

تــمــر بــــيه نـخيتك


على الفطـرة هـويتك
يالــــبـــيـــه لگـــيتك


اللهم صلي على محمد وال محمد

#كلمات ✍️خادم الحسين
(محمد البنداوي)

سيدي يابقية الله متى نراك

(على احر من الجمر)

على احر من الجمر ننطر ظهـــورك
وعد ابرايتك نبقى شيعه وجنـــــود

ونرفع الرايه الحسينيه بحضــــورك
وانته قائدنا المقدس يا ابوالجــــود

اشــــر اوتلقانه بلوائك صـــــقــورك
مثل عمك نفدي دمنا هامه وزنــود

الجنه مانعبر يمهدي الأ بعبــــــورك
مانحس بيها يوالي الا انته موجـــود

كل فرحنا يحيى بسمك وبشعــــورك
فرحه مايوصفها شاعر ولاحتى رادود

يمتى تضوي بطلتك اويضوى نـورك
وترعب الظالم ابسيف الله الموعـود

دقوم انهض، واحنا ابمرك وشــــورك
والعزم نستمد منك ياعضد مشـدود

انريد نتفاخر مهابه ابعــــــدل دورك
وندق اخشوم الطواغي وكل نمـــرود

ويخزا بفعاله، ونقله شفــــاد جورك؟
بصفك ،يبقى بس الوالاك مسعــــود

مايسرَ ،قلب المحب الأ بســـــرورك
رحمة الله تكون انته وخيـــــر ممدود

هذا عصـرك يالعصور الله عصــــروك
ياوعد ربنا ابقرآنه المشهـــــــــــــــود

سيدي بحماك جينـه بكتر ســــــورك
مانبايع الأ جفك نذر معهـــــــــــــود


١١/ ٨ / ١٤٤٠ هـ
ابوزهراء الاحسائي

عتمه دنيانه من جانه الوباء
ونورت هسه بساعة جيتك

هلا بمهدينا خاتم الاتقياء
الليله فرحانه ،فيها ولادتك

نريد نحيها وتشهدها السماء
مثل شعبان المضى بمحبتك

ونصيح يامهدي يا أجمل نداء
ويزهر المحفل كله برايتــك

بمك الزهره تكشف هالبلاء
تطلبك هذا الطلب كل شيعتك

راجِيك مولاي يالكلك وفاء
تغمر الوالاك بس بدعوتك

فرج الغُمه ياكف السخاء
كن اللهُم الشيعه نادتك

ياأمام النور لك منا الولاء
عاجز الماعرف معنى ولايتك

1441/8/15 هـ

ابوزهراء الأحسائي

#متباركين بالمولد الشريف

هوسات للامام الحجة عج


هله بشدّادهن يا هلا بهالجيه
الـ إذا دخّن اتصير النسمه شرجيه
عليك ايسلْمن الألف وتسمعميه
وجاوبهن بالثار ويومه

••••••••••

يالمعدّل يالمهيّل يالمكمّل
شحلاتك من تمر مولاي چالحنظل
ابزردوم ال اميه ورؤوسهم تنذل
والثار ايرد من فجّاره

••••••••••

يَكُون انشالله واتسيّر اعلينه
وتداوي اجروح ابو اليمه وتداوينه
تجيب احبال زينب ها يمهدينه
وتسبيهم للشام وكوفه

••••••••••

هيچ وترجع وندركها ايامك
متلمنه الارض لو صرنه خدامك
توصل كربله واترفرف اعلامك
ويقرالك (باسم) لطميه

••••••••••

الشاعر
احمد هادي الشمري

موال للإمام المهدي "عج"


يا حبيبي العني ما ساعه يغيب
وغيرك الجرحي فلا صح الطبيب
اشعندي غيرك وانته كلشي ابدنيتي
يالسكن طيفك منامي وصحوتي
شعندي غيرك

باول ايام الطفوله
چنت اشوفك حظن ام وگلب والد
وانته يمي وآنه يمك
والله لا عذّبهه امي
وآنه بالكاروك وصّتني اخدمك
وما انام الا اشمّن ريحه اسمك

وخطفت ايامي السنين
كُبر عمري وكُبر وياه الحنين
وچم درس علّمني حبك
انته سري الما اضمّك
ابچف كلام اشواگي اطشنّك وألمّك
وانت قائد نيتي وجرحي وهويتي
وانته سلوه وحشتي وهمي ومنيتي

من اريدك
ايدي أحطهه اعله الگلب
ومن اجيلك
لازم ابدمي اطب

ويا حبيبي
و يا نظر عيني وآملهه
وياك عگدات الكلام بچف لساني اليوم افلهه
اليوم چلمات العتاب قدّمت بيدك مثلهه
(عتب روحك يحله بس ويه التحبهم)
آنه بعدك جرح مشدود بجرح
وآنه بعدك ليل ظل بلا صبح

سيدي گلبي المجرح
بعد ما يحملّه لچمه
خادمك گضّه حياته
ابسجن والسجان همه

ويا عمرنه
والله عجبه
انعيش واحنه ابلا عمرنه
وچف دهرنه
عله اخدود الگلب يالمهدي سطرنه
والله ضعنه وضاع ويانه صبرنه
ومنهو غيرك شمس واينور دربنه

سيدي دلينه وينك
بعد ما نگدر لهجرك
اعليك ضلع أمك تعال
الك چم ثار الينادي
موعدك يالمهدي طال

وين يا ساعي بريدي
يا هوه هاك الرساله
روح هسه الجبل رضوه
وكله خدامك تگلك
الدنيه بغيابك شتسوه
وكال آخر كلمه الهم
بيت يا مهدينه هوه :

عمر بحزاني ابدي وصرت / بدّاي
واظل خادم لك للموت / بداي
بغيابك گمت اسلي الداي / بالداي
واخيط بالجرح جرح العليه


الشاعر
احمد هادي الشمري

يمهدينة يمهدينة يمهدينة
######### ##########
يمهدينة اليحبك كون يعرف شنهو درب الله
يمهدينة الیعشگگ حيل عاشگ تربة ومصلى
يمهدينة درب ملگاگ بممشى حسين يتصلى
يمهدينة يمهدينة يمهدينة
######## #########
يمولانة تراهة الناس مشتاگة الطواريك
مو تدري الهجر حراگ خل نلبد حدر فيك
كافي الضلمة يامولاي خل انشوف من ضيك
يمهدينة يمهدينة يمهدينة
######## #########
يمهدينة الهوة المر بيك كل صبحية يتندة
والمشتم عطر ملگاگ تيه كل عطر وردة
يغالي يالعشت بالروح وصفك گلي شيعدة
يمهدينة يمهدينة يمهدينة
######## #########
يغايبنة بدرب فرگاگ هاي الشيعة تتأمل
من تگصد لسامراء بالسرداب تتوسل
يرب بجاه نور حسين خلي الفرج يتعجل
يمهدينة يمهدينة يمهدينة
######## #########
يمهدي الفارگ احبابة يضل كل عمرة بس انياح
كل ما يذكر الغالين يصفگ راح فوگ الراح
شحال العاشگگ مولاي ما اضنة ابد يرتاح
يمهدينة يمهدينة يهدينة
######### ##########
للغايب اشوف العين كل ليلة علية تربة
يليش اگليبي ياهلناس عاشگ بس درب حبة
كل جمعة اتيه الروح والگاهة بدُعة الندبة
يمهدينة يمهدينة يمهدينة
######### ###########
هو انت عشت بالروح للما حب ابد غيرك
صرت انت سمة المشتاگ والروح اصبحت طيرك
يايوسف وانة يعگوب وغيابك صبح بيرك
يمهدينة يمهدينة يمهدينة
######### ###########
#سيد_حسين_الياسري

متباركين بولادة المنتظر
القائم المهدي عجل الله تعالى
فرجه الشريف

ياابو صالح ياهو صاير قمبرك
والله هنياله يشاهد منضرك
###############
والله هنياله اليشوف المنتظر
يمه عاش وماشبع منه نضر
المايعشكك ما نحسبه اعله البشر
والله يامهدي الكلب متنطرك
والله هنياله يشاهد منظرك
###############
ياابو صالح واليحبك بي هيام
من تنام عيونه بطيوفك تنام
في حروب الروح صرت انت السلام
عنده واجب ذكرك ولا ما ترك
###############
والله هنياله اليعيش بخدمتك
تسكن بكلبه ويعيش بنبضتك
عايش الغربه ويشارك غربتك
وانت صايرله الوطن من يذكرك
والله هنياله يشاهد منضرك
###############
يا ابو صالح باليقين اقطع معاك
مو شخص عادي اليخدمك لاملاك
والله اليخدمك شرط يشهك هواك
وعاش وياك المصيبه وصبرك
والله هنياله يشاهد منضرك
###############
يا ابو صالح تعرف اليخدم صحيح
وتعرف الدمعاته تجري اعله الذبيح
وتعرف المن كلبه لغيابك يصيح
عظم الله اجرك يمهدي وينصرك
والله هنياله يشاهد منضرك
###############
آ يمهدي الينضر بعينك يشوف
يلكه بعيونك دمع من هالحروف
حسين وعياله وسبيهم بالطفوف
وكطعة المنحر تحسهه بمنحرك
والله هنياله يشاهد منضرك
################
#سيد_حسين_الياسري

ولادة الامام الحجة عج

سلامات .. كلمة لو گلناهه
سلامات .. سيدي شمحلاهه
لحظة تاريخيه .. بانتظار الجيه
"""""""""
عالأمل مو وحدي عايش عايشة كل شيعتك
والعِلِم عد الله لكن ادري گَربت طلعتك
والگلب يشعر جمعتك هاذي يمكن جمعتك
مته ايعود .. لو سألني سائل
مته ايعود .. شو احس متفائل
ناطر اتمُر بيه .. بانتظار الجيه
""""""""
سيدي وكل يوم جمعة الندبة لازم تنقره
وبالفرج يومية ادعي ولازم اسمك اذكره
لو محب ناده حبيبه صار واجب يحضره
هالاسبوع .. جيتك اتوقعهه
هالاسبوع .. شيعتك تجمعهه
عالامل يوميه .. بانتظار الجيه
""""""""
ما أمِل صابر واتاني طلعتك يالمنتظر
ما بقه هواي اعله جيتك بالسلامة امن السفر
شوفتك صارت قريبة وراح اگر بيك النظر
اذا جيت .. فدوه رحت لعينك
اذا جيت .. ارد ابوس ايدينك
دنيتي مزهيه .. بانتظار الجيه
""""""""
لو تجي وگبالي اشوفك الحلم يصبح عِلِم
سيدي هالدنيه كلهه بوجهي احسهه تبتسم
بالاسم يا مهدي انادي فدوه رحت لهالاسم
إلك نور .. لو وصلت الكوفه
إلك نور .. حته الاعمه يشوفه
طلعتك قدسيه .. بانتظار الجيه
"""""""
مو صعب يم الله ادري كلشي يمه مو صعب
والخبر باچر نسمعه المهدي رد امن الغرب
بالگلب ساعتهه والله راح اضمك بالگلب
إلك دوم .. الساعة ادعي الساعة
إلك دوم .. كل فروض الطاعة
امنية ورديه .. بانتظار الجيه

الشاعر انيس الخفاجي الكربلائي

في مولد بقيّة الله الأعظم عجل الله فرجه
قصيدة ( گعديّة ) :

🌸🌺🌸🌺🌸🌺🌸

يامهدينه يامهدينه
بيك انعيش او عايش بينه
اي .. نعم لبّينه
لا .. تخاف اعلينه
_
من گبل لا يشع نورك شيعتك عِـقْـدت أملها
تنطر ابشارة "ملِيكة" اْو عينهم مشبوحه إلها
اذكَـرنا امِّ النبي موسىٰ الما ظهر منها حمِلها

أم موسىٰ من جاها الخبر
حملتَ لچن ما مِن أثر
ابلحظه اْو كليم الله ظهر

اْو "نرجس" امّك هم مثِلها

حتّى ابْحَملك غايب سرَّك
من گبْـل اِصْيارك ننتظرّك
إي .. اشكثر تانينه
لا .. تخاف اعلينه



شبه فِلْقة گمر وجهك بزغ عالكون ابتمامه
و الشمائل يوسفيّه او للحسِن برزت علامه
أدْعج العينين لونك حنطي و اعله الوجنه شامه

حِسنك فريد اْو يختِلف
من ينوصِف أقنه الأنِف
إلشَعَـر أسوَد عالچَتِف

و الوجه حلْو الجهامه

حِسنك يعكس أروع آيـه
وجهـك عن الباري اِمْرايه
إي .. يمَظهر دِينه
لا .. تخاف اعلينه
_

اشلون للدنيا إجيت اْو عگب لحظه امْن الولاده
بدت تظهرلك معاجز و ابتديت ابهالعباده
رافع السّبابه ساجد لله تشهد بالشّهاده

گالت "حكيمه" اشهالبَشر
باليوم عن سبعه كُبَر
لسْبوع يكبَر بي شهَر

مظهر الله ابهالإراده

مو قانون الكون ايْحدّه
أوّل يوم او يحچي ابمهده
إي .. اْو يشع اجبينه
لا .. تخاف اعلينه
__

الشيعه ما اتْهنَّت بعدها بيك يا خاتم العتره
إلا خمْس اسنين لنْ اِتغيب عنها ابغيبه صُغرىٰ
اتطورّت لحداث صارت غيبه كُبرىٰ اْو نار كَبره

و ابغيبتك يبن الحسن
ندري رغم كل هالفتن
غصباً عله خشْم الزّمن

ألله يِـنْـفِـذ بيك امره

مهما اِتْطول اعلينه الغيبه
هاذا حُكم الله اْو ترتيبه
اي .. ابْرضاك ارضينه
لا .. تخاف اعلينه
_
إي نعم گلب الموالي يستعر يالمهدي ناره
لاچن العايش وجودك ما يهم طول اِنتظاره
ابغيبة النُعماني گال الـ صادق اسمع يا زُراره

إعرف إمامك ما يضر
ابمعرفته تأخير الأمر
اْو لو متت و انته منتظر

چنّك ابفسطاط داره

اوجودك بينه و ألله ايديمه
مثل الشمْس الخلف الغيمه
إي .. الشمس تهدينه
لا .. تخاف اعلينه

_
نعكس الآيه او ننادي يالذي ما تنسه ثارك
نعم مسْنه الضُر يغايب و الوضع كون ايتدارك
لچن ما نحچي ابغيابك اِنّه ملّينه انتظارك

ابكيفك ترد لو ما ترد
جيشك يغايب مستعِد
او يوم الذي انشوفك تهد

عدنه هاليوم المبارك

تعلم بينه اْو يبقه ابكيفك
تشهر لو ما تشهر سيفك
إي .. و لا ملّينه
لا .. تخاف اعلينه

🌸🌺🌸🌺🌸🌺🌸🌺

ميرزا عادل أشكناني
لبنان / الصّرفند

لولادة الامام المهدي عجل الله فرجه الشريف

ياغيم يحجب شمس نورك ولاغايب
ياعشك ماينوصف بيك اليحب ذايب
كلنه تحت امرك مولاي ننتظرك
بيك اليحب ذايب

*******

يابسمه يارحمه يانعمه يهواك الكلب
مبتشره سامره مزدهره يانور الدرب
القربك الربك وبحبك للباري قرب
تردد طيور السمه لحن الهوه العالي
واتناغي اهل الارض بيها انولد غالي
يملي الارض عطرك مولاي ننتظرك
بيك اليحب ذايب

***********

فرحانه دنيانه ويانه والكون ابتشر
معهوده موعوده بوجوده يا نور الكمر
هادينه والينه غالينه هذا المنتظر
يهدي جميع البشر ويحارب العايل
مايظل باجر ظلم لاحكم للجاهل
رب السمه اينصرك مولاي ننتظرك
بيك اليحب ذايب

**********

ياصابر ياذاكر ياناذر ايام العمر
تمحيها تنهيها تطويها رايات الكفر
بالكلمه والهمّه والرحمه وبطول الصبر
تهدم اصول الكفر مايبقه ابد ظالم
تملي الارض بالعدل ياسيدي القائم
ماواحد اياخرك مولاي ننتظرك
بيك اليحب ذايب

****************

ياجنه مانعنه حارمنه من عدها الزمن
تانينه حنينه نادينه ياجنة عدن
ياشاري للباري واّداري تتحمل محن
ياريت تتقبّلّه كلمن اجه نادم
عندك امير وملك متاكد الخادم
نتغذه من فكرك مولاي ننتظرك
بيك اليحب ذايب

*****************
انظرها واحظرها غيرّها ايام الهظم
من الغادر والماكر والناكر اصحاب الظلم
ياحجه كل مهجه تترجه تدحر كل خصم
ماعدنه دونك وطن حتى الوطن غربه
موسهله عندك تظل حال المحب صعبه
مانحتمل هجرك مولاي ننتظرك
بيك اليحب ذايب


الشاعر حسن لعيبي الحريشاوي

🌸المستغاث بك ياصاحب الزمان🌸


عگب عينك ولانه الزمن وليا
او يتشمت علينه الراح وليا
دگلي اليمته ياموعود وليا
وكت غايب تظل واحنه ابأذيه


سيدنورالسيدعدنان

💫ياأباصالح المهدي أدركني💫

ماخاب الچنت بالفزع ظهره
ولايظلم ابياهك ابد ظهره
وجهك حتي لو بالحلم ظهره
الي وارجوك صدبالعين ليه


سيدنورالسيدعدنان


عبدك ببابك يابن الحسن{ع}

لاملك يگدر يوصفك لاملك
اولاعشگ غيرك دليلي لاملك
لاملك حفنة سوالف لاملك
اوتدري بيهن بس جنابك عايزات


✍️سيدنورالسيدعدنان


/أسعدالله أيامكم🌹

انوارك بالسلف هاليوم شعّت
وعن شخصك اخباراهواى شعّت
من حگهه تزامط بيك شعّت
علي وبسمك تشيل الراس هيه

✍️:سيدنورالسيدعدنان

ابيات في حقِّ مولاي صاحب الزمان عج :


يا مَنْـهَلَ العِـشْـقِ يـا تَرتيـلَةَ الفَـرَجِ
هامَتْ بكَ الروحُ حُباً خاتِمَ الحُجَجِ

في وَجْهِكَ النُورُ قَدْ شَعَّتْ كَواكِبهُ
ثُمَّ اسـتَـنارَتْ بهِ الأفكارُ في خَلَجِ

سُبحانَ مَنْ فِيكَ قَدْ أَودىٰ مَحَبَتَهُ
و صارَ حُـبُكَ طولَ العُمـرِ مـُنْتَهَجِ

أَهـواكَ عِشقَـاً إلىٰ حَـدِّ الجُنونِ أنـا
ماخالَطَ القَلْبَ صَدِّقْ فِيكَ منْ رَهَجِ

قـالو تُـغالي ! وَحَقـِـكَ يبـنَ فاطمةٍ
ما هـَـمَـني لَـوَمُـــهــُمْ طِيلةَ الهَـرَجِ

إنَّ العَمَىٰ في القلوبِ ليسَ في البَصَرِ
فـ امسَحْ عليها بِبعضِ النورِ و الوَهَجِ

عَـليـكَ مِنِّـــي سَــلامُ اللهِ يا أَمَلَـي
يا مَنْـهَلَ العِشْـقِ يا تَرتـيـلَةَ الفَـرَجِ

الشاعر حاتم صبري الكاظمي

جددنه العهد...يامهدي مدد
................
نثرناهه بمـــــــــــشاعرنه أمانينه
العشك يزرع عشك ياسيدي بينه
هلا بنورك يبو صـــــــالح يوالينه.
الگلب باسمك نُبَض
فلا همـــــنه البُغَض
اليحبك عندة حَض.....يمهدينة

(من جَدَّ وجد)...يامهدي مدد
.............
الموالي بلـــــيلتك ماغمضت عيونة
بقداسة فرحــــته ضحكاته مفتونة
ألقلب مجنون بيك وروحه مجنونة
صَلب لا ما يرك.
اليحبك مايشِك
مَلك يبــقه ملك.......يسمونه

عاشگ للأبد...يامهدي مدد
...............
نواقيس الـــفرح دگــت عليك الأن
يغايب تنــــتظر تتــويجك الاكوان
جمادك يمضي وانتاني مته شعبان
يليله لـــــــــيلـتك
الفرح عم شيعتك
قلبهه لجـــــــيتك.......يظل فرحان

للفرحة أستعد...يامهدي مدد
............
ألك طير العشك محله تغاريدة
شكو بالدنية أعلن بالفرح عيدة
هلا ميت هلا الشيعي أناشيدة
عشك بنفاسه هَب
ألك شـــــاعر نِدب
قرو لــــــــمن كتب........رواديدة

ما نخلف وعد...يامهدي مدد
.............
الشمس خاتم بصبعك تضوي يالغالي
النجوم ابـــــتاج راسك سيدي اتلالي
مته بعيــــــني أشوفك سيدي أگبالي
أشد روحي أشد
أســــــويهه ورد
ألك أبـــــقه عبد.......(ألى التالي)

كاتب بالسند....يامهدي مدد
............
ملك جن وأنـس كلشي يهنولك
ندائات الــــولاية الكل يبعثولك
صلاة الحب يبو صالح يصلولك
يــنادوك ابخجل
عله شفاف الامل
العجل ثم العجل......ينادولك

للغيبة اشبعد؟؟.... يامهدي مدد
....
(كلمات حاتم صبري الكاظمي )))

يالمنتظر •• بحبك نجاتي
يالمنتظر •• دعوة صلاتي

يامهدي يامهدي يامهدي

•••••••••••••

بسم الله راح احجيلك
بحساسي جاي امشيلك
علمني احبك مولاي
علمني شوگ ابچيلك


يارحمة يانسمة يانعمــة من رب السمه
دليني واهديني وارويني موتني الضمه
العندي وبيه ابدي يا مهدي ابداعت فاطمه

بِفاطمة •• ابروح الزچيه
بِفاطمة •• ترضى عليه


يامهدي يامهدي يامهدي

••••••••••••••••••

رايت وفه عله جتافي
وحبك ملكها اوصافي
سالفتي انت وحسيت
اسمك شهد بشفافي


همساتي كلماتي دعواتي مطرزهن عشگ
ابكل حيلي وابليلي ترتيلي لطيفگ انشبگ
مو نزوه ولا گوه بس أهوه چي تسوه العشگ

انت الذي •• حبك سگاني
وانت الذي •• طيفك خذاني

يامهدي يامهدي يامهدي
•••••••••••••••••••••



اسمك ملكها انفاسي
عشتك امل بحساسي
كل جمعه اتاني هلالك
وشابن دليلي وراسي



أتأمل وأتوسل كون اندل مولاي الدرب
تانيتك حاجيتك راويتك شگد حبه الگلب
يالتگدر ياكوثر شگ البر من نور وعذب

اتأملك •• عطشانه روحي
اتأملك •• بلسم جروحي

يامهدي يامهدي يامهدي


••••••••••••••••

غيرك حلم ماعندي
بيك انتهي وبيك ابدي
يسألوني گلبي شلونه
وگليبي صاح المهدي


حبيتك واليتك تانيتك جم طيف ابفجر
من مهدي ولحدي ماعندي بس ليك انتظر
ضي دربي وسر تعبي وحب گلبي يرخصلك عمر

سر قصتي •• روحي عله دربك
سر قصتي •• مولاي احبك


يامهدي يامهدي يامهدي

•••••••••••••••••••••••••

ليلة فرح هاليله
ربي العزيز احجيله
يارب اخذني لدربه
شما بيه حيل امشيله


بايامي شگد ضامي وأحلامي احضه بشوفته
من حبابه واصحابه ويم بابه الثم تربته
يسجلني ويقبلني ويرزقني وطالب رحمته


يارب علي •• وفقني اشوفه
بداعت علي •• واشتم جفوفه


يامهدي يامهدي يامهدي



خالد عبد السادة البدیری

سلسله ومضات فی حق صاحب العصر والزمان عج
🔗🔗🔗
ندری تعبناک بس خلگک چبیر
وروحک امنلغيبه ظلت شاحنه🌺

بس وحگ حسین انصارک نصیر
والطلعتک جسر نبنی ارواحنه🌺

🔗🔗🔗
اتعذب شوفنه ودربک بعدهو اتراب
وساعات انتظارک علصدر جمره🌼

تعال وخل نمر بأرض البقیع ابیوم
نشید گبه صفره الأمک الزهره🌼
🔗🔗🔗
یا املنه ادموعنه اتحضنک تعال
تلگه مای اعیونه ابیر الزمن🚩

للبقیع ابشوگ سفّرنه العیون
وظلت اتانیک یم گبر الحسن🚩
🔗🔗🔗
عدهه امنیه ابگلبهه الفارگوک
انچان فجرک یبزغ ابوجه السنین🚩
اترید ویاک ابمحرم بل عزاء
تمشی حفایه وتمر گبر الحسین🚩
🔗🔗🔗🔗
اتروح جمعه وجمعه ترجع بأنتظار
ومرمرینه اللیل من کثر السهر🍀
الیسافر یرجع ابمده
قلیل
وانته لا ردیت لا منک
خبر🍀

اللهم عجل لولیک الفرج/مسعودالحاتمی🌷

رده مولودیه فی حق صاحب الزمان عج
....🌸🌸🌸🌸🌸
اظهر اظهر....شیل رایه الخضره

اظهر اظهر....قیر فوگ الشگره

العین عمتک گلهه لفی الچرغد
شیل سیفک واعتنی للمرقد

مربیهه.....سلیهه......وحامیهه....

(وحامیهه گبت بت حیدر)
🌹🌹🌹🌹
یلله یلله.....یبو الشاره التکتل
یلله یلله....خل رقیه اتهلهل

هله ابزودک....ما یطیح المعصب
شلت راسی وراس عمتک زینب

امبچیهه....املاویهه....وعامیهه...

(وعامیهه یلمهدی ازماطک )
🌹🌹🌹🌹
اسرع اسرع....والبقیع امشیله
اسرع اسرع....چم صحن نبنیله

لبوالقاسم ویه باجی العتره
نبنی گبه وحضره یبن الزهره

نبنیهه....انحلیهه....انسویهه

(انسویهه احله امنلجنه)
🌹🌹🌹🌹

کفهه کفهه....واخذ منهم حیفک
کفهه کفهه....هل حثاله ابسیفک

صول وارعد وافرس العیاله
والیحوس ابراسه شچّخ فاله

چویهه...رک بیهه....عابیهه

(وعابیهه واتوکل بلله)
🌹🌹🌹🌹
مسعود الحاتمى

*سلسلة ومضات الی صاحب الزمان عج*
🌹🌹🌹🌹🌹
*حیل مخنوگین من هذا الزمان*
*یابوصالح نحب نشتم من هواک*

*نندعی ابکل جمعه مولای ونگول*
*یمته عود انصلی بلکعبه وراک*
🌹🌹🌹
*اوف یا وکت العصر لمن نضیج*
*الحسره تطلع سیدی امن اضلوعنه*

*ابطرج ثوب الجمعه ظلینه ونخاف*
*الجمعه هم تنوخذ من اسبوعنه*
🌹🌹🌹🌹
*احنه عطشانین یلمهدی علیک*
*کافی نشرب بیر من اعیونه*

*قیر فوگ اکحیلتک طال الغیاب*
*وگاع نفرشلک یمهدی امتونه*
🌹🌹🌹🌹
*الدنیه مو حلوه وگصه اویانه الزمان*
*ورایتک للحین ما مرفوعه*

*شیل سیفک واظهر وشگ النزاع*
*واخذ ثار الحشموله اظلوعه*
🌹🌹🌹🌹
*ثور واتوکل علی الله وعل حسین*
*ونکس اعلام الفتن بلحومه*

*وصیح انه المهدی والراید یحوس*
*اله احطن سیفی ابزردومه*
🌹🌹🌹🌹🌹
*مسعود الحاتمی*

يامهدي.

.. ................
كلنه نصيح ابصوت مولانه
وياك حد الموت مولانه.

.....
ننتظرك أوكلنه أمل بيك.
كل جمعه يالمهدي نناديك.
صوت المحب هذا اليحاجيك.
كل العمر نبقه نتانيك

لن صوت من السمه نادانه.
جن علي حامي الحمه نادانه
مولانه مولانه



.....
احله الاعياد التهل هالليله.
شمس او كمر لسمه تضويله
وأعذب لحن صافي تغنيله
والحور فرحانه او تلوليله.

تهز المهد بالولد فرحانه.
وترف طيور السعد فرحانه
مولانه مولانه


....
نور اعتله او شع ابسمه العصمه
اوهالنور يشبه فاطمه امه.
الاملاك يم المهد مهتمه.
والله ذيج ابمثل هاللمه .

والحضر كل الحضر ويانه.
بمولد امام العصر ويانه.
مولانه مولانه.



.....
يالمهدي اسمك طرز احلامي.
احلم وشوفك حاضر ايامي
اتخفف عليا جور الامي
وبصدري اعلك اسمك اوسامي.

الشوفتك والله اهواي حنينه
مثل اليحن للماي حنينه.



.........
يابو الشهامه طالت الغيبه
يمته تهل علينه من طيبه
كلب المحب مو اصبح ابريبه
ياسيدي لتزيد تعذيبه

يمته يشع اضواك بسمانه
بجاه العلي العلاك بسمانه


..........
يايوم نفرح كلي ياساعه
كلب اليحبك زادت او جاعه.
والدنيا بيها أقوام خداعه
او كلمن علينه شله اذراعه

ها يابو صالح بالله نجينه
من كل حقود الليله نجينه
مولانه مولانه
................................
بشير العذاري*

مولد السيدة رقية عليها السلام


كلمـــا زمانك جـــار او طحت ابْــبليّه
إنطـــي الوجــــه لحسين حَلْفَه ابرقيّه
.
رقيه انــــولدت و دنيـــــانه فرحـــــانه
يضمهه احسين ابوهه الليله بحضانه
علـي الاكبـر يـــوذّن بحلــــه ألـــحانه
او هله و مـرحب يگلهه ابصوت آذانه
.
وَ اخـــوات ابوالسجـــاد بيهه يفُرحَن
او زيـــن العباد ايگول اهلاً و سهلن
يا شيعـــي هنّي اليوم لــبن الــزچيه
إنطـــي الوجـــه لـحسين حَلْفَه ابرقيّه
.
شعر مــــن نقره إلهه ابيـــوم مولدهه
رقيــه مستهلنـــه مـــــــن نــــــردّدهه
سـلام الله عليهــــــه و علــه والدهـــه
الدنيه غير هــــاي الطاهره اشعدهه
.
گَمـــــره و تشع انــوار طلعة ضواهه
مثل الأبو بالجــــــود حته ابــصِباهه
إنخاهه راح اتشـوف معنى السخيه
إنطـــي الوجـــه لحسين حَلْفَه ابرقيّه
.
ريحــــــانة أبــــوهه تعتبَر فاطــــــم
الله بيــهه وجــــه ام الحسن راســـم
عمهه حاضن الطفله ابوجـــه باسـم
يگلهه گــــولي يا عم يا گمر هاشــم
.
نجمـه و گمـــــر عدنان شايلهه بيده
و ايبــــارك الــمولـود ايهنّي عضيده
هــــــالطفله كلـــــهه خير لهل البريه
إنطـــي الوجـــه لحسين حَلْفَه ابرقيّه
.
مـــن گالــــــو رقيـه طفله و ازغيٖـــره
مـا شافــــو تحل كل مشكله اچبيره
كلمن يمشـي ليهه امن البَلَه اتجيره
و الينخاهــــه حاشــــه يبقه بالحيره
.
چفـــــهه يفيض احسان تشبه أبوهه
تگضيـــهه بـــالعباس لــــــو حلّفوهه

لــــو وازتـــك دنياك بــــس إنوي نيه
إنطـــي الوجـــه لحسين حَلْفَه ابرقيّه

تمت بعون الله و له الحمد.
الشاعر مجتبى الأسدي

مولد السيدة رقية عليها السلام

إسمچ يريحانه ابدنيانه للحب ترجمان

مولاتي رقيه مولاتي رقيه
---------------
يا مليكة دنيةِ احسين و سَناها
يا سِمه الفرحه و سِحِر شمعة ضُحاها
من فتحتي عينچ التزهي ابضواها
فشلت الشمس و إجت تلبس غِطاها

هالدنيه من دونچ و اعيونچ ما بيها حنان
إسمچ يريحانه ابدنيانه للحب ترجمان

مولاتي رقيه مولاتي رقيه
---------------
جبهتچ مِشكاة و اعيونچ زُجاجه
إنتي مشعل حب ابو اليمه و سراجه
يا شهَد إسمچ عله السانه مِزاجه
احسين جرحه ابشوفتچ يحصل عِلاجه

كلما هُوه ايضمچ و ايشمّچ يشعُر بالأمان
إسمچ يريحانه ابدنيانه للحب ترجمان

مولاتي رقيه مولاتي رقيه
---------------
يا عزيزة گلب ابوالأكبر رقيّه
مولدچ يحمل سعاده للبريه
صرتي ثاني فاطمه يالفاطميه
هالله هالله ابرتبتچ و اشگد عَلِيّه

تتنفس ابعطرچ يا كُبرچ أنفاس الجنان
إسمچ يريحانه ابدنيانه للحب ترجمان

مولاتي رقيه مولاتي رقيه
---------------
بالسبي ورّدت ازهار المسيره
هاي ممْلكْةِ العشگ و انتي الأميره
ساميه إنتي وَلَو طفله زغيره
حلّت اچفوفچ مشاكلنا الچبيره

الچم صعبه سهّلتي اتفضّلتي شاهِدنا الزمان
إسمچ يريحانه ابدنيانه للحب ترجمان

مولاتي رقيه مولاتي رقيه
---------------
قصّتچ صارت دساتير المحبه
يا وجيهه للجرح إسمچ يطَيبه
و الإجاچ ابمشكله و ايگول صعبه
گلتي سهله و هوّه رَد فرحان گلبه

ملتمّه أحبابچ يم بابچ تنخه ابهالبيان
إسمچ يريحانه ابدنيانه للحب ترجمان

مولاتي رقيه مولاتي رقيه
---------------
تمت بعون الله و له الحمد.
الشاعر مجتبى الأسدي