قصيدة للإمام المهدي المنتظر عليه السلام


يمهدي .. مقصـرين ابغيبـتك
يمهدي .. نعتذر من حضرتك
يااوّل وتــالـــي
سامحنه يالغالي
مقصرين ابغيبتك
••••••••••••••••••••••••••••••

شيعتك يالمهدي نحچيها بصراحه
مقصّرين وردنه من عندك سماحه
گلبـك من ذنوبنـه تنـزف جــراحه
احنه نضحك وانت كل عمرك مناحه
يمهدي .. ماشعـرنه بغـربتـك
يمهدي .. وندّعي من شيعتك
مطلبنـه يالوالي
سامحنه يالغالي
مقصرين ابغيبتك
•••••••••••••••••••••••••••••••••

انت ماغايب يمهدي ويانه مـوجـود
ذنوبنه التحجبنه عن شوفك يموعود
مـا تهيّئـنــــه الك ونـريـــدك تـعـــود
واحنه كل يـوم اليمـر بذنوبنـه انزود
يمهدي .. ندعي الله لطلعتك
يمهدي .. واحنه نمنـع جيّتك
دمع المحب هالي
سامحنـه يالغـالي
مقصرين ابغيبتك
•••••••••••••••••••••••••••••••

ندعي يالمهـدي بدعـاء الندبة تظهر
وانت يالمـوعـود تعلـم بـيـنـــه اكثر
بعينـك تشـوف المـوالـي ذنبـه يكبـر
تسامحه بكل مرّه من يدعوك مضطر
يمهدي .. ماعـرفّنـه نعمـتـك
يمهدي .. ما وفينه بخدمتك
مـا بينـه متعالي
سامحنه يالغالي
مقصرين ابغيبتك
•••••••••••••••••••••••••••••••••

الله يعلـم ساعـة التظهر علينــه
سيــدي تقبلـنــه لو لا ماتجينــه؟
نعتـرفـلك سيــدي نمدلك ادينه
منك انريـد السمــاحــه ياولينـه
يمهدي .. الله يدري بحـالتك
يمهدي .. نلتمس من طيبتك
يالنـورك يـلالـي
سامحنه يالغالي
مقصرين ابغيبتك
•••••••••••••••••••••••••••••••••••

نقسم عليك بكسـر ضلـع الزچيـه
ترضـه عنّه مـن گبـل يوم المنيــه
اظهـر وخـل ننظـر الطلعـة البهيـه
وخذ ثار السحگته خيول آل اميه
يمهدي .. لا تأخّــر ثـورتــك
يمهدي .. خل ترفرف رايتك
يالمـركـزك عالي
سامحنه يالغالي
مقصرين ابغيبتك
••••••••••••••••••••••••••••••••••••

جدك حسيـن التگطـع ينطـر الثار
سيدي يالمهدي اظهر وحنه انصار
بكربله تدري يمهدي بالجره وصار
تدري يالمهدي بخيمكم شبوا النار
يمهدي .. تدري زينب عمّتك
يمهدي .. من سبيها وندبتك
هاك انظر لحالي
سامحنه يالغالي
مقصرين ابغيبتك

خادم الإمام المهدي المنتظر عليه السلام
سيد زيد الفحام
_____________________________

قصيدة في رثاء الامام المهدي المنتظر عجل الله فرجه الشريف


وينك يالمهدي وعيونك
ما ارهــم بـدونك
سمّوني مجنـونك
يبن الحسن يبن الحسن
لا تگطع الوصال. كافي الهجر تعال
يبن الحسن. يبن الحسن
.................................................................

يالحبيب ... يمته اشوفك سيدي طال الهجر
يالحبيب ... سنينـي تاكـل بالعمر ماظل عُمُـر
يالحبيب ... مقـصّـر ويــاك وردت منّـك عـذُر
يالحبيب ... مرني طيف وخل شوفك وستقر
مَـرّه. هنياله من شافك
وتشمـله ألطـافك
دلّالـي ما عــافك
يبن الحسن. يبن الحسن
بعيوني چم سؤال. كافي الهجر تعال
يبن الحسن. يبن الحسن
..................................................................

بيامكان ... عمري خلّص سيدي انشد عليك
بيامكان ... گلـي يالمـوعـــود وانه تعنّه ليك
بيامكان ... بكـربــله لو بالنـجـف ارد ألتقيك
بيامكان ... انت يالمـوعـــود موجود واجيك
يمّتـه. انـظـــرلك بعيـنــي
مو خلصت سنيني
يالمـهـدي حاچيني
يبن الحسن. يبن الحسن
يامصدر الكمال كافي الهجر تعال
يبن الحسن. يبن الحسن
...................................................................

هل اراك ... أســأل ومنّـك فـلا اسـمــع جــواب
هل اراك ... عمري شمعه وبالهجر يالمهدي ذاب
هل اراك ... من گبـل ما انـدفـن تـحـت التــراب
هل اراك ... يمتــه يالمـوعــود مو كافي الغيـاب
ادري. حـاجبتـك ذنـوبـي
سامحني محبوبي
مـرّة اتّجـه صـوبي
يبن الحسن. يبن الحسن
لا تبقه بعتزال كافي الهجر تعال
يبن الحسن. يبن الحسن
................................................................

مرني طيف ... خل اشوفك بالحلم يالمهدي نور
مرني طيف ... سيّـدي وخبـرنـي يايـوم الظهـور ؟
مرني طيف ... لشوفتك مشتاگ يامهدي العصور
مرني طيف ... ارد اگـلّك اعـتــذر بيّـــــه القصور
عهدي. ما بينــك وبيـنـي
ما ناسـي تدرينـي
بس نظرة تكفيني
يبن الحسن. يبن الحسن
ومتاني لا ازال. كافي الهجر تعال
يبن الحسن. يبن الحسن
.................................................................

راح اموت ... وآنـه اتـلـهّــف عليـــك بحسرتي
راح اموت ... مـرّة أشـوفـك ياحبيبي بدنيتي
راح اموت ... مُنيـة عنـدي وخل احقق مُنيتي
راح اموت ... بس اشوفك وجري يمك دمعتي
ابچي. يالمـهــــدي وتألّم
عايفني بس احلم
وبصـورتــك ارسم
يبن الحسن. يبن الحسن
انساك أنه مُحال. كافي الهجر تعال
يبن الحسن. يبن الحسن

خادم الامام المهدي المنتظر عجل الله فرجه الشريف
سيد زيد الفحام
__________________________________

قصيدة في ندبة الامام المهدي المنتظر عليه السلام


يامهدي. يامهدي
يامهدي. يامهدي


ياسيدي يبن الحسن. جاوبنه انت بياوطن ؟
ملينه من كثر المحن. يالشوفتك امان
شتاگينه مرّه لشوفتك. دلينه وارحم شيعتك
نتلهّـف احنـه لطلعتـك. ياصاحب الزمان
يمته الفرج. يبن الحجـج
ماظل صبر. طحنه بحرج
يامهدي. يامهدي
يامهدي. يامهدي




سامحنه لو بينه السبب. مو انت احنه الننحجب
غـايـب لإن بينـه الذنب. ما نترك الذنوب
يايوسف الزهـره الوفـي. نورك يشع ما ينطفي
بعطفك يمهدينـه الخفي. علّمنه خل نتوب
يالممتحن. انت الأمـن
عالرافضه. گلبك يحن
يامهدي. يامهدي
يامهدي. يامهدي




الله يـعـيـنـك عالألـم. من شيعتك بس الإثم
تسـغـفـرلنـه ومانـهـم. ناسينك الإمام
مو بالگلب بس باللفظ. نـدعـيـلك ومانتّـعـض
يالطاعتك واجب فرض. ياصانع السلام
گلبك سمح. ليل وصبـح
يالمـنـتـظـر. ينزف جرح
يامهدي. يامهدي
يامهدي. يامهدي




نطلب سمـاحـك يالولي. بجاه النبي وحيدر علي
كل شيعي مثلك مبتلي. نتنطّر الظهور
چم ثار الك يالمنـتـظــر. لسيفك يمهدي منتظـر
مهدينه مو كافي الهجر. يالتعرف الامور
گالوا بعد. ماظن يرد
نادينه ما. يخلف وعد
يامهدي. يامهدي
يامهدي. يامهدي



عـطـرك هـوى ونتفّسَه. نتوسّلك صبح ومسه
نترجّه يالمهدي وعسه تظهر يبوالوفاء
من تظهـر نعيش بأمن. ما يبقه جور ولا فتن
ننسه المصايب والحزن. من ترفع البلاء
تحيي القيم. من العدم
تخضع الك. كل الأمم
يامهدي يامهدي
يامهدي. يامهدي

سيد زيد الفحام
_________________________

قصيدة في رثاء الإمام المهدي المنتظر عجل الله فرجه الشريف


اللهم عجّل لوليك الفرج


ياربي ندعي كل صباح وكل مسيه
تعجّل ظهـور المنتظـر للرافضـيــه
ياخذ بثارات الگضه بالـغــاضـريـه
بلا ذنب عطشان انذبح ابن الزچيه
بالطف ضامي مذبوح هذا والد الحجج



ياربي بدموع وحزن نرفع ادينه
ندعي بدعاء الندبه للمهدي ولينه
بالرايه وبسيف الوصي يظهر علينه
مهدينه وبشوگ الجمر مـتـنـطّـرينـه
انصاره ومضحّين ننطي ارواح ومهج



ثار الذبيح بكربله مهدينه ثاره
وبصدره نار المنذبح ماتطفه ناره
ياربي يايوم الفرج طال انتظاره
شتاگينه والله لشوفته ولذوالفقاره
يملي الدنيه عدلاً والله ويعيد النهج



ثار السبيه عمّته الظلّت غريبه
عگب الحسين بكربله صارت سليبه
ما يگطع عله امّ الخدر نوحه ونحيبه
عالمنتظر سلب الخدر اعظم مصيبه
يمته بسيفه يظهر دنيه مليانه هرج



والمهدي لاشك بالعزه ويانه حاضر
بدموعه وبلطم الصدر يحيي الشعائر
كُن للأمام المنتظر ياربي ناصر
عجّل ظهوره تنتظر جيّته الضماير
بركن الكعبة يظهر بينه مهدينه يحج



يبچي عله جده المنذبح ليله وصباحه
وعله العقيله ام الخدر دايم نياحه
واحنه بغيابه شيعته ما شفنه راحه
ياربي لو بينه السبب نطلب سماحه
ننطر يومه وشموع نگعد بدريه نوح

خادم المهدي المنتظر عجل الله فرجه الشريف
سيد زيد الفحام
________________________

في رثاء الإمام المهدي المنتظر ( عجّل الله فرجه الشريف )


سيـدي طـال الغياب مهدي يامهدي
والله يالهجرك عذاب. مهدي يامهدي


يمته يالمهدي الفرج مابقه عدنه صبر
شيعتك نتنطّرك ياامامي عله الجمر
لشوكت هذا الغياب انت وحنه ننتظر
نبچي يالمهدي عليك والله خلّصنه العمر
ياشمس خلف السحاب. مهدي يامهدي
سيـدي طــال الغيــاب. مهدي يامهدي


انت هسّه بيامكان احنه سيدي دلينه بيك
والله زحفاً عالأدين احنه يالمهدي نجيك
نظرة من وجهك نريد سيدي ونبوس اديك
لخاطر الزهره البتول تظهر النه نرتجيك
كل محب دلّاله ذاب مهدي يامهدي
سيدي طال الغياب. مهدي يامهدي


والله ذوّبنه الغرام يمته يالمهدي اللقاء
بكل صلاة وكل فجر ندعي من رب السماء
تظهر وتحيي الوجود والوعد في كربلاء
ترفع الرايه ونشوف وجهك اليسطع بهاء
ويرتفع عنه الحجاب. مهدي يامهدي
سيدي طال الغياب. مهدي يامهدي


لخاطر حسينك تعال وطلب بثار الذبيح
العَجل مهدي العَجل لشوكت نبقه نصيح
تبچي كل صبح ومسه ندري يالگلبك جريح
عالحسين بكربلاء لسّه دم نحره يسيح
سلّبوا منه الثياب. مهدي يامهدي
سيدي طال الغياب. مهدي يامهدي


سيدي يالمنتظر احنه كل جمعة نزور
هذه آخر جمعه هاي بيها ميعاد الظهور
لكن تمر مانشوف سيدي يالمهدي نور
نبقه نتنطر ضياك شما تمر بينه الدهور
ما تزحزحنه الصعاب. مهدي يامهدي
سيدي طال الغياب. مهدي يامهدي

خادم الإمام المهدي المنتظر عليه السلام
سيد زيد الفحام
_________________________

قصيدة للإمام المهدي المنتظر عليه السلام
طورها... ملا باسم/ حلم وتمنّه اشوفه


يمهـدي بانتظارك تريد الشيعة ثارك
دعينه الله تجينه ياولينه ياولينه
¤¤¤¤¤¤¤¤¤¤¤¤¤¤¤¤

شكثـر بچفـوفنـه دگينـه بابك
بچينه وصحنه طوّلت بغيابك
يمن كل شيعتك فدوه لتـرابك
نريد انشوفك ونسمـع خطابك
صبــرنـه ونتـظـرنه خلص بالهم عمرنه
شكثر بسمك نخينه. ياولينه ياولينه
¤¤¤¤¤¤¤¤¤¤¤¤¤¤¤¤

عليك الشيعة مشبوحة بنظرها
يمـن بيــدك قيــادتــها وامـرها
خلص يالمهدي بغيابك صبرها
اذا مـا تظهـر الظــالـم يضــرها
يثار الله وحبيبــه. تنطرك چم مصيبه
عليك شگد بچينه. ياولينه ياولينه
¤¤¤¤¤¤¤¤¤¤¤¤¤¤¤¤

دعينه الخالق يعجّل ظهورك
تزيل احزانّه بساعة حضورك
نجي انبايع يمهدينه ونزورك
وتزيل الباطل بسيفك ونورك
تجينه بذوالفقارك. نشاهد انتصارك
الدهر جار بسنينه. ياولينه ياولينه
¤¤¤¤¤¤¤¤¤¤¤¤¤¤¤¤¤¤

نطلبـك سيـدي چـم ثـار چـم دين
ضلع ام الحسن والسطـره والعيـن
اشدّ مصاب تدري مصاب الحسين
شوكـت تاخـذ بثـاره مـرّت سنيـن
ذبيح وضامي جدك. يمهدي وثاره عندك
صـريــع امـسلبيـنـه. ياولينه ياولينه
¤¤¤¤¤¤¤¤¤¤¤¤¤¤¤¤¤

تجي لو ما تجي ياصاحب الثار
يمهدي لجيّتك مشبوحة الانظار
مثـل نـار الخيـم بگلـوبنــه النـار
الصبـر ما ينفــع ولا تنفـع اعـذار
قست بينه النواصب. يمهدي وانت غايب
الك نـنـطـــر بقـيـنــه. ياولينه ياولينه
¤¤¤¤¤¤¤¤¤¤¤¤¤¤¤¤¤¤

بظلام انعيـش ما بيّـن صبحنه
الغوث الغوث يامهدينه صحنه
تعـال وشوفنـه وضمـد جرحنه
يمهدي وسيف عـدوانك ذبحنه
يمـهـدينــه دخيـلك. تجينه ونشتكيلك
صعب هجرك علينه. ياولينه ياولينه

خادم الإمام المهدي المنتظر عليه السلام
سيد زيد الفحام
__________________________

مولد للامام المهدي
جديد فيه نوع من الحسره
ـــــــــــــــــــــــــ

بذيج السنين المرّت علينه
نزور الحسين ابيوم مهدينه
ــــــــــــ
بخمسطعش شعبان والذكره
وحي الله للعالم يزف بشره
بهل ليله كلنه نكَصد الحضره
وبمولده انقدّم تهانينه
ــــــــــ
نشعل اشموع الفرح كالعاده
ونهنّي زينب عمّة السادة
كل الرسل تفرح ابميلاده
وحتى السمه تتباهه بالزينه
ـــــــــــــــــ
يم المقام نروح وأنّادي
عجّل يمهجة بضعة الهادي
الكلمن يبغضك سيدي انعادي
وللّي يوالي المهدي والينه
ــــــــــــــ
كل انبياه الله تلكَاهه
بصحن الحسين هناك تتباهه
وأنّادي كلنه بصوت ويّاهه
اللهم عجّل فرج مهدينه
ـــــــــــــــ
بس هسه بينه حسره يالوالي
ما ننجمع يم حضرة الغالي
لاجن ضريحه الطاهر اكَبالي
وصار البعد حسره ويبجّينه
ـــــــــــــــ
شوكَ الزياره ما طفت ناره
والكربله دمعاتي تتجاره
زار الله كلمن مرقدك زاره
ياربي ندعي فرّج اعلينه
ــــــــــــــــ
الشاعر محمد حسن ضيغم

هوسات لمولد الامام المهدي (عجّل)


ليلة مولدك يالمهدي نحييه
وامك فاطمه واجب نهنّيهه
بسم المنتظر صرخه نعلّيهه
(يالغايب مو كافي الغيبه)
ــــــــــــــــــ
بين الحرمين الناس منتظره
بلكي بهيج ليله وتنزف البشره
زوار واجينه ندخل الحضره
(يايوم انشوفك ويّانه)
ـــــــــــــــــــ
الليله امن السمه نور الله يتجلّه
وبنور القداسه عالمك يحله
نعرفه المهدي من يظهر ونندلّه
(بس يظهر ينبض شرياني)
ــــــــــــــ
غايب عنّه لاجن السبب بينه
كلنه اذنوب وأنّاديك ملّينه
بس كَلبك جبير ويعطف اعلينه
(ومن تظهر تمحيلي اذنوبي )
ــــــــــــــــــــ
الله المولدك خلّه النجوم اتنور
ونزّل للارض يم الحسين الحور
الملائك وانبياء ورسل اجت اتزور
وبالحضره انجمعت ويّانه
ــــــــــــــــــــــ
الشاعر محمد حسن ضيغم

ميلاده ميلاده وبشعبان ميلاده
-------------------------------------------------


الف مبروك يا عترة محمد
بهذا اليوم حته الطير عيد
بولادة قائد الامه المسدد
الامام المنتظر والدنيا تشهد
ننسه بجاله الهموم
فرحانين هاليوم
حساده حساده ماتو غيض حساده
ميلاده ميلاده وبشعبان ميلاده





يدمعة شوك من كلبي لغيابك
فقير ومعتني وباقي اعله بابك
يفرحة عيدنه بشوفة شبابك
نقبل خطوتك ونشم ترابك
يا موعود وياك
اي للموت نهواك
والقاده والقاده انته الجيش والقاده
ميلاده ميلاده وبشعبان ميلاده





يمعنه العافيه ويا طيبة الگاع
لهذا اليوم نورك علبشر شاع
اليعوفك ينتهي بنص الدرب ضاع
يا صوت الحقيقه الهز الاسماع

منتظرين مولاي
طال فراگك هواي
وانشاده وانشاده انته الشوگ وانشاده
ميلاده ميلاده وبشعبان ميلاده




يشوگ الما تموته شهور وسنين
يماخذ من محمد زوده والدين
على باب انتظارك وگفت العين
يرحمة ربنه منتظرة المساكين
يباب الما يردنه
ما خلص صبرنه
يا ساده يا ساده جدكم وين يلساده
ميلاده ميلاده وبشعبان ميلاده



كلمات / رعد الفريجي

كعبة الشيعه. قائم العتره

*

نور ساق العرش. منتظر منتظر
احلى و اجمل نقش. منتظر منتظر
الجنه بيه تنتعش منتظر منتظر
و بضواه تنفرش. منتظر منتظر

لنّه نور النور. الله بيه مسرور

لو ظهر يرسم بسمة الزهره
كعبة الشيعه. قائم العتره

*

فدوه لآخر ولي. المنتظر منتظر
كل وجودي و هلي المنتظر منتظر
بيده راية علي. المنتظر منتظر
احلى ضَيْ ينجلي المنتظر منتظر

ضیه ضي عباس للگلب ایناس

تنتعش للگلوب. والله من ذکره
كعبة الشيعه. قائم العتره

*

عاصمة هالوجود. منتظر منتظر
نور رب الودود. منتظر منتظر
ذات اجمل سجود منتظر منتظر
بِسمه تزهي الورود. منتظر منتظر

اسمه بالفردوس. مشتهر طاووس

جنة الرحمن. بِسمه مزدهره
كعبة الشيعه. قائم العتره

*

للعوالم قُطُب. منتظر منتظر
للأرض چن گلُب. منتظر منتظر
کل نبض من یطُب. منتظر منتظر
جنه ملیانه حُب. منتظر منتظر.

اسمه یعني الشوق شمعة المعشوق

ترتوي العشاق لو نظر نظره
كعبة الشيعه. قائم العتره

*

سورة الهَلْ اتى. المنتظر منتظر
يمته يظهر متى المنتظر منتظر
غيره ما من فتى المنتظر منتظر
بجيته يمحى الشتى المنتظر منتظر

لو اجه المحبوب. . تنجمع لگلوب

ريته يرفع ريت. رايته الحمره
كعبة الشيعه. قائم العتره

*

خادم خدمة الحسين عليه السلام
ناصرآلبوعبید

یالمنتظر انت امامي
یالمنتطر عشقي ،وغرامي
انت بن خیرالبشر
سیّدي یالمنتظر
»ارفع یا مولای الرایه «

*
یبن الحسن غصن العشگ ضامي وذبل دونک
یاسیدي اعیون الامل عطشانه لعیونک
رمشة امل ابحثهه دوم ابرمشة اجفونک
لهفانه روحي من الزغر وگلیبي مجنونک

هذه الگلب ینطر رجوعک
هذه الگلب ضامی الطلوعک
ضامي وبعشگک جهر
سیدی یالمنتظر
»عطشان الحبّک مولایه«

*

یا بسمة اخدود الامل یا عاصمة شوگي
یا اجمل من اجمل حِسِن بس انت معشوگي
نخلة وجودي اتروّي من انوارک اعثوگي
دمّ العشگ من زغری دومه یسری بعروگي

یمته الفرج یبن الزچیه
یمته الفرج من هالدنیّه
وننسه کل هذه القهر
سیدی یالمنتظر
»يمته ابنورک تضوي الثایه «

*
بعیوني مرسوم الامل حَيْ ما طفی ارسومه
یمطر عشگ هذه الگلب مانشفن اغیومه
دلالی مجنونک واَبَد بجنونه مالومه
وروحي بْحِبِر حبک یریت الگاهه مختومه

اتوسلک فدوه لحروفک
اتوسلک دَعني اشوفک
ریت یالثانی عشر
سیدی یالمنتظر
»اتوسل لاتردني ابهایه«

*
نظرة محمد نظرتک مهدی یمحبوبی
فدوه الرموش اعیونک اتوسل تصد صوبی
اشفعلی یاخیرالعمل زلّاتي و ذنوبي
وبنظرتک ریتک تِغطّي و تستر اعیوبي

شمس الامل یالمهدي وینک
شمس الامل ضَيْهه ابجبینک
والامل بیک ازدهر
سیدی یالمنتظر
»اترجاک اظهر مولایه «

*
روح القدس دوم ابعشگ یتمسک اثیابک
حولک یطوف ابکل ادب وأمْلازم ارچابک
فدوه الوجودک سیدی ، عدنی من احبابک
بحسین احلفک خادِمِک سجّلنی بکتابک

عدني خدم واخدم مظیفک
عدنی خدم للّي يظیفک
خدمتک اکبر فخر
سیدی یالمنتظر
»اخدم خدّامک امنیتي«

خادم لخدمة الحسین
ناصرآلبوعبید

كربت الشده تزول..بجاه حيدر والرسول
بمولدك مهدينه..بمولدك مهدينه
&&&
بجاه سيد المرسلين..بجاه ام المؤمنين..بجاه نحرك ياحسين
نريد مولاي الحلول.. بجاه حيدر والرسول
بمولدك مهدينه..بمولدك مهدينه
&&&
بجاه عبد الله الرضيع..الغيره ماالنه شفيع..تحفظ امتي والجميع
الشده لازل ماتطول.. بجاه حيدر والرسول
بمولدك مهدينه..بمولدك مهدينه
&&&
بجاه زينب والرباب..بمولدك تدعي الشباب..الغمه كثرت والضباب
المرض تبعد والسيول.. بجاه حيدر والرسول
بمولدك مهدينه..بمولدك مهدينه
&&&
بجاه عمك الحسن..تحمي اهلي والوطن..تشيل من عدنه المحن
ننخه ويانه البتول.. بجاه حيدر والرسول
بمولدك مهدينه..بمولدك مهدينه
&&&
انهض وشوف الجره..كوم يبن الطاهره...تبجي امتك حايره
فزعتك يبن الاصول.. بجاه حيدر والرسول
بمولدك مهدينه..بمولدك مهدينه
&&&
فزعتك شافي العليل..بجاه حماي الدخيل..بعد ماظل كل سبيل
خلها تندك الطبول.. بجاه حيدر والرسول
بمولدك مهدينه..بمولدك مهدينه
&&&
بمولدك كلها تصيح..بجاه موسى والمسيح..بجاه جدك الذبيح
عليهم انريدك تصول.. بجاه حيدر والرسول
بمولدك مهدينه..بمولدك مهدينه
&&&

خادم اهل البيت
الحاج ابو علي السعيدي

ابوذيات...ولادة الامام الحجه..عج
....

الك واجب الطاعه من تمرني
يبوصالح اونورك من تمرني
نصف شعبان ليله من تمرني
مثل ليلة القدر اتمر عليه
...

كل شيعي الظهورك من وعينه
ولابايعنه غيرك من وعينه
على حبك وَعينه من وعينه
يمهدي اوننطر الطلعه البهيه
....

ابمهدي آني يمهدي اوليك حنّيت
اوعلى ضلع الحنيته اضلوع حنيّت
ابحنّة مولدك مولاي حنّيت
وجهي اوگصّتي اوراحات اديه
...

الشاعر ناظم الحاشي

(( مولد الإمام صاحب الزمان عج ))

ساعة ظهوره ..يغمرنه نوره
حبه ضوه ضوه ضوه.. محله عطوره

____
1

انطر وتاني.. صاحب زماني
بالكت يراني.. بضعة ثواني

لمّن اشوفه.. والزم چفوفه
خادم اصيرن.. مايوم اعوفه

روحه صبوره.. سُور الله سُوره
حبه ضوه ضوه ضوه.. محله عطوره


2

للشيعة رايه.. وهوه الحمايه
تاج البرايه.. رمز الهدايه

يا محلا اسمه.. يا محلا رسمه
يشبه محمد.. رباني علمه

يمته نزوره.. ونعرف اموره
حبه ضوه ضوه ضوه.. محله عطوره

_
3

ندعيله كلنه.. هوه املنه
ميلاده جنه.. وفرحة اهلنه

ميلاده رحمه.. ياربي سلمه
عجل ضهوره.. يهديها الامه

للرحمه صوره.. يرسمها نوره
حبه ضوه ضوه ضوه.. محله عطوره

____
4

روحه عطوفه..وبگلبي اشوفه
بمسجد الكوفه..نقبل چفوفه

خلفه نصلي.. والدمعه تهلي
والروحه فدوه.. كل گومي واهلي

بفرضه وبدوره.. يا محله طوره
حبه ضوه ضوه ضوه.. محله عطوره

__
5
والربي أقبِل.. دمعاتي تهمل
للمهدي عجل.. والفرگه تكتل

مابيه اصبر.. مابيه انطر
يمته بعيوني.. للمهدي انظر
حبه ضوه ضوه ضوه.. محله عطوره
أنذر نذوره.. تعجل ظهوره
.
.
.
#الشاعر مصطفى الشافعي

🔷🔶🔹🔸♦️ ﷽♦️🔸🔹🔶🔷
🌸 (لحمل السيدة نرجس بالإمام الحجة عليه السلام) 🌸

🔷🔶🔹🔸🔴🔸🔹🔶🔷
مبروك يا نرجس حملتي بالولي


هذا الإمام اللي ورث حيدر علي
مبروك يا نرجس حملتي بالولي


و أصوات كل الكون بسمه تعتلي
مبروك يا نرجس حملتي بالولي


بعلوم أجداده و كماله الأكملي
مبروك يا نرجس حملتي بالولي


و ابحُسنه يوسف بل جماله الأجملي
مبروك يا نرجس حملتي بالولي


آخر خليفه و حجة الله الأفضلي
مبروك يا نرجس حملتي بالولي


محروسه بالله من عيون العاذلي
مبروك يا نرجس حملتي بالولي


سَبَحتي الله و تحمدي و اتهللي
مبروك يا نرجس حملتي بالولي


هذا الذي بوجوده كل هم ينجلي
مبروك يا نرجس حملتي بالولي


هناچ ربي ، يالأعز من كل هلي
مبروك يا نرجس حملتي بالولي


و الحور نادت يالروافض هلهلي
مبروك يا نرجس حملتي بالولي


بالجنه للمولود نصبوا المحفلي
مبروك يا نرجس حملتي بالولي
================
📝 #الشاعرة_الملاية_زينب_المؤيد

تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ

"متى ترانا ونراك "


مهدينه يامهدينه. مهدينه يامهدينه
.......

يالمهدي مو كافي الهجر مر بينه
طوّل غيابك يالحبيب علينه
يمته الوعد ونشوفك
راية نصر بچفوفك
تفتر عكسنه الايام
ما بينه نحمل آلام
يبن الحجج دنيانه عگبك ظلمه
يمته الفرج بيدك امرنه نسلمه
نار الهجر ما تخمد وتچوينه
طوّل غيابك يالحبيب علينه
..........

بخمسطعش شعبان نفرح جينه
طوّل غيابك يالحبيب علينه
اجمل فرح ميلاك
شفنه الهنه باعيادك
كل شيعي بسمك فرحان
خلينه ننسه الاحزان
ما مبتعد گلب اليحبك بيتك
ننثر ورد. ربّتنه انسانيتك
ورود المحبّه بمولدك طشّينه
طوّل غيابك يالحبيب علينه
...........

يوسفنا انت وننتظر رد لينه
طوّل غيابك يالحبيب علينه
گمنه بغيابك نحلم
ريحة قميصك نشتم.
واحدنه يعگوبك صار
ضاعت علينه الاخبار
ماظل صبر. يالمهدي ارحم ربعك
راح العمر. نتمنّه مره انسمعك
ساعي البريد بكل وكت ودينه
طوّل غيابك يالحبيب علينه
.............

يبن الوديعه لوجهك اشتاگينه
طوّل غيابك يالحبيب علينه
ردنه لغيابك تفسير
سامحنه عن اي تقصير
عجّل ظهورك مولاي
ماظل امل لا ظل راي
نتوسّلك تظهر يمهدي العتره
نرسل الك دمع الموالي وجمره
نحسب ثواني وعدك متانينه
طوّل غيابك يالحبيب علينه

سيد زيد الفحام

مولود المهدي عج

يبن الطهر يا غالي
يالساكن بدلالي
غيرك فلا يحلاي
مهدي يمهدي

يشهد عليه العلي والمصطفى
ذكرك يبو صالح صبح هوه الشفه
الميت برد بس اندهك راسن دفه
حته الطفل الماسكت بسمك غفه
يل حيرت افكاري
البحر لجلك جاري
بعروگي حبك ساري
مهدي يمهدي

يل مهدي حبك بالگلب من الزغر
عنك اذا اغفل احسنها كفر
بسمك انادي منل فجر حد الفجر
انته الطهر انته الطهر انته الطهر
مالحظه ذكرك ناسي
اسمك يطيب انفاسي
حسدتني تدري بناسي
مهدي يمهدي

حبك رضعته ويل لبن من المهد
لمن تلوليلي الحنينه يل ولد
ما اغفه اله اسمع ابسمك ورد
تگعدني امي يبني يا مهدي مدد
يل حبك مغذيني
يل كل حلو منطيني
يل نورتلي اسنيني
مهدي يمهدي

من طيني رفعه سيدي ابين الخلگ
شديته اسمك عل زند بيدي علگ
من الفظ اسمك مستحه جبيني عرگ
جدار الگلب حته تطب ليك انشرگ
مدللني يامحبوبي
منورلي كل ادروبي
يل ساتر عله عيوبي
مهدي يمهدي

الله يحب ذكرك واجينه نذكرك
لعينك يمهدي الله خالق هل فلك
هنياله ينجح كلمن لركبك سلك
والي هوه عنك يبو صالح هلك
انته الذي تنجينه
بهذا العشك نادينه
مهدينه يا مهدينه
مهدي يمهدي

الشاعر كرار الزهيری

مولود للامام المهدي عجل الله تعالى فرجه الشريف
🌹🌹🌹
🌹 🌹 🌹


اجمل ليله الليله

غالينه شنهديله

نورك شع بالاكوان

ليلة نص من شعبان

اجمل ليله الليله

اجمل ليله الليله

.....

عيدك لو هل صبحه

للشيعي اجمل فرحة

تزول همومه وجرحه

ينسه الهم والاحزان

ليلة نص من شعبان

يشفه ويشتد حيله

اجمل ليله الليله

اجمل ليله الليله
.....
يرف گلبي باشواگه

وروحي شگد مشتاگه

بسامره وتتلاگه

ابّيت المهدي الخلان

ليلة نص من شعبان

شمع الفرحة نشيله

اجمل ليله الليله

اجمل ليله الليله

.....


نگصدلك مشايه

بجوري وياس ورايه

آية وحسنك آيه

يالساكن بالوجدان

ليلة نص من شعبان

اجمل ليله الليله

اجمل ليله الليله

.....


تمنينه ندگ بابك

ونصلي اعله اعتابك

ليش بوجه احبابك

مسدودات البيبان

ليلة نص من شعبان

اجمل ليله الليله

اجمل ليلة الليلة

.....

بجنح الشوگ اتمنه

البيت الهادي اتعنه

شموع اعلگ واتهنه

وحنّه آخذ للحيطان

ليلة نص من شعبان

أجمل ليله الليله

أجمل ليله الليله


.....

أم محمد الحجاج / العبادي

١٢ شعبان ١٤٤١

بالكرم مال حدود..وفه جسام الوعود
انولد ابن الحسن..انولد ابن الحسن
&&&
بشر السبط الزجيه..جبت يايمه هديه..جاسم يوفي الوصيه
وصاح واحد بالشهود.. وفه جسام الوعود
انولد ابن الحسن..انولد ابن الحسن
&&&
بشرو خيرالعمل..فرح وبدار الفحل..فرحت اليوم الاهل
للحسن صار العمود.. وفه جسام الوعود
انولد ابن الحسن..انولد ابن الحسن
&&&
صاح صوت المرسلين..انولد ناصر حسين..ابن خير المتقين
حيد من صلب الحيود.. وفه جسام الوعود
انولد ابن الحسن..انولد ابن الحسن
&&&
شعت انوار السمه..نور امه فاطمه..وبحضنها من ارتمه
نثرو عليه الورود.. وفه جسام الوعود
انولد ابن الحسن..انولد ابن الحسن
&&&
يوم جابوله الخبر..الحسن حيل ابتشر..من صلب خير البشر
مثله ماكو بالوجود.. وفه جسام الوعود
انولد ابن الحسن..انولد ابن الحسن
&&&
همس جلمات بااذانه..وكله سلمتك امانه..شال راسه ولسمانه
وبلغه هوه الصمود.. وفه جسام الوعود
انولد ابن الحسن..انولد ابن الحسن
&&&
كتب بركبته وصيه..لو شفت ابن الزجيه..وحده بالغاضريه
تشوفه وبروح يجود.. وفه جسام الوعود
انولد ابن الحسن..انولد ابن الحسن
&&&
عرسك بيومك يصير..ابني انته لاتحير..وي عمك المصير
عيش وياه الخلود.. وفه جسام الوعود
انولد ابن الحسن..انولد ابن الحسن
&&&
خادم اهل البيت
الحاج ابو علي السعيدي

اللهم عجل فرج مولانا الامام المهدي /عج/



يا علامة البيهه تظهر يا زمـــن
طالت اسنين البُعد يبن الحسن
بيك املنـه *** تفك حزنــه
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

طالت اسنين البُعد عالثـــــارك
وعنه مقطوعه يمهدي اخبارك
ننتظر چفك يسل فقـــــــــارك
يا امام العصر كلنه انصــــارك

سيدي لساعة ضهورك نرتجي
انكابر وكل عام نتأمل تجــــــي
شگد سألنه
--------------------------------

كل محب ذكرك يعيش ابالــــه
ودمعت احزان الهجر همالــه
يمته يتغير وضع هالحالــــــه
أنعيش بمأسي وغيبتك چتاله

كــــل كسر والله بطلعتك ينجبــــر
نصبر الحدمن جزعنه من الصبر
لو تجي ألنه
------------------------------

امكابر ايام العمر واسنينه
وأحنه نتنطر تجي مهدينه
مل صبرنه والله ما ملينــه
امل يتحقق تره متانينـــــه

يا أمل عشنه بوجوده وما يزول
حتى لو طال الزمن يظهر نگول
أنادي كلنه
-----------------------------

يا مغيب عشت دوم ويانـــه
چذب ننساك وچذب تنسانـه
يمته يالغالي الفرج مولانـه
شفنه انواع الظلم و ألوانه

مدد كلنه نصيح مهدينـه مدد
تدري بالخيمه تطيح بلا عمد
اتلم شملنه
-------------------------------

من يهل شهر الحزن ونشوفــه
نذكر الحره المشت مچتوفــــــه
ندري عمك مو رخيصه اچفوفه
وندري ثار حسين لا متعوفـــــــه

ندري راعي الثار وانت المنتظر
تنتهي المأسات شخصك لو حضر
من محنه
-------------------------------
يا مصيبه بهمهه اكــــــثر فجعتك
الزهره من طاحت يمهدي ونادتك
لو سياط الحره والســـــــب أذتك
يالعلينه اسنين طـــــــــالت غيبتك

شكد صبرنه وهالصبر جاز الحدود
گلنـــه للغايب نهايـــــة وهم يعود
وأنتمنه
----------------------------
✍ بقلم خادم الحسين ع
#الشاعر رعد الجريخي