لذكرى ميلاد علي الأكبر عليه السلام

فرحان أبو الأكبر * والعالم اتنوّر
ابمولد شبيه المصطفى وحيدر
.....****.....
شهر الوفه شعبان من أقبل علينه
لاح ابفرح وانوار للهادي نبينه
أول بدايه احسين شق غرّة جبينه
وبالعابد وعبّاس سر حيدر ولينه

شعبان واسراره * من لاحت أنواره
بيه البتوله فاطمه تستر
.....****.....
وبحادي عشر منّه بزغ مولانه الأكبر
مثل الشمس مولاي في دنيانه يظهر
أنواره مثل احسين وَيْ جدّه الغضنفر
وتشبه محمّد صورته بارينه صوّر

أنواره من أحمد * والهادي يتجسّد
ويشبه عليّ المرتضى الأطهر
.....****.....
ليله زهيّه مولد الأكبر يشيعه
ابميلاده زانت يا خلق هاي الطبيعه
وميلاده فرحه لفاطمه الزهره الوديعه
قوموا نهنّي المرتضى وآل الشفيعه

مزدانه دنيانه * اوفرحانه ويّانه
حتّى الطيور ابمولد الأكبر
.....****.....
ليلتنه عيد وتعتلي بيها البشاير
وكل مؤمن ابشوقه لعلي بالفرحه طاير
ودّه ابفؤاده لكربله يتعنّى زاير
وللحضره يدخلها ويهل دمعه ويناظر

معروفه أشواقه * للحضره مشتاقه
ودّه يزوره والقلب يستر
.....****.....
وبهالشهر ميلاد أبو الغيبه الطويله
ميلاده يسعد هالبشر كِلْها وتجيله
ابخامس عشر من هالشهر ليله جليله
تفرح يشيعه كل نفس ولهى وعليله

يمتى يمهدينه * تظهر وتهدينه
للحق ترانه لجيتك ننطر
.....****.....
أبو فاطمة الأحسائي
١٤٣٨/٨/٦هـ

علي الاكبر خصاله رسوله الله وجماله
مثل طه علي الاكبر رسول الله وجماله
......
غدى بروحي يردد صوت الافراح
بس طه و وليه
وينادي الروح بسج كافي النياح
دفرحي بهالمسيه
انا بحبهم اذوب وشايل سلاح
ابى وعز وحميه
بروحي الشوك يهدر مثل الرماح
ويهز الفرح بيه
همت وعيونه تدمع قصيده وكلبي مطلع
مثل طه علي الاكبر رسول الله وجماله
......
دخيلك ياعلي الكرار هاليوم
نخيتك وانته جاهي
شفت الاكبر شبيهك نفس الرسوم
شجاعه ومجد زاهي
اريدنك تكلي شنهو العلوم
وشنو السر الاللهي
تجمع بيكم الاكبر يالنجوم
لفت كل انتباهي
علي ناده بسعاده الحسين من الله راده
مثل طه علي الاكبر رسول الله وجماله
......
ابو الاكبر بكلبه الفرح امواج
بشاير روحه شالت
يعاين الاكبر بنوره الوهاج
فرح والدمعه سالت
اجت كل الملايك مثل معراج
تهني وجنها كالت
الف مبروك تاج انولد من تاج
تغني وروس مالت
بعشك الاكبر تغنت حفل ميلاد سوت
مثل طه علي الاكبر رسول الله وجماله
......
بتهاني الشوك والبهجه والافراح
تعنت للزجيه
الملايك كلها شالت ورد قداح
تهني بهالمسيه
بفرح صوت المدح والصوت صداح
رواديد البريه
عريف الحفل جبرائيل من صاح
بصلاته الاحمديه
بده يقدم المشاعر رادود وي شاعر
مثل طه علي الاكبر رسول الله وجماله
.......
علي الاكبر جماله يحرك الاحساس
الشعر ندري مشاعر
سكن مثل الحسين بهاي الانفاس
حقيقه من الضمائر
ولا اغالي من اكولن جنه عباس
مثل عمه يفاخر
ذايب بالعشك فهموني ياناس
الكلب يحمل بشائر
علي كعبه واطوفه واقبلهن جفوفه
مثل طه علي الاكبر رسول الله وجماله

.....
ابو ولي الفاطمي
خادمكم

✨🌼افراح شعبانيه🌼✨

اللهم صل على محمد وآل محمد وعجل فرجهم والعن اعدائهم

#مولود للمنقذ الامه الامام الحجه(( ابن الحسن ارواحنا لتراب مقدمه الفداء))بمناسبه ولادته الميمونه
🌼 ৡ✵ •┈┈┈•✵ ৡ✵🌼

گلبي واعرفك زين بلحظه تشتاگ
مسهرني طول الليل ماتحمل فراگ

🌼 ৡ✵ •┈┈┈• ✵ ৡ✵🌼

اعرف صعب هاياگلب
بعد الحبيب وغيبته

تصبر لجن ترجع تحن
طول عليك بجيته

لامالوم لمن تحوم
وتگلي تگتل فرگته


شبيدي انه گلي عليك هم انه مشتاگ
مسهرني طول الليل ماتحمل فراگ
🌼 ৡ✵ •┈┈┈• ✵ ৡ✵🌼

ساهر انه كل السنه
عيني ابد ماجاها نوم

انت السبب عليك العتب
يگلبي كافي لا تلوم

تعتب علي انه شبدي
هم اني مثڵـڱ بالهموم


لاتذبه بيه الصوچ مواحنه عشاگ
مسهرني طول الليل ماتحمل فراگ
🌼 ৡ✵ •┈┈┈• ✵ ৡ✵🌼

تگلي الذنوب وتخفي العيوب
واعليه يوميه اتعتب

نذنب سوه تدري الدوه
نعلن براءه م̷ـــِْن الذنب

كافي الي صار ناخذ قرار
واحدنه مايدور الغلب

نجفف بحر الذنوب نعبرسوه الراگ
مسهرني طول الليل ماتحمل فراگ
🌼 ৡ✵ •┈┈┈• ✵ ৡ✵🌼

هاياگلب طبل الحرب
هسه اتفقنه مايدك

حلو هالكلام رايه سلام
رفعنه وبعد مانفترك

يخلص العمر وماكو صبر
والشوگ حاركنه حرك

ياربي شنهو الصار زدات هالاشواك
مسهرني طول الليل ماتحمل فراك
🌼 ৡ✵ •┈┈┈• ✵ ৡ✵🌼

يلله سوه وي الهوه
نبعث سلام لحظرته

كون النصيب هيج ويجيب
محبوبي واحظه بنظرته

حب وغرام شوك وهيام
نطش العمر بولادته

يخسر تره والله لمن عشكه ماضاك
مسهرني طول الليل ماتحمل فراگ

🌼 ৡ✵ •┈┈┈• ✵ ৡ✵🌼

تمت بعون الله تعالى

بـ✍ــقـ✍ــلم
الشاعرة زهراء الحربي
حسينيه الهوئ


نسألكم الدعاء
بتعجيل الفرج لصاحب الزمان (( ع))

مولد الامام المهدي عج..


يالحــــبك نجـــاة الكل مــوالي
راسي ابخدمتك يالمهدي عالي

🌷🌷🌷🌷
يالحــــــبك نجــات الكل الاطياف
ابيغضه وبالحــلم يالمهدي تنشاف
عشـگك رحمـة اللـه اشلون ينعاف
الما حبــــك خســـر يغله الغـــوالي
🌷🌷🌷🌷

ياحجـة الباري وللخــلگ ســـــور
اطـوف ابمهــدك الامـــلاك وتزور
خــدك يشع جن قنـــديل من نور
يالاصبــح جمـــالك شـي مثـــالي
🌷🌷🌷🌷

يا شــــمام گلبـــي اولب الالبـــــاب
يانسـمة اعذيبـي اويه الهوه الهاب
انته اطهر وليد امن اشرف انساب
بســـمك نحتــــــفل هـاي اليـــــالي
🌷🌷🌷🌷

يا منـــبر عشـــگ والحبه سلطان
يا اجمل اشــراقه ابنصف شعبان
يا بــاب العلــــــم يا بـــاب ريــان
ابحــبك كل وكت يســرح خيالي


🌷🌷🌷🌷
اكماطك نور. عطره اينسم الراس
جـــوري وسعفران وعنــــبر وياس
ربك وي قــــــــدومك بشــر الناس
منقــــــذكم المهــــدي وهــوه والي
🌷🌷🌷🌷

الخادم
✍كامل السعيدي

أشرق علي الاكبر على المعموره
جن وأنس محتفله أو مســــروره
أبهالفراح تحله جمعتنه
أبهالفراح تحله فرحتنه
 
*
 
شعشع ضياء الطاهر أبن الاطهر
يامرحبا ببن الحُسيــــن الاكبـــــر
نوّر أرضنه والسمه بيه أزهــــــر
لمن أجــــه هذا الوجود أتعطـــــر
كل الكواكــــب غــردت بحروفــــه
وكل نجمه في حبه صفت مشغوفه
أعتله صوت بزغ غايتنه
أبهالفراح تحله فرحتنــه
 
*
 
 
 
صورة محمد عالأرض هلهلـــت
صورة حِسن وأعلى العوالم طلت
بهجــــه بكلب هالجعفريــــه خلت
مبهوره من حسنه المحاسن ظلـت
حور الجنان أتهلهل أبهاليلــــــــه
المايفرح بهذا الحفل ياويلـــــــه
ويه الايات نبدي بسمتنه
أبهالفراح تحله فرحتنــه
 
*
 
يالمحتفل يالعيّدت آمالـه
زف التهاني للرسول وآلـــه
هني الحُسين المبتّشر دلاّلــه
ببنه السطع مثل النجم يتلاله
اليوم السعاده أنصفت ويانه
ونرفع تهاني للسبط مولانـه
أبهالفراح نهني عترتنه
أبهالفراح تحله فرحتنه
 
*
 
بميلاد الاكبر كل محب يتهنه
لن يفرح أو يطلب مراده منـــه
بأسمه عزف صوت الطيور أو غنه
عيد أوسعاده أبهالولاده ألنــــــــه
بأسمه الطيور أمغرده وفرحانـه
ومنه الورد راح وأخذ ألوانـــــــه
غطه الكون نور سادتنه
أبهالفراح تحله فرحتنـه
 
*
 
صرنه بسعاده من خلصنه أمن الهم
وأكلوبنــــه وي هالفرح تتناغـــم
أشمحلـــه حفلنــه عالمحبــه ونلتم
مانستمـــــع لللايــــم أو مانهتــــم
طير السعد جاب الفرح بجناحــــه
بشّر الشيعي وأبتدت أفراحــــــــه
على الراس تبقى قادتنه
أبهالفراح تحله فرحتنـه
 
*
 
أمه الكريـــم المقتـــــدر كرمها
نزّل ملائكتــــــه العلي تخدمها
جوهر مقدّس هالمســــه سلمها
عظم أبنها الطاهــــره وعظمها
در صافي أقبل وأنولد من دره
دره فريده أمن السمه للعتـره
أحتفالات كلشي نستنـه
أبهالفراح تحله فرحتنه
 
*
 
                               سلام المشعل

بخمس طعش شعبان فرحو يهلنه
نور اليشع هاليوم مولد املنه
&&&
نور اليشع هاليوم ضوه السماوات
للمهدي هذا اليوم اسمع الجلمات
نرفعها عالي دوم بعزمه الرايات
ونعلي فوك الهام يبقى علمنه
&&&
رايتك يامولاي سور العليه
يمته نشوف النور يبن الزجيه
وتتحك العينين بطلته البهيه
وتنزاح كل اهموم حتى المنه
&&&
ميلادك بهاليوم نعتني زوار
مشايه كلها زحوف صوب ابو الاحرار
تهمني الزهراء والنبي المختار
شوك وشمع وورودالهم حملنه
&&&
نحمل اورود اليوم لصاب الذكره
يظهر علينه انريد نشوف ونظره
بالكلب يامولاي كبرت الحسره
لو واحد بهاليوم بطلتك سئلنه
&&&
يمته يشع النور بنورك علينه
تبتهج هاي الناس بطلتك ولينه
يالحجه يالموعود يمته تجينه
وتفرح انت الناس كلها اهلنه
&&&
تفرح انت الناس بالمولد اليوم
يفرح موالي وياك الكلبه ملجوم
راح الفرح مولاي اجليها الغيوم
بس الحزن وياي يملي وطنه
&&&
بس الحزن وهموم يبن الزجيه
وجماله النكبات دارت عليه
رايد اشوف اليوم هاي المسيه
الخبر منك جاي بيها يعلمنه
&&&
خادم اهل البيت
ابو علي السعيدي

قـصـــــیـــدة نداء للحجه عج ....

الی صاحب العـصر والزمان عج ::

گـوم شـیل الـرایـه......نـدری بـیک اِکـفـایه.
شـیل رایـه الحَـمـره....خلی رایـه الخضـره

( گـــوم شـــیل الـــرایه )

۞۞۞ ۞۞۞

گــوم هــِد عـرش الطـواغـی و یلا جـِر بتارک
نکـس ابــروس الاعــادی ابگلبک ایخف نارک
یالــثـارات العـقــیـله اتصــــیح تـاخذ ثــارک
صحنه یلمهدی ابمجیئک صحنه کلنا انصارک

یا بوصــالح الک ننــطی احچـــایه....
عَل عــهد و اجــــنود الـک وفـــایه....

( گــــوم شــیل الــرایه )

۞۞۞ ۞۞۞

صحنه جِرصِمصام ثارک و انهی ظلمة غیبتک
گوم اکـشـفـهه السـواتـر خـل ترفـرف رایـتک
ثـار ابن الـزهــرا وکــته خلی نسـمع صرختک
دوس خشـم احفـاد اُمیه الراد یضـرب عمتک

انصـیح یلا ابـثـارک اطـلب غــایه...
مــهـــدویـه النهــضـه لـمـسمــایـه...

( گــوم شــیل الـــرایـه )

۞۞۞ ۞۞۞

یلا اگــصدهه الــشــریعه و طلعتک موصوفه
روح للـعـبـاس گـصـده امگـطـعات اچـفـوفـه
گـبـته و الــرایه حـمــره ایــرحبــن بضـْیوفـه
و تـدری یلمـهدی العـوالم درس من مـعـروفه

عــَلَـــم عـــنده ابــراگ الــمــسـنـایه
وجــوده حَـــد الــیوم یشــطر مایـه

( گـــوم شـــیـل الـــرایـه )

۞۞۞ ۞۞۞

یـا ابـاصــالح جـــنـودک للـنـضال امحـزمـه
ثار عندک بلمدینه و یبچی الک وجه السـمه
الکـَسَّر اضلوع الزچیه و مارعـه حگ فاطمه
و عـینهه الِـطـموها ابداً ما اضنـهه امسلـهمه

فاطـــمـه الـعــفـه و شـرف و الآیـه
و ابحـضن طــاهــا النـبی امــربایه

( گـــوم شـــیل الـــرایـه )

۞۞۞ ۞۞۞

یـلا یا قــائـم العـــتره و یا سـفـیر الـقـافـلـه
عــدنه ثـارات و نطـالب بیـهه و ابطف کربله
الرئــوس الـذَبحـّوها و المـِشـَت حــَر الــفـله
انرید عرش آل الضلاله ابسیفک انته اتزلزله

ابنـهـضـتک نـطلـع حـَشد حـفـایه
اویـاک نمــشی الکــربله مــشـایه

( گـــوم شــیـل الـرایـه )

۞۞۞ ۞۞۞

یا عـَفَـه صــبرک صـُبرته و یاهو مثلک یصبره
و انته طف حسین ندری ابکل صباح اتصوره
تنـظـر ابعـین الجـریحه اشـلون حـَزّو مـنحره
داسـته اخـیول اعوجـیه و الضـلوع امکـسره

اسـیوف حاطـت جـسـمه و الــرمـایه
و شـــاف عـدوانه إهـجـمـت عـلـثایه

( گـــوم شــیـل الــــرایه )

۞۞۞ ۞۞۞

تمـــت بعـــون الله تعـــالی ....
کلمات خادم الامام الحسین ع ؛؛
ســــید محــــمد المـــوســوی(المحمره)

(_ردادیـة فــــــرح)

بمـــناســــبة مــــــیلاد صـــاحب
العــــصر و الـــزمـــان عــج ؛؛

یوسـف الـزهره یا عــزیز الـغـالی
یلـی سـکـنـت الــروح وی دلالـی

اهـلال ابمـوعدک ..... لو هَـل بلـسـمه
انهـنـی ابمـولـدک...... امک الفـاطـمـه

۞۞۞ ۞۞۞

یلمهدی یا رمز الشرف و الـغـیره. /هلا هلا هلا
و الجـیتک هالکون صار ابحیره. /هلا هلا هلا
قرآن الله ابمـنهـجـک تـفـسـیـره /هلا هلا هلا
و اِدرِیت اَمر الله اِشحِکم تقدیره /هلا هلا هلا

نـِنـطُـر بـس تـمـر.....طالت غـیبـتک
یا نجـل الـطــُهـر.... ننـطـر طلـعـتک

۞۞۞ ۞۞۞

یا سیدی انته الفـخر و الغـایه /هلا هلا هلا
چا یمته و اتحلهه علینه الرایه /هلا هلا هلا
نـتـعـنـه ویه طلـعـتک مشـایه. /هلا هلا هلا
للابـد خــدامک نـضـل وفـایـه /هلا هلا هلا

کلــنـــه الخدمتک..... یبـن الـمـرتـضــه
ابرجــوة طلـعـتک.... هِـلـعـمـر انگـضـه

۞۞۞ ۞۞۞

گلب المـحب زاد ابأمل دگـاته /هلا هلا هلا
اعلیک یهـتف سیدی ابچلمـاته. /هلا هلا هلا
الغوث والله والغوث صاح ابذاته/هلا هلا هلا
یدریک ضامـن دنـیـته و جنـاته. /هلا هلا هلا.

ابکــل أِلـــی جـِره......ملیـنـه الصـبر
شــیـعـة حــیـدره......گضـینه الـعـمر

۞۞۞ ۞۞۞

یا طود عـزنه و یا سند ملفـانه /هلا هلا هلا
لـتخلی عشاگک تضل حـیـرانه /هلا هلا هلا
اگلوب النِخَـتَک علدرب لهـفـانه /هلا هلا هلا
و حاشاک یبن العـسکری تنسانه /هلا هلا هلا

والله ابشـیمـتک ......یبــن العسکــری
انـشـــر رایـتـک ..... و اظـهـر بلـقـری

۞۞۞ ۞۞۞
تمـــت بعـــون الله تعـــالی ....
کلمات خادم الامام الحسین ع ؛؛
سـید محـمد المـوســوی(جزیره مینو)

بفرحـــه المحب نـــــادى هاليلـــــــــه ميــــــــلاده
قائم العتره شعت أنواره قائم العتره شعت أنواره

بخمسطعش شعبان
فرحانه أنس وجان
نور الخلايق بـــان
لشيعة محمد تحله البشاره

* * * * *
هالفرحه محلاهــه
بيهه أحنه نتباهــه
بشرنه بيــه طـــه
دور الصحاح الرايد أخباره

* * * * *
بلوعتنه نادينــــه
أظهــر يـوالينـــه
لا مو جرح بينه
آلاف بينه وكلهه تتجــــاره

* * * * *
نتعنــــه مشايــــه
لحسين وفايــــــه
نرفع ألف رايـــه
ترفعهه بسم المهدي أنصــاره

* * * * *
نتعنه للحضــــــره
لحسين أبوالعتـره
ونهني الزهـــــره
بمولد القائم تحله البشــــاره


وين الوعــد وينـــه
وينـــك يمهدينـــــه
تدرينــــه حنينــــه
والمحب گلبه تلاهبت نـــــــاره


الشاعر
موسى البديري

ياموعود ياموعود يمته تعود من هجرك
مشتاگين مشتاگين صار سنيـن ننتظـرك
شيعة ونحسب الساعات
مشتاگين مشتاگين صار سنيـن ننتظـرك
🌻🌻🌻🌻🌻🌻🌻🌻🌻🌻🌻🌻

يا حجة إله الكون يبن المصطفه الهادي
يايوم الوعد مولاي شيعه وبسمك انّادي
ليومك نحسب الايام من كل موضع اوّادي
يالمنتظـر وعلينــه ظلـم الناصبــه سـادي
يامحجوب يامحجوب بيك گلوب ولهانه
يامعصـوم يامعصـوم عـايـش دوم ويانه
بسمك نرفع الاصوات
مشتاگين مشتاگين صار سنين ننتظرك
🌻🌻🌻🌻🌻🌻🌻🌻🌻🌻🌻🌻

منعـوفـك يبوصـالـح حبـك بالگلـب سـاكـن
بيك وبالوعد مولاي كل شيعي ومحب آمن
عـلايــم للـوعـد ظهـرن يالمهــدي الك لاحن
ملينـه الصبـر تـدري وسنيـن الصبــر ضـاگن
يمته نشوف يمته نشوف يالمعروف ميعادك
مـن اشـرار مـن اشـرار تاخــذ ثار اجــــدادك
تثور وتنشر الرايات
مشتاگين مشتاگين صار سنين ننتظرك
🌻🌻🌻🌻🌻🌻🌻🌻🌻🌻🌻🌻

يوم التظهـر وتطلـع يزهـي العالـم بأسـره
يالمـوعـود كل شيعـي يومك هذا ينتظره
نفرح بيك يالمهدي شخصك سيدي انظره
بيك الهـادي متمثل بيـدك رايتـه الخضره
تجلي همـوم تجلي همـوم كل مظلــوم وتعينه
تشفي جروح تشفي جروح كل مجروح بسنينه
بسمك تنجلي الشدات
مشتاگين مشتاگين صار سنين ننتظرك
🌻🌻🌻🌻🌻🌻🌻🌻🌻🌻🌻🌻

عالمـوعـد نضـل ويـاك ماطـال الوعـد بينه
ميهمنه حچي العــذال بيك انذوب تدرينه
فـرحـة مـولـدك كل عــام من الهـم تسلّينـه
احنه الشيعة يالموعود وانت المهدي والينه
بيك انذوب بيك انذوب يامحبوب يالغالي
حبيـنــاك حبيـنــاك ومـن اعــــداك منبـالي
عنك ننفصل هيهات
مشتاگين مشتاگين صار سنين ننتظرك

خادم الإمام المهدي عليه السلام
سيد زيد الفحام
__________________________

انه مجنون العشگ سموني
غير رسمه ماتشوف اعيوني
عشگيتك وهذه العشگ عنواني
يابوصالح ماٳحبن ثاني

*********
سكته وسود الليالي مرمرني
افرح ابمولد امامي يالتحبني
15شعبان ونتضرك بعدني
من كثر امناطري الشباك ملني

الليله ميلادك وفرحت روحي
انزع الاسود وعوف اجروحي
انته ياالأسمك عسل بلساني
يابوصالح ماإحبن ثاني

*********

بكل مناره ورده مخلي الأمامي
اسهر اويه النجمه وتسولف غرامي
ويه طير الهُدهُد ابعثلك سلامي
يافرحتي وياضحكتي وياهيامي

بالمشاعر عايش وبين النضر
اهدي روحي بمولدك عكس البشر
يمته ترجع ياحبيبي امتاني
يابوصالح ماإحبن ثاني

*********

الليله اهديلك قصايد ويه اناشيد
بمولدك يالمهدي افرح فرحة العيد
بكل حفل ابالي اجول المواعيد
مدري ابجي مدري افرح بالمواليد

گلبي شجره والعشگ كتالي
وينه طيرك خل يحط يالوالي
الشجره ابلا طير تبقه اتعاني
يابوصالح ماإحبن ثاني

*********

ورده بيدي وجيتك لطف كربله
ابنصف شعبان روحي امرتله
بمولدك يالمهدي ياميت هله
حته املاك السماء اتنادي اله

وجهك امضوي الارض بنواره
المهدي حاضر ينضر الزواره
گلبي يمك هايم وعافاني
يابوصالح ماإحبن ثاني

*********

ياهوى روحي اليعاشر ريتي
ياضواي البيه اشوفن دنيتي
15 شعبان اعاشر فرحتي
بمولدك يالمهدي تحله ضحكتي

تطفح اشواگي الك يالمنتظر
انته اول حب عليه كلبي انفطر
ياورد جوري وعطر ريحاني
يابوصالح ماإحبن ثاني

*********
للشاعر علي الفرطوسي

هالليله للعسكري نبعث تهاني
هالليله بيها انولد صاحب زماني
******************* الليله مولد قائم العتره الشريفه
وللضيوف العسكري فاتح مضيفه
هاي فرحتنه على الفطره النظيفه
عن اليلوم المحب صميت اذاني
*******************
الليله مولد حامل اعلوم الرساله
نور الدنيه ابضوه عيونه وجماله
الله زانه وعدله وخصه ابخصاله
وارث صفات النبي المامثله ثاني
هالليله بيها انولد صاحب صاحب –اجفاني
هالليله بيها انولد صاحب زماني
******************* يانصف شعبان يامولد شمسنه
مافرحنه هالفرح حته بعرسنه
المهدي افضل من اهالينه ونفسنه
بالدنيه محبوبي بالمحشر ضماني
هالليله بيها انولد صاحب زماني
********ب زماني
******************* يانصف شعبان يامولد شمسنه
مافرحنه هالفرح حته بعرسنه
المهدي افضل من اهالينه ونفسنه
بالدنيه محبوبي بالمحشر ضماني
هالليله بيها انولد صاحب زماني
*******************
الشاعر ابو مجتبى الرماحي

هوسات للامام المهدي بن الحسن عليه السلام


ياليلة نصف شعبان بيــها نولـد مهدينه
نحييـها بفـرح وورود ونقــدم تهـانينــه
يم حسيـن ابوالسجـاد بالمـولـد تعنّينـه
( نفرح بالمهدي ونتباها )


ياليلة نصف شعبان نور المهدي ضوّاها
الله بعالـم التكوين اعظـم ليلـة سـوّاها
ابن العسكري المولود من نسل النبي طه
( متورّث علمه واوصافه )

مهدينه نولد هاليوم خل الماسمع يسمع
سبحانه الإله شلون كوّن صورته وابدع
نور 13 معصـوم بوجه المنتظــر يسطع
( بالمهدي ستبشر قرآنه )


الدنيه بمولدك يالمهدي فرحانه
ونجـوم السمه بالفرحه سهرانه
والأمـلاك نزلـت تـفـــرح ويـانه
ليلة مهـدينـه الليله
نفرح بيـها وندعيله
ورود المولد نهديله
حيل المايتعب حيله
( مهدينه الغالي ... نموت ونحيه بحبه )



ليلة نصف من شعبان محلاها
المهدي نولد بيـها واللّه حيّاها
ومن وجه الإمام النور ضوّاها
ضوّاها المهدي بنوره
كـل العالـم مســروره
وكتاب الله ودستوره
وتبشّـر سـوره بسـوره
( ساجد للباري ... المهدي باوّل يومه )

خادم الإمام المهدي عليه السلام
سيد زيد الفحام

((بــالأكـــبــــر فـــرحـــانـــه))
ذكرى ميلاد علي الأكبر عليه السلام

هالليله دنيانه --- بالأكبر فرحانه
مبروك يَهل البيت --- مولد الريحانه
✯✯✯✯✯✯✯✯✯✯✯✯✯
زفّو الفَرَح شيعة علي بألْوانَه
و خَلْنا إنْهَنّي احسين الشرف مَوْلانَه
و نرفَع تباشير السَعَد وَيّانَه
اليوم الفرح لكبر علي عنوانَه
ويا مَحْلا أوْصافَه --- يشوف النبي إلْشافه
و مسرور گلب احسين --- مولد الريحانه
✯✯✯✯✯✯✯✯✯✯✯✯✯
اليوم الوَرِد أزْهَر جِنان احروفه
و طير البَهْجَه حولَه غَرَّد ايطوفه
و مَبْسوط كل شادي عِزَف معزوفه
و ينشِد أبيات العاشِگَه و مَلْهوفه
ابكل وادي ألحانه --- تتناغَم طَرْبانه
و تتفاوَح بالدِنْيَه اعطور --- مولد الريحانه
✯✯✯✯✯✯✯✯✯✯✯✯✯
بيوم الحادي عَشَر شَمْعَة ميلاده
بشعبان تتجَدَّد صُوَر أعياده
بحسين و الوافي البطل و سَجّاده
بأنوار لكبر مزدهِر بزياده
و نحييها أيّامه --- و نرفَعْها أعلامه
شعبان شهر الغانِمَه --- مولد الريحانه
✯✯✯✯✯✯✯✯✯✯✯✯✯
آيات نوره الباهِرَه تتلامَع
و هَمْسات حور الضاحِكَه تتسامَع
نَسْمات لُطْفَه الوارِفَه تتوازَع
و مَجْبول من حِسن النبي للباوَع
و الهادي بجنانه --- وزَّعها حلوانه
و الزهره وَيْ حامي الجار --- مولد الريحانه
✯✯✯✯✯✯✯✯✯✯✯✯✯
يا صوت مَحْفَلنا إنتعِش لقدومه
و خل البَسمه في كل ثَغَر مَرْسومه
و أشْعار وِدنا امْعَنْوِنَه و مَنْظومه
بحب النبي و آل النبي مَوْسومه
يا نَجمَة أبياتي --- ويا نَغمَة جَلْواتي
لكبر يا نور العين --- مولد الريحانه
✯✯✯✯✯✯✯✯✯✯✯✯✯
خفّاگ گلبي إلْعاشِگك رجوانه
و ديار شيعة والدك مزدانه
و الخير عَمْها ابمولِدَك هَيْمانه
يا روح لحسين الولي و وُجْدانه
لو تحضر وادينا --- بالسَعْد اتلاقينا
و مبروك نهتف مبروك --- مولد الريحانه
✯✯✯✯✯✯✯✯✯✯✯✯✯
الشاعر : أبو شهيد الأحسائي
الثلاثاء ١٤٣٩/٨/٧هـ

(( اكـــبـــر ومـــيـــلاده ))
ذكرى ميلاد علي الأكبر عليه السلام

أكبر و ميلاده // و فرحتي بأعياده
هليوم هليوم مسرور حسين
✯✯✯✯✯✯✯✯✯✯✯✯✯
يا عندليب الهنىٰ و صدّاح لأفراح
نور العلي شع بعلي ولحسين مصباح
غَرِّد عله اغصون الوفا هليوم من لاح
و بأنفاسك اعطور الولا ع الناس فَوّاح
و العلي بإيجاده // شعشع لأمجاده
و بالروح الروح ساكن و العين
✯✯✯✯✯✯✯✯✯✯✯✯✯
كوكب بهاءه يزدهر بين السماوات
لميلاده جبريل الوحي يرتلها آيات
وارث علي و طٰه النبي من خيرة أبيات
و نسل الزكيّه فاطمه نسل الكرامات
و مبهوجه بالغالي // كل الملا عالي
لملاك لملاك ترف الجناحين
✯✯✯✯✯✯✯✯✯✯✯✯✯
محلىٰ جماله و الحسن بي گلبي مفتون
عقلي بغرامه منشغل لأفكار مجنون
يا ناس خَدَّه كالورد و أزهار مزيون
و بسمات ثغره الساحره اوصفها و شلون
دنيانه مفتونه // و بألطافه مسكونه
و حسين و حسين قَبَّل له لجبين
✯✯✯✯✯✯✯✯✯✯✯✯✯
صوت الصلاة اعله النبي هز الوجودات
من صار نوره منولد نسمعها ضحكات
لنجوم ع الدنيا انزلت يم بدره اتبات
و عطور فضله و الشكر تهدينا نسمات
وي فرحة الشادي // صلّينا ع الهادي
و الآل و الآل عتره الميامين
✯✯✯✯✯✯✯✯✯✯✯✯✯
لكبر لشانه هالگلب كالبيت معمور
و لمولده صاغ السعد أشعار و شعور
هذا النقي ابن التقي و شموس و بدور
بإسمه بدواوين الفرح ريحان و زهور
في مولده نشارك // و آل النبي نبارك
و تزدان تزدان كل الدواوين
✯✯✯✯✯✯✯✯✯✯✯✯✯
الشاعر : أبو شهيد الأحسائي
الثلاثاء ١٤٤٠/٨/١١هـ

ذكرى ميلاد الإمام المهدي المنتظر
(عجل الله فرجه الشريف)
--●••••°••••● ●••••°••••●--
الـعـالـم بناصِفَه تهَنّي متلَهِفَه بـعـيـد ميلادَك
توَزِّع ألوان الحَلَه تنادي بالزاير هَلَه و كِلها وفّادَك
و آنه عيدي سَيِّدي امْتاني و البيعه بيَدي يا يوم ميعادَك
مولدَك مولد عدل البهجه بالدنيا تحل و لبيك إسْنادَك
إنته يالمهدي إلي غايتي وكل مَأْمَلي تقبلني بأجنادَك
عيد ما مثله يظل حين بس وجهَك يطل و تخيب حسّادَك
--●••••°••••● ●••••°••••●--
الشاعر : أبو شهيد الأحسائي
الأحد ١٤٣٨/٨/١٠هـ

(( مهدي الإمامه ))
ميلاد الإمام صاحب العصر و الزمان الحجة المنتظر المهدي عليه السلام


بزغ نور الزعامه // هلا بمهدي الإمامه
يا بو صالح يابو صالح
✯✯✯✯✯✯✯✯✯✯✯✯
ضحك ثغر الزمن و إزدان عصره
و عصور المظلمه من نور بدره
تشع مستبشره من حان أمره
هلا بمهدي الأمم و يا زين فجره
الدهر قَدَّم تهاني // و رفع أطيب أماني
يا بو صالح يا بو صالح
✯✯✯✯✯✯✯✯✯✯✯✯
هِمَس صوت الفرح بگلوب ناسك
إنحنىٰ ثغر العشگ بالهام باسك
يامن تاج الشَرَف شَرَّف له راسك
و دين الباري العلي بجَيْتَك تماسك
بضمايرنا السعيده // نردد هالنشيده
يا بو صالح يا بو صالح
✯✯✯✯✯✯✯✯✯✯✯✯
تِبَسَّم مولدك ع الدنيا يومه
و زهىٰ بدر السِمَه ويّه نجومه
و يظل گلب المُحب فرحان دومه
ابوجودك سَيّدي تحقق حلومه
إلك روح الموالي // ترفرف بالمعالي
يا بو صالح يا بو صالح
✯✯✯✯✯✯✯✯✯✯✯✯
أخذنا لبهجِتَك جنحان ودَّك
و لفىٰ بينا الوِلَه للدار عندَك
نشوفك و الحسن إيده إعْلَه يَدَّك
يضمها و ظل يشم بعطور مجدَك
نشم عطر الكرامه // طغىٰ العالم غرامه
يا بو صالح يا بو صالح
✯✯✯✯✯✯✯✯✯✯✯✯
مواويل الفرح بولاك و أشعار
صدح بيها العشگ يا غالي و اختار
ترىٰ الدنيا صُفَت لميلادك أزهار
تطش نسمة سعد بكبار و صغار
يَمَن عيدك لفانه // و تجي تفرح معانه
يا بو صالح يا بو صالح
✯✯✯✯✯✯✯✯✯✯✯✯
إلك عاده و تظل رغم إلْيضدون
حلاوه و ناصفه لصغار ينشدون
و بيبان الكرم بيها يحفّون
و دعانه بالفرج بهاللحظه مكنون
رغم لوم المعاند // بوَصِل ذِكْرَك نجاهد
يا بو صالح يا بو صالح
✯✯✯✯✯✯✯✯✯✯✯✯
الشاعر : أبو شهيد الأحسائي
السبت ١٤٤٠/٨/١٥هـ

ذكرى ميلاد الإمام الحجة المنتظر
(عجل الله فرجه الشريف)

نورُ عَدلٍ قد ظَهَر - و بِهِ إزدانَ القَمر
إيهِ يا دُنيا إبشري - هذا نَجلُ العَسكري
✯✯✯✯✯✯✯✯✯✯✯✯
يا إله العزه بإسمك نبتدي الفرحه وهناها
و ع النبي الهادي نصلي خير خلقك بينا طه
وعترته نجوم السعاده نور ارضه وي سماها
فاطمه اعني وحيدر وصفوة الآل وسناها
صَوتي حَمداً يَعتلي - شاكِراً ربي العَلي
بهِ مَجدُ الذاكِرِ - هذا نَجلُ العَسكري
✯✯✯✯✯✯✯✯✯✯✯✯
هالگمر في وجهه بانت صوره و اعجز عن وصفها
و السما لا نجمه فيها مدري من حسنه خطفها
ع الأرض يسطع ضواها كالدرر زينه شلطفها
و حفَّت الدنيا الملايك جناح رحمتها ترفها
و أرىٰ هامَ السماء - ساجِداً فيها بَهاء
من جَمالِ الغُرَرِ - هذا نَجلُ العَسكري
✯✯✯✯✯✯✯✯✯✯✯✯
أي شهر شعبان هاذا ضحكته بروحي أجِدها
من يمر زينه و هَلاهِل و تضوي أيامه بسعدها
و ناصفه كلها بِشاره و الحوايج ما يردها
إمن الله يتسَلّم عطاءه منهو چفَّه بنيَّه مدها
شَهرُ خَيرٍ و نِعَم - بارِزٌ فيهِ الكَرم
بالعطايا عامِرِ - هذا نَجلُ العَسكري
✯✯✯✯✯✯✯✯✯✯✯✯
بالنصف لأعظم سلاله مولده منقذ لأُمم
الله بالمهدي ولينا حُجَج آياته ختم
بكل كتب ربنا صفاته و حتىٰ باللوح و قلم
للعدل مذخور شانه و يمحي آثام الظلم
من بهِ احتار الزَمَن - و بهِ يُمحىٰ الوَثَن
دُرَةٌ من دُرَرِ - هذا نَجلُ العَسكري
✯✯✯✯✯✯✯✯✯✯✯✯
من عطر ميلاده فاحت ريحة المسك و ورد
و مثل طير بشوگه هايم أعتني لداره و ارد
و لو صدىٰ مدّاحه رنَّم اطرب لصوته و ارد
لن ذكر أهل الكرامه فرض من الله و وِرد
من شَذاهُ عالَمي - فاحَ عِطراً فاطمي
فَخرُ طٰه الأزهَرِ - هذا نَجلُ العَسكري
✯✯✯✯✯✯✯✯✯✯✯✯
نهني نرجس بالكرامه و الحسن حامي العقيده
و الورد يَمّه ننثره فرحه بالحُجَّه وليده
و الگلب زفها التهاني لعترة الهادي السعيده
ونسأل الله يِمن علينا هالفرح بإسمه نعيده
و له نُحيي السَمَر - كُلما إزدان القمر
فَهوَ سَعدُ البَشَرِ - هذا نَجلُ العَسكري
✯✯✯✯✯✯✯✯✯✯✯✯
الشاعر : أبو شهيد الأحسائي

ولادة الامام المهدي عليه السلام

يا حجة الله ويا امل دنيانه
خير ومسره بمولدك وافانه
نورك ـــ نورك
نورك يشع بالكون يا مولانه


هـــلا بميــلاد نوره ــ بزغ محلـــه حضـوره
ـــــــــ ينـــور الله وجمالـــــه ـــــــــ
فرح گلبي وشعوره ــ ابأمل عمري وسروره
ـــــــــ انولد راعـــي العدالـــه ـــــــــ

رحمه وهدايه الباري هل اهدانه
خيـــر ومســره بمولـدك وافانـه
نورك ـــ نورك
نورك يشع بالكون يـــا مولانـــه


الـــورد فَتـَّـح زهوره ــ نثـــر نفحت عطوره
ـــــــــ يهنـــي ابهــــالــــولاده ـــــــــ
زهى عله الدنيا نوره ــ رِسَم بالفرحه صوره
ـــــــــ عشگ گلبــي او وداده ـــــــــ

احبابه كلها اجتمعت وفرحانه
خيـــر ومسره بمولدك وافانـه
نورك ــ نورك
نورك يشع بالكون يا مولانــه


مروج الجنه زهرت ــ ملايكهـــــا تبشــــرت
ـــــــــ هلا بنور الصميده ــــــــــــ
عبير الفرحه نثرت ــ القوافي بجيته كتبت
ـــــــــ الك احله قصيده ـــــــــــــ

جن وانس واملاك هل ولهانه
خيــر ومسره بمولدك وافانـه
نورك ــ نورك
نورك يشع بالكون يا مولانــه


فرح هادينــا جــدك ــ يمن مثل اسمه اسمك
ــــــــــــ يخاتم اوصياءه ـــــــــــــــ
مثل اوصافه وصفك ــ وريث علومه علمك
ـــــــــــ ينورك مـن بهاءه ــــــــــــــ

دلالي غَنّى واستمع ألحانـه
خير ومسره بمولدك وافانه
نورك ــ نورك
نورك يشع بالكون يا مولانه


السعد نجمه تلاله ــ انولد ركن العداله
ــــــــــ هلا بمحيي الشريعه ـــــــــــ
رغم غيبت هلاله ــ يظل زاهي بجماله
ـــــــــ لحــد يوم الطليعـــه ــــــــــــ

بيك الفرج مقرون يا رجوانه
خير و مسره ابمولدك وافانه
نورك ــ نورك
نورك يشع بالكون يا مولانـه


الك نبعث رسايل ــ بدرب نهجك نواصل
ــــــــــ فلا نترك ولائـك ــــــــــ
تحت امرك نقاتل ــ عهدنـــا بهالمحافــل
ــــــــــ تحت راية لوائك ـــــــــ

عشاگك انظل دوم يا ريحانه
خير ومسره بمولدك وافانـــه
نورك ــ نورك
نورك يشع بالكون يا مولانه

كلمات عمار الراشدي

اللحن :
انت الحبيب العايش ابدلالي
غيرك ابهذا الكون ما يحلالي
غالي - غالي
غالي يبو السجاد حبك غالي

للحاج : باسم الكربلائي

ولادة الامام المهدي عليه السلام

ميّة هــلا بجيِّتـك أرض وسما نادتك
صوت المحب ناداك ــ يبن الحسن ــ يبن الحسن
يحلــه الفــرح وياك ــ يبن الحسن ــ يبن الحسن

أرض وسما بالفـــرح مستانسـه ــ بجيته ــ بجيته
والبدر من نوره اكتمل هالمسـه ــ بجيته ــ بجيته
والشيعــه هذا اليوم متنومسـه ــ بجيته ــ بجيته
واتهني كل الخمسه اهل الكسه ــ بجيته ــ بجيته

يالمهدي گلبي انشرح مــا ينوصف هالفــرح
مــا اگـــدر بليـاك ــ يبن الحسن ــ يبن الحسن
يحله الفرح وياك ــ يبن الحسن ــ يبن الحسن

حجــه او اُمرنه بمنهجه نلتـزم ــ خالقه ــ خالقه
غــذّاه مــن منبـع بحور العلــم ــ خالقه ــ خالقه
راده يصول ويدحر اهل الظلم ــ خالقه ــ خالقه
سَلَّمَه دستور و أصــول الحكم ــ خالقه ــ خالقه

حجه فرض طاعته كــل البشر عشگتـه
چف العدل يمناك ــ يبن الحسن ــ يبن الحسن
يحله الفرح وياك ــ يبن الحسن ــ يبن الحسن

فرحانه چن يوم الغدير الأغــر ــ شيعته ــ شيعته
چنها اجاهـا اليوم عيــد الفطر ــ شيعته ــ شيعته
تتبارك وچن عيد الأضحى بدر ــ شيعته ــ شيعته
واتهني بالميــلاد سيــد البشــر ــ شيعته ــ شيعته

كل عام وانت العشگ لتظـــن ابـــد نفتــرگ
نمشي ورى ممشاك ــ يبن الحسن ــ يبن الحسن
يحله الفــرح ويـاك ــ يبن الحسن ــ يبن الحسن

لسامرا عشاگه مشت تحتفـل ــ مولده ــ مولده
بسردابه يوم الغاب بي تبتهل ــ مولده ــ مولده
صفگه وأناشيد وهلاهل لجل ــ مولده ــ مولده
مسك ورياحين وشمع يكتمل ــ مولده ــ مولده

بروضة جنانه ازدهر عطــر الولايـه انتشر
گلبي اشكثر يهواك ــ يبن الحسن ــ يبن الحسن
يحله الفرح ويـــاك ــ يبن الحسن ــ يبن الحسن

اصل الهدايه وأصل كل العدل ــ منهجه ــ منهجه
لا للظلم والجــور گول وفعــل ــ منهجه ــ منهجه
يِهلِك بدع وأفكار اهـل الجهـل ــ منهجه ــ منهجه
لآخر شبر من الوسيعه يصـــل ــ منهجه ــ منهجه

قسط وعدل دولته أمــن وسلـم دعوته
رب العرش يرعاك ــ يبن الحسن ــ يبن الحسن
يحله الفرح ويــاك ــ يبن الحسن ــ يبن الحسن

معگوده بسم الثار بيده علت ــ رايته ــ رايته
وأنصاره الشجعان كلها تحت ــ رايته ــ رايته
تتنكس الرايات وحده صفت ــ رايته ــ رايته
رايه زمام الكون كله امسكت ــ رايته ــ رايته

راية لوائـــه ترف للثار صوته هتف
ميــة هـلا وحياك ــ يبن الحسن ــ يبن الحسن
يحله الفرح وياك ــ يبن الحسن ــ يبن الحسن


كلمات عمار الراشدي


اللحن :
انت الاصل يا علي .... ماعدنه غيرك ولي
نحيا ونموت وياك .... يا ابا الحسن يا ابا الحسن
مــن الازل نهـــواك .... يا ابا الحسن يا ابا الحسن

للحاج : باسم الكربلائي