لمولد ابالفضل العباس س
.
.
.

ابـو فاضــل امــامي .. ابـو فاضــل هـيامي
ابو فاضل ابو فاضل ابعثله سلامي

______

عباس ايعيش اويه انفاسي
ومـن اتســـموني عـبـــاسي
الدنيه متلـمني امن الفرحه
اتمنه اتـجربـون احـساسي

عــباس الـنــور البعــيوني
امـروتكم كـافــي اتلموني
لوهمتو ابحب كافل زينب
مـــتأكــد راح تـعـــذروني

وميــوفي كــلامي .. ابـو فاضـل هيامي
ابو فاضل ابو فاضل ابعثله سلامي

______

ياتــوفيــقي وياعافيــتي
يمعــليني ورافـع صــيتي
عرفتـني الـوادم عرفـتني
لمــَن وقعـت ابجنــسيتي

اهواك واعرف مــَن اهوه
ياثـروه ومـامـثلك ثــروه
المامكتــشفـينك اعذرهم
حقهم لو گالولي اشدعوه

ومن احچي بغرامي .. ابـو فاضـل هيامي
ابو فاضل ابو فاضل ابعثله سلامي

______

خل يدري بحبي المايدري
عباس اويه الــدم اليجري
عمـري وأيامـي وســنيـني
وبلــياه مايــســوه عـمري

عن وصفه تعـجز كلـماتي
مالــك اخــرتي ودنــياتي
الــمايقبــل خــلي لايقـبل
انـــه وعــــباس ونــيـاتي

الحبه ابقــه ضــامي .. ابـو فاضـل هيامي
ابو فاضل ابو فاضل ابعثله سلامي

______

اتوضه امن ايـمـر طـاريه
حــب عــباس امــغزر بيه
عبـاسي وافخــر عبــاسي
ومــيهمــوني العـــلــمانيه

اسم الكافل تــارس عيـني
وخيره اتطشر من چفـيني
الـما حـط عـبـاس ابــدلاله
ياهو السامحله ايحاچيني

والرافــع مــقامي .. ابـو فاضـل هيامي
ابو فاضل ابو فاضل ابعثله سلامي

______

ورده وجربه اعيوني اتشـوفه
ومن اعطش اروه امن چفوفه
زمـــزم لامــــو زمــــزم اصــفه
مــتيــقـن كـــوثـــر بچــفـــوفه

الحـظــرة عــباس امن اتــعنه
اشعـــر چـــني ابــنص الــجنه
والــطــب ابــجـــنات الـــباري
منهــــا مــايطــــلع يتــــمــــنه

وبالجـــنه التــزامي .. ابـو فاضـل هيامي
ابو فاضل ابو فاضل ابعثله سلامي

______

خدمة عباس احسن خدمه
نعـمــه والماحــس بالنعــمه
واجــب كلمـــن ماجـــربـها
يم عــباس ايســجل اسمه

فاتــح بيـــبـانه الخــطـاره
ويأمن كلمــن طـب ادياره
الجـاي بطلــبه ومتعـــنيله
ايرد لهله وماخذله ابشاره

ويا احلى الاسامي .. ابـو فاضـل هيامي
ابو فاضل ابو فاضل ابعثله سلامي
______
حيدر تركي الكربلائي

لمولد ابا الفضل العباس ع
.
.
.

مجنون وابوفاضل ابو فاضل ابو فاضل حبيبي
مجنون وابو فاضل ابو فاضل ابو فاضل حبيبي

___ ___

عمــر حــبي لــبو فاضــل يالتــعد ايـــامه
ابــتده لمن چـــانت امي ابيــتهم خــدامه
اويه الحليب انه رضعته حـبه يامه ويامه
وهالمحبه اجنون صارت مـن بدت تتنامه

وعيون وابوفاضل ابو فاضل ابو فاضل حبيبي
مجنون ابو فاضل ابو فاضل ابو فاضل حبيبي

___ ___

الــگال لي مذنــب ابحبك انــه اشـيل اذنوبي
الماعرف مـعنى ابـو فــاضل لايگــَرب صوبي
اي نــعــم مجـــنون انــه والــگمــر محـــبوبي
تره خلف الله اعله چـفه الي سترلي اعيوبي

اتسمعون وابوفاضل ابو فاضل ابو فاضل حبيبي
مجــنون ابو فاضل ابو فاضل ابو فاضل حبيبي

___ ___

انــه من امشي ازوره والله اگــصد حــافي
واســمع الناس الوراي اتــگول الله ايشافي
الله ليــشافيني كـون وتبـقه هيچ اوصافي
ماعلــى المجـنون اصــلاً حرج بسكم كافي

تدرون وابوفاضل ابو فاضل ابو فاضل حبيبي
مجنون ابو فاضل ابو فاضل ابو فاضل حبيبي

___ ___

حچي صار اهواي عني وهالحچي اشگد قاسي
بالله خلــونـــي بجــنونـــي هــــايـــم ابعــباسي
تــره ماعـــنده شـــعور الــمايحـس بحـــساسي
اشــهدُ ان ابـو فاضـــل خـــله عــقلي ابــراسي

المضمون ابوفاضل ابو فاضل ابو فاضل حبيبي
مجنون ابو فاضل ابو فاضل ابو فاضل حبيبي

___ ___

أحمـــد الله وأشـــكره وانـــدعي يـــوميه
كــون ما اتشافه انــي امن الجنــون البيه
اتهيــم روحي الـگمر من ايمر علي طاريه
نيتـــي يرضه بـــو فاضـل والعمــل بالنـيه

مفتون وابوفاضل ابو فاضل ابو فاضل حبيبي
مجنون ابو فاضل ابو فاضل ابو فاضل حبيبي

___ ___

انه مجنون ابو فاضل فدوه اروح الاسمه
هاي نعــمه المــاعرفها جاحـــد الهالنــعمه
الله قاسـم لي الجنون وقــابل ابها لقسمه
اشكر الله اعله فضله وعــلى هاي الرحمه

ممنون وابوفاضل ابو فاضل ابو فاضل حبيبي
مجنون ابو فاضل ابو فاضل ابو فاضل حبيبي
___ ___
حيدر تركي الكربلائي

#ردادیـة_فـــــــــرح ؛؛؛

بمناسبة میلاد قمر العشیره
ابالفضل العباس علیه السلام ؛؛؛

بدرک ظـهر .....و اسمک گـمـر.....ساطـع جـمالک
املاک السمه..... ابکل مکـرمـه.....تحچی ابکمالک

یا بـوالـغــیـره//یابـــوالـغــیــره
یابـوالـغـــیــره//یه عـــــبـــاس

۞۞۞ ۞۞۞

انتـه یا نجـل الکـرامه .....وانتـه شـایع زودک
بیک عنـوان المـراجـل.......انته گِدهه اِگدودک
والحچه ابزود الأخوه......مـا وصـل لحـدودک
و کل قِیم اهل المعالی.....دَنِگِــّت لـــزنـــودک

انته الـتُضـل.....آیـة فضـل.....فی کـربــلائک
انتـه الـعـَلَـم.....و حَد القِـیم ....غیره ابدمائک

یا بـوالـغــیـره//یابـــوالـغــیــره
یابـوالـغـــیــره//یه عـــــبـــاس

۞۞۞ ۞۞۞

َوالله عـنـوان الـبـطولـه.....اتسـجل ابقـاموسک
ندری ضحـیت ابوجودک....حافظـت نامـوسک
و الحِـچـَوا عـن الکرامـه.....خاتـمـین ادروسـک
والعِـشَگ شُوفة ضریحک... یعـتـنی و ایبوسک

الکل یعتنی ......ابحب ینحـنی....الگـُبة مِزارک
ایصد النظر ......ایشیله الفخر....الیِتعـنه دارک

یا بـوالـغــیـره//یابـــوالـغــیــره
یابـوالـغـــیــره//یه عـــــبـــاس

۞۞۞ ۞۞۞

انـته للگـاصد ضـریحک.....کرم تِهدی اچفوفک
شامخ انته ابزود مجدک......ما یِقـل معـروفک
کل موالی ایحب یزورک.....سیدی و ایطـوفک
و نـزلت الأملاک کلـهـه.....و رَحُـِبَـّت بضـیوفک

اتـرحب هَـلـه.... و ابکـربـلـه.....اتـقـدم تحـیـه
خـل تـعــتـلی....رایـة عــلـی....و زهرا الزچـیه

یا بـوالـغــیـره//یابـــوالـغــیــره
یابـوالـغـــیــره//یه عـــــبـــاس

۞۞۞ ۞۞۞

ابمولدک گصدت الشیعه......و اعـتـنت مشـایه
اترید توصل یم حضرتک....رافـعـــین الــرایـه
انـته مَــصدر للـبـطــولـه......و مـنهـج الوفـایـه
نَــوَرَّت شـعـبان جـیـتک.......مـولدک بی غـایـه

غـایـة نَصـُر......طول الـعُمـُر ....تنصر عضـیدک
لجـل الأخـو......تـوگف کفـو.....والــرایـه بـیدک

یا بـوالـغــیـره//یابـــوالـغــیــره
یابـوالـغـــیــره//یه عـــــبـــاس

۞۞۞ ۞۞۞
تمـــت بعـــون الله تعـــالی ....
کلمات خادم الامام الحسین ع ؛؛
سـید محـمد المـوســوی(جزیره مینو)

*قومي ياحوره ، قومي ياحوره .*
*استقبلي هذا البطل*
*قومي ياحوره*

👏 🌙 👏

هاتي البشارة
يبنت الطهارة
حملي الليلة اكتمل
وقرب حضوره

*قومي ياحوره ، قومي ياحوره .*
*استقبلي هذا البطل*
*قومي ياحوره*

👏 🌙 👏

نظري لحيدر
إلشبير وشبر
القمر ليهم وصل
ماحلاها صوره

*قومي ياحوره ، قومي ياحوره .*
*استقبلي هذا البطل*
*قومي ياحوره*

👏 🌙 👏

ماحلى جماله
وكامل خصاله
مثله ما واحد حصل
ما أبهى نوره

*قومي ياحوره ، قومي ياحوره .*
*استقبلي هذا البطل*
*قومي ياحوره*

👏 🌙 👏


خادم إليكم
مابين ايديكم
يلبي كلمن له سأل
اويقضي اموره

*قومي ياحوره ، قومي ياحوره .*
*استقبلي هذا البطل*
*قومي ياحوره*

👏 🌙 👏

فدوة إلى حسين
بيه قرة العين
من حيدره هذا الشبل
حصنه وسوره

*قومي ياحوره ، قومي ياحوره .*
*استقبلي هذا البطل*
*قومي ياحوره*

👏 🌙 👏

ربيته خادم
لا ما يساوم
معروف فحل ابن الفحل
عند الضروره

*قومي ياحوره ، قومي ياحوره .*
*استقبلي هذا البطل*
*قومي ياحوره*

👏 🌙 👏



*السيدة معصومة*
*٤ شعبان ١٤٤١* 29/3/2020
النجف الأشرف

جلوة لميلاد قمر الهواشم
العباس سلام الله عليه
🌈☀🌈☀

بهالليلة جانا العباس
شموا النرجس
شموا الياس
فرحوا ويانا يمحبين
شوفوها فرحانة الناس2

🌈☀🌈☀🌈☀🌈

جانا القمر وضوى
فرحة كبيرة سوى
يامرحى بعضيد حسين2
سيد الهواشم عباس2

بهالليلة جانا العباس
شموا النرجس
شموا الياس
فرحوا ويانا يمحبين
شوفوها فرحانة الناس2

🌈☀🌈☀🌈☀🌈

فرحانة به أم لبنين
جاها القمر جاها الزين
ذاخرته ينصر لحسين2
زين السجايا عباس2

بهالليلة جانا العباس
شموا النرجس
شموا الياس
فرحوا ويانا يمحبين
شوفوها فرحانة الناس2

🌈☀🌈☀🌈☀🌈

فارس سليل الضرغام
هيبة وشجاعة ومقدام
ضحى بحياته لحسين2
فخر العوالم عباس2

بهالليلة جانا العباس
شموا النرجس
شموا الياس
فرحوا ويانا يمحبين
شوفوها فرحانة الناس2

🌈☀🌈☀🌈☀🌈

سطر بطولة وآية
بچفة يشيل الراية
والزهرا في يوم الدين2
ترفع اچفوف العباس2

بهالليلة جانا العباس
شموا النرجس
شموا الياس
فرحوا ويانا يمحبين
شوفوها فرحانة الناس2

🌈☀🌈☀🌈☀🌈

ياربي نوصل يمه
نطلب ونلهج باسمه
يرفع مرضنا والدَّين
سبع الشريعةالعباس2

بهالليلة جانا العباس
شموا النرجس
شموا الياس
فرحوا ويانا يمحبين
شوفوها فرحانة الناس2

🌈☀🌈☀🌈☀🌈

باذن العليم القيوم
يفك الأسارى بهاليوم
ايزيح البلا ويْ لهموم
زين الشمايل عباس

بهالليلة جانا العباس
شموا النرجس
شموا الياس
فرحوا ويانا يمحبين
شوفوها فرحانة الناس2

🌈☀🌈☀🌈☀🌈

☀مبارك وميمون☀
عليكم مولد أبو الفضل
العباس سلام الله عليه

✍خادمة أهل البيت
أم علوي الخباز

رده للامام السجاد علیه السلام
*****

الیله الفــرح یـزداد
بـولادة السجــــاد
شـع نوره الیلـه و ضـوّانه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
فرحانه الدنیه ابهالمولد و اهل السمـاوات
تنثر فوگ الگاع اورود ابأجمل تحیـات
وبزود اعله الشفه اتردد حبڪ هالچلمـات
و انجدد ذڪرڪ ڪل عام اعله اعناد الشمـات

یا حجـة المعبـود
مثلڪ فلا موجـود
وبصبـرڪ علّیـت الهامـه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یا ساجد بخلاص و تعبد دومڪ للرحمـان
ماتخضع للذله و ترڪع لجیوش الطغیـان
الیله اطیور الجنه اتغنّي و تعزفلڪ الحـان
شع نورڪ یالسجاد وظل یسطع عالأڪـوان

شع نورڪ یا جیـدوم
بالطف یومڪ معلـوم
ذلّیـت ایزیـد و اتباعـــه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
نفرح بالسجـاد الیله و اتشع الگمــره
هذا الطف حایر بأیْمانه و اشْیوصف صبـره
قمّه امن الأیمان و عزمه من بیت العتـره
و الگمر یخجـل من نوره و ایسلم أمـره

امضـوّی الڪون ابنـوره
و الشیعــه مســـروره
و انهنـّي حسیـن ابمولــوده

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یا حجـة الله وصفوته و رابع الیمــه
ما مثلڪ یوجد بلأمم قاموس الحڪمــه
و بصبرڪ محتار الشاعر وشیڪتب قلمـه
ڪل صبر الدنیه اتدرسه و منڪ ماخذ علمـه

ڪلڪ عزم و اخلاص
و اتهـابڪ الأرجـاس
یا شبل حسیـن الجیدومــه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
ابقصرالأماره ابخطبته اتخلد السجـاد
اتحدّه یزید و زمرته وجیوش بن ازیـــاد
تسجد لأبي املاڪ السمه الحسیـن لو راد
و المرتضیٰ جدی علی یا نعم الأجـــداد

بجاهڪ یا شبل حسین
نتحـده ڪـل طاغیـن
نلعـن ڪل جـیش السفیانـی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بقلم الرادود یعقوب البوغبيش

رده الی مولای بن الحسن الامام المهدی (عج)



یا ساعه یومڪ مهدی یمهدی
تعلن قدومڪ مهدی یمهدی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
نتناڪ یبن العسڪری الیمته یغالینه
یا ماصبرنه الطلعتڪ واشکثر تانینه
یالمهدی حتی البالمهد ماڪف دمع عینه
یدعی الظهورڪ سیدی لتطول اعلینه

یمته نشوفڪ مهدی یمهدی
انقبّل چفوفڪ مهدی یمهدی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یالغایب اهلالڪ علینـه و مابزغ نوره
یومڪ یغایبنه ابعجل نتأمل اظهوره
ما تنهض اتسر شیعتڪ ترجاڪ مقهوره
اظهر یمهدی و خلّي های الشیعه مسروره

غیابڪ جرحنه مهدی یمهدی
انصارڪ احنه مهدی یمهدی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
شاب الطفل یالمنتظر من فرگة اغیابڪ
یا ساعه تظهر سیدی و اتبشـر احبابڪ
ڪلنه نهـد ابثورتڪ یا قائد اصحابڪ
نوگف فدائیه الڪ خدام یـم بابڪ

ونضحّي دمنه مهدی یمهدی
منڪ عزمنـه مهدی یمهدی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
چوّانه هجرڪ یالغبت و اشتنفع الدمعه
عجل یمهدی المنتظر نوّرنه بالطلعه
نتوسّلڪ بأم الحسن لتأخّر الرجعه
تلگانه جدامڪ نهد بس تعلن الفزعه

عجل ظهورڪ مهدی یمهدی
یضوینه نورڪ مهدی یمهدی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
زاد الظلم و اهل النواصب بینـه تتجاسر
الهدم المراقد بالحقد یومـیه تتآمر
و اهل الدواعش شو غدت عالشیعه تتکاثر
و ابأیده لو یذبحله شیعی ابنفسـه یتفاخر

فجـروا مراقـد مهدی یمهدی
عینڪ تشاهـد مهدی یمهدی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
رجعت علینه احفاد امیه اتفجّر الحضره
ابسیفڪ یشبل العسڪری گوم امحي هالزمره
ڪل شیعی ملهوف الطلعتڪ یفتدی نحره
یتمنه تظهر سیدی ناذرلڪ ابعمره

ڪل حلمه تظهر مهدی یمهدی
اظهورڪ تاخـّر مهدی یمهدی

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بقلم الرادود یعقوب البوغبیـش

*شمعةولائی*

شمعة ولائي یاحسین شمعة ولائي
صوتي وندائی یاحسین صوتي وندائی

*
یامولاي من الزغر حبیتک
امنیتي گلبي یصبح بیتک
بانفاسي ابکل نفس ندبیتک
وبدمّي ابکل نبض کتبیتک

نوري وضیائي یاحسین نوري وضیائي
صوتي وندائي یاحسین صوتي وندائي

*
ریحانة مصطفی و اِلْياسین
رضعتني امّي حبک یحسین
حبیتک والله یا نورالعین
وابحبّک انسی کل جورالبین

کل کبریائي یا حسین کل کبريائي
صوتي وندائي یاحسین صوتي و ندائي

*

دلالي دومه عاشگ ، هاوي
ابکل نبضه یعلن حسیناوي
معشوگي انت یالغیراوي
وبحبّک گلبي یزهي و ضاوي

طهّر ردائي یاحسین طهّر ردائي
صوتي و ندائي یاحسین صوتي و ندائي

*
محبوبي ساکن ابانیاطي
عشگیتک وآنه بین اگماطي
انخاک ابْ حگ شهید الشاطي
تشفعلي یِنغِفر اِحباطي

واَصبح فدائي یا حسین اصبح فدائي
صوتي وندائي یا حسین صوتي وندائي

*

بالمحشر اربح ابمیزاني
لن حبّک عایش ابوجداني
یامولاي آني عبدک آني
اترجاک صحّح ابایماني

خوفي و رجائی یاحسین خوفي ورجائي
صوتي و ندائي یاحسین صوتي وندائي

*

خادم لخدمة الحسین عليه السلام

ناصرآلبوعبید

يالهواك ابراسي حسين حسين
لفظك ابانفاسي. حسين حسين

انت تاجي و منهاجي
و انت نبضة اوداجي

انت حبّي و نور قلبي
و انت نورك نور ربّي

أنت معشوق الجليل هاز مهدك جبرئيل

يحسين اسمك تسكيني
ايهدّيني و ينسّيني
و ابحبك ترمش عيني

«يتوضّه ابحبّك دلّالي »

*

ضامري و اشواقه. گمر. گمر
عمري كل اوراقه. گمر . گمر

حُب ضمیري. و مستجيري
بس ابو فاضل. أميري

ابو فاضل. خير كافل
جوده متروسه مراجل

يا بو فاضل منهضي. هو اول رافضي

رافض طاغوت الذلّه
اصبح للغيره قبله
بس بيده الرايه تحله

« عباس امجنّن عشّاقه »

*

جنة الموعوده. علي علي
عاشق الله اسجوده. علي علي

علي شمسي وعلي اُنسي
علي بالاخلاق درسي

علي اسوه. علي منوه
للصبر و الجود قدوه

علي زين العابدين. علي سيْد الساجدين

سجاد الحق بلسانه
يشبه حيدر ايمانه
امضوي الكون ابوجدانه

«و الگاع اتقبل رجلینه »

*

سيدي يالاكبر. علي علي
حبي من عالم ذر علي علي

انت آيه من الولايه
و انت بيرق للهدايه

نور طاها بيك ضاها
حسين بضواك ايتابها

انت نسخه من النبي ابنور الله تسطبي

حبك يجري ابانفاسي
لنك كعبة احساسي
حسيناوي و عباسي

«چن جدّک حیدر غیراوي »

*

انت عصمة روحي. يالمنتظر
التيام اجروحي . يالمنتظر

يا وجودي. سر سجودي
انت يالمهدي خلودي

انت شوقي. و معشوقي
انت عشق الله و شروقي

انت معشوق السمه. انت للحب عاصمه

انت الجنّه الموعوده.
بسمة طاها اعلى خدوده
سفرة ْ ، اَلله الممدوده

«عجّل يالمهدي و روّينه »

*
خادم خدمة الحسين عليه السلام
ناصر البوعبيد

ولادة العباس عليه السلام
🌿🌿🌿🌿🌿🌿🌿🌿🌿
الليلة حلوة وضواها منتشر
مولود عباس ابو وجه القمر
راعي الوسيلة. ياالله
حامي الكفيلة ياالله
مولود عباس ومن نوره زهر
🌿🌿🌿🌿🌿🌿🌿🌿
محلاه عباس انواره ظاهرة
هالبطل حياه اخوها الطاهرة
هالبدر محلاه ابصفاته الباهرة
انجوم الليالي بقت له ساهرة
جيدوم السرية ياالله
منه العطية. ياالله
هلولد محلاه ابو وجه القمر
🌿🌿🌿🌿🌿🌿🌿🌿
ياسعد امه من يوم جابته
حيا هالمولود وحياطلعته
فرحت به زينب عزيز اوخيته
ابجيت المدلول فرحت عيلته
ابها الولادة. ياالله
تنقضي الحاجة. ياالله
هالولد محلاه ابو وجه القمر
🌿🌿🌿🌿🌿🌿🌿🌿🌿
عباس محلاه وبيه كل الفخر
شاعت اعلومه على الدنيا ظهر
الجيدوم معروف كوكب لوزهر
محلا جماله ابو وجه القمر
حامي الحميه ياالله
أمه الوفيه. ياالله
هالولد محلاه ابو وجه القمر
🌿🌿🌿🌿🌿🌿🌿🌿🌿
هالولد ضاوي ونوره اعلى المهد
حلوه معانيه واحلى من الشهد
كل الحسن فيه جمال اهل المجد
هالبدر محلاه مامثله احد
وامه تعوذه عن كل من حسد
سموا بسم الله. يالله
عوذوه بالله. ياالله
عباس محلاه ابو وجه القمر
🌿🌿🌿🌿🌿🌿🌿🌿🌿🌿
نوره ايتلالى على كل البشر
نوره الوضاح يضوي كالقمر
قمر هواشم حلاته كالبدر
لجله الكون ابعطره انتشره
الله يحرسه. ياالله
جوده يترسه يالله
بالماي عباس ابو وجه القمر
🌿🌿🌿🌿🌿🌿🌿🌿
هبت نسايم ابليلة مولده
چنه عطر ياس حي طلعته
محلا جماله وتزهر غرته
امدلل وغالي عليها أوخيته
عباس مزيون ياالله
اتهابه العيون. ياالله
عباس محلاه ابو وجه القمر
🌿🌿🌿🌿🌿🌿🌿🌿🌿
لخادمة اهل البيت ع
هدى المطر ام محمد الحبيب

❤️ يا بختنه ❤️
.
.

ايسمونه خدام احسين
ايسمونه خدام احسين
✨✨🌹❤️🌹✨✨
يالله يا خدام گوموا الليله
خلنه نفرح والحفلنه انشيله
٢ وللنبي الليله الورد نهديله
ايسمونه خدام احسين
✨✨🌹❤️🌹✨✨
نفرح الليله ونِعَلْگِ الزينه
هالمسيه مولده والينه
٢ يا بختنه بهل بِشاره لينه
ايسمونه خدام احسين
✨✨🌹❤️🌹✨✨
يا بختنه وننحسب خدامه
ويا بخت من شال والله اوسامه
٢ هاي أعظم مكرمه او علامه
ايسمونه خدام احسين
✨✨🌹❤️🌹✨✨
يا بختنه ونحتفل بأعياده
ونجتمع هذا المسه ابميلاده
٢ اعلينه ربي اتعود هاي العاده
وايسمونه خدام احسين
✨✨🌹❤️🌹✨✨
يا بختنه نِخدِمَه وانزوره
نوصل الحضره ونشم اعطوره
٢ ونمشي طول العمر والله ابنوره
ايسمونه خدام احسين
✨✨🌹❤️🌹✨✨
يا بختنه ونمشي والله ابدربه
انعيش هاي الدنيا والله ابحبه
٢ واهوا ياخذنه ابحنانه وقلبه
ايسمونه خدام احسين
✨✨🌹❤️🌹✨✨
ربي لا تحرمنه من مولانه
اوياه دنيا او آخره وويَّانه
٢ احسين حاشه والله ما ينسانه
ايسمونه خدام احسين
✨✨🌹❤️🌹✨✨
تمت بحمدالله تعالى
✍🏻 / فاطمة كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
كريم صالح

جلوة لميلاد السجاد

شعت انواره علِينا
وصار الفرح بالمدينة
هنوا الزهراء الامينة
بسيد الساجدينا
————————-
السجاد محلى خصاله
في العلم ماكو مثاله
مثل البدر ياجماله
النور شع من جبينه
—————————
اهلا بوجه الصبوحي
افديك نفسي وروحي
اعليك قاصر مديحي
ياسيد الساجدينا
——————————
جينا نهني السادة
مبارك عسى هالولادة
شعبان هل بالسعادة
وهلت الفرحة علينا
——————————
افرح ياقلبي الليلة
وانسى الهموم الثجيلة
أطلب من الله ورسوله
الحاجات تقضى الينا
—————————
عساها هالفرحة تنعاد
ونحتفل بزين لعباد
ونزور السادة الامجاد
اني مع السامعينا
ياسيدي اطلب امراد
تقضي الحوائج الينا
——————————
تمت والحمد لله
✍️صديقة سويف
ام سيد برير

انولد والتربه بجبينه
خرز سبحه اعله جفينه
حياته حياته
حياته ابعالم السجده
مثل حيدر علي جده
صفاته صفاته
🌳🌳🌳🌳🌳
اذا يسجد علي السجاد عالتربه
ميكائيل ينزل يسجد ابقربه
اعله سجادة صلاته ايسولف ابربه
حبيب اويم حبيبه مكضي كل دربه
🌳🌳🌳🌳
علي ياربع العصمه
علي السجاد هذا اسمه
حياته حياته
حياته ابعالم اسراره
عقول اهوايه محتاره
ابصفاته ابصفاته
🌳🌳🌳🌳🌳
اضن من سبحة الزهره اختلق طينه
مثل سبحه وتدور ابجف نبي اسنينه
اسم رب الجلاله امزغرف ابعينه
ابدعائه وكل فرض رافعها جفينه
🌳🌳🌳🌳🌳
اويه ميل الساعه سجداته
الفروض الخمسه جلماته
حياته حياته
ابخشوع الدنيه من يعبد
ابصلاة اليل اذا يسجد
صفاته صفاته
🌳🌳🌳🌳🌳
انولد مثل الشعاع ابدار ابو اليمه
مثل نور الشمس عالكاع شيلمه
سلام الله على السجده البقت بإسمه
سلام الله اعله وارث منهج العصمه
🌳🌳🌳🌳🌳
سلامآ للنذر عمره
يجدد سجدت الزهره
حياته حياته
انولد شعبان بنواره
تحير الدنيا باسراره
صفاته صفاته
🌳🌳🌳🌳🌳
افرح يالمحب بالساجد ابليله
واعلك للفرح شمعات وديله
واناشيد العشك بالسانك اهديله
خل شعبان يشبع من تراتيله
🌳🌳🌳🌳
انعرف شعبان برسومه
شهر ياهو العرف يومه
حياته حياته
عجز عنه الحجه ابأسمه
سفينة نوح اجت يمه
صفاته صفاته
🌳🌳🌳🌳🌳
الشاعر ابو قسورة الكربلائي

ولادة العباس عليه السلام
🌿🌿🌿🌿🌿🌿🌿🌿🌿
الليلة حلوة وضواها منتشر
مولود عباس ابو وجه القمر
راعي الوسيلة. ياالله
حامي الكفيلة ياالله
مولود عباس ومن نوره زهر
🌿🌿🌿🌿🌿🌿🌿🌿
محلاه عباس انواره ظاهرة
هالبطل حياه اخوها الطاهرة
هالبدر محلاه ابصفاته الباهرة
انجوم الليالي بقت له ساهرة
جيدوم السرية ياالله
منه العطية. ياالله
هلولد محلاه ابو وجه القمر
🌿🌿🌿🌿🌿🌿🌿🌿
ياسعد امه من يوم جابته
حيا هالمولود وحياطلعته
فرحت به زينب عزيز اوخيته
ابجيت المدلول فرحت عيلته
ابها الولادة. ياالله
تنقضي الحاجة. ياالله
هالولد محلاه ابو وجه القمر
🌿🌿🌿🌿🌿🌿🌿🌿🌿
عباس محلاه وبيه كل الفخر
شاعت اعلومه على الدنيا ظهر
الجيدوم معروف كوكب لوزهر
محلا جماله ابو وجه القمر
حامي الحميه ياالله
أمه الوفيه. ياالله
هالولد محلاه ابو وجه القمر
🌿🌿🌿🌿🌿🌿🌿🌿🌿
هالولد ضاوي ونوره اعلى المهد
حلوه معانيه واحلى من الشهد
كل الحسن فيه جمال اهل المجد
هالبدر محلاه مامثله احد
وامه تعوذه عن كل من حسد
سموا بسم الله. يالله
عوذوه بالله. ياالله
عباس محلاه ابو وجه القمر
🌿🌿🌿🌿🌿🌿🌿🌿🌿🌿
نوره ايتلالى على كل البشر
نوره الوضاح يضوي كالقمر
قمر هواشم حلاته كالبدر
لجله الكون ابعطره انتشره
الله يحرسه. ياالله
جوده يترسه يالله
بالماي عباس ابو وجه القمر
🌿🌿🌿🌿🌿🌿🌿🌿
هبت نسايم ابليلة مولده
چنه عطر ياس حي طلعته
محلا جماله وتزهر غرته
امدلل وغالي عليها أوخيته
عباس مزيون ياالله
اتهابه العيون. ياالله
عباس محلاه ابو وجه القمر
🌿🌿🌿🌿🌿🌿🌿🌿🌿
لخادمة اهل البيت ع
هدى المطر ام محمد الحبيب

قصيده للولادات الشعبانية
على طور حجي باسم
(( هذا عباس و خادم آلال))

🌷🌷🌷🌷🌷
هذا شعبان
هله بمولد العتره
هذا شعبان
نهني امهم الزهره
هذا شعبان
ونصلي الف مره
هذا شعبان
على الهادي ونذكره
🌷🌷🌷🌷🌷🌷
ياهلا بي
ميلاد ابو الاكبر
ياهلا بي
ومولد گمر الازهر
ياهلا بي
وبالسجاد افخر
ياهلا بي
بدر ويشع الانور
🌷🌷🌷🌷🌷🌷
يبو الاحرار
شهر شعبان عيدك
يبو الاحرار
بيه مولد حفيدك
يبو الاحرار
وعلي الاكبر وليدك
يبو الاحرار
وابو فاضل عضيدك
🌷🌷🌷🌷🌷🌷
بهاي الافراح
فرح حيدر وامك
بهاي الافراح
بقى جدك يشمك
بهاي الافراح
نزل جبريل يمك
بهاي الافراح
نزل فطرس يخدمك
🌷🌷🌷🌷🌷🌷
قلبي فرحان
يهني اليوم جدكم
قلبي فرحان
وعلي الكرار وامكم
قلبي فرحان
واطش ورود الكم
قلبي فرحان
ابفرح اشعل شمعكم
🌷🌷🌷🌷🌷🌷
ننخى هاليوم
علي الكرار حيدر
ننخى هاليوم
بجاهه يكشف الضر
ننخى هاليوم
ويرد يزهي المنبر
ننخى هاليوم
افراح الال نحضر
🌷🌷🌷🌷🌷🌷
ياموالين
نحط بوسه على الخد
ياموالين
لسبط طه محمد
ياموالين
واخوه البطل الاوحد
ياموالين
وعلي السجاد عابد
🌷🌷🌷🌷🌷🌷
نقسم اعليك
يربي فرج النه
نقسم اعليك
وزيل المرض عنه
نقسم اعليك
الشفى للي يحبنه
نقسم اعليك
ابو الشده يحضرنه
🌷🌷🌷🌷🌷🌷

✍ الخادمه ام زهراء

مولد
بطاقة تهنئه بمناسبة
ميلاد قمر العشيره أبا الفضل العباس
الى سماحة المرجع الأعلى
الأمام السيد علي السيسستاني حفظه الله
.....................
أبميلاد الكمر عباس والينه
لبو محمد رضا نرفع تهانينه
....................
لل نشتم عشك عباس بنفاسه
أو شيبة لحيته وعمامه البراسه
أو خلقه أو هيبته أو جلماته وحساسه
مبروك الولاده اليوم ودينه
...................
نرفعلك تهاني أبمولد العباس
يا بر الأمان البي ملاذ الناس
شكرآ سيدي يا وارث النوماس
من عباس جدك صافي الطينه
....................
حا خام اليهود البوذي واليسوع
سدو بابهم صاير شهر وسبوع
أو بابك بالوبا مفتوح للي أيجوع
وبفتوى التكافل خير يلفينه
....................
عسى عمرك طويل أو غانم أو سالم
وارث كلشي وارث من كمر هاشم
الوادم بس نفسها أو أنته بالوادم
تفكيرك صفه أو تشهد نياشينه
....................
أبميلاد الكمر جدك أبو الغيره
زحمه أمنالعواطف عدنه وبحيره
أشنهديلك نحس ما يوفي تقديره
الشخصك يابو شخص العفه بجبينه
...................
يا سيد علي السيسستاني أبو الفقره
يا سامي المقام أو زاكي الفطره
من داخل ضريح الكافل الحره
لجلك نبتهل بثنين أيادينه
..................
أزمتنه تعدي أو تكضي كورونا
بس طيبك يظل للناس مظمونه
خيعونه التمسك بيك خيعونه
أو خله أحجايتك أول براهينه
...................
خادم أهل البيت
الشاعر : أسماعيل الجوراني
الأحد : 28/3/2020
4/شعبان /1441ه

🔷🔶🔹🔸♦️ ﷽♦️🔸🔹🔶🔷
🌹🌹(((ذابحهُم الحسد)))🌹🌹
🌸 *(لمولد الإمام السجاد عليه السلام)* 🌸
🔷🔶🔹🔸🔴🔸🔹🔶🔷
شمسوي هالولد * ذابحهُم الحسد
زين العباد ابمهده هز عرشهم
💚💙💜❤️🧡💛🧡❤️💜💙💚
يحسين قرت عينك ابميلاده
الله يخليك و تشوف اولاده
من زود ابنك حاقِده حساده
الله يحفظه من أذى اللي كاده

من ضَوَه بالمهد * ذابحهُم الحسد
زين العباد ابمهده هز عرشهم
💚💙💜❤️🧡💛🧡❤️💜💙💚
يحسين مو عجبه العده زعلانه
مقهوره منه الناصبه و حيرانه
لن اسمه سمّيته على مولانه
اسمه علي و ما تحتِمل عدوانه

حقدوا على الأسد * ذابحهُم الحسد
زين العباد ابمهده هز عرشهم
💚💙💜❤️🧡💛🧡❤️💜💙💚
حسدوا جماله والنسب و اخصاله
ما گدروا ايشوفون كل أفضاله
قلدوا ولكن ما يِوَصلوا أفعاله
خلهم يموتون اللي حسدوا حاله

امزلزل البلد * ذابحهُم الحسد
زين العباد ابمهده هز عرشهم
💚💙💜❤️🧡💛🧡❤️💜💙💚
من نوره هلهل اعرفوا كل ناسه
هذا الإمام الطاهره أنفاسه
يحمل گلب ينضح مَحَنَّه احساسه
حيدر يحگ له بيه يرفع راسه

من انولد سجد * ذابحهُم الحسد
زين العباد ابمهده هز عرشهم
💚💙💜❤️🧡💛🧡❤️💜💙💚
يالتحسد العالم إلك هالكلمه
لو بيك خير أبداً مَتِحسد نعمه
إبدي تعَلَم و إعمل ابكل حكمه
للسُمعه لتلقد و تمشي أعمه

ما يوصَله أحد * ذابحهُم الحسد
زين العباد ابمهده هز عرشهم
===================
الشاعرة_الملاية_زينب_المؤيد

ابوذيات ذكرى ميلاد الإمام زين العابدين علي السجاد عليه السلام


صلاتك ع النبي و آله عَلِّيها ( ارفعها )
أيّام البِشِر شَعَّت عليها ( فوقها )
أنوار الگمر سجاد عليها ( علي )
و شعبان إبتشر بالهاشميّه
¤•••¤•••¤•••¤•••¤•••¤•••¤
بحسين إبتدىٰ سعدي و بِسْمَه ( اسمه )
و بوجه الفرح عباس و بِسْمَه ( سماء )
و لعالي الهمم سجاد بَسْمه ( ابتسامه )
و خاتمها گمر مهدي البَريّه
¤•••¤•••¤•••¤•••¤•••¤•••¤
مسرور بعلي مغبوط شعبانه ( شعبان )
من نوره سطع بالخير شَعْ بانه ( أظهر )
و ألوان الهنا بكل بيت شعبانه ( متشعبه )
و أيام الشهر كلها هَنيّه
¤•••¤•••¤•••¤•••¤•••¤•••¤
ريحانة علي الكرار يل بإسمه ( سميه)
سَمّاك الحبيب احسين يل البَسْمه ( ابتسامه )
و بساگ العرش من نور يل بِسْمَه ( سماء )
و بوجه الأرض رحمه و هَديّه
¤•••¤•••¤•••¤•••¤•••¤•••¤
يبارك كل گلب ملهوف للزهره ( فاطمة الزهراء )
ميلادك يَنَجم و نور للزهره ( كوكب الزهره )
يا عطر و عبير يفوح للزهره ( الورده )
يا عطر و مِسِك جَنَّه العَليّه
¤•••¤•••¤•••¤•••¤•••¤•••¤
بغلاتك يا عديل الروح من فأرْضَه ( ارضىٰ )
محبتكم من المعبود منفرضه ( فرض )
أمر بيها الذي بسماه و من فأرْضَه ( الأرض )
و خاسر من يضد عتره النَقيّه
¤•••¤•••¤•••¤•••¤•••¤•••¤
الشاعر : ابو شهيد الأحسائي
الأحد ١٤٤١/٨/٤هـ

مولد علي الأكبر عليه السلام
القصيدة
حقي إمن افرح وأفخر
وما أدراك ما الأكبر
شجاع وحيد من يومه ...
بطل مولود للحومه ...علي الأكبر
************
الكتاب تعرفه لمن تقره عنوانه
١١ شعبان جاب ابشارته وجانه
قبل أهله فرحله اليوم ميدانه
شبيك المصطفه وأنطيك برهانه
فارس بيرغه عالي ...ماخذ شمرت الوالي
منه إعداه مهزومه...
بطل مولود للحومه ...علي الأكبر
************
أبوه حسين حيل يحبه ويوده
وإذا إشتاگ لمحمد باسه من خده
عزيز وشنهو أعز للأبو من ولده
بوجهه يشوف إبنه وينظر الجده
أحسن بيه تربيته ..فارس عالي بصيته
ملامح نصر مرسومه....
بطل مولود للحومه ...علي الأكبر
************
عاين عمه العباس من شافه
فرح والله دليله بهيبة أوصافه
عرف هذا الحِمل ما يهدل إچتافه
علي ومحلاه علي والشهد بشفافه
عمه يبوس چفينه...يبشر بي ميادينه
گبله واصله اعلومه....
بطل مولود للحومه ...علي الأكبر
************
تره السمّاه علي يعرف بتسميته
بطل ينطيهه حقهه وما نزل صيته
بيرغ والمجد طاف اعله ساريته
قدسية الباري مسويه قدسيته
أسد للحومه لو ينزل ...يزلزل حومته تزلزل
فرقد تشهد إنجومه .....
بطل مولود للحومه ...علي الأكبر
************
علي الاكبر مثال الهيبه والهمه
إنولد هالليله واتبشر أبو اليمه
الضوه تارس الدنيا بمولد النعمه
ضوه خده إنعكس عالكمر والنجمه
هذا إربات ثار الله ...ياهو اليوصله بالله
الثايه بزوده ملزومه...
بطل مولود للحومه ...علي الأكبر
************

الشاعر عمار هليل الواسطي

علي علي علي يا ازهر
علي علي علي يا لكبر
@@@
الينولد يبچي لان خايف تألم
ماسمعنه منولد نازل تبسم
وعلي لكبر مولده لمن تحتم
ياحسين ابنزلته ألسانه تكلم
...
اول بطل في كربله تقدر
علي علي علي يا لكبر
@@@
ليلى شالت هالضنه ابرمش الرعايه
وجه وجه المصطفى يعكس مرايه
والله انزل هالولد لطفوفه غايه
هالشبل ابن الأسد ليث المنايه
...
كله رجوله وبالشدد تجبر
علي علي علي يا لكبر
@@@
ياجمال المصطفى بحسنه وجماله
وامتله من حيدره جاه او جلاله
الأكبر الضغيم ابن سبط الرساله
مهده من جنة عدن نوره تلاله
...
مهده سمه وهو الگمر تنور
علي علي علي يا لكبر
@@@
ورده لاچن هالورد ماكو مثيله
شما معاني اتوصفه بحقه قليله
وموعجيبه لجدته الزهره الجليله
يكون كوكب للمعالي والفضيله
...
الشافه على حبه النبض تأسّر
علي علي علي يا لكبر
@@@
حسين عوده وعمته زينب تضمه
وبوالفضل ناغاله وبچفوفه يلثمه
هلا بالغيره وعلى جده التسمه
وهلا باللي قدرت شانه الأيمه
...
ملك على گلب المحب تأمر
علي علي علي يا لكبر
@@@
علي احمد الحمود
٢٣-٤-٢٠١٨
مولد الأكبر
شعبان