#گعدة

الباب الحيدريه .. بثار الخيبريه
كبل جان النبي ايدكها
اليوم الطاغي يحركها .. وهاي اول رزيه
    . . . . . . . . . . . . . . .   
  
باب جان النبي ايدكها رايد ايبين قدرها
باب واتخيل وراها فاطمه اتداري خدرها
ظالم اتكسر عليها ومن حقد ناره شجرها
لاذت وراها ام الحسن
كالوله كال الهم ( وإن )
اشر القنفذ عالوجن ...والعبد جفه سطرها

ايعرفوها ام ابوها .. بالباب اعصروها
بيد اترجع الدفعه
وايد اتغطي عالصفعه
ومحتاره الزجيه .. وهاي اول رزيه
    . . . . . . . . . . . . . . .     

باب ابو الحملات حيدر رحمه للأيتام كلها
ومن وراها شكم اسيراً فاطمه توزع اكلها
اليوم خلف الباب فاطم يا وسف يسكط حملها
ابّسمار محسنها انظرب
والباب مستعره بحطب
تبت يد الظالم وتب ...فعلته محد فعلها

كل فعله ابضغينه .. لوصية نبينه
شلون ابحيدره وصه
عدهم بالكلب غصه
من حامي الحميه .. وهاي اول رزيه
    . . . . . . . . . . . . . . .     

أسلموا مو عن درايه بخوف من سيف ابو الحمله
الخندق وخيبر دلاله عد علي الصعبات سهله
افتهموا بحيدر اموصه والعهد لا ما يخذله
ما وصل حيدر عسكري
عالزهره غار السامري
الطالب ابثاره الخيبري ... ابلا شرف معروف اصله

بالباب الدفعها .. يتكسر ظلعها
تأذت فاطمه منها
ولبست بالدمع ونها
وتحملت اذيه .. وهاي اول رزيه
    . . . . . . . . . . . . . . .     

فاطمه بكل يوم دمعه بكل وكت جرح واذيه
عكب طه فتره عاشت وكربت منها المنيه
ظلت الوصي ابو الحمله وبالدمع اخر وصيه
زينب ابعينك ياعلي
شتريد كلها اتدللي
من تنهظم وتحن الي ...للكبر وصلها اليه

يم كبري العقيله .. والمدمع تسيله
امد ايدي ابردها
وعن مدمعها اهودها
وهاي اخر وصيه .. وهاي اول رزيه
    . . . . . . . . . . . . . . .     

غمضت عين الزجيه وللسمه صعدت بالمها
ودخلت الجنه بهظمها والحسن وحسين همها
اسيا ومريم اجنها واجت كل الحور يمها
وامها خديجه هم اجت
شبكتها والونها بجت
و وي فاطمه هم اشتكت ... لله عالباغي الظلمها

ظوع الكسّروها .. الباب الوجروها
ومنها الفدك سلبوها
وثارات العده اخذوها
اصحاب الرديه .. وهاي اول رزيه
    . . . . . . . . . . . . . . .     

خادم أهل البيت عليهم السلام
عمار العيساوي الكربلائي

#الليالي_الفاطمية

خلص دفنچ ييمى وما خلص ليلي
يگلي إحسينچ ابدال امي لوليلي
عذاب .. أول ليلة بغيابــــــــــــچ
عذاب .. خلصت گاعده ابابچ
خلص ليلي

يگولون .. أول ليلة تذبح للمشت أمها . مشت أمها
يگولون .. تحظن شيلة وي شيلة او تجي اتشمها . تجي اتشمها

تنام ابعتبة الدار او تناديها
تدور ريحة امها او تعتني ليها
تعالي يمى يا يمى تگضيها
تنوح او تقتنع ترجع تتانيها

نمت ساعة عله الباب او حلمت آنه
تگليلي عليمن چنتي سهــــــــــرانه
عليچ .. ما نام اذكر امصابـــــــچ
عذاب .. خلصت گاعده ابابچ
خلص ليلي
_______
متت حيل .. أول ليلة بفراگچ گضت ونه . گضت ونه
انه إحسين .. حرت شلون اللوليلة او أنومنه . أنومنه

يگلي چانت امي اهنا تلوليلي
ابحظنها اغفه او أشوف أمي تهفيلي
يزينب بس حصيرة أمي فرشيلي
أريد اغفه اعله ريحتها تعاليلي

تعاي اهنا يخويه او شمي ريحتها
ابقميصي آنه أشوفن لسه بوستها
جفوچ .. زينب هالمسه احبابچ
عذاب .. خلصت گاعده ابابچ
خلص ليلي
_______
يجي الليل .. يمى او نلتم ابدارچ سوى كلنه . سوى كلنه
او علي ايگوم .. ابلهفه فاطمة ادريتي يقبلنه . يقبلنه

الحسن يصرخ يبويه الأمنه ودينه
فقط بس ليلة يم گبر امنه خلينه
نحاچيها علي او بلكت تحاچينه
إذا شمت عطرنه امي تناديـــنه

گبر أمنه يحيدر فدوه خنزوره
إذا مترد علينة الزهره معذورة
نصيح .. إلمن حاظنه اترابچ
عذاب .. خلصت گاعده ابابچ
خلص ليلي
________
انه ازغير .. عمري اعله اليتم يمى تعرفيني . تعرفيني
ينامون .. لبگد عمري وآنه الما غفت عيني . غفت عيني

گمت أحظن انه إحسين او أشم عطره
واشمن بي عطر روحچ عله الفطـــــــره
شفت يا فاطمة بوساتچ ابنحــــــــــــره
او علگ منچ شفت شديتي ابصـــــــدره

حظنته آنه او يگلي أمي گالتلـــــي
ترى طفك قريب او خيمة رسمتلي
تگول .. بالطف يجرح اعتابچ
عذاب .. خلصت گاعده ابابچ
خلص ليلي
_________
عله الماي .. إحسينچ چم حلم گلي يذبحونه . يذبحونه
وعله الگاع .. جسمي ابكربله گلي يطشرونه . يطشرونه

يگول الزهرة گالتلي تشوفيني
يزينب عاري عالغبرة او تغطيني
الصدر متغطي بسهامه او تشبگيني
يخويه او ليلة الحادي تدوريني

عله الناگه تروحين او بلا حامي
ويضربونچ يزينب صعبة گدامي
سياط .. تطبع خويه بثيابچ
عذاب .. خلصت گاعده ابابچ
خلص ليلي

مصطفى هاشم الطائي

بـس المـفارگ حبـيب .. يگضي كل عمره غريب
الغربه تجرح
ومايصـح الـهـا طبيب

________

الناس لو كلهم يصيرولك گرابه
الـدفن روحـه شيخـفف مصابه

غربه غربه الناس عگب الزهره احسهم غربه غربه
صعبه صعبه انه اعيش ابلايه فاطم صعبه صعبه

ياكل بروحي السكوت .. ريتني بهالحظه اموت
شلون بيه
الصبر انه امنين اجيب

_________

الدفن حدر الگاع بيده ذكرياته
بالله ياهالناس شتـفيده حياته

رجعه رجعه ادري هوه الراح مابي رجعه رجعه
دمعه دمعه طــشرت عمـري بغيابه دمعه دمعه

دمعتي صاحت تعاي .. الخاطر الله ياهواي
مختنگ حيل
انــه مــن گــد النحـيب

_____________

المامــلوع لايــلـــوم الفــاگـــد اعـــزاز
احچايتي ايحس بيها بس الراح جناز

جرحه جرحه حدر الضلوع اشيضمده جرحه جرحه
وكحه وكحه الدنيه ويه المثلي تصبح وكحه وكحه

مني اخذت كلشي زين .. فاطمه ام گلب الحنين
ياحسافه
العشره هم قسمه ونصيب

__________

الدنيه مو دنيه عگب عين الزچيه
الدنيه احس بيها گبر طابگ عليه

حالي حالي چن رضيع ودفنو امه حالي حالي
غالي غالي الـراح ياهالناس مــني غالي غالي

التبچي من عنده الرجال .. حاله مدري شلون حال
من حزنها
الصار بيــه موعــجيب

____________

الناس اشوف اعيونها اتسولف عليه
هذا معــقوله علــي حــامي الحــميه

ظهري ظهري منحني من المصيبه ظهري ظهري
عمري عمري صار عگب الزهره ميه عمري عمري

صار بيه المايصير .. المحنه سوتني چبير
انحنه ظهري
وبين ابراسي المشيب

_________

فاطمه يانــاس لمــن شيعتها
انه بالمــقبره روحي ضـيعتها

خطوه خطوه چنت امشي الكبري انه خطوه خطوه
فدوه فدوه صــــحت يافـاطــمه عمـــري فدوه فدوه

عمري من غيرچ سراب .. شلون احطچ بالتراب
ايعينه الله
الدافن ابايده قريب
_____________
حيدر تركي الكربلائي

الفاطميه
الامام علي يتكم عند دفن الزهراء
.
.
.

رديت وانـه ابگلبي حسره
والبيـت بـي ريحـة الزهره
امنتذكر .. اتحـسـر .. اتــنطـر
المــوت

__

السمه احـس طاحت عليه وهدمت بنياني
انــه مــن طبــيت بــيتي ومــحد اتلــگاني
صحت يافاطمـه وينــچ والـصـده حاچاني
تــوَك الزهــره ادفنــتــها گــال لـي وبچاني

انهاريت ماضل حيل بيه
وَنيـت عــالزهـره الزچيه
واتـعـثر .. اتحـسر .. اتنــطر
المــوت

__

چــنت مــن بيــتي اطـبه اتــرد الــي عافــيتي
هسه احـسن روحــي تطــلع لو دخلـت البيتي
الله وحده هـــوه يـــدري ويعــلم ابوضــعيتي
امنيتي بس الموت هسه اوين احصل امنيتي

اتمنيت يخلص هسه عمري
وياريت يــمها ايصير گبري
وما اگدر .. اتحـسر .. اتنــطر
المــوت

__

امـن انظـر الوجه الزچـيه فاطمه گدامي
لــو جـبل طـايـح عــليه انـسه كـل آلامي
راحت وراحـت وراهـا فرحـتي واحلامي
عـلي وبـگد رحـمــة الله للـوديعـه ضامي

مديت دمــعاتي عـــلى الباب
وخطيت حزني بوجه التراب
واتطشر .. اتحــسر .. اتنــطر
المــوت

__

سورة الاحــزان اقــره واشهگ ابهالسوره
انه كل مابيتي اطـبه والگه طافي ابنوره
زهرتي راحت يوسفه اضـلوعها مـكسوره
وبالگبــر حسيـت بيها عالوجـه مسطوره

خليت فوگ اخـدودها ادموع
وناديت بلكي اتطيب الضلوع
اتصور .. اتحسر .. اتنطر
المــوت

__

لمــن زيــنـب ناشــدتنــي ويــن امـــي رايـــحه
الاعمه شاف دموع عينــي من كــثر ماواضحه
اعليها كلشي گمت اسمعه اوياي يقره الفاتحه
ابكل ركن من بـيتي اسمـع صوت ونه ونايحه

احتاريت زينب شرد اگلها
حسيت هالمحنه اشـثگلها
واتوذر .. اتحسر .. اتنطر
المــوت
__
تمت والحمد لله
حيدر تركي الكربلائي

الفاطميه
الامام علي يتكم عند دفن الزهراء
.
.
.

رديت وانـه ابگلبي حسره
والبيـت بـي ريحـة الزهره
امنتذكر .. اتحـسـر .. اتــنطـر
المــوت

__

السمه احـس طاحت عليه وهدمت بنياني
انــه مــن طبــيت بــيتي ومــحد اتلــگاني
صحت يافاطمـه وينــچ والـصـده حاچاني
تــوَك الزهــره ادفنــتــها گــال لـي وبچاني

انهاريت ماضل حيل بيه
وَنيـت عــالزهـره الزچيه
واتـعـثر .. اتحـسر .. اتنــطر
المــوت

__

چــنت مــن بيــتي اطـبه اتــرد الــي عافــيتي
هسه احـسن روحــي تطــلع لو دخلـت البيتي
الله وحده هـــوه يـــدري ويعــلم ابوضــعيتي
امنيتي بس الموت هسه اوين احصل امنيتي

اتمنيت يخلص هسه عمري
وياريت يــمها ايصير گبري
وما اگدر .. اتحـسر .. اتنــطر
المــوت

__

امـن انظـر الوجه الزچـيه فاطمه گدامي
لــو جـبل طـايـح عــليه انـسه كـل آلامي
راحت وراحـت وراهـا فرحـتي واحلامي
عـلي وبـگد رحـمــة الله للـوديعـه ضامي

مديت دمــعاتي عـــلى الباب
وخطيت حزني بوجه التراب
واتطشر .. اتحــسر .. اتنــطر
المــوت

__

سورة الاحــزان اقــره واشهگ ابهالسوره
انه كل مابيتي اطـبه والگه طافي ابنوره
زهرتي راحت يوسفه اضـلوعها مـكسوره
وبالگبــر حسيـت بيها عالوجـه مسطوره

خليت فوگ اخـدودها ادموع
وناديت بلكي اتطيب الضلوع
اتصور .. اتحسر .. اتنطر
المــوت

__

لمــن زيــنـب ناشــدتنــي ويــن امـــي رايـــحه
الاعمه شاف دموع عينــي من كــثر ماواضحه
اعليها كلشي گمت اسمعه اوياي يقره الفاتحه
ابكل ركن من بـيتي اسمـع صوت ونه ونايحه

احتاريت زينب شرد اگلها
حسيت هالمحنه اشـثگلها
واتوذر .. اتحسر .. اتنطر
المــوت
__
تمت والحمد لله
حيدر تركي الكربلائي

نزله ميمر للزهراء
.
.
.


وَزن كلمـتك انــتـه مـن تــحـچـيها
الماتــعـرف الـها بـالـك اتـدهـــديها
لهـل الحــشم تـدفـع حـشم تـالـيها
وابـن أدم ابهـذا اليوم يتحشم اعـله احچايه



وزنــك اعــرفـــه اولايغــــرك صيـــتك
اولا تنــدفع لــو شـــاهــدت حاشــيتك
اشما تعله بيها ايضل نقص شخصيتك
والسُــمعه بحــلوگ الـــناس يمـــعــود امتــچايه
____

خَـلـك رزن انـتــه خـفــيف اشـــمالك
اثگــل اولاتتــشـلـبه عالـــمـــو مــالك
صـدگـني تـوگـع والــنتـيجه اعــمالك
والــزرع بيــده الـعـاگــول يتحــمل الــســلايه

____

انـته المراجل يمـتــه الـك مـعـتازه
وَيــه الــزلـم مـاتــستـحي تــتوازه
يمــسوي سيـفــك للمــشي عكــازه
من تالـي شايـلك سيـف يالسيفك ابـلاغايه



مـن تالي صاير عـود عينـك صلفه
المثلك علـى الشجعان ينـعـد كلفه
يالبلـحرب تـرجف رجيـف الـسعفه
ومـن اسمع ابأسمك ليـش اتـذكر السعـفايه



لــو ماعــلي بالصــبر چـــان امــوصه
السانك مثل راس (ابن ود) چا گصه
چــا دافنـــك يـم بابـــه بــقرب نـَصه
عندك بخـت يالملـعون يمــنة علـي اموصايه

_

گاصد البيـت الزهـره تحـرگ بــابه
واليـعتدي عالـحرمه هـاي اطـلابه
شيلـه يلبسـونــه العـرب وعـصابه
تتبـره منـه النـسوان إلسـوه هيچ اسوايه



عرش الجلاله امن الجنـيته اتهدم
والـــكـون كـلــه الـحالهـــا يــتــألم
المــثل الزچــيه تنــسـطر يمصخم
لو ماعلي . ايطيح الكون عالطاحت امدمايه
____
تمت والحمد لله ٣٠/ ١/ ٢٠١٨
حيدر تركي الكربلائي

الفاطميه
.
.
.

ويـن .. ماخـذ اعيـوني الـسهـر
ويـن .. اســئـل وكــلــي قـــهـر
ويـن .. ام گلب الابيض يادهـر
وين فاطمه

________

فارگتــني .. وتيـهت روحـي تــره مــن فارگـتني
عذبــتــني .. فاطــمـه مــن يـوم راحـت عذبـتني

علي المعروف بالحومه يهزها بطاري بتـاره
وهـسه بمـحـنة الزهـره گامت تهـتز اكـتاره

وين .. گمت احس ظهري انكسر
وين .. اســئــل وكــلــــي قــــــهر
وين .. ام گــلب الابــيض يـادهر
وين فاطمه

________

من الجروح .. گلبي مابي صوب صاحي من الجروح
فجئة وتروح .. ماحسـبت الزهـره عنـي فجئه وتروح

عليها موحلو التابوت عمرها اثمنطعش سجده
چانت ورده بچـفوفي شـجاها وذبلـت الــورده

وين .. عطر هالـورده اسـتقر
وين .. اســئـل وكــلــي قـــهر
وين .. ام گلب الابيض يادهر
وين فاطمه

________

الفاگد الروح .. يادهر گلــي اشـيسوي الفاگد الروح
چني مذبوح .. عگب شمعة بيتي اشعر چني مذبوح

الدمع وي خدي متمالح وچن بينـاتهم عشره
وعرفت ابهاي عشرتهم لمــن راحـت الـزهره

وين .. التــركت ابخــدي أثـر
وين .. اســئـل وكــلــي قـــهر
وين .. ام گلب الابيض يادهر
وين فاطمه

________

شيعــتها .. وللــگــبر بيـــديــه روحـــي شيعــتها
وســدتها .. وانــه لـســـه مامــصـــدگ وســـدتها

نسيت وصحت يالزهره وهيه بسمي ماصاحت
زينب سمعت اسم امها راسـاً عالارض طــاحت

وين .. لمن اسـم امـها انذكر
وين .. اســئـل وكــلــي قـــهر
وين .. ام گلب الابيض يادهر
وين فاطمه

________

الخالي بيته .. امن الحنان الله اليعينه الخالي بيته
ومــالگــيته .. ضوه وجـــه الزهــره ادور مالگــيته

أتوچــه عــلى صبــري انحيت وبيه ماضل حيل
البيت اخلافها اضلم شمس الله اخــذها اللـيل

وين .. لاشمــس بـــي لاگـــمر
وين .. اســئـل وكــلــي قـــهر
وين .. ام گلب الابيض يادهر
وين فاطمه

________

من هجرها .. ابصدري احس بسمار نابت من هجرها
وشــكبرها .. نــار حــدر اضــلوعي وجــت وشكبرها

عيــني امــگابله العـــتبه وكل ساعه اقره بالمقتل
ومن اخلص يگلي حسين بــويــه عــيده مــن اول

وين .. ايگلي خد امي انسطر
وين .. اســئـل وكــلـــي قـــهر
وين .. ام گلب الابيض يادهر
وين فاطمه
________
تمت والحمد لله
حيدر تركي الكربلائي

ما نسيـــنه شلون ننـسى مصابهه
أمس مو جـــدك تعنى لبابـــــــهه
ابد مـو وكت الدمــع
ثاري عنوانه الضلع
ما نسينه شلون ننسى مصابهه

____________________

وحده وحده وياك حالف كلهن يــردن عليك
ابدي من ظلم السقيفه وذلته الكتبتها اديك
فدك مو ملك الصحابه؟ ولا محمد وصى بيك
ولنته اهلآ للقياده !! حتى تتعنى وتجيـــــك

علي وين وانته ويـن
انته نار وهوه ديــــن

تعّنتّ لحيــــــــــدر تشدّ اركابــــــــهه
ما نسيـــــــــــنا شلون ننسى مصابهه


،،،،،،،،،،،،،،،،،،،،،،،،،،،،،،


دنس الباب بجفوفه البــاب طاهر هـوه لا
ما يمسه انسان خاين باب حيــدر للســـماء
وصل يم العتبه ثارت حشمت باهل الكسـاء
هجمة الشيطان صـارو حرب ضد الاوليـاء

خانو شوصى نبيهم
ثوب ذلتهم عليهم

لبسو النار وفضيـــــحه ثيـــــــابهه
ما نسيــــــنه شلون ننسى مصابهه


،،،،،،،،،،،،،،،،،،،،،،،،،

كسر ضلع الديـــــن جفــــــك جاوزت كل الحدود
بيهم شوصــــى نبيـــــــــكم هالجـــرم بيكم يزود
المحسن اعلى الصار شاهد موتو حتى الورود
دولة التكفيـــــــــــر أسس عمر ورثهــا لسعـود

ذاك امير الفاسقين
والملك هذا اللعين


الراس ذاك وذولـــه همــــه اذنابهه
ما نسيــــــنه شلون ننسى مصابـهه


،،،،،،،،،،،،،،،،،،،،،،،،،،،،،،،

اليوم راجع من جديــــــد وحشد جيوش القتال
شمر نفسه بوجه ثاني رايــــــــد الشيعه تزال
حسين ما ينذبح والله كلها عبـــــاس الرجــال
زينب التاخذكم اسرى بالصحاري وبالرمـــال

روسكم تسحكهه شيعه
قسم بدموع الوديعه

بيــــــــنا ثوره وما كــــــعد طلابهه
ما نسيــــــنه شلون ننسى مصابهه


،،،،،،،،،،،،،،،،،،،،،،،،،،

اليوم ما عدنا وصيه ولا تقيـــــــه ولا صبر
يعني لو توصلني تحفر بيــــــدك حدود الكبر
هوى البيه ريحة ولايه انا اشمه من الزغر
وانته تتنفس غــــــــدرهم ابن ملجم والشمر

باجر المهدي يعود
يهزم احفاد اليهود

ولدّ هنــــد وحرمـــــــله وخطّابـــــهه
ما نسيــــــنه شلون ننسى مصابــــهه

كلمات الخادم
رعـــــد الفريــــجي

تراث.....للزهراء عليها السلام

زينب الليله بياحال.من بعد عين الزهره.
تنحب قدت وسط الدار.تهمل العين وحمره.
//////////////////////////////////
يالتسأل عله ام الخدر هالليله
بعمر الجبير واحد يتجيله
بلا حيل حتى الحيل ميت حيله
لعمر امها ضلت تنحب وتبجيله

الصوج مو صوج الباب.صوج الدفعها بحركه
من الخجل لاذت بيه.تسمع وراه بس شهكه.
//////////////////////////////////
ضلت يتيمه زينب اخلاف امها
ليش الوكت من الزغر حارمها
اثمنطعش ورده التراب يطمها
راحت على العين الرجس لاطمها

مهظومه راحت ياحيف.ام الحسن مهظومه.
بكسر الضلع محسن طاح.ومن اصبحت محرومه.
///////////////////////////////////
اشلون لو جلجل الليل اعليها
اخلاف امها كلي ياهو اليباريها
حيدر غده يصبرها ويواسيها
ام الحسين اشكثر وصت بيها

يمسح دمعها بونات.ورويحته ملجومه.
يابويه بس اترجاج.انموت كلمن يومه

///////////////////////////////////
اول مصايب زينب امها الزهره
عالضلع الله يعينها وطك كسره
طفو ضواها ام الحسن بالسطره
ومحسن ابنها طاح فاكد عمره

مستعره بالباب النار.ونيران زينب كبره.
مابين حايط والباب.اعدام صار الزهره

//////////////////////////////////
تتفكد امها زينب اتخم بالبيت
وتسولف ويه البين عندي شخليت
لسوالف امي تكول كلش حنيت
توكف اكبالي وتبجي جن لو صليت

ادعيلي زينب وياج.لهسه الكسر ماذيني
الضلع مايرضه يطيب.وبعده الزراك ابعيني
///////////////////////////////////



علي الصرايفي الشملاوي

حوار الامام الحسين ع مع المحسن ع

يلمشيت… وانه ضمة مگفة ضميتك الية
حسبيت ... بالطفوف يطيح دمك فوگ ادية

عدك ام تشگف عصرتك..اشيطرد العشرة اليجون
بأربعين امن الحوافر علصدر يتسابگون

تدري بيش.. خيل بس مو خيل واثجيلة وزن
ما اعيش .. تنطبگ فوگ الضلع طبگ الجفن
عازة الخوة تصير .. .... اهنانة اغله امن الضمير
================
مات اخوي .. اليم يمنتي بالضنك حاجز مكانة
ابن ابوي ..… الردت يم شماتي اگلهم هذا انة

وگفتك تسوة اليدمعن من يشح بية النِصير
حسبيتّك خوية محسن ألحسن بس الزغير

للعيون .. امنين اجيب الجابتة امي الما يرد
واقرة كون .. الحمد لله لجيّته موش الحمد
تمشي مگلوب السنين .. ليش بس وي الحنين
=============
ما اشوف… بگلبي وبعيني بقت حسرة اعله شكلك
بالطفوف.... الباب مهري وراح اطيحن منه مثلك

وبالرمح راسي يصبّح باچر ايغثة الصُباح
بالمشي تعرض رگبتي والشمس تچوي الرماح

والسهام… من اخيّك تاخذ امچان الصدر
بالخيام .… يحرگ ويمها يأشرلي الشمر
وابقة اتگلب و اموت .. امن الشمر يمي يفوت
=============
ما يصير .. الموت موش بحلّك وتمشي اوية موتك
راح احير.. ماهو كواك الدهر يزغير اخوتك

انه اطيحن جوة حافر وانت طايح جوة باب
انه تابوتي الحصيرة وانت تابوتك تراب

عله الريح .. باچر بشيباتي يتحنّة الرمل
من اطيح… وذر جسمي يصير بس ما ينّگل
والخيم غيمة حداد .. ويترس اجروحي الرماد
================
بالسموم .. زينب اتريدك ظهر لركاض باچر
خوية گوم .. انه اريدنك شگف عن الخناجر

أَلْحگ بسبعين آية وانت تلحگ بالرسول
انت ثوبك ضامينة وانه ثوبي بالخيول

واليبوگ .. ياخذ المحبس اويگطف خنصري
ما تلوگ.. تمر عايلتي سباية اعله الغري
جدي سولفلي شيصير .. باچر انلم بالحصير
============
بالسواد .. ايصير عبد الله السهم شامة برگبتة
الشمر غاد .. ايهوس براسي وترس ضرسة ضحكتة

والتدوس بگلبي أكثر من يجي وايسب وراي
هاي يرادلها زلمة كافل ولازم گفاي

امشي موت… امودع بألله يكسران الظهر
ما تفوت .. رايح ايعوضنة الله بچف گمر
اسمة عباس امن ابوي .. يجي وبي عطرك يخوي
==========
#علي هادي الخزعلي

شيِّعَوْا نعْش الزچيه ابليلها ..
اْو من دمْع زينب صِفه تغسيلها ..
ــــــــــــــــ
ابليله ما بيها نجِم ساطع سِطَع
طِلَع نعْش الزهره لاچَن من طِلع
چن گلب زينب من امْچانه انْشِلَع
و اِعْله فگد أمها تهدَّم حيلها ..
ــــــــــــــــ
حگها من تبچي اْو تِلوج امْن الهظًم
اْو سيف فگد الزهره واصل للعظُم
اگبال أبوها اشما مدامِعها تظُم
من يجي اللّيل اعْله خدها اتسيلها ..
ــــــــــــــــ
اشما تكابر ما تكابر عالدَّمِع
اْو من تريد اتْسِد إذنها تستمِع
صوت دَفعة باب , لو كسرة ضلِع
لو ارجال ابْحَطَب متعنِّيلها ..
ــــــــــــــــ
من تلوم الدَّهر ما ينفع الّلوم
و أمها من ضَرْب العصَه امْفارگه النُّوم
اشلون اوَصِّف حالها ابْهَجمة الگوم
آ يهجمه الما يصِح تفصيلها ..
ــــــــــــــــ
هاي هجمه اْو بعَد چم هجمه الـ سِدَت
ابكربله حين الخيام اتْفَرْهِـدَت
كل زلمها اْو خيلها اعْليها الِكًدت
اْو حاطَت ابزينب زِلمها اْو خيلها ..
ــــــــــــــــ
اهنا اِصياح أنذال و إهناك الصِّهيل
اْو نار تگصَر دونها نار الخليل
و هْيَه حُرمه ابلا مُحامي اْو لا چِفيل
حيث نايم عالشريعه اِچفيلها ..
ـــــــــــــــــــــ
ميرزا عادل أشكناني

چان امتحانچ بالذر أو صْبَرتي
ضلعين كسرولچ ولا انكسرتي
أم الذبيحـــين
محسن والحسين
ـــــــــــــــــ
سنينچ طبيعي فاطمه ايخلصن معانات
عمرچ من الذر إنعرف كله امتحانات
تشوفين ولدچ تنذبح وشبعتي لچمات
واحد على العتبه انكتل واحد ذبح مات

محسن وگع منّ الحَشَه و حملتي
وحسين طاح من الفرس نظرتي
إشصار ابهالإثنين !!
محسن والحسين
ـــــــــــــــــ
مو مسألة بنت النبي وچي عالنَسَب عود
چان المعدل بالصبر گدها انتي وگدود
وانطوچ منزلة الرضا الـ ترضيله محسود
انتي الوحيده الـ بالغضب يغضب له معبود

الـ هالمنزله موسهله من وصلتي
مكسورة بس وگفت زلم وگفتـي
وانطيتي مرتين
محسن والحسين
ـــــــــــــــــ
يطحون وتصيحن إخذ ياربـي الاولاد
حزنچ ملائكة السمه وگفَتْ له تعداد
لچمات بالذر چـان الچ بالدنيا تنعـاد
أصعبـها گدامـچ علـي بحباله ينـگاد

بركان صرتي و بالذر إنتفضتي
عالوِلِد ذيـچ السـاعـة ما سِألتي
إنسيتي والوِلِد وين
محســن والحسـين
ـــــــــــــــــ
مو فقط سيّدة النِسِه سَيْدَه إعله الإزلام
لوما وَگفتِچ والضلع چا ماكو الإسلام
ممنوحه لچ رتبة نبي بس دورچ إعلام
بالمغتسل چان النبي وشدّيتـي لحـزام

وحي المصايب من نزل عرفتي
گلالـچ إقـري وبالحــزن قرأتي
وحطّيتي إسمين
محسن والحسين
ـــــــــــــــــ
چان التعامُل عالحجـم ذلّيتـي الأذنـاب
گطره بگصصهم ما بقت من دفعوا الباب
ذبّيتي دنيـاهم وره وقدّمتــي أبو تراب
الله إصطفاچ وقدّمچ مو شغلـة أنسـاب

چانت المريم وانتي بيها فزتي
و انخلق كلشـي لمّـن إنخلقـتي
يالشلتي جرحين
محسن والحسين
ـــــــــــــــــ

مهدي التقي

بعــد طــه النبــي الزهــره نودعهــــــه
وعمــر ورود عاشـــــت ياهــو روعهـه
زهراء بنت الهادي = زهراء بنت الهادي
*******
يتفاحـة جنــان البــاري وأهداهـــــــــه
لبوهــه وصارت أمــه وروحه وياهــــه
من تجبــــل عليــه ينهـــض تلگاهــــه
ويقبلهـــه ويگــــول البــاري رافعهـــه
زهراء بنت الهادي = زهراء بنت الهادي
*******
وصدر أمر الجلالــه وبزواج النور
وزفتهـــــه ملايكة السمه والحور
لعد بيت الصميده اللي صبح مسرور
سبحانه الجليل شلــون زارعهـــــــه
زهراء بنت الهادي = زهراء بنت الهادي
*******
يابضعـة محمــد واسمــچ الزهــــــره
زهــه أبيت الرسول وزايــد ابفخـــره
ياهــو ايريد جنـه ابدنيـه خـل يقــره
هــأي الجنــــه هلــّت من منابعهـــــه
زهراء بنت الهادي = زهراء بنت الهادي
*******
وأجــوا أهـل السقيفه اليـوم هظموهه
وبيــن البــاب والحايــط يعصــروهــه
وبسمــار الضلــع ياويلـي صوبوهـــه =
عـزيــزة حيـــــدر أوتجــري مدامعــه
زهراء بنت الهادي = زهراء بنت الهادي
*******
رجـف گلـب الصميده اهتزت أوصاله
ومد أيده أعله سيفــه ورافض الحاله
لچنــه اتذكــر الهــادي ولمـن گلـــــه
وصـيتي ليـك ياحيـدر تراجعهـــــــه
زهراء بنت الهادي = زهراء بنت الهادي
*******
التفـت حيـدر للزهره ودمـع عينــــه
أخـــاف أعلـه ألأذان ومـا تسمعينــه
مــاعــاش الوصـل يمــــچ ولايمينـه
اشلهه وبالفقـار أنـــــوب أگطعهــــه
زهراء بنت الهادي = زهراء بنت الهادي
*******
مكسـوره الضلـع والعين تسچب دم
وسگط مُحسن يويلـي والگلب مغتم
نزفت كـل عمرهـه بس مرارأووهم =
وكـل ساعه النذل يمهه ويصدعهــه
زهراء بنت الهادي = زهراء بنت الهادي
*******
على فـراش الممـات أتحاچي بفضه
تگلهـه لو سكن صوتي وگظه حظــه
ولــو گلبي يفضــه من سكت نبضـه
بذيچ الساعـه گولـي الموت صارعهه
زهراء بنت الهادي = زهراء بنت الهادي
*******
نسألكم الدعاء
خادم الحسين ع
الحاج ابو ياد البيجاوي

فاطمة الــــــــزهراء سيدة الــــــــــنساء
يا فاطـــــــــــــــــمة يا فــــــــــــــــاطمة
*****************

يا ابنة النور الــــــعظيم الما عرفنا اسراره
بضعة محمد فاطمه وانتي السراج بداره
انتي السراط وحكمته وانتي العلم وانهاره
ما تعبج طول الصبر دمع الزمن يتــجارى

آنسية حــــــــــوراء
سيدة النســــــــــاء

فاطمة الــــــــزهراء سيدة الــــــــــنساء
يا فاطـــــــــــــــــمة يا فــــــــــــــــاطمة

،،،،،،،،،،،،،،،،،،،،،،

گالاهه ربج فاطمه ارضى لرضى الزچيه
يعني انتي جنه محبتج خل تسمع البريه
واقع نعيشه ونلمسه معروفه هالــقضيه
علفطره حبكم بالكلـــــب بالاورده النقيه

موسوعة الارجــــاء
سيدة النســـــــــــاء
فاطمة الــــــــزهراء
سيدة الـــــــنساء
يا فاطـــــــــــــــــمة
يا فـــــــــــــــــاطمة

،،،،،،،،،،،،،،،،،،،،،،

انتي ومحمد والحسن وحســــين ويا الكرار
وي نوركم نور العرش ما اعــتقد جنتو بدار
معقوله حيطان وارض حملت عظيم الاسرار
يراد عالم من ندى يفهم طـــــــــريق الانـوار

يا دولة الــــضــــياء
سيدة النســــــــــــاء
فاطمة الــــــــزهراء
سيدة الـــــــــــنساء
يا فاطـــــــــــــــــمة
يا فـــــــــــــاطــــمة

،،،،،،،،،،،،،،،،،،،،

ليهسه حاير عالمي والحكمه ما واعــــيها
راح اسـأل ودمعي نهر واتجاوزت وادريها
من ينكسر ضلع الشرف ليش الله ما يفنـيها
دمعّ ضميرالقــافيه وماتت حزن تاليهـــــــا

شعري بـــــــلا رداء
سيدة النســــــــاء
فاطمة الــــــــزهراء
سيدة الـــــــنساء
يا فاطـــــــــــــــــمة
يا فـــــــــاطــــمة

،،،،،،،،،،،،،،،،،،،،،،،

ربانا حبــكم بالمهد مثل الحـــلم مــر بينــــه
من نصحى نلكاكم امل ياخذنــا ويـــــــــدلينه
عترة محمد قافله لدرب النصــر تهدينــــــــه
نتسمى بيكم للابد شيعــــتكم اتســــــــــــمينه


يا لوحة الابـــــــــــاء
سيدة النســــــــــــاء

كلمات الخادم
رعــــــد الفريــجي

يا دنيا زهراء عجيب وما عرفتيني
مني خذيتي بنيني وما رحمتــــيني
لهسه گلبي ملچوم
ينزف حيره وهموم
ما رحمـــــــــــيتي

*******************

بديــــتي بوالدي وعذبــــتي حالي
هذاك العشت ويـــــــــــــاه بدلالي
من اديه يروح بس الهم صفـالي
دمعتي تعـــــــيش ويشيب خيالي

يبويه من الحزن ما تدري بيــــــه
بعد عينك يغالي منهو اليــــــــــــه

ما اوصف الحال شكلك يا ضوه عيوني
تمنيت انا وياك يبويه لو يــــــــــدفوني

دمعي يبقى للدوم
ينزف حيره وهموم
ما رحمتيـــــــــــني

،،،،،،،،،،،،،

على الكرار ما يــــــــــبطل ونــيني
يباوع من وكع مني جنيــــــــــــني
انكسر ضلعي يحــيدر ما تجيــــــني
شكبر صبرك تشوف دموع عيـني

يــــــغالي بحســرتك بـــاوع عليـــه
ثكيله وأذتك حيل الوصيــــــــــــــه

بضلوعي بسمار يحيـــدر ضل يأذيــــني
يا عصرة الباب احسها الخطفت سنيــني

ابني مخضب دموم
ينزف حيره وهموم
ما رحمتيـــــــــــني

،،،،،،،،،،،،،،،،،،،

على المسمـــوم ابني الما حضــــرته
يموت وبالطشت طاحت جبــــــــــدته
الحسن مظلوم والشاهد دفنـــــــــــته
رموه سهام من شيعو جثتـــــــــــــه

غريب شلون يوليــــــــدي بزمــانـــك
مثل حيدر ابوك الزمن خانـــــــــــــك

اعذرني ما جيــت واشمك من يــدفنونك
وابحضني اخليك واغمض بيدي عيونك

واصرخ ابني مظلوم
ينزف حيره وهموم
ما رحمتيـــــــــــني

،،،،،،،،،،،،،،،

اصيح حسين شو ما رد عليـــه
جنت يمه أون بالغاضريـــــــــه
شفت سيف الشمر واسوى بيه
يطبر بيك بس بيــــــــه الاذيـه

سمعتك من صحت يا يـــمه ويــنج
ولو محتاجه انتي الي يـــــــــعينج

ما احضر شلون واشوفك على الترب دامي
وتكلي زهراء تعالي وجمعي ايــــــــــــتامي

صدرك يمه مهشوم
ينزف حيره وهموم
ما رحمتيـــــــــــني

،،،،،،،،،،،،،

يـــزينب ساعه وحده ما تركتــــج
انا بكل خطوه ويـــــــــاج بغربتج
الم بايـــــــــتامج وصدكي فكدتج
اظن فوك الكفل الگاهه جثتــــــــج

تموتـــين اعلى صدره بهالمسيه
وتكليله يخويه منهو اليــــــــــه

يخويه ظلام ولوني وما فزعتـــولي
اصرخ يـعباس غريبه وما اجيتولي

انهض يا بطل كوم
ينزف حيره وهموم
ما رحمتيـــــــــــني
،،،،،،،،،،،،،،،،،،،،،

ظلم يــــتبع ظــلم يـــــجري عليـــنه
قتل سم وغدر غيره شجنيــــــــــنه
بارض سـامره شفت بهالمديـــــنه
مراقد هدمــوهه وهوت بيـــــــــــنه

گبر العسكري والـــهادي مهـــدوم
عليه عيوني نزفت حيره ودمــوم

نفسه اليفجر كسر ضلعي ودفع بابي
اهل السقيفه نهجهم نهج الارهابـــي

نصر المهدي محتوم
ينزف حيره وهموم
ما رحمتيـــــــــــني

كلمات الخادم
/ رعـــــــــــد الفريـــــــــجي

قصيدة بحق الزهراء عليها السلام خطاب الحسين والزهراء

اليفكد امه شلون يغفه واليل قاسي وجيته كلفه
يمه ليش نگطع صوتج
يمه يگطع الكلب موتج
*************
يايمه هذا الچنت اخافن منه اجاني
موتج يبعد رويحتي طرني وعماني
وحشه الحياة ابدونچ اومُره ابلساني
چا ليش هذا الموت اخذها وماخذاني
*************
حزن الگلب مگدراوصفه واليل قاسي اوجيته كلفه
يمه كلمــــيني امروتچ
يمه يگطع الكلب موتج
*************
يايمه ضحكاتي وعلي يمــــــج عفتـهه
ابكبرچ دفنت افراحي والضحگه الردتهه
يا ذكريــــــات ايام امــــي الودعتـــهه
ياكلمت الام الحـــــــنونه الي فكدتهه
*************
مگدر اشوفچ بعد وسفه واليل قاسي اوجيته كلفه
يمه جدامـــــي تابوتچ
يمه ايگطع الگلب موتچ
*************
يايمه انه حسينـــچ المايـــــــــوم اذاچ
چا ليش صوتچ ساكت اوموهذا ملكاچ
قرانچ ليقرا الفچر شوســـــاكت ويــاچ
كلميني مو روحي اطلعت ماكدر انساچ
*************

مجروح كلبي شلون يشفه واليل قاسي اوجيته كلفه
يمه اذانــــــي اسكوتج
يمه يگطع الكلب موتچ
*************
مهدود حيلي عليچ يالرحتي اومشيتي
ملچومه حيل كلوبنه اومحزون بيــتي
نذرن عَلي ريحان اطشن لوجـــــيتي
الله ييمه شلون رحتــــي اوغربيتــــــي
*************
يمه الدهر بيه ايتشفه واليل قاسي اوجيته كلفه
يمه يَبجي دمه قنوتچ
يمه يگطع الكلب موتچ
***********
ياسالفه الماچانت على البال تخطر.
فگدچ اوكسر ضلوعج شلون تفسر
روحچ انه نظر يمه يم الباب تفتر
يم مسقط المحسن الطاح الله اوگبر
***********
ياگلبچ المليان رهفه. واليل قاسي اوجيته كلفه
يمه منهو الذي يعودچ
يمه يگطع الكلب موتچ
**********
الشاعر فلاح الفكيكي

#لمولاتي_الزهراء

كل ليلة..يم گبرچ اتعنه بهضم
واحچيلة..وبجروحي يا زهره اضم
ها ياللحد..بلكت ترد
الجانتلي كلشي وحته ام..كل ليله
____________________________
هذا انه التحبي صدگ..حاچيني يا زهره
من عگب عشرتنه صرت..اوية المگبره عشره
امنيتي اشبگ مُحسنچ‌..مو اشبگ بگبره

عايش على قيد الدمع..
كسرة گلب كسر الضلع
مو فاطمه الي تندفع..ومحد يحاميهه

اتذكر..من صحتي ادركني علي
وتحير..وبس دمعتي تبقه الي
ها ياللحد..بلكت ترد
الجانتلي كلشي وحته ام..كل ليله
____________________
انه علي بس مو علي..يم گبرچ اتغير
حصدو خضارچ بالخشب..وبس ثوبي باقي اخضر
شما اشتم تراب الگبر..بيه الجرح يكبر

ومكسور من يمچ ارد
واتراب بيدي امن اللحد
بنص بيتنه الكله البرد..بترابچ ادّفه

متغير..وبعيوني مرسوم الحزن
متحير..شيصّبر اجروحي التحن
ها ياللحد..بلكت ترد
الجانتلي كلشي وحته ام..كل ليله
____________________
نقص بحياطينه دفو..ومابي ضوه بيتي
كل ليل ما بي فاطمه..يوازي الهوه بريتي
وضل حالي جن حال الشجر..بتراب عافيتي

يا بت محمد مختنگ
بكل حرگة عالباب انه ادگ
ويتلف جفوفي الحرگ..التلّف اجفوفچ

نيرانه..تركت على جفوفچ اثر
وهذا انه..العفتيني وحدي اويه السهر
ها ياللحد..بلكت ترد
الجانتلي كلشي وحته ام..كل ليله
____________________
وگلبي يدفعونه بقو..كلما يدفعونچ
يا فاطمه انه علي ..مشتاگ لعيونچ
مو زين حالي والمهم..شحوالچ شلونچ

يا اخر سوالف هلي
هم مثلي تشتاگين الي
دورتي لو لا عن علي..وحنيتي لأيامي؟؟

يم بيتي..نتگاسم المي والهوه
حنيتي..لايامنه الچنه سوه
ها ياللحد..بلكت ترد
الجانتلي كلشي وحته ام..كل ليله
____________________
يا حيلي بس حيلي اندفن..وعايش على عطرچ
الخلني ليهسه عدل..المي والهوه وگبرچ
اشكد تارس اترابچ بچي..بكد ضييم البعمرچ

ضلع العرش ضل منكسر
يا ستر للماله ستر
بثايبي ضل عطر الگبر..عطره اليهديّني

يا زهره..وي موتتچ كل موتتي
وشيصبره..الضايگ وجع من غربتي
ها ياللحد..بلكت ترد
الجانتلي كلشي وحته ام..كل ليله


مصطفى صادق اللامي

عن علي ماظامه طول العمر..
فاطمة ظمت جفنها المنسطر
وعن علي ظمت ضلعها المنكسر
.. تخاف من يشوفه حيدر يلجم
///////////
تكله يابو حسين ظميت الظلع
وعله عيني تشوف جفمن منطبع
خاف من تشوفه كلبك ينوجع
… ومثل ضلعي ياعلي هم ينجسم
..///////////////

اتكله اعذرني يحماي الحمه
ماتظم عليك تدري فاطمة
ماتريد اتشوفها متالمه..
..اتكله اخاف عليك حيلك ينهدم..
..//////////

خاف توكع ياعلي يابه الحسن
من تشوف ضلوع من عندي التِوَن
من ألمهن جنهن بنار انجون

وكل ضلع مني يبو حسين انثلم
///////////////

من اسمعك تجي بطلت الونين
وادري بيك اتون يبو كَلب الحنين
بيه مابيه اظم عنك جنين

ردت اظمه بروحي لاجن ماسلم

////////////

وابد ماظميت بس عصرت الباب
وما اسولفلك علي كل المصاب
كلت فاطم ردوا بعصره الجواب..

وإن كال وكسر ضلعي وانتقم

////////////

خاف اسولفلك عله الصار وجره
وادري بيك تموت بالهم حيدره
اخ لو شفت الضلوع مكسره

وجفني من السطره ياحيدر ورم

////////////

ياعلي كل ذني ريتك ماشفت
واني بس إعليك ياحيدر خفت
زينب خلافك علي المن عفت

وتنتظر زينب سبي وحرك الخيم

////////////


نسالكم الدعاء

احمد الطيب الحلي

هالليله ماتت
أمي اللي جانت
أرويحة حلال .. أرويحة حلال
* * * * *
صال . أبو الشر وكومه الاشرار
يريد . أعلينه كلنـه يحرك الدار
ليش . وشنهي المسوينه ياناس
وهيج . أيتجازه النبي المختار
كلوله كومــه     كل ظنهم يحن
الزهره بالدار     كللهــــــم وإن
كسروا ظلعها     خلوهــــا تون
* * * * *
شلون . أكدر أنسه عملة الباب
آه . أكبال عيني صـار المصاب
آخ . من شفتهـــا طاحت تلوج
الروح . مني راحت والكلب ذاب
صاحت يفضه     وكــوه تنسمع
أعليــه الحكي     ياذينـي الظلع
تعاين علينـــه     ويتجاره الدمع
* * * * *
الصار . أمي تحجي وياي بونين
اتكول . راح وحدج يمـه تبقين
وراح . بنتي يازينب أوصيـــــج
كون . مثلي أريدنـــج تصيرين
لمي أخوتـــج     وألهم صيري أم
وعينج عليهم     ليمسهم هظـم
خوفـي عليكم     من أهل الظلم
* * * * *
دموع . حكــــج تصبين ياعين
راح . كل حنان ويه أم الحسين
الام . محد يعوضها هيهــــات
وين . مثل الام أم تلگــي وين
آه يالحنينــــه     يايمــه صحت
دهري فجعني     بدلالي انصبت
من ماتت أمي     يعني آنه متت
* * * * *
ليش . الموت ياخذ بس الاعزاز
يروح . كلمن النظراتـــــه نعتاز
كون . ويه أمـــــه ابنادم ايموت
ولا . يبقى بنعشها يمشي جنـــاز
الماتت أمــــــه     شله بالعمــر
كل عمره يبقى     كلبه منكســر
يكتل فكدهــــــا     ميفيده الصبر
* * * * *
                             سلام المشعل

في حق الزهرا۽ الطاهره. ع


من تغسل اجنازتي يحيدر
بليل. خله. دفنتي يحيدر
بيدك. احفرلي كبر.
وخدي وسده المنسطر
يحيدر

--------------------
من تغسلني. يحيدر بهيده وياي
الماي لودرته علكيفك ديره بهداي
ظلعي مكسور ويلجمه تعرف الماي
ياعلي والظلع بيه. امثر. اهواي

ظلع بيه. منهشم. يوالي
خاف جرحي يلجم يوالي
لفني بيدك بالجفن.
وجري ادموع الجفن
يحيدر

---------------------
تدري. ظلعي منهشم. والعله. كلفه
ياعلي وجرح البصدري شلون اوصفه
منل الجفن عاين الخدي وشيل طرفه
هذا. حالي . ياعلي. لازم . تعرفه

لو ردت تحفر. كبر. اوصيك
الصبر يامحله الصبر. اوصيك
تهيل بيديك الترب
وجرح البكلبك صعب
يحيدر

--------------------
كبل ماموتن. انه. اسمع. وصيتي
بليل ياحيدر علي خله. دفنتي
انه ادري. رايحه وكربت منيتي
ويظل خالي لو رحت من بعدي بيتي

تدري ظلعي منكسر. اخبرك
حيل. وسعلي الكبر. اخبرك
والله ياذيك الهجر
شايل اهموم اشكثر
يحيدر

--------------------
من تخلص دفنتي ارجع تتانيك
بنتي زينب ظلت ابحسرته اعليك
ودري هذا الحجي ياحيدر يذيك
عينك عله ام المصايب من تلاكيك

ياعلي يفطر الكلب بجيه
وتبقه مابين الغرب بجيه
يكبر وياهه الحزن.
دوم مهظومه وتون
يحيدر

---------------------
ياعلي ولتفكد امه تعيش بحزان
دوم حسرته ابكلبه وبيه نيران
وبنتي زينب فاركتني وظلعي نيشان
بكربله باجر اسيره بين عدوان

تمشي ابدرب اليسر. سبيه
ينسلب منه الخدر سبيه
مجتفه اديه بحبل
يركبوهه عله الهزل
يحيدر

------------------------
الخادم
رحيم الصالحي