عظم الله الأجر
ماتت ابلطمه او كسر
@@@
فاطمة الليله گضت
وبالكسر لله مضت
ومن نظرها غمضت
حيدره الونه يجر
@@@
المالها شبه او نظير
بضعة الهادي البشير
امدده فوگ السرير
مفتته ضيم وصبر
@@@
حيدره ينعى الرسول
ماتت الليله البتول
والدهر بعدك جهول
من بني گوم الغدر
@@@
كوكب الدري المنير
ماتت بضلع الكسير
وحيدره بحزنه اسير
وجرحه لا ماينجبر
@@@
شلون فاطم تندفن
بوالحسن محني ويون
ولا نظيره بالحزن
شبك ابحزنه العشر

@@@
شالها للمغتسل
ومدده الجثه ابمهل
ابكل جرحه دمعه نزل
وناح خدها المنصطر
@@@
جهزاها أم حسن
عاگد اخيوط الچفن
لنه ضلع امن الوهن
حسه من صوب بالخصر
@@@
عينها الحمره ابدمه
والمتون امألمه
اشصار بيها فاطمه
وذاك عاصرها عصر
@@@
زهره والعمر ابشباب
وسدها بالتراب
ولذكر وابلا حجاب
هاجم اعليها الكفر
@@@
امبلغ آيات او سور
عينه بالمدمع نهر
وسداها اوماگدر
مغشي طايح عالگبر

@@@
علي احمد الحمود
٢٢-١٢-٢٠٢٠
شهادة الزهراء ع

آنـــه خـــادم فاطمـــة ليــوم المنيــة

1
آنـه خادم فاطمة وباقي أعلـه عهـدي
غير هاي الخدمة كلشي ماكـو عنـدي
اوصيتـي بيــدي كتبتهــا لولــد ولـدي
مـن الــولادة بالزجيـة الزهــرة أبـدي

أغتنمهــا فــرصتـــك وأخذ الوصية

2
الخدمـة تـاج وبالسمه السبعة طرقهـا
مملكــة وياعاشـــك يوصــف عشقهـا
كــون إلــي يحصلهـا ميقصــر بحقهـا
إلــف هنيالــه الــذي يحضــه برزقهـا

الخدمة نعمة من العلي وأعظم هدية

3
الينطي عمره بخدمته ويرخص وريده
هـذا أبــو الحملـــة علـــي يأخــذ بأيده
الشاعـر اليكتـب علـى الزهـرة قصيدة
قصـــر بالجنـــة ألــه وعيشــه سعيدة

يحصل أعظــم مرتبـــة عنـد البرية

4
خدمتـي بـس هــــي ماعنـدي سواهــا
بفضل فاطـم نجمــة سوتنـي بسماهــا
أنصحــك بالخـدمـــة يبنـــــادم تباهــا
دنيتــك أتــركهــــا لاتمشــــي ورآهــا

هــاي دنيـــا فانيـــة كلهـــا آذيــــه


5
بيـك مابيـك أستمــر وأحيـي الشعائـر
والتعـب هـذا التعبتـــه تحصـده باجـر
احنــه ربتنــه المجــالـــس والمنابـر
هــذا درب الخدمـة ساكـن بالمشاعـر

بالحشـر هـذا العشـك هـو الهـوية

6
لقبري منكـر مـن يجـي باجـر شكلـه
وآنه شنهـو جوابي مـن يلكاله خلـه
آنــه خـادم فاطمـة بـس هــاي أكلـه
هو راح يكلـي أبشــرك كلهـا سهلـة

بيك وصت فاطمة وحامي الحمية




7
شكـــراً وألـــف أنعــــم الله يالزجيــة
منزلــة وهيبـة وفخـر سويتـي إليــه
عهـد منـي وخـدمتــج تشهــد عليــه
بالمجالــس بـاقــي حـد يـوم المنيــة

آنه وأصحابي وهلـي نخـدم سوية

بغداد
امجــد صاحــب الشطـــري

قـسمنـه بشرفنـه بخدمتج وفــايــة

1
كـل أحنــا يالزهــرة مـــانتــرك العبــرة
وبمجلســــج نقــره والدمعـــة تروينــه
تلكينــــــه لطامـــه ويـدينـــه عـلقامــه
واليكسـر اعظامــه هم ينطي ألج عينه

هل الشعور بدمنه يــزهـرة يــزهـرة
والــــذي يـمنـعنه نحـــذره نحــــذره

ضمايــر مشاعـــر تــوافــي بحجايــه


2
بالماضي والحاضر أسمـج نجــم صاير
خدامـــــج أتفـــاخر بكل مجلـس تعاهد
يالزهــــرة نتمنـــه ينـزف حبـر دمنـه
نصطف نعم كلنــه واحــد وره واحــد

ولـــدج تعرفيـهـــا عــوابس عــوابس
لـلأبـــــــد تحيهـــا المجالس مجــالس

المجالــس مــدارس نجيهــــا مشايــــة

3
اليبجي بإحساســه وحبـــج بـأنفاســه
عالي يظل رأســـه يتفـاخــــر بحبــــه
كل أحنـه هم مثلـه بخـدمتنـــه نتعلــه
المايرضــه بالذلـة احروفـــج بقلبـــه

كل عمرنه ابابـج محبيــــن محبيــــن
مانعوف مصابـج والحسين والحسين

أمـــــــانة بـــدمــانه وبـــدينـه هل الراية

4
كـل دمعــة نجريهــا أنتـــــي التسجليهــا
مـــذخـــورة خليهــا تنفعنــــه بالمحشــر
لــو نتــرك الخدمـة مـانشعــــر بنعمــة
لكـل البشـر رحمـة هاذي أنتي يم زينب

أنتـي يـوم المحشر هــوية هــوية
واكفه أعله الكوثر زجية الزجية

يحــوراء يزهــراء جفوفـــج عطايـــة

5
نقسملــج بحيـــــدر لـــو كلنـــه نتــــوذر
عنـــــــج منتكتــــر عــن أسمـــج أندافع
اليبغضـــــج مـــرة مـايــربــــح بعمــره
تعثرينــه يالزهــرة هـــــذا هـــو الواقع

وينــــه اليـــلاوينه نريـــــده نريـــــده
نخلي أصبـع بعينه ونبيـــــده نبيـــــده

على موت نجي نفوت تره احنه الشرايه

6
باجـر يجـي المهدي وبهــل البــدع يبدي
بركب النصر يحدي وقبــرج نجـي يمـه
والحضــرة نبنيهــا ورايــــــة نعليهـــا
جلمتنـــــه نوفيهــا وترابـــــج نشمـــه

نقرالـــج المقتــــل مــن أنـزور مــن أنزور
ونلطــم ولانخجــل على صدور على صدور

بحضرتج نذكــرج نســـوي اقــرآيه

شطره
امجد صاحب الشطري

#ابوذيات شهادة السيده الزهراء صلوات الله عليها ولعن الله ظالميها

يصب دمعي دمه ماشــوف بُدله
صعب كسر الضلع جم حيل بادله
علي يابويه گتله البــــــــاب بدله
خفت لا اموت گبل الغاضريه

يمهدي بحسره انشدنك عن امك
صدك بالعصره ماواحد عان امك
شفتها طابت امورمه عين امك
الاشد صطرتها لو صطرة رقيه


اذا تنشدني عن زينب شبيها
الحزن جانون بعد امها شب بيها
الونين الونّتــــه مــاون شبيها
بس حسين حدر الاعوجيه

لاتنسون امام زمانكم بالدعاء والبكاء

علي محسن الزيادي

حوارية الوفاء
بين زينب
وبين شيعتها
الاهداء
الى الذين استشهدوا في الدفاع
عن حرم السيدة زينب عليها السلام

،،،،، القصيدة ،،،،،

أحبال ماترجع بعد تنشد بادية
الله عوضني السبي بشيعة وفية

— ربي شكرًا

—————————-

انه اشكر شيعتي كلها الاجتني
من درت سوط الشمر رد اعله متني
خفت لا يرجع شمر ثاني ويسبني
انه اشكر شيعتي الجت وحمتني

ذوله أوتاد الارض وأهل الحمية
الله خالقهم الي ولابن الزجية
— ربي شكرًا

—————————-

احنا يازينب الج مرخوص دمنا
الج مرخوص العمر مو بس دمعنا
احنا أقسمنا لعلي زينب شرفنا
ان جان زينب تنسبي شلنا بعمرنا

بعد مايرجع سبي وتبجي رقية
نموت كلنا ومايرد ديوان أمية
— ربي شكرًا

—————————-

رادوا إنوب انسبي ويرجع زماني
ورادوا اعله النوگ هم يرجع مكاني
وأقسى من ذاك الشمر هلمره جاني
شعدها زينب باقية والمن تتاني

اليوم اردج والله يازينب سبية
وبذني اسمعه من صرخ ياخارجية
— ربي شكرًا

—————————-

اليوم جم شمر بشمر زينب سحگنا
الْيوم فهمنا الفهم إِنَّ عاد عدنا
احنا اخوتج هذا يا زينب عهدنا
احنا يامنصور أمت جانت مددنا

احنا جندج لو رجع يل الهاشمية
بينا شمره من الكمر غيره وحمية
— ربي شكرًا

—————————-

وين جنتوا بكربلة ومن سار ظعني
وين عني من شمر ورملي متني
وين جنتوا من طبگ ياشيعة جفني
ليش ما واحد حضر من حان دفني

وين جنتوا بموتتي وحين المنية
وليش خلف جنازتي التمشي اجنبية
— ربي شكرًا

—————————-

إنتي أغلى من النفس زينب علينه
احلى دمعة احنه لو زينب بجينه
وجنه كلنا انوار وبنعشج مشينه
وريحة اترابج بكت لسه بادينه

هناك من طينج ختمناها الهوية
زينبية — زينبية — زينبية


عبد زينب
ابو علي
عبد الحسن القريشي

مقدمه مجلس

ابچي وأون صبح ومسيه
كسرو ضلع امي الزچيه
.........

أنه المتـألّـمـه زينب
انوح لفاطمه وانحب
عليمن امي تـتـعـذّب
عجيبه تنطگ وتنسب

عصروها اهل الجاهليه
كسرو ضلع امي الزچيه
........

تطيح وبيدي الزمها
يسيل امن الضلع دمها
جرح كل لحظه يلچمها
وابنها اللي وگع يمها

من ساعته شاف المنيه
كسرو ضلع امي الزچيه
........

زغيره وبيها فجعوني
مصايب امي راووني
يريت وياها عصروني
اصيح بدمعة عيوني

ما تنفع الونّه الخفيه
كسرو ضلع امي الزچيه
........

الحبيبه فاطمه امي
بحضنها ينجلي همي
احب من تنده باسمي
تظل ويّايه كل حلمي

صبح ومسه تنشد عليه
كسرو ضلع امي الزچيه
........

من كسر الضلع سلّت
تون وتبچي ما ملّت
بيّة الغاليه شخلّت
عيني عليهه دم هلّت

ما تنحمل هاي الاذيه
كسرو ضلع امي الزچيه
........

ظلعها الينزف وكسره
هضمها وماتت بحسره
بچه عليها النبي بگبره
وعلي الظل ينحب بصبره

شيّعها حمّاي الحميه
كسرو ضلع امي الزچيه

سيد زيد الفحام
__________________

# شور

ناحت لها الأسماء... الأموات والأحياء
نادت أيا زهراء... وا ويلاآه
.....................................
بِسم آلله.. بِسم فاطمة .
وا ويلاه.. صرخة السمة .
خلف الباب ضلعج أنهشم
بِسم ال آه .. دمعتج دمة

كون أكسر الضلعج ضلع.. يازهراء
هاي الليالي للمحب .. عاشوراء
أبسمار كون الطم ألج وأعمي أعيون
وأجزع وأهيم من الجزع .. بالبيداء
..............................................
بجرح الباب ... خاطري أنكسر
دم وتراب... أرسم الصور
بالبسمار واضح الألم
نار أمصاب... تكشف الأثر

هايم وأجيت المأتمج .. نيتي أدموع
وبراسي هوسة وحادثة.. كسر اضلوع
وبكلبي أحسنهة تشب نار الباب
بابج ثكيلة فاطمة... وكلهة أجذوع
...............................................
عندي احساس... يشبه الالم
عالبسمار ... ينكلب سهم
هاي النار بيهة مشكلة
باجر خاف . تحرك الخيم

باجر يحركون الخيم ... والنسوان
باجر تشيط من الفزع .. بالميدان
باجر حوافرهم ترض صدر حسين
باجر يفرون الخدر ... بالبلدان
................................................
المحسن طاح... أية من سوّر
صوتج صاح... ياعلي انكسر
ضلع حسين والطف اقترب
والذباح ... يكطع النحر

ضلع ابنج وضلعج سوة... بالتكوين
وعباس لعيونج طلع ... ينطي العين
عبدالله قربان انذبح والمحسن
بالباب مات وماعرف ...رايح وين
.................................................
تمت- الحمدلله
✍-حسين حمدان الدلفي

مولاي الحسين ص بفراق امه فاطمه الزهراء ص


هذا اصعب اوداع.... عگبچ يتيم احسين
كل العمر ضاع..... مثلچ اجيب امنين
يافاطمه نسمه هوه
رحتي ورحل مني الضوه


_________________________________

يمه انشدهـ بالي..... ابنچ انا الغالي
ياوحشت افراگچ.... تهضم صفت حالي


عتبي عالباب الذي يكسر ضلعها
امي نسمه شگد صعب صاير وضعها
ينزل بحيره وندم صاااااير دمعهاااا
وسفه ما عنده رحم ذاكه الدفعها


ما تحمل شلون...... ليش انسطر خدها
يا زهرت الكون...... صار العمر ضدها


خدي بدمع كله انچوه
رحتي ورحل مني الضوه


1_________________________________

اهواي انجرح گلبي..... ياحيرتي وتعبي
اضلم صبح كلشي........ يمه خلص صبري


بعيني شفت الفاجعه من ضربو امي
زغير عمري بس لچن حرگولي دمي
راحت امي يادهر ماهيه يمي
من هسه بانت غربتي وتغير اسمي


ردتچ تحضرين..... بعاشر كسر ضلعي
يا ام الحسين..... كله اختلف وضعي

ردنه العمر كله سوه
رحتي ورحل مني الضوه


2________________________________

بس الدمع عندي..... اسهر صرت وحدي
منچ تجي صوره....... وركض ركض وبچي


امي يا اجمل وطن هاجر دليلي
خضر اغيابچ دمع خلصلي حيلي
ليش راحت فاطمه احچي يليلي
انباگ من عيني الضوه وخلالي ويلي


البيت اشتعل نار..... وامي ورد كلها
ما يرهم الصار....... كلشي انگلب ضدها

كسر الضلع ماله دوه
رحتي ورحل مني الضوه


3_________________________________

يا هضمت الفرگه....... البروحي مختنگه
شلون اصبر بدونچ...... يم روحي متعلگه


يرگض بروحي الحزن يلچم عذابي
البسمار هم شامت طلع زيد مصابي
ورده امي وذوبلت كلها اعله بابي
ومحسن الچنه نده زيد صوابي


مثل الحلم فات..... محسن ذبل وسفه
اول حلم مات ..... ورسومه مختلفه


من عيني شوفه ماروه
رحتي ورحل مني الضوه


4________________________________

كسر الضلع طبعه.... كلش صعب وضعه
ما تگدر الگومه ...... بحاله شكثر صعبه


اه ياكسر الضلع ياهو اليجبره
فوگ حالتها الوجه مرسومه صطره
اخ من گد التعب حالتها مره
تگلي يمه منل الضلع انفاسي جمره


غمضت بعد عين.... راحت بعد مني
بعدچ يضيع احسين.... وصار العمر حزني

اصعب جرح يم نينوه
رحتي ورحل مني الضوه


5_________________________________

خادم الزهراء ص

✍️#محسن الباوي

__________________________________

قصيده في حق الزهراء ع
سكوت @ يستِمع حته السَمِع
سكوت @ ساعة الكسرو ضلع
ومن عِله صوت الزجيه @ انطرشت اسماع البريه
سكوت @@ سكوت
@@@@@@@@@@@@@
ساعة الباب اندفع عالطاهره
كلشي مانسمع فقط صوت الكسُر
مخفي صوت الونّه رغماً عالألم
بس علي وفضّه السمع صوت الطهُر
نزلت الدمعه وتحامي عن سترها
ماتحسّ برمشه لن قنفذ سطرها
جنين @ شالته الغيره وفزع
جنين @ لمّن انعصرت وگع
ناده أدّيت العليه @ انطرشت اسماع البريه
سكوت @@ سكوت
@@@@@@@@@@@@@
كلشي شافو عالأرض بس هيه لا
انحجبت أنظار البشر عن فاطمه
دخلو البيت النبي ماكو إنس
بس اكو سبحه وعله الحايط دمه
ثاري من عصروها بسمار بصدرها
فيّض الكاع بدماها وحل قدرها
تموت @ قررو كل مايلي
تموت @ وينكسر ظهره علي
ماكو من ذرة حميه @ انطرشت اسماع البريه
سكوت @@ سكوت
@@@@@@@@@@@@@
كلشي ما لمحو عليها بس سواد
ياهو كال بلا حجاب ولا ستر
نفترض هاي الإشاعه لو صحيح
شلون كاع الله وسماها تستقر
امن انصلب عيسى انرفع بي شبّهوله
شلون خدر الله يظل يتفرّجوله
تثور @ تنطبگ سبعه ب أرض
تثور @ الدنيه كلها تنقرض
امخدره تبقه الثريه @ انطرشت اسماع البريه
سكوت @@ سكوت
@@@@@@@@@@@@@
اتجاهلو كلشي ولاچن إلها صوت
وهوه صوت الزهره هز حته العرش
إي وإن بنت الرسول وبضعته
مانروح إلاّ نشوفج بالنعش
فاطمه ماكو نبي ماكو إمامه
يعني عالوالي علي إقري السلامه
بيوت @ حيدره ماتعتمُر
بيوت @ مانخلّي إلهم ذِكُر
تنحسم إلنه القضيه @@ انطرشت اسماع البريه
سكوت @@ سكوت
@@@@@@@@@@@@@
ماكفه عصر الزجيه والكسر
اتجسر الطاغي وضربها بالرمح
ناده أول مره أشوفن فاطمه
خل اشوفن تلتوي من الجرح
خلي تشبع عيني من مشهد قتلها
لوتموت وتنحيي هم أرجعلها
فخور @ ماكو عندي مرحمه
فخور@ اني قاتل فاطمه
سببت إلها المنيه @ انطرشت اسماع البريه
سكوت @@ سكوت
@@@@@@@@@@@@@
#علي صلاح الظالمي

السيدة الزهراء عليها السلام تخاطب الحوراء زينب قبل وفاتها
،،،،،،،،،،،،،،،،،،،،،،،،،،،،،،،،،،،،


يا يمه شلون كل فكري وياچ
باچر لو موت ياهو اليرعاچ
زينب يا ماي العين
باچر كلهم ميتين يا يمه شلون

،،،،،،،،،،،،،،،،،،،،،،،،،،،،،،،،،

وصل موتي وبعد ساعات واتوفى
بعد ما شوف وجه الطيبه والعفه
زينب يا حظن للموت ما يدفى
خمس سنين بعدچ علدمع ترفه

راح امشي بليل وانتي بهالدار
ياخذني الموت ودموعچ نار

وحدچ راح تظلين
باچر كلهم ميتين يا يمه شلون

،،،،،،،،،،،،،،،،،،،،،،،،،،،،،،،،،،،

وره جنازة عزيز تموتچ الونه
گدامچ حزن ما سولفو عنه
الترافه بنص خناجر تگطع الضنه
يا كسرت دليلچ يمه يا يلجنه

من جوه الگاع وابچي لفرگاچ
زينب والآه تحله الملگاچ

لا انسى ولا تنسين
باچر كلهم ميتين يا يمه شلون

،،،،،،،،،،،،،،،،،،،،،،،،،،،،،،،،،،،،،

تنامين ابعباتي وبيهه تتغطين
وتذكرين واعرفچ ابد ما تنسين
تره الما عنده أم بعينه بس اثنين
دمعات اعله خده ولوعة امغربين

والدنيا تصير ظلمه وصفنات
ما عندچ روح والواهس مات

زينب بس تونين
باچر كلهم ميتين يا يمه شلون

،،،،،،،،،،،،،،،،،،،،،،،،،،،،،،،،،،،،،،

بنفس الباب هذا اليتم احلامچ
الاخذ امچ واخوچ ولذت ايامچ
تگعدين ابعتبته وياهو گدامج ؟
فوگ اجتاف اخوتچ راجع اسلامچ


حيدر مصيوب ودمومه تسيل
والليل الراح هم جايب ليل

حيدر هم تودعين
باچر كلهم ميتين يا يمه شلون

،،،،،،،،،،،،،،،،،،،،،،،،،،،،،،،،،،،


ابو چلمة هلا والماد ذرعانه
اخوچ الفتح گلبه وفتح بيبابه
الله يساعدچ ويساعد اخوانه
اذا اخوچ الحسن تتغير ألوانه

گبالچ مسموم وگليبچ مات
حيل اتونين فوگ الدمعات

وين مغرب يلزين
باچر كلهم ميتين يا يمه شلون

،،،،،،،،،،،،،،،،،،،،،،،،،،،،،،،،،،،،،،،

وتمر بيچ الدموع الكربله وتندار
عليچ احزان عمرچ والضلع والنار
تشوفين الحسين بلا اهل وانصار
اوصيچ بوصيه لو زمانچ دار

بنحره تقبليه من امك هاي
بصدره تشميه مشتاگه هواي

امك مشتاگه حسين
باچر كلهم ميتين يا يمه شلون

،،،،،،،،،،،،،،،،،،،،،،،،،،،،،،،،،،،،،

كفيل اعله النهر وچفوف تسوه الماي
وشموع بلا ضوه ودموع حيل هواي
وشمس خجلانه منهم والعبايه فياي
وطريق الشام حيره وعنده مية راي

للموت الاه تبقه ومتموت
زينب والناس چنهم تابوت

علباچر لتسألين
باچر كلهم ميتين يا يمه شلون


كلمات خادم الحسين
رعد الفريجي

مكتوب العهد بالروح .. ماننسه الضلع كسره
وصيحتنه تضل عالدوم .. احنه شيعة الزهره
@@@
نقسم بالضلع ومتون .. وبالمرضوضه خلف الباب
ما نترك عزه الزهراء ..ولا ننسه ابد لمصاب
وجرح الماتجبره اسنين .. لا ما بره ولاماطاب
شيعه وعالعهد نبگه
نبچي الباب وي حرگه
ومتن بصوط منطگه
وساعد والچفن والچف .. وخد اموسمه ابسطره
@@@
ابلا فاطمه هذا الكون .. مهمل سيء او اظلم
وابحگ الموالي كون .. دمعه لفاطمه من دم
وكل اروايه يحييها .. ويعقد مجلس ومأتم
فاطم بضعة المختار
ابمرضاها رضا الجبار
وملعون اليشب النار
شلة يمنته ابفعله .. لخله الباب مستعره
@@@
مو سهله الجره اعليها .. يوم الذاك آذاها
مصيوبه وتصب ادموم .. فوگ الارض خلاها
ضلعين الكسر من كون .. بالمسمار سواها
مو بس صدر منهشمه
ومحسن واگع ابدمه
عليها الناس ملتمه
گوم الما تحب الله.. لگحم الدار متحضره
@@@
نفخر شيعة الزهراء .. وكلمن حچه ماهمنه

وهي فاطمه بالروح .. ودمعتها نبض دمنه
چا ننسه الجره اعليها .. وهيه فاطمه أُمنه
أمنه اواجب انبرها

وليها ادموع ننثرها
وللعزيات نحضرها
واجب عن مصاب الباب .. يلطم كل ابن صدره
@@@
مظلومه اوجب للناس .. نحچي شلون مظلومه
وانفصل هجوم الدار .. والمسمار وادمومه
بنت المصطفى الهادي .. ليش اتموت مهضومه
واجب للبشر ننشر
عن الي جره من ضر
نحچي انبين انفسر
عن الصار عالزهره .. كل العالم انخبره
@@@
علي احمد الحمود
٢٥-١٢-٢٠٢٠
شهادة الزهراء
شوط كربلائي

الله خالق كــون لجـل عيـونها
وره الباب الجنّـــه وتحرگـونها
ـــــــــــــــــــــ
إنتـه شنهي وجـاي تحرگ دارها
إنتـه أذيـت الوحــي إبّسـمارها
إشتضن نارك هاي تطفي أنوارها

بناركم شمس الله ما تطْـفونها
وره البـاب الجنّـه وتحرگـونهـا
ـــــــــــــــــــــ
البيت هذا .. اللـه يِحِب إحجابه
بكُبْـره جبرائيـل يطـرق بابـه
إنته ياهو ؟ إتدوس فـوگ أعتابه

الدار هاي إشبعتوا من ماعـونها ؟
وره الباب الجنّــه وتحرگـونها
ـــــــــــــــــــــ
إفتِرِض طـه إبّيتهم متواجـد !
تضرب الزهره ومحمّد گاعـد ؟
إنته و إبليسك هدفكم واحـد

العتره و أم العتـره تغتالـونها
وره الباب الجنّـه وتحرگـونها
ـــــــــــــــــــــ
لَوَن عايـش طه مـاهي إبعيـده
إبّاب فـاطم چا . صِلَبكُم بيده
الله يختار الوصي اللّي يـريده

مو سقيفه وشورى وتغصبونها
وره الباب الجنّـه وتحرگـونها
ـــــــــــــــــــــ
الله حط ميزانه والله الحاكم
إبكفّه حَط الخَلِق كفّه الفاطم
فاطمه إتنَزْلِ و تصعّـد الوادم

خير لو بيكم صدگ ؟ ترضونها
وره الباب الجنّـه وتحـرگـونها
ـــــــــــــــــــــ
الهوى يمرها ويستحي من أنفاسها
على المَنصِب ؟ هيچ چفّك جاسها
إنتــه ما توصــل تـراب إمـداسـها

فوگ حگها إبمحسن اتفجعونها
وره الباب الجنّـه وتحرگـونها
ـــــــــــــــــــــ

مهدي التقي

#نسألكم_الدعاء..

مازعلتك مره بعـمري
ياحـــيدر بمحبتك تدري
شيصبرك ماتسمع صوتي - زعلتك هالـــــــمره بموتي
أول مـــــــــــــــــــــــــــره
------------------------------------------------------
1= خفــيت السطـــره البعــيني الأجل عـــينك
وأضم بـــونــيني عـن لا أسمع ونينك
أنه الورده الــزرعها المـصطفى بطينك
وخذاها الــــباب كـــوه وضـــــيع سنينك
-----------------------------------------
نبضة كلبك راحـــت منك ضل ياحـــيدر أنته أونك
تسميني أم بيتي وياقوتي زعلتك هالمره بمـــوتي
أول مـــــــــــــــــره
*************************************************
2= فــــــوكي الباب واكـــــع وأيـــدي كـسروها
أجوني أربــــــع زلــــــم فوكاي داسوها
خذت من ضلعي نـص وكـــــــــوه جروها
النفس جريــــــــته كوه وروحي طلعوها
-------------------------------------------
ماشالت جفــيني وليدي مكسوره وماتكدر أيدي
نار وكلهم صاحو فوتي زعلتك هالـــمره بموتي
3= أسمعت طكت الضلع وأنوب طك ضهري
أنغمه أعليه وبعــــــدها شصار ما أدري
وعيت الــــنار مو محسن ترس حجري
وشفـــــتك صوره بالــــــــدخان ياعمري
-----------------------------------------
خاف تحركك ما حشمتك أتــوجع بس ما كلمتك
دخان أتخـــيل تابوتي زعلتــك هالمره بموتي
أول مـــــــــــــــــره
*******************************************
4= علي الجـــدران صلبه وأم حســـن تـــرفه
وأجتــــني الـــــــنار جنها بضلعي متحلفه
كطع نفـــــــسي الــــــــــدخان بنصه أتخفه
من عـــــــــيون الطبع بعـــــــيوني نص جفه
---------------------------------------------
شوف عيوني بس ليجوه ما أكــــدر أرفعهن كـــوه
ينزف دمي ضعـفت قوتي زعلتك هالــــــمره بموتي
أول مـــــــــــــــــــــــــره




5= أنــضرب بالباب ضلـعي مـــدري جـــم مره
وضلت كـــــوه هـــــم ما تطلع الحسره
الزهره شبيها وادم تـــــــــكره الزهره
الحـــــــــــــياة بهــــيج دنيه ياعلي مره
-------------------------------------------
سامحني أوكعت دموعك وفراكي يطفيها شموعك
وحــدك ياحيدر زاتوتي زعلتك هالــمره بموتي
أول مـــــــــــــــــره
****************************************
الخادم عبد الجليل المالكي

سعـفه ورجف موتج مخليني شلون أدفــنج كلبي ما يطيني
منهو المـــسويها هاي ضامي بس يدفـنله ماي
------------------------------------------------
1= يالحــنـــينه - شسـوه بينه - الـــباب موتـنه الأثنين
أنـــه أمشي - مدري نعشي - تــشيعه ناس ملـثمين
بلا خضاري - وبـــــنكساري - أبجي وتــنـــفس ونين
مره أبـــجي - مره أحـــجي - وياج بس ما تسمعين
-----------------------------------------------------
مودي نعـــشج هـــوه الموديني وحدي أسولف محد يحاجيني
جرحي ينزف يادواي ضامي بس يدفنله ماي
******************************************************
2= أمشي ذابل - ماني قابـــل - روحي أعاتبها وأللوم
مني رحتي - وأنه ونــتي - باقــيه بصدري تحوم
نار دمـــي - جوه عضمي - تشتعل لكـــــن كــتوم
مات حـيلي - ضلمه لــيلي - غطت نجومي الغـــيوم
-------------------------------------------------------
يحرك عصابي الدرب هالطوله ومات بعيوني حجي الماكوله
تحيرت ماعندي راي -- ضامي بس يدفنله ماي



3= يالجلــــيله - مو قليله - للكبر حـــيدر خذاج
مالي ســلوه - ويـــــتجوه - كلبه اليعيش بعداج
ماخذانــــــي - الموت أني - جمره تاركني وراج
والله حــيره - أنــتي ديره - وطفت الـوادم ضواج
---------------------------------------------------
بيتـنه يافاطمه يضل فاهي كصر طولي وجان عالكل راهي
صحت مايطلع نداي ضامي بس يدفنله ماي
***********************************************
4= بلا معاني - وجـهي أني - تنكعه وتنشفه الدموع
ها يروحي - مني روحي - هاجــري بلايه رجوع
ماكـو جاره - علــــي ناره - ماطفــت ويضل يلوع
باقـي ألمن - والله الأحسن - يندفـــن مثل الضلوع
------------------------------------------------------
شراح أراويها العيون بدونها وهيه مايعجبها أبد بس لونها
ماعيش بلا هواي ضامي بس يدفنله ماي






5= بلايه صحتي - يارجعــــتي - البيتـنه الطافي ضواه
ياهــو أشبكه - وأنه شهكه - والضلع بيدي دماه
شرد أكلـــهم - دافـن أمهم - جايهم غصني بضـماه
يالرحـــــيلج - هــم خليلج - ضهري يالزهـره حناه
--------------------------------------------------------
شراح أكول وزينب تناديني أمي وين وتبجي وتلاكيني
تلتفت ماكـو وراي ضامي بس يدفنله ماي
*************************************************
الخادم عبد الجليل المالكي

استشهاد فاطمة الزهراء عليها السلام

يا زهـرة الروح. عفتيني مجروح
يا فاطمه وعيونچ. ظلمه الحياة بدونچ
عفتيني مجروح
.....................

آنه علي يافاطمه لعيونچ اشتاگ
ايامنه توها حلت مو وكته لفراگ
عفتيني ليل بلا ضوه بيه النفس ضاگ
شيطيّب جروحچ بعد وجروحچ غماگ

بضلوعچ صواب. من دفعة الباب
آه وتغيّر لونچ ظلمه الحياة بدونچ
عفتيني مجروح
......................

يالچنتي وردة مفتّحَة ما ذبلت بيوم
ارتاح بس بشوفتچ تجليلي لهموم
لمن رحل طه النبي تعنّولچ الگَوم
عصروچ والمحسن وگع يتسايل دموم

اصبر توصّيت. لو بيدي ردّيت
وشحدهم يظلمونچ ظلمه الحياة بدونچ
عفتيني مجروح
.....................

لوما الوصية امن النبي مادفعو الباب
ماچان ضلعچ ينكسر هيهات ينصاب
وصّاني اصبر وصبرت للسكته اسباب
يافاطمه لحيدر بعد ماظلت احباب

ياشمعة البيت مثلج تأذّيت
موبيدي ويجرحونچ ظلمه الحياة بدونچ
عفتيني مجروح
.....................

گربت منيتچ ونتهت عشرتنه شبساع
غسّلتچ بايدي وشفت مكسوره الاضلاع
بعيوني ضاگت دنيتي كل العمر ضاع
مَرّن مثل لمح البصر لحظات الوداع

عُمُر الورد ليش. ما گدرت تعيش
باقي الاثر بجفونچ ظلمه الحياة بدونچ
عفتيني مجروح
.....................

يافاطمه حسين وحسن يمّچ يونّون
طاحو عليچ بلا وعي يالزهره يبچون
ودعيهم وفتحي الچفن عن لا يموتون
حسين وحسن ماتو قهر چا زينب شلون

يم راسچ تنوح تشكيلج جروح
اولادج يودعونچ ظلمه الحياة بدونچ
عفتيني مجروح
.....................

خلّيتچ بوسط النعش ودموعي تجري
شلت النعش لكن احس مكسور ظهري
جسمچ نحل مثل الغصن يالزهري ادري
ظهري انكسر من فرگتچ يابعد عمري

لگبرچ تعنّيت. واريتچ وجيت
والشيعه ما ينسونچ ظلمه الحياة بدونچ
عفتيني مجروح

#سيد_زيد_الفحام
___________________________________

يا زهراء


طشينه لجروحچ دمع*
بس ما تكّفي اعله الضلع*
يا اول اسباب الخلق*
معقوله بابچ يندفع*

يالصدرچ ايسولف الم*
كلما شهگتي يجري دم*
من بابچ الحد طيحتچ*
چم مره يالزهره انلچم*

منين فز بيچ الوجع من يا كتر*
شالچ علي للمغتسل لو حط عمر*
انتي اول معضله وما الهه حل*
الزلمه صعبه اگبال اهله ينكسر*

والصبر يمچ ما فاد*
بعينه الدمع زاد وزاد*
الجرحچ علي رايح راد*
يا فاطمه...يا فاطمه...يا فاطمه
.....................
چا وينچ اوين الكسر*
طولچ ترس عين الجمر*
هوه الدفع مو لام جرح*
والحيله راح امن العصر*

بيدچ عَقد بس مو ذهب*
بيچ انشرح صدر اللهب*
طحتي ابشر بس تفتهم*
ضرب النسه ولم الحطب*

يا شتال الله الصدگ يسوه الحزن*
هذا يا سوط الوصل حدّ المتن*
ياكل ابروحه الفشل صار الخشب*
وصعد دخان وشهگ لله ويون*

صدرچ شبع بس لچمات*
دربچ ترستيه عثرات*
عمرچ گضيته حسرات*
يا فاطمه...يا فاطمه...يا فاطمه
........................
شالچ علي اعله المغتسل*
ومن يومه مات وما عدل*
بعدچ بقى شيب وجسد*
وظهره انحنه ومتنه هدل*

سولفتي چلماتچ نزف*
تعرفين ابو اتراب الترف*
بلل لحيته امن الدمع*
من عمره باگو كل عرف*

غاد منّ اضلوعچ اتطشر بچي*
ومات فوگ السانه يالزهره الحچي*
انتي سالفته العله اشفافه اختفت*
وصار عالعكازه يمشي وينتچي*

وياچ الحچي بس بالعين*
ها رحتي يا أم حسين؟*
ويفرك قهر بالچفين*
يا فاطمه...يا فاطمه...يا فاطمه
...........................
بوابه جرحچ للطبگ*
الزينب عبر منهه الحرگ*
ضاگ وعشگ طعم العبي*
وشيروحه من باله العشگ*

يا مبتدأ كل الجرح*
ضم روحه يم بابچ رمح*
ضل يحلم ابلون الدمه*
ويتاني منحر كل صبح*

بزحمت العطاب مخنوگ النفس*
وليش اليحبّه الله يولونه رفس*
فياي زينب انتي يا اترف وطن*
وتالي بعد افيايچ اتشوف الشمس*

يالصرتي اول مذبوح*
يا فاطمه اشبعتي اجروح*
زينب بعد وين اتروح*
يا فاطمه...يا فاطمه....يا فاطمه
...........................
زحمه اليطگ بيده مره*
تمشي ابهده ومتعثره*
اشجابه سوطه اعله المتن*
وخلاچ هيچ امحيره*

كلشي اعله طاريّچ يحن*
لو ننسه يحرگنه المتن*
ما نلگه غيرچ بت نبي*
خلّص عمرها بس تون*

جرحچ ايضل عايش وما ينتهي*
انتي أول لچمه ترفض کل نهي*
الدمع مملكته اليعيش ابألم*
واشحلاته البيچ ذاب وملتهي*

يچوينه باب المدفوع*
ليش انتي مكسوره اضلوع*
شيكفي لو نبچي ادموع*
يا فاطمه....يا فاطمه....يا فاطمه




علاء المياحي
الفاتحه لروح والدي

نخوه بالمضطره بين اجدارها
بالوديعه إلّي نخت كرارها

نخوه يابنت النبي المظلومه
نخوه بالعين إلغدت ملطومه
وماتت بضيم وقهر مهضومه
إنتِ بيدك فاطمه أسرارها

فاطمه بيدك يامولاتي لسباب
داخلين اعليچ يابنت لطياب
بالجنين إلي وقع فوق لعتاب
بالضلع ننخاچ وبمسمارها

نخوه بالمحسن وعبد الله الرضيع
فاطمه ننخاك بالطفل الصريع
والمحب حاشه بعد يمك يضيع
كل رجانه بفاطمه ومقدارها

بالحسن ننخاچ ويلي وچبدته
ببو محمد فاطمه ومصيبته
كل محب رايد الليله حاجته
أبد ماخاب التعنى  الدارها

نخوه بالمذبوح  في طف كربلاء
بالذي مطروح محّد غسله
فاطمه إنتي تدفعين البلا
شيعتچ حارت ترا بفكارها

إنتي ياأم حسين باب المرحمه
ضيم في قلبي وماحد يعلمه
كل حِمِل ذبيته يم العالمه
بفاطمه تنزاح كل أخطارها

فاطمه تفطم الشيعي من لضا
تقرء فوق اجبينه اسم المرتضى
خاسر بيوم الجزا من عارضه
وفاز من والى الوصي وكرارها

فاطمه مفتاح كل اسبابها
أبد ماخاب القصد يم بابها
تشفع الزهره الكل أحبابها
شجره طيبه فاطمه بثمارها

ربي ثبتنا على نهج العدل
دون حيدر كل عمل ما ينقبل
فاطمه باب الشفاعه للرسل
وكل حياتي بفاطمه تدبارها

١٢ / ٥/ ١٤٤٢ هجري
ناصر الأحمد

اللهم صلي على محمد وال محمد
*******
حرموهه00 حرموهه = للزهره 00 حرموهه
اين المهــدي والبتــار يأخذ منهم هذا الثـار
حرموهه00 حرموهه
*
وينه الضمير أووين كلمن شاله
يرضه الوديعه اتعيش هاي الحاله
والباب شاهد عالاجه وأفعالــــه
كسروا ضلعهه وللطفل چتالــــه
يدروهه00 يدروهه للهادي 00 يدروهه
كانت أمٌ للمختار كانت سرٌ في الاسرار
حرموهه00 حرموهه
*
يادين عدهم يقبل بهذا الصـــــار
هظم الزچيه لوهظم حامي الجـار
انشلت يمينه اللي دفع باب الدار
بين الضلع والباب صار البسمـار
صوبوهه00 صوبوهه ياويلي00 صوبوهــه
دمعٌ في العين مدرار صوتٌ صاح كالاعصار
حرموهه00 حرموهه
****
حور ومًُلك والناس صب مدمعهه
مصاب الوديعه كل وكت يفجعهه
هزً العرش والكون من وگعهـــــه
وگامت خديجه اليوم من مضجعهه
فجعوهه00 فجعوهه بالزهره 00 فجعوهه
والحاكم ربي الجبار يأتي حتماً بالاقدار
حرموهه00 حرموهه

ليل الالم چلچل عليهه وأظلم
ضلع وطفل هاليوم منهه اتألم
وليه ولوهه الناس ماتتعلـــم
عن الجره والصار ياهو اتكلم
طعنوهه00 طعنوهه يادنيه00 طعنوهه
زادوا في هَتك الاستار ياهــولَ هذا الانذار
حرموهه00 حرموهه
*
ريت بحياته الصاب أم العتــــــــره
بت النبي المختار وأمه الزهــــــره
خيمه ومضيف اتضيف هيه الفقره
وبيت الامام بزود حبهه اتعطـــــره
يعرفوهه00 يعرفوهه كلهم 00 ويعرفوهه
كانت أمٌ للاطهار كانت ندٌ للفجار
حرموهه00 حرموهه
**
يامهدي يوم الثار انهض لينــــه
انجدد عهد وياك ياوالينـــــــــه
ثار الزچيه وكربله وطفينــــــــه
وثار الذي هاليوم يجري اعلينــه
حنوهه00 حنوهه بدماهم 00 حنوهه
تباً00 تباًً للكفار قم واهدم كل الاسوار
حرموهه حرموهه
&&&&&&
خادم الحسين ع
الحاج ابو اياد البيجاوي

في ذكرى استشهاد السيدة الزهراء (ع)

على لسان أمير المؤمنين (ع)

يا ليل موَّتِتْني .. ابموتةْ أُمِّ لحسين
رحْت المكبره او جيت .. مندل بيتيِ امنين

اشمكبر حيرتي .. آآآ يا فاطمه
ماتت بسمتي .. آآآ يا فاطمه

&&&&&

كلي رحْت المكبره .. و ارجعِت موحيدره .. بس جسد شاحب

الزهره خلَّتني غريب .. و الدفَن بيده حبيب .. اتصِد ظِلَّه شايب

كلبي من يوم الدفنت الزهره مجروح
او بعد دَفْنَتْها جسد أمشي بَلا روح
هيه مو فاطم أنا الـ بالعصره مذبوح

امصيبةْ أُمِّ لحسين .. سِطَرَتْني على العين
رحْت المكبره او جيت .. مندل بيتيِ امنين

افراكج غربتي .. آآآ يا فاطمه
ماتت بسمتي .. آآآ يا فاطمه

&&&&&

امحدِّب الـ بيتي ارجَعِت .. ابعَتْبَةِ الدار اوكعِت .. وكعَةِ المِحْسِن

بس غياب أم الحسن .. ورَّث اكليبي المحن .. او خلاَّني أصفِن

امصيبةِ أم احسين أظل محتار بيها
صورةِ العصره الأليمه أصفن عليها
او لو بجت زينب أنا أبجي الـ بجيها

أتعذَّب مِنِ اتصيح .. أمي يا علي وين ؟!
رحْت المكبره او جيت .. مندل بيتيِ امنين

تلهب جمرتي .. آآآ يا فاطمه
ماتت بسمتي .. آآآ يا فاطمه

&&&&&

دنيتي ابلا فاطمه .. وحشه هيه او مظلمه .. او كِلِّش كأيبه

بيتي يا ليل انهِدَم .. و انتِرَس حسره او ألم .. من هالمصيبه

صرت أتنفَّس هظُم من بعد لمصاب
او فرض حزني دوم أصلي ابدمع سجَّاب
أذكر الزهره او ركض أركض على الباب

شمعةْ أُمنياتي .. ضمها وسفه هالبين
رحْت المكبره او جيت .. مندل بيتيِ امنين

طفَّوا شمعتي .. آآآ يا فاطمه
ماتت بسمتي .. آآآ يا فاطمه

&&&&&

الشايل ابكلبه جمُر .. او ضلع شايف منكسُر .. منهو اليواسِيْه ؟!

و اللي ذبحوله الهوه .. او شاف بسمار ابضوه .. دمعه يسلِّيْه

شمسي يا وسفه اِدْفَنِتْها آنه بيدي
او حيلي طايح من هِوَى المحسن اوليدي
مدريِ اشلون الدمه تمشي ابوريدي

عافيتي ادفنتها .. وسفه ابهاي ليدين
رحْت المكبره او جيت .. مندل بيتيِ امنين

دافن راحتي .. آآآ يا فاطمه
ماتت بسمتي .. آآآ يا فاطمه

&&&&&

اشبينك او بيني يليل ؟! .. اعليه ليش انته تعيل ؟! .. او تاخذ النور ؟!

ليش موَّتِّ الورد ؟! .. او ليش يتَّمت المجد ؟! .. و الكرسي و الطور ؟!

كلبي ويه الزهره مات او حزنه جَنَّاز
اشيبكه لـ ابن آدم بعد متروحِ لعزاز ؟!
وجه فاطم هالمسيه اشكد له معتاز

ابصدري نار لمصاب .. شبَّت هيه نارين
رحْت المكبره او جيت .. مندل بيتيِ امنين

تصرخ مهجتي .. آآآ يا فاطمه
ماتت بسمتي .. آآآ يا فاطمه

&&&&&

كلبي أحسَّه ابلا نبُض .. او حزني متشيله الأرُض .. ابفكد الزجيه

ابروحي إحساسي يوِن .. و الهظُم ويه الحزِن .. امبيِّن عليه

صرخه و ابكدِّ السمه كلبي رُفعها
هم (صِدِكـ أم الحسن كسرَوا ضلعها ؟!)
او يا تَرَى منهو الذي عالخد صُفعها ؟!

يا ليل انته جاوب .. بالله عالسؤالين
رحْت المكبره او جيت .. مندل بيتيِ امنين

إرحم دمعتي .. آآآ يا فاطمه
ماتت بسمتي .. آآآ يا فاطمه

&&&&&

خادم الأمير (ع) : إبراهيم الدريس

إذا للحشر ضلعچ بعده ماطاب
الله من الجنان إيشيل الأبواب
ومحسن .. يدخل وياچ
شنهي .. البــاب وآذاچ
ــــــــــــــــــ
مـنِّ إجــذوع بابــچ لا تهمـين
باچــر تنگــلب لجلـچ موازين
إبجنتــچ باب باچر ما تشوفين
إبسلاماً إنتي والمحسن تدخلين

صار هواي من طاح إعله الأعتـاب
هسه هناك محسن يم حسن شاب
إيگلّچ .. يمّـه حيّــاچ
شنهـي .. البـاب وآذاچ
ــــــــــــــــــ
باچر محكمـه ويحكمها جبار
الكاسر ضلع منچ يدخل إنـذار
باچر ماكو أي شي إسمه بسمار
الباب و دافعـه إيذبّوهـم إبنار

كلشي لخاطرچ ما يخضـع اشلون
غير انتي أم حسن يا علّة الكون
إنطيتي .. وربّچ إنطاچ
شنهـي .. البــاب وآذاچ
ــــــــــــــــــ
باچر ماكــو عتبـه وماكـو دخان
جنتچ شغل خاص بلايه حيطان
باچر عـد محمـد قلّه صحـبان
بس صاحب الغيره المثل سلمان

وميزانـچ يميْـز الزيـن والشـين
وابو دَرْزَن أوجوه إبْصِفِر الايدين
الله .. إموصّـي برضاچ
شنهـي .. البــاب وآذاچ
ــــــــــــــــــ
باچر كل خشـب بالجنّـه ممـنوع
وچي من نار أضن ممنوعه لشموع
لـ أبو چلمة (وإن) تتكسـر إضلوع
وشكو دين إبرگبته وذمته مرجوع

الشَبْ نارچ بعد شاريها بيديـه
باچر سوط قُنفِذ يفْتَر إعليه
أمْرِي .. وكلشـي يفداچ
شنهـي .. البــاب وآذاچ
ــــــــــــــــــ
باچـر ماكو . رَحّى وتِتْعِـب إيديچ
ولا لحگيـني فضّـه وتفـزع إعليچ
ومريـم وآسـيا وهاجـر خَدَم ليـچ
هناك الدمعه ممنوعه إعله خديچ

يـ ام الفَضِـلْ كِلّه و أمّ الإحسـان
الله يعوّضچ عـن بيـت الأحـزان
إصْبَرتِي .. والله جازاچ
شنهـي .. البــاب وآذاچ
ــــــــــــــــــ

مهدي التقي