🌹🌹🌹


هلا هلا لیلة فرحنه
هلا هلا مولدفخرنه
زینب بت علی
نور إمن إلولی
هلا هلا مولد فخرنه
&&&&&&&&&&&&&&&&
فرحتنه.سَعدنه.بنت إلمرتضی.. یامیت هله
بهجتنه.أملنه.نور إلمصطفی.. یامیت هله
غیرتنه.شرفنه. إخت إلمجتبی.. یامیت هله

هلا هلا های إلولاده
هلا هلا أکبر سعاده
&&&&&&&&&&&&&&&&
هنینه.إجینه.زهرتنه إلبتول.. یامیت هله
غنینه.هدینه.فرحه للرسول.. یامیت هله
حیینه.بِدینه. هل فرحه تطول.. یامیت هله

هلا هلا سِر إلولایه
هلا هلا نور إلهدایه
&&&&&&&&&&&&&&&&
مهدینه.ولینه‌.هل فرحه إلک.. یامیت هله
هادینه.نَجینه.مولد عمتک.. یامیت هله
غالینه.تجینه.زیّنه إلفلک ..یامیت هله

هلا هلا زینب هتفنه
هلا هلا بسمک ندبنه
&&&&&&&&&&&&&&&&
فرحانه.سِمانه.وتلالی إنجم.. یامیت هله
دنیانه.هَوانه.زینب ونعم ..یامیت هله
هَنانه.إجانه. کل صاحب شهم.. یامیت هله

هلا هلا بنت إزچیه
هلا هلا أجمل تحیه
&&&&&&&&&&&&&&&&
نادینه.إلحنینه.یا باب إصبر ..یا میت هله
قدمنه.نطینه.نفدیچ إلعمر.. یامیت هله
وفینه.إلبدینه.ومنچ نعتذر.. یامیت هله

هلا هلا نور إلعداله
هلا هلا علم إلرساله
&&&&&&&&&&&&&&&&
تمت بعون اللّه

لخادم محمّد وآل محمّد ص
عباس ابوحمزه الزرگانی الفلاحیه

مولد السيده زينب
عليها السلام 26
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
1
مزدان العالم والكون يهلي بالهاشميه
جدها النبي الهادي والاب حامي الحميه
والام الزهرى فاطم أم لطهار الزكيه
والحسن وياه حسين اخوتها وهيا الدره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
2
قرة اعيون المختار بولادة زينب اليوم
فرحة بوالقاسم فرحه تشهد ليها كل لنجوم
راحت عن دنياه اليوم كل لهموم وكل لغموم
مسرور ابجية زينب عن شوفتها شيصبره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
3
يلثمها ويقبلها ويناغيها بكل اسرور
ينظر للوجه المصباح النوّار وكله نور
يشكر الله ويقدسه بالهديه الْ بيها اعطور
نادى اسمها زينب والاسم ذا امن القدره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
4
هذا علي الكرار مستأنس واجد بيها
شايلها فوق ايدينه ايقبلها ويحاكيها
ياوردة جنة بيتي وتبتسم ويناغيها
والبيت كله ابفرحه يازينتها هالحورى
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
5
فرحة الزهرى كبرى وماتنوصف حالتها
كل ساعه نشدت ليها يازينب وشالتها
اجمل من حور الجنه وبكل وقت قالتها
ياربي تحفظ لينا هالمكنونه وهالدره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
6
اما الحسن ويا حسين ذولا الاخوه مسرورين
جت الوديعه الكبرى وخلوها في وسط العين
ابوجنتها يقبلوها ومتحاوطيها الاثنين
ويقبلوا أياديها وتفهم ليهم بالنظره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
7
تسعة أيمه واطياب هيّا ليهم عمّتهم
اولهم زين العبّاد والتاسع منتظرهم
وباقي اولاد الاطهار ايضاً زينب عمتهم
عمة الساده كلها ونتشرف بيها الحورى
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
8
احنا الشيعه ولمحبين حبنا كله للاطهار
جينا انبارك للعتره جينا انبارك للابرار
خامس جماده الثاني بيه اشكثر من اسرار
اعظم سر ابهذا اليوم جية السيده الحره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
9
ثبت ياربي حبهم في قلبي وابدلالي
وفقني لزيارتهم وارزقها كل موالي
وارزقنا الصحه والخير ياربي ذا سؤالي
وانعود الى ازيارتهم في كل سنه لو مره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
تمت بحمد الله وتوفيقه
الجمعه/18/12/2020
3جماده ثاني 1442هج
الحاج / / مكي العريبي
نسالكم الدعاء

ولادة السيدة زينب عليها السلام .. ٥ جمادي الاول

فَــرَح يوم الولاده … ٲمل خير وسعاده
بولادتهـا مسرتنــه … مسرتنه بولادتهــا

ولادة زينب الليلــه الفــرح بـان
فِرَح بالمــولد العالـــم والاكوان
بشير الفرح غنّى بأعذب الحان
يهنــي حيــدر وامهــا الزچيـــه

نهنــي بالتغاريــد … شفاعة زينب نريد
شفاعتنه بمحبتها … بمحبتها شفاعتنــه

نِزَل جبريــل للهادي يبشـره
إلـه الكــون سماهــا يخِبـره
بشاير بيها فرحه بيها عَبره
اسمهــا زينب و ام الرزيه

بسمها الوحي بشر … ابوها الوصي حيدر
يباركلــه بولادتهــا … بولادتهـــا يباركلـــه

حِضَر وبيوم مولــدها يبــارك
لَعِد حيدر إجه سلمان يشارك
يصافح راحته لحيدر يشابك
فِرَح گلبه بفرح اهل الحميــه

يهني العتره سلمان … بولادة فخر الاكوان
يشاركهم مسرتهــم … مسرتهم يشاركهـم

مجالس كلها قداح ورياحيـن
تبارك بيها فرحانــه المواليـن
تهني المصطفى طه المحبين
فرحنه اليــوم يـوم الهاشميه

حضرنه بليلة العيد … نبايع زينب نريـــد
تباشرنه وتعايدنــه … تعايدنه وتباشرنه

رسايل حب كتبناها بحفلنــه
رسايل كلهــا اشـواگ ومحنه
على جناح السعد طيره تعنه
گصد زينب لجلنه بهالمسيــه

من احبابچ رسايل … اجيت بجنحي شايل
اسامينه كتبناهـــا … كتبناهـــا اسامينــــه

محافــل نور يتلاله بسماهـا
هلاهـــل خير تتعاله بفناهـا
هديه النه شفاعتها ورضاها
شفيعه وللمحب اغله هديه

نحصل هالشفاعه … بفضل هاي الاطاعه
ولايتها فخر النـه … فخر النــه ولايتهـــا


كلمات عمار الراشدي

امي ودتلج تحيه يم البنين
وعله وكفاتج تشكرج ويه الحسين
وانه مثل ابنيتج //هله صحت بجيتج
///////////////////////////////
انتظرتج. واجيتي _ الف اهلن يحره ومرحبه بيج
تعالي . تعالي _ اعله حجرت فاطمه خليني ادليج
هديه . بصراحه _ عبايت فاطمه يافاطمه انطيج
اسمعي. الاكوله _ من الباب اخذري وما اوصيج
خوفه سوه الباب بينه بكسر الظلوع
فاطمه وخلينه نحجي بغير موظوع
الخير طب بطبتج // هله صحت بجيتج
///////////////////////////////
اسولف . سوالف _ شصار ابفاطمه تعرفين تردين
اختيارج. قرارج _ ابدي من الظلع لو سطرت العين
تعالي . اشوفج _ عله الحايط بقه دم امي للحين
وره الباب .بلا اسباب _ تره ابسمار كسرو منهه ظلعين
انعصرت وصاحت تعالن محسني طاح
والنفس يلجمهه جان اشلون ترتاح
يالااجيتي ابوكتج //هله صحت بجيتج
///////////////////////////////
وصيه . الزجيه _ كالت من تجي تصير ابمكاني
حجتلي .بحنينج _ اسمهه فاطمه وتشبه حناني
استحيتي. وبجيتي _ كلتي حسين اجه وابجي لكاني
بصراحه. يزينب _ حسين يخدمه محد غيري اني
كلتي اريدن وكفتج يازينب وياي
حسين من ايدي اريده يشرب الماي
مثل امنه شفتج //هله صحت بجيتج
///////////////////////////////
حجتلي . الحنينه _ الج باجر مواقف ترفع الراس
تخلفين. كفيلي _ تره الزهره تحب هواي عباس
لهفتي. اشتياقي _ لبو الغيره الحنين اليمطر احساس
لجماله. ابخرج _ خفت من هسه عليج اتحسدج الناس
عندي خلتله امانه الرايه والجود
وفي ابنج للخويه يكطع ازنود
لحجرت امي جبتج //هله صحت بجيتج
///////////////////////////////
اهتمامج. وفائج _ قرايه لفاطمه ابيتج تسوين
تره امي . تشكرج _ عله هذا الوفه الشايلته لحسين
بسبحتج. اسمعج _ مدد يافاطمه دومج تكولين
بنينج. نجاحج _ الاولى بكربله باجر تطلعين
بكربله هذا وفائج يمه معزوم
باجر تشوفينه صيتج فوك النجوم
انه اشارك ونتج //هله صحت بجيتج
///////////////////////////////
لكبرهه. سويه _ علي ياخذنه كون الليله ونزور
ودمعتي. اهلهه _ وي ظلع امي خلك الدنيه مكسور
عليهه . اشوفج _ صاير كبر امي شجره وعش للطيور
تسلمين. وتزورين _ من صوتج تعرفج يم البدور
تكلج ادور الليالي وراح الاكيج
وعله هاي الوكفه مدري شلون اجازيج
الجنه صارت حصتج //هله صحت بجيتج
///////////////////////////////
#تمت____ علاء الزيدي

هذا برنامج علاجي للوباء
يالقاح وعدنه تربـة كربلاء
خل يسمــع العالم زين
كل الدّوه اباب حسين
**********************

محتاره بلقاح الكره الارضـيّه
وللشيعه لقاح المرض لطـميّه
من حاضرنه يسمع لو تراثيّه

اليصيبه المرض ياناس
يطيبه ريح  عــبّاس

ويموت اصعب مرض عندك بالقبّه الحسينّيه


مثل فطرس لمن جنحه بمسحه طاب
ايطيب والله البي مرض بقدس تراب

ليش البشر محتارين
كل الدّوه اباب حسين
************************

برنامج علاجي وللمرض قاتل
للينصاب عدنه امـوقّع وكامل
اوّل شي يشم راية ابو فاضل
ومجالس يسمع ايگوم
ثلث مـــــــرات باليوم
عله راسه راسه يشد لازم   علگ من كبة الكافل


حسين عدنه وبوفاضل يالقاح
وبهـــواهم ياگلـب مايسـتراح
ويلهج بسامي الاثنين
كل الدوه اباب حسين
*********************
ياخـذ ثالثــاً كل ليـــله هالجرعه
عله حسين وعله المسبيه دمعه
يهلهه وكون سيّد جاسم الينعه

يطيب المرض ويروح
بدمــعه عله المـــذبوح

مو بس يصحه من دائه. الدمعه بمحشره اتنفعه

الرابع بنــية شـــــفاءه مرّتين
الصبح يقره الفاتحه لمّ البنين
اتحب فاطمه دمع العين
وكل الدوه اباب حسين
********************-

مـــــن اعراضــه نعـرف گـوّه يتــنّفس
علاج الهل عرض يشتم هوه المجلس
ويلطم صدره حيل براحه راح ايحس

والــميّة مرض بيه
هالمجلس يشافيه
ويغرگه بعافيه وصحه    لانّ الزهره بي تجلس


بهالمرض يسعل يگوم الي يصيب
ماي من الحضره خل يشرب يطيب
زمزم معاه امخلين
كل الدوه اباب حسين
*******************

عرَض ثالث صـــداع باوّل ايـامه
نطيبه احنه بثلث طبرات عالهامه
ولازم دمنه يجري بضربة القامه

وشرط لمّن نطبّر
ننادي بقوه حيدر
اليگوله يحترگ دائه       وتطهر روحه بنسامه

ياوباء وياأ لم ماينجلي
بعالي صوتي لو انادي ياعلي
خل تعلم الي امتيهين
كل الدوه اباب حسين
*******************

مااحتار لـحضه وكربله عندي
وحل موجود للگال المرض يعدي
عله جــيده يعلّگ حــرز يامهدي

وبو صالح يحاميه
المرض لا مايصل ليه
وعليه يصبح درع اسمه
الجروحه اعله النحر تدي

احنه عدنه حروف يامهدي دواء
لان اصله امن الحسين وكربلاء
ونرفع شــعار بكل حين
كل الدوه اباب حسين

**********************
#سيد سجاد العميدي

ابو فاضل
عين للزهره ونظرتك ثاقبة
ابو فاضل
مستحب كلشي ومحبتك واجبه
ابو فاضل
الدنية من لونك شهم ماجايبه


امك مخلية شهامة وي اللبن
وبالكرم وراث ادلال امن الحسن
بالسقاية امكمط وساقي الزمن
بحلك وترحالك بخوتك وطن

ضامي ولكيتك ماي
ضايع وانت الراي
بس فضلك الماينسي
والباقي كله انساه ياقمر الزهراء
٠٠٠٠٠٠٠٠٠٠٠٠٠
ابو فاضل
انت روح حسين وانت احزامة
ابو فاضل
سيفك امثلم حرب لخيامة
ابو فاضل
اكباله ماتعرف اتشيل الهامه


نشف مايه وجودك اتفايض ادب
مو اخوك حسين جنت اتحسه اب
هوه مروتك على اخيام الحرة هب
من ضواك اتبرة من دينه وهب


بجفك لكيت الدين
حب ينمزج بالطين 
والماشه جرحك بالعشك
يدمن على ممشاه ياقمر الزهراء
٠٠٠٠٠٠٠٠٠٠٠٠٠٠٠
ابو فاضل
هوه الدنية من مهب الرايه
ابو فاضل
النهر من يومك وكاره ماية
ابو فاضل
للشهامة الزهره اجت مشاية


خيمتك بس بالرجولة امبخرة
ماي بس شفتك امروه امفطرة
الجابتك طلبت مدد من حيدرة 
ابو فاضل ماتجيبك اي مره


ياراية اهل البيت
لو للحرب طبيت
تسابك الغيرة ابمهرتك
وتصيح ياحياه ياقمر الزهراء
٠٠٠٠٠٠٠٠٠٠٠٠٠٠٠٠
ابو فاضل
جون منك طلع للحب خادم
ابو فاضل
والغلام التركي عزمك  عازم
ابو فاضل
شافك الحر واجه مدنك نادم 


كلهه من همتك اجت تاخذ عزم
كل شهم ماضاك حبك مو شهم
ابو فاضل شوفته اتسوي زلم
والرجولة انخلقت بهذا الاسم


ماتنحجب بلثام
عينك اتهز الشام
والحرب انت ومايجي
التتكابل انت وياه ياقمر الزهراء
٠٠٠٠٠٠٠٠٠٠٠٠٠
ابو فاضل
جان حلمك مسلم يدك ثايته
ابو فاضل
ويجي يم زينب يدنك هامته
ابو فاضل
سوه يطبن رايتك وي رايته


احلامك هوايه وتبدن عالنهر
الربح خوتك بالوداع شكد خسر
جلمة الخوية صفت كسرة ضهر
التعمة عينه بكربله فاكد كمر


حيلك معكسر جان
وفيك على الخوان
عافك حسين اعله النهر
منهه وفرغ مكفاه ياقمر الزهراء
٠٠٠٠٠٠٠٠٠٠٠٠٠٠٠٠
ياقمر الزهراء


#الشاعر حيدر شايع

ماتت امي واماتت البسمه عله شفتي
ماتت امي وعاشت بـــــــخدي دمعتي
امي الله شكد يحبها راحت الطيب الكلبها
₩₩₩₩₩₩
امي ام كلب الحــــــــــنين الماكو منها
وانه ادعــــــــــي الله لا يحرمني منها
ماتت وظــــــــــل عايش بيتي حزنها
ابنص لحد نامت الجنت اغفه بحضنها

وين لكه مثل امي ام كلب البيض
الام حنينه ولو مشت صعبه تعوض
الفرح داري ما جهبها راحت الطيب كلبها
₩₩₩₩₩₩
انه زينب يتمــــــــتني امـــــــي بهل ناس
ولا تلوموني لون صــــــــــار ابيض الراس
ماكو مثل امــــــــــي مره وعيون عباس
امي ام جلمت الحـــــلوه الكلها احساس

امي شمعه ولزمن طفه ضواهه
وعفيه كلبي لهسه ماميت وراهه
الكبر عن عيني حجبها راحت الطيب كلبها
₩₩₩₩₩₩
اتموت حسره البــــــــنت اذا عافتها امها
ويوم عن يــــــــــوم ايتكاثر والله همها
روحي افكد امــــــــــي زاد اهواي الامها
ماتت ومــــــا مــــــــــات بعيوني رسمها

راحت امي وبس صورهه بداري ضلت
وبجفاهه روحي مـــن ونيني ذبلت
روحي ماهود نحبها راحت الطيب كلبها
₩₩₩₩₩₩
امي انه الخلــــــــــصت بالهم عمرهه
امي انــــــــــه الغافي بسمار بصدرهه
امي بين اعيــــــــــوني اتمنه كبرهه
راحت وما راح مــــــــن بيتي عطرهه

لمي بالدار ويــــــــن ماروح الكه ذكره
ثوب امي ترد روحي من اشم عطره
الله يلعن من ضربها راحت الطيب كلبها
₩₩₩₩₩
ايئمن ويطمئن امــــــــي الجاهه الخايف
امي يحجايـــــــــت هله بحلك المضايف
ربت مو بقـــــــصور امـــــــــي بالصرايف
تسولف وي الله امــــــي مملوحت سوالف

امي انه اشكثر متروسه محنه
بيها اشمن ريحت الله وعطر جنه
وماترد لي طلبها راحت الطيب كلبها
₩₩₩₩₩
هلله هلله بمك التعــــــــــبت عله ارباك
يامه تعبت يامـــــه سهرت الجل عيناك
انت هــــــــم اتعـــــب عليها انه ارجاك
من تموت امــــــــك بعد ماتسوه دنياك

ما تجازي لا تعــــــــبها ولا سهرهه
عدهه انت اغلى حتى من نضرهه
والله مجازي تعبها راحت الطيب كلبها
₩₩₩₩₩
#حسين عبد الزهرة الدراجي

مبين بدمعي الكلام. عيني ماتقبل تنام

بلا وداع بلا وداع. مشت عني

راحت زهره مني اوجهي ظل خالي
دمعتها اعله زينب ظلت ابالي
الغالي يموت من يموت اله غالي
طير وطاح عشه من الهوه العالي

ما ترس عيني مكان. انهدم بيت الحنان

بلا وداع. بلا وداع. مشت عني


صعبه يعيش واحد خله ميشوفه
نهر ناشف يتركه امفطره اجروفه
جرح غيابه يكبر محد ايروفه
مثل صاحب عزم ومبتره اجفوفه

من دفنت انه البتول. ريت عمري لا يطول

بلا اوداع. بلا وداع. مشت عني


كل بسمار اشوفه ينشلع كلبي
وبيبان المنازل تعرض ابدربي
مكسور بمشيتي حتى كمت احبي
ماتت زهره ليه وضاع كل تعبي

غمضت ابلا وداع. وبين بوجهي الضايع

بلا وداع. بلا وداع. مشت عني


طعنات الهجر كلهن اجن بيه
تبجي زينب اتريد امها ليليه
اخذها عله كبر امها انه يوميه
وهاي امج اكلها دكلي مو هيه

امي ما ماتت تصيح. ولا طفت شمعتها ريح

بلا وداع. بلا وداع. مشت عني


كلبي من الفراك انكطع سباحه
الصبر ويه الزجيه ضاع مفتاحه
راحت مني وانه ماشفت راحه
انه ادري عله فكدي ماهي مرتاحه

مو سهل عشرت عمر. مني ياخذها الكبر

بلا وداع. بلا وداع. مشت عني



انه من اشتاك ازور بدمعي حجرتها
اشم عطر الزجيه ابخت شيلتها
امصلايه بقت مفروشه ذكرتها
من اخر صلاة الزهره صلتها

من اهدهه حيلي راح. والكلب من همه صاح

بلا وداع. بلا وداع. مشت عني


#علي حسين المياحي

راح اموت الموت اجاني
راح اموت مكسوره اني

واليموت عينه لحبيبه
راح اروح عنك غرييه

*************
مو سهل عشرت عمرنه تنهي بكسر ودمع
كلشي ميفاركني عنك. لومه بابي مندفع
انته حيدر جوه ضلعي من انكسر هذه الضلع
رادو ايلجمون گلبي. بحبك الما ينصدع

موتي حان موبيدي اعوفك
الليله هاي خليني اشوفك

فراكي بيك اكبر مصيبه
راح اروح عنك غريبه

*************

هيه هاي الدنيه رادت. تفارك العاشو عمر
اني صح مكسور ضلعي بس اشوفك منكسر
بيه شد حيلك يحيدر. وانته صاحب كل صبر
كون اخر مره اشوفك. محني انته اعله گبر

يوسع اريد الدنيه صدرك
من عدها كون ما تحني ظهرك

بس تريد دمعك عجيبه
راح اروح عنك غريبه

*************

اني ما متعوده اعوفك عايش بروحي وطن
ادري مالك غيري انته وحدك تبقه ابمحن
حتى ذني عيوني حيدر. عله فراكك هالبجن
تبقه اخر نظره منك بعيني من ايغمضن


ما اريد تبجي اعله گبري
دمعك يطيح يلجملي صدري

مني حيل روحك قريبه
راح اروح عنك غريبه

*************

عشنه احنه گلب واحد. طيب خاطر من يدك
لكن لكلشي نهاية. واحنه لازم نفترك
حاير تودعني انته ادري گلبك محترك
واني محتاره بوداعك صدري بالهم مختنك

مكسوره حيل كاسرني وضعك
ما بيه اكوم واشلون اودعك

جاي اشوف شيبة خضيبه
راح اروح عنك غريبه

*************

من بعد موتي يحيدر يبدي بالدار اليتم
بعد ما نكعد سويه وما يلمنه كل حلم
ما تمر ضحكه اعله سنك وللفرح ما تبتسم
المهم تبقه انته سالم وكلشي بعدك مو مهم

صيرلهه ام زينب حمامه
وحسين اله حضنك منامه

بضحكه الحسن اكسر نحيبه
راح اروح عنك غريبه

*************

اني اوصيك بوصيه بروحي ظلت جن جمر
الحسن قبله اعله فمه جبدة بالسم ينفطر
وظم الحسين اعله صدرك لان صدره ينكسر
وقبل لزينب اديها تمشي مكيوده بيسر

باجر تره زينب سبيه
بيده شمر يسلب رقيه

فوك الرمح مدميه شيبه
راح اروح عنك غريبه



#علي حسين المياحي

بابج فاطمة محروك وبوسط الكلب ناري
ظلعج منكسر ياحيف وأنه بجفي فقاري
عذراً يالزجيه جتفتني الوصيه
         وبوسط الكلب ناري
....
رحل طه النبي وأشتدت اخزاني
وغده يخلص مصاب وأبدى بالثاني
وردت موتى يحين بدال خلاني
لجن موبيدي هيج القدر رادني
أمر الله الحصل ادريه واخظع انه للباري
ويدرون النبي موصي هالجسرو واجو داري
صح سيفي بديه جتفتني الوصيه
         وبوسط الكلب ناري
.........
اه ياجرح كلبي البعد مايبره
من دم الدمع يجري على الزهره
هذا حال من ويا كصه دهره
يخلص عمره بس بالونه والحسره
انه البالصبر معروف وحسيته خلص صبري
بدال ام الحسن ياريت انه المتوسد بكبري
الأمر ماصح بديه جتفتني الوصيه
..........
جنت حاظر لمن هجمو على داري
وشفت بعيوني فاطم والدمع جاري
وظع البظعه هيج بالكلب ناري
حرمتي تنهتك وأنه حمه جاري
وسفه ام الحسن وحسين دم ظلوعها يجري
اعاينها وادير العين  وأنه متحير بأمري
يانار الزجيه جتفتني الوصيه
          وبوسط الكلب ناري
.........
علي يومين مرن ياكبر همهن
ملح حال الوديعه جروحي ذرلهن
نهر بالوجنه دمعي عليها حافرهن
وهمومي يخلصن بعد ماظنهن
بلا زهرة حياتي الروح ماتنطاق ادريها
المن ابقه كون وياج روحي الأجل يلفيها
أهلاً بالمنيه جتفتني الوصيه
      وبوسط الكلب ناري
..........
زينب يم حسن ظلت بياحاله
من بعدج بقت دمعتها هماله
تجي لمحراب امها وتوكف كباله
تلم أخواتها وبحركه تدناله
فارغ يامكان الحور بعد ياهو اليسد خلك
إذا موامي تكعد بيك إذا تتفلش احسلك
دمعاتي برزيه جتفتني الوصيه
      وبوسط الكلب ناري
..........
عاهدتج اجي كل يوم بالقرآن ارتلج
وعوض يمج الساعات العليه مرت ابعدج
وادري بصوتي ترتاحين وأنه ارتاح يم كبرج
هامت عالكبر عيناي وبطيفي لمحة وجهج
ارجع ياعلي وبساع زينب فزت الحكها
تدور مالكة بالبيت لا امها ولا والدها
كسرت ظهري هيه جتفتني الوصيه
           وبوسط الكلب ناري
.........
#كلمات حيدر العتابي

علي بعدك لافتى
انته مولانا وكفى

علي عالي وينــــــدل دروب السمه
علي بس هـــــــــوه يلوگ الفاطمه
علي محراب الصـــــــــــلاة ومنبره
علي عالم علي محـــــــــــــد علّمه
علي بعدك لافتى
انته مولانا وكفى

علي كلها اتموت بس هــــوه عدل
علي يمه العگده مـــــن يمهه تحل
علي بس هـــــــوه علي ماله شبيه
علي للجنه رفعنه امــــــــن الوحل
علي بعدك لافتى
انته مولانا وكفى

علي چــــــــــتال العرب بالنهروان
علي راجل يلحگ الخــــياله چان
علي عابرها البشر حـــــــد السمه
علي مـــــن طينة محمد والجنان
علي بعدك لافتى
انته مولانا وكفى

علي قرأن الســـــــــــماء ورحمته
علي بس عباس ماخــــــذ شمرته
علي سيد عالأنس والجـــن سوه
علي محد گـــــــــدر شوّه سمعته
علي بعدك لافتى
انته مولانا وكفى

علي بخيبر ضاگت وطب مبتسم
علي من بطن امه شـــايخ عالزلم
علي بس الكعبه شــــــالت مولده
علي حته الموته تگعد لـــو هجم
علي بعدك لافتى
انته مولانا وكفى

خادم علي
#شاكر الصيمري

تتلمسين اظلوعه// وجفنج تهل ادموعه
هواي استغرب حسين == ليش اكباله تبجين
/////////////////////////////////
صار فتره جاي اشوفج _ يمه منتبهه اعله حالج
ظلعج ايلجمج ولاكن _ يم اخوي حسين بالج
اكو سر بهذا دمعج _ والتعب شابك خيالج
ليش مكسورات احسهن _ اظلوع الحسين ابدالج
وبحظنج اتكعدينه // شم نحره اتشمينه
سر اعليه تخفين == ليش اكباله تبجين
/////////////////////////////////
اليوم اريد بصفج اكعد _ احجيلي يمه وحده وحده
اشمعنى يمه هذا خدج _ كمتي تخلينه اعله خده
حسين من ينام اشوفج _ كاعد عد راسه كعده
والشمس خوفج تلوحه _ ليش يمه صار مده
يالوكفتج محنيه// فيايج اله يوميه
امنيتي انتي تغفين == ليش اكباله تبجين
/////////////////////////////////
احجايه كلتي ابالي ظلت _ حسين مايعطش اريده
يمه وتبوسين اشوفج _ هواي جاي بخنصر ايده
وزينب اتكليلي لحظه _ عنه ماريدج بعيده
وانه اكلج صار يمه _ انه دم بنص وريده
وشقصت الاصباع// ياهوه منهن ظايع
لازم انتي تدرين == ليش اكباله تبجين
/////////////////////////////////
شو لزمتي يمه كلبج _ ويه روحج كلتي صعبه
كلتي حافر بس سكتي _ بين وادم كلهه غربه
شراح مدري يصير باجر _ ياهو اليدوس اعله كلبه
كسر ظلعج يعني اخيي _ حسين بظلوعه يجربه
البسمار ادري شكاسر// يختلف عن الحافر
جاني الحافر امنين == ليش اكباله تبجين
/////////////////////////////////
بحظنج آمن يخلي راسه _ بيدج اتمسحين شعره
وصحتي يازينب تعالي _ يمه خل انطيج فكره
راس ريحانت حبيبي _ ينصلب راح اعله شجره
والرمح تلكينه عابر _ وصدره متلاكي ويه ظهره
طاري الرمح من جبتي// انغمه اعليج وطحتي
شلون اتغمض العين == ليش اكباله تبجين
/////////////////////////////////
هسه يمه انه افتهمتج _ الم كلبج كمت احسه
وانه خمس سنين عمري _ وبدليلي النار خرسه
طف الحسين ومصابه _ تحظرتله يمه هسه
يمه بيدج عصبي راسي _ وثوبي الاسود خل اللبسه
عندي طلب سمعيني// بطف كربله تحظريني
ونبجي احنه الاثنين == ليش اكباله تبجين
/////////////////////////////////
#تمت___ علاء الزيدي

يلا يا أهل الصدگ
نلطم بحرگه وعشگ

تحزمت ارض وسمه
حتى تخدم فاطمه


لا تخاف اعله الصدر....... لفاطمه صدرك نذر....... بلطمِتك يوگع شذز.... يا سلطان
هايه ايام الضلع...... عزب الها بالدمع....... صير نشمي يالسبع.. مو تعبان

مدد....... سند..... صارت النه الزهره
نتصر.... بتشر....... اليِركِد صدره

الزهره ما تنسه اللِطم
تسجل اسمه ويالخَدم

هالمجالس قائمه
حتى تخدمه فاطمه
.
.
.
.
مجلس الزهره وطن....... الدمعه رِتبه من ام حسن..... نلوي باللطمه الزمن...... يا خدام
بهذا مجلسنه الصدگ...... اليجي بارد يحترگ..... گلوبنه صارت تدگ....... للآلام

الوحي..... يجي..... ويه فاطم النه
شِفه...... وِفه...... هالمجالس چنه

تجي لينه الطاهره
وكل عزانه تبخره

والعيون محزمه
حتى تخدم فاطمه
.
.
.
.
فاطمه بنص الگلب..... يلا نگلبها گلب..... احنه ما عدنه درب...... غير النوح
معلمه عيون الخَدَم......عالبچي وهذا شيم...... والجفوف اعله العلم.... وعطر اتفوح

شغف....... شرف.... فاطمه المرضيه
بأرض ..... فرض .... بالسمه حوريه

السمه وأهل السمه
بخِدمِتج يا فاطمه

كلها والله مألمه
حتى تخدم فاطمه
.
.
.
.

كلشي للزهوه نخلق...... كل نبي بيها نطق.... هي رحمة وهي حق ...... ل طه الهاء
عيسى بالزهره ارتجه...... ولولا فاطم ما نجه...... يونس من الحوت اجه..... بيا زهراء

فَلَك...... مَلَك..... كلها لاذت بيها
ذهب....... نسب... والله صلى عليها


بضهر ابوها محجبه
عابده وِمهَذِبه

الشمس بيها هايِمه
حتى تخدم فاطمه
.
.
.
.
ترابها يسوه الذهب....... منها عرش الله اقترَب...... وغيرها تحمل حطب...... تفرق حيل
الجابت حسين وحسن...... مَنْخِلق منها بزمن.... هي جنات العدِن..... هي الهيل

العلي...... وعلي..... يوفق اليرضيها
نَظَر....... حذر..... النعمه لا تچفيها

بأمر من رب السمه
الزهره حسن الخاتمه

والخلائق الدائمة
حتى تخدم فاطمه


#عبدالله الشويلي

الخدمه _ نعمه _ مدفوعه الثمن
مسجل _ اجرك _ عند ام الحسن
كل دمعه تبجيهه تطييب جرح بيهه
***************************
ميته امك اعتبرهه واحضرلهه الفاتحه
هيه دمعه تطيح منك موش عينك طايحه
ساعه احضر بيهه مجلس هيه ساعه ورايحه
الي ماينصر الزهره الله ابد ميسمامحه

اليسمع _ مجلس _ ومايحضر اله
مثل _ الحارك _ خيمه بكربله
بس اليطفيهه تطييب جرح بيهه
***************************
شنهو تخسر لمن تحضر والسواد تكثره
هذا عند الله محرم لجن بسم الزهره
الزهره تستاهل يخادم تنطي حق العشره
شي قليل نقدملهه لوضلعنه انكسره

امنه _ اواجب _ نواسيهه بظلع
زحمه _ الهه _ نقدم بس دمع
لازم تواسيهه تطييب جرح بيهه
***************************
الجنه تحت اقدام فاطم وهيه فاطم امنه
من حنان الزهره ندعي ربي لاتحرمنه
باجر بيوم القيامه كلشي ييرحل عنه
فقط بس خادم الزهره تصيح بسمه الجنه

مقدر _ تكلك _ شكرآ عالتعب
اسمك _ خادم _ بالجنه انكتب
اشعندك انطيهه تطيب جرح بيهه
***************************
كون من نحضر المجلس نسبح بسبحتهه
اعز شي عند الزجيه وابد ماعافتهه
الرايد التوفيق خله يقره بزيارتهه
ابجي تستاهل دمعتك تطيح وي دمعتهه

الدمعه _ التوكع _ وي لطم الصدر
باجر _ تضوي _ شمعه بالكبر
ذخرك تخليهه تطيب جرح بيهه
***************************
اعلمو ان المجالس هيه باب الرحمه
ادخلوها بسلامآ الهه هاي الكلمه
خدمة الزهره عضيمه فرق عن كل خدمه
سلم ام حسين دربك خلي هيه ترسمه

نظف _ گلبك _ وعالصح عللمه
وحاسب _ روحك _ الخاطر فاطمه
بس لاتأذيهه تطيب جرح بيهه
***************************
#محمد خصير الزيدي

امي ودتلج تحيه يم البنين
وعله وكفاتج تشكرج ويه الحسين
وانه مثل ابنيتج //هله صحت بجيتج
///////////////////////////////
انتظرتج. واجيتي _ الف اهلن يحره ومرحبه بيج
تعالي . تعالي _ اعله حجرت فاطمه خليني ادليج
هديه . بصراحه _ عبايت فاطمه يافاطمه انطيج
اسمعي. الاكوله _ من الباب اخذري وما اوصيج
خوفه سوه الباب بينه بكسر الظلوع
فاطمه وخلينه نحجي بغير موظوع
الخير طب بطبتج // هله صحت بجيتج
///////////////////////////////
اسولف . سوالف _ شصار ابفاطمه تعرفين تردين
اختيارج. قرارج _ ابدي من الظلع لو سطرت العين
تعالي . اشوفج _ عله الحايط بقه دم امي للحين
وره الباب .بلا اسباب _ تره ابسمار كسرو منهه ظلعين
انعصرت وصاحت تعالن محسني طاح
والنفس يلجمهه جان اشلون ترتاح
يالااجيتي ابوكتج //هله صحت بجيتج
///////////////////////////////
وصيه . الزجيه _ كالت من تجي تصير ابمكاني
حجتلي .بحنينج _ اسمهه فاطمه وتشبه حناني
استحيتي. وبجيتي _ كلتي حسين اجه وابجي لكاني
بصراحه. يزينب _ حسين يخدمه محد غيري اني
كلتي اريدن وكفتج يازينب وياي
حسين من ايدي اريده يشرب الماي
مثل امنه شفتج //هله صحت بجيتج
///////////////////////////////
حجتلي . الحنينه _ الج باجر مواقف ترفع الراس
تخلفين. كفيلي _ تره الزهره تحب هواي عباس
لهفتي. اشتياقي _ لبو الغيره الحنين اليمطر احساس
لجماله. ابخرج _ خفت من هسه عليج اتحسدج الناس
عندي خلتله امانه الرايه والجود
وفي ابنج للخويه يكطع ازنود
لحجرت امي جبتج //هله صحت بجيتج
///////////////////////////////
اهتمامج. وفائج _ قرايه لفاطمه ابيتج تسوين
تره امي . تشكرج _ عله هذا الوفه الشايلته لحسين
بسبحتج. اسمعج _ مدد يافاطمه دومج تكولين
بنينج. نجاحج _ الاولى بكربله باجر تطلعين
بكربله هذا وفائج يمه معزوم
باجر تشوفينه صيتج فوك النجوم
انه اشارك ونتج //هله صحت بجيتج
///////////////////////////////
لكبرهه. سويه _ علي ياخذنه كون الليله ونزور
ودمعتي. اهلهه _ وي ظلع امي خلك الدنيه مكسور
عليهه . اشوفج _ صاير كبر امي شجره وعش للطيور
تسلمين. وتزورين _ من صوتج تعرفج يم البدور
تكلج ادور الليالي وراح الاكيج
وعله هاي الوكفه مدري شلون اجازيج
الجنه صارت حصتج //هله صحت بجيتج
///////////////////////////////
#تمت____ علاء الزيدي

هاجموا دار النبي وحرگوها .. وفاطمه تحت الظلع صابوها

صابوا البضعه عجب تحت الظلع
نسوا عنج فاطمه شگال الشرع
شوصى ابو ابراهيم گومه و الجمع
بسرعه ليش اوصيتك نكروها


وين غايب ياعلي فحل الفحول
بيوم نادت فاطمه الزهره البتول
ادري يابو حسين وصاك الرسول
جتــــــــــــفوك وفاطـــــــــمه ســــــــــبوها


يشهد التاريخ مهشوم الصدر
ويلي واويلاه من اهل الغدر
الخاين يجــــازيه الله بالحشر
شلون بت المصطفى تسطروها


انخبطت الدمعات وي فيض الدمه
عين تدمـــــع عين صاباها العمه
اه ... والبسمار عذب فاطمه
وطاح طفل الطاهره وحرموها


زينب تنادي يايمه امصيبتچ
ما جرت عالناس والله قصتچ
لاتخـــــــــلينه يايمـــــــــــه امروتچ
الروح ما تحمل ترا يهجروها


اليوم كل شيعي لبس ثوب الحزن
حاضر التشــــــــــــــــــــيع حاضر بالدفن
ابد مايــــــــخسر عليچ اللي يــــــــــون
انتي رحـــــــــــــــمه ومرحمه سموها


اسئلچ يادار وين امنه مشت
و العيون امن البچي اعليها عمت
الشيعه تسئل وين گبرچ حشمت
وين اهـــل ام الحــــــــــــــــسن دفنوها


الشاعر .. فاروق الغنامي

يمه يايمه .. احبيبه يايمه
فدوه لاتمشين .. ياأم حسن وحسين
الزهره يايمه .. الزهره يايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عفتي زينب ياوسف .. ودمعي موج ومانشف
ظلعي وي ظلعچ نزف .. ومفارگه الروح

يازماني استعجلت .. وانا من عدها اشفت
يمه يايمه صحت .. وتنادي الاجروح

وين راحت ام ابوها الچانت العيني ضوه
ريتي بس احزان بيها ومختنگ بيها الهوه
يمه الله اوياچ صحنه وبـــــعد مانگعـــــــــد سوه
الحسن وحسين يبچي اوالدي اعليچ انلوه

بوحشه عفتينه .. واحنه تدرينه
بيچ متعلقين .. ياام حسن وحسين
الزهره يايمه .. الزهره يايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

على هونك يانعش .. طيبه مابيها دغش
طولي سجاده انفرش .. يم الزچيه

صارت الفرگه صدگ .. وبالعظم يمه تدگ
زينب انا واحترگ .. والبيه بيه

يمه ميتات السوالف كلها بعدچ رايحه
ادموعي من تنزل تعاتب بالعيون الشابحه
بطوري اقرالچ قصيده واختتم بالفاتحه
ياهو الي بعدچ يايمه وانتي خيمه وطايحه

فدوه حاچيني .. ياضوه سنيني
عني تبتعدين .. ياام حسن وحسين
الزهره يايمه .. الزهره يايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ائنت بصوت الحزن .. وچن حچت گبل الدفن
بعدي زينب تمتحن .. وتشوف الاهات

نفسه لظلوعي الكسر .. يصيب متنچ والظهر
بعيد مو يمها الگمر .. بس اليتيمات

تركض وحتى بركضها يفيض من عدها الخجل
زينب ابــــوادي الطـــــفوف ابلايا والـــــي ولا اهل
ساعه صوب حسين تگصد ساعه تگصد عالبطل
وانا ماموجوده يمها وينگطع بيها الامل

تنكسر بعدي .. والهجر يبدي
والعدا صوبين .. ياام حسن وحسين
الزهره يايمه .. الزهره يايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وحشه يابيت الوحي .. يمه عگبچ ياهو الي
عيني بالدم تنملي .. وسهام الادموع

لاهو يوم ولاشهر .. هاي فرگه للدهر
صدري وياچ انعصر .. كسروله الاضلوع

الوسعه هل ضاگت عليه وضاگت اعليه السمه
ياهو بالدنيا يشبهچ حره واسمچ فاطمه
استعجل اعليه محرم شفت بالباب الدمه
صوره والواقع سبقها وذكره ظلت مؤلمه

يابعد عمري .. مانفع صبري
شيعت روحين .. ياام حسن وحسين
الزهره يايمه .. الزهره يايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ردي ياام الحسن .. الغربه مو مثل الوطن
بالحنان اتوادعن .. ام اويه بتها

واليسافر مايرد .. يموت بأحساسه الورد
طفله وامها تبتعد .. ما حسبتها

يمه بعيون الغريبه نار من كثر الدمع
تنوح عالمحسن اخوها لو تنوح اعلى الظلع
يصير هيچي يازماني بت محمد وانفجع
گلب البنيه اعلى امها ويختلف بيها الطبع

والمشت عني .. العزيزه امي
ادري متردين .. ياام حسن وحسين
الزهره يايمه .. الزهره يايمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

غايب اعليه الفرح .. وكلشي يايمه اتضح
گلبي عن صدره نزح .. وتعنى يمچ

اتيتمت من الزغر .. اه منك ياگبر
تدفن الام الصبر .. ويبعدني عنچ

امكدره اخلافچ حياتي وبالعبايه اشبگ وشم
مااشوفچ يمه ادري ومات بعيوني الحلم
طفله زينب يالزچيه وياهو لجروحي يلم
لاذت الروح بحجابچ يمه هم عندچ علم

يكتل اغيابچ .. ويجرح امصابچ
صعبه من تجفين .. ياام حسن وحسين
الزهره يايمه .. الزهره يايمه


الشاعر فاروق الغنامي

ادفني سرا"

قصيدة من تراث الملا جليل الكربلائي
بقلم الشاعر هيثم سعودي الكربلائي



یحیدر لا تدلی الوادم ابگبری
اریده ایضیع عاللی ضیعو عمری


انه ابعمری یحیدر ما شفت راحه
ولا شفت السعد یضحکلی مصباحه
اودلیلی اللی گطع یلوالی سباحه
دفنت والدی البیه انکسر ظهری
////////////////////////////////////////
انکسر ظهری او علیه ضاگت الوسعه
اوبعد صوت الابو یلوالی ما سمعه
بعد راح الینادینی یهل بضعه
وصفن سلوای همی ودمعتی التجری
/////////////////////////////////////////
دمه تجري دمعتي والگلب مجره
وفرغ اهموم دلالي ابكتر شجره
لچن حته شجرتي البيها مستتره
اگطعوها وانكشف كل الخفا دهري
///////////////////////////////////////
تولاني الدهر وليه تولاني
اطيح ابظلم الاول واوگع ابثاني
أنه احزاني ابد ما منهن احزاني
فدك والسطره واللي نابت ابصدري
///////////////////////////////////////
فدك ياحيدره والسطره والبسمار
مصايب جرعتني زمرة الاشرار
لچن اصعبهن الما صاير او لا دار
جنيني اليجري دمه او طايح ابكتري
///////////////////////////////////////

جنيني الطايح ابكتري عله العتبه
يناشدني يحيدر نشدته صعبه
شنو ذنبي يهل عالم شنو ذنبه
أريد اجواب والله اتمحنت بامري
///////////////////////////////////////

أريد اجواب عن همك او عن همي
او عن يوم الغصب گادوك من يمي
او صحت يا ناس خلوا عن ابن عمي
تره أكشف يلصحابه الخالقي ستري
///////////////////////////////////////

او لون يا حيدره خليتني أدعي
واخبره الخالقي عن محنتي او وضع
واگله يا الاهي المحسن او ضلعي
او نارين اعله بابي وبالحشه تسري
///////////////////////////////////////

للمغيسل يحيدر من توصلني
مد ايدك الحدر الثوب غسلني
أخافن تنلچم لو شاهدت متني
او گلبك ينفجع من تعلم ابسري
///////////////////////////////////////

يحيدر لا تدليهم عله امچانه
أنه ابگبري اندفن مهضومه حزنانه
عليهم ما رضيت ومتت غصبانه
او خلي الما درت بمصيبتي تدري
///////////////////////////////////////

يحيدر لا تدليهم علي لحدي
أريد اوياهم ابيوم الحشر وحدي
أعرض للالاه امصيبتي وابدي
او أگله اليا سبب خفيه انحفر گبري




الشاعر الأديب هيثم سعودي الكربلائي

بالي يمك شلون وحدك شييعتهه
بويه گلي بيامكان امي ادفنتهه
دفنت روحك بالكبر _ مبين اعليك الكسر
*********************
مايطيب بأي علاج الينكسر ضلعه
اول وتالي ييمووت ولازم نودعه
تغيب امي عن وعيهه جانت وتوعه
الالم مثل الهوه ويهب على الشمعه

من ضلعهه الموت كل لحظه يمرهه
بذمة افلان اباب وبحايط عصرهه
وتالي عالخد تنصطر _ مبين اعليك الكسر
*********************
شلون وحدك شييعتهه شلون شايلهه
وشنهو لاحظته بظلعهه من تغسلهه
اثر بسمار بصدرهه الريه واصلهه
وانه اكول شلون جان النفس ييكتلهه

جانت اتون لوجست بيدي متنهه
صاير ازرگ وانه ماجنت ادري عنهه
بكل جسمهه منتشر _ مبين اعليك الكسر
*********************
وسفه بويه صار سيفك الك عكازه
مايسنده ادري ضهره اليدفن اعزازه
البيته ييرجع لجن روحه يم الجنازه
الموت عاف الدنيه كلهه اعله امي ييتوازه!!

البيتك تطب تدور امي وترد تطلع
توصل الباب وياعلي الحكني تسمع
صوتهه ابالك يمر _ مبين اعليك الكسر
*********************
بالي يمك يم گبرهه طوول اغيابك
شي اكيد اسمعت ووني اوني هالجابك
بويه عاذرتك وحقك واعرف امصابك
ادري بسمار امي طب ابگلبك وصابك

روح ارجع واقراء قرأن الكبرهه
ابقه يمهه صوتك يطيب كسرهه
جانت اتسمعه الفجر مبين اعليك الكسر
***********************
نايمه وفزيت فزه طفله مختنگه
صحت وينج يمه واركض ماشفت ملگه
رحت بفراش امي اشبگ خاليه الشبگه
بس لگيت الشيله يمه لجن محترگه

لهبة النار واصله يمكن الخدهه
امي ميته وبيهه اأثر جويه بعدهه
حگهه روحك تنقهر _ مبين اعليك الكسر
*********************
غيمه جانت امي تمطر الك حنييه
وعشررتك وياهه روح بروح مبنيه
امي جنه امي رحمه وأيه قدسيه
امي خيط الظوه اليطلع وكت صبحيه

البيت وحشه وامي جانت ضوه البيتك
الدنيه خنگه وانت دافن هوه ريتك
تغيرت بويه شكثر _ مبين اعليك الكسر
*********************
#محمد خضير الزيدي

كأني بالعباس ع واقفاً على قبر فاطمة ع ويقول :

انتظر   عالجمر   واني ابن عقد الوله
موعدي  يبتدي   من اطب الكربله
       ابو فاضل    ابو فاضل


عندي ثار وي النواصب حتى بالدم ما يفض
الدِفع باب اعله ضلعج ادفع اعليه الأرض
كلمن ايموت بمكانه ماكو بالحومه ركض
اليجر سيفه بوجودي روحه لازم تنقبض

يم حسن  والحسن   ثارج مربع يرد
والحَشر   انتظر    وگبل الحسين اني اهد
      ابو فاضل     ابو فاضل
.
.
.
.
راسي حار وبيّه شمره من علي ذاك الفحل
حتى واني بضهر ابويه مغيم وشايل زعل
سيفي يشبه راسي نصاً بالمعارك مانزل
من نظرت المالك اني حتى عزريل انذهل

بالحرب من اطب   انسف الوادم نسف
لو اهد   وانفرد      اخسف الحومه خسف
         ابو فاضل      ابو فاضل

.
.
.
.
الشجاعة الهاشميه من علي اندارت الي
مختصر للماعرفني يعني اني هم علي
النَفَس مادامه بيّه ماكو حرمه تنولي
اني ماعندي وصيه ادفن اليوصل هَلي

مبتشر  منتصر  وصى حيدر عالخدر
اليهد   ما يرد    بنص جهنم ينشمر
      ابو فاضل    ابو فاضل
.
.
.
.
انه ابو زنود الثچيله النَجَه موسى من الخطر
لو احط جفي اعله صخره منها يطلعلي نهر
امي بدوية مواقف واني امشي بهل الاثر
ام ابوي ابأسمي صاحت والها بيت الله انفطر


سيفي دم   مَنْهِزَم   لو لمع يچوي الشمس
فاطمي   هاشمي  الحومه عندي چن عرس
         ابو فاضل     ابو فاضل

.
.
.
.
انه ذاك الامه لبوه وبالمراجل رضعته
كربله حلمي الحقيقي وحلمي امي اختارته
معركه وقائدها ابنج واني حامل رايته
تسوه هاي الدنيا كلها عندي شوفت ضحكته

لو امر   عالنهر   كله اجيبه بعسكره
ينطوي  وينچفي  واني سبع الگنطره
        ابو فاضل      ابو فاضل


الشاعر عبدالله الشويلي