،،،،،،،،،،،،،،بسم الله الرحمن الرحيم،،،،،،،،،،،،،

ياگلب راحو…الــگــبـــل جــانــو
يـمـك ينبضون
بالگبر صارو…بالـتــرب نـــامـــو
لـتضن يـردون
★★★★★★★★★★★★★★★★
ااخ اليـفـارگ ابـو عود الـمـن يـعـيــش
يضل مثل طير الفكد جنحانه والريش
اهمومه وكت المغربيه تهد علي جيش

اليفكد امه و ولده
الدنيا كلهه اتعانده
تـالي يبقه لوحـده
وبس دمعته ويا

ياعلي حسينك…من بعد عينك
غازيته الهموم
عني شحجيلك…بـويه ابجـيلك
مو مدمع اغيوم
★★★★★★★★★★★★★★★★
لو مـشـه وراح النضـر شيـظل بالعيون
هيجي عافوني ومشو ماضن يرجعون
ضل فكـدهم جـن حـمل يـاكل بالمتون

واحـد وره واحد مشو
لا ودعـونـي ولا حجـو
بالفركه حيل استعجلو
ماضن يرجعون


الـهـم بـداري…ضـلــت اثــاري
اشتـمهه الـغروب
يختنگ كلبي…بي وجع يدبي
ياسـاعـه ويـذوب
★★★★★★★★★★★★★★★★
ابجـي وانا ادري الدمـع مـيرجع الراح
الماي شيرجـعه اذا فـوك الارض طاح
راحـو وعـافـو وراهـم دمـعـه ونـيـاح


ضـاعو مـثل قطره ابحر
اتشـتتـو مــثـل الـمـطـر
والتـم علئ روحي القهر
وهموم الايام

ويـن الاكيـهم…شـرد احـاجيـهم
مني شيسمعون
جلمه لو دمعه…وهمي شيسمعه
عـني شيعرفون
★★★★★★★★★★★★★★★★
يـموت مـره الينذبح ويهيد جرحه
والـيـفـارك يـنـذبـح يـومـيه ذبحه
يكابر ويسكت لجن دمعه يفضحه

كل شخص شابـع فكد
يـاكـل بـروحـه الـبـعـد
يـمـوت يـومـيـه ويـرد
وبكلبه لجمات


التنلجم روحه…تكـبر اجروحه
يوميه جرحين
تخلص اسنينه…بدمعته وعينه
كل دمعه سنتين
★★★★★★★★★★★★★★★★
هوه انا ضالمني الزمن لو هذا مكتوب
هيـج لازم انــذبح يــومــيـه الـغـروب
هذا كلبي لو صخر هم يكضي ويذوب


مكتوبه اضل طول العمر
بـفـركة احـبابـي والـهجر
واجـرع مـرارات الـصـبر
وجروح السنين

الـيفكد احبابه…يـنهـجـر بـابـه
محد يلمسه
تكـبر اهمومه…يمر وجع يومه
وجروحه شرسه
★★★★★★★★★★★★★★★★
خادم العتره/ع
علي حسين الفرطوسي

يلِ مْرَجْــــع الشمِس      علـي ابچـفك أمِـس
عجيبه اموَسَّد الليله      وكلامَك بس هَـمِس
_________________________

يچف الله - القِـلَع خيبر - تطيح شلون
رغـم چنت ابوكـتـها صـايم ايگـــولون
يحــيدر ما أشـــوفك وَي الـي صَــلَّون
بواچي بدارك اسمع حظروا ايشـيعون

الحـسن عـن يِـمْـــنِـتَـك      ٱلحُـسين بيِسْـرتك
وابو فاضل شبگ زينب      وِهِيْ بي تحـتِرِس
_________________________

چنت تدري بمصيرك لو رحت مَتْعُــوُد
إزَارَك من تعـلَّـگ تـعــرف الـمـقـصــود
يأخـرّك عن لـقـاء الواحــد المـعـبــــود
دخلته والمُـــــرادي تدري بي موجـود

دِخَلْــت المـســـــجـدَك      تصـلّي ابمـــوعــدَك
إجيت وتدري من دمك     عَـبــاتــك تِـنـتــرِس
_________________________

وگــفـت ابين ادين الله وقـريت آيــات
وابن ملجـــم ينطـرك سيفه بالسَمْ بات
گضيت الركعه الاولى وناوي للسجدات
لچن صـارت صلاتـك كلهـا تكــــبـيـرات

طحِــت من طَـبْــــرِتك      عَلَى امْصَــــلاّيتك
لِلـِ اسلام ابأداء فرضك      كتبت اعظم درِس
_________________________

يسُــبحـان اللّه من خَلّـه الأجـل يِدناك
يِخَـضُّب شـيـبتك وِيخـضُّب امصـلاّك
علي وي الله إنتــه او الله دوم اويـاك
تمـوت ابّيتــه مـو وسط الحرب راداك

إلاهَـــــــــــك يِعْــــــرُفَك    يريـد ايشــــــرُّفَـك
علي شگد قُربك ٱمن الله   اوْبعيد ٱمن الرِجِس
_________________________

علي يل زارع البَســمه اعله كل حزنان
علي يل تارس گـلوب اليتـامـــه إيمان
چنت تگـسـم لُـگُمـتك إنته والجـوعان
الْيفك ريجه بنظر وجهك يظل شبعان

علـي الفُـقْـــــــرَه تـوِن     حـزِن شــبـعت حزِن
يل امشبّعها من خيرك      زَمَنـــها ٱفـتر عكِـس
__________________________

بقيت اثلـث لـيــالي تلـــــفـظ الأنفاس
گمت تكــتب وصـايا الأَهـلك او للناس
أَشوفك أَشَّـرِت بيـــــــدك علَى العباس
أريـدك يابو فاضـل إلـهـا رفـعـت راس

وٱريـد بكــــــــــربـله         تـظــل مـــــــدللـه
أسـد وتكَـفَّـلِت لَبْـوَه         بعد مــا تـنـلّـمِـس
_________________________


خادم الحسين ع
مرتجى الحساني

يموتون . أهل الدنيا بس همه اليموتون
يظلون ..خدّام الحسيـــــن أليّ يظلون

،،،،،،،،،،،،،،،،،،


على حبك ربيــــــنه وصرنا احرار
عرفنه الجنه انت وبيــــهه الانهار
اليعرفك يا حسيــــــن يفارگ النار
انخلق هلكون لاجلك يـــبن الاطهار


يعيشون..الشيعه بخدمتك همه اليعيشون
يظلون .... خدّام الحسيــــن أليّ يــظلون

،،،،،،،،،،،،،،،،،،،

العرفّ ثورة دمائك يــــــــعرف الدين
خدمتك مو دموع وتهمل العيـــــــــــن
عدل.. خير... وتكاتف.. هذا الحسين
سمعته ايصيــــح حي اعلى المساكين


يريدون... يفهمون الحسيــن وما يريدون
يظلون .... خدّام الحسيــن أليّ يــــظلون

،،،،،،،،،،،،،،،،،،،،،

بطريق حسين كلنا نصيـــــر خدام 
شرط نلـــبس لدربه هدوم الاحرام
ظلم لو جاع جارك عـــــــينك تنام
الحسين اعظم رساله بحق الايتام


تعرفون ... هذا حسيــن واضح يلتعرفون
يظلون .... خدّام الحسيــن أليّ يــــظلون

،،،،،،،،،،،،،،،،،،،،،

يريد حسيـــن نطهر من الذنوب 
صدر تشريع ضد الغيبه مكتوب 
تاكل لحم اخيـك المات مطلوب
قرارك بيدك وهم بيــــدك اتوب


تهلكون... يجيــكم موتكم لازم تهلكون
يظلون .... خدّام الحسيـن أليّ يـظلون


،،،،،،،،،،،،،،،،،،،،

حسين يريــــــــد ناس تعاون الناس
راد بكل نفــــــــــــس مزروع عباس
يريد البشر يـــــــمشي ورافع الراس
حيـــــــــاة بلا عمل معناهه الافلاس


والعيون..خاف من الندم تتجارى العيون
يظلون ..خدّام الحسيــــن أليّ يــــظلون




كلمات / رعـــد الفريـــجي

صوره العداله اتوضح الدلاله
يا خديجه انتي نبي وعندج رساله
****************
انتي اديتي الرساله وربنه يشهد
انتي لو حيدر زمانج لو محمد
محد ايعوض مكانج والله محد
انتي عالاسلام فضلج صعبه ينعد

وكفتج قضيه وكفه حيدريه
يا وفيه وماكو ابد مثلج وفيه
*****************
صرخة الحك هزت اعروش السلاطين
وكرم الله وجهج اتصيح القرائين
انتي مولاتي الهبل لا ما تركعين
انتي غير الله قسمتي ما تعبدين

حطميتي الاصنام وزلزليتي الظلام
وانتي وي هجرت محمد عشتي الالام
************
جانت الناس بثروتج تضرب امثال
وهسه افقر وحده صرتي وضعف الحال
مكتمل دين الله ابد حته النبي كال
بسيف ابو الحمله اكتمل وبهاي الاموال

كل قريش اتكلج انتي ماكو مثلج
عالمه وصار الوحي مولاتي ضلج
*******************
الما قراها سيرتج مو مشكلتنه
انتي صرتي عالمتنه ومرجعتنه
خدمتج يم الاكارم كبرتنه
ويا خديجه اشكد مقامات ارفعتنه

بكل فخر هتفنه خدمتج شرفنه
انتي عنوان المجد والحك عرفنه
****************
انتي بنتج فاطمه ام الكرامات
برحمج وجانت ترتل احله ايات
من اسولف عنج اتحير العبارت
انتي لو عفتي النبي اطيح السماوات

والنبي ينضرج وعالصبر يشكرج
يا خديجه بحيرته اينوح اعله كبرج
****************
احنه ربنه اعله النعم لازم نشكره
يا خديجه بمجلسج هليله نضره
تحزمينه بغيرتج والرايه خضره
وندري بالموعود هالمجلس يحضره

المهدي ندري حاضر وعالجرح يكابر
اوياج رايح نلتقي بالجنه باجر
********************
تمت
تحسين الخفاجي

السلام على علي ابن ابي طالب .ع.

(قصيده سريعه).


حيدر الليله .يودع اولاده علي .حيدر الليله.

ادور العيون بالعيون بيها اشكد حجي
يمه الحسن هاذ والحسين شبعو بس بجي
يون ضل كام يخدام الزينب متجي.
بذن عباس همس كال بالك تشتجي
زينب اوديعه.عندك انه امنت .زينب اوديعه
////////////////////////
سلهمت عينه وشفافه تقره بالقدر
صد عله حسين يكله ابوكم منتصر
الصبر يولادي اوصيكم انه بالصبر
ابنادم انه وترى ابموت مطلوب العمر
واجب انطيعه.شمافرض ربنا نعم.واجب انطيعه
////////////////////////
الليله الاملاك لبو حسين كلها محزمه
ينزف علي اياة قرآن ماينزف دمه
اهل السماوات مجاميع نزلت لاطمه
حكها عله صوته الاكوان تسمعه معلمه
لوكبر وناده.حي على خير العمل.لو كبر وناده
////////////////////////
كله عباس اوصيك وصيه وشاوره
ابنيتي وياك امانه تراهي مخدره
اطني يمناك يعباس تضحي الهالمره
خاطر ارتاح على ام عون يسبع الكنطره
عينك الزينب.ابو فاضل نخوتي.عينك الزينب.
////////////////////////
تلطم ام عون والعيون تذرف بالدع
راس ابو حسين تشد بيه الامس شدت ضلع
رغم المصاب والجروح لجن بيها طبع
صوت زينب والحسين ابد ماينسمع
تربيت حيدر.حتى من تبجي ابأدب.تربيت حيدر
/////////////////////////
وداعت الله يبو حسين نزفه الجنته
نعشك الليله عالراس الشيعه شالته
الحال زينب بجه الحال بيوم الشافته
سلمنه عله فاطم وصيه وصته
كلها منتظره.زينب الطف كربله.كلها منتظره.
/////////////////////////
علي الصرايفي الشملاوي

السلام على علي ابن ابي طالب.ع


زينب الليله بياحال .مظلم نزلها اخباره.
القرآن يقره القرآن.كل ليله جان بداره.
////////////////////////
يالتسأل عله ام الخدر هاليله
بعمر الجبير و واحد يتجيله
الحيل ميت جي علي بلا حيله
لخلاها وحشه لوحشته تصليله

تشم بالعمامه وتنعاه.ريحت محنه البيها.
تذكر ضحكته وملكاه.قرآن المربيها
/////////////////////////
تنظر مجانه الخالي وتحن ام عون
هيهات اهنا الراحو النه يردون
تعوفني وتمشي يبه عليك يهون
يالدللتني ياعلي بيه شلون.

انته النفس ونته الروح.ونبضات كلبي البيه.
وركه انه وتنه السباح.ذبلت ترى العلويه.
/////////////////////////
الدهر من زينب شرايد لاوين
جابت عمرها تنوح كضتها ونين
من عمت عين الدنيا تاخذ بس زين
طبره وضلع ضملها راواها البين

جابتها من حرك الباب.الهامة علي المطبوره.
الله اليعينج يم عون.يابت علي ماجوره.
/////////////////////////
مجمعه هاي الليله يمه هاي الاحباب
ايتامه تسأل بشرو حيدر ماطاب
كلمن اجه ابماعونه وكفو عالباب
طاسة لبن كل واحد اتعنه وجاب

يدعون ربهم صيام.ياربنه حيدر سلمه.
لاكالها الله لو راح.فكده هظيمه وندمه.
///////////////////////
السيف مسموم وغميجه الطبره
امر الله هذا واحنه نرضه ابمره
الليله حيدر يفطر ويه الزهره
المعزبه طه هذا بخته شكبره

بيد الحسن دله تفور.تبرج تكول امرايه.
بالجنه تنشدله الحور.بطور انويني اقرايه.
//////////////////////

علي الصرايفي الشملاوي

{ جرح 💔 قرآن }

نزله بحق الامام علي// ع



هامة الدين يبو حسين طبروهه
عـصـرة الباب بالمصاب عادوهـه

*---------------*----------------*
طبروا الدين القـويـم بـطـبـرتـك
والكتاب اليوم ينعى لـغـيـبــتـك
لـيـلــة الـقــدرِ يـحـيـدر نــادتــك
وبـچّـت الاكـوان حـالـة شيعتـك

بشهر الصيام يضرغام فجـعـونـه
لچموا الـروح بـالـجـروح خـلـونه

*---------------*----------------*

صـاح جـبـريـل بـمـصـابـك للملـه
والملائـك هـاي ضـجـت مـعـولـه
شـافة الشـيـبـة بـدمـاك مـغـسلـه
والمـرادي لـهـامـتـك سيفه اعتله

كـرّب العـيـد يصـنـديـد حاجينـه
بـغـدر الاوغـاد بـالاحـقـاد عانينه

*---------------*----------------*

خـالـي مـحـرابك يليث المـوزمـه
واليـتـامـه تـسـيل دمعتهه بدمـه
صـابـوا الـهـامـه يـحـمـاي الحمـه
وضـلـت الكـوفـه لغـيـابك مظلمه

كـمّـل الـصـوم يـجـيـدوم ويـانــه
شـيعـتـك هـاي يـمـولاي حـزنـانـه

*---------------*----------------*

شـهـر الصـيـام بـوجـودك مـا كمل
والسـبـب احـقادهـم وأم الـجـمـل
خـضّـبـوا شـيـبـك يـمـيـزان العمل
لـلـيـتـامـه بـغـيـبـتـك غـاب الامـل

مـظـلـمـه الــدار يـكـرار هـالـلـيـلــه
بـالـدمـوع حـچـي شْـمـوع للعـيـله

*---------------*----------------*

راسـك وراس الـسـمـاوات انـطـبـر
والــوحــي مـــولاي بـچّـاه الـخـبـر
صاح والدمعات تـجـري وما صـبـر
وبـضـمـايـر شيعتك جـرحـك كـبـر

تـنـزف ادمـاك والامـلاك مـحـتـاره
غــايـب الـنـور بـالـكـبــور انـــواره

*---------------*----------------*

اتـجـدد بـيـومـك مـصاب الطاهـره
زيـنـب تـنـادي بـحـزن يـا حـيــدره
كــمّــل ويــانــه لـيـالــي الـمـغـفـره
تـجـرح الغـيـبــة وتــعــذبـنــه تــره

زيـنـب تـحـيـر بـاليـصـيـر تـدريهـه
تـصـبر شـلـون الـعـيـون تـجـريـهـه

*---------------*----------------*

✍ بقلم خادم الحسين ع
#الشاعر رعد الچريخي

وي زينب ايتامك بچو
لاتمـشي وي الي مشو  
لاتجفي گـــلبي ادخيلك
من حيلي فدوه الحيلك


حيلي رك وي الفجر   للباب اگومن ونهطر
شبيهه روحي انشدهت وكلشي صفن
غير الحگ عالــدمع    چفي عالگصه انطبع
من شفت شيباته بالدم نگــــــــــــطن
هايبويه عيوني ماشبعن حــــنينك
طشرو عشگ امي ونباگت سنينك
واصل الدم يابو زينب لحد عينك
نشفته بيدي وماگــــطع
دمك مسحته وهم رجع
گـــــابلتك وابچــــيلك
لاتجفي گلبي ادخيلك


بيك فك ريجه الصبح   روحك ترافه وتنجرح
والبگه من عـمرك ابعمر اليتيم
مره دافــــــن فاطمه    ومره كل راسك دمه
مرتين اتردلي وتشبعني ضيم
امسك امــن الموت مو من الكلام
بويه اذا تمشي عليه اقره السلام
الباب والمــــحراب ناتجهن خيام
صار العـــــمر سفرة ألم
يوم بسبي ويوم بخيم
اسمع چلمتي اشكيلك
لاتجفي گلبي ادخيلك


ساكت وعينك حچت    اختنگ كلما بچت
ضام چلمة بويه وين اتوسلك
بويه يالكـــــــلك دفو   تدري بيتامك غفو
لو بعدهم كاضـــين الباب الك
گـــلبي كسرين انكسر والدنيا تفتر
توها راحت فاطمه ويلحگها حيدر
دللـــــــوني اثنينهم ياگـلبي شصبر
كلما اچــــذبها العيون
ارجع وگولن مايجون
كلــــهم طفو وي ليلك
لاتجفي گلبي ادخيلك


اليفگد امن الدنيا أب   حگه لو عــــمره نحب
اه شيكض گــلبه من يشتاك اله
ليله يتگــــــلب سهر    اجفونه يعصرهن عصر
كل صبح ماجاب ابوه بي لاهله
الله لاينطيك يالــــــــــــجارح حنانه
روحي امانه وخــــــذ ياربي الامانه
البيت فاهي ابلا علي وخالي مچانه
شماســولف بطاري علي
الحايط يرد صوتي الي
رايح ترا خليــــــــــلك
لاتجفي گلبي ادخيلك


شابگــه اثيابك وون     نايم اگبالي واحن
هسه يگعد هسه يشفه گلبي رف
يطلع ويدخل عليك   الحسن مفجوع بيك
هازينب جـــــــرحه مابطل نزف
شهگ شهگه وضل يأشرلي ابيمينه
گلي چلمة وغمضاها اگــبالي عينه
شدي حيلچ بويه زينــب للضعينه
شلت ايده بس مابي نفس
والبيت بالبـــــويه انترس
باوعلي انه اومــــيلك
لاتجفي گلبي ادخيلك

#شاكر الصیمری

.
مجلس شهادة مولاي امير المؤمنين
وداع الامام علي لزينب….. ..
.

.
ليش ياحيدر تقبـل اعيونها
شوف زينب شو تغير لونها
.
.
ادري جـرحك ياعلـي كلـش كلف
چن اشـوفن كـربله وسط النزف
شـو وداعـك ويه زينـب يختـلف
ما اشـوف أتلمسـت خدها الترف
.
ليش چفك راح يم امتونها
شوف زينب شو تغير لونها
.
ـــــــــــــــــ ❁ ❁ ❁ ـــــــــــــــــ
.
يعني تعـرف بالـزمن الها أشيظم
تـريد يعنـي اتگـول بعدك تنهظم
يعني فـوگ العيـن زينـب تنـلطم
يعني سطره تكسر بخدها العظم
.
خلاف عينك يالولي يسبونها
شـوف زينـب شـو تغير لونها
.
ـــــــــــــــــ ❁ ❁ ❁ ـــــــــــــــــ
.
بعيـنها تنـظر هظـم مـا ينـجـلي
تشـوف بضعة فاطمه من تنولي
چن شمر وينادي طلعو بت علي
الهه مـا ظـل لا أخو لامــن ولي
.
الـوديعه بعــدك ايسـلبـونها
شوف زينب شو تغير لونها
.
ـــــــــــــــــ ❁ ❁ ❁ ـــــــــــــــــ
.
ياعلي خـدر الرسـاله امحـيـره
شنهي سر هالنظره منك ياتره
قبّلت عيـن العقـيله الطـاهـره
انـته لـو تگصـد تقبّل مگبــره
.
بيها شفت اخوانها يودعونها
شوف زينب شـو تغيـر لونها
.
ـــــــــــــــــ ❁ ❁ ❁ ـــــــــــــــــ
.
قَبّلــت عيــن العـقـيلـه بـلا كـلام
بيها چنك تنـظـر الرشـگ السـهام
وتنظر امراكض يتامه من الخيام
والشمر يحمل شفت راس الإمام
.
وهيه بحبال السبي ايگيدونها
شـوف زينـب شـو تغيـر لونها
.
ـــــــــــــــــ ❁ ❁ ❁ ـــــــــــــــــ
.
صافن اعله عيونها شو للصبح
نعمه لو تنطق ولو كلمة جـرح
ركزت چنك شفت چعب الرمح
چن شمر يدفع رقيه وتنطرح
.
عالوجه من تعثر ايصفعونها
شوف زينب شـو تغير لونها
.
ـــــــــــــــــ ❁ ❁ ❁ ـــــــــــــــــ
.
ليـش ساكت وأنـظر بعيـنك وجل
بعـده كله الي تشـوفه مـا حـصل
حـرّتك سـتر الله والكــافـل كفل
ضمها وسط عيونه عباس البطل
.

يمها كل خـوانها ويحـمونها
شوف زينب شو تغير لونها
.
لا تنسوني ووالدي من فضل دعائكم المبارك
.
#حسن الموالي الفاطمي
.

. انـهـدمـت اركـان الـسـمـه بـهاي المصيبه
حـيـدر تـغـسـل بالـدمـه ومـغـطـي شيبه

. راســه التـخــضّــب حـضرولـه مـعـصـب

*---------------*----------------*

عــذبـِتــنــي زينب تنادي بمصابك يالصميـده
مــا اضـنـــه جـرحك المفتوح اضماده يفيـده
لـجـمـتـهـــه والجروح بطبرتك ردت جـديـده
الـلــيـــالـــي تجري دمعته التخلصهه وحيـده

الـتـفـكـد ابـوهـه وهيبته همـهـة تـذيـعـه
تـظـل وحـيـده وتـنـجـوي بـنـار الفجيعـه

دمـعــاتــي تـنـصـب حـضرولـه مـعـصـب

*---------------*----------------*

اشـيـجـيـهه التنتظر سـاعات وتـودع عمرهه
صــبـرتــهـه مـا يـفـيـد الروح بغيابك صبرهه
كـلـمـيـتـــك دنـيـتي بجفاك شيجبر كـسـرهه
لـلــنــوايــب زينبك خـلـيـت ولهضمه كسرهه

الـلـيـل اخـلـصـه بدمعتي وانطر صباحـه
حـال الـثـكـالـه بـغـيـبـتـك وي الـمـنـاحـه

احـــزانـــي لـلــــرب حـضرولـه مـعـصـب

*---------------*----------------*

ودعــــتــــه والـوداع ايـجـرّح بگـلب العقيلـه
الـمـصــيـبـه حيرتني واقـتـرب يومك رحيلـه
امــنـيــاتــي يـقـبـل المـوت واصـيـرلك بديله
الــمـــدامـــع تجري بعيوني واحسنهه قـلـيـله

ربـي اخـذهـه الـروح واقـبضـهـه الامـانـة
اصــبــر شــلــون واصــد خـالــي مـكـانـة

حــيـــدر تـــصـــوب حـضرولـه مـعـصـب

*---------------*----------------*

الــشــدايــد ما اهمهه وشوفتك جانت سعاده
الامــــيـــره فـارگـتـهـه والعـمـر اعـلـن حـداده
الـــيــفــارگ لايـگ اللـيـل اليـغـطـيـه بـسـواده
الـعـقـيـلــــه تحرّم النوم ابـوداعـك والـوسـاده

تــدري تـهـدم يـالـولـي صـبـر الـعــقـيـلــه
الله يـعـيـنـه بـغـيـبـتـه اليـفـكـد خـلـيـلـه

ســاعــاتــه تــكــرب حـضرولـه مـعـصـب

*---------------*----------------*

الــمــنــيـــه بمشهد دمومك يحيدر شاهدتهه
ذكــريــاتــي للـجـره بـالـبـاب بـويـه رجـعـتهه
الـمـــدامـــع بطبرة الهامه ومصابك رخصتهه
الـحـبـيـبـــة جددت بيهة الـجـروح الضمدتهه

دمـعـتـي هـلـت ســوه ودمــع الـيـتـامـــة
صـعـبـه اكـولـن والـدي مـطـبـوره هـامــة

دلالــــي عــــطــــب حـضرولـه مـعـصـب

*---------------*----------------*

الـتـكـابـــــر للجـروح اتـصير تـالـيـهـه اسـيره
مـارحـمـنـي الـزمـن ويـاي مـايـهـتـز ضـمـيـره
بــصـــلاتــك ذكرياتي وشدت المعصب جبيره
والـعـجـيـبـه بالمـدامـع كـلـمـن يـروح لمصيره

بـعـدك يـبـويـه دنـيـتـي شـتـسـوي بـيــه
ويــاك اخـذنــي لـلـكــبــر نـلـتـم ســويــه

لـلــوالــي مــطـلــب حـضرولـه مـعـصـب

*---------------*----------------*

✍ بقلم خادم الحسين ع
الشاعر رعد الچريخي

قصيده نزلة زنجيل

الحومه من طبوها...... ترتجف خلوها

ربع الحسين

.....  ...

طبو الحومه زلم والله زلم

هشموا العسكر بعد حيلي هشم

موش واقع جنهم بليله حلم

سيف يضرب سيف وزداد الزحم

كربله ميلوها.  ترتجف خلوها

ربع الحسين

.......

زلم غيره وشيمه كلهم مرجلة

تلَّكوا الموت بعبارة يا هلا

سَطِّروا اروع صور في كربله

نالوا بحب الحسين المنزله

المنزله حصلوها.  الحومه من طبوها

ربع الحسين

.........

قادهم بخلاص وبهمه حبيب

حاموا بيمان عن ذاك الغريب

وفوا  بِّيثار لحسين السليب

وبذكرهم كل محالسنه تطيب

الغانمه سووها.  الحومه من طبوها

ربع الحسين

.........

طرزوا تاريخهم باروع صور

بتضحيتهم عالسبط واشرف نحر

ابد ما اسمعنه مثلهم بالدهر

واصبحت أسمائهم مثل الدرر

وبذهب خطوها    الحومه من طبوها

ربع الحسين

.........

ذوله زلم النيبه زلم الغانمه

وصيتهم واصل لعد سابع سمه

اجر الهم من علي ومن فاطمه

ابد ما همهم تعب همهم ضمه

سيوفهم حدوها     الحومه من طبوها

.........


تمت ومن الله تعالى التوفيق والقبول ببركة الصلاة على محمد وآل محمد عليهم السلام

بقلم الرادود الحسيني عباس الساعدی

ياعلي  صعبه  الفجر
يلبس اسود من يطر
خاف  راسك  ينطبر
........................بويه ياحيدر علي
**********************
بويه خليني اردا اودعك اخر اصيام
تدري  بيه  مدلله   ما  احمل   الالم
شلون  تتركني  وحيده  بين   ظلام
باجر  يشوفون  زينب  طبت  الشام

بويه تسعر  مهجتي
مره   بعدك  دنيتي
ليش  ناوي  عالسفر
.........بويه ياحيدر علي
************************
اه ياموت اعالهونك جرحي ماطاب
ارئف بزينب دخيلك   داحي الباب
والجرح يكبر اشوفه براس المصاب
تدري صعبه بلاوداع تموت الاحباب

بعدك بياحاله اصير
بويه  نكعد  بالهجير
ما رحم  بيه  الدهر
.............بويه ياحيدر علي
************************
نامت بعيني الجوامع صوت  الاذان
صاح  ياحيدر  دخيلك والوعد حان
بويه لا ترحل بعدني بثوب الاحران
فكدك تموت اليتامه وحشه رمضان

علي بيتك  خالي
شلون راح الغالي
ودعت  روحي العمر
.................بويه ياحيدر علي

**********************
شلون لوطر الفجر شوف المساكين
بعتبة الباب وتون دمتعهه بالعين
وين للمسجد علي طالع يبوحسين
هذا ابن مجلم يطبرك ياعلي الحين

ثوبك مخضب دمه
راجع  بعينك  سمه
بويه عذبني  الهجر
....................بويه ياحيدر علي

***********************
بوية. مااكدر. بدونك. خذني  وياك
ميته من دونك يحيدر صعبة انساك
بوية اريدك تعتنيلي  ابكربلة. هناك
من يكعدوني ابخرابة واكعد انخاك

بويه  المن  اشتكي
من يسمعوني حجي
الفزعتك بويه انتظر
............بوية حيدر ياعلي



يوسف الفتلاوي

•لحن القصيده (يابوفاضل طيحت ايدك مووكته)

لسان حال السيده زينب (عليها السلام) بعد استشهاد الامام علي (عليه السلام)

₩₩₩₩₩₩₩₩₩₩₩

ياعلينه....موتتك موسهله اليه
ياعلينه...والغرب يحجون بيه
ياعلينه...غيبتك صعبه عليه

₩₩₩₩₩₩

بويه ياسفره وعكب عينك تلمنه
وبشهر رمضان يابويه عفتنه
ونته تدري بهل دهر طشر شملنه
صعبه بويه الترب من ضماك عنه

هايبويه...ابشهر رمضان رايح
هايبويه...هالكلب ذبلان طايح
هايبويه...طيحت الحامي قويه

₩₩₩₩₩₩

ذبلت اسنيني العشتهن في حنانك
بويه ناخيتك بعد ترجع مكانك
موصرت جمره و اوجن في زمانك
ويا ابوطيب بعد عنده لسانك

ابغيابك...انكسر ضهري يحيدر
ابغيابك...السهر بعيوني خضر
ابغيابك...دمعتي تنزل سبيه

₩₩₩₩₩₩

بويه ياعيد اليمرني ونته مابي
لايجيني ولايصل عنوان بابي
وانكلب عاشور ومهيج مصابي
ياحسافه منالزغر بادي عذابي

لاتجينه...يافرح تشعل حزنه
لاتجينه...لو بعد تحرك جمرنه
لاتجينه...واليتم نازل بديه

₩₩₩₩₩₩

والله مليت البعد احضر اشويه
روحي خلصت والهجر كبرني ميه
بويه ليش الموت ضم شخصك عليه
مو بعد مشتاكه لك روحي الابيه

ياوداعك...شاعل كلوب اليتامه
ياوداعك...مو كسر جنح الحمامه
ياوداعك...بي هجر مابيه جيه

₩₩₩₩₩₩

بويه يا موتك كسر جنحي ولواني
وخله كالشامت تره بحجيه رماني
واعله كبرك ها يبويه راح اتاني
وما املن لو خلص ميل الثواني

منتضرتك...والدمع تارس وجنتي
منتضرتك...والبعد هيج عبرتي
منتضرتك...حسبت نرجع سويه


#كرار_الغزي
2018/5/20

موشح
زينب الليله يتيمه ياعلي
زينب الليله وحيده بلاولي
*******
يابو زينب عايف لزينب جرح
عليها غابش هالجرح من الصبح
بطبرتك زينب يبوها تنذبح
هموم زينب ياعلي ماتنجلي
*********
انت خيمتها وجبيره وكعتك
زينب الليله يحيدر نادتك
حيل اذتها بجرحها طبرتك
مساهره وحزنانه بالهم تبتلي
********
عادت احزان الزجيه من رحت
طاح گلب الحره حيدر من طحت
بذن زينب صوت والله قد فزت
صوت من سابع سمائه يعتلي
********
شلون تصبر مااضن ايفيد الصبر
الماذي زينب ياعلي فرض الفجر
جان ليل وشافت نجوم الظهر
بالگلب زينب جرحها الجاهلي
********
واضطرب حال الفلك كلشي اختلف
ياعلي الليله احس ظلمه النجف
والمصاب البسمه حين انكشف
حته جبرائيل دمعاته إتهلي
********
اخ من ضيم الدهر يااباالحسن
عيوني من كثر المدامع جن عمن
عالمصايب من زغرهن فتحن
الليله بغيابك خرابه منزلي
********
تمت ولله الحمد/ المقصر مع الحسين
علي النائلي

بهذا اليل .. يابو تراب ..تغفه اعلنعشك روحي
طف الموت ..من هل اليوم .. يبدي يعد بجروحي
باجر يخلص اليل .. للطف يحسب ايام
******
بويه خل ايدك على صدر الذبيح
حت اشم اجفوفك اديك اشما اطيح
باجر الحافر تهب بلايه ريح
مايهمها وتسحك بصدري الجريح
انطيني جفك يا ضواي .. خل اشمه الطف وراي
باجر برض الخيول..يعبر الحافر كفاي
بويه الخيل .. تسحك حيل .. بالطف ترض اعضامي
واشهك موت .. علتربان .. دفيلي ثغر الضامي
باجر يخلص اليل .. للطف يحسب ايام
******



بويه غطيني بحناك يالحنين
وامسح براسي كبل شيب السنين
بالحجر باجر يشمولي الجبين
وينكطع باجر تره راس الحسين
باجر بوادي الطفوف .. تنحد بجرحي السيوف
يالرسمة الطف بديك .. وغربتي بعينك تشوف
كلشي يصير .. تعلم بي .. وغركت اديك بدمعك
ها يالميت .. ليش حسين ..خايف تون يسمعك
باجر يخلص اليل .. للطف يحسب ايام
******








يا علي حسين شكر يشتاكلك
روحه شال وي النعش مو حاملك
كل صباح وكل مسيه امكابلك
راسي من لحضت وداعك شابلك
يالمبتعد مابيه روح .. صرخت وياي الجروح
بويه من تطع وراك..اسمع آذانك ينوح
صاح وياي .. حت الباب .. ريضلي شويه ابنعشه
حت الطير .. اعليك ينوح.. وجنحانه كام ايفرشه
باجر يخلص اليل .. للطف يحسب ايام
******






بويه خلي عيونك بعين الكمر
يمرد عيونه تره سهم النهر
مو خواطر ينكسر حت الظهر
الحومه عالتابوت صارتلي صور
بكل رمح اشهك تعال..ياعلي السوح القتال
حسينك بوادي الطفوف .. طايح مكطع وصال
الطف كام .. ترس العين .. يرسم ورد ذبلانه
وطفل تكوم .. طفله اطيح .. ومن العطش فحطانه
باجر يخلص اليل .. للطف يحسب ايام
******







بويه ليش الطف اجه اعلعيوني
كون وياك بلحد خلوني
باجر بحافر تره ايشيعوني
بجم سهم باجر علي يجفنوني
من الكفه بويه انذبح .. ورتفع راسح برمح
وزينب اعللتل تون .. شاهدت اكبر جرح
حرك خيام .. وبيه اسهام .. ومكطوع الخنصر شافت
تون بسكوت .. بوادي الموت.. جم غالي بالطف عافت
باجر يخلص اليل .. للطف يحسب ايام
******
تمت
#احمد الخفاجي

رايح وين بويه بعدك وين اروح
بدمع العين راح اخلص اليل انوح
طول اليالي
دمعي يلالي
فاركني غالي .. رايح وين
************
بويه اليفارك ابو يكضيها حسره
يخنك بريته الهوه وبكلبه جمره
حسره تاخذ دمعته وترده عبره
جم الف خاطر رحيلك ضل يكسره
كون وياك ريت ميته اليله اروح
ما انساك راح اضل بلايه روح
بويه انت روحي
وبلسم جروحي
مايهده نوحي .. رايح وين
************

ادري من بعدك ابد ماتغفه عيني
بويه حت النوم عكبك مايجني
الدمعه تسبيحه وخرز ينطش ونيني
روحي لو تاخذها يمك لو تجيني
بالحسرات جني راح اكضي العمر
بالدمعات وكلبي بعدك ينفطر
يال عني رايح
كثر الجوارح
فز كلبي صايح .. رايح وين
************





يالي عمرك ماتهم كثرت جروحك
علي بس الباري يفهم طعم نوحك
عالي نعشك مدلي جفك خل الوحك
يالترد الشمس بيدك ردلي روحك
بس ياريت طولك يمرني ضوه
خالي البيت وما اشم حت الهوه
خليني اشوفك
والزم جفوفك
مابيه اعوفك .. رايح وين
************



بويه تدري شما اذكرك كلبي ينطر
حت ذاك الشيب شفته برمشي خضر
الدمعه صارت من تطيح بلون الاحمر
جنها بيه الخيمه شبت وانه بالبر
بين النار جني اركض وانهطر
كلبي حتار واحلم وبحر الضهر
جني غريبه
بوادي المصيبه
الراح شيجيبه .. رايح وين
************





من رحت عني يحماي الحميه
جني بديار الغرب مجتوفه اديه
ادري بالعباس كد هاي الوصيه
باجر ايبيض الوجه بالغاضريه
بجف عباس باجر يرف الوه
رفعت راس النهر بجفوفه ارتوه
راية عضيدي
اعكدها بيدي
اليمشي بوريدي .. رايح وين
************
تمت
#احمد الخفاجي

عني رحت .. بويه وهدم حيلي الدهر
عني رحت .. شحال اليتيمه وي السهر
ماغمض اعيوني بعد.. والغالي عن عيني ابتعد
عني رحت
********
يابويه اليفارك ابو..جا هو والضحكه شكو
يمهيل ادلال البدو.. بويه بحنانك ضمني
اتلفت بحيره وألم .. بكل حسره دلالي انثلم
يا خيمه كل لحضه بسهم .. كام الهوه يلجمني
كل لحضه تاخذ عام من سنيني
بحسرة يتيمه الكبرك اتوديني
بويه علي .. تدريني اموت بغيتك
بويه علي .. صارت يتيمه بنيتك
اتيتمت واندب مدد .. والغالي عن عيني ابتعد
عني رحت
********

اتوجه عالونه كمت .. من زغري ليش اتيتمت
يابويه حيل اتألمت .. يذبح وداع الخيمه
اخواني بوداعك بجو .. بالدمعه نعشك شيعو
فوك النعش حيل أنحنو .. وزينب تضل ايتيمه
ميت ابوها التفكد الحنيه
من دونه يعني تموت كل ابنيه
ميته صرت.. يالشيعوك وما تجي
ميته صرت .. شاب الضلام من البجي
يابويه دلالي انمرد .. والغالي عن عيني ابتعد
عني رحت
********






ودعتك بسر النضر .. جم خاطر بروحي انكسر
شخلالي يابويه القدر .. بس الالم والونه
شيحضر الباجر جرح..بس لايجي بنبله ورمح
ماميزت ليل وصبح.. محضر نوايب جنه
شمحضر الزينب زماني مصيبه
بكل دمعه طاحت خضرت جم شيبه
ليل الحزن .. مايرحم بجفني الذبل
ليل الحزن .. وشلي دمعي شما نزل
ومايرحم بحالي ابد .. والغالي عن عيني ابتعد
عني رحت
********







من نعشك بجفهم عله .. جني غريبه بكربله
وعالتل دمعتي مسبله .. بيا حاله حالي اليله
نرسمة عله عيوني صور .. جم غالي مكطوع النحر
من الخيمه انضر للنهر .. واليا جرح ابجيله
عباس جنها مكطعات ازنوده
وعيونه من نبلة سهم ممروده
جني شفت .. صورة كفيلي اعللنهر
جني شفت .. بس طايح مكطع وذر
ديرت نبل فوك جسد .. والغالي عن عيني ابتعد
عني رحت
********





وصورة غريب الوحده .. وهدومه كلها مفرهده
بصدره السهام اموسده .. وينضر للمسنايه
ياخويه اخر جلمته .. والحافر اشكد لجمته
للشاطي حاول كومته .. هلبت ترف الرايه
هلبت ترف الرايه بيد اعضيده
بس الشمر ياويلي حز اوريده
شفت الشمر ..لحسيني جرد خنجره
شفت الشمر .. حز نحر اخوي وطبره
وتربع بصدره وكعد .. والغالي عن عيني ابتعد
عني رحت
********
تمت
#احمد الخفاجي

#جديد شهادة امير المؤمنين
…… قصيدة #متعددة #الاوزان …….
.

يـاحبـيـبـي .... يـانبـض حـيـاتي
بويه جرحك .… . ينزف امنياتي
هاليوم ينفتح باب المصابي
هاليوم تبتدي رحلة عذابي

ـــــــــــــــــ ❁ ❁ ❁ ـــــــــــــــــ

بويه شمسك هالفجر
بـالنـوايـح مضــرمه
خلّص الليل ونهارك .. اظلـم ابلايه صـبح
وجهـك المضـوي بدر
شفته بالخسف ارتمه
وبدموعك بويه انظر ..چن الف طعنة رمح
...
يانبـع بيـك ارتـوي
اشـرب ابمـايك ظمه
نايباتي ابغيابك يبويه تتضح
گمت اشوف ابهامتك
ضـلع امــي فـاطمـه
وبسواد المنيه حياتي تتشح
.
آنه زيـنـب .… وانت اغلى ناسي
بويه حيدر .... امسح اعله راسي
انعاك والحزن دگ اعله بابي
هاليوم تبتدي رحلة عذابي

ـــــــــــــــــ ❁ ❁ ❁ ـــــــــــــــــ

أذكر ابوكت السحر
ابحضـرّتك نجتـمع
نشهگ انفاسك يغالي .. نشبع ابشمك هوه
بعد طبـرة هامتك
گمنه نتسحر دمع
بويه وبجمر النوايب..والهظم خدنه ارتوه
.
الأذان الـننــطـره
بغير صوتك يرتفع
والمؤذن ينادي يشيال اللوه
بيك جرح المگبره
ينعى واحنه نستمع
هايشيعه امامي بعد ماله دوه
.
بويه عمري .... ينـزف ابـوريـدك
والهظمني .... مني طاحت ايدك
لنّوح ولحزن احسب حِسابي
هاليوم تـبتدي رحلة عـذابي

ــــــــــــــــ ❁ ❁ ❁ ـــــــــــــــــ

ويـن ماصـد النـظـر
كل نعي بگلبي يدگ
الحسن يخفي جروحه .. چبده بلهم ينهشم
شفت عباس التفت
يدري عـني يـفترگ
شما يصدليه اعاين .. ظهره بويه ينهـدم
.
حسين دمعاته الجرن
چن مـخيم مـحترگ
ظل ينادي يحـره دنه يوم اليتم
من يغمـض والـدچ
يعني بنفاسه اختنگ
يعني هاي المسيه ضلع أمي انلچم
.
مـات ابـونه… .. وانتـهت حياته
باقي عدنه… ... فقط ذكـريـاته
من دم هامته اصبح خضابي
هاليوم تبتدي رحلة عذابي

ــــــــــــــــ ❁ ❁ ❁ ـــــــــــــــــ

آه من هذا الجرح
نزفه بعيوني انغرس
بويه كل لوعه اهلها.. تترك ابخدي حُفر
شفته ينظر دمعتي
بالحقد وجهه انترس
گلي راح ارجع يزينب.. انرسم طبره ونحر
.
حسين لو ظاگ الدمه
صدره بالگاع انرفس
هايزينب جروحه اثر يدفن اثر
جرح من سيف ورمح
جرح من حدوة فرس
ما تعرفين اخيچ أذا اصبح وذر
.
حظري روحچ .. من بعد مصابچ
راح اردلــچ .... اوگف اعله بابچ
ياحال ياهظم يوصف جوابي
هاليوم تبتدي رحلة عذابي

ـــــــــــــــــ ❁ ❁ ❁ ـــــــــــــــــ

وين رايـح يالوفي
ياوجه فجر السعد
عنك ادور يغالي .. حظرت ايتامك تره
تقـبّل اتراب الدرب
تدري ماتخلف وعد
هايزينب وين ابونه ..خلي ننظر حيدره
.
.طفل جايبلك لبن
گلـي ما افـطر أبد
اله اشمن اميري بجروحه ومنحره
طفل طاح من البچي
بـويه بالعـتـبه گــعد
گلي ياحره وينه طريق المگبره
.
مايجيني .. أدري عنده عله
الجروحه .. اهدي عمري كله
ينعاك والحزن عبره بعتابي
هاليوم تبتدي رحلة عذابي
.
.ـــــــــــــــــ ❁ ❁ ❁ ـــــــــــــــــ
.
عـمـرك اليـوم انتـهى
وعمري يابويه ابتده
يختصر قصة حياتي .. بويه تل ابكربله
اليوم ماتت بـسـمّتي
من ضگت انت الرده
عمري من بعدك يتامه .. وي عليل وعايله
.
حسين لو ظل وحّده
والجـيـوش الحـاقده
بويه انظر شمرهم على صدره اعتله
يعني نحـره يـنگطع
راسه بچفوف العده
وآنه وياهم اسيره وچفوفي امسنسله

غـاضـريه .. تفـتـح المنيه
أدري بيها .. وهيه تدري بيه
كلمات كـربله تـخـتم كتابي
هاليوم تبتدي رحلة عذابي

ـــــــــــــــــ ❁ ❁ ❁ ـــــــــــــــــ


حسن الموالي الفاطمي

٢٠١٩/٥/١٥
القصيده محرمه على منشدي الـ DJ

ختمة عزاء .. .
.
أويلاه. يا فاطمه
.
هم رحتي شفتي كربله .. بيها الشباب امچتله
بعيالچ ايحيط الخطر .. وسط المخيم زلزله
وسط المخيم زلزله
.
شفتي بلحسين اشجره
خده افترش ارض الفلا
ياويلي طر چبده الظمى
وبگلبه نبيلة حرمله
گاعد على صدره الشمر
يالزهره منهو اينزله
سل سيفه باشر بالذبح
كامت تشوفه العايله
نحره 12 طبره انطبر ..
محبوبچ اليوم انوله
يافاطمه دمه جره. ..
ما ظل ولا ناصر. اله
ياويلي گطعوا منحره ..
صاروا سبايه كل هله
گطعوا چفوفه وخنصره ..
شدو رقيه ابسنسله
راسه ارتفع فوك الرمح ..
زينب مشت بالقافلة
زينب مشت بالقافلة
أويلاه يا فاطمه
.
.
هم رحتي صوب المشرعه. شفتي الچفوف امگطعه
ضحى الكفيل ابمهجته .. لجل الخدر. والمقنعه
لجل الخدر والمقنعة
.
يالزهره زينب عالنهر
شافت يويلي مصرعه
بالدمعه تنظر جربته
بعينه السهم ما طلعه
نادت يخويه يا شهم
صوت الشمر هم تسمعه
أينادي طلعوا بت علي
چفك بعد شيرجعه
ظلت رقيه ابلا ابو
ظلها الشمر ظل يتبعه
سلب تراچيها النذل
وبخدها طبعة أصبعه
متني من السياط انذبح
كل طگه دم أمرصعه
لكن ولا طاح اللوا
بچفوفي خويه ارفعه
بچفوفي خويه ارفعه
.
.
حگي اذا درت النظر .. عن حالچ بيوم الخطر
يافاطمة ابو الحسن .. بچفوفه شالچ للگبر
بچفوفه شالچ للگبر
.
يا فاطمه عندچ ضلع
واحد تهشم وانكسر
بالعصره گطعولچ نفس
من مهجتچ غاب النظر
شوفي الحسين ابكربله
فوگ الترب صدره انحفر
حافر اذا مس الضلع
يترك على الگاع الأثر
10 الخيول الداسته
طلعت ضلوعه من الظهر
اطشر ابنچ بالفلا
لازم تدورين النحر
بين الخيم والمشرعه
عالتله لو درب السفر
يالزهره دوري خنصره
بيا حفره شوفيه استقر
وحدچ تلمينه صعب
متوذر احسينچ وذر
متوذر احسينج وذرچ
.
.
نزلت دموعي أمحيره .. موقف اريد اتصوره
عبدالله ليش الياسبب .. يالزهره گطعوا منحره
يالزهره گطعوا منحره
.
ليش العطش اصبح ذنب
وتصيبه نبله اتعفره
عبد الله يتروه ابدمه
من العصابه الكافره
مايشعر ابحر السهم
يشعر ببوه الينظره
أحا ينبلة حرمله
گلب الحسين اتمرمره
عبدالله كلش منقهر
والعله شنهي ياترى
كاروكه بالنار احترگ
وهدومه كلها امبعثره
بالذبحه الگماط انفتح
بي شدوا ايد الطاهره
عبدالله من نام ابگبر
هدموا عليه المگبره
راسه ارتفع فوگ الرمح
ياويلي امه اتناطره
بالخيمه امه اتناطره
.
.
خليني أحظر عبرتي .. شعرت رقيه بلوعتي
گالت يناعي استمع .. راح اروي كامل قصتي
راح اروي كامل قصتي
.
آنه الي چنت امدلله ..
وبحظن ابويه نومتي
گلبي ولا مره احترگ
ولا مره سالت دمعتي
من ليلة الحادي عشر
كملت ملامح غربتي
اظلم غده ابعيني الصبح
محترگه انظر خيمتي
بچفي الشمر شد الحبل
ياشيعه زادت لوعتي
ايعتني كل ساع واطحت
واركض والوذ ابعمّتي
آنه الشفت راس ابطشت
ظليت اونله ابونتي
نمت وشفت چن ابحلم
قبلني ابويه بوجنتي
اخذني وياه ورحت
وسط الخرابه دفنتي
اويلاه. يافاطمه
……………………… .........
لاتنسوني ووالدي من فضل دعائكم المبارك
.
حسن الموالي الفاطمي
.

القصيدة محرمة على منشدي ال DJ

بقيت الوحدي ودم عيني همال
جنازه وماكو بيهه امن اهلي حمال
******************ا
ما مكتوبه زينب تترك النوح
عزرائيل اجاني وما لكه روح
كعد يمي وبقه يحسب بالجروح
الله ايساعدج يم الحزن كال
*****************ا
صوت الون عبرته وني ينشاف
وخلگ كلبي جزه الوجعات الخفاف
شلون بهل الوضع يخواني انعاف
مهظومه بقيت وحالي يا حال
*******************ا
دمع اعيوني خلص يمته تلفون
وبدت بالماي الابيض تبجي العيون
هاي اجنازتي ومحتاجه المتون
وموش ابأي متن تابوتي ينشال
*******************ا
يبس شوفي وراكم ها يالبعاد
وجمر فركاكم ابنص روحي وگاد
عليكم يا صبر يا حيل ينراد
رخه وما يگوه حيلي الحمل الثگال
********************ا
عانيت وگصت بالوجعه بلواي
كلبي واحد وفركاكم هواي
اتفگد صرت بالرايح وجاي
بلكت يطرش امن احبابي مرسال
******************ا
ذبل حته الأمل من چلمة الوين
يهلي اترشد الزينبكم البين
ميته وحشمت عباس يحسين
گبل لا ذاري كبري اعليه ينهال
****************ا
خمد صوتي وجمر دلالي مفعول
والدفان وين اخوانج ايگول
كتله اخواني درب اسفارهه ايطول
وبجوني انشالله مهمه الدرب طال
*****************ا
الشاعر
#مصطفى البديري