*#حب_يتحدى_الصعاب 《25》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
أمان مشى لمنذر عانقو وقال ليو عمري م ح أنسى وقفتك معاي شكرا ليك،منذر رد ليو دا أبسط شي ممكن أقدمو ليك ولو احتجتني في شي تاني انت بس أشر،ابتسم وقال ليو بعد دا أرح نمش،أمان شال جوالي من الأرض وناولني ليو عاينت لمنذر وقلت ليو بالجد شكرا ليك،قال لي العفو يابت العم عملت واجبي وبس،قلت ليو طيب انت كيف عرفت انو نحناهنا،قال لي أمان اتصل لي وقال إنو هشام خطف ميار واحتمال يأذيهاومامعروف الحيحصل هناك،المهم بعد ساعةكدا إذا م اتصلت عليك إتصل لألق(ح أرسل ليك الرقم)وسألا اذا ميار جات ولا لأ؟لأن احتمال مجرد م يشوفني يخلي ميار ويحاول يأذيني،فلو اتصلت لألق وأكدت ليك انو ميار م جات وكتها لازم تلحقني في() قلت ليو لا انا بمش معاك قال لي هشام أكد لي انو ح يأذيها لو جبت معاي زول! قلت ليو تمام يازول خلي بالك ع نفسك واتوكل وانا بعمل القلتو لي،كنت منتظر اتصال أمان بفارغ الصبر بس مرت ساعة وهو لسة م إتصل طوالي شلت جوالي واتصلت ع ألق في البداية ضاجت وخافت شديد وبقت تلوم في نفسها بس اناهديتها وقلت ليها اعتمدي علينا بعد الله وان شالله ميار م بتجيها عوجةواهم شي م تكلمي ناس البيت قالت لي كويس وقفلت منها الخط وطوالي اتجهت ع الموقع الوصفو لي أمان،لما جيت مسكت الباب براحة عشان افتحو بس أبا يفتح لي عرفت انو يمكن يكون مطبل،طلعت مسدسي وضربتو عشان يفتح ولما شفت هشام شايل المسدس ومجهو عليك خفت شديد يأذيك عشان كدا ضربتو في إيدو والباقي حصل قدام عينك
طلعنا وخلينا هشام في محلو وهو بتألم منذر قال لينا بعد دا أنا بمش لو ماعايزني،أمان قال ليو لا كتر خيرك وأن شالله نرد ليك الجميل دا،منذر قال ليو ح أزعل منك ياامان وياتو جميل دا البكون بين الإخوة في الله ولو بقت قصةجميل فإنتو الاكرمتوني بفضلكم وأديتوني فرصة تانية عشان أكفر عن أغلاطي،قلت ليو منذر م تفتح أبواب الماضي لو سمحت انساو وخلي يبقى ليك درس،قال لي طيب ياأختي الجميلةوهسي اسمحو لي وقام مشى
طول الطريق كنا ساكتين لحدي وصلنا المشفى وفتناو،قلت ليو أمان المفروض نمش المشفى عشان أعقم ليك جروحك،لي إتجاوزتها؟قال لي بسيطةم محتاجة هسي بعد أوصلك برجع،قلت ليو أمان م ينفع كدا انت لا..،وقبل أتم جملتي قال لي ميار جروحي دي بسيطة وبتشفى بس الجروح الجرحني ليها هشام بلمسو ليك عمرها م ح تشفى قلت ليو الزمن كفيل ينسيك دا كلو
قدر ماحاولت أقنعو نرجع المشفى أبايسمع مني،زعلت منوشديد، وصلني البيت وقال لي بينا تلفون،م رديت ليو وكنت نازلةبس وقفني قال لي ميار م تزعلي مني صدقيني الجروح دي بسيطة ونا وبوعدك ح أغشى المشفى قبل أمش الشغل!قلت ليو شغل شنو!انت لازم ترتاح.اليوم كان متعب بالنسبة ليك!قال لي لا عندي حاجات مهمةلازم اخلصها في الشركة،ولو علي أنا ممكن امش أنوم بس خايف أعطل شغل الموظفين والعمال المساكين عشان كدا لازم أمش قلت ليو طيب ربنايوفقك وخلي بالك ع نفسك،قال لي طيب ابتسمي عشان تطلعيني من مود الزعل الأنا فيو،ونا كمان بالغت وابتسمت للضرس الأخير،قال لي ايوا كدا خليكي دائمآ مبتسمة+بعدين ح إتصل ليك عايزك في موضوع مهم،قلت ليو خير؟قال لي كل الخير.الموضوع يخص مستقبلنا سوا زي ما عارفة العرس فضل ليو شهر لازم نتفق،قلت ليو بخجل طيب ونزلت

*#حب_يتحدى_الصعاب 《27》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قال لي ورح سريع نكلم أبوي ونمش،قلت ليو طيب انت كلمهم ع بال اتجهز وأجي بس أوعى تخليهم يلاحظو للجو لأن لوشافو الغمام ح يفهمونا،قال لي حاسبا قايلاني غبي زيك،قلت ليو طنش😌ومشيت جري ع غرفتي لبست عبايةوطرحةوكلمت ألق عشان تمش معانا في البدايةوافقت بس لما لاحظت للجو بطلت،قلت ليها عنك ح تفوتك دقة مطرة من أمها،بعد شويةمشيت لمحمد قلت ليو كلمتهم؟!قال لي آي وقالو م تتأخرو،قلت ليو ع حسب المطرةوطلعنا.لما بكون براي بخاف من الرعد والبرق بس في وجود محمد بحس بالأمان
بعد طلعنا من الحلة واثناءمانحنا ماشين ع البحر بدت تنقط مسكتوا من ذراعو و قلت ليو بالمناسبة اليلة وبكرة آخر يوم لي للطلعةلأن بعد بكرة ح اتحبس،قال لي والله؟!مالك م كلمتيني بدري كان فسحتك قلت ليو حصل فجأةوما كنت مفكرةفيو،قال لي طيب يازولةبكرة دي بفسحك،قلت ليو لا أبرد بكرةمافاضية، قال لي عندك شنو؟قلت ليو بكرة من الصباح ح أمش المشفى،بعدها عندنا مشوار ضروري أنا وأمان قال لي أووو عايزة تبيعيني من هسي عشان أمان؟قرصتو في إيدو وقلت ليو م تتغالظ بس المشوار ضروري قال لي خير؟قلت ليو كل الخير بس ماشين نشوف واحد إسمه علي كان قابلناهو (..... )وحكيت ليو قصةعلي كلها قال لي والله العظيم ولد يستحق التقدير وقلال الزيو في الزمن دا،قلت ليو فعلآونحنا فكرناانو لازم نساعدو ونقنعو يتم قرايتو،إن شالله يشتغل في الاجازات بس لازم م يهملها وانا وأمان انشالله م بنقصر ح نتساعد عشان نساعدو،قال لي اختي السمحةانا فخوربيك شديد ونا محظوظ جدا لأنك اختي قلت ليو بطل مجاملةوبعدين انا بعمل في واجبي والبقدر عليو بس،قال لي طيب وبعدها ح ترجعي البيت؟قلت ليو لا ح أطل ع الميتم لان طولت منو+قعد أفكر اجيب طارق البيت فترة الامتحان لأن م بقدر أمش ليو في الميتم؟قال لي وبسمحو ليك تعملي كدا؟قلت ليو كدي نشوف أستاذ بشير.قال لي يعني بكرة م ح تفضي لي إلا المسا!قلت ليو آي وح نعمل قعدة كدا عائلية بعد المغرب انت شوف حتةظابطة وأديني خبر قال لي بس اكيد ح تكوني تعبانة من المشاوير ح تطلعي كيف تاني؟قلت ليو لا بحاول أجي العصر كدا برتاح وبعدها نجهز قال لي ظابط يازولة.اتونسنا كتير واسترجعنا ذكرياتنا الحلوة❤دا كلو والمطرة صابةفينا.قال لي بعد دا نرجع عشان ماندقا مع الحاج،قلت ليو لا خلينا شوية لحدي المطرة تقيف،قال لي ع بال نصل احتمال تقيف قلت ليو خلينا شوية بليييز،قال لااا
قلت ليو مودي لوسمحت خلينانقعد حبة،قال لي لا يعني لا لوتأخرنا أكترمن كدا ح ناخد علقةكاربةمن ابوي انتي بتعرفي براك لمايزعل،قلت ليو حبةبس يامحمد،قال لي بصرخة ميار!،عاينت ليو بزعل وقلت ليو هسي لوكان هنايةطلبت منك ماكان رفضت أرح بس😭ومشيت منو مسافة لحقني وقال لي هنايةمنو؟!قلت ليو البت البتحبها الماكلمتني اسمها،ضحك مسافةوقال لي والله انتي مجنونةهو انا متين أصلآ عرفتهابطلي عبط،قلت ليو م تتكلم معاي بس يعني ح نموت كان قعدنا شوية؟مسكني من إيدي وقال لي يعني انتي جادة زعلتي والله اتأخرنا يابت،وبعدين مية مرةقلت ليك م تزعلي لأنك كدا بتشبهي القوريلا،ضحكني في عز زعلي قلت ليو قوريلا فلينتك دي ياأهبل،قال لي هسي بعد ضحكتي دابو بقيتي شبه البنات،قلت ليو محمد هسي بزعل م تتعابط أكترقال لي خلاص وربي أرح،مسكتو من ذراعو وقلت ليو

*#حب_يتحدى_الصعاب 《28》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
أصلا دي نتيجةغلطنا عشان احتلنا ع ماماوبابا،وصلنا البيت ودخلنا براحةمحمد قال لي أمشي غرفتك من غير م تحسسي زول عشان ما...وقبل يتم جملتو سمعت صوت امي وهي بتقول لينا خلاص كملتو الصياعةوجيتو؟!عاينت اتجاهالقيتها شايلةمفراكة وجايةعلينا قلت ليها دا محمد يا أمي اقنعني نطلع،محمد قال لي انا ولا إنتي؟!خلاص عايزةتلصقيها فيني،قلت ليو موش انت الكلمتهم نطلع!أمي جات اتجاه محمد، ونا ماصدقت طوالي جريت غرفتي ومحمد جرية وحدة دخل الصالون وقفل الباب،وقفت جاطت فيو سمح،فتحت باب الغرفة بكل قوتي ودخلت ألق قامت وقالت لي بسم الله الرحمن الرحيم مالك يابت في زول ساكيك؟وبعدين حالتك مالا زي دي؟قلت ليها بعد استحمى بحكي ليك!دخلت الحمام ادوشت وغسلت ملابسي المطينة،وكت طلعت لقيت أمي في وشي مسكتني من أضاني وقالت لي انتو شفع يعني؟ماتتوبو؟دي المرةالكم اخدتو فيها علقة مني ومن أبوكم وبعد دا مواصلين!تكررو تاني الحركة دي صدقيني أضانك بقطعها ليك،قلت ليها حاسةبيها اتقطعت خلاص فكيني دي آخرمرة،حتى فكتني،وألق دي تضحك ساي حمرت ليها نظام أصبري،مدت لي لسانة،وأمي تمت جوطتها ومشت،مشيت شريت هدومي وجيت لقيت ألق نامت،قلت ليها حسابك الصباح
تاني يوم مشيت المشفى شلت الأجازة بتاعي اتونست مع تالا ولعبت مع ريو❤لحدي وكت الفطور،بعد الفطور كدا أمان اتصل لي وقال لي اها جاهزة ياذوق؟قلت ليو منتظراك بس!قال لي طيب مسافةالسكة وقفل الخط،بعد ربع ساعةبالكتير أمان جا سلم ع تالا وشال ريو حبة وبعدها قال لي ورح لأن راجيني شغل كتير!قلت ليو طيب اصلا م ح نتاخر
وصفت لأمان البيت لحدي وصلنا قلت ليو هداك ليو البيت قال لي سبحان الله شكلو وضعهم أسوء مما كنت متخيل،قلت ليو الحمدلله،ضربنا الباب كتير بس ماكان في زول قلت ليو بكون منصور ماف وأم علي م بتقدر تجي تفتحو عشان كدا أحسن ندخل بس،جرينا الباب ودخلنا لقيناهانايمة قلت ليو ننتظرهاولا نرجع؟! قال لي وكت جينا ننتظر حبة،قلت ليو طيب نقعد ع بال منصور يجي بكون قعد يلعب،قال لي دا أخو علي صح؟قلت ليو آي ولو شفتو بشبهك شديد،قال لي سبحان الله بحصل،بعد شوية كدا سمعنا صوت الباب وكان في صوت جري،وكت شفتو قلت ليو منصور البطل😍جاسلم علي بيدو بستو وقلت ليو وين انت يازول!سايب هنا الماما براها،قال لي كنت بلعب،عاين اتجاه أمان وقال لي دا منو؟قلت ليو عمو أمان.بس استغربت لما شفت منظر أمان وهو واقف و مصدوم..
جا اتجاه منصور وقعد،لمسو في وشو وقال سبحان الخالق وضماهاو عليو شديد لمن عيونو دمعن،وباسو في راسو،كنت مستغربة وواقفة في مكاني،بعد شوية الخالة صحت سلمنا عليها.بعدها أمان قال ليها عايز اتكلم معاك ضروري لو عندك زمن قالت ليو جدآ ياولدي خير؟عاين لمنصور مسافةوقال ليو انت عندك كورة؟!رد ليو لا!قال ليو طيب يابطل هاك القروش دي اشتري بيهاكورةوأمش العب بيها مع أصحابك!منصور فرح شديد وقال لأمو أشيلها؟!،قالت ليو م كان تتعب ياولدي أمان قال ليها ما فيها تعب ولاشي ولو ماشالا ح أزعل!

*#حب_يتحدى_الصعاب 《29》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعدها جمال جاب الترحال واتحركنا ع البيت،بيتنا كان صغير غرفتين ومطبخ وصالون للرجال،بعد كذا يوم كدا بالصباح قالت لي بالجد انا عمري م ح أنسى جميلكم و ح أفضل أدعي ليكم طول عمري،قلت ليها دا المفروض نعملو،قالت لي لسة م سألتيني سبب طرد أهلي واحتمال بعد تعرفي نظرتك تتغير واحتمال تعملي نفس الشي،قلت ليها م تتسرعي واحكي لي، قالت لي طردوني لأني حملت بالحرام،بس قسمآ بالله انا ندمانة لأني اتخطيت حدود ربنا وكسرت ضهر ابوي وعين أمي،وبقت تبكي ختيت يدي في كتفها وقلت ليها ماف زول مننا م بيغلط بس المفلح هو البعترف بغلطو ويندم عليو ويتوب،واكيد ربنا ح يتوب عليه"إن الله يغفر الذنوب جميعا"المهم انتي هسي اهتمي بالفي بطنك وكويس انك م غلطي وسقطيهو+أبو الولد وين؟قالت لي أبا يرضى بيو كان واعدني بالزواج بس هسي أتخلى عني،بس عندو ود خالتو مدير في الشركة الكنت شغالة فيها قال ح يكلمو.مع انو حذرني من ياسر كذا مرة بس انا انجريت ورا مشاعري وما سمعت كلامو ياريت بس لو سمعتو،والمشكلة انو حاليا ماف سافر برا السودان بس كمان وعدني يجيب حقي،قلت ليها الله يجيب العواقب سليمة
بعد كذا يوم من كلامنا دا قالت لي ماشة مشوار ضروري لصحبتي كانت معاي في العمل(طبعا خلت العمل في الشركة بسبب الحمل) قلت ليها خلي بالك ع الطفل ونفسك قالت لي حاضر وطلعت،العصر كدا جاتني بتبكي قالت لي ياسر عمل حادث ومات قلت ليها منو القاليك؟قالت لي مزن صحبتي،قلت ليها ربنا يرحمو ويغفر ليو دا قدر ربنا ولازم نرضى بيو
عدت الأيام وهي معاي وماسكة أغلب شغل البيت ونا كان علي الأكل وبس لأن نظري كان ضعيف وكل يوم ماش في اسوء،لحدي م كانت في الشهر التاسع وجاتا طلقات الولادة وكان في خطر ع حياتها خيروها بينها وبين البيبي بس اختارتو هو والحمدلله ولدت وقالت لي تسمي منصور لأن عانيت كتير في فترة حملو وفي النهاية انولد الحمدلله،بعدها بكم يوم هي اتوفت.انا وزوجي ربينا منصور زي ولدنا بعدها بسنة زوجي كمان اتوفى،ماكان في زول بعيلنا وبصرف علينا حتى أهلي وأهل زوجي كا نو بصرفو علينا فترة بس بعدها الوضع اتأزم واي زول التهى بنفسو،علمت علي كيف يعتمد ع نفسو بعد ربنا وربيتو احسن تربية وهسي بعمل نفس الشي مع منصور
تصدق يا سيد أمان ما خطر ع بالي زول يجي ويسأل من منصور لأن ولا مرة اهلو جو سالو منو حتى انت ال قلت ح تجيب ليها حقها
أمان كان مدنقر راسو ودموعو جاريةقال ليها انا بالجد عملت كل البقدر عليو ياخالةانتي عارفة اني حذرت جواهر كذا مرةمن ياسر لأن كنت عارف نواياه م طيبة تجاه اي بت وهو بحب يتسلى بالبنات بس م وتوقعت لدرجة انو... جد م قادرأتم كلامي
المهم ياسر كان عندو برضو شركةصغيرة مرة من المرات سجل لي زيارةعمل وأثناء م نحنا طالعين شاف جواهر سألني منها كذا مرة بس وقال لي جيب لي رقمها قلت ليو لو عايز ممكن اطلب منها تديك رقم أبوها بس رقمها م بقدر قال لي لا مشيت بعيد انت عارفني زول م جادي للدرجةدي!عايز أقضي وكت وبس،حمرت ليو وقلت ليو بنات الناس م لعبة ولا تسلية،هسي انت بترضى يعملو معاك كدا في أختك.ابعد من البت دي لأنها محترمة ومابتاعت كلام زي دا!ودخلت وخليتو بناديني،جد اضايقت من كلامو

*#حب_يتحدى_الصعاب 《30》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
زادت في بكاها وقالت لي سيد أمان الله يرضى عليك م تطردني انت أملي الوحيد!ياسر وعدني انو يتزوجني بس بعد ماأخد العايزو فكاني عكس الهوا ونا اهلي كان عرفو وقسمآ بالله بضبحوني!قلت ليها دقيقة وين كان تفكيرك وكت غلطي؟!م فكرتي في ربنا؟ولا أبوك التعب عشان يربيك ولا أمك العافرت عشانك ولا اخوانك؟ياخ انتي بكل برود كسرتي ضهر ابوك وعين أمك واخوانك،لي مافكرتي في النتيجةقبل تغلطي؟
بقت تبكي وتقول لي ياسر ود خالتك واكيد ح يسمع منك اتكلم معاو وحنسو،انت موش قلت نحنا زي أسرتك التانيةوبتعتبرني اختك؟لو سمحت جيب لي حقي! قلت ليها حسبي الله ونعم الوكيل طيب ح أكلم ياسر قالت لي وعد؟قلت ليها بوعدك ح اجيب حقك! قالت لي تسلم كتير و..و.،قلت ليها م عايز اشوف وشك في مكتبي وماتفهميني غلط انا قلت في مكتبي بس م معناها م عايزك في الشركة لأن م بقدر أقطع رزقك ودي مشاكل شخصية،عشان كدا م تجي مكتبي الا بطلب مني قالت لي حاضر وطلعت
كلامهاعكر مزاجي شديد حسيت حالي مخنوق لدرجة فتحت زراير القميص،بعد مسافة شلت جوالي واتصلت ع ياسربس ماكان برد،طوالي سقت عربيتي ومشيت ليو في مكتبو،ماأديتو وش نهائي ودخلت ليو في لب الموضوع طوالي+قلت ليو انت لازم تصلح غلطك وتتزوجها،ضحك مسافةوقال لي م جادي!
أمان البت دي رقدت معاي وماراعت لربنا وأهلها الربوها وعاشو معاها سنين عايزني اثق فيها مثلآ؟م معروف يمكن رقدت مع غيري او احتمال ترقد مع غيري بعد اتزوجها انت اهبل ولا شنو؟شيل الفكرةدي من رأسك!قلت ليو بعصبية ياسر دا شنو الكلام التافه البتقولو عنها أتذكر إنها بت زول وأخت زول كمان!قال لي دي الحقيقة!قلت ليو طيب انا موش قلت م تقرب منها؟قال لي والله الصدف جمعتنا ونا م غصبتها ع شي!قلت ليو يعني م شايف نفسك غلطان؟! قال لي آي غلط وصححت غلطي،قلت ليو كيف؟قال لي تبت وصليت ركعتين،قلت ليو طيب عملت خطوة سمحة بس لسة م صلحت غلطك وماحيتصلح الا بعد تتزوجها،قال لي أمان انا م ناقص محاضرة منك+عندي اجتماع فلو سمحت!قلت ليو م ح امش الا توافق تتزوجها،قال لي طيب ح أفكر م تأخرني، وقفت وقلت ليو كلم ناس البيت انك ح تعرس،لأن البت دي لو ماتزوجتها وقسما بقلب حياتك جحيم ومعاك يومين بس لأن انا بعد يومين مسافر فانهي لي الموضوع دا!وطلعت
بعد يومين اتصلت عليو قال لي م لقيت طريقة أكلم ناس البيت لأن عندنا قريب ابوي اتوفى وابوي سافر البلد الابعد يجي
قبل اسافر جواهر جاتني وقالت لي اتكلمت معاو؟ قلت ليها أي كلمتو وإن شالله ح يكلم اهلو في اليومين الجايين قالت لي شكرا ليك كتير وإن شالله ربي يوفقك ويوصلك بالسلامة
مشينا انا وناس البيت ودعنا أهلنا وطلبنا منهم العفو بعدها ودعت ناس الشركة وسلمتها لقريبي،زي المسا كدا طلعنا انا وأنور أتفسحنا وتاني يوم الصباح سافرنا دبي
بعد يومين كدا اتصلت ع ياسر في البداية أبا يرد بس لما كرهتو بالاتصالات رد وكان زهجان قلت ليو اها عملت شنو في القلتو ليك؟قال لي هو انت قلت لي شنو؟ م متذكر زاتو!قلت ليو ياسر م تتغابى عملت ال قلت ليك ولا لأ؟قال لي م عملتو ولا ح أعملو وأعمل العايزو تمام!وقفل الخط رجعت ليو تاني بس أبا يرد،م عرفت أعمل شنو طوالي اتصلت ع عم سفيان(أبو ياسر) وحكيت ليو الحاصل بالتفصيل في البدايةانصدم وأبا يصدق بس في النهاية صدق وقال لي

*#حب_يتحدى_الصعاب 《31》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
افتكرت انو ح يندم ويرجع عن غلطو بس زاد في عنادو وقال الا يسيب البيت مشى لملم ملابسو وامو دي قدر ماحمتو أبا يسمع منها لدرجة انو لزاها لما حاولت تمنعو،أخوانو م قدرو يستحملو واتناقشو معاو برضو،طلع من البيت والغضب عامي عيونو،بعد ساعتين اتصلو علينا من المشفى وكلمونا بخبر الحادث بتاعو كلنا اتصدمنا وندمنا لأن عاملناو بالطريقة دي بس دا اكيد م بمحي غلطو ودا الحصل ياولدي،وماتسمع كلام أمو اصلا النسوان بجرو ورا عواطفهم وهي لسة متأثرة بموتو عشان كدا بتقولك كدا
وبكدا انقطعت علاقتنا مع خالتي وحتى أهل أمي اتغيرو ومابقو زي زمان يعني الواحد لما يعمل الصح يحصل معاو كدا؟!الناس كلها تقيف ضدو؟!حسبي الله ونعم الوكيل
بعد كذا يوم اتصلت ع جواهر بس جوالها كان مقفول طوالي اتصلت ع مزن قالت لي م عارفة اخبارها انقطعت وبقت م بتجي الشركة،قلت ليها طيب لماتعرفي عنها حاجة اتصلي لي،بعد فترة تاني اتصلت بس برضو جوال مزن كان مقفول اتصلت ع حاتم وقال م عندو اخبارها طلبت منو يبحث عنها بس م لقى اي خبر عنها م عرفت اعمل شنو بقيت بس بدعي ليها
ولما نزلت السودان اول مرة بحثت عنها بس م لقيتها ولأن الفترة القعدت فيها بسيطة بس برضو م فقدت الأمل وشاءت الأقدار ورجعت تاني السودان والمرة دي قابلت حاتم وقال لي اتوفت لما عرفت زعلت شديد وطلبت من زميلي يبحث لي عن اي معلومة عنها حتى اني مشيت ليهم في البيت. عرفت انو طردوها من البيت وعندها ولد بحثت عنها والقدر جمعنا ب علي عشان نوصل ليك ولمنصور،صدقيني دا كل الحصل ياخالتي،قالت ليو الحصل معاها م هين ونحنا الحمدلله ياهو عايشين ونا بعتبر منصور دا زي ولدي ومستحيل أتخلى عنو،مسك إيدها وقال ليها باين الشي دا من خلال تعاملك معاهم وانتو بالجد م قصرتو بس اسمحي لي أساعدكم عشان اخفف إحساسي بالذنب انا بالجد حاسس بالذنب لأن جواهر طلبت مني اساعدها ونا خذلتها المفروض م كان أسافر إلا أضمن حقها وانو ياسر اتزوجها بس كنت مضطر أسافر لأن فرصة عمل زي دي م بتتعوض ونا كنت واثق انو عم سفيان ح يجيب حقها ويجبرو يتزوجها لأن هو إبن أصل ومابرضى يحصل معاها كدا،هسي لو سمحتي م تحرميني أساعدكم زي ما انتي ساعدتي جواهر!قالت لي ياولدي نحنا عايشين والحمدلله والبنلقاها من ربنا دي ذاتها كتيرة كفاية انو ضمائرنا نضيفة ومبسوطين ومرتاحين الحمدلله والعيشة دي نحنا راضينها لان مكتوب لينا كدا الحمدلله
قال ليها لو سمحتي م تحرميني من اني اساعدك فكري في علي ولدك هو لازم يتعلم لأن العلم الوحيد هو الحينفعو ومنصور كمان،اتكلم معاها كتير واقنعها تقبل مساعدتو،قال ليها طيب انتي حاولي فهمي علي وأقنعيهو ونا بكرة ح أرحلكم من هنا قالت ليو جزاك الله خير ياولدي وما لو م بتهمني مصلحة علي ومنصور م كان قبلت قال ليها حصل خير ياخالتي والجاي أحسن،قالت لي جد انتي محظوظة لأن عندك زوج زي أمان،قلت ليها لسة م اتزوجنا عرسنا بعد شهر ومعزومين من هسي، قالت لي ماشاء الله ربنا يتم ليكم ع خير يااارب،بعدها ودعناها وطلعنا وقالت لينا نادو لي معاكم منصور لأن بعد دا لازم يفطر قلت ليها كويس وطلعنا لقيناو بلعب بالكورة جابها وجا قال ل أمان ماسين؟قال ليو آي بس حنجي لكن هسي ح اسوقك معاي الدكان عشان تودي الفطور لماما وتفطرو سوا،نادى صحبو الكان

*#حب_يتحدى_الصعاب 《32》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قالت لي نفسي كان اقعد بس اجازاتي خلصو ولسة ح اطلب إجازة لعرسك كمان عشان كدا لازم أرجع بس لو عايزة ممكن تمشي معاي هناك قلت ليها واخلي ناس أمي لمنو؟م جادة انتي😂قالت لي كويس زاتو عشان يتعودو ع عدم وجودك،قلت ليها راجعين متين؟قالت لي بعد أسبوع كدا،قلت ليها خبرك دا عكر مزاجي خلاص
بعد يومين كدا المسا ابوي نادانا كلنا في الصالون،قلت لألق ان شالله خيرأبوي دا م يجمعناإلا لوفي حاجة!مشينا لقيناهم كلهم موجودين بعم سليمان كمان،ابوي عاين إتجاه خالتي وقال ليها في زول طلب يد ألق بتك ع سنة الله ورسوله،قالت ليو ماشاء الله ومنو دا؟قال ليها منذر قالت ليو منذر منو؟!قال ليها ودعم أولادي،قالت ليو دا كلام شنو دا؟!عايزني أدي بتي لقاتل م تنسى انو هو حاول يكتل محمد عايزني ارمي بتي في النار بيدي،قال ليها فعلا هو غلط وماف زول م بغلط بس هو تاب عن غلطو ولو شفتي أخلاق هسي غير أخلاقو الفي الماضي وهو جا قاصد الحلال ونا لو م كنت واثق فيو م كان طلبت منك!خالتي سكتت مسافة وعاينت لألق قالت ليها رأيك شنو يابتي؟قالت ليها م عارفةبس الرأي رأي ابوي ولازم استخير.غير كدا انا شايفة منذر اتغير ويستحق فرصة،استغربت في ردة فعلها م كان ظاهر في وشها اي أثر مفاجأة
لما رجعنا الغرفة قلت ليها صراحة اتفاجأت من طلب منذر موش قلت ليك ح يجي زوج يعوضك بالاحسن😉وبعدين انتي لي م كنتي متفاجأة؟قالت لي لأن منذر فتح معاي الموضوع دا بعد الحادثة بس م كنت عايزة اظلمو ورفضت!قلت ليها لشنو ياهبلة؟قالت لي م كنت قايلاو جادي للدرجة دي افتكرت انو شفقان علي و ع حالتي عشان كدا،قلت ليها يمكن هوعايزك بالجد م شفقة بس لو م كان عايزك م كان أتقدم رسمي عشان كدا استخيري سريع وبتمنى توافقي،قالت لي هسي ماشة أصلي بس ادعي انو اخواني وابوي يوافقو لأن ماخدين عنو صورة غلط!قلت ليها لأ م تخافي ابوي ح يفهمهم هم بثقو في ابوي شديد عشان كدا إطمني تمام؟
الق مشت تصلي ونا جوالي اتصل وكان أمان قلت ليو اتصلت في وكتك عندي خبر ح يفرحك شديد،قال لي حمستيني وشنو هو؟قلت ليو منذر اتقدم لألق😍 قال لي ماشالله ربنا يتم ع خير! أها ادوهو؟!قلت ليو لسة بس ابوي ح يقنعم قال لي أن شالله ياخ،وهسي احكي لي كيف معاك قعاد البيت؟!قلت ليو حلو شديد طول الوكت ونسة وضحك مع حمودي وأمي وألق وهسي خالتي جات تمت الناقصة!قال لي أيامك لكن!أشبعي منهم لأن تاني م ح تشوفيهم كتير!
قلت ليو شنو شنو؟لي يعني؟قال لي لأن انا ح أملا يومك وما ح أخليك تشتاقي لزول،ضحكت وقلت ليو مستحيل،هسي خلينا في المهم قدرت ترحل ناس علي قال لي أي جبتهم هنا البيت م بقدر أخليهم في بيت براهم وعلي دا قالو الا ينزل السنة الجاية لأن ناس تأمن ع وشك يمتحنو قلت ليو أي فعلا ربنا يوفقهم،قال لي اها طارق اليوم جاك؟قلت ليو اي قريتو ومحمد بعد المغرب رجعو الحمدلله م عذبني معاو مستواو ممتاز جدآ قال لي لا الحمدلله
ابوي كلم أهل ألق وبعد صعوبة أقنعهم الحمدلله .ابوي اقترح انو يكون عرسنا انا وألق في يوم واحد الاقتراح دا عجبني شديد حتى هم وافقو،ألق شالت اجازة من العمل وقعدت معاي واتفقنا انو نعمل العرس هنا بس أبوها رفض وقال عرس بتو لازم يكون في كسلا والعقد هناك كمان عشان كدا اتفقنا انو نعقد انا وأمان أول وبعدها نسافر لزواج ألق

*#حب_يتحدى_الصعاب 《33》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عشان كدا خلي معاك الصندوق ونا بعد العرس ان شالله بتمهم مسك إيدي وقال لي كل يوم حبي واحترامي ليك بزيد انا محظوظ انك اختي،قلت ليو محمد صدقني الدنيا فانيةونا أصلا م عندي ليها حاجة عشان كدا أي فرصة بتجيني لعمل الخير انا بقدمو عشان القاو بعدين وينفعني، صدقني همي كلو الآخرة وعايزاك انت كمان كدا م عايزة الدنيا وأشغالها يلهوك عن الآخرة وتلقى نفسك ع الحافة،م عايزاك تضوق مرارة الندم والحسرة بعد تموت بالعكس عايزاك تكون مبسوط بسبب أعمالك السمحة لأن هي ال ح تنفعك في الآخر،إياك يا محمد تصد محتاج وانت عندك المقدرة تساعدو وأقل حاجة الشحادين الموجودين في السوق متى م لقيت فرصة أديهم من مالك صدقني بتحل فيو البركة وبزيد ونا بحكي ليك عن تجربة،متى ما لقيت يتيم عايز ملاذ م تتردد وساعدو صدقني ح تنبسط،متى ماتضيق بيك الدنيا وتتقفل أبوابها في وشك التجيء لربنا وماتيأس وبعدها أمش فتش أي محتاج وساعدو صدقني ح تتفتح أبواب كتيرة في وشك،وزي ما قلت ليك خليك ولد بار انا امنتك ع عيوني يا محمد فما تخذلني،قال لي كلامك فوق راسي و ح انفذو بالحرف الواحد كل كلمةقلتيها انحفرت جواي وح أعمل بيها إ طمني واما بالنسبة للصندوق ح أختو في عيوني م تخافي بعدها باسني في راسي وقال لي تصبحي ع خير
تاني يوم الصباح بعد صليت الصبح دعيت ربي كتير لأن اليوم دا مميز بالنسبة لي،عملنا كرامة صغيرة عزمنا فيها الجيران والأهل المقربين،بعد صلاة الجمعة كان العقد كنت متوترة ومشاعري ملخبطة شديد والشي دا كان ظاهر في وشي ألق بقت تشاغل فيني وتقول لي وأخيرآ ح تتلمو في بيت واحد والأحلى بالحلال❤
"أمان"
كنت حارس لحظةالعقد بفارغ الصبر وكنت خايف في نفس الوكت تحصل حاجة زي المرة الفاتت كنت طول الوكت بدعي انو ربنا يتم لينا ع خير،قطع تفكيري صوت أنور وهو بقول لي م تخاف المرة دي ربنا ح يتم ع خير ان شالله،ربت ع كتفي وقال لي خلي عشمك في ربنا كبير،مهند قال لي شنو يازول في زول يوم عقدو بكون متوتر كدا؟!ضماني عليو وقال لي م تخاف يازول دام ربنا معانا قاصدين الحلال👌ابوي جا بستو في يدو وقلت ليو عايزك تدعي لي في اليوم دا بالذات قال لي دعواتي دايمآ محاوطاك ياولدي صدقني تستاهل السمح يالبار،وهسي ارح لأن اتاخرناقلت ليو انتو اتقدمو عايز اتكلم مع امي وبلحقكم،مشيت لأمي بست إيدها وراسها وقلت ليها أعفي لي وكتري لي من دعواتك إنو ربنا يتم مناي❤

*"ميار"*
المسجد كان جنبنا وسمعت كل كلمةاتقالت في العقد ونغرست جواااي،كنت مستمتعة جدآ باللحظةدي،لحظة سمعت طلقة العقد حسيت بقلبي انشل عدييل،حمدت ربي كتييير بعدها بدقايق أمان اتصل علي وبارك لي من توتري م اتكلمت معاو زي الناس،قال لي يعني ح أنتظر يوم كامل لشنو م أجي اسوقك هسي؟!قلت ليو الصبر جميل م تستعجل لأن باقي عمري كلو ح أقضي معاك لحدي تمل مني!قال لي في زول بمل من روحو ياروحي،قلت ليو أمان! قال لي إياكي تمنعيني انتي خلاص بقيتي حلالي وبقول العايزو،قلت ليو بطل رقي وخليني اتجهز لأن راجينا سفر!صحي انت بكرة ح تلبس شنو؟قال لي حتى انا محتار ألبس إيه؟بدلة ولا جلابية؟قلت ليو الاتنين حلوات فيك بس الجلابية فيك بتهبل،قال لي طيب معناها ح ألبسها،ألق أشرت لي نظام عايزة تتكلم معاو كلمتو وقال لي اديني ليها،مديت ليهاالجوال

*#حب_يتحدى_الصعاب 《34》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
أمان دخل الشنط وقفل الباب بعدها جا اتجاهي وفي كل خطوة بقرب منها قلبي يدق شوية وكان ح يطلع قال لي ح اتوضى عشان نصلي وانتي كمان تمام؟هزيت ليو راسي ومشيت اتوضيت
بعد صلينا أمان رفع إيدو وكان بدعي وبقول،الحمد لله لك يارب فقد استجبت دعوتي ووهبتني ما أتمنى اللهم اني أسألك باسمك الواحد الاعز انت تمنحنا إلفة كإلفة سيدنا محمد وأمنا خديجة وحبآ كحب سيدنا محمد وعائشة،اللهم اني أسألك أن تكون قرة عين لي وأن أكون سندآ لها وأن لا أخذلها أبدآ،اللهم إنا نسألك ذرية ونسل صالح ينفع أمتنا وديننا،وأعنا اللهم ع ذكرك وشكرك وحسن عبادتك وصلى اللهم وسلم ع سيدنا محمد "آميييين"بعدها رفع الصلاية ونا كذالك
بعد ختيت الصلاية في الترابيزة أتلفت لقيت أمان وراي طوالي،اتوترت شديد قرب مني ومسك إيدي ورفع عيونو الكان مليانة دموع فوق السقف وقال الحمدلله أول لمسة وبعدها باسني في راسي وقال أول قبلة،بعدها ضماني عليو وقال أول حضن بالحلال❤ بعدها زحاني براحة ونادموعي أبت تقيف من الفرح مسح دموعي بيدو وقال لي م عايز تنزل منك دمعة تاني،حتى ولو فرح قلت ليو م بقدر اتحكم فيها وحتى انت كمان دمعت!قال لي عشان كنت منتظر اليوم التكوني فيو لي بفارغ الصبر وهسي اليوم دا جا،مسكني من إيدي وقعدني في السرير وهو قعد بركبو في الأرض وقال لي عايزك ديمة تكوني معاي وسانداني في كل خطوة،عايزك عصاي الإتكيء عليها لو اشتدت علي الصعاب،عايزك تشحنيني بالحب والمودة ومهما حصل بيناتنا م نفترق،عايزك تكوني ملاذي بعد ربنا حاضر؟!قلت ليو أبشر انا ح أكون كدا واكتر كمان ح اعمل كل البقدر عليو عشان ارضيك،باسني في إيدي وقال لي تسلمي لي براي انا،بعدها اتعشينا ونمنا لأن كنا ملجنين من السفر
تاني يوم أمان صحاني عشان أصلي قال لي في جامع قريب من هنا ح أمش وأجي تقدري تقعدي يعني..!قلت ليو لا م ح أخاف إطمن اصلآ انت علمتني كيف أشيل الخوف من جواي عشان كدا أمش وتعال
بعد أمان طلع مشيت أخدت دوش واتسوكت وصليت وطلعت لي مصحف من شنطتي وقريت لحدي أمان جا! قلت ليو ربنا يتقبل قال لي آمييين يااارب،مشى ع شنطتو وطلع مصحف وقال لي ورح قعد تقري سورة شنو؟ قلت ليو الكهف،قال لي طيب. قريت نصها وهو قرأ النص التاني.بعد الشمس شرقت قلت لأمان ماشة اشوف في شنو عشان اعمل الشاي قال لي كويس بس قبل دا عايز اقولك ياريت لو كل يوم نلتزم نقرا كدا مع بعض
مشيت المطبخ ولقيت اي شي موجود ختيت البراد في النار ومشيت أجهز الكبابي انتبهت لأمان واقف جنب الباب وبعاين لي قلت ليو أمان م توترني مالك بتعاين لي كدا؟قال لي من حقي اعاين يالسمحة عايز أملا عيني و احفظ كل تفصيلة فيك كفاية الحرمان ال كنت عايشو قبل الزواج،قلت ليو هسي دا م وكتو انا جعانة وماف بسكويت ولا كيك!قال لي هسي كنت ح أقولك نازل بس سرحت فيك+عايزة الفطور شنو؟عشان أجيب معاي!قلت ليو اي شي م فرقت.قال لي تمام وطلع
أثنآء ماكنا بنشرب في الشاي جوالو اتصل وطلع منذر أتكلم معاو كتيربعد قفل الخط قال لي دا منذر عايز يكلمني إنو احتمال بعد بكرة يسافرو المالديف لشهر العسل،وانت رأيك شنو نسافر وين😏 قلت ليو عايزة اعرف رأيك أول!قال لي م عندي بلدة محددة خاتيها في راسي،انتي قولي! قلت ليو طيب انا عايزة نمشي مكة نعمر سوا،انبسط شديد وقال لي احسنتي

*#حب_يتحدى_الصعاب 《35》*♥️
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اول من وصلنا في أطفال كان جارين وواحد منهم وقع أمان مشى رفعو من الأرض وبقى يحنس فيو في واحد حايم ب حلويات وبسكويت بيبيعها شلت منو حلاوةوأديتها للولد عشان يسكت فعلآ سكت بعدها امو جات ملهوفة قالت لينا نحنا من قبيل بتفتش فيهم،شالت من أمان الولد وضمتو وقالت للأكبر منو حسابكم في البيت بعدها جو اتنين مرا برضو!ام الولد قالت لينا اتفضلو معانا لو براكم!قلت ليها اي برانا بس م عايزين نزعج.،قاطعتني وقالت لي عيب عليكي م تفكري كدا ورحكم ماعنا نحنا قاعدين هناك،عاينت لأمان هز لي راسو بالإيجاب،النسوان كان بتونسو معاي لحدي وصلنا المكان القاعدين فيو كانو أسرة كبيرة وبخشو القلب بسرعة آخ ع طيبة ناس كسلا❤أمان قعد مع الرجال طرف ونا مع النسوان اتونسنا كتير بعدها شربنا شاي لبن بزلابية حاجة تحفة👌أمان رسل لي مسج عشان نمش قلتا ليهم نحنا طالعين لقدام الجبل ولسة م شربنا من موية البير بتاع توتيل،قالو لي إياكم تطلعو قبل تشربو لأن في مقولة بتقول انو البشرب منها بجي كسلا تاني
شربنا من البير وكانت موية حلوة ومختلفة بعدها م قدرت أطلع اكتر لأن بخاف من المرتفعات أمان قال لي أرح بعد دا المغرب قرب يأذن نحصل نصلي في البيت قلت ليو مع انو م زرنا الضريح بس م مشكلة المرة الجاية
وكت الرجعة مرينا بكورنيش القاش قلت لأمان عاينو حلو كيف نحنا لازم نقعد فيو كمان،قال لي يوم تاني هسي المغرب قرب يأذن الصلاة
وصلنا الشقة مع الآذان أمان اتوضى وطوالي طلع ونا بدلت ملابسي وصليت ومشيت ع المطبخ عشان أعمل قهوة ع بال أمان يجي بس أثناء ماكنت بجهز فيها جا ع بالي ناس أمي ومحمد طوالي شلت الجوال اتصلت ع محمد قال لي في اليومين الجايين ديل ح أسافر عشان ترتيبات التخرج وكدا!قلت ليو بس م طلعنا سوا،قال لي بعد دا راجلك يطلعك م انا يابطة!قلت ليو حت ولو ياوز المهم نتفق ونطلع تمام؟!قالي عديلة وقفل الخط،بعدها ألق اتصلت علي اتونسنا حبة بخصوص العرس وقالت لي رؤى والاسرة كلها عاملين لينا قعدة في البستان(منتزه التاكا العائلي) بعد بكرة قلت ليها ظابط شديد بس انتو موش ح تسافرو،قالت اليلة اتكلم مع صحبو وقال ليو الا بعد 5يوم،وانتو ح تسافرو وين قلت ليها ماشين نعمر قالت لي بختكم والله بعد دا انا اقفل يابت منذر شكلو جا قلت ليها طيب سلمي عليو
زمن الصلاة راح ونا التهيت بالونسة باربي أمان دا مالو اتأخر،شلت جوالي عايزة اتصل ليو بس
شلت جوالي عايزةاتصل ليو سمعت حركةفي الباب مشيت لقيتو هو قلت ليو بانفعال مالك اتأخرت كدا الناس دي موش قبيل صلت؟قال لي بسم الله مالك ضايجةكدا يالسمحة وجا باسني في راسي ومدا لي كيس قال لي مشيت جبت العشا قلت ليو المرة الجايةتكلمني عشان م أقلق قال لي حاضر من عيوني الاتنين
جهزت القهوةوجبتها لأمان كان بحضر في مسلسل ديني اسمو"قيامة أرطغرل"تقريبا،بعد لاحظ وجودي قفل اللابتوب وصلح قعدتو قلت ليو شكلو المسلسل حلو!قال لي كلمة حلو زاتها قليلةياخ دا مسلسل تحفة بتحس فيو بعظمة وهيبة وأخلاق متأكد لو حضرتيو مرةوحدة م تخليو،قلت ليو ان شالله،طول قعدتنا في القهوة كان بحكي لي عن المسلسل ومرات عن حياتو وناا سرحانة فيو اول مرة أدقق نظري فيو كدا عيونو ولا حواجبو ولا لحيتو حتى ابتسامتو فيها هيبة م قطع سرحتي دي إلاصوت الجبنةوكت فارت

*#حب_يتحدى_الصعاب 《36》*♥️
*#♡الاخــــــــــــــــــــــــــــــــيرة♡*
*#بقلم_ملاذ_ابراهيم*
*#الجزء_الثاني*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:20❤️*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد العصر كدا تالا اتصلت لي اتونستا معاها ومع ريو كتير وأديت أمان يتكلم معاو.قالت لي احتمال بكرة نرجع ومحمد زاتو احتمال يرجع معانا قلت ليها أي كلمني قالت لي طيب بعدين نتلاقى وقفلت
أمان قال لي ح نلبس شنو قلت ليو عن نفسي ح ألبس فستان كحلي قال لي بس انتي أحلا بالتوب الفساتين دي خليها لمناسبات عائلية في البيت حاضر حبيبي؟!قلت ليو لشنو يعني؟!قال لي لأن كدا أنسب قلت ليو طيب حاضر وهسي تعال ساعدني ألبس ياتو توب أصلآ تيابك كلها رهيبة❤
بعد صلينا المغرب طلعنا ع البستان بالجد اتغير شديد وبقى أحلى لقينا أغلب الأسرة جات أما ناس ألق جو بعدنا وبعدهم جا محمد قعدنا اتونسنا كتير بعدها مشينا اتجاه الألعاب وريت أمان كل أسمآء الألعاب اكتر لعبة عجبتو وأصر اني اركب معاو،مع اني بخاف منها هي لعبة العروس،ع قدر م كنت رافضة ع قدر ماهو مصر نركب، في النهاية استسلمت وركبت معاو وأريتني م ركبت غايتو اتعولقت عوليق أخير اسكت بس
زي الساعة 10 كدا أنور وتالا قالو ماشين لان راجيهم سفر بكرة قلت لمحمد يطلع معاهم عشان م يتعب بكرة بس الجو عجبو وقعد.بعد مشو بساعة كدا أمان قال لي بعد دا نمش قلت ليو لا نقعد حبة لسة م لعبت،قال لي الزمن راح حبيبي وبتعرفيني م بحب السهر قلت ليو بزعل طيب بس اكيد في اليومين دي ح نرجع ونمشي الضريح كمان،قال لي طلباتك أوامر ورح هسي،مشيناودعناهم وطلعنا
بعد يومين مشينا استلمنا الجواز وفي اليوم العبدو اتحركنا ع البورت💙بالجد اشتقت ليهاشديد.نزلنا في بيت ناس أمان،كان فيو امو وابوهو وناس علي قعدنا زي تلاتةيوم كدا وبعدها مشيت ناس أمي قعدت يومين وفي اليوم التالت كان تخريج محمد.كلنا فرحنا ليو لأن بالجد يستاهل.أثنآء الحفلة وبعد استلم محمدالشهادة لكزني بإيدو وقال لي عايني هناك!عاينت محل أشر لي وشفت بت ماشاء الله حلاة الدنيا عليها قال لي دي رفيدة❤قلت ليو اصلو م بصدق!م تقولي انت عزمتها؟قال لي لا موش قلت ليك ساكنة مع ناس خالد صحبي في الحلة ياطرورة،قلت ليو نسيت ياطرور انت😡بعدها أمان جا بارك ليو.قبل نمش قلت لمحمد هديتك يتلقاها في دولابي من نمش البيت تفتحها،قال لي م كان تديني ليها هنا في داعي تخليها في البيت،مستكو من أضانو وقلت ليو م انت التوريني اعمل شنو!وهسي اسمح لي امش بكرة ح أجي اودعكم لأن بعد بكرة مسافرين،قال لي قدام
تاني يوم مشيت عشان أودع ناس أمي،اول من وصلت
أول من وصلت محمد استلمني في الكلام وحكى لي اي حاجة حصلت في التخريج،قلت ليو الهدية عجبتك؟ قال لي م مشيت عليها اصلا!قلت ليو لشنو؟قال لي عايزك تديني ليها بيدك قلت ليو أهبل ومشيت جبت بوكس الهدية وقلت ليو أفتحها لما فتح البوكس انبسط شديد جا ضماني وقال لي تسلمي لي أختي السمحة انتي عارفة الجلابية رهيييبة والمصحف كمان❤قلت ليو تستاهل الاسمح يا قلبي،عاينت لأمي وقلت ليها عجبتك؟!قالت لي البتجيبي كلو سمح لأن بكون مليان حب وحنية مشيت ضميتها وقلت ليها ربنا يحفظك لينا من كل شر،أبوي قال لي ونا ماف لي حضن زي مامتك؟قلت ليو هو انت بتتنسي مشيت ضميتو وقلت ليو الله يديمك فوق راسنا،أمان عملي إحم إحم وغمز لي؟!اتجاهلتو ومشيت ع محمد ضميتو وقلت ليم أعفو لي اذا غلط في حق زول منكم من غير م أشعر،أمي قالت

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه

الان روايه #حب_في_ظروف_غامضه حصريا علي 📚رواياتي الوسام 3

https://tttttt.me/+QWl6saM-SrXQyJV0

حلقات يوميه #اكرر حلقات يوميه