#مابعد_الرماد
" لا تُضرم النار "

#part_2




‏“الأروَاحُ أرزَاقٌ
‏كلٌّ مُيَسَّرٌ لرزقِه "





••


*فاطمة:




خطوبة فؤاد قربت .. تجهيزات وترتيبات ..
وامي مع الشغل وجري السوق نست غضبها ..قرارها الكانت مصممه عليه بدت تتراجع عنو .

الخالات والعمات ..وبنات الأهل
كانت المهام متوزعه على الكل ونحن الشباب علينا جري السوق والتغليف ...توصيات الحجه بانها عايزة قولة خير ولدها تكون حاجه تليق بيهو وبينا .. فخامه كدة وفشخرة .. انا عارفه طبع امي وخالاتي ..
بيحبو البوبار .

وفي اليوم ده قضينا اغلب المشاوير العلينا ..رجعنا حيلنا مهدود وتعبانين من الحوامة واللف ..





••






#الصين


قد حان ميلاد الثلج .. زرات صغيرة من البَرَد مصحوبة بالنسائم .. وأشجار الساكورا "أزهار الكرز" قد حفت ذاك المنزل الذي يعتلي تلة تكشف ما وراءها من اشجار اللبلاب التي تسورت بركة من الصخور .

امتاز المنزل بتصميم بسيط وعصري يطغي عليه اللون الأسود ..
وفي جلسة سوداء كبيرة مطلة على نافذة زجاجية عرضها ملئ الحائط ..
جلس يحمل كوبا من القهوة الساخنه وامامه اللابتوب .
اعاد النظر الى الايميلات التي توجب الرد عليها .. اكمل القهوة وبدأ بالرد .
نغمة الهاتف تتعالى مقاطعةً التركيز .. تبدو مكالمة مهمه تلك التي جعلته يتنحنح مرتين قبل الرد :

" الو .. وعليكم السلام والرحمه .. اممم .. الاتنين الجاي ؟ تمام مافي مشكلة .. تابعه لشنو ..ايوة .. تمام ان شاءلله الاوراق حاتكون يوم الاحد في الادارة ..والاتنين باذن الله ح نتحرك .. طيب في امان الله ".

_ فيصل عبدالملك حمد "أبو علوة"
34 سنة
ليه ٩ سنوات موجود في الصين .. شغال مع السفارة السودانية هناك + مترجم في شركة معروفه دولياً .. وحيد لي امو .. كبير ابوه واخو لي بنتين
" ورد ٢٢ سنة ، ريل ١٨ سنة " .

امو اتوفت لما كان عمرو ٨ سنوات .. ابوه اتزوج " غادة" وبعد ٤ سنوات جات ورد .. الكانت سبب في تغيير معاملة غادة إتجاه فيصل او ممكن نقول شخصيتها الحقيقيه ظهرت.

١٢ سنة من المعاملة الكعبه و الكان عبدالملك "والد فيصل" ماعارف عنها شي .

اخواتو عكس امهم الماكانوا بيرضو فيه ودايما بيحامو ليه وبيشاكلو امهم لو غلطت على فيصل .. وبالمقابل هو ما بيرضى فيهم ابدا.. وللآن .

العنف الحصل ليه في طفولتو اتسبب في انو فيصل بقى انسان جاد وعملي جدا ..ذكرياتو الكعبه كلها ، موت امو ومعاملة غادة ليه ..خلقت منو انسان ناجح في الحياة العملية .. فاشل جداً في علاقاتو مع أصحابو .. زملانو .. وحتى عيلتو.
ما عدا " ورد وريل" .



°°



*فاطمة:


_الحياة دي عبارة عن دردااق
_الحياة صعبه "على قول صديقة " .


السوق هد حيلي .. ومع المشواير نسيت رحلتي المخططه ليها والمجهزة ليها من قبل اسبوعين .
نسيت دراستي والجامعه .. اساسا الهم بيخليك تنسى اي شي.


flash back:


قبل ٣ سنوات .. لما شهادة الثانوي طلعت
بتذكر في اليوم دة البيت كان مليان بي عيلتي وعيلة شجن .. نحن علميين وكنا شايلين احياء ..متوقعين لشجن نسبة عالية على عكسي..كيف وانا امي بتجي تكابسني باكل في الوقت المفروض اقرا فيه .


محمد وفؤاد ..فداء..امي وابوي .. شجن وامها واخوانها .. غير المكالمات البتوترك قبل النتيجه .. العيلة والاصدقاء .. وصرااحه كده يعني .. انا برضو ما كنت متوقه نتيجه حلوة لنفسي
" الانسان على نفسه بصيرة" .

المؤتمر الصحفي الكئيب بدا .. وعم الصمت

نتيجه شجن طلعت قبل نهاية المؤتمر... و 90% غصبا عن اي حاجه .. الزغاريت ملت البيت .. وانا وهي رقصنا النبق !

" رقصة النبق رقصه بتعبر عن الفرح ..
انت سوداني ؟! اذاً مفروض تعرف ترقص النبق ".

جا دوري انا .. المؤتمر انتهى.. النتيجه لسه ما ظهرت ،
بعد مرور ساعه
لسه النتيجه ما ظهرت

بعد مرور ٣ ساعات

لسه ما ظهرت ...!!

امي قعدت في نص الحوش وبقت تدعي
" يالله تنجح البت دي ..تنجح بس وتقرا اي شي نفسها فيهو..بس تنجح لي يالله "

محمد قاليهم حاتنجح انا واثق منها ام راس دي .


ابوي جا شايل تلفونو ..وشو مليان فرح .. قعد جنب امي واداها التلفون ....قرت الرساله .



امي صنت مساافه ...وبعدين طلقت اظبط واعلا زغروته..
فؤاد كابس وشال التلفون

.. جا جاري علي ومااحس بي روحي الا وانا لافين بي ذي حلاوة المولد .


"يااعيلة يا كافرة ..ماتوروني نتيجتي!! الكلام دة ما بيرضى ربنا"

.. ادوني التلفون اقراها بي نفسي


ضحكت !
87.9%


..



الفرحه وقفت لغاية هنا .. لما سمعو رغبتي كلهم اتصدمو الا فؤاد وشجن الكانو عارفين سلفا بيها .

امي قالت لي انتي فرحانه هسا وانا ماعايزة اخرب عليك فرحتك .. اقفلي الموضوع ده وما تفتحي السيرة دي تاني .


ابوي اشر لي براسو نظام ما وقتو هسا .

وفعلا السيرة اتقفلت ..بس حلمي اني اقرا المجال دة ابدا ماحايقيف والا يتحقق .


ايام و التقديم بدا
امي مشت معاي عشان اقدم .. ملت لي الاستمارة بالمجالات الطبية
" اسنان وصيدلة ..مختبرات وط

#”صبرا_جميلا”
#ذات_الرداء_الأسود♡
#Part_2
✷✷✷______✷✷✷
أول ما دخلت لقيت عمي يوسف ((طبعا دا أصغر واحد)) طبعا أنا تجاهلتو ولكن هو إنتبه لي ولحقني
يوسف..عائشة ،عائشة
أنا وبكل برود.. أيوة ياعمي
يوسف.. مالك مابتجي تسلمي على حبوبتك
أنا ببرود..امممم ماعارفة خلاص كنت هخلي وامشي ولكن وقفت لما سمعتو وهو بيقول
يوسف..شوفي كان ماسمعتي الكلام هيحصل حاجات ماهتحبيها
أنا..جرب وأنت تشوف
يوسف..للأسف أنتي هتستحملي ولكن أمك ماهتستحمل
أنا وقفت..لي بتسوي لينا كدا
يوسف.. داكلو بسبب جدك
أنا..جدي عمل شنو
يوسف بحقد..كتب ليهو كل الورثة
أنا بغصة..لكن هو كان بيتقاسم معاكم
يوسف بغل.. لكن نحنا عاوزين الورثة كلها لأنو..وسكت فجأة
أنا..وفي النهاية كل حاجة بقت باسمكم ،يلامعسلامة ياعمي 😌
مشيت وطلعت لأني كنت على حافة الإنهيار كنت ببكي لي لي كل دا لي الحياة دائما بتختارني واذكرت كلام أمي ((لايحمل الله عبدا في فوق طاقة،إن بعد الصبر فرج))فاستغفرت وقعدة افكر لما عمي قال عاوزين الورثة كلها وسكت فجأة أنا حاسة أنو في إن لازم أعرف التكملة وصلت البيت وأنا وشي أحمر وعيوني مورمة من البكاء دخلت البيت ولاقتني أمي
أمي..مالك يابت عيونك منفخة ،وكدين لي جاية بدري مش طلعتي حسي
أنا.. والله مصدعة
ودخلت الغرفة وأول مادخلت أنفجرت بكاء ماعارفة لي ولكن كنت عاوزة ابكي غيرت ملابسي ونمت صحيت على أذان الظهر طلعت عشان اتوضا وحمدت ربي أنو أمي ماقعدة لأني ماحمل كلام اتوضيت ودخلت جوة وصليت الظهروقريت وردي من القرآن ونمت.
((أحاول أن اهرب من هذا العالم واذهب إلى عالم أحلامي الجميله))
نمت وصحيت عالمغرب
ياخ ضيعت العصر اتوضيت وصليت وطلعت برة ومشيت المطبخ وأنا في الطريق لقيت أخواني قاعدين وأمي بيشربو شاي المغرب
أمي..ياعشوش تعالي اشربي شاي المغرب
أنا بغصة.. شكراً مادايره
مصطفى.. مالك ياعائشة اليوم
أنا في نفسي..احمل هموم الدنيا في رأسي
أنا..صداع شديد
مصطفى..لي ماقلتي أمي قالت أنك جيتي بدري
أحمد.. حاسة بشنو
أنا ماقدرة اجاوب حسيت بدوار ولكن ثبت وقعدة في السرير
محمد بقلق..مالك ياعائشة أنتي ماطبيعية
أنا بتعب.. ماقادرة والله
الكل بقا يقلق محمد جا قالي قومي خشي الغرفة ترتاحي وأنا هجيب ليك عصير
قمت من دون تردد وأنا ماشية ماحسيت بالدنيا واغمى عليها
طبعا قبل ماتقعا ايد أحمد سندتها شالها ودخلها جوة والباقيين جو وراهو .
فتحت عيني لقيتهم كلهم قاعدين فوق راسي عاينت ليهم وكلهم قعدو يسئلوني أنتي كيف
كنت ساكتة ولكن رأسي كان بيعيد الكلام القالوا عمي قعدة أبكي وارتميت في حضن أحمد
أحمد..اطلعو كدين
أمي..لكن
قاطعا أحمد..أنا معاها ماتخافوا
طلعوا كلهم
أحمد.. مالك ياعشوش
أنا ببكاء وحكيت ليهو كل الحصل من طق طق إلى السلام عليكم
أحمد..مابيقدر يعمل ليك حاجة ،وأنتي ماتخافي نحنا معاك وقعد ينصح فيني
أنا.. شكرا أحمد
أحمد..ولو ياعشوش
أنا..بس ماتقول لي مصطفى لانو ماهيسكت
أحمد.. طيب ،،حسي أنتي ارتاحي وأنا هطلع أجيب ليك شوية أكل
أنا..أوك
طبعا أنا ماقلت لي مصطفى لأنو عصبي جددا أما أحمد هادي وطيب😌.
أول ما شفت التلفون لقيت كترة رسايل من عمي ناصر ويوسف وفي اخر رسالة كان كاتب أنا في نهاية الشارع تعالي قبل ما اجي أنا على طول قمت لبست العباية والطرحة والشبشب وطلعت ولقيتم مجتمعين حول أحمد ((حصة تحقيقات😹)) شافوني
الكل..ماشة وين
أنا بتوتر..صحبتي عيانة وماشة أسلم عليها
مصطفى بشك..مش كنتي تعبانة
أنا.. بقيت احسن
ويقاطع التحقيق صوت تلفوني وهو بيتصل لقيتوا العم يوسف طبعا عملتوا سايلاندا وقفلتو
مصطفى..ارحكي أنا هوصلك
أنا..لا ماضروري لأنو حسي البنات عملو لي مسكول
مصطفى..امم ماتتاخري
أنا..أوك
أمي.. في أمان الله
طلعت وجري نزلت ((لودخلت مرثون كنت فزت😹😹))وصلت نهاية الشارع واتصلت عليهو
أنا..وين عربيتك
يوسف.. العربية السوداء
أنا.. خلاص شفتها جايه مشيت عليهو وركبت قدام الوقت كلو ساكتين لحد ماوصلنا قدام شقق سمحة
يوسف..انزلي
أنا نزلت ومشيت وراهو لحد مادخلنا شقة ((تقولو من كترة جمالا هتاكل حتة من العمارة وأول مادخلت تفأجأة ((البنت دي مفأجاة كترة😹😹😌)).............يتبع
⁦～⁦～_______⁦～⁦～
‏مهما تعثرت ما زالت الحَياة تُقدِّم فُرص، ومهما أخذت منك الحَياة فهي كُل يوم تعطيك أملاً جديداً، ومهمَا خسرت وفشلت وحزنت وتعثرت، لا تيأس أبداً.🩷🙂

#"دموع_العيـــــد"
#ذات_اارداء_الأسود♡
#Part_2
✷✷✷______✷✷✷
وأنا راجع في الطريق فكرت كيف هتقدر تعيش قمر براها لوحصل لي حاجه وقبل ما أرجع للذكريات المؤلمة استغفرت وبعد مسافة وصلت البيت وأنا شايل بيتزا زي مابتحب قمر،،دخلت ولقيت البيت شبه مافيو حس استغربت لأنو دي مواعيد رجوع قمر من الشغل بس مااشتغلت لأنو لما اتاخر بتمشي تقعد عند بنت الجيران وتتونس معاها..
وأنا في طريقي لمحت غرفت قمر مفتوحة ونورا مفتوح استغربت لأنو ما من عوايدا تخلي الباب مفتوح لما تطلع مشيت خبطت بس مافي زول رد فدخلت وانصدمت من الشفتو...
لقيت قمر راقدة في السرير وبتلقط نفسا بالعافيه ومن كترة إختناقها شفايفا بقت زرق طبعا تجمدت في مكاني بس بعد ما استوعبت مشيت جري عليها وقست ليها النبض طلع نبضها ضعيف على طول شلت واحدي من عباياتها ولبستها ليها والطرحة وشلتها وجريت على السيارة رقدتها ورا ومشيت بديت سواقة وكانت سرعتي عالية ((لدرجة أنو أنا حسيت أني هطير معاهم 😹😹))عشان كدا وصلنا بدري ودخلت المستشفى وأنا شايلها
أنا..دكتوووووور دكتور
وجاني دكتور معاهو ممرضة
الممرضة..دخلها الغرفة الغرفة دي بسرعة.
دخلتها وقالو اطلع،طلعت و قعدة في الأرض وسندة رأسي على الحيطة وتذكرت أكتر ذكرى مؤلمة
. Flash back 📸.
في شقة الرائد نصر.. وتحديدا في غرفة نومهم كانوا نامين فجأة يصحوا على أثر تخبيط الباب القوي
نصر صحا وصحا زوجتو... قومي يابدرية امشي اتخبو أنتو والأولاد في المطبخ
بدرية بتررردد.. ولكن..
نصر قاطعا.. قومي بسرعة
مشت بدرية وصحت ولدها العمرو 9 وبتها العمرها 4سنين وودتهم المطبخ دخلتم واحد من الأدراج وباستم
بدرية..امسك دي الأوراق يامحمد وأوعو تعملو صوت وكان سمعت اي صوت ماتطلع لأنو هنلعب غميضة واحرس أختك سمح
محمد وقمر..سمح
وعاينت ليهم كانو بتودعهم وقفلت الدرج ومشت توقف جمب جوزها اللقتو واقع على الأرض من كترة الضرب جرت عليهو
بدرية..نصر أنت كويس
نصر.. ماتخافي يابدرية أنا كويس...
👤 بخبث....ههههههه خلاص خلصتو حلقتكم ولا لسه ،اها يانصر ياتديني الأوراق يا اقتل مرتك قدامك
نصر..ماهديك وكدين تهبش شعرة منها
وقاطع كلامو صوت طلقة اخترقت رأس بدرية وخلت الدماء تملا الدنيا
نصر مصدوم...أنتتت قتلتها
👤.. يلا كان مابقيت شطور ووريتني وين الأوراق هتلحق مرتك
نصر مصدوم...مممما هوريك..
أطلق عليهو طلقة أخترقت جسدوا ووقع
👤.. يلا أمشوا فتشو الأوراق يارجال
الكل.. حاضر ومشوا يفتشو بس مالقو الأوراق ومشو المطبخ
...شكلو ماهنلقاهو هنا
....أيوة كلامك صح
وطلعو ومحمد كان خايف وأول ماحس أنو الدنيا هديت طلع ولقى أختو نايمة فصحاها
محمد.. قمر أوعى تتحركي من مكانك
قمر بنعاس..اهههممم حاضر ورجعت نامت
وطلع محمد من المطبخ براحة وأول مالقى أمو وأبو راقدين في الارض وبركة حمرا حولهم خاف
أنا ببكاء... أمي أمي أمي قومي أنت مش نايمه وهتصحي ،ومشيت على أبويا..ياأبويا أبويا
نصر..كحح يامحمد أوعا تخلي الدنيا توقفك طيب
أنا ببكاء ترق له القلوب..يلا قوم عشان نمشي نصحي ماما وهسمع كلامكم وماهلعب في الشارع.
نصر بتعب...أوعى يامحمد تبكي لأنو الرجال مابيبكوا خليك قوي وحافظ على أختك
أنا وبمسح دموعي.. خلاص قوم وهنحافظ عليها مع بعض
نصر بصوت متقطع..و..قول..لعمك.. زين محمود..هو الر..ئيس
وتمتممم بكلمات مامفهومة ((التشهد))ونام
.بلسان محمد.
أول ما شفت أبويا غمض عينو هزيتو ولكن قلت نام ولقيت دموع كانت نازله فمسحتو ليهو وبست راسو هو وأمي رقدة جمبهم... وأنا دموعي في عيني 💔.
. Back 🔙.
قاطع دوامة الذكريات صوت تلفوني وهو بيضرب تننن تنننن
رديت
أنا بتعب..آلو
عمر..آلو وينك يامحمد لي ساعة بتصل ليك
أنا ببرود اخفي وراهو الحزن..قمر في المستشفى
عمر بصدمة.. كيف ومتين
محمد حكى ليهو كل الحصل كلو
عمر.. خلاص أناجاييكم وبالمرة اخلي رحيق تجيب ملابس لي قمر بالمرة
أنا...ماضروري ...
ولكنو قفل الخط في وشي
ولكن اتصل تاني
عمر بغباء 🤓... في ياتو مستشفى
أنا.. في مستشفى....
وقفل الخط
وقعدة استغفر لحد ما طلع الدكتور
أنا بلهفة..أختي كيف يادكتور
الدكتور..هي كويسة ولكن...
أنا.. ولكن شنو يادكتور
الدكتور..لازم تبعدوها عن اي غبار أودخان لأنو أختك عندها أزمة المرة دي عدة لكن المرة الجاية الله اعلم هيحصل شنو
أنا بصدمة.. عندها أزمة ولكن تمالكة نفسي ،،ومتين اقدر اشوفها
الدكتور..حسي هنطلعها في غرفة عادية وتقدر تشوفها
أنا.. طيب ،،شكرا
الدكتور..ولو دا شغلنا
ومشى الدكتور ومشيت الغرفة النقلو فيها قمر وقعدة في الكرسي جمب السرير
أنا مع نفسي..آه آه لوحصل ليك حاجة كنت ماهقدر أعيش أنتي الفاضل لي من عائلتي الله يحفظك ياقموره ♥️.
✷✷✷✷✷✷✷✷✷✷✷✷✷
كان الرسول ﷺ إن ضاقت دنياه يردّد:

‏"يا حيّ يا قيّوم برحمتك استغيث، أصلح لي شأني كلّه ولا تكلني إلى نفسي طرفة عينْ".
✷✷✷✷✷✷✷✷✷✷✷✷✷✷