حضرت حنتو ، كانت جوه البيت وكدا يعني ف الاهل وبس
، انا م عملت اي حنة ولا حفلة ، مشيت بس الخميس بليل رسمت وعمل اي شي بتعملوا العروس وكدا
يوم الجمعة الصباح♥️
العقد كان الساعة 8 ص .. ودا م استعجال دا بس لانو الدعوة كانت فطور ، والعقد نهاري كدا بي دلوكة ،
طلعت من الساعة 7 على الكوفير معي وحدة من بنات جيرانا ديل ، لمن الساعة جات 8 ونص وعقدو طوالي عبد الله اتصل لي ، قال لي بقيتي حلالي للمرة التانية
انا م عرفت ارد ليه ب شنو ، بس بقيت ابكي ، قلتا ليه الحمدلله
" الحمدلله الذي بنعمته تتم الصالحات "
ضحك وقال لي عرفتي لي 😂♥️
لمن خلاص انتهيت ولبست حاجاتي ، وجا عبد الله يسوقني من الكوفير ، اول حاجة عملها لبسني الدبلة وانا عملت نفس الشي ، قال لي انا خايف ب سماحتك دي نمشي هناك يدونا عين نموت الاتنين ، قلتا ليه بعد الشر قال لي دايرة تعيشي قلتي لي ؟ عشاني صح قوليها قعدت اضحك
كان شايل عصاية في يدو تبع ل الجلابية اللابسها دي ختاها في نصي وقربني عليه شوية قال لي قوليها .. قلتا ليه عبد الله الناس بعاينو لينا ؟؟
قال لي قوليها قلتا ليه شنو ؟ قال لي بحبك ،!
قلتا ليه عبد الله انت ابدا م جادي ، كان كل شوية بقربني عليه ، قال لي والله م تقوليها هسي دا ابوسك قدامهم
قلتا ليه بحبك ، والله بحبك وانسحبت منو ، قعد يضحك وقال لي ياخ ربنا يخليك لي بالجد ، انتي احسن حاجة حصلت لي فالدنيا دي باسني في راسي وقال لي الخبيرة ، يلا نحنا مستعجلين ، ضربتو وقلتا ليه احترم نفسك قال لي مستعجلين للجرتق
لمن وصلنا هناك وعملوا الجرتق ، عبد الله كان برقص شديد وكان طاير من الفرحة ، فرحتو بثبت لي انو بحبني شديد ، قعدت اقول سبحان الله عاينو الدنيا دي كيف
خلاص جهزنا حاجاتنا وجوازتنا عشان ماشين ، عبد الله قال لي الطيارة بكرة لكن هسي ح انزل هنا في شقة صحبي لحدي الصباح بس ، قلتا ليه عبد الله تاني صحبي ، ضحك وقال لي ماف ماف انتي تاني اصحابي
ودعت ناس البيت وخلاص مشينا ، ووصلنا الشقة ، اول م وصلنا عبد الله من طولو وقع على السرير ، قال لي لحدي هسي انا قايل روحي بحلم ممكن تجي تقرصيني عشان اتأكد ؟
جيت قعدت جمبو وقربت على وشو شديد وهو كان مغمض ، بعد شوية قرصتو شديد لمن فتح وقعد على السرير قال لي دا شنو العملتيه دا ، قلتا لي منتظر مني شنو راقد لي كدا
جراني من يدي وجابني عليه قال لي انا بحبك
قلتا ليه وانا اكتر اكتر والله
يمكن اليوم دا كان من احلى ايام حياتي ، صحينا الصباح من التعب والجسم المكسر قلتا ليه عبد الله ضروري نسافر الليلة ؟
قال لي انتي بتهظري ، قومي قومي اعملي حاجاتك كلها عشان نمشي وفعلا دا الحصل سافرنا ونزلنا في البيت الكبير لاننا حنسكن هناك
#بعد_مرور_اربعة_سنوات
انا هسي بحكي ليكم وانا جمبي طفلين ريم وراشد ، وجمبي راجلي عبد الله ، اتخرجت من كلية الاقتصاد بدرجة الشرف ودا كلو بفضل ربنا ثم عبد الله هو السندني ودعمني وخلاني اكمل مشوار تعليمي
اما عمر بالجد انا م عارفة كيف ومتين دا كلو حصل ، بس هو حالياً خطب اختي رنا ، وهم بالجد مبسوطين
وسحر ، اتزوجت وكملت حياتها
ابوي وآمنة ربنا تاني اداهم ولد ، وعايشين مبسوطين
وانا هنا مع حبيبي واولادي مبسوطة بيهم شديد ، ودايما بدعي ربنا يحفظهم لي ويقر عيني بيهم ♥️♥️♥️♥️♥️♥️♥️♥️
وفي الاخر م ح اقول
غير انو انا مريت بحاجات كتيرة في حياتي ، خسرت كتير وزعلت كتير واتضايقت اكتر ، بس كنت دايما مؤمنة انو زي م جات علي ايام انا من شدة الحزن م بنوم ، حتجي علي ايام من شدة الفرح م بنوم وفعلا دا الحصل ، انا حاليا مبسوطة لدرجة الليل كلو م بنوم بكون صاحية وبتأمل في اولادي وحبيبي ، زي م قلتا ليكم اني مبسوطة بيهم شديد
دخل طاقة النور جواك ، خليك زي السما مهما مرت عليها سحابة بترجع تكون صافية ، عوض ربنا جاي ف اطمئنوا وخليكم مؤمنين بالحاجة دي
نتلاقى في روايـــة تانـية ♥️
منتظره تعليقاتكم وارائكم علي رواياتي cafe
، انا م عملت اي حنة ولا حفلة ، مشيت بس الخميس بليل رسمت وعمل اي شي بتعملوا العروس وكدا
يوم الجمعة الصباح♥️
العقد كان الساعة 8 ص .. ودا م استعجال دا بس لانو الدعوة كانت فطور ، والعقد نهاري كدا بي دلوكة ،
طلعت من الساعة 7 على الكوفير معي وحدة من بنات جيرانا ديل ، لمن الساعة جات 8 ونص وعقدو طوالي عبد الله اتصل لي ، قال لي بقيتي حلالي للمرة التانية
انا م عرفت ارد ليه ب شنو ، بس بقيت ابكي ، قلتا ليه الحمدلله
" الحمدلله الذي بنعمته تتم الصالحات "
ضحك وقال لي عرفتي لي 😂♥️
لمن خلاص انتهيت ولبست حاجاتي ، وجا عبد الله يسوقني من الكوفير ، اول حاجة عملها لبسني الدبلة وانا عملت نفس الشي ، قال لي انا خايف ب سماحتك دي نمشي هناك يدونا عين نموت الاتنين ، قلتا ليه بعد الشر قال لي دايرة تعيشي قلتي لي ؟ عشاني صح قوليها قعدت اضحك
كان شايل عصاية في يدو تبع ل الجلابية اللابسها دي ختاها في نصي وقربني عليه شوية قال لي قوليها .. قلتا ليه عبد الله الناس بعاينو لينا ؟؟
قال لي قوليها قلتا ليه شنو ؟ قال لي بحبك ،!
قلتا ليه عبد الله انت ابدا م جادي ، كان كل شوية بقربني عليه ، قال لي والله م تقوليها هسي دا ابوسك قدامهم
قلتا ليه بحبك ، والله بحبك وانسحبت منو ، قعد يضحك وقال لي ياخ ربنا يخليك لي بالجد ، انتي احسن حاجة حصلت لي فالدنيا دي باسني في راسي وقال لي الخبيرة ، يلا نحنا مستعجلين ، ضربتو وقلتا ليه احترم نفسك قال لي مستعجلين للجرتق
لمن وصلنا هناك وعملوا الجرتق ، عبد الله كان برقص شديد وكان طاير من الفرحة ، فرحتو بثبت لي انو بحبني شديد ، قعدت اقول سبحان الله عاينو الدنيا دي كيف
خلاص جهزنا حاجاتنا وجوازتنا عشان ماشين ، عبد الله قال لي الطيارة بكرة لكن هسي ح انزل هنا في شقة صحبي لحدي الصباح بس ، قلتا ليه عبد الله تاني صحبي ، ضحك وقال لي ماف ماف انتي تاني اصحابي
ودعت ناس البيت وخلاص مشينا ، ووصلنا الشقة ، اول م وصلنا عبد الله من طولو وقع على السرير ، قال لي لحدي هسي انا قايل روحي بحلم ممكن تجي تقرصيني عشان اتأكد ؟
جيت قعدت جمبو وقربت على وشو شديد وهو كان مغمض ، بعد شوية قرصتو شديد لمن فتح وقعد على السرير قال لي دا شنو العملتيه دا ، قلتا لي منتظر مني شنو راقد لي كدا
جراني من يدي وجابني عليه قال لي انا بحبك
قلتا ليه وانا اكتر اكتر والله
يمكن اليوم دا كان من احلى ايام حياتي ، صحينا الصباح من التعب والجسم المكسر قلتا ليه عبد الله ضروري نسافر الليلة ؟
قال لي انتي بتهظري ، قومي قومي اعملي حاجاتك كلها عشان نمشي وفعلا دا الحصل سافرنا ونزلنا في البيت الكبير لاننا حنسكن هناك
#بعد_مرور_اربعة_سنوات
انا هسي بحكي ليكم وانا جمبي طفلين ريم وراشد ، وجمبي راجلي عبد الله ، اتخرجت من كلية الاقتصاد بدرجة الشرف ودا كلو بفضل ربنا ثم عبد الله هو السندني ودعمني وخلاني اكمل مشوار تعليمي
اما عمر بالجد انا م عارفة كيف ومتين دا كلو حصل ، بس هو حالياً خطب اختي رنا ، وهم بالجد مبسوطين
وسحر ، اتزوجت وكملت حياتها
ابوي وآمنة ربنا تاني اداهم ولد ، وعايشين مبسوطين
وانا هنا مع حبيبي واولادي مبسوطة بيهم شديد ، ودايما بدعي ربنا يحفظهم لي ويقر عيني بيهم ♥️♥️♥️♥️♥️♥️♥️♥️
وفي الاخر م ح اقول
غير انو انا مريت بحاجات كتيرة في حياتي ، خسرت كتير وزعلت كتير واتضايقت اكتر ، بس كنت دايما مؤمنة انو زي م جات علي ايام انا من شدة الحزن م بنوم ، حتجي علي ايام من شدة الفرح م بنوم وفعلا دا الحصل ، انا حاليا مبسوطة لدرجة الليل كلو م بنوم بكون صاحية وبتأمل في اولادي وحبيبي ، زي م قلتا ليكم اني مبسوطة بيهم شديد
دخل طاقة النور جواك ، خليك زي السما مهما مرت عليها سحابة بترجع تكون صافية ، عوض ربنا جاي ف اطمئنوا وخليكم مؤمنين بالحاجة دي
نتلاقى في روايـــة تانـية ♥️
منتظره تعليقاتكم وارائكم علي رواياتي cafe
👍34❤26
مروان: استهدي بالله ياخ ++ انا ماقدرت اعتزر ليها عشان ماعايز احرجها
سلمى: خلاص يبقى كل مره طلعها هي ما تطلعني انا سلام قفلت في وشو وقفلت التلفون رقدت نمت مستنيه متين الصباح يجي
_الصباح 🦋
لدن بتجهز للمدرسه وبتونسو هي وامي جيت طالعه فيهم وانا جاهزه شربت الشاي ومشيت مستنيه بتاع الترحال
وانا واقفه كدا جا نازل وقال لي اتفضلي قلت ليه ماعايزه
وهو بحنس فيني القزاز القدام نزل وكانت راكبه نادين شنو يا ميرو يعني حتأخرني عشان تفضل تحنسها خلاص سيبها بي راحتها
قلت ليها كدي انزلي دقيقه هي طوالي نزلت بس طوالي جدعت شنطتي وبقيت ادق واعضي فيها مروان داير يحجزنا قلت ليه والله اقبل عليك انت زاتك
بقت تكوروك لحدي ماجو الجيران اتلمو قدامنا طوالي مروان ساقها واداها بيتها وانا طلعت فوق بقيت ابكي
يتبع ...
#ايثار_كمال
#بعد_ماذا
قراءه ممتعه
" يسهل النسيان احيانا ولكن يصعب التجاوز "
سلمى: خلاص يبقى كل مره طلعها هي ما تطلعني انا سلام قفلت في وشو وقفلت التلفون رقدت نمت مستنيه متين الصباح يجي
_الصباح 🦋
لدن بتجهز للمدرسه وبتونسو هي وامي جيت طالعه فيهم وانا جاهزه شربت الشاي ومشيت مستنيه بتاع الترحال
وانا واقفه كدا جا نازل وقال لي اتفضلي قلت ليه ماعايزه
وهو بحنس فيني القزاز القدام نزل وكانت راكبه نادين شنو يا ميرو يعني حتأخرني عشان تفضل تحنسها خلاص سيبها بي راحتها
قلت ليها كدي انزلي دقيقه هي طوالي نزلت بس طوالي جدعت شنطتي وبقيت ادق واعضي فيها مروان داير يحجزنا قلت ليه والله اقبل عليك انت زاتك
بقت تكوروك لحدي ماجو الجيران اتلمو قدامنا طوالي مروان ساقها واداها بيتها وانا طلعت فوق بقيت ابكي
يتبع ...
#ايثار_كمال
#بعد_ماذا
قراءه ممتعه
" يسهل النسيان احيانا ولكن يصعب التجاوز "
👍16