دخلت الحمام .. لم جات مارقة لقت شادية مصنقرة علي حيلا ...
_اها كيفك ?
_تمااام .. اهاالمدرسة كيف اليوم ? والسأل مني منو ?
_المدرسة كللللها بتسأل منك والله ... والقراية ماااااشة زايدة ..خليني ارتاح شوية واوريك الحاصل شنو في اليوم ده بالتفصيل ...
_دايرة تلفوني اتصل لامي ..
_هههههههه متين فارقتيها هسي ? مافي اي تلفونات
_والله اشتقت ليها ياخ .. تجيبي التلفون ولا اقوم امشي !
ام نعيم فضلت مع اخت راجلا المرحوم وبتها وبقو مافي اي حوار بيناتهم !! قاعدات واي واحدة بتشوف في التانية ...
_ياختي انا بكرة لو حيينا..راجعة البلد ..
_اقعدي يومين تلاتة كده اتونسي...
سمعو عربية وقفت في الباب...وصوت الباب بيتدف .. قامت فتحت الباب..لقت سعدية قداما...
_هي..سعدية .. وييينك يا بتمي ?
#الكادوك
((14))
تأليف:
#اكرام_رابح
سعدية دخلت بيت ام نعيم وقعدت ... عاينت لعمة شادية كدة لكن طبعا ما اتكلمت ..
_دي عمة شادية بتم ابوها يا سعدية
_حبابك يا اخت ... اها يا ام نعيم..شادية كيف مع المدرسة ? وانتي ذاتك اياماتك دي قضيتيها كيف لاسالتي مني لا فتشتيني
_حييييي يا سعدية .. بتي مرضت
_اسمعي يا اخت ..انا ما بعرفك..لكن والله العظيم ام نعيم دي بتضيع لينا البنية
_بنية ?! ياتو بنية ?
_ شادية ! شادية اصلا ماشة تجن وشالتا ادتا للمرة الاسما رقية دي ودتا بيتا
_كر علي ياخواني.. رقية ياتي ?
_ يا سعدية..رقية صحبتي وعشرتي من زمان وبتها صحبة شادية بتي
_كدي واحدة واحدة ... يعني هسي بتك ما معاك ? وكيف يعني جنت?
_ما جنت..مشت لصحبتا بس ترتاح شوية
_وحات الله البنية عندها اب فرار وداقيها عارض .. شوطنت عدييييل ... البت دايرة ليها علاج
_قومي يا ام نعيم .. قومي ياختي..الله يسامحني علي الايام النسيتك فيها انتي وبتك... قومي سرييع ارح نجيبا
_يا سعدية الب...
_ما دايرة منك ولا كلمة..قومي ارح
عيسي في دكانو وبشوووف في الساعة القدامو علي الحيطة ومتوتر شديد .. رفع تلفونو داير يتصل كده بس المستنيهو جا داخل ..
_ليه اتأخرت كده ? وقافل تلفونك لشنو ?
_ والله شالتني نومة بس وتلفوني انا قفلتو مخصوص...في ناس ما دايرهم يضربو لي ..
_كويس..انجزت ?
_ايوة .. كل الطلبتو ياهو
وخت قدامو ظرف كبير كده ..
_اي طلبات تانية?
_ايوة في كم حاجة كده مفروض تعملا بس ما هسي...خليني اول شي اعرف تفاصيل عوض بعد داك اوريك الخطوة الجاية .
عوض الواطة صبحت عليهو وحالو مقلوب! تلفوناتو مافيها وخزنتو فاااضية والمسدس حقو مافي !
_سامية..يا سمية .. نحنا اتسرقنا .. الحقي شوفي دهبك وقروشك
_اتسرقنا ? كيييف اتسرقنا يا عوض ? اقيف اقيف لي ... وجرت علي اوضتا .. الاوضة زي ماهي والدواليب مقفلة وكل شي طبيعي..
_مافي حاجة اتسرقت ياهو..كللللو في محلو ..
_يا مرة افتحي دولابك واتفقدي حاجاتك...تلفونك وينو ?
وفتحت الدولاب ضلفة ضلفة وكل شي في حتتو ...
_مافي حاجة اتسرقت ... وتلفوني داك ليهو برة في البرندة من امس العشا قاااعد في محلو ولابتوبي ذاتو جنبو ... مافي سرقة في البيت ده..اتا جنيت?
وغضبو زاد وجراها من يدها ومشي بيها غرفتو بتاعة شغلو ...
_افتحي عينك دي كويييس وشوفي..دي الخزنة مكسورة وفااااضية .. عارفة يعني شنو الخزنة دي فاضية? مسدسي مافي .. وتلفوناتي الاتنين مافي .. اقول ليمي..يا شيخة انا الجزلان خقي ذاتو مافي..لا بطاقة لا ورقة ولا اي شي .. بيتكم ده ورقو جوة الخزنة دي وهسي مافي ولا قصاصة ورق..تقولي لي جنيت ?!
وهنا سامية سكتت واتمحنت..اي صح زعلانة من خياناتو وامورو الكعبة لكن كمان صعبة انو في بيتا كده وحاجات راجلا الشخصية تتسرق !
_طيب يا عوض.. نبلغ الشرطة
_شرطة شنو هوي? ياتو يوم الشرطة جابت حق زول رايح ?
_ما معروف بعد حاجاتنا المهمة اتسرقت تاني الحيحصل علينا شنو ... انا خايفة..يمكن زي ما دخلو الاوضة دي اليوم..بكرة يدخلو اوضة نومي واوضة عيالي .. انا ماشة بيتنا يا عوض !
_بيتكم!? فكرة والله...امشي !
_امشي?لقيتك لكن !دايرني امشي عشان تجيب حبشيتك دي هنا صح? اصلك خاين وعديم اخلاق .. يمكن دي ذاتا خطة منك عشان تخوفني!ليييه الحرامي ده ما شال اي حاجة غير حاجاتك ?انت تطلع يا عوض لكن انا ما بطلع من بيتي!!!
لا عارف روحو يبكي ولا يضحك ولا يعمل شنو !!!! وقف يشوووف في مرتو...وساعة غلبتو الحيلة وعدم الكلام اليقولو .. مشي رقد في اقرب سرير وغمض عيونو وبقي يشوف تفاصيل حياتو من خلال الضلام القدامو !!
_سلام عليكم يا ناس..
شادية اول ما سمعت صوت امها قامت جات جارية تستقبلا !! لكن قبل ما تصلا كده وقعت ! سعدية طبعا اول مرة تشوف المنظر ده قداما .. فاتخلعت ووقفت في مكانا .. ام نعيم كملت المسافة البينا وبين بتها وحضنتا ... رقية جات مارقة واتصدمت بالمنظر القداما..شادية في حضن امها وامها بتبكي..والمرة الواقفة مذهولة وراها !!!صباح مافيها هي واخواتا ...
_بسم الله..البت مالا ?
_انتي رقية?
_اي انا رقية ...وانتي منو?
_البت دي مالا ?
_مالا ? من سقتها اصلا عندها حالة ويمكن جاتا هسي !

!
سعدية ما ردت عليها بس مرقت برة نادت السواق عشان يرفع البت ... ودخل وامها بتبكي بهستريا شديدة .. رفعوها ورقية طبعا زي اتحرجت شديد لم سعدية والسواق اتساعدو مع بعض دخلو البت جوة العربية ...
_اركبي يا ام نعيم .. اركبي وختي راس بتك في حجرك .. بعد ركبت واستقرت .. جات فتحت باب العربية القدام وركبت ..
_ودعناك الله يارقية !!!!
بعد العربية اتحركت رقية الفضيحة مسكتا.. رجعت بيتا جوة شالت مطبقتا وتلفونا وجري علي الشارع اجرت ليها مشوار ومشت بيت ام نعيم !!
راشد جا داخل بيتهم وما لقي زوووول قاعد غير سيسفي الحبشية .. لم دخل كده كان متمني انو يلقي امو عشان يفاتحا في موضوع زواجو !! ما اخد اكتر من دقيقتين ابوهو جا داخل ...
الاتنين قعدو في الصالة وسيسفي جابت ليهم عصير ..
_وين سعدية
_بابا ماما سوق مشي صحبة بيت !
_امشي امشي خلي تسلي يجيني سريع ... وقبل يكمل كلامو تسلي جا داخل ..
_وين المدام ?
_طلعت ومعاها السواق ... بتجي بعد ساعتين من اللحظة دي !
_انت متابعا ?
_ ايوة
_طيب .. خليهم يختو لينا الغدا ..
تسلي مشي وبعد مشي بخيت التفت علي ولدو ... لقاهو سارح ووشو اصلو ما طبيعي ..
_في شنو يا ولد ?
_ابوي انا قررت اتزوج !
_تتزوج ? يا ولد قول بسم الله
_بسم الله..بس انا جادي..والموضوع دايرو يتم خلال الاسبوع ده !
_كدي واحد واحد هههههههه ! ما شاء الله .. يا ولد .. شنو اليتم وما يتم !?
_ابوي .. انا جادي .. واذا الكلام ده ما تم خلال الاسبوع ده .. البحصل ما كويس !
_ راشد الجاك شنو?
_ما جاني اي شي .. لكن ده الحاصل .. وعايز قروش ....
_شفت كيف? انت لسة طالب وبتشيل مصروفك من ابوك وداير تتزوج?قروش لشنو?
_ماشي اجهز حاجات عقدي !!
عوض في نومتو ديك بس فجأة صحي وقام علي حيلو ... الصحاهو صوت قوي ومزعج ومعروف عندو ..وقف يتصنت .. اتلفت علي يمينو بس .. وخلاص بقي ما قادر يعمل اي شي ... الصوت جنبو..وجوة بيتو . علي بعد خطوات منو ...
_حجاب محبة... راجلي طلقني...دقوهو جرا..اية الفهم .. جوز السلطة... محاية الريدة .. يلا يا اختنا..طلبك وينو !? وسمع صوت زوجتو ...
_اديني حجاب طبلة يا شيخنا !!!!!
#تابعوني.

#الكادوك
((15))
تأليف:
#اكرام_رابح
عوض خوف العالم ده كلو انصب فيهو ! كان فاكر انو بعيد كل البعد عن اي دسيسة وما ممكن يتعرض لاي شي .. لكن ياها توقعاتو كلها انهارت قدامو وبيتو بقي مستباح في السر والعلن ! وده الجابو هنا شنو ?
_ خلاص شيلي .. ده هدية ساكت .. حجاب طبلة هدية في الله ده .. تاني دايرة حاجة?
_لالا شكرا .. بستخدموهو كيف?
_كان دايرة تطبلي زول .. تقولي صما بكما عمي فهم لا يبصرون لا يتحدثون لا يتحركون وتطبلي طوالي !
_بس كده? طيب
_بس كده...معليش ياخ عطشان حلقي داير يتشرط من الكوراك واللف في الحراية...اديني موية نشرب عليك الله !
مرقت سامية و في اللحظة دي قرر انو يتشجع .. طلع ومسك المعراقي من يدو وجراهو ومرق بيهو علي الشارع بعصبية وزهج شديد ... ماسكو وجاريهو وما نطق ولا كلمة..وبعد شارعين من بيتو وقف في زاوية كده واتواجهو وجها لوجه ..
_حصلت انك تدخل بيتي ? قاصد شنو يعني ? قصدك شنو ? لا وكمان بتسرقني ?
_اول شي انا ما سرقتك .. تاني شي اصلا مافي طريقة تمرقك من جحرك ده غير انو نصلك في بيتك
_لا.. سرقتني عديييل .. وقسما بالله انا زمان كان لابد لانو ما فاهم شي .. وما عارف عدوي من صليحي..لكن بعد كده خلاص ...
_اسمع .. انت عارف كويييس انو نحنا ما معادنك .. بالعكس عايزنك تكون في صفنا لكن انت مكبر راسك .. اما موضوع السرقة ده كمان موضوعو براهو .. ويستحيل واحد مننا يدخل يسرقك
_طيب اذا ما انتو السرقتوني ... السرقني منو?
_الاتشال منك شنو?
_اوراقي الثبوتية..مسدسي..وكمية بتاعة مستندات..وكمية من القروش !!
_اهاااا... طيب...وانت هسي حتكون معانا ونبقي ليك سند ولا تفضل برااك كده في مهب الريح كده تنضرب يمين وشمال وما تعرف الضاربك منو ?
_ مرتضي .. انا عمري ما بقدر اثق فيك نهائي ... لا انت ولا المعاك !!
_ما تثق..لكن مصحتنا مشتركة..وانت ما عندك مفر مننا ... اها قلت شنو ?
_ خليني افكر .. وتاني ما تجي حايم لي في اي حتة بخراباتك الوهمية دي..واياك وبيتي !!
_انا هين ... احسن ليك من المعراقي الكبير .. واذا ما جبت ليهو الحاجات البي طرفك .. فما تلوم الا نفسك !!!
شادية طبعا قبل ما يصلو المستشفي فتخت عيونا !!!
_امي .. انا ... انا تعبانة شديد...راسي واجعني !
_خلاص خلاص قربنا نصل المستشفي .. اصبري ...
اها وصلو المستشفي ..دخلوها الدكتور وشكت اعراضا .. اتاخدت ليها عينات للملاريا والتايفويد !!!! واتكتبت ليها كمية ادية وتوصية بالتغذية والراحة !!!
رجعو البيت ولقو العمة ورقية قاعدات في حوش البيت...واحدة مقلقة والتانية حيرانة ... اول ما دخلو كدة ...
_اسمعي يا ام نعيم .. بتك شبر من بيتك ما تطلع الا لو طابت ومرقت علي المدرسة .. تانيا انا اليومين دي ما محتاجة لشغلك .. لكن بطلك كل يومين تلاتة عشان البت دي .. وعشان تشوفي ليكم حالة كمان .. ما ممكن تقعدي بدون شغل !
_ اصلا بتي تاني ما بفوتا بعد الشفتو قدامي ! يمكن تروح فجأة وانا ما جنبها ..
_انتي اصلا ما عندك اي مخ .. علاج المستشفي ده والله ما يحلها...البت دي راسا ده ما طيب ... احسن ليك اراح البلد يا زولة هوي
_يا جماعة .. الله يطمنكم عليها..بعد ده انا بمشي لانو بناتي ما معروف الوكت ده يكونو جو وما يلقوني ولا يلقو شادية وصباح تقلق
_كتر خيرك يارقية ..
وقبل ما تمرق كده دخلت صباح ... سلمت ومشت قعدت جنب شادية وادتا صندوق شوكولاتة وقامت مرقت مع امها .. سعدية استاذنت مرقت علي بيتا .. فضلت الام وبتها وحماتا ...
_والله يا ام نعيم .. شادية دي كان ما مرقت من يدك الله اكبر علي... احسن لييييك تفتحي عيونك ديل تمام ... وانا والله رقيتك اصلو اصلو قلبي ده اباها ابي كده .. المرة دي لاصقة عي وبتها في البنية دي لشنو? صحوبية البنات بيناتهم..الدخل الامهات شنو? هسي انتي مالك يوم ما مشيتي حرنتي ليها في صباح بتها دي?
سعدية مشت بيتا ولقت راجلا وولدا اي واحد بعاين للتاني ..
_مالكم?في شنو?
_ولدك بقي راجل وداير ياخد !
_داير تاخد? وجامعتك?
_جامعة شنو يا امي?
_راشد .. اصلا انت ما زول كلام قدر ده .. الملا ليك راسك كده منو ?!
_امي .. انا غلطت مع بت !وهسي هي حامل .. واذا ما اتزوجتها اخوانا حيقتلوني .. وهددوني اصلا!!!
_ هددوك ? انا ولدي يتهدد!
_وااااي يا بخيت .. من الليلة نحنا ما عندنا قعاد هنا ! تسفرنا باي طريقة !
_اسفركم وين يا مرة هوي ?
_اي تسفرنا .. انا عندي كم ولد !? ولدي وااااحد والله ذاهد وما بفرط فيها...انت زواج شنو ليك ذاتو يا راشد ? وينو عميرك الداير تخلصو مع بنية ما معروف ليها ساس ولا راس ? هي ذاتا لو ما مطلوقة عرفت دربك كيف ?
_امي .. ابوها لسة ما عرف .. لو عرف المشكلة حتزيد زيادة..عشان كده الافضل يا ابوي خلوني اتزوجا..امشو اطلبوها لي ...
_هي بت منو ?
_بت عيس نط الشوك !
_عيسي نط الشوك الواحد ده ?
_اي عيسي نط الشوك الواحد ده !
وهنا بخيت اتفقع بالضحك!ضحك لم عيونو دمعت ! هو بيضحك وولدو وزوجتو محتارين هو بيضحك ليه !!!
_خلاص يا سعدية ... بكرة

وة شفتو .. ومتذكر تفاصيلو زي الهسة شايفو قدامي !
_عوض بدا سكتو مع ناسو ديل بنفس التفاصيل !كانو حتة واحدة .. بس عوض ضربهم واتنكر ليهم ولاصلو !
_قصدك انو عوض كان معراقي ?
_هههههه.. معراقي?!! انت مسكين يا دودو ! ده مجرد غطا .. غطا لحجات كبيييرة وخطيييرة .. ما ممكن تتخيلا من براءتك .. بس حتعرف كل حاجة في وكتها !
_طيب انتي والمعراقي عملتو شنو ?
_ما خطير ! طلعنا الثعبان من حفرتو ! وجاااري اعداد الشرك عشان يقع في الكمين ... حتعرف .. يا زول خلينا ننوم !!
لسة الليل مخيم وفي ساعاتو التلاتة الاخيرة .. ام نعيم راقدة جنب بتها وحماتا نايمة في الراكوبة .. فجأة شادية صحت ... قامت قعدت في نص السرير .. رفعت طرف المرتبة .. بتفتش في الشكولاتة .. ما لقتا طبعا !!
_امي .. امي .. يمة . يماااا ..
_نعم نعم .. اها مالك ? دايرة شنو ?
_ شوكولاتة يمة .. ما عندي شوكولاتة !
_يا بتي الدنيا ليل ... نومي الصباح بمشي بجيب ليك !
_لالا ما بقدر بنوم ! خليني بمشي لصباح خلاص بكون عندها !
_يا بت صباح شنو والواطة ما اصبحت !?
_طيب طيب خلاص ... اقيفي .. وقامت تفتش وتفرقل وامها طبعا اتحيرت .. عمتا صحت و وتابعت حركتا و ما عرفت تسوي شنو ! لقت ورقة غلاف شوكولاتة !لقتو في شنطة المدرسة !اكلتا زي ماهي !!وشربت موية ورقدت نامت !!
بس امها وعمتا تاني ما قدرن .. مافي نوم !
_يا ام نعيم .. الله يرضي عليك ارح البلد ! ارح عالجي البنية دي وارجعي تعالي !
_ياختي ... اصبري ... خلاص اقول شي .. الامتحانات قربت .. خلي شادية تمتحن ونمشي ! انا ذاتي الخوف اكلني .. بتي دي زمان ما كانت كده ! ياربي مالا ?!
#تابعوني.

الصباح تسافري انتي وولدك ... ونادي تسلي عشان يمشي يحجز ليهم تذاكرهم !!
_ابوي انت المضحكك كده شنو ? المفروض تزعل !
_ازعل !? ههههههه..خلاص هلاص
الدنيا ليل ومدثر ماشي بحذر شديد كده داخل علي بيت رنا ! في الباب كده اتلاقي عوض الاعور ...
_عوض ?!
_ مدثر ? الجابك هنا شنو انت ?
_ انا .. انا جاي اشيل قروش المعسل .. رسلني ليها خوجلي ! وانت ?
_انا لي شهر ما استلمت ايرادات المحل .. جاي الملم قروشي !!!
_اتفضل اتفضل.. معناها حتاخد زمن علي بال تجمع قروشك وتضرب حساباتك .. ادخل وانا برجع بقول لخوجلي انو ما لقيت رنا والصباح رباح !!! وطوالي اخد بعضو ومشي وقلبو بيضرب شديد واتوتر واستعجل في المشية كانو عوض حيغير رايو ويجي لاحقو ... لم مشي مسافة شارع كده طلع شبشبو ومسكو في يدو وجرا باقصي سرعة عندو !!! مسكين ما عارف انو عوض في اللحظة ديك كان اضعف من انو يتصارع معاهو او ياذيهو لكن برصو اخير كلامو...الخواف ربي عيالو !!
في بيت رنا عوض اول ما دخل كده وقبل يتكلم هي قايلة مدثر..شوية كده لم عرفتو . فكت ضحكة شماتة ..
_عوض ?!كان تكلمني احرق ليك بخور وارش ليك الواطة خمرة ومسك يا حضرة جنابك ... اهلا وسهلا !!!
_رنا انا تعبان .. عايز الايرادات..وداير ابيت عندك هنا اليوم !
_تعبان ? وهنا استراحة ?! ايرادات قلت لي ? امممم وتبيت وين هنا ان شاء الله?
_حيكتلوني يا بت الناس ! انتي ما عارفة الناس ديل ما عندهم رحمة !
_هههههههه رحمة ? وانت رحمتك وين ? قسما بالله لو ما ده بيتي ولو ما صونا للعشرة .. اضرب ليهم انا ذاتي عشان يجوك هنا ده !
_ليك حق .. انا في عرضك الليلة دي بس يا رنا !
ووقفت علي حيلا وصنت شوية ... قامت دخلت غرفتا وغابت زي دقيقتين وجات مارقة .. رمت في وشو مفتاح وربطة قروش ...
_ده مفتاح الوكر في طرف الحلة الغربية .. ودي ايراد يوموالليلة وباقي القروش خازناها في السوق ... انا كعبة صح وغلطت وقاعدة اغلط .. وحالفة انتقم منك .. بس انا اصلي نبيل .. امش..بس ما حاخليك..وراك والزمن طويل يا عوض الاعور !
#الكادوك
((16))
تأليف:
#اكرام_رابح
عوض الاعور لملم اطرافو ومشي علي الوكر ... طول الشارع وهو خايف ومتوتر..وقلقان علي اولادو ... ورغم انو مشي مسافة وقرب يوصل ... رجع تاني داير يمشي بيتو عشان يشوف طريقة يحمي بيها مرتو واولادو ! بس اتذكر انو وداهم بيت نسابتو لانو بعد الاحداث الاخيرة دي متوقع انو في اي لحظة ممكن يجو يهجمو البيت من اول وجديد ! وصل وفتح الباب بسرعة ودخل ! طبعا الضلام والبرد شديد ! وهناك لا في كهربا ولا هو متعود انو يدخل هناك بالليل ! فدخل بيهبش يمين شمال لغاية ما لقي ليهو سرير وانجدع فيهو وبقي يتنفس بطريقة مدروسة عشان يهدا ويصفي ذهنو ويقدر يعرف نفسةو واقف وين .. منو ضدو ومنو في وهو امكانياتو شنو بالضبط عشان يقدر ياخد احتياطاتو...وفي نفس اللحظة يقدر يعرف هو حيبدا يضرب من وين .
في بيت ناس صباح .. نص الليل .. صباح في غرفتا نايمة .. جاتا صحية كده غيرت اتجاه رقدتا ! في الاول كانت مادية ضهرا للباب بتاع غرفتا !لم اتقلبت..بقت مواجهة الباب .. اها شافت زول متحرك .. دايرة تنادي امها بس حست انو الزول ده داخل عليها دغري وعامل حسابو شديد !! الزول دخل الاوضة !وشكلو حافظا حفظ ! مشي لغاية ما وصل السرير التاني ! السرير الكان بتنوم فيهو شادية ! اخد دقيقتين في السرير ده ومرق بايقاع اسرع من الايقاع الدخل بيهو !!!
اصلا الليلة دي طويلة علي شخوص روايتنا ! بخيت في بيتو مرتااااح ومبسوط شديظ انو ولدو غلط مع بت عيسي!وقريب شديد وعيسي حيزحف عشان يستر بتو وهو طبعا ما حيضيع الفرصة دي نهائيا ... حيستني بس ولدو ومرتو يسافرو وحيبدا مشوار الابتزاز !
بهناك راشد في غرفتو ما عارف يتصرف كيف .. من ناحية هو عايز البت .. من ناحية تانية خايف من اخوانا..من ناحية تالتة عارف ابوهو وامو ما حيخلوهو وبالامارة حيسافر الصباح ! فتح تلفونو لانو قافلو من النهار .. نزلت كمية من الرسائل !! من ضمنها رسايل البت واخوانا .. مافي رسالة واحدة لفتت انتباهو غير رسالة واحدة ... وكان نصها (( معليش .. منو معاي ? وعايز شنو لو سمحت ? )) رغم بساطة الرسالة واقتضابا وسلبيتا الا انو حس براحة غريبة .. قفل التلفون و اتوسد مخدتو ونام !كانو ما ده الزول الكان شايل هم !
رنا طبعا بعد عوض مشي بس اتصلت علي مدثر وقالت ليهو يرجع .. وجاها راجع رغم انو كان خايف وحكي ليها انو لاقي عوض في الباب ..
_هههههههه...انا لو في مكانك والله عوض ده ما يرمش لي عشانو رمش ! عوض قال .
_بت الناس هوي .. انا زول مسكين وما بحب العب مع المجرمين .. خليني في حالي عليك الله
_بالمناسبة .. لميت في رقم المعراقي .. وكملنا شغل مع بعض ! وطلعو المعراقة كتار حوالين عوض !
_انتي حكاية المعراقي ده شنو ? ومساكين عليهو زلة ولا كيف !?
_ديل حكايتهم طويييييلة .. لكن اهم نقطة انهم كانو فريق واحد !
_فريق واحد ? كيف يعني ?
_شفت المعراقي الكان جا مكاني وعوض قرب يغرق في عرقو بسببو ?
_اي

#الكادوك
((17))
تأليف:
#اكرام_رابح
عوض صبحت عليهو الواطة وحالتو بائسة وطبعا ما عندو تلفون ما عندو !
فكر انو يمش يشتري ليهو شريحة.. بس كيييف وهو ما عندو ولا ورقة طاحونة ? فجأة سمع في خطوات متحركة جوة البيت ! بدا قلبو يدق وعرقو يسيل .. معقولة رنا انتقمت سريع كده ونصبت ليهو فخ !? وقام سرعة وقف علي حيلو واتلفت يمين وشمال ما لقي اي حاجة جوة الغرفة يدافع بيها عن نفسو ... وقف ورا الباب !! في خرم صغير شديييد في الباب .. عاين بيهو كده...شاف رنا ! رنا?جاية لشنو وهي مهدداني بالانتقام?!
_عوض ... عوض
_ اي يارنا .. في شنو ?
_عارفاك مقطوع هنا ووضعك معروف .. جبت ليك شاي وفطاير
_و كبيتي عليهم سم ?
_السم اليقطعك .. السم شوية عليك .. اصلك ما تستعجل ... انت هسي رهينة ساي ... صبرك بس
_انتي بتساعديني ليه رغم كرهك لي?
_القال ليك انا كارهاك منو ?!انا ما بكرهك .. البيني وبينك خذلان . . انت قايلني شنو? تلعب بي انا وتستغل ظروفي ? لسة انا وانت في اول الطريق .. وعشان انت هسي ضعيف .. انا ما حاستقوي عليك نهائي !امسك ده تلفون ... ودي باقي ايراداتك !
_ انتي بتعملي معاي كدي لشنو?!
ام نعيم لم الواطة اصبحت عليها .. ما كان في راسا شي غير علاج بتها ! قعدت محتااارة وراسا ضارب وغالبا التسوي .. حماتا جات قعدت جنبها وطبعا الحال بيغني عن السؤال ...
_اسمعي .. بتعرفي ليكي فكي هنا ? البت دي ما دايرة علاج مستشفي !
_فكي ? ما بعرف... لكن ممكن اكوس محلو
_اي كوسي محل فكي ! كان رضيتي وفتنا البلد...كان فكي ادومة بقوم بالواجب ... الا هنا ده توا دورك انتي !
_ سمح
_ ومن اليوم يومنا ده ... انا صحي جيت هنا شان عارفاك وحيدك .. وطولتي من البلد وهنا لا تالي لا والي .. من اليوم ده انا وانتي نتايتو علي البنات ديل ... انا ذاااتي بلقي لي خدمة وبلقط ... اللقينا كلو..نصو لعلاج شادية... وباقي اكل وشراب ! لاول مرة ام نعيم تحس انو قدر شنو هي كانت براها في الدنيا دي ! ولاول مرة تحس انو الحياة صعبة اذا الزول عايشا براهو ! اصلا ما فكرت يوم ليه حماتا جات هنا بدون سابق انذار ! وبرضو عارفة الوضع هناك في البلد اذا هي قررت تمش تتلم علي الناس ... هنا نار .. وهناك نار !!
بخيت رتب امور مرتو وولدو وخلي تسلي يوديهم المطار بعربية يوم ما مرقت الشارع..واتعمد يخلي عربية راشد واقفة برة في باب الشارع ... وهو مشي الدكان عادي زي عوايدو .. وكانو ما حصلت حاجة ! ولما العربية ماشة علي المطار .. فتح تلفونو .. وكالعادة..اتجاهل كل الرسائل .. ما عدا واحدة .. وكان نصها ( يا ود الناس انت ما بتحس ? بطل ثقالة ! ) براهو يشيل ويتبسم ويحك في راسو ويتململ في قعدتو .. امو لاحظت حركتو بس ما ركزت في السبب...وختت في نفسا انو مبسوط لانو داير ينحل من مصايبو !
_اها .. شعورك شنو وانت مغادر !?
_صراحة ما مبسوط شديد ... نفسي ارجع !
_ ترجع ? داير تموت صح ?
_ لا ماكده... هسي برضو انا ميت ! قلبي يمة !
_ سلامة قلبك يا حبة عيني ... يموتو البكرهوك !
_ نحنا ما حنطول صح ?
_علي حسب الوضع .. في شنو?
_داير اعرس !
سامية زوجة عوض جات بيتا وفتحت الباب ودخلت !طبعا خلت اولادا في بيت ناس امها وجات براها وكلها شك يقرب لليقين انو عوض قاعد في البيت ! دخلت بهدوء وكلها ترقب انو عوض ممكن يكون في اي غرفة ومعاهو نونا الحبشية !!! فتشت غرفة غرفة بس ما لقت اي حاجة ... استاءت وجات قعدت في مصبة البيت البرة وقعدت تفكر ... ياربي هل ظلمت عوض ? طيب والحقايق العندها !? ااااه..مش افضل تتاكد تاني من مصادرا !? وشالت تلفونا واتصلت ...ايوة.. كيفك ? معليش عليك الله .. في اي جديد في قصة عوض ونونا ? اهااا .. كويس ... عندك رقم نونا ? كويس كويس .. اسمعي .. ممكن توصفي لي بيت نونا ?! وقامت قفلت الباب ورجعت .. وفعليا كان في طرف تاني في رحلتا دي وسكل حركتا دي خطوة خطوة .. واتحرك وراها !!!
صباح بعد المدرسة ... جات لامها بتوريها انها ماشة علي لشادية !
_ انا مفروض امشي معاكي يا بتي .. لكن كمان عندي اغراض ... هاك ده اديهو لشادية !
_سمح... يا امي ممكن ابيت معاهم ?
_ يا بت دي جرجرة ساكت..ومدرستك ?
_بكرة الجمعة يمة !
_خلاص بيتي وانا الصباح بشيل فطوري واجي افطر عندهم وبعدين نرجع سوا ... الناس ديل مساكين ويستاهلو وقفتنا معاهم ..
_امي انتي الشوكولاتة دي بتشتريها من وين ? وليه ما بتجيبي لي ?
_ صباح .. بطلي غيرة
_امي انا ما بغير من شادية .. عموما كده بكرة ما تتأخري لينا في الفطور..والنبي اعملي لينا فطيرة بالسمن لانو شادية بتحبها شديد !
مرقت علي شادية .. واول ما دخلت بالسلام شادية جات جااارية عليها .. مسكت منها الكيس الشايلاهو ورجعت سريرا فتحتو واكلت قدرتا.. ونامت في حتتا ديك ! طبعا صباح ملت لانو هي جات تتونس معاها وتراجع ليها الدروس الفاتتا .. اها قاعدات كدة جات واحدة من النسوان البعرفن ام نعيم..وبعد السلام والمجاملة .. حماة ام نعيم دخلت معاها في حوار تاني ..
_اسمعي ... انتو هنا ما عندكم

فقرا ?
_فقرا ? دايرة ليك فكي قراية ولا ورقة ولا محاية ?
_ الفي شنو ?
_والله ياختي ديل كلهم فيهم ... لكن كل واحد بي تمنو !
_خلاص .. وصفي لينا البيوت بس !!
مبشر وامو واخواتو الاتنين جو البيت بعد ما رتب ليهم تفاصيل تخليهم قراب من مستوي بيت بخيت...وبخيت طبعا اداهو قروش ستة شهور !! وبالقروش دي صلح حاجات كتيرة طبعا واشتري ملابس ولابتوب جديد وتلفون ذكي .. فضلت عندو قروش ! واثناء ما قاعدين يتغدو .. جاهم بخيت ! دق الباب وهو مشي يفتح لقاهو ! سلم عليهو وفضلو جوة .. اها قعد مسااافة كده ..
_معليش يا مبشر ... داير ادخل الصالون شوية !!
_ليه انا ازعجتك بضيافتي هنا ?
_لا .. بس هناك عندي شوية امور عايز ارتبا براحتي .. وياريت ما تتحسس !
#الكادوك
((18))
تأليف:
#اكرام_رابح
صباح ملت وما عرفت التسويهو بعد ما شادية نامت..قامت علي كيس الشوكولاتة شالت منهم قطعتين واكلتهم ورقدت في طرف السرير جنب شادية !
عوض طبعا يومو الاول في الوكر المهجور ده كلو قضاهو هم وتفكير . . الكانت محيراهو رنا بس وهي واقفة معاهو رغم كرهها ليهو ورغم عمايلو الكعبة العملهن ليها .. اها مسك التلفون وقعد يتذكر الارقام المهمة عندو بس ماف رقم جمع معاهو !فكر انو يتصل علي سامية بس خاف انها تصر عليهو يجي او يوصف ليها موقعو ! خت التلفون بعيد منو بعد يئس انو يتذكر اي رقم ... وفجأة تاني قام خطف التلفون خطف وعمل اشتراك انترت وفتح الايميل بتاعو وفتحت معاهو ارقامو المحفظا في الايميل ... ابتسم كانو كسب اعظم معارك حياتو !!!وبدون اي تردد ولا تفكير..قام اتصل علي خير الله ... ولم سمع الجرس راني بالطرف الاخر..قرب يفصل الخط..بس ما نفذ فكرتو .. اها خير الله رد عليهو بقلق كده وسألو عن حالو واولادو وسر الغيبة الطويلة ! طبعا ما قدر يرد .. وبعد مسافة بتاعة صمت كده خير الله اتكلم
_لو عندك مشكلة ياعوض...فضفض.الناس بالناس والكل برب العالمين
_ما عارف اقول ليك شنو يا خير الله...لكن حقيقة انا تعبان ... انا ماشي علي قبري برااااي لا سند لا ركازة ياخيرالله !
_لالا عيب تقول كده ونحنا قاعدين .. انت وين هسي? تجيني ولا اجيك?
_لالا بعدين انا بجيك في البيت !
راشد وامو وصلو ونزلو من الطيارة ورتبو تفاصيلهم وطلهو من المطار .. راشد اتصل علي ابوهو ووراهو انو خلاص وصلو .. اها قال ليهو خلاص خليكم برة في كافتريا المطار حيجيكم زول يديكم عربية وكده ...
وسعدية شالت منو التلفون وسلمت عليهو ووصتو علي نفسو وقفلت الخط .. شوية كده وتلفون راشد رن ولم رد عليهو وبعديها ساق امو وطلع علي الشارع ولقي العربية ونزل الزول السايقا سلم عليهم و فتح ليهم الابوب ركب مع امو واتحركت بيهم العربية !
صباح قامت مع المغرب من نومتا ديك !! واول ما صحت ام نعيم جاتا ..
_يا بتي قومي ادخلي الحمام وتعالي اكلي ليك حاجة..من جيتينا نايمة علي لحم بطنك !
_حادخل استحمي واجي خلاص ... وقامت علي الحمام .. في اللحظات دي شادية قاعدة زي الزول الاهبل كده .. سرحااانة وساكتة من فترة طويلة شديد !
_يا ام نعيم ... بكرة كان حيين .. تمشي تودي البت دي للفكي..انا بمرق بكوس لي شغلة !
_خلاص الله يحيينا .. لكن المرة ما قالت لي الفكي شغال عصر ولا صباح ده
_ما جنية كلو كلو ... هسة ده نمشي نسألوها ...
_لالا ما قدر داك .. الله يحيينا... كان ما مشينا الصباح نمشي العصر ..
_خالتي انتو مارقين ولا شنو? امي بكرة شايلة فطورا وجاياكم هنا !
_هاااا .. خلاص الله يجيبا .. ما مارقين شبر يا بتي !
_انا المارقة..باكر اووول لي يوم امرق اكوس ارزاقي يا صباح !
_ربنا يفتحا عليك يا خالتو .. لكن بكرة الجمعة !
_حيييييي يا .. اي والله صحي كلامك .. خلاص الله كريم..باكر نقيلو .. وبعدو كان حيين حدو ندجو في واطة الله دي ونكوسو رزقنا !
مبشر في البيت واخواتو مافيهم مشو السوق...فهو وامو بيتونسو كده الباب دق .. ولم مشي فتح...لقي انو ده بخيت .. كالعادة..اصلا مافي زول بجيهم غير بخيت! المرة دي جا وهو شايل معاهو اكياس .. اول ما دخل كده وسلم..مداهن لوالدة مبشر !طبعا نططت عيونا واتخشبت في محلها! لشنو الاكياس ?
_دي حاجة بسيطة
_بري والله اصلا ما تتعب روحك !
_تعب شنو يازولة? ولا ده بخل منك عشان تاني لم اجي ما اكل عندكم? ما يومي بجي بتغدا وبشرب شاي وحرجل عندكم !
_لا والله ما كده
_مبشر!ابقي واسطة خير يا زول
_خلاص يمة ... جيبهن ياحاج ..
وفي اللحظة دي تاني الباب دق..مبشر خت الاكياس من يدو ومشي علي الباب وفتح لقي اخواتو ! طبعا ما شاء الله سمحااات ومؤدبااات ...واحدة اكبر من مبشر والتانية اصغر منو شوية ! اها دخلن ولقن بخيت سلمن عليو وواصلن لي جوة البيت .. مبشر دخل الاكياس وطلب منهن يسون شاي وحرجل!
اها عملتو ( مني ) الاكبر من مبشر وجات بيهو ! اول ما وقفت قدام بخبت..بخيت ركز في وشها ويديها بس هي ما جابت خبر وطوالي رجعت !
_ما شاءالله يا مبشر..البنات ديل مهذبات وبشوشات
_شكرا والله .. الحجة ما قصرت في التربية ! وقعد يتونس معاهم ع

لي غير العادة ومن غير ما يمشي يدخل في غرفتو الخاصة !
سامية في حيرة وتعب ونفسيات كده...فجأة تلفونا رن .. ولم رفعتو لقت انو الضارب عوض راجلا ذااتو ..وبرقمو !
_اي يا عةض .. انت وين ?
_انا ما عوض .. اسمعيني للاخر .. وما تقاطعيني !
_طيب اها .. انت الحرامي?
_يا مخلوقة هوي اقطعي حلقك ده نهائيا اذا ما عايزة تسمعيني !
_طيب طيب ..اها
_شوفي ... انا الامرت انو تلفونات راجلك وقروشو وحاجاتو تجيني!
_ سرق....
_ما تقاطعيني ... وحاليا عايزك تعملي حاجات معينة .. والا تاني ما حتلمي في راجلك..ولا حتلمي في اولادك القدامك ديل .. كلهم ! وانتي جربتي !
_ طيب .. المطلوب مني شنو ?
_تمرقي هسي ده..من غير ما تكلمي اي زول .. وتشيلي تلفونك بس .. وتقيفي برة في باب الشارع
_هي لكن كم....
_امرقي من سكات لو سمحتي !!
#تابعوني
#خليكم_بالبيت.

#الكادوك
((17))
تأليف:
#اكرام_رابح
عوض صبحت عليهو الواطة وحالتو بائسة وطبعا ما عندو تلفون ما عندو !
فكر انو يمش يشتري ليهو شريحة.. بس كيييف وهو ما عندو ولا ورقة طاحونة ? فجأة سمع في خطوات متحركة جوة البيت ! بدا قلبو يدق وعرقو يسيل .. معقولة رنا انتقمت سريع كده ونصبت ليهو فخ !? وقام سرعة وقف علي حيلو واتلفت يمين وشمال ما لقي اي حاجة جوة الغرفة يدافع بيها عن نفسو ... وقف ورا الباب !! في خرم صغير شديييد في الباب .. عاين بيهو كده...شاف رنا ! رنا?جاية لشنو وهي مهدداني بالانتقام?!
_عوض ... عوض
_ اي يارنا .. في شنو ?
_عارفاك مقطوع هنا ووضعك معروف .. جبت ليك شاي وفطاير
_و كبيتي عليهم سم ?
_السم اليقطعك .. السم شوية عليك .. اصلك ما تستعجل ... انت هسي رهينة ساي ... صبرك بس
_انتي بتساعديني ليه رغم كرهك لي?
_القال ليك انا كارهاك منو ?!انا ما بكرهك .. البيني وبينك خذلان . . انت قايلني شنو? تلعب بي انا وتستغل ظروفي ? لسة انا وانت في اول الطريق .. وعشان انت هسي ضعيف .. انا ما حاستقوي عليك نهائي !امسك ده تلفون ... ودي باقي ايراداتك !
_ انتي بتعملي معاي كدي لشنو?!
ام نعيم لم الواطة اصبحت عليها .. ما كان في راسا شي غير علاج بتها ! قعدت محتااارة وراسا ضارب وغالبا التسوي .. حماتا جات قعدت جنبها وطبعا الحال بيغني عن السؤال ...
_اسمعي .. بتعرفي ليكي فكي هنا ? البت دي ما دايرة علاج مستشفي !
_فكي ? ما بعرف... لكن ممكن اكوس محلو
_اي كوسي محل فكي ! كان رضيتي وفتنا البلد...كان فكي ادومة بقوم بالواجب ... الا هنا ده توا دورك انتي !
_ سمح
_ ومن اليوم يومنا ده ... انا صحي جيت هنا شان عارفاك وحيدك .. وطولتي من البلد وهنا لا تالي لا والي .. من اليوم ده انا وانتي نتايتو علي البنات ديل ... انا ذاااتي بلقي لي خدمة وبلقط ... اللقينا كلو..نصو لعلاج شادية... وباقي اكل وشراب ! لاول مرة ام نعيم تحس انو قدر شنو هي كانت براها في الدنيا دي ! ولاول مرة تحس انو الحياة صعبة اذا الزول عايشا براهو ! اصلا ما فكرت يوم ليه حماتا جات هنا بدون سابق انذار ! وبرضو عارفة الوضع هناك في البلد اذا هي قررت تمش تتلم علي الناس ... هنا نار .. وهناك نار !!
بخيت رتب امور مرتو وولدو وخلي تسلي يوديهم المطار بعربية يوم ما مرقت الشارع..واتعمد يخلي عربية راشد واقفة برة في باب الشارع ... وهو مشي الدكان عادي زي عوايدو .. وكانو ما حصلت حاجة ! ولما العربية ماشة علي المطار .. فتح تلفونو .. وكالعادة..اتجاهل كل الرسائل .. ما عدا واحدة .. وكان نصها ( يا ود الناس انت ما بتحس ? بطل ثقالة ! ) براهو يشيل ويتبسم ويحك في راسو ويتململ في قعدتو .. امو لاحظت حركتو بس ما ركزت في السبب...وختت في نفسا انو مبسوط لانو داير ينحل من مصايبو !
_اها .. شعورك شنو وانت مغادر !?
_صراحة ما مبسوط شديد ... نفسي ارجع !
_ ترجع ? داير تموت صح ?
_ لا ماكده... هسي برضو انا ميت ! قلبي يمة !
_ سلامة قلبك يا حبة عيني ... يموتو البكرهوك !
_ نحنا ما حنطول صح ?
_علي حسب الوضع .. في شنو?
_داير اعرس !
سامية زوجة عوض جات بيتا وفتحت الباب ودخلت !طبعا خلت اولادا في بيت ناس امها وجات براها وكلها شك يقرب لليقين انو عوض قاعد في البيت ! دخلت بهدوء وكلها ترقب انو عوض ممكن يكون في اي غرفة ومعاهو نونا الحبشية !!! فتشت غرفة غرفة بس ما لقت اي حاجة ... استاءت وجات قعدت في مصبة البيت البرة وقعدت تفكر ... ياربي هل ظلمت عوض ? طيب والحقايق العندها !? ااااه..مش افضل تتاكد تاني من مصادرا !? وشالت تلفونا واتصلت ...ايوة.. كيفك ? معليش عليك الله .. في اي جديد في قصة عوض ونونا ? اهااا .. كويس ... عندك رقم نونا ? كويس كويس .. اسمعي .. ممكن توصفي لي بيت نونا ?! وقامت قفلت الباب ورجعت .. وفعليا كان في طرف تاني في رحلتا دي وسكل حركتا دي خطوة خطوة .. واتحرك وراها !!!
صباح بعد المدرسة ... جات لامها بتوريها انها ماشة علي لشادية !
_ انا مفروض امشي معاكي يا بتي .. لكن كمان عندي اغراض ... هاك ده اديهو لشادية !
_سمح... يا امي ممكن ابيت معاهم ?
_ يا بت دي جرجرة ساكت..ومدرستك ?
_بكرة الجمعة يمة !
_خلاص بيتي وانا الصباح بشيل فطوري واجي افطر عندهم وبعدين نرجع سوا ... الناس ديل مساكين ويستاهلو وقفتنا معاهم ..
_امي انتي الشوكولاتة دي بتشتريها من وين ? وليه ما بتجيبي لي ?
_ صباح .. بطلي غيرة
_امي انا ما بغير من شادية .. عموما كده بكرة ما تتأخري لينا في الفطور..والنبي اعملي لينا فطيرة بالسمن لانو شادية بتحبها شديد !
مرقت علي شادية .. واول ما دخلت بالسلام شادية جات جااارية عليها .. مسكت منها الكيس الشايلاهو ورجعت سريرا فتحتو واكلت قدرتا.. ونامت في حتتا ديك ! طبعا صباح ملت لانو هي جات تتونس معاها وتراجع ليها الدروس الفاتتا .. اها قاعدات كدة جات واحدة من النسوان البعرفن ام نعيم..وبعد السلام والمجاملة .. حماة ام نعيم دخلت معاها في حوار تاني ..
_اسمعي ... انتو هنا ما عندكم

فقرا ?
_فقرا ? دايرة ليك فكي قراية ولا ورقة ولا محاية ?
_ الفي شنو ?
_والله ياختي ديل كلهم فيهم ... لكن كل واحد بي تمنو !
_خلاص .. وصفي لينا البيوت بس !!
مبشر وامو واخواتو الاتنين جو البيت بعد ما رتب ليهم تفاصيل تخليهم قراب من مستوي بيت بخيت...وبخيت طبعا اداهو قروش ستة شهور !! وبالقروش دي صلح حاجات كتيرة طبعا واشتري ملابس ولابتوب جديد وتلفون ذكي .. فضلت عندو قروش ! واثناء ما قاعدين يتغدو .. جاهم بخيت ! دق الباب وهو مشي يفتح لقاهو ! سلم عليهو وفضلو جوة .. اها قعد مسااافة كده ..
_معليش يا مبشر ... داير ادخل الصالون شوية !!
_ليه انا ازعجتك بضيافتي هنا ?
_لا .. بس هناك عندي شوية امور عايز ارتبا براحتي .. وياريت ما تتحسس !
#الكادوك
((18))
تأليف:
#اكرام_رابح
صباح ملت وما عرفت التسويهو بعد ما شادية نامت..قامت علي كيس الشوكولاتة شالت منهم قطعتين واكلتهم ورقدت في طرف السرير جنب شادية !
عوض طبعا يومو الاول في الوكر المهجور ده كلو قضاهو هم وتفكير . . الكانت محيراهو رنا بس وهي واقفة معاهو رغم كرهها ليهو ورغم عمايلو الكعبة العملهن ليها .. اها مسك التلفون وقعد يتذكر الارقام المهمة عندو بس ماف رقم جمع معاهو !فكر انو يتصل علي سامية بس خاف انها تصر عليهو يجي او يوصف ليها موقعو ! خت التلفون بعيد منو بعد يئس انو يتذكر اي رقم ... وفجأة تاني قام خطف التلفون خطف وعمل اشتراك انترت وفتح الايميل بتاعو وفتحت معاهو ارقامو المحفظا في الايميل ... ابتسم كانو كسب اعظم معارك حياتو !!!وبدون اي تردد ولا تفكير..قام اتصل علي خير الله ... ولم سمع الجرس راني بالطرف الاخر..قرب يفصل الخط..بس ما نفذ فكرتو .. اها خير الله رد عليهو بقلق كده وسألو عن حالو واولادو وسر الغيبة الطويلة ! طبعا ما قدر يرد .. وبعد مسافة بتاعة صمت كده خير الله اتكلم
_لو عندك مشكلة ياعوض...فضفض.الناس بالناس والكل برب العالمين
_ما عارف اقول ليك شنو يا خير الله...لكن حقيقة انا تعبان ... انا ماشي علي قبري برااااي لا سند لا ركازة ياخيرالله !
_لالا عيب تقول كده ونحنا قاعدين .. انت وين هسي? تجيني ولا اجيك?
_لالا بعدين انا بجيك في البيت !
راشد وامو وصلو ونزلو من الطيارة ورتبو تفاصيلهم وطلهو من المطار .. راشد اتصل علي ابوهو ووراهو انو خلاص وصلو .. اها قال ليهو خلاص خليكم برة في كافتريا المطار حيجيكم زول يديكم عربية وكده ...
وسعدية شالت منو التلفون وسلمت عليهو ووصتو علي نفسو وقفلت الخط .. شوية كده وتلفون راشد رن ولم رد عليهو وبعديها ساق امو وطلع علي الشارع ولقي العربية ونزل الزول السايقا سلم عليهم و فتح ليهم الابوب ركب مع امو واتحركت بيهم العربية !
صباح قامت مع المغرب من نومتا ديك !! واول ما صحت ام نعيم جاتا ..
_يا بتي قومي ادخلي الحمام وتعالي اكلي ليك حاجة..من جيتينا نايمة علي لحم بطنك !
_حادخل استحمي واجي خلاص ... وقامت علي الحمام .. في اللحظات دي شادية قاعدة زي الزول الاهبل كده .. سرحااانة وساكتة من فترة طويلة شديد !
_يا ام نعيم ... بكرة كان حيين .. تمشي تودي البت دي للفكي..انا بمرق بكوس لي شغلة !
_خلاص الله يحيينا .. لكن المرة ما قالت لي الفكي شغال عصر ولا صباح ده
_ما جنية كلو كلو ... هسة ده نمشي نسألوها ...
_لالا ما قدر داك .. الله يحيينا... كان ما مشينا الصباح نمشي العصر ..
_خالتي انتو مارقين ولا شنو? امي بكرة شايلة فطورا وجاياكم هنا !
_هاااا .. خلاص الله يجيبا .. ما مارقين شبر يا بتي !
_انا المارقة..باكر اووول لي يوم امرق اكوس ارزاقي يا صباح !
_ربنا يفتحا عليك يا خالتو .. لكن بكرة الجمعة !
_حيييييي يا .. اي والله صحي كلامك .. خلاص الله كريم..باكر نقيلو .. وبعدو كان حيين حدو ندجو في واطة الله دي ونكوسو رزقنا !
مبشر في البيت واخواتو مافيهم مشو السوق...فهو وامو بيتونسو كده الباب دق .. ولم مشي فتح...لقي انو ده بخيت .. كالعادة..اصلا مافي زول بجيهم غير بخيت! المرة دي جا وهو شايل معاهو اكياس .. اول ما دخل كده وسلم..مداهن لوالدة مبشر !طبعا نططت عيونا واتخشبت في محلها! لشنو الاكياس ?
_دي حاجة بسيطة
_بري والله اصلا ما تتعب روحك !
_تعب شنو يازولة? ولا ده بخل منك عشان تاني لم اجي ما اكل عندكم? ما يومي بجي بتغدا وبشرب شاي وحرجل عندكم !
_لا والله ما كده
_مبشر!ابقي واسطة خير يا زول
_خلاص يمة ... جيبهن ياحاج ..
وفي اللحظة دي تاني الباب دق..مبشر خت الاكياس من يدو ومشي علي الباب وفتح لقي اخواتو ! طبعا ما شاء الله سمحااات ومؤدبااات ...واحدة اكبر من مبشر والتانية اصغر منو شوية ! اها دخلن ولقن بخيت سلمن عليو وواصلن لي جوة البيت .. مبشر دخل الاكياس وطلب منهن يسون شاي وحرجل!
اها عملتو ( مني ) الاكبر من مبشر وجات بيهو ! اول ما وقفت قدام بخبت..بخيت ركز في وشها ويديها بس هي ما جابت خبر وطوالي رجعت !
_ما شاءالله يا مبشر..البنات ديل مهذبات وبشوشات
_شكرا والله .. الحجة ما قصرت في التربية ! وقعد يتونس معاهم ع

لي غير العادة ومن غير ما يمشي يدخل في غرفتو الخاصة !
سامية في حيرة وتعب ونفسيات كده...فجأة تلفونا رن .. ولم رفعتو لقت انو الضارب عوض راجلا ذااتو ..وبرقمو !
_اي يا عةض .. انت وين ?
_انا ما عوض .. اسمعيني للاخر .. وما تقاطعيني !
_طيب اها .. انت الحرامي?
_يا مخلوقة هوي اقطعي حلقك ده نهائيا اذا ما عايزة تسمعيني !
_طيب طيب ..اها
_شوفي ... انا الامرت انو تلفونات راجلك وقروشو وحاجاتو تجيني!
_ سرق....
_ما تقاطعيني ... وحاليا عايزك تعملي حاجات معينة .. والا تاني ما حتلمي في راجلك..ولا حتلمي في اولادك القدامك ديل .. كلهم ! وانتي جربتي !
_ طيب .. المطلوب مني شنو ?
_تمرقي هسي ده..من غير ما تكلمي اي زول .. وتشيلي تلفونك بس .. وتقيفي برة في باب الشارع
_هي لكن كم....
_امرقي من سكات لو سمحتي !!
#تابعوني
#خليكم_بالبيت.

#الكادوك
((19))
تأليف:
#اكرام_رابح
صباح يوم الجمعة في بيت ام نعيم ... ام نعيم وبتها وحماتا وصباح ..الواطة اصبحت عليهم مبسوطين كانهم نسو حالة شادية او كانو مافي اي هم ولا قلق ... جاتهم رقية ام صباح شايلة عمودين وجردل فطيرة وجردل تاني فيهو عجينة وشايلة معاها قهوة وشاي ! اها بعد سلمت وقعدت ..
_يارقية مالك مكلفة رقبتك قدر ده يابتمي ?
_بري دي ما كلفة ... نحنا لاقين الكلف وييين اذا بتجي منكم
_سمح..كتر خيرك...الا وين باقي البنيات ?
_قاعدات في البيت..برنامج الجمعة شوية تقيل..غسيل ومكوة ونضافة ووووو...
_ربنا يحفظكم .. واثناء الحوار ده حماة ام نعيم ركزت شدييييد في تفاصيل رقية ! لاحظت مسحة الجمال الفي وشها رغم العمر! شافت انها بتتكلم مع ام نعيم بمحبة صادقة بتتشاف في عيونا وشافت القلق علي شادية !ياربي...معقولة مرة زي دي ممكن تأذي شادية ? والسبب شنو ?!
سامية طبعا في ليلة الخميس .. خضعت للتهديد المجهول عبر تلفون راجلا .. مرقت ووقفت في الشارع زي ما قال ليها... اول ما مرقت كدة مرت عربية بقدام الباب واخدت لفة كاملة حوالين البيت ووقفت قصادا من غير ما يقيف المحرك واتفتح الباب سريع ونزل زول طويل وعاتي جراها من يدها وحشرا في العربية وقفل الباب واتحركت العربية وهي طبعا مذهولة لدرجة انها اتبكمت !
راشد وامو طبعا استقرو في بيت ظريف اتأجر ليهم وطبعا لسة ما فتحو مواضيع ولا جابو سيرة عيسي ولا بتو ولا اي حاجة ! طبعا قام اشتري ليهو شريحة جديد وعمل حساب واتس وفيس جديد .. اول ما الواتس اتستب عندو خلاص .. دخل علي زولتو اللي هو لسة ما عارف هي متجاوبة معاهو ولا بتتعامل معاهو بجفاف كده عشان هي ما عايزاهو ..رسل ليها كم رسالة وساعة ما ردت قام خت صورتو في البروفايل ... امو جات داخلة عليهو شايلة صينية قهوة وقعدت قصادو .
_اها يا راشد ... هسي البحصل شنو ?
_في شنو يا امي ?
_ في جوطة حياتنا دي...ما تنسي انو جينا هاربين
_امي انا ما هارب..قلت ليكم تزوجوني قلتو لي سافر وسافرنا وخلاص
_خلاص? لسة عيسي ما عرف..واولادو هسي تلقاهم بيفتشو فيك ... المهم .. حنقعد كده بدون شغلة ولا مشغلة ?
_والله انا شخصيا بحاول ارتب اموري والقي لي اصحاب جدد واكيد حاطلع معاك ونتفسح وتزوري صحباتك البتعرفيهم هنا..يعني ما حنموت هنا !
_انا ما حامش لاي صحبة لانو احتمال يوصلو لمرة عيسي انو نحنا هنا ويلحقوك .. ما مستعدة اخسرك يا ولدي! ما مستعدة تخسر ولدا وبتحميهو لكن في نفس اللحظة ما شغالة ببت الناس اللي خلوها للمجهول ولا حسبت حساب امها والوجع الحتقاسيهو عشان كسرة بتها !
راشد جاتو رسالة من الحبيبة ! صورتو جابت النتيجة سريع !
نص النهار كده وام نعيم ورقية اخدتهم الونسة وحماة ام نعيم غسلت العدة بتاعة رقية ورتبتا والبنات اتونسن وشادية في تحسن .. رقية استاذنت وساقت بتها ومرقت .. ام نعيم مرقت قدمتا مسافة وودعتا وهي مفترقة منهم كده صباح انهارت ووقعت بدون اي مقدمات والمرتين اتجهجهن في نص الشارع والدنيا جمعة والرجال ماشين علي صلاة الجمعة !
بخيت قاعد في بيتو وامورو مرتبة وما شايل هم شي .. فجأة قرر انو يمشي لمبشر !لكن السبب البيوديهو شنو?هل هو ومبشر اصحاب?! هل مبشر ده معرفتو من زمان ? طيب مش هو ذاتو لم اجر ليهو كان واضح انو داير غطا بس وانو البيت ده هو ما حيعتبو ذاتو? اها هسة الحاصل شنو هو كل يوم جاري ماشي عليهم هناك? اتافف وشال عصاتو ولفح عمتو ومرق !
عيسي قاعد في صالون بيتو وحواليهو اولادو ومعاهو ضيوف .. باب بيتو دق ... واحد من الاولاد فتح الباب وجا راجع معاهو ضيف طويل عريض انيق مهندم معتعطر بعطر لافت واجمل ما يكون ... صحة وافرة وفيهو نضارة واريحية مبالغة ! ده منظرو عموما..بيخلي اي زول يشوفو ينجذب عليهو .. بس الناس البعرفوهو واصطدمو بيهو اول ما يشوفوهو...بجيهم جفاف في الحلق...وعرقهم بيتصبب ... حتي عيسي شخصيا بيكون ده حالو !زي اللحظة دي!!!
_صدام ? صدام .. حبابك حبابك .. مرحب بيك ... ومد يدو عشان يصافحو .. كانت راحة ايدو ابرد من لوح تلج !
_اهلا وسهلا !! رد بارد ومقتضب وصوت رصين وصارم !!! عكس صوت عيسي
_اتفضل ... يا محمد افتح لينا الصالون التاني !
_ايوة كده افضل ...كيف الحال ?
_الحمد لله في نعمة ! بسط ! اتفضل نمش علي الصالون التاني عشان ناخد راحتنا اكتر !
معقولة عيسي البيهز ويرز واي زول في السوق عامل ليهو حساب...بيرجف قصاد صدام كده ? يا شماتي حسادي فوقي كان شافوني بالحال ده ! لكن الزول ده ...جايني لشنو ? الله يكفيني شر المعراقة !!
صباح رفعوها في عربية جات مارة بالصدفة في الشارع ... وفي المستشفي فحوصاتا طلعت سليمة ومافي اي اعراض لاي مرض !!! اخدت دربات وطلعوها بعد ستة ساعات للبيت ! رقية وام نعيم احتارن شديد في حالة صباح ..
_يا ام نعيم .. في رايك صباح وشادية عندهم نفس الحالة ?
_الله يعلم .. لكن غايتو قريبة لحالة شادية.. خليكي قريبة منها
_انتو يا عوين هوي ..بناتكم ديل والله تضيعوهم ساكت..الحل في الفكي !
_فكي?
_اي

فكي...يوم لقيتو دكتور عالج شيطان ?
_البنات ديل ما مشوطنات...عدم الاكل بس !
_يا مرة هوي .. عدم اكل شنو ... يا ام نعيم .. بكرة صبح نمشي علي الفكي القالتو المرة ... ونغشي المسكينة دي بي جاي نسوقا معانا !
فؤاد ومجتبي ومبشر ومدثر ! شباب لاول مرة يجتمعو الاربعة ديل في قعدة واحدة والرابط بينهم كلهم مجتبي!
بالنسبة لمبشر ... بسيط وعلي قدر حالو .. لكن بعد عرف فؤاد ودخل بيت بخيت...حياتو اتغيرت !وبقي يسعي لانو يستقر في نفس الوضع ده .. بس من شغلو هو !
اما مدثر ... فعاطل تائه زي ما نحنا عارفين وعزاؤو في الرنيا دي رنا بس...لكن رنا ليها ايام اتغيرت..وهو بدا يفكر انو السبب هو وضعو المجهول ده .. فقرر يفتش ليهو شغل !
فؤاد زول ثقة بخيت وامورو واضحة ووضعو ممتاز كشاب وما بيحب انو يكون في زول مركز معاهو ولا يحس انو في اضواء مسلطة عليهو ... بيحب انو يكون في الضلام او الضل او اي مكان بعيد من عيون الناس ... بس داير يكبر نفسو ويشتغل حاجة خاصة بيهو !
مجتبي !راس الافعي بالنسبة للشباب ديل ! جرايمو ومشاكلو كتيرة بس مافي دليل واحد بيوصل انو هو سبب اي مشكلة او جريمة هو كان سبب فيها ...
_اها يا شباب .. الموضوع بسيط شديد ... انتو عارفين الوضع صح ?
_ايوة...
_وفاهمين درجة الخطر طبعا !
_طيب ... انا اول مهمة حاكلف بيها مدثر براهو !
_انا قادر ومستعد اتحدي نفسي لانو دي حاجة بتهمني شديد !
_ طيب .. هسي مبدئيا كلكم بتعرفو بعض .. لكن ابعدو عن بعض ..امسحو ارقامكم من تلفونات بعض ... احفظوها في راسكم .. والايام دي ياريت ما تتقابلو ولا تتواصلو
_نحنا ما معروفين ولا مراقبين لكن
_لا .. لازم نعمل حسابنا شديد !
عوض مشي علي خير الله وخير الله استقبلو بترحاب شديد واكرمو .. قعدو طرف من اسرة خير الله وطوالي طبعا فتح مواضيعو وشكي لخير الله ...
_لا حول ولا قوة الا بالله ... انا ما عارف اقول ليك شنو ... لكن خير بس.. خير ان شاء الله .
سامية ودوها حتة هي ما عارفاها وين ... دخلوها غرفة فيها اي شي.. فيها كهربة ومروحة ومكيف وتلاجة وسرير مريح واي شي... بس وين هي ما عارفة ... لم جابوها ادوها عصير وشربتو ونامت وتاني ما عرفت هي ممكن تعمل شنو ولا تقول شنو ? حست كانو هي مشلولة لانو ما قادرة تقوم من السرير ..وهي في الحال ده دخل عليها زول واداها تلفونا ...
_امسكي... ممنوع تتصلي علي اي زول لاي سبب من الاسباب .. هاك
مسكت التلفون .. فتحتووبدت تفتش فيهو ! لالقت رقم لا تطبيق لا صورة ولا اي شي ... فرمتو التلفون وادوها ..
_ عوض حيتصل ... وقريب شديد يا بقيتو مع بعض..يا واحد فيكم مشي القبر !
#تابعوني
#خلو_بالكم_من_حياتكم_كورونا_وسطنا.

📖 اذا انتهيت من القراءه اضغط علي #لايك 👇 واذا حصلنا علي #200# لايك سوف نقوم بتنزيل #بقيه_الروايه

🔘الان روايه #الوجه_الاخر حلقات يوميه حصريا علي قناه ♻️هترشات 💠 وروايات♻️


https://tttttt.me/joinchat/AAAAAD3Q1G-dzPGrQD8kdQ