-لا لقيتيها ف شنطك القديمة؟
هه..
م عندكم فكرة..
ريفان ضحكت ضحكة استهتار..
_انتو عارفين لقيتها وين؟
التلاتة رمشو وعاينو ليها منتظرين سعرفو و هم بتزكرو ف الدرامات العملتها فيهم لمن ضيعتها..
_لقيتها ف المطبخ حق بيت ناس حازم هنااك ف مانشستر..
كلهم لمن صرخو ليك 'ااا؟؟' دي ريفان لامن م ضحكت..
_حررفييياااا..
-وايت كيف يعني؟
_يعني كدا..يوم جيت راجعة ب بليل و حازم كان مرق قدامي و كان شايلها ف يدو و نساها ف التربيزة..
=حازم كان شايلها؟؟
ريفان هزت راسها..
-وايت هو وراك انو هو اخو نيفين؟
ريفان هزت راسها..
_و اعترف انو كان قاعد معاي هناك برضو ف نفس الزمن..لكن بعد م وريتو الاسورة و خلتو ف مكان ضيق..
=و هو اعترف ليك انو كان شايلها؟
_هه..م بس اعترف..لا هو كمان قال انو كان عارفاها حقتي..
=طيب ختاها ليك يعني؟
_لا..لانو اتخلع و تقريبا اعترف لي..
نون كرفست وشها..
=لا دقيقة م فهمت يعني قصدو شنو؟
ريفان طلعت نفس طويل..
_قال لي what do you think؟
-كيف يعني؟
_م بعرف..قال لي انتي فكري ف الموضوع لحدي م نتلاقي المرة الجاية..
=هه..م شاء الله و المرة الجاية متين.
_اااخخ..اعتقد الا انتظر لحدي الاحد لانو مرق مع يوسف..
=ناس يوسف مشو وين؟
كلهم عاينو ل لينا..
البت حافظاه حفظ..
-يوم الخميس بمشو الميادين ال علي حافة العاصمة و بقعدو يسوقو..
_يسوقو؟
لينا هزت راسها..
-حازم عتدو جن كلكي اسمو سباق سيارات بحببو موت..و دايما بشترك ف سباقات هناك ف بريطانيا..
_هه..من النوع البسوق ب تهور؟
=بالعكس..سباق السيارات نهائي م تهور..دا احتراف..
_هه..ااي شيء فيها زيادة سرعة تهور..
=ي بليدة بعلم الزول ءرعة البديهة و التصرف..بعدين بحسسك انك حر و كدا..
ريفان لفت عيونها..
بتكرره بتكررره السواقة المتهورة..
_ااي و بعدين لمن تغفل ل ملي ثانية و ب سرعتك دي تأخد روحك و روح الحوليك معاك..
=اساسا انتي بس متعقدة من المواضيع دي..
_متعقدة ف عينك..
-غايتو انا بعرف انو حازم دا بسوق من عمرو 7 سنين..
هه..!!
سيعة سنين؟
_لايك هو كان بعرف يمشي اساسا؟
-هوي..
ريفان لفت عيونها..
هي حاليا متحسسة و متغايظة منو ب شكل م طبيعي..
-الولد دا مفتح..
_احساس بعرف يسوق و عمرو 7 و بمسك مسدس و عمروا 13 و انا الفرق بين الاوتوماتيك و المانيول م عارفاه شنو؟
قعدو يضحكو كلهم..
-غايتو اعتقد دا لانو كان عايش برا..ف الامكانيات دي كانت موجودة..
_موضوع المسدس بزات لا يصدق..يعني حاجة كدا..اخخ م تخلوني ابدا تاني زاتو..
كلهم قعدو يضحكو..
-موضوع المسدس دا بزات..اعوقد لانو اهلو مهوسسين بالرماية..
_واو..مهوسيين رماية و عربات و سواقة متهورة و كلو..حياة العصابات بس..
=حياة الناس البرا..
-بعدين منو القال ليك اهلو مهوسيين سباقات و عربات؟
_غايتو راجل اختو ابوبكر دا..نفس طينة و عجينة محمد..العربات ديل عيونهم..و..
ريفان سكتت..
عرفت انو اهلو بحبو السواقة منو..
اذا زاكرتها م خانتها هو الوراها انو ابوه بحب يسوق بسرعة و السباقات..
و تاني فجأة حست ب قلبها دا يطعن..
واي انا..
التفكير ف الحصل ليه ساي كاسرها..
_غايتو حازم دا الا يصبر لي يوم الاحد و نتلاقي زي م اتفقنا..
'اتقفتو تتلاقو وين؟'
صوت م غريب ع ريفان و لينا الاتنين خلاهم يتلفتو وراهم..
و الاحباط ظهر ف وش ريفان من م شافتها..
نشوة..
ريفان م بتكرهها..
بس حركاتها م بتعجبها لانها بايخة..
نشوة جات و هاك ي السلام ع نون و وابل و هم اساسا بعرفوها اسما بس و لينا بالاحضان و ريفان برضو..
اخخ انا..!!!
بتكره لمن تكون عارفة الحاجة فايك و مزيفة لكن برضو بتحصل..
لايك هي بتزيف و ريفان عارفة و نشوة عارفة و كل واحدة عارفة التانية عارفة..
طيب ليه الفايك الحاصل دا؟
دا لانهم بنات و دي حاجة اساسية عندهم..
اول م انتهت من السلام
=اها م قلتي لي..
ريفان رفعت راسها عاينت ليها..
=ف شنو خاليك تتلمي مع كتلة التلج دي..
ريفان ضحكت..
_مواضيع بس..
نشوة قعدت..
=وبعلي دي مواضيع شنو البتخص حازم و م بعرفها دي؟..خطير الموضوع؟
التلاتة بنات بقو متحيرين فيها..
والله بس بعاينو ليها و فاتحين خشمهم..
و ريفان هااك ي السفهة..
_والله هي م خطيرة..
=اها طيب ف شنو؟..
ضحكت و هي بتكمل..
=وشك م بطمن..
ريفان ابتسمت..
_والله انا زاتي م عارفة..الموضوع ف يدو هو..قال لي لامن م نتلاقي تاني و مشي طوالي..
نشوة ابتسمت ابتسامة انتصار..
حست ب اطمئنان لانها فهمت انو بعاملها ب نفس البرود حقتو دي و بسفه..
نون فهمتها ليك و اتغاظت..
كلهم فهموها ليك و ريفان اساسا قررت تعمل رايحة..
=غايتو اذا عاوزة تعرفي اي شيء عنو تعالي لي بدل م تتعبي روحك معاه..الولد دا كتلة و نادرا م يتفاعل مع زول او حتي يعاين ليه..
ريفان ابتسمت..
_بالجد؟
نسوة و بكل فخر هزت راسها..
ابتسامة ريفان زادت..
-غريبة..الولد سبحان الله بالجد كتلة تىج..لكن لمن يقعد معاك ي ريفان بكون بتونس و بضحك..انا زاتي لمن بتخلع فيه..لانو حازم البشوفو م ياهو حازم حق حكاوي يوسف..
ريفان هزت راسها..
_حتي انا انتبهت

ليه..اول ايام كان كدا لكن بعد الحصل المرة الفاتت بقي ظريف شديد..
نون طوالي اخذت الفرصة و ادخلت
نون:بعدين هو مالو ضحكتو كسارة كدا..
نشوة دي جرت ليك حميرة ل نون..
نشوة:اساسا حازم دا بتاع مزاجات..يكون الليلة ببتسم ليك و بكرة يعاين ليك و يقبل و لا يسلم زاتو..كتلة تلج من يومو..
نون عاينت ليها..
نشوة:اعتقد ف ناس قليلين جدا جدا جدا ف حياتو هو بحبهم بالجد و بتعامل معاهم ب قلبو بالجد و ب حب..الباقي كلو سافهو و هابيه ف الريح..
وابل:شكلك بتعرفيه كويس..
نشوة ابتسمة ابتسامة انتصار..
نشوة:بعرفو لي قريب ال5 سنين..و صدقيني اسمعيها من زول هو يعتبر من الناس القلائل ديل جدا ف حياتو هو والله انسان طيب و عسسل شديد لكن مع الناس القلائل بس..
ريفان عاينت ليها و ابتسمت..
نشوة:ف عشان كدا ساي عسان م توجعو قلبكم و يتكسر بعدين احسن الزول يكسر حنكو من بدري..الولد م بدخل ناس ف حياتو بقي..
ريفان عملت رايحة..
كانت عارفة الكلام موجه ليها..
و كلهم لهمو الكلام دا..
هه..
منو اساسا القال ليك عاوزة تدمل ف حياتو..
ي حبيبتي هي فجاة فتحت عيونها و لقت حياتو منغمسة جوا حياتها غصبا عنها..
اخخ..
م نفسها تتكلم معاها و لا تفسر ليها حياتها زاتو..
حازم العاجبها دا خليها تشبع بيه..
التقول ريفان دايرة بيه شيء..
بس عاوزة تفهم والله بس..
حريقة ف الباقي دا..
و حركات البنات دي بترفع لبها كثافتها ف دا م بنفع والله..
نشوة:بعدين انتو عارفين انو هو معقد نفسيا..
ريفان عاينت ليها..
نشوة:حصلت ليه حاجات ف حياتو عقدتو من كل شيء..
ريفان عاينت ليها و ضحكة ضحكة استهتار صغيرة..
نشوة شكلها عارفة الحصل ليه..
كيف ممكن تقول كلام زي دا؟؟
نشوة:ف احسن الزول يبعد منو عشان م يتجنن فيه..
_هو الحصل ليه هين؟؟؟عليك الله لو ااي زول مرا بحياتو ساي كان بكون مشي رمي روحو من البحر..يتجنن شنو؟عندو ةلحق انو يسوي اي شيء..
نشوة م قدرت تخبي الصدمة ف عيونها..
عارفة؟
معقولة عارفة بالحصل ليه؟
استحالة بكون وراها..
استحاالة استحاااللةةة..!!
طيب عارفة كيف؟
يوسف ورا لبنا و لبنا ورتهم؟؟
نسوة عاينت ل وش لينا..
لينا زاتها م كانت فاهمة..
م عارفة ظاهر علبها..
بعدين استحالة يوسف يوري او يتكلم عن الحصل مع زول..
حواجبين نشوة اتلاقو..
و فجأة تحسي كل شيء كان مزيف وقع من وشها حرفيا..
ريفان شافت التحول الحصل ل شكلها..
هه..
الا الزول يعمل ليك كدا عشان تسكتي؟
نشوة:انتي عارفة الحصل؟
ريفان عاينت ليها ف وشها و قبلت..
نشوة طوالي مسكت كتفها..
نشوة:عارفة الحاصل لبه ف حياتو؟
ريفان عابنت ليها..
كانت عاووة تفتح خشمها و ترد لبها و كمان تردمها و تشاكلها ع الكلام القالتو دا لكن صوت نغمتها قاطع كل شيء..
ريفان طلعت التلفون من الشنطة..
الكم ثانية دي شوية خلت الغضب الدخل جواها من نشوة يختفي..
و قررت م ترد ليها و تخليها ب حالتها دي..
ريفان طوالي فتحت التلفون و ردت و قامت من مكانها..
نشوة كانت بعاين لبها..
كان نفسها تسيل التلفون و تكسرو و تخنقها لحدي م تمرق منها كلام..
بس م بنفع..
عاينت ل لبنا و وابل و نون..
لقتهم متحيرين فيها و ريفان..
حتي نشوة اتحيرت..
و كأنو كانو بتشاكلو و هي و يفان و ريفان سافهاها..
هه..
قايلة روحها منو الغبية دي؟
نشوة هزت راسها..
عليك الله جاية تقارني روحك مع البت دي؟
واحدة شافها اول امبارح و متسلبطة فيه مكسرها و عاملة تقيلة م اكتر؟
عليك الله البت دي م بتساوي جزمة ف عالمو..
ف شنوا استكيني و ابردي..
بعد م بردت نفسها بالكلمات دي نشوة قامت من جمبهم بعد م ابتسمت ليهم تاني اخر مرة..

◇◇◇◇◇◇◇◇◇◇◇◇◇◇◇◇◇◇◇◇

ريفان قامت ع حيلها و ردت طوالي
_الوو..
-الوو..
الصوت الفي الطرف التاني خلي ريفةن تجممد ف مكانها..
رجعت عانتي للاسم..
محمد..
استغفر الله..
بس م تزكرو..
وحسي هدا صرب ليها..
هي من م رجعت م اتكلمت معاه..
اعتقد قرر ينتظرها تهدأ شوية كدا و تاني يضرب..
ريفان رجعت التلفون ف اضانها تاني..
_...
-الوو..
_اممم..
-انتي لسا زعلانة؟اقفل و انتظر تاني؟
ريفان ابتسمت..
_اهه..حتي و لو زعلانة م مشكلة لانك للتو ساعدتني امرق من موضوع..
محمد ضحك
-يعني اتصالي جا ف وقتو..
ريفان ضحكت..
_بالظبط..
-يعني تمام التمام..
_تمام..
-صافي ي لبن؟
ريفااان دي الضحك شرطها..
-والله الا اسمعك تقوليها..
_قشششطططةة..
وهي بتسمع ف صوت ضحكتو ف الجزء التاني من التلفون ياداب ورتها و وعتها هي اشتاقت ل خالها دا قدر كيف..
-اها الاخبار و الامور..
ريفان طلعت نفس طويل..
_اسكت ساي بس..الجامعة مطلعة عيني..
-السمستر قرب ينتهي صح؟
_يعني كم اسبوع و تاني للامتحانات..
-ايوااا يعني فترة و تفضي..
ريفاز ضحكت..
_جتي و لو فضيت قبل م اخلص اشك اقدر اجي تاني
-تخلصي شنو؟
_اخلص جامعة..
-اا؟؟لييه؟؟..
_هو شنو هو اللي..اساسا انا ف نهاية تانية باقي تالت و رابع و خامس بس..
صحكة استهتار محمد من الطرف التاني كانت عالية لدرجة انو خي ممكن تتخيل شكلو كيف و هو يضحكها..
-احلي شي بس الفي النهاية دي..
_ياا هناي م ا

لتفاؤل مهم..
-جد والله..
ريفان ضحكت..
_و ايثار خبرها شنو؟
محمد ضحك و هو بقول
-كويسة والله..بقت بتقدر تشوف و تلغوس ليها كلام كدا..
ريفان ضحكت..
_واي انا و حلاااااتي الكيووت العسسل..
-ااي م شاء الله عليها..
_جو هم صح؟
-ااي جو هنا ليهم كم يوم..
_ووصلو كيف؟هي و المدام؟
-كويسين والله بس تعبانين شوية مع الرحول..
حواجبين ريفان اتلاقو
_رحول شنو؟
-اا..انا صح ضربت ليك اوريك..رحلت خلاص..
_رحلت من بيتك داك؟
-امم..
_احسن زاتو ان شاء الله لقيت ليك بيت مناسب ف الزحمة ديك..
-هه..الزحمة ديك خليتها تبب!!
ريقان استغربت..
-انا رحلت مانشستر..
_ههااه؟؟؟
صوتها كان عالي لدرجة انو الحوليها اتلفتو عليها..
ريفان مشت قعدت و تمت باقي الكلام..
_كيف يعني رحلت؟
-والله ابوبكر لعب براسي و اقنعني ب مانشستر..
_بسم الله..
-هههه..جد والله..احسن لي زاتو والله البلد ديلك..اسهل اربي عائلة حولين ناس بعرفهم..
الجملة دي بقت م بتأثر عليها شديد..
انو بقي عندو عائلة غيرها..
_رحلت وين ف مانشستر؟
-جمب ناس ابوبكر..بعديهم ب زي اربعة شوراع بس..
_هه..دا كلو و جمبهم؟؟
-دي اقرب شي لقيتها..
ريفان ضحكت..
_و خليت شغلك هناك كيف؟
-نقلناه كلو هنا..
_جد؟؟
-ااي..ابوبكر اقترح انو نخلي كم عربية هناك ف الورشة القديمة و نقفلها و نخلي الرئاسة هنا و لو ف مشتري ف لندن يتواصل معانا و واحد يمشي هناك عشان يتفاهم..
_اا..و بيتك طيب
-اجرتو ل عزابة هناك والله..و كل اسبوع بمشي ببيت هناك اتأكد من كل شيء و اجي راجع..
_م متعبه لكن؟
-متعبه لكن احسن لي..و حتسندني بعدين شديد..
ريفان هزت راسها..
-بعدين الحي الساكنين فيه كلز ي سودانين ي باكستانين المهم مسلمين و كيبين الحمدلله..
_احسن..
-قلت اخليهم يقومو ف بيئة مسبمة م مزدحمة زي ديك..
_هممم..
كلامو صح..
فكرها كويس..
ريفان ضحكت و محمد استغرب..
-بتضحكي مالك..
_بضحك لانو للتو جاني صوت ابوبكر يوم داك و هو بتحدي فيني انو حيخليك ترحل هناك..
محمد ضحك..
-ااي الحيوان دا بس بعرف يلعب ب راسي..
_حيوان انت لانك بتخليه يلعب ب راسك..
محمد ضحك..
-انتي اخبارك شنو..
ريفان ابتسمت..
اخبارها شنو؟
اممم..
حازم..
اعتقد دي الاخبار الوحيدة الجديده ف حياتها..
الولد الجاهاىمن ماف دا فجأة..
_محمد..انت بتعرف اخو نيفين؟
-ياتو؟الصغير؟
_اممم..
-قصدك حازم؟
_بتعرفو؟
-اممم..م شديد لكن..الولد انطوائي مقفول ع نفسو..
_بعرفني هو؟
-لي؟
ريفان سكتت..
-م اعتقد..هو بقرا ميكانيكا هناك ف الخرطوم ف رابع..
ريفان هزت راسها..
يب..
-مرات بلاقيه لمن امشي مع ابوبكر للرماية..
ريفان سكتت..
يعني احتكي بيه قبل كدا..
_بتتونس معاه كتير؟
-بعرفو كويس انا..لكن شخصيا كدا كلام لا..هو الولد الكلمات البقولها ف يومو محدودة..
_همم..
-يعني ممكن عادي يعدي سوم م يتكلم مع ابوبكر او ناس اليت..والله ايان و ما يحصل ليه شيء..الولد قليل الكلام و بارد و هادء بطريقة كدا تحير و تخوف..
هه..
ع الاقل م هي الوحيدة البتاخذ الفايب دا منو..
_بتتكلم معاه كتير؟
-لا والله..هو كلامو مع اهلو محدود خلي انا..
ريفان هزت راسها..
طيب لو م بعرفها من طرف محمد..
بعرفها من وين؟
-انتي لاقيتيه لمن كنتي هنا ولا شنو؟
ريفان سكتت..
هي م لاقتو..
لكن هو لاقاها..
حسي دي تشرحها لبه كيف🤦‍♀️..
-تقريبا كان قاعد برضو..
_م احتكيت بيه شديد هناك..
-امم..لاقيتيه ف الجامعة ولا شنو؟
ريفان طلعت نفس طويل..
_يلا الموضوع معقد شديد و انا م فاهماه لكن لمن افهمو بوريك..
محمد ضحك..
-اووه..بتي بتكبر..بقت تتحير و تتعقد من الاولاد اخيرا..
حواجبين ريفان اتلاقو و محمد قادر يتخيلها و هي يتلف ف عيونها..
_انت بس اعرف لي ل دا..
-لكن غايتو حازم دا..انا م بحذرك منو..لكن صراحة النوعية الزيو نادرة..الولد يارد ل درجة العوارة..و انا راجل زيو م بعرف اتعامل معاه كيف ف انتي حتتحيري حيرة..
_انتو ليه كلكم بتقولو كدا..بالعكس..الولد تعاملو معاي حلو جدا..بتخوفوني..
-يعني بتعرفيه و احتكيتي بيه..
ريفان طلعت نفس طويل..
للتو وقعها ف الكلام..
و هي لسانها اتزلق..
_والله اوريك اول م اعرف..
-طيب..انا لازم اقفل..
_طيب سلم ع المدام و ع ايثاار شدييييد ششديييد..بوسها لي..
محمد ضحك
-سلمي ع ناس امي و ديل..
_امم..
-ابوبكر بسلم عليك بالمناسبة..
ريفان ضحكت..
_سلم عليهم برضو شديد..
-طيب يلا..
_يلا..
و طوالي قفلو..
ريفان عاينت للسما..
زهجانة و اخلاقها نخرتها..
نفسها تقع ف ارضها دي و بس تنوم..

◇◇◇◇◇◇◇◇◇◇◇◇◇◇◇◇◇◇◇◇

حازم كان ماسك المسدس ف يدو و هو بحاول يفهم يوسف كيف يمسكو صح..
كان فاضي م معبي..
بس يوسف برضو متوتر..
حازم دا شمتان فيه ب شكل..
_عاين انت فهمت كيف بتفرتك و بتركب؟
يوسف هزا راسو..
_طيب عاين..
حازم رفعة براحة..
_امسسكو من هنا..الوسطي ف مكان الزناد احسن..و السبابة عشان تساعدك توزن..الخنصر و البنصر تحت اسند بيهم اليد التانية و هي ماسكاه..
حازم براحة رفعو و يوسف بعاين..
_حاول قدر الامكان م ترجف..ثبت يدنك الاتنين و م

تحرك الوسطي مهما حصل الا لمن تكون عاوز تطلق..لانو اذا اتحركت بالغلط و ضغتها..
يوسف عاين ليه و بلع ع ريقو..
_حتفطس حجرك و حجر القدامك..
والله العظيم..
كمية البرود الجواه..
و الطريقة القال بيها الجملة دي..
بتخلي يوسسف..حتتي يوسف يتحير مرات ف صحبو دا..
-م كل الناس بمسكون زيك..
حازم ضحك..
_انا م زي كل الناس..
يوسف هزا راسو..
كلامو صح..
_الطريقة قديمة..علمها لينا جدي لانو بقول بتساعدك تتحكم ب كل اطراف يدك ب حاجة خطيرة و مميتة زي دي..
-هه..جدك دا والله غريب مرات..
_لكن..لحدي يوم الليلة..يدو م بترجف و م بفوت ضربة..
يوسف ضحك
-الحاجة لمن تبقي منك و فيك مشكلة..
حازم عاين ليه و قبل..
الحاجة لمن تبقي منك و فيك مشكلة..
تني راسو بالجمبة..
الجملة دي بتمثلو جدا..
حرفيا بعد م ريفان دخلت جوا عقلو منها و فيه كدا و هو زاتو م فاهم..
بقت اكبر مشكلة ف حياتو..
الولد بتجنب ف سيؤتها و تفكيرها من قبيل..
و حسي و هو اتزكرها..
م قادر يوقف الفزع الحاصل جواه..
هو كيف ممكن يغلط غلطة غبية زي دي..
حازم حكي حاجبو ب الزفت الشايلو دا..
يوسف طوالي قام من جمبو..
-ي مان انت حركات الجنون التحت تحت دي لازم تحاول توقفها..
حازم كان مصر يختو ف حاجبو و هو برد
_شنو؟
-انك تحيب الزفت دا جمب وشك او راسك..
لمن حازم عاين للمسدس..
رمش مرتين و طوالي رفعو ع يوسف..
الولد دا طوالي رفع يدينو قدامو و رجع خطوتين ل ورا..
حاز بستمتع يعملها كل مرة..
م قدر يمنع الضحكة المرقت عالبة دي..
-انت قايلها ممتعة؟
حازم مسك المسدس ب يدو التانية و قفل عينو اليمين و اشر ع راس يوسف..
يوسف دا والله واقف ف جمر بس..
و جراها ليك..
طلعا منها صوت بوحي ليهم انها فارغة..
حازم ضحك ع الخزفة الدخلت جوا صحبو رغم انهم الاتنين عارفين انو فاضي..
_انت م ممكن تكون بتخاف كدا..
-و انت م ممكن تقعد تلعب بيه كدا..
_هو فاضي..
-هه..احساس م حصل لعبت بيه و هو معبي مليان؟؟
_انا م بلعب بيه زاحد..و اتنين بكون مأمنو تحسبا بس..
-هه..يوم ادقس م تأمنو جرها بالغلط و موت..
حازم ضحك ب استهتارية..
_ي اجرها و هي مأمنة او م اجرها و انسي اآمنها..م بغلط مرتين ورا بعض..
يوسف ضحك..
-اخخ مشكلة..
حازم قبل..
مشكلة هو والله..
يمشي وين و لا يقبل وين مع البت دي..
ياااااااااااااا الله!!!!
والله والله والله حرفيا كرهتو حياتو والله..
لايك م معقولة معاها..
والله م معقولة م معقووللةةة!!
الولد يموت؟
يمشي يسوي ليها شنو؟
ياخ والله اعتقد احسن حاجة عملها انو خلاها تتحير..
لمن قال ليها فكري فيها..
عاوزها تقعد اليومين ديل و بس تفكر فيه و تفكر ف المصائب الماموجودة..
امكن يتسدي حقو شوية تحت فهم انها دايما قاعدة ف ركن عقلو ليها تقريبا سنتين..
خليه هو يكون الموضوع الاساسي البتفكر فيه لمدة يومين..
م نفس الشي و لا بجو جمب بعض..
لكن بتطفي نار الحرقة الجواه شوية..
-انت قبيل ريفان مالا؟
حازم عاين ليه..
فرتك المسدس و ختاه ف الصندوق الجمبو..
_لقت اسورتها..
حواجبين يوسف اتلاقو و هو م فاهم شيء..
لمن حازم ختي الصندوق ع الفربية و جا قعد جمبو تاني ف المصطبة عاين ليه..
حكي لبه الحصل و بعد م يوسف اخد شماتو فيه و ف انو م بغلط كدا و اتخلع ع الحصل..
حازم كان ساكت بس..
يوسف يسكت و يشمت يسكت و يشمت..
و حازم جز معاه و جزء مع تفكيرو بحاول يعرف هو حيسوي شنو لمن يلاقيها..

◇◇◇◇◇◇◇◇◇◇◇◇◇◇◇◇◇◇◇◇

السبت جا و ريفان قامت ع حيلها..
امبارح الجمعة قضتو مع ناس اخواتها..
و ابوها جاي الليلة..
يب..
جاي الليلة و حتلاقيه..
ريفان كانت متوترة شديد..
و بقت مشغولة ب هم ابوها اكتر من موضوع الاسورة و المشروع المحيرنها ديل..
والله راسها لو بقدر بالجد ينفجر..
كان عمل 'طاااااااخخخ' زمان و فجر معاه باقي جسمها بس..
ريفان قامت ع حيلها..
امبارح اول مرة تنوم قدر كدا ف حياتها..
نامت 4 ساعات ي جماعة..
4 ساعات كااملااتت..
حتي هي م مصدقة!!..
البت م بتقدر تنوم..
والله التقول عندها مرض..
ممكن تجرها 4 ايام ورا بعض عادي..
و لمن تجي تنوم م تفوت ال7 ساعات بعد ال4 ايام دي..
امكن لانها اتعودت ع التعب و عدم النوم ف معمار م عارفة..
لكن غايتو الشافعة هي متحيرة..
لانو ممكن تكون تعبانة و راقدة ف السرير لكن اصلو م تنوم..
عقلها دا بس شغالو شغال..
مغمضة عيونها..
و هي صاحية و واعية بالحوليها..
ريفان مرقت و لقت حبوبتها منتظراها تشرب معاها القهوة..
ريفان مشت عليها و قعدت بعد م استحمت و صلت و كلو..
-المصحيك بدري شنو ي بت؟
ريفان اتخلعت..
_سججمميي..انتي عارفة امبارح نمت كم ساعة سوسي؟
حبوبتها عاينت ليها..
_4 ساعات..
الاحياط ظهر ف وشها رفعت يدها تضربها لكن ريفان جلتها..
-انتي بتستهتري ي بت؟؟
ريفان ضحكت و طلعت نفس طويل..
_انتو م قادرين تصدقو..انا عندي مشاكل ف النووم..عندي مشاااكل..والله لمن انوم م بصدق..
حبوبتها لزت ليها راسها..
-المشاكل الوحيدة هو الزفت دا..لو وقفتيه من الشغل احسن ليك..ريفان ضحكت و شالت تاكل من الكيكة..
_ياتو حقي؟
-حقك دا

المافيه سكر..
ريفان ابتسمت و قامت تتطوطح..
_لي زمن م جربت كيكتك..
-دا لانك بتمرقي بدري..
ريفان ضحكت..
قعدو ياكلو وشربو و اتونسو..
ريفان حكت ليها كل شيء عن حازم امبارح و جبوبتها قالت ليها الا تمشي تواجهو وتفهم منو الموضوع كللو..
شاغلتها و بتسألها لو سمح ولا لا عشان لو سمك خلاص تسامحو وتربط معاه و لو م سمك تسامحو و تصوحبو..
اخخ انا من عنصرية السماحة دي🤦‍♀️💔..
وهي لسانها فلت و قالت ليها زول سمح زيو يعاين لي ليه..نشوة دي بتمالي عين الزيو..
و لمن زكرت نشوة كمان اضترت تتكلم عنها و توريها..
قاعدين يتونسو ساعتين او 3 الا عادي..
حتي بعد داك زول من البيت قام دخل الحمام ياداب..
_بيت ميت والله..
حيوبتها ضحكت..
_بعدين نحنا كملنا الكيكة كلها..حيجو ياكلونا..
-م ذنبنا انهم نايمين..
ريفان ضحكت..
_هم مجدعين كدا ناسين انو ابوي جاي..
حبوبتها صحكت..
-جاي يسوقهم خلاص..يحليلهم..
ريفان ضحكت..
_ع الاقل يخليهم يقعدو لحدي نهاية اليوم ليه يحي يسوقهم بدري كدا..
-اسكتي انتي..والله هو لو لقي كان ساقك انتي برضو..
ريفان ضحكت
_احسن زاتو..
حبوبتها حممرت لبها..
-اقعدي قلي ف ادبك كويس و بعدين استحكلي شكلة الشعر..
ريفان ختت يدينها للاتنين ف راسها..
الليلة سجممها..
-زعم انو خفت شديد و ق بت تقلب اسود بس برضو ملحوظة..
ريفان بلعت ع ريقها..
الليلة سجممك..!!!
ريفان خافت ب شكل..
الخوفة ديك تاني رجعت ليها..
حبوبتها شافت الخوفة ف عيونها ف عشان كدا طوالي قامت تهديها..
-م تخافي م حيحصل شي بس حتاخدي ليك نهرة.
_انتي م فاهمة..حيمشي يشاكل ماما يقول ليها دا كلو بسببك انتي و المشاكل حتدور تاني..
-اها ويعني م يتشاكلو..
_سوسي م ممكن يتشاكلو ف كل نفس يتنفسوه..
-هم من ما اتلاقو كدا م حتقدري تغيري شيء..
ريفان طلعت نفس طويل..
-انت م مصدقاني..لكن امك و ابوك من يومهم كدا..امكن ااي اطلقو..لكن ل يوم الليلة م اتغيروا..لسا بتشاكلو ف اتفه الاسباب..بس الشكلة و طريقتها و حوارها و كمياتها اتغيرت مع مرور الزمن و الوقت و ابسنين عليهم مع بعض..
ريفان اكلت من كيكتها..
-انا قلت ليك..من اول يوم شفتهم..كنت عارفة الاتنين ديل اخرتهم طلاق..انا مصدومة هم دامو لحدي كدا كيف زاتو..
_وانتي كيف تعملي كدا ف بتك..تكوني عارفة دا حيحصل و تخليه يحصل..
-انا م كان بقدر اغير ليها رايها و لا تفكيرها..
ريفان سكتت
-و انت زي امك..مافؤ زول بقدر يركب راس ع راسك..
ريفان ضحكت..
جملتها ضحكة..
-people and time might change..but feeling rearly do..
(ربما يتغير البعض و الزمن..و لكن المشاعر نادرا م تتغير..)
ريفان عاينت ليها..
-مافي زول بقدر يظنع القدر..الكاتبو ليك ربنا م بتقدر تهرب منو و لو دخلت تحت الارض و ادسيت..
كلامها صح..
-بعدين كل شيء فيها حكمة..لولا امك و ابوك م كان رزقت ب حفيدة تكون بيست ف اخر السنين..
ريفان ضحكت..
_يطول عمرك ي رب..
-شوفتي..المواضيع مؤلمة و بتكسر و كلوو..بس بنقدر نتجاوزو..الالم م بقدر يقتل..الانسان بقدر يستحمل اكتر و اكتر مما بتخيل..
ريفان عاينت ليها..
-حسي انتي اذا ربنا كاتب ليك اخرة مع الاسمو جازم دا..والله م لو ةنتي قايلة روحك شينة و هو ملاك..والله لو ممسحة بالطين و التراب اخرتك معاه..خلي فهمكم الغبي الجديد ف جيلكم دا..الا السمح مع السمح و السمحة مع السمحة و دي سمحة لكن بس لو كان في كدا ف وشها او مافي كدا ف وشها كان بقت احلي..
ريفان ضحكت..
احساس فجأة الموضوع قلب عنها..
-يااخ خلو تنظرييكم دا..الاشكال فانية فااانية..مافي شي اسمو سماحة..ربنا خالقك كدا و انت م عندك فيه يد..واي زول يقول عكس كدا متخلف و غبي و معقد..الاشكال م بتحدد كل شي..
ريفان هزت راسها..
-الجمال جمال الاخلاق و الجمال الداخلي..اعتقد لو الانسان بقدر يشوف رزح البشر بدل وشوشهم المتخلفة دي كان كل شيء حيكون مختلف و ابسط و اوضح..
ريفان عاينت ل كبايتها و ابتسمت..
حبوبتها الوحيدة البتعرف ترفع ليها معنوياتها بزات ف المواضيع الزي دي..
حررفيااا...
الباب ضرب..
ريفان بلعت ع ريقها..
كان ابوها..
فتحتو الشغالة و ريفان قامت تستقبلو..
خليه يشوفو من اول شيء و كدا..
بس ان شاء الله مزاجو يكون كزيس..
اساسا كل شيء ف حياتها و حياتو بتمشي ع مزاجو..
ابوها اول ما شافها ضحك ليها..
و اول م شاف شعرها طوالي اشر عليه..
-دا شنو دا؟
و رغم انو اشر عليه..
لكن برضو ضحك ليها و سلم..
مزاجو كويس الحمدلله..
-دا شنو العملتيه ف روحك دا؟
ريفان بس ضحكت..
ف موابف زي دي هي بس بتضحك..
-شششيينن..والله شييين شنة..
ريفان ضحكت زيادة..
رغم انو كاان جادي شديد..
هي برضو قررت تضحك..
دا الشي الوحيد البتعرف تعملو ف حاجات زي دي..
-اووعا تقولي حيقعد كدا للابد؟؟؟
ريفان ضحكت..
رغم انو م كان جادي لكن ف منتهي الجدية..
_لا لا بزح بعد كم اسبوع.

-و عملتيه وين؟؟
_ف بريطانيا..
ابوها طوالي قلب وش
-والله م شاء الله..صياعة جد هنااك..
ريفان سكتت..
لبوها كان جادي ب شكل..
و هي بس ي تضحك ي تسكت..
ابوها كان جا

دي و حست بيها خربت ليه مزاجو..
بس لمن اخوانها جو مارقين و طوالي ساقهم و لا دخل سلم ع امها خلاها تطمئن شوية..
ع الاقل م حيتشاكلو ب سببها..

◇◇◇◇◇◇◇◇◇◇◇◇◇◇◇◇◇◇◇◇

يوسف و لينا مرقو مع بعض و صاعو خلطو و اكلو و تمو كل شيء..
اليوم مشي عادي و حلو زيو وزي ااي شيء تاني..
-اها..
_اها شنو؟
-لسا زعلانة مني؟
لينا صحكت..
_ااي والله..بعد الصياعة و الضحك و الونسة دي كلها لسا زعلانة منك..
-ه ه ه ه ..م تستهبلي..
_طيب انت م تسأل اسئلة هبلة و غبية..
يوسف ضحك..
-طيب ارح نشيل ايسكريم..
لينا ضحكت و واقفت طوالي..
نزلتو يشترو الايسكريم..
يوسف قال ليها تقعد تنتظرو و هو يجيبو..
لينا كانت قاعدة بين الناس..
المكان مزحوم شديد و خلي لينا تتشوق عشان تجربو..
و هي بتعاين حوليها..
لمحت البنات والواقفين بدام يوسف بتكلمو عنو وبقطعو..
يويف م كان منتبه ل شيء لانو ف تلفونو..
ف النهاية..
واحدة فيهم قررت تلفتو وتتكلم معاه..
واي انا من الخفة..
لينا عابنت ليه..
حست ب شوية زعلة..
هي عارفاه حيقيف معاهم و يتكلم و يتونس و ممكن عادي يشيل ارقامهم..
و الشيء دي زعلتها و كسرت المود حق اليوم كلو..
رغم انو يوسف م شايفها..
لكن هي شايفاه..
بين الناس بعد حركى منها قادرة تلمحو..
طلعت تلفونها..
م كانت عاوزة تشوف المنظر..
عشان بعدين لمن يجي يقول ليها الصف طويل و يكون شراها م يكون عندها حاجة مرسوخة ف راسها مختلفة..
لينا طلعت التلفون..
بس كتبت كلمة السر..
و رفعت راسها ع حاجة تتخت ف التربيزة..
يوسف كان جا و جاب معاه الحاجات..
حواجبين لينا اتلاقو..
ما وقف معاهم؟
هي نتأكدة انو م كان عارف انها شايفاه..
م وقف؟
يوسف ضحك
-بسم الله مالك؟
لينا عاينت ليه و قبلت
-مالك اتخلعتي كدا؟
لينا ابتسمت لبه
_ولا شيء..
يوسف ضحك
البت دي براءتها بتكسرو كل مرة..
_جيت بسرعة..
-امم..الصف كان طويل و كان ف كم بت لايقوات قدامي جو يتكلمو ف اخدت دورهم ف النهاية..
لينا م قدرت م تبتسم..
م عارفة بس فكرة انو كانت متوقعان يعمل شيء و عمل شيء مختلف تماما عشانها فرحتها شديد..

◇◇◇◇◇◇◇◇◇◇◇◇◇◇◇◇◇◇◇◇

ريفان مرقت من المحاضرة هي و معاها نون..
ديك الريدي سبقوهم للكافتيريا..
مشو و جو كلهم مع بعض..
اكلو و اتكلمو و اتونسو تمام التمام..
ريفان م لمحت حازم ولا مرة..
امكن م شغال الليلة..
و ناطي ساي..
او خاف و قرر م يجي من كليتو..
ريفان طلعت نفس طويل..
ةداساسا غلطانة هي الاتوقعت شي..
دملو اخر محاضرة ليهم و لقوها الغيت..
غدقررو يقعدو جوا القاعة و م يمرقو..
اتناقشو كويس ف المشروع و الدرجات..
حتي كانو شايلين هم المتحانات رغم انها بعيدة..
لكن برضو امتحانات نهاية السنة..
ريفان طلعت نفس طويل..
تلقاها وين ولا من وين..
كانو بتناقشو لحدي م ابو نون اتصل عليهم..
جاها بدري لانوورتو انو المماضرة لقوها..
وابل كانت بتطلع ف حاجاتها و بتلم فيهم..
ف النهاية مرت هي و نون و ريفان و لينا مشو يقدموهمو يرجعو البيت زاتو..
قدموهم لحدي قدام الكلية..
لكن لينا لمحت يوسف و مشت ليه..
شرت صحباتها تاني..
ريفان صحكت و كانت ماشة تقدمهم..
لكن الاتنين رفضو تحت فهم النرا الفاتت حصل شنو و انتي قدمتينا براك..
رغم انو ورتهم انو المكان نهار و لسا م ف شيء..
بس ديك اصروا..
ف النهاية رجعت ل لينا..
عاينت ليها و قبلت عشان تدخل..
لكن صوت يوسف خلاها تلتفت عليه..
=ماشة ع حازم؟
ريفان عاينت ليه ب استغراب..
هه..
هو بالله حازم قاعد؟
_قاعد هو؟
يوسف ضحك..
ب ورا قاعد..
مكان العريشة..
ريفان تنت راسها بالجمبة..
م كانت عاوزة تمشي..
مزاجنا قفل منو..
بس عاينت ل لينا..
و ملامح وشها اوكت ليها انو هي ناوية تطول الوقفة مع يوسف..
ف ف ي النهاية طلعت نفس طويل و دخلت الكلية..
م حتمشي ليه..
حتمشي تقعد ف الاستراحة بس..
اول م دخلت..
لمحتو قاعد ف الكنب القدام..
هه..
موش قال قاعد ب ورا؟
ريفان عاينت ليه..
كان الريدي بعاين ليه و مركز معاها..
تحسي انو مركز معانا من قبيل..
هي داخلة و مارقة و ما لمحتو بس..
و هي بتفكر حسي..
الولد دا ما لاقاها زول بكون مركز مع زول تاني بدون م ينتبه زي م هو صدف معاها..
دايما لمن يركز معاها م بتنتبه الا بعد فترة..
حاجة غريبة جدا والله..
ريفان مشت عليه براحة..
حست بيه منتظرها..
و كأنو عندو كلام عاوز يقولو..
ريفان قعدت قدامو و ختت شنطتها جمبها..
حازم عاين ليها و لا اتكلم..
-اها..
حازم تني راسو بالجمبة..
_شنو ال اها؟
ريفان استغربت..
التقول هدوءو اضاعف مليون مرة..
بسم الله..
الولد دا مالو؟
حازم عاين ليها و ابتسم..
-اولا ان-
حازم قاطعها ليك ف الكلام..
_انتي عاوزة تسألي اسئلة كتيرة..
ريفان سكتت و عاينت ليه..
_و عارفة اني م حارد ليهم كلهم..
ريفان لفت عيونها..
_وكلامك صح..م تاوز ارد عليهم..
-انت مفروض ترد..
_طيب عايني..انا برضو عاوز اسأل كم سؤال..
حواحبين ريفان اتلاقو..
م كانت فاهمة النقاش دا ماشي ع وين..
_ف عشان كدا عندي فكرة..
ريفان عاينت ليه ب استغراب زيادة..
_ انا اسألك سؤال..مهما كان..تر

دي..لازم تردي..م تردي ب سؤال..لا ايجابة السؤال..م تستغربي السؤال جا من وين او تقولي م عاوزة تجاوبي..و نفس الشيء بنطبق علي..
حواجبينها اتلاقو..
عاوزها تدخل ف ركن صراحة معاه؟
-ليه؟
حازم ابتسم
_بوريك ليه بعد م ننتهي..
-و حننتهي كيف..
حازم صحك
_انا ممكن اقعد ل بكرة..بس انتي لمن تحسي انو خلاف اكتفيتي ممكن نوقف..
-يعني تسأليني اي سؤال و ارد و انت ترد مهما كان السؤال..
حازم هزا راسو..
_اهم حاجة م تسألي انا جبت السؤال او عرفت كيف و انا نفس الشي..
ريفان استغربت..
الولد دا ب وراه مغزة..
عاوز يسوي شي..
يتوصل ل شيء..
يفهم شيء..
يطلع منها شيء..
ولقي ليه طريقة..
الموضزع خطير..
لكن حيساعدها تفهم الحاصل..
و ف نفس الوقت..
نفسها تعرف هو عاوز يصل ل شنو؟
الولد دا بعرف عنها شنو..
-اوك مواقفة..
حازم ابتسم ابتسامة انتصار..
و حست بيه ياداب عاوز يبدأ بالجد..
ريفان عاينت ليه..
عادة هي بتندم بعد كم ثانية من القرار البتاخذو..
لكن المرا دي ندمت ف اللحظة الاخذتو فيه..
#يتبع..

#جميلة_متهورة_و_الوحش_الصامت_17

"Ppl need to learn how to love for ppl what they love for themselves and hate fo them what they hate for themselves..
Without that the world will still be so cruel💔..!"

_ابدي انتي..
ريفان عاينت ليه..
حواجبينها اتلاقو..
امكن خايف تقوم تجري؟..
عشان كدا عاوزاها تبدأ اولا؟..
ريفان بللت شفتيها..
تسألو شنو اولا؟
ريفان كانت بتجهز ف روحها..
اهم حاجة م تتخلعي..
تواصلي ف الكلام مهما كان..
حاولي اخفي صدمتك..
و ما تخلي لسانك يقيف..
الواحدة بالواحدة..
حاولي طلعي منو معلومات قدر الامكان..
لاازم لااازم لاازم..
ريفان كامت بتوصي ف روحها كدا..
انتهبت انو حازم رفع لبها حواجبينو..
طوالي انتبهت انها كانت ساكتة ل وقت طويل..
و م قالت شي..
ريفان استعدلت ف قعدتها..
-انت بتعرفني من وين؟
حازم ضحك..
اتوقعها تسأل سؤال تاني..
_من الجامعة..
الاحباط ظهر ف وش ريفان..
-انت عارف دي م الايجابة العاوزاها..
حازم ابتسم..
_دي ايجابة كافية..
ريفان عاينت ليه..
-اها..
حازم عاين ليها..
_امك و ابوك ليه اطلقو..
ريفان بلعت ع ريقها..
حست ب شوية وجع..
لكن اعتقد كانت متوقعة..
حازم كان ف وشو ف برود م طبيعي..
كيف يسألها سؤال شخصي كدا؟
ريفان ضحكت..
-مفروض اعرف؟دي مشاكل بينهم..
حازم ابتسم ابتسامة بالجمة غاظتها بشكل..
_لكن ليه شكلك عارفة؟
ريفان عاينت ليه..
-اطلقو بسببي..لانو انا م كان مفروض ادخل معمار لانو ابوي م عاجبو و صرفو كتير و بقول م بستاهل لاني حاجي اقعد مع راجلي ف البيت ساي..و امي اصرت اني ادخل الحاجة العاوزاها..و بعد م دخلت عملت مشاكل داخلية و انفصلو..
حازم عاين ليها..
هو كان عارف الكلام دا حيجرحها..
بس برضو..
بما انها حتطلع منو الكلام ليه م يفهم هو زاتو..
بعدين هو عاوز يصل ل شيء..
-من متين انت بتعرفني..
حازم رفع راسو عاين ليها..
_حددي سؤالك..
ريفان عاينت ليه ب برود
-انت فاهم انا قصدي شنو..
حازم ابتسم..
النظرات مناسباها جدا..
_تقريبا سنتين؟من م دخلتي الجامعة تقريبا و انا بعرفك..اسمك..بتقري وين..جيتي من وين و كلو..
ريفان عاينت ليه..
معقولة بعرفها من يوسف؟
يوسف م بعرف عنها حاجات طتيرة زاتو..
اعتقد اسمها م بعرف يكتبو كيف..
ريفان متأكدة لينا م بتقول ليه شي عنها..
ولا هو بكون عاوز يسمع لانو م بطيقيها..
-كيف؟
_دوري..
ريفان عاينت ليه..
بسم الله اها حيسأل شنو تاني؟
_انتي اتولدتي ف بريطانيا؟
ريفان هزت ب راسها ب معني لا
-انا و اختي الكبيرة مولودين هنا و باقي اخواني مولودين هناك..
حازم هزا راسو..
حازم بعرف محمد خالها من م هو فتح عينو تقريبا للدنيا دي..
رغم انو م لاقاه كتير و الا بعد الحادثة..
لكن ابوبكر دايما بتكلم عنو..
من كلامها دا معناتا هي م اتولدت هناك و جات بعد م محمد صاحب ابوبكر..
ريفان عاينت ليه..
دورها تسأل..
-بتعرفني كيف؟
حواجبين حازم اتلاقو..
السؤال دا عندو ايجابات متعددة..
_حددي اكتر..
ريفان ضحكت..
م عاوز يتكلم زي الناس؟
طيب تمام..
-واضح عليك انك بتعرفني كويس..حتي انك حافظني..انتبهت ليك انا..سو انت بتعرف الحاجات دي طيف و انا بعرفك لي كم يوم و انت بتعرفني ليك سنتين..
حازم ابتسم..
اليوريها..
هو جزء نفسو يعرف هي ردة فعلها حتكون شنو لمن يتكلم..
بلل شفايفو قبل م يتكلم
_اول مرة انتبه ليك بعد م يوسف وراني البت الكان بتكلم معاها ف النت و ربط معاها لمن كنا ماشين ف اول يوم نزلتو فيه..
ريفان عاينت ليه..
_انتبهت ليك ف نفس نهاية اليوم داك و انتي مارقة ع المواصلات..اتشكلتي مع واحد من الجامعة..كان هايج و انتي بتحاولي تحافظي ع هدوءك..كان بتحاولي تظهري انك باردة و م هاميك..م قلتي شيء و بس مشيتي..لكن لمن قبلتي كان دمعتي و بكييت كويس و تاني ركبتي..
ريفان رفعت حواجبيها..
_تاني يوسف ذكرك كم مرة و انتي كيف بتحمري ليه و انو م عاجبك و كدا..ف كنت بضحك لانك انتي بتتقاوي ع كل الحوليك..
يعني يوسف ذكرو كم مرة ليه..
ع الاقل اتأكدت انو الحمار دا بخاف منها..
_وتاني م انتبهت ليك الا بعد فترة..كنت قاعد ف القاعة بعد م يوسف مرق خلاني ف كليتكم و انتي جيتي بالشباك..كان بتحاولي تمنعي ف الدموع..تضحكي شوية شوية و الدموع ف عيونك..شوية كدا و مشيتي..
ريفان رفعت حواجبيها..
اوكي..
الحاجة دي م مخيفة نهائي..
_اعتقد و انا بفكر حسي..حتي عرفت انو انتي نفس الزول..بس..كدا..
ريفان عاينت ليه و الاستفهام ف وشها ظاهر..
بس كدا؟
كيف يعني بس كدا؟
_بقيت بنتبه ليك يوميا..و من كدا بقيت بعرف تصرفاتك..انتي عندك حساسية من شنو..انك م بتحبي شنو و بتحبي شنو..بتتكلمي مع الناس كيف و ع حسب..انك انسانة بتحفي كل شيء ب ضحكتها لانك عارفة انو ضحكتك بريئة بتقدر تغش الناس..
واو..
مرات بقول كلام غياظ بولع النار جواها ف ملي ثانية..
-كيف بتغش الناس؟
حازم ضحك..
_عرفت برضو ف شنو اقول عشان انرفزك..
ريفان استغربت..
امكن عشان كدا هي كانت قايلاه زيها..
هو م زيها..
نهائي..
لكن بس حافظها..
_حافظك او بقدر اقراك الاتنين

زي بعد بالنسبة لي..
-واو..
حازم ضحك..
_دوري؟
ريفان عاينت ليه و هزت راسها..
_have you been raped or almost raped before?
(هل تم اغتصابك او م يقارب اغتصابك قبل كدا؟)
لمن الجملة دي مرقت من خشمو..
ف نفس اللحظة كل شيء من وش ريفان اختفي..
حست ب انو كبو فيها موية باردة..
والله قلبها دا بقي يضرب ب شكل..
حازم فهم كل شيء من تعبير وشها..
_سو يس؟..اغتصابك؟
ريفان كانت بس بتعاين ليه..
حازم رفع ليها حواجبينو..
-انت-..
ريفان زاتها م عرفت تقول ليه شنو..
دا دا..
دا تقول ليه شنو؟
-ليه؟
حازم طوالي ردا ليها
_ردي لي اولا..
ريفان اخدت ثواني عشان ترد..
دا تقول ليه شنو حسي؟
م حصل وؤت زول ف حياتها..
ولا نفس..
ولا شيء طاير..
م حصل اتكلمت عن الموضوع ف حياتها..
م مرق من عقلها..
هو..
هو كيف؟!؟!؟..
ريفان اخدت كم ثانية تاني..
تقول ليه شنو؟؟
ترد ب شنو..
م حصل ورت زول..
تجي توريه هو؟؟
حازم لمن لقاها ساكتة ل وقت طويل..
طوالي فهمها..
اعتقد السؤال كان مباشر زيادة عن اللزوم..
ريفان عاينت..
بعد مرور كم ثواني ممكن يكونو دقايف حتي ريفان قدرت تهدي..
بعد نقاشات طويلة مع روحها كتي قررت تتكلم..
حسي حاليا بقي كل همها تعرف هو جاب الكلام دا من وين..
-not rape..
حازم عاين ليها..
هه...
كان حيقول ليها م الا تردي اذا متحسسة شديد كدا..
اساسا عرف الكان عاوز يعرفو..
بما اتكلمت..
مافي ضرر يسمع..
-تحرش جنسي..
حواجبين حازم اتلاقو..
شكلو حصل ليها هناك ف بريطانيا..
-لمن كنت ف الاساس..خالتي كانت شغالة ف مدرسة..ف امي قررت تنقلني ليها لانها بتعرف معظم الاساتذة هناك..
حازم عاين ليها..
كلامها م طمنو..
حسي ب غرابة..
ماشة ب كلامها وين..
-ف قبل م تنقلني كانو عاملين احتفال ب نهاية السنة..و مشيت مع خالتي ساعدتها ف الشغل..ف جا استاذ رياضيات..كان قرا ف نفس الجامعة مع امي..صاحبها شديد و عن طريقها هو العين خالتي ف المدرسة..ف جا سلم علينا..و مشي..
حازم عاين ليها..
كلامها اصلو م عاجبو..
نهائي م اتوقع انو يكون عندها جزء مؤلم كدا ف حياتها..
ريفان طلعت نفس طويل..
بما انها اساسا حتحكي..
خليها تقول كل شيء مرة واحدة..
مسكت يدينها عليها مت بعض لانها بدت ترجف..
حازم عاين لي يدينها و رجع عاين ل وشها..
-ف خالتي اتكلمت معاه عني و اني شاطرة ف الرياضيات كيف و اتباهت بي قدامو..و هم مقسمين يكون ف فقرات كل فقرة ب مادة..
حازم كان مركز معاها..
-ف قام قال ل خالتي الا اجي اساعدو ف فقرتو..و انا م صدقت..بحب الرياضيات شديد اساسا انا..ف قمت مشيت معاه..
ريفان بدون م تنتبه الدمعة طق وقعت من عينها..
حتي هي م حست بيهم يتكومو بسرعة كدا كيف..
حازم كان بس بعاين ليها..
اول م الدمعة نزلت وهي مسحتها طوالي..
ملامح وشو اتغيرت كليا..
ل اول مرة تحسي ب انو ف شي ف وشو..
شي م مفهوم لكن المهم شعور..
شفقة..تعاطف..
حاجة كدا م مفهومة لكن المهم حاجة حسي بيها جواه من كلامها..
م كان متوقع ف حاجة زي دي ف حياتها..
-ف لمن مشيت..اتناقشنا مع بعض عن حبي للرياضيات و كيف انا شاطرة لاني بعرف انجليزي و قريت برا..اتكيفت منو شديد..فااا..
سكت شوية و بلعت ع ريقها قبل م تتم..
حسي دي تقولها كيف؟
-ف في نص حديثو وراني انو ف كتب رياضيات بالانجليزي فوق و انو حيوريني ليها بعد الفقرة..ف الفقرة انتهت و رجعت ل خالتي..ف لمن خالتي قامت هو جا ناداني للكتب..و مشيت معاه..
ريفان ضحكت ضحكة استهتار مليانة ب كراهية و الم ف نفس الوقت..
كان ظاهر عليها ف تغابير وشها..
-ف انا م كنت عارفة انو فوق بسا مهجور م بكون فيه شيء يتتنفس..
واي انا..
لاا..
لااا..
لااا..
حازم ف اللحظة ديك حسي ف شي يوجعو جواه..
بالجد كان حاسي بالحزن اتجاهها..
ي ريتو م سأل..
شكلها متحسسة من الوضع شديد..
-ف لمن ركبنا..دخلت ب وراه فصل..اتصدمت لانو الفصل كان فاضي..كان ف كم كلمات مكتوبة ف السبورة بالانجليزي..كلمات عشوائية..اسماء بلدان..ارقام..عشوائي..فلمن عاينت ليهم هو وقف واري و قال لي اقري لي الكلمات المكتوبة ف السبورة اولا..
حازم كان شايف كنية الالم الفيها و هي بتحكي..
رغم انها م دمعت تاني..
بس برضو..
-فاااا..المهم..
ريفان دخلت نفس و مرقتو..
دا حسي تقولو كيف؟
-تم التحرش بي..و انا خفت لمن قام يهبشني..كنت بقول ف الكلمات و حسيت بيه و م عرفت اسوي شنو لاني جمدت و خفت..لمن جيت اتحرك ثبت لي يدي و حماني..
حازم م قادر يتخيل زاتو..
كان عمرها كم و هي حصل معاها كدا؟؟
-كان نفسي اصررخ..بس بعد م كان ف زول حيسمعني..و كانت حتنرفزو..ف سكتت بس ل ثواني..ثبتت ف مكاني و بعد كم ثانية قبلت و لزيتو مني ب كل قوتي و كوالي جريت ع السلم..
ريفان ضحكت و هي تبرخي راسها ف يدها..
-كنت متوقعاه يجي ب وراي..ف عشان كدا اسرعت..بس هو نهائي م نزل وراي و مسكني..لا بالعكس بقي ماشي بعيد مني ب شوية..كنت مستغربة ليه م حاول يجبرني ف اللحظة ديك بس بعد م وعيت فهمت ياداب..
حازم عاين لبها..
الموضوع واجعها الوقت دا كلو..
-فهمت انو لو كان عمل كدا انا كنت حاصرخ و

ف احتمالية زول يسمع..و هو م كان عاوز يخاطر بحياتو..
حازم بلل شفايفو..
بالجد ندم لانو سألها..
-ف كان ماشي جمبي لحدي م وصلني ل خالتي..و خالتي اول م عاينت لينا سألتني مشيتو وين؟..هه..هو عمل روحو م سمع..و قبل يتكلم مع ظول جمبو..ف لمن عاينت لي قلت ليها مشينا نشوف كتب فوق و ما لقينا..خالتي عاينت لي كيف كيف..م فهمت ف البداية..لكن برضو انتبهت بعد فترة انو هي امكن عاينت لي كدا لانها عارفة انو مافي كتب فوق و انو انا كذابة..بس هي م سألتني تاني..
حازم عاين ليها اول م سكتت..
-و بس..كدا..دا الحصل..
رفعت راسها و عاينت ليه..
حازم رمش..
دورها هي..
-دوري..
حازم عاين ليها..
اها..
-عرفت من وين؟
حازم رمش..
-هه..و انا بفكر..الموضوع دا حصل مرق من خشمي..ولا مرة..ولا حتي ل شيء بتنفس..ف عاوزة اعرف عرفت كيف؟..الوراك منو؟
شوية كدا و تعابيرو العادية رجعت تاني..
_م وراني زول..انتبهت براي..
حواجبين ريفان اتلاقو..
دي م اجابة..
حازم دمل نفس طويل و طلعو..
لازم يشرح عشان هي م تجن..
_لمن الاولاد جو يمسكوك يوم داك..و انتي قعدتي تبكي..عرفت انو دا حصل..
-يعني لمن ابكي بثبت انو دا حصل؟
دا شنو التخلف دا؟؟
متوقعها تصدقو..
حازم بلل شفايفو..
_شوفي..انا قضيت سنتين من حياتي براقبك..
ريفان عاينت ليه..
_و انا بفكر حسي..انتي بتكوني بعيدة جدا و خالة مسافة بيك و بين الاولاد.ي الخلتني اقتنع زيادة..من مراقبتي ليك انتبهت انك عندك اعراض مرض اسمو smiling depression..
حواجبينها اتلاقو..
ليه حاسة انو دا تأثير ابوبكر عليه؟
_لمن تكوني عاوزة تبكي و تمنعي دموعك و تضحكي دي بتحصل ليك لا اراديا..اعتقد انو انتي نفسسك تبكي..بس م قادرة..لا اراديا الدموع بترجع..ولا اراديا بتضحكي..و بتتألمي زيادة و بتحسي روحك مخنوقنة دا البحصل ليك..
ريفان بلعت ريقها..
يعني م بقدر اوصف شعورها زاتو و هي حسي بتسمع فيه و هو يسمع فيها و يقراها ز كأنا نشيد..
_ف لمن يكون عندك الشيء دا..و بزات ف حالتك..البكى الماقادرة عليه دا..م بجي الا ف حالات الصدمة..لمن يكون عندك صدمة او ذكري سابقة..الدماغ لا اراديا بزكرك ليها و بتكبي..خوفا من انها تحصل تاني بزات لو كانت مؤلمة..
ريفان عاينت ليه..
كلامو م مفهوم و مفهوم و منطقي ب طريقة كدا م طبيعية..
والله الولد حيرها ب شكل..
_ف لمن انتبهت انك بكيتي..و قدرتي تبكي تاني لمن حكيت ليك عن الحصل ف حياتي..عرفت انو ف شي ف النص..
ريفان عاينت ليه..
حازم بلل شفايفو و سكت كم ثانية و تاني عاين ليها..
_دورك..
ريفان عاينت ليه..
-ليه م حاولت تدخل حياتي او تتكلم معاي لمن كنا هناك و اتجنبتني؟
حازم ضحك
_سؤالين..لكن ايجابتهم واحدة..
ريفان رمشت لانها م فهمت..
_مافي سبب..م في سبب محدد..مافي شي جابرني كان ادخل..بالنسبة لي انتي كنتي انسنة براقبها من بعيد و حفظتها حفظ..ايام اتلاقينا ف بريطانيا و لقيتك ف وشي اتخلعت..لانو كنت ف الفترة ديك كرهت حياتي لانك كنت حرفيا داخلة ف كل شيء فيها..
ريفان عاينت ليه..
شوفي الحقير..
التقول كانت جابراه يركز معاها
_و مافي شيء كان جابرني اركز معاك..ف انا معاق و انتي عارفة الحاجة دي..ف م تركزي كتير في ليه لانو مافي سبب..انتي براك الدخلتيني حياتك لمن اتنبهتي للشبه البيني وبين ناس نيفين..م اكتر..
ريفان عاينت ليه..
_م كنت فاهم انتي ليه بتعاني من المرض دا الا حسي..
ريفان ضحكت..
-و انت الخليك متأكد انو عندي شنو؟
حازم ابتسم و رفع اكاتفينو..
-العالم دا كلو بعاني من امراض نفسية م انا براي..
حازم ضحك..
_دوري..
ريفان عاينت ليه...
اها تاني عاوز يعرف شنو؟
_انتي ليه بتكتبي و اشتهرتي تحت اسم autumn tears؟
ريفان رفعت حواحبينها..
يعني الولد بقي زاتورم بخلعها..
حتي دي عارفها عنها..
وبعلي سجمي..
ريفان ضحكت..
-ي ولد انت بتخوف فيني كيف تعرف الحاجات دي كلها عني..
حازم رمش و لا حصل شيء ل تغابير وشو
-م عاوزة اشتهر و اكون معروفة بين الناس..عشان م يتكلمو عني..م يحكمو علي..م اكون حديث الناس و الردظ حقهم..م تبقي حاجاتي الشخصية هي الحديث الاول..م يكون ف زول راكب واصلات مع صحبو يكونو بتناقشو ليه امي و ابوي اطلقو..او يطلع الكلام التقلو ليك دا قبل شوية و الدنيا تعرف..عشان م ابقي ضحية من ضحايا المجتمع..اقدر اعيش حياتي ب سلام و بدون م يعرفني زول..بدون م يكون ف زول مركز معاي و بعرف عيوبي و يحفظني و يعرف الجوانب السيئة عني..
ريفان ضحكت..
و هي بتقول دا حسي..
كلو حصل..
مع زول واحد بس لكن حصل..
-لكن اعتقد م في فايدة لانو ف النهاية طلع ف زول حرفيا حافظ كل شيء..
قالت جملتها دي و هي بتأشر ع حازم..
عاين ليها و قبل..
دورها..
-دوري..
حازم عاين ليها عشان يسمع سؤالها..
-انت قلت انك صحيت و بقيت بتتعافي ل مدة سنة تقريبا و عمك شالك ل مدة سنة و بعد م اختك صحت بعد مرور تلاتة سنين طالبت يجيبوك و مشيت..
حاز معاين ليها و اتوتر..
قلبو بدي يضرب بسرعة..
-انتبهت انو ف سنة ناقصة ف النص..الفترة م بين سنة عمك و لمن اختك صحت ف سنة كاامل

ة..حصل فيها شنو و مشيت فيها وين؟
حازم كان بعاين ليها و سكت..
رغم انو محافظ ع برودو..
بس برضو..
انتبهت كيف هي؟
كيف انتبهت و اتزكرت انو ف سنة ف النص ضايعة..
-حصل ليك شنو ف السنة دي؟
حازم بلل شفايفو و ردا ليها
_كنت ف ميتم..
حواجبينها اتلاقو..
ميتم؟
كيف يعني ميتم..
-الميتم البمشو ليه الشفع لمن اهلهم يتوفو؟؟
حازم هزا راسو بمعني ااي..
-عمك اتوفي؟
حازم هزا راسو ب معني لا..
اتوفي؟
ي ريت..
الحيوان المابشر دا ي ريتو يتوفي و يريحو..
بس حي يرزق..
-كيف م فهمت..حصل شنو؟
حازم عاين ليها..
_دوري..
ريفان سكتت..
حازم عاين ليها مسافة و تاني سألها..
_will you be my girlfriend?
السؤال لمن مرق من خشمو حواجبيها اتلاقو..
-اا؟؟
حازم كرر ليها السؤال..
وات؟؟
للتو سألها و كلب منها تكون حبيبتو؟
ليه؟
بسم الله..
سمعتو صاح؟
لا هي سمعتو صاح؟
بس م قادرة تفهم هو سألها لي..
ريفان سكتت مساقة وهي بتعاين ليه..
هه..
لو هي م بتعرفو كانت بتقول بهظر..
بس لا حازم النوع البهظر..
ولا دي ملامح وش حقت هظار..
كان ف اتم جديتو..
-انت جادي؟
حازم هزا راسو..
-لي؟
_ردي ع سؤالي اولا..
ريفان عاينت ليه..
مفروض تقول لا اكيد..
بس فتحت خشمها و قالت العكس تماما
-اوكي..تمام..
حازم ؤفع حواجبينو..
م اتوقعها حتواقف..
_انا جادي..
ريفان صحكت
-حتي انا..
هي مفروض ترفض..
بس عاوزة تفهمو الولد دا..
نفسها تفهمو..
والله عندها فضول اتجاهو م طبيعي و زاد زيادة حسي دي..
-لكن ليه؟..ليه طلبت مني؟
حازم بلل شفايفو و طوالي ردا
_i like you but I dont love you..
(انا معجب بيك بس م بحبك)
ريفان رمشت مرتين..
حواجبينها اتلاقو و الاستفهام مرسوم ب وضوح ف وشها..
-اا؟
_اعتقد بعد مرور سنتين حتي اكتشفت انك عاجباني..او امكن لانو ياداب احتكيت بيك و بقيت بتكلم معاك..عجبتيني زيادة..
هه..
ريفان م قادرة تق اضنينها..
هو بقول ف الكلام دا حسي..
_بعدين عندي فضول اتجاهك..رفم اني احفظك بس بالزات القعدة دي اثبتت اني م بعرفك..ف نفسك اعرفك زيادة..اتعرف عليك من قريب لاني حفظتك حفظ من بعيد..
ريفان رمشت مرتين
-م عارفة اقول شنو..
حازم ضحك
_بما انك واقفتي م الا تقولي حاجة
قال الجملة دي و هو بقيف علي حيلو..
ريفان عاينت ليه
-خلاص؟المناقشة انتهت..
حازم ضحك و هزا راسو..
_وافقي علي العاوزو ف مافي داعي نتمها..
-انت موش قلت انو انا الحاقول متين تنتهي؟
_اسحب كلامي..
عاين ل ساعتو و هو بكمل ف حديثو
_اضافة ل دا عندي محاضرة بدت ليها نص ساعة عاوز اشوف اذا بقدر اتمها او لا..
ريفان عاينت ليه..
حازم قبل و قال ليها _اوعا تنسي انك واقفي.. وطوالي قبل و مشي..
ريفان عاينت ليه لحدي م مرق من الكلية و مسحت وشها..
اخخخ..
دخلت نفسها ف شنو المرة دي ب مشوبراتها دي..

◇◇◇◇◇◇◇◇◇◇◇◇◇◇◇◇◇◇◇◇

لينا مرقت من الكافتيريا هي و يوسف..
يوسف اصر انها ترجع معاه لانو عاوز ليه بارد يشربو..
اول م مرق عاين للساعة..
=عندي محاضرة..مفروض امشي..
-طيب ارح بسرعة..ماشة اشوف ريفان اساسا عشان نرجع البيت..
طوالي اتحركو بسرعة ع الكلية..
يوسف سبقها و دخل مشي لحق المحاضرة القربت تنتهي و هو بتصايع دي..
و لينا وقفت تفتش ف ريفان..
لاقاها علي و جا سلم عليها..
=لينا..
-اا..
=محاضرات الاسبوع الفات حقت دكتور عبدالله عندك؟
لينا صحكت
-هو بالله هي بتكون موجودة عند زول؟
علي ضحك
=شيت ياخ..انا محاتجها..
-صدقني شوف ليك زول يشرح ليك لانو مافي زول يتجرأ يسجل لبه محاضرة بعد المشكلة الكصلت المرا الفاتت..
علي ضحك
=ولا حتي تحت تحت؟
-والله انا م عارفة..اسأل انت لكن بس م ترفع امالك..
علي ضحك و حكي راسو
=دي مشكلة والله
-عاوزهم كلهم
=لا بس حقت الاسيوع الفات و القبليه..
-انت دكيت ولا شنو؟
علي ضحك
=كان عندنا عرس ف الاسبوع الاول و وفاة ف الاسبوع التاني..
لينا رفعت حواجبيها و شبه م مصدقة..
-هه..بسم الله ي راجل..
علي ضحك
=بس بالظبط..
-بسم الله..ف نفس اليوم؟
علي ضحك
=والله الاسبوع الاول عرس واحد من بنات عمي..و الاسبوع التاني ف نفس اليوم اتوفي ولد عم ابوي..
-واي انا من نفس الجهة..
علي هزا راسو
=اممم..كانت حاجة كدا صادمة..يعني هو اصغر اخوانو ف والله ابوي جاتو ذبحة قربت تقتلو الحمدلله..
-واي سلامتو..
=الله يسلمك
-حسي كيف؟
=والله لسا راقد لكن شايفو بقي يتكلم و يتحرك احسن..
-واي انا ربنا يصبركم..
=اميين..
لينا سكتت و عاينت ليه
=طيب ممكن تسألي لي..ناس ريفان و وابل صحباتك الاسماءهم حلوات ديل..
لينا صحكت شديد
-بسأل و بشوف و بشول السناير برضو امكن عندهم ف فلاشاتهم القديمة قبل م يتعقدو..
علي اتحرك و قبل عليها
=بتكوني م قصرتي تسلمي..
لينا ابتسمت ليه
-ولو..
=انت بتفتشي ف ريفان اعتقد؟
لينا هزت راسها و ضحكت
علي اشر ليها علي الاستراحة
=دخلت الاستراحة..سلمت عليها قبل شوية..
لينا صحكت
-تسلم الله يخليك..
=يلا..
-يلا..
ابتسم و طوالي قبل..
لينا قبلت و مشت..
علي دا ظريف خلاص..
شخصيتو عاجابها جدا والله..
بزات وقفتو معاها يوم داك..
لينا مشت علي

الاستراحة و فتشت ريفان..
لقتها بتربط ف طرحتها..
شكلها صلت و انتهت..
قامت و شالت شنطتها و مرقت ليها..
-نمشي؟
ريفان هزت ليها راسها..
و طوالي مرقو اتكركو علي البيت..
-اها اتكلمتي مع حازم..
ريفان رفعت راسها و عاينت ليها..
هه..
هي اتكلمت معه بس؟
هي اخذت نقاشات و قرارات لا رجوع منها قبل شوية..
_اممم..
-اها و حصل شنو؟
ريفان حكت ليها الحصل..
انو قال انو كان براقبها و بركز معاها و كدا..
-طيب و موضوع الاسورة..
ريفان رمشت مرتين..
شييت!!!..
هي انجرفت و ضاعت ف المحادثة نست تسالو من مووضوع الاسورة..
-م سألتيه؟
وبعليك ي بت..
انتي متخلفة..
دا كان المغزي الاساسي..تدقسي فيه كيف!!
والله والله والله تستاهلي تتكفتي!!
_انجرفت ف الكلام بعد م قال لي كدا..نسيت..
-واي انا تنسي كيف..
_كلامو حيرني..الولد طلع حافظني حفظ..
-والله صدمني لكن..م اتوقعتو يكون كدا..
هه..
انتي اتصدمتي؟؟
طيب هي ست الموضوع حيكون حصل ليها شنو؟؟
-م قال ليك ليه هو كان براقبك كدا؟
_قال اني كنت جاذبة انتباهو..
-هه..والله مشكلة..حافظك كدا بس لانو مركز معاك..
ريفان هزت راسها..
لينا قعدت تضحك
-م قادرة طبعا اتخيل صدمتو لمن شافك قدامو هناك ف بريطانيا..
ريفان ضحكت..
-يحليلو..
_جد والله..
لينا تمت ضحكتها..
و ريفان قررت توريها هي دخلت روحها ف شنو..
_لينا..
-اا..
_طلب من اكون هيز قيرل فريند..
لينا وقفت ف مكانها و قبلت عليها؟
-ا؟
_باهو السمعتيه..
لينا عاينت ليها ب استغراب و عدم فهم و كلو..
ريفان ضحكت و هزت راسها
_حرفيا كدا..
-فجأة؟من العدم؟
_اممم..
-ليه؟
_قال هو معجب بي لكن م بحبني..
لينا رفعت ليها حواجبينها
-قال كدا؟
_امم..نفس الجملة..
-واو..
ريفان هزت راسها..
لينا ضحكت..
-م بلومو..
ريفان استغربت..
_كيف يعني..
-الولد براقبك و حافظك حفظ ليه سنتين..اكيد بتكوني اثرتي فضولو..
_قال انو عاوز يتعرف علي من قريب بعد م حفظني من بعيد..
-ويعني الا تربطو عشان يتعرف عليك من قريب؟
لينا رفعت اكاتفينها
_مبعرف قال لاني عاجباه..
لينا صحكت
_م عاوزة تعرفي قلت شنو؟
-كيف؟
_اذا واقفت او لا؟
-موس رفضتي
ريفان ضحكت و هزت راسها ب منعي لا..
لينا دي نططت ليك عيونها
-اا؟
_وافقت..
-ااا؟؟
ريفان ضحكت
_والله واقفت..
-ماجادة..
_جد والله..
-بتبالغي..
ريفان صحكت
لينا ختت يدينها ف راسها و بقت بتقول شييت و اوميقاد و دخلت ف حالة صدمة و كل شوية تمشي و تجي تسالها و تقول نفس الكلام و ريفان تضحك بس..
بعد م هدت شوية و سكتت مسافة..
تاني قررت تتكلم
-يعني انتي واقفتي تربطي..
ريفان هزت راسها..
-يعني انتي حسي مربطة؟
ريفان رفعت رايها من التلفون و عاينت ليها..
-مع حازم؟
ريفان ضحكت
_لمن تقوليها كدا بتخوفيني..
-دي الحقيقة لكن!!..
_اممم..لكن برضو..بحس روحي عملت شيء غلط..
لينا ضحكت
-خلينا من غلط ولا لا..انتي ملاحظة معاي انك حسي مربطة؟
_امم..
-ملاحظة خطورة الوضع؟؟
ريفان هزت راسها..
_لو كان ولد غير حازم كان بالجد بكون خطير..بس ب برودو وهدوءو و شخصيتو دي..اشك انو الوضع يكون خطير..
لينا هوت راسها..
-جد..
جد والله..
كلامها صح..
_بالعكس..هو انا وافقت لانو دا حازم..اعتقد الموضوع حيكون مختلف و حلو جدا معاه..
لينا ضحكت
-اووه..يعني انتي معترفة انو مكسرك؟
ريفان صككت
_عليك الله الولد شايفاه سمح كيف؟دا بكسر اي زول..
لينا صحكت
-م اتعرفنا..
_ولا انا..حتي انا مستغربة..
-الليلة دا موضوع خطيير..نون و وابل حيموتو..
ريفان ضحكت
_اعتقد نون حتفرح جدا..
لينا هزت راسها ب حماس
-صااحح؟؟حتي انا قلت كدا..يوم داك و انتو بتنكدو مع نشوة..
شوية كدا و لينا سكتت..
-نشوة..
ريفان عاينت ليها..
_صحي البت دي قصتها شنو؟
-واي الليلة بتموت..
حواجبين ريفان اتلاقو.
م فهمت..
-الليلة سجممك..حتاكلك اكل..
_ليه ف سنو؟
-نشوة دي بت عم يوسف..بتعرف حازم و مصاحباه زي يوسف..
ريفان هزت راسها..
-كلامها بتاع انو ناس قليلين ف حياتو و كدا و اهتمام و كدا..صاح..هي احد الناس القلائل ديل..
ريفان عاينت ليها..
-بعدين ع حسب علمي البت بتحبو و مكسرة فيه من زمان..
_وييي..
-يب..ف انتب حتكوني ف خطر..
ريفان عاينت..
عشان كدا هي بتتصرف كدا..
دا كلو ردة فعل غيرة و خوف ع روحها..
واي انا..
ريفان حست بالذنب..
لانها كانت شاماها ولانها حسي واقفت علي كلام حازم
_وايت..و حازم م عارف؟
لبنا هزت راسها
-م بعرف..م اعتقد لكن..لانو خاتيها ف مقام اخت و بتصرف معاها ب كل حب..
ريفان عاينت ليها
-لكن بما انو طلب منك الحاجة دي اشك..م اعتقد عارف ولا انتبه..لانو م بعمل كدا فيها..
ريفان قبلت..
سجمها..
نشوة م حتخليها ف حالها..
-خلي بالك منها..
ريفان بس ابتسمت ليها..
عادة ف مواقف زي دي..
البنات بحلفو ويقولو م حيخلو نشوة تتدخل و حيعاملوها كعب و يكاوها..
بس ريفان..
ريفان حست بالذنب موباالغ..
حست انها سالت حاجة م حقتها..
و اتعاطفت مع نشوة..
و قررت انها تعاملها ب كل طيبة لانو حاسة ب المها..
انو الزول يشيل منك حاجة بكل بساطة كدا..

◇◇◇◇◇◇◇◇◇◇◇◇◇◇◇◇◇◇◇

◇

يوسف و حازم مرقو من الكافتيريا..
الساعة كانت 9 صباحا بس يوسف اصر الا يشرب بارد..
غايتو الولد دا وجع راس بالنسبة ل حازم بس م اكتر..
يوسف و حازم كانو ماشين..
_ربطت مع ريفان..
يوسف عاين ليه..
حواجبينو اتلاقو..
سمعها حاجة و م صدقها..
ف ردا ليهىب كل هدوء
-اا؟
حازم ضحك لانو عرفو م صدق..
_السمعتو؟
-سمعت شنو انا؟
_اني ربطت مع ريفان؟
يوسف وقف ف مكانو و عاين ل حازم..
الصدمة خلتو يقيف و يتحير..
-انا بسمعك بتقول ربطت مع ريفان..
حازم صحك
_ياها هي..
الاستفهام كان مرسووم فوق راسو..
احساس وات؟؟؟؟؟
-هوي انت سامع روحك بتقول ف شنو؟
حازم هزا راسو
_انا بوريك ف الحصل امبارح..
-يوسف كان مصر يعاين ليه ب نظراتو دي..
_ي ولد مالك؟
شوية كدا و الاتنين اتلفتو ع صوت نشوة و هي بتقول
=بالجد مالك؟؟
نشوة جات وقفت جمبهم..
يوسف عاين ليها ورجع عاين ل حازم تاني..
نشوة ضحكت ع المنظر الفي وشو..
=دا مالو دا؟؟
_م بعرف اسأليه..
نشوة قبلت عليه
=ي ولد مالك؟
يويف عاين ليها..
-خليه يقول لبك القالو لي..
نشوة عاينت ل حازم و رجعت عاينت ل يويف تانب
=قال شنو؟
-اسأليه لاني زاتي م فاهم..
نشوة قبلت عليه
=قلت ليه شنو؟
_م قلت ليه شي ولا فتحت خشمي معاه زي الناس زاتو..
لينا:يوسف..
التلاتة اتلفتو ورا يوسف لمن لمحو لينا و ريفان و نون واقفين..
(واي انا دا الناقصهم كمان🤦‍♀️)
لينا وقفت جمب يوسف..
و الولد تعابير وشو لسا مصدومة..
لينا استغربت و عاينت ليهم..
لينا:مالك؟
يوسف قبل ع ريفان
يوسف:جد الكلام البقول فيه دا؟
لمن اشر علي حازم ريفان رفعت راسها و عاينت ليه..
حازم ابتسم ليها..
ريفان رجعت سألتو و عملت رايحة .
ريفان:كلام شنو؟
نشوة عاينت ل ريفان و حازم و يوسف..
نشوة:انت بتسأل ف ريفان لي
؟
يوسف:بسبب الكام القالو لي دا..
نشوة:وهو قال لبك شنو؟
يوسف:قلت ليك انا م مصدق..اسأليه..
حازم كان بشرب ف مويتو..
ريفان انتبهت ليه..
هادي و بارد و بشرب و لا و كأنو مفروض يتكلم او يقول شيء..
اخخ انا..
والله يحير..
جد يحير..
نشوة:حازم ي ولد انت قلت ليه شنو خليتو يدخل ف صدمة زي دي؟
حازم رفع راسو عاين ليهم
حازم:وريتو بس انو انا و ريفان ربطنا..
ع الجملة دي نشوة بقت عاملة زي يوسف و يوسف زاد زيادة..
لينا ضحكت عليه و نون و ريفان يعاينو ساي..
حازم عاين لي ريفان و تني راسو بالجمبة..
حازم:صح ولا لا؟
ريفان هزت راسها و كأنو بسألوها ف ايجابة سؤال ف الرياضيات..
بكل هدوء و استكانة..
يوسف:ااهه..اممممم..اووكي انا حاليا م حصل انصدمت كدا ف حياتي..فاااااا..
لينا ضحكت
لينا:حالتي بس امبارح لمن عرفت..
يوسف:الكلام دا من امبارح؟
حازم ضحك ضحكة استهتار:و مال من الليلة؟و الساعة9 صباحا؟
يوسق نطط عيونو و رمي يدينو ف الهوا:وانت قررت توريني حسي؟
حازم رفع اكاتفينو شوية:اتزكرت حسي ياداب..
ريفان ضحكت..
حرفيا الاتوقعتو..
البساطة و الهدوء و البرود العايش فيها الكائن دا لا تصدق حتي..
يوسف:واااو...بس واااااااوووو..
لينا ضحكت..
لينا:براحة براحة..بعد كم دقيقة الصدمة حتروح و حتقدر تستوعب شوية..
يوسف:لا لا لا..اهدأ؟؟دي صدمة العمر..
كلهم قعدو يضحكو..
ريفان كانت بس بتعاين ل تعابير نشوة..
م كان ف شي..
و شككتها ف كلام لينا حق امبارح..
بس رفعت راسها و قالت ليهم انو عندها محاضرة و طوالي مشت..
حازم هزا ليها راسو و قبل..
ريفان بتراقبهم..
م حصلرشافتو يتعامل معاها..
و ريفان نفسها تعرف الناس القريبين منو شديد ديل بعاملهم كيف بالجد؟
الفضول قاتلها..
يويف انتبه ل نسوة
يوسف:ب مناسبة انو عندي نفس المحاضرة..
كلهم ضحكو و يوسف طوالي اتحرك ع الكلية..
كلهم عاينو ليه لحدي م اختفي..
اول م حازم قبل..
عاين ل ساعتو و شوية قبل..
حازم:و انا عتدي واحدة ف ربع ساعة ف لازم اتحرك برضو..
ريفان هزت ليه راسها..
حازم ابتسم ليها اخر مرة و طوالي قبل و مشي ع كليتو..
لينا:انتي حسي عارفاه بقرا شنو؟
ريفان قبلت عليها
ريفان:كيف يعني؟
لينا:حازم..بقرا ف ياتو كلية؟
ريفان ضحكت:ي بت انتي مجنونة..اكيد عارفة..
لينا:اها شنو؟
ريفان سكتت..
الولد زكرها ليها؟
اعتقد زكرها لكن نست..
سكتت و عاينت ل لينا
لينا:شفتي م عارفة..ربطتي ساي..
نون:والله دي اول مرة تحصل..
ريفان اتزكرت قرايتو الشافتها هناك..و المجسمات ديك..كانت ادوات و الات كعربائية .شرح دقيق ل جو من الالة..
اعتقد ي كهربا ي ميكانيكا..
ريفان:ي بقرا كهربا ي ميكانيكا..
لينا رفعت ليها حواحبينها
لينا:يعني وراك؟
ريفان:ميكانيكا صح؟
لينا و نون ص
ضحكو..
لينا: بعد م شفتيه يدخل ع قاعات ميكانيكا حسي..
كلهم قعدو يصحكو
ريفان:ي زولة انتي مالك؟
نون:والله انتو حتكونو فلم هندي
لينا:ونحنا حنستمتع بالمشاهدة
التلاتة ضحكو وريفان قالت لبهم
ريفان:بطلو الكلام الفارغ دا و اتحركو يلا..
و طوالي مشو ع الكلية..
#يتبع..

(اقعد امعطكم عن الحصل؟؟😂💜💜المهم كلو خير و اسفة ع التاخير..)
+++today is my birthday guys💜💜💜💜💜🌸🌸

#جميلة_متهورة_و_الوحش_الصامت_18

"May the bridges I burn light the way🌸..!"

_يااخ انا م عندي الشيت دا..
لينا ضحكت
-و انا عندي واحد بس..اها نسوي شنو..
_انا اوريك ي فالحة ي شاطرة..اررح نصورو..
لينا ضحكت..
وابل عاينت ل ريفان و قبلت
=والله البت دي بس لمن تسمع شائعة امتحانات سااي بتغلب..
لينا ضحكت شديييد..
-انتي كععببة..ي بت بعد اسبوعين مالك خايفة كدا..
ريفان عاينت ليهم و لفت عيونها
_انا م خايفة..
-هه..قولي والله..
_م خايفة..بس عاوزة الشيت دا عشان اقراه..
=والا تقريه الليلة..
ريفان عاينت ل وابل..
وابل ضحكت
=خلاص خلاص سكتت..
ريفان طلعت نفس طويل..
-من يومك كدا؟
ريفان عاينت ليها
_انا م عارفة بتقولي ف شنو
وابل هزت راسها
=من يومها..تتراجل قدامك كوييس للامتحانات و هي بترجف جوا..
_هووي انتي..
وابل ضحكت
-و امتحنت شهادة كيف؟
=هه..صدقيني انا زاتي م بعرف..
ريفان لفت عيونها..
_ممكن نمشي نطبعو؟
الاتنين ضحكو..
=امشو براكم انا راجعة ل نون..
ريفان عاينت ليها و ابتسمت..
-طيب ارح..
ريفان و لينا اتحركو و وابل رجعت ل نون..
لمن دخلو المكتبة و قفو ف الصف..
ريفان عاينت حوليها..
المكتبة كانت مليااانة طلبة..
بالجد بالجد الخوفة بتدخل ف الزول لمن يقولو امتحانات..
م براها..
الناس يقرو و بطبعو و موبالغة..
ياداب وروهم انو الامتحانات جدولها حينزل و شوفو..
وقفو ف الصف و بعد ثواني بقو واقفين وراهم مليون نفر..
لينا كانت ف تلفونها و ريفان بس بتعاين حوليها..
-عايني..انا نسيت فلاشي مع نون..
_انا عندي مافي مشكلة..عاوزة شنو؟
-عاوزة اشوف لو بقدرو يحولوها لي دوكيومنت للابتوب..
_هههمم..اسألي..
-حازم الليلة وين؟
_قرر يدك محاضرة الليلة الوحيدة و قعد ف البيت..
-فجأة..
ريفان هزت راسها..
_م كنت قايلاه بدك..
-اساسا هو م بدك..لكن اعتقد الايام دي متكاسل جدا..
ريفان ضحكت
_م اعتقد محاضرة مهمة..
لينا هزت ليها راسها..
-علاقتك معاه كيف؟
ريفان عاينت ليها و رفعت حواجبيها..
م فهمت السؤال..
_كيف يعني؟
-يعني بسفهك؟
ريفان ضحكت..
يسفهها..؟؟
هه..
الولد ممكن يلمحهها من بعيد و يجي يسلم عليها او يتناقش معاها نقاش صغير و يرجع..
_ابدا..
لينا لوت ليها خشمها
-الولد دا بارد زيادة عن اللزوم..
_بالعكس..ظريف جدا..و النقاشات معاه ظابطة..م بعرف دافر الناس من حياتو ليه..
-بتتناقشو كتير؟
_ف كل شيء..اساسا انتي عارفاني ممكن اطلع حوار من اقل شيء..
لينا ضحكت
-نضامة اساسا..
ريفان هزت راسها
-غريبة م اخدتو من النوع النضام هو..
ريفان ضحكت
_برد لي ب كلمة او كلمتين..جملة بالاكتر..لكن تاني بكون بسمع فيني و انا بتكلم و بهز راسو بس..
لينا رفعت ليها حواجبينها..
و ريفان هزت ليها راسها..
_ م فاهمة بكون سامع او لا المهم انا م صدقت لقيت زول يسمع لي و انا بنظر ف كل شيء..
الاتنين ضحكو..
-سبحان الله..يعني نهائي م اتوقعت ولا حصل فكرت ولا كنت حافكر انو انتو تربطو..
ريفان لفت عيونها
_خلاص يااخ..مرة اسبوع و حاجة م ممكن تمعطيني كل يوم..
-والله امعطتك لحدي م تركز لي المعلومة دي..
ريفان لفت عيونها والاتنين قعدو يضحكو..
مرة اسبوع و حاجة و والله التقول م حصل شيء..
ياهو نقاشهم العدي دا..
و ردودو الباردة دي..
بس ياداب بدت تتعود انها م تتحرق لانو هو مرات والله م بكون قاصد يغيظها..
و دي طبيعتو..
بارد زيادة عن اللزوم..
و هي دمها حار..
بالعكس..
هي بدت تتعود شوية ع برودو دا..
و بدت تحاول تبقي ززيو..
لانو بالجد الولد مريح روحو من وجع راس م طبيعي..
لينا و ريفان رجعو ل تلفوناتهم و هم بتحركو ف الصف براحة..
لامن م وصلو جمب تربيزة كدا..
ريفان كانت مركزة ف تلفونها..
لامن م سمعت اسمهاىمن التربيزة..
هي و لينا الاتنين رفعو راسهم و عاينو للتربيزة..
الاتنين عارفين انو ف الكلية ف بت واحدة اسمها غريب زي حقها..
هي..
كان ف زي اربعة بنات مركزين مع بت وةحدة بتتكلم..
ريفان و لينا استغربو..
البت كانت بتتكلم و ديك مركزين شديد..
القطيعة ديك بس..
=ي زولة والله شلبتها..
ريفان عاينت ل لينا و لينا عاينت ليها..
البنات عاينو للبتتكلم ليها ساي..
=اسمعو..يوم داك اول ايام نزلنا..كنت واقفة معاها انا..و هو جا سلم عليها..و حتي كان بضحك ليها و لمن سألنا نشوة اذا هو حبيبها ضحكت و قالت ااي..
البنات نططو عيونهم و الدرامات ديك..
لينا عاينت ل ريفان و ريفان كانت مستغربة..
لا..
هي م للتو قالت كدا ليهم..
البت كملت كلامها
=يااخ حتي لدرجة بتمشي ليهم ف بيتهم والله..
البنات ديل خلاص جرو ليك صوت الخلعة دي و التقول بحكو ليهم ف قصة رعب..
=والله العظيم..و حسي يوم داك سامعة حيدر بقول انو هو بقي مربط مع الاسمها ريفان ف تانية دي..معناتا شنو؟دمعناتا شلبتها شلبة بت كلب..
ريفان رمشت مرتين..
م كانت قادرة تستوعب تفاهة الموضوع زاتو..
للتو هي فهمتهم انو هي شلبت نشوة؟؟
واحدة من البنات قررت تت

كلم
~:واي انا..سمحة؟
=م حصل شوفتها..لكن معقولة تكون اسمح من نشوة؟؟نشوة دي ما شاء الله..
واحدة تانية فتحت خشمها
•:وبعلي الدفع التحتنا كمان بقو بشلبو..سجمنا الدنيا حصل ليها شنو..
~:لكن ي هناية..شلبتو كيف؟
البت رفعت اكاتفبنها
=بررريي..انتو شوفتو سمح كيف؟؟يااخ انا ل نشوة كنت شايفاه عابر عليها..خلي واحدة تكون اشني منها..
البنات ضحكو
~:امكن ي هناية عملت ليه عمل..
=اجيي..للدرجة دي يتصل عدم الموضوع؟
•:ي هناية انتي م عارفة ساي الدنيا بقت كيف..
البت لوت خشمها
=غايتو هندسات كلهم عرفو انو نشوة اتشلبت..سجمها البت..حينتهو منها..
هه..
و انتو حسي قصرتو؟
البنات هزو راسهم
~:يا جماعة امكن حسي تكون اسمح منها..
•:بعدين هو زاتو متحلف و قلبو خفيف كدا ليه؟اداني فايب كول و هاديء و بارد كدا سااي..طلع ماسورة بس..
~:امم..يعني يعملها واضحة كدا كيف يكون مع دي مع بداية السمستر و يتمو مع دي..
=هه..و يجي يبدا السنة الجاية مع واحدة تانية..
•:موش قلتي عملت ليه شي عند الشيخ؟
~:هييي ما قلت شي..قلت احتمال..
قعدو يضحكو البنات..
شوية كدا و انتبهو انو ريفان و لينا واقفين بعاينو ليهم ب استفهام و عدم فهم ف وشوهم..
البنات عاينو ل لينا و ريفان و قالو تحت نفسهم ديل مالهم ديل و رجعو ل قرايتهم..
لينا و ريفان رمشو و عاينو ل بعض..
صراحة الموضوع كان غريب بس..
لا صادم ولا خالع..
بس غريب..
م قادرين يستوعبو تفاهة الموضوع زاتو..
ولا قادرين يقولو شيء ل بعض..
الاتنين م اتحركو الا لمن الراجل حق المكتبة كورك ليهم و شال منهم ورقهم..
الاتنين طبعوها و مرقو من المكتبة..
ريفان م كانت قادرة تفهم..
يعني التقول الدنيا وقفتها هناك مخصوص عشان تفهم التفاهة دي..
كيف ممكن يكون ف كمية كذب زي دا ف مدة قصيرة زي دي..
يعني هم بتكلمو وي و كأنو هم عارفين كل شيء من الجهات!!
بقطعو فيها و كأنها انسانة مشعوذة..
و كأنو حازم انسان تافه و قليل ادب..
و كأنو هم ماسكين القصة ف يدينهم..
استغفر الله بس..
ريفان طلعت نفس طويل..
هي و لينا كانو مرقو من المكتبة و م قالو شيء ل بعض..
اعتقد الصدمة سيطرت عليهم الاتنين ب طريقة لا تصدق حتي..
شوية كدا و لينا فتحت خشمها..
-واي م اتوقعت انو نشوة ممكن تنشر شائعات زي دي..
ريفان عاينت ليها..
_حسي امكن دي م نشوة..
لينا رفعت ليها حواجبينها..
شبه م مصدقة للتو ريفان قالت كدا
-للتو هم قالو انو نشوة قالت انها كانت مربطة مع حازم قبيلك..
ريفان عاينت ليها..
-دي براها كذبة..
_امكن حسي تكون حقيقة..
لبنا قبلت علبها..
-والله اكفتك..اساسا انا ع حافة الشكل..
ريفان ضحكت
-تضحكي؟؟انتي كيف تضحكي و انتي حسي سمعتي الكلام دا جوا؟
_اها اسوي شنو؟ابكي؟
-لا ي فالحة..امسكي كفتيهم هم و ااي زول بقول كدا و نشوة زاتها..
ريفان لفت عيونها..
_حسي امكن يكونو مربطين كانو..
لينا طلغت نفس طويل و ختت يدينها ف راسها..
-واي انا..م تخليني اقوم اكفتكم كلكم..
_لكن ي لينا..مافي شي ينكرها..
-انا..انا بنكرها..انا بعرف الحاصل دا كللو..
ريفان رفعا حواجبينها..
-رسلي ليه حسي اسأليه..
ريفان رمشت مرتين..
_منو؟حازم؟
-لا حبوبتك ي فالحة..
ريفان ضحكت..
-انا جادة..
_ارسل ليه شنو؟الا اضرب..الولد م بدخل زاتس و لا بحب السوشالميديا..بزات و هو قاعد نايم حسي..اشك يعاين للتلفون زاتو..
-اضربي ليه و لا والله اشيل رقمو من يوسف حسي اكلمو
_اضرب ليه اقول شنو؟
-اسأليه..و وريه السمعتيه دا..موش م دايرة تصدقيني؟؟
_م كدا..انا بس بقول ليك انو احتمال ف جزء من القصة م عارفنها..امكن بالجد او كدا..المهم..
الاحباط ظهر ف وش لينا
-اضرربي ليه..
_و اقول شنو..!!
-ريفاانن!!..
_ااا!!..
لينا طلعا نفس طويل..
-اررح اررح ل يوسف..

◇◇◇◇◇◇◇◇◇◇◇◇◇◇◇◇◇◇◇◇

حازم طلع من غرفتو و لقي البيت فاضي..
غريبة..
خالتو مشت وين؟
حازم مشي ع المطبخ ب كسل و هو مدخل يدينو ف جيب البجامة و كأنها بنطلون جنز..
والله اعتقد حرفيا عين فاتحة و التانية قافلة من النوم..
بعد م يقضي يومو و هو بسوق و بمارس الرماية..
بصحي اليوم التاني و جسمو مكسر كسسير..
استغفر الله التقول الدنيا خاتة فيه لعنة..
مشي دخل و طلع عصير برتقال من التلاجة و كباه ف كباية و شالو معاه..
و هو راجع سمع تلفونو بضرب..
لمن هبش روحو و م لقاه قعد يتلفت..
عاين وراه للمطبخ..
كان قاعد ف المصطبة..
شكلز غندو عادة يخت الحاجات ف المصتبة و يمرق يخليها..
رجع عليه بعد م ختي العصير برا و شالو..
لقي المنصل نشوة..
ردا ليها و النعاس ظاهر ف صوتو
_الوو..
نشوة ضحكت و هي بتقول
-صحيتك؟
_صحيت قبل م تضربي ب زي دقيقة و حاجة..
-هه ي راجل..
حازم ضحك
_جد..قال ليك لو نايم بكون رديت؟كان رميتو بين السرير و الحيطة..
-غصبا عنك كان رديت..
_م كان عاينت للمتصل زاتو..
نشوة ضحكت و حازم مشي ع عصيرو قعد يشرب منو..
-انت م جيت الجامعة؟
_اممم..
-طيب اسمعني احسن زاتو..
حازم طان ختي الكباية و متجه علي غرفتو و نشوة بتتكلم..
-يوسف نسي شيتو بتاعت الازمة ف البيت..
حازم فتح عيونو ع

كلامها
-و حسي قايمة عليه..
حازم طلع نفس طويل
_واي انا منو الولد دا..
نشوة ضحكت
_طيب مافي زول تشيلو منو؟
-هممم..فتشنا و م لقينا..
حازم ختي يدينو ف وشو
-وانت عارفو م بجيب حاجة حقت زول جمب خشمو لو ضبحتو..
حازم كان قعد ف السرير و اتكل ع ركبتينو..
_و م بقدر يسوق يجي صح؟
نشوة ردت ليه ب كل براءة
-اممم..يب..بعدين عندنا محاضر بعد 45 دقيقة..دي م بتحصلوو..
حازم طلع تاني نفس طويل..
ونشوة صحكت
-سوري والله..بس انت عارف انا م بسوق و لا عندي رخصة..
_اساسا انا عارف..الجامعة دي لعنة ف ضهري..اصلو م بعدي يوم و انا مرتاح من خلقتها
نشوة ضحكت
-اسفة بالجد
_انتي بتعتذري ليه
-لاني خربت ليك مزاجك؟
حازم ضحك ضحكة استهتار
_خربها الدلاهة القاعد عشان يعكر حياتي دا..
نشوة ضحكت و عاينت ل يوسف و هو راقد ع يدينو..
_خلاص ربع ساعة و بكون عندكم..
-حازم م تسزق ب سرعة..
_و منو القال حاسوق ب سرعة؟
-المسافة م مسافة ربع ساعة..
حازم ضحك
_you know me too well
نشوة ابتسمت
-بقت هواية عندي..
حازم طبع نفس طويل و هو بطرد ف الهظار من جواه
_كان مشيتك والله لكن م بقدر..
-حازم
_الولد لازم ياخدو عشا يقوم يتنفض و يوعي قبل المحاضرة..لازم
-هه..من متين انت خلاص مهتم كدا بالموضوع؟
_من متين انا بهتم بي ااي موضوع؟
-طيب مالك؟
_جاي عشانو لانو متأكد بعد ذوية حيقوم يمثل ليكم حيموت و اخر انفاسو
-انت بتستهتر بالموضوع ليه؟
_لانو موضوع جادي جدا جدا جدا جدا و انا لازم استهتر عشان انشر شوية برود
نشوة طلعت نفس طويل خلا حازم يضحك
_يلا حاقفل عشان م اخليك تحصليه
و حازم طوالي قفل..
رمي تلقونو ف السرير و مشي علي دولابو عشان يطلع منو هدوم..
لمن جا يمرق التلفون ضرب تاني..
حازم رجع عاين ليه..
كان مستغرب الضارب ليه منو..
لمن لقي الاسم ريفان حواحبينو اتلاقو..
هي عادة م بتتصل..
شالو و كوالي فتح الخط و مرق من الاوضة..
-الوو؟
_الوو..
-حازم..
_اممم..
ريفان سكتت..
حواجبين حازم اتلاقو لانو كان سامع حركة..
م عارف ولا فاهم انو دي لينا بتقرص و بتشاكل فيها تحت تحت😂🤦‍♀️..
_ريفان؟
-ااا..
سكتت تاني و ما ردت..
حازم دخل حمامو و فتح الموية و ختي هدومو وعلقها..
_الوو؟؟
-ااا ايوا معاك؟
_ف حاجة؟
-اا..ااي..
_موضوع يوسف؟
ريفان عاينت ل لينا و هي بترد ليه
-يوسف مالو؟
حازم بلل شفايفو
معناتا حاجة تانية..
_ف شي حاصل ولا شنو؟
ريفان ضحكت..
و حازم استغرب..
جد واللن البت دي غريبة..
_بت
ردت ليه بين ضحكاتها
-ااا..ااا
حازم رفع حواجبينو و هو منتظر رد
-انت برا البيت؟
_لا..
-طيب دي شنو الاصوات الولراك دي..
حازم اتلفت وعاين للموية الكابة..
_دا الدش..
-دش شنو؟
حازم ضحك
_انا عاوز استحمي..
-اووه
حازم قادر يتخيلها و هي بتنطط عيونها ف اللحظة دي..
-اووه اسفة اسفة..قاطعتك شكلي..خليه ل بعدين
حازم ضحك زيادة
_انت الريدي قاطعتيني..
-همم..
_ف كاجة حصلت؟
-عاوزة اسألك حاجة..
حازم سكت و انتظرها تسألو لكن لمن م قالت شيء قرر يتكلم
_اها..
-ااا..
اخدت كم ثانية عشان ترد
-م ممكن نتكلم ف الموضوع دا وجها ل وجه..
_احساس حتطلعي حاجة من ملامح وشي؟
ريفان هزت راسها..
كلامو صح..
هي ممكن تتخيل ملامح وشو حسي دي و هي بتتكلم معاه..
حتي و لو وجها ل وجه حيكون الوش واحد
لمن لقاها سكتت قرر يمشي يجيب الشامبو عشان يتم حمامو..
-صح صح كلامك..
حازم بس رفع حواجبينو..
صراحة..
والله قلة التفاعل مشكلة..
-لكن برضو..
حازم رفع راسو لمن سمع جملتها
-ااي فيل لايك انو حيكون احسن لو اتناقشنا وجها ل وجه..حاحس ب رةحة اكتر..
_انتي م حاسة ب راحة و انتي حسي بتتكلمي معاي بالتلفون؟
الاحباط ظهر ف وشها
-م تلف كلامي و تطلع فهم تاني هووي..
حازم م قدر يكتم الضحكة ع صوتها الطفولي و هي بتقول هووي دي..
-لا..قصدي انو حتي و لو م حافهم تعابير وشك حاسة انو انت لازم تشوف تعابير وشي و نتاقش زي الخلق..
_طيب طيب اساسا انا جاي ع الجامعة بعد ربع ساعة بكون عندكم
حواجبين ريفان اتلاقو
-ربع ساعة؟بيتكم م قريب للدرجة دي
حازم قفل الدولاب و ريفان قادرة تسمع صوت القفلة
_م الا يكون قريب عشان احصل..
-حازم..
_ايوواا..
-نحنا قلنا شنو ب سواقتك دي هنا؟
_انو م بتنفع لانها حتقتلني..
ريفان هزت راسها..
ع الاقل متزكر كلماتها..
حازم ضحك
_اتس اوكيه..الكاتبو ربنا حيحصل صح؟
ريفان لفت عيونها
-الزول م بمشي ينط ف النار و يقول انا نطيت لانو ربنا كاتب لي كدا..
_طيب طيب..نتم النقاش لمن اجي لانو يوسف دا حيموت و نشوة حتقتلني..
علي اسم نشوة ريفان رمشت مرتين..
نفسها تفهمها والله البت دي..
ونفسها تعرف هي دخلت روحها ف الزاوية الصغيرة ف حياة حازم كيف..
جد جد هو خاتي ليها اعتبار..
و هي بتشوفو لمن يجي بتعامل معاها..
بلين شوية والله..
-يوسف مالو؟
حواجبين لينا اتلاقو
=ف شنو؟
_الازمة قابمة عليه..و هو نسي دواه سو انا لازم اجي اجيبو لبه..
-اا..خلاص تمام..
حازم ابتسم
_يلا..
-امم..
و طوالي قفلت الخط..
لبنا كانت واقفة بتعاين ل ريقان و منتظراها تتكلم و تفسر..
و

ريفان قامت تتغاتت و ابت و عملت رايحة..
لامن م لينا خبتتها ف ضهرها
=مالو يوسف؟؟
ريفان ضحكت..
-اااحييي وااي..
لبنا ضحكت
-ي بت يدك دي ممكن تقتل..
=تستاهلي..
ريفان ضحكت زيادة
=مالو يوسف؟
-برري..حازم قال الازمة قايمة عليه و نسي دواه ف هو جاي يجيبو ليه..
لينل نططت عيونها
=جد؟؟
ريفان هزت راسها..
وات؟؟
كيف م يوريها؟؟
-شكلو نشوة اتصلت عليه و ورتو لانو قال انو لو اتأخر الاتنين حيقتلوه..
لينا حست ب شوية احباط..
كيف تحصل حاجة زي دي و هو م يوريها..
هي لو لاقاها كلب ساي بتوريه..
لكن هي نضامة..
يوسف زاتو نضام..
امكن لانو م بثق فيها كدا شديد..
او هي م اول زول بفكر بيه..
لينا دفرت الخزن و كل شيء كاسرها
و هزت راسها..
ريفان انتبهت ليها..
-امشي..
=همم؟
-عارفاك عاوزة تمشي ليه..امشي..
لينا ابتسمت
=و انتي؟
ريفان ضحكت..
-اناا؟؟
لينا عاينت ليها وىهي بتقبل ع الكافتيريا و اشرت علي راسها
-انا ركبني وجع راس من سمعت كلام البنات ديك..ف حاقوم اجيب ل روحي مازا امكن تفكو لي..
لينا ضحكت
=خلاص حاسبقك ل قدام
ريفان هزت ليها راسها..
-يلاا..
=امم..
لينا طوالي سبقتها و مشت..
و تاني اتلفتت عليها و جات راجعة و ريفان عاينت ليها..
لينا جات مسكتها الشيتات..
=عشان لو دخلتهم شنطتي حيقومو يقعدو هناك للابد و انتي محتاجة ليهم..
ريفان ضحكت ليها..
لبنا طوالي مشت و ريفان رفعت الشيت و لقتو ياهو العاوزاه..
و ياهو حقها لانو مكتوب فوق برخط كبير ريفان محمد ثانية..
ريفان شالتو ف يدها و دخلت الكافتيريا عشان تشتري مشروبها..

◇◇◇◇◇◇◇◇◇◇◇◇◇◇◇◇◇◇◇◇

حيدر جا جمب نشوة و يوسف..
عاين ل نشوة و عاين ل يوسف و استغرب..
=مالو؟
نشوة عاينت ل يوسف و طلعت نفس طويل
-الازمة قايمة عليه و نسي الشيء الببخها دي ف البيت..
حيدر ضحك ع جملتها..
=الشيء الببخها؟
نشوة عاينت ليه
=شافعة دي..
الاحباط ظهر ف وشها
-عمري 20 سنة..شافع انت..
حيدر ضحك
=يوسف..
يوسف م ردا..
كان مغمض عيونو..
=يوسف..
نشوة عاينت ليه وصربت يدو..
لكن يوسف م ردا..
حوجابين نشوة اتلافو.
=م تخافي هدا بتنفس..
نشوة عاينت ل حيدر
=بكون نايم بس..
نسوة رجعت عاينت ل يوسف و طلعت نفس طويل..
-السهر دا زاتو البقتلو الولد دا
حيدر ضحك
=نحنا بنقرا معمار ي نشوة..
نشوة رفعت راسها عاينت ل حيدر
=السهر صديقنا التاني
نشوة ضحكت
حيدر عاين ليها
=شفتي ريفان الليلة؟
نشوة رفعت اكاتفينها
-لا هي لا لينا..
حيدر قعد يعاين ف الكلية..
-مالا؟
=اا؟
-مالك بتفتش عليها؟
=ساي بس لاني م لاقيتها امبارح
-هه..والا تلاقيها كل يوم.؟
حيدر عاين لبها
=موش اتفقنا اتقرب منها واراقبها ليك؟
نشوة عاينت ل يوسف..
=م تخافي..نايم م سامعنا..
نشوة طلعت نفس طويل..
هي اتفقت انو يراقبها من بعيد عشان تتجسس عليها..
لكن حسي من خبر انو هي و حازم بقو مربطين هي زاتها بقت م فاهمة حياتها..
لا قادرة تفهم القرار..
لا قادرة تفهم الحصل..
ول اول مرة..
م قادرة تفهم حازم..
و دا حيرها اكتر من كل شيء..
صراحة لحدي حسي لمن تشوفهم مع بعض او تلمحههم مع بعض او براهم و لا لمنىتتكلم مع حازم قلبها دا بوجعها..
م قادرة تفهم زاتو والله..
بقت متحيرة متحيرة..
حيدر شاف الحيرة ف وشها
و رفع حواجبينو ع ملامحها
=مالك؟
نسوة عابنت لبه
-مالي؟
اعتقد البت مجروحة و متألمة اكتر من انها غيرانة و كارهة ريفان..
=حتخلي كلامك فجأة؟
-م خليتو..
حيدر ضحك
عاين لبها..
=انتي م عارفة الحاصل؟
نشوة عاينت ليه
-ف شنو؟
حيدر ضحك ضحكة استهتار..
مشي قدام شوية اول م لمح لينا جاية
=انتي كنتي مربطة مع حازم؟
حواجبين نشوة اتلاقو
-هه..دا شنو السؤال الغبي دا؟
حيدر هزا راسو..
=امممم
نشوة لفت عيونها..
الولد دا وجع راس والله..
حيدر ضحك و قال لبها قبل م يثبل يمشي
=حتدخلي ف مشاكل..لكن ب وشك البرئ و الحيرة البترسميها ف وشك دي حتمرقك من كل شيء..
نشوة عاينت ليه و هو بمشي..
والله شكلو بسطل ف بعض المرات..
بقول كلام م مفهوم زاتو..
نشوة قبلت اول م شافت لينا جات
-لينا..
لينا ضحكت ليها
=مالو؟
نشوة لفت عيونها و هي بتضحك
-الازمة قايمة علبه..
=و هو الفالح نسي بخاختو ف البيت
نشوة هزت راسها
-عرفتي كيف؟
لينا قعدت قصادهم ف الكنبة و طلعت نفس طويل
=حازم كان بتكلم مع ريفان و وراها انو جاي عشان كدا..
نشوة ابتسمت و هزت راسها
لينا كانت عاوزة تفهم و تسألها..
لكن م كانت قادرة..
تقول ليها شنو؟
تفتح خشمها تقول شنو؟
تسأل كيف؟
انشوة عاينت ل لينا و لقت ف حيرة ف ملامحها..
ضجكت طوالي
-متحيرة كدا مالك؟
لينا ابتسمت..
معقولة م عارفة الحاصل و السائعات المنتشرة دي؟
يعني الموضوع وصل هندسات كلها ل درجة انو ف بنات عشوئيات من المكتبة العامة كانو بتكلمو عن الموضوع..
معقولة هي م عارفة؟؟
هه..
هو ربفان الكلام كلو عنها ياداب عرفت قبل اقل من ساعة..
ف عشان كدا لازم تسأل..
لكن لو كذبت؟
لو كذبت حازم جاي و ممكن يسألوه..
و هي كانت عاوزة تسأل يوسف..
لينا عاينت ل يوسف..
لكن مغمي عليه ف م حيستوعب منها اي شيء..
=نشوة..
نشوة رفعت ر

اسها من تلفونها و عاينت ليها
-اا..
=انتي كنتي مربطة مع حازم؟
نفس ملامح الحيرة الرسمتها ل حيدر رسمتها ل لينا..
=انتو لي فجاة كلكم بتسألوني السؤال دا؟
لبنا تنت راسها..
من ملامح وشها و نبرة صوتها و الحيرة دي..
حتي هي شكلها م عارفة..
-حيدر قبليك حرفييا قبل اقل من 5 دقائق سألني نفس السؤال..
=يعني م كنتي مربطة معاه؟
ملامح الاحباط ظهروا ف وش نشوة و هي بتحاول تدس ف الالم بجيها كل م يسألوها السؤال دا..
-اجي ي لينا..انتي من بين كل الناس مفروض تعرف الايجابة للسؤال دا..
لينا رمشت مرتين
نشوة ضحكت
-ي بت اكييد لا..انتي غبية؟..
لينا تنت راسها
-الولد بعرفو لي 5 سنين..اربط معاه شنو؟اضافة ل دا انتي عارفة انو ريفان اول بت يربط معاها حازم صح ولا لا؟
لينا هزت راسها
-طيب ي فالحة..اكون مربطة معاه كيف؟
لينا ونشوة الاتنين ضحكو ف حركات الحبوبتها العملتها نشوة للتو..
يوسف رفع راسو ع صوت صحكاتهم
نشوة عابنت ليه
-انت لسا حي م تخاف..
يوسف لفي عيونو ع الاستهتار الفي صوتها
=انت لو م نصيح تنسى حاجة زي دي ف يوم بارد و مغبر زي دا كيف؟
يوسف لفي عيونو و رجع ختي ؤاسو ف الدرج تاني..
.
.
.
.
.
حيدر مشي علي وابل و نون السافهم يمرقو من الاستراحة قبل شوية..
-السلام عليكم..
الحيرة كانت ظاهرة ف وش نون
=و عليكم السلام
-انتو صحبات ريفان صح؟
وابل و نون عاينو ل بعض و هزو راسهم..
-عارفنها وين؟
=مشت مع لينا المكتبة..
حيدر عاين ل ناس يوسف..
لمن لمح لينا رجع ل ناس وابل
-هديك ليها لينا..و م معاها ريفان
نون عاينت ل لينا..
=طيب الا تسألها..
حيدر رجع عاين لبهم تاني
-ممكن بس تتصلو عليها و تشوفوها وين؟
نون عاينت ل وابل..
حيدر دا اصلو م عاجبها..
و حسي جا كمان يطلب يتصلو عليها يعرفوها وين؟
ب صفتو منو؟
لمن وابل لقت انو نون م حتعملها..
طوالي طلعت تلفونها و ضربت ليها
=الوو..
_اممم الوو ف شنو؟
=انتي وين؟
ريفان عاينت حوليها ف الزحمة الهي جواها
_ف الكافتيريا..عاوزة اشيل لي بارد اشربو..لكن المكان مزحوم ب بشكل..
وابل هزت راسها
=اممم..
_عاوزة حاجة؟
=جيبي لي معاك بيبسي..
ريفان ضحكت
_طيب تمام..
=يلا..
و طوالي قفلو..
خ
حيدر رفع حواجبينو و منتظر الايجابة..
=ف الكافتيريا..
-ياتا؟
وابل رمشت مرتين..
ولا سألت..
حيدر ضحك
-قلتو مشت المكتبة صح؟
وابل هزت راسها..
-خلاص تمام بلقاها بلقاها..
=اوك..
-ثانكس..
وحيدر طوالي قبل و مشي مرق برا الكلية..
وابل عاينت ل نون و الانزعاج ظاهر ف وشها..
=بت مالك؟
-انا الولد دا م عاجبني ي وابل..
وابل ضحكت
=عليك الله نص اولاد الكلية م عاجبني..
-هه..احساس الكلية فيها اولاد كتار..
الاتنين ضحكو
-لا لكن بالجد..انا عاوزة ريفان تقطعها معاه..اصلو ما داير يقع ف راسي..
=هه..صدقيني ريفان لو عليها م تعاين ليه زاتو..لكن هو الملصوق فيها و البجيها و انتي عارفة ريفان هبلة و غبية و بتقدر كل الكائنات الحوليها كيف..
-واي انا طيبة قلبها دي حتغطس حجرها..
=عليك الله نص الصفات الفيها دي حتغطس حجرها..
الاتنين ضحكو..
-انتي م سألتيها عن ياتو كافتيريا فاصدة صح؟
وابل هزت راسها..
=كفك ي بت انتي شفتة والله..

◇◇◇◇◇◇◇◇◇◇◇◇◇◇◇◇◇◇◇◇

ريفان مرقت بعد تعب من الكافتيريا و هي ماسكة فانتا و بيبسي ف يدينها..
شكل والله شكل..
يعني الزول يتحير زاتو والله..
الكافتيريا 24 ساعة شغالة و مزحوومة حرفييااا..
التقول كثافة السكانية حقت جامعة الخرطوم كللللهاااا كلللهااا مكبوبة فيها..
اااخخخخ استغفر الله..
الامااكن المزحومة دي بترفع كثافتها..
اخخخ اناا..
والله حردوها الشيء الشايلاه دا زاتو..
و المصيبة زاد ليها صداعها زيادة..
ااوووف انا..
ثراحة..
هي م كان نفسها ف بارد للدرجة دي زاتو..
هي بس كانت عاوزة تهرب من النقاش مع لينا و يوسف..
واي انا من وجع الراس..
اعتقد فكرة انهم مطلعين ريفان شلابة واجعة راسها اكتر من انز قالو انو نشوة كانت مربطة معاه..
شلابة؟
يشلب راسكم يااخ..
هم ما عندهم غير انهم يخربو و ينظروا ف حياة الناس كدا؟
يعني موبالغة موبالغة..
ااووففف انا..
التفكير ف الموضوع ساي واحع ليها راسها زيادة..
ريفان كانت ماسكة الشيت ب طرف اصابعينها..
و لمن جا شوية هوا الشيت طار من يدها..
ريفان مسحت عيونها الاتملو غبار ديل..
و بقت بتفتش ف الشيت..
عاينت وراها..
المكان ملياان ناااس..
حرفييييااا..
عاينت تحت و فتشت..
ف النهاية لمحتو ليك تحت احد الكنبات القاعدين فيه شلة بنات و ولدين كدا..
صدقوني شايلاهم كيف هي زاتها م عارفة..
لمن جات عليه البت شالتو و عاينت ليه..
ريفان وقفت قدامها..
البت عاينت ليها و عاينت للشيت
=حقك؟
ريفان ابتسمت و هزت راسها..
حواجبين للبت اتلاقو لمن قرت الاسم
=انتي ريفان من تانية معمار؟
ريفان قلبها بدي يضرب..
نبرة صوتها كانت مستفزة جدا..
ريفان بس عاينت ليها..
و اعتقد صمتها حرق البت..
طوالي لفتت الشلة..
=جماعة..دي البت الشلبت نشوة..
الناس كلهم عاينو ليها..
خلو نقاشاتهم كلها و عاينو ليها..
كل شيء حرفيا كل شيء خلوه و بقو بعا