#جميلة_متهورة_و_الوحش_الصامت_5

"I believe in EXO-L's..I trust them..they are my pride..they are EXO's pride💙💎..!
-BBH- "

ريفان عاينت لي المرتين الواقفات في المطبخ..
ابوبكر اشر علي الاولة..
-"دي ميس اي.."
ريفان عاينت ليها بي ابتسامة..
كانت مرا عجوزة..تحس بيها في منتصف الخمسينات..شعرها ابيض..اقصر من ريفان..بكتييير..و رغم انو وشها شوية مكرفس..لكن المرا كانت انيقة..رافعة شعرها في كعكة فوق في راسها..لابسة الشي بتاع المطبخ دا و كان مليان شوية دقيق و لين شوية..
المرا ابتسمت لي ريفان..
-"hello miss.."
ريفان طوالي ابتسمت ليها و هي بتقول..
_"please..just call me R.."
المرا ابتسمت ليها..
ابويكر اشر علي التانية..
-"و دي رايلي.."
ريفان عاينت لي المرا التانية..
او بالاحري للبت التانية..
كانت بت شابة تحس بيها في نهاية العشرينات او منتصفها..
شعرها بني قصير شديييد...نهايتو تحت اضانها..عيونها واسعة و لونها عسسلي فاااتح..اقصر من ريفان بي شوية..
ريفان عاينت ليها برضو بي ايتسامة و بتحاول تدس الاستغراب الفي عقلها..
نفسها تعررف قصتها..
لانو رغم انها لاقتها قبل ثواني..
لكن كانت حاسة انو وراها قصص و قصص..
ريفان ابتسمت ليها برضو و البت بس ابتسمت و هزت راسها..
صوت ابوبكر خلا ريفان تقطع تركيزها مع رايلي و تلتفت عليه..
-"زوجتي نيفين مشلولة..ف عشان كدا ما بتقدر تعمل معظم حاجات البيت..بتحاول طبعا..لكن ميس ااي و رايلي بساعدوها شدييد..بما انو البيت كبير جدا و نحنا ما شاء الله كتاار جدا..محتاجة المساعدة.."
قال جملتو دي بي ابتسامة..
ريفان ابتسمت ليه راجع..
و هي بتدس في الصدمة..
محمد اصلو ما زكر ليه انو زوجة ابوبكر مشلولة..
هو اساسا يعني اتكلم عنو من ما جات؟؟
زمان كان بتكلم..
بس ما متزكرة...
و اعتقد انو زكرو في الحاجات الصغيرة جدا..
ما متزكراها..
اعتقد محمد كان لازم يزكرها يعني عشان هي تعرف ترد في موقف زي دا..
ترد تقول شنو لكن؟؟
ما اعتقد كان حترف ترد ليه سواء كانت عارفة او لا..
عشان كدا بس اكتفت بالابتسامة..
-"بتنزل بعد شوية..بتشوفيها.."
بتنزل؟!
حتنزل كيف من الطابق الفوق؟
-"عاوزة تاكلي شنو بالظبط؟"
_"باكل ااي شيء موجود.."
-"حددي يعني..بانكيك؟بيض؟بايكون؟"
ريفان رفعت حواجبينها لمن قال بايكون؟!!..
ابوبكر ضحك..
-"معمول بي لحم التركي.."
ريفان ابتسمت..
-"ولا بس بتشربي شااي ولا قهوة؟"
_"باخد بانكيك بي شااي.."
ابوبكر ضحك..
-she wants pancakes with coffee.."
_"I want it sugar free please.."
رايلي ابتسمت ليها..
-"okay sit here..it will be ready in 6 minutes.."
-"طيب انا ماشي..كان نفسسي اقيف اعرفك علي نيفين لمن تنزل..لكن لازم امشي.."
_"مافي مشكلة.."
-"طيب يلا.."
ابوبكر قبل و مشي خطوتين و تاني قبل تاني..
-"Raley..please make sure Mahmoud doesn't annoy our guest too much.."
ابتسمت ليه..
-"yes I will.."
_"and take care of our guest too..have a nice day everyone.."
كلهم ردو ليه..
-"you too.."

ريفان قعدت في التربيزة و هي بتعاين ليهم شغالات.....
صراحة..هي مصدومة جدا من الحصل دا..
هي نهائي ما كانت قايلة هم حيكونو عايشين كدا..
عشان نكون عادلين..
هي مل فكرت اصلا هم بعيشو كيف..
لكن اعتقد حتى و لو كان حاولت ما كان جات علي بالها الحياة دي..
اوصفها كيف..
حياة مؤثرة جدا بي المجتمع الحوليهم..
ايو لسا محافظين علي اللمسة السودانية فيهم..لكن بالجد بالجد مؤثر عليهم..
الموضوع ما محتاج عبقري او زول بركز زيادة عن اللزوم..
بتنتبه للحاجة دي لمن تعاين حوليك في البيت..
الاستايل..
الاكل..
اللبس..
و حتي طريقة الكلام..
لانو رغم انو ابوبكر راجل كبير و واعي..
لكن والله في كلمات بالعربي مرات ينطقها زي الشافع العمرو 6 سنين..
الحاجة دي خلت ريفان تضحك..
و سؤال واحد معلق في راسها..
هل كانو برضو حيكونو كدا اذا ما كانو رجعو قبل سنين؟؟..

♡♡♡♡♡♡♡♡♡♡♡♡♡♡♡♡♡♡♡

حازم قفل نور الحمام و هو مارق..مشي علي الدولاب عشان يطلع ليه هدوم يلبسها..
وقف جمب الدولاب و بقي بفتش..
و هو بقلب طلع بنطلون بيجي..
عاين ليه و شالو..
في البداية كان قايلو ما حقو..
تاني اتزكر انو من حق سنينو الفاتت و بكون خلاه هنا...
شالو هو و قميص رمادي كمو طويل عشان يلبسو و مشي..
لبس هدومو شال مفتاح العربية و جا يقفل النور عشان يمرق..
الساعة ماشة علي 5 مساء و هو ياداب قرر يمرق برا البيت..
لمن فتح الباب عينو لي انسانة واحدة واقفة قدامو..
رفع ليها حواجبينو و هو منتظرها تتكلم بدون ما يتحرك..
لمن عاينت ليه سااي بس و بعد فترة بدون ما تقول شيء..
في النهاية هو الفتح خشمو..
_"اا.."
-"لي ما جيت صحيتني؟.."
حازم ضحك و هو بقول..
_"صدقيني انا لي روحي ياداب قمت.."
نيفين ختت يدها في وشها..
قفل النور و دخل التلفون في جيبو و مرق ليها برا..
_"في حاجة؟؟.."
بتحس بي نبرة القلق في صوتو..
-"ايوا..حاجة كبيرة كمان..الضيفة جات من امبارح و انا حضرت سيادتي نايمة.."
حازم ط

لع نفس ما كان قايل روحو حابسو..
خوفتو والله..
-"قلت ليكم الحبوب الببلعها دي مرات بتخدرني والله العظيم.."
حازم لفي عيونو..
_"دي حبوب لازمة لي السكري بتاعك ي حلوة..ما بتقدري توقفيهم.."
-"حسي تقول عني شنو؟..انسانة كسلانة و ما شغالة بي شيء...وااي انا وااي اودي وشي وين؟؟.."
حازم عاين لي مفتاحو و هو برد ليها..
_"ما حتقول كدا صدقيني.."
-"والله حتقول..و اذا ما قالت..حتفكر كدا..وااي عيب علي عديلك كدا.."
هزا راسو بمعني لا..
_"اشك في انها تفكر كدا برضو.."
-"لي لاقيتها؟؟..حسيت بيها ظريفة؟؟..انا خايفاها تقول انو انا حقارة و كدا.."
حازم اشر علي غرفتو الوراه..
_"انا حسي قلت ليك ياداب صحيت..لاقيتها كيف بكون؟.."
-"طيب ارح نلاقيها مع بعض..امكن ما تفكر كدا عني شديد لمن تشوف وشك السمح دا.."
حازم عاين لي ساعتو و قال ليها..
_"رغم اني بكره التعارفات دي لكن والله كان عملتها ليك و كمان والله برضو مبقدر..اتأخرت ولازم امرق.."
-"ماشي وين اتأخرت؟.."
_"محتاج شوية ادوات ولازم امشي اشوفهم و اتفحصهم عشان اطلب زيهم من النت.."..
-"اووك بس ما تتأخر.."
حازم مشي علي السلم و هو بقول ليها
_"انتي عارفة انا بجي داخل متين.."
سمع بس صدي صوت ضحكتها و هو نازل من السلم..
اول ما نزل اتلفت علي شمالو و قرر يطلع من الباب البي ورا..
ما ناقص هو حسي ولا عندو زمن زاتو..
لازم يمشي يجؤب حاجاتو لانو ماشي يسوق...
الليلة السبت..
يعني شنو؟..
يعني الليلة يوم مباراتو الاسبوعية..المباراة الوحيدة البشارك فيها ك سباق للسيارات.
مرق بسرعة و لفي البيت عشان يصل لي عربيتو الكانت بالجهة التانية..

♡♡♡♡♡♡♡♡♡♡♡♡♡♡♡♡♡♡♡

ريفان كانت قاعدة بتكتب في الغرفة..
و شوية كدا و سمعت ليك صوت الباب ضرب..
كانت متأكدة انو ما ابوبكر..
لمن سمعت صوت الباب قفلت لابتوبها و قامت مشت عليه ..
لمن فتحتو لقت دانية واقفة قدامها و في حاجة عالقة في راسها و الدموع في عيونها..
=ريفاان ساعديني..
ريفان زاتها نططت غيونها و خلتها تدخل طوالي..
_دا ذنو دا ي بت بسم الله؟؟!
=كنت بكوي في شعري و اتشربك مع بعض..و حسي ما قادرة امرقها و حاسة بي شعري اتحرق..
البت بتبكي و بتتنايص زي الشفع..
_كدي اقعدي في الارض..
دانية قعدت في الارض و هي لسا ماسكة المكوة في نص راسها..
ريفان عاينت ليها و لقتها في نص الشعر..
شعرها طويل و غزير و المكوة كانت حررفيا ماسكة في الخصلات النص..
ريفان حاولت تطلعها لكن كانت شوية حارة..
مسكت براحة براحة فرتكتهم..
المصيبة انو بالجد في جزء اتحرق و وقع مع المكوة..
ريفان لمن مرقت المكوة كان في جزء من الخصلة ماسك في المكوة..
شعرها اتحرق لحدي كتفها..
و هو كان طويل مع نهاية ضهرها..
ريفان عاينت ليه و نططت عيونها..
داينة اول ما حست بالمكوة اتفكت منها اتلفتت علي ريفان و لقتها منططة عيونها مع جزء من شعرها في يدها.
دانية ما باقي ليها الا تبكي دم..
علينت ليه بي عيون كبيرة و هي متحيرة..
ريفان عاينت لي دانية..
=لاااااا...
_...
=شيييت شيييت شيييت!!!!!...
ريفان ما عرفت تقول ليها شنو..
=كنت مطولاه عشان اصبغو!!..
_...
=وااي انا اسوي شنو شييت..!!!
_ممكن عادي تصبغيه و هو قصير..
=ما حيكون حلو والله..
_منو القال ليك الا الشعر يكون طويل عشان يتصبغ؟..ولا الجمال موجود بس في الشعر الطويل؟؟
=..
_if you want me to be honest..I think that short hair will also suit you...
=really?..
ريفان هزت ليها راسها...
دانية مسحت الدموع الكانو علي حافة عيونها..
=حسي لازم امشي اواسيه..
_ااي..
=حقو اصبغو مرة واحدة..
_good idea..
دانية عاينت لي ريفان..
=اذا عملت كدا من غير ما اوي زول حيقتلوني..
ريفان ابتسمت ليها..
دانية عاينت ليها بطريقة خبيثة جدا..
=تمشي معاي؟.
ريفان سكتت.
صراحة اذا مشت معاها راسها حيركب و حتقول عاوزة تصبغ شعرها و تقصو برضو..
لكن ابوها محررم عليهم قص الشعر..
احد الحاجات الغريبة المجبورة عليها ريفان..
لكن هي نفسها غدفي نيو لوك ليها زمن..
من السنة الفاتت من ما دخلت الجامعة..
لكن اذا قصت شعرها وصبغتو ابوها..
حتقع في مشاكل و تولع النيران علي الوليعة العليها..
لكن هي ذنبها شنو؟..
دي مشكلة بينو و بين امها ما في داعي خي تدخل في المشاكل دي..
لكن ابوها حيقعد يقول انو دا كلو بي سبب تربية امها..
حيقعد يفتح الاسطوانة دي تاني..
دا غير انو حيقعد يكورك فيها و يسمعها كلام زي السم..
لكن هي نفسها في الحاجة دي..عاوزة تمووت عليها..
طيب..
اذا قررت انها تقصو شوية و تصبغو لكدي ما ترجع السودان ابوها ما حينتبه للقص..
امكن يزعل من التصبيغة بكن هو ما حصل قال ليهم ما تصبغو شعركم..
Probably لانو ما حصل عرضو عليه الفكرة..
و بي معرفتها بي ابوها..
هو اكييد حيكون ضد التصبيغ...
=اها نمشي؟
ريفان هزت ليها راسها...
حتمشي ك مرافقة بس ما اكتر..
بس مرافقة..
مرافقة و بس..
_دقيقة الم حاجاتي..
=اووك انا زاتي ماشة البس..
دانية مرقت مشت علي غرفتها تلبس و ريفان قامت علي حيلها...
طلعت بنط

لون وااسع مخطط بالابيض و الازرق لبستو مع تي شرت كمها طويل بيضاء مكتوب فيها
"Cant stop
Wont stop
My life"
بالبصلي و لبست جزمة بصلية..
لمن جات علي الشنطة عاينت ليها..
ما كانت عاوزة تشيل معاها قروش..
لانها عارفة روحها اذا اتصلبتت هناك في الصبغة حتعملها بدون تفكير..
لكن امكن يحتاجو للقروش دي برا..
امكن تحصل حاجة..
بعدين معلمها و من هي صغيرة لازم يكون معاها زيادة قروش فقط للاحتياط..
رفعت الشنطة و شالتها..
لمن جات تشيل تلفونها دانية فتحت الباب..
كانت لابسة بنطلون جنز مع فنية كحلية بسيطة و رافعة شعرها لي فوق ولابسة اسبورت مع شنطة ظهر كدا كيوت..
=اها جاهزة؟..
ريفان ابتسمت و هزل ليها راسها..
مرقو من اوضتها و هم بتونسو في السلم..
_عاوزة تصبغيه ياتو لون؟
=ما عارفة كل يوم بي فكرة جديدة..مرة بقول كحلي مرة اشقر و مرات عقلي بشطح و بقول الا رمادي..
ريفان ابتسمت..تمووت و تعملو كحلي فاتح هي..
=تفتكري ياتو حيكون حلو فيني؟..
ريفان اخت نفس طويل و هي بتعاين لي دانية...
_اممم...
استايلها كيوت جدا..بت مهذبة لكن في نفس الوقت بتاعت مشاكل..ونظاراتها البتشبه حقاتها ديل كسارات فيها اكتر من ريفان زاتو..
ما عارفة لكن هي حاسة انو وردي بكون فيها احلي..
_اقول ليك حاجة تصدمك؟..
دانية ضحكت و نطت من اخر سلم و هي بتقو ليها..
=اها؟..
_اعتقد اللون الوردي حيكون فيك موبالغة..
دانية وقفت لي ثانيتين..
=تتخيلي ما فكرت فيه؟..
_دا راي انا غايتو..
دانية ضحكت..
=فكرة حلوة والله..
ريفان ابتسمت ليها..
دانية رفعت يدها و جرت طرحة ريفان..
ريفان ضحكت ليها..
=اها و انتي ما عاوزة تصبغيه؟..
ريفان سكتت لي ثانيتين..
و دانية فكت كعكة ريفان و هم ماشين علي الباب عشان يمرقو برا..
كانت بتجر ليها في شعرها..
شعرها كان طويل في نهاية ضهرها..
=ما شاء الله..
ريفان ابتسمت ليها و فتحت الباب عشان يمرقو برا..
=لكن محتاج قص من تحت..الاطراف ميتة..
ريفان هزت ليها راسها..
_كان مفروض اقصو قبل ما اجي هنا لكن اتلخمت و نسيت..
=مافي مشكلة انا بنقذك..
ريفان ضحكت ليها..
كانو ماشين في الشارع علي اتجاه موقف البصات..
و دانية بتلعب بي شعر ريفان و بتحاول توريها ياتو المحتاج قص و ياتو الكويس..
صراحة اذا ابوها شافها كدا حسي حيكفتها و يضربها و يحميها تاني تجي جمب بريطانيا..
دا كلو لانها فاكة شعرها في الشارع..
لكن صراحة..
هي ماىمحجة ريفان و الحاجة دي عادية ليها..
ايوا عارفاها غطل و ما صاح..
بس شايفاها عادية..
و لي يوم الليلة ما قادرة تعرف هل دا منها و فيها ولا لانو ابوها حارمها من الحاجة دي و صعب عليها..ف عشان كدا عاجباها..
=اعتقد الاشقر حيكون فيك حلو..
ريفان ضحكت ليها..
_انا عاجبني الكحلي..
=ااي ااي برض-..
فجأة دانية سكتت و اتلفتت وراها و هي بتعاين للعربية الجات مارة فيهم للتو..
ريفان عاينت لي دانية و عاينت للعربية..
كانت ماشة ببطء و كانو السواق مركز علي حاجة تانية..
=اوعا يكون جاي ياداب..
ريفان عاينت لي دانية و رجعت عاينت للعربية تاني..
شوية و كدا رجع لي سرعتو العادية و ساق و لفي..
=الليلة بتقتلو..
_اا؟..
=المهم..قلتي لي كحلي؟
ريفان هزت ليها راسها و رجعو واصلو طريقهم..

♡♡♡♡♡♡♡♡♡♡♡♡♡♡♡♡♡♡♡

حازم وقف العربية قدام البيت و نزل طوالي..
ما عارف بي ياتو مخ نسي محفظتو..
مشي علي السلم و ركب..
ماشي و لا شايف قدامو..
مركز مع الشافو بس..
ريفان حايمة في الشارع و شعرها مفكوك..
ما كان قايلها من النوع دا..
النوع البفك اول ما يلقي فرصة..
لو شفتوها في الجامعة كيف بتربط الطرحة..
ما بتصدقو انو ديل نفس الزول..
صراحة..
هي ما بتربطها شديد..
و ااي مرات جزي من شعرها بكون مارق..
لكن اول ما تحس بيه مارق طوالي بتصلحو..
عارفها و براقبها كويس هو..
عارف حركاتها..
لمن تكون بتضحك و فجاة تلمس راسها و تلقي جزء من شعرها برا..
تقوم تصلحو براحة و ترجعو لي جوا و ترجع تضحك تاني...
الطرحة بتتزلق في راسها..
كان عارف انو دا لانو شعرها ما شاء الله حلو..
عشان كدا دايما بطلع برا الطرحة حتي بدون ما تنتبه..
و لمن تنتبه طوالي بتصلحو..
لكن لا كان قايلو طويل كدا..
لا كان قايلها من النوع دا..
صراحة انصدم..
ما ممكن ينكرها..
و دي حاجة صعبة..
انو يتصدم حازم دا..
بس علي ما يبدو ريفان كفيلة جدا علي انها تدخل ليه صدمات ما يتوقعها كل مرة يلاقيها..
دخل شال محفظتو و مرق يشوف شغلو..

♡♡♡♡♡♡♡♡♡♡♡♡♡♡♡♡♡♡♡♡

ريفان كانت قاعدة في المقد و هي بتعاين للمرا بتقص في شعر دانية..
واستو ليها و لمن انتهت خلتها تعاين لي روحها في المراية..
ريفان عاينت ليها..
صراحة كدا الكلام دا حيكون غريب لي معظم الناس..
بس والله البت دي كسارة مليون مرة بي شعر قصير علي الكتف اكتر من شعر طويل لي نهاية الضهر..
_وااااااو..ما شاء الله ما شاء الله..
الذهول كان ظاهر في وش دانية..
الشعر القصير بالجد بالجد كساار فيها..
ريفان حست بي رغبة انها تقعد في الكرسي الجمبها و تقول للمرا يلا انا برضو ابدي..
بس ما بتقدر..

بس هي ميتة ادعلي الحاجة دي..
بس حتعمل ليها مشاكل..
بس تاني ارجع و نقول..
هي نفسها نفسها نفسها..
بس ابوها..
و المشاكل الحيجيبها لبها..
=ريفان تعالي انتي برضو..موش قلتي عاوزة تصبغي و تقصيه..احسن ليك..
ريفان رفعت راسها و عاينت ليها..
دا الكان ناقصها..
زول يصر معاها علي الفكرة دي والله..
ريفان عاينت للكرسي و عاينت للمرا و تاني عاينت لي دانية..
دانية هزت راسها احساس "ايوا تعالي تعالي.."
ما بتقدر..
بس هي لي تقعد في صراع نفس كدا بسبب حاجة هي عاوزةاها حاجة مركبة في زفت راسها دا و نفسها تسويها..
حاجة جزء من جسمها هي..جسمها هي و بس..
مافي زول تاني عندو حق يتكلم..
ريفان قلعت الشنطة و طلعت الطرحة و قعدت في الكرسي..
و مخها دا بس شغال ليها..
شيييت شيييت شيييت س ج م ك!!!!
بس ققرت تعمل ليه سايلنت و تعمل الهي عاوزاه..
#يتبع...

#جميلة_متهورة_والوحش_الصامت_6

" و ان كان يعلم ما تفعله ضحكته بداخلي..لخجل من ان يضحك مجددا💙🌸..!"

ريفان رمشت مرتين و هي بتعاين للمراية..
قصت شعرها..
قصت شعرها..
قصت شعرها...
ما قصتو كتير..بس شالت الاطراف الميتة..
لكن ظاهر عليه انو قصر...
بقي لي نص ضهرها..
سجم خشمك الليلة..
الترابة في خشمك لمن بعدين ترجعي..
اذا ابوك انتبه حتموتي..
كانت بتخاطب روحها سريا في المراية..
لكن صوت دانية و هي بتضحك خلاها تتلفت عليها..
جات مارقة بي شهر لونو بمبي فاتح من جوا..
مصبغاه كللو...
ريفان عاينت ليها و هي منططة عيونها..
ما عارفة لي هي مصدومة..
لانها فجأة سمعت كلامها و عملتو بمبي..
ولا لانها كانت قابلة انها ما ممكن تطلع احلي من بي شعر قصير..
بس اعتقد شعر قصير لونو بمبي بكسسر كل شيء..
ريفان ابتسمت ليها...
=وااي وااي كلامك كاان صااح..
_قلت ليك..ما شاء الله عليك والله..
=وااو وااااو وااااو..عنجد رهيبة...
ريفان هزت ليها راسها..
=ما اعتقد كانت حتكون حلوة كدا زاتو لو كان الشعر طويل...
ريفان ضحكت ليها..
دانية قعدت تعاين للمراية و هي مخلوعة و فرحانة و كلو..
ريفان بس مبسوطة منها..
بعد شوية المرا لفتت ريفان..
-it's your turn now..
ريفان عاينت ليها و رفعت حواجبيها..
=وريتها انك عاوزة تصبغيه كحلي..
ريفان عاينت لي دانية و للمرا..
=حتي لمن قلت ليها انك انتي الاقترحتي اعملو بمبي فاتح عجبتها الفكرة..
ريفان سكتت..
=يلا يلا امشي بسرعة عشان نمرق..
دي مصيبة دي والله!!!..
ريفان مشت ورا المرا عشان تصبغ ليها شعرها و في حاجة واحدة بس بتتكرر في عقلها..
الترابة في خشمك ي فالحة..

♡♡♡♡♡♡♡♡♡♡♡♡♡♡♡♡♡♡♡♡

حازم مرق من المكتبة بعد حوالي 4 ساعات من التعب دا كلو..
ما عارف روحو زاتو كان بسوي في شنو..
ولا الاربعة ساعات ديل مرو كيف زاتو..
كل العارفو انو جا يبحث عن بعض الادوات و الكتب المحتاج ليها للجامعة..
ايوا قعد اتصفح في بعض الكتب شوية...
لكن ما للدرجة دي..
اتخلع زاتو لمن عاين للساعة في تلفونو لمن جا يشيلو و هو مارق..
(في المكتبة ما ممكن تكون شايل تلفونك معاك..بتختو و بتدخل..حافظا علي الهدوء المحيط بيها..)
عاين و اول حاجة لقي عندو 7 ميس كولز من مجاهد..
شيت!!!
فوت السبااق..!!!
شيييت شيييت ششيييييت!!!..
حازم كان عاوز ينفجر من الحرقة..
كان عاوز بس يضرب ليه ااي شيء قدامو..
كيف ما حسي بي روحو؟؟!!!..
حسي الل ينتظر الاسبوع الجاي..
يااااا الللله!!!!
اعتقد دي دعوات نيفين عليه..
كان بتنفس بي غضب و في صواريخ بي داخلو..
مشي علي عربيتو وقعد ختى راسو في يدينو..
تاني ينتظر 7 ايام؟؟..
لييه؟؟!!..
ليه كل شيء في الدنيا دي معكسة عليه؟..
بكون عاوز حاجة و الدنيا بترمي في وشو حاجة تانية؟..
ايوا..
ايوا هو عارف السواقة دي دفعتو حاجات في حياتو ما ممكن ترجع..
بس..
بس ما عارف..
دي اهم نقطة..
بعد كل شيء عملتو فيه السواقة المتهورة و السباقات دي..
هو ليه مدمنها كدا؟؟..
امكن عاوز نهايتو تكون كدا..
النهاية الماتمت و الماحصلت..
اللي كان مفروض تقع بس شيء منعها..
امكن دا كلو لانو..
هو زاتو صراحة ما عارف..
ما اعتقد فاهم..
رفع راسو و دور العربية..
ما الا يكون في سباق عشان يدوس الفرامل دي بشدة..
كل العليه انو يمشي المدمارات العلي اطراف البلدة..
وبس..
يدوس البنزين دا بكل قوتو لامن ما يتعب..
ما فرقت بس المهم يشوف كل شيء صغير حوليه غير الشارع و يحس بالهواء في وشو و يسمع صوت اللساتك و احتكاكها مع الشارع..
دا كل المحتاج ليه حاليا..

♡♡♡♡♡♡♡♡♡♡♡♡♡♡♡♡♡♡♡♡

ريفان رفعت راسها و عاينت للمراية..
ما قدرت تمسك خشمها من انو يقع..
و اعتقد دانية برضو..
رمشت مرتين و هي بسمع في كواريك دانية وراها..
صبغت شعرها كحلي..
شعرها لونو كحلي..
كحلي كان لون شعرها..
=وااااو وااااو وااااو..ما شاء الله ما شاء الله ما شاء الله ما يسحروك..ي بت ما شاء الله..
ريفان رمشت تاني و هي لسا بتستوعب العملتو في نفسها..
=وي ي بت ما شاء الله..عسسسل بس..كساارة ويي وييي..
ريفان عاينت لي دانية و رجعت عاينت لي روحها..
عسل؟..
ايوا شعرها كان لونو حلو و مدي كارزما حلوة..
بس هي عسل؟؟
هي اكتتر من عادية..
اعتقد اقل من الاعتياد بي شوية..
خلي كسارة..
ريفان كانت بتحس بي استغراب..
لانو ما كان في ناس كتار بشكرو شكلها..
ف كانت بتستغرب في البشوفوها حلوة ولا كسارة..
لانها عارفة انها ممكن تكون ااي شيء ولا كسارة...
ايوا شعرها طويل..
او كان طويل..
حسي زاتو بقي عادي..
بس الشعر ما كل شيء..
اذا ملامحك ما حلوة..
تكون كسار ولا حلو كيف...
و ملامح ريفاان عادية جدا ك عادية بالجد..
رجعت عاينت لي نفسها تاني..
امكن التصبيغة ادتها شوية تراب حق جمال..
بس لسا لازالت ريفان الواحدة دي..
حست بي ارتياح لانها عملت الكان نفسها فيه من سنة..
و جزء منها كان مبسوط لانها عمل ت العاوزاه من غير ما تخلي كلام ابوها يوقفها..
لكن كمان الجزء التاني كان خايف خوفة الجن لمن ابوها يشوف شعرها..
و في حاجة بتوسوس لي

ها بتقول..
"والعجب اذا انتبه انك قصيته..تحفري مقابرك براك و ترقدي فيها.."
بس دفرت الكلام دا من عقلها..
ممكن تعذب روحها الليل كلو بالكلام دا..
بس حاليا في اللحظة دي..
هي بس عاوزة تكون مبسوطة بالجد لانها عملت حاجة ميتة عليها من سنين..
لانها و لي اول مرة..
هي في الحقيقة مبسوطة من نفسها..
=ي بت ما شاء الله عليك..الكحلي بالجد..واااو..
دانية كانت منفعلة معاها زيادة عن اللزوم زاتو😂💔..
=لا يعني اهو كلامك في الوردي فيني و في الكحلي فيك..ما شاء الله انت-..
صوت تلفونها ضرب جذب انتباهمهم الاتنين..
دانية مرقت التلفون و عاينت ليه..
ابتسمة ابتسامة خوفة اول ما عاينت للشاشة خلت ريفان تركز معاها شديد..
=الوو..ايواا..ااي مرقنا..لا لا سقتها معاي للباربر شوب..ااي هي حسي معاي..معليش لاني ما وريتكم..ااي ااي عارفة اننا اتأخرنا لكن نحنا الاتنين صبغنا شعرنا عشان كدا..ااي مارقين جايين طوالي انتهينا..طيب تمام..اوكي يلا..باي باي..اوك بنخلي بالنا ما تخافي..طيب يلا..ما بنتاخر نص ساعة و نكزن في البيت..طيب تمام..يلا..
و قفلت التلفون..
ريفان تنت راسها و هي بتعاين ليها..
=دي نيفو انتبهت اننا اتاخرنا..
ريفان ابتسمت ليها..
=انتي ما لاقيتيها صح؟..
ريفان هزت راسها..
_لسا والله..
=طيب اررح حسي لانها قالت انها منتظرانا علي الغدا..
_نحنا اتاخرنا للدرجة دي؟؟.
دانية عاينت للساعة..
=الشمس حتغيب بعد 45 دقيقة..
ريفان نططت عيونها و عاينت برا..
كلامها صح..
=سوو يب..اتأخرنا جدا جدا جدا..ارح..
دانية و ريفان لمو حاجاتهم و حاسبوهم و بسرعة بسرعة مرقو برا..
مشو جرو جري لي موقف البص و لمن وصلو ركبو بسرعة..

♡♡♡♡♡♡♡♡♡♡♡♡♡♡♡♡♡♡♡

حازم دخل السوبر ماركت و هو عرقان..
كان بتنفس شديد..
شهيق و زفير..زفير و شهيق..
صدرو بطلع فوق و تحت..
و حتى في شوية صوت طالع منو..
منو القال السواقة مريحة؟؟..
بزات لمن تكون بتلعب بيها زيو كدا...
كان عاوز يشتري ليه حاجة يشربها لانو العطش قتلو..
و حتي يشوف ليه سناك ياكلو قبل ما يمشي المكتبة العامة..
مشي و اختار ليه شوية حاجات و مشي يدفع..
صراحة..
ممكن عادي تقولي الولد دا بعاني من فقدان شهية..
ما بحب ياكل اصلو..
ايوواا..
حاجة غبية و لا تصدق..لمن زول يقول ما بحب اكل..
بس والله العظيم..
اذا لولا الاكل من دون بتموت..
كان زمان وقفو..
حتى الم الجوع ما بفرق معاه..
بروح بعد فترة و الا يدفعو للحواف و يمتص كل طاقتو..
اها و يعني شنو..
اتألم الم اكععب من الجوع في بطنو في حياتو..
ما فرقت كتير..
بس بشرب سوائل كتيرة..
كتيرة يعني كتيرة..
امكن لانها الشيء الوحيد المسموح بيه في المكتبة العامة..
او لانو بس بحب عصير البرتقال زيادة عن اللزوم..
ما في سبب محدد يخليه كدا..
لكن صراحة..
هو ما فارقة معاه اساسا..
وقف في الصف و انتظر دورو و هو بعاين لي تلفونو و هو شايل كم حاجة في سلتو..
كان بمشي في السوشال ميديا بدون اهتمام..
بيعاين للعناوين بس نادر ما يقرا حاجة..
و هو بتصفح تلفونو رنا و رسالة من الواتس ظهرت فوق جذبت انتباهو..
عاين ليها و لقاها من يوسف..
" ي مان البت دي جننتني.."
عاين ليها و لزاها..
ما ناقصو يسمع يوسف و هو بنقنق بسبب لينا..
تاني ظهرت ليه واحدة..
"ي مان انا اسوي شنو عشان اتفكي منها؟.."
حازم طلع نفس طويل و هو بعاين ليها..
فتحها و كتب ليه..
"طيب من البداية مدخل روحك في حاجة اكبر منك ليه؟.."
يوسف طوالي ردا
=انت ما عارف لكن..
_عملت ليها شنو المرا دي..
=ما عملت ليها شيء..
حازم ما ردا ليه..
لانو عارف انو عمل حاجة..
=بس هي ضربت لي كم مرة و لقتو مشغول..
_و انت كنت مشغول مع منو؟..
=يتكلم مع واحدة كدا بعرفها..
_واحدة كدا بتعرفها ولا بتتشاغل معاها؟..
=ي مان ابرد..هي عاوزة تربط معاي و انا رافض..
_رافض طيب اقطعها معاها..
=هي مززة لكن شوفتها..
_طيب خلي لينا..
يوسف ما ردا ليه..
_انت ما ممكن تطلع مع واحدة بالصباح و تجي تقضي الليل. مع واحدة تانية بليل..
=انا بس كنت بتونس معاها..
_هي عارفاك مربط؟..
يوسف اخد مسافة عشان يرد..
=لا..
_سألتك؟؟.
=ااي..
_و قلت ليها لا؟..
=ايوا..
_طيب تخليك في حالك كيف؟..
=حسي خلينا من دا..وريني اقول لي لينا شنو؟..
_و انا الدخلني شنو؟..
=الدخلك اني زمان لمن اعمل كدا و انت قاعد بقول ليها بتكلم معاك انت..حسي اقول ليها منو؟..
_انت ليه ما رديت عليها لمن اتصلت عليك و انت مع البت ديك..
=لاني كنت مع البت ديك..
حازم رفع راسو ولقي روحو في دورو..
قفل التلفون و ختاه في جيبو..
ما ناقصو وجع راس من مشاكل يوسف اللا محدودة دي..
صراحة..
حازم بعرف يوسف من ما جا السودان اول مرة..
بس لي يوم الليلة ما قادر يفهمو بعمل كدا ليه؟..
ختي حاجاتو و عاين للثمن..
18.67
دخل يدو جوا جيبو عشان يمرق المحفظة..
بس ما لقاها..
شاف التاني..
التالت..
ما لقاها...
نساها في العربية...
شيت!!!...
هبش جيبو الرابع...
القدام علي الشمال...
حي بيه فيه حاجة..
دخل يدو و اول ما مرق الفيه كلو قعد يعاين لي يدو.

.
كان فيها ورقة 20 يورو و اسورة..
اول ما شاف الاسورة جمد في مكانو..
تحس العالم كلو حوليه فجأة وقف..
اسورة مكتوب فيها

"Derechos don't last for ever..!! -A_T-"

حازم عاين ليها و هو بحس بي ضربات قلبو تزيد شوية..
كان قايل روحو ضيعها..
كان قايل انها بقت ما معاه..
حتي اعتقد قرر يكسر حنكها..
بس الاسورة دي ما هينة ولا القصة البتحملها..
و تصدق ولا لا..
ولا حتي صاحبتها ما هينة..
حازم بلع ريقو و هو بعاين ليها..
ما كان عارف هو زاتو ببقي كدا ليه لمن يتزكرها..
دا شنو التخلف الضاربو دا..
موش قرر يخليه؟؟..
ليه رجع ليه تاني..
"Sir!!"..
الصوت خلي حازم يرفع راسو منها بسرعة..
"Your holding up the line.."
حازم عاين ليه و رجع عاين للمرا تاني..
اداها القروش و شال الكيس و مشي يمرق..
مرق و هو بحس بالمطرة تضربو ليك بقوة..
رجع تاني بسرعة و هو بعاين ليها..
المطرة صابة زي السم..
عاين ليها و هو خاتي يدو فوق جبهتو شوية..
و دا السبب الخلاه يرجع يعاين للاسورة تاني..
كيف بس كبف جات هنا؟؟؟.
كان قايل انو ضيعها يوم في الجامعة لمن فقدها قبل فترة..
طلعت قاعدة في بنطلونو النساه هنا؟؟..
ضحك ضحكة استهتار..
اعتقد من كترة ما ني يتحبها هدي ليها بطريقة او بي اخري الدنيا لمتهم تاني مع بعض..
عاين للاسورة..
بقت زي الشربانة و قديمة..
بس الكتابة لسا وااضحة..
مكتوبة بي خط جمييل حتى حاازم بي نفسو اذا سألوه عنو ما بنكرها..
سواء عاجبو ولا لا..
الزفت دي مكسراه كسير ما منطقي زاتو..
اسورة متخلفة و غبية و وسخانة حتي..
ليه عاجباه كدا؟؟؟..
دا عشان تعرفو هو معاق قدر كيف بس ما اكتر...
حازم دخلها جوا جيبو و قام جاري لي عربيتو..
دخل و هو بتنفض من الطرة جوا..
الشمس ما غابت زي الناس زاتو..
و شكلو المطرة ما حتوقف الا بكرة..
ولانها بتسوء مع كل ثانية..
قرر يمشي المكتبة بسرعة قبل ما الشوارع تقفل..

♡♡♡♡♡♡♡♡♡♡♡♡♡♡♡♡♡♡♡♡

ريفان و دانية دخلو بسرعة البيت..
كانو بجرو جري في الشارع من المطرة دي..
اتنفضو اول ما وصلو قدام الباب..
لحسن حظهم ما اتبلو شديد..
ريفان كانت بتضحك علي الحصل..
_شوف بالله عملنا شعرنا بي هنا و هدي المطرة جات تخربو لينا بي هنا..
دانية قعدت تضحك..
=المرة الجاية لانو الحمدلله المرة دي جبت..
ضحكو الاتنين و دخلو..
مشو علي المطبخ و لقو ميس ااي تتتحرك و بتخت في حاجات في الاكل..
و في زول قاعد في كرسي متحرك بسوط في حاجة و مديهم ضهرهم..
ؤيفان عاينت ليه..
=جينا نحنا...
اتلفت عليهم..
كانت مرا حلبية بي عيون كحيلة و حواجيبن غزيرة..نخرة صغيرة و تحس بيها عمودية و خشم عادي كيوت...
اول ما شافتهم ابتسمت و الوجنات ظهروا..
-الحمدلله يااخ..قمت اشيل هم مع المطرة دي..
داينة مشت عليها و هي بتقول..
=ااي والله الله يسترها...
دانية حاولت تشيل من الفطاير الفي يدها بس هي بسرعة صربت ليها يدها..
-انتظري ي بت..
=واحدة بس انا جعانة..
-عارفة عشان كدا انا بعمل في الاكل..
دانية قامت تتمايع و تتلايق..
=وااحدة بس...واااااحدةةة..!!
-قلت لا..
=ااااه...بليييز!!!..
-نو نو تعالي اقعدي اكلي..اساسا نحنا منتظرينكم..
دانية قبلت علي التربيزة و لقتها مليانة اكل..
مشت طوالي قعدت بدون ما تتفاهم..
ريفان كانت بس واقفة تعاين ليهم..
-السلام عليكم..ريفان صح؟..
عيون ريفان رجعت للمرا تاني لمن سمعت صوتها..
_و عليكم السلاام..
المرا ابتسمت ليها و جات جمبها ختت الفطاير في التربيزة و مدت ليها يدها..
-نيفين مرت ابوبكر..حمدلله علي السلامة..
ريفان ابتسمت ليها و طوالي سلمت عليها..
_الله يسلمك..اتشرفنا..
-الشرف لي..
ريفان ابتسمت ليها..
-اسفة لاني جيت متأخرة..كان مفروص الاقيك من الصباح بس بلعت لي حبوب ضاربة خلت النومة تشيلني لي العصر كدا..
ريفان ضحكت..
_عادي مافي مشكلة..
-تعالي تعالي اقعدي اكلي..
ريفان مشت و قعدت في الكرسي..
نيفين بس وقفت كرسيها جمب الصفرة و مدت يدها عشان تنزلو لي تحت شوية عشان يكون مستوي مع الصفرة و بدت برضها تاكل..
-اكلي و ورينا رايك..
ريفان مدت يدها و اخدت من الفطاير..
ابتسمت طوالي لانهم زي ما كانت متوقتة من الريحة..
حلووااات..!!
=من الابتسامة دي كل شيء وضح..
كلهم قعدو يضحكو..
_ما شاء الله..حلوات شديد..
-بالجد؟..
_ايوا والله تسلم يدك..
نيفين ابتسمت ليها..
-الله يديك العافية ي رب..
- why are you eating without me?..
كلهم اتلفتو علي صوت الشافع الجا من وراهم..
= because you weren't here..
-تعال اكل حبيبي..
ريفان عاينت ليه..
الشاقع اللئيم..
هو زاتو لمن عاين ليها طرم..
-your still here..
ريفان ابتسمت و هزت ليه راسو..
شوف بالله احراجاتو دي..
-محموود!!!..
عاين ليها بي برود طبعا..
-سيب قلة الحس الوارثها من خالك دي و تعال اكل..
=دي ما قلة حس..في عمرو دي تسمي قلة ادب..
-ما 24 ساعة معاه ما يبقي زيو كيف..
ريفان عاينت ليهم..
-تعال اقعد اكل حبيبي..
محمود جا و قعد في الكرسي الجنب ريفان و بدو ياكلو..
نيفين اتونست مع ريفان و دانية..
و علتق

علي شعورهم و شكرت ريفان علي فكرة الشعر البمبي لي دانية..
اتونسو كويس و كملو الاكل و شبعو..
حتي وقفو مع ميس ااي و نضفو معاها و هي بتقول ليهم امشو ارتاحو..
سألتهم من رايلي و وروها انها ما بتبيت معاهم و انو بس ميس ااي المستقرة معاهم البيت..
تملو قهوة و اتونسو تاني و ضحكو و كلو..
ريفان بالجد انبسطت شديد..
كانت دانية بتحكي ليهم عن درامات الثانوية عندهم..
حست بي انو دانية و نيفين قريبين من بعض شديد من طريقة تعاملهم و فكرة انو دانية حسي قاعدة بتحكي ليهم عن المشاكل دي..
ريفان ليها فترة ما ضحكت كدا من قلبها والله..
فرحت بالجد بالجد..
الوقت كان اتأخر و ميس ااي نبهت نيفين علي الزمن و انها لازم تنوم لانو عندنا موعد بكرة و دانية شغالة مدرسة..
بعد مماطلة حتي قرروا يمشو ينومو لانهم لقو الساعة بقت 12:54 صباحا..
محمود كان اساسا نام في الكرسي و ميس اي صحتو و ودتو غرفتو و بالفعل علي قول امو "نوم الظالم عبادة..''
اقسسم بالله البشوفو نايم ما بقول هو فصيح كيف في عمرو دا..
الجماعة فرتكو و كل زول دخل غرفتو..
ريفان عاينت للساعة..
شكلها الليلة ما حتنوم..
عندها فصل لازم تنزلو للناس و تكتب برضو..
و حتي عندها بحث لازم تتمو..
كان في لازم كاجة تتخلي عننا لانها ما حتقدر..
ف قررت تنزل للجماعة الفصل و تبدأ في فصلها و تتم باقي الليل في بحثها..
و بالفعل..
نزلت الفصل و بدت فصلها و تمتو..
و لمن جات لي بحثها لقت لينا مرسلة ليها مليون رسالة..
طوالي ضربت ليها...
لينا ردت بعد فترة..
_الوو..
-الوو..
صوتها كان مكسور..فيه بحة كدا..بحة ميتة و محبطة..
ولانها صحبتها و بتعرفها كويس..
عرفت انها كانت بتبكي..
_بسم الله ي بت في شنو..
-مافي حاجة بس زهجانة..
_زهجانة بس و فجأة كدا قررتي تبكي؟..
-اايوا..
_في شنو؟..اتشاكلتي مع ناس البيت؟..
-هو ناس البتديت فاضين لي؟.
_طيب اتشاكلتي مع يوسف؟..
لينا سكتت..
و ريفان طوالي عرفت انو دا هو..
قفلت اللابتوب بي زهج و هي متنرفزة خلاص..
_اححيي انا من الولد دا بقتلو..
-..
_عمل شنو؟..والله العظيم ما اخليه بس انزل السودان..
-هو ما غلطان بس انا متحسسة زيادة عن اللزوم..
_حصل شنو هو؟..
-كنت بضرب ليه و بجيني دايما مشغول..ف زعلت من الحاجة دي و قلت ليه انو انت بتتكلم مع بت..و رغم انو وراني انو بتكلم مع حازم بس قلت ليه كءاب و هو زعل لاني قلت ليه كذاب و اتشاكلنا و قال لي اني ما بثق فيه و انو زهط خلاص و قفل الخط و تاني مابي يرد لي..برسل ليه و بقرا الرسايل و ما برد..
_..
-غلطانة انا و ببكي لاني غلطانة و بس..
_ما غلطانة..
-..
_انا و انتي الاتنين عارفين انو بكذب و انو هو كان بتكلم مع بت..
-مافي حاجة بتأكدها..
_بعد الشفناه في تلفونو من صور البنات و المحادثات ديل برضو؟..
-ي ريفان نحنا ما اتخطينا المرحلة دي و قال انو تاني ما بعملها و رجعنا لي بعض..انتي بس دايما مركزة علي دي ليه؟؟..الناس بغلطو و هو غلط و اعترف بي غلطو و خلاص يالا..انتي بس بقيتي سايلةمنو من الحاجة دي..
_..
ريفان سكتت..
كلامها صح..
بقت شايل. منو من الحاجة دي..
بعد العملو في صحبتها و الالم السببو ليها..
بقي نفسهة بس تخنقو اقسسم بالله..
ريفان اخدت نفس عميق و ما كانت عاوزة مشاعرها القديمة تتكلم..
ولا كانت عاوزة تزعل صحبتها زيادة..
_طيب بطون بس اتحسس شوية..بكرة برجع ليك تاني و بعتءر كمان والله..
-انا زاتي قلت كدا..عشان كدا سكتت..
ريفان ضحكت عشان تحسن المود شوية..
_طيب من البداية بكيتي ليه؟..
لينا برضها ضحكت..
-لاني متخلفة ما عارفة الحاجة دي..
الاتنين ضحكو..
-المهم جديدك شنو حسي؟
ريفان ضحكت
_جديدي كتيير ي حية اولهم اني صبغت و قصيت شعري..
سمعت صوت الخلعة من الطرف التاني و هي متخيلة شكلها في راسها..
-بالجد؟؟!!..
ريفان ضحكت..
_ااي..
-صيغتيه شنو؟؟.
_كحللي..
-وااااو..
_يب..
-و قصيتيه لحدي وين؟؟..
_يعني بس شلت الاطراف الميتة..
-اا..طيب و عمو عارف..
_ننوووو...
لينا صحكت..
-الليلة سجممك..
_سجمي سااي..
-بتموتي..
ريفان ضحكت ليها..
رغم انو لينا بتقولها هظار..
رغم انهم صحبات شدييد..
بس هي ما بتعرف ابو ريفان بالجد..
و ما بتعرف انو جملة بقتلك دي حقيقة و خطيرة و مخوافها قدر كيف..
ريفان اتونست معاها و اتكلمو لي ساعة و حاجة..
لامن ما ريفان قربت تنوم لينا قررت تقفل..
ريفان ختت اللابتوب..
شكلنا ما حتتم المشروع زاتو..
جات تنوم و ختت التلفون خلااص..
بعد شوبة تنط ليم علي نغمتها من نومها..
اتخلعت خلعة شينة خلاص..
خلت قلبها يضرب بسسرعة..
عاينت للمتصل و ي ريتها ما عاينت..
لانها ما بس بقي قلبها بضرب بسرعة..
لكن كمان بلعت ريقها و بقت بتتنفس شديد لمن قرت الاسم..
Dad..
دا ابوها..
اخدت نفس عميق و هي بترد..
_الوو..
تستاهلي ي كلبة ي قليلة ادب..
-الوو..
_كيف بابا تمام..
-الحمدلله...ما بتردي علي تلفونك مالك؟..
كالعادة...
طوالي شكل..
_كيف يعني ما برد علي تلفوني..
-بتصل لي ساعات بقول لي مشغول او برن للاخر و انتي ما بتردي..بتتكلمي مع من

و؟..
كلامو كان مليان مشاكل..صوتو محشي عنف و قوة و سيطرة..النبرة الكان بتكلم بيها متسلطة جدا
كل شيء كان يغيظ ريفان جدا و بزعلها جدا..
رتحس بي روحها زي و كانها اداة متسلطين عليها..
حاجة لا عندها احساس لا دم..
بس بشاكلوها وقت ما دايرين و هي لازم تسكت..
بس اكتر حاجة كانت بتغيظها انو دي الحقيقة..
هي لازم تسكت..
لانها بتو في النهاية و ما صاح تعمل العكس..
_كنت بتكلم مع لينا..
-بتتكلمي معاها من الصباح؟؟لا بالله..
و تاني في نقطة عدم الثقة..
كانت عارفاه قايلها بتتكلم مع ولد و ما بثق فيها..
بس لا هو قادر يقولها ولا هي عارفة تعمل ليه شنو عشان تنفيها..
لانها اذا حاولت بي وضوح..
طوالي حيصدق العكس..ابوبها و بتعرفو..
-ما بتردي مالك طيب قبيل؟..
ريفان عاينت لي تلفونها...
لقت كان متصل عليها قبيل..
استغفر الله التقول حاسي بس..
_معليش التلفون كان بعييد..
-حسي التلفون بقطع..
_ااي شوية بقطع انت سامعني؟..
-ايوا..
_اها اخباركم شنو؟..
-صحي مرت خالك ولدت و خالك سافر؟..
شييت!!..
_ايوا..
-و خلاك مع منو الفالح دا؟..
شيت..!!!
ابوها ما كان مفروض يعرف انو الشيء دا الحاصل..
الليلة بقتلها و بقتل خالها..
عرف من وين؟..
_سافر و قال جاي بعد كم يوم..
-يعني خلاك برراك؟؟؟..
صوتو كان فيه نهرة ليها..
_لا لا..قاعدة مع معارفهم..
-كماان؟؟..رما لي بتي مع ناس؟؟..
_..
-ويين بيتهم قريب منكم؟؟.
دا حسي توريه كيف انو اساسا ما في لندن؟؟..
شيييت شيييت شييت!!!
عرف كيف بس..
_لا لا..
-الصوت بقطع ما سامع شيء...
ريفان قامت علي حيلها و بقت متوترة شديد..
الليلة وبب عليهاا..
جاتها مصيبة اكببر من الشعرر.
وبب وبببب وبببب!!!!..
-كدي قومي حومي للشبكة..
حسي الشبكة مشكلتها معاك انت و لا هي؟..
ريفان طلعت نفس و مشت مرقت برا الاوضة..
نظلت من السلم و بقت قاعدة جمب المطبخ..
_كدا سامعني؟..
-ايوا احسن..
كان جزء منها نفسو يقفل الواي فاي من تلفونها و ترتاح..
بس دا بزيد الطين بلى..
-قاعدة مع منو؟..
_مع نيفين و ابوبكر صحبو و شريكو اذا بتعرفو؟..
-اوبكر الواحد دا؟..
_ااي
-هو ابوبكر رحل لي لندن؟..
شيييت!!!..
_لا..
-لسا في مانشيستر؟
_امم ايوا..
-و انتي مشيتي ليهم لي ماانسشتر؟؟..
_امم..
-اتكلمي معااي عدييل!!!..
مع النهرة دي ريفان نططت طووالي..
اصلو ما قادرة تتعود..
_ايوا..
-سافرتي من غير ما توريني؟؟؟مشيتي متيين؟؟..والله دي قلة ادب جدييدة كمان..لا و هو زاتو بي ياتو حق يعمل كدا بدون ما يستشيرني؟؟..رمااك في بيت زول ما بنعرفو و ما مضمون و مشي طوالي..خالك دا متخلف؟؟..عندي معاه فهم تاني..و امكك عاارفة؟؟؟..
_مبعرف ما اتكلمت معاها..
ابوها ضحك ضحكة استهتار..
-لاااا..اكييد عارفة..خالك بكون كلمها..و هي حضرت سيادتها بتكون قالت ليه اعمل البريحك..
_..
ريفان كانت بس ساكتة و حاسة بي روحها مخنوقة خنقة ما طبيعية..
-وانتي..ما توريني ليي؟؟؟؟جاية تتعلمي لي حركات امك الغبية دي؟!!!!..
استغفر الله.. ريفان عضت علي شفتيها..
اعتقد دي الطريقة الوحيدة التوقف بيها خشمها من انو يرد..
لانها كانت عارفة انو الرد حييخرب الموضوع زيادة..بس تسكت و تتمو بسرعة..
-الووو؟؟..
_الو ايوا انا معااك..
-و زفت خالك دا حيجي متين؟؟
_بعد اسبوعين..
-لاااا...ههه..و ان شاء الله عاوزك تقعدي مع زفت صحبو دا اسبوعين..
نفسها مرات بس ابوها ما يستعمل الالفاظ دي..
لانها والله بتحرق و بتوجع..
خصيصا لمن يقولها بدون ما يعرف الزول او لمن تكون علي زول عزيز ليها..
_..
-اقطعي طيارتك بدريها و تعالي..
ريفان نططت عيونها.
لاا..
هو للتو ما قال كدا صح؟؟..
-اساسا غلطان انا من البداية الخليتك تمشي..كنت عارف انو الموضوع فيه فارق..لكن فارق وصل للدرجة دي؟؟..دي والله حركات جديدة..
هي حسي ذنبها شنو؟..
_لكن ي ابوي غرامة التزكرة غالية..
-ما عندي بيك شغلة شيليها من امك و تعالي..
امك؟؟!!..
لي هي شغالة و لا عندها قروش قدر كدا؟؟..
و انت؟؟..
انت موش ابوي ما تدفعها؟؟
.._و انت ي بابا..ما بتقدر؟..
-انا مالي و مالك؟؟..اساسا كنت ضد مشيتك دي من البداية و انتي لمن اتحركتي من هنا ما اتحركتي بي ولا فلس مني و نحنا اتنقفنا علي كدا صح؟؟..يلا زي ما مشيتي اتصرفو تعالي راجعة..ما بخليك تقعدي معاهم اسبوعين دي شنو قلة الادب دي..
ريفان دخلت نفس طويل..
-يلا حاقفل لاني في الشغل انا..و حاضرب اتفاهم مع امك في موضوع رجعتك دي..
_طيب..
مرقت منها بي ااخر نفس فيها..
-يلاا..
و طوالي قفل الخط..
#يتبع..

#جميلة_متهورة_والوحش_الصامت_7
"This is only the beginning of the limitless me💚🌸..!!! -NCT💚- "

ريفان حست بي روحها مخنوقة..
لمن سمعت صوت القفلة في تلفونها شهقت بي صوت عالي..
دخلت نفس طويل جواها و مرقتو..
كانت واقفة قصاد الباب البي ورا بي لفة المطبخ..
كان في عتبة قدام البةب مقابلها..
مشت بعدت فيها و هي متحيرة..
كانت لابسة عبايتها لانها لابسة قصير..
بس الزارير طلها فاتحة..
قعدت و غطت رجليها بالعباية و هي بتعاين للسماء..
كان المكان كلو مظلم و البيت كلو نايم..
و لو لا انوار الشارع..
ما كانت بتقدر تشوف زاتو..
و صوت المطرة و هي بتضرب الارض كلنت مستوليه علي كل شيء..
الجو كان باارد و الهوا دا بمششي و بجي فيها..
كان في زي شوية مظلة مغطياها بي فوق..
لكن من كترة ما المطرة و الهوا قويات..
كانت حاسة بالمطرة في ظهرها..
كانت عاوزة تطلع فوق عشان ما يجي زول يشوفها قاعدة كدا..
بس ما كان فيها حيل والله..
ختت يدينها في راسها و هي شوية بتلعب بي شعرها و نقاشها مع ابوها بس بشتغل و بقيف في راسها..
ريفان كل شوية الدموع دي تجي جمب عيونها..
تعاين لي فوق و تقعد تضحك..
ما لانها عاوزة..
بس لانها من كترة ما كان نفسها تبكي لكن في اوقات غلط..
كان دايما بتوقف الدموع..
بقت عادة عندها..
لا..
في الحقيقة..
اكتر من عادة..
ممكن عادي تقول مرض..
لانها حسي حتي لمن تكون عاوزة تبكي..
لا اراديا بتمنع الدموع..
و دي حاجة كعبة..
اعتقد اسوء شعور ممكن يصيبك هو انك تكون عاوز تبكي بس ما قادر..
لمن الدموع تصل عيونك لكن فجأة تقيف..طوالي بتحس بي حاجة خانقاك..ماسكة حلقك دا بي قوة و تحلف تقول في شيء مربوط..لدرجة انك لمن تحاول تأخد نفس عشان تتنفس..الهواء بدخل لي رئتيك بس والله تحس بي الوضع اسوء من الخنقة..
و الخنقة تستمر لحدي ما ربنا يفرجها عنك..
في حين انو لمن تبكي بتحس بي راحة شوية..
بس وييين..
ما اعتقد خي متزكرة اخر مرة بكت فيها زي الناس كيف زااتو..
ريفاان كانت بتعاين للسما..
و كل مرة الدموع تصل لي حافة عيونها تقعد ترمش كم مرة لامن ما ترجع و الخنقة بتزيد زيادة..
و تتزكر كلمات ابوها..
و تأخد نفس عميق..
و الخنقة تزيد زيادة..
تقعد تضحك علي ضعفها و الخوفة البتدخل فيها دايما..
و الالم يزيد و يزيد..
ريفان بقت بتتنفس بصوت عالي..
شهيق و زفير..
حست بي نفسها قطع لمن اتزكرت انو ابوها قال ليها
"دايرة تتعلمي لي حركات امك الغبية دي؟؟.."
ابوها كيف يقول عن امها غبية كدا ليها؟؟..
حست زي و كأنها كانت بتجري ليها ساعات و ما قادرة تجمع انفاسها..
صراحة..
كانت متوقعة اليوم دا ينتهي كدا..
بس طلع بي سبب تاني خااالص..
و دا الخوفها زيادة..
السبب الحقيقي البقتل منتظرها لمن ترجع..

♡♡♡♡♡♡♡♡♡♡♡♡♡♡♡♡♡♡♡♡

حازم جا داخل البيت..
لسوء حظو المكتبة قفلت الليلة بسبب العاصفة..
لسوء حظو فوتها..
كان شايل في يدو بعض الحاجات الاشتراها و نفسو طلعت من انو ياكلها اول ما لقي المكتبة قافلة..
حازم دخل براحة و هو بتنفض من المطرة..
شعروا كان مليان موية و تحس بي انو غسل وشو لبي حاجة..
دا كلو لانو بس وقف العربية برا ما دخلها جوا..
حازم دخل المطبخ و هو لسا بتنفض..
كان شايل الكيس في يد و الاسورة في يدو التانية..
المكان كان مظلم و نور الهول هو بس الكان ساندو..
ي الله ي الله شايف..
بس دخل و ختي الكيس في التربيزة..
بس انتبه انو سامع صوت المطرة..
و انو المطبخ بارد زيادة عن اللزوم..
حازم فكي كل شيء من يدو و بقي بعاين لي الشبابيك..
في واحد فاتح؟؟..
لا..
كلهم مقفولات..
حازم مشي علي الباب البي ورا..
كان في الثلاجة قدامو طوالي في نهاية المطبخ علي الشمال...
حازم وقف في مكانو اول ما لمح القدامو..
انوار الشارع كانت المرة دي سانداه و هو بعاين لي برا..
ضربات قلبو زادت شوية لمن عاين لي وشها..
ريفان..
كانت بتعاين علي يمينها..
الزهور علي حسب علم حازم كانت بالجهة ديك..
عيونها كانت محمرة و تحس بيها كانت بتبكي..
بس لانو هو حازم و هو بعرفها كويس..
كان كمان عارف انها ما كانت بتبكي..
ابدا..نهائي..
كان عارف انها زي كل مرة بشوفها فيها..
بتمنع في دموعها..
لا بالجد!!..
البت دي ليه لاحقاه في كل مكان ماشي ليه؟؟!!..
سواء هي او حاجاتها ااو اي حاجة ممكن تزكروا بيها..
ليه موجودة في كل زوايا حياتو؟!!..
حازم حسي بي شوية غضب جواه..
ما كان عارف ليه؟..
لانو ما فاهم البت دي ليه مكرهاه كدا في حياتو..
ولا لانو هو شايفها كدا دايما..
بس هو عارف انو مستغرب..
و ما بقدر ينكر فكرة انو عندو شوية فضول من انو يعرف قصتها..
علي حسب علمو من لينا..
البت دي عايشة حياة طبيعية..
طبيعية جدا جدا جدا..
بس اذا كانت طبيعية..
ليه بتعاني كدا و بتعمل في روحها كدا؟؟..
ريفان قامت ترمش و هي بتعاين للسما..
و بعد ملي ثانية..
قعدت تضحك تاني..
هدي بتعملها تاني..
تمنع روحها من انها تبكي..
دي ما اول مرة حازم يشوفها بالمنظر دا..
عيون محمرة..حركة انها تعاين لي فوق و ما تخلي الدموع..و انها تتنفس بي صعو

بة..
حازم تني راسو بالجمبة لانو بالجد كان متحير..
متحير فيها جدا..
اتلفت و قبل عشان يطلع..
كان بردان و نعسان..
دايما بقول لي روحو امكن بس ما عندها موضوع..
بتكون عاوزة تبكي في اي حاجة..
ولا عندها قصة مع واحد من اهلها و كل شوية بحصل ليها كدا..
حازم هزا راسو وهو طالع فوق السلم..
ما ناقصو وجع راس هنا..
كفي العاملاه فيه في الجامعة..
و اساسا الموضوع ما بستاهل..
زايدا علي دا كلو هو نعسان اكتر من اللازم..
حكي راسو بي ورا و المفتاح وقع من يدو..
حازم قبل وراه و لقاه وقع جمب الارض بعد ما ركب نص السلم..
رجع تاني نزل عليه بي كسل..
اول ما وصلو جا يدنقر عشان يرفعو..
بس شاف ليك ظل مارق من المطبخ..
و اعتقد كلنا عارفين انو مافي روح في المطبخ دا غير زول واحد بس..
حازم نطط عيونو و في ثواني هي ظهرت جمب السلم..
هو طوالي شال المفتاح وفي ثواني اقل منها ركب السلم..
لحسن حظو السلم ملولو..
حازم ركب بسرعة و وصل لي لفت غرفتو علي اليمين و جررري عليها..
هي زاتها ما بتقصر..
ركبت السلم بي سرعة..
و اعتقد انو هو لو كان ابطء بي ملي ثانية..
كان لمحت ظلو و هو بقيف جوا علي الممر..
حازم وقف و بقي متاكي في الحيطة..
و عينو ليها ركبت السلم..
كانت ماشة بي كلس علي غرفتها..
و في ثواني اختفت من قدامو..
كان حاسي بي ضربات قلبو في اضانو..
المتخلف دا ما كان عارف روحو متوتر كدا ليه زاتو..
لانو خايفها تشوفو ولا لانو ما عاوزها تشوفو..
يااخ انعل ابو دا تخلف بضربو بي سبب البت دي زاتو..

♡♡♡♡♡♡♡♡♡♡♡♡♡♡♡♡♡♡♡♡

ريفان فتحت عيونها من النوم..
كانت حاسة بي انو وشها مورم و كل شيء فيه..
عيونها..
خشمها..
نخرتها..
حني جضومها..
و من كترة ما نخرتها مقفولة..
ما قادرة تتنفس بيها زاتو..
رفعت راسها براحة و هي حاسة بيه قدر الكورة..
قشت وشها من الدموع الفيه...
علي ما يبدو انها ما بتقدر تبكي و هي واعية..
ف بقت عادة انها تبكي و هي نايمة..
نادرا ما تصحي كدا و هي تكون بكت و هي نايمة..
بس حصلت ليها قبل كدا ف هي ما مستغربة كتيير..
قامت و استحمت و صلت بعد ما جهزت و ظبطت روحها كويس..
طات رقدت في السرير تاني و هي بتعاين للتلفون..
لقت في مليون رسالة من محمد..
بلعت علي ريقها..
بقت انو معظمها بقول ليها انتي كويسة؟؟حصل ليك شيء؟؟ابوك قال ليك شنو؟؟ردي ي بت!!..
حتي اتصل عليها قبل دقايق..
بس هي لانها مصمتاه م سمعت شيء..
شكلو ابوها ضرب بستف امها و خالها علي الحصل..
عاينت ل شاشة تلفونها و هي بتقرا في رسايلو..
فجأة ظهر ليها اتصال من محمد تاني..
احمم احمم..
ااا...ااا..
حاولت تطلع منها صوت عشان ما يكون ظاهر عليه انو مكسور..
و بعد الرنا التانية ردت عليه..
_الووو..
-الووو..
_مالك من الصباح فجأة كدا خزفتني..
-انتي كويسة..؟؟..
ريفان سكتت لي ثانية..
الاهتمام و الخوفة الفي صوتو ضعفتها..
_اااي في شنو؟؟..
-طيب مالك ما بتردي؟..
_امبارح اتكلمت مع ابوي و صمتت التلفون بعد داك..
حاولت قدر الامكان تقول الجملة بي بهجة و نبرة عدم اهتمام عشان تدس الانكسار..
-شاكلك؟؟..
_نوو بس سبا ليكم سب..
قالت الجملة دي بي ضحكة..
حست بيه سكت بالطرف التاني لي ثواني..
_ليه قال ليكم حاجة؟..
محمد طلع نفس طويل و هي متخيلاه بهبش في وشو حاليا زي كل مرة لمن يكون متحير..
-ابوك اتصل علي امك و زفاها و زفاني و قال لينا نرجع ليه بتو بسرعة..
_ههه..تصدق او لا لكن عارفة قبليك..
-المشكلة انو كان جادي في موضوع رجعتك البدري..
ريفان حست بي قلبها اتقبض..
لانها عرفت انو الكلام ما انتهي هنا..
و انو الجاي ما حيبسطها اصلو..
_..
-ابوك ما عاجباه فكرة مانشستر اصلو..
_بدرتو التزكرة..
محمد سكت..
و سكوتو دا كان التأكيد لي ريفان..
ريفان قامت علي حيلها من السرير و هي خاتة يدها في راسها..
_عملتوها متين؟..
-ابوك قال نركبي في اول طيارة متحركة من هناك..
_متين؟..
-بعد يومين..
اقسسسم بالله..
ريفان حست بي قلبها يوقف لي ثانية و يرجع يضرب مليون مرة في اللحظة لمن قال ليها كدا..
ليييه؟؟؟!!!..
ليييهههه؟!؟!..
للللليييييييييييهههههه!؟!؟!؟!؟!؟..
ريفان كان نفسها تقعد تصرخ و تكورك و تجر شعرها و تنط من البكلونة مرة واحدة..
بس للاسف هي بس بقت قاعدة و خاتة يدها في خشمها من الخلعة..
-الو..
_امم..
-..
محمد ما رد..
حسي يقول ليها شنو؟..
انا اسف لاني خربت لبك باقي ايجازتك..
انا اسف لاني ما موجود معاك في اللحظة دي؟..
ولا انا اسف لانو مرتي ولدت و انا السبب في كل شيء..ما بس شريتك انتي و كل خططنا لكن كمان وديتك لي موتك و من غير ما استشير ابوك و حسي انتي في مشكلة معاه بي سببي؟؟..
يقول ليها شنو بس؟؟!
و ريفان انتبهت ليه..
_طيب و الطيارة من لندن؟..
-ايوا..
_امم..يعني حارجع لندن براي و من هناك اركب الطيارة رجعة السودان برااي..
محمد سكت بس..
_يعني ابوي شايف انو احسن اتشرا في القطر براي و امشي براي في مدينة لندن عشان اجي راجعة السودان احسن من اني اقعد مرتاحة في مانشستر؟..
-ما تقولي كدا عن ابوك..
ريفان طلعا نفس طويل.

.
_و الدفع القرةش دي كبها منو؟..
محمد ما ردا..
_اكيييد ما ابوي...اكييد قال لي امي تدفعها صح؟..
-امم..
_و امي جابت القروش من وين؟..
محمد برضو ما ردا..
_كم هي طيب؟..
-ما كتيرة والله..
_انتي قايليني غبية..تعديل التزكرة لي يوم زي دا اقل شيء 260 يورو..انا عارفة كويس..
-..
_الدفعها منو؟..
-انت مالك ي بت..بس المهم تجي..
_دفعتها انت صح؟..
-دفعتها امك..
_من وييين؟؟؟..امي جابتها من ويين؟؟؟..
نبرة صوتها زادت في الجملة دي..
كلنت مليانة غضب و زغل و الم في نفس الوقت..
-..
_انا جعانة و ياداب صحيت والله..رسل لي التفاصيل دي بعدين...بضرب ليك بعد شوية..
و تييين..
قفلت الخط..
قفلت لانها خجلانة..
لانها عارفة انو هو الدفعها في النهاية..
خجلانة من تصرفات ابوها مع امها و من ضعف امها قدام اخوها الصغير و من شفقة اخوها عليها و علي بتها..
خجلانة لانها كانت حمل علي ضهروا تاني..
لانو رغم انو ما ابوها ولا مفترض يكون بدفع كدا ليها..
لكن هدا ليه دفع قروش تاني..
رغم انو هو الدفع قروش التزكرة الاولة عشان خاطرها..
بس هدا دفع تاني عشان ابوها حضرا سيادتو في حالة غضب و تخلف..
استغفر الله..
ريفان قعدت تمسح في وشها و تستغفر ما صاح تقول كدا ما صاح..
قامت علي حيلها و اتنفضت..
حسي اكتر جاجة مزعلها شنو؟؟..
انها راجعة قبل وقتها بي كتيير!!!..
رقدت في السرير تاني..
للتو نفسها مرقت من كل شيء..
عاوزة ترجع تنوم تاني بس..
ما عاوزة ااي شيء تاني..
لكن هي لازم تتنفض تقوم..
لازم تتحرك و تلم حاجاتها..
لانو اذا عاوزة ترجع تلحق طيارتها..
هي من بليل لازم تتحرك علي لندن عشان لمن تصل هناك تمشي علي المطارر..
ممتااز!!!..
عارفيين لييه ممتااز؟!؟!؟!..
لانو و خي بتفكر حسي..
حتكون تانؤ حمل علي ابوبكر يوديها و يرجعها للقطر و يشيل همها..
ريفان اخدت نفس طوويل و هي راقدة في السرير..
غمضت عيونها لانو ما كان فيها حيل تخلؤهم فاتحات تاني..
و اعتقد بدون ما تحس و كدا و فجاة لقت روحها بين النايمة و الصاحبة تائهة بين افكارها..

♡♡♡♡♡♡♡♡♡♡♡♡♡♡♡♡♡♡♡♡

حازم فتح باب الغرفة بسرعة و هو بعاين يمين و شمال شمال و يمين..
مافي..
اتحرك علي السلم براحة..
يمين و شمال و تحت..
برضو مافي..
نزل من السلم بسسسرعة و جررري علي المطبخ..
اساسا شعروا لسا شوية منكوش و لابس الترؤنينغ و الفنيلة البيضاء..
دخل المطبخ و عاين..
كان طبعا مستغرب جدا لانو ما بس مافي اثر ليها..
لكن كمان لي باقي البيت..
حتي النانيز حقنهم مافيشات..
عينو بس لي محمود قاعد في الكرسي بياكل في بانكيك براحة و بي مزاج..
ااهه..
كعادتو..
عاين ليه و طوالي عينو اتحركت علي المصطبة الجمبو..
السبب الخلاه يقوم مخلوع و يمرق من غرفتو..
الاسورة..!!!
زفففتتت الاسوووورررةةة!!!!
اقولها تاني لانو امككن ما حاسين بي خطوورة الوضضع..
ز ف ت ا ل ا س و ر ة!!!..
حازم مسي علي المصتبة..
عاين للاولة و للتانية و للتالتة و يدينو جوا جيبو و في اصوات جواه بتقول كلام متناغض..
بعض يقول اكيد احد النانيز لمتها دا المنطق..
و الجزء التاني بقول احتمال هي الشالتها..
بس اذا هي الشالتها ما اعتقد تكون هادية كدا سااي...
يعني صراحة لازم تكون انفزعت شوية..
اعني الموصوع ما حاجة بسيطة..
الاسودر اكيد حقتها.
اساسا فيها توقيعها المشهور..
ف لو كانت لقتها اكيد لازم البت تكون شكت في حاجة..
دي اسورة حقتها ضايعة ليها اكتر من سنة..
تجي فجأة تلقاهاا في النص التاني من العالم في مطبخ صاحب خالها؟؟..
ما حاجة تخوف؟؟..
لكن صراحة..
ما اعتقد لقتها..
لانو و هو حسي بتزكر..
هي جات مارقة طوالي..
ما اعتقد شالتها..
لمن جا نازل يرفع المفتاح تاني و شاف ضلها مارقة..
داب ما ركب و انحشر ي الله جلي من ان نها تشوفو..
معناتا شنو؟
معناتا استحالة تكون لقت وقت تقيف و ترفع حاجة و تتعرفها حقتها و تتخلع و تشيلها..
ما اعوقد في حاجة في النص زاتها بتسمح ليها تشيل حاجة و تعاين ليها خلي الباقي..
حازم طلع نفس طويل...
حاجة تطمن شوية..
قبل مشي يتم نومو..
اساسا هو بس قام مخلوع..
فتح عينو و دخل يدو جوا جيب البنطلون المعلقىجمبو في السرير عشان يطلع تلفونو و ما حسي بالاسورة موجودة...
و بي عين فاتحة و التانية مقفلة..
شبه اتزكر انو امبارح دخل بيها هي و المفتاح في يدينو و مرق بس بالمفتاح و اليد التانية فاضية..
حسي جا مخلوع و ضيع وقتو ساي من غير ما يفكر في سريرو..
عشان بس يثبت لي روحو تاني هو متخلف قدر كيف و انو عدم التفكير دايما بضيع زيادة وقت..
حازم ركب السلم و كان ماشي علي الممر حقهم..
بس لاقاه ابوبكر و هو نازل..
شكلو ماشي الشغل..
ابوبكر ابتسم ليه و مشي بي جمبو عشان ينزل السلم..
_ابوبكر..
ابوبكر وقف و قبل عاين لي حازم و رفع ليه حواجبينو..
-امم..
ابوبكر اتلفت عليه و ركز معاه..
حازم دا نادرا ما يتكلم..
لكن لمن يجي يتكلم..
ما بقول فارق..
كان متأكد انو الموضوع حيكون لافت لي انتباهو..
ف عشان كدا ركز..
_عاوز اعرف اعراض مرض the smiling depression..
ابوبكر ما قدر

يمسك نفسو..
حواجبينو اتلاقو وتني راسو بالجمبة..
-فجأة كدا؟..
حازم رمش ليه..
اعتقد الولد دا الا تخنقيه عشان تمرقي منو تفاعل..
-خصص سؤالك اكتر..
حازم دخل يدينو جوا جيبو..
_يعني عامة مرض ال smiling depression دا..ممكن عادي يصيب ااي زول؟..
ابوبكر ابتسم..
ما اعتقد في حاجة في الدنيا بحبها اكتر من الفلسلفة..
ف عشان كدا برضو هو دخل يدينو جوا جيبو و مشي علي حازم..
-اعتقد نص الكوكب مصاب بالمرض دا بس هو ما عارف..
حاوم عاين ليه..
-بس هو زاتو اعتقد فيه مراحل و المراحل الاخيرة فيه بتدخلك في امراض نفسية تانية و خطيرة..
حواجبين حازم اتلاقو..
-اعتقد كل زول بعاني من مرض نفسي مزمن لاازم يبدا او يجي ماري بي المرض دا..
_و دي ياتو مرحلة فيها لمن يكون الزول ما قادر يبكي و لمن الدموع تصل عينو فجأة بتوقف و بترجع؟؟..
-هممم..ما بقدر اقول..
الاستياء ظهر في وش حازم..
-صراحة كدا الله لا كتر غير الامراض النفسية البتصيب الانسان..ممكن تكون طبيعي و تطلع مصاب بي مرض نفسي..او انسان دايما منفسن لكن تطلع طبيعي جدا..
وش حازم فجأة بقي بلانك..
حاجة فارغة...
ملامح وشو البادرة رجعت تاني..
انعل ابو البرود زاتو..
ابوبكر ضحك..
-في النهاية 'وما خُفي اعظظم..'
_طيب بتأدي للانتحار؟..
صراحة..
حتي حازم ما عارف السؤال دا جا من وين خليه يجي مارق من خسمو هو زاتو ف ما تسألوه..
ابوبكر دخل نفس و طلعو..
-ما عاوز احبطك بس كل قضية بتختلف عن التانية..لو جينا للصراحة..فكرة الانتحار دي بتجي في راس ااي زول..بس في فؤق بين التفكير فيها عموما..و التفكير فيخدها جديا..
احححييي انا من محاضرات ابوبكر دا..
حازم كان بدي يندم الريدي انو فتح خشمو..
ابوبكر انتبه ليه و قعد يضحك..
-لكنن ااي..ممكن عادي تأدي للتفكير بالانتحار..و اذا الزول ضعيف ممكن يحاول يفكر فيها و يحاول يطبقها..و حتي ينجح و لو بالصدفة..
حازم بلع علي ريقو لمن سمع الكلمات دي..
الجاب فكرة الانتحار دي حسي شنو؟؟..
متخللف والله هو..
اعتقد دا عدم النوم بعمل فيه كدا..
حادم قبل عشان يمشي و مششششي دخل غرفتو و قفل عليه الباب..
كفااه تخللف لليلة..
#يتبع..

#جميلة_متهورة_و_الوحش_الصامت_8

"لم يكن الوضع طبيعيا ابدا..لا ابتسامتها ولا فرحها ولا حتي صوت ضحكاتها.."

ريفان اكنت واقفة قدام ابوبكر و شنطها في يدها..
و ابوبكر بعاين ليها بي استغراب..
علي ما يبدو هي بعد ما غمضت عيونها بالجد نامت..
رغم انو نومها ما منو فايدة لانها كانت نصف نايمة نصف بتفكر..
و كأنو دي حاجة طبيعية اساسا..
ابوبكر عاين ليها واقفة قدام الباب و ماسكة شنطها في يدها..
حواجبين ابوبكر اتلاقو و اثيتو لي ريفان انو ما عارف شيء..
ممتاز..
محمد م وراه..
تمام التمام..
دا الناقصها..
-في حاجة؟..
يب..
دا تماما الناقصها..
تقعد تشرح موقف قاتلها لي زول هو جزئيا بسببو..
استغفر الله..
-لا حول ولا قوة الا بالله..في شنو؟..
ريفان عاينت ليه..
علي ما يبدو استغفر الله دي مرقت من خشمها بوضوح..
_في حاجة حصلت في السودان..ف عشان كدا لازم ارجع..
-فجأة كدا بدون سابق انذار؟..
_والله حتي انا خلعوني..
ابوكر سكت و تاني نطط عيونو..
-عشان كدا محمد بضرب من قبيل..
و انت ما فكرت ترد؟؟..
-واساسا ما فكرت ارد..قلت عاوز يشتكي من حاجة..
ممتاز..
-طيب دقيقة بس..ارجع ليه و افهم منو..
_لا مافي داعي بس-
ابوبكر قاطعها..
-شكلك زهجانة و قرفانة من روحك و ما عاوزة تتكلمي ف ما حاجبرك..
ريفان سكتت..
-زايدة عاوز اتشكال مع الولد دا لانو كان مفروض يصر اكتر لو الموضوع خطير كدا..
و ابوبكر طوالي طلع تلفونو و مشي جوا..
ريفان كانت واقفة قدام الباب..
حست بي شوية احراج..
هي واقفة قدام بيت ناس ليها ساعة و م عارفة تمشي وين ولا تسوي شنو..
انعل ابو دي مواقف بتحصل ليها زاتو..
ريفان ختت شنطة الضهر في الارض..
كانت عطشانة و حاسة بروحها مخنوقة..
امكن الموية تخفف عليها شوية..
حركت نفسها نحو المطبخ..
كانت عاوزة تشيل الموية بسرعة و تمرق و ما عاوزة تلاقي زول..
حركة شينة عارفة لكن اصلو ما نفسها تلاقي دانية..
تقول ليها شنو..
اساسا هي يداب اتعلمت تدخل فيها حسي دي..
يعني تسوي شنو..
ما عندها اخلاق..
بس حركة ما ظريفة..
بس هي اخلاقها في نخرتها و يالله ماسكة نفسها من انها تطعن زول..
مشت علي الثلاجة و فتحتها..
طلعت ليها باقة موبة و قفلتها..
و اول ما قغلتها ليك وبقت تشرب في الموية بس تسمع ليك صوت يقول "so your finally leaving"..
اقسسم بالله من الخلعة الموية اتكشحت في وشها لمن
رجعت يدها لي ورا..
و ما انسي اذكر انها شرقت و بقت بتكح و كأنو حياتها معتمدة عليه..
وشها بقيي احممممر و عيونها محمرة و هي لسا بتكح..
و وشها مليان موية..
البت شرقت و الموية نزلت من نخرتها..
دا كلو و الشيء الاتكلمت ما قررت تتحرك شبر..
بعد ما شوية وعت بي روحها و قشت دموعها..
رفعت راسها عشان تقيف عديل و تعاين تشوف الحصل شنو...
لقت ليك الشافع الجعبوصة داك واقف قدامها..
اعتقد اسمو كان محمود اذا ذاكرتها ما خانتها..
ريفان عاينت ليه و هي بتتزكر في الجماعة القالها..
-انتي ما بتفهمي انجليزي؟
ريفان عاينت ليه..
_ااي ما بفهم..
ضحك ضحكة استهتار..
-ي بت الحمار بفهم الانجليزي..اذا قلت ليه left بمشي شمال و اذا قلت ليه right بمشي يمين..
ريفان رفعت حواجبينها..
ما تفوتكم النبرة المستفززززةةةةةة جداا جداااا جدااا في صوتو..
اخخخخخ!!!..
اتخيلت نفسها تطعنو في اماكن مختلفة ممكن يموت في ثواني!!..
ااي هي للدرجة دي الغضب مصبوب فيها..
-ولا انتي ما بتفهمي عموما؟..
ريفان لفت عيونها..
_dude how old are you??..
محمود رفع حواجبينو..
out-there you go..your brain finally decided to presses something..
_kid you need to stop saying this shit..
-what shit?..
_trying to smart ass your self in a conversation..
محمود سكت..
بلع علي ريقو وعاين ليها..
ريفان حست بي انتصار..
اساسا لاقتو بس مرتين او تلاتة ما اعتقد بفوتو الخمسة..
لكنن رااافع ليها كثافتها بشسكل!!..
شاافع لئييييم!!!..
تحس بيه بحاول يفكر في رد عشان يقصف ليها جبهتها..
-kim glad your leaving..
_well at least there is something mutual between us..
طلع نفس طويل..
عاوز يسكتها..
لاازم يسكتها..
-you have a bloody ugly face..
ريفان قهمتو و قررت تحررقو زياادة..
_aaawwww...you sound so cute saying bloody..do even know how to spell it?..
محمود عاين ليها..
-girl you better watch your self..
ريفان ضحكت..
_and kid you better get out of my face..
ريفان مرقت برا المطبخ و هي مارة بيه..
-hope to never see you again..
ريفان طوالي ردت..
_too bad because I'll make sure that we shall meet again..
و طوالي مرقت..
يااخ ابو دي لماضة ممكن تتكب داخل حاجة عسل و كيوت كدا..
ما يفوتكم الشافع حلو و كسار قدر كيف..
خسارة والىه خسارة و الله خسسااررة..
ريفان جات مارقة و لقت نيفين و ابوبكر منتظرين...
نيفين..
شيت نيفين..!!
رغم انو ريفان ما احتكت بيها شديد..
لكن بس اليوم القعدت فيه معاهة و اكلت و اتونست معاها لي ساعات و ساعات بدون ما ينتبهو..
لا شعو

ريا زرعت نفسها جوا قلب ريفان و ريفان حبتها بالجد..
حبت صوت ضحكتها لمن كلنت بتحكي ليها مواقفها الفبية مع المواصلات..
و صووت الصدمة و طريقة نطيط عيونها لمن توريها التساليم العليها..
و القلق البترسم في ملامح وشها لمن توريها التعب و الارق و عدم النوم البتمر بيه..
و نظرة الاستغراب و الفهم في نفس اللحة البتظهر في وشها كل ما ريفان تقول ليها انو برضو راضية و برضو فرحانة لانها بتحب مجالها قدر كيف..
دي ما تسألوني منها..
بس بتحصل!!..
ريفان حست بالدمووع..
كان نفسها تتعرف عليها اكتر و اكتر و تصاحبها و تدخل فيها اكتتر..
بس حياتها اصععب من انها تدهيا الفررح بكل سهولة كدا..
و هي الغبية لوهلة اتغشت..
مشت علي ابوبكر و هو بقول ليها
-لازم نتحرك عشان ما نفوت الطيارة..
ريفان ابتسمت ليه..
كان نفسها برضو تقعد شوية مع الراجل دا و تفهم شخصيتو اكتر..
حزينة و الله حاجة تزعل!!..
و الشيء البوجع اكتر انو هي لازم تجبر الابتسامة و تدعي انو دا كلو عادي و انو ما عندها مشكلة و انها مبسوطة برضو للاخرة..
-كان نفسسي تقعدي و نتعرف علي بعض اكتتر..حبيتك بالجد..
_حتي انا والله..بس مافي مشكلة المرة الجاية اجي بنجيكم مخصوص المرة دي ما تكون زيارة ساي كدا..
ابوبكر قرر يتكلم..
-المرة الجاية تكونو معانا في مانشستر ان شاء الله..
ريفان عاينت ليه..
-خالك بفكر انو هنا احسسن ليه من البلد المزحومة ديك..
ريفان ابتسمت ليه..
_من زمان هو كدا..
-بس انا بطلع ليه لندن دي من راسو و اطيرو منها فد طيرة..بخليه يجيني هنا و تشوفي..
ريفان ضحكت ليه..
حست بيه بالجد جادي و بتحدي فيها..
_خلاص تمام نشوف..
مع اصرار ابوبكر تخليها تحس انو لو ما هي بتعرف محمد كويس و تعرف تعلقو ب لندن قدر كيف..ممكن تخت احتمالية جيتو هنا عادي..
بس نحمد لمن يشبك في حاجة مسسسستحيييل يتخلي عنها..
و لندن بتعني ليه الكتير و الكتير جدا..
طلعو و ركبو العربية متحركين علي محطة القطر..

♡♡♡♡♡♡♡♡♡♡♡♡♡♡♡♡♡♡♡♡

حازم وقف يعاين و سسمع في النقاش من فوق..
ماشة؟؟؟..
قررت فجأة تختفي و ترجع..
علي ما يدبو بس لحق ابوبكر و هو بقول ليها 'يلا اررح ما نتأخر علي القطر..'
نزل لي نيفين بعد ما مرقو
لقاها زعلانة..
حازم استغرب طبعا..
و في نفس الوقت فاهم..
صراحة كدا..
عارف اختو طبية قدر كيف و ممكن لو قتلو نملة جمبها تزعل🙂💔..
بس برصو مستغرب في ريفان..
غريبة انو اختو دخلتها جواها بالسرعة دي..
رفع حواجبينو و هو بلاحظ لي حاجة..
هو اساسا مبعرفها و مل بعرف شخصيتها..
صراحة..
هو بس بعرف اسمها و شكلها و بعض الحاجات الجانبية الاتعلمها منها من مراقبتو ليها من بعيد..
لا..
اسفة..
اصلح نفسي..
ما مراقبة من بعيد..
بس انتباه عشوائي لانو ما عندو شغلة..
دا طبعا كلامو مع نفسو..
لكن صراحة الموضوع مثير للسخرية..
هو لسا ما قادر يتجاوز سخافة فهم انو المخلوقة دي لاحقاه محل ما ماشي..
طبب مافي مشكلة..
نقول هي ما بتعرفو و لا بتعلم عن وجودو زاتو..
ما اعتقد حصل عاينت ليه في وشو ولا مرة حتي في الجامعة..
لكن تتخيلو سخاافة القدر لمن يجيبها قدامو في غرفتو في النص التاني من العالم و هو مارق من الحمام!!!..
حسي دي ما المشكلة..
المشكلة انو شكلها ماشة لندن براها..
حتقعد مع منو؟؟
حازم اتلفت عاين لي نيفو..
يسألها؟؟.
لا..اكييييد..
هو مالو؟..
يااخ حريقة في لندن و فيها ما عندو شغلة..
لكن البت حتعمل شنو هناك..
استحالة تقعد براها..
امكن راجعة السودان..
لا..
طيب اذا راجعة براها..
معقولة تتحرك من محطة القطار براها للمطار عشان تحصل طيارتها..
و هي معاها الشنط دي؟..
ياخ مالك و مالا؟؟..
تطلب تاكسي من المكان بوصلها..
الله لا سهل فير التكنولوجيا في البلد دي..
حازم اتلفت و قبل يمشي فوق تاني علي غرفتو..
من ما صحي و هو حاسي بي راسو تقيل..
النزلة بدت من حسي..
-حازم..
صوت نيفين خلاه يوقف..
-راجع تنوم؟..
_عاوزة حاجة؟..
-محتاجة لي كم حاجة من الصيديلة اذا بتقدر تجيبها لي..
_..البس الجزمة و اجي..
طلع لبس جزمتو..
اهو ربنا موديه للصيدلية..خليه يشوف حل للشيء الحيضربو دا..
جا نازل تاني و لقي نيفين ماف..
شكلها برا..
حازم مستغرب شدييد طبعا..
من نبرة صوتها تحس بيها زعلانة!!..
حتي هو م بقدر ينكر الفضول الضاربو دا..
لييه؟؟..فيها شنو؟؟..
تاني كل شوية طبعا لتزكر اختو لصقة بتلصق في ااي شيء..
مرق لمن لقاها رسلت ليه الرسالة في تلفونو و اللستة..
ركب عربيتو و دورها

♡♡♡♡♡♡♡♡♡♡♡♡♡♡♡♡♡♡♡♡

ريفان كانت راكبة و ساكتة لامة خشمها عليها من ما ركبت..
و ابوبكر م من النوع البحب الصمت الغريب دا..
-ما لاقيتي حبوبة فاطة صح؟..
ريفان عاينت ليه و سكتت..
هي قدرت تقعد تتنفس اساسا عشان تلاقي زول؟؟..
ابتسمت ليه..
_لا والله..
-طيب ولا ابوي و لا اكيد جدي صح؟..
_ابدا..
-طيب لاقيتي حا-..
و فجأة سكت لي ثانية و حكي عينو و هو بقول تاني بي صوت واطي لدجة انو ريفان سامعة جزء و جزء تاني م سامعاه..
-لا اكيد دا م بتكوني لاقيتيه..هو انا عايش معاه من م جا و

ما بصادفو الا حظا و بس..
ريفان رجعت عاينت للشباك..
حاجة تكسسر والله!!..
لكن م في مشكلة..
الله قاعد..
و حيفرجها عليها يوم اكيد..
دا كلو امتحان لي صبرها و ابتلاء من ربنا..
و في ناس حياتهم اسوء و فيها مشاكل اكععب و اكتر من حقتها..
ف عشان كدا بس الحمدلله..
مافي شيء بسيط ف الدنيا..
و مافي انسان حياتو ساهلة..
ف م اعتقد عندها حق تتذمر..
كل البتقدر عليه انها تقوي نفسخا و قلبها و تمر بالعواصف الجاياها بكل ثبات و قوة و ثقةة..
ف عشان كدا ريفان دخلت هوا يداخلها..
و ما فكتو الا لمن اتأكدت انو كل شعور الفضب و الزهج و عدم الرضا و ا لالم الجواها كلو مرق معاه..
و بالفعل..
حست بي راحة شوية..
او ما شوية..كتييير..
هو في احسن من الثقة و التمسك ب ربنا؟..
رجعت عاينت ام تاني و شوية تحس بالالوان رجعو لي وشها..
طلعت تلفونها و بقت بتهبش فيه شوية و تاني قفلتو..
ابوبكر عاين ليها و تاني قبل..
-مشاريعك مع الجامعة كيف؟
ريفان حكت عينها و هي بتقول
_مطلعة عيني والله..
ابوبكر ضحك
-ما معمار..ما بتكوني بالجد بتقريها اذا ما مطلعة عينك..
ريفان طلعت نفس طويل و هي بتقول
_الحمدلله غايتو..
-عاوزة تشتغلي شنو بعد م تتخرجي
ريفان عاينت ليه..
_امممم..حاجات كتيرة والله..
ابوبكر رفع ليها حواجبينو
-الله!!هو معمار كمان فيه خيارات؟..
ريفان ضحكت..
_نفسي انضم لي منظمات و اقرا تصميم داخلي كمان..
-عجبتني كلمة منظمات بدل منظمة دي..
ريفان ضحكت..
_شلاقة مني بي..
-طيب تصميم داخلي دا مو شء بديكم ليه مع معمار؟..
_ما اعتقد..لكن دراستو لينا اسههل لانو نحنا بنكون ماخدين الاساسيات فهمت..ف ممكن عادي اخد كم كورس كدا و يكون تمام التمام..
-طيب اها و بعد المنظمات و التصميم الداخلي دا..
_هو ممكن يكون في بعدو؟..
ابوبكر ضحك..
-مافي؟
ريفان سكتت..
-حسيت من طريقة كلامك انو دا م كلو..
ريفان ضحكت..
_في شكرة ف الصين نفسي اشتغل فيها..
-شركة معينة؟..
_ما بالتحديد لكن بس هي و كم واحدات ف الولايات المتحدة..اذا تم تعييني فيهم ولو ل كم شهر بس نفسسي..
-وليه بتعايني لبرا..انجلترا دي م عاجباك؟..
ريفان سكتت..
صراحة كدا..
هي مقضية نص حياتها هنا و النص التاني ف السودان..
لكن م اعتقد عاوزة تستقر هنا..
عاوزة تجرب تقعد ف مكان مختلف..
و ممكن تجي راجعة هنا تماما بعد ما تستقر نهائيا سواء بعد الزواج طوالي..اوبعدو بي فترة..
المهم م ناةية تستقر هنا ل اعتقد 10 سنين لقدام؟..
بالنسبة ليها..
مهما حاولت تنكرها..
ايوا بتحب السودان و ناسها و اهلها و كل شسيء بالنسبة ليها قاعد هناك..
و الموضوع م موضوع الاقضل ولا عنصرية..
اكن مهما حصل..
المكان دا هو 'بيتها' حرفيا..
امكن لانها قضت معظم طفولتها هنا..
مغظم التجارب الاولة بالنسبة ليها كانو محصورين في الجزر دي..
او لانو كانت قبل ما توعي و تكبر و تشوف حقيقة الدنيا و المها..
كانت بتصحي تمشي المدرسة تجي تاكل تلعب و تحضر و تعيدو تاني..
حاجة كدا هادية و غريبة..
سكينة ما حصل ولا حيحصل انها تمر ييها تاني..
م مع الحاصل دا حسي..
-م عاجباك؟
صوت ابوبكر خلاها تلتفت عليه..
_اكيد عاجباني..I grew up here..
ابوبكر ابتسم..
-you want to try something new and explore the world..
doesn't everyone wish the same thing?..
-معظم الناس ااي..لكن ف فرق بين الامتنان و الهدف..
ريفان عاينت ليه..
-بالنسبة لمعظم كزكب الارض..الامتنان مسيطر عليه..بتمني الحاجة لكن اعتقد اذا م حصل عليها م حتفرق كتير..ممكن يحاول مرة مرتين و يخليه..لكن الهدف..
ابوبكر ضحك..
-الهدف بالنسبة ليه يقعد لحدي 11 سنة اذا اجبر عليه لكن يحصلها المهم..
كلامو صاح..
كل جملة و حرف و نقطة..
-ممكن تسال زول و تقول ليه انت عاوز تسوي شنو ف حياتك..و جزء يرد..و جزء يسكت..و جزء يسكتك انت بجملة 'هو انا الليلة ما عارف اسوي شنو خلي حياتي'..
ريفان هزت راسها..
-و رغم انو ف فرق بين الاجوبة..لكن صدقيني كل واحد فيهم عندو فرصة في تحقيق المستحيل اكتر من الجمبو عادي..م هو الدنيا شنو غير الاقتناع..انت اذا اقتنعت بحاجة..مستحيل م تحققها او تحصلها..
صح..
-العقل دا..اقوي اداء بالنسبة ليك..و اذا قدرت تتحكم بيه..انت حتكون اقوي من ااي زول تاني..عقلك دا..اذا قدرت تقنعو انك عبقري..والله لو انت اغبي خلق الله تصير عبقري..و ما تقولي دا كلام متخلف و غبي..والله حقيقة..
ريفان هزت راسها..
-ياااخ كلام مثبت بالسنة كمان..الرسول قال لا تتمارضو ف تمرضو..حديثو معناه م تدعي المرض و انت سليم عشان ما بالجد تمرض..و حقيقة الحديث دا و مثبت..معقولة مرة م جربتي تعملي روحك عيانة عشان م تمشي المدرسة و ادعيتي المرض..و بالفعل ضربك؟؟.
ريفان سكتت..
اتزكرت..
كلنا جربنا الحركة الغبية دي قبل كدا..
-مهما حصل ف الدنيا..الانسان لازم يتزكر حاجة واحدة..هو اقوي شيء ف حياتو..
ريفان عاينت ليه..
الراجل دا عندو فلسفة كدا م حصل لاقتها..
فلسفة فريدة..
ما طبيعية..
بتحسي بيه بس بحب ينظر و يقول نظريات ويتكلم و يتكلم..
لكن دفا

عا عنو..
لحدي الان مافي كلام قالو ليها غلط او م اقنعها..
ينفع مناقش..
اعتقد دا من دراستو ل علم النفس..
_درست علم نفس ف ياتو جامعة هنا؟
-تصدقي او لا درستو ف جامعة جورج واشنطن..
_ف الولايات المتحدة؟
ابوبكر هزا راسو..
و اشمعنا..
-حركات مني ساي..
ريفان رفعت ليه حواجبينا
-هروبا من البلد دي؟حب استكشاف؟كنت عاوز اكون مساحة لنفسي براي؟
ريفان تنت راسها بالجمبة..
منطقي..
لانها حاسة بيه..

♡♡♡♡♡♡♡♡♡♡♡♡♡♡♡♡♡♡♡♡

حازم مرق من الصيدلية و هو ماسك الادوية ف يدو..
طلع نفس طويل و هو بعاين للساعة..
لافي ليه 40 دقيقة عشان يلقي ليه نوع معين من الحبوب..
و بعد اعتقد 4 صيدليات لقاهم اخيرا🤦‍♀️💔..
والله تحس بيه عاوز يكفت روحو من الزهجة..
مشي فتح باب العربية و عاوز يركب..
لكن فجأة وقف و عاين للشارع القدامو..
وقف ثانيتين و تاني ركب و قفل الباب و هو لسا بعاين ليه..
الشارع دا بتقاطع مع شارع محطة القطر..
ربط الحزام براحة و هو بس بعاين ليه..
دور العربية..
وقف ف الاشارة و هو واقف ف الخط البلف..
بس الشارع القدامو بودري لمحطة القطر..
السؤال..
اها و يعني؟..
و يعني شنو ادا بودي لمحطة القطر هو مالو؟..
و بعد داك..
عاوز يسوي شنو؟
مخو دا متخلف؟
الولد دا عبيط؟
الاشارة فجأة فتحت و حازم بعد ما كان حيلف..
والله حيلف..
و لجزء من الثانية الدركسون دا لفي يمين..
فجأة فجأة فجأة بقي ماشي طوالي..
يالله!!!..
اعتقد اذا الولد كان بقدر يكفت روحو كان كفتها زمان..
حازم مشي طوالي و بعد ثواني بس لقي روحو واقف قدام محطة القطار..
عوقف العربية و نزل..
نازل ليه؟
ي حماار انت ماشي وين؟
مشي علي البوابة و هو مدخل يدو جوا جيبو..
ماشي شوية شوية..
و بعد ثواني استغفر الله بس قدر يلمح ليك ابوبكر و هو جاي راجع بتكلم ف التلفون..
حازم اتلفت يمينو طوالي..
و بعد كم ثانية قبل وراه و بقي شايف ضهرو..
حازم عاين للممر الجا مارق منو دا..
مشي عليه و بقي واقف..
م بقدر يمشي اكتر من العلامة القدامو دي بما انو م احد الركاب..
هو عاوز يمشي ليه اساسا..
واقف ليه..
عاين يمين و شمال..
استحالة تكون ركبت بالسرعة دي..
لقي ليه جماعة كدا داخلين..
حازم براحة انزفم معاهم و دخل..
حمدا لله الراجل م انتبه ليه..
حازم مشي قداااام..
بقي واقف جمب الصف حق التزاكر..
ياهو تدي تزكرتك و طوالي تركبي..
كمية الناس م طبيعية..
بمشو سااي..
اعتقد لو ما كان بطولو دا ما كان حيقدر يشوف وشو الناس اساسا..
بقي ماشي براحة و هو بعاين قدامو و بعاين للقطارات..
قطر لندن كان السابع شايفو من بعيد..
حتكون واقفة جمبو..
مفروض تكون واقفة جمبو..
بقي ماشي وهو بعاين للقطر و بعاين قدامو..
لو زاكرتو م خانتو الطرحة ديك ياها الكانت لابساها الليلة..
حازم دا اول م لمحها ليك وقف و عاين ليها..
كان اساسا واقف قدام قطر باريس..
فات بص لندن بي اعتقد اتنين..
عينو ليها جاية راجعة و هي بتعاين للتزكرة و بتقيف تعاين للرقم الفوق..
بس الهبلة دي..
الوداها هناك شنو..
حازم طلع نفس طويل و هو بعاين ليها..
و نظرات الاستياء ف وشو..
حسي لو فاتها تقعد تسوي شنو؟..
عارفها كان قعدت ف الواطة تبكي😂..
حازم كان نفسو يمشي يجضمها من جضومها ديل و يفك شوية من فوران و حرقة الدم البتسببو ليه المخلوقة دي..
عاين ليها و هي ماشة ف الزحمة..
و هو واقف لعاين ليها بتقيف و بتجي..
اعتقد هي استسلمت و زهجت..
لانو شايفها فتحت خشمها قالت حاجة للراجل الجمبها..
و الراجل عاين ل تزكرتها و اشر ليها علي القطر الوراه..
رفعت راسها و عاينت و ابتسمت قالت حاجة و لو ما عينو خانوه
'Thnkyou so much..be safe'
هي المرقت من خشمها قبل م تبتسم تاني و تتحرك من مكانها..
جازم عينو ليها جاية لكن المرة دي ب سرعة شوية..
و بركة..
لانو لازم تسرع تحصلو..
ريفان عاينت للتزكرة اخر مرة و تاني رفعت راسها منها..
و جماعة الفلم الهندي حصل..
اوكي😂😂😂💔..
م فلم هندي بس والله لانها قريت منو و هو طويل ظاهر اكتر شيء من بين الناس..
ريفان عينها وقعت ليك علي عينو😂..
دل دل دل!!!..
اقسسم بالله اقسسم بالله حازم دا ضربات قلبو بقي سامعها ف اضانو..
ي ولدي!!..دا شنو دا؟؟..
هو زاتو م عارف!..
حازم م قدر يوقف طعابير وشو زي كل مرة..
الولد جممد ف مكانو..
حررفيييااااا..
حواجبين ريفان اتلاقو..
هي طبعا بالنسبة ليها..
استغربت كيف الولد دا بشبه نيفين و محمود الكانت معاهم قبل شوية ديل..
والله اتحيرت عديلك كدا..
اما بالنسبة لحازم..
دا اول مرة هي تعاين ليه..
سنتين ي جماعة..
والله بعرفها سنتين و بعرف عنها حاجات كتيرة و ف نفس الوقت بسيطة..
انسانة مرزووعة ف وشو محل م ماشي..
و مركز معاها من اول لحظة شافها فيها..
و تصدقو دي اول مرة تعاين ليه..
حازم دا قلبو كان بفط ليه كم ضربات ف كل ثانية..
ليه؟!..
ي اخوانا حتي هو ما عارف!!..
ريفان طبعا حواجبينها اتلاقو بس و طوالي زحت عيونها منو..
بالزات لمن لقتو بعاين ليها..
هي م من النوع البحب يعاين للناس شديد..
بالنسبة ليها..
رفعت راسها و